رواية شهد الفهد الفصل الثالث 3 - بقلم شهد أحمد

الحاج احمد: دي شهد عامر الدمنهوري. اعرفك ي شهد، دا عمك باسم ودي مراته آيات ودا ابنه جاسر وبنته مايا. ودا عمك امجد ودي مراته شيرين وبنته سما. ودا عمك سليم ودا ابنه مروان. ودا بقى فهد ابن عمك ايمن الله يرحمه ودي مامته علياء. شهد بهمس: جدو هما بيبصولي كدا لي؟ الحاج احمد بنفس الهمس: هما مستغربين بس، وكمان ماكنوش يعرفوا ان عندهم بنت عم قمر كدا. شهد بإبتسامة وهمس مرة اخرى: طب اروح اسلم عليهم.

الحاج احمد: ايوة يلا، بس استني افوقهم. الحاج احمد بزعيق: في اي بتبصوا كدا ليه؟ كلهم رجعوا لطبيعتهم تاني وشهد بدأت تسلم عليهم. شهد: احم... ازيك ي طنط علياء؟ علياء: ها الحمدلله ي بنتي. وسلمت عليهم كلهم، وبعدين جدها قالها: اطلعي فوق يلا وهندهلك شوية كدا على نتعشى. شهد بإبتسامة: حاضر ي جدو. *** بعد ما طلعت. احمد: مالكم هتفضلوا متنحين كدا كتير؟ سليم: ازاي؟ جبتها منين؟ امجد: بعد السنين دي كلها؟

باسم: ما تفهمنا ي بابا ساكت لي. احمد بعد ما حكالهم اللي حصل. علياء: مش معقول بجد. احمد: اي اللي خلاص مش معقول ي علياء؟ دي حفيدتي زي ما دول كلهم احفادي، ومينفعش ناخدها بذنب باباها. وانا بحذركم لو اي حد ضايقها هعمل حاجة مش هتعجبكم. دا كله والاحفاد مش فاهمين حاجة. *** ما عدا فهد، اللي لو اقترب منه احد في هذا الوقت كان سينقض عليه ويفترسه. جاسر: والله ي جدي انا مش فاهم حاجة، بس البت قمر اوي.

مروان بضحك: عندك حق ي واد ي جاسر، والله جامدة فعلًا. فهد: اي اللي خلاها حلوة يعني؟ وطلع على اوضته. جاسر: عادية اه. مروان: دا مطلعش عصبي بس، لا دا اعمى كمان. احمد: طب يلا ي اخويا، منكوا لـيه كل واحد على اوضته. جاسر بمرح: من عنينا ي حاج، دا انت تؤمر. دا كفاية القمر اللي انت جبتهولنا دا. وطلع يجري قبل ما يتهزأ. *** على السفرة. جاسر: الا قوليلي ي شهد انتِ في كلية اي؟ شهد بكسوف ورقة: انا في كلية طب. مروان بمرح: كمان؟

يعني قمر ودكتورة؟ ربنا يحميكي ي بنتي والله. سما: فعلًا قمر اوي، بسم الله ما شاء الله. مايا: اي ي شباب امسكوا الخشب، هتحسدوا البنت. وبدأوا الشباب يتفاعلوا مع بعض، وطبعًا كلنا عارفين ما عدا فهد. في وسط الحديث. فهد بحدة: انا شبعت، عن اذنكوا. الجد: استنى ي فهد، انا عاوزك في مكتبي. فهد: حاضر ي جدي، اتفضل. *** البنات طلعوا جنينة الڤيلا يقعدوا فيها ومعاهم شهد. مايا: اي رأيك؟

شهد بزهول: حلوة اوي اوي بجد، انا بعشق الورد وبالذات الورد الچوري الاحمر دا. سما: دا فهد اللي زرعه، بيحبه اوي برضو ومانع اي حد انه يلمسه. شهد: انا حاسة انه مش طايقني خالص من ساعة ما جيت، ولا حتى عبرني ولا اتكلم معايا زي الباقي. سما: معلش، هو تلاقيه عصبي كدا على طول، بس طيب اوي والله وحنين وقمور كمان. شهد: ولا قمور ولا حاجة، دا بارد. مايا: خلاص سيبوكوا من فهد، ويلا نلعب. شهد: هييييييي يلا، هنلعب اي؟ خلاويص ولا لا؟

يلا نلعب كورة، او اقولكوا يلا نركب عَجلة، عندكوا عَجل؟ مايا وسما بضحك: انتِ طفلة اوي. شهد: منا عارفة، يلا نلعب بقا. سما ومايا: يلا. *** في المكتب. الجد: فهد، متخدهاش بذنب باباها، هي ملهاش دعوة بحاجة. فهد: ازاي ي جدي؟ ملهاش دعوة ازاي؟ ماهي بنته. الجد: برضو ملهاش ذنب انها بنته. انسى ي فهد، انسى يبني. فهد: انسى اي ي جدي؟ انسى ان ابوها قتل ابويا!