رواية ستكون صغيرتي الفصل الخامس عشر 15 - بقلم هاجر محمد

وصلوا إسر ومليكة ونزلت مليكة ودخلت مع إسر الفيلا. لكن انصدم إسر لما شاف عامر قاعد مسك إيد مليكة وقال: "إيه اللي جابك هنا؟ مليكة بصت لإسر اللي أول مرة تشوفه بيتكلم مع حد من غير احترام. عامر ببرود: "مش ترحب بيا الأول؟ إسر بصوت عال: "مشي من هنا والا أنت عارف كويس هعمل إيه." عامر قام وقرب منه وقال: "أنا دخلت البيت من غير إستئذان ولو هطلع فمن غير إستئذان." بص على مليكة وقال: "القمر دي بقى تكون بنتها؟ إسر اتضايق:

"متجيبش سيرتها على لسانك يا وسخ." عامر: "الله الله أنت بقى مولعها." مليكة بتدخل: "حضرتك في حاجة اسمها احترام." عامر قرب منها وقال: "مش عايزة ترحبي بـخالك؟ مليكة لسانها عجز عن الكلام وعقلها بيقول "لا أصدق أنني رأيت شخص من أقارب أمي لقد فكرت أنني وحيدة لكن بعد كل هذه المدة أجد شخصاً يعترف أنني لست وحيدة." بصت لإسر اللي كان واقف وغضبان وكأنها تقول له هل هو يقول الحقيقة. عامر:

"أمك الله يرحمها سابتك هنا بعد ما ماتت وأنا جاي علشان أخدك معايا." إسر بصوت عالي خلى الكل ينزل ومش فاهمين حاجة قال: "مش هتروح لمكان لأن ده مكانها الحقيقي." مليكة نزلت دموعها وصرخت: "خلاص بقى عايزة أنا مش فاهمة إيه اللي بيحصل ليه بيقولي إنه خالي وأنت قلت لي معنديش أهل؟ إسر سكت ومش عارف يبرر. عامر: "علشان هو مش عايز يعرفك عن أهلك لا هو عايز ياخد ورثك اللي باقي لك من أهلك."

إسر بص لعامر بتوعد وبص لمليكة علشان تصدقه هو وبس. مليكة مكنتش مصدقة وقالت: "أبيه إسر مستحيل يعمل كدا أنا واثقة فيه لكن أنا مش عايزة أعرفك لأن الشخص اللي رباني مش هيكون معايا لحد دلوقتي علشان شوية فلوس." إسر ابتسم وعامر اتغاظ وقال: "هتندمي لأنك فضلتي معاه مشي وسابهم……… " هبة: "مكناش نرتاح منك بقى." إسر: "هبة الزمي حدودك." هبة: "مش عارفة بتدافع عنها ليه أهلها وجايين ياخذوها هي مين علشان تفضل هنا؟ إسر بدون

أي مقدمات وقال بأعلى صوت: "هي هتكون مراتي قريب." مليكة وقفت مصدومة من الكلمة وحور ابتسمت هي وراغب ❤ أما هبة فاتضايقت وبصت لمليكة بغيظ. إسر: "ده الحل الوحيد اللي هقدر أحمي مليكة بيه." بص لها وقال: "متفكريش إن أنا هخدعك لكن أنا بعمل كل ده علشان متأكد إن عامر هيوصلك تاني وهيعمل أي حاجة علشان الفلوس مش هضغط عليكي كلها كام شهر وهنتطلق وبعدها هتكوني حرة." مليكة اتضايقت إن هو جاب كلمة طلاق لكنها سكتت وطلعت لفوق ………

في مكان آخر. عامر بغضب: "الكلب منعني وهي صدقته." الشخص: "لسة كل حاجة مظبوطة عادي مفرقتش معايا." عامر: "أنت ليه عدو دينا أنا معرفتش السبب لحد دلوقتي يعني أنا عدو إسر لسبب لكن أنت." الشخص ضحك وقال: "مليش عداوة مع إسر لكن دلوقتي بقى عدوي السبب من 20 سنة كنت بحب دينا لكن هي رفضتني علشان سامح وراغب وقف معاهم ومن وقتها وأنا اتوعدت إن هنتقم إنها ترفضني." عامر: "أمم وليه قتلتها وأنت بتحبها وأمرتني بقتلها؟

الشخص ضحك تاني وقال: "مقتلتهاش……… (ياترى يقصد إيه) عند مليكة. كانت فاتحة مذكراتها وكتبت "أحببته وكنت أتمنى أن يحبني لكن أعتقد أنني لا شيء عنده غير طفلته وصغيرتها الذي رباها اليوم فرحت عندها علمت أنه سيتزوجني وأكون ملكاً له لكنه لن يهتم لهذا الزواج فسأكون زوجته ورقياً فقط لا أعرف إذا مع مرور الوقت سيتغير الزمن وأصبح زوجته شرعياً أنتظر هذا اليوم لكنني أشعر أنه لن يأتي" قفلت مذكراتها وأخدت قرارها ونزلت عند إسر. مليكة:

"أبيه أنا أخدت قرار." إسر: "قولي يا مليكة بس تكوني فكرتي كويس." مليكة: "أنا مش موافقة……… "