رواية شمس الصعيد الفصل السادس عشر 16 - بقلم كيان كاتبة

ايهاب بدون حتى ما يرفع وشه ويعرف مين دي غيرتي رأيك ولا إيه : إيهاب إيهاب بعد بصدمة لما سمع صوت حور، إزاي وهي... رفع راسه لقى جميلة اللي على السرير وحور واقفة على الباب. وقبل ما حد منهم يقول حاجة، صوت عبد الرحمن ودربكة خلتهم كلهم يجروا على تحت. .... عبد الرحمن نازل على السلم محسش غير وهو فجأة بيقع. شمس ونسمة طلعوا من المطبخ على الصوت. شمس جريت عليه: يا لهوي عبد الرحمن. عبد الرحمن حاول يقف بس كان هيقع، سنده إيهاب.

إيهاب: أنت كويس... عبد الرحمن: رجلي... إيهاب بص على رجله لقى إنها فعلاً في الوقت الصغير ده كانت ورمت وزرقة. : تعالى نروح عند الدكتور نطمن عليها. شمس بدموع: هاجي معاكم. عبد الرحمن بحب: متخافيش أنا كويس، هطمن عليها بس. إيهاب ساند عبد الرحمن ومشي. ...... أدهم كان معدي يجيب ميه من المطبخ سمع صوت من أوضة آية.

خبط مرة واتنين مفيش رد، فتح الأوضة بهدوء وبص لقى آية نايمة على السرير وبتترعش وبتتكلم وهي نايمة. أدهم قرب وقعد جنبها على السرير. أدهم حط إيده على راسها لقاها باردة وجسمها متلج. أدهم: جسمك متلج. آية بمرض: بردانا أوي يا أدهم. أدهم قام جاب برشام وشوربة سخنة من المطبخ. أدهم ساعدها تسند ضهرها على السرير، وبدأ ياكلها الشوربة وهو بيزحلها شعرها اللي بينزل على وشها. آية خلصت. أدهم بهدوء: آية اشربي البرشام ده.

آية شربت البرشام ونامت تاني. أدهم شغل الدفاية، نام جنبها وأخدها في حضنه عشان تدفى. ..... في وقت متأخر عن بيت الخولي. عبد الرحمن قاعد على السرير ورجله متجبسة، وشمس قاعدة جنبه عمالة تعيط. عبد الرحمن: ولله أنا كويس وبكرة أقلع الجبس وبقى زي الفل. شمس بتعيط بس. عبد الرحمن: تعالي يا شمس تعالي. شمس قربت منه وهو أخدها في حضنه. عبد الرحمن: بتخافي عليا يا شمس. شمس رفعت وشها من حضنه. : أما مش هخاف على جوزي.

عبد الرحمن باس راسها. : ربنا ميحرمني منك يا روحي... فضلوا شوية على الوضع ده لحد ما ناموا. ..... إيهاب دخل الأوضة بتاعته بتعب. حور قاعدة قدام التليفزيون وباين عليها الغضب. إيهاب اتنهد وخلع الجلابية اللي لابسها وفضل ببنطلون وتشيرت. إيهاب قرب من حور ونام على رجليها وباقي جسمه على الكنبة اللي قاعدة عليها. إيهاب بص لها: إيه البوز ده. حور مردتش عليه. : أنا كنت مفكرها أنتي على فكرة. حور بشراسة: ولله حضرتك شديتها بقيت تحت...

كل ده حصل ومفكرها أنا. إيهاب: كنت مغمض عنيا، ومفيش حد بيدخل أوضتنا. إيش عرفني إن هي بجحة وبتدخل من غير إذن كده. حور: قُل لها متدخلش أوضتنا تاني وأنت مش عايز حاجة منها، ولما تعوز هتطلب من مراتك... إيهاب قام وباسها على خدها. : حاضر. حور اتوترت: ط... طيب. إيهاب رجع نام على رجليها تاني. : هحكيلك بقا يا ستي على حياتي زي ما طلبتي من يومين. ..... تاني يوم.

حور صحت لقت نفسها على السرير. ابتسمت لما افتكرت إنها نامت على الكنبة وإيهاب على رجليها، وهو اللي نقلها على السرير. وافتكرت كلامه عن جده وإنه هو اللي مربيه، وأكتر حد كان مهتم بيه جداً. وعن أبوه اللي دايماً كان مسافر ومكنش بيهتم بيه خالص، عشان كده هو بيحب جده أكتر وبيسمع كلامه. حور اتنهدت ونزلت تحت تدور عليه. حور قربت من المطبخ سمعت.

جميلة بحزن: بقولك لسه مكلمني من شوية وقلي إنه مضطر يبعد عني الفترة دي عشان مراته شاكة فيا. ...... جميلة: لا لا هو بيحبني... هو اتغصب يتجوز البت دي مش أكتر. ...... : إن شاء الله ادعيلي يا حبيبتي ادعيلي كتير... ربنا يبعد أي حد عايز يفرق بينا... سلام. حور سمعت المكالمة و... عند شمس وعبد الرحمن. عبد الرحمن صحي على إيد ناعمة على وشه وفتح، وكانت شمس. عبد الرحمن شدها لحضنه. : صباح الخير.

شمس: قوم اشرب كوباية اللبن دي، ومتجبش اللبن ده للعيال شفت حصلك إيه. عبد الرحمن ضحك: وقعت يا حبيبتي وطبيعي أي حد بيقع بيتكسر. شمس بضيق: قوم اشرب اللبن يا عبد الرحمن. عبد الرحمن: حاضر يا قلب عبد الرحمن، قايم أهو. ..... آية صحيت لقت نفسها في حضن أدهم. اللي نايم بصدره العاري. آية دفنت وشها في حضن أدهم تاني. أدهم حس بحركتها وصحى. أدهم بنوم: صباح الخير. آية بصوت واطي وخجل: صباح النور. أدهم: كدا قلقتيني عليكي امبارح.

آية بهمس: ما أنت منمنمني في حضنك... وهتتنقلك العدوى. أدهم بعد وشها عن حضنه عشان يعرف يبصلها وهو بيزيح شعرها. : مش مهم أنا هقدر استحمل، المهم أنتي كويسة. آية هزت راسها ونزلت وشها بخجل. أدهم فضل يتأمل فيها ويزيح شعرها. أدهم مال بهدوء، با*سها على كتفها، وعلى رقبتها، وخد*ها. أدهم اعت*لا*ها وهو بيبو*سها بر*غبة وتلذ*ذ. آية تاهت معاه من خبرته ورفعت إيدها تحاوط رقبته.