رواية رغم فرق السن الفصل العاشر 10 - بقلم حنين عادل

بتعدي الأيام وأشرف بيتحسن وجميله بتهتم بيه ومبسوطة أنه بيتحسن. حسن مش واخد عليها ومابيحبش غير حمزة بس. حمزة كاتم في قلبه شعوره، متضايق أنه هيخسرهم. أكبر توقعاته أن جميله هتسيبه هو وحسن عشان مش بتحبه وهترجع لأشرف. جميله كل تركيزها على أشرف وبس، مش بتهتم بحمزة ولا حسن. جميله عند أشرف في المستشفى. جميله: أنا أول يوم ليا في الجامعة بكرة. أشرف: بجد، كلية إيه؟ جميله: طب، طبعًا. حمزة وعدني ووفى.

أشرف: ما تجيبيش سيرة حمزة ده. جميله: في إيه؟ حمزة عمل لك إيه؟ بعد إذنك ما تتكلمش عنه كده تاني. أشرف: واللهِ زعلانة إني بتكلم عليه كده. حصل بينكم إيه لكل ده؟ جميله: أشرف، ده جوزي. سترني ودعمني ووقف جنبي في الوقت اللي ما كانش فيه حد جنبي. وربّي، حسن وكتبه على اسمه بدل ما كان يبقى ابن حرام. أنا غلطانة أصلًا إني جيت لك. حمزة خط أحمر يا أشرف، ما اسمحلكش إنك تتكلم عنه بالطريقة دي. وكانت جميله هتمشي.

أشرف: أنا آسف، ما تتضايقيش مني. استني، ما تمشيش. جميله وقفت: بس ما تتكلمش كده تاني. أشرف: حاضر، بس ممكن أسألك سؤال. جميله: اسأل. أشرف: أنتي حبيته يا جميله ولا لسه بتحبيني؟ جميله: ............. تليفون جميله بيرن ليقاطع السكوت. جميله: أيوة يا حمزة. حمزة: أنتي أول يوم جامعة بكرة، مش هنعمل شوبينج بقا ولا إيه؟ جميله: بجد؟ حمزة: أه طبعًا، أنا مستنيكي تحت المستشفى. جميله بفرحة: أنا نازلة حالا. وقفت التليفون.

جميله: أشرف، أنا هاروح مع حمزة نعمل شوبينج. باي. أشرف: أوك. نزلت جميله لحمزة. أشرف قاعد متضايق وحاسس أن جميله بعدت عنه. الحب ده غريب جدًا، بيعذب تلات أشخاص في نفس الوقت. قد إيه الاختيار صعب بين حمزة وأشرف. أه صحيح، أشرف حبه الأول، بس حمزة أمانها وحنانها واطمئنانها. حمزة مستني جميله في العربية. جميله ركبت معاه وهيا مبسوطة وراحوا يعملوا شوبينج. جميله: حسن فين؟ حمزة: مع الدادة. خلاني أمشي بصعوبة.

جميله: بيحبك أكتر مني يا حمزة. حمزة: احسدونا بقا. جميله: هههههههههه. وصلوا أحد المولات الكبيرة ودخلوا محل فخم. حمزة: اختاري كل اللي يعجبك وما يهمكيش. جميله: ميرسي بجد. حمزة: بطلي الكلمة دي، إحنا ما فيش بينا الكلام ده. نقي وقيسي واطلعي وريني. جميله: حاضر. اختارت جميله الهدوم ودخلت تقيس وطلعت توري حمزة. حمزة يشاور ويقول: عريان من فوق. تاني حمزة يقول: عريان من تحت. تالت مرة حمزة يشاور: ضيق جدًا. رابع مرة: 👌👌.

فرحت جميله واختارت حاجات كتير على ذوق حمزة. وعند الكاشير. حسب الكاشير الأسعار: 280000 جنيه. جميله: ليه ده كله؟ الكاشير: دي براندات يا فندم. حمزة: دي ماركات يا جميله، وهيدفع. جميله: دي غالية جدًا. حمزة: ما فيش حاجة تغلى عليكي. جميله مصدومة وماشية بتكلم حمزة: غالية جدًا يا حمزة، دي الفلوس دي تلبس حارتنا وتأكلهم سنين. حمزة: وإن أنتي ما لبستيش الغالي، مين يلبسه؟ جميله ابتسمت من كلامه. حمزة: يلا بقا نجيب الشوز.

جميله: لأ، غالي جدًا، هنجيب من حتة تانية. حمزة: لا، هجيب لك من هنا. أصر حمزة على جميله واختاروا الشوز اللي يليق على الهدوم وخلصوا. حمزة: نفسك في حاجة، قوليلي. عايزة نشتري حاجة تانية؟ جميله: لا، كده كتير عليا كمان. ربنا يخليك يا حمزة ويديمك نعمة في حياتي. حمزة فرح جدًا وحط الشنط في العربية وروحوا البيت. حسن بيجري على حمزة وبيحضنه. حمزة بيشيله ويلاعبه. جميله ابتسمت وطلعت هدومها لفوق.

أشرف وقف على رجليه واتحسنت حالته جدًا. تاني يوم حمزة بيصحي جميله وكالعادة نومها تقيل. حمزة: شكله ما فيش فايدة. راح جاب شوية ميه ورشها عليها. صحت جميله مفزوعة وحمزة بيضحك عليها. جميله: كده يا حمزة.

وطلعت تجري وراه ولفت وراه البيت كله. ونزلوا الجنينة وبتجري ورا حمزة لحد ما شافت خرطوم الميه اللي بيسقي الزرع. فتحته وطلعت تجري وراه بيه. من كتر الميه حمزة وقع وجميله كانت وراه علطول. وقعت فوقه. قعدت تبص في عينه وهوا شال شعرها من على عينيها وقعد يبص في عينيها وهيا بتقرب منه وهوا كذلك وكان هيبوسها. الدادة: الفطار جاهز يا حمزة بيه. أنا آسفة، أنا آسفة. واتكسفت ومشيت.

جميله قامت ومكسوفة طبعًا وحمزة قام وضحك. وجميله مشت عشان تغير هدومها وحمزة يغير هدومه. جميله لنفسها: أنا حاسة إني بضعف قدامه وبحب أبقى قريبة منه. هل ده حب؟ حمزة لنفسه: أنا حاسس إنها بتحبني من نظرة عينيها. حمزة وجميله افتكروا اللي حصل وضحكوا جدًا. لبست جميله ونزلت وحمزة نزل وفطروا. جميله: أنا خلصت. حمزة: استني، أنا هوصلك. جميله: مش عايزة أتعبك. حمزة: أنتي راحتك راحتي. وقام عشان يوصلها.

ركبوا العربية ووقفوا قدام الجامعة. نزلت جميله وعملتله باي ونزلت. متألقة وجميلة، سايبه شعرها وحاطة ميكب خفيف ولابسة بنطلون جينز وبلوزة من أحسن الماركات. دخلت الكلية، الكل مبهور من جمالها ورقتها. والبنات كلهم بيحقدوا عليها من شكلها ورقتها وهوس الشباب بيها. واقف تلات شباب، زياد وأحمد وباسم. بيضايقوا جميله. وقفوا في طريقها ولفوا حواليها. زياد: إيه يا قمر، مش تعرفنا اسمك؟ أحمد: أنتي أجنبية صح؟ باسم: ما تقولي بقي يا قلبي.

زياد مسك إيدها. جميله اتضايقت ورفعت إيدها وضربته بالقلم. زياد: أنتي اتجننتي؟ ورفع إيده ولسه هايضربها في حد مسك إيده وضربه بالقلم. حمزة: أنتو عارفين أنا ممكن أعمل فيكوا إيه يا كلاب؟ ليه؟ أنا ممكن أدمر لكوا مستقبلكوا. الشباب وقفوا قلقانين. حمزة: اسمكوا إيه؟ بغضب. زياد: أسفين يا باشا، سامحنا. باسم: المسامح كريم. أحمد: آخر مرة، سامحنا. إحنا داخلين الجامعة بالعافية.

حمزة: طب امشوا من وشي وما أشوفش حد منكم تاني. وإن عرفت إنكم ضايقتوها تاني أنا هوريكم أنا ممكن أعمل إيه. مشي الشباب. والبنات والشباب واقفين بيتفرجوا. حمزة لسه هيتكلم. جميله حضنته. حمزة: خلاص ما تخافيش، أنا موجود. أنتي نسيتي التليفون فجيت أجبهولك. جميله: كويس إنك جيت وبعدت عنه. نسيت جميله الناس وحضنت حمزة تلقائيًا من خوفها. حمزة مشي وهوا عارف إن محدش هيتعرض لها تاني.

جميله مشت في الجامعة وسامعة البنات بيتكلموا على حمزة ووسامته وهيبته وأنه بطل. وفرحت من الكلام ده. خلصت جميله أول يوم جامعة وراحت المستشفى عند أشرف. أشرف خلاص بيلبس بعد ما اتعافى تمامًا وهيروح البيت. جميله مبسوطة جدًا أنه خلاص بقى كويس. أشرف: أنا مش عايز أروح البيت. ما تيجي نقعد على أي كافيه، أنا ما خرجتش من زمان ومخنوق. جميله: ماشي، يلا. وراحوا كافيه وقعدوا عليه. أشرف: أنا بحبك أوي. جميله: .......

أشرف: إحنا لازم نرجع لبعض. أنا بحبك وأنا عارف إنك بتحبيني. وحسن ابننا لازم يتكتب على اسمي. لازم نعيش مع بعض بقا. إحنا شوفنا كتير في حياتنا ولازم نرجع لبعض وتعوض بعض. أنا ما أقدرش أتخيل حياتي من غيرك يا جميله. أنتي روحي وقلبي وعقلي وكياني وكل حاجة حلوة في حياتي. مسك أشرف إيد جميله. جميله شدت إيدها: أنا متجوزة دلوقتي يا أشرف. مجرد إنك بتكلمني الكلام ده بحس إني بخون حمزة. أشرف: وكده مش بتخوني حبنا وعدنا لبعض؟

اطلبي منه الطلاق يا جميله ونتجوز ونعيش حياتنا ونربي ابننا بينا. جميله، جميله. جميله: أنا لازم أمشي دلوقتي يا أشرف. مشت جميله. وأشرف حس أن أثر في جميله بكلامه. حمزة بيرن على جميله، جميله مش بترد. حمزة قلقان على جميله. الوقت اتأخر ولسه ما جتش. حمزة كلم أشرف، اللي عمره ما كلمه ولا شافه، وسألوا على جميله. حكاله أشرف إنها مشت من بدري. أشرف قلقان على جميله. حمزة هيموت من الخوف عليها. حمزة: أنتي فين يا حبيبتي؟

إيه اللي جرالك؟ وحالتك عاملة إيه؟ أنا خايف عليكي جدًا. يا رب استودعتك جميله في ذمتك يا رب. يا رب احميها ورجعنا بالسلامة. ولو مش عشاني عشان حسن ابنها. يجي تليفون لحمزة ولأشرف. حمزة: إيه؟ أشرف: إيه؟ ردوا واتصدموا من اللي عرفوه. ياترى عرفوا إيه؟