تحميل رواية «ذنوب على قيد الغفران» PDF

فهد: كمت نزلت جوه اشرب ماي. البيت هدوء. الابره اذا تذبها تسمع صوتها. دخلت للمطبخ وجان اشوف مرت فيصل نازله بملابس النوم. دنكت راسي بسرعه وصحت: شنو هاييييي؟

ساره: فزيت.. لفيت الروب على جسمي بسرعه. اسفه ما اعبالي انتو كاعدين.

فهد: درت وجهي. مو عيب عليج تنزلين هيج؟ وين كاعدين ببيت دعاره احنه؟ امشيييييي ولييي لغرفتتتتج. هو الصوج مو بيج صوج التيييس رجلج الي خلاج تنزلين بهالمنظر. يييييييله ولي ليش واكفه.

ساره: بخوف. حاضر حاضر.. صعدت ركض فوك. يمه هذا شبي شدعوه شكد عصبي.

فيصل: شبيج؟

ساره: بارتباك. هيج ماكو شي.

فيصل: وين الجاي؟

ساره: حسيت نفسي تعبانه ما كدرت اوكف فصعدت.

فيصل: خلص ارتاحي. اني اكوم اسوي جاي لروحي.

ساره: لزمته بسرعه. لا لا خليك يمي حباب كلش تعبانه.

فيصل: ماشي.

فهد: يعني مو وضعيه هاي. انوب الواحد حتى ابيته مياخذ راحته. شهالهيلكه هاي وين كاعدين احنه؟ ومن شوكت الجناين ينزلن بهالمنظر هذا وكأن هالشي جدا عادي. اصلا اخواني شلون يقبلون ما ادري. شربت ماي وصعدت لغرفتي حتى انام. ورايه دوام الصبح.

***

الساعه 7 صباحا.

غنى: كعدت الصبح سبحت وبدلت واطلعت. مريت على غرفه فهد. ابتسمت بهدوء. والله مكانه خالي. طلعت من الشقه قفلتها ورحت يم المصعد. لكيت ثنين ولد واكفين يمه. درت وجهي اريد انزل من الدرج. سمعتهم يحجون.

الولد الأول: اكول شو استاذ فهد هالايام هواي جاي نشوفه على غير العاده.

الولد الثاني: يجوز عنده شغل بالعماره.

الولد الأول: اي شغله بالطابق الرابع. بس تصدك خوش شغل. الله يقوي.

الولد الثاني: شنو قصدك؟

الولد الأول: هيج. يله تعال.

غنى: امشي واتذكر كلام هذا الولد. شنو قصده؟ حاولت افهم كلامه بس مستوعبت شي. معقوله يقصدني؟ لالا شنو يقصدني؟ اصلا فهد من يجي محد يشوفه. نفضت الافكار الي ابالي ورحت للعبريه. صعدت متوجهه للكليه. اول ما وصلت كعدت اراجع شويه ودخلنه للامتحان. يارب كون الاسئله سهله يارب.

جعفر: شبيج غنى ليش ترجفين؟

غنى: استاذ خايفه.

جعفر: خليت الورقه كدامها. اهدي انتي شاطره واكيد راح تجاوبين لتخافين. الاسئله سهله واني موجود. اي شي تحبون اوضحه بالاسئله ما عندي مانع.

غنى: شكرا استاذ. سميت بسم الله وباوعت للورقه. قريت الاسئله وحسيت مي بارد ونزل على كلبي. اخذت القلم وبديت اجاوب. كملت اول وحده الحمدلله. ضلينه فتره كاعدين وسلمنه اوراقنه وطلعنه.

جعفر: شلونج بالامتحان؟

غنى: عاشت ايدك استاذ. الاسئله كولش سهله.

جعفر: ابتسمت. الاسئله مو سهله انتي شاطره. وانتي نرجسو شلونج بالامتحان؟

نرجس: ما مجاوبه وبالعباس اذا رسبتني ياجعفر اخلي ابويه يطردك من البيت. انت شنو الله مسلطك علينه بلاء؟ شهالاسئله ادري جابر بن حيان احنه؟ ليش اسئلتك صعبه حرام عليك هاي اخر سنه صمطت ابهاتنه.

جعفر: بحده. ادبسزز حيوانه. شنو صمطت ابهاتكم؟ بسيطه خلي نرجع للبيت واعرف شسوي وياج اذا ما ارسبج اطلع مو خوش ادامي.

نرجس: اصلا انت مو خوش ادمي.

جعفر: خزرتها. ولج.

نرجس: انت اسمك جعفر موخوش ادمي. شبيك؟

غنى: هذا العرك كله واني واكفه على جهه ميته من الضحك. خرب يومج نرجس شلون تلاسنه وهو يتخبل من تلاسنه. همزين ماكو احد بالقاعه.

نرجس: طلعنه. انتي ضحكي ضحكي.

غنى: هههه والله العظيم شكلكم تموتون من الضحك. مكدرت اسيطر على نفسي.

نرجس: دتعاي خلي نكعد وسنكري براحتج. رفعت ايدي. الله لا ينطيك ياجعفر يا ابن جليله. عساك باسهال معوي يخليك اليوم كله بالحمام على هالاسئله هاي.

غنى: عززه بعينج نرجس. على حساب الامتحان تدعين على اخوج هيج؟

نرجس: ولج مو انتي متدرين بي يسوي خباثه ويانه يجيب الاسئله صعبه.

غنى: ليش والله اسئلته سهله.

نرجس: طبعا عندج سهله مو انتي مهكره الكتاب كله. تعلميني بيج.

غنى: ضحكت. والله عندج مصطلحات مدري منين تجيبيها. ديله تعاي نروح يم اروى.

نرجس: اي يله.

***

فهد: دكيت الباب ودخلت. صباح الخير.

غانم: ابتسمت. صباح النور. هله بالسبع. شلونك؟

فهد: كعدت. الحمدلله. انت شلونك؟

غانم: والله جنت شايل هم وخايف عليك بس الحمدلله عدت سلامات.

فهد: اكدر اعرف ليش خليتني مختفي كل هالفتره؟ السالفه ما فهمتها بشكل واضح. منو الي مبلغ واصلا شمدري اني بالاستخبارات؟

غانم: مو صعبه يعرفون. هذوله ايدهم طويله وسهله عليهم يطلعون اي واحد. واحمد ربك لو ما احنه متسترين على هويتك تستر تام جان انت هسه بخبر كان.

فهد: ليش؟

غانم: مو الي مبلغهم كايل الي تسبب بالقبض على هالعصابه ضابط يشتغل بمركز (...) بس منو ما عرف. لهسبب كتلك اختفي وبلغت انو انت وكم ضابط رحتو انذار للبصره حتى الشبهه تطلع منكم.

فهد: معقوله واحد من الشرطه؟

غانم: لا طلع فراش يشتغل هنا. بس ما اكدر اتحرك خطوه وحده ضده قبل ما اوصل للي اريده.

فهد: بابتسامه جانبيه. تريد تراقبه حتى تعرف وين مكان هالانذال بالضبط مو؟

غانم: عفيه بس انت تفتهم. احنه ساكتين عليه بلكي يسويله فد عمله تدلينه عليهم. والله متحلف بيهم تحلفه بس عد الله خبرها.

فهد: اي. اباوع دخلو جماعتي.

مهيمن: هله بابو الفود. شلونك؟

ايمن: بضحكه. شلونها البصره؟

فهد: هله بيكم. والله طلعت البصره على بعد نص ساعه من بغداد. تخيلو.

الشباب: ههه.

عمر: شخبارك صار اسبوعين وجهك ماشايفي. بس تدري راسنه بارد لا اكو واحد يصيح ولا يتعارك.

فهد: وراكم وراكم لو تطلع نخله براسكم ما اعوفكم.

حيدر: مبروك الترقيه فهد.

فهد: باستغراب. اي ترقيه؟

غانم: اجه كتاب بترقيه الضباط ومن ضمن المترقين انت. فمبروك تستاهل.

فهد: الله يبارك بيك. باوعت للشباب. وانتو؟

عمر: احنه بعد كتابنه ما وصل.

حيدر: ولا راح يوصل. الاستاذ فهد اولى منه. احنه بيش كيلو؟

فهد: كمت من رخصتكم اني اروح اشوف شغلي بدل هالحجي الماله داعي. باوعت لعمر. اريد اسم الشرطي الي مشتكي عليه فوراً.

عمر: هاي بعدك متذكر السالفه؟

فهد: بهدوء. اعتقد كلامي واضح. اسم الشرطي الكه على مكتبي وفورا. طلعت من المكتب دخلت لمكتبي وبديت اشتغل. شويه واجه عمر انطاني اسمه. كمت دزيت عليه. اجه للمكتب.

الشرطي: سيدي ردتني.

فهد: تعال استريح.

الشرطي: كعدت. خير سيدي.

فهد: كمت وكفت كباله. دنكت. اني شوكت اعتدت عليك؟

الشرطي: هاا؟

فهد: عبالك ماراح ادري مو؟ تره ماكو سالفه تنضم بالمركز اول وتالي توصلنه الاخبار. احجيلي ليش كايل للشرطه الي وياك اني اعتدت عليه واني ماشايفك غير مرات معدوده وحتى ما متعامل وياك؟

الشرطي: سيدي والله جانت بابة شقه. ما ادري شلون دره المسوؤل.

فهد: رفعت حاجبي. بابة شقه كتلي. زين شنو رأيك نسوي الشقه جد؟

الشرطي: بارتباك. ش شنو؟

فهد: جريته من قميصه. شوف ولك تره اني روحي خلصانه وما ناقص. هسه الزمك اخليك جنازه. والله لتخليني اشد وياك واخليك تستقيل. روح اسأل الي قبلك شسويت بيهم من لعبو بذيلهم. اني محترمكم ومخليلكم قيمه. انتو هم احترمو نفسكم. والله العظيم اذا اسمعكم جايبين اسمي حتى لو بمدح انعل والديكم. فتهمتتتتتتتتت.

الشرطي: فتهمت فتهمت سيدي.

فهد: دفعته. يله امشي اطلع. وحسك عينك صوتك اسمعه.

الشرطي: حاضر سيدي.

فهد: طلع واني رجعت اكمل شغلي. اجاني اتصال. شفتها مروه اول تالي تخابرني. الوو.

مروه: هلوو فهد شلونك؟

فهد: هله بيج مروه. خير مخابرتني خو ما صاير شي؟

مروه: لا ماكو شي بس طلعنه من وكت اليوم. وجاي اخابر على حارث بس ميرد.

فهد: تردين امر عليج؟

مروه: اي ولو زحمه عليك.

فهد: بس اني هسه بالدوام. يله لتشيلين هم. هسه اخابر علي يمر عليج.

مروه: هاا لا ماكو داعي لعد راح ارجع ويه وحده ويانه.

فهد: عليمن تكلفيها؟ هسه علي يجيج هو دوامه قريب عليج.

مروه: لا شكرا. هسه راح اروح ويه صديقتي. زحمتك فهد. يله باي.

فهد: لا ماكو زحمه باي. سديته ورجعت اشتغل.

مروه: افففف. خابرت شهد. الووو الخطه فشلت يفهيمه.

شهد: شنو ما قبل يجيج؟

مروه: لا بس طلع بالدوام وكلي راح اخابر علي يجيج.

شهد: شكد فكر انتي. يله مو مشكله نفكرلج بخطه ثانيه.

مروه: الله يستر من خططج الفاشله.

شهد: هسه صارت خططي فاشله. نسيتي سالفه المختبر القديمه لو لا؟ اصلا لو ما اني مطلعتلج هالخطه ما جان فهد وصلج ولا استفردتي بيم.

مروه: ضحكت. ديله خلي اروح باي.

شهد: باي.

***

غنى: كاعدين بالمحاضره الاخيره ونرجس بس تحجي. اريدها تسكت ماكو مستمره بالسوالف.

نرجس: سمعتي اروى اليوم اخوها الصاك يجي ياخذها.

غنى: كافي سكتي راح تنتبه الاستاذه.

نرجس: ديله عاد هي شلونها.

الاستاذه: نرجس كافييي. شكد تحجين بعد. اذا اسمع صوتج اطردج بره.

نرجس: ما سويت شي حتى تطرديني. اصلا جنت اتناقش ويه غنى بالماده لان مداستوعبها منج.

الاستاذه: متستوعبيها شنو اني هنا الاستاذه مو غنى. عندج شي ترديله توضيح كليلي اعيدلج الشرح مو تضلين تحجين ويه زميتلج.

نرجس: ست غنى تعرف توصل المعلومه اكثر.

غنى: خزرتها. همست. كافي نرجس حرجتيها.

الاستاذه: انتبهو رجاءا وخلو منقشاتكم وره المحاضره خوش.

غنى: خلصت المحاضره وطلعنه للبيت. راحت نرجس واني طلعت اتمشى للشارع العام. امشي وما احس غير سياره تصف كبالي. نزيت اباوع هاي سياره فهد.

فهد: نزلت الجامه. الله يساعدهم.

غنى: تنهدت وكفت. كلبي والله.

فهد: كلشي مابيج. باوعتلها. هاا راح ترحين عبريه؟

غنى: اي.

فهد: رجعي لمكانج واني اوصلج.

غنى: لا شكرا فهد. روح لاروى منتظرتك هي وبتول. يله اني اروح مو حلوه وكفتنه هنا. باي.

فهد: ديربالج على نفسج.

غنى: صار.

فهد: حركت السياره للكليه. وصلت لكيتهن واكفاتلي بره. صعدن.

اروى: شلونك فهد؟

فهد: الحمدلله.

بتول: يمه متت من الحر. اعلك التبريد فهد.

فهد: تره الجو بعده بارد. وينج وين التبريد؟

بتول: والله حاره فهد. شوف وجهي صار احمر.

فهد: باوعتلها. وين الحمار بالموضوع؟

اروى: خليت ايدي على حلكي. يله فهد حرك تره ميته من الجوع.

فهد: يخسى الجوع. هسه ثواني وانتي بالبيت.

اروى: بعد كلبي.

فهد: وصلنه للبيت. نزلنه. قفلت السياره ودخلت. سلمت وصعدت لغرفتي. سبحت ونزلت. لكيتهم صابين الغده. كعدت حتى نتغده.

سعاد: فهد باجر اريدك تروح ويايه حتى نرجع مرت اخوك.

فهد: واني شكو بمرت اخويه؟

سعاد: مو ابوها يعزك وميرفضلك طلب.

فهد: شنو ثارد وياا للعجز ويعزني؟ تردين روحي انتي والحجيه قنعنها.

فيصل: فهد لخاطر ربك روح حاجي ابوها لان مطنكر وميقبل ترجع واني اريد مرتي.

علي: وانت اذا تريد مرتك ليش تزوجت؟

فهد: يله جاوب.

فيصل: باوعت لساره. موضوع زواجي الثاني لحد يدخل بي. الاء مرتي وام جهالي مردها لازم ترجعلي.

ايمان: هذا عين العقل ابني. لازم ترجع مرتك. اذا مو لخاطرها لخاطر جهالك.

سعاد: اسمع فيصل. اذا رجعت الاء ساره تطلع.

ساره: شلون شلون يمه؟ والله باحلامج نايمه على كلبج. وبهالبيت ما اطلع منه اله اصير جنازه.

فهد: ذبيت الخاشوكه بهدوء. اشو انتن تحجن بكيفجن؟ وحده تطرد بكيفها والثانيه متقبل تطلع. مو جنجن رحتن زايد. خلن كلامي حلقه بأذنجن. بهالبيت اني الي اقرر منو يبقه ومنو يروح. فتهمتن لو اعيد؟

ساره: لا عيوني شتعيد. افتهمنه كلشي ولا تضوج انت.

فهد: باوعتلها صفح وكمت. غسلت واجيت كعدت. اجتني رساله من غنى. فتحتها لكيته مصوره كدر دولمه وكاتبه "اليوم سويت الغده دولمه وتذكرتك". ابتسمت. مراسلها.

سعاد: اباوع لفهد مدري منو راسله وحلكه انشرك من الاذن للاذن. والله سالفتك مو خاليه يا ابن ايمان. وياخوفي يطلع الي ابالي صحيح.

بتول: فهد ضحكنه وياك تره ضايجين.

فهد: سوالف كبار. بعدج صغيره.

ورده: هيهييي. دي كبهتك طارت في السما.

فهد: ورده تأدبي.

ورده: مالك يمرسي ما انت كنت عسل وزي الامر. مالك مكنت كويس حصلك ايييه؟

فهد: ضحكت بصوت عالي. ولج انتي وتالي ويه سوالفج المكسره هاي. بعد ماكو تلفزيون.

ورده: لا والله هاي حولنه على اللغه العراقيه.

ايمان: اسمها لهجه يحظي.

ورده: نفس الشي يمه.

فهد: كتبت لغنى. تره شهيتيني.

غنى: اضملك؟

فهد: لا شتضميلي. ما اكدر اجي اليوم. بس اطلبج تسويلي من اجي.

غنى: صار.

فهد: عندي سالفه وياج بس مو هسه احاجيج بيها لان مالي خلك. من يصيرلي مجال احاجيج.

غنى: ماشي.

فهد: كمت صعدت لغرفتي بدلت ونمت.

***

بعد اسبوع.

غنى: صار اسبوع على روحه فهد ولسه ماشفته بعد. كضيت هالاسبوع ملتهيه بين الامتحانات الي مدتخلص وبين خالتي الي شكل سفرتها مطوله. لا وهواي هم. من غير تلمحيات واحد من سكان العماره كلما يشوفني يذبلي حجايه. والمشكله الحجي كله شفرات وما افتهم شي ابد. طلعت اذب الزبل وشفت ود والحجيه اشواق. سلمت عليهن بس جان سلام ود شويه ثكيل. يجوز اني اتوهم. دخلت للشقه سديت الباب وكعدت اقره. حياتي عباره عن روتين. ومرات فهد يخابرني يسأل عليه او يحجيلي عن يومه. وهالشي كان كفيل بأنو يغير مودي.

***

ايمان: يمه شبيك تفرفح؟

فهد: يمه يعني ميصير مو وضعيه هاي. مرت فيصل ما مخليه حشمه واحترام لأي احد بهالبيت. الف مره كتلج حاجيها على لبسها. ما كاعده وحدها هي وياها تلث زلم.

ايمان: حاجيتها يمه. تكلي صار وترجع على لبسها. ولا جني حاجيتها. شسويلها يعني؟

فهد: شوفي اني بعد ما اتحمل تره. اكل لفيصل وساعتها هو يتصرف. شنو مرته تنزل لافه روب نوم على جسمها لو تلبس كدامنه تراكات حتى داخليات ماكو جواهن. مو وضعيه هاي. مره ثنين عشره غلست. بس لهنا وكافي. الى متى اضل خال راسي بالكاع؟ مو ركبتي انكسرت من وراها.

علي: صحيح حجي فهد. يمه مرت فيصل كلش اوفر بلبسها. حتى حجابها مو صحيح. تنزل مطلعه كذلتها. وين كاعدين احنه؟ حتى لو اخوان رجلها بس مهما يكن الاحتشام مطلوب.

ايمان: يايمه فهموني شسوي. مو طلع شعر بالساني واني احجي وياها وهي تنطيني الاذن الطرشه.

علي: وتالي يايمه شلون نبقه هيج متضايقين بالبيت؟

فهد: على حسب كلامكم هو مو جان مكعدها بمشتمل ليش ميرجعها لهناك ويفضنه؟

ايمان: باعه يحظي اول ماجابها لهنا راح باع المشتمل.

فهد: مسحت على وجهي متنهد. سمعوني زين. اقسم برب العزه اذا تكررت كدامي هيج مواقف اسحلها كدام الكل واغسلها غسله بحياتها ما شايفه مثلها. تره لعبت روحي. اصلا بالبيت ماراح ابقه. رايح للحجيه احسلي. شنو عايزني اني. عفتهم وطلعت.

ايمان: يعني اخلص من الاء تجيني الانكس منها وتالي ياربي.

فهد: رحت لبيت جدي. دفعت الباب ودخلت. لكيت الحجيه كالعاده متربعه بالكاع ومدري شتسوي. سلام ياحلو.

ياسمين: شلت راسي. منك من الشيطان اول تالي تجي يمي.

فهد: بست راسها. حقج عليه بس والله مجال ماعندي. الشغل هاتكني ما الحك احك راسي. خاصه هالاسبوع.

ياسمين: ياحبيبي ارحم روحك. مو كلشي شغل شغل. انطي فنتك لنفسك تره الراحه لازمه.

فهد: عمي ما اريد راحه بس شويه خلي مشاكل البين تخف. لان طلعت روحي.

ياسمين: هم بعدها سعاد تسوي مشاكل؟

فهد: ليش من شوكت سعاد وجهالها كعدو راحه؟ دومهم مجزعينه.

ياسمين: ميخالف يمه تحملهم. مهما يكن يبقون اخوتك وامانه ابوك.

فهد: هزيت راسي. كعدت فتره يمها وطلعت. خابروني الولد حتى نروح للملهى. رجعت للبيت سبحت وبدلت وطلعت.

ساره: كاعده بالصاله وشفت فهد نزل. اباوعله لابس قميص نيلي وبنطرون اسود ويفر بالسويج مال السياره.

فهد: يمه اني طالع.

ايمان: براحتك يمه بس مو تتاخر. واذا تأخرت خابرني.

فهد: ماشي. طلعت اخذت سيارتي ورحت للملهى. وصلت وره فتره صفيت سيارتي ونزلت. دخلت لكيت الشباب كاعدين على نفس الطاوله الي دائما النه.

مهيمن: الواحد يسلم بالاول.

فهد: اشرت للنادل. مو شفتكم الصبح. شنو كل ساعه نسلم؟

ايمن: صدك عود ليش تجي اخر واحد؟

فهد: انتو جنكم ماشايفين تجون اول الناس. شسويلكم؟

عمر: دهاك اشرب.

فهد: ما اشرب من واحد وهالنوع. مو ما احبه.

عمر: بكيفك.

مهيمن: تدرون منو شفت هنا؟

فهد: منو؟

مهيمن: اللواء جميل.

فهد: ليش هو مو مزوج؟

عمر: واذا مزوج شكو بيها؟

فهد: شكد عقول نكسه انتو. اذا هو مزوج المن يجي لهنا؟ عليمن تزوج اذا يخون مرته؟

ايمن: يعني تقنعني اذا تزوجت ماراح تجي لهالمكانات بعد؟

فهد: طبعا لا. لان اذا تزوجت اكيد راح اكون مكتفي بزوجتي بحيث ما ادور وراها.

مهيمن: الله عليك. وداعتك هذا بس حجي. باجر عكبه نلكاك تندب حظك هنا.

فهد: لتخاف مو بس حجي. المستقبل يثبتلك هاي. اذا تزوجت طبعا.

عمر: هههه عرفت راح تحجي هالحجايه.

فهد: رفعت الكاس. يله انجبو خلي نتابع الفقرات. ماشاءالله كل الراقصات اليوم يعانن انتفاخ بالعضلات الخلفيه.

الشباب: ههههه.

فهد: ضليت كاعد ساعتين وطلعت لفرح. وصلت للبيت فتحت الباب ودخلت. لكيتها كاعده.

فرح: شفت فهد دخل عليه. كمت بسرعه بسته وحضنته. مشتاقتله هواي صار فتره طويله ما شايفته. شتاقيتلك حبيبي.

فهد: طبطبت على ظهرها. شلونج؟

فرح: الحمدلله. تفضل اكعد.

فهد: شلونج بهالفتره؟ خو ما احتاجيتي شي بغيابي؟

فرح: لا حبيبي خيرك سابق. كلشي ما احتاجيت غير شوفتك.

فهد: كومي سويلي جو صار فتره كلشي ما محصل.

فرح: باسف. ما اكدر حبيبي مريضه.

فهد: لعد عليمن خبصتيني تعال وتعال. اذا انتي مريضه ليش تخليني اجي؟

فرح: يعني انت تجي لهنا بس علمود تتونس؟

فهد: فرح نرجع نعيد ونسقل بالموضوع. اني اجي لهنا حتى ارتاح. واذا انتي مريضه ليش تخليني اجي؟

فرح: يعني ميصير تجي لهنا حتى نكعد نسولف نحجي؟ مو كلشي نومه نومه.

فهد: فرح احنه تزوجنه على حساب النومه الي ما عاجبتج. والا لو اكو غير سبب المن مبقي زواجنه مؤقت؟

فرح: على طاري زواجنه راح تجدد العقد.

فهد: هزيت راسي.

فرح: شكد راح تجدده؟

فهد: ما اعرف. لسه ما مقرر.

فرح: اكوم اسويلك عشه.

فهد: لا ماكو داعي. راح اروح.

فرح: فهد ما صارلك حتى ربع ساعه. شنو السالفه؟

فهد: من تخلص اجازتج خابريني واجيج. خوش؟ يله تعاي سدي الباب. طلعت منها. باوعت للساعه شفتها بالدعش. بعد وكت. ما اريد ارجع للبيت. حركت سيارتي. خلي اروح اشوف غنى. هناك هدوء يمها واني مالي خلك الهوسه. وصلت للعماره صفيت سيارتي ونزلت. دخلت للعماره صعدت للطابق الرابع. صار بوجهي مازن. واحد مأجر شقه هو وجماعته هنا.

مازن: هاا استاذ فهد. شلونك هالايام؟ هواي جاي نشوفك هنا.

فهد: ببرود. ليش عندك مانع بهالشي؟

مازن: لا عمي لا مانع ولا شي. العماره عمارتك وانت حر بيها. عن اذنك.

فهد: دخلت للمصعد صعدت للطابق الاخير. ضليت فتره بالمصعد اصعد وانزل. استغفر الله. هسه هذا منين طلعلي. رجعت نزلت للطابق الرابع. فتحت الشقه بسرعه ودخلت. اسمع صوت تلفزيون بالصاله. اكيد بعدها كاعده. طبيت للصاله شفتها كاعده على التلفزيون رافعه شعرها كبايه عاليه وتاكل بوشار. اباوعلها لابسه دشداشه قصيره سوده. صارت عيوني على رجليها للحظه. عبالي لابسه جواريب بيض. ما اصدك هذا لون بشرتها. معقوله اكو بشر عدهم هالدرجه من البياض. هااا شو بعدج كاعده. اني حجيت هيج وهي خطيه فزت فزه.

غنى: بسم الله. فهد صدوك تحجي؟ حيصير بيه سكر من وراك.

فهد: ضحكت. خويفه. شبيج؟ تقربت منها اباوع لحلكها صار ابيض. دشوفي وجهج شلون صار. شجاج. صبيتلها كلاص ماي. هاج شربي.

غنى: شربت مي. شعندك هنا؟

فهد: رفعت حاجببي. ليش متقبلين؟

غنى: لا عادي. هلو بيك.

فهد: كعدت. شعجب اليوم مصيفه. من جنت هنا مكبعه اربعه وعشرين ساعه.

غنى: باوعت لروحي. عززه نسيت اني شلابسه. رحت ركض للغرفه بدلت وطلعت.

فهد: ابتسمت. ليش بدلتي؟

غنى: هاا بردت.

فهد: اخذت طاسه البوشار. شجاي تابعين؟

غنى: فلم.

فهد: عليج الله. اقصد شنو نوعه؟

غنى: رومانسي اجتماعي.

فهد: البوشار عايزه شويه ملح.

غنى: كعدت من شفتك وشفتني. تكول الاكل عايزه ملح.

فهد: اباوعلها. كعدت بنهايه القنفه. خليت الطاسه على الطبله ونمت بحضنها.

غنى: فتحت عيوني. شنو هاي فهد؟

فهد: تعبان. لعبي بشعري.

غنى: كوم فهد لتروح تنام.

فهد: لا ما انام بس خلي ارتاح شويه.

غنى: اباوعله غمض عيونه. خليت اصابعي بشعره. وين جنت؟

فهد: بالملهى.

غنى: وكفت اصابعي. بالملهى؟

فهد: غمضت عيوني. اي. ليش مستغربه؟ تحسسيني وكأنو اول مره تدرين.

غنى: فهد هالشي غلط وحرام.

فهد: بهدوء. ما اتقربلهن بس اباوع.

غنى: حركت ايدي على شعره. بس تشوف اشياء ميجوز تنشاف. اضافه انك تشرب والشرب حرام.

فهد: اني ماشارب كدام احد. ولا مسوي دعايه بهالشي. ولا شجعت احد يسوي.

غنى: بهدوء. بس يبقه حرام. بصراحه لو يرجع بيك الزمن هم تسوي هالاشياء؟

فهد: لا طبعا.

غنى: تنهدت بضوجه. دتدمر نفسك يافهد وشنو تاليتك ما ادري. ليش اجيت لهنا؟

فهد: بخفون. ارتاح هنا. البيت كله مشاكل واني مالي خلكهم.

غنى: والى متى تضل تتهرب منهم؟

فهد: ما اعرف غنى. ما اعرف.

غنى: ضليت العب بشعره. اكول فهد انطيني الريمونت من يمك. مجاوبني. باوعتله نام. ياا صدوك يحجي نام. ابتسمت على شكله. انمدت اصابعي من شعره لوجهه. اباوعله عيونه مسحوبات ورموشه طوال. سؤال دائما يخطر على بالي. الولد ليش رموشهم اطول من رموش البنات؟ مع انو البنات يحتاجن الرموش اكثر. تلمست لحيته. مبين هواي معتني بيها. ما فديوم شفتها مامرتبه. لاهي ولا شعره. سحبت ايدي منه. اجيت اكوم كلب جسمه وحضني من الجانب. تصنمت بمكاني وحسيت كهرباء صارت باطرافي. زفرت وحاولت ابتعد بس ماكو. ما اكدر. اذا هو شكبره جنه غول. ضليت كاعده على التلفزيون وهو نايم. والله لو واحد غيرك جان انطيته كفخه كسرت خشمه على هالطلعه هاي. خلص الفلم وفهد لسه نايم. خطيه مبين عليه كولش تعبان. الله يساعد كلبه مشاكل البيت والمسوؤليه كلها على راسه. سمعت صوت موبايله. اخذته شفت مكتوب امي. فهد فهد خاله ايمان تدك عليك. يمعود اكعد.

فهد: فتحت عيوني واخذت الموبايل. فتحته. بنعاس. الووو.

ايمان: الوو هاا يمه وينك تأخرت وشبي صوتك؟

فهد: بخشونه. نايم.

ايمان: وين نايم؟

فهد: غمضت عيوني بحضن غنى.

غنى: سديت حلكه. عزززه بعينك فضحتنه.

ايمان: بحضن منو فهددد؟ وينك وين رحت؟

فهد: وخرت ايدها. هاا يمه نايم عد صديقي. اخذتني الغفه. هسه شويه واجي. فد ساعه.

ايمان: ماشي يمه لتتاخر. الساعه بالوحده هسه.

فهد: صار. سديته ورجعت نمت.

غنى: شهالجفصه الجفصتها. فهد احمد ربك ما سمعتك شكلت.

فهد: جريت اذنها حيلل. منو يجفص؟

غنى: اوي فهد خلعت اذاني.

فهد: والله انتن البنات سوالفجن مكسره. مكضياتها اوي واوي. عبالك واحد جاي. ي......

غنى: لطمت على خدي. عزززه فهددد. شهالفظه هاي؟ مو عيب عليك؟ دفعته من رجليه. كوووم بعد لتحاجينييي. والله زعلت. شلون تتلفظ هيج لفظه كدامي.

فهد: لزمت ايدها. هه اسف يله تعاي بشرفج لعبي بشعري. ايدج غفتني.

غنى: ماكو. يله كوم ارجع لبيتكم. خاله ايمان بالها يمك.

فهد: كمت. الله يطيح حظج. دومج تعاندين. عدلت قميصي. وين مفاتيحي؟

غنى: اخذتهن. تفضل.

فهد: والموبايل؟

غنى: هذا وياا. تفضل.

فهد: تره البوشار عايزه ملح.

غنى: دفعت ظهره ضاحكه. ميخالف اني اكله روح.

فهد: انطيج وصفتي السريه.

غنى: هههه لا شكرا. خلي وصفاتك الك. يله روح لتطلع حجج.

فهد: صدك لا كالو البيت بيت ابونه والغرب يطردونه.

غنى: يله يله اطلع. مع السلامه.

فهد: درت وجهي عليها. هاا تعاندين؟ شو اله ابقه.

غنى: لالا اسفه حقك عليه. روح حباب ليشوفك واحد من الساكنين.

فهد: مديت ايدي بجيبي. طلعت ورقتين. تفضلي.

غنى: لا فهد كولشي مااريد مكتفيه الحمدلله.

فهد: خليتهن بايدها. يله سدي الباب. مع السلامه.

غنى: مع السلامه.

***

صباحا.

اروى: كاعدين بالحديقه نراجع محاضراتنه. ولجن كافييي لوك لوك لوك متشبعن.

نرجس: انتي انجبي. باوعت لغنى. ولج البارحه اجانه ابن الزفره يخبل يخبل.

غنى: ابتسمت. خو انتي كل الزلم عندج يخبلون.

اروى: خليت القلم بحلكي. عندي احساس بيوم زواج نرجس راح تغتصب رجلها وتسويله اعاقه مستديمه. لو من كد ما تجلب بي تخلص طاقته ويروح بيها الرجال.

نرجس: ركعتها بالملزمه. الله يطيح حظج. شكايليلج ما شايفه؟

اروى: حركت حواجبي. ليش يعني انتي شايفه؟

نرجس: يبووووو يحجايه رجعي لمكانججج. ولج والله صاير بيه تصحر كلشي ماكو.

غنى: ضحكت على سوالفهن. دومهن يتناكرن.

اروى: ضلينه كاعدين نسولف حتى المحاضره نسيناها. شويه ومااشوف غير اجت وحده تركض و سحلت غنى من حجابها. يااا.

***

يتبع

التاني والعشرون

#ذنوب_على_قيد_الغفران

#البارت_الثاني_والعشرون

اروى : ضلينه كاعدين نسولف حتى المحاضره نسيناها ..... شويه ومااشوف غير اجت وحده تركض و سحلت غنى من حجابها .... يااا كمنه بسرعه

غنى : كاعده ويه البنات ومااحس غير وحده تجرني من شالي درت وجهي عليها شفتها منو هاي ... شبيج هديني

نرجس : دعوفيها شنو طفله انتي

: انتي انجبي جريتها سمعي ولج فكي ياخه عن مرتضى احسلج والله مياااااااخذج لو تمووووتين

غنى : وخررري عني يامرتضى يابطيخ ... وخري الطلاب دتباوع علينه عيب علييييج

: دفعتها ....بصوت عالي شنو خايفه من الطلاب ام الزززززلم ... خلييي يعرفوج على حقيقتج هاااي الي مسويه روحهاا شريفه ضلت تركض وره مرتضى لمن عافني واجه يخطبهااا حقيييييره احجيييي شسويتيله وخليتي يعوفني

غنى : ضليت صافنه بوجها ... انتي شدتحجين يعوفج شنو اني اصلا شعليه

: مسويه روحج بريئه مو تصدكين كلبي تكطع على برائتج ... هاي كدام الطلاب غنى بواكه زلم ومتستحي مرتضى جان ناوي يخطبني وعافني من وراها لتخافين حبيبتي مياخذج والله ... ولج ذوله صيتهم عالي ميكلبون الفكور المكاديه الي مثلج ولج حتى هدومج تسحتل تردين مرتضى يخطبج الج لج بابا اصحي على روحج

نرجس : امشي ولييي منا وانتو ليش واكفين تباوعون يله فاركو ماكو شي سوء تفاهم وصار بين صديقات يله امشو

اروى : اباوع اجن بنات اخذن هاي البنيه الي تصيح واعتقد راح يوصل الحجي للعميد وتصير مشكله لان الطلاب ميسكتون رغم عدد قليل تجمع واغلبهم مافهمو السالفه .... صارت عيني على غنى سوده عليه شالها مخربط وشعرها طلع اباوعلها كامت ترجف ... تقربت عليها غنى حبيبتي ختولي لتهتميلها

غنى : دفعتها واخذت جنطتي وطلعت

نرجس : وين غنى تعالي مشيت وراها

اروى : عوفيها نرجس خلي تروح راح تنفجر اذا بقت هنا

غنى : طلعت اريد اهج من الكليه كلها على هالموقف الي تعرضتله .... صادفني مرتضى

مرتضى : بخوف شبيج غنى ليش هيج صاير بيج

غنى : بدموع وخرررر عنييي

مرتضى : شبيج فهميني

غنى : بجيت روح يامرتضى حسبي ياالله ونعم الوكيل عليك الله لا يوفقك وعسى حوبتي متتعداك بسببك سيرتي حتصير على كل لسان عفته ومشيت احس دموعي تيزاب وتنزل على وجهي طلعت من باب الجامعه وين اروح يمكن حتى عبريه ماالكه هسه طلعت امشي ودموعي يجرن خابرت فهد ... شويه وفتحه ... تنشغ الووو فهد

فهد : هااا غنى شبيج

غنى : تعال فهد حمووت والله

فهد : كمت شبيج احجي لتخوفيني

غنى : هزيت راسي باجيه فهد الله يخليك تعال اخذني مااكدر اتحرك بعد

فهد : وينج انتي هسه

غنى : يم الشارع العام مال الكليه

فهد : يله جاي انطيني دقايق واني يمج .... سديته بسرعه واخذت غراضي وطلعت دخلت لغرفه غانم لكيتهم متجمعين .... اعتذر على المقاطعه بس سيدي لازم اطلع

غانم : خير شبيك فهد

فهد : ماعندي وقت اجيت ابلغك راح اطلع

مهيمن : عدنه تحقيق بقضيه فهد وين رايح

فهد : طزز بالقضيه عندي شغله اهم يله اني رايح طلعت بسرعه اخذت سيارتي حركت بانزين ومشيت بسرعتي ... ياربي شصاير بيها وليش هيج تنشغ وصلت للشارع العام لكيتها كاعده على الرصيف ... دكيتلها هورن ونزلت

غنى : شفت فهد اجه يركض

فهد : بخوف شبيج منو مسوي هيج بحجابج احجييييي

غنى : تبجي وترجف

فهد : خلص خلص تعالي بالبيت نتفاهم ... اخذت ايدها وصعدتها بالسياره ... رجعت صعدت حركت متوجه للشقه ... شبيج غنى طلعي الدره مو شلعتي كلبي

غنى : ابن عمتك حيموتني وين اهج حتى اخلص منه

فهد : مرتضى ؟ شسوالج هالكوا....

غنى : بدموع خلي نوصل واسولفلك

فهد : وصلت للعماره ونزلنه غنى صعدي انتي واني شويه والحكج خاف يشوفنه احد سوه ... شو باوعيلي مسحت دموعها يله نزلي

غنى : نزلت وصعدت للشقه فتحت الباب ودخلت ذبيت جنطتي وكعدت شويه واجه فهد

فهد : كعدت يمها بس فهميني شبيج وشسوالج مرتضى قسم بالله اذا مسويلج شي انعل والديه ... لزمت اديها احجيلي غنى عفت دوامي واجيتج طاير كد ماخفت عليج

غنى : بدموع شوف جنت كاعده ويه البنات ومااشوف غير وحده تتهجم عليه لعبت بيه جوله ذاك الغلط وذاك الحجي كدام الطلاب طلعتني وحده ساقطه ومعندي اخلاق كله بسبب مرتضى

فهد : شلون يعني

غنى : سولفتله كولشي اباوعله ضل صافن

فهد : كمت وداعه امي لزوعه العافيه وهاي الثانيه بس انطيني اسمها اذا ما اخليها تهج من الجامعه كلها اني ما اتسمه فهد

غنى : لزمته بسرعه اكعد فهد لتتهور الله يخليك

فهد : بعصبيه شنو ما اتهوررررر لج هالسافل حتى بالجامعه من خلصتييييي من سوووالفه شسويله اذبحه واخلص منه يعنييي حتى يعتقج

غنى : بدموع فهد كولشي لتسوي اني خابرتك لان مقهوره واجيت اطك مكدرت احجي كدام البنات بأي شي ملكيت روحي غير متصله عليك

فهد : حاوطتها باديه حاضنها خلص اهدي كافي بجي باوعي لروحج شلون ترجفين

غنى : حضنته وبجيت فهد تعبت والله تعبت الى متى اضل هيج لا بحياتي مرتاحه ولا بدراستي مرتاحه بس اريد اعرف المشاكل ليش مواطنتني هيج ... انت كلي شلون حخلي عيني بعين الطلاب بعد وبأي عين حداوم بعد الي صار

فهد : مسحت على شعرها ... مادام انتي ما مسويه شي انعل امه وابو الي يدنالج لو يسمعج حجايه .... خلص اهدي اني يمج مااعوفج والله

غنى : ابتعدت مباوعتله بدموت متعوفني

فهد : ابتسمت من شفتها مبرطمه مسحت دموعها ما اعوفج نايم على كلبج لحد ما تكليلي كافي انت شكد لزكه عوفني

غنى : ابتسمت من بين دموعي

فهد : اي ضحكي حتى تبين غمازاتج عفيه مو غمازات عبالك حفره انتي كلشي عندج زايد عن حده

غنى : تشهك كد مابجت ... شلون يعني

فهد : بياضج زايد عن اللزم وشعرج طوله زايد عن اللزم وغمازاتج واضحه زايد عن اللزم كلشي بيج زايد عن الحد المطلوب

غنى : عن الشقه فهد هسه شنو اسوي اني

فهد : حاولت ابين هادئ كدامها مع انو اني صاير بارود من جوه .... طبطبت على ايدها لتشيلين هم باجر داومي ولا كأن صاير شي وموضوع مرتضى وهالبنيه عوفي عليه

غنى : شلون اعوفه عليك اصلا معندي قابليه انو اداوم من وره الفشله الي تفشلتها

فهد : غنى تعب اربع سنين تردين تضحين بي على حساب الناس صدك تحجين هاي اخر سنه الج حاولي تضغطين على نفسج وتكمليها وساعتها شتردين تسوين سوي اذا ناسيه اذكرج احنه تزوجنه على حساب نخلص من اهلج وحتى ميدمر مستقبلج هم

غنى : شسوي فهد كلي راح اتخبل المشكله اني ما مسويه شي لأي احد ليش ديصير هيج ويايه

فهد : انتي مو مؤمنه ومتدينه لازم تعرفين انو هذا اختبار من الله يعني اني الي كلشي ما افتهم بالدين اعرف اكثر منج

غنى : تنهدت اعرف هذا اختبار بس شوكت ينتهي

فهد : ينتهي ينتهي وتصير سوالف

غنى : غمضت عيوني

فهد : جريت ايدها مقربها عليه

غنى : بارتباك شدتسوي

فهد : وخرت خصله من شعرها خليتها وره اذنها ملاحظه اذانج جبيره

غنى : لزمت اذني ... جبيره شنو

فهد : هيج غلسي اشاقه وياج

غنى : باوعت لملابسه ... صدوك فهد انت شلون اجيت مو عندك دوام

فهد : هو اني من سمعت صوتج شلون تبجين بقه دين براسي حتى شغلي عفته واجيتج عبالي شو شبيج

غنى : اني اسفه عطلتك عن دوامك بس جنت منهاره ومأجه على بالي غيرك

فهد : طز بالدوام يمعوده همزين ماطلع بيج شي كومي جيبيلي ماي نشف ريكي

غنى : كمت جبتله ماي واجيت تفضل

فهد : اخذته شمسويه غده

غنى : مدفونه

فهد : شنو هاي مدفونه دافنتمن ولج

غنى : ابتسمت المدفونه نفسها الشيخ محشي ... احمي الغده لو تروح

فهد : باوعت للساعه بالوحده اله ربع متسوه اطلع بعد ... لا باقي هنا ... خابرت علي الوو علي من تطلع مر على اروى اني مااكدر اجي اي عندي شغل اكمله وارجع خوش الله وياك

غنى : حروح اصلي ... تصلي ؟

فهد : شلت الكوشه شمرتها عليها امشي ولي عن وجهي

غنى : ااخ خلص براحتك نارك تاكل حطبك

فهد : امشي ام الحطب انتي ووجهج هذا

غنى : رحت غسلت وجهي وتوضيت طلعت بدلت وصليت كملت وكمت دخلت للمطبخ لكيت فهد نازع قميصه ومنطيني ظهره واكف على البراد .... هاا نتغده

فهد : باوعتلها ادري صلاه لو شنو صارلج نص ساعه شجنتي تسوين

غنى : شلت شعري شلون ابطل يعني ما اصلي

فهد : ديله تعاي حمي الاكل خلي اتغده واطلع

غنى : بهدوء اي هسه

_____________________

بتول : علي فهد ليش ما اجانه

علي : صار عنده شغل

اروى : مو وضعيه هاي شغله راح يدمره حتى للبيت مجاي يجي من وره هالشغل

علي : هذا باب رزقه خو مو يتساهل وياا

بتول : ملاحظين فهد هالايام هواي ينشعل اصلا صاير نادرا مينشاف

علي : قابل هو بكيفه اكيد لو بأيده يجي للبيت بس مو بأيده

اروى : سوده عليه الله يساعد كلبه على هالشغل ولو كله من وره مسوؤلهم الحقير كل ساعه مكلف فهد بشغله

علي : ديربالج تحجين عليه خوش رجال .... وصلنه يله نزلن

بتول : نزلت بسرعه دخلت ... خاله وين خالتي سعاد

ايمان : وعليكم السلام ... روحي تلكيها بغرفتها اكيد

بتول : صعدت ركض فوك فتحت الباب ودخلت ... خاله تعاي لحكيلي يمكن كلامج صحيح

سعاد : خير شكو

بتول : مسحت على وجهي خاله فهد مو علساس يجينه طلع عنده شغل ودزلنه علي ... بس اريد افتهم شهالشغل الي يخلي يبقه بره البيت وميرجع

سعاد : اهدي شبيج

بتول : خاله كلنه ندري دوام العسكريين ينتهي بحدود ال 2 او 3 وهسه بال2ونص وفهد ماهو ياشغل هذا فهميني

سعاد : من كتلج عنده وحده ما صدكتي

بتول : ميهمني اذا عنده وحده او لا اخاف يطلع مزوج

سعاد : لا هذا ذكي ميورط روحه ويتزوج بالسر ولو يريد زواج جان تزوج اشو كلشي حاضر عنده ... بس اني الي خايفه منه يطلع الافندي جاي يراهق بهالعمر

بتول : شنو قصدج

سعاد : قصدي ياخوفي فهد يطلع يحب

بتول : ههههههههه

سعاد : قزرقط شبيج

بتول : والله جنت ضايجه وضحكتيني يا خاله ملكيتي غير فهد يحب

سعاد : ليش ميحب شنو مو بشر

بتول : بعد التعذيب والاهاين الي كلاها وهو صغير تتوقعين بقه عنده كلب لا ويحب هم يخاله بسوالفج القديمه ماخليتي شي اسمه مشاعر عده

سعاد : عسى بالمرض اني شعليه المهم عندي فهد يتزوجج الج بالغصب بالرضا المهم يتزوجج

بتول : انتي ليش هيج مصره على زواجي من فهد

سعاد : حتى اامن مستقبل الج يغبره ... لزمت ايدها تخيلي بتول تخيلي هالبيت يصير الج والعماره تصير الج وكل الاملاك الباقيه تصير تحت تصرفج اذا تزوجتي فهد .... ولج والله تعيشين ملكه بس لو تتلحلحين

بتول : ابتسمت وفهد يصير زوجي ويضل يحبني

سعاد : اي طبعا اذا حبج فهد حتى تكدرين تخلي ياخذج ويسافر بره

بتول : لمعت عيونها ... ياريت خاله ياريت قابل اني ما اتمنى

سعاد : ابتسمت .... تمني تمني اول وتالي كلشي راجعلي وراجع لجهالي

________________________

فهد : بهدوء سمعيني غنى باجر ترحين للدوام واي موضوع متفتحين تسوين نفسج مثل الاطرش بالزفه وديربالج تنطين فرصه لمرتضى يحاجيج

غنى : هزيت راسي ... تدري فهد اني متندمه لان سامحته

فهد : هو صوجج بسبب تصرفج هو فكر انو لو شما سوه وياج راح تسامحي لان سواها اكثر من مره ولكه العفو منج فعادي يكررها مره وثنين وعشره

غنى : بخوف واذا تعرضلي شسوي

فهد : حتى اشك ....

غنى : غطيت وجهي كارثه انت اقسم بالله

فهد : اكلج اني نعسان متجين تلعبين بشعري

غنى : لا بله

فهد : اي والله بشرفج جاي من الدوام جدي مستلك واريد انام وذاك اليوم من فليتيني بسرعه نمت

غنى : ابتعدت لوره ... تعال

فهد : نمت بحضنها

غنى : اباوعله كام يتأوهه ... شبيك فهد

فهد : جسمي يوجعني من التعب

غنى : اني اسف... بعدني ممكمله قاطعني

فهد : غنى احنه اخوه واصدقاء مابيناتنه هالرسميات يله اشتغلي تره تتعاقبين

غنى : خشنت صوتي حاضر سيدي

فهد : ضحكت عفيه

غنى : ماكو دقايق ونام مبين عليه تعبان كولش ... رجعت جسمي على القنفه وغمضت عيوني وبعدها محسيت على شي

بعد مرور اربع ساعات

فهد : غافي وسمعت باب الشقه يندك كمت شفت غنى غافيه ... ندستها غنى غنى الباب يندك

غنى : هممم هااا

فهد : كومي شوفي منو اني طاب جوه

غنى : فركت عيوني وكمت شفت العين السحريه هاي ود ... اخذت شالي لبسته وفتحت الباب

ود : السلام عليكم

غنى : وعليكم السلام اهلا وسهلا

ود : بيج اكثر ... تفضلي

غنى : شكرا بس شنو المناسبه

ود : بما انو انتي بنيه وكاعده وحدج تذكرتج وجبتلج كيك

غنى : اباوع عليها تباوع لجوه درت على شنو دتباوع درت وجهي لكيتها صافنه على سلاح فهد ... عضيت شفتي بتأنيب يربي شلون سالفه هاي ... بارتباك ماكو داعي ليش زحمتي نفسج

ود : ببرود لا ماكو زحمه يله باي

غنى : باوعتلي بنظره ابد مو حلوه ... غمضت عيوني معقوله متقصده ... سديت الباب ودخلت ... صحت لفهد يطلع

فهد : منو

غنى : فهد اعتقد ود عرفت

فهد : شلون يعني

غنى : شافت السلاح

فهد : اخذت قميصي عادي اذا سألتج كليلها اخويه جان عندي

غنى : تنهدت فهد لتفهم قصدي غلط بس جيتك لهنا مو نظاميه احس كل الي ساكنين يدرون

فهد : شدراهم اذا اني اجي باوقات كلها تكون بالدوام او نايمه

غنى : يعني تقنعني العماره كلها هنا تداوم وتنام بالوقت الي انت تجي بي

فهد : اعتقد انو اني مامجبور اكعد اوضح لجنابج ولا مجبور اكعد اجذب كتلج اجي باوقات ماموجود بيها احد

غنى : والله فشله هسه شتكول

فهد : شنو شافتج ويه واحد بوضع ... سكتت استغفر الله غنى عقلي خوش ولتضلين تشيلين هم لهذا ولذاك خلي ثقتج بنفسج عاليه وبطلي تخافين من كلشي تره محد اله سلطه عليج ولا لازم سيف على ركبتج ... وهسه تعالي شوفي اكو احد اريد اطلع

غنى : مديت راسي ماكو احد

فهد : يله اني رايح ديربالج على روحج بعد ما اجي وعود اتواصل وياج عن طريق الموبايل

غنى : متجي ؟

فهد : اي انتي مو تكولين جاي يصير حجي خلص لعد بعد ما اجي يله مع السلامه

غنى : بهدوء مع السلامه سديت الباب ودخلت .... اخذتني رجليه للبوفيه طلعت الجفيه مالته قربتها مني اخذت نفس بقوه منها وغمضت عيوني ... بس كليلي شجاج ياغنى

________________________

جعفر : اكول نرجس سمعت اليوم صايره مشكله بين غنى و طالبه من غير قسم وعلساس البنيه ضاربه غنى كدام الطلاب شنو السبب

نرجس : هاا ما ادري

جعفر : ليش حسب الي سمعته انتي جنتي موجوده وكت العركه

نرجس : اي صحيح بس ماعرفت شنو سبب المشكله

جعفر : معقوله نرجس دين الفضول تفوتلها فايته لا وموضوع يخص غنى وتسكت

نرجس : جعفر انت هسه شتريد

جعفر : اريد اعرف شنو سبب المشكله واني ادري بيج تدرين والسالفه مو هينه بس انتي متكتمه على الموضوع

نرجس : شنو عدنه عمليه تسليم مخدرات ونتكتم على الموضوع اني ما ادري ولا اعرف شنو سبب المشكله كاعدين واجتي وحده جنها هايشه هايجه هجمت على غنى الي صارت جنها عصفور مبلل شنو سبب المشكله لا اعرف ولا ادري ولا اتكلم .. خوش عفته وكمت ... الحمدلله كدرت اسيطر على لساني بس ااااخ لو ما ادري بغنى تزعل جان سولفت لجعفر وخليته يرسب مرتضى هالكورس كله ... صحيح ماعرفت تفاصيل الموضوع بس الي اعرفه مرتضى سبب الي صار وهالبنيه تخصه

___________فهد : كاعد وسعاد كل ساعه تذبلها حجايه واني مغلس اريد اعرف وين تريد توصل

سعاد : اي فالزواج استقرار وراحه بناء حياة جديده

ايمان : صحيح

فهد : بهدوء وبعدين ... باوعتلها ام فيصل لنلف وندور دخلي بالموضوع

سعاد : لكيتلك مره تجنن جمال وادب واخلاق وشهاده بس يراد توافق

فهد : وهالمره بتول بت اختج مو

سعاد : هاا لا لا

فهد : اي اي بتول اني اكلج ... شوفي ام فيصل زواج ما اتزوج ولو اريد هاي امي موجوده الله يخليها ويحفظها هي تخطبلي ما احتاج مساعدات تطوعيه من احد

سعاد : انت مو كبرت بعد منو تقبل بيك شوف الشيب ذاك وينه مبين براسك ... عوف الشيب انت كرجال ماعندك رغبات متريد تحس نفسك حالك حال المتزوجين

فهد : من ناحيه هالموضوع لتخافين طاقتي المخزونه متروح بالحمام اعرف وين افرغها وبالنسبه لرغباتي فمو شرط تكون بت اختج الي تلبيها اني وين ميعجبني اروح افرغ

ايمان : غمضت عيوني شلون ويه هالولد الي لسانه فالت وكل حجايه يكطفها عبالك قنبله .... يمه فهد اني تعبت وياك وبعد موضوع الزواج ما افتحه شوكت ما تريد تزوج اني حاضره واروح اخطبلك اكثر من هيج شسوي بعد

فهد : بست ايدها وهو هذا الي اريده تعوفيني على راحتي ... كمت

سعاد : وين

فهد : عفوا ؟

سعاد : استغفر الله هيج ماكو شي

فهد : طلعت صارت بوجهي ساره واكفه تغسل الطرمه ورافعه الدشداشه لفخذها نزلت راسها وصحت انتيي وتالييي وياج يمعوددده انتي ما عايشه وحدج بهالبيت احتشمي شويه

ساره : نزلتها اسفه والله ما انتبهت

فهد : ياخويه مو لعبتيها لرواحنه انتبهي للبسج لخاطر محمد وياج زلم ليش تخلينه نهج من البيت رجاءا خلي لبسج محتشم على الاقل بس بوجودنه وسوي الي تردي اذا احنه ماموجدين عسما تصلخين يطبج عرج

ساره : ضليت صافنه كلاني وشربني بكشوري ... هذا شبي شدعوه هالكد بارود الي يشوفه يكول عنده ثار وياي .... ابتسمت بس خطيه يجوز لان بعده مامتزوج ويشوف هيج مناظر يتسودن ههه

فهد : طلعت اتمشى لبيت جدي دفعت الباب ودخلت ... دكيت الباب الخارجي قبل لا ادخل اخاف البنات هنا

ياسمين : تفضل

فهد : طبيت شفتها كاعده هي وعمتي نسرين ومرتضى ابتسمت اجيت والله جابك ... السلام عليكم

الكل : وعليكم السلام

فهد : بست الحجيه شلونج

ياسمين : هله بعد كلبي

نسرين : يالكاطع ولك كول عندي عمه اخابرها اسأل عليها اشوف شمعتازه شتريد

فهد : حقج على راسي بس وقت ماعندي وداعت مرتضى

مرتضى : الي يسمعك يكول رئيس وزراء

فهد : قصدك رئيس جذب ونفخ مثل الناس مو

مرتضى : شنو قصدك

فهد : حجيه عادي اروح لغرفتج

ياسمين : اي يمه اخذ راحتك وين متريد تروح روح بيتك هذا

فهد : كوم مرتضى اريدك بشغله

مرتضى : شنو هي

فهد : دكوم وافهمك السالفه

مرتضى : كمت دخلت وياا للغرفه ... شكد ما اني اكرهه بس اخاف منه لان ايده والضرب جان يجنزنه احنه ومنذر من جنه صغار لهسبب اكرهه ... كعدت شكو

فهد : كعدت كباله ... مرتضى من الاخير فك ياخه عن غنى

مرتضى : عفوا وانت شكو اني وحبيبتي

فهد : كور ايده بقوه لحد مابين بياضها .... اني وياك نعرف غنى مو حبيبتك ولا راح تصير ... وحجيك هذا كله جذب ... عوف البنيه بحالها احسلك هاي اني جاي احجي وياك بهدوء فحاول تستوعب كلامي

مرتضى : اروى كلتلك لو غنى احجي

فهد : ميخصك منو كلي اصلا مو مهم منين عرفت المهم تعوف البنيه بحالها وتبطل تركض وراها من مكان لمكان وعملتك اليوم وياها يراد واحد يوكلك تبن عليها

مرتضى : يا اخي لتدخل اني وحبيبتي ننجاز انت شكو ابن عمها تعودك شعليك انت اني احبها وراح اتزوجها

فهد : زنكته من قميصه ... شوف ولك غنى مو حبيبه احد ولا راح تصير البنيه كافيه خيرها شرها وما مأذيه احد ويتيمه واليتيم اله حوبه ... خاف ربك وعوفها بحالك يا اخييييييي متريدددك هي كووه

مرتضى : يادين محمد انتتتتت شعليييك

فهد : اله عليه وننننننص راسك اكسررره بعد اذا تقربلتها اقسم بأعز ما املك يا مرتتتتضى اذا سمعت بيك طاخ اظفرها والقران اطلع بروحك وما اهتم لو اذب عليك قضيه واخليك تعفن بالسجن وانيي مو رجااال اذا ما نفذت كلاميي فتهمت

مرتضى : احجي شنطتك وهيج تدافعلهااا هااااا

فهد : ضربته كله براسي خشمه طك دم ... لك انت لو تحبها صدك ماجان حجيت عليها هيج بس انت راغبها وعبالك تقبل بيك فتره وتزحلكهاااا حبيبي غنى مو من هالنوووع هاي تحطك جوه حذائها وتعبر عليك بدون متهتم لتشوفها مؤدبه وهادئه عبالك فقيره تره اذا تخليك براسهااا محد يخلصك منها غير ربك ... شوف يا مرتضى اقسم بديني اذا تعرضتلهاا بعد اراويك نجوم الظهر بعز الصيف فتهمت

مرتضى : بألم ... ليش هيج منتفض وترجف عليها

فهد : دفعته وكع بالكاع ... حجي زايد ما اريد غنى تعوفها وتقطع كل وسيله تواصل بينك وبينها ولو اني متأكد حظرتك من كلشي بس الحذر واجب ... كلامي يتنفذ بالحرف الواحد حتى ما اضطر الجئ وياك لغير اسلوب خوش ... والي صار اليوم هو مجرد درس الك لا اكثر ... فتحت الباب وطلعت

مرتضى : كمت من مكاني باوعت لروحي متألم خشمي طاك دم وفكي ورم .... عساها بأيدك الكسر يا سافل ... اخذت كلينس مسحت الدم عن خشمي وطلعت

نسرين : شبيك يمه شهالدم

مرتضى : يمكن تخربط ضغطي وطك خشمي دم

ياسمين : شبي وجهك ولك ... شنو تعاركت انت وفهد

مرتضى : لا لا حجيه عليمن نتعارك كعدنه نسولف وهذا وجهي من قبل لا اجي هيج انضربت اليوم

ياسمين : بعدم تصديق ... كتلي انضربت قبل لا تجي دكعد اشرب جاي

مرتضى : هسه بس اغسل

ياسمين : طبعا ابنج يجذب فهد ضربه من طبو جوه

نسرين : لا يمه ابني ميجذب

ياسمين : ليش واحد من المعصومين وميجذب دكعدي راحه

نسرين : والله يا يمه عندج طلعات

______________________

ايمان : كاعدين اني وبناتي بالصاله وطبت آلاء هي وجهالها تفاجئنه من دخلت علينه

آلاء : السلام عليكم

الكل : وعليكم السلام

ايمان : كامن البنات بوسنها وهي هم تلكتهن ذاك الملكه الله يهديها

آلاء : طبو ماما طبو هذا بيتكم

ورده : شعجب رجعتي مو علساس جنت ناويه تطلكين

آلاء : كعدت لا حبيبتي هاي لان جنت عصبيه حجيت هيج شنو ترديني اعوف الجمل بما حمل لغيري ماعيب

اروى : بدينه برحمه الله

ساره : نزلت من فوك شفت ضرتي ... خليت ايدي وره ظهري ... ياا حبيبي فيصل وين جنت ضل بالي عليك تدنيت بسته

فيصل : خزرتها

اروى : ماعجبني تصرفها يعني احنه كاعدين واكو اطفال شنو هالتصرفات هاي شنو زعنه المستحه لهلدرجه

ساره : شلونج ضرتي هاا شو رجعتي

سعاد : شنو راجعه لبيتج ام الوصخ

ساره : فيصل اسمع امك شتحجي

فيصل : كافي يله شنو راح تتعاركن ... آلاء حبيبتي كومي ارتاحي فوك

آلاء : باوعتله صفح وكامت صعدت لغرفتها

ساره : كعدت ااه يمه ظهري ... عفيه ورده انطيني كلاص ماي

ورده : مو كدامج الدولكه شهالتنعوص مدي ايدج وصبي لروحج

ايمان : ورده تأدبي شنو جلدج يحكج

فيصل : اي صارلها فتره محد كاتلها جلدها كام يصيح عليها

ورده : اكول صوصو متروح يم آلاء مو احسن من كعدتك يمنه

سعاد : خزرتها اذا فهد ميعرف يأدبج تره اني اادبج

فهد : نزلت تأدبيمن ؟

فيصل : ورده وحده ما مؤدبه ومتحترم

فهد : بله مو عيب عليك رجال شكدك شكبرك حاط عقلك ويه عقل الجهال

ورده : اني مو جاهله

فهد : انتي اكلي تبن ومن احجي لتقاطعيني صايره قليله ذوق ويرادلج تربيه

ورده : كمت وكفت كباله مستهضمه ... بعد ما احبك وان شاءالله يصير بيه مرض ويخلصك مني عفتهم وصعدت لغرفتي

اروى : شجاك وياها فهد تره جانت تشاقه

فهد : تنهدت انتو تطلعون الواحد من طوره ... درت وجهي وطلعت كعدت بره ... كلام مرتضى نرفزني اليوم ما اعرف شلون كدرت الزم نفسي وما اشوه وجهه هسه عليمن كاتل نفسه عليها ما اشوف بيها شي يخلي يستقتل عليها غير اخلاقها ... طلعت موبايلي شفتها متصله اكيد تلكيها مطلعه كتاب لو محاضره دينيه وكاعده تسمع اعرف سوالفها ... خابرت الولد كتلهم يجون يمنه مخنوك مااريد اطلع كمت طبيت جوه ... علي راح يجون حارث ومحسن سوي النراكيل

علي : صار

منذر : شعجب راح يجونه كل مره احنه نروحلهم

فهد : مابيه حيل اطلع ... اروى صعدي لغرفتي جيبي الدومنه من الكنتور وتعاي بسرعه ... هاج المفتاح

ساره : ليش تقفل غرفتك تره احنه بيت واحد

فهد : اعرف بس كمت اقفلها حتى الحشرات متكدر تدخل بغيابي لان اذا اني موجود يخنسن بمكانهن وصوتهن مينسمع

سعاد : باوعتله ودنكت ... ابن سالم ينضم عليك شي

فهد : اجو الولد وطلعنه كعدنه بالحديقه

محسن : لعد مرتضى وينه

سامر : يكول ماله خلك

فهد : اخذت نفس من النركيله ماعرفت شبي

سامر : لا والله بس رحتله شفت وجهه مورم

محسن : خير ياساتر شبي

سامر : علمي علمك

علي : بشر حارث شوكت تعرس

حارث : غير تخلص اخت الشفيه حتى نعقد

محسن : خليها على راحتها لاحك على شلاع الكلب

سامر : احنه سوينه عميله تبادل اخذنه بتكم وراح ننطيكم بتنه

حارث : الله يساعد كلبي بس

محسن : شكلت ولك

فهد : ضحكت انتو من غير شي اربعه وعشرين ساعه مناكر انوب صرتو نسايب لا كملت السبحه

حارث : لا شكو بيها اخذ بت عمي اني اوله بيها من الغريب

فهد : يمعود اني اتخبل من زواج الاقارب اشو شهد تشبه عمي مهدي بس نسخه انثويه شراح تشوف بيها الواحد يتزوح غريبه احسله هم يغير النسل كافي نفس الاشكال تستنسخ

محسن : فهد ما اسمحلك اختي حلوه

حارث : اي صدك شهد تخبل

سامر : اشو انت تتغزل باختنه كدامنه احترم شويه

حارث : باستهزاء العفو العفو

الشباب : هههه

_____________________

غنى : كاعده من السته الصبح وحاطه ايدي على خدي خايفه اداوم كل شويه تجي حسبه ابالي ... اخر كمت بدلت وطلعت ... وصلت للكليه نزلت امشي احس الطلاب كلها تباوعلي دنكت راسي وكملت طريقي شفت البنات كاعدات صباح الخير

اروى : صباح النور البارحه الوقت كله ادك عليج ليش متردين

غنى : مجان عندي قابليه احجي ويه اي احد

نرجس : حاجاج مرتضى

غنى : لا ومااريد اسمع اسمه نهائيا

نرجس :ماعرفتي البنيه ليش هيج سوت تره كل الي نعرفه انو العركه بسبب مرتضى بس ليش انتي ماحجيتي

غنى : هذي حبيبته واجتي تتعارك ويايه لان عافها اني شكو بيهم ماادري تحسسني وكأنو اني كتله عوفها

اروى : خو هو ابن عمتي وميصير احجي عليه بس يربج مو راحه دومه يسوي مشاكل وماخلصانين من مشاكله لا بالبيت ولا بالجامعه

نرجس : مرتضى والده متوفي مو

اروى : اي الله يرحمه يكولون جان خوش ادمي بس هذا مدري عليمن طالع

نرجس : خاف على امه

اروى : ضحكت انجبي ادبسزز لتحجين على عمتي

نرجس : شراح تسوين هسه نونه

غنى : تنهدت اغلس على الوضع شريد اسوي يعني مجبوره اضل ساكته لان اي تصرف اتصرفه هسه ينحسب عليه ... وامانه اذا حاجاجن مرتضى ابد لتنطنه مجال

نرجس : دخلي يجي وشوفي شسوي بي

اروى : هسه عوفن مرتضى اكلجن خلي نطلع سوه اليوم

نرجس : وين

اروى : نروح للمنصور هم نتونس وهم نتعشه بره وباجر اني ماعندي امتحان فاكدر اطلع

نرجس : اني ماعندي مانع بس خلي اكل لاهلي

اروى : وانتي نونه

غنى : اني شنو ؟

اروى : ترحين ويانه

غنى : لا شعندي رايحه روحن انتن

نرجس : ماعليج بيها تروح

غنى : شنو هو بكيفج كلت ما اروح

نرجس : واني كلت ترحين الى متى تضلين حابسه روحج

اروى : حبيبتي نونه اذا على خالتج عادي كليلها اريد اطلع ويه صديقاتي واحنه مراح نطلع وحدنه اني راح اخلي واحد من اخواني ياخذونه واذا امي قبلت خو بعد احسن

غنى : القصه مو على خالتي اني مااحب اروح لهيج اماكن اضوج

نرجس : اني اكلج هسه خلي نكلها نروح نزور تلكيها اول وحده مبدله

غنى : وانتي تجيبين زياره الاماكن المقدسه للمولات والتجمعات السخيفه هاي

اروى : غنى خصم الحجي ترحين يعني ترحين كلتي اي كلتي لا ترحين

غنى : باوعتلهم يعني بكيفجن

البنات : اي

غنى : ابتسمت خلص هاي لخاطرجن ... بس كللي بيش الساعه نطلع

نرجس : الساعه بالخمسه امر عليج اني وجعفر

غنى : بسرعه لالا شنو تمرون عليه ... اني اجي وحدي

نرجس : ليش يعني

غنى : بارتباك مو خالتي تضل تحجي واني مالي خلكها فاني اخذ تكسي واجي لتخافين

اروى : ماشي لعد خوش نلتقي الساعه بالخمسه بالمول ياسلام اليوم اقط فهد خوش قطه

البنات : ههه

غنى : بدت المحاضره وكمنه

نرجس : نونه اذا محتاجه فلوس تره عندي لتستحين احجي

غنى : ابتسمت لا حبيبتي عندي لو احتاج ما اتردد اطلب منج ... يله تعالي دخلنه للمحاضره شفت مرتضى وجهه مورم ... اللهم لا شماته مبين متكول خوش كتله

________________________

فهد : كاعد ودخل مهيمن

مهيمن : هذا التقرير راجعه وشوف شنو بي

فهد : فتحته شنو قضيه جديده

مهيمن : اي

فهد : خير هالمره شكو

مهيمن : وحده كاتله رجلها جابوها للمركز هسه

فهد : ليش كتلته

مهيمن : علمي علمك رافضه تصرح بخصوص اي شي المعزايه كاتلته وذابته بتنور الطين

فهد : دخلي اشوف التقرير وبعدين عود نشوف

مهيمن : تدري خفت اتزوج

فهد : بهدوء ليش

مهيمن : تخيل اذا فد يوم مرتي وصتني على حاجه وماجبتها يمكن تكتلني مثل هاي وتلكوني بالتنور

فهد : ابتسمت طاحظك رجال شطولك شعرضك تخوفك مره

مهيمن : اذا ربك ذاكر بالقران ان كيدهن عظيم شلون متريدني اخاف

فهد : دطلع بره اطلع

___________________

غنى : واكفه كدام الكنتور اباوع شنو حلبس يعني منين طلعلي بسالفه المول اني وجهي وجه مول ... هسه اني شجاني و وافقت اول تالي اسمع كلامهن .... افف اخذت فستان مال طلعه لونه اسود بي حزام عريض داير مداير الخصر ... اخذته لبسته ووكفت كدام الف شالي باوعت لروحي لا بأس اخذت جنطتي وطلعت كعدت بالصاله منتظره مكالمه منهن حتى اطلع



________________________

اروى : نزلت من فوك بسرعه شفت امي وساره كاعدات ... يمه عفيه اريد فلوس

ايمان : شكد تردين

اروى : ورقه

ايمان : ورقه تصرفيها كلها

اروى : لا اكيد بس مو كتلج راح اطلع ويه البنات اسوك فكلت اخذ ورقه اصرف كفايتي وارجع الباقي

ساره : لتنطيها خاله هسه تصرفها كلها شنو هالتبذير هذا ورقه كامله تنصرف بطلعه وحده

اروى : اجيت اجاوبها سمعت صوت فهد وراي

فهد : وين ست اروى شو كاشخه

اروى : همزين اجيت ستوني اجيت اخابرك عبالي طالع

فهد : كعدت شتردين

اروى : اريد اروح ويه صديقاتي للمول

فهد : وحدج ؟

اروى : لا اخلي علي لو امي تروح وياي

فهد : علي طالع وامي ما اعتقد تروح ... كعدي طلعه ماكو وحدج شنو تطلعين بدون رجال وتفترين بالمولات وين كاعدين احنه بلندن

اروى : انتحبت فهد الله يخليك لتخرب طلعتي مو تواعدت ويه البنات حباب لتفشلني

فهد : ويامن راح ترحين

اروى : ويه نرجس وغنى قابل اكو غيرهن

فهد : اني اخذج

ايمان : بصدمه انت

فهد : شبيجن تباوعلي اني اخذج حتى اامن خو ما اخليج ترحين وحدج

اروى : فهد + طلعه ويه نسوان ما اصدك انت تطلع طلعه بيها نسوان

فهد : بهدوء هسه اخذج اني لو طلعه ماكو

اروى : لا لا ميخالف تعال ويايه انت

ساره :خاله خلي اروح ويه اروى والله بحياتي ماشايفه مول

ايمان : يمه اخذي مرت اخوج وياج خطيه

اروى : بس

ساره : حبابه حبابه

اروى : بضوجه ماشي .... راحت ساره بدلت واجت ووراها اجه فهد لابس قميص اسود وبنطرون اسود ... هله فهد لابس اسود هسه يخلي مزاجنه هم اسود

فهد : يله

ساره : خاله اذا كعد فيصل كليله اخذت فلوس من محفظته

فهد : شنو انتي ترحين ويانه

ساره : بابتسامه اي

فهد : والي تروح لمكان عام تخلي حمره حمره صدك تحجين

ساره : هسه امسحها

اروى : خابرت البنات بلغتهن وطلعنه وصلنه للمول شفت نرجس واكفه بره رحت سلمت عليها اني وساره

ساره : شلونج حبي

نرجس : هلو بيج حبيبتي منو هاي اروى شو مشايفتها

اروى : مرت اخويه فيصل

نرجس : هاا

ساره : يله خلي ندخل

اروى : منتظرين صديقتي غنى هسه تجي وندخل

نرجس : واكفه ويه البنات واجه فهد اخو اروى يمه جماله لابس اسود اروح فدوه شهالهيبه ياربي

فهد : باوعت عليهم شو غنى ماهي

غنى : السلام عليكم

اروى : درنه وجهنه عليها وعليكم ... وين صرتي

غنى : باوعت لفهد الي كلب وجهه مااعرف ليش ... مو بيت خالتي بعيد فتأخرت

ساره : هي هاي صديقتج

اروى : اي هي هاي نونه اعرفج هاي مرت اخويه فيصل ساره

غنى : هلو ساره

ساره : هلو بيج

فهد : يله خلي ندخل .... دخلنه للمول هنه راحن لمجمع مال ملابس نسائيه واني دخلت لقسم الالبسه الرجاليه اشتريلي جم حاجه ... اباوعلهن كلهن طوال وخشنات بس غنى ناعمه صاير جنها دوده بيناتهن ... اخذت جم قميص واشتريت قاط وطلعت لكيتهن بعدهن بنفس المكان ... شكد اكره هاي السلعه مال النسوان يلزكن بنفس المحل وتالي ماكو يطلعن ايد وره وايد كدام

اروى : بنات يله نحاسب

ساره : ليش ما اشتريتي شي غنى

غنى : بهدوء معجبني شي

نرجس : يله ... طلعنه احنه والبنات وفهد ورانه يمشي ضلينه نفتر فوك الساعه ومنسمع بس تافأئف فهد مبين عليه جزع من فراتنه

ساره : اكلجن اني تعبت وجعت خلي نكعد

اروى : فهد خلي نصعد للمطعم حتى نطلب شي بارد والجوعان ياكل

فهد : تنهدت يله

غنى : صعدنه على الدرج الكهربائي وهاي ساره موتتنه ضحك متعرف تصعد بي وتخاف ... وصلنه للمطعم كعدنه اني طلبت عصير ونرجس وساره طلبن اكل واروى اكلت موطه فهد كاعد على طاوله ورانه حتى طلباتنه هو جابها ما قبل وحده تكوم بس مدري شبي كالب وجهه عليه

ساره : اكول غنى انتي شتخلين لوجهج

غنى : شنو قصدج

ساره : اقصد يعني انتي هيج بيضه من الله بدون شي

غنى : هزيت راسي

ساره : هنيالج واني اخلي بهالكريمات وارجع لوره وماجاي اصير ولو لنص بياضج صدك حظوظ ناس عدها رباني وناس تعاني

نرجس : قل اعوذ برب الفلق شجاج يمعوده

ساره : تره اني ما احسد شبيج

غنى : ابتسمت عادي حبيبتي احجي الي تردي لتتقيدين ... وبالنسبه للبياض تره مو مقياس للجمال ياما اكو بنات سمر بس ملكات جمال

ساره : زين سؤال جسمج ابيض من وجهج لو لا

اروى : ساره شهالاسئله تره عيب

ساره : غير بنات بيناتنه شبيج

اروى : ميخالف صوتج تره فهد ورانه

نرجس : اكول قبل شويه شفت محل مال اكسسوارات شنو يجنن ... بس ماكتلجن لان جنت جوعانه وتعبانه ومالي خلك فره بعد

اروى : اي خلي نكوم نشوفه اني اريد اشتري ساعه لورده همزين ذكرتيتي

ساره : اني هم خلي امشي رجليه

غنى : اني مالي خلك تعبت انتن روحن واني انتظرجن

نرجس : لا غنى حبابه كومي دشوفي انتي اشتريتي بس قميص دكومي شوفي وتونسي هاي شوفي هسه راح اخابر جعفر حتى بين ما يجي هو احنه نشتري الي نريده

غنى : لا والله تعبت ما اكدر انتن روحن

اروى : ماشي براحتج ... رحت يم فهد ... فهد احنه راح نروح لمحل الاكسسوارات

فهد : متشبعن متملن لعبتن روحي

اروى : شبيك فهد هي طلعه ومره كل سنتين تخلينه انت

فهد : وينه المحل

اروى : جوه هالطابق حتى تكدر تشوفنه منا هذا كبالك شوف كدامك راح نصير

فهد : دروحي .. بس لحظه عندج فلوس

اروى : اي عندي ماصرفت الورقه كلها ... احنه منتاخر هسه نجي لان غنى راح تبقه وحدها

فهد : ليش متروح وياجن

اروى : تكول تعبت

فهد : هزيت راسي

اروى : يله بنات نونه احنه منتاخر عشر دقايق ونجي

غنى : براحتجن .... راحن البنات طلعت موبايلي اكلب بي لبين ما يجن حسيت على واحد مر من يمي شلت راسي شفته فهد ... هلوو

فهد : ببرود منو جابج لهنا

غنى : اخذت تكسي

فهد : باستنكار ... واجيتي ويه التكسي وحدج

غنى : تره انجبرت اجي تكسي قابل العبريه تجيبني لهنا وبعدين تره ابو التكسي رجال جبير

فهد : بعد ممنوع هالشي يتكرر فتهمي

غنى : ماشي ... يعني انت هسه كالب وجهك على حساب جيتي

فهد : حضرتج تطلعين وتطبين بكيفج مافكرتي اصلا انو تكليلي

غنى : ليش انت مو كلت محد يدخل بالثاني شبيك فهد هاي مو حجايتك ... اباوعله سكت

فهد : ليش الجبه هيج مخصره عليج شوفي خصرج شلون مبين

غنى : استغفر الله فهد شبيك هذا فصال الفستان واني ملابسه شي ضيك بالعكس اصلا كل ملابسي عريضهفهد : تشربين شي

غنى : تنهدت اذا ميعجبه الحجي يغير الموضوع ... لا شكرا عصيري لسه ما كملته

فهد : شكد فاهيه دخيل الله

غنى : باوعتله صفح ورجعت اكمل عصيري ... شفت مجموعه بنات اجن كعدن بالطاوله الي بصفنه ... اباوعلهن شنو هاللبس عززه اني من يمي استحيت ولو اني شعليه اتدخل بحياتهن هذا شي يخصهن ... شلت راسي شفت فهد عينه على وحده بيهن هي هم كامت تباوعله ... فهد

فهد : لا رد

غنى : اباوعله هذا صفن ... رجعت باوعت للبنيه جانت سافره ولبسها هشك بشك بس حلوه او طن المكياج خلاها هيج ... ضجت من نظرات فهد الها صحت فهد

فهد : اخذت نفس من الجكاره هاا هاا

غنى : رفعت حاجبي ... تحب اكوم اجيبلك رقمها

فهد : عفوا

غنى : بهدوء ... اكول عليمن هي تباوعلك وانت هم تباوعلها وتتحسر اكوم اجيبلك رقمها حتى ترتاح

فهد : لو اريد انطيها رقمي ما استعين بيج

غنى : قبضت على ايدي بقوه

فهد : حلوه مو ؟

غنى : عفست وجهي وين جمالها

فهد : ضحكت تره احلى منج

غنى : والله عيب عليك تباوع لاعراض العالم تقبل واحد يباوع على خواتك

فهد : اختفت ابتسامه ... اكيد ما اقبل بس اذا تلاحظين هي انطت مجال لو مدنكه راسها ماجان رفعت راسي عليها بعد

غنى : سكتت عنه ... حسيت نفسي مستهضمه معقوله بنظره اني لهلدرجه قبيحه بحيث يكلي هالبنيه المدري شلونها احلى منج ... يطبه طوب هو وياها اني اصلا ليش ضايجه ... وافق شنن طبقه

فهد : شبيهن عيونج

غنى : عدلت نظارتي مابيه شي

فهد : دكت اروى ... الوو هاا وينجن نزلتن للطابق الاول استغفر الله غير تكولن ... يله هسه جاي انتظرني يم البوابه خوش ... كمت يله غنى خلي نطلع وحسبي حسابج اني اوصلج الدنيا ليل هسه

غنى : ماكو داعي هسه اخذ تكسي

فهد : اني جاي ابلغج مو اخيرج يله تعاي

غنى : طلعنه اني وياا نزلنه من المطعم ... دنمشي وصادفتنه وحده شفت فهد وكف ... شبيك فهد ليش وكفت باوعت على نظره شفت عينه على البنيه مبين يعرفها ... منو هاي فهد

فرح : بصدمه فهد

***********

يتبع

طلعنه اني وياا نزلنه من المطعم. دنمشي وصادفتنه وحده، شفت فهد وكف.

"شبيك فهد ليش وكفت؟" باوعت على نظره شفت عينه على البنيه مبين يعرفها.

"منو هاي فهد؟"

"منو هاي فهد وشمعرفها بيك؟"

"منو انتي؟"

"امشي غنى."

باوعتله عاف البنيه واخذ ايدي ومشه.

"فهد مكتلي منو هاي البنيه هسه ليش ساكت احجي."

"سدي حلكج وامشي وانتي ساكته."

وصلنه يم البنات واني الفضول اكلني، معقوله هاي حبيبته؟ لا لو عنده حبيبه جان كلي.

"يله امشن."

"هاي اجه جعفر... باي بنات."

"باي."

صعدنه وفهد الطريق كله موبايله ماسكت لحظه وحده.

"فهد شوف موبايلك خاف صاير شي ماسكت من طلعنه لسه."

"ماكو شي اكيد من الشركه."

"والشركه هيج تلح بالمراسله؟"

صاح: "هو تحقيييييييق لو شنووو؟"

صارت خنسه محد حجيه بعد. وصل لبيتهم.

"يله نزلن."

"هو شغل بعمل لو موصلين غنى بالبدايه؟"

"عندي طلعه ويه جماعتي اوصلها واروح."

"خوش يله باي نونه."

"بيباي غنى."

"باي."

نزلن البنات وحرك فهد.

"تعاي حولي لكدام."

"بهدوء مرتاحه هنا."

"شنو سايق ابوج اني؟"

"لتجيب طاري ابويه فتهمتتتت ومحد جبرك توصلني انت تطوعت معاجبك نزلني هنا."

"اكلج تبن لا انزل اوكلج بأيدي حيوانه."

"هاي الخبصه كلها لان طلعت سوالفك كدامي."

"سوالفيش بت الكلب."

ستهضمت من شتمني فتحت الباب اريد انزل بسرعه داس بريك.

وكفت السياره ونزلت.

"لج انتي خبله شلون تفتحين الباب السياره تمشي لو نازله جان وكعتي وتفلشتي تعرفين شنو يعني تتفلشيييين ثوله انتييي لو تستثولين."

نزلت من السياره.

"معليك انت يطبني مرض لتسوي نفسك مهتم يله وخر عني."

"غنى الناس تباوعلنه عقلي وصعدي لا اجيبج براشدي اكلب خلقتج والله."

"وخر عني فهد... جان ستحيت تشتم رجال ميت وكدام بنته بس انت نازع المستحه فرد مره."

دفعتها دصعدي صعدي... صعدتها كوه وسديت الباب رجعت اسوق.

الطريق كله دموعي تنزل، ما اذاني من غلط عليه كد ما اذاني من شتمني، يعني اهلي لا وهمه عايشين مرتاحين من الناس ولا وهمه ميتين مرتاحين اني كولشي ولا اهلي احسهم شي مقدس واتخبل لو نجاب طاريهم بالموزين.

"هسه غير افتهم عليمن هالبجي."

مجاوبته. وصلني للعماره، اخذت جنطتي ونزلت بسرعه.

"غنى اوكفي غننننننى سمعييي...."

بعصبيه: "يلعن ابو هالطلعه الكشره هاي..."

طلعت موبايلي لكيت كومه رسائل من فرح منهن. "اذا متجي للبيت هسه اقسم بالله احرك روحي وموتي بذمتك."

جاوبتها: "جايج."

حركت سيارتي متوجهلها. وصلت وره فتره فتحت الباب لكيتها كاعده.

"كمت بسرعه منو هاي الي وياااااك بالمول هاا مرتك مووو احجييييي ليش ساكت."

"صوتج لتعلي عليه بت القندره."

"شهالبروده الاعصاب الي عندك هاي.... اشو تحجي ولا كأن شفتك ويه وحده بالمول لا ومنسق ولابس انت وياها نفس اللون وجماله اخذت ايدها ولبستني ورحت ولا كأن اني موجوده... انت اذا عندك مره ليش تزوجتني اذا تحبها ليش تدور وراهااااا هااا."

كعدت: "دكافي اكلان تبن وكعدي صدعتي راسي."

"هاي كعدت احجي فهمني اني غبره وثوله انت فهمني."

"اولا انتي مالج حق تحاسبيني سواء جنت متزوج لو لا... لان انتي زوجه متعه ونسه لا اكثر فعادي لو تزوجت عليج او جنت متزوج قبلج سواء جان مؤقت او دائمي."

"يعني هاي مرتك مو؟"

"خلي ارضي فضولج... لا مو مرتي."

"جاا شتصير منك حبيبتك؟"

"هاي اختي."

"اختك؟"

"اي."

"وليش ما كتلي اختك؟"

"هو انتي انطيتيني مجال خبصتيني جنج كح... عوره كلبتي الدنيا."

مسحت دموعي: "يعني الي جانت وياك اختك مو مرتك؟"

هزيت راسي: "لا."

ركضت حضنته: "تدري اجه كلبي يوكف عبالي تزوجت."

"لو اريد اتزوج ما اخذ اذنج تره."

استنشقت عطره: "اني اسفه حقك عليه بس كد ما احبك اجيت اتخبل لمجرد تفكيري انو اكو وحده سجلت بأسمك."

"اول وتالي راح تجي الي تسجل بأسمي اذا مو اليوم فبيوم من الايام."

"مهمني المستقبل الي يهمني هسه انت ما مزوج وباقي الي."

"اني مو لأحد."

بست ركبته: "ميخالف."

"اكلج خلصت اجازتج لو لا؟"

غمزتله: "تريد اجهزلك سهره؟"

ابتسمت: "ياريت صار فتره مخزن طاقه."

همست: "وطاقتك كلها اخلصها اني وكول فرح كالت."

رحت لغرفتي بسرعه بدلت واجيت شغلت المسجل وبديت السهره او سهره فهد الخاصه.

***

كاعده وخاله ايدي على خدي. رغم بطلت بجي بس احس كلبي موجر احسه غادي نار. فهد كولش قهرني اليوم اسلوبه جان ابد مو حلو يغلط ويتجاوز والمفروض مني اكله شكرا واسكت. ما اعرف ليش دائما انصدم بالاشخاص الي الهم مكانه خاصه بكلبي المشكله كل شخص اكون اله صوره حسنه ببالي يثبتلي العكس.

رفعت راسي للسما يارب واسمك تعبت، اريد يوم واحد بس يوم واحد انام واكو فرح بداخلي.

طلعت موبايلي اتمنى لو بيبي موجوده واكعد احجي وياها. اووف شكد صعب شعور الوحده. شعور ماله وصف تحس نفسك تايهه رغم الناس حواليك بس تشوف نفسك وحيد تشوف نفسك غريب عن هالعالم.

يا ترى لو اهل بابا محتضنينه اني ومروان مو جان احنه هسه مرتاحين مو جان هسه مروان كاعد ديحضر لامتحانات الثالث.

كمت طلعت شهادته من كنتوري اباوعلها واحس كلبي يحترك نار نار متنطفي بيه ابد. حبيبي طلع من الاوائل على المدرسه طول عمره جان شاطر ومواضب بكولشي ليش يادنيا تاخذين بس الزينين بحياتنه ليش.

حضنت شهادته عبالك حضنته اله.

رجعتها وطلعت صورنه ويومياتنه الي جنه نصورهن ويه بيبي فتحت جنطه الصور وانفتحت وياها شلالات دموعي.

***

كاعدين كلنه بغرفه امي نتابع مسلسل وسمعنه صوت صياح.

"شنو هالصوت؟"

كمت ركض.

"اوكفي ولج... يمه شلون ويه هاي المكلكله تموت على المشاكل."

طلعنه بسرعه سمعنه الصياح جاي من فوك صعدنه لكينه سعاد صايره بين ساره وفيصل الي جاي يضربها اخواني يجرون بي بس يرجع عليها. اباوع الاء واكفه على صفحه تضحك. سألت بتول: "خير شكو؟"

"فيصل كتل ساره."

"ليش ليش؟"

"ماخذه فلوس من محفظته بدون متكله ومن لكاها ماخذه ورقتين لزمها كطعها تكطع."

"صدك تحجي ولك تكتل مرتك على حساب الفلوس قحط؟"

"ما كلت قحط بس بت الكلب تصرف فوك الورقه بطلعه وحده جريتها دشوفي شمشتريه سوالف مالها داعي مكياج وملابسسسس بورقتييين الله يقبلهااااا."

"دعوفها غير بت فكر وما شايفه... عوفها ولك هاي حامل لتروح تطرح وتخسر ابنك عفوها لو ما حامل اني اكلك كسرها بس عوفها."

جريته دوخر... "عمي الورقتين اني انطيهن الك بس عوفها حرام عليك يا بني ادم الفلوس انت تجيبها مو هي تجيبك... شبيك."

"كدرتك بس عليه روح شوف اختك صرفت كومه فلوس بالمول شنو اني وحد بشنو اختلف عنها."

صفنت عليها صدك متستحين ولو هو الصوج مو بيج صوجي اني احترمتج واخذج وياي وبعدين رجلج ما صارف عليه شي اني ماخذه من اخويه... فتهتي.

"وانتي كل عقلج اخذتي بت الفكر هاي وياج للمول والله فشله حتى برستيجج راح."

"كافي بنات شبيجن... خاله خلي ساره تدخل جوه."

"تعاي انغام احنه ماعلينه مشاكلهم همه يحلوها وحدهم..." جرها وراح لغرفتهم.

"تف عليك يا عار الزلم... خليك دومك اسحب مرتك وروح."

اخذنه ساره وعلي اخذ فيصل طلعه اباوع للبنيه مدمي وجها طاحظك اي والله.

"يعني انتي ما لكيتي تاخذين فلوس غير من هالعصاره فيصل والي ياخذ ياخذ ورقتين ادري شبيج حتى البوك ما فالحه بي."

"ورده لو تسكتين لو تولين جوه."

"وشبيهن بناتهم قابل لابسات تراكات حصر كدام الزلم لو طالعات بحمره حمره عبالك مطي ماكل طماطه."

"صحت بيهااا ورده كافي."

"ترا ما كالت شي ورده ليش تصيحين عليها كلامها صح شو تذب بلاها علينه."

"وليش انتي من بناتهم حتى شملتي روحج بكلامي؟"

"وها قد بدئ تطاير الجبهات في هذه الغرفه ما هذا يا إلهي."

"متصيرلج جاره ابد ولا جن فهد هانج قبل فتره."

"سكتي اصلا اني زعلانه منه."

عقمت وجهه البنيه وعفتها يم سعاد واخذت بناتي ونزلت. شوكت يبرد راسنه من هالمشاكل ما ادري.

***

نايمه بحضن فهد.

"حبيبي."

"نعم."

"شنو اسم اختك؟"

"ميخصج باسمها."

"هسه قابل راح اكلها هو بس اعرف اسمها."

"فرح لتعكرين مزاجي."

بست صدره: "خلص لتكول اسمها... بس تدري اختك تخبل."

ابتسمت: "صدك."

"اي تشع شع احسها كد ما ترفه بس واحد يلزمها تنجرح."

"لهدرجه."

"واكثر جنها لعابه والله مو مبالغه."

"وبعد؟"

"ماكو عجبتني حلوه كلش ومبينه عليها هادئه وحبابه بس شو متشبهك ابد."

"شعلت الجكاره اخذت نفس..."

"يعني ماكو اي شبه بيناتكم هي بيضه كطن جنها كيمر وناعمه وانت اسمر وخشن ولا عبالك اخوان."

بهدوء: "اي صحيح احنه منتشابه."

"زين اكلك اختك ما سألتك عني؟"

"لا اختي مو حشريه طبيعتها متدخل بشي ميخصها تسأل مره وحده حصلت جواب كان بها ماحصلت تسكت وتسد الموضوع."

"احس هذا بسمار الي."

"زين تعرفين؟"

"شتريدني اسوي وانت ضام عليه كل تفصيل بحياتك اني حتى جم اخت واخ عندك مااعرف حتى مكان شغلك ما اندله الي اعرفه انت ضابط وبس."

"لعد ليش وافقتي من البدايه اذا تدرين هيج؟"

"اني مره تزوجت صغيره كلش وتطلكت من زمااان بقيت وحيده ماعندي احد واضل اني بشر وعندي رغبات وبصراحه ما لكيت واحد احسه رجال من صدك غيرك فوافقت بسرعه اصلا لو ما عارض عليه انت جان اني الي طلبت منك نتزوج."

باستهزاء: "هاي طلعت هيج اني جنتل بعين النسوان ماجنت اعرف."

تقربت عليه: "انت عسل كلك على بعضك رجوله وهيبه حتى بالفراش احس رجولتك واسلوبك غير عن باقي الزلم و ارجع واكلك احسد الي راح تتوسد على صدرك وللابد والي كلبك راح يدكلها هم هاي اتمناها لو موجوده هسه تموت عندي كلبك يبقه فارغ ولا تسكنه غيري."

"ذكرتيني بوحده هم تتفلسف بس ذيج عدها امكانيات عاليه."

"شنو قصدك؟"

"اقصد انو ذيج فلسفتها حياتيه تتفلسف بالدين وتنطي حكم ومواعض وانتي تتفلسفين بالامور الجسديه والجنسيه واني بالحالتين ما احب الي يتفلسفون."

بتموع: "زين ياهو الاحسن فلسفتها لو فلسفتي؟"

بهدوء: "طبعا فلسفتها احسن ذيج عدها امكانيه على الكلام فضيعه بحيث تخلي الي كدامها صافن من كميه الثقافه والمعرفه الي عدها."

بغيره: "سد هالموضوع وخلي نرجع لموضوعنه شلونها طاقتك هسه خلصت لو لا؟"

"عمرج يخلص وطاقتي متخلص."

"ههههه."

***

صباحا.

وصلت للجامعه دخلت لكيت مرتضى واكف بره تقرب مني مشيت بسرعه.

"غنى بس لحظه الله يخليج انطيني فرصه افهمج الي صار والله انتي ضالمتني."

"امشي ولي عن وجهي لا اروح للعميد واشتكي عليك والله... يله وخر."

عفته ومشيت.

"استغفر الله اني ما عولت اخلي تحاجيني انوب طلعتلي هالبت الكلب صفح."

"شبيك مرتضى؟"

"اخلاص الساقطه رايحه لغنى وحايره شمسويه بيها من كتلها اريد انفصل عنج واخطب غنى راحت تعاركت ويه غنى وغنى اخذت موقف مني بسببها."

"كتلك كافي عوف البنيه بحالها حرام عليك البنيه كافيه خيرها شرها ومالها علاقه بأحد حرام الي جاي تسوي بيها."

"فادي احبها والله احبها مو بأيدي."

"لا متحبها كول لان ما منطيتك مجال جاي تتحدى نفسك اني اعرفك مرتضى هسه بس تقبل بيك وتتونس وياها فتره وتعوفها نصيحه من اخوك عوف غنى تره هي ما عايزه."

"ما اكدر بعد ما دخلت كلبي وحبيتها مستحيل اكدر اعوفها."

"الله يهديك.... تعال راح تبدي المحاضره."

دخلنه للمحاضره شفنه الاستاذ جعفر يبوو جانت عايزه والتمت.

"استاذ نعتذر على التاخير عادي ندخل."

"وين جنتو؟"

"بره ما انتبهنه."

"تفضلو بس لتتاخرون بعد."

دخلنه صارت عيني على غنى. ااااخ لو تدرين شكد احبج ما جان هذا موقفج وياي. كعدنه وبدت المحاضره.

كملنه المحاضره وبده استاذ جعفر يوزع الدرجات.

"انتي ضلي رجفي كلما نستلم الدرجات وتالي تطلعين مجاوبه."

"خايفه نرجس خاف ماخذه درجه قليله."

"لتخافين تلكيج مهكره كل الماده مو تعلميني بيج."

"اول شي اني جدا مستاء منكم درجاتكم ما عجبتني ولا كأن اني اشرح واتعب وياكم ما اعرف شلون باجر عكبه راح تصيرون مدرسين ومترجمين وانتو بهالكسل هذا يا شباب انتو هسه مرحله رابعه و هالمرحله هي الحاسمه بحياتكم وهي الي تحدد مستقبلكم فرجاءاً تعبو على نفسكم شويه وطبعا كلامي ما موجه لكل الطلاب وانما البعض وحقيقه اكو طلاب ينحطون على الراس وابسط مثال عليهم الطالبه غنى صالح اربع سنوات من التميز والذكاء ولا مره اخذت درجه ضعيفه طالبه نتمنى كل الطلاب يصيرون مثلها .... تفضلي غنى عاشت ايدج انتي الوحيده بشعبتج ماخذه درجه كامله احييج على اجتهادج واتمنى كل الطلاب يغارون ولو شويه منج ويدرسون."

بخجل كمت واحس روحي راح اسيح. اخذت ورقتي ورجعت لمكاني. بده الاستاذ يوزع الاوراق وكالعاده ورقه نرجس اخر شي.

"اكيد كلكم تعرفون نرجس اختي ومن اكسل الطلاب عندي حالها من حالكم تكعد مصفطه وتالي تنجح شلون ما ادري ... هاج على الحافه شدي حيلج تره ارسبج."

"مثل ما انجح كل سنه انجح هالسنه."

القسم كله يموت على علاقه نرجس وجعفر لان واحد يذب بسمار على الثاني بس كلنه نعرف الاستاذ كد ما يحبها يحب يشاقيها.

"كتيلي ما قاريه عمه بعينج انتي لاطعه الكتاب."

"ايع طاحظج شنو لاطعه الكتاب بطلي هالمصطلحات."

"دكومي خلي نروح اريد اتريك تره كد ما جوعانه يجوز اشلع لحمه منج."

ابتسمت: "يله كومي."

***

دخلت لمكتب غانم.

"اعتذر على التاخير تفضل هذا ملف القضيه كملته."

"تعال احجيلي شبيك ذاك اليوم طلعت تركض خوفتنه عليك عبالنه شو شبيك."

"صارت عندي شغله ضروريه وانجبرت اطلع على العموم هذا الملف كدامك اني كملته واخذت اقوال المتهمين وكملت كلشي والباقي عليك."

"عاشت ايدك هسه اشوفه."

"يله من رخصتك."

طلعت رايح لمكتبي.

"اكلك هذا مو علساس انقل للبصره؟"

"لا لك اجاا انذار مناك وراح فتره ورجع."

"جماله اني فرحت ورحت عشيت اهلي بثواب ام البنين عبالي انقل وافتكينه منه."

"والله هذا مينقل لو نموت وابشرك ترقه هسه ومو بعيده بعد فتره هو يصير المسوؤل."

"الله لا يكولها والله العظيم اذا صار الضابط فهد مسوؤل علينه اطلع تقاعد وانعل ابو الشرطه هو هنا ضابط ونايم على خوانكينه مو انوب يصير مسوؤل."

"ليش نسيت ابو شجان يسوي ويانه ذاك الشبل من هذا الاسد نفس الانفه والعنتكه اي اختلاف ماكو."

"اي بس هذا اتعس لابد اللواء سالم جان يتلاطف يحجي مرات يعزم الشرطه على ريوك وعلى حسابه الا هذا خشمه عالي ويمشي على اطراف اصابعه من الغرور."

"شلون يمشي على اطراف اصابيعه؟"

"يستنكف لا توصخه الكاع."

"ههه بهاي صدقت هو حتى جاي يستنكف يشرب منا."

***

رجعت من الكليه هلكانه، هالسنه مبينه كلها شلعان كلب. وصلت للشقه تفاجئت لكيت يم الباب ورد.

"شلته هاي منو خاله هنا... هاا هسه فتهمت السالفه."

فتحت الباب ودخلت ذبيت الورد على الطبله واخذت موبايلي. دكيت مره ثنين ماكو.

"الو الوو شنو معناها حاطلي ورد على الباب عبالك اذا تسوي سوالف الافلام هاي راح اسامحك لا ولا بأحلامك."

باستغراب: "عفوا!! يا ورد؟"

"لتسوي روحك متعرف الورد الي على باب الشقه مو انت مخلي."

"كلشي ما دزيت اني... وانتي منو وادزلج ورد حبيبتي واني ما ادري."

"هاا لعد اذا مو انت منو؟"

"امي شمدريني اني ماشاءالله انتي معجبينج هواي شوفي منو منهم شتهالج ورد ودزه الج."

"فهد ثمن كلامك واعرف شلون تحجي شنو معجبيني هو منو يندل مكان سكني غيرك."

"بالليل امرج واشوف الكامرات مال العماره."

"لا تمرني ولا امرك خليك بنفسك ومعليك بيه."

"علساس بحالج اني ام وجهه الفاهي."

"هو انت تناسبك المزنجرات الي مثلك وافق شنن طبقه طنجره ولكت غطاها."

"تدرين جرحتي مشاعري جدا... خايبه كعدي راحه وجهج من علباتج مينعرف."

"هسه الي يسمعك يكول براد بيت همزين ناسيك بالفرن."

"و راح نضل واحد يرفع واحد يكبس... اني ماراح اتناقش وياج بعد من اجي اعرف شلون اادبج."

"اني مؤدبه وغصبا ما عليك ابو النسوان."

"اراويج ابو النسوان شيسوي بيج اذا ما اجي ا..... اطلع مو خوش ادمي."

سديته من كام يفشر. شمرت الموبايل.

"الله يلعنك ابو لسان الزفر.... كعدت وتالي يربي شوكت ترجع خالتي وتخلصني من هالمقرف هذا."

***

بعد مرور ثلاث ايام.

كاعده الكط تمن للغده وسمعت صياح بالمطبخ وتالي ويه بيت سعاد.

كمت دخلت للمطبخ لكيت آلاء وساره لازمات طاوه ويجرن بيها.

"شكووو شبيجن من الصبح خير اللهم اجعله خير."

"خاله طلعت الطاوه اريد اتريك شو هاي اجتي جرت مني الطاوه."

"عمه بعينج يا جذابه همزين اني اجيت قبلج حتى اسوي ريوك لزينه واحمد وانتي اخذتي الطاوه."

"الله ياخذج على هالجذب."

صحت بيهن: "كافي مخبلات انتن تتعاركن على طاوه هذا المطبخ متروس طاوات اشكال والوان ما حلت بعينوجن غير هالطاوه شنو جهال انتن شو تصرفاتجن ولا كانها تصرفات امهات وراح يربن اجيال بالمستقبل شبيجن."

"شكو ايمان ليش صوتج عالي من الصبح."

"لزمي جناينج الله يخليج ما اكعد اني كل ساعه افاككهن من يتعاركن."

"اني اكول خليج ببيتج وعائلتج وابنج الي ما جاي نشوفه هالايام وعوفي جنايني اني وياهن ننجاز."

"انت ما كاعده بهالبيت وحدج مادام اكو عائله ثانيه وياج غصباً ما عليج تحترميها انتي وعائلتج احنه مالنه خلك المشاكل اني ربيت جهالي على الهدوء والمحبه مو الهوسه والمشاكل رجاءا انتو كلشي ما عدكم تتعاركون تصالحون ميأثر عليكم بس اني عندي بنات وجاي يدرسن ومشاكلجن جاي تاثر على مستواهن الدراسي وخاصه ورده اليوم راحت مسفطه للدوام بسبب صياحكم البارحه اني لو بنتي اخذت درجه مو زينه لو رسبت منو يفيدني انتي لو جناينج."

"شدعواج انهديتي شبيج ولا جنج عجوز شكبرج .... احنه بيت واحد ولازم واحدنه يتحمل الثاني."

"والله الي يدك الباب يسمع الجواب وانتي الي بديتي ودستي ببطني مو اني ... خليت الصينيه مال التمن على الكاونتر... هذا كملنه انتن مادام كاعدات والمركه انتن هم سونها اني صرت مره عجوز وموزين عليه الشغل ومادام احنه بيت واحد فالشغل يتقسم على الكل اني ما اكعد اطبخ ل ١٣ نفر كل يوم..."

عفتهن ورحت لغرفتي صدك بعض الناس الاخلاق متمشي وياهم.

"بنات النعال عليمن تتعاركن شفتن شلون تتشمت بيه بت الفلاليح هاي... تف عليجن."

"اني شعليه متحاسبين هاي... ام لسان طويل."

"الاء امشي روحي لغرفتج وخلي هالسايبه هي تطبخ."

"حجيك تضوجين مني لان مثل ما ابو فيصل تزوج عليج وانتي بعز شبابج فيصل تزوج على مرته وهي بعز شبابها .... ياحرام الزمن جاي يعيد نفسه .... وشمدريجن يجوز اجيب ولد مثل فهد وفيصل يسجل كلشي اله مثل ما سوه ابوكم."

"هههه والله ضحكتيني عمي سالم عنده املاك وسجلها لفهد اما فيصل مكحف يحظي منيله املاك هو المعرض وكوه ماشي... شلون سوالف عدكم اروح اشوف جهالي."

"بكلامج هذا سديتي كل باب مغفره مفتوح الج ابشرج تره اني ابليس ميلحكني اذا خليت براسي احد وانتي هسه دستي على طرفي... فتستاهلين الي يجرالج."

"هزيت صدري اوي اوي رجفت... وكفت عدل عبالها تخوفني العجوز هه."

***

كاعده اتغده ودك رقم غريب عليه عرفته مرتضى لان كل ساعه يخابرني من رقم انطيته حظر ورجعت اكمل غدايه. اجتني رساله على الفايبر " غنى خاله ليش حظرتيني ". ياا هاي خالتي رحت شلت الحظر وخابرتها على الواتساب.

"الو."

"الو هاا حبيبتي نونه شلونج."

"الحمدلله خاله اسفه لان رقم غريب حظرته ما عبالي انتي."

"عادي حبيبتي موبايلي مدري شبي وخابرتج من رقم رجلي هسه عوفينه تدرين مشتاقتلج بعد كلبي."

"اني اكثر والله بشري شلون صار عمو."

"لا الحمدلله صحته جاي تتحسن ويه مراجعه الاطباء الله يحفظهم ابد ما قصرو بس تعرفين عمج رجال جبير ومو بسهوله ترجع صحته مثل الاول ويكوم يرادله وقت."

"الحمدلله على كل حال المهم صحته دتتحسن."

"اي بشري شلونها كعدتج بالشقه خو ما متضايقه."

"لا ممتضايقه بس ضجت اريدج ترجعين."

"يله هانت حبيبتي مابقه شي واحنه يمج."

"ان شاء الله واني بانتظاركم."

"حبيبتي فدوه اروحلج ديري بالج على نفسج... يله اني اروح مع السلامه."

"الله وياج."

سديته ورجعت كملت غدايه كمت غسلت المواعين ورحت اقره قران هذا روتيني المتعارف والي مستحيل يتغير صار اربع تيام مشايفه فهد لا اجه ولا اتصل واني هم لحد الان ماخذه منه موقف ومستحيل احاجي. باجر همزين ماكو دوام الطلاب رايحين سفره للحله واني كيفت عليها حتى ابقه بالبيت البنات لحن عليه هواي حتى اروح بس ما قبلت اكيد مره وحده سمعت كلامهن وطاح حظي بعد ما امشي بحجيهن لو اموت.

مر اليوم عادي كضيتها اقره قران واكل طبعا هالفتره سمنت لان اربعه وعشرين ساعه كاعده واكل اكيد اسمن.

صار الليل ورحت نمت وكعدت الصبح بالتسعه بدلت واخذت من الفلوس الي خالهن فهد ورحت للسوبر ماركت اتسوك واتمشى هم. الجو يجنن جان بدايه الشهر الثالث فالجو حلو لا بارد ولا حار.

لكيت الحجيه اشواق.

"صباح الخير حجيه."

"صباح الورد حبيبتي هاا جايه تسوكين."

"اي والله خلص المسواك ونزلت اسوك."

"لعد تعالي نتسوك اني وياج."

"ماشي."

تسوكنه اني وياها ورجعنه للعماره صعدت للشقه فتحتها ودخلت ذبيت الغراض. جذبني عطر بالبيت شنو هالعطر اني مراشه شي قبل لا اطلع. ذبيت حجابي. سمعت صوت من غرفه فهد عرفته هنا ولو المفروض اعرف من البدايه لان عطره ترس الصاله. بس شعنده جاي بسيطه اني اعرف شسوي وياا. رحت بسرعه فتحت الباب ودخلت لكيته ديبدل. عطت بسرعه وغمضت عيوني.

تسوكنه اني وياها ورجعنه للعماره.

صعدت للشقه فتحتها ودخلت.

ذبيت الغراض.

جذبني عطر بالبيت، شنو هالعطر؟ اني مراشه شي قبل لا اطلع.

ذبيت حجابي.

سمعت صوت من غرفه فهد، عرفته هنا. ولو المفروض اعرف من البدايه لان عطره ترس الصاله.

بس شعنده جاي؟ بسيطه اني اعرف شسوي ويا.

رحت بسرعه فتحت الباب ودخلت.

لكيته ديبدل.

عطت بسرعه وغمضت عيوني.

عززه شنو هاي.

فهد: درت وجهي بسرعه. انتي مو علساس عدكم سفره للحله ورحتي؟ شجابج هنا.

غنى: مغمضه عيوني. مرحت وياهم.

فهد: ليش مارحتي؟ تره اني اقبل.

غنى: باستغراب. عفوا!! وانت شكو؟ تره اني مجنت رايده اروح ان قبلت او لا ميهمني.

فهد: كملت تبديل واجيت وكفت كبالها. خو ما شفتي شي.

غنى: فتحت عيوني. هاا لالا مشفت شي.

فهد: رفعت حاجبي وتقربت. اكيد ما شفتي شي احجي الصدك.

غنى: مشفت شي صدكني. وبعدين انت شلون تبدل بدون متقفل الباب؟ اصلا شعندك هنا.

فهد: شلت شعري عن وجهي. ليش المفروض اخذ اذنج قبل لا ادخل لبيتي.

غنى: باوعتله صفح وطلعت. مااحس اله ايدي تنجر.

فهد: حاوطت خصرها بقوه. مره ثانيه من احجي تسمعيني لحد ما اكمل كلامي مو تدورين وجهج وتطلعين. لتخليني اتعامل وياج بغير اسلوب.

غنى: اديه صارت على صدره وهو ملابس غير بجامه. حاولت ادفعه بس ماكو جبل ولا تحرك. فهد عوفني.

فهد: ضغطت على خصرها. شبيج ترجفين.

غنى: بألم. فهد دتأذيتي عوفني ااااه فهد خاصرتي وخر.

فهد: وخرت عنها متملل. وكعدت على الجربايه.

غنى: مسحت على خصري متألمه. شعندك جاي لهنا؟ هستوك تذكرت عندك بيت صار فتره انت عايفه. من كعدت بي حلالك وكمت تجي.

فهد: ما جاي لهنا لسواد عيونج. علساس اجي قبل فتره بس جان عندي دوام والشغل لفوك راسي نوم ما شبعان. واليوم استراحتي فاجيت اشوف كامرات المراقبه حتى اعرف منو دز ورد لملكه جمال الكره الارضيه الانسه غنى صاحبه الجمال الساحر الخارق للطبيعه.

غنى: لتستهزى بشكلي مو اني خلقت نفسي ولا اني ردت هيج يكون شكلي. بطل تنتقص مني وكأني عديمه مشاعر وما احس. عفته ودخلت لغرفتي. صدوك وقح بدال ميجي يعتذر على الي سوا هذاك اليوم جاي يستهزئ بيه. بدلت وطلعت اعدل المسواك.

فهد: حسيها ضاجت من كلامي. طلعت لكيتها واكفه تعدل المسواك. جريتها من ايدها. غنى.

غنى: بصوت مستهضم. وخر فهد.

فهد: تعاي اريد احجي وياج.

غنى: مبيناتنه حجي وخر داغسل المسواك مفارغه.

فهد: عود اني اغسله تعاي. اخذت ايدها وطلعت للصاله كعدتها وكعدت يمها. شبيج.

غنى: مابيه شي.

فهد: بعدج ضايجه من اخر موقف صار بيناتنه.

غنى: ليش تتوقع بعد الاهاين والغلط الي حصلته منك ممكن امشي الموضوع عادي ولا كأن شتمني وسبيت ابويه وانت تعرف هو ميت وميجوزله الغلط.

فهد: شفت عيونها نملت دموع. غنى شو باوعيلي.

غنى: درت وجهي عنه. وخر فهد رجاءا تره هواي دست ببطني واني اسكتلك بكل مره بس الى متى.

فهد: لزمت حنجها. اني اسف مو بقصدي سبيت اهلج بس اني من اصير عصبي ما اشوف كدامي بعد وانتي استفزيتيني هواي واني جنت ضايج طلعت الحركه بيج.

غنى: نزلت دموعي. اصلا هو صوجي اني الي تدخلت بحياتك استاهل اني شكو بيك نارك تاكل حطبك عساك بنار جهنم اني شعليه عساك تضل تدور نسوان طول حياتك اني شكو بيك انت ابو النسوان اني ليش اتدخل عساك بجهنم.

فهد: وتحجيها كدامي هم.

غنى: اي ومخايفه منك. باوعتله. فهد انت ليش تكرهني اني شمسويتلك ما اتذكر اذيتك بيوم دائما من اغلط اجي اعتذر منك واحير شسوي حتى تسامحني وانتي تجي تقابلني بوجهه بارد وباسلوب ابرد تحسسني وكأنو كوه طايقني وحتى شكلي دومك تعيب عليه وعبالك اني الي خلقت روحي.

فهد: رفعت ايدي ماسح دموعها. تتوقعين لو اكرهج اعوف دوامي واجي يمج لو اكرهج اجي بأستراحتي حتى اشوف منو الي يزعجج. غنى اني ما اكرهج بس اني طبيعتي هيج ابين بارد وما مهتم بس اني بالعكس كلش اهتم واصغي للمقابل بس مبين عليه. وبالنسبه لشكلج تره جنت اتلاطف وياج. ما اجذب عليج واكلج اشوفج تخبلين اني ميعجبني شكلج بس انتي بالنسبه للعالم لعابه.

غنى: باوعتله وسكتت.

فهد: راح تضلين ساكته.

غنى: شتريد فهد.

فهد: اريد تسامحيني على اخر موقف صار بيناتنه ما اقبل نتزاعل اني وياج. والاصدقاء المقربين عيب يتزاعلون.

غنى: ليش احنه اصدقاء مقربين.

فهد: طبعا اني لو ما اعتبرج صديقتي المقربه ما اسولفلج اسراري وللمعلومه تره انتي اول بنيه اصادقها بحياتي ماعندي صديقات بنات.

غنى: مسحت دموعي. عبالك بهذا حجيك حتراضيني يعني.

فهد: ترضين من ذاتج لو اراضيج بطريقتي الخاصه.

غنى: شتريد تسوي يعني.

فهد: تقدمت عليها. اشياء متخطر على بالج.

غنى: دفعته. وخر.

فهد: لزمت ايدها خليتها فوك راسها. ترضين لو لا.

غنى: بارتباك. لا يله وخر عنيييي.

فهد: دنكت عليها صار وجها قريب على وجهي. باوعت لعيونها جانت نازعه النظارات. غنى اني محد يكدر يتحداني فتصالحيني برضاتج لو اسلك غير طريق.

غنى: ما اصالحك ومزاعلتك ولتحاجيني وشتريد تسوي سوي.

فهد: تقربت اكثر بحث طخ خشمها بخشمي. هااا اكمل.

غنى: من حسيت بانفاسه لفحت وجهي صحت. خلص سامحتك بس وخر عني.

فهد: عفيه كولي هيج من البدايه واختصري عليه تعب. كعدت شبيج.

غنى: كمت. هاي اول واخر مره اسمحلك تتقربلي هيج شنو هاي فهد تره صاير تتمادى.

فهد: ليش بستج لو نمت وياج حتى هيج ماخذه موقف.

غنى: احنه شكلنه مو كلنه متتلفظ هيج الفاظ كدامي بعد انت مو تكول احنه اخوان اكو اخو يحجي كدام اخته هيج. يعني هسه اروى وورده تحجي هيج كدامهن.

فهد: اذا صرت عصبي كلشي احجي.

غنى: بس انت هسه مو عصبي.

فهد: اي مو انتي تختلفين كلشي احجي كدامج. يله تعاي خلي نتصاحب. كمت حضنتها.

غنى: ضليت جامده حتى ماحسيت بي من ابتعد. صارت عيني على صدره. فهد هاي وين متعور.

فهد: عكد حواجبه. هاي قديمه.

غنى: هاي مو بس وحده شوف اكو هواي اثار وين واكع انت.

فهد: هالموضوع ابد لتجيبين طاري كدامي.

غنى: اباوعله كلب وجهه. اني كلت شي غلط.

فهد: هزيت راسي لا كلشي ما كتي بس ما احب واحد يسألني عن جسمي.

غنى: براحتك.

فهد: باوعتلها هسه احنه تراضينه.

غنى: اي بس بشرط بعد متضوجني.

فهد: حاضر.

غنى: ابتسمت.

اروى: كاعدين بمنتزه يجنن كله حدايق والهوه يرد الروح. بس اريد افتهم غنى ليش ما اجت.

نرجس: غبره غير هو الاغبر شلون ينعرف من هاي السوالف.

اروى: جاي نسولف واجه مرتضى افف لا هله.

مرتضى: شلونجن بنات.

البنات: هله.

مرتضى: اكول لعد شو غنى ما جايه ليش.

نرجس: فضلت تبقه بالبيت حتى متشوف بعض الاشكال هنا.

مرتضى: شنو قصدج نرجس.

نرجس: والله قصدي الي فهمته.

مرتضى: انتي من شوكت تحاجيني هيج. ماجنتي هيج.

نرجس: والله عاد لتسوي روحك فقير وكلشي ماكو وانت تكك ماكو. باوعت داير مدايري وجاوبته لو بيك حظ ما جان اذيت بنيه هالاذيه.

مرتضى: بعصبيه. احترمي نفسج.

اروى: شبيكم انتو راح ينتبهون الكل عليكم. كافي مرتضى روح لتضل تنكد علينه وتخرب الطلعه رجاءا روح.

مرتضى: رايح وبالنسبه لحجيج يا نرجس فأجاوبج عليه بس بالوقت المناسب.

نرجس: عود ميخالف في فكني شرك.

اروى: اهدي نرجس شبيج.

نرجس: مو جنت هادئه وشحلاتني طلع هذا الشاذي تلف اعصابي.

اروى: هههه دنصي صوتج ليسمعج احد.

غنى: واكفه اغسل المواعين وفهد صارله نص ساعه نازل يشوف الكامرات. سمعت صوت الباب ينسد بقوه. غسلت ايدي وطلعت من الطبخ شفت فهد كبالي. هاا شبيك.

فهد: غنى انتي منين تعرفين مازن.

غنى: باستغراب. مازن؟ ما اعرف احد بهالاسم ليش تسأل.

فهد: صاك على سنونه. الي خال الورد يم الباب ولد ساكن بالعماره اسمه مازن شعرفه بيج واصلا شجابه على جهه شقتج.

غنى: علمي علمك والله ما ادري.

فهد: بس فهميني اني شسوي هسه اروح اسحله وانعل والديه ما اكدر لان كلها راح تدري انتي مرتي. اني وتالييي وياااج بس اريد افتهم الزلم لييييش مستقتلين عليج هيج شبيج بس فهميني.

غنى: عفت كل الحجي والعصبيه مالته وركزت بكلمه وحده. مرتي!! مدري ليش حسيت هالكلمه قشعرت بدني. باوعتله بهدوء. شبيه.

فهد: بيج جني. كعدت تعالي كليلي شسوي ويه هذا اني يعني حتى بالعماره كمت اخاف عليج وما اامن.

غنى: فهد اكدر اتحمل هالفتره خالتي مبقه شي وترجع وبعدين اني بكل الاحوال ما اطلع ولا افتح الباب من الدوام للبيت والعكس.

فهد: خالتج راح ترجع.

غنى: اي خابرتني وكالت الحمدلله وضع زوجها ديتحسن ومبقه شي وترجع تستقر بالعراق.

فهد: هي تدري احنه تزوجنه.

غنى: بهدوء. لا ولا حتدري اني منتظرتها حتى ترجع انوب ننفصل ما اريد اي واحد يدري.

فهد: اذا رجعت راح تبقون بالبيت القديم.

غنى: ما اعتقد لان هي كالت ابن حماها ديحضرلهم بيت.

فهد: يعني انتي متاكده راح ترجع يعني انطتج موعد اكيد.

غنى: لا منطتني بس كالت عن قريب. احم اصبلك جاي.

فهد: لا ما اريد لازم اروح. غنى الباب متنفتح لاي احد وهذا مازن اني اعرف شسوي وياا انتي العليج بنفسج باب البيت متطلعين منه لأي مكان من كليتج للبيت والعكس وكلشي تحتاجي دزي الي برساله واني اجيبه.

غنى: ان شاء الله.

فهد: طلعت من عدها ورحت للبيت. هالغنى سالفتها سالفه وين ما اخليها يطلعلي واحد يلطشلها والمشكله كلهم مخربطين ومو راحه بس هذا مازن شعرفه بيها واصلا شلون تجرئ يخطي هيج خطوه. وصلت للبيت نزلت فتحت الباب ودخلت لكيتهم متجمعين. سلام.

الكل: وعليكم السلام.

فهد: كعدت اروى رجعت.

اروى: طلعت من المطبخ. ها فهد ردتني.

فهد: اسأل عليج اشوف رجعتي.

اروى: اي من زمان رجعت.

فهد: شلونها السفره.

اروى: سفره تجنن كلش تونست بس حرامات غنى ما اجت ويانه جان تونسنه اكثر.

ايمان: صدك شلونها غنى سوده عليه اني مقصره وياها لا اسأل عليها لا اشوف شمحتاجه وهي وحيده خطيه.

سعاد: ادري بت عمج بت خالج وتسألين عليها.

ايمان: ارحمو من في الارض يرحمكم من في السماء. مو شرط اكو صله قرابه بين البشر حتى تصير موده ورحمه وهالبنيه يتيمه وفقيره ماعدها احد تحتاج كلمه عطف وحنان خاصه بعد الضروف الي مرت بيها.

بتول: ضروفيش يا خاله والله هاي فد وحده متصنعه وتكها ماكو. تتعمد تسوي نفسها بريئه وفقيره الله. لا تحل ولا تربط وهي كل البله بيها وفوك هذا تبيع مثاليات علينه.

فهد: لعد شكد قاهرتج غنى بحيث هيج ميته منها.

بتول: اني تقهرني وحده مثل هاي ربع دينار متسوه.

فهد: على الاقل الها سعر مو قيمتها بلاش.

ساره: فديت القصف والله جبتها بالكصه.

آلاء: انتي متستحين شنو فديت ام حلك اليلزك لزمي لسانج.

ساره: اووه دوخري عني.

فهد: لعد وين ورده.

ايمان: بغرفتها جاي تقره قران.

فهد: ليش هي ورده تصلي حتى تقره قران.

ايمان: اي من زمان الله ينطيها العافيه غنى مدري شمحاجيتها والبنيه كامت متعوف ولا فرض وكلشي بوقته حتى قران كامت تقره.

فهد: ضحكت بكلبي ماشاءالله غنى تأثيرها قوي على اهلي. كمت صعدت فوك اريد اشوف ورده لان سمعت بيها زعلانه مني لان صيحت عليها. دكيت الباب سمعت صوتها ودخلت لكيتها صدك جاي تقره قران.

ورده: صدقت وكمت لميت سجادتي ورحت طلعت كتبي.

فهد: ماكو سلام.

ورده: بهدوء. شلونك.

فهد: شلونك بدون بوسه.

ورده: بسته بخده. شلونك.

فهد: جريتها بوست خدودها الحلوه. لسه زعلانه مني.

ورده: اي زعلانه لان صيحت عليه كدام فيصل ونسوانه.

فهد: اي مو انتي لسانج طويل ويرادله كص.

ورده: كص لو فلافل.

فهد: ضحكت دامغها سوالفج هاي بطليها. سمعي حبيبتي انتي هنا الصغيره وعيب تجاوزين على اي احد بالبيت مهما يكن شأنه يبقه اكبر منج. وفيصل اخونه الجبير ولازم نحترمه.

ورده: جبير بس بالاسم كلشي ماكو. المهم اني بعدني زعلانه واريدك تراضيني.

فهد: وشلون اراضيج بله.

ورده: تنطيني آيبادي العب بي شويه.

فهد: ماكو انتي بكلوريا هالسنه لازم تكعدين تقرين مو تسختين.

ورده: حباب حباب بس اليوم وعد بس اليوم.

فهد: ابتسمت. ماشي هسه انطي الج.

ورده: حضنته. هييييي هههه فدوه فهودي شكد احبك.

فهد: ضحكت واني هم احبج ام عشر لسانات.

نسرين: ولج يمه حاجي اخوتي خلي يحاجون هالمخبل الي عندي خبلني والله.

ياسمين: خير شبي.

نسرين: باع سيارته ويريد بشتري سياره حديثه.

ياسمين: اي شكو بيها خلي.

نسرين: يمه صدك تحجين شنو خلي انتي تدرين بيه عايشه على راتبي وراتب ابو خو مو اضل اذب الفلوس على سياره تجيها ضربه تطير نص سعرها.

ياسمين: بهاي حجايتج صح تعالي كليلي ابنج شبي انجلب هالايام مو مرتضى الاولي جان صوته مينسمع هسه تخبل.

نسرين: علمي علمج يا يمه الولد متخبل ما اعرف شبي كل ساعه جايني بسالفه ساعه اريد اتزوج ساعه اريد اسافر ساعه اريد ابدل سيارتي خبلني خبلني.

ياسمين: عوفي اني احاجي خواله يحاجو حتى يعقل شويه. انتي بس لو تسمعين كلامي وتعرسي بس اوووف منج اوف.

نسرين: ترديني ازوجه وحده بت فكر صدك تحجين يمه شنو خلصن البنات حتى اخذ لوحيدي وحده مكطوعه من شجره لا اهل لا بطيخ.

ياسمين: وابنج راح يعيش ويه اهلها لو وياها تره عقليتج هاي مو عقليه انسانه دارسه وواعيه.

نسرين: ياوعي يا دراسه النسب مهم خو بدال ما اخذله هيج وحده اخذله بت دكتور بت مسوؤل اي شي عليه العين.

ياسمين: لا اله الا الله الناس متنقاس يمناصبها يا يمه تنقاس بمعدنها واخلاقها هاي القاعده شوكت تحفظيها.

نسرين: لا احفظها ولا تحفظني.

ياسمين: يطبج عرج اني شكو ابني لو ابنج.

غنى: يراودني احساس غريب لمجرد تذكري انو من خالتي ترجع وحترك هالشقه وبعد ماكو اي تواصل بيني وبين فهد اكو جانبين عندي واحد فرحان لان حيخلص من هالهم وجانب ضايج لان حينتهي كولشي. كمت جبت ورقه واجيت كعدت اكتب كولشي بكلبي وامزك الورقه سمعت هالطريقه مفيده وتريح. دك موبايلي شفتها نرجس جاوبتها كعدنه نحجي فتره سولفتلي على سفرتهم وشلون تونسو وسولفتلي على مرتضى همزين مارحت والا جان تخبلت من ورا.

سعاد: طفيت التنكه بالسطح وانتظرت شويه ماكو ساعات قليله وجان اسمع صوت العيطه ابتسمت ونزلت لكيت حارث و فيصل عالكه بيناتهم. ياااا ولك حارث تخبلت وخر عن ابني.

حارث: ابنج قفاص حراميييي تدرين اليوم اجانيي واحد يريد يرفع دعوه عليه وميدري يصير ابن عمي. رحم للحمزه فشلتونه كدام الوادم شايفه شصار بيه من يكلي الرجال هذا واحد نصاب يضحك على العالم بسيارات مضروبه لو يزاغل بالاسعار الحقيقه وكام يسبه ويسب عرضنه واني صم بكم حلكي مافتحته ليش هيج ليش تخلون الناس تشتمنه ليش.

ايمان: يمه حارث روح لبيتكم مالنه خلك المشاكل.

فيصل: عمي هذا واحد جذاب لا بايك ولا ناصب اني. و هذا اجه يسويله فعاليه عود شوفوني اني محامي والرجل عليه تره درينه بيك.

حارث: مو عيب اغلط عليك صرت رجال جبير شوكت تعقل.

فهد: خير شبيكم شهالصوت العالي هذا متبطلون انتو. باوعت هاا حارث شبيك.

حارث: تعال شوف اخوك شمسوي. سولفتله كلشي.

فهد: اي وانت ليش ضايج يطبه مرض ناره تاكل حطبه شعلينه احنه.

حارث: احنه ولد عم والعيبه لو تطلع تشملنه كلنه يافهد اني ما مستعد اسمع نغزات وبسامير بشغلي من وره اخوك. اني محامي معروف والي اسمي بالمحافظه وما اسمح لاي احد ينزل من قيمتي اياً كان.

فهد: فيصل وتالي وياك كلي شسويلك ما بقه شي ما سويته مره على مره اتحمل بلاويك ومصايبك شوكت تعقل اسمك ابو احمد وشكبر اسمك مافالح بشي غير بس المشاكل دلتفت لبيتك ونسوانك بدال هالسوالف المكسره هاي يعني انت ما فالح بولا شغله بهالحياه اهم شي عندك الاكل والنومه اي شي ثاني ماكو عاد اشتغل شغل براسه خير مو مردوده عليك.

حارث: وهسه شلون الرجال يريد يرفع دعوه عليه.

فهد: هسه فيصل يخابره ويتفاهم وياا وان اضطر الامر حتى السياره يبدلها اله ماعايزين مشاكل احنه.

فيصل: اني بعته السياره بعد شلون ارجعها.

فهد: مشكلتك هاي مو مشكلتي فتهمت. حارث تعال اريدك.

حارث: طلعنه للحديقه. أأمر.

فهد: اذا اجاك الرجال مره ثانيه حاول تقنعه ميرفع دعوه عليه وكله تفاهمو بيناتكم بدون محاكم وهوسه.

حارث: بس.

فهد: قاطعته لخاطري حارث.

حارث: خلص انت شتفصل اني البس احاول اقنعه بس والله لخاطرك والا لو بأيدي استلم الدعوه واخلي المحكمه تصدر قرار بغلق المعرض بس اااخ انت كاسر ظهري ما اكدر اخطي خطوه ادري بيك ما قابل بيها.

فهد: ضربت كتفه بخفه. والنعم منك.

ايمان: اباوع لسعاد وجها صار اصفر وشفتها بيضه شبيج ام فيصل.

انغام: شبيج خاله.

آلاء: جبتلها كلاص ماي. هاج لتخافين سهله ومحلوله ان شاءالله.

سعاد: بكلبها. يمه بس لا انكلب العمل عليه وعلى ولدي بس لا راح يصير شي بولدي. اني اعلمج يا ام حميد كتلج اريد شغله تكلب بيت ايمان على راسها تالي كلبتي بيتي على راسي الله لا يوفقج.

ايمان: صلِ على محمد شجاج ام فيصل شوفي وجهج لتخافين وكلي امرج لله وان شاءالله ماكو شي شنو قابل فيصل اول مره يتعارك.

سعاد: هزيت راسي واحس نار ووجت بيه يمه همزين ما سويت عمل الموت جان ماتو ولدي عساج بالموت يا ام حميد يا كح.

غنى: تمر الايام واني حياتي نفسها ماكو اي تغيير بيها. فهد بس يخابر يسأل عني وميجي. واني هم حاولت اجمع شتات نفسي لان هواي نجرفت بتصرفاتي باخر فتره. طبعا مرتضى حل عني وفجئه وهالشي خله خوف بداخلي لان اني ادري بي نيته شنو ومستحيل يفك ياخه عني. اافف شلت راسي على صوت بنيه. باوعتلها هاي نفسها الي ضربتني ذاك اليوم.

اخلاص: عادي اكعد.

غنى: شتردين انتي كل ساعه طالعتلي.

اخلاص: بس احجي وياج واروح. والله.

غنى: خير.

اخلاص: بالاول خلي اعرفج على نفسي اني اسمي اخلاص واصير حبيبه مرتضى. اسمعيني لتنفعلين اعرف تصرفي كان غلط ذاك اليوم بس من القهر ما كدرت اسكت.

غنى: هذي مشكلتج مو مشكلتي انتي ومرتضى تتعاركون تتصالحون يطبكم طوب اني شكو.

اخلاص: شوفي غنى اني ومرتضى على علاقه من اول سنه دوامنه بيها هنا تعرفنه على بعض وحبينه بعض وجنه متفقين بس يتخرج نتزوج بس بأخر فتره مرتضى تغير عليه كام يضوج مني ميخابرني وميسأل عني. اخر شي من واجهته كلي انو بعد ميحبني وعاجبته بنيه وياا بالقسم ويريد يخطبها. حاولت اعرف منيه بس رفض. يكلي اخر شي رحت لصديقه فادي وجبرته يحجيلي ومن شفتج متت قهر لان اني احسن منج وبهواي هم فليش مرتضى عافني واجاج.

غنى: رفعت حاجبي واني شعليه قابل اني كتله يعوفج شهالحجي الماله داعي هذا.

اخلاص: غنى حبابه عوفي مرتضى بحاله لتنطي مجال تره بسببج علاقه سنين راح تنتهي حبابه ابوس ايدج فكي ياخه عن مرتضى.

غنى: كمت. شنو افك ياخه علساس بحاله اني شو انتي متعرفين تحجين. والله شنو عوفي مرتضى علساس هو دونجوان زمانه. عفتها ومشيت كاعده تتوسل على حساب واحد جنه سلوح. دخلت للمحاضره وتوالت المحاضرات لحد ما طلعنه رجعت للبيت دك موبايلي هذا فهد فتحت الخط. الوو هاا فهد اي وصلت. شبي صوتك خو ماكو شي. هم رجعنه على مرت فيصل. عوفها معليك بيها عليمن صاير اعصاب. انفتح المصعد صعدت. اي وبعدين.

فهد: راح اتخبل لج تصرفاتها مو نضاميه ما اعرف شلون اشرحلج بس احسها تتعمد.

غنى: طلعت من المصعد. استغفر الله فهد لتظلمها شنو تتعمد البنيه مزوجه وحامل وينها وين هالسوالف. وصلت للشقه لكيت ظرف شلته.

فهد: وين رحتي.

غنى: فتحت الشقه ودخلت. وياك وياك. هسه شحتسوي.

فهد: ما اعرف حجيت وياها بدال المره الف بس لا حياة لمن تنادي ترجع لنفس السوالف.

غنى: خليت الموبايل على الجربايه وفتحت الجبه. زين كل لخاله ايمان خلي تحاجيها.

فهد: شوف هاي حاجتها بس كتلج مت سمع شبعت طن اهاين بس ماكو.

غنى: نزعت التشيرت. افف الله يساعد كلبك هاي بعد شتسوي حذرتها ما اخذت كلام منك العليك تغض بصر شتسوي يعني.

فهد: غنى جاي تبدلين انتي.

غنى: باوعت للموبايل. هذا شمدري. شتكول فهد ماسمعتك.

فهد: ابتسمت. بشرفج اكو وحده تحجي بالموبايل وهي تنزع انفتحت الكامره بالغلط وشفت المستور شيصير بيج ساعتها.

غنى: بارتباك. مجنت ابدل.

فهد: اني سمعت صوت سحابه وهاي السحابه سحابه جبه بنطرون ما ادري وهم سمعت صوت شمر. فخمنت انو جاي تبدلين.

غنى: ادري اذن عندك لو شنو.

فهد: حاسه السمع عندي جدا قويه. بالعلامه مرات توكفين تدردمين عليه عبالج ما اسمعج لا اسمع بس اغلس.

غنى: هسه عوفك مني اليوم عندك دوام مو.

فهد: اي مابقه شي نكمل تدريبات ونروح للموصل.

غنى: بخوف. فهد لتروح للموصل حباب.

فهد: ما اكدر غنى اني جنت منتظر هاللحظه من زمان ومن اقرب عليها تكليلي لتروح.

غنى: وخاله ايمان تدري.

فهد: لا طبعا من يجي وقت روحتي ابلغها.

غنى: تنهدت بقينه نحجي شويه وراح.

فهد: خلص دوامي وطلعت وصلت للبيت وكالعاده الكه مرت فيصل كاعده بالطرمه بطرك التراك. خلي اطبق حجايه غنى احسن دنكت راسي طبيت سلمت وصعدت لغرفتي سبحت وبدلت ونزلت.

ايمان: هاا يمه نصب غده.

فهد: لا يمه تغدو انتو اني ما اشتهي.

ايمان: ليش يمه.

فهد: مو مشتهي تغدو انتو.

ساره: وانت اذا متريد غده ليش ما كلتلنه مو تدري اكو حامل بالبيت.

فهد: واني شعليه بيج اكلتي لا اكلتي طبج طبوب.

آلاء: ولج انتي شكد وحده جذابه مو شفتج خاتله وبأيدج ماعون وتاكلين.

ساره: هاا.

بتول: اييع شكد عينج فارغه يعني لو ماكله كدامنه قابل راح نكلج ليش تاكلين بس ماعليج عتب لان انتي بت عائله فقيره واكيد جانت اللكمه حسره عليكم.

علي: احترمييي نفسج وبطلييي هالحجييي عيب عليج.

اروى: اباوع لساره الدمعه صارت بطرف عينها صعدت بسرعه لغرفتها.

ايمان: شجاجن حرجتنها خلي تاكل بالعافيه شبيجن.

آلاء: خلي تولي هالجذابه.

اروى: رحنه صبينه غده وكعدنه نتغده وسعاد مانزلت هالفتره مدري شبيها من غرفتها ماجاي تطلع الله يستر منها.

ام صالح: تعال فالح.

فالح: هاا يمه.

ام صالح: بحزم. شخبار بت اخوك.

فالح: عايشه وشحلاتها اصلا ناسيتنه ولا بحالنه ذاك اليوم كفاح مخابرها يسأل عليها كايلتله لتتصلون عليه ولا الكم علاقه بيه وعلساس راح تزوج حمزه ابن كامل خالها.

ام صالح: ليش الحقيره متقبل تجي شنو قصرت وياها اني اشو جنت كل شهر ادزلها فلوس بأيد كفاح وجريتلها راتب شهري بس ليش ماغزر بيها زين عوفك منها مروان شلونه كلبي طاك عليه.

فالح: ما اعرف اخباره اكلج نتوسل بيها حتى بس تنطينه اخبارهم ماكو تطلع تاخذ الراتب من كفاح وتطب حتى سلام متسلم.

ام صالح: والله لو ما عين صالح جان سحلتها وجبتها لهنا غصب عنها بس واكف بعيني صالح الله يرحمه.

فالح: دخلي تولي يايمه احنه حاولنه نقربها النه بكل طريقه بس هي الي رفضت تذكرين من لبستي عباتج وكلتي اخذوني الها.

ام صالح: هزيت راسي وكلتلكم لا تجي ولا توصل وبيومها ارتفع ضغطي من القهر. ليش يصالح ليش جنت خوش ادمي ومرتك دره مال الله ليش هيج خلفتك طلعت ناكره وعاقه.

فالح: تربيه خالاتها وامها مو راحه عليمن تطلع.

ام صالح: اكل تبن ولك شنو مو راحه ختام اشرف من الشرف وهاي السمعه طلعنها ازهار اختك ونسوانكم عبالكم ما ادري بس اااخ من العذاب الي راح تاكلو بيوم القيامه والله لتشوفون الي محد شافه كلشي ولا تمس الميت بسمعته. امشي اطلع بره لترفع ضغطي.

فالح: بست راسها. براحتج حجيه.

ام صالح: شقسى كلبج يابت صالح وعليمن طلعتي حاقده شمسويتلج اني وحرمتيني منج ومن مروان.

غنى: يراودني احساس غريب لمجرد تذكري انو من خالتي ترجع وحترك هالشقه وبعد ماكو اي تواصل بيني وبين فهد اكو جانبين عندي واحد فرحان لان حيخلص من هالهم وجانب ضايج لان حينتهي كولشي. كمت جبت ورقه واجيت كعدت اكتب كولشي بكلبي وامزك الورقه سمعت هالطريقه مفيده وتريح. دك موبايلي شفتها نرجس جاوبتها كعدنه نحجي فتره سولفتلي على سفرتهم وشلون تونسو وسولفتلي على مرتضى همزين مارحت والا جان تخبلت من ورا.

غنى: يراودني احساس غريب لمجرد تذكري انو من خالتي ترجع وحترك هالشقه وبعد ماكو اي تواصل بيني وبين فهد اكو جانبين عندي واحد فرحان لان حيخلص من هالهم وجانب ضايج لان حينتهي كولشي. كمت جبت ورقه واجيت كعدت اكتب كولشي بكلبي وامزك الورقه سمعت هالطريقه مفيده وتريح. دك موبايلي شفتها نرجس جاوبتها كعدنه نحجي فتره سولفتلي على سفرتهم وشلون تونسو وسولفتلي على مرتضى همزين مارحت والا جان تخبلت من ورا.

فهد: كاعد اشتغل ودخل عليه واحد من الشرطه. سيدي المسوؤل يريدك.

فهد: ماشي جاي. كمت رحت لغانم. نعم سيدي شتريد.

غانم: كملت تدريب الشباب.

فهد: تقريبا.

غانم: وجماعتك كملو شغلهم.

فهد: اني وعمر راح نكمل بقه مهيمن وايمن شوفهم انت.

غانم: ماشي تعال اكعد.

فهد: لا عندي شغل تسلم. طلعت رحت لمكتب الشباب لكيتهم كاعدين. بطلو تسخت ماشفتكم بيوم كاعدين تشتغلون.

عمر: تعال فاتتك سالفه.

فهد: خير.

مهيمن: البارحه انت استراحه وجابو مجموعه مال زلم ونسوان لاكفيهم ببيوت دعاره.

عمر: لا احلى شي نص الضباط جربو حظهم.

فهد: وبعدين.

ايمن: وبعدين وصل ال. للستار.

عمر: هههه دباوع لفهد شبيك فهودي ليش احسك قرفان.

فهد: تلعب نفسي من هالاماكن.

مهيمن: ليش شنو اختلاف بيوت الدعاره عن الملهى يفالح.

فهد: سبق وكتلكم اني بس اباوع ما ادنه يمهن تلعب نفسي. وبعدين خو ما تقربتلوهن انتو.

ايمن: اني لا بس هذوله يمكن اي.

فهد: روحو سوو فحص خاف مريضات وتنعدون منهن وانوب يصير بيكم ايدز.

مهيمن: فال الله ولا فالك.

عمر: اكلك لتحجي هيح وتخوفنه لخاطر ربك.

فهد: حتى تبطلون تفتحون سحابكم للرايحه وللجايه. عفتهم وطلعت فتحت باب المكتب ودخلت اكمل شغلي.

اروى: امي كلتلي صعدي صيحي لسعاد خلي تنزل تشوف جناينها خبلنه. صعدت وصلت للغرفه سمعت صوت عالي جانت جاي تحجي ويه فيصل بس الي صدمني كلامها الي جان ويه فيصل. اعوذ بالله اعوذ بالله شنو من بشر ذوله. نزلت ركض وجسمي كله يرجف.

ايمان: واكفه ستوني اريد اصلي صلاه المغرب وما اشوف غير اروى طبيت تركض وترجف. ركضت عليها بخوف. شبيج يمه.

اروى: حضنت امي بسرعه.

ايمان: جسمها يختض بين اديه. ولج يمه ليش ترجفين يمه بتي بسم الله الرحمن الرحيم اروى حبيبتي احجيلي شنو شفتي ليش تختضين هيج.

اروى: *******يتبع.

ايمان : واكفه ستوني اريد اصلي صلاه المغرب وما اشوف غير اروى طبيت تركض وترجف.

ركضت عليها بخوف: شبيج يمه؟

اروى: حضنت امي بسرعه.

ايمان: جسمها يختض بين اديه. ولج يمه ليش ترجفين؟ يمه بتي بسم الله الرحمن الرحيم. اروى حبيبتي احجيلي شنو شفتي ليش تختضين هيج.

اروى: بخوف يم يمه سمعت سعاد وفيصل يحجون يحجون باشياء مو زينه. سعاد جاي تسوي اعمال حتى تموتين.

ايمان: كلشي مافتهمت منها. جريتها كعدتها على الجربايه. كعدي يمه وصل على محمد. صبيتلها ماي هاج شربي وبطلي رجف حتى افهمج شبيها سعاد.

اروى: نملت عيوني دموع وبديت احجي لأمي الي سمعته.

فيصل: يمه راسي راح ينفجر اريد بندول اي شي.

سعاد: بكنتوري اكو كومدي بي ادويه شوف اكو بي بندول.

فيصل: رحت فتحت الكنتور دورت على ادويه ماهي ماكو وينهن. رفعت ايدي للخانه الفوك شفت صندوك فتحته وانصدمت صحت يمه شنو هذا.

سعاد: اجيت ركض سحبته جيب لك ليش تبحوش بغراضي.

فيصل: بصدمه يمه ليش ضامه هالسوالف بكنتورج؟ راس الطير شعنده هنا وشهالشعر هذا. فتحت عيوني شنو كمتي تشتغلين سحاره.

سعاد: صوتك فضحتنه سد حلكك ابن الكلب.

فيصل: بعصبيه شنو اسد حلكي شهالقرف الي وصلنالنه احنه مو لهالدرجه يمه كمتي تسوين سحوره.

سعاد: انجب واسمعني زين هالسحر مو مؤذي.

فيصل: لا بله وين اكو سحر مو مؤذي شنو كدامج طفل وتضحكين عليه.

سعاد: دسمعني ولتخبصني. هالعمل مو لواحد غريب اني ردت اسوي لفهد دسمع للتخبل عليه. هذا العمل حتى اخلي ايمان تكلب على فهد وتجبره يتزوج بتول فهمت ياغبي.

فيصل: فهد ينجبر صدك تحجين انتي.

سعاد: مو هالعمل راح يخلي ايمان تتمرض وتصير طريحه الفراش واكيد فهد من يشوف امه هيج ماراح يرفضلها طلب كلنه ندري بي شلون متعلق بأمه فمستحيل وهي بهيج وضع يبطل غير هيج هالعمل راح يخمد رجوله فهد لفتره معينه وهالشي راح يخلي يتزوج بتول غصب عنه لان اذا رجولته ماتت بعد محد تقبل بي فينجبر يخضع للامر الواقع وياخذ بتول لان محد تقبل بي غيرها فهمتني هسه.

فيصل: انتي شنو ابليس شيطان بس فهميني شلون تنزلين لهالمستوى يمه لو مهما يكن تبقه هاي ارواح وربج ميقبل واحد ياذيها.

سعاد: ماراح ااذيهم كتلك بس لفتره وابطل العمل بأيدي.

فيصل: يمه كلنه ندري الي يسووله عمل لو يموت لو يصير بي شي ويفقد عقله. تردين الله يطيح حظنه فوك ماهو طايح. هالشغله عوفيها يا يمه اني كلشي اسوي واحط ايدي بأيدج لو شما تسوين بس مال توصل بيج تسلكين هيج طريق لا وداعه جهالييي انسى عدي ام وامحيج من حياتي.

سعاد: صحت لك غبي انت قابل اني شعندي مو كل الي داسوي لخاطركم صار 12 سنه ما خليت شي ماسويته حتى اكدر ارجع كلشي الكم بس مليت ماكو شي يكدر يخلي فهد ينفذ الي اريده غير هالطريقه عبالك اني فرحانه بألي جاي اسوي بس اخوك متمرد وجبرني الجئ لهالطريق.

فيصل: الي ابالج تلغي لا قسم بالله اروح اكله. لتلعبين بالنار يمه هذا فهد الي يدوسله على طرف يجيب اجله واحنه ماعايزين.

سعاد: هذا الحجي بس هسه باجر عكبه فهد لو تزوج بتول وكام يدر علينه فلوس تجي انت اول واحد تكلي اريد حقي.

فيصل: اني ما متخلي عن حقي بس مستحيل اخذه بهيج طريقه خاصه انو هالطريقه راح تدمر بيت كامل.

سعاد: اووف منكم ولكم عليمن طالعين اغبياء انتو شصارلي ساعه احجي اني كتلك هالعمل يبقى فتره وابطله اني بس خلي فهد يتزوج بتول.

فيصل: شو يمه انتي الحجي وياج وعدمه نفس الشي.

اروى: بدموع وهذا الي صار. يمه تريد تسوي اشياء موزينه الج ولفهد. بأذني هاي سمعت فيصل يكلها ليش ضامه راس طير وشعر وبعد اشياء مقززه مااكدر اذكرها.

ايمان: انخمط كلبي كلشي توقعت من سعاد بس تنزل لمستوى انو تضر ابني برجولته وتخلي عاجز حتى تنفذ الي تريده هذا الي ما جنت متوقعته. مسحت على شعر اروى الي متهستره من الي سمعته خاصه اروى فقيره وتخاف مو مثل ورده. اروى يمه بسرعه كومي صيحي لاخوج تلكي بغرفته.

اروى: راح تكليله.

ايمان: طبعا لازم اكله كومي يمه كومي.

اروى: صعدت لغرفه فهد دكيت الباب طلع لي.

فهد: طلعت لكيت اروى عيونها كلها دموع. بخوف شبيج.

اروى: جريت ايده تعال بسرعه امي تريدك.

فهد: نزلت وياها خير شصاير شنو امي متخربطه.

اروى: تعال وانت تفهم.

فهد: دخلت لغرفه امي لكيتها كاعده خير يمه.

ايمان: سد الباب عندي سالفه وياك.

فهد: سديت الباب ودخلت. احجي يمه.

ايمان: اروى سولفي لاخوج الي سمعتي.

فهد: باستغراب تره وضعجن ما عاجبني احجن لتخبلني.

اروى: بديت احجي لفهد على السمعته احس اكو رهبه فضيعه بداخلي يمكن يكول البعض هاي جاي تبالغ بس اني طبيعتي اخاف خاصه انو احنه مامتورجين على هيج اشياء وماعدنه معلومات عمرها امي ماجابت سيره هيج اشياء كدامنه. اخذت نفس بعد ما كملت السالفه لفهد اباوعله ضل ساكت ماكو اي ردة فعل على وجهه.

ايمان: اباوع لفهد كام طلع بسرعه. ولك يمه تعال طلعنه ورى البنات شافنه نركض هم اجن ورانه.

فهد: عفتهن وطلعت صعدت فوك اركض لا لهنا وكافي بعد وصلت حدها. وصلت لغرفتها فتحت الباب ودخلت هي من شافتني فزت. باوعت للكنتور فتحته بسرعه.

سعاد: جريته شجاي تسوي لتفتح الكنتوررررر بي شغلات نسوووان اكعددد فهد.

فهد: دفعتها بسرعه كلبت الكنتور تحت صياحها وجرها الي. جريت صندوك فتحت ودرته كدامها. بصيااااااح شنووووو هذاااا وصلللللللت بييييج تسويييين سحورررره.

سعاد: هذا منو جابه مو مالتي.

فهد: جريتها كتيلي مو مالتججججج مووو فيصللل صحت يااااا فيييييييصل.

فيصل: طلعت من غرفتي على صوت فهد طبيت لغرفه امي شفته ذاب الصندوك بالكاع ويصيح. انصدمت معقوله دره بهالسرعه.

فهد: فيصل هذااا العمل اممممك مسويته لو لاااا احجيييي.

ساره: اباوع لفهد صاير نار وصياحه وين واصل احنه واكفين على صفحه وسعاد واكفه وهي واثقه.

فيصل: بارتباك لا مو لأمي.

فهد: فيصل الك منييي خمس سيارات حديثه مال هالسنه اشيلهن انطيهن الك حلال زلال بس احجيييي الصدك امككك الي مسويه هالعملل لو لا.

سعاد: باوعت لفيصل محذرته.

فيصل: باوعت لامي ما ادري فهد يمكن الها مااعرف اني.

انغام: كلنه انصدمنه من حجه فيصل معقوله عمتي تسويها.

فهد: جريتها لللللج انتييي ويامن جااااايه تلعبيييين تعرفييييين شكدر اسويييي بيج انييي لجججج لو السالفه علييييه يطبنيييي مرض لججج تردين تمرضين امييي انتيييييي شنوووو من بشرررر وصلتتتت بيج تضرينييي بأمييي ياحقيررره بس.

سعاد: فهد بس اسمعنيي.

فهد: جريتها ونزلت ادفع بيها امي ونسوان اخواني يجرن بيه واني ولا يمهن فتحت الباب مال الشارع وذبيتهااااا امشيييي شوفيلجججج واحد يلفييييج اني ما الفييي ببيتي وحده كح.....

فيصل: لزمته من هدومه ما من حقك تطرد امييي.

فهد: الييييي يدخلللللل اطررررده وياهاااا ورب العزززززه فتهمتووووووووو الي يريد يروح وياهاااا الباب يفوت مليون جمل مو جمل واحدددد. وانت هيي الك مهله لاسبوع وتترك البيت فتهمتتتتتت.

سعاد: دكيت الباب فهد افتح الباب خلي افهمك السالفه. ولك فهد عيب على شيباتي تذبني بالشارع اني بمقام امك.

فهد: فيصل طلع لامه صحت طببببن جوووه. طبيت كعدت بالصاله احس ضغطي ارتفع كلشي توقعتها تسوي بس هاي ولا اجت ابالي لعد شكد حقيره وحاقده.

ايمان: يمه اشرب ماي باوع وجهك.

فهد: ما اريد سم. طلعت جكاره هاي اول مره بحياتي ادخن كدام امي بس ماكو غير الجكاره تهدئني بهالوقت هذا.

آلاء: هاي عمتي صدك تحجي وصلت بيها تسوي اعمال شيطانيه.

انغام: شنو موقف رجولتنه هسه والله عيب الي بكدها مخلصه حياتها عباده مو تدور هالسوالف.

ساره: عفيه انت خايفه ليروح فهد يطردنه من البيت.

فهد: صحت اقسم بالله اذا ما سكتن وبطلتن تبسبس اركعجن بمبييييييت نعاااال واطردجن فتهمتن.

آلاء: كافي سكتن هذا طنكر.

ساره: وين منذر وعلي.

انغام: طالعين.

ايمان: ضلينه كاعدين فتره لحد ما طبو الحجيه ياسمين وحمويني ونسرين هله كملت السبحه.

نسرين: عمه فهد صدك تحجي تطرد مرت ابوك بالشارع بهالليل هذا.

فهد: باوعتلها رجاءا الي ما مفتهم السالفه ليضل يطفر جنه كنغر اكعدو واني اكل تبن وافهمكم لحد يصير شيخ براسي.

نسرين: شهالاسلوب هذا نسيت اني عمتك.

ياسمين: اشرتلهم لحد يجاوبه ادري بي اذا صار عصبي ينسى روحه. كعدت كدامه احجي ولك ليش طردت سعاد اجتني تنحب وتبجي حتى عبايه على راسها ماكو بطرك الشيله عفتها هناك واجيت اني وعمامك نفهم السالفه.

مهدي: عمي فهد احجي مو يبست ريكنه حتى مرت ابوك ماقبلت تحجي.

فهد: عمي اني ميشرفني استقبل وحده سحاره ببيتي.

عباس: استغفر الله عمي شهالحجي.

فهد: مثل ماسمعت وهاي كدامكم الكل شاهد الصندوك منين طلعته مو من كنتورها وحتى فيصل شهد ضدها وبصوره غير مباشره واني مستحيل اقبل تبقه عندي بالبيت هيج وحده.

ياسمين: بهدوء العمل مال شنو.

فهد: مسحت على وجهي ماادري حجيه حسب الي فهمته مال مرض وعجز رجوله الي ولأمي.

نسرين: لطمت على صدري لا ياكح....

عباس: لسانج ام مرتضى. عمي فهد صل على محمد يجوز انت متوهم يجوز اكو احد حطه لمرت ابوك.

فهد: عمي لخاطر دينك وين كاعدين احنه بمسلسل وواحد يخلي سحر للثاني وبعدين منو الي يخلي سحر بكنتورها امي الفقيره لو خواتي الي لا يحلن ولا يربطن. عمي السالفه واضحه واني كلت وارجع اكول سعاد مالها رجعه لهالبيت قبلتو وان ماقبلتو.

ياسمين: وينها روح حارث جيبها وتعال.

فهد: كلت سعاد متطب لهالبيت بعد.

ياسمين: واني ماكو حجايه تمشي على حجايتي فتهمتتتت خاف عبالك كبرررت. روووح حارث واستعجلها بسرعه.

نسرين: اعوذ بالله شنو من بشر هاي شهالقابليه هاي وانتي يا ايمان يافاهيه معقوله ما انتبهتي.

ايمان: الله شاهد ماتوقعت تسويها قبل فتره شفتها تصعد بالسطح وتشغل بخور وحرمل كلت لعمتي وكلتلي التزمي بالقران ولتخلين غرف ولدج مفتوحه. وهذا الي سويته كمت غرف ولدي وبناتي اقفلهن من يطلعن ومن يرجعن انطيهن الهن. بس مااعرف شلون كدرت تسوي بدون اثر.

ياسمين: ضربت على رجليه الله يرحمك ياسالم تعال شوف الي جنت تدافعلها وواكف بصفها شجاي تسوي.

مهدي: يمه صل على محمد تره ضغطج موزين.

فهد: ضليت كاعد شويه وطبت سعاد تبجي اجتي تركض يم الحجيه.

سعاد: حجيه شفتي ابن ابنج شسوه بيه ذبني بالشارع وخلاني فرجه لليسوه والي ميسوه. اتهمني مسويتله سحر واني لا مسويه ولا ابد.

ياسمين: ولج تعلميني بسوالفج عبالج ماادري لو غشيمه. ااااخ منج ولج ميغزر بيج صار سنين عايشه بكده وبفلوسه وتلعبين بذيلج وياااا عضيت ايدي اااااخ ولج ولج كون اشرب من دمججج. جريتها احجي ولج العمل بديتي بي لو لا احجيييي.

سعاد: والله العظيم كلشي ماسويت لابديت بعمل ولاشي.

ياسمين: تدرين اني هسه اكدر اخابر اخوانج واخليهم يتورجون على سوالفج والله سيرتج تصير على كل لسااان وياهو الي يشوفج يتفل بوجهج.

سعاد: بدموع ابوس ايدج عمه والله من قهري خطيت هيج خطوه اني شنو ذنبي صار سنين عايشه عيشه الخدم اني الي جنت الامر الناهي تالي صرت مالي قيمه كلشي راح لفهد من قهري ردت اسويله سحر مو غرضي ااذي بس ردته شويه يضوك لوعتي.

فهد: ركعت النفاضه بالكاع والله دنعل ابو ابو الي يطلعلج لج خدامتيش انتييي وين اكوووو خدامه تكعد بالدعش الصبح وين اكو خدامه كل سنه تسافررر وين اكوووو خدامه مدندشه بالذهببب خدامتيششش هااااي. هاي من غير الصرف الي اصرفه عليج لعد شكدددد عينج فارررغه انتيييي.

ياسمين: يمه فهد اهدئ لو صار بيك شي منو يفيدك اهدئ بيبي اهدئ.

اروى: البيت كله دخل انذار عمامي حاولو يقنعون فهد حتى يخلي سعاد بالبيت بس فهد قافل.

فهد: اني افضل اجيب كح... واعيشها بهالبيت ولا ابقي هاي هنا لان لابد الكح.... ادري بيها شنو هي وكلشي اتوقع منها بس هاي الي ملفيها ببيتي واصرف عليها وعلى بزرتها واني مامجبور تعض الايد الي نمدتلها والي يعض مره يعض الف مره.

عباس: لخاطر ابوك المرحوم رجعها للبيت مو لخاطرها مهما يكن تبقه ام اخوانك وفشله من الناس.

فهد: ارجعها حتى تبديلي بعمل جديد هالمره ابالها تاذي امي المره الجايه يجوز تسوي عمل تكلبنه بي حمير شتكولين سعوده اكو سحر يسوي هيج بما انو انتي عندج خبره وتعرفين تحفينه ييييييله.

ياسمين: اني لو بأيدي اقسم وداعه حجي علي اشمرها بالشارع واخليها عبره لمن اعتبر بس واكف بعيني سالم وامها المرحومه الي وصتني عليها يفلا ادخل واخلي فهد يسوي الي براسه. باوعت لفهد حبيبي فهد اسمع كلامي وخليها ترجع لأجل عيني.

فهد: حجيه كلامج على راسي بس مال اخلي سعاد ترجع بعد ماسوت سوايه حتى الموشريفه تخاف منها ما اخليها.

عباس: سعاد راح ترجع للبيت وبموافقتك انت اول شي.

فهد: عمي سع..

عباس: اني مو بمقام ابوك لا شنو اني ابوك اكو واحد يكسر حجايه ابو. فهد اذا تعزني وتعز عمك خليها هنا مالنه خلك القال والقلت وانت تدري الناس بس تريدلها علج تعلج بي.

مهدي: اني عن نفسي اكول عوفو الولد براحته وسعاد خلي تجي عندي بالبيت وتبقه شكد متريد لتضغطون على فهد اذا ما متقبل وجودها.

ياسمين: مرت اخوك تبقه ببيت ابن رجلها طلعه منا ماكو انت تدري ناسنه شلون طايحظها وتدور الزله على بيت حجي علي تريد بعد هالعمر تجيني ام سرمد تعيب عليه وتكول جناينج سحارات غير اطك واموت.

عباس: خويه ام فهد انتي شتكولين.

ايمان: اني وره ابني شيقرر اني وياا وبالنسبه لسعاد بعد عملتها هاي سدت كل باب احترام وتقدير جان مفتوحلها. وااذ لنفرض رجعت منو كال ماراح تسويها مره ثانيه.

ياسمين: والله العظيم اذا عادتها اذبحها بأيدي وهسه تكوم تحلف على كلام الله وباجر اخذها للعباس هم تحلف بعد متسوي هالسوالف التعبانه هاي. احجي سعاد تحلفين لو.

سعاد: احلف والله احلف بس لتكلون لاحد وتفضحوني.

نسرين: كالو للحرامي احلف كال اجاني الفرج.

ياسمين: نسرين اسكتييييي انتي.

مهدي: باوعت لسعاد. شنو نفضحج لو نريد نسويها سالفه جان وديناج لاهلج وانتي بهالعمر بس وكف بعيونه اخونه المرحوم ومجبورين ناكل تبن ونسكت.

سعاد: رحم الله والديك خويه.

نسرين: انتن هييي امشن جيبن القران وتعالن.

آلاء: استغفر الله هاي شبيها هسه من واحد يجيبها بنعال هم يكلك ليش. رحت جبت القران واجيت.

ياسمين: اذا نظيفه حلفي على كلام الله بعد متسوين سحوره وباجر الصبح بأيدي اخذج لكربلاء احلفج بالعباس ( عليه السلام ) حتى يصطرج اذا تجذبين.

ايمان: قبل لتحلف باوعتلها انتي مسويه عمل قبل بوقت احجي الصدك.

سعاد: بدموع اي بس مانجح وانكلب عليه الله شاهد عليه بس هالعمل سويته وجنت ناويه على هالعمل بس صار الي صار والله ما مسويه غير عمل وداعه جهالي.

فهد: بهدوء بريئ منج الله انتي.

اروى: اباوع لفهد عيونه حمر دم وشرايين ايده بارزات من العصبيه بس المشكله يحجي بكل هدوء. ما اعرف ليش الحجيه اصرت سعاد تبقه وليش اصلا رجعوها والله العظيم اني بعد الي سمعته كامت نفسي تلعب منها لا وامي كل عقلها تريد سعاد تحلف علساس يعني ماراح تسويها بعد. اباوعلها خلت ايدها على القران واتفقت وياها الحجيه باجر تاخذها لكربلاء.

ايمان: شتسوالج هاي كدام الكل انفضحتي وصغرتي بعيون الكل ليش هيج سويتي ليش.

سعاد: لارد.

فهد: اني راح ارجعج هنا بس مو لخاطرج ولا بحالج اني بس تقديراً لعمامي والحجيه. بس هاي كدام الكل وجها ما اشوفه ابد تبقه بغرفتها لاتنزل يمنه ولاتدنالنه واذا لكفتها قريبه علينه والله العظيم اسوي بيها سوايه ابن الشارع ميفكر بيها.

ياسمين: لا متنزل تبقه مزروعه بغرفتها بس خليها هنا. يمه عباس مهدي نسرين الموضوع هذا مينفتح كدام اي احد حتى نسوانكم ما اريدهن يدرن. عباس يمه وصي حارث مو يحجي شي وانتو الي هنا هالموضوع متفتحو حتى بيناتكم مفهموم السالفه تنسد وانتي يا سعاد وروح حجي علي اذا صاب بيت ايمان شي حتى لو خدش اجي اذبها براسج واخلي كتلج عمل شعبي والله وهاي اني حلفت.

سعاد: والله كلشي ما اسوي واصلا اني مااعرف بالاعمال بس وحده ضحكت عليه وقنعتني اسويهن والله مالي بهالطريق اني.

ياسمين: منيه هاي احجي نعرفها.

سعاد: ام حميد.

ياسمين: لطمت على صدري ام حميد مرت جاسم ابو العرك. ولج يمعزايه شجابج عليها لا بارك الله بيج هاي هجامت بيوت ولكم شسوي هسه اكطع كصايبي من وراج شسويلج كليلي.

سعاد: سكتت.

ياسمين: كومو يمه رجعوني لبيتي اذا ابقه هنا يمكن اطك واموت.

نسرين: عود صدك راح تبقيها هنا عمه فهد قبلت على حجيهم انت تريد تبقي حيه ببيتك.

فهد: باوعتلها وسكتت المشكله مااكدر اكسر حجايه الحجيه لو مهما يكن تبقه هي الجبيره وحجايتها الي تمشي.

اروى: اباوع لفهد خشمه طك دم. يااا فهد.

ياسمين: ركضت عليه شبيك يمه شجاك.

عباس: حارث روح ركض جيب جهاز الضغط يمكن ارتفع ضغط ابن عمك اركض.

فهد: اوكف ماكو داعي اخذت كلينس خليته على خشمي. يجوز صار خلل بضغطي ماكو شي كمت احس روحي دايخ.

ايمان: وين رايح يمه لتروح تتخربط.

فهد: مخنوك يمه اريد اطلع. من رخصتكم عفتهم وطلعت. اخذت سيارتي وطلعت خشمي ماوكف نزف لعبت روحي. مشيت ومالكيت روحي غير يم العماره اباوع للساعه بالوحده هاي هالكد مر وقت ولا حسيت نزلت شافني ابو ماجد.

ابو ماجد: شلونك سيد فهد. خير شبيك عسى ماكو شي.

فهد: هله بيك. لا ماكو شي تعور خشمي من رخصتك عفته وصعدت للشقه.

غنى: كاعده ادرس وسمعت الباب تندك حسيت عضامي يبست. منو يجي بهالساعه يربي خاف ابو الرساله هذا. كمت دكيت على فهد بسرعه ماكو ميجاوب رجعت دكيت هم ماكو. رجعت الباب اندكت تمشيت ورجليه وحده تطك بالثانيه. باوعت بالعين هذا فهد واكف فتحت الباب دخل بسرعه. باوعتله خال كلينس على خشمه. بخوف شبيك فهد.

فهد: بدون مقدمات تقدمت حضنتها بقوه.

غنى: فتحت عيوني شبيك فهد.

فهد: دفنت راسي بركبتها. بصوت مكتوم تعبان غنى تعبان.

غنى: حضنته ومسحت على ظهره خير صاير شي شبيك فهد فهمني مو حموت من الخوف.

فهد: بتعب لتسأليني غنى اني تعبان واجيت يمج لان محد يفهمني غيرج بس انتي تفهميني وتعرفيني غنى.

غنى: بعدته عني لزمت وجهه دتعال اكعد خلي اشوف شبيك. كعدته وكعدت بصفه شلت الكلينسه اباوع خشمه يجري دم. هاي يمكن صار عندك ارتفاع بالضغط. بس همزين طك خشمك دم والا جان صارت بيك جلطه اسم الله. رجع جسمك على القنفه وارفع راسك هي ثواني واجي. كمت ركض جبت كطن ومي دافي. اجيت كعدت يمه مسحت الدم.

فهد: هاي شجاي تسوين وخري غنى.

غنى: فهد وجهك كله دم. وخر ايدك مسحت خشمه وخليتله كطنه نظيفه تمدد هسه اجي كمت سويتله عصير ليمون بسرعه واجيت لكيته خال ايده على راسه ومغمض. فهد اكعد.

فهد: همهم. ها.

غنى: اكعد اشرب العصير حتى ضغطك يهبط حباب. كعدته شربه بالكوه اخذت الكلاص خليته على الطبله. احجيلي شبيك.

فهد: بتعب غنى ماعندي قابليه احجي ابد اني اجيت حتى ارتاح لتلحين عليه.

غنى: خلص براحتك.

فهد: انام بحضنج.

غنى: ابتعدت لوره فتحت اديه تعال.

فهد: تمددت بحضنها حضنت خصرها وغمضت عيوني.

غنى: دخلت اصابعي بشعره يعني تسوه على مود اسباب تافه تتعصب ومن وره العصبيه يرتفع ضغطك منو يفيدك لو صار بيك شي.

فهد: مو بأيدي غنى ما اكدر ما اصير عصبي خاصه هالمره الموضوع يستوجب العصبيه اصلا احمد الله ما خطيت خطوه غلط تالي اندم عليها.

غنى: بهدوء اذا تحب تحجي اني اسمعك.

فهد: تنهدت بادي احجيلها الي صار بشكل مختصر. انتي هسه كليلي حقي اصير عصبي لو لا.

غنى: مسحت على ظهره اتعجب على هيج بشر شلون يكدرون يسوون هيج شي ميخافون من الله عوفك من خوفهم من الله ميخافون هالاعمال تنكلب عليهم مو اول وتالي الانسان شيسوي يرجع عليه.

فهد: عبالج كلها مثلج تخاف الله ومتأذي احد هذني كح..... كلشي يسون حتى يحصلن الي يردنه واني والله لو ما الحجيه جان طلعت بروحها والله.

غنى: همزين الحجيه تدخلت لو مهما يكن تبقه ام اخوانك واحترامهم من احترامها. هي مادام حلفت على القران خلصت بعد والله يهديها.

فهد: سامعه المثل الي يكول الكح... اذا تابت تصير كوا.... وهذا المثل ينطبق على سعاد متوب لو تقوم القيامه.

غنى: هسه عوفك منها الله قبيلها يعني اليوم لو صاير بيك شي تفيدك سعاد لو يفيدك فيصل.

فهد: المفروض تكيفين حتى تخلصين مني.

غنى: بسرعه اسم الله فهد لتكول هيج.

فهد: شلت راسي باوعتلها. تخافين عليه.

غنى: بدون وعي. ا اذا عليك ما اخاف عليمن اخاف.

فهد: بهدوء. يمكن انتي الانسانه الوحيده الي عمري وحياتي ماراح اتندم انو فتحتلها كلبي.

غنى: فهيت بوجهه مااعرف شرد.

فهد: رجعت نفسي لحضنها.

غنى: لعبت بشعره. حتبات هنا.

فهد: هزيت راسي احتاج شويه هدوء وما اريد ارجع للبيت خو ما عندج مانع.

غنى: سوي الي يعجبك واني ايدي بأيدك.

فهد: غمضت عيوني متألم.

غنى: شبيك.

فهد: بتعب. نعسان بس راسي يوجعني مااكدر انام.

غنى: هسه اقرالك قران ويصير راسك زين بديت اقره قران وامسح على شعره لمن حسيت انفاسه انتظمت عرفته نام. تنهدت جسمه صايره فوك جسمي وراسه على صدري شلون اكوم ماادري. ماهانلي اكعده لان سوده عليه نص ساعه ياله نام حاوطته ونمت اني هم.

انغام: كاعده واباوع لمنذر الي راح يتخبل. كافي منذر لخاطر الله دباوع لوجهك.

منذر: لج بيا وجهه اباوع لاخويه وامه بعد يعني فوك ما مفضل علينه ومخلينه كاعدين معززين مكرمين ببيته نجي نسوي هالسوايه وياا لا وجماله عمتي نسرين درت هسه تشرنه على الحبل.

انغام: حبيبي انت شعليك امك غلطت انت ليش تتحاسب.

منذر: انتي كلتيها لانها امي لازم الي يصيبها يصيبني. راح اتخبل يعني امي وين واصل بيها الحقد حتى تسوي هيج.

انغام: احمد ربك طلعت ما مسويته جان فهد ذبحها والله.

منذر: مو ربج راد يفضحها الله مو غافل وعبالج راح يفوتها الها وياخوفج من ضربات الله. انغام اني خايف منها وعليها اخاف تسوي شي اقوى والله يعاقبها عقاب عسير.

انغام: اباوعله عيونه مدمعه كافي حبيبي شجاك الموضوع انسد ومحد يدري بي بس بيتنه وعمامك الاثنين محد يدري غيرهم.

منذر: تعبنه انغام تعبت من جنت صغير اعاني من عداوة امي وايمان جنت لو لعبت ويه علي لو فهد الخاشوكه تنطبع على رجلي حتى اتوب. شايفه جم مره امي كتلتني بالصونده لان انطيت من مصروفي لعلي شايفه جم مره انحرمت من الغده لان اكل حنونه من ايمان ساعة الي تخبز. متشوفيني ما اخليج تدخلين من الضيم الي شفته والله كمت استحي انسب روحي لامي واخواني تدرين ساعات اتمنى لو ايمان امي وساعات اتعوذ الشيطان واكول سعاد امي ما ابدلها بالدنيا كلها.

انغام: سوده عليه اباوعله يفرفح هذا منذر طول عمره عازل روحه وميدخل ولو صارت مشكله يطب ويسد الباب. اااخ ياربي وتالي ويه مشاكل هالعائله احنه الى متى تبقى عمتي مفشلتنه كدام الناس والله لعبت رواحنه. سمعت صوت سالم ابني اني عندي طفل واحد من منذر وهسه البنوته بالطريق بقه شهر وتنور. رحت شلته شبيك ماما شبيك حبيبي.

سالم: جوعان.

انغام: سوده عليه نسيت اوكلك يله هسه اسويلك اكل اخذته ونزلت جوه لكيتهم بعدهم كاعدين وحاطين ايدهم على خدهم عمتي وبتول ماهنه بغرفهن والباقين كاعدين على غير العاده كل يوم بهيج وقت الكل نايم لان الساعه فوك الثنتين هسه.

ايمان: خير شبيك بيبي.

انغام: يبجي جوعان.

ايمان: روحي سويله اكل وجيبي بحضني اخذته منها كافي حبيبي كافي بعد كلبي.

سالم: بيبي جوعان.

ايمان: يخسى الجوع هسه ماما تسويلك اكل.

اروى: اباوع لامي رغم احمد وزينه وسالم احفاد ضرتها بس امي تموت عليهم وهمه هم يحبوها وميصيحولها غير بيبي. فدوه لكلبج يمه شكد حنينه انتي.

آلاء: خاله يعني انتي هسه ما ضايجه لان عمتي رجعت.

ايمان: حبيبتي آلاء هالموضوع لحد يفتحه وياي رجاءا تره روحي طالعه وما اريد اغرد.

ساره: زين خاله انتي شدراج بسالفه العمل معقوله تتنبأين.

ايمان: باوعت لاروى الي رادت تحجي خزرتها بسرعه ما اريد واحد يعرف اروى الي حجت اخاف تدري سعاد وتروح تسويلها شي. مادريت فهد سمعها بالصدفه تحجي ويه فيصل.

ساره: زين انتي ما حقدتي علينه بعد سوايته ام فيصل.

ايمان: وانتن شعليجن ربنه يكول ( ولا تزر وازرة وزر أخرى ) كل شخص يتحاسب على اعماله الله ميحاسب فلان بسبب فلان كما تدين تدان شتسوي يرجع عليك الله ميأذي عباده ظلم وحشاه من الظلم. فاني ليش احقد عليجن قابل انتن الي سويتن لو هي. صحت وين صرتي يا انغام الطفل مات من الجوع.

انغام: اجيت اجيت. جبت الاكل وكعدت اوكله.

ايمان: يله اني اروح انام اروى صيحي لاختج وتعالن نامن يمي.

اروى: وفهد.

ايمان: راح يبات بره اعرفه مادام تجاوزت ال2 يعني يبات بره.

ورده: كمت جبت مخدتي ورحت لغرفه امي طبيت لكيت اروى نايمه بصفها خليت مخدتي وحضنت امي يمه.

ايمان: ها.

ورده: ريحتج طيبه.

ايمان: ابتسمت هاي سوالفج مثل سوالف اخوج هم يكلي ريحتج طيبه.

اروى: يمه ليش خليتينه ننام يمج.

ايمان: مسحت على شعرهن. كمت اخاف اخليجن وحدجن يمه والله العظيم لوما الحجيه وعمامجن طاحو بعيوني تحلم اخليها تطب عتبه باب البيت.

ورده: ماما لتزعلين مني بس مرات احس شخصيتج ضعيفه.

ايمان: اني جنت بعمرجن متمرده ووكحه بس من تزوجت ابوجن وحبلت بيكم كمت اقدم تنازلات لخاطركم انجبرت اخضغ للامر الواقع حتى ما اخلي ابوكم يأذيني بيكم هذا الاحساس ماراح تفهمنه هسه من تصيرن امهات راح تحسن باحساسي وتعذرني.

اروى: لو شما تكونين تبقين احسن واعظم ام بهالدنيا.

ورده: اي والله بس لو تبطلين عصبيه تصيرين عسل.

ايمان: ابتسمت بستهن وقربتهن عليه حتى انام.

صباحا. الساعه 8.

فهد: كعدت الصبح صحت غنى ما اجاني صوتها اكيد طلعت للكليه بس الثوله مو تدري عندي دوام غير تكعدني. كمت غسلت ودخلت للمطبخ لكيت ريوك على الميز بصفه ورقه اخذتها.

غنى: صباح الخير. اسفه اعرف عندك دوام بس. مهانلي اكعدك لان شفتك تعبان.

ملاحظه / سويتلك ريوك تريك واكو جاي هم حمي وتريك قبل لا تطلع اوك. يله باي.

فهد: ابتسمت كعدت تريكت وكمت غسلت المواعين بسرعه لان خطيه هي ترجع تعبانه. رحت عدلت شعري واخذت مفاتيحي اجيت اطلع تذكرت خاف ماعدها مصرف طلعت فلوس بس وين اخليهن خلي احطهن بغرفتها فتحت الباب ودخلت خليتهن على الطبله شفت ملابسها على القنفه محطوطات بسله مبينات ستوهن مغسولات مديت ايدي شفت داخليات رفعتهن. تفاجئت عبالي غنى خشبه كلشي ماكو طلع بيها لحمه ماتوقعت. لكيت سجل وفوكه قلم كتبتلها رساله وطلعت. رحت بسرعه للبيت بدلت ملابسي وطلعت. وصلت للمركز متاخر ربع ساعه. خليت غراضي على مكتبي وكمت حتى ابدي شغلي.

: احنه اذا نتاخر عشر دقايق يحير شيسوي بينه بس من هو يتاخر ميحاسب روحه.

: ليسمعك يمعود مالنه خلكه تره شوفه شلون كالب وجهه وهسه يطلع حركته بينه.

: ليش هو يايوم ما اجه كالب وجهه يمعود.

فهد: اخذت الملف من الشرطي اني اكول بدال ما كاعدين تحجون بمواضيع مالها داعي وتتناقشون على وجهي المكلوب شلون صاير الصبح التهو بشغلكم هم احسن وافيد الكم.

: بارتباك حاضر سيدي.

فهد: باوعتلهم صفح ورحت يم الشباب حتى نكمل شغلنه.

نرجس: اكول غنى شبيها اروى شو احسها مو على بعضها.

غنى: بهدوء علمي علمج.

نرجس: معقوله ما كلتلج.

غنى: لا والله كولشي ماحجت.

نرجس: هاي اجتي. اروى حبيبتي بيج شي.

اروى: مشاكل بالبيت مو شي جديد.

نرجس: واذا انتي تدرين مشاكلكم مو شي جديد ليش كالبه وجهج ها. سوالف سعاد تعلمتي عليها انتي.

اروى: سعاد كل مابيها جاي تتمادى.

نرجس: والله لو منج اضل اخبث عليها لمن اهججها من البيت.

اروى: ضحكتيني والله عبالج هاي تكترث ولج هاج حوصلتها حوصله مطي متتعب ولا تمل.

غنى: مسحت على ايدها حبيبتي اروى كولشي يهون وكلي امرج لله وكولشي يسهل.

اروى: ونعم بالله.

غنى: ضلينه كاعدين وبعدها كمنه للمحاضرات لحد ما طلعنه. وصلت للبيت دخلت للشقه ملكيت فهد عرفته طالع. دخلت للمطبخ لكيت المواعين مغسوله ومكلوبه على السنك. ابتسمت فهد اول رجال اشوفه يغسل مواعين نزعت حجابي وجبتي ودخلت للغرفه لفت نظري فلوس على الميز شلتهن تنهدت اكيد هو عافهن. افف منه الف مره كتله مامعتازه فلوس بس ميبطل ينطيني بكل جيه. خليتهن بجنطتي باوعت اكو ورقه فوك سجلي اباوع هذا مو خطي شلتها.

فهد: اسف لان دخلت لغرفتج بس ماعرفت وين اخلي المصرف وغرفتج انسب مكان بالمناسبه شكرا على الريوك عاشت ايدج.

ملاحظه / نصيحه انوب من تشترين ملابس داخليه لتشترين لون ابيض لان مو حلو ويطلع باهت عليج. اشتري اسود لان انتي بيضه فيطلع حلو ويبرز بياضج وللمعلومه الموديلات الي تلبسيها مو مال بنات مال متزوجات. فهد.

غنى: ضليت صافنه احس وجهي اشتعل نار. عززه اكيد شاف السله يمه شكد فشله هسه شجابك عليها بس كلي. صحت قسم بالله هالفهد واحد ذره خجل ماعنده زايعها فرد مره. رحت توضيت وصليت وكمت تغديت وكعدت اقره قران شويه. سمعت الباب يندك طلعت فتحته شفت ود.

ود: السلام عليكم.

غنى: وعليكم السلام.

ود: ممكن ادخل احجي وياج.

غنى: اكيد تفضلي. اباوعلها دخلت تتفحص البيت بعيونها. تفضلي استريحي.

ود: كعدت تعالي كعدي اريد احجي وياج.

غنى: كعدت.

ود: اكو براسي سؤال واريدج تجاوبيني عليه بكل صراحه.

غنى: سألي.

ود: سيد فهد صاحب العماره خوش يريح لو لا.

غنى: باستنكار عفوا.

ود: لتسوين نفسج شريفه. تره كل العماره تدري انتي الكح.... مالته ودومه يجيج يكمل حاجته يمج مقابل اقامتج هنا ببلاش.

غنى: فتحت عيوني. شنووو.

لتسوين نفسج شريفة، ترى كل العمارة تدري انتي الكح... مالته ودومه يجيج يكمل حاجته يمج مقابل إقامتج هنا ببلاش.

غنى: فتحت عيوني، شنو؟

ود: أوي شنو على أساس متعرفين.

غنى: قمت بعصبية، احترمي نفسج ولزمي لسانج، مو وحدة سايبة كدامج وتحاجيها هيج.

ود: ليش الي تخلي رجال غريب يجي يبات وياها، والله العالم شمسوي وشلاعب بعد وياها شتسمى هاي بالله.

غنى: انتي ماشفتيني بعيني بايتة وياه حتى تحجين هيج.

ود: بهاي عيني شفته، إجالج نص الليل وطلع أكثر من مرة من عندج، شيسمى هذا احجي يله؟ بنية شابة عايشة ويه واحد وحدها يطب ويطلع عليها، شنو يجي يصليلها صلاة الآيات مثلاً لو يكعدون يلعبون دومنة؟ والله عرفتج مو راحة لأن من البداية شكيت بمصداقية كلامج، وين اكو أهل يتركون بتهم عايشة بعمارة، لا ووحدها هاي من غير سعر الشقق اللي تكسر الظهر.

غنى: بعصبية، ما من حقج تتهميني هيج اتهام، فتهمتي وعلاقتي بفهد انتي مالج حق تدخلين بيها، أني ما جاية بصوبج فلتدنيلي وكلمن يلتهي بنفسه أحسن له.

ود: ضحكت، ولج أني ورجلي سنين كاعدين هنا ولا مرة صحناله باسمه، وأنتي تجين هسه تصيحيله فهد حاف.

غنى: بدون وعي، أي لأن فهد رجلي.

ود: هههه خرب يومج شكد جذابة، رجلج شنو؟ أنتي مو استوج كلتي ما عندي شي وياه، وبعدين لو أنتي صدك مرته ليش يجيج بالخفية، خو كدام الكل يطب ويطلع عليج مو يتسحب مثل الحرامية، وأصلاً لو هو متزوج يعيش مرته بشقة، لا وبعمارة هم، أنتي صاحية لو خبله.

غنى: علاقتي بفهد لتتدخلين بيها، وأسباب وجودي هنا ما الج حق تحشرين نفسج بيها.

ود: لا أحشر نفسي ونص، أنتي هنا كاعدة بعمارة كل الي بيها ناس مثقفين والهم اسمهم بالمجتمع، مال تجي وحدة طولها شبر تخلي الحجي علينة، لا والله نطيح حظج.

غنى: أمشي طلعي بره.

ود: تقدمت لفيت شعرها بإيدي جريتها حيل، سمعي ولج الج مهلة أسبوع بالهواي، والله وجهج إذا أشوفه أبلغ ولد العمارة اكو وحدة تشتغل كح... بالطابق الرابع وأخليهم يتوالون عليج كلهم، فسمعي كلامي ونفذي مفهوم.

دفعتها وطلعت.

غنى: حجت اللي عدها وطلعت... حسيت توازني يختل، أحس روحي كوة واكفة، كعدت والهوة كوة كمت أجره... مسحت على صدري أحس روحي حتطلع، جانت عاكنة والتمت عليه... دموعي كامت تجري، أحس روحي راح أموت، جريت الموبايل بسرعة دكيت على فهد وأديه ترجف.

فهد: ستونة كاعدين نتغده وسمعت موبايلي يدك... شلته شفتها غنى جاوبتها الو.

غنى: بصوت مخنوك، فـ فهد تع تعالي حباب.

فهد: كمت بسرعة، شبيج؟

إيمان: كلنه صفنة عليه.

فهد: الو؟ يله جاي جاي، أخذت سويجي.

إيمان: وين رايح يمه أكعد تغده.

فهد: ما أريد... طلعت وهي على الخط، غنى لتسدين الخط خليج ويايه، صحت ركزي على كلامي أني ثواني ويمج.

سارة: أكلجن أني مو سمعته يكول شبيج لو أني غلطانة؟

آلاء: حتى أني سمعت.

أنغام: ما علينة لحد يتدخل.

فهد: مشيت بكل سرعتي أريد بس أوصل، ما عولت أوصل صوتها مدري شبي، أحسها تصارع من جانت تحجي... نزلت من السيارة وصعدت للشقة فتحت الباب ودخلت لكيتها كاعدة على القنفة ووجهها أزرك... ركضت لزمتها، غنى غنى أباوعلها كلبت عيونها شلون اللي فقدت.

غنى: أريد أجر النفس ما أكدر، كل اللي أتذكره شفت فهد وغبت عن الوعي.

فهد: ضربت وجها، غنى غنى يمعودة أحجي شبيج... أخذت شالها لبسته الها وشلتها وطلعت أركض كدام عيون بعض اللي بالعمارة ولا اهتميت، صحت أبو ماجد افتحلي السيارة بسررررعة.

أبو ماجد: حاضر حاضر.

فهد: خليتها وره وصعدت بسرعة، سقت للمستشفى... أحس كلبي راح يطلع من مكانه كد ما دكاته سريعة، ياربي شبيها أول مرة أشوفها بهيج وضع... وصلت للمستشفى نزلت بسرعة شلتها ودخلت صحت عليهم يجيبون السدية... أجو خذوها.

الدكتور: خير شبيها؟

فهد: ما أدري على ساعة وكعت.

الدكتور: اهدأ هسه نشوفها.

فهد: مسحت على وجهي، ياربي كون مابيها شي، كلما أتذكر منظرها شلون صارت زركة أحس روحي تطلع... هالبنية شكد مشلوعة كلب... ضليت كاعد بره فوك النص ساعة وطلع الدكتور.

الدكتور: أنت شتصير منها؟

فهد: أني زوجها.

الدكتور: أتمنى تهدأ وتسمعني زين، سوينا تحاليل وفحص لزوجتك واكتشفنا إن قلبها تعبان جداً.

فهد: فتحت عيوني، شنو دكتور؟

الدكتور: أي نعم، بس وين جنتوا عنها؟ صارلها فترة من صاير عدها خفقان بالقلب وقلبها تعبان، هسه بس الحمد لله بعده بالبداية وما واصل مرحلة صعبة.

فهد: دكتور إذا حالتها تعبانة سووا اللازم وياها وأني مستعد أدفع المبلغ اللي تريدوه بس كلشي ولا يصير عليها شي.

الدكتور: ابني مدام قلبها تعبان وهذا الشي صار بسبب صدمة تعرضتلها سببتلها هالشي، والحمد لله وضعها مو سيء لدرجة نسوي عملية الها، بس مجرد تبتعد عن التعب والتفكير ونفسيتها تتحسن تصير زينة، ومبين اللي صار بسبب موقف صار وياها لأن هالحالة تجيها بس من تتعب أو تنقهر، فحاولوا تبعدون عنها كل شي يضوجها لأن كلما تتعب يتعب قلبها أكثر وساعتها راح توصل لمرحلة ينتهي بيها قلبها لا سامح الله.

فهد: بعصبية، لتحجي هيج، هي كلشي مابيها.

الدكتور: ما كلت غير الحقيقة ابني، قابل أجذب عليك... على العموم هي هسه كعدت تكدر تدخل تشوفها.

فهد: طبيت للغرفة شفتها كاعدة وصافنة بالفراغ، كعدت يمها... لزمت إيدها فزت، هذا أني أهدئ.

غنى: بدموع، فهد.

فهد: إشش لتحجين شي هسه ارتاحي وبعدين نحجي.

غنى: ما أكدر أتنفس فهد وأحس كلبي يوجعني.

فهد: مابيج شي تتنعوصين.

غنى: تره أني سمعت الدكتور يكول كلبي تعبان، يعني مثل مروان أني هم راح أموت...

فهد: خليت أصابعي على شفتها مقاطعها... لتكملين، غنى أنتي كلشي مابيج والدكتور يبالغ، تعرفين سوالف الدكاترة أنتي... حركت إصبعي على شفايفها، غنى أنتي مابيج شي بس هاي مجرد حالة تجيج من تتعبين وتنقهري، كلبج يأذيج ويصير صعب عليج التنفس، وكل هذا بسبب الحالة النفسية، أخذت إيدها ضاغط عليها... وهسه إذا عندج القدرة تحجين أني أسمعج.

غنى: أوعدني متنفعل.

فهد: وعد ما أنفعل... يله نونه احجيلي أريد أسمع شنو اللي خلاج توصلين لهالمرحلة.

غنى: رجعت من الكلية وسمعت الباب... اجت ود ووو... شرحتله كلشي صار... وآخر شي كالت الج مهلة أسبوع إذا ما طلعتي أبلغ الشباب اكو وحدة موزينة بالطابق الرابع وأخليهم.

فهد: أي مو عمارة أبوها وتنطيج مهلة بت الـ...

غنى: أباوعله يحجي وعاكد حواجبه وضغط على إيدي حيل... شبيك فهد؟

فهد: هزيت راسي مابيه، باوعتلها... كلتيلي ود حجت وياج هيج وهي سببتلج اللي صار؟

غنى: هزيت راسي.

فهد: يعني أنتي تعبتي اليوم وبسببها دشوفي شراح أسويلج بيها، مو فهد اللي يسمح لواحد يأذي شي يخصه.

غنى: يخصك؟

فهد: دنكت بست إيدها اللي بيها كانونة بهدوء... أنتي صديقتي السرية، حورية الأحلام اللي جنت أسولف وياها من أنام وأني صغير، وتالي ومن كبرت شفتها بالواقع... تتوقعين ممكن أسمح لأحد يأذيج غنى؟

غنى: فهد أني تعبت.

فهد: والله دنعل والديه اللي يتعبج... دشوفي وجهج الفاهي صاير شحاله، صدك تحجين يغثوج هيج زبايل.

غنى: بهدوء، أني ما أريد أبقى بالشقة بعد.

فهد: وين ترحين يعني مال تكليلي أرجع يم سهاد، هاي قطنة وشيليها من أذنج، أخليج ترجعين لذاك المستنقع النجس بعد.

غنى: لا أريد أرجع لبيتي.

فهد: صار، بس خلي أتحرى عن الوضع وأشوف أهلج بردوا عليج لو بعدهم، وأني أرجعج، ما أكيف تبقين كبال عيني دائماً.

غنى: أخاف خالتي متقبل.

فهد: طز بيها قبلت لا قبلت، مادام سافرت طلعتي من مسؤوليتها أنتِ وصرتي مسؤوليتي... بس أنتِ ابقي هالفترة بالشقة لبين ما أرتب الوضع وهم أدب ود وساعتها أخليج تطلعين من العمارة وأنتي رافعة راسج.

غنى: دمعت عيوني، مو بعيدة طلعت عليه سمعة مو زينة، هسه من جهة خالتي وخوالي وعمامي وبالكلية، وأنوب بالعمارة، أني انخلت عليج علامة اكس يا فهد.

فهد: شحده اللي يمسج بحرف، قسم ورب العزة أحط رجلي بـ... لتخافين من شي غنى مادام أني بصفج ووياج ما أعوفج صدكي، حتى مستعد أشتريلج بيت بالمكان اللي ترديه وبالمحافظة اللي ترديها، بس المهم عندي ترتاحين.

غنى: شكراً فهد، لو ما أنت ما أعرف شسوي أو وين أروح.

فهد: أني اللي أشكرج لأن جنتيلي مكان ألجأ له بوقت تعبي... مسحت على إيدها وهي غمضت عيونها عرفتها راح تنام، رحت جبت الأدوية واجيت... ضليت فترة لمن خلص المغذي كعدتها وأخذتها رجعتها للشقة ورحت أسوي اللازم.

فالح: السلام عليكم.

الكل: وعليكم السلام.

فالح: كعدت أكلكم اليوم خابرني كامل يسألني عن أخبار غنى يريد يستفسر وين وصلنه وإحنه ندور عليها.

كفاح: يمعود يا ندور يا بطيخ، كل عقلك صدكت راح ندور عليها، دخلي تولي.

سامح: بس مهما يكن تبقة الشغلة شغلة شرف، شلون تريدنه نسكت وبت أخونه لكفوها ويه واحد.

كفاح: يلكفوها ويه واحد ويه عشرة، أحنه ماعلينة، نسيتوا لو أذكركم؟ أحنه تنازلنا عنها هي وأخوها المرحوم لبيبيتها، يعني ميخصنه بيها بعد.

فالح: هسه شسوي أني، خوالها خبصوني كل ساعة داكين.

كفاح: البسهم وطنش.

سامح: زين أنتو ما فكرتوا هي هسه وين؟

فالح: حسب اللي فهمته من خالها طلعت ويه الرجال اللي لزموها وياه، ويكلك رجال جبير الشيب تارس راسه، بس لأن عنده فلوس بت أخوك انطته نفسها.

سامح: استغفر الله، لتحجي هيج، نسيت أحنه شيوخ وعيبة علينة هالحجاية... أصلاً المفروض من تركناها من البداية، بس أنتو الله يهديكم مدري شبيكم.

كفاح: أني ما اشتغلت وكديت وتعبت حتى أصرف على بزرة صالح، موضوع غنى ينسد وما أقبل ينفتح مرة ثانية، وأمي ما أوصيكم، كلما تجيب طاري غنى تكوللها زينة ومابيها شي أو انقطعت أخبارها، وحسكم عينكم أسمع بواحد بيكم يسولف أي شي لأمي وخاصة أنت سامح ياويلك مني إذا سمعت بيك فلت بحجاية كدام أمي، لتنسون توصيات أزهار شنو.

سامح: هو شطيح حظنه غير أزهار وأفكارها اللي إبليس ما يفكر بيها.

إيمان: كاعدة وخالة إيدي على خدي.

أروى: شبيج يمه؟

إيمان: مشتاقة لبيت جدج صار أشهر مارايح أشوفهم، وخوالج عاتبوني لأن همه دائماً يجوني وأني ما جاي أزورهم.

أروى: أي والله حقهم، صار فترة طويلة مارايحيلهم.

إيمان: شسوي يمه هال تشوفين المشاكل ما جاي تخلص بالبيت، وين اكو واهس حتى واحد يطلع، خاصة بعد اللي صار كمت أخاف أعوف البيت وأطلع، لتروح سعاد شو شتسوي.

أروى: صدك على طاري سعاد، اليوم راحت ويه الحجية لكربلاء مو؟

إيمان: أي من الفجر ورجعوا الظهر، خابرتني الحجية كالت هناك، حلفتها على كلام الله مرة ثانية بنص ضريح العباس (عليه السلام) وكايمة تحلف وتبجي بعد متسويها... خلصوا الزيارة ورجعهم عمج مهدي.

أروى: آآآخ يمه والله تعبنا من المشاكل، شوكت نصير حالنا حال العوائل ما أدري.

إيمان: الحمد لله على كل حال... طبت وردة اجت نامت بحضني.

وردة: كملن ليش سكتن... انطلقي مدام إيمان.

إيمان: ابتسمت مباوعة لاروى... يابنتي اكو ناس عايشة أتعب من عيشتنه، لابد إحنه ناكل ونشرب وعدنه فهد صاير خيمة على راسنة، الله يخليه ويبعد عنه كل شر.

وردة: يمه تدرين مرات أحسج تحبين فهد أكثر واحد بينه.

إيمان: لا والله كلكم نفس المعزة عندي وما أفرق بينكم كد شعرة... بس هال تشوفن أنتن أولجن وتاليجن تزوجن، وعلي جان وما زال ميهتم لأي شي غير نفسه، وين ما تشوفيه تلكيه يصيح ياروحي عمره ما تحمل مسؤولية أحد غير نفسه، اله فهد سودة عليه من عمره عشر سنين ولهذا اليوم الحمل فوك كتافه ومتحملنه كلنه بدون استثناء ومخلينه أولوية بحياته وحاط نفسه آخر شي، لهسبب تشوفيني هيج عليه.

أروى: أي والله صحيح، فهد شمعة بهالبيت.

وردة: شكد حلو... عندي أربع إخوان، فهد الشمعة مال البيت... وفيصل الخيخة مال البيت... منذر الفاهي المايع مال البيت... وأخيراً علي الأناني مال البيت.

إيمان: تأدبي عيب تحجين على أخوتج الكبار.

وردة: تره أني بزر الكعدة يعني شأت أم البيت الصغير والجبير أكبر مني.

أروى: هههه بوز مهانة.

فهد: دخلت للغرفة شفتها نايمة كعدت يمها أباوعلها... أول مرة أركز بملامحها، غنى صاحبة عيون جبيرة ومسحوبة لونهن أسود ليل، أباوع رموشها مفروشات على عيونها، نزلت عيوني على أنفها... خشمها صغير، أول مرة أشوف عراقية ماعدها خشم... أباوع لوجهها أبيض مثل القطن وصافي مرمر، ذرة شائبة مابي، نزلت عيوني لشفايفها... شفتها حمرة دم، اللي يشوفها يكول خالته حمرة، بس هي من الله طبيعية هيج... شكد معانيها حلوة بس أني ما أعرف ليش أشوفها مو حلوة... شفتها تتحرك وهي نايمة وتأذت إيدها، فتحت عيونها متألمة... لزمت إيدها شجاج.

غنى: بألم، ما أدري... باوعتله، أنت ليش بعدك هنا من الظهر لسه مكابلني وكاعد؟

فهد: شعدي غيرج؟ أحبل أجيب.

غنى: ابتسمت بهدوء، لا جديات ليش لسه مرحت؟

فهد: شلون أعوفج وحدج وأنتي مريضة.

غنى: تره كلشي مابيه شوية تعب لا أكثر.

فهد: حتى إذا أني يمج.

غنى: لا فهد حباب روح، ما ألي خلك الحجي وأنت أصلاً باجر عندك دوام وجاي بالتراك لهنا.

فهد: شلون أعوفج تخربطتي بالليل.

غنى: لتخاف، أخذ دوائي وحتى دوام باجر ما أداوم لأن مالي خلك... فلتشيل هم، أني من أحتاج شي أخابرك، يله روح الساعة بـ 11 هسه أكيد خالة إيمان ضل بالها عليك وخطية تلكاها منتظرتك هسه.

فهد: كمت ماشي، أني راح أروح وأنتي إذا احتجتي شي وبأي وقت عسى ما بالخمسة الصبح خابريني أجيك، أصلاً أني لو عندي ملابس بالسيارة ما أرجع.

غنى: بهدوء، شكراً إلك وإذا احتجت ما أتردد أخابرك.

فهد: شربتها دوائها وأخذت مفاتيحي، دنكت بست راسها، ديربالج على روحج، أني باجر خفارة للأسف صعب أطلع بس ميخالف إذا ردتي شي لترددين خابريني.

غنى: قشعر جسمي من ملمس شفايفه... هزيت راسي.

فهد: طلعت من غنى خابرتني فرح... استغفر الله مو وكتج هسه... جاوبتها الووو.

فرح: الووو ها حبيبي شلونك؟

فهد: الحمد لله خير، محتاجة شي؟

فرح: لا بس ضايجة وكلت أتصل عليك بلكي تكدر تجيني نتونس شويه.

فهد: مالي خلك.

فرح: بس أني متجهزة إلك، معقولة تردني وتفشلني.

فهد: تنهدت، مسافة الطريق سديته ورحتلها.

نرجس: جعفر يا جعفر وينك؟

جعفر: كاعد أصحح أوراق امتحان الشعبة الثانية... نعم.

نرجس: تكدر تأجل الامتحان اليومي مال باجر؟

جعفر: ماكو تأجيل، كعدي أقري وانجبي.

نرجس: والله أني قاريه بس غنى مريضة وباجر متجي لهذا كتلك أجله.

جعفر: عفت الورقة... خير شبيها؟

نرجس: تكول مصخنة وفلاونزة متكدر تجي وبلغتني اعتذر منك لأن ماراح تكدر تمتحن.

جعفر: عدها العافية، شجاها غير تدير بالها على نفسها.

نرجس: شتسوي بعد... هسه كل راح تأجل الامتحان؟

جعفر: لا.

نرجس: وغنى؟

جعفر: عود أعيده الها.

نرجس: خطية مو يجوز اكو طلاب ما قروا زين، أجله حتى يقرون عدل ويستوعبون المادة.

جعفر: عود الله كريم.

نرجس: أنت مينوخذ منك لا حق ولا باطل.

جعفر: أي بس استكي.

نرجس: افف سكتنه.

فرح: آآآه فهد أفتح إيدي كافي راح أموت.

فهد: فتحتهن وكمت كعدت.

فرح: كمت... رجعنه على سالفة الضرب والتعنيف، فهد مو كلت بعد ما أضرب وعفت التعنيف.

فهد: تره تعبان مالي خلك الدوخة.

فرح: كمت سبحت وطلعت خليت دهن على إيدي وجسمي اللي صار قطعة حمرة ويون عليه من الألم... أسويلك نركيلة.

فهد: هزيت راسي.

فرح: صار من عيوني... رحت سويتله النركيلة واجيت، شكد يأذيني بس أبقى أحبه... تفضل.

فهد: اخذتها... غنى روحي سويلي جاي وقللي الشكر ما أوصيج.

فرح: باستنكار، غنى؟

فهد: رفعت راسي، شكالت؟

فرح: منو غنى؟

فهد: منو كال غنى؟

فرح: أنت.

فهد: شكالت؟

فرح: تنهدت، كلت غنى.

فهد: شوكت؟

فرح: يوووه فهد كلشي ما كلت أني اشتبهت... كعدت يمه اليوم أنت صاير عصبي، شنو السبب؟

فهد: لا مابيه شي.

فرح: فهد أنت متضرب وتأذي بس وقت اللي تصير عصبي.

فهد: لا مو معصب بس صار فترة تارك العنف واليوم حبيت أعيد التجربة لا أكثر.

فرح: تبات هنا؟

فهد: أخذت نفس من النركيلة، لا هسه شوية وأروح.

فرح: ليش متبات هنا؟

فهد: عندي دوام ما فارغ أني.

فرح: شلونها أختك؟

فهد: غمضت عيوني متنهد... ماشي حالها.

فرح: مبين عليك تحبها.

فهد: أكيد أحبها غير أختي، كمت يله أني لازم أروح، تعاي سدي الباب والمصرف عفته فوك... بطالة الشرب ذبيهن بالزبل مفهوم.

فرح: صار.

فهد: طلعت منها ورحت للبيت... وصلت لكيت البيت هدوء، رحت دكيت الباب على أمي ودخلت لكيت خواتي نايمات وهي كاعدة تصلي صلاة الليل أعتقد.

إيمان: الله يساعدك يمه، وينك من الظهر لسه طالع وباجر خفارتك، كلشي ماشفت منك.

فهد: بست راسها، حقج عليه بس شسوي إذا كل ساعة طالعتلي شغلة.

إيمان: خير شصاير وياك؟

فهد: واحد من الشباب تخربط ورحتله لأن ما عنده أحد.

إيمان: الله يقويك على فعل الخير حبيبي... متعشي لو أسويلك؟

فهد: وين اكو عشة الساعة بالوحدة، خليج مرتاحة كلشي ما أريد بس أرتاح، يله من رخصتج تصبحين على خير.

إيمان: وأنت من أهل الخير يمه.

الساعة 9:00 صباحاً.

غنى: نايمة وفزيت على صوت الجرس، مابيه حيل أكوم يربي منو أجه بهالساعة؟ كمت على كيفي أخذت شالي وطلعت، شفت بالعين السحرية ود... هاي شتريد... فتحت الباب.. نعم.

ود: صباح الخير.

غنى: بتعب، شتردين؟

ود: دخلت وكعدت، تعالي غنى أريد أحجي وياج.

غنى: مبيناتنه كلام رجاءً كومي روحي تره كولش مالي خلك أتناقش وياج.

ود: دتعاي كعدي شبيج.

غنى: كعدت وباوعتلها.

ود: غنى أني جيت أعتذر على اللي سويته البارحة، مجنت أدري أنتي خطيبة السيد فهد وأهلج من غير محافظة وأجرولج شقة عنده لأن خطيبج ويأمنون عليج يمه... أني ما أدري، خاصة أنتي كلتي إنو جاية تدرسين وما كالتلي فهد خطيبج وعاقد عليج، وهالسنة تزوجون... لو كايلتلي من البداية ما جان أخذت عنج نظرة مو حلوة.

غنى: وأنتي منو من تكونين أنتِ وتأخذين أو متأخذين عني نظرة، تره رأيج بيه ميهمني، بس اللي قهرني أنتي طعنتي بيه بكون متتأكدين... إذا أنتي مؤمنة وتعرفين الله المفروض حافظة حديث الرسول (ص) اللي يكول... التمس لأخيك ألف عذر.

ود: حبيبتي الناس الها الظاهر ومتفكر... يعني خلي نفسج بمكاني، لو تشوفين رجال طالع من شقة بنية ويتردد لها دائماً ماراح تحجين.

غنى: وأني شعليه نارها تأكل حطبها، ربج اللي يحاسبها سواء عدها شي أو لا.

ود: هسه أحنه مو هذا موضوعنا، أني جيت أعتذر على سوء التفاهم اللي صار وأتمنى متزعلين مني... ورجاءً اعتذريلي من السيد فهد، ما أريده يزعل مني، والله من أجه وكال لزوجي صرت بنص هدومي من الفشلة واصرت أجيت اعتذر منج.

غنى: وأعتذارج ما مقبول، لو لفرض فهد ما حاجى وخلص الأسبوع مو جان سويتي إلنا فضيحة وأني تدمر سمعتي وبسببج.

ود: حقج عليه واني والله جنت بس أهددج ومستحيل أسويها لو مهما يكون، أني مو وحدة همجية وأسوي هيج... أسفة وهاي راسج أبوسه.

غنى: ضلت تتعذر... بهدوء، اعتذارج مقبول.

ود: بست راسها، حبيبتي الله يخليج وأمانة أي شي تردي أمري، شعدنه غيرج مرت الغالي أنتِ.

غنى: باوعتلها، يعني مو لسواد عيوني لو لأن غلطانة اجت اعتذرت، وإنما فهد شو شمسوي إلها وهيج متخبله وجاية تتوسل... كامت راحت، سديت الباب وراها ورحت تمددت، دك موبايلي شلته... الوو صباح الخير.

فهد: صباح النور... حبيت أذكرج بموعد دواچ خاف ناسية.

غنى: أي والله نسيته، هسه آخذه... أكول فهد، ود اجت الصبح وضلت تعتذر على اللي سوته.

فهد: ابتسمت، والله هالناس مصيبة، تحترميها تمشي أعوج، دوسي عليها تمشي مثل الساعة.

غنى: كالت أنت حاجي زوجها، شكتله؟

فهد: مو مهم شكتله، المهم وكفتها عد حدها حتى تبطل، وللمعلومة ترى مازن أبو الورد يصير كرايبها وهي كلتله يسوي هيج، بس لتشيلين هم سويتله جرة أذن.

غنى: زين أنت كتلهم أني خطيبتك، متخاف يوصل الحجي لأهلج؟

فهد: العمارة محد يدل مكانها غير عمي عباس، كل اللي يعرفوه أهلي العمارة موقعها ببغداد بس وين ميندلّون، وهذا اللي خلاني أحجي بدون ما أتردد.

غنى: رجعت جسمي على الجرباية... زين فهد لو أهلك دروا شتسوي؟

فهد: لتخافين ميدرون، وأصلاً قبل لا يوصلهم خبر إحنه راح نكون منفصلين وكل واحد بينه يروح لحاله سبيله، أنتي تتخرجين وتكملين حياتج مثل قبل ويه خالتج أو ويه الإنسان اللي يناسبج، وأني هم أشوف حياتي اللي هي أصلاً ماشية وما أثر عليها شي.

غنى: بهدوء، أني مثقلة عليك مو؟

فهد: لا طبعاً، قابل شايلج على ظهري، بس حبيت أوضحلج وأطمنج شنو نهاية هالوسوسة هاي، أول وتالي كل واحد بينه يشوف حياته حسب الاتفاق.

غنى: تنهدت... أي صحيح كلامك.

فهد: يله عندي شغل وما أوصيج، ديربالج على روحج وأخذي أدويتج بانتظام، وأم ماجد بعد شوية تصعدلج تطبخ لج وتساعدج، أني طلبت منها.

غنى: أوك باي.

فهد: باي.

غنى: سديته وغمضت عيوني... أحس فهد د يحسسني بطريقة غير مباشرة إنو لا أروح زايد بتفكيري، مصيرنه أول وتالي الانفصال... حسيت بشي بلل وجهي، لمستها، هاي شوكت نزلت دموعي أصلاً؟ عليمن ضجت؟ كلامه صحيح ومابي ذرة غلط، الرجال تزوجني حتى يحميني، قابل عليمن تزوجني؟ وغلط مني أروح زايد بتفكيري... مسحت دموعي، لج غنى نسيتي شروطج؟ أنتي تردين واحد شريف وملتزم وفهد لا هاي ولا هاي، يشرب ويدور نسوان، هاي من غير هو لا صلاة ولا تعلى، حياته عبارة عن لهو وبس، شلون سمحت لنفسي أفكر هيج تفكير ما أدري... يمكن تصرفاته وقربه مني خلاني أحس هيج لأن أني عمري ما دخل رجال حياتي، جان بس مروان بهالقرب مني، ويمكن فهد من تقرب مني حسيته مثل مروان لا أكثر، كمت، أي أي هو هيج، رحت توضيت وكعدت أقرأ قرآن بدل هال أفكار المالها داعي هاي.

أروى: أكول نرجس، غنى ليش مداومت اليوم؟

نرجس: وهي تاكل... مريضة.

بتول: شبيها؟

نرجس: والله علمي علمجن، البارحة خابرتني كالتلي أني ما آجي باجر لأن عندي سخونة وما أكدر أداوم، أصلاً همزين ما اجت غنى بطبيعتها مزعجة من تتمرض لأن بصعوبة يالة تكوم مثل قبل.

أروى: سودة عليه ليش؟

نرجس: والله ما أدري، أني ناويه اليوم أروح لخالتها حتى أشوفها.

أروى: أروح وياج.

بتول: شعدجن رايحات وبعدين أروى فهد ماهو، ويامن ترحين؟

أروى: أي والله صحيح، شلون سالفة هاي.

نرجس: عود نمر عليج أني وجعفر بس بال أول خلي نرجع وأخابر غنى أشوف موجودة.

أروى: لا خلي نسويها مفاجئة إلها.

نرجس: أي والله خوش فكرة... بس شلون أني ما أدل بيتها؟

أروى: أني أخابر فهد أسأله لأن هذاك اليوم هو راح وصلها.

نرجس: أي عفيه.

إيمان: كاعدة ألكط تمن ونزلت سعاد، عفيه عين شلون صلفة.

سعاد: صباح الخير.

البنات: صباح النور.

سعاد: آلاء كومي سويلي ريوك.

آلاء: بعد ساعتين ويجون الولد، انتظري علما يجون ونتغده.

سعاد: ما أكدر أنتظر ساعتين، سويلي ريوك يله.

آلاء: صار.

سالم: سباح الخير.

الكل: بضحكة، صباح النور.

إيمان: يا صباح الورد، تعال حبيبي خلي أبوسك.

سالم: أحبج بيبي.

إيمان: ابتسمت، بعد كلب بيبيتك.

سعاد: هاي شمعلمة ابنك؟ أنغام شنو ميدري أني بيبيته، شلون تعلمي يصيح لغيري بيبي؟

أنغام: خاله شجاج، طفل ومتعلم وبعدين أنتِ ولا يوم كعدتي بحضنج بستي نايتيه، أكيد ميتقرب منج، على عكس خالة إيمان تلعبه وتنيمه بحضنها، أكيد يحبها.

سعاد: صعدت لغرفتي والدمعة مغرغرة بعيني، حتى أحفادي ميحبوني ويحبون إيمان أكثر مني... حتى على هاي لاحكتني إيمان، روحي عساج بالموت سرطان بكلبج ويخلصني من شرج.

إيمان: تنهدت... أنغام تعالي ريكي سالم.

أنغام: أي... خليت الصينية.

سالم: بيبي جوعانة.

إيمان: الك حبيبي.

فهد: كاعد أشتغل... ودخلوا جماعتي.

عمر: باجر راح نطلع لأربيل نتونس، تروح؟

فهد: ليش منو انطاكم إجازة؟

أيمن: أني صار شهرين ما آخذ إجازة، كلت آخذلي ثلث أيام أروح أتنفس بيهن والشباب هم.

فهد: أني ما أكدر أروح.

مهيمن: ليش؟

فهد: أول شي أني ممنوع عليه السفر لأي مكان بعيد وهاي أوامر من فوك، وثاني شي أني أحتاج الإجازة بشي أهم وحالياً عندي شغل ما أكدر أعوفه.

عمر: وأحنه كلما كلنالك على شغلة طلعت سالفة.

فهد: مو بكيفي، هذا شغل مو لعبة.

مهيمن: أبو الفود صار هواي ما جاي للملهى، أنت خيرك.

فهد: أجي، أجي، شتدري أنت أكدر أعوف شي متولع بي؟

أيمن: قسم بالله لو ما الرقص يفهد ميدخل للملهى أصلاً.

فهد: زين تعرف، يله أمشوا طلعوا عندي شغل.

عمر: وها قد تم طردنا، خلونه نطلع بكرامتنه أحسن.

فهد: هههه أحسنت.

غنى: كاعدة وأباوع على أم ماجد اللي واكفة تعزل، ردت أساعدها بس هي متقبل.

أم ماجد: أكول حبيبة مشتهية شي أجبلج شي.

غنى: بهدوء، حبيبتي أم ماجد كولشي ما أريد وعوفي الشغل وتعالي كعدي يمي، البيت نظيف ماكو داعي تنظفين.

أم ماجد: بعد كلبي، أول مرة أسمع كلمة حبيبتي، حتى أبو ماجد ميكلي حبيبتي، فدوه طالعة عسل منج.

غنى: هههه دتعالي كعدي.

أم ماجد: تدرين حبيبة هنيالج على السيد فهد، أحسدج عليه والله.

غنى: ابتسمت، ليش؟

أم ماجد: كعدت، شوفي يا ستي، أحنه جنه كاعدين ببيت تجاوز، غرفة وحدة صايرة هي للنوم والطبخ والكعدة وحمام شبه واكع، بس الحمد لله كعدنا بي وسكتنا... لحد ما يوم من الأيام اجو شيلونه الحكومة لأن رادت تهدم البيوت، المهم ضلينه بالشارع وأبو ماجد أهله كلهم بذي قار وعلى كد حالهم، المهم أبو ماجد كام يدور على شغل لحد ما مل ومالكه والعيشة صعبة يا بنتي، خاصة أحنه عدنا سبع جهال وين نوديهم.

غنى: خليت إيدي على خدي، أي وبعدين.

أم ماجد: وبعدين رجلي فتح بسطة صغيرة مال ماي وعصير جاي وهالسوالف قريب على المركز، وكاموا الشرطة يشترون منه... وتعرف هناك على الشرطة وطلب منهم يساعدوه والخبر وصل لرجلج، بذاك الوقت جان استوه صغير بعده صغير، المهم من سمع عرض عليه يصير حارس بالبناية مالته وكال يجرلنه راتب وإحنه ما صدكنا كبل وافقنا.

غنى: أي.

أم ماجد: أي وكام أبو ماجد يشتغل وإحنه كاعدين عد أخته الأرملة لأن ماعدنا أحد، وره فترة السيد فهد كال ليش متجون تبقون بشقة هنا بدال الروحة والرجعة، وأبو ماجد ما قبل لأن على أي أساس نبقى ببيت إحنه مادافعين بي شي، المهم رجلج كال أقطع من الراتب جزء واعتبره إيجار، وصدك اجينا كعدنا بشقة صغيرة هنا وأني كمت أشتغل أساعد النسوان اللي هنا إذا عدهن طفل عدهن طبخ وآخذ فلوس، وهاي صارلنه سنين عايشين بأحسن ما يكون وولدنه صارو كبار وبناتي تزوجن وراحن وكل هذا بفضل رجلج.

غنى: ابتسمت، فهد دومه يحب يساعد غيره.

أم ماجد: متشوفين الله موفقه، وأكبر مثال خلا ياخذ وحدة تكل للكمر غيب، أني بمكانك.

غنى: ضحكت، لا مو لهدرجة.

أم ماجد: لا حبيبة مو مجاملة صدك أنتِ ماشاء الله تخبلين، وتلكين لك الله يساعد كلبه شلون يروح خفارات ويفارك هالحسن... أصلاً تلكي هسه نايم ويتحسر على حضنج.

غنى: تنهدت، يتحسر مرة وحدة.

أم ماجد: شكلتي حبيبة؟

غنى: هيج ماكو شي... كومي خلي نسوي عشة ونتعشى أني وياج.

أم ماجد: أي يله، أصلاً أني كتلني الجوع بس مستحية منج.

غنى: عليمن هالمستحة، اعتبري البيت بيتج.

أم ماجد: فدوه لهالحجي، الجنة بلسم بعد كلبي.

غنى: ابتسمت.

ثاني يوم الساعة 3 ظهراً.

أروى: فهد أريد أروح لغنى.

فهد: باستغراب، وين ترحيلها؟

أروى: للبيت، البارحة ما اجت ولا اليوم، وفكرنا نروح لبيت خالتها نشوفها، اليوم لأن البارحة أنت خفر وماكو واحد ياخذني.

فهد: كعدي وسكتي، البنية مريضة وحالتها تعبانة، ماكو داعي ترحن تزعجنها.

أروى: باستغراب، وأنت شدرالك غنى مريضة؟

فهد: غمضت عيوني، خرب الـ... شلون جفصة... احم بهدوء، خمنت لأن أنتي كالت شاطرة، فاكيد ماراح تغيب إلا لسبب مرضي.

أروى: أي... هسه كلي توديني.

فهد: أي أي أوديج قابل شعندي، بس خابريها تأكدي منها موجودة أو لا.

أروى: لا نريد نسويها الها مفاجأة.

فهد: ما آخذج إذا متخابريها، يجوز البنية ماموجودة أو مالها خلك تستقبل زيارات، ليش تحرجينها؟

أروى: ماشي، أتصل عليها وأتأكد.

فهد: كمت دزيتلها رسالة، صديقاتج يردون يرحن لبيت خالتج، إذا خابرنج كليلهم أني ماموجودة، رحت للدكتور رحت للبطيخ، أهم شي تزحلكهن، فهمتي؟ شفتها شافتها سديته ورحت نمت.

بعد مرور أسبوع.

فهد: رجعت من الدوام هلكان من التعب، سلمت وصعدت لغرفتي، اجيت أفتح الباب لكيتها مفتوحة.... دخلت لكيت وحدة متمددة على الجرباية.... صحت كوميييي! فزت بسرعة وكامت.... باوعتلها باستغراب، أنتِ شعندج هنا؟

*****************

يتبع

فهد : رجعت من الدوام هلكان من التعب سلمت وصعدت لغرفتي. اجيت افتح الباب لكيتها مفتوحه. دخلت لكيت وحده متمدده على الجربايه. صحت: كوميييي! فزت بسرعه وكامت.

باوعتلها باستغراب: هاي شعندج هنا؟

مروه : كمت بسرعه مرتبكه. ها؟ اني جنت جايه يم اروى وساعدتها بالتنظيف وانوب...

فهد : اختصري حبابه.

مروه : قسمنه الشغل واني اجيت انظف غرفتك ونعست فتمددت على جربايتك. اني اسفه مو قصدي.

فهد : ما صار شي. ماكو داعي للاعتذار، بس اتمنى ميتكرر هالشي. لان مهما يكن تبقين انتي بنيه وميصير تنامين بغرفه ولد بدون متكليله. هسه لو شايفج احد شيكول؟ اني هسه تفاجئت من شفتج نايمه بغرفتي.

مروه : احم. والله اسفه. يله من رخصتك.

فهد : اذا تعبانه وتحسين نفسج مالج خلك ابقي هنا واني اروح لغرفه امي.

مروه : لا لا شكرا. اخذ راحتك.

فهد : طلعت واني رحت سبحت واجيت نمت.

مروه : عزه! هسه شيكول عليه؟ هسه اني شجاني نمت على جربايته؟ بس والله ماكدرت. هو اني بس شميت عطره عبالك ضربوني بنج. مالكيت روحي غير نايمه بفراشه واشم بعطره. اويلي لو من كلي ابقي بالغرفه واني اروح يم امي. هه والله لو يكلولي روحي هسه موتي اروح واني مبتسمه. رفعت ايدي: ياربي جعله من نصيبي وخلي ابو بيتي يا الله.

غنى : كاعده وتذكرت الي صار قبل اسبوع والي الحمدلله عدت السالفه على خير. والا لو ما رساله فهد جان اني رحت بخبر كان.

اروى : الوو؟ هاا نونه شلونج؟

غنى : هلو حبيبتي. الحمدلله. انتي شلونج؟

اروى : تمام. اكلج انتي موجوده عد خالتج؟

غنى : لا. معزومين عد خوالي اليوم.

اروى : مو علساس انتي مريضه؟ شلون تطلعين من البيت؟

غنى : ها؟ مو جنت يم الدكتور. اخذتني خالتي لان كولش مالي خلك وبعدها رحنه يم خوالي. ليش تسألين؟

اروى : حرامات. خربت المفاجئه. جنه ناوين اني ونرجس نسويلج مفاجئه ونجي نزورج. بس للاسف خربت كل مخططاتنه.

غنى : اني اسفه. لو ادري مجان طلعت.

اروى : عادي حبيبتي. اهم شي سلامتج. وبعدين اول وتالي راح نلتقي باجر.

غنى : ان شاء الله.

اروى : يله حبي اني اروح اخابر هاي الخبله هسه الكاها كاعده تشوف شتلبس.

غنى : ابتسمت. ماشي. سلميلي عليها.

اروى : يوصل. يله باي.

غنى : باي. سديته. همزين كدرت اسيطر على نفسي وما اجفص. والا بذيج الساعه اصير بموقف اسخف منه ماكو. كمت وكفت اباوع للشارع من جام البلكونه. تنهدت: شوكت ترجع خالتي. والله مليت من الجذب. اني عمري مجانت طبيعتي اجذب وهالسنه جبتها كلها جذب بجذب. اااه ياغنى هاي تاليتج تتخفين مثل الي مسوي عمله وخايف لا ينفضح. لا وفوك هذا كله تصرفاتي ابد ما موزونه. دانجرف وره مشاعري. وللاسف صاير فهد. لو كلي شلونج كلبي يكمز من مكانه. والمشكله اني كارهه هالشعور الي يراودني. مع انو فهد ممتجاوز حدوده ويايه ويعاملني بكل احترام ومرات يشاقيني من يشوفني ضايجه. بس مدري ليش اني اخذها بغير قصد. تنهدت ودخلت للغرفه. حتى قران معندي قابليه وتركيز حتى اقره. اجه على بالي اخر مره اجه بيها فهد لهنا قبل تلت تيام.

فهد : اكلج اني ضايج.

غنى : اي. وشتريد؟

فهد : ما اعرف. ضايج. عندج اقتراح اسوي؟

غنى : متروح للملهى؟ مو ونستك هناك.

فهد : هو جنت هناك واجيتج. بس مع هذا احس نفسي ماشبعت وبعدني ضايج.

غنى : بضوجه. متشبع ابو النسوان.

فهد : والله حلوه هاي. واذا ابو نسوان انتي شعليج؟ ليش ضايجه؟

غنى : وعلى شنو اضوج. بس اني متفاجئه. متمل انت؟

فهد : تره اني من اروح ما ادنه يم النسوان. بس اشرب واباوع للركص.

غنى : باوعتله. وين اللذه من الموضوع؟ الشرب اوله وتالي حرام ومضر بصحتك. وهالمناظر الي تشوفها مقززه بصراحه وذره ذوق مابيها. عباره عن اجسام رخيصه تتحرك لا اكثر.

فهد : هاي لان انتي متدينه مالج بهالسوالف. وعلى فكره تره الركص من الاشياء الي جدا مهمه بالنسبه الي. و واحد من شروطي اذا تزوجت دائمي كون مرتي تعرف تركص.

غنى : باستغراب. اني سامعه الي يشرط يريدها حلوه او مثقفه بت ناس اخلاقها حلوه. مو تعرف تركص. شنو انت؟

فهد : كل انسان ورغبته. وبعدين المن ماخذها اذا متلبي رغباتي؟

غنى : يعني انت اذا تريد تتزوج علموم هاي الشغله؟

فهد : ياشغله؟

غنى : بخجل. هاي الشسمه.

فهد : انوب صار بيها شسمه. احجي بالقلم العريض. لتنحدرين للالفاظ تخلي عقلي ياخذ عقلج ويسافر.

غنى : احم. هيج ماكو شي. سد الموضوع.

فهد : شوفي غنى. خلي اكلج شغله. اني مو من جماعه الي يكولون اني ميهمني الشكل. اهم شي عندي الاخلاق. واكعد اتفلسف واني اكبر جذاب. تره اني رجال ومن اريد اتزوج حتى اصبح على خلقه حلوه وجهه يخلي يومي حلو. مو اكعد بوجهه وحده جنه تنور طين محروك.

غنى : اولا كلامك هذا حرام. لان البشر مو هو الي يخلق نفسه ولاهو الي يقرر شلون يكون شكله. كل واحد بينه ربك الي قسمله شكله وجسمه واهله والبيئه الي عايش بيها. احنه مسيرين بهالشي مو مخيرين. وبعدين اكو هواي زلم متزوجين نسوان ايه من الحسن والجمال بس ممرتاحين وياهن. وبالعكس الشكل ابد ابد مو مقياس.

فهد : صحيح. الشخصيه والانسجام اله دور جبير. بس الشكل هم يلعب دور. قابل باجر عكبه راح انام وياها لو ويه شخصيتها؟ وبعدين تعالي انتي ليش انتفضتي؟ شنو الموضوع مسج؟

غنى : لا الحمدلله. الموضوع لا يمسني ولا يمس غيري. الله ماخلق واحد قبيح. كلنه جميلين. واذا انتو تشوفون اكو ناس قبيحين فالمشكله بعيونكم مو بيهم. والمشكله الاكبر انو كل واحد يتمنر ميوكف على المرايه ويشوف عيوبه بالاول.

فهد : خليها حلقه بأذنج. الرجال مينعاب بشكله ابد. الي يعيبه شخصيته وكفاءته بالاعمال الشاقه الي من تزوجين تعرفيها. بس هذني عيوب الرجال.

غنى : تدري ساعات افكر انو انتو مالكم لازمه بالحياة. يعني لو يبقن بس النسوان بهالدنيا تصير الحياة رائعه. على الاقل لا خداع لا خيانه لا اخلاف وعود ولا اذيه.

فهد : ومنين تتكاثرن حبيبتي؟ من زرف الحايط مثلا؟ لو تكاثرجن منجن وبيجن؟ غير اذا ماكو زلم تنتهي الكره الارضيه. والله ذكرتيني بهاي الي تكول اني باقيه ويه رجلي على حساب الجهال. وهي استغفر الله. خليني ساكت. ما اريد اعدلج.

غنى : باوعتله بخجل. شكد لسانك زفر.

فهد : ما ماكل سمج.

غنى : باوعتله صفح. شعندك باقي؟ متكوم تروح.

فهد : رجعت نفسي على القفنه. اكدر اعرف عليمن فتحنه نقاش سخيف تالي ضجتي انتي؟

غنى : اكره الاشخاص الي يهتمون للمظاهر بس.

فهد : ماراح اجاوبج لان ما اريد نتعارك. يله اني راح اروح.

غنى : كمت ورى اريد اسد الباب.

فهد : درت وجهي عليها. دنكت بستها بخدها. لتزعلين. تره جان مجرد نقاش ميستوجب تاخذين موقف.

غنى : انخفظ تنفسها. هااا.

فهد : ابتسمت ماسح على شعرها. يله مع السلامه.

غنى : مع مع السلامه. سديت الباب ودخلت لازمه خدي. عزه! هذا شلون يتجرئ يبوسني؟ جماله! اني كمت امعمع كدامه جني صخله. استغفر الله. فزيت على صوت الموبايل. اباوع حقيبه المؤمن علنت عن الاذان. كمت توضيت وكعدت اصلي.

ساره : فيصل خلي نسافر بما انو الجو حلو.

فيصل : وين تسافرين يمه؟

ساره : يعني لبنان، تركيا، دبي، هالمناطق.

فيصل : وانتي تحجين كله بالعالي؟ والله واثقه.

هي ايران وسوريا غيرهن ماكو وهم يجوز ما اخذكم لان العدد جبير وماعندي ادفع مصاريف

ساره: انت عليمن طالع بخيل؟ هذا اخوك بس طلعه وحده يترس بيها جيوبه أوراق.

فيصل: وانتي وين شايفه جيوبه؟

ساره: شفته طلع محفظته منطي مصرف لجهاله، المحفظه عباره عن خمسه وعشرينات وأوراق، بشنو تختلف عنه انت؟

فيصل: طبعاً يترس جيوبه أوراق، ضابط وعنده راتب شهري وبذاك الحساب من غير أرباح المعمل والبساتين وفوك هذا العماره، يعني اكيد يكون غركان بالفلوس غرك وميهتم لو صرف مليون باليوم، هذا مترهي.

ساره: يعني فهد ملياردير؟

فيصل: شمدرينه، يجوز.

ساره: امده حظي الطايح حظه... لعد الله منطاني فهد على الأقل خلقه وفلوس مو مثل هالاغبر العندي بس أكل ونوم. كمت نزلت جوه، لكيت آلاء بالمطبخ تحجي بالموبايل بس شافتني سدته. ليش سديتي؟

آلاء: شي ميخصج... يله ولي عن وجهي.

ساره: هزيت ايدي. رحت طلعت أكل وكعدت أكل، يمه هالحمل موتني، اني من غير شي أحب الأكل أنوب صرت حامل نفجعت.

***

أروى: طلعت ويه علي حتى أروح لبيت عمي مهدي. دكيت الباب، طلع محسن. طبعاً بيت عمو مهدي عايشين عد بيت جدو.

محسن: يا اهلاً وسهلاً، شلونج بنت العم؟

أروى: الحمدلله. الحجيه والبنات موجودات؟

محسن: أي كلهن كاعدات سوه، تعرفين بعد ميشبعن كالات وفتنه.

أروى: ابتسمت. دخلت سلمت عليهن وعلي بقه ويه محسن.

ياسمين: لعد امج والباقين ليش ما اجو؟

أروى: امي وورده رهن من الصبح لخالتي يشوفنها لان مالها خلك، وفهد خذاهن وبعد شويه يروح يجيبهن.

ياسمين: خير؟ شبيها خالتج؟ وياهي منهن مريضه؟

أروى: خالتي اميره مرتفع سكرها ورهن يشوفنها.

حياة: شوف خطيه عدها العافيه ان شاءالله، خطيه متستاهل.

سامر: السلام عليكم. هاي شنو اروى عدنه نور البيت، شلونج؟

أروى: بابتسامه، منور بأهله. اني الحمدلله، انت شلونك؟

سامر: ستوني صرت زين.

أروى: هاا.

شهد: كرصته.

سامر: احم الحمدلله. أي شكو ماكو؟ شخبارج ويه الدوام؟

أروى: والله تعرف، بعد هاي اخر سنه واخذ الماجستير ان شاءالله.

حياة: بعد كلبي انتي، شكد طموحه وورده. ربي يحفظج عيني بارده عليج مو مثل بعض البنات والشباب مكضيها تسخت حتى جامعه ما مدبرين.

شهد: هاا، اشتغلنه بالبسامير وبعدين اني راح اصير مدرسه رياضيات، يعني راح أخرج أجيال، عبالج قليله؟

ياسمين: أغسل ايدي من الأجيال الي تخرجيها انتي. ولج انتي حياتج وروحك السفافه والمكياج، وينج وين جوالاتج؟

أروى: ههههه بهاي صدقتي حجيه.

سامر: اكول يمه، شنو انتي تتبطرين؟ محلل ومتخرج صار تلث سنوات وجاي اشتغل، شتردين بعد؟

حياة: بس ابن خالتك دكتور.

سامر: يبوو، انتي ضلي قارني بيني وبين ابن خالتي، اذا ابن خالتي انتحر كون اني هم انتحر. والله انتن الأمهات عدجن سوالف.

ياسمين: عوف السوالف، اكلك ولك ما ناوي تعرس انت؟ مو شلعتو كلبي، اريد أحضر أعراس، مليت هدومي مال المناسبات لسه ما مدشنتهن.

سامر: باوعت لاروى، ان شاءالله عن قريب وجدا هم.

حياة: ابتسمت، هاا ولك نويت.

سامر: أي بس غير الشفيه تفاركنه وتروح لبيت رجلها حتى يصفالنه الحو.

شهد: شنو نايمه على كلبك يمه؟ هذا بيت ابويه.

سامر: للتصحيح، بيت جدج هذا.

شهد: حتى اذا نفس الشي.

سامر: باوعت لاروى بابتسامه، شلونج اروى؟

أروى: ابتسمت مباوعتله.

***

ورده: فهد حباب، مشتهيه موطه، جيبلي.

فهد: صار.

ايمان: ولج ورده ستوج اكلتي حلويات وعصير عد خالتج، متشبعين انتي؟

فهد: خليها يمه، شنو السالفه. امري حبيبتي، شمشتهيه بعد؟

ورده: بس موطه، بس حباب جبيره أريدها مو تضحك عليه بكاسه وحده.

فهد: صار. حركت سيارتي، راجع على واحد يبيع الموطه الي تحبها ورده. وكفت السياره، نزلت. بأي نكهه ترديها؟

ورده: انزل وياك.

فهد: ماكو، كعدي وانجبي، صرتي مره. احجي بيمن ترديها؟

ورده: بقلبها. بسيطه يافهد، اله اخسرك بكل النكهات اريدها.

فهد: وانتي يمه؟

ايمان: ما اريد يمه، تدري بيه ما أحب هالسوالف.

ورده: هو انتي اكثر شي عليج حلاوه بالوته، واذا تردين تحافظين على البرستيج تاكلين كنافه.

فهد: هههه، شهالعرامه هاي، حتى امج ماخلصت من لسانج. سديت السياره ورحت جبتلها الي تريده وجبت للبيت كله واجيت. صعدت، هاج.

ورده: هاي عود صدك جبتلي كل النكهات؟

فهد: أي، ليش؟

ورده: كمزت من مكاني ابوس بي، اروحلك فدوه يالحنين، يا هيج الأخوان يا بلا، عسى الله يرزقك دائما وتدللني هيج.

ايمان: منا عالم دبسزز.

فهد: السياره مضلله يمه، وانتي لوكيه، كعدي اريد أسوق.

ورده: بالعباس اذا متبوسني ما اكعد.

فهد: ضحكت، بستها، يله رجعي لمكانج. وصلنه للبيت، نزلت انطيت العلاكه للكل.

ساره: لعد ورده ليش بس انتي جايبلج من كلشي؟

ورده: لحكتيني على هاي، وبعدين اني كتله اريد بس ككو، بس هو أصر كال شنو وردة البيت تاكل نوع واحد؟ كام جابلي كل الأنواع، يحبني مو بأيده.

بتول: كلبت عيوني، هاي ساره حاشره نفسها بكلشي.

فهد: هزيت راسي على سوالف ورده، متبطل سوالفها. صعدت لغرفتي، نزعت ملابسي، باوعت لروحي بالمرايه، صارت عيني على جسمي، تذكرت أيام قبل من جنت أنحرم من المصرف والدنيا حاره، شهر السابع كل الطلاب يوكفون يأكلون موطه لو يشترون أزبري واني ارجع فاحط. فلوس بطل ماي ما عندي. الله يرحمك يا سالم، ذكرى وحده حلوه ما تركت بخاطري قبل لتموت. تلمستهن، رغم ميأذني، آثار الجوي بس كل أثر من أشوفه أحسه المه يرجع بروحي. هواي أصرت امي أروح لدكتور تجميل واوخرهن، بس ما رضيت، هالاثار كلما أشوفهن أتذكر كل دمعه وكل ألم عانيت منه بصغري وشبابي، هالاثار جانت ومازالت شاهده على هواي أشياء بحياتي، فبحياتي ما متخيل اني أشيلهن. كعدت واجت على بالي غنى، خطيه وضعها يقهر، لا ابو يذكرها لا ام موجوده، ماكو احد يحن عليها. لابد اني موجود سند لخواتي، بس هي ما عدها احد، من تشتهيلها حاجه لو تحتاج شي ماكو الي بجانبها ويسويلها شي. الك الله يالوحيد المالك احد.

***

صباحاً

غنى: طلعت من الشقه، وبأيدي الملزمه أراجع.

ود: صباح الخير حبيبتي غنى.

غنى: بهدوء، صباح النور.

ود: اكول حبيبتي، خو مابعدج ماخذه على خاطرج مني؟

غنى: لا مماخذه على خاطري، انسي الي صار، عن اذنك. صعدت بالمصعد، نزلت اباوع للناس، هاي شبيهم من الصبح؟ شفت الحجيه اشواق هي وزوجها ستوهم دخلو للعماره وبأيدهم علاكه صمون.

ابتسمت صباح الخير.

اشواق: يا صباح الورد على هالوجهه الحلو.

عامر: قبل لتطلعين للكليه تعاي تريكي ويانه بويه جايب كيمر عرب وطلعت اني والحجيه جبنه صمون واجينه تعاي ويانه.

غنى: شكد اثرت بيه هالكلمه بويه اوف سوده عليه عليك بابا... لا عمو شكرا سبع عافيات اني سبقتكم يله من رخصتكم ادعولي اليوم عندي امتحان.

اشواق: الله يوفقج وعساج دوم من الاوائل.

غنى: ابتسمت وطلعت. لو عندي ام هسه مو جان دعتلي هالدعوه هاي. لو بابا لو موجود جان وصلني للكليه وراح لشغله. يله الحمدلله على كل حال... صعدت بالعبربه... وصلت للكليه لكيت البنات كالعاده كاعدات بنفس المكان الي نكعد بي... صباح الخير.

البنات: صباح النور. شلون صرتي اليوم؟

غنى: لا الحمدلله احسن.

بتول: شكلج مو شكل وحده مريضه.

غنى: يعني اذا مريضه كون اجي كالبه وجهي. وبعدين اني صارلي اسبوع وضعي مو كولش زين واليوم حسيت نفسي احسن وين المشكله.

بتول: ماكو مشكله بس حجايه وكلتها.

غنى: نرجس الاستاذه كالت الاسئله راح تكون مركزه بشري قريتي لا.

نرجس: شوف هاي بيه حيل اني. وبعدين احنه اليوم راح نكعد نتفق شراح نلبس بحفله التخرج.

غنى: من هسه.

نرجس: اي لعد شوكت. غير نكعد نحضر نفسنه.

غنى: هزيت ايدي وكعدت اراجع.

***

فهد: كاعد بمكتبي ودخلو مجموعه... رفعت راسي وانصدمت. منذر... كمت خير شبيك وشبي وجهك.

منذر: طالب من الطلاب تجاوز عليه لان شفته يم الحمامات هو وجماعته وكاعدين يشوفون افلام مكسره. اخذتهم للاداره. كام هو ضربني والامن جابو لهنا بأمر من المدير.

فهد: شكد عمره هذا.

منذر: طالب سادس اعدادي.

فهد: باوعت للشرطي روحو جيبو بسرعه ثواني والكاا بمكتبي وخابرو اهله خلي يجون.... تعال اكعد... شويه ودخل ولد لعبت روحي من شفته يتمعلج وصابغلي الشعر. حني جنه من ذوله الاستغفر الله.... بس مبين ابن عائله غنيه لان منذر يداوم بمدرسه اهليه معروفه.

: خابرو على بابا خلي يجي اني ما ادخل مركز.

فهد: صحت بي اوكف عدل لك لا اجي اشكك بالنص دبسزز... شلون تتجاوز على استاذك حيوان.

: يستاهل. فضحني كدام المدير شسويله يعني.

فهد: وانت من تريد تشوف صخام تشوفه بالمدرسه وويه الطلاب. ماعندك بيت وبعدين الي بكدك همهم دراستهم مو هالسوالف. وبعدين شهالموديل بنيه انت وتتمعلج جنك وحده.... كح...

: ما اسمحلك.

فهد: ديربالج سندس ليطكلج عرك لو يروح صوتج... اجو اهله. اباوع لابو مبين خوش رجال واخوته لزمو رادو يضربو ما خليتهم... رجاءا حجي استريح... كعد وبده منذر يحجيله الي صار.

الابو: الله يطيح حظك دومك مفشلني. كلي وين اوديك. بقت مدرسه ببغداد ما نقلتك بيها بس متصيرلك جاره. ولك شلون تعتدي على استاذك شلون.

: بابا.

الابو: اش ولا كلمه. فشلتني الله يفشلك. استاذ منذر رحمه لوالديك لترفع قضيه لخاطر شيباتي. والله مستعد انقله ومن باجر بس لتخلي يبات بالمركز.

منذر: لا اني مصر ارفع عليه قضيه. هذا واحد سرسري وقليل ادب. اذا ميتسواله جرة اذن ميمشي عدل اني اكلك.

الابو: ابوس ايدك بعده طالب وهالسنه مصيريه اله. اذا بقه هنا يتدمر مستقبله. الله يخليك تنازل عن الدعوه واني مستعد اخسر الي تريده.

فهد: بدون متخسر شي منذر راح يتنازل عن القضيه.

منذر: فهد.

فهد: بهدوء. اني شحجيت. كلت راح تتنازل مو لخاطره لخاطر والده.

الابو: انت شتصير من الاستاذ.

فهد: اخو. ولتشيل هم راح يتنازل وتبقه شغله المدير يمك.

الابو: رحم الله والديك ماقصرت. الله يوفقك.

منذر: رحت تنازلت واجيت بلغت المدير الي فصله اسبوع بسبب سلوكه.... فهد ليش خليتني اتنازل.

فهد: ماشفت ابو اجه يبوس رجلك حتى تتنازل. وبعدين الولد راح ينفصل عليمن تدخله مركز وتسجنه.

منذر: بس هو ضربني.

فهد: اي عود انت خلي عقلك اكبر من عقله ولتصير مطي مثله... تدري عبالي شو شمسوي وجايبيك لهنا.

منذر: شتدري انت اني الي بالمشاكل. يله اني راجع.

فهد: انتظر بعد ساعه يخلص دوامي ونطلع سوه... اكعد... صحت للشرطي روح جيب جاي وتعال.

الشرطي: صار.

***

غنى: خلص الدوام وطلعت ويه البنات. شفت سياره فهد. مدري ليش حسيت بشعور حلو.

اروى: يله باي نونه.

غنى: باي... هي راحت واني طلعت وياها. رحت اتمشى على حساب اروح بالعبريه.

فهد: اباوعلها شلون تمشي بكل هدوء. عينها بالكاع ولا رفعت راسها... اتمنى لو اكدر اكلها اوكفي لترحين وحدج اني اوصلج لان اخاف عليج بس ما اريد واحد يشوفته وتصير هوسه.

اروى: شبي وجهك منذر.

منذر: مابيه شي.

اروى: زين شعجب انت وفهد جايين سوه.

منذر: بعصبيه شنو هو تحقيق كافيي سكتييي شكد لغثتي.

فهد: شجاك وياها ليش تصيح. قابل شكلتلك هي. شنو هالاسلوب منذر على كيفك.

اروى: برطمت وسكتت... والله صوجي اني خفت عليك.

***

غنى: وصلت للبيت بدلت وصليت وكعدت اتغده. بعدها كمت نمت ومر اليوم طبيعي... كعدت ثاني يوم جانت جمعه. كمت نظفت البيت وكملت كولشي وطلعت للسوك. ملابسي صارت قديمه وجبي كلهن شتائيات. فطلعت اشتري لروحي جبه مادام عندي فلوس. وصلت للسوك. بعد مبلغت فهد وسمحلي بالروحه اكيد... فتريت على المحلات معجبني شي. كل الموديلات اخضر واصفر لو اسود ويلعب النفس.... وكفت يم محل عجبتني عبايه اسلاميه كولش حلوه... وكفت اعامل عليها. داكلب بباقي الموديلات وحسيت بأيد على متني. درت وجهي.

فرح: مرحبا.

وكفت أعامل عليها، داكلب بباقي الموديلات، وحسيت بأيد على متني. درت وجهي.

"مرحباً."

باوعتلها. "هاي وين شايفتها... مراحب، تفضلي؟"

"ممكن نحجي شوية."

ستحيت أخجلها. "تفضلي، أسمعج."

"عادي نبتعد شوية عن المحل؟"

طلعت من المحل ووكفت وياها على جهة.

"بالبداية أحب أعرفج بنفسي، أني فرح. إنتي شنو اسمج؟"

"لا تصغرتاً بيج، بس أني ما أعرفج حتى أكلج اسمي."

"إذا تذكرين، أني التقيت بيج بالمول قبل فترة مو طويلة."

صفنت عليها. "أي صحيح، هاي الي شفتها بالمول وتعاركنه بيومها أني وفهد من وراها... احم، عفواً، لا ما أتذكرج."

"ركزي وياي، بالمنصور من جنتي جاية إنتي وأخوج."

"أخويه؟"

"إنتي مو أخت فهد؟"

باستنكار. "أخته! وإنتي منين تعرفين فهد؟"

"موضوع طويل... خلينة بالمهم، أكلج حبيبتي، إنتي وين ساكنة؟ أقصد بيتكم بأي منطقة؟"

لارد.

باوعتلها. "ليش ساكتة؟"

"ممكن أعرف ليش هالأسئلة؟ أني ما أعرفج ولا اكو أي صلة بيناتنة. ما أحب أكون فضة وياج، بس أسألتج مو منطقية."

طلعت ورقة وقلم من جنطتي. "تفضلي، كتبت رقمي. اتصلي عليه اليوم، وأني أفهمج على كلشي. صدكي أني محتاجة مساعدتج، الشغلة شغلة حياة أو موت."

عقلي طار. "هاي شبيها؟"

"واتمنى فهد ما يدري إنو إحنه التقينا."

خليت الورقة بأيدها. "يلله باي."

باوعت للرقم وخليته بالجنطة. اشتريت العباية وطلعت. أخذت تاكسي ورجعت للعماره. وصلت للبيت، ذبيت الأغراض وكعدت. طلعت الرقم، أبَاوع شتريد مني هاي. تنهدت. طبعاً عرفت الها صلة بفهد، بس شنو نوع العلاقة الي بيناتهم؟ ما أعرف. معقولة حبيبته؟ لا، شنو حبيبته هاي جبيرة، يعني مبينة بگد فهد. رجعت الورقة واخذت موبايلي. دزيت رسالة لفهد.

"إذا صارلك مجال تعال باجر."

جاوبني.

"خو ما صاير شي؟"

"من تجي نتفاهم."

دزيتها وغلقت الجهاز. تمددت على القنفة وبدت الأفكار السخيفة تراودني وكمت أحلل من كيفي. يعني معقولة فهد هيج ذوقه؟ خزية البنية رغم جانت حلوة وجدا هم، بس جبيرة ولبسها وطريقة كلامها غريبة، يعني استغربت من شفتها حسيتها غريبة أطوار. وأخاف أتصل عليها وتصيرلي مشكلة، وأني ما عايزة.

***

"تعاي بتول."

"ها خالتي."

"أريد أنزل. فهد موجود لو لا؟"

"أي خالتي موجود. كاعد بالصالة."

تنهدت. "شلون هسه أني أختنكت من الغرفة، أريد أشم هوا."

"خالتي، إذا تردين نروح باجر لبيت جدي نشوفهم، وإنتي هم تغيرين جو."

"شنو شايفتني خبله أعوف البيت وأروح حتى يخلالالهن الجو؟ لا وجنايني الساقطات، ولا كأن أني عمتهن. تلاثتهن صافات ويه إيمان. يربج، حتى آلاء الي جنت أكول هاي خوش آدمية هم انكلبت."

"ليش هو يايوم العمة والجنة تصافن؟ وبعدين إنتي جنتي ماشيتهم على الصراط المستقيم، أكيد من شافنج صرتي بهالموقف كيفن."

"دخيلج تهدئ الأوضاع وأعرف شلون أتصرف وياهن. كله من هاي ساس البله ساره."

"يربي، شكد أكره هالساره. أحسها مسمومة وفكرية."

"وإحساسج مو غلط، هي فعلاً هيج."

هزيت راسي ونزلت. لكيتهم متجمعين. فهد كاعد يشرب جاي وكل ساعة يصيح بالجهال.

"منذر، سكت ابنك، راح أشيله أركعه بالگاع."

"كافي بابا، اكعد."

"بابا، اليد العب."

"ابن المسلوك، صارلك ساعة تزاكط. صرعت راسي، شگد تلغث. عليمن طالع إنت؟"

"بيبي سيحي بامو فد يسيح عليه."

"ضربته بالشقة، ليش تصيح على حبيبي؟ ها؟ كلشي ولا سالم."

"شلته يمه، أروح فدوة لهالوجه. عمو فهد ضوجك يروح عمتك. خل يروح بعد منحبه."

"أي، ما أحبه."

خزرته. "تعال ولك."

اجه يمشي جنه فقمه. "باوعتله، متحبني إنت؟"

"بخوف. لا لا أحبك."

"امشي روح اكعد، وإذا سمعت صوتك أشيلك فلقة. يله."

راح كعد على القنفة وخنس.

"أباوعله. صعد على القنفة كعد وضم أديه بمعنى صرت عاقل. كل شويه يشيل راسه يباوع لفهد ويدنك يضحك. هههه، والله سوالفه تموت ضحك. سالم عمره أربع سنوات بس سينما والدخول بلاش. يموت ضحك. سوالفه تونس، بس يخاف من فهد. خوفه الحية."

"فهد، حباب، مابينه حيل نسوي عشة، خل نطلع نجيب من المطعم ونجي."

"بهدوء. عندج موبايل؟ وخابري المطعم الي تردي وطلبي الي تردي يجيبو الج. ماكو داعي تسفسفن من مكان لمكان كل ساعة."

"هذا شبي متحمل على الكل؟ كل شوية مفشلة واحد."

"سكتي ليسمعج، وانوب يجي سراج ويفشلج إنتي هم."

***

"ولج، جاي أكلج شفت أخته بالسوك."

"ولج، بس لا حاچيتيها؟"

"أي حاچيتها، وانطيتها رقمي هم، وكتلها خابريني أريد أحجي وياها."

"عزة العزاج وصخم راسج، ولج شلون تسوين هيج؟ تدرين إذا عرف فهد راح يطلع بروحج."

"إلهام، تره أني مليت. راح يصير سنة أني متزوجة فهد متعة، ولليوم ما اعترف بيه كزوجة، ولا سوا زواجنه دائمي. وماكو حل يخلي فهد كدام الأمر الواقع ويخليه ينجبر يعلن زواجنه غير علم أهله."

"إنتي صدك تحجين؟ لج بابا، هذا واحد ماكو تكة يوديج للشط ويرجعج عطشانة. خبله إنتي. يعني عبالج إذا عرفت أخته وكالت لأهله راح يتغير شي؟ مو بعيدة بدل ما يعلن زواجكم يطلقج ويخلص من حجي أهله."

"أكلج لتخوفيني، شنو يطلقني؟ أني تفاهمت ويه أخته وكتلها خابريني، بس لتكولين لفهد. ومن تخابرني أشرحلها الموضوع وأطلب منها تگول لأهله بدون ما تدخلني. يعني اللوم كله يصير عليّ، وأني ما إلي علم. كاعدة وساكتة، لا من شاف ولا من درة."

"ومنو كال أخته ماراح تگله؟"

"لا، أخته مبينة حبابة كلش، ما أعتقد تگله. بس لو تخابرني، أني أعرف شلون أقنعها."

"والله إنتي صايرة تخوفين."

"ليش؟ الي تعاشر فهد شتتعلم غير الدهاء والذكاء."

"شمعاشرة فرح؟ هي ساعتين تلاثة يجي بيهن يمج يشبع ويتونس ويطلع. حتى بيتوته ما يبات وياج. ياعشرة هاي؟ وبعدين تتوقعين حتى لو أهله يدرون معقولة يقبلون ابنهم يتزوج وحدة مطلقة وعدها ولد؟ لا ومتزوجة متعة؟"

"يعني لازم تسميني. لتخافين، هالتفاصيل ماراح أتطرق الها."

"يعني ماراح تكولين عندج ولد؟"

تنهدت. "لا طبعاً، وشعندي كايلتها."

"فرح، تره هذا ابنچ. حرام عليچ. صارلج أشهر طويلة كاطلته عد أبو وما كلفتي نفسج حتى تسألين عليه."

"شسويله يعني؟ أذبح روحي؟ ذاك ويا كلشي مابي. وبعدين أني إلى متى أظل عايشة لأجل غيري؟ خل أفكر بنفسي شوية."

"بس هذا ابنچ."

"وأني ما قصرت وياه. ربيته وتعبت عليه وضيعت نص عمري على حسابه. وهو هسه جبير ويكدر يعتمد على نفسه. كافي، خل أبَاوع لروحي وأعوض السنوات الي طافت من عمري وأتونس وأعيش حالي حال النسوان وأحقق كل رغباتي وحقوقي الي انحرمت منها بسبب طليقي الكلب."

"تره ابنچ عمره عشر سنوات. يعني مو جبير."

"هسه عوفج من ابني، خل عد أبو. وحسب الي سمعته، مرت أبو مداريته وتحبه. يعني وجودي ماله داعي بحياته. المهم عندي هسه فهد وبس. أريد أثبت زواجي منه وأعيش وياه وأجيب أطفال منه يعوضوني عن غلطة عمري الي نتج بيها طفل لا أني أريده ولا أكدر أتقبله."

"ما أگول غير الله يهديج. الناس تتمنى أظفر طفل، وإنتي ترفسين النعمة متبطرة."

***

"رجعت من الجامعة. نمت وكعدت العصر. سويت حملة تنظيف. حيجي رجب، وإني هالاشهر الثلاثة، رجب وشعبان ورمضان، أحس أجوائهن تختلف عن باقي الأشهر. رفعت شعري بكباية عالية وشديته بشريط مال شعر حتى ميضوجني. رفعت ستريجي وبديت أنظف. شلت البردات غسلتهن، وبديت أكنس وأمسح البيت. صعدت على الكرسي أمسح الشبابيك."

"دخلت للشقة، لكيتها واكفة على الكرسي تمسح. ضحكت على منظرها، هي ضعيفة وناعمة كلش، تحسها طفلة. الله يساعدهم."

"درت وجهي عليه. ابتسمت. هاي شوكت جيت؟"

"هسه جيت، بس إنتي ملتهية بالتنظيف وما حسيتي عليه. خير، شعندج؟"

"دانظف البيت، بما إنو حيجي رجب وهالأشهر فضيلة. وأحب أسويلها طقوس خاصة."

"والله عندج سوالف."

"معليك بيه. تعال اكعد."

رحت غسلت واجيت انطيته گلاص مي. مبين عليه تعبان.

"أباوعلها، عيونها مصوبة للكاع. على شنو تباوعين؟"

"والله اجيت أبجي. شنو هاي فهد؟ ليش طاب بحذائك؟ هستوني كنسّت الصالة ومسحتها. شوف شسويت."

"ترا حذائي نظيفة."

كعدت ومسحت على وجهي. "أووف منك."

"ما گلتلي ليش البارحة طلبتي مني اجي؟"

تنهدت وكمت فتحت جنطتي وانطيته الورقة.

"باوعت. شنو هذا؟"

"رقم فرح."

"فتحت عيوني. وإنتي منين تعرفيها؟ وشجابلج رقمها؟"

"من رحت للسوك اجتني وحدة وعرفتني عن نفسها وكالت اسمها فرح. وتريد تعرف اسمي وسألتني بعض الأسئلة، منها إنو أني أكون أختك. مدري منين جايبة هالمعلومة. وبالتالي انطتني رقمها وأصرت أتصل عليها ضروري. وأني ماحبيت أخطو هيج خطوة بدون ما أكلك."

"شسألتج بله؟"

"سألتني على مكان سكني وما گلتلها."

أباوع لوجهه انكلب وبينت دمارات رگبته.

"كمت."

"لزمت أيده. وين فهد؟"

"مسحت على شعرها. راجعلك. ما أتأخر."

أخذ سويجي وطلعت. "بسيطة يافرح، عبالج تمشيهن عليه ذني."

وصلت بعد فترة. صفيت السيارة ونزلت. دگيت الباب. فتحتها.

"هلو حبيبي، شلون..."

"قاطعتها. جريتها من شعرها وطببتها جوه."

"آآآخ فهد، شبيك؟"

"وين جنتي البارحة؟"

"ها."

"بعصبية. ويننننن جنتييييي؟"

"رحت للسوك."

"شديت على شعرها. من شفتي أختييييي هنااااك، ليشششش ترحيييين تحاجيهاااا؟ أني شكايييييلج؟ مو گتلللللج بحياتيييي الخاصة والعائلية لتدخلييييين. لا ورايحة مطيتها رقمججج حتى تحجين وياهاااا. عبالج ما ألكفج مثلاً؟ تدرررين لو مخابرتج اختيييي أو لا، أني ميشكل فرق عندييي، بس ما أريد أورطها على هالسوالف وهي بريئة."

"بألم فهد، بس اسمعني. اااااخ فهد، شلعت شعري."

"شوفي ولج، ما عاش ولا كان الي يستغبيني ويستغفلني. لج تعرفين منو أني؟ زلم مشوربة متكدر توكف بوجهي، تجين إنتي أداة متعة تلعبين عليه."

"بدموع. فهد، والله من حبي إلج سويت هيج. ردتاتعرف على أختك وأتقرب منها، لا أكثر. ما عندي غير غاية."

"مردت حلكها بأيدي. لتجذبين، حقيرة. أني وياج ندري شنو غايتج من هالشي؟ تردين أختي تتعاطف وياج وتروح تگول لأهلي حتى تخليني أمام الأمر الواقع. عبالج أني مثل باقي الزلم واكو واحد يحكمني؟ ولج لا إنتي ولا أهلي ولا الدنيا كلها تكدر تلوي ذراعي، فتهمت؟"

دفعتها. أباوع لحلكها طاگ دم. "إنتي لهنا وطارت ورقتج الرابحة وياي. روحي، انتهى كلشي. البيت بعد يومين، أجي ألگاچ عايفته ومولية للزبالة الي جنتي عايشة بيها. وياويلچ تخليني أشوف وجهج بعد. فتهمت؟"

"لزمت رجله. لا فهد، الله يخليك لتعوفني. والله أموت بدونك. أني جنت ميتة ومن تزوجتك حسيت نفسي حييت. والله هالموضوع بعد ما أفتحه ولا أتدخل بحياتك، بس لتطلقني وتعوفني. أبوس رجلك فهد."

دفعتها برجلي. "وووخري، إنتي الي لعبتي بذيلج مو أني. وهسه استحقيتي للي سويتي. حمدي ربج أختي اجت فاتحتني بالموضوع وما وصلت السالفة لأمي، جان طلعت بروحج."

عفتها وطلعت، وأسمع صياحها من جوه. يطبها مرض. أخذت سيارتي وطلعت. رجعت للشقة، فتحت الباب ودخلت. لكيت غنى كاعدة تقرة قرآن.

"صدگت. وكمت. وين رحت فهد؟ تره قلقتني."

"لزمت إيدها. گعدتها وكعدت كبالها. بالبداية، أحجيلي ليش اجيتي. كتيلي وما خابرتيها."

"لأن الموضوع يخصك ومحبيت أدخل أو أخبرها وأعرض نفسي لموقف مو حلو. فگلت أبلغك وأشوف شتكول."

"باوعت لعيونها. تدرين كل ما بيه جاي أكتشف إنو إنتي أعقل وأرزن بنية بهالكون."

"مسحت على رگبتي. احم. ما گلتلي منو هاي وشلون تعرفچ؟"

"گعدت يمها وخليت راسي على كتفها. مجرد وحدة جنت أتونس وياها، وهسه خليتلها حد."

"شلون يعني تشرب وياها؟"

"غمضت عيوني. أعمق شوية."

"تركص لك يعني؟"

"هم أعمق شوية."

"هو اكو أتعس من هيج؟"

"بعدج صغيرة. من تكبرين تعرفين. ما أريد أفطنج على هالسوالف، خليج بريئة أحسن."

"سكتت. فهمت قصده. يعني إنت گائللها إني أختك؟"

"أي. ليش عندج مانع؟"

"أي، ليش تنسبني إلگ؟"

"اخذت إيدها خليتها على شعري. ترا إنتي مسجلة باسمي بكل الأحوال."

"حركت أصابعي على شعره. فهد، متشوف الي دتسوي غلط؟"

"هذا الغلط أني ما مروجله ولا معلم أحد عليه بالاول. والتالي الأذية راجعة عليّ مو على غيري."

"سندت راسي على راسه. بس الروح الها حق علينه وواجبنه نصونها ونحافظ عليها. وإنت بأعمالك هاي دتگتل روحك وجسمك هم. عبالك يعني الله حرب الشرب وهالمعاصي من دون سبب؟ أكيد لا. الله حرمها لأن الشرب يفقد الإنسان عقله ويخليه يتصرف بلا وعي، إضافة إنو يتلف الكبد والگلب ويمرد الجسم مرد. والمعاصي الثانية تنقل أمراض وتطفي النور الي بالوجهه، بحيث الإنسان يبين قبيح داخلياً وينعكس هالشي على الناس فيشوفوه قبيح ومخيف."

"كلامج كله صح، بس من الصعب تنفيذه."

"إني مستعدة أساعدك. نگدر نخلق فهد جديد. تكدر تقلع عن هالعادات وصدگني أني مؤمنة إنو إنت تكدر."

"ما دام إنتي موجودة، أكيد أكدر. بس حالياً أني ما مفكر ألتزم. من يجي الوقت المناسب الي أحس نفسي بي صرت جاهز، راح أخطو هالخطوة."

"إسعى ياعبدي وأني أعينك. لازم إنت تسعى مو تأجل وتختار بمزاجك شوكت تتغير."

"ربج الهادي. يله اشتغل نعسان."

"حركت أصابعي بين خصلات شعره. ما تروح للبيت؟"

"نعسان، مابيه بعد أطلع."

"لا كوم روح. هواي دتغيب عن البيت وهالشي غلط وميصير."

"حاضر ماما. غنى، اكو أوامر ثانية؟"

"أي، بطل هالبرود الي عندك."

"صار ماما. ومواعيد شرب الحليب ما خليتها إلي. سجليها بورقة."

ابتسمت. "إنت ضل استهزئ. خليني أشوف تاليها ويه سوالفك."

"گمت. خل أروح أحسن."

"مع السلامة."

"مع السلامة."

"طلع واني رحت مزقت الرقم وذبيته بالزبل. عمري وحياتي مجنت فضولية ولا حكون. متهمني مدام الشي ميخصني. أني معليه. رجعت كعدت أكمل الختمة."

***

"ولج الهام، لحگيلي. صخام الصخمني، ولج فهد طلكني وطردني."

"يااا، مو گتلج گعدي وسكتي وعوفج من هالسالفة. شفتي روحج وين وصلتي؟ هاي درة بأقل من أربعة وعشرين ساعة وطلكج."

"بدموع. ولج نار نار، واجه بيه. راح أتخبل. أخته راحت گلتله. ما توقعت تگله، بس طلعت حقيرة وراحت خلت السالفة بحلكه. ولج ميتة قهر. ميتة. فهدددد، عافنيي وبعد ميريدني. إلهام، اااااه يمة."

"اهدئي. هو أكيد هسه بحالة عصبية وحجاها بدون قصد. لتخافين، يرجع الج."

"لا، ميرجع. إلهام، ميرجع. انطاني مهلة يومين حتى أعوفله البيت. ولج ملخني تملخ. لهدرجة طلع مستعر مني. إلهام، گلبي يوجعني. أحس روحي راح تطلع."

"يمعودة، لتخوفيني وتخليني أجيب حتى رجلي ما هو ويجيبني. عفية اهدي وشربي ماي، بلكي تهدين وبعدها نتفاهم أني وياج. ووعد مني الج، فهد يرجع الج. وين يلكه مثلج؟ لا اكو بجمالج ولا بدلعج. وهذا صاحب مزاج، ما يعوف وحدة مثلج."

"معقولة؟"

"أي طبعاً."

ابتسمت. "أني ماراح أروح وأبقى هنا حتى أتفاهم وياا، بس يكون يقبل يحاجيني."

"لا، دزيله رسالة گولي له ما عندي مكان أكعد بي. انطيني مهلة ألكه بيت وأطلع. وخليج فترة لبين ما تهدئ الأمور ورجعي حاچي."

"مسحت دموعي. هيج گلتلچ؟"

"أي."

***

"متمدد بغرفتي ودخلت أمي."

"شبيك يمه؟ أشوف اجيت من الدوام ضايج وحتى غدة ما تغديت. خير، صاير وياك شي؟"

"بست إيدها. لا يمه لتشيلين هم. كلشي مابيه، بس تعبان من الدوام، وإنتي تدرين بيه من أتعب لو أضوج تنسد نفسي."

"حبيبي، ليش متأخذ إجازة وتروح تسافر لأي مكان تغير جو تشوف غير ناس. إلى متى تبقى بس شغل شغل."

"يمه، إجازة ما أكدر آخذ. غير وقت الضرورة، وبألف يا محمد ياله نگدر نحصل إجازة. تالي ترديني أسافر بيها."

"غير أريد راحتك أني يا يمه."

"بس لو تهدئ المشاكل الي بحياتي، أكون بخير. لا أريد أسافر ولا بطيخ."

"كل تعب ومشكله لابد وتنتهي. هاي سُنة الحياة. نشوف بيها الحلو والمر، وماكو شي يستمر على حاله."

"أجيت أجاوبها وسمعت صوت الصياح من جوه. گلتلي ماكو شي يستمر على حاله. تعاي خلي نشوف العرس الي جوه."

نزلنه أني وأمي. أباوع نسوان فيصل صايرات من الشعر والبنات يجرن بيهن. فتحت عيوني وأني أشوف ساره راكعه آلاء بوكس. خرب يومهن، زلم مو نسوان. صحتت. "هاييييي، شصايررررر؟"

أباوعلهم ابتعدوا. آلاء گامت تعدل بحجابها وساره ولا گأن التشيرت ممزوج من الياخه والشعر طالع. "شبيجن؟"

"اليوم ليلتي وراحت خلت فيصل ينام عدها، ومن حاچيتها ضربتني."

"بله ما استحيتي على روحج تحجين هالحجاية وكدامنة؟ أني سامع اكو ناس تنزع المستحة، بس هيج ماشايف. مشاكلكم الشخصية حلولها بيناتكم وسوالف الأفلام بطلنها. فيصل مو الأمير هاري وتتعاركن عليه. ويا ريت تثگلن شوية وتخلن حجار بجيوبجن، تره رواحنه طالعة ومالنه خلك."

"والله يافهد، أني مو يمها. يعني فيصل اجه نام بالغرفة. شنو أطرده يعني؟ وهاي السايبة اجت تهجمت عليه. شنو قابل أسكتلها؟ طبعاً أگتلها."

"لو طالبات ابتدائي أحجي وياهن، يمكن يفهمن ويستوعبن الكلام أكثر منجن. بس إنتن هنا." أشرت على راسي. "ماكو عقل، اكو سطلة زبل وملزوم عليها ذبان، بحيث الإيعازات وقت الكلام متوصل أبد."

درت وجهي، شفت سعاد واگفة على الدرج. گملت السبحة. خزرتها وصعدت لغرفتي. والله لوما الحجي جان أخذت هدومي ورحت. بقيت يم غنى، على الأقل هناك هي صمً بكمً.

***

"مرتضى، وتالي وياك ولك؟ صاير جلد على عظم، راح تنكطم."

"ما أريد يمه، رجاءاً لتحلين."

"كل هذا على حساب ست الحسن والجمال؟ گاطع الأكل والشرب، لا وهم عازل روحك ومتطلع. ولك متستاهل تسوي كل هذا على مودك الي مايريدني ما أريده."

"إنتي جاية تشمتين بيه يعني؟"

"ولك، اكو أم تتشمت بابنها؟ ولك أني گلبي ممرود عليك. أشوفك شلون تتكرض على وحدة متستاهل. أظفرك لا وجماله إنتي رايدها وهي باعتك بالرخيص."

"يمه، غنى تحبني، إله تموت عليه. بس أكيد من سمعت كلام إخلاص الحقيرة زعلت وبطلت عليه. حتى لو كانت موافقة، من درت بيه مرتبط بغيرها أكيد تبطل."

"والله الي يحب لو يشوف حبيبه ويه عشره، يبگه يحبه. هذا أبوك خاني مو ويه وحدة، ويه عشرة، وهم بقيت وياه وأحبه ومداريته. بس هاي متحبك. لو تحبك جان گلتلك عوفها وتعال أخطبني، مو تسحب روحها. بس هذا مجالك، إنت ما سطرتها براشدي يمشيها عدل لهالخدامه."

"بعصبية. غنى مو خدامة. وإنتي إذا چانت گرامتج تسمحلج تبقين ويه واحد خاين، فغنى عزة نفسها فوگ كلشي."

"صفگته راشدي. يا أدبسزز، أني تحچي وياي هيج على مود وحدة بت شارع ما معروف أصلها من فصلها؟ هي هاي تربيتي وتعبي وتالي تجازيني هيج. تف عليك ياحقير، روح ربي وگلبي غضبانين عليك يا مرتضى يا ابن گلبي. وإنتي يا غنى، عساچ بحركة گلبي."

"طلعت وعافتني. الله ياخذني ويخلصني من هالعيشة حتى أخلص من شكولكم كلهاااا. صايرة ضدي عبالك كاتلللل أهلكمممم."

***

بعد مرور يومين.

"اليوم جمعة، گاعدة على التلفزيون. وين أروح قابل؟"

خابرتني أروى. جاوبتها. "ها، أرو. شلونچ؟"

"هلو بيج حبيبتي. أكلج، نونه، اليوم إحنه متجمعين عد بيت جدي وكلتلي الحجية أخابرج. عدها كم قماشة تريدج تخيطيهن، والبنات سمعن الحجية وتخبلن، يردون يفصلن هم."

"المكينة مو عندي، تركتها بالبيت. وتدرين إني گاعدة عد خالتي."

"أي، تعالي لبيتكم وكعدي خيطي. بكل الأحوال الفائدة الج. أدري خالتج أم فليس وكوة الربع يطلع منها. خاف عبالج مندري بيج دتعانين وياها، بس متحجين."

فكرت بكلامها صحيح. فهد إلى متى يظل ينطيني مصرف؟ هم فشلة. خل أجيب المكينة، على الأقل هم أشتغل وهم أتلهى. بس كون أروح أجيبها.

"الو؟ غنى وينج؟"

"وياچ. معندي مانع، بس شوكت تدزلي القماش والفصالات الي تردنهن؟"

"تكدرين تجين هسه لبيت جدي مادام متجمعين حتى تخلصين من الفرّة كل ساعة."

باوعت للساعة. "بتلاثة ونص. خل تصير بالاربعة وأجي."

"أوك، منتظرج. يله باي."

"باي."

سديته ورحت بدلت. لبست بنطرون كابوي وتشيرت أسود وفوگه صايه وشال. شفت صارت بالاربعة. أخذت جنطتي وقفلت الشقة وطلعت. وكفت بالشارع العام. گف كدامي تكسي. أباوع رجال جبير كلش. أي، هازين. صعدت. دليلته على المنطقة وطلع. وره فترة طويلة ياله وصل. نزلت دگيت الجرس وضليت واگفة.

"طلعت شفت وحدة. بسم الله. احم، نزل عينك ولك، عيب. إنت مزوج. تفضلي، منو رايدة؟"

"إني الخياطة. الحجية والبنات موجودات."

"أي، تفضلي. دخلي. يعني معقولة هي هاي الي يحبها مرتضى؟ زين شلون قبلت بي؟ شافت؟ لو هو شكو واحد زايعته الدنيا ياخذ وحدة جنها حورية."

دخلت. شفت زلم گاعدين بالحديقة. نزلت راسي ومشيت. دخلت لكيت نسوان هواي گاعدات بالصالة. "السلام عليكم."

"الكل: وعليكم السلام."

"هله بعد گلبي، تعاي أبوسچ."

ابتسمت وتقدمت بوستها وسلمت على الباقين. بس خالة إيمان أول ما شافتني حضنتني. يربي، شگد حبابة وحنينة هالمرة.

"گعدي حبيبتي، ليش واگفة."

"طبعاً المفروض نشتكي عليج، تدرين؟"

باستغراب. "ليش؟"

"من وراج هالغبر، كل ساعة مطلعاتني للسوك حتى يشترن قماش وتخيطيلهن. خلصن فلوس رجلي."

ابتسمت. "نسوان عم فهد كلهن حبابات. بس عمته تخوزر بيه. مهتمت الها، يجوز مو يمي. باوعت للحجية. حجية، ردتي أخيطلچ بعد؟"

"أي حبيبتي، تعرفين اجا الصيف وأريدج تخيطيلي دشاديش صيفية مريحة."

"صار من عيوني. وإنتن بنات، الموديلات الي ببالجن راوني ياهن حتى أشوفهن."

أجن البنات يراوني. ضليت فترة أشوف بالصور وأسجل على حسب القياس. حسيت بصوت عالي وحجي شباب. كلنه رفعنة راسنه. شفت فهد ينزل من الدرج هو والشباب الي وياه. أباوعله لابس تراك زيتوني، بس طالع حلو.

"تقربت. شلونچ غنى؟"

باوعت لفهد.

***يتبع***

مرتضى: شلونج غنى؟

غنى: باوعت لفهد اللي انكلب وجهه أول ما شافني. رديت على مرتضى مجبورة، ما أريد أفشله كدامهم. الحمد لله.

مرتضى: ابتسمت. سمعت بيج فترة مريضة، شلون صرتي؟

غنى: احم، زينة. باوعت لفهد، يربي هذا شبي يخزر.

محسن: اكلكم، هاي صاحبة مرتضى مو؟

مرتضى: أي، دشوفها شلون حلوة. تگول للگمر كوم، أنا بمكانك.

محسن: ولك، هاي تضوي ضوي. يا گمر يا بطيخ، وين لكيتها ولك؟

مرتضى: بعد، لكيتها ولأني محظوظ أكيد. شايفها من تلزم إيدي وهي ترفة، شيصير بيه؟ أسـيح والله.

فهد: كور إيده بقوة لحد ما بان بياضها.

محسن: أكول، خير حجية، شعدج جامعة البنات؟

ياسمين: ردت أخيطلي جم حاجة وشرايجي طلعن صفح. يردن مثلي، شسويلهن يعني؟ خابرنه نونه تجي تشوف شنريد.

مرتضى: هاي حتى انتي تصيحيلها نونه؟ تدرين حجية، كل القسم يصيح لغنى نونه.

غنى: فتحت عيوني. عزّة، شگد جذاب.

فهد: أعتقد ماكو داعي تظلون واكفين هنا وتحشرون نفسكم بنص النسوان. خلي نطلع أحسن.

أروى: عفية فهد، قبل لا تطلع فدوه أخذ غنى لبيتهم حتى تاخذ الماكينا وياها لبيت خالتها. عليمن تظل جاية لهنا كل ساعة.

فهد: باوعتلها. يله.

مروة: خو خلي مرتضى يروح وياها، فهد عنده طلعة ويه الولد.

شهد: كرصتها لأن حجت بنتره.

غنى: گمت. ماكو داعي، أنا أروح وحدي. عن إذنكم.

فهد: وكفي، أنا ما عندي شي.

مرتضى: گمت. لا، أنا أوصلها لأن عندي طلعة، أوديها وأروح.

فهد: بعصبية گلت. أناااا أوديييها، انت اكعد واسكت.

غنى: أباوع للكل. ضل يباوع لفهد، حتى أنا انصدمت من ردة فعله.

فهد: يله.

غنى: قبل لا أطلع، طلعت المفتاح من الجنطة لأن قبل فترة جابه فهد من خالتي بس ما قبل أروح أكعد بالبيت لأن يخاف لتروح خالتي تبلغ عمامي وشو يسوون، وهم أصلاً مو أمان. طلعنة. أباوعله يمشي ويدخن. أحم، فهد شبيك؟

فهد: بحَدّة صوتج، ما أريد أسمعه.

غنى: الطريق كله هو ينافخ وكالب وجهه، وكل ساعة يدور وجهه، يخزرني ويكمل. وصلنة للبيت. وكفت أفتح الباب. المفتاح شكل ويه حظي، يمعود افتح، ماكو.

فهد: جريت المفتاح منها. فتحت الباب ودفعتها. طبييي.

غنى: دخلت للطرمة. هاي وين جاي تروح؟

فهد: سديت الباب وجريتها من إيدها. تعاي، عدي حجاية وياج.

غنى: أباوعله. فتح باب البيت الداخلي من جوه ودخلنه. ااوي، فهد شبيك؟ إيدي انخلعت.

فهد: دفعتها على الحايط. بعصبية، شلون تطلعين من البيت بدون ما تكليلي؟ شنووو طرطور عندج أناااا؟

غنى: بارتباك. مو.

فهد: مو وجعو التوجعج. أنا شكايلج؟ مو كايل خطوة متخطين بره البيت بدون علمي؟ غبية انتي. وبعدين منو سمحلج ترجعين تخيطين؟ أنا مقصر وياج بشي؟

غنى: لا، ممقصر. بس أنا أريد أعتمد على روحي. إلى متى تظل تصرف عليّ؟ وبعدين انت ما من حقك تحاسبني على الطبة والطلعة، تره أنا حرة نفسي وانت مالك حق تدخل بحياتي.

فهد: لزمت فكها بقوة. سمعي ولج، مو بمعناها أنا وياج زواجنا بس بالاسم. تلعبين بكيفج؟ فتحي عينج وأذنج. انتي مرتي ومسؤولة مني. هاي حقيقة، قبلتي بيها ما قبلتي بيها يطبج مرض. أقسم وعزة جلالة الله يا غنى، أحبسج بالبيت وحتى الشارع ما أخليج تشوفيه. والله وأنا حالف براسي.

غنى: دفعت إيده بس ماكو. حايط واكف كدامي. هسه شبيك؟ مردت وجهي مرد. أنا أحاسبك على طلعاتك وجياتك لو روحاتك للملاهي؟ أشوو منجبه وساكتة. يايوم گلتلك لا تروح ولا تجي؟ فكافي تدخل بيه رجاءً.

فهد: وانتي تقارنين روحج بيه؟ يعني هسه لو أنزع وأطلع عريان تسوين مثل سوايتي؟ أنا طايح حظي، انتي لتصيرين مثلي. ضغطت على إيدها وبعدين انتي مو متدينة وتعرفين الله؟ متعرفين شنو عقوبة المرة اللي متطيع رجلها؟ تعرفين لو لا؟

غنى: خليت إيدي على حلكه. اسكت، كافي فضحتنه. ماكو واحد مادره بيك هنا. كافي حباب.

فهد: دفعت إيدها. سمعي ولج، أنا راح أفوت هالسالفة اليوم بمزاجي. والمكينة راح آخذها هسه وأطلع أخليها بسيارتي، وانتي تقفلين البيت وتجين ورايه. وبالنسبة لكلامج ويه مرتضى، نتحاسب عليه من نوصل للشقة.

غنى: روح وحدك، أنا ما أروح.

فهد: تجين لو أطلعج منا سحل. تعاي بكرامتج أحسن الج، تره أعصابي تالفانة. لتخليني أنقلب طنطل عليج. أبـاوعلها ضلت واكفة. صحت. ييييييييييله.

غنى: تنهدت وطلعت. شوية واجه شايل المكينة.

فهد: تعاي، اخذي السويج وافتحي السيارة.

غنى: وين السويج؟

فهد: بجيب البجامة.

غنى: صفنت. ها.

فهد: تره گلتلج مدي إيدج خليها بجيبي. مو بـ. استغفر الله. تطلع الواحد من طوره انتي.

غنى: مديت إيدي بجيبه. طلعت السويج. فتحت السيارة. راح خله المكينة بالجنطة واجه فتح الباب.

فهد: شبيج واگفة جنچ شرطي؟ صعدي.

غنى: صعدت وسديت الباب حيل.

فهد: تره السيارة غالية، على كيفج وياها.

غنى: باوعتله. شگد ما هو عصبي وصاير بارود، شگد ما مستفز، وياخذ كل شي باستهزاء. باوعت للسيارة، جانت جكسارة ومبينة موديل حديث. گـلبت عيوني، حتى سيارته عالية مثل خشمه. حرك السيارة وبده يدردم.

فهد: يحجي ويه روحه. حضرت جنابها تطلع وتطب بكيفها، ولا عبالك اكو مسؤول عنها. لا وتدگلي حنج ويه الولد. نسوان متصيرلجن جارة، تموتن عالزلم.

غنى: صحت. فهد، عيب هالحجي.

فهد: قـزقـط صوتج ما أسمعه. باوعتلها وبعدين حضرتج عندج عرس؟ شهاللبس هذا.

غنى: انوب جيت على لبسي. شلابسة قابل؟ شبيك انت.

فهد: لابستلي بنطرون بوري وفخذج مبين، گـالبة ذاك وينه. المن لعد لابسة صايه وهي مفتوحة من الفخذ؟ لو هو استعراض؟

غنى: شنو استعراض؟ هذا موديلها، شسوي يعني؟

فهد: ذبيها. والله يا غنى، إذا شفتج بعد لابستها، أشكها وأشكج انتي قبلها.

غنى: خليت إيدي على حلكي. عزّه، هذا كام يروح رون سايد.

فهد: هااا؟ شو سكتي؟ شنو استحت؟ نصره؟

غنى: منو هاي نصره؟ انوب.

فهد: ما عليج انتي.

غنى: جيت أجـاوبه ودگ موبايلي برقم غريب.

فهد: منو؟ متجاوبين؟

غنى: رقم غريب.

فهد: جاوبي. شو دجيبي. فتحته.

مرتضى: غنى، رجاءً لتسدين، خليني أفهمج. ما عوّلت اليوم أشوفج، ومن سلمتي عليه حسيتج نسيتي الي صار. حبابة غنى، انطيني فرصة. خل نبدي من الصفر. والله أني مستع...

فهد: غلقته بوجهه بسرعة وشمرته عليها. بدون ما أحجي، بس أحس دخان كام يطلع من أذاني.

غنى: ضل الطريق كله يغلط ويفشر بينه وبين نفسه. وصلنة للـ عماره. نزل المكينة وصعدنه. فتحت الشقة ودخلنه.

فهد: بحَدّة. وين أوديها؟

غنى: لغرفتي.

فهد: خليتها بغرفتها وطلعت. گعدت بالصالة.

غنى: فتحت شالي ونزعت الصايه. أباوع لإيده من العصبية عروگها طافرة وأحسها حاطگ. فهد.

فهد: باوعتلها بخزرة. حضرت جنابها باردة، ولا گـأن مسوية شي.

غنى: گعدت گدامه. أكدر أعرف عليمن خبصت الدنيا؟ طلعة وطلعت، شنو الداعي لهالعركة؟

فهد: انتي طالعة من البيت بدون علم رجلج، لا وهم وافقتي ترجعين تشتغلين بدون ما تكليلي، وكعدتي تدگين سوالف ويه مرتضى اللي حجة عليج حجي ابن الـ... ميحچي. لا وانتي رديتي عليه بكل صلافة من سلم، ولا گـأن وأنا گایلچ لبسي شنو؟ رجل كرسي أنا؟ عوزي بس أشـد كرون وأگعدلج بالباب.

غنى: فهد شبيك؟ شجاك؟ هاي مو أول مرة أطلع من البيت وكل مرة أبلغك، بس هالمرة نسيت. شصار يعني؟ انگـلبت الدنيا.

فهد: انتي ليش ماخذة الموضوع بهالسهولة؟ گمت وگفت گبالها. گومتها. أنا شصير منج؟

غنى: شتصير؟

فهد: غنى، أنا قبلنا أو لا، أحنه متزوجين وزواجنا حقيقي مو مؤقت. حتى أنا ما أهتم. أحنه عاقدين سيد يعني أمام الله. انتي مرتي وحلالي. لو أخذج هسه وتحبلين ابنه، شرعاً يصير ابن حلال. فمادام العلاقة الي بينه علاقة رجال ومرته، حتى وإن كانت بدون تقارب جسدي، هالشي يحتم عليج ترجعينلي بكل خطوة تخطيها. فـتهمتي؟

غنى: فهد، تره أنا مدا أفهم. قبل أشهر جنت تگول زواجنا مجرد حجي. لا أنا أتدخل بحياتك ولا أنت تدخل بحياتي. شنو الي تغير هسه؟ ومن شوكت صرت تهتم؟

فهد: قبل شي وهسه شي ثاني.

غنى: شلون يعني؟

فهد: لزمت خصلة من شعرها. ما أعرف، بس كل اللي أعرفه انتي هسه مسؤولة مني وممنوع عليج حتى ترمشين بدون إذني. سمعيني يا غنى وخلي كلامي حلقة بأذنج. أنا ويه كل الناس شكل، وياج شكل ثاني تماماً. لتخليني أتعامل وياج مثل ما أتعامل ويه الناس. صدگيني يا غنى، إذا سويتي شي أنا ما قابل بيه، أسوي بيج سواية بحياتج ما شفتيها مثلها. والله أكرهج بالساعة اللي عصيتي بيها أوامري. خلّينه أصدقاء وأخوة أحسن الج والي.

غنى: نملت عيوني دموع بس مبچيت. انت شنو؟ تهددني؟

فهد: نزلت أصابعي من شعرها لركبتها. أنا مو فارغ حتى أهدد. أنا جاي أبلغ والقرار الج. تردين فهد الحباب لو إبليس فرع بيت سالم؟ الاختيار اختيارچ.

غنى: وإذا أگـلك أنا فهد كله على بعضه ما أريده.

فهد: ابتسمت. ولا هو يريدج. بس مادام انتي مسجلة باسمه مجبور يتحملج لبين ما ترجع خالتج وكل شي ينتهي وأخلص منج. وعود من نتطلك شتردين تسوين سوي، عسى ما تطلعين مصلخة ميخصني. بس مادام انتي هسه اسمچ مرتبط باسمي، تاكلين تبن وتنفذين كل اللي أكوله.

غنى: ما أعرف شلون فقدت أعصابي. عن أي زواج تحجي انت؟ تره أحنه زواجنا ورقة وبس. يايوم بله صرنه متزوجين؟ أشوو انت مكضي حياتك بالملاهي والنسوان ولا تسأل. ولا بحالي الوو؟ محتاجة شي؟ گلتلك أي، أجيت. گلتلك لا، درت وجهك ورحت. يايوم انت اهتميت إلي؟ متجيني غير بس وقت اللي تختنك ومتعرف وين تروح. والمفروض أنا أنجب وأعوفك للي تسويه الي تريده، وبالمقابل أنا ميحقلي أسوي أي شي بدون ما أرجعلك. هاي عدالة برأيك؟ أكيد لا. فعن أي زواج دتحجي انت؟ وين الزواج بالموضوع؟ راويني يله. اكو شي يدل على إنو أحنه متزوجين؟ يافهد؟ الي أحنه بيه اسمه بطيخ مو زواج.

فهد: رفعت حاجبي. يعني تردين زواجنا يصير فعلي؟ صدگ جذب. طلبج سهل ومكدورله. جريتها من التشيرت ومديت إيدي رافعه، مطلع جسمها.

غنى: دفعت إيده بسرعة وجسمي يرجف. حجيت بدموع وصوت عالي. مهضوم، يعني من كل كلامي هذا الي فهمته يافهد؟ موصلك أي شي غير هالشغلة القذرة هاي؟ مفهمت شنو الي قصدته؟ رحت گبل على موضوع أنا أصلاً ما أفكر بيه. وحتى لو أفكر بيه، والله يافهد لو تبقه بس انت بالدنيا ما أخليك تتقربلي. عفته ودخلت لغرفتي ودموعي تنزل. واحد حقير، عباله أنا مثل النسوان اللي عنده. واحد معنده مشاعر ولا أصلاً عنده إحساس. شخص ما همه غير شهواته وبس. وأنا الغبية اللي مسويته شي جبير بحياتي. سمعت باب البيت ينـسد بقوة. روح روحه بلا رجعة.

________________________

فهد: وصلت لبيت جدي، لگيت مرتضى گاعد بالحديقة. رحت ضربته بوكس ونمت فوگه. أنا شگلتلك ابن الكلب؟ مو گلتلك عوفها بحالها؟ ماللللك علاقة بيهااااااا. متوبببب انت.

مرتضى: منو هي؟

فهد: ضربته على وجهه. علساس متعرف؟ لك كو... ابن الكو... مو گلت تبن وياك؟ وكتلكككك اعتقها ومالك شغل بيهاااا. ليشش تخابرهااا؟ ميفيد الحجيييي وياك. گلتلك غنننننننى متخصك عوفها ولتدنالهااا. بعد ضربته بوكس. متفهم لك؟ م... من وراك سويت سواية طايح حظهاااا اليوم. من وراك طلعت من دينيييي من ورااااك يا كلبببب.

أروى: متجمعين كلنا جاي نشرب جاي وسمعنا صوت صياح فهد. طلعوا الكل يركضون لمصدر الصوت. أباوع لفهد نايم فوگ مرتضى وطاحله بوكسات. ركضوا عمامي والولد يجرّو.

حارث: ولك فهددد شبيك تخبللللت.

نسرين: ولكم ابني، ولك ابن إيمان. عوووف ابني، الله لا يرضى عليك.

فهد: خنگته. أقسم بالله إذا شفتك تلحگ خيالهااااا يا مرتتتضى. اطلع بروحك وما أهتم لاكبر واحد، فـتهمتتتتت.

عباس: جرينه بالكوة عن مرتضى بقوة. ولك انت خبل؟ شجاك؟ راد يموت بإيدك. مسودن؟ الله خبلك.

فهد: وخروووو عني. لحد يدناليييي. اسمع ولك، كلامي تخلي ترجية بأذنك. هالمرة اكتفيت أسويلك جرة أذن. المرة الجاية أخليهم ينصبون فاتحتك. وحق رب العزة وأنا گد حجايتي.

مهدي: دنكت على مرتضى. ولك مسوي وجه الولد خريطة. ليش ولك؟

فهد: يطبه هرش.

عباس: هسسسسه غيررر نعرفف ليش ضربته. مستحيل بدون سبب.

فهد: گلت لحد يدخل. عافهم وطلع متجاهل النظرات اللي جانت فاهمة وعارفة كل شي ومتوعدة إله.

عباس: شيلو شيلو، خلي ناخذه للمستشفى.

حارث: شلنه وودّيـناه للمستشفى. عقم جروحه. خرب يومك فهد. مورم وجهه، خشمه من خده مينعرف. أكيد صاير شي. فهد ميضرب بدون سبب أبداً.

______________________

الساعة 2 بعد منتصف الليل.

شهد: گاعدة يم مروة، اللي راح تطگ وتموت حتى للبيت ما خلتني أروح. شبيج مروة؟

مروة: تاگل بأظافرها. تتوقعين شنو سبب عركة فهد ومرتضى؟

شهد: ما أعرف والله.

مروة: أنا حسب اللي سمعته من العركة، فهد يگول لمرتضى "فك ياخة عنها". منو هي اللي فهد يريد مرتضى يعوفها؟

شهد: يجوز متوهمة. قابل فهد ليش يتعارك ويه مرتضى؟ لا وعلى مود وحدة.

مروة: ما أدري شهد. أنا خايفة لا تطلع صدگ اكو وحدة.

شهد: تره فهد جبير. شجابه على مرتضى؟ ومعقولة اكو وحدة بهالزمن يتعاركون عليها الزلم؟ وين صايرة هاي؟

مروة: ليش ماكو؟ اكو وهواي هم. زين أگلچ، انتي شفتي فهد شلون عاط بمرتضى من راد يوصل غنى؟ معقولة؟

شهد: لج، وين راح بالج؟ لا يمعودة، أصلاً فهد يتخبل من غنى ويحجي عليها. گف وسف.

مروة: منو گالج؟

شهد: بتول تگول. يتخبل منها وباللسانه گال "تلعب روحي منها". أحسها ميتة، لا شكل ولا جسم.

مروة: ابتسمت. يعني فهد يكرها؟

شهد: أي. وفوگ هذا حبيبه وزوجته مرتضى المستقبلية. يعني أكيد مو بس يكرها، له يتخبل منها.

مروة: بس تعاي. أنا سمعت عمتي ما قابله. وبصراحة حقها، لأن هي مو من مستواه.

شهد: عيب هذا الحجي مروة. كلنه بشر وكلنه نفس الشي. والأخلاق هي اللي تميزنه مو فلوسنه. أنا ما توقعت هذا تفكيرج أصلاً. البنية كلش حبابة وصوتها مينسمع.

مروة: ما أدري. أشوو أحس نفسي كرهتها وبدون سبب.

شهد: هو انتي لو شفتي فهد عاطس على وحدة تكومين تكرهيها؟ مو أنوب يوصلها. والله انتي فارغة. شو ددني خلي أنام. تفيديني انتي لو فهد؟ إذا طلعت هالات سود جوه عيوني.

مروة: نامت شهد واني ضليت آكل بروحي. منو هاي اللي فهد ضرب مرتضى على حسابها؟ إن شاء الله أطلع غلطانة لو سامعة غلط. غير أموت لو طلع فهد يحب وحدة غيري.

__________________

غنى: صار أسبوعين على آخر مرة شفت فهد بيها. من يومها بعد انگطع كل تواصل بيناتنه. وهذا الأفضل. التهيت بهالفترة بدراستي. ما بقى شي للامتحانات غير شهر، وبعدها ناخذ عطلة ونطبق بعدها. وهاي أكثر شغلة متحمسة الها. عكس نرجس اللي بس تريد تخلص هالسنة. سمعت اسم فهد وشلت راسي. أباوع لأروى دتسولف لنرجس على فهد.

أروى: ولج، منعرف شبي. صار أسبوعين مدخلنه إنذار، على أقل حجاية يتعارك. مندري شبي. وآنوب اليوم أجه لأمي گال "راح التحق". خلاها تدگ وتلطم.

نرجس: صدگ يحجي أخوج؟ مجاي يشوف الشباب ديموتون بالموصل؟ شنو بايع روحه هذا؟

أروى: گناله، يكول إذا أنا خفت أروح وغيري خاف يروح؟ هاهي، داعش ياخذ العراق ويعبر لذاك الصوب. حاولنه شگد وياه، بس هو لا.

نرجس: اوي أروى، گلبي وجعني. والله العظيم الموصل تخوف. أوضاعها وجماله أخوج ضابط وهمه منا يموتون على الضباط. أكيد يطلعون بروحه لو لگفو.

غنى: بدون وعي صحت. نرجس، شبيج؟ ليش تتفائلين له؟ حرام عليج. گولي إن شاء الله يروح ويرجع بالسلامة. هاي بعده مراح وسويتن هيج؟ لعد لو يروح شتسوي؟

نرجس: وانتي شبيج؟ انتفضتي؟ دنتناقش وبعدين انتي مو جاي تراجعين للمحاضرة؟ خليچ بالمادة أحسلچ. أي أروى، كملي، شراح يصير بعد؟

أروى: حسب اللي فهمته، راح يروح عشر تيام وينزل أسبوع وهكذا.

نرجس: وبعدين شيصير؟

أروى: يضل مستمر بشغله هم والحشد لحد ما نخلص من هالارهاب ونرتاح. ويكول الشباب متحلفين بيهم تحليفة ويكولون لو گاتل لو مكتول.

غنى: سمعتن البارحة شصار بالسبايا الإيزيديات؟ خطية بجيت عليهن.

نرجس: أي خطية. أمي بندت البارحة. بنات بعمر الوردة انتهگت أجسامهن وقتلوا أهلهن. إحنه هسه لو واحد تحرش بينه نتخبل، مو أنوب نتعرض لاعتداء. ومنين؟ من أشخاص جهنم قليل بحقهم.

أروى: أي والله خطية، يكسرن الگلب.

غنى: سديت الكتاب. تدرن، أحس الزمن ديعيد نفسه.

نرجس: شلون يعني؟

غنى: سابقاً الكفار غدروا الأئمة وقتلوهم وأخذوا زينب (عليها السلام) وبنات إخوانها ونسوانهم سبايا لسوريا. وهسه الإرهابيين ديسوون نفس الشي. هم قتلواهم غدر، الناس غدر، وأخذوا بناتهم سبايا.

بتول: وانتي كل عقلج تقارنين زينب عليها السلام بأي بنات؟

غنى: مو قصدي أقارنها. وحشاهه من المقارنة. بس أنا أگول الزمن ديعيد نفسه. اللي سووه الكفار سابقاً، هاي أحفادهم ديعيدوه. همه هم.

بتول: يا متدينة، ميصير تكولين على أي واحد ناطق الشهادة كافر. فـهمتي؟

غنى: ليش؟ همه ذولة هم يتسمون مسلمين؟ مو بمعناها إحنه ننطق الشهادة، هاي بعد خلصت السالفة. المن انتي گايلة الشهادة وتنهبين وتغتصبين وتگتلين وتفجرين وتخربين وووو كل الأشياء السيئة والمنافية لديننه تسوينها. تتوقعين ربچ هالشهادة حيقبلها؟ يعني والله الإسلام بريئ منهم ومن كل واحد يدمر سمعته. وإذا إحنه ما گادرين نسوي شي، فنسلم أمرنه للي فوگنه وفوگ الكل. وهو أكيد يمحيهم بلحظة وحدة بس يريدنه نصبر. وما بعد الصبر إلا الفرج.

البنات: ونعم بالله.

غنى: رجعت أكمل مراجعة وبالي ضل يم فهد. من سمعت بي حيروح للموصل. گمت آكل بروحي. حسيت كل الحجي اللي حجيته بذاك اليوم تبخر. ياربي، رغم هو أذاني، بس دخيلك احفظه واحفظ كل ولـدنه وانصرهم على اللي يردون بأذيتنه.

______________________

فهد: تفضل.

حيدر: تفضل التقرير سيدي.

فهد: اخذته. أباوع، شنو هذا؟

حيدر: تقرير أسماء الشباب اللي مشاركين بالحشد وأعمارهم ومعلومات ثانوية عنهم.

فهد: بعصبية. أنا شگلتلك؟ مو گلت أريدهم حسب الأحرف الأبجدية حتى من نولييي يصير النزول بالأسماء ومحد ينظلم؟ انتوووو شنو متفهمون؟ أحجيييي هندي أناااا؟

حيدر: شنو حسب الأحرف الأبجدية؟ تدري أنت شگد ياخذن وقت؟ همه واحد اثنين. صدگ تحجي؟ يمعود وزعهم بشكل عشوائي واخلص.

فهد: ضربت على المكتب. أنا گلت أريد كل شي يمشي بشكل نظامي. ما أريد تخربط. إحنه مارايحين نلعب هناااك. فـهمت؟ رايحين للموت. وأغلبنه عدنه عوائل ونريد نشوفهم. وإذا خلّينا الأسماء بشكل عشوائي راح يعترضون بحجة ليش أنا بالأخير وفلان بالبداية وليش وليش. فـگلتلك خليهن بالابجدية حتى محد يفتح حلكه. بس انتووو ماكو. الله شايل عقولكم وحاط بدالها باتري خربان. تفضل التقرير ترجع تسوي بالترتيب وتجيبه إلي باجر.

حيدر: شنو باجر؟ وين ألحگ.

فهد: عود اشتغل عليه بالبيت. ولتناقش. تفضل روح كمل شغلك. أنا ما فارغ أتناقش.

حيدر: بس.

فهد: حيدر، أنا شگلت.

حيدر: هزيت راسي وطلعت. اااخ، والله زمن اللي خلاك تصير أعلى مني وتنطيني أوامر.

فهد: رجعت جسمي على الكرسي وغمضت عيوني. أحس أعصابي تلفت وروحي لعبانة. صار أسبوعين متعارك ويه غنى. والصوچ مني هالمرة لأن تجاوزت حدودي وياها. گلبي يگلي كافي تكابر، كوم روح لها. أنت متگدر بدونها. هاي أقرب شخص إلك. ويرد عقلي ابن المطي يگلي هي الغلطانة من طلعت بدون ما تكلي وتصرفت عبالك أنا ماموجود بحياتها. إضافة لكلام مرتضى اللي شعل نار لسه تاكل بيه. وهاي صار أسبوعين بصراع دامي بين عقلي وگلبي. واللي لاول مرة يختلفون بشي. جنت سابقاً دائما اكو توافق فظيع بين عقلي. لو ردت شي يتفق الاثنين عليه. بس هسه لا، اختلفوا. وبسبب غنى. المشكلة أنا صارلي 15 يوم ما أعرف شبيها مابيها. جاي تاخذ دواها؟ لا. تنهدت. شلون بيه بعد فترة راح التحق وما أگدر أروح وأنا مزعلها.

______________________

سارة: وخري شوية آلاء، أريد أغسل.

آلاء: عميه، متشوفين جاي أبزل التمن؟ وخري من وجهي وروحي اغسلي بالمغسلة. أربعة بالبيت مو وحدة.

سارة: إفف، شگد مكروهة انتي. مدري شلون فيصل قبل بيج.

آلاء: امشي ولي، لا أحـرگـچ هسه. كح...

سارة: طلعت من المطبخ. غسلت واجيت گعدت أباوع لأم فهد وسعاد. عـفية، شلون وحدة تكره الثانية وكاعدات سوه. خاله حبابة، أريد أروح للدكتورة أشوف شنو جنس الطفل.

سعاد: أگلچ بهالفترة حامض لو حلو؟

سارة: لا، حامض.

سعاد: بيج بنية. گعدي وانجبي، مالنه خلك المصاريف.

سارة: شنو انتي دكتورة؟ وأنا ما أعرف؟ گلتلج أريد أروح للدكتورة. إذا انتي ما مهتمة لحفيدج ميخصني بيج. أنا طفلي رقم واحد.

سعاد: هو لوما حفيدي گابل أبقيچ هنا؟ جان من زمان رگعتـچ ميت جلاق وطردتچ.

سارة: علساس هو بيتچ؟ تره انتي هنا حالچ من حالي مجرد مقيمة ومالچ ولا قشايه بالبيت.

إيمان: استغفر الله بنتي. أنا العصر آخذچ. بس استكي ولتسويلنه مشكلة. تره مالنه خلك والله.

أروى: دخلت أنا ووردة سوه. السلام عليكم. تقدمت بست أمي أنا وياها.

إيمان: بوستهن. هله بعد گلبي. شلونجن بالدوام؟

البنات: الحمد لله.

إيمان: طلعت المفاتيح من جيب الدشداشة. هاجن هاي مفاتيح غرفجن. روحن بدلن وصلن علما يجون إخوانجن ونتغدى.

البنات: حاضر.

سعاد: ليش قافلة غرفهن؟

إيمان: والله البيت مو أمان وأنا أخاف على بناتي ليروح يصير بيهن شي.

سعاد: شنو قصدج؟

إيمان: الحليم تكفيه الإشارة يا أم فيصل.

_____________________

غنى: دخلت للشقة. ذبيت أغراضي ورحت أطلع ملابس من الكنتور. شفت الجفية مال فهد. شلتها خليتها على الجرباية. بدلت وصليت واجيت خليتها على خشمي. أخذت نفس بكل قوتي وغمضت عيوني. للحظة حسيت فهد كبالي ودا أشم عطره. فتحت عيوني خليتها على جهه ورحت نمت. حتى غدا متغديت. كعدت العصر. گمت أخيط حتى أكمل طلبية البنات. حرفياً المكينة اجت بوقتها. لو ما هي جان متت من الضوجة وصار عندي اكتئاب. ضليت مستمرة أخيط لليل. ما حسيت على روحي إلا لمن صارت الدنيا ضلمة. أباوع الساعة بثمانية. گمت توضيت وكعدت أصلي وأقرأ قرآن. اليوم ختمته كلها. هديت الختمة لبيبي ومروان، وحـ بدي أسوي وحدة ثانية لبابا وماما. ابتسمت ودموعي نزلت. رمضان هذا راح أقضيه بدونهم. وما راح أكعد أصبر مروان حتى يكمل صيامه. أوووف شگد مشتاقتلكم. ياريت لو يصير التقي بيكم ولو ساعة بس أبوسكم وأشم عطركم وما أريد شي ثاني. مسحت دموعي وگمت حتى أقرأ. تقريباً روتين هذا وما أعتقد راح يتغير. ضليت گاعدة للـ 3 الفجر أدرس. باب الشقة انفتح. گمت بسرعة. معقولة فهد إجه؟ طلعت للصالة. شفته گبالي. باوعتله ودرت وجهي أريد أروح. لزم إيدي.

فهد: بهدوء. لحظة.

غنى: درت وجهي عليه وگفت. أباوعله. أحس گلبي گام يدگ بسرعة وأنا أشوفه گبالي. ضلينه واكفين والهدوء سيد المكان. شوية وما أحس غير فهد يذب روحه عليه. لزمته بسرعة. فهد شبيك؟

******يتبع

اكلك عمر شبي فهد؟

اباعله يشرب وصافن بعيد.

"فهد بيك شي؟"

"هاا لا مابيه شي."

"اليوم السهره بشده شنو رأيكم نحجز مادام راح نلتحق بعد يومين."

"يمعود تره جاي نروح للموت وانت تريد تسوي منكر استغفر الله."

"علساس انت هسه كاعد بالمسجد تصلي صلاه الليل خايب كوم."

"تخيلو شباب عشر تيام راح ننكطع عن هالجنه ونكابل الشرطه الي وجهم ميتسمه بي بسم الله."

"ههه."

"هذوله يحجون واني احس عيوني كامت تغوش ما اشوف شي فتحت عيوني وسديتهن ما جاي اركز نزلت الكاس وكمت."

"وين؟"

"تعبان اريد اروح."

"اباعله يحجي ويعكج بوجهه شنو ثكلت بالشرب؟"

"لا لا ما ثكلت بس يمكن لان مانايم الظهر حسيت بتعب يله اني رايح."

"مو علساس تبقه هنا ونحجز اليوم؟"

"لا مالي مزاج."

"مبين عليك متخربط امشي اني اوديك."

"مابيه شي اكدر اسوق يله مع السلامه."

"الله وياك."

طلعت حركت سيارتي ومشيت اريد بس اوصل للبيت احس الدنيا تفتر بيه ضليت اسوق مسافه تالي وكفت ما اكدر اكمل كلشي ما اشوف واخاف اسوي حادث وااذي احد.

"اباع بعد شارعين واصير بالعماره اني شجابني لهنا احتركت عشيرتج غنى..."

ضغطت على نفسي وحركت السياره بس خلي اوصل للعماره .... وصلت وكفت السياره ونزلت كوه امشي صعدت بالمصعد ما عولت اوصل طلعت المفاتيح وفتحت الشقه دخلت صارت بوجهي ما اشوفها بوضوح عيوني مدري شبيهن اجتي تروح لزمت ايدها بسرعه ...

"لحظه."

"درت وجهي عليه ضلينه واكفين والهدوء سيد المكان شويه وما احس غير فهد يذب روحه عليه .... لزمته بسررعه."

"فهد شبيك؟"

"ما اشوف كدامي احس فقدت السيطره على جسمي."

"حاوطت خصره فهد تسمعني يمعود بس فهمني بيك شي."

"دايخ دايخ."

رجعت لوره واني حاضنته.

"يربي ثكله كوه مسيطره عليه احس ظهري انكسر من ورى وصلت للقنفه مددته وكمت اباوعله شبه فاقد ...."

"فهد انت سكران؟"

هزيت راسي نافي بدون كلام.

"مديت ايدي على وجهه حرارته مرتفعه بس مو هواي اباوع لخشمه طك دم ... هاي ليش هيج ضغطه كل ساعه يرتفع هيج كمت خليت قطع ثلج بمي وجبت خاولي واجيت خليتهن على الطبله ... اجيت نزعته حذائه وجواريبه رحت جبت كرسي واجيت كعدت فتحت اول دكمتين من قميصه حتى يتنفس مسحت الدم من خشمه الزم الكطنه لزمها وكعدت اسويله كمادات."

"انكمش جسمه من بروده الماي."

"فهد انت لازم تراجع دكتور مو زين هيج ضغطك كل شويه مرتفع."

"ليش هو منو الي يرفع ضغطي غيرج وغير سوالفج."

"اني؟"

"اي انتي تعبتيني غنى تعبتيني صار اسبوعين لا ليلي ليل ولا نهاري نهار من وراج كمت اكل بروحي بعد اخر موقف صار بيناتنه صدكيني من كد ما جنت عصبي ماعرف شلون عاملتج بهالطريقه السخيفه هاي."

"لزمت ايده اشش خلص سد الموضوع الوقت مو مناسب حتى نتناقش ... ضليت اسويله كمادات ودموعي تنزل من اسمعه يون احس كلبي يوجعني واني اشوفه بهالحاله ... وره نص ساعه وخرت الخاولي وتلمست كصته نزلت حرارته بس خشمه مازال ينزف .... "

"فهد نروح للمستشفى."

"همم لالا."

"كوم حباب ليروح يرتفع ضغطك اكثر وتتخربط بالزايد."

"كومي سويلي ليمون وجيبي حبايه ضغط وتعاي هسه ينزل ضغطي."

هزيت راسي بسرعه كمت ركض سويت الي كلي عليه واجيت شربته الليمون على كيفي وانطيته حبايه ضليت كاعده يم راسه اخاف يحتاج شي من شفته شبه نام اجيت اكوم اشيل الهوسه الي صارت بسرعه لزم ايدي.

"وين؟"

"اودي ذني للمطبخ."

"غنى نامي يمي."

"هاا!؟"

"نامي يمي حبابه."

ضليت صافنه بوجهه لا اكدر اكول اي ولا اكدر اكول لا كعدت يم راسه اباوع القنفه متوسطه وهو ماشاءالله ماخذها كلها.

"تعاي."

غطيته.

"متكفي القنفه انت نام معليك بيه."

"لا تكفي جريتها بتعب نيمتها على صدري وحاوطتها بأيدي."

"من صار راسي على صدره حسيت بفراشات وتركص بمعدتي وكلبي كام يدك بسرعه احسه حيطلع من مكانه."

"شتاقيتلج تدرين."

"هااا."

"حضنتها بقوه واستنشقت عطرها شتاقيتلج هواي وخفت التحق واموت هناك واني ماشايف..."

"خليت ايدي على حلكه اسم الله لتحجي هيج فهد اني من غير شي ميته خوف عليك."

"تنهدت وحضنتها اقرب ... جسمج دافي."

"مااعرف شلون تجرئت ارفع ايدي واحاوط خصره اخذت نفس من عطره وغمضت عيوني من عطره تغلل لرئاتي ساعتها حسيت جسمي كله سكن .... بيومها خضعت لكلبي وعقلي غلقت عليه الباب ومابقه مسيطر عليه غير كلبي وللاسف بهالليله عرفت نفسي ما اكدر اعيش بدون فهد ابدا."

"كاعد اتابع فلم ودخلت امي ... كمت خير يمه."

"ولك يمه راح يأذن الفجر واخوك اخابره ميرد راح اتخبل."

"على كيفج يمه يجوز بايت عد واحد من جماعته او لسه سهران عدهم وبعدين هو مو اول مره يبات بره فعليش هالخوف."

"يمه اخوك من يبات بره يخابرني واذا ما كدر على الاقل يدزلي رساله مو يغلس."

"يجوز نسه يا يمه هسه عليمن خابصه روحج شنو فهد طفل عمره سنتين تره رجال ابنج."

"يمه انت ليش هيج لا اُبالي ولا كأن الي احجي عليه اخوك شبيك انت."

"يمه تره هذا فهد وانتي كلش زين تعرفين شنو فهد بالنسبه الي فليش تحجين هيج اني مو ماخايف عليه بس ادري بي وينه لو يم جماعته سهران لو بايت عدهم فماخايف واني هسه اخابره اذا رد اجي اكلج روحي نامي يمه روحي حبيبتي راح يأذن وانتي بعدج لسه مانمتي."

"هزيت راسي يله تصبح على خير."

"وانتي بخير حبيبتي."

"فتحت عيوني واحس اكو ثكل على صدري اباوع غنى نايمه بحضني ابتسمت خرب يومها شهالبرائه هاي ... ضليت اباوع لوجها ما اتذكر الي صار البارحه بالتفصيل بس الي مفرحني انو انتهت الليله بنوم غنى بحضني."

"وخرت شعرها عن وجها."

"مشيت اصبع السبابه على خدودها عفيه وجهه لو حرير ذره شائبه مابي يعني هاي هم عدها مسام مثلنه اباوعلها حركت راسها بانزعاج ضليت اضوجها حتى تكعد شويه وفتحت عيونها."

"تثاوبت بنعاس صباح الخير."

"صباح النور."

"رفعت ايدي متلمسه كصته ... شلون صرت."

"احسن."

"باوعت للوضع المشبوه الي احنه بي كمت بسرعه شلون الي مسويله عمله ... احم بيش الساعه هسه."

"اعتقد بالدعش."

"عززه راح عليه الدوام لزمت راسي اليوم عندي محاضره مهمه وراحت عليه شلون سالفه هاي ... زين اني موقته الموبايل ليش مدك."

"الواضح حضني عجبج حتى هيج ارتاحيتي عليه."

"باوعتله صفح وتحركت بدون ما اجاوبه عباله اذا ساعدته البارحه يعني سامحته."

"كمت وراها دخلت للغرفه دكيت الباب ودخلت لكيتها واكفه تنشف وجها ... تقدمت لزمت ايدها ودرتها عليه ... غنى لازم نحجي."

"ما اريد احجي بشي اخاف اكول حجايه وتفهمها غلط."

"اسف."

"ميفيد الاعتذار انت تجاوزت عليه بطريقه اقل مايقال عنها مقززه اني جنت معتبرتك فدشي جبير بحياتي وصديقي المقرب تكوم تسوي ويايه هيج سوايه بعملتك حسستني انو اني بت شارع وانو انت مو كفو اامن بيك اذا انت الي تعرفني وتعرف شلون افكر سويت هيج لعد الناس الي متعرفني شلون حتفسر كلامي."

"غنى اني رايح بعد يومين التحق ومااعرف شيصير هناك يجوز اعيش ويجوز استشهد هناك."

"ضغطت على ايدي ... باوعتله ميصير بيك شي."

"الاقدار بأيد ربج منعرف شيصير هناك مع انو اني حالف ما اموت قبل لا اخليهم يعضون اصابعهم ندم على كلشي سوو بالبلد بس اذا ربج شاء انو استشهد هاي بعد لا اني ولا انتي بأيدنه."

"لتحجي هيج ان شاء الله تروح وترجع بالسلامه كافي تفاول على روحك فتهمت."

"ابتسمت ... اذا انتي هيج خايفه عليه ليش متسامحيني وتخليني اروح واني مرتاح."

"انت متنحزر ساعات تمشي ويايه مثل الورد وساعات لا تأذيني وتكرهني بيك بس فهمني انت شنو ارسيلك على بر تره شخصيتك معقده الى درجه تخيلني احسك منفصم."

"غنى اني عشت هواي فترات صعبه بحياتي والظروف جبرتني اكون هيج عبالج اني ما اتمنى اكون سبورتي واضحك واتشاقه واعيش حياتي مثلي مثل اي رجال بس الظروف المريت بيها والمسوؤليه اضافه لطبيعه شغلي كل هذا صنع مني شخصيه جديه وصعبه ما اريد امدح بنفسي بس صدكيني لو الي عشته عايشه واحد غيري جان انتحر من زمان ..... فلتحكمين عليه وانتي ماشايفه الجانب المظلم من حياتي."

"شنو قصتك يافهد انت وراك سالفه جبيره."

"يجي يوم واحجيلج بس مو هسه لان ما مستعد افتح جروحي بعد ماضمدتها وهسه اريدج تكليلي طاح الزعل لو بعده."

"لا بعدني زعلانه."

"وشلون تحبين اراضيج."

"عندي شروط اذا تنفذها يطيح الزعل."

"صارت بيها شروط هم مو شرط احجي بله خلي نسمع."

"اول شي اريدك تروح للدكتور تجيك ضغطتك ووضعك الصحي."

"حاضر وبعد."

"وثاني شي اريدك تبطل عصبيه وفشار لان عيب وانت مو همجي حتى تكون هيج طريقتك بالحجي."

"اضيقت عيوني احاول بس ما اوعدج وبعد."

"اريديك تصلي اباوعله كلب عيونه ... فهد انت مكلف من 15 سنه ومطلوب خمس فروض على كد 15 سنه يعني عقوبتك جبيره كولش ويرادلك سنين حتى تقضيهن فأذا تريدني صدوك ماازعل منك تكوم تصلي وتبدي تترك المعاصي الي تسويها والعافيه بالتدريج."

"لو مبقيج زعلانه احسن."

"هاا هيج صار الحجي."

"اي وهسه خلصت شروطج."

"هزيت راسي وهسه كلي موافق لو لا."

"نص موافق."

"فهدد."

"خلص موافق."

"عفيه."

"اريد اسألج سؤال."

"اسأل."

"دنكت خال خشمي بركبتها ليش ريحتج مثل ريحه الاطفال."

"كزبر جسمي شلون يعني."

"شايفه الطفل الي بالكماط شلون تصير ريحه جسمه."

"اي."

"اي ريحتج تشبه ريحه الطفل الي بالكماط."

"اكول تتريك."

"لا روحي بدلي خلي نطلع نتغده بره الدنيا صارت ظهر هسه و مادام اني عندي استراحه هاليومين وانتي راح عليج الدوام فخلي نطلع احسن."

"باستغراب نتغده اني وياك وبره هم؟"

"اي شكو بيها."

"واذا شافنه احد."

"طز."

"شنو طز داكلك خاف يشوفونه."

"طز واذا شافونه اني ما اهتم لاحد تره ... وقبل من جنت ما اطلع واطب وياج حتى ما اجيب الحجايه الج مو لان خايف والا الناس متهز شعره مني ... يله روحي بدلي علما اسبح وابدل اني هم."

"ماشي ....رحت بدلت لبست جبه سوده كلعاده وياها شال اسود واخذت جنطه بيجيه لبست حذائي وطلعت لكيت فهد ديعدل بقميصه ... انت مو جنت لابس قميص ابيض شو هذا نيلي."

"اي بدلته مااعرف ارجع على نفس الملابس تلعب روحي."

"اخذت السويج يله تعاي."

اخذت ايدها وطلعنه.

"صارت كدامنه ود خرب وكتج هسه."

"السلام عليكم سيد فهد شلونك."

"الحمدلله."

"شلونج حبيبتي غنى شخبارج."

"الحمدلله."

"وينك سيد فهد مدنشوفك هالايام."

"والله مشاغل ... يله حبيبتي تعاي ... من رخصتج وسلميلنه على زوجج."

جريت غنى الي صارت جنها ثوله.

"شبيج."

"حبيبتي شنو."

"امشي لتجفصين قابل ترديني اصيحلج جاسم كدامها اكيد لازم اعاملج معامله خاصه حتى متشك هو اني ما مقتنع شلون صدك رجلها وهي انتي خطيبتي مع انو السالفه مبينه جذب وين اكو واحد يكعد مرته بعماره وهو عنده بيت."

"كل لروحك بالاول."

"عفوا؟"

"هيج ماكو شي."

"فتح السياره يله صعدي."

"وين حنروح هسه."

"حركت السياره اكو مطعم بعيد بس اكله كلش طيب دائما اروحله لان الاكل الي ابالي الكاا هناك فحبيت اخذج اله هم تغيير جو وهم حتى متتقيدين وتضلين تاكلين بروحج لتشوفين احد هناك."

"والناس متروح لهالمطعم يعني."

"لا تروح بس قله لان بعيد مو كل الناس تحب تروح كل هالمسافه على حساب مطعم."

"هزيت راسي صحيح .... اباوع للشارع اكول فهد صدوك باجر راح اجي لبيت جدك على حساب الحجيه والبنات يشوفن القياسات ثابته لو لا هاي اني بلغتك حتى متكول طلعتي بدون علمي."

"منو يجيبج باجر."

"منو يجيبني يعني ... اخذ تكسي مثل كل مره."

"رفعت حاجبي ماشاءالله صايره تصعدين تكاسي انتي وبعدين شلها داعي سوالف الخياط هاي."

"لا الها داعي ميصير انت تضل تصرف عليه."

"ما شاكيلج اني عود من اشكيلج روحي اشتغلي وحسبي حسابج بس هالمره راح تخيطين المره الجايه ممنوع."

"شنو هاي فهد ا..."

"قاطعتها اعتقد انته النقاش يله سدي الموضوع وخلينه مرتاحين ما اريد يضيك خلكي."

"سكتت ودرت وجهي اباوع على الطريق."

"تحبين اعلك التبريد."

"لا شكرا الجو حلو .... وره فتره وصلنه اباوع للمطعم رغم بعيد بس حلو من بره ومبين غالي."

"صفيت السياره بالكراج ... نزلت يله تعاي."

"دخلنه والنادلين كلهم سلمو على فهد الواضح يعرفو ... كعدنه على طاوله شويه معزوله."

"كعدت ... عاجبتج الكعده لو نغيرها."

"ابتسمت لا حلو."

"اخذت المنيو يله شوفي شنو تحبين تاكلين."

"شتطلب اطلبلي اني كولشي اكل."

"دشوفي يجوز اكو شي يعجبج."

"لا وياك شتطلب اطلبلي."

"طلبت مشاوي وطلبتلها وياي .... تحبين وره الغده وين نروح."

"ابتسمت شعندك اليوم."

"مو زين اريد اونسج."

"دتفاجئني بصراحه مداعرفك."

"اخذيها طبيعه اني دائما اذا مزاجي عدل اصير هيج."

"خليت ايدي على خدي .... عندك هواي اطباع وطبع مناقض لطبع شلون ما ادري."

"هاي بعد الله خالقني هيج شسوي."

"هزيت راسي .... جابو الاكل وكعدنه ناكل."

"اكل لتضلين صافنه تره اليستحي يضل جوعان اكلي لتخجلين."

"اي داكل .....احم اكول فهد ممكن اسألك سؤال بس لتفهمني غلط."

"تفضلي اسمعج."

"انت هم حبيت بحياتك."

"باوعتلها ونتهدت هاز راسي."

"صدوك."

"اي."

"احجيلي عنها طبعا هاي اذا معندك مانع."

"تنهدت بصوت عالي ... من دخلت كليه الشرطه اصدقائي الي بالاعداديه راحو غير كليات فكمت بين فتره وفتره اروح اشوفهم وبيوم رحت اشوف صديقي ولن تطلع وحده من القسم مالتهم لابسه ابيض خلتني صافن عليها جانت جميله جدا وشخصيتها اجمل بعد ضليت واكف اباوعلها شلون تحجي وشلون تتصرف حرفياً فصلت عن العالم وماركزت على شي غيرها عبالك بس هي موجوده بالدنيا وره فتره كمت اتردد للكليه بس حتى اشوفها حسيت نفسي حبيتها تجرأت ورحت صارحتها بدون مقدمات بالبدايه رفضت بس بعدين وافقت بقينه على علاقه لمده اربع سنوات وطبعا جنت كلما اريد اتقدملها ترفض وتأجل."

"اي وبعدين."

"بعدين حسيتها كامت تتغير اسلوبها بارد ويايه صار اذا مو اني اخابر هي متبادر حجيت وياها بس جانت تتهرب من الموضوع لمن مره من المرات حصرتها بزاويه وكتلها اريد اتقدملج بعد ما اصبر وطبعا صدمتني بيومها من كالت ابن عمها ناهي عليها وهي خافت تكلي وتصير مشاكل حاولت احل الموضوع واتواصل ويه ابن عمها وانهي السالفه حتى اتزوجها بس هي ماقبلت لان تخاف من اهلها كتلها صبري وتحملي وياي احاول بدال المره الف حتى ننجمع هي هم وافقت اجاني تدريب للاردن وانجبرت اسافر لمده اربع اشهر والصدمه من رجعت سمعت بيها تزوجت ابن عمها ما اجذب عليج واكلج ما انقهرت بس وره فتره كدرت اتخطاها ومن يومها ماحبيت بعد."

"خطيه هاي شوكت الحجي."

"جنت طالب مرحله اولى من حبيتها ولحد ماتخرجت بقيت وياها طبعا اني وياها نفس العمر."

"زين انت لسه تحبها."

"ابد ولا ابالي اصلا هسه ياله تذكرتها مره تزوجت وراحت لحال سبيلها الله وياها."

"شربت مي زين محقدت عليها."

"لا لان الي صار مو بأيدنه احنه مجتمع تحكمه التقاليد مو القانون للاسف ومادام نهه عليها ابن عمها خلص بعد صارت اله لا اني اكدر اغير شي ولاغيري وعلى فكره الي مريت بي مو حب وانما وهم لان لو احبها صدك جان كلبت الدنيا عاليها واطيها حتى اخذها بس ما صار هيج .... ليش تباوعيلي هيج شوفي اني صريح لابعد درجه ولهالسبب الاغلبيه يكرهوني لان ما اعرف اجامل واجذب كل واحد انطي طينته بخده ... شلت كباب خليته كدامها يله اكلي صار ساعه بس تحجين برد الاكل."

"ابتسمت وكمت اكل."

"كاعده ويه خواتي وجهالنه نتغده بالمطعم فزيت على صوت اختي."

": بعد كلبي شلون يخلي الاكل كدامها."

": دعوفي الاكل باوعيله شلون شخصيه وشلون رزانه عفيه هنيال مرته."

"هاي عليمن تحجن."

": باوعي للطاوله الي بالاخير وشوفي كميه الاثاره الكاعده هناك."

"شلت راسي باوعت على مكان نظر خواتي وانصدمت عززه هذا فهد بس منو هاي الي وياا مغقوله تزوج متعه بهالسرعه ....طلعت موبايلي بسرعه خابرت فرح ردت عليه بصوت تعبان كالعاده."

"هاا الهام شتردين."

"ولج فرح اني بالمطعم وفهد كاعد كدامي هو ووحده."

"كمت شنووو ويامن كاعد."

"ماادري والله انصدمت من شفته."

"صوريلي ياا وبسرررعه منتظرتج."

"خاف ينتبه عليه ولج."

"مو مشكلتي هاي مشكلته هسه تصوري الي هو والحيوانه الي كاعده وياا يله بسرعه."

"خلص اهدي هسه ادزلج صوره .... سديته منها."

"منو هاي وشبيها تصيح."

"هيج صديقتي اكول عفيه انتن مو كملتن اكل كومن غسلن للجهال."

"اي هسه."

"راحن خواتي وشلت موبايلي طكتلهم اكثر من صوره بسرعه ودزيتها لفرح ماكو دقايق وخابرتني."

"لج انتي خبله هاي اخته."

"اخته !!؟ ... والله انتي الي خبله وين اكو واحد يطلع بس هو واخته لا ووحدهم يطلعون ولج خاف هذا يضحك عليج."

"لا شنو يضحك عليه."

"بشرفج اخذيها بالعقل فهد وهالبنيه بيناتهم شبه ولو واحد بالميه اكيد لا لعد شلون اخوان واكو تناقض شاسع باشكالهم."

"تذكرت كلامها بالسوك وشلون انصدمت كتلها انتي اخت فهد معقوله مو اخته هاي .... زين اكلج اني كتلها اني اعرف فهد يعني لو عدها شي وياا اكيد جان اخذت موقف منه مو تطلع تضحك هي وياا."

"والله ماادري بعد بس انتي حاولي تتقربيله تره لو ما يدري بوضعج ميخليج كاعده ببيته لحد ما تلكين بيت فحاولي تسحبي ولو على الموقف الي شفته ما اعتقد يباوع بوجهج بعد لان اكو من شاغله باله."

"انجبي حقيره حسابج من نلتقي مو هسه سديته منها وطلعت الصوره ودموعي تنزل اباوعله شلون حلكه مشروك ويضحك عمري ماشفته هيج يضحك كلبت الصوره الثانيه اشوفه شايل اكل يخلي كدامها وهي مبين عليها الفرح ... عمره فهد ماسوه وياي هيج دومه كالب وجهه واذا مزاجه عالي يبتسم مو يضحك حتى من جنت اتمرض ماجان يهتم ... يربي معقوله هاي مو اخته ياخوفي تطلع حبيبته والله العظيم اطلعها من جوه الكاع واطلع بروحها لو طلع هالشي صح ... بسيطه يا ساقطه اني اعلمج ... دخلي اتأكد وساعتها اذا طلعت مو اخته والله لخليها تصيح الويل وين ترحين الكفج الكفج."

"وكفت السياره كدام العماره .... ابتسمت شكرا على هالطلعه الحلوه عاشت ايدك مقصرت."

"تدللين."

"بعد يومين تلتحق."

"ان شاء الله."

"اخاف باجر من اجي ما الكاك حباب ما اوصيك ديربالك على روحك وخابرني من تصيرلك فرصه وطمني عنك مو تعوفني قلقه حباب."

"صار."

"يله باي."

"باي خاليه؟"

"لعد."

"تقدمت حضنتها هيج الواحد يودع."

"بادلته واخذت نفس من عطره ابتعد باسني براسي .... نزلت مع السلامه."

"الله وياج يله روحي ومن توصلين للشقه رمشيلي حتى اروح."

"اوك .... رحت بسرعه صعدت للشقه رمشتله وهو راح .... بيومها من السعاده جبت اليوم كله بس مبتسمه جني هبله."

"شبيج يمه."

"اخوج راح يخبلني خابرني الساعه بالدعش كال معزوم ادري ميكول عندي امي تريد تشوفني الها حق عليه ادري شبي هالولد والله راح يخبلني."

"ادري يمه تردين فهد يكابلنه ويكعد تره هو رجال ومكانه مو بالبيت همست واضافه حتى لو يريد يكعد قابل يكابل سعود وسعاليها."

"اقصد جناينها هههه ... هسه عوفج منهن لتضلين تضغطين على فهد تره مااقبل تنزعين مزاج اخويه حبيبي الي يمطر علينه فلوس اقصد حنان وعطف."

"ضربتها ولج انتي عليمن طالعه تموتين على الفلوس."

"عليك شلون انت ابو فليس والربع كوه يطلع منك مو مثل فهودي يمشي وينطيني حمرات."

"طلعت من المطبخ شنو قصدج حمرات."

"خمس وعشرينات حتى هاي متعرفيها ولازم واحد يوضحلج بيها."

"خزرتها تأدبي."

"لعد فهد اذا هالكد ينطيج فلوس ميذكر اخته المكروده المشموره بكربلاء لا يخابر ولا يسأل عليها اذكرها بلبسه بأكله بمبلغ بسيط."

"ليلى مزوجه اني مامزوجه."

"هاا ولج ترديلج رجل."

"خليت الرجوله الج ولساره اني ما اريد مكتفيه بألي عندي وراضيه."

"جريت اذنها شنو قصدج ولج."

"بخوف شبيك والله اشاقه ماقصدي شي."

"جريت شعرها ... لعد شنو مكتفيه احجي لج شعندج."

"اخ لزمت ايده والله العظيم مو قصدي شي جنت اتلاطف والله."

"دوخر تعاي ولج منين متعلمه هالسوالف شنو مكتفيه بالي عندج."

"ااخ اذني ... بجيت شبيك فيصل والله ماعندي شي عفيه اذاني راح تنشلع عوفني."

"ولكم تخبلتوو صحت وخروووو عنها يله ... اباوع لورده كامت تبجي لان كلهم تجمعو عليها طاحظ كبرتكم اي والله ولكم شوكت تعقلون شو واحدكم انكس من الثاني."

"والله عيب عليكم الواحد يكفر يحجيله حجايه بهالبيت عسى ينهجم هالبيت الاكشر حتى نخلص منكم."

"انتي اكلي تبن ولتضلين تطمطمين محد هيلكها غيرج."

"انتو صدك تحجون عمي طفله وتشاقت شبيكم تخبلتو عليها شنو كفرت خوما كفرت ... اباوع لفهد طب مبين مرتاح بس شافنه عقج حواجبه."

"خير شكو شبيكم."

"ركضت حضنته وبجيت فهد فيصل ضربني وعلي هم جرني من شعري."

"لتبجين شو باوعيلي ليش ضربوج."

"حجيتله الي صار .... والله فهد مو قصدي شي بس جنت اتشاقه ويه آلاء."

"مسحت دموعها روحي لغرفتج حبيبتي .... يله عفيه بالحبابه ... صعدت ورده لفوك باوعتلهم ولكم انتو ماعدكم عقل طفله وتشاقت كدامكم ترحون تحورون كلامها وتضربوها بدال ما تغلسون اغبياء انتو بتصرفكم هذا راح تفتحون عيونها على اشياء هي جاهله بيها الى متى ابقه اعلم بيكم الى متى تبقون حمير بله فيصل هو اصلا فاصل من الرئيسي اله انت يالدكتور مو انت المثقف والدارس والواعي تتصرف بهالهمجيه لعد شخليت لابن الشوارع."

"يمعود طفله هاطولها تحجي بالزلم تريد واحد يسكتلها."

"وانت علساس معصوم متحجي بالنسوان ومن تسمع سيرتهن تتغطى بلحاف من الخجل شوف ولك خاف عبالك كبرت وصرت دكتور تره انت بالنسبه الي زعطوط الزمك ازوعك العافيه هسه فتهمت ... كتلكم تعاملو بوعي هذني بنات يرادلهن معامله خاصه تعليم وتفهيم مو بالضرب الضرب مامنه نتيجه بالعكس يخلي الواحد يتمرد بالزايد .... فهاي اول واخر مره احجيها ورده ستوها بدت تكبر وحاليا هي بفتره مراهقه وهالعمر حساس ويرادله معامله خاصه لتدمروها وتخلوها تتمرد من هسه بسبب اسلوبكم فتهمتو هالمره راح امشيها بمزاجي المره الثانيه تره الي غير تصرف وياكم وانتي ام فيصل شنو حلتلج الكعده يله تفضلي لغرفتج انتي ممنوعه من التجول اثناء وجودي يييله .... عفتهم وصعدت ينعل ابو شكلكم حتى مزاجي خربتو."

"اكول خاله فهد مو جان لابس قميص ابيض."

"ماشفته من طلع."

"اعتقد قميص ابيض ليش تسألين."

"هيج ... باوعت لخالتي الي بادلتني نفس نظرات الحيره والتعجب."

"هاك الدوه يمه."

"اخذته ... عاشت ايدج."

"يعل بأيدك الكسر يافهيدان شمسوي بوليدي ولك يمه شلون تخلي يضربك الزمه اطيح حظه وانعل ساسه."

"يمه فهد ضخم ولتنسين جان داخل معهد مال ملاكمه وضل سنه يتدرب هاي من غير التدريب الي بشغله وين اكدرله لخاطر ربج."

"طبعا متكدرله اذا هو جنه غول ... بس عبالك امشيها اله اني اعلمه دباره عندي."

"يمه كعدي وسكتي مالي خلك المشاكل خلي اصير زين واني اعرف شسوي بي."

"غميت روحي اهمده حظي اني جايبه بنات ثنين مو ولد وبنيه ولك اني لو منك اطلع بروحه انت شلون رجال وتقبل واحد يضربك."

"دخيل اصير زين والله ضامله ضمه بس خلي اطيب."

"هزيت ايدي وطلعت."

"فتحت عيوني واحس اكو ثكل على صدري اباوع غنى نايمه بحضني ابتسمت خرب يومها شهالبرائه هاي ... ضليت اباوع لوجها ما اتذكر الي صار البارحه بالتفصيل بس الي مفرحني انو انتهت الليله بنوم غنى بحضني."

"وخرت شعرها عن وجها."

"مشيت اصبع السبابه على خدودها عفيه وجهه لو حرير ذره شائبه مابي يعني هاي هم عدها مسام مثلنه اباوعلها حركت راسها بانزعاج ضليت اضوجها حتى تكعد شويه وفتحت عيونها."

"تثاوبت بنعاس صباح الخير."

"صباح النور."

"رفعت ايدي متلمسه كصته ... شلون صرت."

"احسن."

"باوعت للوضع المشبوه الي احنه بي كمت بسرعه شلون الي مسويله عمله ... احم بيش الساعه هسه."

"اعتقد بالدعش."

"عززه راح عليه الدوام لزمت راسي اليوم عندي محاضره مهمه وراحت عليه شلون سالفه هاي ... زين اني موقته الموبايل ليش مدك."

"الواضح حضني عجبج حتى هيج ارتاحيتي عليه."

"باوعتله صفح وتحركت بدون ما اجاوبه عباله اذا ساعدته البارحه يعني سامحته."

"كمت وراها دخلت للغرفه دكيت الباب ودخلت لكيتها واكفه تنشف وجها ... تقدمت لزمت ايدها ودرتها عليه ... غنى لازم نحجي."

"ما اريد احجي بشي اخاف اكول حجايه وتفهمها غلط."

"اسف."

"ميفيد الاعتذار انت تجاوزت عليه بطريقه اقل مايقال عنها مقززه اني جنت معتبرتك فدشي جبير بحياتي وصديقي المقرب تكوم تسوي ويايه هيج سوايه بعملتك حسستني انو اني بت شارع وانو انت مو كفو اامن بيك اذا انت الي تعرفني وتعرف شلون افكر سويت هيج لعد الناس الي متعرفني شلون حتفسر كلامي."

"غنى اني رايح بعد يومين التحق ومااعرف شيصير هناك يجوز اعيش ويجوز استشهد هناك."

"ضغطت على ايدي ... باوعتله ميصير بيك شي."

"الاقدار بأيد ربج منعرف شيصير هناك مع انو اني حالف ما اموت قبل لا اخليهم يعضون اصابعهم ندم على كلشي سوو بالبلد بس اذا ربج شاء انو استشهد هاي بعد لا اني ولا انتي بأيدنه."

"لتحجي هيج ان شاء الله تروح وترجع بالسلامه كافي تفاول على روحك فتهمت."

"ابتسمت ... اذا انتي هيج خايفه عليه ليش متسامحيني وتخليني اروح واني مرتاح."

"انت متنحزر ساعات تمشي ويايه مثل الورد وساعات لا تأذيني وتكرهني بيك بس فهمني انت شنو ارسيلك على بر تره شخصيتك معقده الى درجه تخيلني احسك منفصم."

"غنى اني عشت هواي فترات صعبه بحياتي والظروف جبرتني اكون هيج عبالج اني ما اتمنى اكون سبورتي واضحك واتشاقه واعيش حياتي مثلي مثل اي رجال بس الظروف المريت بيها والمسوؤليه اضافه لطبيعه شغلي كل هذا صنع مني شخصيه جديه وصعبه ما اريد امدح بنفسي بس صدكيني لو الي عشته عايشه واحد غيري جان انتحر من زمان ..... فلتحكمين عليه وانتي ماشايفه الجانب المظلم من حياتي."

"شنو قصتك يافهد انت وراك سالفه جبيره."

"يجي يوم واحجيلج بس مو هسه لان ما مستعد افتح جروحي بعد ماضمدتها وهسه اريدج تكليلي طاح الزعل لو بعده."

"لا بعدني زعلانه."

"وشلون تحبين اراضيج."

"عندي شروط اذا تنفذها يطيح الزعل."

"صارت بيها شروط هم مو شرط احجي بله خلي نسمع."

"اول شي اريدك تروح للدكتور تجيك ضغطتك ووضعك الصحي."

"حاضر وبعد."

"وثاني شي اريدك تبطل عصبيه وفشار لان عيب وانت مو همجي حتى تكون هيج طريقتك بالحجي."

"اضيقت عيوني احاول بس ما اوعدج وبعد."

"اريديك تصلي اباوعله كلب عيونه ... فهد انت مكلف من 15 سنه ومطلوب خمس فروض على كد 15 سنه يعني عقوبتك جبيره كولش ويرادلك سنين حتى تقضيهن فأذا تريدني صدوك ماازعل منك تكوم تصلي وتبدي تترك المعاصي الي تسويها والعافيه بالتدريج."

"لو مبقيج زعلانه احسن."

"هاا هيج صار الحجي."

"اي وهسه خلصت شروطج."

"هزيت راسي وهسه كلي موافق لو لا."

"نص موافق."

"فهدد."

"خلص موافق."

"عفيه."

"اريد اسألج سؤال."

"اسأل."

"دنكت خال خشمي بركبتها ليش ريحتج مثل ريحه الاطفال."

"كزبر جسمي شلون يعني."

"شايفه الطفل الي بالكماط شلون تصير ريحه جسمه."

"اي."

"اي ريحتج تشبه ريحه الطفل الي بالكماط."

"اكول تتريك."

"لا روحي بدلي خلي نطلع نتغده بره الدنيا صارت ظهر هسه و مادام اني عندي استراحه هاليومين وانتي راح عليج الدوام فخلي نطلع احسن."

"باستغراب نتغده اني وياك وبره هم؟"

"اي شكو بيها."

"واذا شافنه احد."

"طز."

"شنو طز داكلك خاف يشوفونه."

"طز واذا شافونه اني ما اهتم لاحد تره ... وقبل من جنت ما اطلع واطب وياج حتى ما اجيب الحجايه الج مو لان خايف والا الناس متهز شعره مني ... يله روحي بدلي علما اسبح وابدل اني هم."

"ماشي ....رحت بدلت لبست جبه سوده كلعاده وياها شال اسود واخذت جنطه بيجيه لبست حذائي وطلعت لكيت فهد ديعدل بقميصه ... انت مو جنت لابس قميص ابيض شو هذا نيلي."

"اي بدلته مااعرف ارجع على نفس الملابس تلعب روحي."

"اخذت السويج يله تعاي."

اخذت ايدها وطلعنه.

"صارت كدامنه ود خرب وكتج هسه."

"السلام عليكم سيد فهد شلونك."

"الحمدلله."

"شلونج حبيبتي غنى شخبارج."

"الحمدلله."

"وينك سيد فهد مدنشوفك هالايام."

"والله مشاغل ... يله حبيبتي تعاي ... من رخصتج وسلميلنه على زوجج."

جريت غنى الي صارت جنها ثوله.

"شبيج."

"حبيبتي شنو."

"امشي لتجفصين قابل ترديني اصيحلج جاسم كدامها اكيد لازم اعاملج معامله خاصه حتى متشك هو اني ما مقتنع شلون صدك رجلها وهي انتي خطيبتي مع انو السالفه مبينه جذب وين اكو واحد يكعد مرته بعماره وهو عنده بيت."

"كل لروحك بالاول."

"عفوا؟"

"هيج ماكو شي."

"فتح السياره يله صعدي."

"وين حنروح هسه."

"حركت السياره اكو مطعم بعيد بس اكله كلش طيب دائما اروحله لان الاكل الي ابالي الكاا هناك فحبيت اخذج اله هم تغيير جو وهم حتى متتقيدين وتضلين تاكلين بروحج لتشوفين احد هناك."

"والناس متروح لهالمطعم يعني."

"لا تروح بس قله لان بعيد مو كل الناس تحب تروح كل هالمسافه على حساب مطعم."

"هزيت راسي صحيح .... اباوع للشارع اكول فهد صدوك باجر راح اجي لبيت جدك على حساب الحجيه والبنات يشوفن القياسات ثابته لو لا هاي اني بلغتك حتى متكول طلعتي بدون علمي."

"منو يجيبج باجر."

"منو يجيبني يعني ... اخذ تكسي مثل كل مره."

"رفعت حاجبي ماشاءالله صايره تصعدين تكاسي انتي وبعدين شلها داعي سوالف الخياط هاي."

"لا الها داعي ميصير انت تضل تصرف عليه."

"ما شاكيلج اني عود من اشكيلج روحي اشتغلي وحسبي حسابج بس هالمره راح تخيطين المره الجايه ممنوع."

"شنو هاي فهد ا..."

"قاطعتها اعتقد انته النقاش يله سدي الموضوع وخلينه مرتاحين ما اريد يضيك خلكي."

"سكتت ودرت وجهي اباوع على الطريق."

"تحبين اعلك التبريد."

"لا شكرا الجو حلو .... وره فتره وصلنه اباوع للمطعم رغم بعيد بس حلو من بره ومبين غالي."

"صفيت السياره بالكراج ... نزلت يله تعاي."

"دخلنه والنادلين كلهم سلمو على فهد الواضح يعرفو ... كعدنه على طاوله شويه معزوله."

"كعدت ... عاجبتج الكعده لو نغيرها."

"ابتسمت لا حلو."

"اخذت المنيو يله شوفي شنو تحبين تاكلين."

"شتطلب اطلبلي اني كولشي اكل."

"دشوفي يجوز اكو شي يعجبج."

"لا وياك شتطلب اطلبلي."

"طلبت مشاوي وطلبتلها وياي .... تحبين وره الغده وين نروح."

"ابتسمت شعندك اليوم."

"مو زين اريد اونسج."

"دتفاجئني بصراحه مداعرفك."

"اخذيها طبيعه اني دائما اذا مزاجي عدل اصير هيج."

"خليت ايدي على خدي .... عندك هواي اطباع وطبع مناقض لطبع شلون ما ادري."

"هاي بعد الله خالقني هيج شسوي."

"هزيت راسي .... جابو الاكل وكعدنه ناكل."

"اكل لتضلين صافنه تره اليستحي يضل جوعان اكلي لتخجلين."

"اي داكل .....احم اكول فهد ممكن اسألك سؤال بس لتفهمني غلط."

"تفضلي اسمعج."

"انت هم حبيت بحياتك."

"باوعتلها ونتهدت هاز راسي."

"صدوك."

"اي."

"احجيلي عنها طبعا هاي اذا معندك مانع."

"تنهدت بصوت عالي ... من دخلت كليه الشرطه اصدقائي الي بالاعداديه راحو غير كليات فكمت بين فتره وفتره اروح اشوفهم وبيوم رحت اشوف صديقي ولن تطلع وحده من القسم مالتهم لابسه ابيض خلتني صافن عليها جانت جميله جدا وشخصيتها اجمل بعد ضليت واكف اباوعلها شلون تحجي وشلون تتصرف حرفياً فصلت عن العالم وماركزت على شي غيرها عبالك بس هي موجوده بالدنيا وره فتره كمت اتردد للكليه بس حتى اشوفها حسيت نفسي حبيتها تجرأت ورحت صارحتها بدون مقدمات بالبدايه رفضت بس بعدين وافقت بقينه على علاقه لمده اربع سنوات وطبعا جنت كلما اريد اتقدملها ترفض وتأجل."

"اي وبعدين."

"بعدين حسيتها كامت تتغير اسلوبها بارد ويايه صار اذا مو اني اخابر هي متبادر حجيت وياها بس جانت تتهرب من الموضوع لمن مره من المرات حصرتها بزاويه وكتلها اريد اتقدملج بعد ما اصبر وطبعا صدمتني بيومها من كالت ابن عمها ناهي عليها وهي خافت تكلي وتصير مشاكل حاولت احل الموضوع واتواصل ويه ابن عمها وانهي السالفه حتى اتزوجها بس هي ماقبلت لان تخاف من اهلها كتلها صبري وتحملي وياي احاول بدال المره الف حتى ننجمع هي هم وافقت اجاني تدريب للاردن وانجبرت اسافر لمده اربع اشهر والصدمه من رجعت سمعت بيها تزوجت ابن عمها ما اجذب عليج واكلج ما انقهرت بس وره فتره كدرت اتخطاها ومن يومها ماحبيت بعد."

"خطيه هاي شوكت الحجي."

"جنت طالب مرحله اولى من حبيتها ولحد ماتخرجت بقيت وياها طبعا اني وياها نفس العمر."

"زين انت لسه تحبها."

"ابد ولا ابالي اصلا هسه ياله تذكرتها مره تزوجت وراحت لحال سبيلها الله وياها."

"شربت مي زين محقدت عليها."

"لا لان الي صار مو بأيدنه احنه مجتمع تحكمه التقاليد مو القانون للاسف ومادام نهه عليها ابن عمها خلص بعد صارت اله لا اني اكدر اغير شي ولاغيري وعلى فكره الي مريت بي مو حب وانما وهم لان لو احبها صدك جان كلبت الدنيا عاليها واطيها حتى اخذها بس ما صار هيج .... ليش تباوعيلي هيج شوفي اني صريح لابعد درجه ولهالسبب الاغلبيه يكرهوني لان ما اعرف اجامل واجذب كل واحد انطي طينته بخده ... شلت كباب خليته كدامها يله اكلي صار ساعه بس تحجين برد الاكل."

"ابتسمت وكمت اكل."

"كاعده ويه خواتي وجهالنه نتغده بالمطعم فزيت على صوت اختي."

": بعد كلبي شلون يخلي الاكل كدامها."

": دعوفي الاكل باوعيله شلون شخصيه وشلون رزانه عفيه هنيال مرته."

"هاي عليمن تحجن."

": باوعي للطاوله الي بالاخير وشوفي كميه الاثاره الكاعده هناك."

"شلت راسي باوعت على مكان نظر خواتي وانصدمت عززه هذا فهد بس منو هاي الي وياا مغقوله تزوج متعه بهالسرعه ....طلعت موبايلي بسرعه خابرت فرح ردت عليه بصوت تعبان كالعاده."

"هاا الهام شتردين."

"ولج فرح اني بالمطعم وفهد كاعد كدامي هو ووحده."

"كمت شنووو ويامن كاعد."

"ماادري والله انصدمت من شفته."

"صوريلي ياا وبسرررعه منتظرتج."

"خاف ينتبه عليه ولج."

"مو مشكلتي هاي مشكلته هسه تصوري الي هو والحيوانه الي كاعده وياا يله بسرعه."

"خلص اهدي هسه ادزلج صوره .... سديته منها."

"منو هاي وشبيها تصيح."

"هيج صديقتي اكول عفيه انتن مو كملتن اكل كومن غسلن للجهال."

"اي هسه."

"راحن خواتي وشلت موبايلي طكتلهم اكثر من صوره بسرعه ودزيتها لفرح ماكو دقايق وخابرتني."

"لج انتي خبله هاي اخته."

"اخته !!؟ ... والله انتي الي خبله وين اكو واحد يطلع بس هو واخته لا ووحدهم يطلعون ولج خاف هذا يضحك عليج."

"لا شنو يضحك عليه."

"بشرفج اخذيها بالعقل فهد وهالبنيه بيناتهم شبه ولو واحد بالميه اكيد لا لعد شلون اخوان واكو تناقض شاسع باشكالهم."

"تذكرت كلامها بالسوك وشلون انصدمت كتلها انتي اخت فهد معقوله مو اخته هاي .... زين اكلج اني كتلها اني اعرف فهد يعني لو عدها شي وياا اكيد جان اخذت موقف منه مو تطلع تضحك هي وياا."

"والله ماادري بعد بس انتي حاولي تتقربيله تره لو ما يدري بوضعج ميخليج كاعده ببيته لحد ما تلكين بيت فحاولي تسحبي ولو على الموقف الي شفته ما اعتقد يباوع بوجهج بعد لان اكو من شاغله باله."

"انجبي حقيره حسابج من نلتقي مو هسه سديته منها وطلعت الصوره ودموعي تنزل اباوعله شلون حلكه مشروك ويضحك عمري ماشفته هيج يضحك كلبت الصوره الثانيه اشوفه شايل اكل يخلي كدامها وهي مبين عليها الفرح ... عمره فهد ماسوه وياي هيج دومه كالب وجهه واذا مزاجه عالي يبتسم مو يضحك حتى من جنت اتمرض ماجان يهتم ... يربي معقوله هاي مو اخته ياخوفي تطلع حبيبته والله العظيم اطلعها من جوه الكاع واطلع بروحها لو طلع هالشي صح ... بسيطه يا ساقطه اني اعلمج ... دخلي اتأكد وساعتها اذا طلعت مو اخته والله لخليها تصيح الويل وين ترحين الكفج الكفج."

"وكفت السياره كدام العماره .... ابتسمت شكرا على هالطلعه الحلوه عاشت ايدك مقصرت."

"تدللين."

"بعد يومين تلتحق."

"ان شاء الله."

"اخاف باجر من اجي ما الكاك حباب ما اوصيك ديربالك على روحك وخابرني من تصيرلك فرصه وطمني عنك مو تعوفني قلقه حباب."

"صار."

"يله باي."

"باي خاليه؟"

"لعد."

"تقدمت حضنتها هيج الواحد يودع."

"بادلته واخذت نفس من عطره ابتعد باسني براسي .... نزلت مع السلامه."

"الله وياج يله روحي ومن توصلين للشقه رمشيلي حتى اروح."

"اوك .... رحت بسرعه صعدت للشقه رمشتله وهو راح .... بيومها من السعاده جبت اليوم كله بس مبتسمه جني هبله."

"شبيج يمه."

"اخوج راح يخبلني خابرني الساعه بالدعش كال معزوم ادري ميكول عندي امي تريد تشوفني الها حق عليه ادري شبي هالولد والله راح يخبلني."

"ادري يمه تردين فهد يكابلنه ويكعد تره هو رجال ومكانه مو بالبيت همست واضافه حتى لو يريد يكعد قابل يكابل سعود وسعاليها."

"اقصد جناينها هههه ... هسه عوفج منهن لتضلين تضغطين على فهد تره مااقبل تنزعين مزاج اخويه حبيبي الي يمطر علينه فلوس اقصد حنان وعطف."

"ضربتها ولج انتي عليمن طالعه تموتين على الفلوس."

"عليك شلون انت ابو فليس والربع كوه يطلع منك مو مثل فهودي يمشي وينطيني حمرات."

"طلعت من المطبخ شنو قصدج حمرات."

"خمس وعشرينات حتى هاي متعرفيها ولازم واحد يوضحلج بيها."

"خزرتها تأدبي."

"لعد فهد اذا هالكد ينطيج فلوس ميذكر اخته المكروده المشموره بكربلاء لا يخابر ولا يسأل عليها اذكرها بلبسه بأكله بمبلغ بسيط."

"ليلى مزوجه اني مامزوجه."

"هاا ولج ترديلج رجل."

"خليت الرجوله الج ولساره اني ما اريد مكتفيه بألي عندي وراضيه."

"جريت اذنها شنو قصدج ولج."

"بخوف شبيك والله اشاقه ماقصدي شي."

"جريت شعرها ... لعد شنو مكتفيه احجي لج شعندج."

"اخ لزمت ايده والله العظيم مو قصدي شي جنت اتلاطف والله."

"دوخر تعاي ولج منين متعلمه هالسوالف شنو مكتفيه بالي عندج."

"ااخ اذني ... بجيت شبيك فيصل والله ماعندي شي عفيه اذاني راح تنشلع عوفني."

"ولكم تخبلتوو صحت وخروووو عنها يله ... اباوع لورده كامت تبجي لان كلهم تجمعو عليها طاحظ كبرتكم اي والله ولكم شوكت تعقلون شو واحدكم انكس من الثاني."

"والله عيب عليكم الواحد يكفر يحجيله حجايه بهالبيت عسى ينهجم هالبيت الاكشر حتى نخلص منكم."

"انتي اكلي تبن ولتضلين تطمطمين محد هيلكها غيرج."

"انتو صدك تحجون عمي طفله وتشاقت شبيكم تخبلتو عليها شنو كفرت خوما كفرت ... اباوع لفهد طب مبين مرتاح بس شافنه عقج حواجبه."

"خير شكو شبيكم."

"ركضت حضنته وبجيت فهد فيصل ضربني وعلي هم جرني من شعري."

"لتبجين شو باوعيلي ليش ضربوج."

"حجيتله الي صار .... والله فهد مو قصدي شي بس جنت اتشاقه ويه آلاء."

"مسحت دموعها روحي لغرفتج حبيبتي .... يله عفيه بالحبابه ... صعدت ورده لفوك باوعتلهم ولكم انتو ماعدكم عقل طفله وتشاقت كدامكم ترحون تحورون كلامها وتضربوها بدال ما تغلسون اغبياء انتو بتصرفكم هذا راح تفتحون عيونها على اشياء هي جاهله بيها الى متى ابقه اعلم بيكم الى متى تبقون حمير بله فيصل هو اصلا فاصل من الرئيسي اله انت يالدكتور مو انت المثقف والدارس والواعي تتصرف بهالهمجيه لعد شخليت لابن الشوارع."

"يمعود طفله هاطولها تحجي بالزلم تريد واحد يسكتلها."

"وانت علساس معصوم متحجي بالنسوان ومن تسمع سيرتهن تتغطى بلحاف من الخجل شوف ولك خاف عبالك كبرت وصرت دكتور تره انت بالنسبه الي زعطوط الزمك ازوعك العافيه هسه فتهمت ... كتلكم تعاملو بوعي هذني بنات يرادلهن معامله خاصه تعليم وتفهيم مو بالضرب الضرب مامنه نتيجه بالعكس يخلي الواحد يتمرد بالزايد .... فهاي اول واخر مره احجيها ورده ستوها بدت تكبر وحاليا هي بفتره مراهقه وهالعمر حساس ويرادله معامله خاصه لتدمروها وتخلوها تتمرد من هسه بسبب اسلوبكم فتهمتو هالمره راح امشيها بمزاجي المره الثانيه تره الي غير تصرف وياكم وانتي ام فيصل شنو حلتلج الكعده يله تفضلي لغرفتج انتي ممنوعه من التجول اثناء وجودي يييله .... عفتهم وصعدت ينعل ابو شكلكم حتى مزاجي خربتو."

"اكول خاله فهد مو جان لابس قميص ابيض."

"ماشفته من طلع."

"اعتقد قميص ابيض ليش تسألين."

"هيج ... باوعت لخالتي الي بادلتني نفس نظرات الحيره والتعجب."

"هاك الدوه يمه."

"اخذته ... عاشت ايدج."

"يعل بأيدك الكسر يافهيدان شمسوي بوليدي ولك يمه شلون تخلي يضربك الزمه اطيح حظه وانعل ساسه."

"يمه فهد ضخم ولتنسين جان داخل معهد مال ملاكمه وضل سنه يتدرب هاي من غير التدريب الي بشغله وين اكدرله لخاطر ربج."

"طبعا متكدرله اذا هو جنه غول ... بس عبالك امشيها اله اني اعلمه دباره عندي."

"يمه كعدي وسكتي مالي خلك المشاكل خلي اصير زين واني اعرف شسوي بي."

"غميت روحي اهمده حظي اني جايبه بنات ثنين مو ولد وبنيه ولك اني لو منك اطلع بروحه انت شلون رجال وتقبل واحد يضربك."

"دخيل اصير زين والله ضامله ضمه بس خلي اطيب."

"هزيت ايدي وطلعت."

"وصلت للكليه رحت للحديقه ما لكيتهن وينهن ذني درت وجهي لكيتهن كاعدات على صفحه رحت يمهن لكيتهن كالبات وجوهن ... صباح الخير."

"بضجر صباح النور."

"خليت جنطتي وكعدت خير شبيجن كالبات الوجوه."

"البارحه صارت مشكله بالبيت."

"جعفر راح يخطب."

"اول شي احنه تعودنه مشاكلكم متخلص وثاني شي ست نرجس النفروض تفرحين بان اخوج حيتزوج ليش كالبه وجهج."

"جعفر ما فرحان وامي غصبته على البنيه وهاي صار فتره احنه داخلين انذار بسبب هالشي تالي جعفر خضع للامر الواقع ووافق بس احسه ما فرحان ... وكله بسببج."

"فتحت عيوني اني !!؟ لج اني شعليه."

"جعفر جان رايدج بس انتي تتعززين."

"شنو اتعزز نرجس هاي عود انتي صديقتي تحجين هيج."

"ماعليج بيها متعرفيها من تطنكر تضل تجفص."

"اسفه نونه بس والله مقهوره على جعفر وعلى البنيه اكثر شايفه البارحه من رحنه شفناها ولجن مو بنيه ورده العيون خضر والوجهه يجنن وفد حبابه ولطيفه والله حرامات هاي تاخذ جعفر ابو طنكوره."

"ههه هسه اصفيلج على رأي معقوله عليه لو على البنيه."

"مقهوره عليهم ثنينهم صعبه واحد يحب شي تالي ميحصله هالشعور صعب تخيلي انتي تحبين واحد وبالمقابل هو ميحبج ويعتبرج اخت لا اكثر والله شعور صعب."

"مدري ليش اجه على بالي فهد."

"وانتي من شوكت تتفلسفين."

"مو اتفلسف بس داشرح وضع جعفر هو يحب غنى ومن زمان او نكدر نكول مو يحبها بس يشوفها مناسبه اله من كل النواحي لان همه نفس الطبيعه المهم جعفر يكن مشاعر لغنى وبالمقابل غنى تعتبره مثل اخوها ومن تقدملها رفضت بأدب."

"اني مجان قصدي انو افشله او ااذي بس الحقيقه لازم تنكال شلون ترديني اوافق عليه واني معتبرته اخويه اكو وحده تزوج واحد معتبرته اخوها."

"هسه عوفجن من هالحجي جعفر شافها."

"اي شافها وعجبته يكول هاي شلون قبلت بيه وهي جماره."

"شكو بعد مادام اخوج عجبته بطلي تتفستقين."

"ههه تتفستقين شنو."

"والله ماادري حجايه سمعتها من ورده."

"ضلينا كاعدين وبعدها كمنه وطبعا حديث اليوم هو خطوبه الاستاذ جعفر وشراح يصير بيها ... خلص الدوام وطلعنه وكالعاده رحت للبيت ومر اليوم صار العصر بدلت ورحت لبيت الحجيه انطيتها الدشاديش تشكرت مني وانطتني الفلوس وطلعت رحت لبيت فهد شفت سيارته بره ابتسمت يعني موجود دكيت الجرس ... انفتحت الباب طلعت انغام."

"اهلا حبيبتي بوستها شلونج."

"الحمدلله وانتي."

"تمام تعاي تفضلي البنات منتظراتج."

"دخلت جوه لكيت البنات كاعدات اجتي ورده تركض شبكتني."

"نونه شلونج."

"حضنتها حبيبتي الحمدلله انتي شلونج ماشفتج بأخر مره اجيت بيها."

"جان عندي امتحان ثاني يوم وفهد ماخلاني اجي بقاني بالبيت."

"كعدت وهي كعدت يمي اجتي اروى هم بوستني وكعدت يمي ولا كأن جنه الصبح سوه."

"كملتي كل الملابس."

"اي كملتهن بس بقه تشوفنهن وتقيسنهن."

"بهالسرعه كملتيهن."

"الحمدلله اي."

"عندي جم قماشه اريدج تخيطيهن."

"تذكرت حجي فهد ... اني اسفه اني خطيت بس هالوجبه بعد ما اخيط لان عندي دراسه وما الحك."

"تره بفلوس مو بلاش."

"مو على الفلوس والله بس معندي مجال اخيط."

"ديله عاد علساس هو شلونه خياطج."

"لا اله الا الله اللهم طولج ياروح."

"فتحت الجنطه تفضلن كلمن اخذت فستانها."

"الله والله حلو."

"لابأس بس القماش مو شي."

"على فكره تره القماش انتي جبتي واني بس فصلت."

"طنن."

"تره كله على بعضه مو كلش عجبني خياطج متراجع لو اعرف جان خيطت عد غير وحده."

"اذا تحبين لتاخذي خلي ارجعه مو مشكله."

"اني اخذه لان كلش عجبني."

"ما كلت مااريده بعد خيطته مجبوره اخذه."

"كامن البنات يشوفن الملابس واني اباوعلهن شفت طفل طلع من المطبخ اوي فدوه شهالجمال اجه يمي اباوعله اششر لخاله ايمان."

"منو."

"حبيبي صديقه عمه اروى."

"اوي كزكزت عليه لوحتله هلوو."

"هلوو."

"شلته كعدته بحضني بسته شلونك."

"سين."

"ضحكت حجيه مكسر بس يخبل اروى ابن منو هذا."

"هذا ابني سالم."

"الله يحفظه ويكومج اله بالسلامه."

"بعد عمري تسلمين على هالدعوه شوكت اجيب واخلص."

" طبيتي بشهرج مابقه شي."

"نزلت من فوك لكيت نسوان العشيره كلها كاعده عبالك عدنه حمام نسوان شفت غنى كاعده بيناتهن هنه شحالهن ووجهن مخربطه من المكياج وهي تضوي بيناتهن .... السلام عليكم."

"الكل: وعليكم السلام."

"رفعت راسي باوعتله جان لابس بنطرون وتشيرت اسود ساده حاضن عضلاته شفته ابتسملي وطلع دنكت راسي مبتسمه باوعت لاروى الي تحاجيني درت وجهي شفت مروه تخزر بيه معقوله انتبهت .... كملت كولشي سلمت وكمت اخذت تكاليف الفساتين و طلعت ... اجتني رساله من فهد " اذا كملتي طلعي يم الفرع الثاني واكفلج هناك "."

"ابتسمت ومشيت للفرع لكيته واكف اشري اجيت بسرعه صعدت وهو حرك."

"والله وطلعت تلعب على السكيتي يافهد غنى هاا بس خوش صيده ضحكت ... اني اعلمك ماكو شي ينضم القدر ووكعكبأيدي يافهد الله بلاك بيه وخلاني اشوفك هله عيد وجابه العباس."

"وصلني فهد حضنته ووصيته على نفسه واني دموعي تنزل عشره عشره ودعته ونزلت يارب باجر يلتحق ودي ورجعه بالف سلامه واحفظ كل امة محمد وفهد منهم .... صعدت للشقه فتحتها ودخلت ذبيت ملابسي وسمعت صوت موبايلي شفتها خالتي شلته الووو."

"الو حبيبتي غنى انطيني البشاره عمج صار زين وبعد خمس تيام احنه بالعراق بعد ما راح تنجبرين تبقين عد الضابط فهد راح ترجعين يمي ما مصدكه ياربي والله ميته على شوفتج حبيبتي بلشي حضري كل غراضج مابقه شي وارجع."

"هاا."