رواية رغم فرق السن الفصل الرابع 4 - بقلم حنين عادل

جميله: انتي عرفت كل حاجه والقرار قرارك دلوقتي. حمزه: .......... جميله: أنا عارفه إنه قرار صعب، أنا مش هفرض نفسي عليك، أنا هدخل أقول لبابا إني أنا مش موافقه لو أنت محرج تقولها. وقفت جميله ودخلت عشان تقوله. حمزه: موافق. جميله لفت ليه: بتقول إيه؟ حمزه: أنا موافق. جميله: مش هتندم؟ حمزه: لأ مش هندم. جميله: بس أنا مش هكون ليك زوجة زي أي زوجة، أنا هبقى مراتك على الورق بس. حمزه: هخليكي تحبيني زي ما بحبك.

جميله: مش هقدر أحب حد تاني. حمزه: هتحبيني قد ما أنا بحبك. جميله: وابني أنا مش هنزله. حمزه: هيبقى ابني. جميله: هتندم يا حمزه، ما تصعبش الأمور على نفسك. حمزه: أنا بحبك وهستحمل أي حاجة عشانك. سكتت جميله. حمزه: يا جمال يا ناهد. خرج جمال وناهد وعلى وشهم القلق من قرار حمزه أو أن تكون جميله قالت له حاجة. حمزه: زغرطتي يا أم جميله بقى، مش دي قرايباتك ولا إيه؟ انبسط جمال وزغرطت ناهد وقروا الفاتحة وحددوا ميعاد الفرح.

جميله بتفكر مع نفسها: يا ترى منتظرك إيه لسه يا جميله. حمزه صمم أن كل حاجة تكون زي أي عروسة لأول مرة. جميله: ليه كل ده؟ فستان فرح وفرح كبير وكوافير؟ حمزه: عايز أفرحك يا جميله. جميله: كل اللي أنت بتعمله ملوش لازمة. حمزه زعلان من كلامها وبيقول لنفسه: لازم أخليها تثق فيا الأول وبعدين هتحبني، اللي عمله أشرف خلاها تفقد ثقتها في أي حد. حمزه أخد جميله وجاب لها فستان الفرح. جميله حزينة. حمزه لنفسه: شكلك هتتعبيني جدا.

الفرح في قاعة كبيرة على مستوى عالي من الرقي. الفرح فيه رجال أعمال ومشاهير. حمزه راح يجيب جميله من الكوافير. طلعت جميله زي الأميرات، حمزه وقف مبهور من جمالها. حمزه: طالعة زي القمر يا حبيبتي. جميله ببرود: شكراً. مسك حمزه جميله من إيدها وركبها العربية ووصلوا لقاعة الفرح. نزل حمزه وجميله، وأول ما دخلوا الورد الأحمر وقع فوقهم. دخلت جميله وحمزة وجمال وناهد مبهورين من جمالها ورقتها. قعد حمزه وجميله على الكوشة.

الأجواء دي تعجب أي بنت، لكن جميله قلبها مجروح. جاء وقت رقصة السلو، رقصت مع حمزه كأن عقلها مش موجود، كانت بتفتكر أشرف. أشرف: فرحنا هيكون في قاعة كبيرة وشيك وهيكون فيها ناس مشهورة. جميله: هلبس فستان فرح تحفة، كل البنات هتموت عليه وهطلع زي القمر، وأنت هتكون زي القمر ببدلة سودا شيك وأنيقة وبرفان ريحته تشد أي حد والبنات تبقى هتموت عليك، وأقعد أغيظهم إني هتجوزك.

أشرف: وأنا كل الناس هيحسدوني عليكي، وأول ما ندخل من باب القاعة ينزل علينا الورد وكل اللي في الفرح يسقفوا لينا وهنبقى مبسوطين وهيبقى معانا أصحابنا اللي بنحبهم وهيقولوا لنا ويفرحوا لنا. جميله: هيبقى جميل، يا رب حقق حلمنا وخلينا على طول مع بعض. أشرف: يا رب يا حبيبتي، أنا مقدرش أعيش من غيرك، بس هنقضي شهر العسل فين؟ جميله: في فرنسا، نفسي أروح لها. أشرف: طلباتك أوامر، يلا نروح لها بقى.

جميله: هههههه، اتجوزنا خلاص وبنفكر في شهر العسل. قاطعه تفكيرها حمزه وهو يحملها ويدور بها وسط رقصة السلو، ولما نزلها داخت في حضنه. حمزه أول مرة يحس الإحساس ده، بس مبسوط من قربه ليها. فضلت كام دقيقة لما الدوخة راحت وخلصوا رقصة السلو وقعدوا على الكوشة والناس بتتصور معاهم ومبسوطين وبيرقصوا. أصحاب حمزه وجميله بيتصوروا معاهم. بس بيتهامسوا بينهم أن جميله متجوزاه عشان فلوسه. وحمزه متجوزها عشان صغيرة.

حمزه عارف الكلام ده، لكن مش بيهمه كلام الناس. انتهى الفرح وروحوا البيت. اتفاجأت جميله بجمال فيلا حمزه، ولكن حياتها هتبقى زي السجن. حمزه: اتفضلي برجلك اليمين يا عروسة. دخلت جميله وبدون أي كلام. جميله: فين أوضتي؟ حمزه: أوضتك هي أوضتي. جميله: قولت لك أنا هبقى مراتك على الورق بس، أنا مش بحبك. حمزه بحزن: خلاص تعالي وأنا أوديكي. ودخلها أوضة. حمزه: دي أوضتك وفيها حمام. جميله: ماشي. حمزه طلع وسابها وراح أوضته.

جميله قفلت الباب ونامت على السرير وقعدت تعيط لحد ما راحت في النوم. حمزه في أوضته غير هدومه وخد شاور. آه صحيح متضايق، بس على الأقل جميله بقت مراته. أصبح الصبح وأشرق نور الشمس يوم جديد على الجميع. صحى حمزه فهو متعود يصحى بدري، خد شاور وعمل رياضة. وبعدين راح لجميله عشان يشوفها. بيخبط على الباب مش بترد، دخل لقاها بفستان الفرح. حمزه: جميله، جميله اصحي. جميله مش بتصحى. حمزه: ده أنت نومك تقيل قوي.

حمزه شال جميله وخلعها فستان الفرح ولبسها بيجامة وعمل لها شعرها ضفيرة، كل ده وهي نايمة. وخرج يقول للخدم يجهزوا الفطار. جميله وهي بتتقلب على السرير وقعت وده اللي صحاها. جميله: آآآه، هو كل يوم ياربي بقى. قامت جميله من على الأرض ماسكة ضهرها من الوقعة. جميله: إيه ده؟ أنا فاكرة امبارح إني ما غيرتش هدومي ونمت، إيه ده؟ شعري ما كانش ضفيرة، أكيد حمزه اللي عمل كده، ده شاف كل حاجة، هبص في وشه إزاي؟

ثم إنه إزاي يدخل عليا ويقلعني هدومي كده؟ الباب خبط. جميله: ادخل. حمزه: يلا تعالي افطري. جميله بغضب: أنت إزاي...