رواية نصف عذراء الفصل الخامس 5 - بقلم دينا عبدالحميد

بعد كام ساعة ريحانة كانت بدأت تفوق وبتتلفت حواليّها بإعجاب واستكشاف. سمعت صوت من وراها: "عجبتك الأوضة؟ قومي انتي بس، واكيد القصر هيعجبك، يا ريحانة ده انتي بنت أختي الغالية." ريحَانة: "بنت أختك... الصوت: "أيوه بنت أختي يا ريحانة." ريحَانة: "انت شكلك مجنون." الشخص: "اسمعيني." ريحَانة: "لو سمحت مش عايزة أسمع منك حاجة، ممكن تسبني في حالي." وقامت بتسند على الحيط، كانت هتقع. حاول يسندها. صوتها: "ابعد عني، انت مجنون!

وبدأت تصرخ. الشخص بص لها بتردد ومشي. ودخل على الجد. الجد: "أخبارِك يا ريحانة؟ ريحَانة: "الحمد لله. مين حضرتك؟ الجد: "أنا جدك." ريحَانة: "ايه؟ وبصت لعلي بغضب: "هو في إيه؟ الجد: "مالها ريحانة؟ علي كان هيحكي بس دخل حازم وحسن وبدأوا يشغلوا الجد وخدوه. ريحَانة لعلي: "هو في إيه؟ ريحَانة بهدوء: "ممكن أفهم في إيه؟ علي: "سوء تفاهم، فاكرينك بنت عمتي." حازم: "عمي اتكلم بعد أكتر من عشرين سنة، ولازم تفضلي تمثلي." حسن: "طب وأهلها؟

ريحَانة افتكرت أبوها وإنه اعتبر بنته ماتت، وقالت: "أنا يتيمة." حازم: "طب كويس." علي: "لأ، جدك لو عرف هي... حازم: "وهيعرف منين؟ حسن: "هنحكيلها كل تفاصيل تخص العيلة." علي: "اللي لازم تعرفه إنها بنت عمتي إيمان وعمي أحمد." ريحَانة بصت بهدوء: "وإيه يجبرني للدل ده؟ علي: "يمكن عشان معندكيش حد تروحي له." ريحَانة: "لأ، أقنعتني." حسن: "طب احنا هننزل، وانتي غيري وحصلينا عشان نتعشى ونعرفك عالعيِلة."

ريحَانة هزت دماغها والشباب مشيوا من الأوضة. وشخص تاني خرج من ورا الستارة وضحك وقال: "جدعة يا ريحانتي. أحبك وانتي فاهمة." ريحَانة بغضب: "ريحتك مين دي يا ض؟ عدّل كلامك." الشخص: "خلاص، متقفيشيش. المهم ركزي في أفراد العيلة." ريحَانة: "تمام، اتفضل بره عشان أغير." الشخص بضحك: "حاضر يا أختشي." وسبها ومشي. ريحَانة نزلت بتوتر وقلق بين عيلة كبيرة متعرفهاش. الجد ابتسم: "تعالي يا ريحانة." وفتح إيده عشان يحضنها. ريحَانة

راحت بهدوء: "أفندم." الجد: "مالك؟ ريحَانة مستغربة شوية: "من إيه؟ الجد: "من ناس أول مرة أشوفهم." علي: "طب اسمح لي يا جدي أعرفها بينا." الجد: "ماشي." علي: "بصي يا ستي، إحنا عيلتنا اسمها عيلة الحاوي، وجدنا رحيم الحاوي كبير العيلة." ريحَانة بصت بصمت. حازم كمل: "جدي عنده أربع ولاد وتلات بنات. الكبير هو عبد الهادي، الله يرحمه، وده والد حسن وحازم، وعنده بنت اسمها جني، ودي أصغر أفراد عيلتنا، الدلوعة."

فجأة جت بنت أوزعة، عينيها خضرا وشعرها أصفر وبيضا وخدودها وردي بشقاوة وقالت: "مين بينادي؟ حسن: "أهي جني جت." ريحَانة بصت لها وابتسمت. وحنين ابتسمت وقالت: "انتي بقا ريحانة بنت عمتي إيمان؟ ريحَانة هزت دماغها. حنين راحت عليها جري وحضنتها. كمل حسن: "بعد إذن اللحظة الرومانسية، عايزين نكمل." حنين: "سيب لي أنا الطلعة دي يا ولد عمي."

وكملت: "اللي بعد بابا هو عمو إبراهيم، اللي هناك ده. وده عايش في إسكندرية، بيجي في الإجازات والمناسبات. وعنده ولدين." وشورت على اتنين شباب وقالت: "دول أمير وسامي." بصوا لقوا ريحانة ماسكة ورقة ومشغولة. حنين بغضب: "ركزي معايا." ريحَانة: "مركزة." حنين: "إزاي وبتكتبي إيه؟ ريحَانة: "بكتبكم، أصلكم كتير وأنا هتتوه، فبعمل علامات." الكل بيضحك.

ريحَانة: "اسمعوا، أبو شعر أبيض وملامح هادية وعيون عسلي، يبقى جدي رحيم. وأبو عضلات ده وطويل وشعر بني وعيون بني، بيبص لي وقمر ده، يبقى خالي إبراهيم وولاده. شكله بس الفرق، أمير طويل شوية عن سامي." حنين بضحك: "والمز اللي هناك ده يبقى عمو سالم، أبو علي وفرح ورنيم." ريحَانة: "هو مز أوي صراحة." وراحت لسالم: "عينيك الرمادي دي حقيقي ولا لانزس يا عسل؟

مش كفاية ملامحك الهادية، بس علي مش زيك خالص، ده عامل زي مصاصين الدماء وديمًا بيستفز اللي قدامه." وبصت لفرح وضحكت: "انتي مش شكله." فرح: "عارفة إني سمرا، بس السمار نص الجمال." ريحَانة: "لأ يا مزة، ده الجمال كله، وغلاوتك عندي." وراحت لرنيم وقالت بهمس: "انتي بقا، فهم مستغلة وش." "شفتك وانتي بتستغلي علي." رنيم بنفس الهمس: "هو مبيجيش غير كده." ريحَانة: "صراحة يستاهل."

حنين: "هأكملك، أما البنات فهم عمتوا خديجة، دي مامة نيرة وهادي، بس هما باين رجعوا بيتهم حالا، وعمتوا سريا وولادها مازن وميار ومعاذ." ريحَانة: "طب دول أعرف شكلهم إزاي؟ رنيم: "لما يجوا هتعرفيهم." ريحَانة: "بس انتوا قولتيلي على تلاتة من أخوالي." فرح: "الرابع هو عمو عزيز، وهو عصبي وبيحب الصمت، وعنده لين أحيانًا، وأحيان بيكون طيب، وهو... قبل ما تكمل، قاطعها شاب: "وحشتوني." حنين جريت حضنته، وهو بيضحك: "فين بنت عمتي؟

جاي مخصوص أشوفها." حنين: "وهو يستاهل إنك تيجي عشانها." عامر: "ليه، هي حلوة؟ حنين: "حلوة إيه دي مزة يا سطا، صروخ كده، شوف صروخ تطير عقلك." عامر بعصبية مسكها: "ده أنا اللي هطير صف سنانك، إيه الكلام ده يا بنت عمي." حنين: "آسفة يا كبير." عامر: "كبير، بقيتي بيئة أوي." وبص لحازم وحسن: "لموا أختكم دي." وراح لجده باس إيده وسلم عليه: "قولي، أين هي صغيرة عيلتنا؟ الجد بص هناك كده. عامر بص لها وبنفس واحد: "عامر... ريحانة؟

ريحَانة: "انت؟