رواية رهف الفصل العاشر 10 - بقلم سندس محمد

أدهم بابتسامة خبيثة: إزيك يا حماتي. وبعدين أنا عملت إيه؟ أنا جاي أشوف مراتي حبيبتي. أمها بعصبية شديدة: هي مش مراتك. أدهم: طب خلاص، متزعليش أوي كده. طليقتي. أمها بصتله بجمود وقفلت الباب في وشه. أدهم بصوت عالي: انتي فاكرة إني كده مش هعرف أوصلها؟ لأ هوصلها وهتشوفي يا حماتي. أمها مردتش عليه ودخلت عند رهف الأوضة. رهف باستغراب: مين اللي كان بيخبط يا ماما؟ أمها بتوتر: ها، لأ لأ. دي أم أحمد جارتنا. رهف بشك: ماشي يا ماما.

أمها بضحك: يلا بقى يا حبيبت ماما، مين يحيى ده؟ عند يحيى. عايدة بزعيق: يعني أنسى إنك تتجوز البنت دي؟ يحيى بهدوء: ليه يا أمي؟ عايدة: أنت عايز تتجوز واحدة مطلقة. يحيى بهدوء نسبي: وهي مالها المطلقة يا ماما؟ عايدة بعند: أنا قولت لأ يا يحيى، يعني لأ. انسى إنك تتجوز البنت دي. اختار أي حد تاني. محمد: اهدي يا عايدة، اللي هو عايزه يعمله دي حياته وهو حر. عايدة: بس ده ابني الوحيد ومن حقي إني أفرح بيه.

يحيى: يعني لما اتجوزها مش هتفرحي بيا يا ماما؟ عايدة: أنا قولت كلمتي يا يحيى. البنت دي لأ، يعني لأ. يحيى بهدوء، هو ميقدرش يتعصب على أمه: يا ماما. عايدة بعند: طب يا يحيى، لو اتجوزتها، لأ هتبقى ابني ولا هعرفك. يحيى بصدمة: إيه ده؟ عند سلمى، كانت قاعدة مع صحابها في النادي. نور صاحبتها: هتعملي إيه يا سلمى؟ سلمى بغرور: مش هعمل حاجة يا نور. نور: طب لو أدهم طلع بيحبها. سلمى رفعت حاجبها: لأ طبعًا. نور: ومالك واثقة أوي كده ليه؟

سلمى: حتى لو بيحبها، مش فارقة معايا. نور: طب ما كده هيطلقك يا هبلة. سلمى بسخرية: يطلقني؟ أنا كده كده عملت اللي أنا عايزه. نور بترقب: يعني إيه يا سلمى؟ سلمى: يعني أنا مضيته على تنازل والشقة بقت بتاعتي. يعني لما يفكر يطلقني ويقولي بره، أنا اللي هقوله بره. عند يحيى. يحيى بصدمة: إيه؟ عايدة بعند: وهتتجوز البنت اللي أنا قولتلك عليها يا يحيى. يحيى: وأنا مش هتجوز غير رهف يا ماما. محمد: عايدة، أنتِ بتقولي إيه؟

هو حر ويعمل اللي هو عايزه. عايدة: لأ يا محمد، هو هيتجوز اللي أنا هختارها. محمد بعصبية شديدة: طب لو مشيتي اللي في دماغك، هتكوني طالق يا عايدة، عشان هو حر في حياته. عايدة بصدمة شديدة: أنت بتقول إيه يا محمد؟ محمد: أنا اللي عندي قولته. يحيى: اهدي يا بابا. عايدة بصت لهم ومسكت قلبها بتعب ووقعت من طولها.