رواية رهف الفصل السادس 6 - بقلم سندس محمد

رهف سمعت كل كلامهم ده وحطت ايديها على بوقها بصدمة. وجريت على الأسانسير لقيته مشغول. وجاية تنزل من على السلم اتكعبلت ووقعت سايحة في دمها. كل اللي في الشركة اتلم عليها. واحد من العمال: أنا هروح أقول ليحيى بيه بسرعة. وطلع جري على مكتب يحيى عشان يقوله. العامل: يحيى بيه الحق أنسة رهف. يحيى قام من مكانه بخضة: مالها رهف؟ العامل: وقعت من على السلم. ومكملش كلمته ويحيى طار على بره على طول.

السكرتيرة نور بعصبية: ده تلاقيها بتدلع. ده إيه القرف ده! عند يحيى نزل بسرعة لقاها واقعة ومحدش شالها ولا حد جه جنبها. كلهم واقفين يتفرجوا عليها. يحيى بعصبية شديدة وزعيق: انتوا بتتفرجوا على إيه؟ وشالها بسرعة وجري بيها. بعد مدة وصل يحيى المستشفى. يحيى بزعيق: انتوا ياللي هنا تعالوا بسرعة. بتموت مني! الممرضين والدكاترة جم وخدوها ودخلوها العمليات بسرعة. يحيى قعد قدام الباب بصدمة وبيبص على إيده مكان الدم.

يحيى بصدمة ودموع في عينه: هتموت رهف. هتموت بعد ما لقيتها تاني. هتروح مني. بعد شوية الدكتور خرج من عندها. يحيى جري عليه بلهفة: ها يا دكتور هي عاملة إيه دلوقتي؟ الدكتور ببسمة: الحمد لله جت سليمة وإنت لحقتها. هي إيدها اتكسرت ودماغها اتخيطت وشوية كدمات هتروح مع العلاج. ورجليها اتلوت بس الحمد لله جت سليمة. يحيى بصدمة: كل ده وجت سليمة؟ أمال لو مكنتش سليمة بقى دي اتكسرت يا دكتور.

الدكتور ضحك: احمد ربنا أنا جت على قد كده ومحصلش أكتر من كده. يحيى: الحمد لله. طب أنا أقدر أشوفها إمتى يا دكتور؟ الدكتور: إحنا شوية كده هننقلها أوضة عادية. الدكتور مشي ويحيى فضل يحمد ربنا إنها بخير وكويسة. عند أدهم كان قاعد في شقته. أدهم في سره: أنا ليه عايز أشوف رهف؟ ياترى هي عاملة إيه دلوقتي؟ سلمى مراته جت من المطبخ: أدهم إنت رحت فين؟ أدهم: ها يا سلمى في حاجة ولا إيه؟

سلمى رفعت حاجبها: لا مفيش يا قلبي سلمى سرحان في إيه؟ أدهم ضحك بتوتر: سرحان فيكي طبعاً يا قلبي. هو فيه غيرك أسرح فيه؟ سلمى: آه مانا بقول كده برضه. أدهم: كنتي عايزة حاجة ولا إيه؟ سلمى: آه كنت عايزة فلوس. أدهم: سلمى إنتي لسه واخدة مني من يومين. سلمى: إنت مش جوزي ولازم أطلب منك ولا إيه؟ أدهم عشان يريح دماغه: ماشي يا سلمى. عند يحيى. كانت رهف اتنقلت أوضة عادية ويحيى كان واقف مع الدكتور.

يحيى: طب كده يا دكتور أقدر أدخلها صح؟ الدكتور: آه يا يحيى بيه ادخلها. يحيى وقف قدام باب أوضتها وخبط ودخل. يحيى ببسمة: حمد الله على السلامة يا رهف. رهف بصتله بجمود وكره. رهف بجمود: اطلع بره يا يحيى.