رواية سمراء احتلت كياني الفصل التاسع 9 - بقلم أميرة محمد

غصون غيرت هدموها ولسه خارجه. _رايحه فين ي هانم؟ غصون: وانت مالك يعسل؟ يوسف ببلاهة: نعم؟ غصون: أنا خارجه. يوسف: على فين؟ غصون ببرود: أي مكان. يوسف قرب عليها بس افتكر لما ضربته في بطنه فرجع لورا. يوسف بخوف: احم... استني هلبس وأجي معاكي. غصون: لا خليك جميلة هتعدي عليا دلوقتي. يوسف: هروح معاكم يلا. غصون: تروح فين ي بني آدم انت؟ هي رحلة؟ يوسف ببرود: أيوه رحلة وبطلي رغي كتير. غصون بتذمر: يا يوسف بقاااا... يوسف فرح أوي

إنها نادته باسمه كده وقال: طيب بصي هوصلكم ولما تخلصوا اتصلي بيا عشان آجي آخدكم. غصون بفرحة: ماشي يلا. يوسف دخل للبس ونزل معاها وجميلة كانت تحت. ركبنا مع بعض ووصلنا مكان. جميلة بتساؤل: يوسف جاي معانا؟ يوسف بابتسامة: لا هوصلكم وهروح مشوار كده وأرجع لكم تاني. جميلة: ليه ما تيجي معانا عادي؟ غصون بسرعة: لا ييجي معانا فين؟ يوسف بإحراج: متقلقيش أنا عندي شغل يلا سلام. غصون بزعل عليه: يوسف استني...

مردش عليها وركب عربيته ومشي. جميلة بعتاب: ليه قولتي له كده ي غصون؟ غصون: ما كانش قصدي، انتي عارفة عارفة إني مبحبش أجرح حد. جميلة: طب يلا ندخل. دخلوا كافيه على النيل وقعدوا يضحكوا ويهزروا وطلبوا أكل. جميلة بدون مقدمات: احكيلي عن علاقتك بيوسف ي غصون. _رجعت شغلها ولا كأن حاجة حصلت. _انتي لازم ترجعي المستشفى تاني. _وانت ما ترجعش ليه؟ _عشان أنا مرفود منها وإنتي عارفة كده كويس.

_لا مش هرجع، كفاية اللي حصل، ممكن حد يشك في حاجة. _اكسبى ثقتها من جديد وهي غبية وهتطمنلك بسرعة. _انت عايز توصل لإيه؟ _برغبة: عايزها... _تاني؟ _وتالت ورابع لحد ما تبقي معايا برضاها. _ما كنتش أعرف إن ذوقك بيئة كده. _امممم اعتبرها غيرة. _ضحكت بسخرية: أنا أغير من دي؟ شكلك ما عندكش نظر. _طيب ما تيجي أشوف كده عندي نظر ولا ما عنديش... وغمزلها. _لا ي حلو مش أنا اللي أبقى البديل. قامت وقفت. _أنا همشي عشان نلحق ننفذ.

_تمام وبلغيني بأي حاجة تحصل. _وهستفاد إيه؟ _عايزة كام؟ _شيك فاضي وأنا أمضي. _دا انتي قلبك جامد بقي. _هااا قلت إيه؟ _تمام. ضحكت بمياعة ومشيت وهو ابتسم بخبث: انتي ليا ي غصون مش لحد تاني. غصون بحزن: علاقتي بيوسف أسوأ علاقة ممكن تعرفيها. جميلة: طب وإنتي؟ غصون: أنا إيه؟ جميلة: بتحبيه؟ غصون بصدمة: إيه؟ أحبه؟ مستحيل أحب حد بيهيني؟ ويجرح كرامتي وأنوثتي؟ وشايفني عبء عليه.

جميلة: بس ي غصون مينفعش تفضلي عايشة كده، حاولي تقربي منه يمكن يحبك. غصون: لا ي جميلة مش حابة أدّي قلبي لحد بيفكر فيا بالطريقة دي. أنا دلوقتي مش معايا غير قلبي، مش عايزة أفرط فيه زي ما فرطت في حاجات تانية. جميلة: بس قلبك هيموت لو ما اتحطش في مكان يناسبه. غصون: ولحد ما ألاقي المكان المناسب هسيبه يموت بالبطيء، يمكن ينبض على آخر لحظة. جميلة: بعد فوات الأوان؟ غصون: مفيش حاجة بتعدي من غير ما تاخد وقتها.

جميلة: أنا مش عارفة أقولك إيه بس افتحي قلبك ي غصون. غصون: ما هناكل بقااا. جميلة بمزاح: كلي يختي كلي. خلصوا أكل وقاموا عشان يروحوا. جم بنتين اتكلموا بصوت عالي. _مش دي الدكتورة غصون اللي اغتصبوها؟ _أيوه هي، مش عارفة إزاي بتخرج وتوري وشها للناس كده عادي. _لو مكاني كنت اختفيت في أوضتي وما طلعتش تاني. غصون سمعت كلامها وما قدرتش تتحمل، خدت شنطتها وطلعت تجري على البيت.

جميلة بصت للبنتين بغضب وخرجت ورا غصون. نادت عليها كتير مردتش، اتصلت على يوسف كتير مردش، بعتت له رسايل كتير، برضو ما شافهاش. ركبت تاكسي وراحت لبيت غصون. خبطت عليها. جميلة: افتحي ي غصون ما توجعيش قلبي عليكي. غصون ردت عليها بجمود من غير ما تفتح لها: امشي ي جميلة أنا كويسة. جميلة: ما تكدبيش عليا. غصون: أرجوكي امشي وهقابلك بكرة في المستشفى بس محتاجة أرتاح شوية.

جميلة بحزن: ماشي ي غصون هسيبك ترتاحي بس عشان خاطري ما تخطيش في دماغك كلام البنتين دول. غصون: ماشي. جميلة مشيت بعد مناهدة كبيرة معاها وغصون دخلت أوضتها تاني. أول ما جميلة دخلت المستشفى، مهاب جري عليها. مهاب بتوتر: جميلة أنا... أنا آسف. جميلة ببرود: على إيه؟ مهاب بقلق: على ردي فعلي امبارح!! جميلة: لا عادي ولا فرق معايا. مهاب بحزن: بجد؟ جميلة: آه... عن إذنك بقي هروح أشوف شغلي. جميلة مشيت ومهاب دخل وراها مكتبها.

جميلة بتصنع: في حاجة ي دكتورة جميلة؟ مهاب قرب عليها. جميلة: إيه في إيه؟ مهاب همس جنب ودنها: مهاب بس من غير دكتور. جميلة بتوتر: م... مهاب ابعد بعد إذنك. مهاب رجع خطوتين لورا: بعدت... جميلة بغضب: انت إزاي تسمح لنفسك تقرب مني كده؟ مهاب ببرود: عادي. جميلة بعصبية: هو إيه اللي عادي ي دكتور مهاب؟ لو سمحت ما تتخطاش حدودك معايا تاني. مهاب: أنا... جميلة بغضب: انت إيه ي مهاب؟ عايز مني إيه؟ أنا كنت... !!!

قبل ما تكمل كلامها دخلت عليها الممرضة. _دكتورة جميلة المدير عايز حضرتك انتي ودكتور مهاب ودكتورة غصون. جميلة بهدوء: تمام اتفضلي. الممرضة خرجت وجميلة اتنهدت وبصت لمهاب بغضب وطلعت وهو هز رأسه بيأس وخرج وراها. يوسف دخل البيت بعد ما قضى الليل برا. دخل أوضته لقي غصون.