رواية صحفيتي ومجروحتي الفصل الخامس 5 - بقلم ايمان محمد

سليم. ممكن تسكتوا عشان أركز على الطريق. ميادة. خلاص اهدئ يا حبيبي. وتقرب منه وتمسك إيده. ميادة. ربنا يخليك ليا يا حبيبي. وتنام على كتفه. مريم. هي مش مكسوفة على دمها وخصوصاً إننا قاعدين. لو سمحت خلاص وقف هنا، وصلت خلاص. سليم. ما أنا عارف إنك وصلتي. ميادة. عارف منين يا حبيبي؟ انت أول مرة تشوفها. سليم. أصلها... مريم. تلاقيه عشان كنت بجهز نفسي عرف إن ده بيتي. ميادة. آه معاكي حق.

مريم. ممكن تيجي يا أستاذ سامح تغير هدومك عشان تعرف تروح. سامح. لا مرة تانية مفيش مشاكل. والحمد لله ابن الحلال ده هيوصلني. وبعد كدا قوليلي سامح بس. مريم بضحكة. تمام. سامح. نسيت آخد رقمك يا مريم. مريم بتكون لسه هتتكلم، سليم بيقاطعها. سليم. ممكن نمشي دلوقتي يا أستاذ سامح عشان الجو اتأخر. سامح. تمام، مرة تانية بقى يا مريم، ماشي. مريم. تمام. وتمشي. مريم بتطلع تتسحب في الشقة عشان أمها ما تشوفش الطين اللي عليها.

و بتدخل تجري على أوضتها. بتغير هدومها وبتحطها في مياه، والكوتش بتحطه في مياه. وبتقعد بقى. إيه بتدخل الأوضة. إيه. اتأخرتي ليه يا مريم؟ وإيه اللي حصل معاكي؟ مريم. أنا عايزة أحكيلك حاجة يا إيه. إيه. احكي. مريم. شفتي سليم قابلته النهاردة مع حبيبته وهو اللي وصلني أنا والكوتش سامح. إيه. انتي بتهزري صح؟ مريم. والله أبداً مش بهزر. إيه. سيبك منه، المهم اتفقتي مع الكوتش سامح؟

مريم. أيوه خلاص اتفقت معاه وهنبدأ تدريب من بكرة، بس أنا كدا لازم أغيب شوية أيام من الكلية غير اللي أنا مش بروحهم. إيه. سيبك عادي. يلا دلوقتي روحي نامي بقى عشان هتصحي بدري. مريم بتروح. تمام هي وإيه. هنادي. يا إيه يا بنتي، يا إيه اختك رجعت ولا لسه؟ وبتبدأ تنده عليها. هنادي بتروح لهم الأوضة بتلاقيهم نايمين. هنادي. ربنا يحميكم يا ولادي ويهديكم. وبتغطيهم كويس وبتطلع تاني. يوم تاني. مريم بتصحى الساعة سبعة.

بتقوم بكل نشاط وبتاخد هدوم التدريب عشان تبدأ أول يوم. بتطلع تحكي لأبوها وأمها عن كل حاجة وإنها هتبدأ تخس وكده. محمود. ومقولتليش ليه من زمان يا بنتي؟ مريم. وحياتك يا بابا أنا ما كنت حاطة في دماغي بس طلعت فجأة في دماغي. يلا بقى مع السلامة يا بابا، مع السلامة يا ماما. مريم بتروح نادي عشان سامح هيبدأ معاها بالجري. سامح. يلا يا آنسة مريم، هنجري الملعب ده كله عشر مرات. مريم. ده كله عشر مرات؟ طب قول مرة اتنين بالكتير.

سامح. لا عشرة يا آنسة مريم، يلا ابدئي بقى. مريم تبدأ تجري. سامح. استنى. لما بتوصل لنص الطريق بيبدأ يجري وبيسبقها كمان، مع إنها سابقاه في الأول. مريم. بجري الملعب ٨ مرات بس، أنا تعبت. سامح. بس إيه يا مريم، قومي اتشجعي يلا. وبتقوم بعد شوية بتكمل الجري وبتخلص. بتكون مريم وزنت نفسها قبل ما تجري، وبتكون مسجلة وزنها في ورقة وكاتبة إن ده أول يوم تدريب. بتروح البيت بتوزن نفسها تاني. بتلاقي نفسها خسيت 350 جرام.

مريم. هيييييييييييييييييييه. بدأت أخس الحمد لله. سليم بيكون مش طايق نفسه بقى. سليم. هي اللي رفضتني ولا أنا اللي رفضتها؟ بقى هي كانت معجبة بيه ده عشان كده وافقت ترفضني؟ ميادة. انت فين يا حبيبي؟ سليم. أنا في الشركة، جاي كمان شوية. اليوم اللي بعده. مريم بتروح عشان تدرب وتدريباتها بتزيد يوم عن يوم. وتبدأ تخس. بعد أسبوعين من تدريبات مريم، بتخس 4 كيلو ونص.

مريم أول ما بتشوف إنها بدأت تخس بتفرح أوي وبتروح بحركة عفوية تحضن سامح. إيه. اهدئ شوية يا مريومة يا حبيبتي. سامح. إيه معاها حق، اهدئ شوية يا مريم. ليه قدامنا مشوار طويل. إيه بتكون خلال الأسبوعين دول بتروح مع مريم تحضر كل تدريباتها. سامح بيكون أعجب بإيه. عصام. الو يا أخويا. محمود. أيوه يا حبيبي. عصام. بما إننا داخلين على نص رمضان عايزك تيجي تفطر قريب يا حبيبي. محمود. كل حاجة مقبولة والعزومة مقبولة.

عصام. منتظرينك يا حبيبي. يوم تاني. محمود. يا بنات احنا بكرة هنروح نفطر عند عمك عصام. مريم. بقى طول السنة مش بيعزمنا وجاي السنة دي يعزمنا عندهم. يوم تاني. مريم بتروح تلبس عشان هيمشوا. سليم. فيه إيه النهارده؟ إيه الأكل ده كله؟ عصام. مفيش، أصلي أنا عزمت عمك محمود وعياله ومراته. سليم. تمام. وبيقوم بيفتكر عيونها وجمالها ولون عينيها اللي كان أخضر في عين وزرقاء في عين. محمود بيروح هو والبنات وعياله ومراته.

عصام. يا أهلاً يا أخويا، بيتنا منور بيك. سليم بيكون كل ما هما بياكلوا وعينه على مريم وبيكون متعصب منها. هنادي. قومي يا بت اعملي شاي وانتي واقفة. سليم بيطلع البلكونة يقعد فيها. مريم بتطلع بالشاي. محمود. تعالي يا بنتي، يا إيه خدي الشاي ده ليكي. إيه. خلصت اللي في إيدي بس يا بابا. هنادي. خلاص خلي مريم تدخله. ولاد عم بردوا حتى لو محصلش نصيب. عصام. معاكي حق يا أم إيه. مريم بتدخل بالشاي. مريم. اتفضل الشاي.

سليم بيقوم يزعق وعصبية. سليم. مين اللي اسمه سامح ده؟ وليه كنتي معاه؟ مريم. وانت مالك؟ انت مالكش الحق تتكلم معايا بالأسلوب ده. سليم. يتبع