رواية تفاجات بزواجي الفصل الثامن 8 - بقلم شهد احمد

بعد ما طلعت لغرفتها وكانت مدايقة. ريان كان طالع وراها علشان يعرف مالها. كل واحد فيهم سمع ضرب نار. نور: أعااا. ريان فتح باب الأوضة وكانت نازلة وهي نازلة خبطت في ريان وكانت هتقع، بس ريان مسكها. كل واحد كان بيبص في عيون التاني. ومن ضرب النار نور صوتت. نور: أعااا. ريان: اهدي، أنا معاكي، خليكي هنا وأنا هروح أشوف في إيه. نور: ريان، الوضع بجد بقى مش طبيعي.

ريان: عارف، بس صدقيني بعمل جهدي علشان أعرف مين، ومش وقت الكلام، نتكلم بعدين، دلوقتي لازم أطلع أشوف في إيه. نور: خدني معاك، أنا كتير خايفة. ريان: مستحيل أخاطر بحياتك، اتفضلي على فوق، اسمعي الكلام وأنا جاي. نور: أووف، طيب، بس مش تتأخر، لو اتأخرت هنزل. ريان مردش عليها وسابها ونزل يشوف في إيه. أصله مش وقت كلام، في ضرب نار هههه. ريان نزل وكان في اشتباك بين الحراس وما بين الناس اللي بتضرب نار.

ريان فضل يتسحب لحد ما مسك واحد من اللي كانوا بيضربوا نار، وطلع وقال للي بيضربوا نار إنهم يقولوا للي باعتهم إن واحد من رجالتهم معاه، وعن قريب هيوصل ليه. اللي بيضربوا نار أول ما سمعوا كده ضرب النار بطل. ريان قال للحراس إنهم ياخدوا اللي مسكوه على المخزن لحد ما ييجي وهو يتصرف معاه. ريان طلع لقى نور قلقانة ورايحة جاية من مكان لمكان. ريان: نور. نور أول ما لقت ريان

جريت عليه وحضنته وقالت: أخيراً جيت، أنا قلقانة أوي يا ريان، ولي اتأخرت عليا؟ ومين الناس دول وعايزين إيه بقا؟ شوفوا عايزين إيه وخليهم ياخدوا ويسبونا في حالنا بقا يا ريان. ريان: نور، اهدي، أنا قدامك أهو ومفيش حاجة، والناس دول قربت إني أوصل ليهم وكل حاجة هترجع طبيعية. نور بعدت عن ريان بعد ما استوعبت إنها في حضنه. ريان: هديتي؟ نور: آه، يعني شوي. ريان أخدها وقعدوا وقالها: كان مالك بقا قبل ما كل ده يحصل؟

نور: نسيت يا ريان، أصل الأكشن اللي عايشة فيه ده ينسي الواحد اسمه ههه. ريان سرح في ضحكة نور وقالها إنها بتبقى حلوة أوي لما تضحك، وإنها تفضل على طول تضحك ومش تزعل علشان الزعل بيبقى مش لايق عليها. نور كانت مكسوفة ☺️ وقالت بصوت رقيق: ريان. ريان: ي خراشي على اسمي وأنتي بتقوليه، أووف بيخليني أنسى الدنيا والعالم. نور: ههه، يا سلام يا سي ريان. ريان: ههه، حلوة سي ريان دي، الأ قوللي. نور: نعم.

ريان: كنتي غيرانة عليا النهاردة ولا إيه 😉. نور: أنا إمته ده؟ ريان: ههه، لو كنت ناسي أفكرك. نور: فكرني. ريان: لما كنا في المكتب وأنتي. نور: خلاص خلاص، بتكسف يا سي ريان ههههه. ريان: بت اتلمي وخليني ولد جود بوي، أنا ماسك نفسي عنك بالعافية ههه. نور: طيب خلاص بقا، أنا جعانة وعايزة أكل وعصافير بطني بتسوسو. ريان: طيب تحبي تأكلي إيه؟ نور: بسرعة، بيتزا وبيبسي. ريان: امم، حاضر، ارتاحي شوية عقبال ما البيتزا تيجي. نور: اوكي.

ريان طلع من عند نور وكان مبسوط بوجود نور وحركاتها وتصرفاتها وكلامها، وراح يغير هدومه وطلب البيتزا. نور غيرت هدومها ووقفت في البلكونة وكان الهوا حلو، وهي واقفة خبطت على رأسها وقالت: أوبس. وطلعت تجري عند ريان ودخلت الأوضة. نور: ريان، ريان. ريان: في إيه يا نور؟ نور: الجامعة يا ريان، أنا نسيت خالص، مش تفكرني. ريان: وأنا أعرف؟ نور: طيب أعمل إيه كده؟ هترفد، بقالي كتير مش حضرت.

ريان: ي بت متقلقيش، ده ممكن أخليكي تجيبي الامتياز وأنتي قاعدة في البيت. نور: الله، ده بجد ده؟ ريان. ريان: أكيد. نور: تعرف كان نفسي يحصل معايا كده ويكون عندي واسطة في الجامعة، واوو ههههي ههههه. وقعدت تتنطط. ريان: هههه، بس ي مجنونة، انزلي من على الترابيزة هتقعي. وهوبا وقعت. نور: أعااا. ومسكت في ريان. ريان: الظاهر إنك بتحبي حضني أوي هههه. نور خبطته في صدره وقالت: ريان. ريان: خلاص يلا علشان البيتزا وصلت.

نور: يلا يا زيمكس. ريان: ههه، يلا يا أختي. وأخدها وراحوا يأكلوا البيتزا. وبعد ما خلصوا. ريان طلب من الخادمة قهوة وقال إنها تجبها في المكتب. نور: وأنا عايزة عصير فراولة. ريان: وهاتي العصير اللي الهانم قالت عليه. الخادمة: حاضر يا ريان باشا. وراحت المطبخ. ريان كان رايح عند المكتب. نور: انت رايح فين؟ ريان: مش سمعتي وأنا بقول للخادمة إنها تجيب القهوة على المكتب، يبقى رايح المكتب. نور: آه، وهتعمل إيه في المكتب؟

ريان: هشتغل ي نور، مالك؟ نور: وهيا بتكلم بسرعة: اوكي ي ريان، أعصابك ي حبيبي لتفرقع. ريان: أنتي قولتي إيه؟ نور: قولت إيه؟ إزاي، بقولك أعصابك. ريان: واللي بعدها. نور: بعدها إيه؟ ريان: الكلمة اللي بعدها. نور: مش فاكرة. ريان: طيب. نور: أنا هطلع الأوضة، باي باي. ريان: باي. هو دخل المكتب وكان مبسوط إنها قالت ليه حبيبي، وقال: معقول تكون بتحبني أو أعجبت بيا؟ نور طلعت الأوضة وشغلت الشاشة على كرتون وقعدت تتفرج،

وكانت بتفكر في ريان وقالت: أنا إزاي قولت لريان حبيبي؟ معقول أكون بدأت إني أحبه؟ آه، وبعدين لا، وبعدين آه، ولا، أووف بقا، مش عارفة. وقعدت تتفرج. ريان عمل كام تليفون وبعدين أخد الحراس وراح المخزن عند اللي مسكه وهو بيضرب نار. يا ترى الشخص ده هيقول إيه وتبع مين؟