رواية ستكون صغيرتي الفصل الرابع 4 - بقلم هاجر محمد

أدهم دخل على إسر بسرعة وهو نايم. إسر بخِضَة: أدهم، هوا في حد بيدخل كدا؟ أدهم بتوتر: إسر، مليكة وأمها. إسر بخوف: مليكة مالها؟ حصل إيه؟ قول! أدهم: مليكة وأمها مش موجودين في الأوضة. إسر: يعني إيه؟ إزاي كدا؟ يروح بسرعة ويدور عليهم، مش لاقيهم إزاي؟ يحصل كدااا؟! فين الأمن اللي هنا والكاميرات؟ إزاي محدش شافهم؟ أدهم: اهدي بس وهنشوف حل. الدكتور جاي على الصوت: أستاذ إسر، احنا مش عارفين إزاي المدام قدرت تقوم، أكيد في حاجة غلط.

إسر: تمام، والصح إن يكون أمن، ولا هي استعباط؟ الدكتور: احنا بنعتذر وهنحاول نعرف إيه اللي حصل. إسر مش مهتمش لكلامه ومشي وراح وراه أدهم. أدهم: هنعمل إيه دلوقتي؟ إسر: مش عارف، مش عارف، بس أنا عايز أعرف راحوا فين. -في مكان آخر عامر بابتسامة: وأخيرا شوفتك. دينا بضيق: أنا مش شفت أحقر منك، أنت عايز إيه؟ عامر: ههه، طب براحة علينا، بعدين أنتي شكلك نسيتي إن جوزك مات، ولا عايزة تحصليه؟ دينا بصدمة: إيه أنت بتقول إيه؟

عامر: لا، دا شكلك متعرفيش، أمال مسالتيش نفسك جوزك راح فين؟ دينا مكنتش قادرة تتكلم، والأفكار إنها تفقد زوجها وحبيبها الوحيد كانت مش بتروح من عقلها. عامر: صحيح، حلوة بنتك، لا جامدة زي أمها. دينا: أنت واحد واطي، مش عارفة أنت إزاي إنسان أصلاً. عامر بزهق: أنتي قد كلامك ده؟ أنتي نسيتيني شكلك، ولا إيه؟ أول حاجة قتلت أهلك، وبعدين جوزك، ودورك أنتي وبنتك جاي. دينا: ربنا موجود ومش هتقدر تعملها حاجة. تبص على مليكة بخوف وتحضنها.

عامر: خد البت دي منها. دينا: لاااا! تفضل حاضنة مليكة بقوة. عامر بضحكة: خلاص، صعبتي عليا. لو أنتي عايزة تعيشي، وقّعي على الورق ده ويكون كل فلوسك لينا. دينا: مش هوقّع وخلي فلوس أهلي لواحد حقير زيّك. عامر: حكمتي على نفسك، خد البت منها...... -عند أدهم وإسر إسر: مش قادر أفكر، مش قادر. أدهم: مش يمكن تكون راحت عند حد قريبها؟ بعدين احنا منقربناش حاجة. إسر: متخدّه! يسكت. أكيد لا، يعني كانو عايشين لوحدهم.

أدهم بتفكير: عندي الحل. إسر: إيه؟ أدهم: ثواني بس، هكلم حد أعرفه، هيجيبلي كل معلومات عن سامح ومراته، ونعرف مين قرايبهم ونشوف. إسر: فكرة، بس بسرعة. -عند دينا دينا بدموع وصراخ: سبّها! دي طفلة ملهاش ذنب. مليكة كانت بتعيط ومش بتسكت. عامر: لا، حلوة وعجبتني، الطفلة دي أحلى من الفلوس. دينا بدموع: أبوس إيدك، سبّها وأنا هعمل اللي عايز. عامر: حلو أوي، هتوقّعي؟ دينا: هـ... هوقّع. عامر: يديها الورق: وقّعي يلا!

دينا تمسك القلم وتبص، تلاقي مسدس مع واحد من رجال عامر، تمسكه وتوجهه على عامر. عامر: أنتي هبلة، نزّلي المسدس! دينا بدموع: هات بنتي وأنا هنزّله. عامر بخوف: حاضر. دينا تقدّم علشان تاخد مليكة، وفجأة طلع صوت رصاصة……………