رواية ولكني لم اخطئ الفصل الثالث 3 - بقلم حور حمدان

يبقا تخليها عند اهلها بقا. سعاد بفرحة: طب متطلقهاش وأنا أتجوزك ست ستها. سيف بعند: لا هسيبها متعلقة كدا، كفاية إنها رجعت ل أهلها تاني يوم فرحها. عند حور في بيتهم، كان محمد قاعد وحاطط إيده على دماغه وبيقول: يارب خفف عن بنتي، يارب متكسرش فرحتها. جات نجات من المطبخ: إن شاء الله خير يا محمد، متقلقش، سيف أكيد هيجبلها حقها، أنا متأكدة. وقاطع كلامهم اتصال من سيف. محمد وفتح الاسبيكر وقال: السلام عليكم ورحمة الله وبركاته.

سيف بزعيق: من غير سلام يا عمي، بنتك إنت مربتهاش ومشفتش تربية، ولو مرجعتش واعتذرت لأمي وباست على إيدها ورجلها كمان، هوريها اللي عمرها ما شفته مني، وأنا قلتلك أهو يا عمي، بنتك لو مرجعتش خلال 24 ساعة هعمل تصرف ميعجبهاش ولا يعجبكم. سعاد من جنبه: أو خلي بنتك عندك يا حج محمد، بس ابني هجوزه ست ستها. نجات بعصبية: ست مين يا ولية، يا اللي منك لله! لا يا أختي، ابنك هيطلق حور.

ضحكت سعاد وقالت: والله يبقى أحسن، بس استلمي الفضايح اللي على بنتك بقا، رجعت يوم صباحيتها بيت أهلها وبلبس بيتي، شوفي بقا إيه السبب اللي خلى جوزها يمشيها من البيت، أبسطها هيقولوا إنها مش محترمة. محمد بعصبية وزعيق: أنا بنتي متربية ومتربية أوي كمان، روحي يا شيخة منك لله إنتي وابنك اللي مش راجل دا أصلاً، أنا معرفش إزاي وافقت أجوز بنتي لواحد زي ابنك دا. وقفل في وشه.

بص محمد لنجات اللي كانت لسه هتتكلم، بس شهقت لما لقت حور بتقع على الأرض. نجات بلهفة وعياط وهي بتجري عليها: يا حبيبتي يا بنتي، منهم لله، اطلب دكتور يا محمد. نادى على دكتور شادي. محمد وهو بيجري على باب الشقة: حاضر حاضر، رايح أهو. ويالفعل راح خبط على شقة شادي بعد ثواني. شادي: اتفضل يا حج محمد، خير، فيه حاجة؟ محمد بدموع وضعف: بنتي اتغمى عليها جوا، بالله عليك الحقها يا ابني، دي بنتي الوحيدة. بصله

شادي بصدمة وجواه بيقول: بنته؟ بنته؟ مش كان فرحها إمبارح؟ إيه اللي رجعها يوم صباحيتها؟ تاني على محمد وقال بضيق: طب جاي معاك أهو يا عم محمد. وبالفعل راحوا، ومحمد سند حور ودخلها الأوضة على السرير. شادي بعد ما كشف عليها: عندها انهيار عصبي حاد وضغطها علي شوية، ده سبب الإغماء مش أكتر، أنا اديتها حقنة مهدئة، شوية وهتفوق. محمد: شكراً يا ابني، تعال أما أوصلك. خرج محمد يوصل شادي على الباب، فطلعت أماني.

أماني بضحك: إيه يا محمد، لقيت بنتك حامل في الشهر الكام؟ محمد بصدمة: إنتي اتجننتي يا ولية إنتي؟ أماني: أمال رجعالكوا تاني يوم فرحها ليه؟ ما أكيد عشان...