رواية رغم فرق السن الفصل الخامس 5 - بقلم حنين عادل

حمزه: يلا عشان تفطري. جميله بعصبيه: انت ازاي تدخل عليا اوضتي وانا نايمه وتغيرلي هدومي كمان. حمزه: انتي ناسيه ولا ايه أن أنا جوزك. جميله: عالورق. حمزه 🙂: خلاص يا ستي ما تتعصبيش، بس أنا حبيت أريحك. ممكن بقا تيجي تفطري. جميله: ما ليش نفس. حمزه: أن ماكنش عشانك يبقي عشان البيبي. جميله 😤: قولتلك مش عايزة. حمزه 😠: انتي ليه بتعامليني بالطريقه دي؟

أنا ذنبي إيه إنك اتعرفتي على حتة عيل بايظ ما عرفش يشيل المسؤولية ولا عرف يحافظ عليكي. ورزع الباب وطلع متعصب جداً من عندها. قعدت جميله تبكي على حالها وتقول لنفسها: هو فعلاً حمزة محترم وكويس وما عملش حاجة وحشة فيا، بالعكس اتحملني واتحمل ابني وستر علينا، بس أعمل إيه أنا معدش عندي ثقة في حد، ما عدش عندي ثقة في نفسي حتى... بعد ساعة... حمزه بيخبط عالباب. جميله لسه في غرفتها: ادخل.

جميله اتفاجأت إنه حمزة، وهيا فاكرة إنه هيعمل زي أي راجل ويفضل زعلان يومين تلاتة أو حتى لما تروح تعتذر. حمزه: مش هتفطري بقا 😏. جميله: انت زعلان مني؟ حمزه: خالص، انت مين عشان أزعل منك يعني. جميله: مراتي. حمزه: 😜 عالورق بس. جميله: هههههههه. حمزه بتلقائية: ضحكتك جميلة زيك، أول مرة أشوفها. يارب أكون سبب من أسباب سعادتك. حطت جميله وشها في الأرض من الخجل. حمزه: هتفطري بقا ولا إيه. جميله: طيب يلا. حمزه: خلص 🤣🤣.

جميله: هوا إيه اللي خلص؟ حمزه: الفطار، أنا أكلت لك. جميله: هههههههه يعني إيه؟ هاكل إيه دلوقتي أنا؟ حمزه: إيه رأيك لو خرجنا منها أفطرك انتي وحسن ونتفسح؟ جميله: أوك، النفسية بجد محتاجة خروجة. بس استني، مين حسن؟ حمزه: البيبي اللي جاااي، أنا كان نفسي يبقى عندي ولد اسمه حسن. جميله: ؟ حمزه: سيبك من الكلام ده، يلا ادخلي البسي. جميله: حاضر. وخرج حمزه يلبس.

حمزه لابس كاجوال، تيشيرت أبيض يبرز عضلاته وبنطلون جينز وكوتشي أبيض ونضارة سوداء وبرفن ريحته تشد أي حد. خلص لبس وراح لجميله. خبط عالباب. جميله من ورا الباب: أيوه. حمزه: خلصتي يا نور الشمس؟ جميله: خلاص أهو، مين نور الشمس دي؟ حمزه: انتي. جميله: اشمعنا؟ حمزه: عشان دخلتي نورتي حياتي. جميله: بس الشمس زي ما بتنور، اللي بيقرب منها بيأذيه وبيحرقه. حمزه: أنا هستحمل نارها، هتبقى جنتي بس تديني فرصة. جميله بتتهرب من الكلام.

جميله فتحت الباب. حمزه: إيه ده؟ جميله: في إيه ماله؟ جميله لابسة تيشيرت كات وبنطلون جينز وصندل عالي، وسايبة شعرها وحاطة ميكب خفيف. حمزه: كدا هتتعاكسي مني. جميله: 🙈🙈💛. حمزه: طيب ما تتكشفيش أوي كده، أنا بصراحة مش عايز أكلمك في لبسك، أصل تقولي دقة قديمة ومعقد والهبل ده، بس انتي ترضي إن حد يبصلك بطريقة وحشة تجرح إحساسك... جميله: خلاص فهمتك، دقيقة هغير البلوزة. حمزه: مراتي العاقلة الكاملة.

جميله: هههههه، انت دمك خفيف أوي، كنت مفكراك... حمزه: وقفتي ليه؟ كنتي مفكراني دقة قديمة وكده وراجل كبير ومعقد وجيل غير الجيل مش مواكب العصر. جميله: لأ بس..... حمزه: خلاص يلا بقا ادخلي البسي. جميله: حاضر. دخلت جميله لبست بلوزة مقفولة بعكس الأولى. جميله: كدا كويس. حمزه: تمام أوي. وخرج حمزه مع جميله وراحوا مطعم. حمزه: كدا جوعتيني. جميله: انت ما فطرتش. حمزه: كنت عايز أفطر معاكي. جميله: أسفة إني أخرتك. حمزه: ولا يهمك.

فطروا وخلصوا. حمزه: تحبي تروحي فين بقا؟ قوليلي وأنا أعملك كل اللي نفسك فيه. جميله: عايزة أروح الملاهي. حمزه: إيه 😱 هههههههههه، طفلة. جميله: بتضحك عليا، ماشي بس هي بتبسطني. حمزه: حاضر يا ستي، أنا أقدر أرفضلك طلب. وراحوا الملاهي، جميله مبسوطة وحمزه خايف. جميله وهيا راكبة جنب حمزه: إيه خايف ليه كده؟ حمزه: شكل الحب هيجيبلي آخر. جميله بتجري وبتلعب زي الطفلة وحمزه واقف مبسوط إنها سعيدة. جميله: عايزة آيس كريم وبوب كورن.

حمزه: حاضر. حمزه جابلها اللي هيا عايزاه. عدت الساعات كأنها دقائق معدودة. حمزه: يلا بقا نتغدى. جميله: آآآه، أنا جوعت أوي. حمزه: آآآه من اللعب 🤣🤣. جميله: اتريق، ماشية. حمزه: تحبي نتغدى إيه بقا؟ جميله: مش عارفة، على زوقك بقا. حمزه: ماشي. راحوا مطعم شيك جدا وقعدوا فيه. أجى الويتر. حمزه: هاتلنا سنجاري وإستاكوزا وشوربة بحر وهات... حمزه: بتحبي مع العيش ولا الرز؟ جميله: عادي أي حاجة. حمزه: خلاص، هات الاتنين عيش ورز.

أجى الأكل وأكلوا. جميله: الأكل تحفة، مش قادرة، ما أكلتش كده من زمان. حمزه: ألف هنا. جميله: ميرسي. حمزه: يلا بقا نروح عشان عندي لك مفاجأة كبيرة. جميله: بجد؟ هيا إيه؟ حمزه: مش هتبقى مفاجأة لو قلت لك. جميله: ماشي، يلا على نار عشان أعرف المفاجأة دي. حمزه: يلا. جميله وحمزه طالعين من المطعم، جميله شافت أبو أشرف عاصم، عاصم واقف بيبصلها بصه تحدي وابتسامه صفرا. أنكجت جميله حمزه وكأنها بتغيظه ومشت وسابته ولا كلمته كلمة.

حمزه انبسط إن جميله أنكجته وحس إن في أمل. روحوا البيت. جميله: ها، مش تقولي إيه هيا المفاجأة؟ حمزه: يلا هقولك حالا. وأخدها من إيدها وطلع أوضته وطلع ظرفين وأعطاهم لجميله تشوفهم. جميله: إيه دول؟ حمزه: دي تذكرتين سفر لفرنسا. جميله: بجد واللهي! وحضنته من الفرحة. حمزه فرح جدا وفضل حاضنها ومبسوط بحضنها، أول مرة يحس الإحساس ده. قلبه بيدق جامد وحاسس بشعور غريب، بس أهم حاجة إنه مبسوط.

فاقت جميله لنفسها ورجعت لورا واتكسفت جدا من اللي عملته ووشها أحمر. حمزه بصلها وانبهر من جمالها وهي مكسوفة. حمزه: هنسافر بكرة إن شاء الله، جهزي شنطتك. جميله: بس أنا مش عندي جواز سفر، هسافر إزاي؟ حمزه: أنا جهزت كل حاجة. حمزه: أنا هاروح آخد شاور وأغير هدومي. جميله: أوك، وأنا كمان. خرج حمزه وراح أوضته، كان مبسوط جدا وقلبه بيرفرف من الفرحة. جميله لسه مكسوفة من اللي عملته، بس مبسوطة إنها هتسافر فرنسا، وده كان حلمها.

خدت شاور وغيرت هدومها وقعدت عالسرير مبسوطة. بس افتكرت أشرف. أشرف: تحبي نروح شهر العسل فين يا حبيبتي؟ جميله: أي حتة هنبقى فيها مع بعض، هتحبي. جميله جداً. أشرف: أنا عارف إنك نفسك تروحي فرنسا وتتصوري جنب برج إيفل، وهنروح فرنسا في شهر العسل. جميله: بجد! وبفرحة كبيرة حضنته، وهو لفها وهيا فضلت تضحك ومبسوطة. فاقت من شرودها على الباب بيخبط. جميله قامت تفتح. حمزه: تعالي نقعد في الجنينة شوية. جميله: أوك، ونزلت معاه.

جميله: إيه ده؟ شموع عالأرض عامله ممر وورد وقلب مرسوم عالأرض وجو رومانسي وطرابيزة عليها كرسيين وفوقها تاج وعليها شموع وورد، حاجة رومانسية جدا. حمزه: إيه مش عاجبك ولا إيه؟ جميله: لأ حلو، بس..... حمزه: كل البنات بتحب كده. جميله كانت عايزة تمشي. حمزه: أنا عايز بس أفرحك، لو عايزة تمشي ماشي، بس أنا كنت عايز نتكلم مع بعض شوية. جميله: أوك. حمزه شالها كرسي وقعدت عليه وقعدت قصاده.

حمزه: أنا عايز أفرحك بس عشان حاسس إنك حزينة، وأنا مش بحب أشوفك كده. جميله: انت إنسان كويس أوي يا حمزة، أي بنت تتمناك وتستاهل بنت أحسن منك. حمزه: بس انتي ما فيش أحسن منك بالنسبالي. جميله: حمزة، انت ليه متجوزتش؟ يعني انت ما شاء الله شاب ووسيم ورياضي وغني، أي بنت تتمناك، ليه متجوزتش من زمان واستقريت؟

حمزه: كل البنات اللي كانوا بيعرفوني بيعرفوني عشان طمعانين في فلوسي وعاجباهم المظاهر، وبعد علاقة ماما وبابا اللي كانت مليانة مشاكل بسبب إنه كان جواز صالونات وبابا سابها وكان كل يوم بيخونها مع واحدة عشان يقهر ماما، قولت لأ إن أبقى من غير جواز أحسن من إني أدخل جواز فاشل مليان مشاكل. وبردة ما لقتش البنت اللي تهز قلبي وتملي عيني. جميله: .......... حمزه: دوشتك معايا، يلا نتعشى بقا.

جميله: حاسة إني هزيد كده من كتر ما بتأكلني. حمزه: انتي مش بتاكلي لنفسك بس، انتي بتاكلي لشخصين، ولازم تأكلي كويس. أكلوا وخلصوا. جميله: أنا هاطلع أنام. حمزه: أوك، يلا، فاتك تعبتي وهنصحي. وطلعوا ودخلت جميله أوضتها. ودخل حمزه أوضته بدري. حمزه نفسه إن جميله تبادله ولو ربع حبة ليها. جميله بتفكر لحظاتها مع أشرف.

كانوا راكبين عربيته وقت شروق الشمس، منظر جميل والعربية من غير سقف، وهيا بتطلع إيدها وتقف تتفرج عالمنظر، وكانوا في قمة السعادة والحب، وراحوا قعدوا عالبحر يتفرجوا عالغروب وحضنته بالجامد. أشرف: أنا بحبك. جميله: وأنا بموت فيك، ونفسي نفضل مع بعض علطول. أشرف: وأنا عمري ما هسيبك ولا هتخلي عنك أبداً، لأني مش هعرف أعيش من غير روحي، وانتي روحي.

جميله تبكي وتكلم نفسها: اتخليت عني في عز ما كنت محتاجالك وسبتني، أنا خلاص هنساه وهطلعه من حياتي ومن قلبي، وحياتي مش هتقف عليك، وهنسي كل اللحظات الحلوة الخادعة اللي كانت بينا. ونامت جميله. حب أشرف اللي كان كبير في قلبها بقى ممزوج بالعتاب والكرامة والكراهية، وبقت مشاعر متلخبطة. أشرقت الشمس يوم جديد على الجميع. حمزه صحي وخاد شاور وجهز نفسه. راح خبط على جميله مش بترد، وهوا عارف إن نومها تقيل.

دخل حمزه ووقف يتفرج عليها، قد إيه هيا جميلة وهي نايمة، وباسها في خدها.