رواية نور والحياة الفصل الثالث والعشرون 23 - بقلم جوري محمد

محمد ونور عايشين في سعادة، مش عارفين إن فيه عيون عليهم. في الجانب الآخر، قاعد على كرسي مكتبه قدامه شاشات للمراقبة لفيلا محمد ونور. الشخص: "افرح شوية يا محمد باشا، بس في الآخر نور بتاعتي أنا. أنت كفاية عليك السنين اللي هي عشتها معاك. عمرها اللي باقي ملكي أنا." يضحك بهستيريا: "وأولادك هيبقوا أولادي أنا." يا ترى هو مين؟ هل هو شخصية جديدة ولا واحد مش متوقعينه؟ أحمد رجع البيت. جميلة:

"طب كويس إنك جيت دلوقتي يا أحمد. باباك سأل عليك." مصطفى: "إيه يا ابني كنت قافل المكتب بتاعك ليه؟ كنا عايزين منه الورق. والسكرتيرة قالت إنك أخدت منها المفاتيح." أحمد: "أيوه يا بابا، أصل المكتب فيه ورق مهم، فخفت إن حد يخش يبهدلهم." مصطفى: "طب يا عم، الورق معاك دلوقتي هنا؟ أحمد: "أيوه وجايبه معايا." مصطفى: "طب يلا نخش المكتب نرجعه." نروح عند بيت العيلة.

ندى جايلها عريس والكل فرحان بيه. حتى ندى اتقبلت إنها تتجوز حد غير محمد. واتفقوا على كل حاجة وحددوا إن الخطوبة هتبقى بعد شهر والفرح الشهر اللي بعده. فاكهة: "ألف مبروك يا ندى يا بنتي، عقبال لما أفرح بأخوكي. عاطف مش عارفة مش راضي يتجوز ليه." ندى: "يلا يا ماما، مش مشكلة بقى. أكيد هيلاقي اللي قلبه هيرتاح لها." فاكهة:

"ما جمال أهو اتجوز بعد ما كان بيحب نور. هو اللي لسه مكلبش في حبه لها، وهي خلاص بقى معاها تلات عيال وبقيت بتحب محمد." ندى: "والله يا ماما نور طيبة، ربنا يسعدها." فاكهة: "أيوه يا بنتي، هي لولا سامحتني كان أبوك سابني. قعدت في البيت. يلا بقى الحمد لله." عند عاطف في الأوضة. طلع ألبوم صور كلها لنور. عاطف: "مش لو كنت يا نور اتجوزتني كان زماني دلوقتي أسعد راجل في الدنيا." نسيبه بقى في حزنه. عدت الأيام على نور ومحمد.

صاحب محمد: "ما عرفتش رقم التليفون بتاع مين. صاحبه من اللي بيتباع في الشارع، ما عرفناش نوصل لحاجة. والله الواحد زهق من كتر الخطوط اللي بتتباع في الشارع دي. الناس بتأذي ناس تانية بيها." محمد: "ماشي." ومحمد ما شكش لحظة واحدة في نور ولا أخوه، لأنه عارفهم كويس. وجاء يوم الخطوبة. محمد ما سابش إيدي خالص. نور: "خلاص يا محمد، عرفت بقى." الخطوبة معموله في فندق. محمد: "قعد نور مع جميلة. ماتقوميش من هنا." نور:

"يو يا محمد، هو أنا صغيرة؟ محمد: "اسمعي الكلام يا نور." نور: "يا ريتني كنت قعدت في البيت مع الأولاد، كان أحسن لي." جميلة: "يا بنتي بيغير عليك يا نور." ومحمد راح يسلم على أصحابه وانشغل معاهم. نور راحت الحمام وهي ماشية قبلت عاطف. عاطف: "إيه يا نور، رايحة فين؟ نور: "رايحة الحمام وجاية." عاطف: "طب استنى أجي أوصلك." نور: "لا لا مش مهم." عاطف: "لا تعالي."

وهي دخلت الحمام وعاطف استناها بره. وخرجت لقيت عاطف مستنيها، وراحوا ماشيين هما الاتنين. عاطف: "مبسوطة انت يا نور؟ نور: "الحمد لله. محمد إنسان محترم وربنا أكرمني بيه. عقبالك انت كمان." عاطف: "لا أنا خلاص مش عايزة اتجوز." نور: "ربنا يعوضك في بنت الحلال وهتحبها وساعتها تتجوز." عاطف: "أنا حبيت مرة واحدة يا نور." نور: "طب يلا أحسن جميلة زمانها مستنياني." عاطف: "ماشي يلا."

ومشوا. وعدت حفلة الخطوبة على خير وكله اتجه إلى بيته. أحمد: "بابا، أنا رايح الشركة." مصطفى: "في الوقت ده يا ابني؟ أحمد: "نسيت ورق مهم." وراح الشركة. في بيت العيلة. فاكهة: "والله ما أنا عارفة أخوكي حابس نفسه في الأوضة على طول ده. ده هو اللي بينظفها، بيقول فيها ورق ما حدش يخش عشان ما فيش حاجة تضيع." ندى: "خلاص يا ماما، سيبيه براحته." وعند نور ومحمد. نور: "أنا تعبت خالص." محمد: "تعبت من إيه يا أختي؟

قمت أخدت 10 بلدي مع الرقاصة." نور: "تعالى هنا، انت كنت بتبص على الرقاصة؟ محمد: "عايزة الجد؟ اتفرجت شوية. ماشي، ما هو انت لو بتعرفي ترقصي يا نور زي البنت قمر. الدادة." ويغمز لنور: "بس مش عارف هي راحت فين. ما تعرفيش قمر راحت فين يا نور؟ نور: "لا ما اعرفش، تعبانة." محمد: "ماشي، أروح أنا أجيب على قناة التت." نور: "استغفر الله العظيم، انت مش هتكبر. وغض بصرك." محمد:

"امشي يا بنت يا نور وصحّي قمر وقولي لها اعملي فنجان قهوة." نور: "ماشي يا بتاع قمر، خلي قمر تنفعك." محمد: "إن جيت للحق، البنت عسولة وهي لابسة اليونيفورم. لا، البنت بتبقى جامدة خالص، مزة." نور: "ماشي." وطلعت نور غيرت هدومها ولبست اليونيفورم بتاع الدادة وسابت شعرها، حطت ميك أب تقيل ونزلت. نور: "سيدي، أنا جيت يا سيدي." محمد: "نورت يا قلبي يا عيون سيدك. كنت فين يا بنت؟ وستك راحت فين؟ نور: "طلعت تنام." محمد:

"يلا، أحسن نوم الظالم عبادة." نور: "نعم يا أخويا، أنا ظالمة؟ محمد: "ليه كده يا نور؟ إحنا بنلعب. رجعي قمر تاني بقى." نور: "ماشي يا أخويا. أيوه يا سيدي." محمد: "شوفي قمر حلوة إزاي." نور: "على فكرة أنا مش هلعب محمد خالص يا عم." نور: "مش تقول على نور وحشة." محمد: "يا نور... خلاص خلاص، ما انت قمر. ونور." نور: "هتشربي إيه يا سيدي؟ محمد: "هاتي لي إزازة حاجة ساقعة من جوه. وشغل الموسيقى للرقص." محمد:

"يلا يا بنت يا قمر ارقصي." نور: "مش بعرف يا سيدي." محمد: "إحنا هنستهبل؟ دادا وما بتعرفيش؟ نور: "هحاول يا سيدي." ونور قعدت ترقص وتضحك. محمد قام يرقص معاها. ونسيبهم مع بعض. وده كله تحت أنظار العيون اللي عليهم. يا ترى العيون دي مين؟ هنعرف إن شاء الله في الحلقات الجاية.