رواية سم القاسي الفصل الخامس 5 - بقلم ماهي احمد

البنت: ارجوك سيبني، أنا عايزة أروح. عاصي: هروحك بس مش قبل ما تشربي العسل. البنت: عسل؟ عسل إيه؟ أنا مش فاهمة حاجة. عاصي مسك شعر البنت وبدأ يشدها، طلعها ما بين الحديد وشد الكرسي وقعدها قدامه. البنت قعدت على الكرسي وهي متوترة وشعرها كان كله على وشها، ومن كتر التعب مكانتش قادرة حتى ترفع راسها لفوق.

عاصي شال بلاطة من الأرض وحطها على جنب، وابتدى يشمر كم ايده ورفعه لفوق. دخل ايده جوه الحفرة دي وابتدى يطلع شمع العسل. شمع العسل كان حواليه نحل كتير، وبالرغم من قرص النحل لدراع عاصي، مكانش حاسس باللي بيقرص فيه ولا حتى بيأثر فيه. طلع شمع العسل أخيراً من الحفرة والعسل كان بينزل منها. حط عليها السم اللي بيحطه على العسل، السم ده مابيموتش، على قد ما بيقطع المصارين وبيخلي اللي قدامك يتمنى الموت ولا إنه يجربه مرة تانية.

عاصي راح للبنت ورفع راسها بإيديه، وبالإيد التانية كان ماسك شمع العسل. عاصي: هتشربي العسل. (في نفس الوقت) غالب قرر إنه لازم يتصرف، مش هيسيب البنت اللي ملهاش أي ذنب دي تتعذب أكتر من كده. طلع من ورا الشجرة وراح للكوخ. غالب جه يقرب من الباب، البودي جارد عبد الرحيم كان واقف ووقف قصاده. غالب: ابعد عن وشي بقولك. عبد الرحيم مش مسموح له إنه يتكلم مع حد غير عاصي وبس. غالب: يعني إيه؟ يعني مش هتتحرك؟

عبد الرحيم كان باصص قدامه ومربع ايده ومابيحركش رمشه حتى. غالب: (والدموع نازلة من عينيه خوف على البنت اللي جوه) حرام عليكم، انتوا إيه؟ مفيش في قلوبكم رحمة... سيبها ياعاااااصي، سيبهاااااا. غالب مرة واحدة بطل صريخ وسمع صوت النحل وهو بيزن، وعرف إن عاصي قرر إنه يشربها سم العسل. (في نفس الوقت) عاصي: شايفة العسل ده؟ لو ما اتكلمتيش حالا وقولتي تعرفي فيروزة منين، هشربهولك. البنت من كتر التعب واللي شافته مكانتش بتتحرك.

عاصي: العسل ده كفيل إنه يخليكي تتمني الموت ومش هطوليه، هيشل كل أطرافك وهيخليكي جثة واقعة على الأرض، لو قطعت منك حتت مش هتقدري حتى ترمشي. لآخر مرة بقولك تعرفي فيروزة منين. البنت: رفعت راسها ببطء وشعرها رجع لورا وبصتله في عينيه بكل تحدي. البنت: شربني العسل. عاصي: ضم حواجبه وشاف نفس نظرة فيروزة في عينيها، فضل باصص في عينيها لمدة ثواني، نفس الضحكة، نفس الحركة، برفعة الحاجب، ورجع لورا وهو بيزحف برجله لما شاف نظرتها لي.

ومرة واحدة البنت أغم عليها ورقبتها رجعت لورا وغمضت عينيها. عاصي بلع ريقه وهو بقى هيتجنن. البنت دي وراها سر غريب، هيموت ويعرفه. بعد ما اتأكد إن البنت دي ليها صلة بفيروزة، ووقتها مابقاش عايزها تموت إلا لما يعرف دي مين. عاصي مسكها من إيديها الاتنين وبدأ يحاول يفوق فيها. عاصي: فوقي، اصحي، انتي هتعمليهم عليا. عاصي: بقولك فوقي.

عاصي بدأ يضربها قلم في التاني، البنت ما بتصحاش ولا حتى بتدي أي رد فعل. مسك إيديها وحس على معصم إيدها. لقى مافيش نبض والنفس انقطع. شالها بسرعة وحطها على السرير وبدأ يتصل بالدكتور. عاصي مبقاش عايزها تموت. بيبص لقي الفون مافيهوش شبكة. غريبة! استغرب جدا ومبقاش عارف يعمل إيه. هو عايزها تعيش بأي طريقة. طلع بره الكوخ. عاصي: عبد الرحيم، اوعي تتحرك من هنا لحد ما أجي، انت فاهم. عبد الرحيم حرك راسه فوق لتحت بأنه فاهم.

عاصي ركب عربيته وطلع بيها على الطريق وبدأ يسوق بأسرع ما عنده لحد ما وصل أول مستشفى قابلها على الطريق. ودخل وهو بينادي بأعلى صوته. عاصي: دكتووووووووووور، عايز دكتووور بسرعة. الممرضة: وطي صوتك، انت فين هنا؟ عاصي حط ايده على بوقها وكان هيعصر فك بوقها بإيديه. عاصي: عايز دكتووور بسرعة. الممرضة: حاااضر، حااضر. عاصي نزل ايده من على بوق الممرضة والممرضة تقدمت قدامه خطوة ومشي وراها. فتحت الباب على الدكتور وهو بيكشف.

الدكتور: إيه ده؟ انتي اتجننتي؟ انتي إزاي... عاصي: انت الدكتور؟ الدكتور: انت مين؟ عاصي: انت هتيجي معايا حالا، انت فاهم. الدكتور شاف الفلوس دي كلها، ولأنهم في مستوصف وافق بسرعة وأخد الفلوس ومشي. الدكتور مرة واحدة بص وراه. الدكتور: شنطتي. لم شنطته بسرعة ومشي ورا عاصي وركب معاه العربية. عاصي كان بيسوق زي المجنون والدنيا كانت بتمطر.

عاصي شغل المساحات بتاعة العربية ومكانش شايف الطريق قدامه، كان بس شايف نظرة البنت له زي نظرة فيروزة بالظبط وكان هيتجن. الدكتور: بالراحة شوية، حرام عليك، احنا كده مش هنوصل حتى. عاصي: (لف وشه شمال ناحية الدكتور بصه خبيثة) الدكتور حط ايده على بوقه. الدكتور: خلاص، خلاص، هسكت أهوه. عاصي أخيراً وصل ونزل من العربية. عاصي: تعالي ورايا. عاصي نزل فتح البوابة ودخل، والدكتور كان ماشي وراه وبدأ يستغرب من المكان اللي هو فيه.

مكان كله شجر مش أكتر. الدكتور بدأ يبص شمال ويمين وعلامات الاستغراب والرعب كلها على وشه. الدكتور بدأ يشيل الشجر ويبعده بإيديه عن وشه. عاصي: مالك؟ ما تتحرك شوية. الدكتور: حاضر، حاضر. عاصي: إيه؟ عمرك ما شفت قصر قبل كده؟ الدكتور: (استغرب من كلامه) قصر؟ عاصي: أيوه قصر، اومال انت فاكر إيه؟ الدكتور: ده خرابة مش قصر. عاصي: خرابة؟