تحميل رواية «نور الجاسم الجزء الثالث» PDF

روايه: " نور _ الجاسم 🖤💫" البارت (21).

...

جاسم بغضب: انت سامع انت بتقول ايه؟؟!.

الظابط: انا اسف يا دكتور بس دي القوان...

" مكملش كلامه وجاسم نزل فيه ضرب والعساكره اللي معاه حاولو يبعدوه بس فشلو وفي الآخر شادي وعمر بعدوه"

الظابط وهو بيكتم الدم اللي نازل من مناخيره: انا مقدر اللي انت فيه بس دي القوانين وانا غصب عني لازم انفذها.

جاسم بغضب: في الوقت اللي انت بتتكلم فيه ده في لجنه بتفحص الورقه اللي يوسف بلغ بيها..الورقه اللي بتثبت أن هو رد نور..واللجنه هتكتشف أنها مزوره ودلوقتي الظابط هيتصل بيك يقولك ارجع زي الشاطر تاخد يوسف بتهمه ازعاج سلطات..

" الظابط وقف متنح من اللي بيسمعه وكمان دقائق تلفونه رن"

جاسم: رد..رد

الظابط: أيوه يا فندم..

:_____

الظابط: حاضر يا فندم..

: _____

الظابط: اتفضل يا باشا..مع السلامه..

جاسم: اقدر اقولك بقي...غور في داهيه ( وقفل الباب).

جاسم: يلا يا شباب الماتش..

" نور جريت عليه وحضنته وهي عنيها مدمعه"

نور: انا مش عارفه اقولك ايه..انت وقفت جمبي كتير اوي.

جاسم: انتي مراتي يا نور ومن حقي اني اقف جمبك وانتي كمان وقفتي جمبي كتيرررر اوي.

نور وهي بتبعد: انا؟!...

جاسم: اه انتي..وهقولك لما نطلع انتي عملتي ايه.

ملك: احم..يا برو انا سنجل برضو..مش كده راعي شعوري.

جاسم: ههههه..ماشي يا بليله.

ملك: مش هنطلع بقي نتفرج علي الاهلي وهو بيخسر.

شادي: قصدك الزمالك وهو بيتزف..

ملك: نينينيني..يلا يلا نطلع.

" طلعو كلهم السطح وهما لابسين تيشرت الاهلي وملك لابسه تيشرت الزمالك وطلعو السطح اللي كان فروع لمض حمره وطربيزه عليها شيبسي وعصير ولب وحاجات زي كده وقاعدين علي كنبه جلد وبن باج.."

....

يوسف: ممكن أعرف انتو طلبتوني لايه؟!.

الظابط: انت متهم بقضيه تزوير في اوراق رسميه وكمان ازعاج سلطات.

يوسف ببرود: والحل.

الظابط بنرفزه: جري ايه يلا ما تتكلم عدل بدل ما ارميك في الحبس...

يوسف: طب انا عايز اعمل مكالمه.

الظابط: ماشى امسك التلفون اهو.

يوسف: الو يا جابر.

جابر: الو يا باشا.

يوسف: اول حاجه اطلب المحامي بتاعي يجي قسم-- وتاني حاجه ..نفذ في اسرع وقت انت فاهم.

جابر: فاهم يا باشا..سلام.

...

جاسم: جووووووول.. بقولك يا بليله.

ملك بخنقه: عايز ايه.

جاسم: احنا بقينا 2 وانتو صفر ف اظن انك تقومي .

ملك: ده الحكم قابض يا عم.

عمر: الحجه بتاعت كل متش.

ملك: يووه..انا قايمه.

" ملك قامت وشادي قام وراها.

ملك: نعم.

شادي: بحبك.

ملك: انا بحلم.

شادي: بقولك بحبك

ملك:****

روايه:" نور _ الجاسم 🖤💫" البارت (22).

....

شادي: بقولك بحبك.

ملك ببرود عكس اللي جواها: وانا المفروض اقولك وانا كمان.

شادي اتنهد: انا عارف ان ليكي حق تكرهيني..بس انا كان لازم اعمل كده..

مكنش ينفع اقولك وانا كمان بحبك..كنش ينفع اقولك

انا عمري ما حسيت انك اختي..انا من يوم ما اتولدتي وشيلتك علي

ايدي..وانا شايف انك ملكي..بتاعتي انا وبس..حتي جاسم كنت بغير عليكي

منه..انا حبيتك اوي.

ملك بدموع: لايه مقولتش كده من 3 سنين..لايه مكنش ينفع..لايه سبتني

اتعذب وانت بعيد عني..

شادي: كنتي صغيره اوي..خوفت..خوفت يكون ده حب مراهقه ولما تكبري

تقولي انا لايه اتجوزته..ملك انا اكبر منك ب 10 سنين

ده علي اعتبار انك عندك20 سنه...انا كنت بفرح بيكي وانتي بتكبري قدامي..

كنت بقول هانت كلها كام سنه وتبقي ملكي..كنت ببقي نفسي اقولك انا

بحبك بس بخاف..بخاف عليكي انك تكبري وتقولي انا لايه حبيته.

ملك: واتأكدت اني لسه بحبك..الغبي ده ( بتشاور علي قلبها)

لسه بيحبك..بعد اللي انت عملته لسه لما بيشوفك بيحس انك ليك سلطه

عليه..انا قلبي لسه بيحبك يا شادي.

" شادي أبتسم وبيقرب منها هي بعدت وزقته".

ملك بدموع: بس انا مش هسمحله يحبك..انت فاهم ( ومشيت).

'" شادي وقف للحظات بيستوعب اللي حصل..وفاق علي

دموعه اللي نزلت من غير ما يحس..مسح دموعه وخرج بره الڤيلا كلها ركب

عربيته وراح مكان يسهر فيه"

...

جاسم: هو شادي فين يا ملك..

ملك: مشي.. تقريباً راح مشوار.

جاسم: طيب..نور كنز نامت.

نور: اه.

جاسم: طب ممكن يا ملك تنيميها النهارده معاكي.

ملك بشرود: اه..اه طبعا.

نور: ملك انتي كويسه.

ملك: اه..عن أذنكم.

جاسم: تعالي يا نور عاوزك.

حور: دكتور جاسم..انا أسفه بس انا فين اوضه كنز علشان اقدر اهتم بيها وكده.

جاسم: وتهتمي بيها لايه.

حور: علشان انا الناني بتاعتها.

عمر: ههههه..دي صدقت يا برو.

جاسم: لا انا قولتلك كده علشان تقعدي..انا برضو لما اتجوزت نور فهمتها اني هطلقها قريب..بس اهي شكلها هتكمل معايا حياتي وهتقرفني بقي.

حور: بس طبعا مينفعش هقعد بصفتي ايه.

جاسم: عمر..استلم البت دي ( بيشارو علي حور وبيمشي وهو حاضن نور وهي بتضحك علي كلامه).

حور: متبعد شويه يا اض.

عمر: اموت انا في البنات اللي بتقلب سرسجيه دي.

حور: ( ضربته بالقلم وقامت).

عمر: لا دي البت دي عايزاني اعلمها الادب بقي..خدي يا بت.

... ( في اوضه جاسم ونور).

جاسم: نور هو مش انا جوزك.

نور بكسوف: ا..اه.

جاسم: طيب مش..

نور: احم..

" جاسم ابتسم وقفل باب الاوضه"

...

كنز: ملك انتي بتعيطي لايه.

ملك: زعلانه.

كنز: انا مش بحب اسوفك زعلانه.

" ملك حضنتها و شغلت التلفزيون وملك اتنفضنت وقالت"

كنز: ملك..بابي اهو ..اهو.

ملك بصراخ: جاااسم.

روايه: " نور _ الجاسم 🖤

💫" البارت (23).

...

ملك بصراخ: جاااسم..

( جاسم كان نايم جمب نور ..بعد عنها وجري علي اوضه ملك ونور بتجري وراه وهي بتلبس الاسدال).

جاسم: مالك يا ملك.. بتصرخي لايه؟؟!.

ملك: انت في التلفزيون.

جاسم: هنهزر..يعني ده وقت هزار!!

ملك: والله بتكلم بجد..بص ( بتشاور علي التي ڤي).

" جاسم بص وكان واحد شبهه بالظبط بس عنده شويه شعر ابيض قليل جدا..ودقنه كبيرة بس نسخه من جاسم وكنز عماله تتنطط وتقول" بابي يا جاسم..بابي اهو" "

نور: ده شبهك اوي يا جاسم..

جاسم بأستغراب: عادي في ناس كتير أوي شبه بعض مش بيقولو يخلق من الشبه اربعين..

ملك: ده نسخه منك..بس انتي متأكدة أنه ده بابا يا كنز.

كنز: Yes he is My Dad;!.

نور: طب هو طالع في برنامج امريكي يقول ايه..علي الصوت

" ادم كان بيتكلم عن الشغل والشركات والمشروعات اللي هيعملها ومتكلمش عن كنز خالص"

ملك: جاسم كنز بتنام.

جاسم: كويس..انا مش فاهم رجل أعمال كبير زي ده لايه يرمي بنته.

نور: خلاص يا جاسم ربنا هيحاسبه.

جاسم: عندك حق..طب انا داخل انام مش هتيجي ( بيغمز).

نور: ههههه..لا مش هاجي.

جاسم: براحتك يا وحش الكوون.. تصبحي علي خير يا ملك.

...

" حور نايمه في اوضتها وكل شويه عمر يخبط عليها"

عمر: تك..تك.

حور وهي بتفتح: نعم.

عمر: عندكو شامبو؟؟!.

حور: لا عندنا دبادشيب يا خفيف.

عمر: طب ما تجيبي دبدوب.

" حور قفلت الباب ودخلت"

after 5 minutes..

عمر: تك..تك.

حور: يا نعم.

عمر: عم عبد المعبود موجود؟؟!.

حور: يا عمر بطل رخامه..اوووف

after 10 minutes..

عمر: تك..تك.

حور بصراخ: غووووور نااااام!!!

عمر: حاضر يا فوزي تصبحي علي خير.

حور بخنقه: وانت من اهله.

... ( الساعه 5 الفجر نور نازله علي السلم وكانت جعانه جدا نزلت تعمل سندوتش لقت شادي بيطوح وباين أنه سكران جريت سندته بسرعه).

شادي بدروخه: انتي جميله اوي يا ملك.

نور: انا مش ملك يا شادي.

شادي: طب انا زعلتك.

نور: لا خالص..تعالي أطلع بس.

شادي: طب انا بحبك.

نور: ماشي ماشي..تعالي اطلع بقي.

" نور مخدتش بالها أن في حد بيشوفهم وبيكتم عياطه ودموعه اللي نازله"

" في اوضه نور"

شادي بيشد نور: يا بخت جاسم بيكي.

نور بتوتر: ابعد عني يا شادي.

شادي بيقرب:**"".

روايه: " نور _ الجاسم 🖤💫" البارت (24).

...

شادي بيقرب: أنا..انا بحبك يا ملك. ( واترمي علي السرير ونام).

نور وهي بتقفل باب الاوضه عليه: استغفر الله العظيم بيشرب خمره.. خمره.. استغفر الله العظيم.

...

" ملك في اوضتها ضمه رجليها وبتعيط"

...

نور: جاسم..جاسم يا ابني اصحي.

جاسم: ايه يا نور بتصحيني لايه.

نور: قوم شوف شادي.

جاسم: لايه.

نور: نزلت اجيب حاجه اكلها لقيت شادي داخل وباين عليه أنه سكران دخلته اوضته.

جاسم بغضب: سكران..اوعي يا نور من قدامي.

نور: انت هتروحله دلوقتي.

جاسم بغضب: نور خليكي هنا.

نور: حاضر.

...

المحامي: الحمدلله انك خرجت يا يوسف.

يوسف: الحمدلله يا متر..كنت عايز اتكلم معاك في موضوع كبير.

المحامي: اتكلم يا ابني.

يوسف: مش هينفع هنا تعالي نتكلم في اي كافيه

...

جاسم بغضب: شااادي..انت يا اض اصحي.

شادي بتعب: عايز ايه يا جاسم.

" جاسم بيشده من دراعه وقومه وبيزعق فيه ونور واقفه قدام الباب وجمبها ملك اللي خرجت علي الصوت"

شادي بغضب: عاااايز ايه مني بقي.

" جاسم ضربه بالبوكس وفضلو يضربو في بعض جامد والبنات خايفه لأن شكلهم بيضربو بعض جاامد"

ملك: روحي هاتي المناديل من تحت علشان شادي اتعور وأما هروح اجيب مايه.

نور : ماشي.

" نور بتجيب المناديل وحد حط ايده علي بوقها وجمب دماغها مسدس وايده فيها منديل خلاها تنام وخرج بيها بره الڤيلا وركبو عربيه"

الشخص: الو يا باشا..الامانه معانا.

يوسف بشر:****.🌹

روايه: نور _ الجاسم 🖤💫" البارت (25).

...

حور: ملك هي فين نور.

ملك: قولتلها تنزل تجيب مناديل.. معرفش أتأخرت لايه.

حور: انا هنزل اشوفها.

" شادي كان في اوضته جوه الحمام وجاسم علي السرير"

حور: عمر مشوفتش نور عماله ادور عليها مش لقيها.

عمر وهي بياكل شيبسي: تلقيها هنا ولا هنا.

حور: انا مشوفتش حد بارد كده..بتاكل وصاحبك بيتخانقو.

عمر بلا مبالاة: ده العادي بتاعهم..علي طول لما حد يغلط التاني ينزل ضرب فيها علشان يعرف غلطه..بس بيحبو بعض.

حور: ايه الورقه دي.

" حور قربت من الورقه ولقتها صوره علي ضهرها قلبتها علي وشها وشافت صوره لملك بنفس اللبس اللي كانت لبسها من شويه وحد حاطط ايده علي بوقها*.

عمر: يا نهار اسود دي البت اتخطفت!!.

حور: جااسم..جاسم..يا ملك تعالو بسرعه.

....

رأفت: يوسف.. عايز اتكلم معاك.

يوسف بتعب: مش دلوقتي ورايا مشوار.

رأفت: بقولك عايزك دلوقتي.

يوسف: اوووف..نعم.

رأفت: هو انت بتشتغل ايه.

يوسف بسخرية: انت الذاكرة كويسه يا حج..

رأفت بغضب: رد علي قد السؤال.

يوسف: ايه يا بابا في الشركه بتاعتي انت نسيت.

رأفت: الشركه اللي انت صفتها من تلات سنين.

يوسف بصدمه: انت عرفت الكلام ده منين.

رأفت: يعني انت فعلاً صفيت الشركه..طب..طب الفلوس الكتير اوي دي بتجيبها منين..رد عليا بتجيبها منين!!.

يوسف اتنهد: بابا انا خارج دلوقتي لما ارجع نبقي نتكلم.

" يوسف خرج وساب رأفت في حيره وافكار كتير"

...

جاسم: طب ازاي..فين الامن بتوع الكمبوند.. الكاميرات.

ملك: احنا لازم نشوف الكاميرات اكيد هنلاقي حاجه.

" جاسم جري علي اللاب توب وشغل الكاميرات وشاف اتنين رجاله دخلين مع واحد من الأمن بيفتح ليهم الباب بتاع الڤيلا بقلق وبياخد فلوس ويمشي وهما بيدخلو دقائق وبيخرجو علي كتفهم نور وبيركبو عربيه من غير نمره ويمشو

ملك: طب موبايل نور كان معاها في جيب الترينج..

عمر: انا هكلم واحد يعرف مكانها من الموبايل.

" جاسم بص لشادي وشادي فهم نظرته وخرجوا من الڤيلا وراحوا لمكان الراجل بتاع الأمن وكان قاعد بيشرب شادي زق الكبايه والصنيه ومسكه من القميص بكل غل".

جاسم: بقي انا يا ولاد**** تتفقو عليا وتخطفو مراتي...ده انت حياتك كلها هتبقي جحيم...( وضربه بالبوكس).

شادي: تؤ تؤ..استني يا جاسم مش كده..هو هيقول هي فين.

الراجل بتوتر: انا معرفش حاجه.

شادي بغضب: لا هيبقي انت عايز تضرب بقي.

الراجل بخوف: ا..انا..انسه ملك ادتني المفتاح علشان احط ليها الخضار وكده وهي كانت في العربيه وانا عملت نسخه علشان الاتنين اللي خطفوها قالولي كده وكل اللي عملته اني فتحت ليهم الباب ومشيت.

شادي بسخرية: لا الصراحه الراجل غلبان معملش حاجه يدوب شارك في خطف واحده ( بصوت عالي).

جاسم: مش انا اللي هحاسبك الحكومه هي اللي هتحاسبك.

" شادي اتصل بأداره الكموند وهما اتواصلو مع البوليس واتقبض علي الراجل ده"

...

ريناد: ادم يا حبيبي..خد امضي.

ادم بسرحان وهو بيفتكر كنز: امضي علي ايه.

ريناد: ده ورق شغل مهم لازم امضتك.

ادم بتعب: هاتي. ( مضي).

ريناد بفرحه: شكرا يا حبيبي.. باي.

ادم استغرب من فرحتها: ____.

" ريناد بتخرج من الڤيلا وبتروح الجنينه الخلفيه وتحضن عاصم وبتهمس جمب ودنه بفرحه"

ريناد: كل حاجه ماشيه تمام.

....

عمر: جاسم صاحبي عرف مكان نور.

جاسم: فين المكان قول بسرعه.

شادي: اخلص..

عمر: المكان اهو ******.

...

" يوسف طلع عماره شيك جدا وقدام باب شقه كان واقف قدامها اتنين رجاله هما اللي خطفو نور"

يوسف: امسك الفلوس اهي.

راجل: من يد ما نعدمها يا باشا.

يوسف: انتو ولا شفتوني ولا شتفكو.

راجل تاني: طبعاً يا باشا.

" الرجاله مشيت ويوسف دخل الشقه وبيمشي بخطوات ثابته وبيفتح باب الاوضه اللي فيها نور ويدخل"

يوسف: هنشوف بقي لما دكتور جاسم يعرف انك اتصورتي وانتي نايمه مع راجل تاني هيكون رده ايه.

" يوسف لسه بيقرب منها سمع صوت الموبيل بيرن مسكه"

يوسف بغضب وهو بيرمي الفون: اه يا بنت ال...

: تؤ..عيب كده يا چو..دي فيها قطع لسانك.

روايه:" نور _ الجاسم 🖤💫. البارت (26).

...

" يوسف لف ولقي جاسم في وشه ونزل فيه ضرب "

شادي: خلاص يا جاسم هيموت يخربيتك.

جاسم بغضب: ما يموت..بيحرق قلبي علي مراتي يا شادي.

شادي: خلاص سيبه وانا هتصرف معاه..شوف نور.

" جاسم قرب من نور وشالها بالراحه وركب بيها العربيه لغايه لما وصلو قرب منها وشالها ودخل الڤيلا"

حور: هي كويسه؟؟!.

ملك: هو كان خطفها فين..

جاسم: هطلعها ولما انزل هتكلم.

عمر: ده انتو رغايين.

ملك: لايه متقولش انك انت اللي بارد.

عمر: نينينينينينيني..غوري يا بت.

...

" ادم راح الشركه بتاعته دخل ولقي ريناد قاعده علي المكتب"

ادم: ايه ده انتي مش قولتي انك وراكي مشوار.

ريناد ببرود: اممم..الشغل بقي يا حبيبي اهم.

ادم: طيب..انتي قاعده علي مكتبي لايه؟!.

ريناد بنفس البرود: مكتبك...تقصد مكتبي.

ادم بعدم فهم: لا انا اقصد مكتبي..قومي يا ريناد.

ريناد: اطلع بره المكتب يا ادم.

ادم بغضب: انتي بتطرديني من مكتبي.

ريناد: لا من الشركه كلها.

ادم بزعيق: انتي اتجننتي يا بت.

ريناد: انت نسيت انك مضيت علي ورقه بيع الشركة ليا؟.

ادم: انتي مجنونه انا ممضتش علي حاجه.

ريناد: طب والورقه دي ايه.

ادم: دي..مش دي ورقه الشغل بتاعت امبارح.

ريناد: الله ينور عليك..طلعت روقه بيع الشركه.

أدم بغضب: يا بنت الكلب ده انا هوديكي في ستين داهيه.

ريناد: سكيورتي..خدوه بره.

ادم: والله لوريكي..ابعدو عني دي شركتي.

...

" نور كانت نايمه علي السرير صحيت لقت نفسها نايمه في الأوضه لوحدها صحيت وكانت هتخرج بس لقت مذكرات جاسم ومقفوله علي صفحة معينة"

* عشقتها وكأنها اخر النساء.. قصيره زي الاطفال لما بتبصلي لازم ترفع وشها..وعيونها فيها سحر..سحر جميل مش بقدر اقاومه.. ضعيفه جدا..زي الاطفال لدرجه ان مجرد صوتي العالي بيخليها تترعش..رقيقه وحرام اللي حصل فيها..جميله اوي..هي ملكه ومحدش يستحقها غير انا⁦⁦♥️

" نور ابتسمت وجالها فكره"

...

جاسم: انا مش عارف شادي مش بيرد لايه..

ملك بتوتر: ا..ا..طب ما تيجي نروحله.

عمر: انا هروح اشوفه.

جاسم: ماشي انا هطلع اشوف نور.

.

.

.

جاسم: تك..تك...

نور: ادخل..

جاسم بصدمه: ايه اللي انتي لبساه ده!!

روايه: " نور _ الجاسم 🖤💫" البارت (27).

...

جاسم بصدمه: ايه اللي أنتي لبساه ده!!.

نور بتلف: حلو.

" نور لابسه الفستان اللي تحت ده بس هي حلوه فيه"

جاسم: هو جاحد..ا..اقصد اقلعي المسخره دي مش هتنزلي تحت كده..ده الواد عمر هيقعد يعاكس فيكي.

نور وهي بتقرب: وانت هتسكتله؟!.

جاسم: تؤ..ده انا هاكله..

نور: هههه..طب هو انت اللي كنت بتهزر معايا وحطيت ايدك على بوقي.

جاسم بخنقه: لا..انتي كنتي مخطوفه.

نور: يا نهار اسود.. مخطوفه..طب ازاي ده انا محستش.

جاسم بغمزه: ما انا مرضتش اصحيكي..كان شكلك حلو.

نور: بس بقي يا اض.

جاسم: يا اض..ده انتي قفلتيني.

نور: طب هنخرج.

جاسم: نخرج نروح فين؟!.

نور: هنروح نتغدي بره اومال انا لبست لايه.

جاسم: لبستي..هو انتي عايزه تفهميني انك هتخرجي من باب الاوضه حتي كده!!!.

نور: يا جاسم انا عايزه انزل بيه.

جاسم: لايه واخدك علشان اقول للناس بصو المزه اللي معايا؟

نور بتمرد طفولي: وانا قولت مش هغيره.

After 20 minutes..

" جاسم لابس بدله سوده وقميص أبيض فاتح اول زرارين ونور نازله من علي سلم الڤيلا وحطه شال لونو أوف وايت علي الفستان ولبسه شراب فيليه اسود وجزمه بكعب لونها احمر"

نور: يا جاسم طب..طب هقلع الشال طيب.

جاسم: نور انتي عيزاني احبسك ومحدش يشوفك غيري؟!.

نور ببراءة: لا.

جاسم: يبقي تسمعي كلامي وتلبسي زي ما اقول.

نور بتزمر: اوووف.

جاسم: هههه..طب شكلك حلو علي فكره.

نور: عارفه علي فكره.

جاسم: يا واد يا واثق انت.

نور: هههههه.

حور: بسم الله ماشاء الله زي القمر يا نور.

ملك: ( بتصفر) ايه الشياكه دي يا برو.

جاسم: دي اقل حاجه عندي.

نور: ما تيجي معانا يا ملك انتي وحور هنتعشي بره.

ملك من غير ما تبصلها: شكراً..

" نور استغربت رد ملك وطريقتها وحور لاحظت فحبت تغير الجو"

حور: لا يا ستي مش عايزين نبوظ الليله بتاعتكم.

جاسم: انا اصلا مكنتش هاخد حد..ده انا بفكر اسيب نور.

نور: والله!!.

جاسم: ههه..ملك هو شادي لسه مجاش..مش عمر قال هروحله.

ملك: مش عارفه بك...

نور بصدمه: شادي.

" عمر داخل من باب الڤيلا وساند شادي اللي واخد طلقه في كتفه".

جاسم وهو بيجري عليه: انت كويس يا شادي..

شادي بوجع: ااه..في ايه صاحبي اخوك راجل وبعدين دي رصاصه يعني..اه..مش بتوجعني ( بيتكلهم وهو تعبان).

عمر بسخرية: ما هو واضح انها مش وجعاك خالص..

شادي: ينعل ابو هزارك.

جاسم: بسس..هو ايه اللي حصل.

عمر: روحت العنوان لقيت اخوك الراجل سايح في دمه و واخد رصاصه..ركبت بيه العربيه وجيت علي هنا.

جاسم: هو كان معاه مسدس.

شادي بألم: اه..اااه..ايوه لسه بقرب منه علشان اكمل ضرب عليه لقيته..اه..لقيته طلع مسدس وضربني وجري.

جاسم: طب اطلع استريح وانت يا عمر اطلب دكتور..وانا هجيب الواد ده بطريقتي.

" شادي لاحظ ملك اللي دموعها نازله وحس أنها خايفه عليه ابتسم ليها وكأنه بيقولها بنظرته* متخافيش انا كويس*

وطلع اوضته ومعاه عمر ونور وجاسم راحو مطعم"

...

" طياره خاصه بينزل منها ادم ويركب العربيه بتاعته ويوصل للڤيلا بتاعت مراته القديمه والسواق بيقف قدام باب الڤيلا وهو بينزل ويفتح الباب اللي بقاله سنين متفتحش"

ادم: كح..كح..الڤيلا مش نضيفه..بس لسه جميله.. شبهك يا هدي.. فاكره لما قولتيلي أن انتي اللي هتختاري الوان الڤيلا.

Flash back..

ادم: يا هدي يعني بعد ما اكلم البنت اللي هتختار الوان الڤيلا تقوليلي الغي معاها انا اللي هختار الالوان.

هدي بابتسامة: وفيها ايه..هو انا زوقي وحش كده.

ادم: لا طبعاً يا روحي.

هدي: نفسي احنا اللي نختار كل حاجه في حياتنا محدش يدخلها غيرنا..نخليها مملكتنا الخاصه بينا ممنوع حد يعدي السور بتاعها انا وانت اللي نختار كل ركن في الڤيلا هيبقي لونه ايه...حتي العفش و..واللبس..وحتي اسم اولادنا كله كله.

ادم بحب: ربنا يخليكي ليا يا هدي.

هدي بحب: ويخليك ليا يا روح هدي.

...

" ادم دموعه نزلت وراح وقف قدام برواز كبير جدا متعلق علي الحيطه وعليه قماشه شال القماشه وفضل يبص للصوره عباره عن بنت عيونها لبني وشها مدور وشعرها قصير و ويڤي ولابسه سلوبته چينز وتحتها تيشرت أبيض والسلوبته متغرقه الوان وايديها عليها الوان وبتقرب ايديها من ادم وهي بتضحك وهو لابس زيها وبيبعد وشه وهو بيضحك".

ادم ببكاء: لسه فاكرك يا هدي لسه بحبك..انتي قولتيلي مش هتسبيني..سبتيني لايه..طب فاكره المطعم..ههه..فاكره لما قولتيلي واحنا بنرقص انك حامل في كنز و..وانا شيلتك والناس اللي في المطعم كانت بتسقف..وحشتيني اوي..

" مسح دموعه وفتح باب الڤيلا وركب عربيته ومشي"

....

نور: جاسم انا شبعت..

جاسم: طيب تحبي اطلبلك حاجه تاني.

نور: بقولك شبعت..تعالي نرقص.

جاسم: ماشي.

" جاسم خد اديها وبدأو يرقصو وبعد شويه دخل ادم المطعم وقعد علي تربيزه"

جاسم: مش كفايه بقي ويلا.

نور: انا لسه عاي..

" جاسم بص في عنيها جامد وده خلاها تفقد تركيزها"

جاسم: لسه عايزه ايه.

نور: هه..يلا..ن..نروح.

" جاسم ضحك وخدها في حضنها و اد بيقوم خبط فيه"

ادم: انا اس......

جاسم:**

روايه: "نور _ الجاسم 🖤💫" البارت ( 28 ).

...

ادم: انا اس..

جاسم من غير ما يبصله: ولا يهمك.

" جاسم مشي علي طول من غير ما يبصله بس ادم بصله وشافه واستغرب جدا أنه شبه هو اصلا كان جاي علشان ده المطعم اللي كان بيقعد فيه مع هدي علي طول"

...

شادي: اه..بالراحه.

الدكتور: انا اصلا خلصت...خلي بالك من صحتك وكل خضار.

شادي: حاضر.. شكرا يا دكتور.

الدكتور: العفو ده شغلي.

عمر: طب اتفضل يا دكتور..

" الدكتور خرج من الاوضه وشادي نايم علي السرير من غير قميص وملفوف علي دراعه الشاش الطبي وملك واقفه بعيد عنه بكسوف"

شادي بخبث: اااااه..

ملك بتجري عليه: ايه اللي وجعك.

شادي: هنا..دوسي عليها كده..

" ملك قربت اديها وهو شدها لحضنه وهي مصدومه فضلو علي الحال ده لدقائق لغايه لما هي سندت علي صدره علشان تقوم وهو اتوجع بس محبش يبين وقامت وقفت"

ملك: انت..انت إزاي تعمل كده.

شادي بحب: خوفتي عليا...

ملك بارتباك: لا..انا..انا بس اتخضيت.

شادي: بحبك..

" ملك لفت علشان تمشي و هي علي الباب"

شادي: اااه..

" ملك لا إراديا كانت هتجري عليه تاني بس هو كان بيضحك لفت وهي متعصبه ونزلت تحت وهو ضحك"

...

" كل يوم بيفوت ويمشي ساب اكيد جواك علامات زكريات مع ناس نضيفه أو مقاسي وناس لمامه اللي حبك رغم حملك شال معاك الحمل يا ما واللي مهما بيبتسملك في صفار في الابتسامه..💃🔥" ( عمر بينضف مع حور الڤيلا وهو مشغل الاغنيه دي وهي بتضحك علي طريقته وهو بيعاكسها).

عمر: يعني هتفضلي تتقلي عليا كده..

حور: انت عبيط يا اض هو انا كنت عشمتك بحاجه..

عمر بصوت انوثي: بقي كده يا بيبي بتتخلي عني..

حور: ههههه..والله انت مشكله.

عمر: ههههه..يعني حاجه بهون بيها حياتي.

حور بعدم فهم: مش فاهمه.

عمر: ولا حاجه..كملي كملي..علشان انا هموت من الجوع فيدوب نروق ونروح نعمل لقمه ناكلها.

حور: ماشي نضف يا اخويا نضف.

...

" عيونه لما قبلوني نادو لقلبي شغلوني♥️🎼خدوني سافرو بيا و ودوني دنيا بعيد ♥️🎼كلامه بحر حنيه غرامه فرحه وهديه ♥️🎼 ده احساس جديد عليا قبله معرفتوش.

" جاسم ماسك ايد نور ومشغلين الاغنيه دي"

نور: جاسم انا في حاجات كتير معرفهاش عنك.

جاسم: طيب يا ستي انا اسمي جاسم عندي29 سنه بابا مكنتش بشوفه اصلا وانا كنت طفل صغير وماما اصلا يونانيه وكان معاها فلوس وبابا اتجوزها علشان الفلوس ولما بقت حامل في ملك سابها ومشي وهي زعلت جدا علشان كانت بتحبه ولما كانت بتولد ملك ماتت ومن يومها وانا بعتبر ملك بنتي وشادي اخوها وأخيرا بعشقك..

نور بابتسامة: يعني عشت حياه صعبه.

جاسم: الحمدلله الفلوس كانت بتساعدنا كتير بس عمرها ما عوضتنا عن الاهل والدفي.

نور: طب انا بحبك اوي.

جاسم: وانا بعشقك.

...

رأفت: يوسف..انت كويس مين ضربك.

يوسف بغضب: مفيش حاجه.

رأفت: لا في انت مش شايف وشك.

يوسف: يووووه قولت مفيش.

رأفت: هو انت بتشتغل ايه.

يوسف: لو قولتلك هتستريح.

رأفت: اه.

يوسف:****.

رأفت: ايه..ا..ابني..ان..اااااااه.

يوسف: بابا..بابا.

...

جاسم: يلا انزلي وصلنا.

نور: ماشي.

" نور واقفه جمب جاسم وهو لسه بيفتح الباب"

: نور... استاذ جاسم.

جاسم:***

روايه:" نور _ الجاسم 🖤💫" البارت ( 29).

...

ابو نور: نور... استاذ جاسم.

جاسم: حمايا العزيز..يا تري جاي لايه.

أبو نور بخبث: انا كنت جاي اعتذر لنور بنتي علي اللي عملته معاها واعتذر لحضرتك..انا غلط في حقك يا نور و انا اسف.

جاسم ببرود: خلصت..عايز كام.

ابو نور:_____.

جاسم: هه..مكسوف تقول مع انك مش وش كسوف خالص.

" جاسم رمي ليه فلوس وخد نور ودخل والراجل مشي"

كنز وهي بتجري عليه: باااابي..وحستني اوي.

جاسم: وانتي اكتر يا روح بابي.

نور وهي بتشيلها: وحشتيني اوي.

كنز: وانتي كمان.

نور: بصي جبتلك معايا..اه ( طلعت تجري علي الحمام وجاسم وحور وراها وهي كانت بترجع"

جاسم: حور اتصلي بالدكتور.

حور: حاضر.

نور: مش لازم يا جاسم انا كويسه.

جاسم: لا مش كويسه ( قرب وشالها وطلع بيها اوضتهم مستني الدكتور).

....

" يوسف واقف قدام اوضه العمليات ومتوتر جدا"

يوسف: ها يا دكتور ابويا كويس.

الدكتور بأسف: احنا عملنا اللي علينا وطبعاً الباقي علي ربنا بس هو جاله جلطه وشديده اوي نتيجة خبر وحش.

يوسف بتوتر: يعني أبويا هيبقي كويس؟!.

الدكتور: ادعيله.

...

" ملك كانت نايمه وصحيت علي صوت المنبه علشان هي ظبطته قبل ما تنام علي معاد الدواء بتاع شادي غسلت وشها وراحت الاوضه بتاعته وكان نايم قربت من تصحيه"

ملك بحب: شادي..شادي اصحي علشان معاد الدواء.

شادي: اممم.. سيبني شويه.

ملك: خد الدواء وكل وبعد كده نام.

شادي بنوم: لا انا تعبان مش هصحي دلوقتي.

" ملك تخيلت للحظات أن شادي جوزها وهي بتصحيه وبكل حب لمست جبينه ولقته سخن جداً"

ملك بخضه: يا نهار اسود...ده انت مولع.

شادي بضحكه وجع: لسه برضو مش هتسمحي لقلبك يفضل يحبني..!! ( ونام تاني وهي لمست وشه وهي بتعيط).

ملك: عمري ما قدرت ولا هقدر.

" ملك جابت مايه ساقعه من تحت وفوطه وبدأت تعمله كمدات وهو نايم ومسبتهوش"

....

جاسم: ها يا دكتوره هي كويسه.

الدكتوره: اطمن يا دكتور جاسم هي بخير وكمان البيبي بخير

جاسم: طب الحم... أنتي قولتي ايه!!.

٨

الدكتوره بابتسامة: مبروك المدام حامل.

جاسم بفرحه: نور...نور انا هبقي بابا...انا هيبقي عندي نسخه صغننه منك!!.

نور بفرحه ودموع: انا مبسوطه اوي!!!.

حور: مبروك يا نور.

نور: الله يبارك فيكي.

الدكتوره: طيب انا ممكن اتابع حالتها لأن هي ضعيفه جدا ف انا هستأذن دلوقتي وهاجي كمان يومين اطمن عليهم عن أذنكم.

جاسم: اتفضلي.

...

حور: عمر...عمر.

عمر: هو انا اسمي جامد كده.

حور: نور حامل.

عمر: بجد وعقبالك.

حور: اممم..شكرا.

عمر: هو انتي لايه لابسه دبله.

حور: علشان في ناس بتحب تعاكس كده زيك ف الدبله دي بتخرسهم معرفش ازاي مشوفتهاش من بدري.

عمر: بس انا شوفتها من اول يوم بس انا عارف انك مش مخطوبه.

حور: عرفت منين.

عمر: باين من طريقتك وهزارك لو مخطوبه اكيد مكنتيش قعدتي معايا دلوقتي.

حور: طلعت بتفهم...هو انت أسمك الحقيقي عمر.

عمر: اه لايه.

حور: مش لايق عليك.

عمر:: نينينيني..

حور: شكلك بتكدب عليا واسمك الحقيقي سوسو الدلوعه.

عمر: تحبي تشوفي البطاقه.

حور: اه..هات.

" حور مسكت البطاقه وشافتها من الضهر علشان تعرف هو متجوز ولا لا وهو لاحظ".

عمر: طلعت سنجل.

حور: اه...ا..اقصد معرفش انا بشوف الاسم.

عمر: لا يا شيخه.

حور: اه والله وتعالي بقي بارك لنور.

عمر ابتسم: يلا.

....

" في نص الڤيلا جاسم واقف وجمبه نور "

عمر: مبروك يا نور.

نور: الله يبارك فيك.

جاسم: ملك يا ملك.

ملك نزلت: نعم.

جاسم: مش تباركي لنور طلعت حامل.

ملك بسخرية: ويا تري البيبي ده ابنك ولا ابن شادي.!!!.

روايه: "نور _ الجاسم 🖤💫" البارت (30) والاخير.

...

ملك بسخرية: ويا تري البيبي ده ابنك ولا ابن شادي!!.

" جاسم بكل قوته ضربها بالقلم وهي وقعت في الارض ومناخيرها بتجيب دم وشادي نازل بالراحه من علي السلم وجري قعد قدامها وبيمسح الدم بس هي زقت ايده و وقفت"

ملك ببكاء: انت اول ما اتجوزت نور قولتلي انك مش هتزعل واحده فينا علشان ملكش غيرنا بس انت..انت اخترتها هي.

جاسم: انتي مستوعبه كلامك يعني ايه البيبي ده ابني ولا ابن شادي انتي اتجننتي!!.

ملك ببكاء: انا شوفتهم...شوفتهم..كان شادي سكران وهي كانت سنداه ودخلت معاه الاوضه....صدقني!!.

جاسم بصراخ: شوفتيهم مع بعض...ررررردي عليا.

ملك:____.

جاسم: نور لما لقت شادي سكران دخلته الاوضه ودخلت بعد كده اوضتي وقالتلي اجي اشوف شادي علشان سكران بس انتي بمجرد ما شوفتيهم وهما دخلين الاوضه دخلتي اوضتك صح!!!؟.

ملك: ____.

جاسم: اعتذري لنور....يلا.

ملك ببكاء: انا اسفه...مش هعتذر لحد ( وطلعت تجري بره الڤيلا كلها).

شادي بغضب: لو ملك حصلها حاجه أنا مش هسامحك.

" شادي ركب عربيته وطلع بيها جوه الكمبوند يدور علي ملك ولقاها بتجري زقف بالعربيه ونزل خدها ف حضنه من غير كلام وهي بتعيط".

شادي: متعيطيش يا ملك كفايه.

ملك ببكاء: بس..بس..انا غلطت في حقك انت..انت و نور.

شادي: انا مسامحك يا ملك ونور هتسامحك.

ملك: لا..اكيد..اكيد كلكم شايفني وحشه.

شادي: بالعكس أنا شايفك زي القمر بخدودك الحمره دي.

ملك بدموع: هههه..مش قصدي كده.

" شادي مركز معاها وهي بتبص في عينه وهو مبتسم ولا إراديا قرب منها وباس خدها وهي حضنته وركبت معاه العربية.

...

" رأفت نايم علي سرير المستشفى وفي اجهزه كتير في جسمه ويوسف قاعد قدامه علي كرسي ودموعه نازله".

يوسف بدموع: طب اصحي سامحني..انا والله العظيم كان غصب عني...ونور انا بحبها فعلاً..من زمان وانا شايفها بتاعتي.. ولما انت خليتها مراتي فرحت اوي..بس لما فكرت قولت هي ممكن تكرهني لما تكبر علشان انت جوزتهالي وهي صغيره..هي فعلاً كانت صغيرة وانا كنت خايف عليها مني... سامحني والنبي..انا لما اتجوزت كريستينا كان غصب عني كنت بحاول انسي نور..بس...بس معرفتش.

" صوت بيعلن عن موت رأفت.. جهاز النبضات بيصفر.. يوسف مسح دموعه وجري علي بره ينادي الدكتور وفعلاً الدكتور دخل وخرج يوسف بره وبيحاول ينعش القلب"

الدكتور خرج

يوسف: ها يا دكتور بقي كويس.

الدكتور: ربنا يرحمه..شد حيلك.

يوسف بدموع: هه..انت مجنون انا ابويا مش هيموت دلوقتي..سااااامع ادخل صحيه...ااااادخل..يا بابا...ادخل بقولك...ابويا مش هيموت.. سااااامع..يا بابااااا!!.

...

ملك بدموع: انا اسفه يا نور..

نور حضنتها: وانا مسمحاكي.

ملك: احم...

جاسم: عايزه ايه.

ملك ببكاء: سامحني يا برو.

جاسم: ___.

ملك: ورحمه ماما.

" جاسم شدها لحضنه"

جاسم: لو مكنتيش تحلفي....يا عبيطه انا عمري ما زعلت منك.

ملك ببكاء: انا بحبك اوي يا جاسم.

جاسم: والله مش من شويه كنتي بتكرهيني.

ملك: قلبك ابيض بقي.

شادي: جاسم انا بطلب منك طلب.

جاسم: اطلب.

شادي: انا عايز اتجوز ملك..و ولو مش موافق علشان انا اكبر أو اي حاجه تاني انا مش هزعل..و بس انا والله بحبها.

جاسم: مبروك يا عريس.

" شادي رفع راسه بصدمه وجري حضنه"

جاسم: والعروسه.

ملك: العروسه موافقه.

عمر: هو انتي متعرفيش حاجه اسمها كسوف.

ملك: معداش عليا.

نور: مبروك يا ملك

ملك: الله يبارك فيكي.

حور: الف مبروك.

عمر: وعقبالك يا قمر.

حور: شكراً.

..." بعد خمس شهور"

نور: جاسم انت لايه جايبني فندق انت مش قولت ان انت هتاخدنا رحله وملك وشادي وعمر و حور هيجو ورانا.

جاسم: خدي البسي ده الاول.

نور: ايه ده.

جاسم: انتي شايفه ايه.

نور: شايفه فستان فرح...جاسم متهزرش.

جاسم: انا مش بهزر...انا نفسي اشوفك بالابيض.

نور: جاسم انتي جي دلوقتي تقولي نفسي اشوفك بالابيض..ده انا بطني مترين قدام...وهيبقي شكلي وحش.

جاسم: بس انا معنديش شك انك هتبقي زي القمر.

نور: بس الفستان حلو اوي.

جاسم: هيبقي احلي عليكي ادخلي جربيه.

" نور في السويت بتاعها ودخلت الحمام لبست الفستان الابيض وخرجت من الحمام لقت جاسم لابس بدله سوده جميله جدا وماسك شريط ابيض في ايده.

نور: حلو.

جاسم: جميل اوي فيكي.

نور: هي كنز مش كانت معانا راحت فين.

جاسم: اطمني...وتعالي هنا.

" نور قربت وجاسم حط الشريط الابيض علي عنيها وخد ايديها وركب الاسانسير"

نور: جاسم انا مش شايفه حاجه.

جاسم: اهدي انا عاملك مفجأه.

" الاسانسير وقف في نص الفندق والاتنين خرجوا من الاسانسير وجاسم شال الرباط ونور اتصدمت لما لقت ملك وحور لابسين فساتين سهره بينك وعمر وشادي بدل رمادي

والفندق متزين بالورد الابيض وفي ناس كتير بتسقف"

جاسم: استاهل حضن.

نور وهي بتحضنه: انا بحبك اوي يا جاسم.

جاسم: وانا بع...

" صوت رصاصه خرج واستقر في ضهر نور عند قلبها وهي حاضنه جاسم...الدم بينزل من قلبها و يوسف واقف بيضحك زي المجنون بعد ما ضربها بالنار وجاسم صامت والصمت كان عام علي المكان كله".

جاسم بجنون: اطلبو الاسعاف....نور اصحي..مش هتموتي..يا نووووووووور...اصحي ابوس رجلك.

" الاسعاف جت خدت نور لمستشفى خاصه وجاسم راكب معاها بيعيط زي الطفل وهو بيتوسل ليها أنها تصحي..و وصلو المستشفى ودخلوها العمليات فوراً وبعد ساعات عدت علي جاسم زي السكينه اللي بتدبحه ببطئ خرج الدكتور"

جاسم: قولي أنها عايشه.

الدكتور: البقاء لله..مقدرناش ننقذ الجنين أو الام.

" صراخ..صراخ كتير من ملك وحور وجاسم صامت..صمته مريب بس كل اللي في باله اللحظات اللي عاشها مع ملك وفجأة وقع علي الارض والدكاتره جريت عليه وخرجو قالو أن جاسم دخل في غيبوبة لان عقله رافض تماماً الواقع وبعد مرور شهرين جاسم بيفوق ويلاقي اهله حواليه بس اهم حد مش موجود"

جاسم: نور...نور فين.

ملك: ربنا يرحمها يا جاسم.

جاسم: انتي مجنونه هي مماتتش انا حاسس بكده والله ما ماتت.. اتكلم يا شادي...حور نور مماتتش..عمر رد عليا

" بس للأسف محدش بيرد بيعيطو علي حالته وبس"

جاسم بضعف وبكاء: كنز..انتي اللي حاسه بنور زي..هي..هي مماتتش صح؟!.

كنز ببكاء: مامي نور عايسه.

" ست كبيره في العمر دخلت ولابسه اسود وحضنت جاسم"

جاسم: انتي مين؟!.

" في مكان تاني عربيه بتعمل حادثة ويخرج منها بنت وهي الدم محاوطها وبتعيط وبتسند علي صخره كبيره والدنيا بتسود بس فجأة واحد بيقرب منها"

شخص: يا انسه انتي سمعاني... إسعاف بسرعه.

البنت: ال...الحقني.

" وإذا وعدتك في يوم أن لا أغادر فا أعذرني الموت لم يرحم حبنا⁦....🖤✨

لقراءة الجزء الثانى جميع الفصول كاملة