رواية شمس الصعيد الفصل السابع عشر 17 - بقلم كيان كاتبة

نوسه: الله الله يا سي ادهم. ادهم همس لآيه قبل ما يبعد: اقسم بالله خايف ليلة ادخله الاقي ماما نطالانا. آيه وشها احمر من الخجل. ادهم بعد وقام لبس التيشيرت بتاعه وطلع. : صباح الخير يا ماما. نوسه طلعت وراه. : ممكن اعرف ايه اللي انا شوفته ده. ادهم وقف على السفره يلقط اكل. : الفول ده ناقص ملح يا ماما. نوسه بغضب: ادهم.

ادهم: يوووووه يا ماما دي مراتي والناس كلها عارفه، رغم كدا قلتيلي اعملوا فرح زي بقيت البنات، وعلى العموم هي كانت تعبانه امبارح، ولقيتك نايمة محبتش أصحيكي. نوسه اتنهدت: ماشي بس ميصحش اللي انت عملته برضه. ادهم مسك وشها وباس راسها. : حاضر يا ست الكل، حاجة تاني. نوسه: روح نديها علشان تفطر. كملت بحدة: من برا فاهم. ادهم تمتم بضيق وهو ماشي. : هي هتطلع برا اوضتها تاني بعد اللي حصل.

حور طلعت برا بهدوء، لقيت إيهاب بيعمل تمارين بيمسك في حاجة مرتفعة عن الأرض بإيد واحدة. حور بهدوء: صباح الخير. إيهاب ابتسم لها: صباح النور، كل دا نوم. حور: انت اتكلمت مع الخدامة في اللي قلتلك عليه. إيهاب وهو بيمسح وشه بالفوطة: أيوه. حور بهدوء: تمام. حور رجعت المطبخ، بصت لجميلة وراحت عند البوتاجاز تجهز الفطار، لقيت الأنبوبة خلصانة. حور نفخت بضيق: إيهاب... إيهاب. إيهاب كان واقف برا، لما سمع صوت حور راح لها المطبخ.

إيهاب: أيوه. حور: مش عارفة أغير الأنبوبة دي، تعال غيرها. إيهاب قرب وفك الأنبوبة، كل دا وحور مركزة مع إيهاب وجميلة. إيهاب: عايز جلدة. حور: دقيقة هشوف مرات عمي حطاهم فين. حور طلعت بس استخبت ورا الحيطة. لو في حاجة بينها وبين إيهاب فعلاً هيتكلموا. عدى شوية وقت، حور مسمعتش حاجة. بصت من جنب الحيطة عليهم، كان إيهاب لسه بيحاول في الأنبوبة وجميلة بتبصله بس. حور هزت راسها، هي عارفة هتتصرف معاها إزاي، دخلت. إيهاب: جبتي.

حور: أيوه اهي. إيهاب غيرها، وحتى مرفعش وشه لجميلة دي. إيهاب رفع وشه: خلصت. حور قربت بدلع باستُه على خده. حور همست: شكرا. إيهاب عرف هي بتعمل كدا علشان تغيظ جميلة، ابتسم همسلها. : عايز الجرأة دي واحنا فوق. حور ابتسمت بخجل وبعدت. بصت على جميلة اللي واقفة وعينيها بتطق شرار. إيهاب كان طالع، ميل على جميلة وكلمه بصوت مسموع. : لما يبقى سيدك ومراته في مكان مينفعش تكوني فيه، دي المفروض تكون حاجة طبيعية لواحدة متربية.

بص وراه لحور. : هستناكي برا لحد ما تخلصي الفطار. عند شمس. عبد الرحمن نايم وواخدها في حضنه ومتبت فيها جامد. شمس: عبد الرحمن عايزة أنزل أعمل الفطار، مرات عمي تقول عليا إيه. عبد الرحمن وهو دان رايها في صدرها. : واحدة جوزها تعبان قاعدة معاه. شمس: ما انت زي القرد أهو. عبد الرحمن رفع حاجبه. : في واحدة تقول على جوزها زي القرد، اقسم بالله أنا غلطان إني دلعتك. شمس اتنهدت وبدأت تحرك إيدها في شعره. ميلت باستُه على راسه.

: ربنا يخليك ليا، يمكن انت العوض عن أمي وأبويا، عن كل الأيام المرة اللي عشتها. عبد الرحمن: طب إيه مفيش بوسة كدا ولا كدا بعد الكلام الحلو ده. شمس ضحكت: رجلك تخف بس وهيبقى فيه بوس وحضن ودلع. عبد الرحمن: يالهوي أموت أنا في كدا. نسرين بغضب: البيه طلع بيكدب عليا وبيقولي مراتي وهو لسه هيتجوزها بعد بكرة. نڤين: هاي هي اللي قارشة ملحتك هيك. نسرين بسخرية: هي فيها حاجة ناقصة دي. نڨين: كتير ثمينة.

نسرين: لا يختي بيقول عليها ملبن، بس بصراحة البت جامدة دي عليها جوز عيون زرق. نڨين رمت الولاعة بعد ما ولعت السيجارة بتاعتها وهي بتنفت دخانها. : عاجبك. نسرين: أوي أوي. نڨين: تمام اتركيه عليا هادي. نڨين تبقى أخت نسرين الكبيرة من الأب بس وهي عايشة في لبنان. ادهم بيخبط على باب أوضة آيه. : يا حاجة اخلصي هنتاخر. ادهم نفخ بضيق. : دا منظر واحد فرحه بعد بكرة. نوسه: تستاهل. ادهم: تسلمي يا ست الكل. آيه طلعت بتوتر.

: معلش اتاخرت عليك، كنت بظبط الخمار. ادهم وهو بيعض على شفته السفلى بوقاحة. : اقسم بالله تتاكل أكل. نوسه قامت: أنا مش هثق فيك، ابعت البت معاك لوحدكم. ادهم بسرعة: لا لا يا ست الكل والله ما هعمل حاجة، هتقيس الفستان ونيجي على طول. نوسه: أما نشوف. ادهم شد آيه ونزل بيها. آيه طول الطريق بتحاول تشيل إيدها من إيد ادهم بس هو متبت فيها. آيه شهقت بصدمة لما حط إيده على وسطها وقربها منه بكل تملك.