رواية نيرة الفصل السادس 6 - بقلم سلمى محمود

نيره كانت ماشيه وفجأة حد حط إيده على ضهرها. نيره لفت بغضب. فجأة شافت مراد واتصدمت. مراد: حضرتك مين؟ نيره بخوف وتوتر متكلمتش. مراد حس بإحساس غريب تجاهها وفجأة بهدوء خلع النظارة. نيره كانت مغمضة عينيها وفتحتها ببطء وبتبص لـ مراد بهدوء. مراد بصدمة: نيره؟! نيره بخوف ورعشة: إنتَ بتتكلم عن مين حضرتك؟ مراد بص لفوق وضحك. مسك نيره من إيدها بغضب: تعالي معايا. نيره بتحذير: سيب إيدي. مراد مستمر في المشي ومش متكلم.

نيره نزلت إيدها بقوة وبصت ليه. الناس كلها بدأت تنتبه. مراد بصلهم وبص لِـ نيره وقرب منها وقال بصوت واطي: بلاش فضيحة قدام الناس وامشي معايا. حلا بخوف حضنت نيره: مين دا يا نيره؟ نيره بصت ليه بغضب ونزلت لِـ حلا: دا شخص غريب منعرفهوش، تعالي نقعد برا المكان دا، اتفقنا. حلا: اتفقنا. نيره قربت من مراد: إياك تجي اتجاهنا مرة تانيه. نيره مسكت منه النظارة بغضب ولبستها ومشيت. مراد يقول لنفسه وإبتسم: هنشوف يا نيره.

ومشي اتجاهم من تاني. نيره وحلا جالسين في الجنينة اللِ في الحفلة. نيره بحزن وهي بتفكر في مراد لتقول: يا ترى هعمل ايه يا ربي، يا ريتني ما جيت أصلاً. نيره اتصلت بِ أمير. أمير: الو نيره، أنتِ فين؟ مش موجودة في الحفلة ليه؟ فينكن؟ نيره بتوتر: أمير أنا في الجنينة أنا وحلا، إحنا هنمشي أنا تعبت شويه، نمشي و انتم طيب ولا إيه.... أمير بخوف: نيره أنتِ ليه متوترة كدا؟ في ايه؟ حصل معاكي حاجة؟ نيره: لالا.

أمير: لا متمشيش، إحنا هنمشي سوا. نيره: طيب يلا، منتظرين أهو. أمير: تمام. نيره أغلقت وجلست بتعب متوترة وابتسمت لِـ حلا. صالح كان جاي من بعيد شاف نيره وقرب منه. نيره كانت هتمشي هي وحلا، فجأة شافت صالح قدامها. نيره اتخضت وافتكرت اللِ حصل من صالح وخافت ونفسها اتقطع. صالح بإستغراب: ازيك، مين حضرتك؟ نيره قربت منه ونزلت النظارة ونظرت لعينيه لتقول في نفسها: صالح... صالح... صالح. صالح رجع للوراء لما شاف نيره بصتله كدا.

نيره بثقة وبدون خوف لبست النظارة تاني ومسكت إيد حلا ومشيت. وفجأة شافت أمير وسلمى ومشيوا سوا. نيره قبل ما تطلع العربية بصت لـ صالح بتَوعد انها تنتقم وطلعت العربية بثقة. صالح: الوجه دا مش غريب عليا، هنعرف قريب اوي. مراد شاف نيره طلعت العربية ومشيت، مراد جري وراها وطلع العربية وكان ماشي وراهم. مراد بيضرب على العربية وقال بغضب: اه منك يا نيره. زينب ماسكه نجمه: حبيبت قلبي كبرتي يا عمري.

أحمد الجوهري ابتسم: حبيبت قلب جدو، كمان يومين وهتبقي ٦ شهور يا روحي. زينب: أحمد انتَ ليه مرحتش الحفلة؟ أحمد: الحفلة دي علشان تمت الصفقة بينا وبين أمير وكان لازم يروح على ومراد علشان يتعرفوا علي الناس وأصحاب الشركات وأنا اصلا مش ب.... زينب بزهق: خلاص خلاص يا أحمد. نجمه بتعيط صدعنا إحنا الاتنين. أحمد الجوهري: اوف ولا كلمة، اتكلمي كويس غير بالرد الدبش بتاعك دا. زينب ابتسمت وباسة نجمه.

أحمد بصلهم برفع حاجب وقام: الصبر من عندك يارب. ومشي أحمد وطلع لفوق. زينب كلمت علي بإبتسامة. علي: ايوا يا ماما. زينب: الوقت اتأخر، مرجعتش ليه؟ على: ماما مراد مشي، وأنا وجنه جايين على البيت. زينب: طيب يلا مستنياك، إيه، إيه، إيه جنه؟ جنه هتعمل إيه في بيتنا؟ هي مش معاها بيت يعني؟ على: ماما سلام، نتكلم بعدين. زينب: اه هي جمبك يعني؟ طيب و... علي بغضب: ماما هفهمك لم اوصل البيت، سلام. وأغلق علي.

زينب: يا علي يا بني افهم، جنه ازاي هتجي هنا..... علي... زينب بصت للتلفون وعلي أغلق في وشها. زينب بغضب: اوف، طبعاً مأنتوا طالعين لأحمد، واحد مبيردش والتاني قفل في وشي، اه منكم. نزل أحمد وقال بصوت عالي: ماله أحمد؟ زينب بخضة: بسم الله الرحمن الرحيم. أحمد بغضب: شفتي عفريت يا زينب؟ زينب بغضب وبصوت واطي: شفت اخو ابليس نفسه. أحمد بغضب: ابليس يا زينب! زينب: انا قلت اخوه مش ابليس نفسه. نجمه بدأت تبكي بصوت عالي.

زينب بصت لأحمد بغضب: تعالى امسكها وانا هعملها رضعة، امسك. أحمد مسكها وبدأ يهز فيها: نجمه حبيبت جدو، ششش يا عمري. "في بورصا في بيت الخليلي". داليا قاعده قدام المطعم بتفكر في جوري، و رهف دخلت تنام. فجأة ظهر قدامها وليد. وليد بخبث: السلام عليكم. داليا وقفت: وعليكم السلام. وليد: المطعم مفتوح؟ داليا: اه، اتفضل. وليد قعد وبص للمطعم وبص لِـ داليا بخبث. داليا اتجهت نحو وليد وقالت: اتفضل، قائمة الطعام، تطلب ايه؟

وليد: معلش، أنا عايز شاي. داليا ابتسمت: حاضر، هيكون عندك. وليد وقف وصور المحل. قعدت وكانت داليا بتمشي وفي إيدها صنية الشاي. وليد صور داليا ليقول لنفسه: ودي الجزء الاول من الخطة. داليا: اتفضل. وليد ابتسم: شكراً. وليد شرب الشاي وقام علشان يمشي ودفع الحساب. وليد: عن اذنك. داليا: اتفضل. وليد طلع العربيه وابتسم ليقول بخبث: داليا ياسر الخليلي، هتوقعي تحت إيدي قريب أوي. نيره نزلت وماسكه إيد حلا بخوف.

أمير لاحظ كده وقال: سلمى اطلعي أنتِ وحلا، أنا ونيره هنتكلم شوية. نيره بصت لِـ أمير وسكتت. طلعت سلمى وحلا لفوق. نيره قعدت في الجنينة جمب أمير. أمير: في إيه يا نيره؟ نيره بحزن وبكاء بصتله: مراد أحمد الجوهري يكون زوجي. أمير اتصدم: إزاي؟! نيره ببكاء: إحنا اتزوجنا و........... بس ودا كل اللِ حصل. حكتله كل حاجة عن حياتها. أمير: طيب وليه مطلبتيش الطلاق يا نيره؟

نيره بصتله بحزن وقالت: أنا قلتلك يا أمير كل حكايتي واعتبرتك أخويا، انصحني اوقف معايا، أنا لسه بحب مراد بس دا حب من طرف واحد، عمري ما هتطلق من مراد، وأكيد هيجي اليوم اللِ يحبني فيه. أمير: ليه يا نيره؟ أنتِ اتزوجتي من مراد وسبتِ أختك في الوقت اللِ هي محتاجاكِ؟ نيره: بس أنا مظلومة، ليه الكل مش عايز يصدق الحقيقة؟ أنا مظلومة وزواجي من مراد علشان أحمي أختي فقط. أمير ربت

على إيدها وقال بإبتسامة: أنا معاكِ يا نيره، أنتِ زي بنتي وأختي كمان. نيره هزت رأسها بنعم. مراد جاء وشاف أمير ماسك إيد نيره وراح اتجاههم. مراد مسك نيره من إيدها وقال بغضب: قومي معايا. نيره بغضب: إنتَ إيه اللِ جابك هنا؟ أمير: إنتَ بتعمل إيه هنا؟ مراد بغضب: إنتَ تسكت خالص. نيره بغضب نزلت ايدها من ايد مراد: ابعد يا مراد، إنتَ خلاص بعيد عن حياتي. مراد ابتسم بغضب وقال: نيره اطلعي العربية. نيره بصت لأمير. أمير هز رأسه بنعم.

مراد قرب من أمير: هي مش محتاجة إشارة منك علشان هتجي معايا، يعني هتجي. نيره بغضب: مراد مش عايزة مشاكل، اتفضل هنتكلم وهنزل تاني، يلا. مراد: اطلعي. نيره طلعت وبصت لمراد بغضب: انتَ ازاي انسان ياه؟ ازاي في حد يهجم على البيت كدا؟ مراد ابتسم ليها وساق العربية. نيره بغضب: مراد وقف العربية، أنا قولت هنتكلم فقط. مراد بغضب وصرخ فيها ووقف العربية في مكان صحراء ونزلوا سوا: وقفت يا نيره، عايزه ايه؟ ها؟ عايزه ايه؟

٣ شهور وأنتِ مختفية وكنتِ فين؟ اتكلمي، الكل بيدور عليكِ، أنا وداليا وعلي وبابا وماما، الكل فاهمه. ودلوقتي قاعده عند شخص غريب وعايشين لوحدكم؟ ها؟ يا ترى كنتوا بتع......... نيره قاطعته في كلامه وقالت بغضب: بكرهك، بكرهك. مراد اتعصب ومسك إيدها بغضب وقال: ردي على سؤالي. نيره قربت منه وقالت: بكرهك، بكرهك، مستحيل أبرر موقفي لحد معندهوش ثقة فيا، فاهم؟ إنتَ أكتر انسان بكرههه، فاهم... فاهم، بكرهك. مراد اتعصب وخبط العربية

بإيده ورجع ليها تاني: ليه كنتِ عايشة هنا في اسطنبول ومقولتيش؟ إحنا منعرفش عنك عايشة ولا ميتة، فاهمه؟ والمصيبة عايشة مع شخص لوحدكم؟ صح؟ اتكلمي. نيره ببكاء ومسحت دموعها قربت منه: كنت عايشة مع الشخص اللِ نقذني من الموت، فاهم؟ اللِ إهتم بيا، اللِ اعتبرني واحدة من عائلته، ومع بنته حلا وسلمى، فاهم؟ يعني مش لوحدنا، مستحيل أبرر موقفي لحد معندهوش مشاعر وقلبه قاسي. وببكاء اكتر وقالت بضعف: دا أنضف شخص شفته في حياتي، فاهم؟

أنضف شخص اعتبرني بنته واخته، وإنتَ اللِ اقرب شخص ليا غدرت بيا في اول طريقي، براڤوا والله براڤو. نيره ضربت على صدر مراد بقوه وقالت بضعف: بكرهك، بكرهك، الكل حواليا غدار وإنتَ منهم، فاهم... منهم. وقت الفرح مشيت وسيبتني، ليه؟ ليه؟ مراد مسكها وصرخ فيها وقال بضعف ودمعته نزلت: بنتي أنا، سافرت علشان بنتي، فاهمه؟ نيره بعدت عنه واتصدمت: بنتكم؟ مراد: اه، بنتي. نيره بضعف دموعها نزلت وقالت بضحك وهستريا: بنتك بجد؟

مراد هز رأسه بنعم. نيره قربت منه ومسكته من هدومه وصرخت في وشه: إنتَ ازاي انسان مش محترم بالشكل دا ياخي؟ طيب وايه لازمة وجودي بينكم؟ ها؟ قول، قول ما إنت متزوج، أنا بقى اتزوجتني ليه؟ عيش مع مراتك وبنتك وسيبني في حالي بقى، والله تعبت. مراد مسك إيدها قبل ما تمشي: نيره اسمعيني الأول وبعد كده احكمي علي. نيره مسحت دموعها وبصت ليه بهدوء وقالت: اتفضل، سمعاك. مراد بحزن رجع للماضي

وقال وهو وباصص ليها: نجمه بنتي من حبيبتي لوسي، مش مراتي، وأنتِ زوجتي، مش هيا، إحنا حبينا بعض لمده طويلة وجابت بنت مني، وقت ما اتخلقت نجمه بنتي لوسي كرهتها، محبتهاش، اعتبرتها حاجز في حياتها ومقدرتش تكمل معانا وهربت مع حبيبها، بس وانا اخدت نجمه وربيتها مع الداده، كنت كل اسبوعين اروح ازورها، دي الحكاية وانا محتاج مساعدتك لأجل نجمه فقط، إنك تبقي مامتها، أنا عايزك أنتِ فقط، وقت ما نجمه تقول ماما تقولك إنتِ، وقت ما تكبر تكبر على إيدك إنتِ، افهمي موقفي يا نيره.

فضلت نيره بتفكر: طيب أنا مش...... وليد: الو. شخص مجهول: ايو يا باشا. وليد: هبعتلك صورة واحدة، بكره تكون في بيتي اللِ في اسطنبول، فاهم؟ مجهول: منتظر يا باشا، شكلها العملية هتكون حلوة أوي. وليد بغضب: هبعتلك الصورة يا حيوان، وإياك تقرب منها، هبعتلك العنوان، فاهم؟ مجهول: فاهم. أغلق وليد التلفون وبعت الصورة والعنوان للشخص. وليد ابتسم وبص وراه وفجأة شاف.