رواية ستكون صغيرتي الفصل الرابع عشر 14 - بقلم هاجر محمد

أسر قعد جنب هبة وكان بيدور على مليكة بعيونه لكنه مش شايفها. لكن فجأة جاله اتصال من رقم غريب فرَد. مليكة بصوت عالي وعياط: "أبيه الحقني أب أبيه" أسر: "مليكة" هبة اتغاظت جدا واتدايقت لما سمعت اسمها فقالت: "حبيبي في إيه؟ أسر مسمعش منها ومهتمش ليها وجري بسرعة. أسر اتصل عليها تاني لكن مفيش رد اتبع التلفون بتاعها وعرف مكانها فساق بسرعة… -عند هبة فضلت تكسر كل حاجة وقالت: "إزاي يسبني إزاي" راغب:

"ي بنتي اهدي أكيد في حاجة مهمة" هبة: "اطلع برا لو سمحت أنت السبب أنت وابنك" راغب بصوت عالي: "هبة احترمي نفسك واعرفي بتتكلمي مع مين لولا احنا مكنتيش عايشة ………" -أسر وصل المكان ودخل وفضل ينادي على مليكة. مليكة وقفت وراه وقالت: "أنا هنا" أسر بصّلها بدموع وراح عندها بدون مقدمات وحضنها. مليكة ابتسمت: "أنا كويسة" أسر: "إيه اللي حصل؟ مليكة ضحكت وأسر استغرب وقال: "في إيه؟ جات حور وآدم ووقفوا جنب مليكة. أسر بصّلهم بشك وقال:

"لو اللي في دماغي صح يومكم مش هيعدي" حور وآدم قالوا: "والله مش احنا" ومشيوا بسرعة. مليكة قالت بجرأة: "مكنش في حل غير كدا إن أمنعكم تتجوزوا" أسر: "أنتي عارفة معنى اللي عملتيه" مليكة عيطت وفضلت تضربه بخفة:

"أنت ليه بتعمل فيا كدا أنا مش بحبها ومش عايزاك تتجوزها افهمني بقى أنت الوحيد اللي وقفت معايا اعرف إنك اللي ربّيتني بس مش عارفة ليه مع الوقت بقيت بحس إنك بتكرهني أنا معرفش مين أهلي كل ما أسألك عليهم بتقولي مش الوقت المناسب علشان أعرف كنت بسكت لأن كنت بعتبرك أهلي إيه ذنبي إن أكون وحيدة من غير أهل والشخص اللي رباني هيسبني" أسر: "كل ده مني ي مليكة" مليكة فضلت تعيط وساكتة. أسر مسح دموعها وقال:

"مكرهتكيش في يوم بالعكس أنتي حياتي كلها كنت عايش علشانك ومش معنى إني كنت هتجوز هبة إني هسيبك" مليكة بصّتله وقالت: "مش بحبها وهي مش مناسبة ليك" أسر بابتسامة: "خلاص أوعدك من النهاردة إن مش هتجوز غير لما تختاري البنت المناسبة ليا" مليكة اتغاظت وقالت ببرود: "أكيد" أسر ضحك وقال: "يعني كنتوا بتخططوا من ورايا لكل ده؟ مليكة: "أنت السبب هتروح دلوقتي وتلغي كل ده……… " -عند حور وآدم كانو ماشيين آدم قال:

"حور مش ناوية تبدأي حياة جديدة؟ حور: "ليه السؤال وأنت عارف إجابته وردي عليه" آدم بهدوء: "ليه مفكرة إن حياتك انتهت واتوقفت أنتي قدامك حياة كاملة" حور: "آدم يريت نقفل الموضوع ده لأن مش حابة أتكلم في حاجة دي حياتي وأنا حرة فيها" آدم اتدايق فمسكها من إيدها وقرّب منها وقال بصوت عالي: "مش حياتك لوحدك لأن حياتك مرتبطة بشخص تاني" حور بدموع: "آدم ابعد عني وسيب إيدي" آدم ضغط على إيدها أكتر وقال:

"مكنش ذنبي إن أحبك ليه مش شايفة كل ده ليه مش بتفكري في نفسك ولو مرة ليه عايزة توقفي حياتك رغم ممكن تبدأي من جديد" حور اتفاجئت لكن بعدت وضربته قلم وقالت بدموع: "لو كنت بتحبني مكنتش هتعمل كدا دلوقتي أنت زيك زي غيرك أنا يمكن كنت أحبك بس دلوقتي لا" سابت آدم واقف مصدوم ومشيت… -وصلوا أسر ومليكة ونزلت مليكة ودخلت مع أسر الفيلا لكن انصدم أسر لما شاف عامر قاعد مسك إيد مليكة و…………