رواية و القاسية قلوبهم بقلم ناهد خالد | كاملة

قال أبي وهو يكاد لا يتنفس من الأكل: خلاص يابنتي والله ما بقي في مكان للأكل ده كله، أنتِ بتزغطي دكر بط. شكلي تقلت عليه ولا أي! لازم تاكل يا هيما مينفعش كده، أنت بتاخد أدوية ولازم تتغذي. أيوه يابنتي بس كده الأكل يكبس على نفسي يموتني. بعد الشر عليك يا بابا متقلش كده لأحسن والله أعيط ومش هتعرف تسدني أنا بقولك أهو. قلتها وأنا أضحك، بس الحقيقة إن قلبي بيتنفض خوف عليه، أصلي مليش غيره في الدنيا ورغم مرضه، لكن حاميني من كتير، ولولاه كان زمنهم ذلوني. خدت الصينية أدخلها المطبخ، لقيت جرس الباب بيرن، عدلت الطرحة على شعري وروحت أفتح، لقيت اللهم احفظنا بشري على هيئة وحش واقف قدامي، اتنهدت بخنقة، باين إني مش طايقاه ولا أبين أكتر. الغريبة إنه بكل برود زقني ودخل وهو بيقول بصوت عالي: أومال فين الحاج إبراهيم، جاي أطمن عليه وأعمل الواجب. قال أبي وهو خارج من الأوضة ببطء: لا وانت تعرف الواجب...