تحميل رواية «نور الجاسم الجزء الثالث» PDF

شادي: أنا مش هبيع صاحبي.. افهمي.

ملك: بتكلم مين يا شادي؟

شادي: طيب سلام دلوقتي.

ملك: بتكلم مين؟!

شادي: ده رجل أعمال كان عايزني أخلي جاسم يتنازل له عن مستشفى كده من مستشفياته علشان عايز يهدها ويعمل على الأرض مشروع.. بس أنا مش موافق.

ملك: طب وجاسم موافق؟!

شادي: منا بكرة هقوله، هو لسه مايعرفش.

ملك بشك: طيب يلا ننام.

ترررن.. ترررن..

كنز وهي بتطفي المنبه والساعة كانت 12 الظهر، دخلت الحمام خدت دوش ولبست بنطلون شروال رمادي وتيشيرت وفكت شعرها الطويل وخدت الفون ونزلت تحت.

كنز: بونجور يا نونو.

نور وهي بتبوسها: بونجور يا روحي.. إيه القمر ده؟

كنز: أنتِ اللي قمر.

جاسم: مين بيعاكس حبيبتي؟

كنز: أنا بقول الحقيقة، أنا بجد من ساعة ما جيت البيت ده وهي زي ما هي حتى ما تخنتش ولا اتغيرت.

عمر: طب قولي الله أكبر بس.

كنز: عموري، وأنا اللي بقول إنك هتنصفني.

حور: لا ينصفك في أي حاجة إلا نور.

عمر: طبعًا دي أختي.. وهتقر عليها بقى ست كنز.

نور: هههه.. ربنا يخليك يا عمر.

جاسم بخنقة: أمم طيب.

نور وهي بتبوس خده: أنا ماقولتش حاجة وهو اللي عايز يتلم.

جاسم: ده هياخد علقة ده.

عمر: يوه وأنا مالي يا لمبي.

نور: النهاردة السنوية بتاعت عمتو صفية الله يرحمها.

جاسم: الله يرحمها.. لو تحبي تروحي ما عنديش مانع بس خدي جارد، وإلا هحبسك هنا.

نور بدلع: طب احبسني.

جاسم: من عنيا.

نور: يا عم بهزر.. بلا بقى نفطر.

كلهم بدأوا يأكلوا.

جاسم: هي.. أحم.. تاليا.. ما نزلتش.

كنز: آه صح عملت معاها إيه.. زعقت لها صح؟

جاسم: مش أوي، أنا كنت مراعي إنها صغيرة وأول مرة تعمل كده بس كنت خايف عليها.

نور: أنا هطلع أنادي عليها.

نور خبطت وفتحت وهي كانت نايمة.

نور: قومي يا هانم كل ده نوم.

تاليا بنوم: يوووه.. سيبيني يا مامي ما شبعتش نوم.

نور: مهو علشان حضرتك جاية وش الفجر.

تاليا: يا مامي عايزة أنام.

نور بغضب: نامي يا تاليا.. نامي.

ليلى: أمممم.. (اتخضت) ها.. آدم أنت كنت نايم هنا.

آدم: لا طبعًا.. أنتِ قعدتِ تقولي لي نام بس أنا أخاف على نفسي منك.

ليلى: هههه.. أنا قلت كده؟

آدم بابتسامة: أممم.

ليلى: هو أنت قاعد هنا لإيه؟

آدم: كنت بشوف ملامحك.

ليلى: طيب.

آدم: أنتِ رايحة فين؟

ليلى: هدخل الحمام.

آدم: طب عندي لكِ خبر حلو.

ليلى: إيه هو؟

آدم: هقول لكِ بالليل.

كنز: يلا بقى قولوا لي إني حلو.

روح: يا بنتي كلهم حلو صدقيني.

تاليا: أنا شايفة الأحمر.

روح بغضب: لا طبعًا ده عريان أوي.. الأبيض حلو يا كنز.

تاليا: ليه هي رايحة تصلي العيد؟

كنز: بسس.. اطلعوا بره أنا هنقي لوحدي.

خرجوا بره وكنز بدأت تدور على فستان لغاية لما وقعت عينيها على واحد.

تن.. تن!!

كنز مسكت الفون وكانت رسالة من مالك.

مالك: خلصتي؟!

كنز: لسه.

مالك: طيب لما تخلصي قولي علشان أجي آخدك.

كنز: لا أنا هاجي عند بيتك اللي على النيل.

مالك: طيب هستناكي.

جاسم في المستشفى جوه المكتب بتاعه وبيتكلم فيديو كول مع نورهان.

نورهان: مش معقول كده أنت مش بتكبر يا ابني.

جاسم: الله أكبر.. قولي لي نازلة أمتى مصر؟

نورهان: ما أعرفش بس قريب أنتم وحشتوني أوي.

جاسم: طيب اقفلي في حد بيزعق.

جاسم: إيه الصوت ده؟

شاب: أنتم مجانين.. يعني إيه ما ينفعش أقابله؟

جاسم: أنت مين؟

شاب: أنكل جاسم.. أنا يوسف ابن مادلين، أنت مش فاكرني؟!

نور قدام القبر: صدق الله العظيم.

واحدة لابسة نظارة كبيرة وكمامة وملامحها مش باينة: مبسوطة معاه؟

نور: أنتِ مين؟

الست: هههه.. أنا أنتِ وأنتِ أنا.

نور بغضب: أنتِ أكيد واحدة مجنونة.

نور قامت علشان تمشي بس صوت الست وقفها.

الست: ما سألتيهوش هل لمس حد في غيابك ولا لأ؟!

نور بتضييق عين: أنتِ مين ردي عليا.. يا حراس.

الست ركبت العربية ومشيت.

نور: ألو يا جاسم الحقني.

ليلى: الساعة قربت على 8 بالليل مش ناوي تقول.

آدم: أمم.. أنا قررت أخدم البشرية وأظلم نفسي.. و.. أصبري هقول.. أنا عايز أتجوزك!!

كنز واقفة قدام المراية لابسة فستان فضي بيلمع وقصير وعريان من الضهر وجايبة شعرها على جنب ولابسة كعب أسود وميكب، وشافت نفسها ونزلت بسرعة من غير ما حد يحس بيها.

مالك: أيوه يعني أنتِ فين أنا تحت العمارة.

كنز: مالك.

مالك بص في الفون بس الصوت كان من جنبه لف وشافها.

مالك:***

مالك بتصفير: واو.. أنا انبهرت.

كنز بابتسامة: طب امسك كده.

مالك مسك شنطتها: إيه هتعملي إيه؟

كنز: هنتصور.

مالك ابتسم وحط الشنطة بتاعتها في عربيته، واتصوروا بموبايل كنز، وركبت معاه عربيته وهيروحوا الحفلة.

جاسم قاعد بجمود على مكتبه وقدامه قاعد يوسف مبتسم وكبر طبعًا ولابس نظارة نظر شيك.

يوسف: أكيد حضرتك مستغرب إني جاي، بس أنا الصراحة لما صدقت إن نادر ينزل مصر لإنكم وحشتوني جدًا والله، أنا مقدر اللي أمي عملته بس أنتَ مليش ذنب، أنا اتربيت معاكم وحبيتكم جدًا.

جاسم اتنهد: أنت عايز إيه يا يوسف؟!

يوسف بحزن: أنا طلبي بسيط، أنا بس عايز أسلم عليكم، أنا كنت في شغل هنا مصر، وهسلم على نادر علشان واحشني، وهرجع بلدي تاني، ممكن؟!

جاسم: تمام استناني هخلص شغل ونروح سوا.

يوسف بامتنان: أنا متشكر لحضرتك جدًا، عن إذنك.

يوسف خرج من مكتبه ودخل الحمام وأول ما قفل الباب قلع النظارة ونكش شعره وخد نفس.

نادر: وده اسمه إيه بقي؟

تاليا: ده فطار.

نادر: في فطار الساعة ٨ بالليل؟! تاليا أنا مدرب رياضة ودارس تغذية، اللي بتعمليه خطر على صحتك، أنتِ مش بتاكلي بانتظام، بتخسي بسرعة وتتخني بسرعة، لازم تظبطي أكلك.

تاليا بزهق: إن شاء الله حاضر.

جاسم: طب تلاقيها واحدة مجنونة ولا حاجة.

نور وهي بتقلب الرز: لا يا جاسم دي لبسها شيك جدًا ولابسة نظارة غالية، حسيت إنها عرفاني.

جاسم: هو الجنون باللبس؟ طب ما أنا مجنون بيكي ولبسي شيك أهو!!

نور بضحك: جاسم بتكلم جد.

جاسم: طب أنا هييجي معايا ضيف النهارده.

نور باستغراب: مين؟!

جاسم: لما أجي هتعرفي، باي يا روحي.

نور: باي، يا ترى معاه مين؟!

مالك: وصلنا يا مدَلعة.

كنز: هو أنت ليه بتقولي يا مدَلعة؟!

مالك: من أول يوم شوفتك وأنا حاسس إنك الدلوعة كده، لايق عليكي الدلع.

كنز بصت الناحية التانية وشافت المكان وهي بتنزل من العربية.

مالك بيحدف المفتاح لواحد: خلي بالك من العربية.

الشاب: عيوني يا باشا.

كنز: هي الحفلة في نايت كلوب؟!

الشاب: اممم، واحدة زميلتي عيد ميلادها.

كنز بضيق: اممم طيب.

كنز وقفت قدام الباب ومترددة تدخل لإنها لأول مرة تروح مكان زي ده.

مالك: خايفة من إيه؟!

Flash back

جاسم: خايفة من إيه؟

نور: خايفة أختك متتقبلنيش.

جاسم مسك إيديها: متخافيش!!

Back

مالك: خايفة من إيه؟!

كنز: خايفة أدخل مكان زي ده، يعني.

مالك مسك إيديها: متخافيش.

مالك خدها ودخل وهي خطفت أنظار الكل بجمالها وهي ماسكة إيديه، وكان في بنت واقفة على البار بتشرب كاس، ميلت واحدة عليها قالتلها حاجة والبنت لفت وراحت تستقبل مالك.

البنت: هاي كوكو، وحشتني موووت.

مالك بضيق: كل سنة وأنتِ طيبة اتفضلي.

البنت: واو ذوقك حلو في الساعات يا كوكو.

كنز بقرف: كوكو!!

البنت بصتلها: واو، سندريلا مصر.

كنز بخنقة منها: كل سنة وأنتِ طيبة.

البنت وهي بتسحب مالك منها: ميرسي وأنتِ طيبة، تعالي يا كوكو عوزاك.

كنز غارت منها لإن فعلًا البنت تستاهل، كانت لابسة فستان حرير لونه أحمر وشعرها مش طويل أوي بس صحي وشكله يخطف وجسمها جميل وأطول من كنز.

كنز وهي بتقعد على ترابيزة: قال إيه تعالي يا كوكو.

مالك قعد جنبها وهي اتخضت: بتندهي يا مدَلعة.

كنز بخضة: إيه ده مش تكح.

مالك: هو أنا داخل عليكي الحمام.

كنز: نينينيني... ما تروح لست بتاعة دي.

مالك: أولًا اسمها چايدا، ثانيًا أنتِ زعلانة ليه؟!

كنز: وأنا أتضايق ليه؟

مالك: طيب تشربي حاجة؟!

كنز: واحد أورنج فريش؟!

چايدا بتقعد برخامة: لا ده أنتِ صغنّونة خالص، هنا مفيش أورنج، هنا في...

كنز علشان تبان إنها أكبر: مش أنتِ اللي هتقولي لي هنا في إيه، لو سمحت هات كاس هنا.

مالك: لا يا كنز، هاتلها عصير.

كنز: أنا قولت أنا عايزة كاس، يا والله هروح أشرب في حتة تانية.

مالك اتخنق منها: براحتك يا كنز.

الراجل جاب الكاس لكنز وإزازة شمبانيا لچايدا ومالك، وچايدا بتشرب للاستفزاز وبتبص لكنز بتحدي إنها مش هتقدر تشرب الكاس، وفعلًا أول ما كنز شربت بوق رجعته وكحت كتير وكانت هتشرق ومالك ناسكها وچايدا بتضحك وشوية وكنز هديت واشتغلت أغنية.

مالك: تحبي نرقص؟

كنز بغيظ لجايدا: يلا يا.. يا كوكو.

بدأوا يرقصوا وهي مكسوفة جدًا من قربهم، وعلى ترابيزة تانية.

شخص بيصورهم: هيبقي خبر جامد، انظر ابنة الطبيب جاسم الوردي في أحد الملاهي الليلية بصحبة شاب.

مالك: حضرتك خلصت.

جاسم: آه يلا.

ركبوا العربية وساكتين تمامًا، وأخيرًا وصلوا ونور سمعت صوت العربية خرجت تستقبل جاسم كالعادة لقت معاه شاب.

نور بابتسامة: أهلًا بيك يا ابني.

يوسف: ابنك، ده حضرتك تبقي أختي الصغيرة وأحلى كمان.

جاسم بضيق: يوسف ابن.. مادلين.

نور بصدمة: إيه؟!

روح: احنا رايحين فين يا نوح؟

نوح: هنروح الملاهي.

روح: لا أنا عايزة أروح مكتبة.

نوح: روح حبيبتي أنا نوح مش نجيب محفوظ، مكتبة إيه بس يعني أنا رايح أفسحك وأنتِ تقولي مكتبة.

روح: علشان خاطري.

نوح: علشان خاطرك، يلا بينا على أحلى مكتبة.

ليلى: تتجوزني، وده شفقة ولا إيه؟

آدم: لا طبعًا ليه بتقولي كده.

ليلى: يعني قولت هتقعد معايا يبقى لازم تكون مراتي علشان حرام أهلها ماتوا وملهاش حد.

آدم: ليلى افهمي.

ليلى حست إنها هتعيط: عن إذنك.

مالك: كنز بطلي شرب أنتِ دايخة.

كنز: سيبني بقيي، هوف.

مالك: يلا نروح.

كنز: لا أنا هـ... هرقص، شيك شوك، ارقص معايا يا مز أنت.

مالك هيموت من الضحك: هنرقص حاضر.

مالك شالها ودخل العربية ومكنش قدامه حل غير إنه يروحها البيت بتاع جاسم وهو عارف الطريق لإنه مجمع معلومات.

في بيت جاسم كلهم قاعدين حوالين يوسف وساكتين تمامًا حتى نادر مستغرب هو جاي ليه، والباب خبط وقام جاسم يفتح.

مالك: أحب أعرفك بنفسي، مالك يوسف رأفت!!!

جاسم بصدمة وغضب:***

مالك بيبتسم: أحب أعرفك بنفسي.. مالك يوسف رأفت!

جاسم بصدمة وغضب: إيه اللي جابك هنا يا حيوان أنت؟ كنز فوقي يا بابا.. عملت فيها إيه يا ابن الـ***؟

مالك: تؤتؤ.. ليه كده أنت تعرف أبويا علشان تشتمه؟!

نور بتجري على كنز: حبيبتي.. مالها يا جاسم.. كنز فوقي.

يوسف: كنز.. هاتيها هطلعها أوضتها.

مالك برفعة حاجب: وأنت مال أهلك؟!

جاسم بزعيق: هات البنت.

جاسم شالها علشان يطلعها الأوضة وكلهم طلعوا وراه، ومالك دخل وبيتفرج على الحيطان وقعد على الأنتريه.

جاسم وهو نازل على السلم: وحياة أمك.. قوم يا أضـ...

مالك بغضب: كلمة كمان عن أهلي والمصحف ما هرحمك.

جاسم وهو بيمسكه من القميص: أنت مصدق نفسك يا أض جاي تعمل عليا نمرة إنك مش عارف.. إن أبوك كان يعرفني كويس.

مالك وهو بيزقه: وأنا أبويا يعرف أشكال الـ*** منين؟!

عمر وهو بيضربه في كتفه: لا اهدى على نفسك يا وحش كده.. أنت لسه بشخة وجاي عامل نفسك حاجة.

جاسم: انطق عملت إيه في البنت؟

مالك باستفزاز وهو بيعدل القميص: هه.. لا هي تبقى تقول أنا عملت فيها إيه!

مالك مشي، وجاسم قعد بصدمة وفي ألف سيناريو في دماغه، يا ترى مالك عمل في بنته إيه.. هو فعلًا خايف عليها كأنها بنته.. ومش عارف يكلم أبوها يقوله إيه.

جاسم: عمر شوف كنز فاقت ولا لأ.

عمر: اهدى يا جاسم أكيد هو ما عملش فيها حاجة وحشة.

جاسم بوجع: شوف كنز فاقت ولا لأ.

عمر نزل وبلغه إنها فاقت وغيرت هدومها.

جاسم بيخبط: تك.. تك.

نور: ادخل.

جاسم دخل ولقاها قاعدة على السرير وكلهم حواليها، بصلهم وهما خرجوا وسابوهم.

جاسم: عمل فيكي حاجة؟

كنز باستغراب: هو مين ده؟!

جاسم بصرامة: بقولك عمل فيكي حاجة الزفت ده؟

كنز فهمت: إيييه.. لا طبعًا إزاي حضرتك تقول كده؟

جاسم خد نفس وحضنها لأنه فعلًا كان خايف عليها وبعد كده بعد عنها.

جاسم: احكيلي إيه اللي حصل؟

كنز بكذب: أنا كنت في عيد ميلاد صاحبتي ولقيته هناك.. ودوخت من الهزار والرقص وهو جابني على هنا زي ما نور قالت.

جاسم: وهو عرف عنوانك منين؟

كنز بتوتر: أ... أكيد صحابي قالوله.

جاسم: وليه هو اللي جابك.. ليه مش صحابك؟!

كنز قامت: يووو ما أعرفش أنا كنت مغمى عليا.

عمر فتح الباب: جاسم في مصيبة.

آدم: يا ليلي افتحي الباب.

ليلي ببكاء: مش عايزة أفتحه.

آدم: براحتك يا ليلي.. بس اعرفي إني هتجوزك الأسبوع الجاي.. غصب عنك.

ليلي ابتسمت لأنها حست في نبرة صوته إنه عايزها، بعد كده عملت نفسها بتعيط علشان ما يحسش إنها فرحت.

آدم: افتحي يا هبلة عايز أشوفك وأنتِ بتضحكي.

مالك راح شقته اللي على النيل وأمه اتصلت ما ردش عليها وقعد على النيل وهو بيأنب نفسه.

مالك: أنا غبي.. غبي.. كانت معايا.. في إيدي.. ما كنتش رجعتها.. كنت لويت دراعه بيها.. كنت رجعتها ليه مش نافعة.. بس أنا غبي.

التليفون رن تاني كنسل وفتح الصور وأول ما فتح ظهرت صورته مع كنز لأنه اتصور معاها برضه على تليفونه.

مالك بيضحك: ما ترقص معايا يا مز أنت (بيقلدها وهي سكرانة).

مالك مسك الفرشاة وبدأ يرسم.. من فترة كبيرة مش بيرسم وبيصور بس.. بدأ يرسم بمشاعره اللي كونت صورة "المدلعة".

جاسم قاعد في الريسبشن وكلهم حواليه وهو متعصب وبيهز رجله ونور جنبه بتطبطب عليه وكلهم ساكتين.

جاسم: أعمل إيه أتصرف إزاي؟!

عمر: إن شاء الله في حل.

جاسم: الصحافة كلها بتتكلم على السندريلا اللي بترقص في نايت كلوب مع شاب.

ملك: طب الموضوع ده يتحل إزاي؟

جاسم بغضب: مش عارف.

كنز قامت: أنا هتصرف.. ممكن يا روح تندهي تاليا من فوق؟

روح: حاضر.

روح نازلة من على السلم.

روح بتوتر: طنط نور تاليا مش فوق.

كلهم اتصدموا لأن جاسم كان مانعها تخرج من آخر مرة، وجاسم حط دماغه بين إيديه بتعب واضح من المشاكل اللي فيها ومش بتخلص.

كنز: تعالي معايا أنتِ يا روح.

ملك: على فين؟

كنز: هحل الموضوع الأول.. وأنتوا شوفوا تاليا.

مالك فاتح القميص والسلسلة باينة وحاطط سيجارة بين شفايفه على الجنب وبيرسم ومشغل فيروز والباب خبط.

مالك: أيوه.. كنز.

كنز: خليكي في العربية يا روح.

روح بتوتر: طب ما تتأخريش.

روح نزلت وكنز بصاله وهو شدها من وسطها عليه وقفل الباب.

مالك: حمد الله على السلامة يا مدلعة.

كنز بتبعده: أحم.. الله يسلمك.. أنا كنت عايزة أطلب منك طلب.

مالك قعد: إيه هو؟

كنز: دلوقتي في حد صورنا وإحنا بنرقص وأنا قولت.. نقول في بوست إنك خطيبي وكنا في عيد ميلاد جايدا وإن دي صاحبتي.. ممكن؟

مالك راح وقف قدامها بالضبط والباب اتفتح فجأة.

"الباب اتفتح ودخلت فاطمة"

فاطمة: مالك، إيه اللي بيحصل؟

كنز بكسوف: أ.. أهلًا يا طنط.. أ.. مالك أنا همشي، فكر في كلامي وابقى كلمني احكيلي إيه اللي حصل بينك أنت وبابا.

"كنز مشيت ومالك قعد وأمه قعدت"

فاطمة: كنز كانت هنا لإيه؟

مالك: أنتي مش كنتي هتقعدي يومين؟!

فاطمة: اتصلت بيك علشان أقولك إني هرجع النهارده أنت مردتش.. وبعدين رد عليا، كنز كانت هنا ليه؟

مالك: قريب هتفهمي كل حاجة.

...

"كنز فتحت باب العربية وقعدت ورا جنب روح"

روح: إيه اللي حصل؟

كنز: لقيت حل للموضوع.

روح: طب لما أنتي هتطلعي لوحدك خدتيني لإيه؟!

كنز: علشان يعرف إني مش لوحدي.. وبعدين أنتي كنتي عايزة تدخلي معايا؟!

روح: آه كنت خايفة عليكي وأنتي معاه لوحدك!!

كنز ابتسمت: روحنا الفيلا يا عم عبده.

السواق بطاعة: أوامرك يا كنز هانم.

...

عمر: يعني هي معاك دلوقتي يا جاسم، أنت نازل من البيت بقالك ساعة ومتصلتش تقولنا لقتها ولا لأ، ونور منهارة.

جاسم بخنقة: قولتلك عرفت مكانها ورايح أجيبها.. وبعدين كنت بكلم ناس تعرفلي مكانها.. اديني نور.

"جاسم خد نفس علشان ميتعصبش أو يزعل نور"

جاسم بحنية: نور.. بطلي عياط يا روحي.

نور ببكاء: خايفة عليها يا جاسم.

جاسم: بس أنا خايف عليكي برضو يا نور.

نور: حاضر هبطل عياط بس بالله عليكي طمني.

جاسم: عيوني يا عيوني.

"نور قفلت وكالعادة جاسم عمره ما يفشل إنه يطمنها"

..

تاليا في بيت صاحبتها: ميمي أنا حسيت إني بموت.. أنا أدمنت صح؟

ميمي وهي بتنفخ السيجارة: أنتي شايفة إيه؟.. وبعدين ده مش إدمان ده مزاج!!

تاليا: أنا جيت أخد السيجارة بتاعت كل يوم.. همشي بقى.

ميمي: بس وحياة أبوكي اللي من أغنى رجال مصر هاتلنا المرة الجاية فلوس علشان نشبرق بيها على نفسنا.

تاليا: ماشي باي.

..

"تاليا نازلة في الأسانسير وأول ما الباب اتفتح في الحوش ظهر جاسم وهو حاطط إيده على الباب وبيشرب سيجارة عادية"

تاليا بخوف: بابي!!

جاسم بينفخ السيجارة: ده أنتي ليلة أبوكي سودة.

...

فاطمة: أنت نازل... أنت عارف الساعة كام دلوقتي؟

مالك بيقفل الجاكت: مشوار وراجع.

فاطمة: اهرب براحتك.. بس أنا مش هسيبك غير لما أعرف أنت قولت لجاسم إيه.

مالك: يبقى يحلها ربنا.

..

"كنز وصلت الفيلا وكان في نفس الوقت جاسم وصل وكان ماسك تاليا من إيديها جامد وداخل الفيلا وكنز وروح نزلوا من العربية التانية ودخلوا وراه وكلهم وقفوا في الريسبشن"

تاليا بتشد إيديها: في إيه يا بابي أنا مش صغيرة على كده.

جاسم بصوت عالي: ده أنا أكسر رقبتك وأوعي تفتكري إني علشان سايبك براحتك أبقى مش قادر عليكي.

نور: أنتي إيه اللي خرجك.

تاليا: صحبتي كلمتني وقالت إن عربيتها عطلت وأنا روحت وقفت معاها وروحتها بيتها علشان كانت تعبانة وكنت همشي.

جاسم: وأنا بريالة علشان أصدق.

نور: ولو ده اللي حصل مقولتيش لإيه؟

تاليا بدموع: علشان كلكوا.. كلكوا مشغولين بست كنز.. ومشاكلها.. محدش مهتم بيا.. حتى أخويا البتاعة اللي اسمها روح خدته مني.. أنا هغور في داهية وأبعد عنكم.. أنا مش مسامحاكي يا ماما على أي حب كنز خدته منك وأنا كنت أولى بيه.

"تاليا كانت هتطلع أوضتها بس وقفها صوت جاسم"

جاسم: استني عندك.

"جاسم راح وقف قدامها ونور مكانها بتعيط"

جاسم: أنا عمري ما سمحت لمخلوق يزعق لنور.. وعمري ما خليت حد يهين حد في البيت ده وأنتي غلطتي.. وأنا قصرت في تربيتك...

"قلم نزل على وش تاليا ونور كانت هتجري عليها بس جاسم مسكها من إيديها وتاليا طلعت أوضتها.

كنز ببكاء: جاسم هي.. ممكن أكون.. يعني ده مش مكاني.. ومينفعش أكون هنا هي أولى باهتمامكم.. أنا همشي.. وعلى العموم أنا حليت الموضوع أو تقدر تعتبره اتحل.

"جاسم نده عليها كتير بس هي كانت هتعيط فجريت ركبت السكوتر وطلعت على بيتها."

..

"مالك دخل النيت كلوب وكانت جايدا لسه موجودة"

مالك: جايدا عايزك.

جايدا: هي القمرة روحت فأنت رجعت لحضني.

مالك: متجيبيش سيرتها.. أنا عايز أتكلم معاكي.

جايدا: نعم يا مالك.

مالك: أنتي هتطلعي في مؤتمر صحفي تقولي إنك صاحبة كنز وإنها كانت في عيد ميلادك.

جايدا: وأنا إيه اللي يجبرني على كده؟

مالك مسكها من شعرها: أنا يا روح أمك!!!

جايدا: مالك آآه.. خلاص حاضر.

مالك سابها: كده اتفقنا.. Happy birthday.

..

آدم: أيوة.. كوكي وحشتيني.. إيه ده أنتي بتعيطي؟!

كنز ببكاء وهي بتحضنه: أنا محتاجاك أوي.

"آدم بيطبطب عليها."

آدم: مين زعلك يا روح قلبي؟

كنز ببكاء: مش قادر أتكلم.

..

"مالك روح بيته وفتح الباب لقي جاسم قاعد مع أمه"

جاسم: اتأخرت أوي.

جاسم: اتأخرت أوي.

مالك وهو بيقفل الباب: أنت إيه اللي جابك هنا؟

جاسم: أستاذة فاطمة، أنا محترم لوجودك بس.

فاطمة: احترم نفسك يا ولد، إحنا آسفين يا جاسم بيه.

جاسم: أنا جيت علشان تعقليه يبعد عن بنتي وعن عيلتي وإلا...

فاطمة: هيبعد يا جاسم بيه، أوعدك.

جاسم فتح الباب ومشي، ومالك وقف قدام أمه.

مالك: أنتي بتكلميه كده ليه؟ بتحترميه لإيه؟ ده أنا هطلع عين أهله.

فاطمة: كلمة واحدة هقولهالك، ابعد عن البنت دي وأبوها، إحنا مش قدهم، أنت فاكر إن بالكام مليون اللي عندك دول هتقدر عليه؟ ده يوزنك كده ألماس مش دهب.

مالك: أنا هغور في داهية.

مالك دخل أوضته وقعد على السرير بيفكر ومن التعب نام مكانه.

آدم قاعد في الريسبشن وحاضن كنز وهي بتعيط وبيحاول يهديها، وليلى سمعت صوت كنز نزلت جري.

ليلى: كنز مالك؟ بتعيطي لإيه؟

كنز وهي بتحضنها: محتاجة أتكلم معاكي.

ليلى خدتها وطلعت بيها لأوضتها، وآدم بيبصلها بفرحة إنها بتهتم بكنز وعملت أدوار كتير أم وأخت وصاحبة كمان.

نور على باب أوضة تاليا: بقولك افتحي.

تاليا وهي بتفتح: يوووه، عايزة أقعد لوحدي، إيه الزن ده.

نور وهي بتزقها لجوه: زن يا قليلة الأدب؟ أنتي إزاي تعملي كده؟ بتشتمي أختك وبنت عمتك عين عينك كده؟

تاليا: أنتو صدقتوا إنها بنتكوا؟ أنتو يا دوب مربينها، لكن أبوها عايش، ما ياخدها بقي ويخلصنا.

نور: يا شيخة ربنا ياخدك أنتي ويخلصنا.

تاليا وهي بتستغطى: يا رب، يلا بقي في عايزة أتخمد.

نور: وحياة أمك يا تاليا لأربيكي.

نور خرجت وتاليا مسكت الفون وبتقلب فيه.

ليلى: هي أكيد كانت غيرانة شوية من حب جاسم ونور ليكي، بس أكيد كل شيء هيتصلح، تاليا بتحبك بس هي زعلت شوية.

كنز: بس كلامها منطقي، هي فعلًا محتاجة الحب ده، وأنا مش بنتهم، فلإيه؟

ليلى: بس جاسم بيحبك، والدليل إنه مش هيسيبك تباتي بعيد عن حضنه.

كنز: مش عارفة بس حاسة إن كلام بنته أثر فيه.

ليلى: مفيش الكلام ده، وبعدين مش أبوكي اتشحتف كده وطلب إيدي؟

كنز بفرحة: بجد؟ لولولولولولولي مبروك يا لولي.

ليلى: الله يبارك فيكي، ما كنتش أعرف إنك هتفرحي كده.

كنز: ده أحلى خبر سمعته النهاردة، ألف مبروك يا قلبي.

آدم من تحت: كنز تعالي عايزك.

كنز نزلت: نعم يا باب... جسومي.

جاسم كان قاعد بيشرب قهوة وجمبه آدم.

جاسم وهو بيحضنها: ما أقدرش أنام وأنتي بعيدة عني يا حبيبة بابي، وما أقدرش على زعلك، ده أنتي بنتي الكبيرة وأحلى حاجة في حياتي.

كنز: أنا بحبك يا جسومي.

آدم: مفيش كسوف من أبوكي اللي واقف ده، وبعدين هو أنا مش أبوكي يا بت؟ ابن عمك أنا.

جاسم: آه ابن عمها، ابعد بقي.

آدم: طيب جوزهالي بقي.

جاسم: لا حاسب، دي مهرها ألماس.

كنز: هههه، وبعدين ليلى هترضي إنك تتجوز عليها يا نمس؟

جاسم: لا ما تقوليش.

كنز: آه والله.

جاسم: مبروك يا فواز.

آدم: فواز؟! الله يبارك فيك يا عم، هستناكم يوم الجمعة بقي.

جاسم: يلا بقي نروح.

كنز بفرحة: يلا.

يزيد: مامي أنا عايز بكرة أروح مع كنز.

حور: هتروح فين يعني؟

يزيد: المؤتمر الصحفي اللي هتعمله.

حور: هي هتعمل مؤتمر صحفي تقول فيه إيه؟!

يزيد: روح بتقول إنها قالتلها هتعمل مؤتمر صحفي وتقول إن الحفلة دي بتاعت صحبتها والولد ده خطيبها.

حور بصدمة: ولد مين؟ مالك ابن يوسف؟ طب إزاي؟

جاسم: أنتي طيب لإيه كلمتي الصحافة؟ قولتي إنك هتعملي مؤتمر؟ وبكرة كمان، أنا أصلًا مش موافق إنك تقولي إنه خطيبك.

كنز: هو ده الحل يعني، أعمل إيه؟ وبعدين هو وافق.

جاسم وهو بيسوق: كنز أنتي عارفة إن كمان الصحافة عارفة إنك بنتي أنا وأكيد هيسألوا لإيه ما عملتيش حفلة بمناسبة الخطوبة؟

كنز: هقول إن الموضوع خاص جداً وأنا مش حابة أعمل حفلة.

جاسم: ربنا يستر، يلا انزلي.

كنز نزلت من العربية وأول ما نزلت شافت يوسف جاي عليها.

يوسف: أهلًا يا كنز، أنا ما رضيتش أمشي غير لما أسلم عليكي.

كنز: هو أهلًا وكل حاجة بس أنت مين؟

جاسم: ده يوسف ابن مادلين يا كنز اللي...

كنز: آه، أهلًا، يلا يا جاسم إحنا.

جاسم ببرود: توصل بالسلامة يا يوسف.

يوسف بكسوف: باي.

نور وهي بتحضن كنز: لو ما كنتيش جيتي كنت روحتلك أنا.

كنز: وأنا جيت أهو.

جاسم: يلا اطلعي غيري.

كنز: أوكي يا جسومي، تصبحي على خير.

جاسم: وأنتي من أهله.

نور وهي في حضن جاسم: أنت مستحمل كتير أوي.

جاسم: أهو الحضن ده هون عليا تعب اليوم كله، بحبك.

نور: وأنا كمان.

كنز وهي على السرير: يوووه، رد بقي.

مالك بنوم: الو، إيه يا كنز، في إيه؟ أنتي كويسة؟

كنز بارتباك: أنا... عامل إيه؟

مالك: أنتي هبلة؟

كنز بتوتر: لا أنا... أنا بكلمك علشان... آه... هتيجي بكرة صح؟

مالك: آه، ابعتي مكان المؤتمر وأنا هاجي عليه.

كنز: أممم... طيب تصبح على خير.

مالك: وأنتي من أهله.

كنز: طب استني.

مالك فهم إنها عايزة ترغي معاه، ابتسم وفتح النور.

مالك: يا نعم.

كنز: قولي بقي هتلبس إيه؟!

نور في حضن جاسم: عارف يا جاسم، مالك صعب عليا.

جاسم: أنتي طيبة أوي يا نور، ده و*** زي أبوه.

نور: لا على فكرة شكله تعبان في حياته، معذور عاش بردو من غير أب.

جاسم: نور إحنا مش عايزين نأذيه، هو اللي ناوي على أذية.

نور: كان نفسي أول ما أشوفه أخده في حضني وأقوله أنا قريبتك، أنا زي عمتك كده وأقرب لأبوك ولجدك وأحسسه إنه ليه حد بس... غصب عني والله أبوه الله يسامحه هو اللي عمل كده.

جاسم: نور أنا معاكي يا قلبي، وبعدين تاخدي مين في حضنك؟ ده أنا كنت دفنتك.

نور بخضة: دفنتني؟ يا لهوي.

جاسم بيغمز: في حضني، كنت هدفنك في حضني.

صباح يوم جديد، اليوم مشي طبيعي من بين هزار وضحك من عيلة جاسم اللي بتجهز علشان المؤتمر، وتاليا مش عايزة تروح ونور بتقنعها وأخيرًا وافقت، وكنز قدام المراية بتبص للفستان اللي لابساه علشان المؤتمر.

كنز: الو يا مالك، إحنا جهزنا انزل أنت بقي.

مالك: أنا تحت بيتك أصلًا.

كنز وهي بتجري على البلكونة: قول والله.

مالك: طبعًا مش خطيبتي، لازم أنا اللي أوصلها.

كنز بفرحة: شكلك حلو.

مالك: مش أحلى منك، بس والنبي حطي حاجة على دراعك اللي باين ده.

كنز: هههه، باي يا عم.

كنز لابسة الفستان ده وجزمة حمراء وعملت تاتو على رقبتها وزي القمر، وأخيرًا نزلت تحت وجاسم كان واقف وكالعادة في حضنه نور اللي كانت زي القمر بفستانها الأبيض الضيق وعمر بيعاكسها وكلهم بيضحكوا.

كنز: طب يلا علشان نمشي هنتأخر.

جاسم: شوية أميرات طالعين من ديزني.

كنز: اسم الله عليك وأنت إيه بقي؟ ده أنت مز... آااه.

نور: إيه ده بقي؟ كله إلا قمري ده.

جاسم باسها: طب يلا يا روحي بقي.

كلهم خرجوا من الكمبوند ولقوا مالك واقف ولابس بدلة سودا وقميص أسود فاتح أول زرارين، وحزمة سودا وساند على العربية بيلعب في الفون وأول ما شاف كنز مسك إيديها ركبها العربية ولسه بيقفل الباب جاسم اتكلم.

جاسم: تعرف إني ممكن أدفنك مكانك على الحركة دي؟!

مالك وهو بيقفل الباب:

مالك وهو بيقفل الباب: لايه؟!.. واحد وبيوصل خطيبته ده انت غريب اوي يا جدع!!.

جاسم كان هيقرب منه يضربه بس نور مسكته.

جاسم: خطيبتك مين يا روح.

انت صدقت ولا ايه ده انت متحلمش تبص في عينيها بس.. سامع!!.

مالك وهو بيركب: انا مش بفركش الخطوبه علي فكره!!.

مالك اتحرك وكلهم بدأو يركبو وجاسم فهم معني اخر كلامه.

كنز في العربيه: هي البتاعه دي هتيجي امتي.

مالك: چايدا.. بعتلها لوكيشن وهي زمانها قربت من المكان.

كنز: اممم.. تعالي بقي اعرفك علي اهلي علشان متتلغبطش وانت في المؤتمر لو حد سألك.

مالك: قولي.

كنز: اللي لابسه فستان لونه نبيتي دي ملك اخت بابي وجوزها اللي واقف جمبها شادي.

واللي لابسه فستان لونه بينك كده وعيونها خضراء دي حور.

وجوزها اللي لابس بدله رمادي كده وشعره كيرلي.. ده عموري.

مالك: عموري.. قولتيلي.. كملي.

كنز: واللي لابس بدله زرقاء وزي القمر ده نوح هيدخل جامعه معايا السنه دي.

واللي جمبه لابسه فستان فضي قصير وشعرها قصير دي روح بنت طنط ملوكه.

مالك: طنط وملوكه!!.

كنز: اه.

واللي لابسه فستان اسود ومش طايقه نفسها دي تاليا بنت جسومي اختي يعني.

مالك: بس مزه البت دي!!.

كنز وهي بتضربه: اتلم.

اه واللي لابسه فستان ابيض وديق كده وشعرها شبه شعري دي.. نور!!.

مالك وقف العربيه جامده وبصلها وكنز اتخضت.

مالك: هي دي نور.. دي.. دي صغيره مش زي ما كنت فاكر.

كنز بضحك: ايوه هي قموره زي جاسم ومش باين عليهم سن خالص.

مالك بصلها: انا اسف انا وقفت مره واحده.

كنز: لا عادي يلا بس علشان جسومي واقف ورانا.

جاسم: هو وقف لايه.

نور: ممكن كنز بتعدل ميكب أو حاجه.

جاسم: يا ابن ال.. خدها معاه في العربيه.

نور: بس الواد قمور اوي.

جاسم بغضب: ما تتلمي يا نور.

تاليا من ورا: يوووه علي فقره الحب والغيره دي.

جاسم: انتي تخرصي خالص علي اللي عملتيه.

نور: خلاص اهو اتحرك يلا بقي.

شادي: مكنش لازم يعني روح تركب مع نوح لوحدهم.

الولد برضو صغير مش هيعرف يسوق كويس.

ملك: نوح الله واكبر بيعرف يسوق وبعدين منتا عارف ان نوح دايما مع روح من وهما صغيرين.

شادي: والله خايف في يوم يجي يقولي يا عمي.

ملك: ههههه.. قريب اوي والله.

عمر: بصي بقي الخمسه دي.

حور: اعااا.. يخربيتك هتقلبنا بالعربيه.

يزيد: بقولك يا عمور سرع شويه.

عمر: حبيب قلبي.

حور: اعاااا هتموتوني ناقصه عمري.

أخيراً وصلو ونزلو كلهم مع بعض وكان في صحافين كتير بيصورو ومالك ماسك ايد كنز وكالعادة العيله كلها خطفت الأضواء ونور وكنز الكاميرا متركزه عليهم من جمالهم الشديد.

وجاسم الصحفيين البنات واقفين حواليه هو وعمر وشادي.

وكمان الفرد الجديد اللي انضم ليهم وهو مالك.

وأخيراً قعدو كلهم فوق والصفيين علي الكراسي تحت زي قاعه كده والصحافيين بيسألو.

صحفي: استاذه كنز.. ولا نقول سندريلا.

مالك بصوت واطي: يا لطف امك.

كنز بضحك: لا افضل كنز.

الصحفي: يا تري يا فندم لايه معملتيش حفله بمناسبه الخطوبه كبيرة وحضراتكم عيله شهيره جدا واكيد كانت هتبقي حفله عالميه.

كنز بجديه: شايفه أنها حاجه تخصني انا وعيلتي وانا محبتش اعمل حفله خطوبه وفضلت نحتفل انا وعيلتي.

اي سؤال تاني.

صحفيه: انا يا فندم عندي سؤال.

كنز بلطف: اتفضلي.

الصحفيه: يا تري ايه الصدفه الجميله اللي جمعت بين سندريلا و الفارس الجميل.. ولا مش صدفه وفي معرفه سابقه.

كنز لمالك: اتكلم انت.

مالك بابتسامة وهو بيمسك ايديها جامد: لا هي صدفه بس تقدري تقولي احلي صدفه.. حاجه مميزه كده ومكنش فيه معرفه سابقه.

صحفي تاني: استاذ جاسم.. حضرتك شايف زوج ابنتك المستقبلي ازاي من وجهه نظرك.

جاسم بيجز علي سنانه: والله مفيش احسن من مالك.. شاب محترم ومتربي.. وبيحب بنتي وده كفايه.

صحفي: استاذه نور أو ملكه جمال العالم بالنسبه للشباب.

نور بابتسامة: اتفضل.

صحفي: حضرتك شايفه استاذ مالك ازاي.

نور بدموع بتخبيها: والله هو زي ابني واكتر.. هو انا متاكده انه محترم وداخل عيلتنا وغرضه شريف مش يأذينا مثلاً.

ربنا يجمع بينه وبين كنز علي خير.

مالك الكلام أثر فيه بس رجع لطبيعته.

صحفيه: دكتور جاسم حضرتك شايف الموقف اللي حصل في النيتكلب من وجهه نظرك ازاي يا دكتور.

جاسم بجديه: والله شايفه طبيعي عيد ميلاد صاحبه بنتي واكيد مش هتروح لوحدها وفكره أنها ترقص مع خاطبها دي حاجه بتحصل كتير في العالم كله مش جريمه يعني واللي صور ده انا كان ممكن ارفع قضيه انه صورهم بدون علمهم بس مش حابب اعمل مشاكل لاستاذ حسين الصحفي.

صحفي: استاذ چايدا.. حضرتك تعرفي كنز من مده.

چايدا: اه طبعا دي حبيبتي واختي.. من ثانوي مثلا.

كنز بصتلها بقرف ورجعت بصت لمالك.

ليلي: مش عارفه بس مش لازم قاعه بقي.

ادم وهو بيمسك ايديها: لا لازم انتي عروسه يا قلبي.

" تن تن"

ادم وهو بيفتح الباب: ايوه.. مين حضرتك.

سامح: انا سامح خطيب ليلي ممكن تندها.

ادم برفعه حاجب: نعم.

ليلي: في ايه.

سامح انت جي لايه.

سامح: عايز خطيبتي.

ادم: قصدك علي مراتي.

سامح: مراتك.

ليلي اتكلمي.

ليلي: ايوه انا فعلاً مراته.

ادم: اتفضل امشي بقي.

سامح: شكراً يا ليلي.

سامح مشي وادم قفل الباب وقعدها جمبه.

ادم: فهميني بقي.

جاسم: كفايه أسأله.. عن أذنكم المؤتمر خلص.

جاسم شد نور ومش في المقدمه والجارد حواليهم والصحافيين عمالين يسألو في صوت واحد بس هو مش بسرعه وركب عربيته هو ونور واتحرك شويه.

وكلهم وراهم.

نور: الحمدلله كده الموضوع خلص.

جاسم: الحمدلله.

كنت خايف عليكي اوي.

نور بضحك: من ايه.

جاسم: من عيونهم يا روحي.

كنز: ايه ده احنا رايحين فين.

مالك: بيتي.

كنز: نعم.. جاسم هيزعقلك جامد.

مالك: نبقي نشوف الموضوع ده.

ادم: يعني هو ده اللي حصل.

ليلي: اه والله.

ادم: انا مصدقك وربنا يرحم مامتك انتي ملكيش ذنب.

ليلي: انا.. عايزه اقولك انك حنين اوي وساعت بتبقي غريب.. بس انا بحبك.

ادم بصدمه وفرحه: قولتي ايه.

جاسم وقف قدام الڤيلا: يعني راحو فين موبايلها مقفول.

نور بصوت ضعيف: جاسم.

جاسم مش سامعها: يا ابن ال.. خد البنت فين.

نور: جاسم.

جاسم لف وشافها وهي بتقع في الارض.

جاسم بصدمه وخوف.

جاسم لف وشاف نور وهي بتقع.

جاسم بخوف وهو بيجري عليها: نور.. نور شادي شغل العربية بسرعة!

جاسم شالها ودخل بيها العربية وراحوا المستشفى بتاعة جاسم. طول الطريق بيتصلوا بكنز وموبايلها مقفول.

آدم: طيب كده أظن كل حاجة جاهزة. القاعة اتحجزت، الفستان كمان يومين هيكون عندك، عزمنا الناس، وكله تمام. تحبي حاجة تانية؟

ليلى بعيون فيها أسئلة: لا كده تمام.

آدم وهو بيسيب الفون ويلف ليها: مالك يا ليلى؟ عايزة تقولي حاجة؟

ليلى بتوتر: آه.. لا.. لا مش عايزة.

آدم: ليلى قولي، إنتي عايزة إيه؟ أنا مش بتعصب عليكي!

ليلى: هوووف.. بص بصراحة كده.. هو انت ممكن لو حصلي حاجة تتجوز عليا؟

آدم غمض عيونه لأنه كان خايف تسأله السؤال ده وتفهم أنه اتجوزها عشان مراته اللي ماتت.

ليلى: خلاص خلاص اعتبرني مقولتش حاجة.

آدم بهدوء: بصي يا ليلى، أنا لما اتولدت أبويا كان مصري ومتجوز من أمي لبنانية. واتولد لقيت أبويا بعدها بسنتين مات. ولما كنت في ثانوي قررت أنزل مصر وأتعرف على بلدي وكمان أكمل تعليمي. ولما نزلت اتعرفت على هدى أم كنز، كانت هادية ورقيقة وحبيتها. وأنا في جامعة أمي ماتت ولقيت نفسي معايا فلوس كتير ورث أبويا وأمي. ساعتها هدى فضلت معايا وهي اللي اقترحت عليا أعمل بالفلوس شركة تخصني. وبحكم العشرة حبيتها واتجوزتها.

ليلى بغيرة: طب وريناد؟

آدم بسخرية: لا ريناد دي حوار تاني خالص. لما هدى ماتت وهي بتولد كنز، أنا مكنش ليا حد. أمي وأبويا ميتين ومليش أهل. وكنز بنت وخوفت من تعاملي معاها يكون غلط. يعني قولت لو عرفت أتعامل معاها دلوقتي لما تكبر مش هعرف.

ليلى: طب ليه مجبتش مربية؟

آدم: جبت مرة وهي بيبي.. واكتشفت أنها مش بتهتم بيها خالص. وأنا كأب خوفت أجيب مربيات تاني، كنت خايف عليها وأهملت شغلي تماماً. لغاية لما واحد صاحبي اقترح عليا أتجوز. كنت رافض جداً بس مفيش قدامي حل. وفي اجتماع شوفت ريناد، كان باين عليها طيبة جداً وكانت خجولة أوي أو ده اللي كنت فاكره. وبدأت تيجي ليا البيت بحجة إنها عايزة تتعرف على كنز وتلعب معاها وكده. واتجوزتها وبعد سنين حصل اللي حصل وسرقتني. كنت مدمر بمعنى الكلمة. تخيلي مراتي تموت وبنتي أشوف جثتها قدام عيني ومراتي والحارس بتاعي خانوني وسرقوا شركتي أو شركة من شركاتي. كان ممكن أقتلها بس مكنتش حاسس بحاجة. كل حاجة كانت مظلمة لغاية لما جيتي يا ليلى.

ليلى بحركة عفوية حضنته: أنا آسفة إني سألتك.. ومش هسيبك أبداً.

كنز وهي نازلة: إيه ده؟ انت عندك قصر؟

مالك بينزل من العربية: آه.. ده بتاع ماما وبابا والشقة اللي على النيل بتاعتي.

كنز وهي بتتفرج عليه من بره: طب جبتني هنا ليه؟

مالك: قولت نتفرج عليه لوحدنا.

كنز وهي بتقرف: وده اسمه إيه إن شاء الله؟ أمك مش هنا يعني.

مالك وهو يقرف: أمك.. اسمها أمك!

كنز: روح البس ونقعد في كافيه وأنا هستناك هنا.

مالك: كافيه؟

كنز بصوت عالي: يا عم يلا بقى!

مالك: هششش.. خلاص هروح أغير استنى في العربية.

(بصلها بنظرة تحذير)

مالك: في العربية يا كنز!

كنز: ماشي يوه.

الدكتورة بتكشف على نور وكلهم حواليها وجاسم ماسك إيديها.

الدكتورة: لا خير الحمد لله. مدام نور بس الضغط ارتفع عندها، ارتفع فده سبب الإغماء مش أكتر.

جاسم: شكراً يا دكتورة نهلة.

الدكتورة: العفو، ده شغلي. عن إذنكم.

جاسم: السلامة عليكي يا نور.

نور: الله يسلمك.

جاسم: كنز جت.

جاسم: تلاقيها لسه مع الحيوان ده.. وموبايلها مقفول.

نور: طب أنا بقيت كويسة يلا نمشي.

جاسم: يلا.

كنز قاعدة ومشغلة أغاني وناسية إنها قافلة الخط ومعلية الصوت وبتغني. وشافت مالك نازل تنحت شوية.

مالك: إيه ده؟ مالك؟

كنز بتغمز: إيه الجمال ده يا برنس.

مالك بتصنع الكسوف: تؤ.. بتكسف.

كنز: هههههه.. تعالي اركب بقى.

مالك لابس بنطلون شروال أسود وسويت شيرت لونه بيج وكوتشي أسود ولابس آيس كاب ونضارة شفافة وكان باين إنه من بره مصر فعلاً.

تاليا راكبة مع جاسم ونور ورا في العربية وتأثير المخدرات بدأ يبان عليها. وكل شوية تمسك دماغها وبتتهز رجليها جامد وبتتنفس أسرع.

جاسم وهو بيبص ليها في المراية: مالك يا تاليا؟

تاليا بتعب: م.. مفيش.

جاسم بشك: اومال مالك مش قاعدة على بعضك ليه؟

تاليا بنبرة صوت متوترة: عايزة أدخل الحمام بس.

جاسم: ماشي، إحنا خلاص قربنا نوصل البيت.

نور كانت نايمة على الشباك. جاسم بصلها وابتسم وبدأ يسوق أسرع وتاليا رجعت دماغها لورا بتعب.

في عربية نوح وروح.

نوح: هو مش إنتي قولتي لمولوكة إنك مش هتسافري؟

روح: أيوه يا نوح بس مقولتلهاش أنا هتجوز.

نوح: أنا قولتلك يا روح أول ما هدخل الجامعة هفتح والدك في موضوعنا، أنا مش عيل.

روح: عندك حق بس أنا اللي عيلة يا نوح. إنت أكبر مني بسنة وأمي عايزة إني أكمل تعليم. هروح أنا أقولها أنا هتجوز.

نوح: أنا قولت خطوبة لغاية ما أخلص الجامعة. وإنتي هيكون فاضلك سنة واحدة تكمليها في بيتنا بقى يا روحي.

روح: طيب أنا هفتح معاها الموضوع.

ملك: ياه بالسرعة دي.

شادي: هو أنا بقولك بكرة.. أنا بقولك هنسافر كمان شهر.

ملك: تؤ.. أنا أصلاً مش عارفة إزاي هسيب ملك لسه مش مقتنعة.

شادي: ملك لو دي رغبة روح أنا مش هغصبها. وبعدين جاسم معاها. وإنتي أكتر واحدة عارفة إنه عمره ما فرق بين ولاده. وروح هي وابن عمر يزيد. يعني هي في أمان. وكمان نور وحور معاها وغير تاليا وكنز.

ملك: آه تاليا.. فكرتني. البنت دي اتغيرت جداً.

شادي: إزاي؟

ملك: معرفش. دايماً في أوضتها وبتاكل متأخر وبتنام كتير. وغير الأفكار اللي طالعة في دماغها. تصوري بتقول لنور إنها عايزة تصبغ شعرها أحمر وتعمل بريسنج في شفايفها وتسافر أمريكا تكمل تعليمها. طبعاً نور موافقتش.

شادي: هههه.. حبيبتي دي مرحلة مراهقة. بس هي مندفع شوية وعايزة تعمل كذا حاجة في نفس الوقت.

ملك: ممكن.

في كافيه قدام عمارة مالك قاعدين بيضحكوا.

كنز: خلي في بالك انت والنعمة ما سهل.

مالك: يا بت أهدي. مش إحنا مخطوبين قدام الدولة؟ إزاي خطوبة من غير دبل؟

كنز: هههه.. طب روح قول لجاسم كده. قوله يا عمي إحنا عايزين نجيب شبكة. هتتهان!

مالك: نينينني.. على فكرة الجواز تشهير. يعني من بكرة أنزل خبر إني اتجوزتك.

كنز: ويا ترى جاسم هيعمل فيك إيه؟

مالك: لا منا وأنتي هنهرب بعد الخبر ده.

كنز: هههههههه.. يالهوي كفاية. بقولك صح تيجي معايا بكرة الجمعية الخيرية بتاعت بابي.

مالك بسخرية: هه.. هو دكتور جاسم عنده جمعية؟

كنز: لا دي بتاعت بابي اد...

مكملوش كلامهم عشان

كنز: لا أنا أقصد بتاعت بابي.

لم يكملوا كلامهم ليجدوا فاطمة، أم مالك، واقفة أمامهم وبجانبها واحدة تحمل حقيبة سفر.

مالك: إيه ده؟ أنتي جيتي إمتى يا أمي؟ ما قولتي هتقعدي يومين!

فاطمة بصرامة: ما أنت لو بترد على مكالماتي كنت عرفت إني لقيت كل حاجة تمام وقررت أرجع النهارده.

مالك: طب ما روحتِش على القصر ليه؟

فاطمة: أنا عارفة إنك بتقضي وقتك هنا في الشقة دي وكنت هطلع، بس لقيتك قاعد أنتِ والآنسة كنز هنا.

(هي رأتهما لأن الكافيه أمام العمارة)

كنز: احم... حمد الله على السلامة يا طنط.

فاطمة بابتسامة مصطنعة: الله يسلمك. بس يا حبيبتي أحب أعرفك إن والدك مش حابب إنك تبقي مع مالك، فمش عايزين مشاكل.

كنز بكسوف: أنا بس كنت...

مالك بصرامة: أمي! مفيش حد هيمنع خطيبتي إنها تشوفني وقت ما تحب. يلا يا كنز.

أحمد (الجارد) أوصل ماما الشقة واطمئن أنها بخير.

(فاطمة مصدومة جداً ومالك شد كنز ومشى بها، والشوارع كانت فاضية لأن الدنيا ليل، وفضلوا يتمشوا لحد ما يلاقوا تاكسي)

كنز وهي تجري: أجري بسرعة هتتغرق.

مالك شدها ووقف قدامها وهو بيضحك: طب افرضي اتصورتي دلوقتي يقولوا علينا إيه؟

كنز: أنت خطيبي.

مالك: خطيبك؟

كنز: أه، الصحافة فاهمة كده.

مالك بيقرب: طب ما تفهميني أنت أنا أبقى إيه؟

كنز وهي بتبعد وصوتها عالي: تااااكسي!

(كنز جريت ركبت وهو ركب جنبها علشان يوصلها)

ليلى قاعدة على الكنبة الكبيرة اللي قدام الشاشة، والكنبة كبيرة جداً وهي لابسة سلوبيت شتوي وحاطة الطاقية بتاعتها علشان شعرها، وبتتفرج على كرتون. وعلى مسافة بعيدة قاعد آدم.

آدم: طب قربي يا لولي، هو أنا هاكلك.

ليلى وهي بتاكل فشار: لا مينفعش.

آدم: يا بنتي ده إحنا فرحنا بعد يومين.

ليلى: افرض أنت مت قبل الفرح أعمل إيه أنا؟

آدم: يا ساتر يا رب! إيه الفال ده يا بت انتي؟

ليلى: ههههه. خلاص بعد الشر عليك يا دومي.

آدم وهو بيشد الريموت: طب هاتي بقي والله لأقلب.

ليلى: لا لا، عايزة أشوف كورتي البعبع هيعمل إيه.

آدم: يا صبر أيوب.

(آدم قلب وجاب أخبار وليلى مبوزة، بس بمجرد ما سمعت الخبر ركزت جامد)

الخبر بيقول: "وطبعاً كلنا سعداء بخطوبة ابن الدكتور ورجل الأعمال جاسم الوردي، وبتمنى ليهم السعادة ومبروك يا سندريلا!!!"

آدم وهو بيقوم: اتخطبت من غير ما أعرف؟ لا كده كتير يا جاسم!

نوح: يا جماعة اصبروا لما كنز تيجي.

جاسم: يا ابني أنا ورايا شغل فوق، ما تعلنش.

عمر بضحك: فوق فين لا مؤاخذة؟

جاسم وهو بيحدف عليه مخدة: يا ابن الـ...

نور: روح، مامي، أنت مجمعنا ليه كده؟

نوح: بصي يا مامي، مش إحنا أي موضوع بنتناقش فيه كلنا؟ أنا خدت قرار ومفيهوش مناقشة، بس لازم تعرفوه. وأنا مستني كنز تيجي وتاليا تنزل من الأوضة. يلا يا تاليا.

(تاليا وهي بترفع دماغها من على المكتب اللي في أوضتها وفيه بودرة، وبتمسح البودرة من على مناخيرها)

تاليا: حاضر، ثواني ونازلة.

(السواق وصلهم لغاية باب الكمبوند ومالك حسب ونزلوا)

مالك: خلي بالك من نفسك. وأنتي رايحة الصبح اتصلي بيا ونروح الجمعية دي سوا.

كنز: اوكي، باي.

مالك بابتسامة: باي.

كنز قدام الفيلا: هاي يا جمال (الجارد)، هما وصلوا من بدري صح؟

جمال: أيوه يا كنز هانم، اتفضلي.

جمال في اللاسلكي: افتح البوابة يا ابني، آنسة كنز وصلت.

(البوابة الكمبيوتر اتفتحت وكنز دخلت وهي بتغني)

كنز بصوت جميل وهادئ: والحلم اللي في عيوني مكملاه؛ يا سلام لو كل عاشق عاش غرامنا وشاف غنانا يا سلام، ده إحنا اللي يخلصنا الكلام... ترررن تررن افتحوا يا اللي جوه.

(جاسم فتح الباب ودخل من غير ما يكلمها)

كنز بتكشيرة: إيه ده؟ أنت مقموص؟

جاسم: هششش! متكلميش معايا يا بتاعة انتي.

كنز وهي بتبوسه: روحي قلبي، غيران إني اتخطبت.

جاسم وهو بيزقها بهزار: غيران؟ لأ إيه؟ وأنا بنت خالتك. وبعدين أنتي مش مخطوبة، دي لعبة فاهمة؟

كنز: يا جاسم اسمعني.

تاليا وهي بتنكش شعرها: إيه ده؟ انتوا بتتخانقوا؟

كنز: تاليا، أنتي تحت عينك أسود جداً.

تاليا: عادي من السهر.

نوح بصوت عالي: ممكن تقعدوا بقي. نادر تعالي يلا.

نادر بيشرب قهوة: يا ابني أنا مش من العيلة.

شادي: لا طبعاً، إحنا اللي بيقعد عندنا أكتر من أسبوع يبقى من العيلة، ده أنتي قانون جاسم.

نادر: وادي قعدة، اتفضل يا سيدي عايز إيه.

(نوح خد نفس وكله قعد منتظر يتكلم)

نوح: أنا قررت أتجوز روح.

(صمت لمدة خمس ثواني وبعد كده ضحك هستيري من الكل، كله بيضحك وجاسم مش عارف ياخد نفسه من الضحك، وروح ونوح بيبصوا لبعض ومش فاهمين إيه اللي بيضحك)

ليلى: يوووه يا آدم، طب استني.

آدم وهو بياخد المفاتيح: أنا مش رايح أتخانق، أنا عايز أفهم. باي يا ليلى.

ليلى بدون أمل: باي.

نوح: ممكن كفاية؟ يوووه، أنا هروح أفتح الباب. بطلو ضحك بقي. انتوا عيلة تافهة والمصحف.

آدم: هاي يا نوح.

نوح: إيه يا آدم؟ تعالي شوف الهم اللي أنا فيه.

آدم: هما واخدين حاجة؟ بيضحكوا كده ليه؟

نوح: علشان بقول عايز أتجاوز.

آدم: ههههههههه.

نوح وهو داخل: لا، انتوا مجانين بجد.

جاسم خد نفس: مش بزمتك حاجة تضحك.

آدم بغضب: اسكت أنت خالص. ممكن أفهم كنز اتخطبت إزاي؟

نور: دي مش خطوبة، دي لعبة كده.

آدم: والله؟ لعبة؟

جاسم: يا عم أهدى كده وأنا هحكيلك.

(بعد ما حكوا كل حاجة)

آدم بجمود: يعني كل ده يحصل وأنا هنا؟ إيه؟ مش أبوها؟

جاسم بتمالك: لا طبعاً، أنا أبوها بس مكنش فيه حل.

آدم بصوت عالي: أنت كل حاجة تخصها تتصرف فيها، أنا إيه يا أخي؟

جاسم بصوت أعلى: أيوه علشان أنا ليا الحق في تصرفاتها علشان هي عاشت معايا أكتر ما عاشت معاك.

آدم بغضب: كنز لمي هدومك.

جاسم: مش هتروح معاك، أنت فاهم؟

آدم: كنز يا تيجي معايا يا تفضلي بقيت عمرك معاه.

كنز بتوتر: ااا... أنا مش هقدر. دول عيلتي وأنت أهم واحد في العيلة دي علشان أنت أبويا، ولو بعدتني عنهم يبقى بتبعدني عنك.

آدم بصدمة: تمام، سلام يا كنز.

(آدم مشي وهي بتجري وراه وخرج من الكمبوند وبقي على الطريق وهي بتجري وراه وفجأة)

آدم: كنزززززز، حاسبي!

شايفك ياللي بتشتم. أنا لما بنزل يوم اه ويوم لا، ده علشان أطلع بارت جامد.

ادم: كنزززز حاااسبي!!

كنز: باااااابي!!!

جاسم جه من وراها وشاف ادم واقع على الأرض ودماغه بتجيب دم، وكنز واقعة جنبه بتصرخ وبتعيط. جري هو وشادي، دخّلوا آدم بسرعة العربية عشان يودوه المستشفى.

مالك وهو قدام العمارة: أحمد.. أمي فوقي.

أحمد: لا يا فندم، بعد لما حضرتك مشيت روحت القصر.

مالك: طيب روح أنت.

مالك طلع تليفونه واتصل برقم.

صوت أنوثي: هاي يا مالك.. أخيراً فكرت تسأل.

مالك: المخدرات وصلت للسنيورة؟

أيوه هي جيجي، صاحبة تاليا، نفخت دخان السيجارة وهي بتقول:

جيجي: طبعاً يا باشا.. وهما أسبوعين والبت هتعمل أي حاجة علشان تاخد كيفها.

مالك: أشطا يا جيجي، ابقي عدي عليا بقي.

جيجي بفرحة: عيوني يا باشا!

مالك قفل معاها وابتسم بشر، وافتكر كلام كنز.

**Flash back**

كنز في العربية: واللي لابسة أسود ومكشرة دي تاليا، بنت جسومي أختي يعني.

**Back**

قدام العناية المركزة، واقفين كلهم ومستنيين الدكتور. وأخير خرج وهو بيقلع الكمامة.

جاسم: ها يا دكتور، إيه الأخبار؟

الدكتور: الحمد لله، مفيش كسور أو إصابات جامدة. هو بس دماغه اتفتحت ونزف دم كتير ومحتاجين دم.

جاسم: طب شوف مين نفس الفصيلة وخد دم منه، أو شوف في بنك الدم.

الدكتور: أيوه يا فندم، أنا فعلاً هشوف في بنك الدم.

ليلى: يا ربي.. لا والموبايل مقفول والباقي مش بيردوا.

ملك: أهدي يا جاسم، خير إن شاء الله.

شادي تليفونه بيرن: ملك، هروح أرد على التليفون وأجي.

ملك: اوكي.

شادي بعيد: الو... عايزة إيه؟

شادي بغضب: قولت لا، غوري بقي!

شادي شاف الدكتور جه.

شادي: اقفلي!

شادي راح وقف معاهم.

الدكتور: للأسف فصيلة دمه مش موجودة، فهضطر أشوف حضراتكم.

جاسم: تمام، ابدأ معايا أنا.

جاسم راح مع الدكتور أوضة التحاليل، وسحبوا دم قليل عشان يشوفوا فيه تطابق أو لأ.

الدكتور بفرحة: طب مش حضرتك تقول إنه أخوك من بدري!

جاسم بصدمة: أخوياااا!!!

كنز ببكاء: الو يا مالك... لا، أنا في المستشفى.

مالك بخضة: مستشفى.. لا إيه؟ أنتِ كويسة؟

كنز بعياط: بابي عمل حادثة.. كان.. في.. عربية.. هتخبطني.. وهو زقني و.. وبع..

مالك: مستشفى إيه؟ أنا هاجي بسرعة!

كنز: لا مينفعش.. ممنوع حد يدخل المستشفى عشان الصحافة.

مالك: بقولك هاتي العنوان، أنا هتصرف.

كنز بتعب: أرجوك.. مينفعش.. أنا هبقى... بابي...

مالك: الو.. كنز.. الو.

كنز شافت آدم خارج على سرير متحرك، هيودوه الأوضة العادية وجاسم وراه.

الدكتور: الحمد لله، هو نص ساعة وهيفوق، وإن شاء الله ممكن يروح معاكم بكرة.

جاسم: شكراً يا دكتور على تعبك.

الدكتور: العفو، ده شغلي، عن إذنكم.

عمرو: جاسم، خد اشرب عصير عشان تعوض الدم اللي خدوه.

جاسم: أنت لسه هنا يا ابني.. يلا خد شادي وروح أنت ومراتك وابنك.. أنا مش فاهم، هي رحلة؟ إزاي كلكم تيجوا؟

شادي: يا جاسم، إحنا عيلة واحدة، مينفعش نسيبك لوحدك.

جاسم: بس خلاص، هو الحمد لله بقى كويس، روحوا أنتم بقى.

ملك: طب يلا يا نور.

جاسم بحركة عفوية شد نور ورا ضهره.

جاسم: لا.. لا.. نور هتفضل معايا.

كنز: أنا هفضل هنا جمب بابي.

جاسم: ماشي يا كنز.. يلا مع السلامة، خلوا بالكم من نفسكم.

كلهم روحوا، وجاسم خد أوضة لـ كنز وأوضة ليه هو ونور.

جاسم: عايزة تسألي على حاجة صح؟

نور بفضول: آه.. هو أنت ليه خلتني معاك؟

جاسم بحنية: بقيت بخاف عليكي يا نور.. من ساعة اليوم الزفت اللي بعدتي عني فيه، وأنا مش قادر أبعد.. حاسس.. حاسس إني لو سبتك هتبعدي.. وأنا مش عايزك تبعدي!

نادر: إيه ده تاليا.. هو أنتِ مروحتيش معاهم؟

تاليا وهي بتشرب ريد بول: اممم.. وأنت مروحتش ليه؟

نادر: يعني محبتش أروح هناك، عشان أنا مش من العيلة وكده.

تاليا بتبصله: عندك حق.

نادر: وأنتِ بقى مروحتش ليه؟

تاليا: عادي.. مش حابة.. أروح..

نادر: أنتِ باردة جداً.

تاليا بضحك: جداً جداً كمان!

نادر ركز في ملامحها شوية، وهي لاحظت ونزلت الفون من إيديها وبصتله.

تاليا: أنا عارفة إني حلوة، بس مش للدرجة دي.

نادر بتدقيق: أنتِ بتشربي مخدرات؟

كنز حطت الفون وكانت هتنام، لقت فونها بيرن.

كنز: الو يا مالك..

مالك: بتقفلي في وشي يا مدلعة.

كنز: هههه.. معلشي بس الدكتور كان خرج و..

مالك: طب انزلي.

كنز برفعة حاجب: نعم؟

مالك: مش عيب عليكي تسيبي خطيبك واقف لوحده في الشارع تحت أوضتك.

كنز شدت البطانية وجريت، بصت وكان واقف ساند على العربية وغمزلها.

كنز: بتهزر.. أنت إيه اللي جابك؟

مالك: يعني قولت أطمن على حمايا.

كنز: طب وعرفت المكان إزاي؟

مالك: لما اتصلت بيكي عرفت من اللوكيشن، بس بطريقتي.

كنز بضحك: باين عليك هكر جامد!

مالك: جداً.. طب بصي بقي، من الواضح كده إني مش هعرف أطلع.

كنز: أكيد.

مالك: حيث كده، يبقى أنتِ تنزلي، أو هفضل واقف كده طول الليل وشيلي ذنبي بقي.

كنز: يا ابني مش هعرف أنزل.. لو بأيدي هنزل، بس مش هينفع أسيب بابي لوحده.

مالك: عندك حق، يبقى أنا هفضل واقف كده.. باي.

كنز: لا.. الو.. هووف مجنون!!

كلهم ناموا، وكنز نامت جمب الشباك على الكنبة لأنها كانت كل شوية تبص على مالك، وغصب عنها نامت. وهو نام في العربية. لكن جاسم مشافش النوم، كان واخد نور في حضنه وساكت وبيفكر في كلام الدكتور. لغاية لما النهار طلع، وليلى عرفت من ملك، بس شادي وعمر منعوها تروح بليل عشان مش هتدخل من الأمن، وكمان هو نايم، فباتت معاهم. والصبح وصلت المستشفى.

نور بنوم: جاسم.. أنت رايح فين؟

جاسم باس دماغها: حبيبتي، أنا رايح أجيب فطار بس وهطمن على كنز.. وأجي.. يلا قومي اغسلي وشك عشان نروح نشوف آدم.

نور: حاضر.

جاسم ابتسم وهو بيبص لوشها، بعد كده خرج. بس وهو خارج وحاطط إيده على عينه عشان وجعاه لأنه منامش، سمع صوت وراه.. صوت واحدة ست.

"أنا لقيت شادي بطل ينفذ طلباتي.. قولت أجي أنا أتكلم معاك."

تليفون تاليا رن وكان منبه، وأول ما صحت لقت نادر في وشها.

تاليا بانفعال: أنت إزاي تدخل هنا.. أنت..

نادر بغضب: امبارح اتهربتي من سؤالي لما أهلك جم من المستشفى.. لكن النهاردة بقى تسمي ده إيه؟

تاليا بصت في إيده وشافت علبة السجاير بتاعتها اللي مفيهاش سجاير عادية، فيها مخدرات. بصت بصدمة وسكتت.

نادر: اتكلمي.. بتوعك دول.. أنتِ بتشربي.. صح.. أنتِ بتشربي.. رررردي عليا!

تاليا بصراخ: أيوه بتوعي!

" تاليا بصت في ايده وشافت علبه السجاير بتاعتها اللي مفيهاش سجاير عاديه فيها مخدرات بصت بصدمه وسكتت"

نادر: اتكلمي بتوعك دول..انتي بتشربي..صح..انتي بتشربي

..ررررردي عليا..

تاليا بصراخ: ايوه بتوعي!!!.