رواية ولكني لم اخطئ الفصل الثاني 2 - بقلم حور حمدان

الاب محمد بصدمة: إيه ده في إيه مالك، وإيه اللي رجعك تاني؟ فرحك ده انهارده صباحيتك واحنا لسه ماشيين من عندك، وكنتي كويسة، إيه اللي حصل؟ وإيه الهدوم دي؟ الام من جوه: مين اللي على الباب؟ محمد بهدوء: دي حور يا نسرين. ضربت نسرين على قلبها بصدمة وجرت تشوف في إيه. كل ده وكانت حور واقفة مبتنطقش. كانت بتعيط في صمت. بس اتكلمت سماح وحكتلهم كل اللي حصل. محمد بذهول: بقا حماتك عاوزاها تدخل الواد اللي قدها شقتها وجوزك مش موجود؟

غير كده، هو فين جوزك يا حور؟ حور بدموع: مش عارفة والله يا بابا. هو نزل بعد ما أنتم مشيتم، قالي هاجي بسرعة، بس هو اتأخر. ولقيت تامر جوز ماما طالع لي، وأنا مش برتاح له أصلاً. غير إن ده الصح، مينفعش نقعد في مكان لوحدنا أنا وهو. سماح بهدوء: طب دخلها جوه يا حج محمد، وأنا أستأذن بقى. وسابتهم ومشيت. كانت حور لسه هتدخل الشقة، بس سمعت مرات عمها من فوق بتقول: "شوفوا البنت راجعة بيت أبوها تاني يوم جوازها، ويترا إيه السبب بقى."

عيطت حور أكتر ودخلت. نجاة من برا: اتلمي يا ولية إنتي، بدل وربنا ما أطلع أجيبك من شعرك. أماني من فوق: تجيبي مين من شعرها يا نجاة؟ روحي يا حبيبتي، شوفي بنتك اللي رجعالك تاني يوم صباحيتها. ودخلت أماني ورزعت باب الشقة، وكذاك نجاة. محمد بصوت هادي وهو حاضن حور: بصي يا بنتي، لو جوزك مجابلكيش حقك، اعملي حسابك هتطلقي منه. أصل الوقتي حماتك طردتك بملابس البيت، يعلم الله بكرة تعمل فيكي إيه.

في شقة سيف جوز حور، رجع وكان مدايق. فتح باب الشقة ولقى تامر ورانيا قاعدين وحاطين رجل على رجل. راح قعد جمبهم وفضلوا يتكلموا شوية، لحد ما لاحظ غياب حور. قال: "أمال فين حور يا ماما؟ سعاد: "روحت عند أهلها، في داهية." سيف بصدمة: "نعم، ده ليه؟ حكتله سعاد كل حاجة، وزودت بقى إن حور شتمتهم. سيف بعصبية: "بنت ال... وكمل كلامه وقال بصدمة.