رواية رهف الفصل السابع 7 - بقلم سندس محمد

رهف بجمود: اطلع بره يا يحيى. يحيى باستغراب: في إيه يا رهف؟ رهف بجمود: اطلع بره يا يحيى، سمعت أنا قولت إيه. يحيى: طب اهدي وقوليلي أنا عملت إيه. رهف ضحكت بسخرية: عملت إيه؟ لا أنت معملتش حاجة، وأنا هقدم استقالتي. يحيى بصدمة: ليه؟ رهف: هو إيه اللي ليه؟ أنا مليش مزاج أشتغل معاك ومش عايزة أعرفك تاني، فاهم؟ يحيى بزعيق: في إيه يا رهف؟ ماتقولي إيه اللي حصل لكل ده؟ أنا معلمتش حاجة!

رهف: هههه، مش أنت كده كده كنت هتمشيني من عندك خلاص؟ أنا همشي. أنا سمعت كل كلامك مع السكرتيرة يا يحيى، أنا اتصدمت فيك، مكنتش متخيلة إنك تعمل كده. ليه يا يحيى؟ يحيى بتبرير: رهف اسمعي. رهف قاطعته: أنا مش هسمع حاجة يا يحيى، امشي اطلع بره بقولك. يحيى بصلها بعصبية: أنا همشي يا رهف، بس أنت ظلمتيني من غير ما تعرفي أي حاجة. رهف بسخرية: أنا ظالمة يا يحيى؟ إيه؟ هكدب وداني ولا إيه؟ يحيى بصلها وقام خرج من الأوضة.

رهف بوجع: ليه يا يحيى تعمل كده؟ ليه؟ عند يحيى، خرج من عندها وهو مش شايف قدامه من العصبية. ركب العربية، وبعد مدة وصل قدام فيلته. دخل لقى مامته قاعدة هي وباباه. مامته عايدة: أخيراً شرفت يا أستاذ يحيى. يحيى اتجه ليها وباس إيدها. يحيى ببسمة: عاملة إيه يا أمي؟ عايدة بحنان: الحمد لله يا حبيبي. وعمل كده مع باباه بردو، باس إيده وقعد معاهم. باباه محمد: مالك بقى؟ يحيى ببسمة: مالي. محمد: شكلك مضايق، إيه اللي مضيقك كده؟

يحيى ببسمة: مفيش يا بابا، أنا كويس. محمد بحنان: لينا قاعدة مع بعض. عايدة بحنان: يلا عشان ناكل بقى. اتجمعوا على السفرة وقعدوا ياكلوا. عند رهف، اتصلت على مامتها وباباه. مامتها بقلق: أنا كنت هموت من القلق عليكي يا بنتي. رهف ببسمة لطيفة: أنا كويسة يا حبيبتي، متخافيش. باباها بحنان: يارب دايماً تبقي كويسة يا حبيبتي. رهف: أنا عايزة أطلع من المستشفى بقى. باباها: تطلعي إزاي؟

أنت متكسرة يا رهف. لما الدكتور يقول عشان تكوني اتحسنتي شوية يا حبيبتي. رهف: ماشي يا بابا. عند يحيى، طلع أوضته. يحيى في سره: رهف فهمت غلط، أنا لازم أفهمها. أنا بحبها وعايز أتجوزها، بس الأول لازم أفهمها إنها سمعت غلط. أنا هروحلها. لبس يحيى وخد مفاتيحه ونزل. عند رهف، كانت قاعدة هي ومامتها وباباها راح يجيب أكل. مامتها بقلق: أنتِ كويسة يا بنتي؟ رهف ببسمة: آه يا حبيبتي، الحمد لله. الباب خبط بهدوء. مامت رهف: ادخل.

الباب اتفتح ودخل منه شخص. رهف بصلته بعصبية شديدة وكرهه. رهف بعصبية شديدة: أنت تاني!