رواية ثلاث صرخات وحدها لا تكفي الفصل الثالث 3 - بقلم اسماعيل موسي

كفايه يا شريف هتموتها خلينا نفكر فى المصيبه دى اطلع بره لو سمحت طلع شريف من الغرفه كوثر قعدت تبكي قولتلك خلي الواد معايا مرضتيش كنت عارفه انك مش واعية لنفسك وادي اللي خفته منه حصل خنقتيه وانتي نايمة مكنتش قادرة أتكلم من الحزن واليأس كوثر جابتلي الشربة خدي دي وانتي هتستريحي احنا لازم ندفن الواد من غير ما حد يحس شربت شروق الشربة المخدرة المخلوطة بالهيروين حست بخدر في جسمها نسيت حزنها وهمومها ونامت

شريف كان بيعاملها معاملة وحشة جدا كل شوية يذكرها انها قتلت ابنها بإيده لل هروب من الإحساس بالذنب كانت شروق بتطلب الحساء من كوثر وكوثر كانت بتديه ليها بسعادة وحملت شروق مرة تانية بطنها اتنفخت برافو عليك يا شريف والله احنا عايزين أطفال كتير متقلقيش يا كوثر هخليها تحمل زي الأرانب ومرت الشهور بسرعة شروق ربنا رزقها بطفلة جميلة المرة دي كان مقرر إنه عينها مش هتغفل عنها أبدا هتلعب معاها وتستمتع بضحكتها

هتشوفها بتمشي قدامها وتجري وراها في الشقة كوثر سابت الطفلة مع والدتها شريف انجزي يا كوثر الجماعة مستعجلين كوثر اصبر شوية البت واخده بالها قوي المرة دي والشربة راحت فين؟ متنسيش انها مدمنة ضحكت كوثر أنا معطيتهاش مانعة عنها الحساء لحد ما تفور تخيل جسم شروق بدأت تطلب الحساء كانت هتبوس على رجل كوثر أول ما خلصت الحساء نامت كوثر خدت الطفلة ومشيت وزي كل مرة شروق بتفتح عينيها على ضرب شريف اللي بيكسر عضمها

نمتي وسبتي بنتك لحد ما ماتت صرخت شروق ماتت إزاي أنا كنت واخداها في حضني وبعد كده إيه اللي حصل؟ معرفتش ترد مش فاكرة حاجة مش فاكرة يا شريف مش فاكرة خنقتيها زي ما خنقتي ابنك انتي مش أم انتي قاتلة اترمت شروق على الأرض تبكي وتندب وفقدت وعيها خرجت كوثر وشريف ورجعوا آخر الليل كوثر شفت أنا عملت إيه شفت الاتفاقات إزاي طلبت ضعف المبلغ وخدته لصراحة يا كوثر انتي فظيعة مجرمة ماله إيه يا واد دا أنا كوثر والأجر على الله

باب غرفة شروق كان مفتوح كوثر دخلت الأوضة ملقيتش شروق راحت فين بنت الكلب دي؟ بتبص لقيت شروق مرمية في المطبخ نايمة ضربتها برجليها شروق قامت بتعملي إيه هنا يا زفت؟ شروق كنت عايزة الشربة دماغي هتنفجر كوثر اديتها الحساء شروق شربته ونامت شريف لكوثر تفتكري البنت دي سمعت حاجة؟ كوثر لا مسمعتش هي عارفة نفسها فين أصلا؟ وريني همتك بقا عايزين واحد تاني شريف متقلقيش هخليها تحمل في تؤام

في اللحظات اللي شروق كانت بتستعيد فيها وعيها كانت بتسأل نفسها هما كانوا بيتكلموا على إيه؟ في مرة سألت كوثر انت شفتك يا كوثر واخده بنتي وخارجة من الغرفة كوثر وهي بتتصعب تهيأوت يا بنتي تهيأوت ربنا يشفيكي لكن شروق كان عندها شكوك أقرب للحقيقة حملت شروق مرة تالتة وقضت شهور الحمل نايمة مش حاسة بأي حاجة في يوم كوثر نسيت تديها الحساء وكانت قاعدة مع شريف في الصالة البنت قربت تولد اتفقت مع الناس؟ شريف أيوه اتفقت كل حاجة تمام

بعد ما شروق ما تولد عايزين نخلص منها البنت أسألتها كترت واحنا مش ناقصين مشاكل سمعت شروق كلمة نخلص منها وجسمها كله ارتعش دول بياخدوا عيالي حضنت معدتها مش هسمح لأي شخص يلمسك يا حبيبي زي أخواتك متخافشي طلبت شروق من كوثر أنها تصنع الحساء بنفسها كوثر وافقت تسمع كلامها بالحرف تطيعها لكن مكنتش بتشرب الحساء في الأول حست إن جسمها بيتقطع صداع عرق حست إنها هتموت كل ما كانت تضعف كانت تفتكر صورة أطفالها وهما بيتاخدوا منها

لحد ما بدأت تتعافى وكانت بتحاول تتذكر الأيام المنسية الممسوحة من ذاكرتها كانت عايزة تعرف إيه اللي حصل