رواية رهينة تحت تهديد السلاح الفصل الثالث عشر 13 - بقلم نور احمد

الالفي بغضب: فوزي! ده تعدى حدوده، هو إزاي يخطف أحفادي ويخليهم عنده لحد دلوقتي؟ مراد بصدمة وفي سره: يعني غزل تبقى بنت عمي، وهو ضحك عليا كرهينة ليا؟ عادل بسرعة: لا لا لا، انتوا فاهمين غلط. هو حكالي الحقيقة. مراد بتركيز: حكالك إيه؟ عادل بدأ يحكي اللي قاله فوزي، وبعد ما خلص مراد قام بسرعة. مراد بصوت عالي: كدب! الكلام ده كله كدب. هو ضحك عليك بالكلمتين دول عشان بس يفلت مني.

عادل: والله يا مراد بيه، كان شكله زعلان على ياسين إنه هيفارقه. الالفي: أنا عايز أروحله دلوقتي حالا. عادل: بس الساعة دلوقتي 10. الالفي: ميهمنيش، أنا عايز أشوف حفيدي دلوقتي. عادل: ماشي. وقاموا هما التلاتة، ومراد متغاظ جداً، إزاي فوزي يضحك عليه ويجوزه بنت عمه كرهينة ليه. في منزل فوزي. خرج ياسين من البيت عشان يشم هوا، لأنه كان مخنوق جداً. بينما عربية مراد وقفت قدام البيت بتاع فوزي. وعادل خبط على الباب، ففتح فوزي.

فوزي: الالفي بيه؟ اتفضلوا. وادخلوا البيت. فـ مراد مسكه من ياقة هدومه بغيظ وغضب. مراد بغضب: بقى أنا تضحك عليا يا فوزي وتجوزني بنت عمي وأنا معرفش؟ عادل بيحاول يبعده عنه. فوزي: والله ما كنت أعرف. مراد بغيظ: أنا ميضحكش عليا بالكلمتين دول، مفكرني غبي. الالفي بصوت عالي: بااااااس! ابعد عنه يا مراد. مراد بعد عن فوزي، وكان في قمة عصبيته. الالفي بحده: قصدك إيه جوزك بنت عمك يا مراد؟ مراد بتوتر: ااا.. غ.. غزل. الالفي: مالها غزل؟

مراد: هي بنت عمي. الالفي: احكيلي كل حاجة. مراد: حاضر يا جدي. أنا جيت هنا من غير ما تعرف يا جدي، و.. وكان معايا شوية حراس واقتحمنا البيت، ودار حوار بيني وبين فوزي، واتفقت إني اتجوز بنته غزل كرهينة ليا، بس مكنتش أعرف إنها بنت عمي. وضحكت عليك بأنها بنت واحد تاني غير فوزي. الالفي بصرامة حادة وصوت خشن من الغضب: لينا كلام تاني في البيت وهنتحاسب بعدين. وبص لفوزي اللي بيصب عرق من الخوف. الالفي بصوت خشن: فين حفيدي؟

فوزي: مش هنا. خ. خرج من شوية يشم هوا لأنه كان متضايق. الالفي: هنستناه هنا. فوزي: تشرفونا. اتفضلوا اقعدوا. قعد كل من عادل والالفي ومراد، اللي بيبص ليه بغيظ. فوزي: تشربوا إيه؟ مراد بحده: ولا حاجة. في القصر. جنات: أنا خارجة. زينب: الساعة 10 رايحة فين دلوقتي؟ جنات: صحبتي رجلها اتكسرت، فرايحة أطمن عليها. مش هتأخر، هي ساعة وهارجع. زينب: تمام، خلي بالك من نفسك. جنات: ماشي، سلام. وخرجت من القصر وركبت عربيتها وفضلت تمشي بيها.

وقفت عند بيت ونزلت من العربية ودخلته، وخبطت على الباب وفتحتلها واحدة ست. _أهلاً أهلاً، اتفضلي. جنات: يزيد فضلك. وادخلت. _إيه الغيبة الطويلة دي يا بت؟ احلويتي فيها يا جذمة. جنات ضحكت: والله انتي اللي احلويتي يا طنط. _بجد شكراً يا حبيبتي.. عاملة إيه انتي؟ جنات: تمام الحمدلله. _جايه تطمني على صحبتك الموكوسة اللي كسرت رجلها. جنات هزت راسها بضحكة: جوا ادخليها.. جاها وكسة سايبة عليا شغل البيت.

جنات ضحكت، فدخلت الأوضة حيث كانت واحدة قاعدة على السرير وماسكة التليفون. جنات: نونو يا نونو. نورهان: أهلاً، ادخلي. جنات: مش بتسألي عليا يا كلبة. نورهان: قال يعني انتي اللي بتسألي عليا يا جذمة. جنات: طيب أخبار رجلك إيه؟ نورهان: مش عايزاها تروق. جنات: ليه؟ نورهان براحة: أحسن معاملة والعز اللي أنا قاعدة فيه ده. جنات: أيون أيون، سايبها كل حاجة على أمك الغلبانة. أمه من ورا جنات: آه يا كلبة البحر، فرحانة عشان رجلك اتكسرت.

جنات ضحكت، ونورهان لوت بوزها. عند ياسين. كان قاعد على الرصيف، وكان في طفل ماشي مع أمه وسمع حديثهم مع بعض. الطفل: ماما أنا عايز آيس كريم من ده. وكان بيشاور على واحد بيبيع آيس كريم بس على الرصيف التاني. أمه: لا الجو برد وأنا مفيش مرارة إني أتحمل تعبك. الطفل بتذمر: بس أنا عايز آيس كريم. أمه: مفيش آيس كريم. الطفل: لا أنا عايز. أمه: مش هنجيب. الطفل غضب، فساب إيد أمه وفضل يجري عشان يروح لصاحب الآيس كريم.

أمه بصوت عالي: عزيززززز! ارجع يا عزيز، والله هضربك. عزيز تجاهلها وفضل يجري. فـ قام ياسين بسرعة جري عليه، لما لقى عربية جاية ناحيته. قبل ذلك بقليل. جنات: يلا أنا ماشية عشان أنا قولت مش هتأخر. _نورتينا يا حبيبتي، ابقي تعالي مرة تانية. جنات: إن شاء الله. ومشت وخرجت من البيت وركبت عربيتها ومشيت. وهي ماشية تليفونها رن، وكان على المقعد اللي جنبها بس بعيد شوية. انحنت عشان تجيبه، لكن ظهر طفل صغير كان بيجري. جنات بفزع: اعععع!

حاسب! أمه: عزيززززز! لكن لحقه ياسين ومسكه من هدومه وشده ليه، ووقعوا والعربية اتخطتهم وبعدين وقفت. ونزلت جنات بهلع وخوف. جنات بفزع: ااا.. انتوا كويسين؟ ياسين وهو بيقوم بتعب: ااه كويسين. أم الطفل جت وحضنت عزيز بخوف ولهفة. أمه: حبيبي انت كويس؟ حصلك حاجة؟ عزيز هز راسها بخوف وحزن. أمه: حسابنا في البيت. وبعدين وقفت وبصت لياسين بأمتنان. أمه: شكراً ليك، أنا بشكرك بجد. ياسين بأبتسامة: العفو.

أمه: يلا بينا يا عزيز، حسابنا في البيت. ومسكت إيد عزيز بغضب. ياسين: براحة عليه، هو لسه صغير. هزت الأم رأسها وأخدت ابنها ومشيت. أما جنات بصت لياسين. جنات بأبتسامة: انت جدع. ياسين بصالها: هااا.. لا أي حد غيري كان عمل كده. جنات: بس مش كل الناس. ياسين: قصدك إيه؟ جنات: قصدي. انت شجاع. ياسين هز رأسه بتفهم: فرصة سعيدة. جنات ابتسمت: طيب مع السلامة. وركت عربيتها ومشيت.

أما هو فضل يمشي لحد البيت وهو بيفتكر ابتسامتها اللي كانت جميلة، حس بالانجذاب ليها. فتح باب البيت ودخل، ووقف مرة واحدة لما لقى الالفي وعادل ومراد قاعدين مع أبوه، بس هما مخدوش بالهم منه. فوزي: أظن إن المحامي عادل قال لكوا على الحقيقة. مراد بغضب: كلها كدب، انت بتحاول تبرر لنفسك كده عشان متتحاسبش على فعلتك دي. الالفي: مرررراااد. مراد سكت، لكن فاجئهم صوت ياسين الغاضب. ياسين بغضب: انت تاني؟ بتزعق لبابا كده ليه؟

كلهم بصوا له، والالفي لما شافه قرب منه. الالفي بتركيز في عيونه: انت ياسين؟ ياسين: أيوه، مين ا…. قاطعه حضن الالفي اللي حضنه بحنان. الالفي بعد عنه بحنان: شبه باباك أوي، الله يرحمه، كأنه واقف قدامي دلوقتي. ياسين: بس انت مين؟ الالفي بحنيه: أنا جدك، الالفي.