رواية طفله ارهقت رجولتي الجزء الثاني الفصل الثالث عشر 13 - بقلم ملك ايمن

في صباح يوم جديد وتحديدًا في غرفة هيثم وتمارا. هيثم صحا من النوم وفضل يتأمل تمارا وهي في حضنه، مش مصدق إن حب الطفولة اتحقق. صحيت وهو بيبصلها. تمارا بخجل: احم، صباح الخير. هيثم: صباح الورد على أحلى عروسة في الدنيا كلها. تمارا: اش اش، إيه الروقان ده؟ هيثم: ومين يكون معاه القمر وما يكونش رايق بس. تمارا: احم، عاوزة أسأل سؤال. هيثم: سامعك. تمارا: ليه وافقت تتجوزني؟ هيثم: عشان بحبك.

تمارا: أمال إيه البنات اللي كنت بتتسرمح معاها دي؟ هيثم: وحياتك، ما كان في بنات ولا حاجة من دي. كنت بخرج أقعد مع صحابي وبس. تمارا: بجد؟ هيثم: وحياتك انتي. تمارا: طب أنا جعانة. هيثم: هههه، قومي خودي دش وتعالي ننزل نفطر تحت، يلا. تمارا: طب وسع كده. هيثم: تؤتؤ، قومي من غيرها. تمارا: ياقليل الأدب، سيب الملاية بقى بليزززززز. هيثم: تؤتؤ. تمارا وكانت هتعيط: كده. هيثم: خلاص خلاص، ما تعيطيش. وقرب، طبع قبلة رقيقة وقال:

هيثم: اهو، يلا ياستي. قومي. قامت دخلت الحمام جري، ضحك عليها وقام يطلع هدوم ليه. في غرفة سليم وليل. ليل: سوسو، يا سوسو. سليم: امممم. ليل: قوم ياروحي بقى عشان نفطر، أنا جعانة أوي. سليم: حاضر، أهو صحيت. ليل: صباح النور. سليم: صباح العسل يا عسل. ليل: قوم خد دش يلا، وأنا هستناك عشان ننزل سوا. سليم: انتي خدتي دش؟ ليل: اها. إيه في أي؟ قالت كده لما سليم شالها. سليم: مين قالك تدخلي؟ هه. ليل: عشان أنا صاحية من بدري.

سليم: طب يلا. ليل: على فين بس؟ سليم: هاخد دش ياروحي. ليل: يا سليم بقى. صحا أدهم على صوت عياط كيان، قام مفزوع بيدور عليها في الغرفة ومش لاقيها. أدهم: كيان، انتي فين؟ كيان. وخبط على الحمام. كيان مسحت دموعها وخرجت. مسك وشها بين إيديه، وقلبه هيقع من الخوف عليها. أدهم: مالك؟ فيكي إيه؟ بتعيطي ليه؟ كيان: مفيش، بس بطني وجعاني. أدهم: وإيه مصحتنيش لي؟ تعالي. وقعدها على السرير. كيان: محبتش أقلقك.

أدهم: طيب خليكي هنا، هطلب الدكتور. خليكي هنا. كيان: لالا، هو بس ممكن من الجوع مش أكتر. أدهم: متأكدة؟ كيان: اها. أدهم: طيب انتي خدتي دش؟ كيان: امم. أدهم: طيب ياروحي، خليكي هنا هاخد دش وننزل نفطر تحت، ماشي. كيان: ماشي. دخل أدهم أخد شاور ولبس. كان لبس الشباب مقارب من البنات في الألوان، والبنات اللي طلبو كده. أدهم: إيه ده؟ طقمي ولا طقمك ده؟ كيان: أنا وانت شبه بعض، يعني حبينا نعملها كده. وأكملت بزعل: لو مش عاجبك خلاص.

أدهم: لا، عاجبني. يلا، البسي بس لو شفت في وشك حاجة، هبوظلك وشك. أمين. كيان: أمين. ههههه. كلهم جهزوا ونزلوا المطعم اللي في الفندق من تحت. هيثم بيكلم سليم وأدهم: هما اتفجعوا كده ليه؟ سليم: سيب مراتي في حالها ياض انت. قمري دي، شايف؟ أدهم وهيثم بصوا له. وفجأة الاتنين قفشوه من القميص. سليم: إيه يارجالة؟ دي مراتي. كيان: في إيه؟ أدهم: ولا حاجة. خلصتي أكل؟ كيان: اها. ومالت على تمارا. كيان: تمارا، بطني وجعاني أوي.

تمارا: مش حصل حاجة امبارح؟ كيان اتكسفت وهزت راسها بـ أيوه. تمارا: ممكن يكون من كده. متقلقيش ياحبيبتي. كيان: ماشي. هيثم: يلا عشان نخرج بقى. كيان: هطلع أظبط نفسي وأنزل. وطلعت أوضتها بس اتأخرت. تمارا: أدهم، تمارا كانت تعبانة. اطلع شوفها كده. أدهم قام طلع لها. وأول ما دخل الغرفة اتصدم بـ...