رواية ورده وسط اشواك الفصل الثالث والعشرون 23 - بقلم ريتاج محمد

مراد نزل وراح للبنت اللي شبه براء جداً وقال لها: "احم يا آنسة." البنت باستغراب وهي بتشاور على نفسها: "حضرتك بتكلمني أنا؟ مراد سرح شوية وفكر إن ممكن تكون دي أخته سمر. هو من الشكل يبصم بعشر صوابع إنها أكيد أخته هو وبراء، بس للأسف معاهوش أي دليل. مراد رجع من تفكيره عليها وهي بتقول: "يا أستاذ يحضرتك... يبشمهندس رد عليا يا أخينا." مراد: "احم معلش مأخدتش بالي، كنتي عاوزة إيه؟ البنت:

"استغفر الله العلي العظيم، يبشمهندس انت اللي ندهتلي. بقولك إيه اتفضل امشي، مش ناقصة هي والله." مراد بذكر: "آه صح صح، أسف. ممكن لو سمحتي تيجي معايا في أي كافيه ضروري؟ البنت بتقزز وهي بتبصله بقرف من فوق لتحت: "هو انت منهم؟ مراد باستغراب: "من مين؟ البنت: "من اللي بيقولوا كده ويقعد يقولك الموضوع حياة أو موت وزفت على دماغك، وبعدين نروح يقولنا أنا بحبك وعايز أخطبك، وي وي وي كلام فكسان." مراد بسرعة وهو بيوريها الخاتم

اللي في إيده اليمين: "لا والله، أنا أصلاً خاطب." البنت بقرف أكتر: "آه وكمان عايز تخونها يا ندل يا معفن." مراد في سره: "أعوذ بالله، الشكل شكل براء، اللغة لغة حيوان." ورجع قالها بهدوء: "لو سمحتي مش كل الناس زي ما انتي بتقولي، وأنا بجد عايزك في موضوع مهم، ويمكن انتي اللي هتطلعي كسبانة منه كمان." البنت باستغراب: "يطلع موضوع إيه ده؟ مراد:

"اتفضلي اركبي العربية، هنروح أي كافيه نتكلم، مش هينفع في الشارع. ومتقلقيش، مش هاخد من وقتك أكتر من نص ساعة." البنت بتفكير: "اممم طيب، بس وربنا أنا لو لقيتك بتقول كلام مش على هوايا، هرقع بالصوت وأخلي اللي ما يشتري يتفرج." مراد بسرعة: "لا متقلقيش." البنت ركبت معاه وقالت لنفسها بحيرة: "أنا ليه حاسة إنه يقربلي، أو...

عايزة أحضنه، حاسة هلاقي في حضنه حنان أبويا اللي مجربتوش. استغفر الله العلي العظيم، إيه اللي أنا بفكر فيه ده؟ استغفر الله." *** عند براء، صحيت من النوم ونزلت حضرت الفطار، وكانت فاكرة مراد فوق. طلعت تصحيه لقت إنه مش موجود، فاستنتجت إنه راح الشغل بدري. نزلت فطرت وطلعت لبست ونزلت، خرجت طلبت أوبر. وهي في العربية اتصلت بمراد. ***

عند مراد، كان سايق العربية عشان يروحوا الكافيه هو وشبيهة براء. موبايله رن. مراد مسكه بص على الاسم لقاها براء. فرد ونسي إن في حد معاه في العربية أصلاً: "آلو ياقلبي." براء: "آلو يا مراد، مشيت بدري على الشغل ليه يا مراد؟ مراد: "ممشتش بدري ولا حاجة، زائد أصلاً أنا مش في الشغل." براء بحدة خفيفة: "امال فين؟ مراد: "مشوار كده وجاي، انتي فين كده صوتك مش في البيت." براء: "احم آه، أنا مش في البيت. أنا نزلت وطلبت أوبر."

مراد قاطعها بحدة: "طب لفي كده زي الشاطرة وارجعي. يلا." براء: "يمراد إحنا خلاص قربنا نوصل." مراد بحدة: "لفي وارجعي، مش هقولها تاني. لما أجي أبقى أوديكي. وبعدين خلاص أنا موت يعني عشان متستأذنينيش؟ براء: "والله أنا اتصلت بيك عشان أقولك." مراد: "تقوليلي إيه؟ بعد ما خلاص قربتي توصلي؟ براء بحزن: "ونبي قفلي عشان مش عايز أضايقك، لو سمحت." براء: "تمام، سلام." وقال للسواق: "معلش لو سمحت لف وارجع الفيلا تاني." السواق بضيق:

"استغفر الله، مكنتي تقولي لزوجك قبل ما تركبي يا مدام." براء بصحيح: "آنسة لو سمحت، بعدين ده أخويا مش جوزي." الراجل باحراج: "معلش مكنتش أعرف." وبعدها وصلها على الفيلا وهي حاسبته ودخلت بضيق من مراد، بس برضه غلطت نفسها لأنها كانت المفروض تستأذنه. *** عند مراد، البنت بتبصله بضيق بعد لما قفل مع براء: "طب حتى احترم الدبلة اللي في إيدك، لكن أقولك كلكوا كده خاينين، مفيش واحدة تملى عينكوا." مراد بهدوء: "أختي." البنت: "أفندم؟

مراد: "اللي كنت بكلمها أختي وخرجت من غير ما تقولي، ولسه كانت بتقولي. قولتلها ارجعي." البنت باحراج: "آه معلش، آسفة." وبعد نص ساعة كانوا وصلوا الكافيه. *** عند حبيبنا عدي، كان صحي بس متأخر لأنهم كانوا سهرانين وكده امبارح، بقى بسبب خطوبة مراد. أول ما صحى فكر في براء وقال: "يااااه لو امبارح كانت خطوبتنا." وبعدين افتكر كلمته بينه وبين نفسه: "استغفر الله العظيم، في إيه يا عدي؟

هو أنت آه بتحبها، بس إحنا قولنا مش هنفكر فيها غير لما يبقى في بينا حاجة رسمي." وقرر ياخد اليوم إجازة ولبس ونزل يتمشى شوية بالعربية، وكان الجو جميل جداً جداً. *** عند سليم وحميدة، بوظ الأخصام. حميدة كانت بتكلم منة في أوضتها: "وده بقى كنتي تعرفيه منين يختي؟ منة: "يماما أنا أعرف مراد من قبل أما يسافر أصلاً." حميدة بغيظ: "على فكرة انتي قليلة أدب، بتقوليها في وشي كده عادي." منة بضحك:

"آه ياماما، ما خلاص بقى، بقى خطيبي يعني محدش له عندي حاجة، نينيني." حميدة: "طب غوري يختي انتي وخطيبك، روحي اعمليلي كوباية شاي." منة: "حاضر." وقامت عشان تعمل الشاي، وبعدين خلصته ودخلت لحميدة. وخرجت لقت ماهر نايم على الكنبة اللي في الصالة. منة راحتله وقالت وهي بتسمي وتشيله: "بيبي، آبي، كوتكوتي، كوة." (حبيبي، قلبي، أنت، قلبي، كوتي كوتي.) وقعدت تلعب معاه. ***

عند عدي، خلص لف وراح اشترى حاجة مسكرة يأكلها، وبعدين روح خد شاور وقعد يتفرج على التلفزيون. *** عند مراد، وصل هو والبنت للكافيه ودخلوا، ومراد طلع اتنين عصير و... يتبع