رواية تاجر النساء الفصل الثاني والعشرون 22 - بقلم حنان احمد ماهر

وجع القلوب لا يوصف، جرح لا يلتئم ولا يُشفى. في لحظة حزن تنكسر وتتألم الروح ولا تجد مخرج. في وجع القلوب نجد الألم، نجد الحزن والأسى. نجد الفراغ والوحدة، ونجد الذكريات التي تؤلم. فضلت في غرفتها تبكي. وميت سؤال خطر في بالها: هو راح لها؟ هو معاها؟ معقول قلبها هان عليه؟ وترجع تستنكر ده. لا مستحيل كريم يعمل فيا كده. طيب هو سابني ومشى؟ هنت عليه للدرجة دي؟

وفي وسط أفكارها وحزنها وبكائها، رجع كريم. وأول حاجة عملها راح على غرفتها وخبط بقلق. فتحت أمينة الباب وشعرها مبعثر وعيونها ورمة من البكاء. قلق كريم عليها وتألم قلبه على شكلها. أخدها لحضنه بخوف وقلق. حست أمينة أن روحها اترددت ليها. استسلمت لحضنه. فهي كانت في أشد الاحتياج للاطمئنان أنه معاها. كريم بحزن وهو ضاممها لحضنه وبيملس على شعرها: كده يا أمينة حياتي؟ كده توجعي قلبي؟ انتي مش واثقة في عشقي ليكي؟ أمينة ببكاء:

قلبي وجعني أوي يا كريم. مش قادرة أتنفس. بعدها كريم من حضنه ومسح دموعها:

سلامة قلبك يا حبيبي. تعالي قعدي كده وأنا أحكيلك كل حاجة. أولاً كده لازم تكوني متأكدة إني مكتفي بيكي عن نساء الدنيا كلها. الموضوع إن كان لازم أدفع عمي مصطفى تمن اللي عمله معايا وحرمني منها السنين دي كلها بسبب طمعه وإنها استحلت مال إخوته. اتفقت مع السكرتارية بتاعته اللي اسمها سالي إنها تخدم مبلغ بس تمضي على أوراق أقدر من خلالها أسترجع كل فلوس اللي خدها مني السنين اللي فاتت وأرجعه على الحديدة. وبفعل سالي النهارده نفذت المطلوب منها بعد ما حطت له في العصير بتاعه حبوب هلوسة. خلته يمضي وهو مش دريان. ورحت عندها وأخدت الورق منها.

أمينة بغيره: بس هي قريبة منك لدرجة إنها تقولك يا حبيبي؟ حبها برص يارب. ضحك عليها كريم: طيب أنا مالي أنا؟ معرفش هي قالت كده ليه. أنا أصلا ماليش دخل بيها ومش بطقها. وطلع شوكولاتة من جيبه ودهالها: خلاص بقى يا حليب يا قشطة. أخدت منه أمينة الشوكولاتة بابتسامة. ومرة واحدة اتكلمت بجدية وهي بترفع صبعها في وشه: بس دي آخر مرة تتكلم معاها. مسك كريم صبعها وبسها بحب: حاضر يا اللي تعبتي قلبي. اتكسفت أمينة من حركته وتكلمت بخجل:

بعد الشر على قلبك. كريم: أمينة ممكن أطلب منك طلب؟ أمينة: حبيبي انت تأمر. كريم: خليني نايم في حضنك النهارده. بجد أنا محتاج أحس إنك جنبي. أمينة بتوتر: بس يعني... كريم: ما تخافيش مني يا حبيبي. هنام بس. وبالفعل أخدها كريم وناموا ودخلوا في سبات عميق. تاني يوم صحي كريم قبل أمينة وبدأ يصحيها بحب وهو بيبعد خصلات شعرها: أمينة حياتي حبيبي اصحي بقى. عيوني وحشوني. اتململت أمينة وبدأت تفتح عينيها وكأنها في حلم. شافته. كريم ابتسم:

صباح الجمال يا حبيبي. فاقت أمينة وتعدلت بخجل: صباح النور. كريم: يالا يا حبيبي قومي جهزي على شان نقوم نفطر. على شان عندي كام مشوار وبعدها تكوني جهزتي شنطتنا. أرجع وأخدكم ونطلع على الفيلا. أمينة: الفيلا بتاعت عمك؟ كريم بضيق: بتاعتنا يا أمينة. عمي ملهوش فيها. قومي جهزي ونتكلم في التفصيل واحنا بنفطر. وبالفعل قامت أمينة وتوضت وصلت ودخلت على المطبخ. لقت عايدة كالعادة بتجهز الفطار. اتكلمت بلوم:

صباح الخير يا ماما. تعبتي نفسك برده يا حبيبتي. أنا كنت هقوم أجهزها. ابتسمت عايدة: صباح الورد يا حبيبتي. أنا دخلت الصبح على شان أصحيكي لقيت كريم نايم معاكي في الأوضة. فسيبتك براحتك. نزلت أمينة رأسها بخجل: اصل احنا اتكلمنا امبارح وراح علينا نومه. قربت منها عايدة: حبيبتي ربنا يفرحكم يارب. بس بلاش يحصل كده تاني غير بعد الفرح. يالا خدي الأطباق وحطيها على السفرة. خرج كريم من غرفته وبدأ في تناول الفطار ووجه كلامه لعايدة:

بقولك صحيح يا ماما... انتبهت له عايدة. كمل كريم كلامه: أنا ناوي لما أرجع من مشواري ننقل على الفيلا. عايدة بقلق: ليه يا كريم؟ خلينا هنا. احنا كده كويسين. كريم بغضب:

مش كويسين يا ماما. أنا لازم أدفع له تمن بعدي عنك السنين دي كلها. حضرتك متعرفيش أنا كنت عايش إزاي. كان مدخلني في مدرسة داخلية بحاجة إنه بيشتغل ومش هيقدر ياخد باله مني. كنت بكره بنته اللي عايشة معاه. لكن أنا مينفعش. كنت عايش في قهر وأنا شايف زميلي وأهلهم حواليهم. وكنت كل يوم بكرهك على شان اخترتي تكوني مع راجل تاني وتبعدي عني. وكل ده يطلع كدبة كان معينني فيها على شان يكون الوصي عليه ويسيتولى على فلوسي. عايدة:

بس أنا خايفة عليك منه. ده نابه أزرق يا ابني. وأنا لما صدقت إنك رجعت لحضني. كريم: أنا مش عايزك تخافي طول ما أنا موجود يا ست الكل. عايدة باستسلام: حاضر يا حبيبي. اللي تشوفه. قام كريم وباس رأس عايدة وأمينة وستأذن وخرج. قعدت ساعتين. وتصل كريم بأمينة: حبيبي جاهز ولا لسه؟ أمينة: آه يا حبيبي. أنا جهزت الشنط أنا وماما. كريم: تمام يا قلبي. أنا هطلع مع البواب على شان ننزلهم.

وصل كريم وعايدة وأمينة قدام الفيلا وأمر الحراس يدخلوا الشنط. في الوقت ده كانت لوجي قاعدة وماسكة تليفونها. وأول ما شافت كريم جريت عليه تحضنه بفرحة: كيمو حبيبي. وقفها كريم وبعدها عنه. استغربت لوجي. ولقت أمينة بتظهر من وراها. اتصدمت لوجي. وفي نفس اللحظة خرج مصطفى من مكتبه وتكلم بحده: أخيراً الأستاذ ظهر. بيبص على اللي معاه وتأكد إنها عايدة. ولسه هيقرب منها بغضب ويتكلم بصراخ: انتي إيه اللي جابك هنا؟ وقف كريم

قدامه وتكلم بغضب مماثل: إيه يا عمي؟ مش عايزها تيجي بيت ابنها ولا إيه؟ مصطفى بغل: قدرت تضحك عليك يا كريم؟ بعد ما رمتك وراحت اترمت في حضن راجل تاني تتدخلها حياتك بسهولة كده؟ قرب كريم منه وتكلم بغضب وقهر: كذب كله كذب. كذبت عليا وخطفتني من أمي وحرمتني منها. بعد ما عرضت عليها الجواز ورفضت. كل ده على شان تستولي على ورثي من أبويا. انت إيه؟ انت شيطان. مصطفى بابتسامة خبث وقعد على الكرسي وحط رجل على رجل:

حلو. انت كده عرفت كل حاجة. نتحاسب وكل واحد ياخد حقه. أنا ليه أسهم في الشركة. أنا من رأيي تبيع لي الأسهم بتاعتك وتاخد أمك وتتكل على الله. ضحك كريم بغيظ. هو طول عمره كان عايش معاه وعارف إنه حاد التعامل. لكن مكانش يعرف إنه خسيس وندل كده. قعد قدامه وحط رجل على رجل: هو أنا مقلت لكش؟ مش انت بعتلي كل حاجة بالتوكيل اللي عملته لي؟ اتنفض مصطفى ووقف قصاده ومسك من لياقه قميصه: انت بتقول إيه؟

أنا معملتش توكيل لحد. انت اتجننت ولا إيه؟ نزل كريم إيده: اهدأ يا عمي لحسن يحصلك حاجة. ووجه كلامه لأمينة: حبيبتي هاتي الملف اللي معاكي. قربت أمينة وديته الملفات:

فضل يا عمي. دي نسخة من الأوراق الأصلية اللي تثبت إنك بعت لي الأسهم بتاعتك وفلوسك اللي في البنكات اتحولت باسمي. إلا مبلغ صغير سبتهولك تعيش منه انت وبنتك. وكمان اشتريت لك شقة صغيرة تعيش فيها على شان تعرف إني أصيل مش زيك. ودلوقتي ياريت تجهز حاجتك انك وبنتك على شان السواق هيوصلك لشقتك الجديدة. ووجه كلامه لعايدة وأمينة: يالا يا أمي على شان أوريكي أوضتك. وانتي يا قلبي يالا انتي كمان على شان ترتاحي. وطلعوا وسابوهم.

قعد مصطفى بصدمة. قربت منه لوجي ببغل وحقد: انت هتسيبهم ياخدوا كل حاجة كده؟ وقف مصطفى: لو فاكر إني هسيبه ياخد كل حاجة بالساهل يبقى بيحلم. بس اتأكد إن الأوراق سليمة الأول ولا لأ. و... يتبع…