تحميل رواية «ذنوب على قيد الغفران» PDF

فهد: اباوعلها صافنه ووجها احمر دم.

شبيج حبيبي؟

غنى: شنو هاي؟

فهد: بخبث، شنو؟

غنى: يعني طلع أبو قاسم مو صديقك؟

فهد: ضحكت على تعابير وجها. ههه لا.

غنى: باوعتله بهدوء. يعني أنت صارلك أشهر تضحك عليه وهو أصلاً ماكو شي اسمه أبو قاسم؟

فهد: ليش ماكو شي اسمه أبو قاسم؟ لعد اللي شفتيه من دقايق شنو؟ غمزتلها. بس ما كتيلي شنو رأيج بي؟ عجبج؟ لا؟

غنى: كمت على حيلي بخجل. أقسم بالله أنت أكثر واحد منحرف ومتستحي شفته بحياتي.

فهد: أبَاوعلها راحت للغرفة وكوه تتحرك. رحت ركض حضنتها وهي تدفع بيه. ههههه ولج تخبلتي.

غنى: بخجل. وخررررر عنييي صاررر أشهررر تضحك على عقليييي وتكلي أبو قاسم الغالييي وتعبان ومدري شبي. تالييي طلع أبو قاسم حتى مو رجال.

فهد: أكلي تبن. شنو مو رجال؟ لعد منو سواچ وصلتين؟

غنى: وخرررر. هو أنت هذا اللي هاممممك؟ جذاااب. تكلي تعبااان وانييي أكعد أندعيلللله بالصحه والعافيييه. لييييش هيج فهددد، لييش؟ والله العظيم عيب عليك.

فهد: ههههه. بالعكس. هاي الدعوة بصالحچ غير. إذا تعب أبو قاسم، أم قاسم تموت. هذا رجلها المونسها، المستتها، المريحها، أبو عيشتها وحبيبها. أباوعلها كامت تجر بروحها ووجها يريد ينفجر من الحمار.

غنى: أنتتتت شووووكت تبطل سووووالفك؟ متجوووز؟ أنتتتت متجوززز؟ من بدااايه زواجنه وأنتتت خابصني بابو قاسم. وكد ما تحجي علييييه خليتنيييي أتمنى أشوفه. تالييي طلع أبو قاسم شييي منك ووووبيك. وأنوووب هسه طلعتلي بأم قاسسم.

فهد: هههههه.

غنى: أضحك. أضحك. شكووو عليك؟ أنت عزززه بعينج غنى. جماله أني كاعده وأدعييييله.

فهد: تقبلي الواقع حبيبي. هاي بعد شفتي أبو قاسم. وللمعلومة، بالفتره الجاية هواي راح تشوفي. ومو بعيدة أنتِ اللي تطالبين بشووفته.

غنى: بخجل. كافييي فهد. كاافييي. بطل هالحجييي.

فهد: ذكرتيني بمثل يكول. شاف ماشاف. شاف ...... أمه. وأخترع. شبيج حبيبي؟ شنو أول مرة تشوفين؟

غنى: باوعتله. وأني وين أشوف؟ شنو سايبه أني؟

فهد: أكلي تبن. مو هذا القصد. أقصد أكيد أنتِ حاضرة طهور سابقاً وشايفه المستخبي. فليش مخروعة؟ تره مجرد اختلاف أحجام لا أكثر.

غنى: بهدوء. والله العظيم إبليس يتوب وأنت متوب من سوالفك المكسرة هاي.

فهد: ضحكت. دايرها عليه حضنتها. أروح فدوه للي راح ينفجر من الخجل.

غنى: حضنته. ليش هيج فهد؟ كل هالفترة مسويني مضحكه وثوله وكاعد تضحك عليه؟

فهد: هههه. .... غير أحبچ وأشاقيج. على العموم عوفچ من أبو قاسم. نلتقي بي بالليل. هسه تعاي شوفي شجبتلچ.

غنى: ابتعدت. مباوعتله. شجبتلي؟!

فهد: ولدين وبنية.

غنى: بطل سوالفك.

فهد: ابتسمت. دتعاي.

غنى: دخلنه للغرفة. كعدت على الجرباية. تذكرت قبل سنة جنت أستحي أدخل لهالغرفة وهسه لابسه قميص صاحبها وكاعدة. أبَاوعله طلع جنطة سودة خلاها يمي. شنو هاي؟

فهد: فتحيها وشوفي.

غنى: فتحتها. جريت أول شي صار عليه عيني. كلبته. شنو هذا؟

فهد: يعني متعرفين قميص نوم شنو؟ يعني؟

غنى: وأنت جايبلي هدية قميص نوم؟

فهد: جنت ناوي أشتريلچ هدية أراضيج بيها من أصالحچ. فكلت أشتريلچ قمصان نوم حتى أفيدچ وأفيد نفسي. لأن أنتِ عندچ أزمة متلبسيلي شي. فهالهدية أنسب شي. شوفي الباقيات. جايبلچ هواي.

غنى: بخجل. زين هذا وين راسه وين رجلي؟

فهد: ما أدري. شفت وحدة لابسته بس ما عجبني عليها. مدري شلونه جسمها. بس من تخيلته عليچ. أووف. بنص المحل أبو قاسم صاح. أي هو هذا يطلع يخبل عليها. وأنتي تدرين بهاي الأمور. أبو قاسم اللي يختار مو أني.

غنى: كلبته. جان قميص نوم أسود مشبك. بس ما أعرف وين بدايته وين نهايته. ذبيته. ماخذة الثاني. أنوووب شنوو هذا؟

فهد: تره مالابس قميص نوم سابقاً. غير شفته بالصور وأخذته.

غنى: ذاك مشبك وهذا بس قطعتين قماش والباقي كله خيوط. شهالموديلات. طلعت الباقيات. خزي خزي يمه. ذنو ذني. أباوعله أجه يمي. فتح الفيس وكعد يكلب.

فهد: شوفي منا اشتريتهن.

غنى: أباوع للصور. عززه بعيني. جريت الموبايل منه. أنتت شلووون تباوعلهن؟ مو عيب.

فهد: غير عارضات. أني شعليه. وبعدين ماباوعتلهن. باوعت لقمصان النوم. متشوفين أجسمهن؟ حتى صدر ماكو. ميعجبني هيج. أني أخرب على الكيمر وماكو كيمر. بس هنا.

غنى: احم. زين أنت متخاف الناس تشوفك شمتابع؟

فهد: خافي أصدقائي. بيبي. محد يكدر يشوفهم.

غنى: بيبي؟!

فهد: يعني حبيبي بالانكليزي. مدرسة جيس حب. أنتِ.

غنى: مترجمة مو مدرسة. وبعدين من شوكت تحجي انكليزي أنت؟

فهد: تره طلعت بالسادس 94. يعني انكليزيتي لابأس بيها. إضافةً أنو أني داخل دورات لغات وأحجي انكليزي بطلاقة. يحلوه.

غنى: ابتسمت. حبيبي الذكي. فدوه أروحله. بست خده.

فهد: بست شفايفها. يابت الناس. من الحلك أحلى وأترف. والله. شلچ بالخد؟ كله لحية ويبزز.

غنى: ضحكت. مكلبه بموبايله. أجه رسالة على الماسنجر. ضغطت عليها. طلعتلي صورة. استغفر الله. عزززه. هاي شنو فهددد.

فهد: شنو؟ ششفتي؟ شو ابتسمت. خرب يومج. شوداج هنا؟

غنى: لا فهد تره ميجوز تشوف هيج. حرام. أصلاً شلون الك نفس تباوع هيج أشياء؟

فهد: ما أباوع لهالسوالف أصلاً. تلعب روحي. أحب العملي أكثر. وبعدين هذوله السكط جماعتي يدزولي هيج صور. .... هاي شوفي ولد السكط شيدزون.

غنى: أباوع. دزوله رسالة مكتوبة.

فهد: ضحكت. خلي أقرا لچ شمكتوب. .... هاي اكو ثنين نسوان كاعدات يسولفن. جان الأولى تسأل الثانية تكلها: البارحه نص الليل صوت رجلچ رج المنطقة. خير؟ شصاير؟ جاوبتها الثانية كلتلي: هذا رجلي كلي تعاي خلي نصير رومانسيين ونجرب وضع جديد. شو هذا شالني وخلاني على ميز التواليت يكول هالوضع فدشي. كلها تمدح بي. شو هذا أجه يريد يتقربلي جان تنطبگ الجراره على الحجي ويخرب أم الوضع. شكد كو... هالمهيمن. عنده سوالف. أباوعلها عفست وجها. شبيج؟

غنى: أوو. شاغت روحي. شنو هاي فهد. هاي كل الشرطة هيج سوالفهم؟

فهد: نكدر نكول الأغلبيه.

غنى: زين ليش؟

فهد: حاوطت خصرها من وره. خليت راسي على كتفها. شوفي حبيبي. طبيعة شغلنه تخلينه نشوف أشياء تجبرنه نفشر ونغلط.

غنى: شلون يعني؟

فهد: يعني أبسط مثال. قبل أشهر كاعد بمكتبي ودخلوا عليه مرة جبيرة ووياها ولد يطلع عمره ١٨، ٢٠ سنة مو أكثر. أني عبالي أمه وضاربها أو بايك منها مسوين حادث. بس انصدمت من دريت لازمين هالولد جاي يمارس وياها ببيت مشبوهه. يعني مرة عمرها فوگ الأربعين وجايه مراهق تسوي هيج وياا. شتريدني أسوي وياها؟ أحافظ على أخلاقي وأحجي بأدب لو أوكلها تبن؟ لا عبالچ الشرطة مرتاحين. تره بلاوي جاي نشوف وساكتين.

غنى: كشت روحي. عزه بعينها. شلون تتقبل نفسها تسوي هيج.

فهد: كح.... غير لو ما كح... متجيب ولد بكد ابنها وتنام وياا.

غنى: لعبت بأصابعه. الله يساعدك. أني من يمي لعبت نفسي. لعد أنت شلون؟

فهد: تره هاي سالفة بسيطة. لاشيء كدام اللي جاي نشوفه كل يوم. تدرين مرة جابولنه وحدة لازميها ويه سايق بالسيارة وجابوها للمركز. والمفاجئة طلعت مرت واحد من الضباط اللي ويانه. والأسوأ طلع السايق جيرانها. ومن يجي رجلها يروح الها.

غنى: يااا.

فهد: أي والله. خطية بس شافها وكع وضربته جلطة من هول المنظر. وأخوه للمستشفى.

غنى: وشسوه بيها؟

فهد: شسوه يعني؟ طلكها بدون ميشهرها حفاظاً على سمعة جهاله. وسوه نقل وأخذ جهاله وطلع من المحافظة كلها. شتحجين انتي؟ مو زين مني ما صرت شكاك بعد هالسوالف اللي أشوفها.

غنى: الله ليوفقها. شكد حقيرة. ما خافت من الله تسوي هيج. أوي يمه. كزبر جلدي.

فهد: دخلت ايدي جوه القميص. شو أشوفه شلون كزبر.

غنى: أكعددد فهددد. وأيدك.

فهد: مصيت ركبتها. كاعدد والله.

غنى: هههه. وتالي وياك أنت.

***

نرجس: كاعده أنظف بغرفتي وسمعت موبايلي. خير يا طير. منو؟ شلته. هذا علي مينطى وجهه هالولد. الوو.

علي: شلونه الحلو؟

نرجس: بخير. شكو؟

علي: عندچ مجال نحجي؟

نرجس: لا مشغولة. دانظف.

علي: فديت النادرة المعدلة.

نرجس: منو كلك أني معدلة وأم بيت؟ تره أمي هددتني إذا ما أنظف تطفي الراوتر. فأنجبرت أنظف.

علي: يعني أنتِ وصخة.

نرجس: أي وصخة وأسبح كل أسبوعين مرة وبدون شامبو بس ماي. عندك مانع؟

علي: لا ما عندي. أحبج حتى وأنطي وصخة.

نرجس: أي عفيه.

علي: نرجس.

نرجس: نعم.

علي: أحبج والله.

نرجس: شكراً. حبتچ العافية.

علي: كافي جفه. والله تعبت.

نرجس: سودة عباتي. شمتعبك؟

علي: عن الاستهزاء. نرجس. والله تعبان ومحتاجچ. خلي نرجع ونستعجل بعرسنه. وأني مستعد أجهز كلشي من حفلة المهر للقاعة لكلشي انتي تردي بشهر.

نرجس: قاعة ومهر؟! مو قبل كلت ماكو حفلة مهر ولا عقد. بس حنه نسويها حفلة وهي حنه هي زفه.

علي: هذا الحجي قبل. هسه أريد نسوي حفلة بالمهر وبالحنة وبالزفة. وبعدها اخذچ لتركيا. وراها اخذچ للمكان اللي تردي.

نرجس: بس هيج تتكلف.

علي: طز بالفلوس. أهم شي أنتِ.

نرجس: اممم. أحاول أصدكك. اسمع عليوي. والله إذا طلعت تضحك عليه ومتسوي كل هذا. لو رجعنه أثرم بصل على عيونه وأعميك.

علي: هههه. عمي قابل اللي تردي أني حاضر. بس رجعيلي.

نرجس: وأنت ليش مُصر هيج؟ يعني صحيح أني حلوه وأخبل ومليون واحد يتمناني. بس يعني عندي فضول أعرف ليش مستقتل عليه. على الأقل أعرف سر انجذاب واحد من هالمليون اللي.

علي: حبيبتي نرجس. متحسين الدنيا صارت حارة؟

نرجس: لا. أني كاعده كبال السبلت. بس يمكن لأن أنت بالبصرة وأهل البصرة جوهم يسمط مو بس حار. المهم ماعلينه. كلي ليش مصر نرجع؟

علي: لأن ببساطة أني محتاج وحدة مرحه وطبيعية بحياتي. بعيداً عن الرقة الزايدة والأثونة الماصخة. أريد مرة تونسني وتضحكني بسوالفها. مو مكضيتها حجت الحمرة الفلانية وكالت الجنطة الفلانية. ميعجبني هيج. أريد مرة خشنة.

نرجس: بعصبية. مررره خشنة؟ شنو أحد كلك عندي عضلات وكل رجل شكبرها؟ وبعدين تعال أنت جاي تحسسني أني مهرج؟ شنو أضحكك؟

علي: شكد ثولة أنتِ. أقصد أنو أحب شخصيتچ لأن تتصرفين على طبيعتج. وأقصد بمرة خشنة مو مايعة وتتصنعين.

نرجس: ياا. فدوه. هاي أني هيج؟

علي: هاي الفدوه اللي؟ لو لروحچ؟

نرجس: احم. للي طبعاً.

علي: هههه. ماشي. يله أني أعوفچ وأروح. بعدين نحجي. أحبچ.

نرجس: أوك. باي. سدته. يمه فدوه لابو فليس. صاير غومنسي. الواضح من فصخنه مشه عدل. هههه. والله لكلبه على البطانة. بس اصبرلي.

***

غنى: واكفه أسجل جم شغله أريد فهد يجيبها من الأسواق. حبيبي هاك جيبلي المكتوب هنا. ولتتأخر فدوه.

فهد: شو طماطة. خيار. زيت. شنو هااي؟

غنى: شنو؟

فهد: بعصبية. كاتبه أولويز. شنو؟ بس لا راح تجيج الشهرية؟ هووو. أني ششفت منچ حتى تجيج؟

غنى: بخجل. شبيك حبيبي؟ مو موعدها. بس للاحتياط.

فهد: كتيلي. ماشي. بس خاف أجيبها وتنزل المحروسة على واهس الأولويز.

غنى: يعنيي لازم تعلق؟ يله روح ولتتأخر.

فهد: أوكفي خلي أشوف الباقي. خبز. بيض. زيتون. فلفل أخضر. طحين. هاي تردين تسوين بيتزا؟ بعد شنو؟ باوعتلها. تردين موطه؟

غنى: أي. حارة الدنيا. أباوعله ابتسمت ابتسامته المستفزة هاي. وكفت ورا. دافعته. يله حبيبي روح. خطي واضح عود هناك أقره الورقة.

فهد: بس لحظة. خلي نتناقش. أنتِ يعني هسه مشتهية موطه؟

غنى: يووو فهد. شكد تدقق. روح لتضل تعلق.

فهد: هههه. زين بأي نكهة ترديها؟ وترديها جبيرة لو صغيرة؟

غنى: جيب العائلية حتى تكفينا.

فهد: هاي هيج تحبين الموطه بحيث متكفيج وحدة؟

غنى: كرصت ظهره. متجوز أنت. يله روح منتظرتك. مو تتاخر.

فهد: ضحكت. داير وجهي بستها بشفتها حيل. ما أجوز مادام عندي مرة قليلة أدب تحب الموطه العائلية. أخذت الورقة ونزلت رايح للاسواق. اليوم مزاجي عال العال.

غنى: ابتسمت. يمه فدوه أروحله. طلعت لحم سلكته لأن أريد أسوي بيتزا. خليته الكدر على النار. وكفت أغسل ستكانات الجاي. نزل ردان القميص وتبلل. أووف. والله شلعن كلبي قمصان فهد. أرفع الردان ترجع تنزل. طبعاً بدلت ملابس تلث مرات اليوم من وره فهد أفندي. دخلت للغرفة. أخذت تشيرت منه لبسته وطلعت. أي هسه أحسن وأبرد. أخذت موبايلي داكه على بيبي حتى أفهمها للي صار. خليت الموبايل على الكاونتر ووكفت اشتغل.

أم صالح: الوو.

غنى: الوو بيبي حبيبتي شلونج؟

أم صالح: ولج ليش عفتيني؟ البيت وحشة عليه البارحة وأنتي ماموجوده.

غنى: يا عمري.

أم صالح: احجيلي شلون هالوصخ قنعچ؟

غنى: للمرة الألف أكلچ مو وصخ. ينكرط كرط من النظافة. وينه وين الوصاخة.

أم صالح: وللمرة الألف أكلچ أني أقصد الوصاخة الداخلية. مبين عليه هو ينكرط على كولتچ. بس مع هذا وصخ وأبو نسوان.

غنى: ابتسمت. لا والله بيبي. طلعنه ظالمي. لا أبو وصخ ولا أبد. حجيتلها مختصر عن الموضوع ومدخلت بتفاصيل لأن أخاف عليه. حتى لو بيبيتي وأدري بيها أمينة. بس الحذر واجب.

أم صالح: الله يطيح حظچ. وأنتي غير تفهمين منه قبل لا تعوفيه؟ وأني عبالي شفتي على فراشچ ويه وحدة ونازلة دوسة ونص على الرجال.

غنى: بيا حال أني بيبي؟ بذاك الوقت وين عندي قابلية أتناقش؟ مشفتي حالتي أنتِ؟

أم صالح: والله أنتُن نسوان هالوكت مال بالخيزرانه. ووين ما يوجعچن. ولچ غبرة. مادام تدرين برجلچ هاي شغلته غير تفهمين منه. وأني عبالي الرجال حي الله ضابط. طلع لا أكبر من هيج شغلته. الله يساعده.

غنى: أنوب لفتي عليه.

أم صالح: أي. لأن تستاهلين. ولچ حبيبه خليچ فطنة. مو كل واحد يكلچ شي تصدكي. دوري وتأكدي وشوفي بعينچ. وخلي عندچ أثبات. وأحجي بزودچ. هاي أنتِ لأن ما فاهمه شي من الموضوع بعدتي عن رجلچ حوالي شهر.

غنى: شسوي بيبي؟ أجيت أموت. غير كل تفكير طار مني. وبقه ذاك الموقف مترسخ ببالي.

أم صالح: حقچ ومو حقچ. حقچ لأن مبينه تحبي ومتعلقة بي حيل. وموحقچ لأن تعرفين طبيعة عمل رجلچ والمفروض تتفهمي. بس الحمد لله عدت سلامات وما صار شي.

غنى: الحمد لله. سلميلي على البنات. أمانة. كولش حبيتهن. وكليلهن خلي يدزلي أرقامهن حتى أتواصل وياهن.

أم صالح: صار. وهاي عمتچ تسلم عليچ وتكولچ سلميلي على بالي بيك.

غنى: لا عيني. فهد أحلى من هذا بالي بيك.

أم صالح: دكعدي وسكتي. همزين مطفية بوجهه الكهرباء.

غنى: لا بيبي والله فهد حلو.

أم صالح: هههه. حب وأحجي. وأكرهه وأحجي هم. وصخ وهم أبو نسوان وناسي بالفرن وهم تدافعيله. بس تردين الصدك؟ هو رغم مظلم بس أحلى من هذا بالي بيك.

غنى: ابتسمت. أحبچ وأنتي صريحة. سلمت عليها وسدته. درت وجهي وفزيت. لازمه كلبي. بسم الله الرحمن الرحيم. صدك تحجي؟ وكعت كلبي.

فهد: خليت الغراض على الكاونتر. منوه الوصخ؟ وأبو النسوان؟ واللي مطفية بوجهه الكهرباء؟ البارحة سمعتها مرتين واليوم هم. شنو السالفة؟

غنى: هاا.

فهد: وجعا. شنو هالالفاظ؟ منوه الوصخ؟ منو هاي اللي تحجي عليه هيج؟

غنى: بيبيتي.

فهد: وحضرت جناب بيبتج نايمة وياي وتدري نظيف لو وصخ؟ وشنو أبو نسوان؟ شايفتي مكو.... وتحجي هيج؟

غنى: عيب تحجي عليها هيج. وهي جانت فاهمه غلط. ومن حركت كلبها كامت تحجي هيج.

فهد: وأنتي شحاجيه للمرة عليه ومجفصة؟ حتى مخليتها تحجي هيج.

غنى: تقربت وكفت كدامه. رفعت رجليه بايسه ركبته. أني أسفه. شلت غيبتك بذيج الفترة وحجيت عليك حجي مو حلو. أني وبيبي. فاسفه.

فهد: تلكيج مطلعتني ابن كلب ومسقط مو؟

غنى: تذكرت حجي بيبي. حكيت راسي. أسفه.

فهد: تلاكيتي عقابچ ومشه الحال. بس مرة ثانية إذا سمعت أي كلمة مو حلوة تحجينها بحقي. سواء كدامي أو كدام العالم أو حتى ويه نفسج. اللي وياچ غير تصرف. كلشي سوي. تشاقي. سولفي. تناقشي. انتقدِ. بس لتتجاوزين أبداً. وهاي بيبيتج. لوما مرة جبيرة جان عرفت شرد عليها. أم الوصخ تحجي بالنظافة.

غنى: حضنت خصره. العفو ياروحي. بس من كد ما جنت مقهورة حجيت هيج. متنعاد والله.

فهد: باوعتلها. خلص. انسي اللي صار.

غنى: قدمت شفايفي منه. مقلدته. بوسة. بوسة.

فهد: ابتسمت. حاضنها وماخذ شفايفها.

غنى: بادلته بكل حب. ضلينه فترة نتباوس. ابتعدت بايسه شفته بخفه. خو مزعلان؟

فهد: لا. كتلچ انسي كلشي صار.

غنى: ابتسمت ورحت أشوف الغراض اللي جابهن. يمكن البعض يعتبرها جرأة مني أنو شلون أني اللي طلبت منه أبوسه. بس أني غلطت وتجاوزت عليه وهو ضاج. ولازم أراضي بأي طريقة كانت. حتى لو أخجل منه.

فهد: الموطه هسه راح تاكليها لو تأجلينها لليل؟

غنى: باوعتله. لا هسه أكلها. بس خلي أحضر العجينة مال البيتزا. .... حضرت العجينة وخليتها ترتاح. ووكفت ثرمت حشو البيتزا وخليته على جهه. أخذت الموطه وطلعنه كعدنه بالصالة. أخذتها وكعدت آكل.

فهد: تردين من موطتي؟

غنى: ضيقت عيوني. لا شكراً. ما أريد. .... شفت جنطة سودة على جهه. شلتها. فتحتها. لكيت بيها جناسي وتقارير. أخذت الجنسية. أبَاوع. هاي صورة فهد. قريت الاسم. فاروق فاضل. ضحكت. فاروق!

فهد: هذا الاسم المستعار. الباشا فاروق اللي سحل أم عامر ذهاباً وإياباً.

غنى: بس ملايكلك. فهد أحلى بهوايي.

فهد: صدك. يعني اسمي حلو؟

غنى: يجنن.

فهد: أيي. ذكرتيني بوحدة جانت تقلد وتكول اسمي اسم حيوان.

غنى: باوعتله. هذا بسمار مو؟

فهد: شتكولين أنتِ؟

غنى: ضحكت. أكول حبيبي صدوك هاي أم عامر حلوة؟ حتى هيج الدنيا مخبوصة عليها؟

فهد: ذبيت الموطه. ياحلوة. تلعب ستين نفس. زركة وصخة. وكل ذرة لحم شكبرها. كرشها مطبق أربع طبكات. ذرة أنوثة ما عندها. لج صدرها أزرك أزرك وصخ وخاله فوگه مدري شنو صاير رصاصي. شتحجين أنتِ؟ يا جمال؟ يا صخام؟

غنى: عززه. لعد شكد قذرة. عابت. الليفة بالف والصابون تارس السوق. ولو هذا عقاب من الله. طفرة كل نور بوجهها كد ما عاصية.

فهد: مديت ايدي لازم صدرها. النظافة والنور هنا. هي كل مرة تكول أني نظيفة. دخلي تجي تشوف هالزبد هذا وتتفل على روحها.

غنى: دفعت ايده بخجل. فهدد.

فهد: لتجرين الحجايه تره تعمين على روحچ. ستري علينه وخلينه على أم عامر.

غنى: أي زين. هاي إذا هيج متنطاق ليش هيج الدنيا مكلوبة عليها؟

فهد: عراقيين. طايحظهم. يموتون على اللحم. يكلك تدفهم وتريحهم. .... ميدرون هاي بالصيف إذا متنحط بالثلاجة تجيف.

غنى: عفست وجهي. كافي. لعبت نفسي. لو أدري محاجية.

فهد: أباوعلها. أكلت نص العلبه. من أكول تحبين الموطه تكليلي لا.

غنى: أباوعله يعض بشفته. سديت العلبه. محسيت على نفسي.

فهد: حقچ يابه حقچ.

غنى: كمت دخلت للمطبخ أسوي بالعشه. أباوعله طب ورايه.

فهد: أساعدچ بشي؟

غنى: لا حبيبي.

فهد: مليت من الكعدة. تدرين بيه ما أكدر أكعد بالبيت. أمل. أنطيني أي شي أسوي.

غنى: أنت شتريد تسوي؟

فهد: أريد ننام.

غنى: فتحت ايدي بوجهه.

فهد: شنو؟

غنى: صارن خمسة. تعرف شنو يعني؟ خمس مرات متشبع أنت؟

فهد: ضربت خلفيتها. ليش؟ العنده هي طراوة يشبع من غير ال..... اللي ياخذ العقل.

غنى: آخ. بخجل. حبيبي فدوه أروحلك. بله هالالفاظ. والله عيب.

فهد: كتلچ الفاظي ما أبداها. لو مدري شيصير. لتحاولين. يله أنطيني شي أسوي.

غنى: هاك هاي الصينية. خلي بيها شويه زيت وطحين حتى أفرش عليها العجينة.

فهد: هي هاي تاليتي. أني الضابط فهد سالم اللي مشى المركز على الصراط المستقيم. واكف أسوي بيتزا. والله يا الله.

غنى: أسمعه واكف ويدردم ويه روحه. خشن صوتي. ضابط فهد. اشتغل عدل.

فهد: ضربتلها تحية. حاضر سيدي.

غنى: هههه. أي عفيه.

فهد: والله كون يشوفوني الشرطة. أطك لهالوجه الفاهي تحية. يسووني مزق.

غنى: ليش؟ شبي هالوجه الفاهي؟ ميعجب؟

فهد: عضيت شفتي. عسل.

غنى: ابتسمت. أحبك حبيبي المزنجر.

فهد: أخذت العجينة منها. مو محترمج؟ ليش تخليني أهينچ؟

غنى: ضحكت. حضرنه البيتزا سوه وشويناها. كملت. وكعدنه تعشينه. مر اليوم. وأني بحضنه وابتسامتي ما فاركت وجهي.

ثاني يوم جبرته جبر نسوي جلسة نقره بيها قرآن. لأن أدري بي ذيج الفترة ما التزم بقرآنه كلش. فلازم يرجع مثل قبل. رغم هو شاغل بالي وتفكيري كل دقيقة وثانية. بس مع هذا منسيت عبادتي ولا ربي. لأن ما عندي أهم منه.

فهد: أكلچ.

غنى: صدقت. ها حبيبي.

فهد: يصير أختم القرآن بأسبوع واحد؟

غنى: أي. شنو المشكلة؟ تكدر تقره أربع أجزاء ونص كل يوم. وبأسبوع تختمه. ليش تسأل؟

فهد: أكول مادامني كاعد خلي ألتفت بشغلة تنفع. خاصة أني صارلي ٢٣ يوم مالازم القرآن. فخلي أستغل الفرصة وأختمه.

غنى: عاشت إيدك حبيبي. أحسن شي تسوي. أني بالأيام اللي فاتت ختمت القرآن مرتين.

فهد: ما واصلة ختمتج وداعتج.

غنى: ليش؟

فهد: لأن شلعتي كلبي. والله كايل رضى الزوج واجب. وأنتي عصيتيني. فكلشي تسوي ميوصل.

غنى: بهدوء. صحيح كلامك. وأن شاء الله متنعاد. لا أني أعصيك ولا أنت تضوجني. أباوعله هز راسه.

فهد: لو شكد ما أحاول أستفزچ. تجاوبيني بطريقة تخلي روحي تسكن. ومن أكول أنتِ جوهرة نادرة هم واحد يكلي ليش؟

غنى: ابتسمت. راجعة أكمل جزئي. كملت وكمت أخابر البنات وأستفسر منهن عن أحوالهن.

أروى: ليش هيج غنى؟ ليش عفتينه ورحتي؟ إذا مو لخاطر فهد لخاطرنه؟ ما كلتي هذوله خطية ليروح يصير بيهم شي؟ يعني أني حيل زعلانه منچ.

غنى: بخجل. أني أسفه والله. مو قصدي أسوي هيج. بس جنت منهارة.

نرجس: زين ليش رحتي من البداية؟ شصار وياچ؟

أروى: عيني هاي مو رايحة لخالتها. بالطريق مخابره فهد. طالع لها واحد من جماعة فهد الأدبسزيه ومسوي روحه بنية. وكام يسوي أصوات وحركات مال ساقطات. وهاي كل عبالها فهد ويه بنية. فهاي رجعت مثل الخبلة. أخذت هدومها وطلعت رايحة لأهل أبوها. وخلتنا نتكرم عليها. لمن شافها فهد بالعرس وفهمها كلشي. تالي بردت.

غنى: هاي منينلچ هالسالفة؟

أروى: منين يعني غير فهد سولفلنه البارحة.

غنى: هاا. أي أي صحيح. ما فهمت السالفة وتصرفت بطيش.

نرجس: خرب يومچ. غير تفتهمين السالفة. رحتي سويتيلچ زعله على الخالي بلاش.

غنى: أي. هاي بعد. عززه. فهد فر السالفة عليه وطلعني أني الغلطانة. وطلع منها مثل الشعرة من العجين. والله مصيبة هالرجال.

حجيت وياهن وسديت الموبايل.

كمت دخلت للغرفة. شفت فهد كاعد يقره قرآن. شكله حيبدي من اليوم. سديت الباب عليه. حتى يقره براحته. كمت أعزل البيت. وكعدت شويه. وأجه. كعدنه صار وقت العشاء. تعشينه ومر اليوم.

هكذا مرن تلث أيام. وأني أحس روحي كاعده بالجنه. حبيبي مدللني دلال. ويساعدني بكولشي. لا أغثني بحجايه. ولا ضوجني بشي. بالعكس هادئ إلى درجة. لا صار عصبي ولا أنفعل. حتى صوته ما علا. وهالشي خلاني أكتشف أنو فهد صار أعصاب وعنيف بسبب المشاكل والظروف الصعبة اللي واجهها بحياته. وبصراحة معذور. لأن منو منه يعيش كل هالمشاكل. ويشوف كل هالعنف بحياته. وميصير إنسان صعب وغير قابل للفهم. وأبسط شي. من لكى هدوء وراحة تغير جذرياً. الله يبعد عنه كل أذية وكولشي يتلفله أعصابه. سديت مفاتيح الجنان. جنت أقرأ مناجاة الإمام السجاد (عليه السلام). كولش أرتاح من أقرأها.

فهد: تقبل الله.

غنى: تقبل الله أعمالك. كمت تمددت على رجله.

فهد: تلمست شعرها. شبيج حبيبي؟ شو أحسچ مالچ خلك اليوم.

غنى: شويه خمول. تعرف الدنيا حارة. وكل واهس ماكو للحرارة. كون بس واحد يكابل السبلت ويكعد.

فهد: صبري جايج تموز. راح بصمط أبهات أبهاتنه.

غنى: اسكت. شايلتله هم. عفيه شهالحر؟ عود هاي الكهرباء والمولدة متنطفي بالعماره.

فهد: مسحت على خدودها اللي صايرات حمر من الحر. طبيعية جسمها. بس تحتر تحومر. دنكت بستها. بعد لتطبين للمطبخ. شوفي وجهچ شلون صاير. هاي عود أني خال بكل الشقق مراوح.

غنى: بست ايده. معليه المطبخ حبيبي. هو العراق جوه حار. الله يساعد اللي كاعدين بالمحافظات الجنوبية. تلكيهم ساحوا من الحر.

فهد: أهل البصرة بالصيف يصيرون كباب. خطيه.

غنى: ضحكت. كايمه دخلت للمطبخ. جبت السلك والحشو أريد أسوي دولمة للعشه. فهد مشتهيها. جبتهن وطلعت للصالة. تربعت بالكاع وكعدت على برودة الكاشي.

فهد: أباوعلها لابسة دشداشة نوم قصيرة لونها تركوازي. جبتها الها ويه سيتات النوم. بس شطالعة بت المشعول. خو من كعدت وارتفعت لفوق فخذها وطلعن رجليها. شعلت أبو أبويه. أكول حبيبي متعوفين الدولمة.

غنى: ليش حبيبي؟

فهد: أبو قاسم كام يصيح. هيا هيا إلى الغرفة.

غنى: بخجل. أكول حبيبي. أسوي الدولمة حامضة لو حامضة حلوة؟

فهد: عضيت شفتي. سويها مثل طعمچ. حلوة.

غنى: احم.

فهد: ول يابه. أروح فدوه لهالكعدة. هو كل واحد يسوي دولمة يطلع مغري هيج.

غنى: ابتسمت. شكد ما غزله جريء ومرات يحجي أشعار تفشل. بس أحبه. أحس كلامه رغم بي غير قصد. بس من كلبه طالع. وبكل وقت يغازلني ويمدحني. مو بس وقت حاجته. مثل بعض الزلم. يجيني عنده طريقة بالتعامل يخلي المرأة اللي وياه مستحيل تفكر بغيره. .... فهد.

فهد: يا عمر فهد. شتردين؟

غنى: النسوان اللي جنت وياهن هم جنت تحاجيهن هيج وتتغزل بجمالهن ومفاتنهن؟

فهد: ابتسمت. فاتح باكيت الجكاير. أخذت جكارة ورثتها. .... بهدوء. ليش؟ منو كالج أني جنت أتغزل بجمال أو مفاتن؟

غنى: لعد شجنت تسوي؟

فهد: حبيبي. ما أريد أغثچ. بس خلي أجابچ. جاني تعرفين أني عندي نوع من السادية. أو بالاحرى أني أصلاً عنيف وجدا. ومن جنت ويه ذني النسوان جنت أهينهن وأضربهن وأخليهن يسون اللي أريده. آخذ حاجتي وأطلع. لا أتغزل ولا أحجي حجي حلو. ولا بطيخ. الحجي الحلو والغزل والشعر وغيرها. بس وياج حبيبي. لأن أحبچ. وكلشي بيچ يعجبني. ومن أتغزل بمفاتنج وأتلمسچ وأتقربلچ. لأن تعجبيني وأحبچ. مو بس للحاجة. ولو أنتِ تجبرين أكبر واحد يتخبل عليچ بأسلوبج واخلاقچ اللي حاضرة حتى بالنومة.

غنى: وخرت شعري عن عيوني وابتسمت. لعد ليش كل النسوان كاتلات نفسهن عليچ؟

فهد: أخذت نفس من الجكارة. على حساب خبرتي يروحي.

غنى: أباوعله من يذب الدخان ويصير داير مدايره يطلع يجنن. شلون يعني؟

فهد: حبيبي. ذني يحب الرجال اللي يحكمهم. حتى بالنومة يحبن اللي عنده خبرة بالتعامل. مو فاهي. ما أحب أمدح نفسي. بس للأسف الخبرة المطلوبة موجودة عندي. لهالسبب مستقتلات. بس كلهن زبالة عندي. مجرد أدوات لا أكثر. إلا أنتِ. روحي ومرتي المابدلها بالدنيا كلها.

غنى: ابتسمت. أروحلك فدوه. يا أحلى وأحسن رجال بهالدنيا. دزيتله بوسة بالهوا. ورجعت أكمل الدولمة. وكلبي مرتاح. كملتها وكمت أسويها. سمعت فهد يخابر وصوته علا شويه. عفته يكمل مكالمته. وكل اللي أسمعه أني شكو؟ أني شعليه. طلعت لكيته ساكت. شبيك حبيبي؟

فهد: خابرني منذر.

غنى: خير. شبي؟

فهد: باوعتلها. فيصل كاتل سعاد وماخذها لاهلها. واخوتها ذابيها بالشارع.

غنى: يااا.

خابرني منذر.

غنى: خير؟

فهد: باوعتلها. فيصل كاتل سعاد وماخذها لاهلها وذبيها بالشارع.

غنى: يااا... ليش؟

فهد: حسب اللي فهمته من منذر، فيصل ما كان يدري بيها باعت قطعة الأرض مالتها. ومن درى، تعارك وياها، كايمة تافلة عليه وضاربه. مرجع لها الضربة. وكد ما مأذيها، مكسر سنونها. تالي من شافها تخربطت، أخذها لأهلها. ومن شافوها أخوتها، طردوها وما استقبلوها. كلولها: "جفينة شرج ومالج علاقة بينه، مالنه خلك ابن رجلج".

غنى: عزّه بعينه وكسر بأيده كون. اكو واحد يرفع ايده على أمه؟ لو مهما تسوي وتفعل، تبقى هي اللي جابته وتعبت عليه. خاصة هو من دون الكل، مخليته من أهم أولوياتها. تالي يضربها ويطردها على حساب شي هو أصلاً ماله حق يتدخل بيه.

فهد: مو قطعة الأرض هاي، هي مشتريتها من أيام أبوي ولحد الآن تدر عليها فلوس. تالي جيت أنا خليتها تبيعها غصبًا ما عليها.

غنى: ليش سويت هيج؟

فهد: حتى أخليها تتندم لأن لعبت وياي. كعدة العشائر اللي سويتها مو على حساب الفلوس، لا. على حساب أخليها تبيع الكاع اللي تعبت عليها سنين وتحس بإحساسنه. من احترق المعمل وهسه صفت خاليه، لا بيت ولا ملك ولا فلوس. خلي يفيدها حقدها. هسه صفت بالشوارع.

غنى: لهالدرجة حاقد عليها؟

فهد: وأكثر. غنى وأكثر. الشخص الوحيد اللي أكرهه لدرجة إنه أتمنى الراحة متزوره ولا تدك بابه، هي سعاد. على القهر والضيم اللي شفته منها من فتحت عيوني على هالدنيا ولليوم.

غنى: كعدت بحضنه، مسحت على لحيته. لتتشمت بيها حبيبي. سلمها لله وكول: "حسبي الله ونعم الوكيل"، وهو ياخذ حقك منها. ترى الشماتة متجوز وترجع عليك.

فهد: حضنتها. مو مشمت، ومسلمها لله من زمان. وانتظر أشوف شراح يصير بيها.

غنى: ونعم بالله. زين، منذر ليش خابرك؟

فهد: يريدني أستقبلها. ورفضت. بعد سوايتها، لو تموت متعتب باب بيتي.

غنى: لعد ليش منذر مياخذها لبيته؟

فهد: ماموجود ببيته. ذاب مرته وجهاله عد أهلها وكاعد يرمم بالبيت. وصايرة ليصة يمه بناء وعمال. وين تكعد؟

غنى: تنهدت. وهسه شلون، وين راح تروح؟ خوما تبقى بالشارع؟

فهد: لا. خذاها منذر لبيت جدي علما يكمل بيته ويجيبها يمه.

غنى: بيت جدك؟! ومعقولة استقبلوها؟

فهد: للأسف أي. أهل أبوي ناس فطر وقلبهم صافي. أبد ما يحقدون على أحد. وتلكيهم من شافوها صفت بالشارع، خلوها عدهم. وهاي سوالف عمامي. الحجية أكيد ما قابله، بس يكولون عمامي: "تبقى مرة، خوما ننيمها بالشارع".

غنى: الله ينطيهم على كد نيتهم النظيفة وكلوبهم الصافية. هاي لو واحد غيرهم ميقبل حتى يستقبلها. بس عمامك بينوا شكد همه ناس طيبين.

فهد: هزيت راسي. أي.

غنى: تلمست شعره. شبيك حبيبي؟ ليش أحسك ضجت؟

فهد: كلما أقول خلص سعاد ورقة واحتركت وطارت من حياتي، أكتشف بعده رمادها ملاحكني. كلما أقول انمحى من حياتي شي اسمه سعاد، ترجع تظهر مرة ثانية. شكلي ماراح أرتاح منها.

غنى: بس هي هسه مو يمنه وبعيدة عنه، ليش شايل لها هم؟

فهد: قندرتيش وأشيل لها هم. بس ضايج لأن جنت مرتاح وبالي صافي، تالي طلعت لي نعال خربت كل مزاجي.

غنى: وهو كل اللي يخرب مزاجهم يصيرون هيج؟ ياخذون العقل.

فهد: ابتسم بهدوء. شتكولين أنتِ؟

غنى: أقول محد يطلع يجنن بكل حالاته غيرك.

فهد: بست ركبتها. أموت عليج.

غنى: شديت على حضنه. أني اللي أموت عليك يا عمري أنت. سمعت صوت موبايله. ابتعدت. أباع لها. جاوب وصوت مرة بالموبايل.

فهد: صوتج لتعلي. واحجي عدل. لا أفرك حلكج بالنعال. (عفوًا)

ليلى: ارتاحييييت هسه من خلييييت خوالييي يستعرون من امييي ويذبوهااا بالشارررع. فختتت هسه بررررد كلبك وطاب حقدك؟ لو بعددده. هاي امي راااح تنجلط وتموووت من وراك.

فهد: يطبج مرض انتي وامج. وعساكم بنار جهنم. أني شكو؟ شنو مخلفكم وناسيكم. ولسانج لزمي. لا أنعل والديج بيج. خير وزود جان استقبلتيها أنتِ؟ مو جايه تصير قندرة جبيرة براسي.

ليلى: لو بأيدي استقبلهاااا واحطها ببطن عينييي. بس بيتييي ميكفينييي يادوب مكفيني اني وجهالي وعمتييي.

فهد: هاي الأعذار قنعي بيها روحج. أني مالي خلك. الموضوع ميخصني. تخليها عندج. عد منذر. بالشارع. بالحمام. أني شعليه. شنو أمكم لو أمي؟ نقطة راس سطر. مشاكلكم الشخصية ويا أمكم خلوني بعيد عنها. لتخلوني حتى الأخوة اللي بيناتنه أنساها. وأنعل الساعة السودة اللي فكر بها أبوي يخلفكم.

ليلى: شنو شعليك؟ مو أنت اللي طردتها وفضحتها بالعشيرة. من وراااك امي رايحة لأقاربها وطارديها من الباب. من وراك بعد محددد يريدها وصارت منبوذة. وفوك هذا فيصل السافل كاتلها وكاسر سنونها. يعل بأيده الكسر. وبتول تزوجت بدون عرس وتفشلت كدام أهل رجلها. كل هذا صار بسببك انت. الله لا يسامح. لا انت ولا مرررتك هاي الحية أم راسين تمشي وتذب سم علينه.

غنى: كاعدة وأسمع حجيها لأن الصوت عالي وهي تصيح. كلبت الدنيا. وفهد طكن عروكه عالنات عن عصبيته. بس الفاجئني رده البارد.

فهد: أولاً، مو أني اللي كلت لأمج تحرك المعمل. ولا أني اللي كلتلها تلعبي بذيلج وياي. هاي نقطة. نقطة ثانية، بتول راحت عرسَت. شسويلها إذا هي مفلفلة على ال***. خلي تشبع بي. أني شكو؟ ونقطة ثالثة، ديربالج تجيبين طاري مرتي على لسانج. لأن راح يكون لي تصرف ثاني وياج. خوش. وهسه يله روحي. لأن مشغول وما فارغلج.

غنى: أباع له. سده. شمر الموبايل ووجهه مكلوب. ليش جاوبتها هيج؟

فهد: تعلمي شغلة. تردين تموتين واحد بعز عصبيته، جاوبي بأسلوب بارد ومستفز. راح تخلي يشيط للسما. وهسه كومي من حضني ولتتقربي لي أبد. راح أروح أنام خوش. لحد ما أهدأ ياله.

غنى: لزمت إيده. وإلى متى تظل كلما تصير عصبي تقفل على نفسك وتكعد؟

فهد: مسحت على ظهرها. حبيبي، هاي أحسن طريقة. تخيلي محافظ على هدوئي. ما أريد أصيح وأتعصب وتصيرين أنتِ بوجه المدفع. خلي أهدأ وأجي أنام بحضنج ونكمل يومنه مرتاحين. ما أريد أخرب هالايام. لأن حيل مستعز بيها. ومو دائماً يصح لي أرتاح هيج. بست شفايفها. وشلتها. موخرها من حضني. كمت دخلت للغرفة. ذبيت روحي على الجرباية حتى أنام.

غنى: عفته براحته. يمكن فعلاً هذا أحسن حل حتى لتنتلف أعصابه. يعتزل شوية حتى يهدأ. كمت دخلت للمطبخ. نصيت النار على الدولمة حتى تستوي براحتها. طلعت للصالة. أخذت موبايلي. داكه على أنغام. صار هواي ممخابرتها. جاوبتني من أول رنة.

أنغام: الوو. هذا رقم غنى لو أني غلطانة؟

غنى: ابتسمت. أي، هاي أني.

أنغام: اليوم الشمس منين طالعة ولج؟ بذاته هيج شهر متفكرين تسألين عليه؟ أو حتى تكولين مرت حمايه واختي أسأل عليها.

غنى: حبيبتي والله حقج عليه. بس تعرفين الي صار. التهيت وما كدرت أخابر أي أحد.

أنغام: إشاقة وياج حبيبتي. قابل شرييد منج أني؟ والله لأن أحبج وأعتبرج مثل أختي. أعتب عليج.

غنى: حبيبتي فدوة لكلبج. والله حتى أني أحبج. والعتب على كد المحبة.

أنغام: أي والله.

غنى: شلونه سالم وشلونها رفوله؟ والله مشتاقتلهم.

أنغام: والله موتوني. هاي أني صار لي خمس تيام عد أهلي. خبلو الوادم. سالم كل ساعة كاتل جهال أخواني. وهاي رفل كلما تشوف أبويه تتفل عليه. والرجال يمسح وجهه ويسكت.

غنى: ضحكت. هههه. ليش؟

أنغام: علمي علمج. تتخبل منه. وهو سودة عليه مداريها ويموت عليها. بس هذا حظه. وهي ولا كأنها فصمة. حتى سنة بعدها ما صايرة ووكحة. شلعت كلبي.

غنى: بعد كلبي والله مشتاقتلها هي وسالم. صار هواي مشايفتهم. زين منذر شلونه؟

أنغام: منذر سالفته سالفة سودة عليه. شحاله. من ترميم البيت للمحاضرات مالتة. تدرين بي ياخذ سادس ويدرسهم. هاي من غير المشاكل. أكيد حجالج فهد.

غنى: أي سولف لي. وتفاجئت بصراحة. متوقعت فيصل هيج يسوي.

أنغام: حقير وسافل. ولج ماشفتها. سنونها متكسرة وحلكها ملتهب. كوه تحجي. لأن هالحقير مو غالط عليها. كايمة ضاربته وتافلة عليه. كوم اركع راسها بميز الطعام والميز خشب. مكسر سنونها وشاك حلكها. خطية خذاها منذر للمستشفى. مضمد لها لثتها ومنطيها مسكنات.

غنى: زين أنتِ وين شفتيها؟

أنغام: من ذبوها أخوانها. مخابرة منذر جاي عليها ركض. جابها لبيت أهلي. لأن وين يوديها؟ خلاها عدنه. وراح لبيت الحجي علي يحاجي الحجية تبقيها عدها. بس مدة حتى يكمل البيت ويجيبها تعيش يمنه. ومن حركت كلبه، خابر فهد يحجيله. لأن مات من القهر. والمن يفضفض؟ سودة عليه.

غنى: تنهدت. رغم كل سواياتها. بس والله انقهرت عليها. يعني مو سهلة واحد يضرب أمه. خاصة هو تحبه من دون الكل.

أنغام: من عبنه حقير. جانت تشيل بهالفلوس والذهب وتبيع وتنطي. عادت حتى أختها. لأن ما قبلت تنطي بتها اله. تالي خوش جازاها. ولو هذا عقاب من الله. جانت بطرانه على فهد وعيشته كلها. الله. أوكفي لي. خلي أحطج عد فيصل وتشوفي.

غنى: هي عمت على نفسها. فهد جان مداريهم مثل المي الي بالصينية. ومو لأن رجلي أحجي هيج. بس ما فديوم سمعته حاسب على شي. لا على أكل. لا على شرب. لا على لبس. عايفها براحتها تتصرف. بس تالي أذته برزقه. وحركت شي معيش عوائل كومة. وكل هالعوائل خطيتهم بركبتها.

أنغام: أي والله. فهد ما قصر ويانه كلنه. كد شعرايه. والله أتذكر بيوم اللي جان يجي نهاية الشهر ومنذر يخلص راتبه ويضل ياكل بروحه. يشيل فهد أوراق وينطي. من غير الألعاب والملابس اللي بكل طلعة يطلعها. يذكر جهالي وجهال فيصل. حتى جهال ليلى مينساهم. بس همه الله يهديهم. مدري شبيهم.

غنى: تنهدت. الحمد لله والشكر على كل حال. أهم شي الصحة.

أنغام: أي والله.

غنى: ضلينا نحجي شوية وسديته. مسحت على وجهي. سودة عليه فهد دومه مشلوع كلب من وره سعاد وجماعتها. على كوله ورده. حبيبتي ورده تكسر الخاطر. طلعوا ظالميها بالتصحيح. وطلعت إكمال بالأحياء. وتكول أروى: "شحالها صارت؟ خاصة هي كولش شاطرة. صحيح تبين ممهتمة. بس هي شاطرة". وهالشي لاحظته من درستها. بس فهد مسكت. قدم اعتراض للتربية. ورجعوا صححوا دفترها. وطلعوا فعلاً خطأنين بالتصحيح. خالينها 35 وهي ماخذة 97. شوف الفرق بغبائهم هذا وعدم مسؤوليتهم. هاي دمرت مستقبل كومة طالبات. تنهدت. داخله للمطبخ. طفيت الكدر. حتى واهس للأكل بعد ماكو. وكفت أسوي مقبلات من الملل. كملت. أباع للساعة. بـ 8:30. خلي أكعده يصلي حتى نتعشى. لأن حتى صلاة ما مصلي. غسلت إيديه ورحت للغرفة. فتحت الباب ودخلت. أباع له غافي. ميهون لي أكعده. بس إذا ظل نايم يضل كاعد للصبح. وتتعلعل نومته. تقربت منه. نمت بصفه وحضنته. من وره. أحب أحضنه هيج. حبيبي أكعد. صارت حتصير التسعة وأنت نايم.

فهد: همم.

غنى: حشكت راسي بركبته. جريت نفس وبسته. كوم يروحي. أذن الأذان من زمان وأنت مصليت. وحتى العشة تجهز. كوم حتى تصلي ونتعشى.

فهد: ما أشتهي.

غنى: وخرت منه. مباوعت له. شنو متشتهي؟ يعني أني كاعدة من الظهر أحضر بالدولمة وسويتها مثل ما أنت تحبها. تالي تكلي متريد.

فهد: باوعت لها. حبيبي والله مو جوعان.

غنى: بهدوء. خلص براحتك.

فهد: أجتي تكوم. جريتها عليه. كرصت خدها. هسه أكوم. كل شي ولا الكيمر يضوج.

غنى: ابتسمت. كايمة. يله. انطيني إيدك.

فهد: تكدرين تكوميني؟

غنى: طبعاً.

فهد: أنطيتها إيدي. يله فنج.

غنى: لزمت إيديه. أجر بي. شو هذا مينجر؟ سحبته حيل وهم ماكو. على نومته هاي شنو؟ ليش ميتنجر؟

فهد: ههه. كتلج متكدرين.

غنى: لا أكدر. بس أنت سمنان. أي سمنان. تعال شكد وزنك وطولك حتى أسويلك رجيم. شثكلك.

فهد: ضحكت. طولي 185 و وزني 85. جسمي مثالي. يافاهية.

غنى: لحظة. مستحيل. أنت 85؟ ممبين عليك.

فهد: كعدت. أي صحيح. مو وزني ماخذه بطولي. وأني طبيعتي عظمي خشن مو ناعم. إضافة إن شغلي يبني جسمي. باوعت لها. يله بيج خير. كوميني.

غنى: لزمت عضلات إيده. يعني الشرطة هيج تسوي؟

فهد: لا حبيبي. الملاكمة.

غنى: فتحت عيوني. ملاكمة؟

فهد: أي. قبل فترة مو قصيرة. جنت داخل معهد ملاكمة على حساب شغلي. وهالشي أضاف لجسمي بنية عضلية أكبر.

غنى: أكول ليش انفصخت إيدي هذاك اليوم. باوعت له. أني أنسحب. يله كوم أنت.

فهد: ضحكت. كايم. بست خدودها. يله تعاي.

غنى: أباع له. فعلاً من هدأ رجع مثل الأول. ابتسمت. ماشية وهو ورايه. دخلت للمطبخ وهو راح يتوضى ويصلي. حضرت الزلاطة والمقبلات. وطلعت دولكة. خليت بي مي. أدري شكد يدقق. وإذا لكى شي ناقص يزفني خوش زفة. جهزت كل شي. وأخذت سفرة. فرشتها بالصالة. لأن حارة الدنيا مو مال نكعد بالمطبخ. نقلت كل شي. بقة بس يكمل حتى أصُب الدولمة. انتظرته يكمل حتى نتعشى. كمل واجه للمطبخ.

فهد: شهالريحة؟ خرب يومج تدوخ.

غنى: ابتسمت. يله هسه أصب. أخذت صينية صغيرة. لأن أحس الدولمة متطلع طيبة إذا متنصب كلها بصينية. والبخار هيج يطلع منها يصير منظرها يجنن. أخذت صينية خليتها على الكدر.

فهد: تدبريها لو راح تفشلين روحج؟

غنى: باوعت له. ما عيب. كلبت الكدر بالصينية. شوف.

فهد: عفيه عفيه بمريتي النادرة الفاهية.

غنى: شلت الصينية ومشيت. بسيطة. أني أعلمك. مادام فاهية بعد ممنوع بوستي ولا تحضني. أشبط المخده ونام.

فهد: كرصت خلفيتها. نزت. أم ال..... همزين بس ألزمج تخدرين. وراسج من رجليج متندلي. بعد ممنوع. أم الممنوع.

غنى: يمه والله فزيت فزة. عززه فهد. شهاللفظة هاي.

فهد: ما كلت شي. هاي الحقيقة.

غنى: عيب يا حبيبي عيب. أنت شنو لسانك؟ وبعدين لو واقعة الصينية هسه من إيدي ومتبدي الأكل شنتعشى؟

فهد: غمز لها. كل الي يحبه كلبج.

غنى: سكتت. ولا يتوب. طلعنا كعدنا بالصالة. تربعت وبدينا نتعشى. أباع له. مد إيده رافع دشداشتي. هاي شنو؟

فهد: حبيبي حارة الدنيا. كلت أرفع دشداشتج حتى تتهوى. زرورج.

غنى: ضحكت بصوت عالي. وهاي أول مرة أضحك هيج. بس سوالفه تجبرني أضحك. ههههههههههه.

فهد: هاي ضحكة الـ... منين تعلمتيها؟

غنى: هههه. عززه فهد. شهالسوالف هاي؟ مو كاعدين على النعمة؟ متبطل أنت.

فهد: بهدوء. لا ما أبطل. وأنتي تعرفين. ضكت الدولمة. غمضت عيوني. احتركو واشتعلوا بكاز.

غنى: عجبتك؟

فهد: كلش. شوفي. أني من سافرت لتركيا. أكلت دولمة عدهم. بس شنو من دولمة؟ خيال. بيومها جزمت إن أطيب دولمة بالعالم تتسوى هناك. بس اليوم لا. أسحب كلامي.

غنى: سبع عوافي حبيبي.

فهد: وكلتها على كلبج حبيبتي. صدك عاشت إيدج. نفسيتج بالاكل تجنن.

غنى: ابتسمت. تعشينا بهدوء. وكالعادة لازم نتناقش. أحلى ما بعلاقتنه أني وفهد إنو أحنه أصدقاء. ومبيناتنه قيود. وهذا الي يريحني. إنو فهد ميتقيد كدامي ويتصرف على طبيعته. ومثل ميحب. بحيث الي يشوفه هسه ميصدك إنو هذا نفسه الضابط الشايف نفسه. والي رافع خشمه وميتحاجه. هيج طبيعته بالحقيقة. أكول حبيبي.

فهد: بهدوء. ها حبيبي؟

غنى: شوكت نرجع لبيتنا؟

فهد: بيتنه؟!

غنى: أي بيتنه. ليش؟

فهد: ابتسمت. عجبتني هالحجاية. وبالنسبة للرجعة، بس نكمل عشة. أخابر غانم. وإن شاء الله يطلع كلشي تمام. وينزل الخطر عنه. حتى نرجع لحياتنه الطبيعية.

غنى: إن شاء الله. والله أني لازمة كلبي وخايفة عليك. من يوم الي سولفت لي. أخاف يعرفوك أو يشكون بيك.

فهد: لتخافين. كتلج سابقاً. أني أكثر ورقة رابحة بقسم الاستخبارات كله. مو بسهولة يفرطون بيه. أني والي وياي.

غنى: شمعنى أنت بالذات؟

فهد: لأن ما أخاف. وكلها تعرفني. أي قضية توكع بأيدي ما أعوفها إلا أكملها. عكس بعض الضباط اللي وياي. يحاولون مرتين ثلاثة بعدين يأيسون. ويقدمون على انسحاب. ويسلمون القضية لغير ضابط. أني لا. ألأبدي بيه أكمله. ولهالسبب كدرت بفترة مو كلش طويلة أثبت جدارتي بشغلي.

غنى: ابتسمت. أني فخورة بيك. وهوواي هم.

فهد: خلي نكمل عشة. وأسويلج شي يخليج تفتخرين بيه أكثر.

غنى: يمه منك توبة. بعد ما أحجي.

فهد: ههه. دعوفي النومي وأكلي.

غنى: ماشي. تعشينا وكملنا. كمت شلت المواعين. سويت جاي ووكفت أغسلهن. كملت وعزلت المطبخ. صبيت جاي النه. وطلعت. أنطيته جايه وكعدت. شربنا جاي وكعدنا للـ 12. وكمنا للغرفة. فتحت كنتور فهد. لأن ما عندي ملابس. لبست قميص نوم من الي جابهن فهد. مستور نوعاً ما. واجيت تمددت.

فهد: ورثت جكارتي. ماشرت على صدري. تعاي هنا.

غنى: ذبيت الروب واجيت. نمت على صدره وحضنته.

فهد: بست كصتها. طبعاً شفتج اليوم كلشي ما أكلتي. كضيتيها تنتقش. لازم أركز على أكلج. أريدج تسمنين.

غنى: باوعت له. ليش؟ أنت مو تحجي على اللي يحبون السمان؟

فهد: أخذت نفس من الجكارة. نافخة بوجهها. حبيبي اكو فرق بين إنه أريد صحتج تصير زينة. وبين إنه أسمنج. وبعدين أنتِ ما عا يزج شي. بس يرادلج شوية صحة. لأن كلش ضعيفة. خصرج محبس إيدي تلتف عليه. ميصير هيج صحياً. مو زين هيج.

غنى: والله خطية. المرأة العراقية حارت. تسمن كلتو ضعفي. ضعفت. كلتو سمني. شلون بله؟ هسه نسمن لو نضعف؟

فهد: ضحكت. حبيبتي الناس أذواق. اكو زلم يحبون الضعيفة. وأكو زلم يحبون السمينة. والأغلبية يحبون السمن. لغرص أحجيلج عنه بعد شوية.

غنى: زين أنت شتحب؟

فهد: أني ما أحب لا هذا ولا هذا. كل شي معقول. أحبه. وما أعرف إذا لحسن أو لسوء حظي. مريتي كل شي عندها يتجاوز المعقول.

غنى: بهدوء. شلون يعني؟

فهد: يعني أنتِ هسه كل شي عندج عابر الشي المعقول. بياضج، حدت وسواد عيونج، طول شعرج، نظافتج، ترافتج، فهاوتج، برائتج، جمالج، حجم أذاناتج. كل شي زايد عندج. ماكو شي معقول.

غنى: يعني شسوي قابل أني خلقت نفسي؟

فهد: لزمت إيدها. تعاي نتفاهم. هذا لون جسم إنسان طبيعي.

غنى: ليش شبي؟

فهد: وين اكو واحد هيج لون بشرته؟

غنى: والله أني أشوفها عادية. بس الناس بس تنتقد وتعيب. ساعة يكولون جنج بيضة مسلوكة. ساعة يكولون جنج قطنة. مع إنو أني مخالقة نفسي. والحمد لله على الصحة. قابل أروح آكل الله. ليش خلقتني هيج؟

فهد: خليت إيدي بصف إيدها. تصدقين. مع إنو أني مو أسود. بس من ألزمج لو أحضنج أحس روحي أسود.

غنى: شابكت إيدي ويه إيده. وبستها. صحيح مزنجر. بس أحبك.

فهد: خو أنتِ اللي تحارشتي. دتشوفي هالمزنجر شراح يسوي بيج؟ كلبتها ونمت فوكها.

غنى: توبة. أسفه والله توبة.

فهد: دخلي أعاقبج. حتى تبطلين. جماله لابستلي أحمر. دتحملي. أبو قاسم كعد من وره سوالفج. مديت إيدي جوه هدومها. كرصتها.

غنى: كام يكرص. آآآه فهد. والله جسمي يوجعني. ههههه. لااااااا. فهدددد. إيدك. والله العظيم متستحيييي أنت.

فهد: ههههه.

____________________

صباحاً.

محسن: صباح الخير.

ياسمين: وخفه لهالوجه. شبيك ولك؟

محسن: عود شنو معناها؟ أبويه وعمي جابوا سعاد لهنا.

ياسمين: اسكت ولك. كلبي مجمر وما أكدر أحجي وأكسر بحجاية أبوك وعمك.

محسن: يعني ماكو هيج صلافة. فوك ما حرقت المعمل وخلتنا نتلاطش أشهر وحلكنه يابس. هسه جايه تبقى يمنه.

ياسمين: كضت عمرها تكتل الواحد وتمشي بجنازته. ولا كأن مسوية شي. متشوفها قبل شويه نزلت ويه أمك ومسويه الوضة عادي.

محسن: عجيب والله عجيب. أني لو منها بعد هالسواية وجهي بعد ما أراوي. بس هي ذرة مستحة ماعدها. جماله ابنها ملخها تملخ بالبارحة. وأخوتها طردوها. وهي ولا كأن.

ياسمين: إن لم تستحي افعل ما شئت. هاي بايعه ومخلصة. لا تحس ولا تهتم.

سامر: صباح الخير.

ياسمين: شبيكم كالبين وجوهكم. اللهم صباح خير.

سامر: حجيه مو وضعية هاي تره.

ياسمين: شكو ومرض بوجهه العدو. شبيك مطنكر؟ بس لا حساب سعاد؟

سامر: لا مو بس على حساب سعاد.

محسن: لعد شبيك جنك نعال مكلوب على وجهه.

سامر: اسكت عني أنت. متزوج ومرتاح. سمعي حجيه. أني بعد ما أتحمل. أريد أعرس. ولتكليلي وره عرس شهد. هاي تتعزز ووجها جنه مداس. وتريدني أنتظرها؟

ياسمين: هوب هوب ولك. منيه الوجها جنه مداس؟ شهد إذا تحجين عليها إشكك شك. خاف عبالك. وبعدين منو لازمك متعرس؟

سامر: وهالمشاكل هاي.

محسن: شعليك بالمشاكل؟ عرس يمعود. تره إذا طولت فهد يفركش. تدري بي يكرهه الجر والعر.

سامر: هي هاي العايزة. فهد يفركش. حتى أنتحر. هو أني ما عولت.

ياسمين: هاي منو كلكم فهد يفركش؟ لا بالعكس. أصلاً من حاكيته كال براحته. وبعدين ياريت يطولون. ما أريد أختي تروح بهالسرعة. قابل مثلكم عوزكم شوية وتركعون شهد جلاق وتنطوها لحارث.

محسن: لا والله حجيه. بس شهد عمت عليهم كلهم. خطبو و زواجهم متوقف على عرسها. هي وذاك المطي.

سامر: أني والله تعذروني. اتفقت أني وعلي منا لشهر نتمم كلشي ونعرس سوه. واليوم إذا رجعوا من البصرة. نروحلهم حتى أحاجي فهد أني وعلي على هالموضوع.

ياسمين: ليش علي مو فاصخ؟

سامر: لا حجيه. يا فاصخ. حاجة البنية وراح يبدون يجهزون للعرس. وين نايمة أنتِ؟

ياسمين: والله يايمه على هالمشاكل راسي من رجلي ما كمت أندله. تنهدت. بالخير إن شاء الله. استعجلو وعرسوا. لتطلع لنا سعيدان بشغلة ثانية.

سامر: حتى اسمها وأخلص العالم من شرها. كافي جزعتنه. يله من رخصتكم. أروح للمستشفى.

ياسمين: الله وياك. دير بالك على روحك يمه. وانت ليش كاعد متكوم؟

محسن: كايم والله. كلما أشوف حال المعمل أموت قهر. بس مجبور أوكف بي. أني تدري فهد ماهو. وأبويه وعمي كبروا وميكدرون. يله في أمان الله.

ياسمين: في أمان الله بعد كلبي. ربي برد كلوبهم ورجعهم بالسوق مثل قبل. دخيلك.

_________________________

غنى: واكفة أنشف شعري. وفهد يفتر بطرك الشورت الأسود وشعره المنكع. يخابر المسوؤل مالته ويفشر ويغلط. جماله ميستحي من مسوؤله. بقيت شعري رطب وعفته مفتوح. أباع هم طال. لازم أكصه. بس خلي تصح لي فرصة. كون فهد ماموجود.

فهد: خوش خوش. دخلي أداوم. إذا ما أ.... الخلفهم. أطلع ابن كلب. صبرولي. من عيوني يدللون. ماشي ماشي. يله مع السلامة. سديته.

غنى: شبيك حبيبي؟ ليش تصيح؟

فهد: ذوله الكوا...... الشرطة.

غنى: شبيهم؟

فهد: سالفة طايح حظها. مالج بيها. باوعت لها. صدك باجر الصبح نرجع للبيت. لأن أمي وخواتي يرجعن اليوم.

غنى: أي همزين. خلي نرجع. والله شتاقيت للبيت. رغم هالشقة أموت عليها. بس ماكو مثل غرفتي. أرتاح بيها أكثر.

فهد: حتى أني. ما أرتاح إذا مو بغرفتي. صحيح هنا هم بيتي. بس هالغرفة تخنك. رغم واسعة. بس ذيج متعود عليها.

غنى: أي صحيح. باوعت لها. حبيبي شتريد أسوي غدة؟

فهد: فاصوليه.

غنى: ممنكعتها؟ غير تكلي من البارحة. هسه إذا أنكعها متلحك.

فهد: خلص. سوي اللي تردي.

غنى: خوش لعد حسوي مركة شجر.

فهد: بهدوء. حتى أديرها على راسج. والله هذا الأكل شكثرة. مالكيتي غير الشجر.

غنى: والله طيبة. بس أنت لازك بالفاصوليه.

فهد: تره المقارنة بين الفاصوليه والشجر نفس المقارنة بينج وبين آلاء مرت فيصل.

غنى: شهالتشبيه هذا حبيبي. أشكرك. طلعتني فاصوليه.

فهد: تدللين حبيبي. أقل واجب هذا.

غنى: ابتسمت. داخله للمطبخ. حسوي تبسي. لأن حرت. جهزت الغدة. والتهيت بين البيت والصلاة والقرآن. وفهد هم مكضيها على التلفزيون. لو يتمرن بالبيت. كد ما ضايج. خلص اليوم ركض ركض. وما حسينا عليه. ثاني يوم الصبح. لبست فستاني اللي لبسته بعرس أيهم. وفهد رجع لبس ملابس جديدة. لأن يتعقد يلبس شي ويرجع عليه. مدري منيله هالسالفة. كملت.

فهد: فتحي الحزام.

غنى: مضابته.

فهد: ميخالف حبيبتي. خصرج مبين. ما أريد واحد ينتبه لتقاسيم جسمج. لأن ميجوز. يله فتحي.

غنى: صار. فتحت الحزام وشلته. أصلاً ضميته بشنطتي. وأخذت كل الغراض. راح فهد. تأكد من كولشي بالشفة. وفصل السبالت عن الكهرباء. والغاز عن الطباخ. وطلعنا راجعين للبيت. شفنا حجية أشواق. كالعادة جايه هي والحجي. تقربت منها. شلونج حجيه؟

أشواق: حضنتها. يا نونه بعد كلبي. شلونج؟

غنى: بابتسامة. حبيبتي حجيه الحمد لله. أنتِ شلونج؟ والله مشتاقلج.

أشواق: تشتاق لج العافية. والله دائما بسيرتج أني والحجي. وكلما أريد أسأل عليج أنسى.

غنى: ابتسمت. شلونك عمو؟

فهد: هله بيج بنيتي. ربي يحفظج. شلونك ابني فهد؟

فهد: أهلاً بيك حجي. شلونج حجيه؟

أشواق: هله بيك وليدي. تعالوا تغدوا يمنه.

فهد: رحم الله والديكم. متقصرون. يله من رخصتكم. أخذت إيدها وطلعت. تذكرين من درى سوت بيج دكة ناقصة ومثلنة؟

غنى: أي أتذكر. بيومها جذبت وسويتني حبيبتك. وأني ضربني ثول.

فهد: شديت على إيدها. بس هسه أنتِ فعلاً حبيبتي. مو؟

غنى: ابتسمت. صعدنا راجعين للبيت. الطريق كله أباع للشوارع. وكأني أشوفها أول مرة. يمكن محد يصدكني. بس من الراحة اللي أني بيها. أشوف الدنيا وردية وتجنن. وصلنه للبيت. وره ساعة. لأن العمارة بعيدة. صف فهد السيارة ونزلنا. دك الباب. توقعت الجهال يفتحون الباب مثل كل مرة. بس هالمرة فتحتها ورده. الي أول ماشافت فهد حضنته.

ورده: شلونك؟

فهد: هله بالسبعة. هله اللي بيضت وجهي وطلعت معدل عالي.

ورده: لعد شعبالك؟ ورده أني. نونه ياعمري شلونج؟

غنى: حضنتها بقوة. هالبنية أحس روح مروان بيها. فأحبها هواي. بوستها. شلونج؟

ورده: والله مشتاقلج. وكمت أبجي عليج من رحتي.

فهد: سديت الباب عن اللواكة. يله خلي ننطب.

ورده: تعال. منطيتني هدية.

فهد: طاحظج. خلي أطب وأطيج اللي تردي.

غنى: دخلنا جوه. وخاله وأروى طلعن بسرعة.

إيمان: هله هله يمه بنيتي. ستوه نور البيت. والله.

غنى: بوستها. منورة بوجودج خاله. ابتعدت حاضنة أروى. يربي شكد مشتاقتلها هي و ورده ونرجس.

أروى: أم وجه الفاهي. على كولة فهد. هيج تسوين بينه.

غنى: ابتسمت. مقبولة منج.

أروى: حقيرة والله. دمعتي مانشفت عليج. عبالي صاير بيج شي.

غنى: بهدوء. أسفه.

فهد: تره أني صار لي خمس تيام غايب.

أروى: هههه. أنت نور البيت حبيبي.

غنى: أباع له. شلون يحضن ويبوس بأمه وخواته. أحب حنيته عليهن. وأعتقد لهالسبب هن يموتن عليه ويعزنه. هو ومنذر أكثر من علي وفيصل.

إيمان: روحوا يمه بدلو وارتاحوا. حتى نتغده سوه. والله صار هواي ما ملتمن.

غنى: صعدنا فوك. فتحت باب الغرفة ودخلنا. أباع للغرفة. اكو شي بيها ناقص. باوعت لفهد. الطبله الزجاج وين؟

فهد: فتحت قميصي من وره. وحدة كسرتها.

غنى: لتكلي جروح إيدك من وراها.

فهد: هزيت راسي.

غنى: صدك تحجي؟ اكو واحد يفلش شي بأيده؟

فهد: جنت محتاج أفرغ الي بداخلي. وماكو غير هالطريقة. عوفج من هالموضوع. لأن ينرفزني. خلي نبدل وننزل. مشتاق للحديقة. وصار هواي مامعتني بيها. خلي أطلع أشوف ورداتي وشجراتي شخبارهن.

غنى: بهالحر؟

فهد: أي. ضايج. وين أروح؟

غنى: رحت بدلت. لبست دشداشة وردية وزركة. وأخذت شالي. ونزلت. البيت وحشة بدون الجهال. متعودة على صوت أحمد وزينة وسالم.

إيمان: تعاي احجي لي شسويتي ماسويتي بذيج الفترة.

غنى: كعدت بالمطبخ أني وخاله. وأجن البنات. بديت أحجيلهن على بيت جدو. وخاله إيمان فهمت إن فهد ميقبل نتطرق للموضوع الأساسي.

أروى: يعني أهل أبوج طلعوا حبابين؟

غنى: ورده ورده.

ورده: ها هااا.

غنى: دمغتها. ضاحكة. ولج بطلي سوالفج.

إيمان: كعدي ولج. زين الحمد لله من طلعوا خوش ناس. بس الي فاجئني زمرد طلعت عمتج.

غنى: أني هم تفاجئت من دريت. متوقعت يصادفني هيج شي.

إيمان: ذكرتيني بأخويه محمد. سودة عليه. جان يموت على عمتج ومدللها دلال. لأن جابوها اله صغيرة عمرها. يمن بحدود 14، 13 سنة. وهي بطبعها هادئة. وصوتها مينسمع. المهم بقة وياها مدري جم سنة. واستشهد بالحرب. بعد كلبي مات وهو عمره 23 سنة. كلشي ماشاف من هالدنيا. بعز شبابه. وودعنه. حتى طفل ما صار عنده. حتى يشيل اسمه. مات وانطفى اسمه ويا.

غنى: أباع لخاله إيمان. بجت. خطية شكد حساسة.

أروى: ليش البجي يمه؟ الله يرحمه.

إيمان: بدموع. تذكرته حبيبي. جانت ضحكته رنانة. وشحلاتها. المنطقه كلها تعرف بمحمد. أبو كلب الطيب. أبو ضحكة الحلوة. تالي هالوجهه الحلو خذاه التراب.

غنى: الله يرحمه خاله. هم السابقون ونحن اللاحقون. شكد بجينة على أمواتنه ومارجعوا.

ورده: أوي يمه شبيجن كلبتنها مناحة. هاي عود أحنه فرحانين لأن خلصنه من سعاد وشيلتها.

أروى: حبيبتي وراج وراج. متخلصين منها.

ورده: والله حتى أني ما مرتاحة. أحس راح يصير شي.

غنى: اسم الله. لتحجن هيج. كمت أساعد خاله بالغدة. والبنات راحن يعزلن البيت. واكفة أثرم البصل حتى أحمسه وأخليه فوك التمن باكله. وهم حسيت بدوخة. لزمت الطباخ.

إيمان: شبيج يمه؟

غنى: دوخت.

إيمان: شجاج يمه؟ دتعاي كعدتها. وانطيتها كلاص ماي.

غنى: شربت كلاص مي. وأحس بدوخة فضيعة. بحيث راسي ينبض من الألم.

إيمان: شبيج يمه شجاج؟

غنى: ما اعرف خاله. هاي رابع مرة أدوخ. أباع لها. صفنت. شبيج خاله؟

إيمان: بس لحظة. أنتِ الشهرية شوكت آخر مرة أجتج؟

غنى: من زمان.

إيمان: ولج خاف حامل.

غنى: باوعت لها. ها؟ حامل؟

إيمان: أي ولج. خاف حامل. خلي نسوي تحليل ونتأكد.

غنى: لزمت بطني. معقولة؟ أطلع أني حامل؟

إيمان: لتصفين يمه. فهد قبل لتروحين لبيت جدج تقربلج قبلها بمده.

غنى: هزيت راسي.

إيمان: ومن ذاك اليوم لليوم ما تقربلج بعد؟

غنى: ابنك ميتقرب. صدوك تحجين؟ والله شكلج متدرين. السيد فهد باليوم جم مرة يريد. لا والاسطوانة الجديدة. كل شوية وكال أبو قاسم يكول. يله.

إيمان: شبيج؟ صفتني. عذريني يمه. لأن تدخلت بخصوصيتكم. بس غرضي أتأكد من حملج. والله.

غنى: احم. لا خاله. تقرب.

إيمان: خوش. لعد هسه أخابر علي يجيب لي اختبار.

غنى: لا خاله فشلة.

إيمان: لا مو فشلة. قابل هو شمدري الج؟ أوكفي. هسه أدز له رسالة. وهو يفهم.

غنى: دزت له رسالة. شويه وخابرها.

إيمان: الوو.

علي: شتسويين بي يمه؟ تره ما مرتاحلج.

إيمان: شنو ولك؟

علي: احجي يمه. ويا من غلطانة؟

إيمان: أكل تبن أبو حلك الفاهي. غلطانة شنو؟ جيب الاختبار وانت ساكت.

علي: هسه غير أعرف المن يمه؟ دخيلج. بس لا أنتِ اللي حامل؟

إيمان: الله يطيح حظك. وتف على كتصك. ويني ووين الحباله؟ أني من خلقتكم بطلت. ما أريد البزر. والاختبار أريده لوحدة. ما عليك منيه. جيبه وتعال. يله.

علي: بس.

إيمان: عليووووي.

علي: خلص جايبها وجاي.

غنى: انتظرت. علي أجه. انطه الاختبار لخاله. أخذته. أنطته لي. علمتني شلون أستخدمه. وكالت وره الغدة نسوي. صبينا وكعدنا نتغده. بطني ما غصتني. حتى غدة ما تغديت. كد ما متوترة.

فهد: بهمس. شبيج حبيبي؟ ليش متاكلين؟

غنى: لا مبيه شي. ما أشتهي. أكلت فواكه قبل شوية. كمت أسوي الجاي. معولة يكملون غدة. صبيتلهم جاي. ودخلت ويه خاله لغرفتها.

إيمان: شوفي يمه. إذا خطين يعني حامل. وإذا واحد يعني مو حامل. هذا الاختبار أصلي. جربته مرت منذر. ومن أول ما استخدمته انطاها النتيجة مضبوطة. يله طبي وكولي يا الله. قبل لا تدخلين.

غنى: يا الله. دخلت للحمام. سويت الاختبار. وانتظرت تطلع النتيجة. كلبي يدك بسرعة. وكأنّي بأمتحان. أباع. طلع. أخذته. مباوعت له. أحس برودة سرت بأطرافي. خطين. معقولة؟ صدك حامل؟

إيمان: ها؟

غنى: خطين.

إيمان: يااااا. كللللووووش. الف مبروك بعد كلبي. ربي ينطيج الفرحة مثل ما فرحتي كلبي.

غنى: ابتسمت. وأحس راودني شعور غريب. إنو أكون أني حامل. شي لحد الآن مداستوعبه.

إيمان: شبيج يمه؟

غنى: فرحانة.

إيمان: يبعد كلبي كلبج. ربي يسعدج ويحفظج يايمه. يله أمشي. كلي فهد. بسرررعه. خلي أبشر البنات.

غنى: طلعت. ملكيت فهد. وين فهد؟

علي: صعد فوك.

غنى: صعدت وراه. دخلت للغرفة. لكيتة كاعد على اللابتوب. مدري شيسوي.

فهد: ها؟ شبيج حبيبي؟ تعاي.

غنى: نزعت حجابي. واجيت كعدت بحضنه.

فهد: حضنتها. شبيج حبيبي؟ شو حتى ماتغديتي.

غنى: فهد أنت تحبني؟

فهد: ابتسمت. أعشكج. مو بس أحبج.

غنى: أريد أكلك شي.

فهد: كولي يروحي.

غنى: باوعت له. فهد أني حامل. أباع لابتسامة اختفت. وتبدلت ملامحه. وهالشي فاجئني.

فهد: ********* يتبع.

باوعتله فهد اني حامل.

ابتسامته اختفت وتبدلت ملامحه، هالشي فاجئني.

فهد: شوكت عرفتي بروحج حامل؟

غنى: انطفت كل فرحه بداخلي من شفت رده فعله. معقوله فهد ميريد مني جهال؟

فهد: مو احاجيج.

غنى: قبل دقايق.

فهد: بهدوء كومي بدلي بسرعه.

غنى: ليش؟

فهد: كلت كومي بدلي ولحكيني للسياره بسرعه، يله.

غنى: فهد الساعه بـ 3:30 الظهر، وين رايحين؟

فهد: هناك تفهمين.

غنى: اباوعله راح بدل واجه.

فهد: كومي يله.

غنى: كمت مثل الصنم بدون ما احجي شي. بدلت ملابسي ولفيت شالي. اباوعله اخذ مفاتيحه ومحفظته واخذ ايدي ووجهه مكلوب. نزلنه تلكنه البنات وخاله يهلهلن ويبوسن بي وهو جامد.

إيمان: الف الحمدلله ربي انطاني عمر حتى اشوف اليوم الي يكلولي بي مرت فهد حامل.

أروى: يااااايي فهددد راح يصير اب.

فهد: هزيت راسي.

وردة: نونه راح تجيبلنه طفلللل نكفخ بييي بدال سالم هله هله.

إيمان: حتى اطيح حظج. هو منو خبل سالم غيرج. صدك يمه فهد خير وين؟

فهد: عندي شغله اسويها وارجع. من ارجع افهمج، يله غنى.

غنى: اجيت.

طلعت لزمت ايدي.

إيمان: شبي فهد كالب وجهه و وين ماخذج؟

غنى: تنهدت. والله يا خاله مااعرف واصلا تفاجئت من رده فعله الغير متوقعه. معقوله فهد ميريد اطفال مني؟

إيمان: لا يمه لتحجين هيج. يجوز صار عنده شغل لو تكدر من شي واجيتي كلتيله انتي فما حس بشي، بس هو اكيد فرحان.

غنى: اجيت اجاوبها سمعت صوته صاح. طلعت صعدت بالسياره.

فهد اكدر اعرف وين حنروح؟

فهد: للدكتوره.

غنى: ليش؟

فهد: على حساب نعرف شنو تأثير الحمل عليج. واذا مو زين على كلبج حسبي حسابج تنزلين الطفل.

غنى: باوعتله. انتتتتت صدووووك تحجييي؟

فهد: اي نعم. وكافي لتتناقشين بأي شي لان ما اريد اغثج. خلي نوصل ونفهم من الدكتوره انوب نحجي.

غنى: الدمعه غرغرت بعيني. يعني عادي عنده يحجيها بكل سهوله ويكلي نزلي؟ والله لو تطلع روحي هم ما انزله.

الطريق كله ساكتين محجينه شي. وصلنه للدكتوره الي يراجعن عدها اغلب نسوانهم. نزلنه مالكينه احد والدكتوره هستوها جايه. سجلنه اول شي وكعدنه حتى ندخل بالاول. شويه ودخلنه سلمنه وكعدنه.

فهد: زوجتي سوت اختبار حمل منزلي وطلعت النتيجه ايجابيه. اريد اتأكد فعلا هي حامل وبنفس الوقت هي عدها قلب وهالحمل ممكن يأثر على كلبها. حتى اذا يأثر نتخذ الاجراء المناسب.

غنى: اباوع للدكتوره ضلت صافنه عليه لان حجه وياها بطريقه غريبه وانطاها الموضوع كله دفعه وحده. هزت راسها مجاوبته.

الدكتوره: قبل لا اسويلها سونار نحدد بي عمر وصحه الطفل، سوولي هالتحاليل بالمختبر حتى نتأكد من سلامتها من الامراض الي ممكن تأثر على وضعها. اذا طلعت حامل لاسمح الله وان شاء الله تطلع النتيجه ايجابيه وتكون المدام فعلا حامل وصحتها ممتازه وخاليه من الامراض. تفضلو سوو التحليل حتى من يطلع نحجي بالتفاصيل.

غنى: كتبتلي تحليل وطلعنه اني وفهد للمختبر. اجت بنيه سحبتلي دم. ضلينه كاعدين تلث ارباع الساعه علما يطلع التحليل وفهد كاعد ومانطق حرف. طلع التحليل اخذنا ورجعنه للدكتوره. اخذته منه وفتحته. بلحظتها تمنيت نفسي اطلع مو حامل لان تصرف فهد لعبها لنفسي وكرهني حتى بروحي.

الدكتوره: بابتسامه. مبروك زوجتك فعلا حامل وماعدها كل امراض الحمدلله.

فهد: الحمدلله. ممكن تسويلها السونار وتستعجلين بالفحص رجاءاً.

الدكتوره: اي ماكو مشكله تعاي حبيبتي.

غنى: كمت وياها نمت على السديه فتحت جبتي ورفعت البدي. طلعت بطني وخلت ماده مثل الجل البارد على بطني وبدت تاخذلي سونار وفهد واكف بصفي.

الدكتور: شوفي بالجهاز هاي الحبايه الصغيره الطفل.

غنى: ابتسمت رغم كولشي ممبين بس احساس انو اكو كائن بداخلك لا يوصف شعور خيالي. باوعت لفهد الي عيونه صايرات حمر. ما اعرف ليش. خلصت الدكتوره ومسحت بطني نزلت التشيرت ونزلت كعدت يمها. بدت تحسبلي من اول يوم انقطعت بي الشهريه لليوم. تذكرت انو من يوم الي تقربلي بيها فهد ولليوم اني ما اجتني الشهريه. يعني معقوله من اول يوم حملت؟

الدكتوره: الحمدلله صحتج ممتازه والجنين عمره شهر وصحته جيده. وراح اكتبلج فيتامينات ومقويات ولازم تعتنين بصحتج واكلج جدا.

فهد: زين وكلبها؟

الدكتوره: نصيحه روحو للدكتور محمد ال(.....) دكتور قلبيه ممتاز. خلي تسوي فحص عنده وشرحوله الوضع وهو يكلكم اذا وضع كلبها يسمحلها تحمل او لا او اذا تحبون ترجعون لدكتورها هم براحتكم.

فهد: ماشي.

كمت دفعت الكشفيه واخذت ايدها رحت جبت الادويه ورجعت جيكته يمها وطلعنه رايحين لدكتورها. لازم اعرف شنو تأثير هالطفل عليها. اذا وجوده يشكل عليها خطر انزله اليوم قبل باجر.

غنى: وصلنه لدكتوري نزلنه لكينه ازدحام. سجل اسمي وكعد. كل هذا واني كاعده على اعصابي. تصرفاته تنرفز. مو اول مره اني بهالكون عدها قلب وتحمل. ضلينه كاعدين للثمانيه بالليل ياله اجانه السره. كمنه دخلنه. تسالم فهد والدكتور لان واحد يعرف الثاني. كعدنه وبده فهد يشرحله ابسط التفاصيل. ما خله شي ما سأل الدكتور عنه.

الدكتور: باخر فتره هم حسيتي بألم بكلبج او اجهاد؟

غنى: بهدوء. لا دكتور كل الم معندي مجرد دوخه وخمول. وسألت الدكتوره وكلتلي هالشي عادي.

اباعله هز راسه وقره التقرير الي انطته الي الدكتوره. طلب نسوي فحص. تنهدت. كرهت روحي من التحاليل والفحوصات الي سويتها اليوم. من الاربعه لسه احنه نفتر وفهد لا كل ولا مل. كمنه سوينه الفحوصات وقاسو نبضات كلبي حتى يتأكدون.

الدكتور: سيد فهد وضع زوجتك ممتاز. وذكرتلك سابقاً انو وضع كلبها يعتمد على حالتها النفسيه والمفروض تبتعد عن اي اجهاد سواء نفسي او جسدي لان يأثر بالسلب على كلبها وخصوصاً هسه هي حامل. ولازم تعتني بنفسها بشكل دقيق جدا وتتجنب كل عصبيه وكل تعب. وايضاً لازم تبقه مواضبعه على مراجعه الدكتوره كل شهر وحسب التقرير المدام داخله بالشهر الاول والاشهر الاولى لازم تكون حذره بيهن. والدكتوره ما مقصره كاتبتلها ادويه وفيتامينات تفيدها فخلي تابع وياها وان شاءالله خير.

فهد: دكتور وكلبها رجاءاً خليك صريح وياي. اذا الجنين يأثر على وضعها الصحي ولو واحد بالميه كلي حتى ننزله.

الدكتور: سيد فهد انو تنزله هذا مو شي سهل. وللمعلومه تره كل مره حامل الطفل ياخذ من صحتها ويأثر على وضعها الصحي. غير كائن موجود وياها ويشاركها بكلشي فمن الطبيعي تتعب وهالشي يواجه كل الحوامل سواء عدها قلب او لا. ولتنسى زوجتك عدها خفقان. الحمدلله لا عدها مشكله بالعضله ولا عدها بالصمامات بس مجرد خفقان واغلب الي عدهم خفقان يتعبون بس وقت الاجهاد. فلتخاف وكول يا الله وان شاءالله منا لثمن اشهر نجي نباركلك على سلامه المدام والطفل.

فهد: تنهدت. رحم الله والديك دكتور.

الدكتور: و والديك بالرحمه سيد فهد تدلل.

غنى: كام دفع الكشفيه وطلعنه. جانت الساعه بالتسعه.

فهد: تحبين نروح لمكان؟

غنى: ببرود. لا.

فهد: براحتج.

غنى: رجعنه للبيت. صف السياره ونزلنه. فتح الباب ودخلنه. اباوع اكو احذيه بره عدنه خطار. دخلنه لكينه بيت ابو محسن والحجيه عدنه. كامو الكل سلمو وباركولنه.

ياسمين: كللللللوووووش كرت عييينك فهيدان.

فهد: بست راسها. شكرا.

محسن: الف مبروك ابن عم حبيبي تستاهل.

سامر: مبروك فهد.

فهد: الله يبارك بيكم.

مهدي: الف مبروك وليدي والله فرحتلك من كل كلبي ان شاءالله تكوم مريتك بسلامه ومنا لفتره وليدك بحضنك.

فهد: تسلم عمي الله يحفظك.

غنى: اجت الحجيه حضنتني وتبوس بيه. الواضح جانو مأيسين فهد يزوج ويصير عنده اطفال بحيث هيج فرحانين.

ياسمين: بعد كلبي فدوه اروحلج ما صارلج سنه وفرحتيني هالفرحه والله يهنيال فهد بيج.

حياة: الف مبروك كليبي ربي يكومج بالسلامه.

ملك: حبيبتي غنى الف الف مبروك.

غنى: ابتسمت. الله يبارك بيكم.

شهد: اعلمج اصبريلي هم تعرسين قبلي وهم تحبلين قبلي ما طلعت هاي.

أروى: يطبج طوب. احد كلج اجلي بعرسج لمن عرست كل العشيره وانتو بعدكم.

شهد: لا حبيبتي حددنه موعد زواجنه. هسه تشوفن من يحجون الولد. تعاي نونه كعدي يمي صار هواي ماشايفنج.

غنى: كعدت بصفها. اباوع لفهد عينه عليه. درت وجهي عنه. حيل استهضمت من تصرفاته. حتى لو خايف عليه ميحقله يكلي نزلي الطفل.

ياسمين: يمه فهد اني بيت عمك اجينه اليوم حتى نتفاهم على موضوع الزواج.

فهد: يا زواج؟

سامر: زواجي اني.

فهد: هاا يعني انت تريد تتزوج اختي؟

سامر: هاا ليش هو مو المفروض هيج؟

محسن: الله يطيح حظك شبيك فاهي. انت اي يريد اختك ومستعجل هم.

فهد: الزم لسانك تره اهينك. صرت ابو انت عيب بعد.

محسن: ديله يله خلي ندخل بالمفيد احجي يابه.

مهدي: شوف بويه هالايام مثل ما جاي تشوف المشاكل كل يوم طالعتلنه من صفحه ملينه وجزعنه من التأجيل. فكلنه خلي نستعجل بالعرس احسن ما تطلعلنه سالفه جديده.

سامر: وكعدنه اني وعلي وشفنه انو انسب حل نتزوج سوه ونبدي من باجر نحضر حتى منا لشهر شهر ونص نتزوج.

علي: اي والله اني بعد ما اكدر انتظر خاصه انو البنيه واهلها ماعدهم مانع. حاكيت اخوها وابوها وكالو ماكو مانع.

فهد: وانت بكيفك تتصرف. ماعندك واحد ترجعله؟

علي: لا العفو مو هذا القصد. بس جنت مسير على جعفر وحاجينه بالموضوع قبل لا اروح للبصره وكلي ماعندهم مانع والبنيه قبلت. ترجعلي امها ردت خبر لامي قبل يومين يعني كلشي تمام. فكلت اني وسامر نستعجل لان منضمن شراح يصير بعدين.

فهد: اني ماعندي مانع بس هاي كدامكم النسوان ما اعتقد يكملن بشهر.

ياسمين: نكمل نكمل قابل شعدهن هنه ملابس وذهب وهالسوالف شدعوه شهر حتى اسبوعين كافي.

شهد: حجيه اسبوعين شنو صدك تحجين؟ اني صار سنين اجهز ولسه ماخلصت.

ياسمين: انتي اكلي تبن. شليتي حال وليدي ولسه ما عرستي وخفه لوجهج الاغبر.

محسن: لا حجيه قررو يعرسون واخيراا.

فهد: وشوكت عرس الامير تشارلز على الاميره ديانا؟

محسن: الامراء الموقرين قررو يصير عرسهم 1/1/2018 تاريخ مميز يبعد كلبي.

شهد: وانت ليش ضايج؟

محسن: اي والله ضايج لان راح تحمضين على كلوبنه ٦ اشهر ولازم نتحملج.

شهد: عيب عليك. اذا يسمعك حارث شيكول. يريد يخلص منها.

فهد: اني لو من حارث جان طلكتج من زمان. هم تشبهين محسن وهم تشلعين الكلب مدري شلون متحملج ما ادري.

محسن: هههه نعم الله عليك. اني اشبه هاي المصلبخه؟

حياة: ولك شبيها مصلبخه تخبل.

سامر: يمه شو سكتي بشرفك بويه مو تشبه محسن.

مهدي: اي والله.

شهد: بابااااا.

الكل: ههههه.

غنى: الكعده كلها اني ساكته مانطقت ولا حرف. للـ 11 طلعو وكلمن راح لغرفته. صعدت لغرفتي بسرعه. راحت عليه الصلاه استغفر الله. دخلت للغرفه رحت بوجهي للحمام توضيت وطلعت فرشت سجادتي. دخل فهد وهم راح توضه وصله. كملت وكمت لميت سجادتي. كمت بدلت لبست تراك واجيت كعدت على القنفه اكلب بالتلفزيون وكلبي موجر. كمل واجه كعد يمي. كمت.

فهد: جريتها. اوكفي.

غنى: وخررر فهد تره ماعندي كل قابليه اتناقش. اجييي اكلك انييي حامل جوووايه شييي منك بدااال متفرح بطفلك الاوووول تكلب وجهك وتطلب منيييي بكل بساطه اروح انزله. رده فعلك فاقت توقعاتي. توقعتك تفرح تكلب الدنيا تفقد لان حتصير ابو بس ص.....

فهد: اخذت شفايفها مسكتها بستها بهدوء محاول اهدئها. ابتعدت لج حاولي تفهمين اني احبببج. تعرفييين شنو يعنيي احبج. من سمعت بيج حامل جان بوديي احضنج واكسر ضلوعج من فرحتي. بس من تذكرت وضع كلبج انطفت كل فرحه بداخلي. صدكيني مو سهل عليه اضحي بوحده من اهم الامنيات بحياتي. من جنت طفل واني اتمنى اكبر واصير ابو واربي جهالي واصادقهم وما اخليهم يعيشون الي اني عشته. بس اذا الجهال يأثرون عليج انعل ساسهم ولا اريدهم. المهم عندي انتي. لو اعرف اضل طول العمر بدون جهال ولا اخليج تحملين والحمل يأثر على حياتج ولو واحد بالميه. غنى اني اتنفسج انتي هذا الهوه ويصعد بريتي. شسوي بالجهال لو انتي تأذيتي؟ الربح بيمن؟ ومنو يعوضني لو خسرتج؟ وصدكي من سمعت كلام الدكتوره عن الطفل نار وجمرت بكلبي. مو سهله عليه اكلج نزلي. بس لو يخيروني بينج وبينه اكيد اختارج انتي. شسوي بهالدنيا وانتي مو بيها؟ والمن اعيش؟ صدكيني اتمنى اجيب مننج بدال الطفل عشره بس مو على حساب سلامتج.

غنى: نزلت دموعي. فهد اني اجيت اتخبل. عبالي متريد اطفال مني. للحظه خليتني اشك بروحي او احسك مستعر ومتريد مني اطفال.

فهد: لزمت وجها. صدك تحجين انتي شنو ما اريد منج جهال خبله انتي لج والي نزل القسم اني اتمنى الطفل اليوم كبل باجر منج انتي. بس ما ردتج تحملين وتالي تتأذين. قربتها عليه حضنتها. يروحي لتبجين. والله العظيم من خوفي على صحتج سويت هيج. غير اذا كلبج صار بي شي كلبي يوكف. شعندي غيرج اني ومنو يفيدني بهالدنيا غيرج انتي؟ محد يحب فهد ويدور مصلحته بهالدنيا غيرج.

ابتعدت مبوس خدودها. والحمدلله شفتي انتي الدكتور شكال طمنه على وضعج وراح نضل نراجع عد الدكتوره حتى نسيطر على وضعج ووضع الجنين.

غنى: لهالدرجه خايف عليه؟

فهد: بهدوء. اذا ما اخاف عليج عليمن اخاف. لج انتي روحي. تعرفين شنو يعني روحي؟ شلون ما اخاف عليج؟ وهسه راح تجيبلي طفل شريد من الله بعد.

كعدت بالكاع رافع تشيرت التراك بست بطنها بعمق. اني اسف على تصرفي اليوم بس صدكي لو صاير عليج شي هذا الي بطنج انعل ابو لابو حتى الجابه. اهم شي عندي انتي وطز حتى لو يسمعني.

غنى: مسحت دموعي وحضنت راسه مبتسمه. كول يا الله. لو كلبي كله على بعضه مو زين شتسوي؟

فهد: اموت والله.

غنى: اسم الله عليك من عمري على عمرك. اباوع وزع بوسات على بطني ونزل لجوه بطني. ابتعد مو بدينه.

فهد: رفعت راسي. شبيج؟

غنى: بيه انت. لزمت ايده كام.

فهد: خلي نحجي بجديه حبيبي. من اليوم تديرين بالج على نفسج. اي جهد ما اريدج تبذلين وكتج كله كضي كاعده ولتتحركين. واي شي يضوجج تعالي احجيلي ابد لتضمين بداخلج تره كل هذا يأثر على كلبج وانتي هسه حامل وموزين عليج.

غنى: ان شاءالله. اني موكله امري لله وحاطه طفلي تحت رحمته ومتأكده محيخذلني.

فهد: والنعم بالله بس الحذر واجب. يله تعاي كعدي خلي انزل اجيبلج عشه.

غنى: مو جوعانه.

فهد: بعد مااريد اسمع هالحجايه جوعانه مو جوعانه تاكلين. اني اريد صحتج وصحه الطفل تصير زينه.

غنى: ماشي.

فهد: يله كعدي خلي اروح واجي.

نزلت جوه لكيت بس امي كاعده.

إيمان: هاا يمه محتاج شي؟

فهد: اي اريد اخذ اكل لغنى لان ما اكلت الظهر ولا تعشت.

إيمان: عزلتلكم عشه اوكف خلي احميلك الشوربه ويه النواشف واخذ عشاكم.

فهد: كعدت خوش.

إيمان: اكول فهيدان شبيك الظهر مطنكر والعصر وين رحت تره مرتك بين عليها منزعجه من رجعتو خير شصاير؟

فهد: يمه من اجت كلتلي اني حامل حسيت روحي طاير. بس من تذكرت سالفه كلبها تخبلت. فأخذتها للدكتوره الي اخذتجن مره الها خليتها تتأكد من موضوع حملها وسويتلها فحوصات ورجعت على دكتور القلب مالتها وهم نفس شي. لحد ما تأكدت انو الطفل ميأثر على حياتها ياله كدرت اامن وافرح مثل الاوادم.

إيمان: عاشت ايدك من الزينات هاي. بس غنى ليش ضاجت المفروض تفرح.

فهد: مو اني ما كتلها خلي اخذج للدكتوره.

إيمان: هاا اكيد. كلبت وجهك جنك وحده مطلكه وخذتك السكته وكضيتها صماً بكماً لا يتكلم وخليت البنيه تتخبل. كل عبالها انت ماريد جهال. ولك فهيدان وتالي وياك.

فهد: شسوي يمه. اذا اكلها متروح للدكتوره لان تدري راح نتطرق لموضوع كلبها وراح يحتمل تنزيل الطفل اذا يأثر عليها. وهي منا ابد مو حساسه. تشوفلها دوده بالماي تكول خطيه مو عاد تنزل طفلها. اكيد لو اموتها متنزله. فانجبرت اضل ساكت لحد ما نوصل للدكتوره حتى اخليها كدام الامر الواقع.

إيمان: يمه منك يمه. ولك حتى بهاي مسويلك تقرير وحاط احتمالات. الله يساعد كلبك يبيبي على هالابو.

فهد: بس اني ما اريد ولد.

إيمان: ليش اسم الله.

فهد: اكرهه الولد. اريد بس بنات.

إيمان: واذا مرتك حامل بولد؟

فهد: الله كريم. عود منا لبعد ٨ اشهر نشوف.

إيمان: ونعم بالله. هاك يمه هذا عشاكم. خلي تاكل زين وتاكل فواكهه هم خاصه التين والكرز كلش زينات الها.

فهد: خوش عاشت ايدج حبيبتي تعبتج.

إيمان: تدلل بعد كلبي.

فهد: صعدت فوك دخلت للغرفه لكيتها متمدده ولازمه بطنها وتضحك. عيني ست غنى تعاي تعشي.

غنى: كمت كعدت على القنفه شفت الاكل جعت. اخذت خاشوكه ماكله من الشوربه. متاكل.

فهد: ماراح اجاملج واكلج ما اشتهي لان جوعان. وعلى العبطه الي كلتها اليوم صينيه مندي متكفيني.

غنى: عجبت انت شكد تاكل واكلك كله دسم بس ابد متسمن.

فهد: مو حبيبي اني اكل كلشي اريده بس ما هامل روحي. صار سنين ملتزم برياضه معينه ما اتركها ابد وطبيعتي حرك ما احب الكعده لهالسبب ما اسمن. لان اني منا خشن وانوب اسمن اصير جني بغل.

غنى: هههه حشاك.

فهد: انتي شجاي تسوين ليش لكمتج هيج صغيره كبري اللكمه واكليها لتضلين هيج تره انوب اتعامل وياج بغير طريقه. سويتلها لفه يله هاي كلها اكليها والشوربه هم بيها فائده الج. خلصيها يله حبيبي.

غنى: اكلت اللفه وشربت الشوربه. كسحت الصينيه جنت ميته من الجوع لان باقيه على الريوك. رجعت نفسي على القنفه اباوع للصينيه فرغت. عززه هاي اني اكلت كل هذا.

فهد: بالعافيه. قابل شأكلتي انتي قوزي؟ هي نواشف وشوربه. يله هاج دواج.

غنى: اخذت شربت دوايه وهو راح نزل الصينيه واجه. انزل اسويلك جاي؟

فهد: لا. شربت من اجو بيت عمي. كومي خلي انام.

غنى: كمت وياا نزع وتمدد اجيت نمت بحضنه.

فهد: كلب فهد.

غنى: الله عليك انت فرحان؟

فهد: ورب العزه طاير من الفرح. شلون ما افرح؟ وبعد اشهر قليله راح تجي للدنيا قطعه من روحي. و والله من شفتيني كلبت وجهي الظهر لان خايف عليج. الله شاهد والا لو انتي سليمه ومابيج شي فرحتي ما انطيها لاحد.

غنى: بست صدره و غمضت عيوني ناويه انام.

فهد: اكول صدك ابو قاسم شلون بي؟

غنى: من طلعت مدري شتسوي الدكتوره كالت مدامني بالاشهر الاولى ميصير تتقربلي غير مره كل عشر ايام وهالمره تكون بدون اي عنف. اباوعله كام يصيح.

فهد: لا بله هووو بكيفهااا شنو مره كل عشر تيام؟ اذا اني باليوم اسوي اربع مرات وانجبر ما اطالب باكثر حتى متملين. تريدني هسه اصبر عشر تيام؟ لا ما اتحمل.

غنى: حبيبي غير هاي اوامر الدكتوره. وبعدين حاول تصبر هنه تلث اشهر خلي يمرن على خير وسوي الي تريده.

فهد: اذا اني اصبر ابو قاسم ميصبر. متشوفي باليوم جم مره يزور ام قاسم؟ ترديني هسه ارجع اصومه؟

غنى: بخجل. فهد كافي يعني والله من وراك كمتو كلما يجبون طاري واحد اسمه ابو قاسم عبالي يقصدوك وتاخذني الصفنه.

فهد: ديربالج تكلين لاحد. شنو يعني ابو قاسم؟ خلي هالكلمه بيني وبينج. تره صحيح اني وياج هيج بس عيب اهلي يدرون اني مسمي سلاحي ابو قاسم.

غنى: ليش انت تستحي؟

فهد: ليش احد كلج مطلع (****)وكاعد بالشارع؟

غنى: خلين ايدي على حلكي. هاي شنو؟

فهد: شنو؟

غنى: شنو هاللفظه فهد. هاي ثالث مره تكولها ميصير تره.

فهد: علساس انتي ماشايفته وتستحين منه؟ شو دسكتي وتعاي اسألج سؤال.

غنى: خير.

فهد: مادام انتي حامل هسه يعني صدرج راح يكبر لو لا؟

غنى: شهالاسئله هاي فهد.

فهد: شبيج هو سؤال. لزمت صدرها. هذا يكبر لو لا؟

غنى: دفعت ايده بخجل. اي.

فهد: شكد راح يكبر؟

غنى: ياااا فهد شمدريني.

فهد: وجع ثقبتي اذاني شبيج.

غنى: درت وجهي عنه مغمضه لان نعست.

فهد: اكلج.

غنى: كول.

فهد: بست ركبتها. اني احبج.

غنى: درت وجهي عليه بهدوء. والله العظيم امووووت عليك.

فهد: ابتسمت. بوسه بوسه.

غنى: ضحكت وبست شفايفه.

فهد: مصيت شفايفها وابتعدت حاضنها. يله خلي انام لا يكعد ابو قاسم وبعد شينومه.

غنى: ابتسمت بخجل. شابكت ايدي بأيده وغفيت. وجانت هاي اول ليله انام واني احس اكو كائن ثالث نايم بيني وبين حبيبي.

ومن يومها بدت معاناتي ويه الحمل. الدوخه ما فاركتني ابد. اقل حركه اسويها ادوخ وراسي يموتني. خاله ايمان فدوه لكلبها طايره طيور بيه ومرات تضل تبجي تكلي ما مصدكه الله انطاني عمر حتى اعرس فهد واشوفه متزوج ومستقر. وهالشي بينلي شكد هي حنينه. والبنات هم ميعوفني لحظه. اروى رغم دتجهز هي ونرجس للعرس بس مع هذا معافتني. تجي تراويني كولشي اول بأول. وكلها بكوم وفهد بكوم.

خلال فتره حملي عرفت انو بعد كل العذاب والتعب الي شفته بحياتي الله عوضني بانسان لو اجمع حروف الدنيا وكلماتها كلها ما اكدر اوصفه. فهد شي غير قابل للوصف. شريد احجي واكول وبشنو ابدي؟ بأسلوبه بدلاله بكلامه بأعتنائه. اللكمه ميخليها بحلكه اذا ميوكلني. كولشي ميخليني اسوي. كل يوم بعز شغله يخابرني حبيبي شمتهيه شتردين؟ خوما حاسه بألم خوما كلبج اذاج؟ اخذتي دواج اكلتي شربتي؟ لتتحركين لتكومين اهم شي صحتج. والله رغم اني عيني مليانه وميهمني الاكل والشرب وشنو يجيبلي بس اهتمامه ياخذني لغير عالم. جزمت بهاي الفتره انو فهد هديه الله جان ضامها الي. وفعلا بعد كل معاناتي الله رزقني بي وخلا يغنيني عن الدنيا ومابيها. تنهدت. ساده الكتاب الي جنت اقره بي. شكد جنت اسرح ويه ابطال الروايات واكول ياترى يجي يوم ويظهر بطل مثل ابطال الروايات بحياتي. تالي اكتشفت انو فهد احسن بالف مره من ابطال الروايات الي قريتها لانه واقعي ومستقبلي ممكن يكون مختلف بس اني اعشق هالاختلاف.

كمت اباوع لروحي بالمرايه بطني بين بيها الكبر شويه. حملي متعب بس مع هذا اني طايره واتمنى يجي اليوم قبل باجر حتى احضنه واداري واخلي يعيش كولشي جنت اتمنى واني صغيره. رغم اني هسه جبيره بس لحد الان من يصير كدامي موقف الابو يبوس بنته او الام تهلهل لبتها وقت التخرج الدموع تضل تلالي بعيوني لان محرومه من هالاحساس. ماعندي ابد يفتخر ويرفع راسه بيه ولا ام تهلهلي. رغم طلعت الاولى على دفعتي مثل كل سنه وفهد سوالي حفله وحار شسوه بس يبقى مكان اهلي فارغ. وخاصه مروان آاااه يامروان فراكه كسر ظهري. ما فديوم نسيته وبكل لحظه اتذكر بيها مواقفنه وتنرسم ضحكه على شفايفي وفجأءه اتذكر هو جوه التراب احس سهم وينبت بكلبي. شعور الفقدان شعور كولش صعب. وبس الفاقد عزيز يعرف بشنو احس.

تنهدت. منزله دشداشتي البارحه دخلت بالاسبوع السادس بعد اسبوعين ادخل بالشهر الثاني. اباوع دك موبايلي بأسم عمري. جاوبت الوو. اسمع صوته مبين مستعجل.

فهد: الووو حبيبي خابرتج اذكرج بعد نص ساعه موعد دواج مو تنسي شربي بالموعد.

غنى: شبي صوتك حبيبي؟

فهد: ذوله الكوا.... سوولنه اجتماع مفاجئ ولازم اطلع بسرعه ويجوز اتأخر. فخابرتج ااكد عليج خاف تنسين. نبهي موبايلج بعد نص ساعه حتى تاخذين دواج.

غنى: ابتسمت. صار. تأمر بشي بعد؟

فهد: من اجي للبيت نتفاهم على الي اريده. هسه اروح. من اكمل اخابرج. تغدي انتي ماعليج بيه خوش. لان ما اعرف شوكت ارجع.

غنى: ماشي. دير بالك على روحك حبيبي باي.

فهد: باي حبيبتي.

غنى: سديته واخذت حجابي ونزلت لكيت اروى ونرجس مبسطات بالصاله وكاعدات يتعاركن. باوعت لانغام الي جايه يمنه اليوم. اشرتلها خير.

انغام: خبال. تعاركن على زينه القاعه. اروى تريدها بيضه وورديه ونرجس نريدها بيضه وبنفسجيه.

غنى: انتن شبيييجن عليمن هالعرك؟ تره هسه تنزللجن خالتي.

نرجس: تعاييي شوفي هاي الصخله تريييد زينه القاعه بيضه وورديه عود مسويه روحها باربي ام الوصخ.

أروى: اكلييي نعل ام الكمللل موزين نفكناج وخذناج لاخويه الدكتور ام الكسل.

نرجس: علساس خطبتوني لميسي شو دسكتي موزين قبلنه بيكم.

أروى: اي من كملج وصوابج.

غنى: اباوع لنرجس كامت خرب بس لا راح تسوي سوايتها. عزززه اي والله سوتها. كعدت على اروى جعصتها وكامت تسحل بشعرها.

نرجس: منوووو البيها صواب الصخله انتي والسمسم المعفن مالتتتتج.

أروى: يبوووو طاحظج. وخررررري انكطعععع نفسييي وخرررري غوله شعرررري طيح الله حظظظظج.

غنى: ركضنه اني وانغام جرينه نرجس منها. نرجس رغم مو سمينه بس عضمها خشن واروى طويله وضعيفه فتكسرت جواها. ولج تخبلتي.

نرجس: هاا غنى ترديلج كتله؟

غنى: خليت ايدي على بطني. ديربالج تره اني حامل.

نرجس: بعد خالته اضرب روحي وما اضربه. هذا حبيبي وابن اختي الغالي.

أروى: خلي يجي اخويه يشوف الجلبه الخاطبها بس تعض وتخرمش سافله. حفله عقدنه بعد اسبوع ووراها باسبوووع عرسنه جللللبه نعلتي سلفايهنرجس: يطبج مرض الصخله.

غنى: شجاجن ولا جن البارحه عقدتن سيد وبعد اسبوع حفله عقدجن. والله عيب عليجن صديقات هاي لو مو صارلنه سنتين سوه شتسون.

انغام: وبعدين هاي حماتج وانتي اروى هاي مرت اخوج وام ولدكم بالمستقبل. شلون هيج تتعاركن بالعكس كون تصيرن كلب على كلب مو نونه.

غنى: اي اكيد.

أروى: والله اني احبها بس هي وصخه وام كمل ماشفتنها جنها فيله شكبرها كعدت عليه كعدت على راسج طابوقه يا سافله يانرجس.

نرجس: تعاي ولج اليوم ازوعج مصارينج.

غنى: اباوع لخاله ايمان نزلت وشافت نرجس ووجهه شحاله و اروى شعرها صار جنه مكهرب.

إيمان: شبيجن شبيج اروى تصيحين جنج وحده عايقه.

نرجس: عدلت شعر اروى دفعتني سحلت شعرها من وره بدون متنتبه خالتي. انجبي فضحتينه. احم خطيه تعورت وصاحت.

إيمان: وانتي الثانيه شبي وجهج؟

نرجس: بهدوء. مبيه شي خاله. من رخصتج خابري علي شوكت يجي عليه.

إيمان: شنو شوكت يجي عليج؟ تتغدين هنا ومن تكملون ياخذج يرجعج.

نرجس: لا والله خاله اهلي ميقبلون. اصلا ما كايلتلهم راح اتغده هنا بس علي جابنه من من السوك ذبنه هنا وراح فما اكدر.

إيمان: هسه اخابر علي اخلي يستأذن من ابوج. شبيج يمه احنه اهل رجلج وصديق اخوج من شنو متردده. وبعدين اني مسويه بانيه اليوم وكلي علي تحبيها.

نرجس: خرب يومك متعرف تضملك حجايه. هاا اي.

غنى: اباوع لنرجس شلون خانسه كدام خاله وانغام تضحك عليها لان انكلبت 180 درجه. الله يساعد كلبك ياعلي حتشوي البصل على اذانك. اباوعله دخل هو ومنذر ونرجس خنست بالزايد.

علي ومنذر: سلام.

الكل: وعليكم السلام.

منذر: شلونج خويه؟

نرجس: بهمس. الحمدلله.

علي: باستغراب. شهالادب هذا؟

نرجس: امشي وديني للبيت تأخرت.

علي: خابرت ابوج كتله راح تتغدين عدنه لتشيلين هم.

نرجس: خوش.

منذر: شلونج مرت الغالي شخبارج؟

غنى: ابتسمت. الحمدلله ابو سالم.

منذر: دومج ان شاءالله. خاله حبابه استعجلي بالغده تره جوعان.

إيمان: من عيوني يمه بس خلي يجي فهد.

غنى: لا خاله فهد خابرني كال يتأخر لتنتظروني.

علي: خير خو ماكو شي؟

غنى: لا والله ماكو شي بس عنده شغل.

إيمان: خوش يله بنات تعالن ساعدني وانتي هم نرجوسه منخجل منج انتي بنيتنه.

نرجس: صدك جذب خاله من عيوني.

أروى: عمت عين اللواكه.

نرجس: كرصتها. ترسي حلكج نعل وسكتي.

أروى: اااخ.

غنى: والله سوالفهن تضحك. الله يستر يمكن بعد اسبوعين يتعاركن بباب القاعه. دخلت للمطبخ اصب ويه البنات. حسيت بدشداشتي تنجر. باوعت جوايه سالم.

سالم: ثونج باذي نونه.

غنى: دنكت عليه بوسته. بعد كلب باجي انت شلونك؟ كرصت خدوده. ولك انت شنو كل ما بيك تصير تخبل.

سالم: اني هلو.

غنى: تخبل تخبل. اباوعله ابتسم وخدوده صارن حمر يستحي. يمه فدوه. طبعا سالم يشبه منذر ومنذر بنضرب المثل بجماله. طوله متوسط وحنطي وشكله كولش حلو احلى اخوانه هو بس يبقى فهد بنظري يجنن.

سالم: بيبي حبيبتي ذوعان.

إيمان: يمه حفيدي الحلو جوعان يخسه الجوع. هسه اصبلك بعد عمرها لبيبيتك. يله ولجن حبيبي سالم جوعان.

ورده: سالم باوعلي. دبه حميسه بالبلم ميعرف يقط القلم سالم الفيل.

سالم: بدموع. اني مو ثمين.

انغام: الله يطيح حظج. هسه يضل يبجي. تعال ماما حبيبي ختولي هالعوده هاي. انت تخبل مو نونه.

غنى: يجنن. ختولي ورده تغار منك.

ورده: هاا نونه شو صفيتي ضدي.

غنى: غمزتلها. ولي طبعا اصف ويه سالم غير يخبل هو. صبينه الغده وكعدنه نتغده.

أروى: اكول علي برأيك ياهو الاحلى الابيض والوردي لو الابيض والبنفسجي؟

علي: باوعت لنرجس الخزرتني. هاا زين ياهو الي تريده نرجس خاف احجي واجفص. احم طبعا الابيض والبنفسجي.

نرجس: بخبث. هاا اروى.

أروى: بعصبيه. والله طاحظ الشوارب التخاف من النسوان.

علي: شنو قصدج ولج؟

أروى: هاا ما قصدي شي. والقاعه تتزين بورد ابيض ووردي ونرجس تااااكل تببببن خووووش.

نرجس: بهدوء. خلص براحتج مو مهم رأيي اهم شي رأيج اني بكولشي قابله.

إيمان: ليش تتجاوزين على البنيه؟ شو غصباً ماعليج اله تتزين القاعه بورد ابيض وبنفسجي وفنج تحجين.

أروى: بسايمان: اسس ولا كلمه.

غنى: اباوع لنرجس حركت حواجبها بخبث لاروى الي شاطت. هههه. كملنه غده وشلنه المواعين وخطيه انغام مقبلت اغسل المواعين تكلي روحي كعدي انتي حامل يعني هالبنيه دره والله. راح علي وده نرجس واني صعدت فوك ذبيت ملابسي وباوعت للغرفه صار يومين ممنظفتها. خلي انظفها. طلعت ادوات التنظيف وطلعت كنست الغرفه بالمكناسه اليدويه لان اخاف ادنك. خليت الخاولي بالماسحه ومسحت الغرفه. صعدت فوك القنفات ونزلت البردات خلي اغسلهن واخلي غيرهن. بديت انظف واغني اغنيه حفظتها من وره نرجس خبصتنه بيها وكد ما تلج بيها لزكت بالساني. حبيبي اسمر جكليته شفته حلو وحبيته. اغنيها ومنطلقه.

فهد: رجعت من الدوام لكيت البيت صنطه. صعدت فوك فتحت باب الغرفه واسمع صوت يغني. دخلت اباوع غنى واكفه تمسح الشباج ومطيتني ظهرها وتغني وتهز بجسمها. رفعت حاجبي لا وتكلي ما اعرف اركص. الجذابه. اباوعلها شلون تحرك خصرها. بت المشعول جماله لابسه شورت وتشيرت علاكات وواكفه تنظف وتغني. تقربت منها.

غنى: واكفه انظف ومنطلقه وحسيت بأدين تلتف على خصري عرفتهن لفهد من لبسه وخشونه ايده. متفاجئت عرفته بسرعه.

فهد: حركت جسمي على جسمها بهمس. كتيلي حبيبج اسمر وجكليته؟

غنى: ملت بجسمي بايسه خده. اي بس حبيبي جكليته مزنجره. ضحكت. الله يساعدك حبيبي.

فهد: بست شفتها. ويساعدج يا روحه لحبيبج. بالمناسبه خوش تهزين تكولين ما اعرف اركص. لزمت خلفيتها وهاي خوش تهتز عجبتني.

غنى: مااعرف اركص.

فهد: و ورب العزه اكبر جذابه. تعرفين بس صايره شريفه براسي اوي واستحرم وانتي واكفه تهزين ب..... ما كلتي حرام.

غنى: اني بعد ما اتناقش وياك على لسانك لان تعبت واني اكلك لسانك.

فهد: حاوطت خصرها. ليش شبي لساني مو البارحه كاعده و تمصين بي؟ هسه صار مو زين.

غنى: بخجل. احم اكول متروح تسبح حتى احضرلك الغده.

فهد: ابتسمت مبتعد. خوش حضريلي ملابسي حتى اسبح واجي.

غنى: اااا اي هسه.

دخل للحمام واني رحت احضرله ملابسه. شويه وسمعته يصيح.

فهد: الخاوليات واكعات ومتنكعاااات. شجاج غير تنتبهين. الف مره كتلج ديربالج.

غنى: رحت يمه. يا شوكعهن. والله جنت معلكتهن.

فهد: شمدريني هو اني لو انتي جنت هنا. روحي جيبيلي خاولي جديد.

غنى: اي ثواني.

رحت جبتله خاولي مد راسه ياخذه. اخذه وسحلني وياا. شنو هايييي! طببني ويا للحمام. اباوع الخاوليات معلكات وهو واكف كدامي وجسمه منكع. عززه. درت وجهي وردت. حضني من وره. فهددد وخررر تنكعن هدووومييي.

فهد: ليش ساده عيونج؟

غنى: لف جسمج بشيي حباب والله عيب.

فهد: ديله علساس ما شايفته انتي.

غنى: الهي الصبر.

فهد: سحبتها للدوش بهمس. حقج متكدرين تتحملين المنظر وتبقين صامده مو؟

غنى: يبووو فهد تنكعتتتت.

فهد: هههه يله عادي الدنيا حاره. يله نزعي خلي نسبح.

غنى: مغمضه عيوني. انزع شنو؟ وخر فهد بداعتي.

فهد: والله متطلعين منا لحد ما تسويلي الاريده.

غنى: وشتريد انت؟

فهد: مو اني الي اريد بس ابو قاسم يريد حقه.

غنى: بخجل. شنو حقه؟ لعد قبل يومين شجان يسوي؟ فهد انت متشبع.

فهد: والله اني مو صخر ما اتحمل. اريد.

غنى: فدوه حبيبي اصبر. شجاك هذا يعتبر جهاد لان انت ضابط نفسك. متحب تجاهد انت.

فهد: لا رحت وجاهدت بالموصل اشهر وهسه اني منسحب اريد حقي عندج خيارين لو تنطيني حقي لو تنطيني حق ابو قاسم.

غنى: جريت روحي منه بس مجلب بيه. انت تضحك عليه هووو نفس الشييي.

فهد: ضحكت. يله خلي نسبح بس ما اتدنالج على حساب ابني مو بحالج ام وجهه الفاهي.

غنى: اني سابحه.

فهد: ميخالف نسبح مره ثانيه وين المشكله. درتها عليه. ارفعي ايدج يله. اباوعلها رفعت اديها ووجها يريد يطك. نزعتها التشيرت ومديت ايدي على حماله صدرها فتحتها ونزلتها. اباوعلها خرب يومج على هالجسم ويكلك تعال جاهد. نزعتها وحضنتها.

غنى: غطيت جسمي بخجل. وخررر فهددد ارتاحيت يله وخرر.

فهد: شنو اول مره الزمج؟ لعد قبل يومين شجنه نسوي على الجربايه. اباوعلها ما قبلت. ما قبلت. شلتها كعدتها على ميز المغسله ووكفت بين رجليها. شو باوعيلي. شبيج حبيبي ليش تخربين مزاجي واني مرتاح.

غنى: والله استحي. رغم احنه متزوجين من زمان ودائما يتقربلي بس ولا مره سبحت وياا ابد. فتحت عيوني اباوعله. كافي فهد والله استحي.

فهد: ما اتقربلج. كافي بطلتي واهسي. بس لتضلين مطنكره مو زين عليج. خليج هنا خلي اسبح واطلع او انتي طلعي براحتج شتردين تسوين سوي.

غنى: اباوعله دخل للدوش وسد الباب الي خالها داير مدايرها. يبوو طنكر. نزلت على كيفي من المغسله. اخذت غسولاتي ودكيت الباب عليه ما فتحها. اريييد اسبح افتح الباب.

فهد: فتحت الباب. امشي طلعي بره شتردين.

غنى: بخجل. اااا اريد اسبح وياك.

فهد: رفعت حاجبي. بس اني مالابس شي.

غنى: ايدي على جسمي مغطيته. ميخالف.

فهد: تعاي. اباوعلها دخلت بس ترجف وكوه تحجي. ابتسمت بستها. يله اني طالع سبحي انتي براحتج.

غنى: لزمت ايده. احم خليك.

فهد: لا حبيبي ما احب اجبرج على شي اني كملت انتي سبحي على راحتج. واذا على سبحتنه فيجي يوم وتتقبلين هالشي وراج وراج ما مستعجل اني. اهم شي راحتج. بست شفايفها واخذت المنشفه لفيتها على جسمي وطلعت.

غنى: شكد ما اني مستحيه من هالموقف بس شكد عجبني تصرفه لان مجبرني على شي اني ما اريده. سبحت بسرعه واخذت الخاولي لفيته عليه وطلعت. لكيته واكف يصلي. رحت بدلت.

فهد: الله اااااااكبررررررر.

غنى: فهمت قصده و لبست ملابسي بسرعه. عززه همزين مبطلت صلاته. لبست صايه وحجاب ونزلت. حميت الغده صبيته وصعدته. كمل واجه كعد يتغده. كمل ونزلت الصينيه وغسلت المواعين. صعدت فوك لكيته متمدد اجيت تمددت كباله. اباوعله مغمض عيونه. تلمست شواربه. حبيبي زعلت؟

فهد: فتحت عيوني. ليش حبيبي عليمن ازعل؟

غنى: لان مقبلت اسبح وياك.

فهد: تره مو بمعناها اذا اني اريد شي وانتي متوافقين عليه كون ازعل. شنو عبده عندي انتي وكون تنفذيلي كلشي اريده؟ لا حبيبي الشي الي متتقبله نفسج مستحيل اجبرج عليه واحترم رغبتج اياً كانت.

غنى: ابتسمت. يا الله شكد احبك.

فهد: مادام تحبيبني بوسيني. اشرت على شفايفي.

غنى: بست شفايفه كومه بوسات وهو يضحك.

فهد: ابتعدن بعد لو كاف؟

غنى: بعد بس هاي. اني ابوسها.

اخذت شفايفها وقربتها عليه.

غنى: لزمت ركبته مبادلته.

فهد: جريت شفايفها الجوه ومصيتهن. ابتعدت. يله خلي انام.

غنى: اخذت ايده خليتها على خصري ودحست روحي بجسمه. اي.

فهد: ابتسمت حاضنها ونايم.

__________________________

بعد مرور خمس ايام.

غنى: كاعده وحدي بالصاله اكلب بالفيس. اليوم جمعه فهد استراحه عنده و طلع من الصبح يتسوك ويجيب سمج للغده. وخاله والبنات طلعن هم من الصبح خذاهن منذر يجيبن تجهيزات العقد. سمعت الباب يندك. كمت اخذت شالي خليته على راسي وطلعت.

صحت منو؟ سمعت صوت بنيه. فتحت الباب.

شلونج غنى.

غنى: باوعتلها مخروعه. عزززه بتووول هاي شبييج.

*****

يتبع

غنى : طلعت فتحت الباب ... وفتحت عيوني. عزززه بتول هاي شبيج؟

بتول : فهد موجود؟

غنى : لا مموجود. تعالي دخلي ... اباوع لوجها أزرك ومجعد (مورم). شكلها يخرع. شبي وجهج؟

بتول : ما علييج انتييي. صيحيلي فهددد لو خاله ايماااان.

غنى : ليش تصيحين؟ داكلج مموجود. وخاله ايمان والبنات طالعات يجهزون لعقد علي. مداجذب عليج اني.

بتول : بدموع. حبابه دخليني جوه. ما اكدر اضل واكفه.

غنى : تعالي دخلي. دخلي. اباوعلها شحالها وكوه تتحرك. دخلتها كعدتها بالصاله.

بتول : الله يخليج خابريلي فهد.

غنى : اي هسه. اخذت موبايلي ... خابرته ميرد. ما اعتقد ميسمع الموبايل لان السوك هوسه وخاصه الظهر. دكيت عليه اكثر من مره ياله جاوبني.

فهد : هاا حبيبي.

غنى : فهد شوكت ترجع؟

فهد : كملت مسواك هسه بس اوصي السمج عد الشواي و راجع. خير خو ماكو شي عندج؟ الم بيج شي حبيبي احجي.

غنى : لا حبيبي مبيه شي. بس بتول هنا.

فهد : بتول؟ شتريد؟

غنى : ما ادري. بس حالتها حاله خطيه مضروبه مدري مسويه حادث. اجتي بس تبجي وتريدك.

فهد : الله يستر. يله هسه بس اوصي على السمج واجي. ديربالج منها.

غنى : ماشي. لتتأخر. سديته منه. درت وجهي عليها. خابرته هسه يجي .... ليش تبجين؟

بتول : لارد.

غنى : مجاوبتني. عفتها وعذرتها. وضعها يقهر. دخلت للمطبخ اسوي تمن احمر. رغم فهد يتخبل منه ميحب تمن ويه السمج بس خلي الهي روحي احسن.

رحت طلعت ماي وعصير وديته الها. وهي ساكته مانطقت ولا كلمه. تنهدت. الله العالم شصاير بيها. رجعت للمطبخ طبخت التمن وعفته يتهدر. حضرت السفره والمواعين وطلعت كعدت يمها.

بتول : فرغلج البيت؟

غنى : عفو.

بتول : هيج؟

غنى : سمعت الجرس يندك. اخذت حجابي وطلعت. فتحت الباب. اجو خالتي والبنات.

ايمان : شويه يمه. اااخ دخيلك ربي شهالحر هذا.

ورده : غنى حبابه استعجلي بالغده ميته من الجوع.

علي : طبي ام بطن طبي. اشتريتلج لفه وهم لسه ماشبعتي.

ورده : ليش هي اللفه تكفي؟ وخرو وخرو.

اروى : شبيج نونه؟

غنى : بتول هنا.

علي : شنو؟

غنى : بتول هنايه. اجتي تبجي وتريد تحجي ويه فهد. دخلتها وخابرت فهد كتله.

علي : بدينه برحمه الله.

غنى : دخلو جوه. شافوها وانصدموا. حقهم منظرها ميسر حتى العدو.

ابو عمار : الله يرحمه.

غنى : اباوعلها كامت ركض حضنت خاله ايمان وتبجي بصوت عالي.

بتول : داخله على الله وعليج خاله ساعديني الله يوفقج.

ايمان : خير يمه شبيج؟

بتول : الحقير السافل خاله ملخني تملخ.

ايمان : رجلج؟

بتول : لارد. تبجي.

ايمان : خلص اهدي اهدي. وصلِ على محمد. كعدي هسه واحجيلي شبيج.

بتول : يجي فهد واحجي.

ايمان : ماشي دكعدي واهدي. وهسه يجي فهد.

اروى : غنى تعاي نصعد الغراض.

غنى : اي. اخذت الغراض وصعدت وياها. دخلنه لغرفتها.

اروى : ولج هذا شبي وجها؟

غنى : والله علمي علمج. سألتها ماقبلت تكلي. خليت الغراض ونزلت ويه نزلتي طب فهد.

فهد : السلام عليكم.

الكل : وعليكم السلام.

فهد : باوعت لبتول باستغراب. شبيج؟

بتول : بدموع. فهد فهد الله يخليك ساعديني. ماعندي غيرك والله.

فهد : خير شبيج ومنو مسوي هيج بوجهج؟

بتول : رجلي.

ايمان : يا صخام الصخم وجهه كون وكسر بأيده.

علي : اكو رجال يستقوي على مره. خلي يبلس حجاب هذا احسله.

فهد : لحظه خلي نفتهم. باوعتلها. وليش ضربج؟

بتول : اكتشفت هالسافل طلع يخوني ويه كومه نسوان واني ماصارلي حتى شهرين عنده. ومن واجهته كدام امه وخواته ملخني تملخ وطردني من البيت يكلي بعد ما اريدج نفسي شبعت منج بعد متفيديني. رحت لبيت جدي الوجوه ثكيله عليه. رحت لفيصل طردني من الباب حتى بدون ميسمعني. حرت وين اروح وماصار كدامي غيرك.

فهد : تنهدت. وشنو الي مطلوب او بشنو اكدر اساعدج؟

بتول : فهد اني دخيله عندك. يتيمه وماعندي احد. صفيت بالشارع. الله يخليك بقيني هنا. والله لو خالتي عدها بيت ابقه عدها بس هي هسه عد بيت منذر. ومن رحت مرت منذر ماقابله ابقه عدها. صحيح ما كلتلي بس حسيت بيها ماقابله. فمابقيت. طلعت واجيت لهنا.

فهد : لو بأيدي اساعدج بس على اي ساس تبقين ببيت بي زلم ما الج كل صله قرابه بيه؟

ايمان : يمه خطيه البنيه جتنه دخيله.

فهد : يا يمه ميجوز والله. اني ما مستثقل كعدتها هنا بس والله ميصير تبقه هنا بصفتها شنو تبقه؟ اني وياج صحيح جانت عايشه ويانه بس ويه خالتها. هسه خالتها ماهي.

علي : صحيح كلام فهد.

بتول : فهد افهم اني معندي احد والله ابوس ايدك خليني هنا. والله ماعندي احد. خليني بمكان غنى لو هي تصفى وحدها تعوفها. ترضاها ابقى بالشارع واصير فريسه لليسوه والي ميسوه؟

غنى : اباوعلها تحجي وتبجي من كل كلبها. انمرد كلبي عليها. كلنه انقهرنه. ماعدى فهد ماشفت حتى نظرات شفقه بعيونه تجاها.

بتول : فهد ليش ساكت؟

ايمان : لتشيلين هم يمه. تبقين هنا وهسه افتحلج غرفتج القديمه وابقي بيها. منا لحد ما تلكيلج مكان او ترحين لخالتج. انتي جيتي دخيله عدنه واحنه منرد الدخيل مو؟

فهد : هزيت راسي وكمت.

بتول : اشكرج خاله. ورحم الله والديج. مااعرف بيش اجازيج.

ايمان : الشكر لله. يله يمه كومي غسلي وجهج خلي نتغده حتى ترتاحين.

غنى : اشرلي فهد وصعد. اروى التمن اذا تهدر صبي وانتي حبيبتي ورده ساعديها. ولو زحمه عليج هسه بس انطي ملابس لفهد واجي.

اروى : روحي حبيبتي. اني و ورده نصب.

غنى : صعدت فوك. دخلت للغرفه لكيت فهد واكف دينزع حتى يسبح. تقربت منه لزمت متنه. شبيك حبيبي؟

فهد : تنهدت. ماشفتي شصار؟ كل يوم طالعتلي سالفه. اني روحي ما متحملها. اجي اتحمل مشاكل غيري. ادري اني مجبور. خوما مجبور؟

غنى : مسحت على ظهره. ميخالف حبيبي. ربي يجعلها بميزان حسناتك. مشفت وضعها شحاله. صحيح هي سوت مشاكل بس هم خطيه تكسر الخاطر. شفت رجلها شمسوي بيها.

فهد : هاي نتيجه اختيارها السز. مو كتلت نفسها على العرس. هاي شحصلت منه؟ اخذتلها رجال بكد ابوها وتزوجته بدون كلشي. اكيد يشبع بيها ويذبها. وهذا الشي الي اني جنت متوقعه.

غنى : والله ما اعرف شكولك. خليها هنا بلكي تهدئ الاوضاع شويه. واني متأكده هسه يجي منذر وياخذها. ادري بي ميعوفها. بس اهدئ انت ليرتفع ضغطك حبيبي.

فهد : حاوطتها بأيدي. تعبت غنى وجزعت روحي من المشاكل. بودي اخذج انتي وامي وخواتي واهج من الدنيا كلها. اخذجن واروح اعيش بمكان مابي ولا بشر.

غنى : حضنته. ميخالف حبيبي تحمل. بعد التعب تجي الراحه ان شاء الله.

فهد : يا راحه غنى ياراحه؟ اني متأكد مادام اجت بتول وبقت هنا راح تصير مشاكل. وهسه تشوفين. هاي تربيه سعاد وسعاد راضعه ويه ابليس ومربيه بتول. وعندج الحساب. والله لوما بنيه ووكف بعيني انو ماعدها احد لو تموت ما اخليها هنا. بس هي اجت دخيله عدنه وما اكدر ارفض وما اساعدها.

غنى : صدكني تصرفك هو الصح. مادام الله دزها الك وخلاها تطلب مساعدك. اذاً اكو اراده عد رب العالمين يريدها تصير. لتشيل هم حبيبي. هي قابل حتبقه العمر كله. فتره وترجع لبيت منذر. واني متأكده انغام كلبها طيب واكيد محتعوفها. بست صدره. يله حبيبي روح اسبح وتعال خلي نتغده حتى تصلي وانت مرتاح.

فهد : هزيت راسي ودخلت للحمام.

غنى : حضرتله ملابس ونزلت اساعد البنات. خطيه هستوهن اجن من السوك واني اجيت جماله عفت الصب عليهن. دخلت للمطبخ لكيتهن مكملات صب. شلت البلاستك الي محطوط على السمج ذبيته وكصيت السمج بالنص وخليته ببلامه وطلعته للصاله.

ايمان : يمه غنى كعدي ولتشتغلين فدوه اروحلج.

غنى : شنو السالفه خاله؟ هسه الي يسمعج يكول جنت اشيل اثقال. وبعدين دكتورتي كالت تحركي لتتعلمين على الخمول تتأذين بعدين. تحركي حركه خفيفه.

ايمان : والله يايمه احنه من جنه حوامل جنه نعجن ونخبز ونظف وكلشي مابيه. بس انتن امهات هالوكت روحجن مايعه متتحملن.

بتول : شنو غنى انتي حامل؟

غنى : هزيت راسي.

بتول : شبسرعه؟

غنى : اباوع لخاله ايمان صلت على النبي بصوت ناصي. والله هاي بعد رزق.

بتول : مبروك.

غنى : الله يبارك بيج. رحت جبت الاكل ويه البنات ونزل فهد.

بتول : اني اسفه فهد. ثقلت عليكم.

فهد : بهدوء. لتحجين هيج. بمقام اختنه انتي. ولو اي واحد بمكانج منرده.

ايمان : يله يمه تعالو. علي تعااااال.

علي : اجيت يمه اجيت. كعدت. اروى تكول نرجس اتفقت ويه ام القاعه راح تسوي الزينه بيضه وسمائيه حتى متتعاركن على الالوان.

اروى : ابتسمت. خوش عاشت ايدها.

فهد : دنيت السمج يمها. يله اكلي وراج دوه.

غنى : اي. تغدينه بهدوء. على عكس العاده. من طلعو بيت سعاد ولليوم احنه نسولف ونضحك ونتناقش على الاكل. بس اليوم قسم تعبانين مثل اروى وورده. وقسم ضايجين مثل فهد وعلي. فذابيها على الصامت. كملنه غده وشلنه المواعين.

ايمان : يمه اروى صعدي فتحي غرفه بتول ونظفيها بسرعه. خلي البنيه ترتاح.

اروى : بضوجه. اي تعاي ورده ساعديني.

غنى : هدرت جاي ووكفت اغسل المواعين. كملت وعزلت المطبخ وصبيت جاي وديته الهم وكعدت اشرب جايي.

علي : غنى لتشربين جاي. العصائر افضلج.

غنى : بس اني اريد اشرب جاي. اباوع لفهد جر الاستكان مني.

فهد : سمعتي شكال؟ الجاي موزين.

غنى : بس..

فهد : بهدوء. ولا حرف. الجاي ممنوع.

غنى : اخذ الاستكان مني خلا بالصينيه. افف ماخلصت من سالفه الشغل طلعلوي بالجاي. شكول عليك علي. كملو جاي. كمت غسلت الاستكانات وصعدت لغرفتي. دخلت لكيت فهد ديصلي. عفته ورحت بدلت وتمددت. همزين صليت قبل ليجون. هالايام كولش داضوج من نفسي لان من كد ما عندي خمول حتى صلاه مالي خلك اصلي.

فهد : كملت صلاه. سلمت وكمت. نزعت تشيرت التراك وتمددت. خليت ايدي جوه راسها ونيمتها بحضني.

غنى : بعدك ضايج؟

فهد : يلعب بشعرها. اجذب اذا اكلج لا. احنه صارلنه فتره راسنه بارد. لا مشاكل لا هوسه. مرتاحين. هسه رجعت المشاكل. واني بصراحه بعد ماعندي طاقه واتحمل.

غنى : تنهدت. شتسوي هاي بعد. حاولت اشاقي. صدوك تعال من خابرتك سمعت صوت بنيه يمك. احجيلي منو هاي؟

فهد : اوو ذكرتيني. هاي اجتي وحده صاكه تطك بالكاع. رادت مني اساعدها. وتدرين بيه اني كلبي رهيف كدام السمرات الصاكات. فوكفت اساعدها. وانتي دكيتي. خربتي ام اللحظه.

غنى : اجيت اكب بوجهه بس هدئت نفسي. والله دتجذب.

فهد : منوه الي يجذب ولج؟

غنى : اباوعله صار فوكي. حاوطت ركبته. انت لان ادري بيك دتشاقه ومتدور هالسوالف. ولو توكف كدامك ملكه جمال هم متباوعلها. تعرف ليش؟

فهد : ليش يالفطنه؟

غنى : اول شي لانك واعدني متشوف ولا تباوع لوحده غيري. وثاني شي اني ماخذه رجال. ومدام رجلي رجال اذاً حجايته سيف. مستحيل يخلف بوعده مادام وعدني اكون اني اول واخر مره بحياته. اضافه انو بعد اخر مشكله صارت بيناتنه صرت اثق بيك ثقه عمياء. لان جان تحت امرتك الف بنيه وكدامك اجمل واحلى البنات وجنت تكدر تخوني بس مسويتها. وهالشي خلاني اثق بيك اكثر حتى من روحي.

فهد : والله اريد انعل والديه الي يباوع لوحده غيرج على هالحجي هذا. بست شفتها. لج انتي شنو شهالطريقه بالكلام؟ هاي يعني حتى لو ردت لا سامح الله افكر اخونج. حجيج يشيل ام السالفه من راسي.

غنى : ابتسمت. اعرف حبيبي. عبالك اني حعصب وازعل واسويلك هوسه. لا. صحيح ما انكر اغار عليك واموت لو مرت مره من يمك. بس ثقتي بيك طاغيه على غيرتي.

فهد : بهمس. بس اريد اعرف انتي وين جنتي عني؟

غنى : خليت اصبعي على كلبه. جنت وصرت ومازلت وراح ابقه هنا. اباوعله قرب وجهه عليه. عرفت شيريد.

فهد : اخذت شفايفها. مغمض عيوني. شكد احبها ياربي. شهالمره هاي دخيلك. بستها وبودي اكلها اكل. عفيه حلك ميطلع منه غير بس الحجي الحلو. حسيت بيها بادلتني وايدها تتلمس صدري مكان كلبي. امتصيت لسانها وشفايفها. ضلينه فتره طويله نتباوس واني مابودي اوخر. حسيت بطعم زنجار بحلكي دليل انو شفايفها طكت دم. ابتعدت بايسها بخفه. مسحت الدم من شفايفها. هاا يحلو شو سنحت؟

غنى : فتحت عيوني مباوعتله. بخدر. فهد حباب خلي ننام احسن.

فهد : ابتسمت. انام ليش منام. رجعت نمت بصفها. اباوعلها اجتي نامت على ايدي حضنتها وغطيتها.

غنى : حتنام؟

فهد : اي. اذا انتي مو نعسانه كومي.

غنى : حضنته. لا حنام وياك.

فهد : عيب شنو تنامين وياي. استحي.

غنى : بخجل. فهد صفي نيتك عاد. مو هذا قصدي.

فهد : تره اني نيتي صافيه وبيضه مثل الحليب.

غنى : اممممم كولش. اصلا انت ماكو بصفاء نيتك. خليني ساكته فهد.

فهد : ضحكت. والله نيتي متصفه لو يطلع ابو هريره. وبعدين انتي جايتني تكولين انام وياك. اكيد يعني ماراح استحضر حسن النيه. واني من الاصل نيتي مو صافي.

غنى : اكول خلي ننام احسن.

فهد : احسن.

____________________________

اروى : تعاي بتول دخلي ارتاحي.

ورده : اووف يمه تعبت. شكول عليج اروى اني غرفتي ما انظفها. جبتيني وكربتيني هناا. اااخ يمه لحكيني راح اموت.

اروى : وقز القرط. شبيج؟ هسه الي يسمعج يكول جايه الذيب من ذيله. اشو اني نظفت وانتي عزلتي.

بتول : زحمتجن.

اروى : لا عادي ماسوينه شي. بدلي وارتاحي. يله ورده.

بتول : لحظه اروى. جنطتي عفتها بالباب. اذا ماكو زحمه جيبيها الي.

اروى : ماشي. تعاي ورده جيبي جنطتها.

ورده : احتركتتتت ورده والساعه المصخمه الي نولدتتتت بيهاااا. ورده تعبببت تعبتتت ارد ارتااااح. الخدامه نعله ترييييد ترتاح.

اروى : اني عروس اريد ارتاح.

ورده : يلعن ابو شكلج وطاحظ العرايس. اذا انتي منهن زيييين. عافتها ونزلت.

اروى : هههه. ما اكول غير الله يساعد كلب الي ياخذج.

_____________________

الساعه 5 عصراً

غنى : نايمين واندكت الباب. كمت لبست روب فوك ملابسي وطلعت. منوو؟

اروى : اني.

غنى : فتحت الباب. ها اروى حبيبتي تفضلي.

اروى : لا نونه اجيت اكلكم اجو بيت فيصل نزلو.

غنى : باستغراب. بيت فيصل؟ شعجب؟

اروى : والله حتى اني تفاجئت. اندكت الباب. طلعت شفت فيصل ونسوانه كدامي. انصدمت. حتى امي ضلت صافنه. احنه صارلنه فوك الشهر ماشايفيهم. شعجب اجو هسه؟ ماادري. كالت امي صيحي لفهد ومرته خلي ينزلون.

غنى : اي هسه بس خلي اكعده واجي.

اروى : ماشي.

غنى : دخت جوه علكت الاضويه. فهد حبيبي كوم. اجوي بيت فيصل.

فهد : فتحت عيوني. بيت منو؟

غنى : نزعت الروب. ماخذه الصايه. بيت فيصل اخوك جوه. واجتي اروى كلتلي حتى ننزل.

فهد : كمت. واخويه ستوه تذكرني. صارله شهر من طلع. ماكلف نفسه ورفع تلفونه وسأل. هسه صار حنين. لو اكيد عنده شي.

غنى : دغسل وصحصح وانزل وشوف. عيب خوما تعوفهم.

فهد : هو بس اغسل واجي. دخلت غسلت وجهي وفرشت اسناني وطلعت. لبست تشيرتي واخذت ايدها. يله تعاي.

غنى : نزلت وياا. سمعنه صوتهم بالاستقبال رحنه.

فهد وغنى : السلام عليكم.

الكل : وعليكم السلام.

فيصل : شلونك خويه شخبارك؟

فهد : الحمدلله.

ساره : شلونج نونه مشتاقتلج هواي والله. واخيرا رجعتي.

غنى : ابتسمت. حبيبتي تشتاقلج العافيه. شلونج؟

ساره : والله الحمدلله.

غنى : شلونج آلاء؟

آلاء : هله بيج عيوني هله. شلونج شخبارج؟

غنى : الحمدلله. بوست الجهال احمد وزينه. الي مبين عليهم مكيفين وحقهم. هذا البيت انولدو بي. اكيد اله معزه خاصه بكلوبهم. رحت للمطبخ خليت الكتلي على النار وطلعت كعدت يم خاله ايمان.

فيصل : اي سمعت من امي. جبت بتول عدك؟

فهد : ليش انت مو كتلت امك وذبيتها بالشارع؟ شلون سمعت منها؟

فيصل : حاله عصبيه يمعود. رحت صالحتها. جبتلها هديه وبست راسها وفضت السالفه. بس ماقبلت تعوف بيت منذر. شفته انت جبير وواسع. اريحلها من بيتي. اي ماكتلي شعدها بتول هنا؟

فهد : والله من شفت الزلم الي شواربهن تارسه وجوهم. يشمرون النسوان بالشوارع وميتحرك بداخلهم ولو شويه من اصل الرجوله. خليت البنيه عدنه. خوما اذبها بالشارع مثل بعض الناس.

فيصل : لتفهم غلط فهد. بس اني ما اكدر اتحملها. شنو جماله عليه؟ اني نسواني وجهالي كوه مدبر مصرفهم. اجي انوب اصرف على هاي.

فهد : ليش مو عندك معارض سيارات كامل الك. ودخرك خير من الله. الى متى تبقى تبجي بباب الحسين وتكول ماعندي؟ تره محد راح يكلك اتطيني بطل. هالسوالف.

فيصل : حتى لو عندي شنو اكعد اصرف على فلان وعلان؟ شنو ابتليت على عمري. خوما ابتليت. والله شنو رجلها يخونها كل الزلم تخون. وين المشكله؟ هو اول وتالي راجعلها. حتى لو خانها يرضي نفسه لفتره وتاليته يرجعلا.

فهد : تره مو كل الزلم زبايل ويخونون نسوانهم. البي خير يخلي روحه بمكان مرته. يقبل مرته تخونه وترجعله؟ اكيد لا. فالشي المتقبله على غيرك لتقبله على نفسك. خوش؟

فيصل : احنه زلم. تعرف شنو يعني زلم؟ كل عقلك تريد الي نسوي نسوي النسوان؟

فهد : هو شطيح حظ المجتمع غير هالفروقات بين المره والرجال. ومع للاسف انت وامثالك فاهمين الرجوله غلط.

غنى : اباوع لفهد صار بارود وكوه مسيطر على اعصابه. لان كلام فيصل كولش استفزه. وخاصه هو يتخبل من سالفه مره ورجال وهالسوالف.

ايمان : يمه كومن جيبن ماي.

غنى : اجيت اكوم كعدتني خاله.

ايمان : كعدي انتي. بس واحد حجه طفرتي حبيبتي. ورده كومي جيبي ماي.

ورده : صخام براس ورده. كمت.

آلاء : غنى اشو احسج سمنانه؟

اروى : عادي. يمكن لان حامل.

ساره : صدك غنى انتي حامل؟ اكول ليش سمنانه.

غنى : اي.

آلاء : شكد صار عليج؟

غنى : شهرين.

ساره : شو بطنج مومال شهرين. خاف مخربطه بالحساب.

غنى : لا متأكده شهرين.

آلاء : تحسين بيج ولد لو بنيه؟

غنى : والله مااعرف.

ساره : مو مهم. الاهم تمامه الخلقه. فيصل بارك لفهد. راح يصير اب.

فيصل : مرتك حامل. اي بالمبارك. بس مو جنكم استعجلتو؟

فهد : عليمن استعجلنه؟ اني اريد جهال.

فيصل : اي براحتك. المهم اني اجيتك بموضوع انت واعدني بي ومانفذته الي.

فهد : خير. يايوم واعدك بشي اني؟

فيصل : لا وعدتني بيوم الي صارت سالفه السحر. حجيت وكلت اذا حجيتلك الصدك الي منك سبع سيارات موديلات السنه.

فهد : اولا اني كلت خمسه مو سبعه. لتزود بكيفك. وثانيا اني كتلك تحجي الصدك وانت كتلي مااعرف. وانت تعرف. فبشنو تطلبني؟ حجيت الصار دفعه وحده. لا ضليت تتهرب. فشعندك يمي؟

فيصل : يعني ماراح تنطيني الخمس سيارات؟

فهد : ضحكت بصوت. احجي هندي اني مو كتلك ستوني مالك شي يمي. لو حاجي بوضوح من البدايه جان السيارات عندك. بس وينه وضوحك؟

فيصل : بس..

فهد : لا بس ولاشي فيصل. ربع دينار ميطلع من جيبي فهمت؟ واذا جيتك لهنا على حساب هالسالفه فاكلك جيتك على الفاضي. لان ماراح تحصل شي.

ساره : شنو هالحجي فهد؟ احنه لان نحبكم اجينه نشوفكم مو على حساب الفلوس.

فهد : اي ست ساره. شلونج شخبارج؟ شخبار محمد؟ بعده يحب يطلع بالحديقه يشم هوه مثل عمه؟ تعرفين اني هم مرات اطلع اخابر واشم هوه بالحديقه.

ساره : هاا.

غنى : تنهدت. يمه منه عرفته ماراح يعدي السالفه. ويطلعلها لساره. يطلعها ومتأكده شافها بالكامرات.

فهد : هاا شنو سألتج على محمد؟

ساره : ززز زين الحمدلله.

غنى : ضلو كاعدين. اذن الاذان. كمنه صلينه. وفهد ماخلانه نسوي عشه. راح جاب كباب من بره. همزين خلصنه من الطبخ. واكفه بالمطبخ احضر المواعين والمقبلات.

آلاء : شلونج بالبيت وانتي وحدج مرتاحه؟

غنى : عادي.

آلاء : يعني مافرحانه لان خلصتي منه؟

غنى : وليش افرح قابل شمسويلي انتو؟

آلاء : يعني تقنعيني مافرحانه لان طلعنه من بيت رجلج وصفالج كلشي وحدج؟

غنى : ردت اجاوبها وسبقتني ورده.

ورده : ليش عبالج غنى مثل بعض الناس حاقده ومتفكر بس بنفسها؟ لا حبيبتي. لو تلفين الدنيا متلكين بطيبه كلبها. لو بأخلاقها. ويمكن اني الوحيده الي تحب مرت اخوها اكثر من اختها.

اروى : انتي ملاحظه نفسج صايره وقحه؟ لا وتحجيها كبالي.

ورده : ديله يله اصير صريحه ولا اصير لوكيه. يله فضنها جعنه.

غنى : ضحكت هازه راسي. والله ياورده. كملنه كولشي وطلعنه تعشينه. كملنه وصبينه جاي. شربو جاي وضلو شويه وطلعو.

ايمان : يمه بتول ليش مانزلت؟

اروى : صحتلها ماقبلت تنزل. صعدتلها عشاها لفوك.

ايمان : براحتها.

غنى : كلمن راح لغرفته. بقينه بس اني وفهد.

فهد : عندج شي لو نصعد؟

غنى : اي خلي اعزل الاستكانات واجي.

فهد : خوش. لعد تعاي خلي اكعد يمج علما تكملين ونصعد.

غنى : ماشي حبيبي. دخلت للمطبخ وهو كعد على الميز.

فهد : عكب باجر حفله عقد اروى وعلي. شراح تلبسين؟

غنى : مو اخذتني قبل يومين واشتريت فستان للعقد.

فهد : بس ماشفته. كتيلي اشتريت ويه اروى بس ماشفته.

غنى : هسه من نصعد اراويك ياا.

فهد : حسبي حسابج اذا ماعجبني متلبسي.

غنى : يعني لابأس بي. لا فاضح زياده عن اللزوم ولا مستور زياده. عادي وموديله حلو. ما اعتقد ميعجبك.

فهد : هسه نصعد ونشوف. اكلج.

غنى : كول حبيبي.

فهد : اشتريتي قمصان نوم مثل ماوصيتج لو لا؟

غنى : احم اي اشتريت.

فهد : وينهن؟ شو ماشفتهن؟

غنى : شنو هاي فهد. كولشي تريد تشوف؟

فهد : تردين الصدك؟ بعد ماشفت اجمل ماخلق الله اكتفيت. بعد مااريد اشوف شي.

غنى : بخجل. اكلك اني كملت. يله نصعد.

فهد : يله. خليت ايدي على ظهرها وصعدنه. دخلنه للغرفه. اباوعلها ذبت حجابها وصايتها وبقت بالتراك المتكون من بجامه قصيره وتشيرت لونهن وردي وبيهن بزازين. رغم لبسها عادي بس شكد يعجبني.

غنى : شلت الفستان خليته على الجربايه.

فهد : شنو هذا غنى؟

غنى : الفستان.

فهد : ادري. بس مو جنه فاضح؟

غنى : لا مو فاضح. عادي.

فهد : هذا الفوك مفتوح صدك لو قماش؟

غنى : لا حبيبي قماش يلبس حتى متوكع البدله و يصير بلون البشره.

فهد : بس انتي بيضه وهذا بيجي يطلع نشاز.

غنى : حبيبي غير شيفون ويصير بلون الجسم من يلبس.

فهد : ما ادري. شو ما عاجبني. مامقتنع تلبسي. وبعدين ليش ماخذه هالون؟ تردين تموتيني انتي؟

غنى : جان لون الفستان اخضر على تركوازي غامق جدا بس حلو. حبيبي فدوه لكلبك والله مبي شي.

فهد : زين انتي حامل وهالبدله تخنك الطفل.

غنى : صدوك تحجي فهد؟ ملكيت غير هالحجه؟ لزمت ايده. فدوه حبيبي لتبطل واهسي. فدوه اروحلك لتكول لا. لان اذا اصريت محلبسه. بست ركبته. حباب.

فهد : بعد منا.

غنى : بسته من الجهه الثانيه من ركبته بعمق. حباب.

فهد : ضحكت. خلص لبسي. ما اريد اخرب واهسج.

غنى : حضنته. فديت الي ميحب يخرب واهسي.

فهد : بست راسها. اهم شي تكونين مرتاحه.

غنى : ابتسمت. رحنه نمنه. كعدنه الصبح. هو راح لدوامه. واني بديت اشوف البنات شيردن. اروى هادئه بس نرجس خبصتنه. كل شويه داكه تغلط على فلان وعلان. المشكله هنه عازمات بنات القسم كله من غير الكرايب. اعتقد القاعه راح تصير ازدحام. باجر. اباوع لخاله ايمان. عجيب شكد جميله. صبغت شعرها بني فاتح. وهي دبدوبه وطويله. سمنها مو بنشاز وملامحها طفوليه كولش. بحيث الي يشوفها ميصدك عمرها بالخمسين. مبينه ببدايه الاربعين. خاله طالعه تخبلين.

ايمان : بعد كلبي عيونج التخبل.

اروى : عفيه يمه شهاللون الي صابغته. ضرب على وجهج. تردين تكسرينه اني ونرجس.

ايمان : ههه لا عاد مو لهالدرجه. تخبلن انتن. شجابجن عليه؟

ورده : والعباس تخبلين. طالعه هسه كون يشوفوج اخواني. وخاصه فهد ميخليج تطلعين.

غنى : ههه ليش؟ اجاني صوت بتول.

بتول : فهد يغار على امه كلش. اتذكر من جنه صغار واجو ناس خطبو خاله ايمان. من الحجيه عبالهم خالتي بتها. بيومها فهد كلب الدنيا.

غنى : ليش؟

بتول : دك موبايلي من رخصتجن. خلي البنات يحجلج.

اروى : باعي غنى. فهد يغار على امي ويموت عليها. بحيث كلها اذا تفكرين تزوجين تنسين عدج جهال بعد. وما اراويج وجهنه بعد.

غنى : ضحكت. يااا.

ايمان : اي والله كل عقله. اني اعرس؟ والله لو يرجعوني شباب ويملكوني الدنيا ما اعوفهم واتزوج. ذوله نبض كلبي.

غنى : اباوع للبنات. اجنن. حضننها. ابتسمت على منظرهن. الله يحفظهم لبعض ويدوم المحبه بيناتهم. اباوعلها فتحتلي ايدها. تقدمت حضنتني ويه البنات وابتعد. باستني.

ايمان : بتي وحبيبتي العاقله الفاهمه. الي ياريت كلها تصير مثلها.

غنى : ابتسمت. مر اليوم بين التحضيرات والمخابرات مال نرجس. فهد ملتهي ويه الولد يجهزون لقاعه الزلم. ليل ياله فرغت. دخلت لحمام غرفتي حتى اسوي جسمي. اخذت غراضي ودخلت للحمام. كعدت بالكاع اسوي جسمي. بعز الشغل واني مندمجه. وجان احس الباب تنفتح.

فهد : غنى.

غنى : زفرت. يمه همزين قفلت الباب. يافشله الفشله لو طاب عليه وشايفني بهالمنظر. ها؟

فهد : فتحي الباب.

غنى : افتح الباب؟ حبيبي داسبح.

فهد : شو ماكو صوت دوش؟

غنى : هاا لا مو داليف جسمي وسديت الدوش.

فهد : هاا زين فضيها. اريد اسبح وانام.

غنى : مو سبحت الظهر.

فهد : الدنيا صيف غنى. مومال الواحد يسبح مره وحده باليوم. وبعدين انتي شعليج؟ شنو الماي جايبته من جيبج؟

غنى : ضحكت. خوش دقايق واطلع. كملت اخر شي والي هي رجلي. اباوع لجسمي صار صافي. بس عيبه اذا سويته يصير احمر دم. اله اغسله بمي بارد ياله تهدئ بشرتي ويرجع لونها لطبيعته. كمت سبحت بسرعه. وشعري شلع كلبي. غسلت بسرعه ولفيت شعري وجسمي بخاولي وطلعت.

فهد : نمتي خوما نمتي؟

غنى : اسفه حبيبي كوم.

فهد : شجنتي تسوين؟

غنى : اسبح غير؟

فهد : باوعتلها. جنتي تسوين جسمج مو؟

غنى : هاا.

فهد : جسمج صاير احمر. اكيد لان جنتي تسويي وطكع مو؟

غنى : وانت شمعرفك بهالسوالف؟

فهد : ليش الموضوع يرادله فهم؟ مبين الشيره مأذيتج وهيج مسويه جسمج. تلمست اديها. بس والله طالعه تضوين.

غنى : لالا انت مصيبه. اكول روح اسبح حبيبي احسن.

فهد : تعاي راويني الباقي.

غنى : ياا فهد شراويك؟

فهد : اشوف باقي جسمج هم صاير احمر حتى اعالجه.

غنى : هاا.

فهد : كلبت عيوني. هم رجعنه للهااا.

غنى : اشرت بأيدي. روح فهد روح وبطل هاي السوالف. يله روح يله متتعب انت؟

فهد : ماعيب ابو قاسم ميتعب. اكفئ محرك بالكون وتردي يتعب؟ عيب عليج.

غنى : غطيت وجهي. عززه بعيني. روح روح.

فهد : هههه ماشي.

غنى : هزيت راسي مبتسمه. طلعت ملابس بدلت واجيت. كبل قريتلي سوره قران ونمت لان تعبانه. ماحسيت اله وشفايف فهد على ركبتي. واديه تغطيني وتحاوطني من وره. لزمت اديه الي محاوطتني ورجعت راسي على جسمه وغفيت.

كعدت ثاني يوم الساعه بالتسعه على هوسه البنات. كمت كعدت فهد خطيه كوه كام. البارحه راح هو والولد زينو القاعه واتفقو على التقديم والكيك للقاعتين. وراحو للحلاق وجابو قوطهم. فكولش تعبو ومالهم خلك شي. نزل فهد طلع وهو وعلي ومنذر. واني رحت يم البنات الي جايبات ملابسهن ومكياجهن وحتى دي جي جايبات وياهن ومسويات حفله مسبقه قبل الي بالقاعه.

عبير : ويا اروى بس كولي بلي بيج خير وادللي.

شهد : واحنه خوات العريس واليوم نلعب جوله.

ملك : اي اي.

حياة : سمسومي ياجكليته حامض حلو بباكيته.

ايمان : لعد ابني وحد. وعرس علاوي هيل وطش بالولايه. اي اي وين جنتي تعاي نونه سويلج هوسه ولج.

غنى : ضحكت. واخونه خوش اخو يستاهل الهوسها.

ايمان : اي اي بعد كلبي ام حفيدي.

ضحى : ياا هاي منو تهوس؟ غنى ولا عرفتج ولج.

نسرين : على الحمل مستقويه. الله يسلمها.

غنى : ضحكت. والله هالمره مدري شبيها وياي. اباوع لمروه مبتسمه وواكفه على جهه. رفضت مرتضى وابتعدت عن الكل. اكدر اكول نوعا ما خلصت منها. بس لسه اشوف عيونها شلون يلمعن من تشوف فهد. وخاصه من نزل وسلم على الكل. عيونها اجن ينطن. ما انكر تنرفزت. بس شسوي مادام فهد ممنطيها مجال مالي حق احجي. طبعا عزمت خاله سحر وبيبي وبنات عماتي وعمامي. وكالو حيجون للقاعه. وهالشي فرحني. على الاقل اكول عندي اهل. تغدو الكل عدنه. والحجيه تهوس وطايره من الفرح. الله يديمها عليهم. صار الظهر راحت اروى وشهد وعبير للصالون. واحنه بقينه. سعاد طبعا ما اجت. فتره صعدنه اني وانغام لغرفتي حتى نبدل. اكول انغام شعجب مرحتي للصالون؟

انغام : اعرف اتمكيج ومكياجي احلى بالف مره من مكياج الصالون. يله روحي بدلي. خلي اني هم ابدل وامكيج روحي وامكيجج مكياج يطلعج نار.

غنى : ههه ماشي. راحت بدلت ووكفت تمكيجت. كل هذا واني واكفه. ماشاءالله عليها شكد نادره. سوت شعرها وبدلت وتمكيجت. كل هذا بنص ساعه. اباوعلها لبست فستان اسود وساحبه شعرها وحاطه مكياج ترابي. طالعه حلوه.

انغام : يله ولج روحي بدلي خلي نكمل حتى نروح للقاعه.

غنى : اي هسه دخلت بدلت وطلعت.

انغام : الله ولج فستانج يجنن.

غنى : كعدت من ذوقج حبيبتي. فتحت شعري وحايره شسوي شعري. برأيج شسويله؟

انغام : سلميني نفسج ومالج علاقه بالباقي.

غنى : غمضت عيوني وهي بدت تشتغل. كملت مكياجي وكلتلي فتحي عيونج. فتحت عيوني.

انغام : خرب يومج شهالجمال طالعه تخبلين.

غنى : ابتسمت مباوعه لروحي. تفاجئت. مسويتلي مكياج ثكيل سموكي وياا حمره فاتحه وطافيه. حرفيا المكياج يجنن. بحيث بارز ملامحي بشكل مو طبيعي. عاشت ايدج.

انغام : وايدج يعمري. يله خلي اسوي شعرج.

غنى : فتحت شعري وفيرته وبرمت جوانبه وثبتتهن بماشات. بحيث صار مثل التسريحه على طول شعري. يعني الي يشوفني يكول رايحه لصالون. ميكول متمكيجه بالبيت. باوعتلها. انتي مبدعه.

انغام : بغرور. شكرا شكرا. يله ولج خلي البس صايتي واروح. رمش عليه منذر يكول كلي لغنى تتحضر اجاها فهد.

غنى : ماشي. طلعت انغام واني كمت لبست حذاء فلات. مجبوره اخاف من الكعب والفستان طويل ميبين. اخذت صايه وحجاب خليتهن على جهه. اباوع لفهد دخل. شلت راسي شفته صافن عليه. باوعتله طالع يخبل مزين. ولابس قاط نيلي وقميص ابيض ورباط نيلي. شكد طالع حلو.

فهد : منو انتي؟

غنى : ابتسمت واكفه كباله. شتكول انت؟

فهد : بهدوء. احتركو واشتعلو بكاز.

غنى : فتريت كدامه. حلوه؟

فهد : عضيت شفتي. اويلي الله. كمر غير. والفستان يخبل عليج.

غنى : باوعت للفستان. صدوك؟

فهد : هزيت راسي. يله لبسي بسرعه. خلي اوديج للقاعه. احسن ما تشهد هالغرفه عمليه اغتصاب طاحنه. وانتي المسوؤله عنها. وهاا لبسي عبايه راس وغطي وجهج. مااريد اخنكج بالبوشيه. فلبسي عبايه احسن. لان مكياجج طوخ ومااريد واحد يشوفج.

غنى : ماشي. رحت لبست ونزلنه. لكينه بس ورده وخاله. طلعنه للقاعه. ذبنه فهد وراح. دخلنه لكيناها مكتضه بالعالم. اروى ونرجس بعدهم عد الصالون. دخلت لغرفه التبديل نزعت وصفطت غراضي وطلعت. شفت خالتي. رحت حضنتها وسلمت عليها. انوب رحت لبيبي والبنات حضنتهم. رغم بقيت وياهم اقل الشهر بس هواي حبيتهم.

غسق : الف الف مبروك حملج يروحي.

زمرد : الف مبروك. تكومين بالسلامه بعد عمتج.

غنى : يعمري الله يبارك بيحن.

ام صالح : عززه بعين العدو ولج شلابسه انتي؟

غنى : فدوه اروحلج بيبي. مو اخلص من فهد تطلعيلي انتي.

ام صالح : غير اخاف عليج وانتي حامل.

غنى : ابتسمت. حبيبتي الحنينه. اخذت بيبي والبنات عرفتهم على اهل فهد. وخصوصا عمته نسرين. بس حتى تبطل تكول عليه ماعندي احد وتنتقص مني. شويه واجو البنات. جان طالعات يخبلن. والله يعني صدوك فدشي. بدت الحفله والهوسات. حفله من اجمل الحفلات الي حضرتهن بحياتي.

ياسمين : وعلاوي رايد راده وعايف بنات ولايته.

ملك : هاي لاخويه وهاي الرادها وهاي التمناها. بنت الشيخ لابن الشيخ جبناها. جذب لاابويه شيخ ولا عمي شيخ. ناس تجار احنه.

الكل : هههه.

شهد : وسوو درب لام الولد. خلوهاا تلعب جوله.

غنى : اباوع طبت خاله حياة وايمان يهوسن ووياهن الحجيه. وسون لتم البنيه وركصت خاله ام جعفر. استمرت اجواء الحفله. ونرجس واروى ركصن وسون فقرات. صدوك تونسنه. خلصت الحفله. ودخل علي لبس نرجس الحلقه. وهي هم لبسته وباسها كدام العالم. وهي انكلب لونها. طلعت تستحي. طلع علي وره مسوله هوسات. ونزلت نرجس داخله لغرفه التبديل حتى يدخل سامر. وفعلا دخل سامر بس شنو يريد يوكع من الخجل. يموت ضحك. كوه قبل يبوس اروى وهي تضحك عليه. لبسها الحلقه وباس ايدها. ومبينه الفرحه بعيونه. الله يحفظهم يارب. شكد حلو صديقتي المقربه صار مرت حمايه وصديقتي الثانيه حماتي. خلصت الحفله وطلعنه راجعين للبيت. اول ماوصلنه بدلنه وبوجهنا على النوم. هلكنه هلاك.

لثاني يوم الساعه ب1 ياله كعدنه. وهم بعدنه مطفين. رغم اني مركصت بس هم تعبت من الهوسه. خلص اليوم والبيت هدوء. مرن تلث ايام واحنه نجهز للعرس. بعد اربع ايام ويعرسون. وخاله ايمان تمرضت. سوده عليه. على حساب اروى وتبجي تكول شلون افاركها. وهي اروى على بعد كم بيت عنه. بس بعد كلب ام.

كاعدين بالصاله الساعه ب11 بالليل نتناقش بالعرس.

اروى : خايفه.

غنى : لتخافين من شي. توكلي على الله وان شاءالله تعدي على خير.

ايمان : يمه بنيتي شلون راح افاركها.

غنى : حضنتها. يمه حبابه لتسوين هيج. والله راح ابجي.

فهد : شبيج يمه لتكلبنها مناحه. لخاطر الله. اني من غير شي ضايج.

علي : ليش بس لا زعلان على فراك اروى؟

فهد : طبعا اول اخت النه والمدلله مالتنه. شلون ما اضوج. واني ماراح اصبح بوجها. صعبه عليه والله. منو يكدر يفارك شمعه البيت؟

غنى : اباوع لاروى. كامت حضنت فهد وبجت. وخاله ايمان بندت. مدري خطيه قهرني.

فهد : ابتسمت. بايس راسها. هسه عليمن هالبجي؟

اروى : ما اعرف شلون بعد ما اعيش وياكم. وراح اعوف البيت.

فهد : هاي سنه الحياة حبيبتي. اليوم والا باجر يجي يوم وتتزوجين. وبعدين وينج انتي؟ هاي وياج قريبه علينه. تكدرين تجين بأي وقت.

اروى : هزيت راسي.

ورده : اكلكم كلبتوها مناحه. علي اخذلك هزه حبيبي.

غنى : اباوع لعلي كام يدك على الصينيه. و ورده تهز بشعرها. وهو يهز جتف. واحنه نضحك على سوالفهم. وفهد انطلق يصفكلهم. وركص ورده واروى. ويضحك على علي الي يهز. حتى خاله ايمان كوموها. وهي وياهم. بس فهد مركص بس يضحك ويركصهن.

بتول : حلوه جمعتكم الواضح ارتاحيتو من طلعنه.

غنى : تنهدت. مااعرف شجاوبها. سمعنه موبايل فهد يدك. سكتهم وفتح موبايله.

فهد : الوو. هاا عمي. الحمدلله خير. شبي صوتك؟ استغفر الله صدك تحجي. لا اله الا الله. وكتها هسه. ماشي ماشي.

ايمان : خير شبيك يمه؟

فهد : خابرني عمي عباس مات. ابو رضا اخو الحجيه.

علي : لااااا يا الله.

**********يتبع

كاعده اباوع لعلي حاط ايده على راسه وعاوز شويه ويبجي.

واروى هم.

فهد: نزلت من فوك، هاي بعدك لسه كاعد؟ كوم تحرررك.

علي: شوو سكتوا عني يعنيي؟ محلهااا ابو رضا يموت.

فهد: قابل هو بكيفي لو بكيفك؟ امر الله هذا، كتب له يموت اليوم، خلص بعد هذا يومه، شنسويله.

ايمان: كوم يمه كوم حبيبي، اذا الله قاسملكم تسوون عرس وفرح تسوون، واذا الله ماقاسم هاهي، هذا امر الله.

علي: والنعم بالله. يله فهد.

غنى: طلعوا الولد واروى قامت تدك وتلطم.

اروى: اربع تيام لو صابر اربع تيام، شكوول عليك يا ابو رضا، خربت كل شييي.

غنى: استغفر الله حبيبتي اروى، ميجوز تحجين هيج.

اروى: لج غنى، بقه اربع تيام على موعد العرس، جماله اني ونرجس حاجزات البدلات ودافعات الفلوس، من غير القاعه والتنسيق ويه منظمه خاصه، كل هذا احنه مسوي، وعلي وسامر هم حاجزين قاعه الزلم وعازمين كووومه ناس، خو سامر عنده اصدقاء من غير محافظات جايين لهنا، تعاي كليلي شنكللهم؟ تأجل العرس.

ايمان: سوده عليه يايمه، دومكم مشلوعين كلب، الحمدلله والشكر.

غنى: ضلينه كاعدين للفجر ياله رجعوا فهد وعلي، بس شنو علي خطيه عيونه براسه من العصبيه، صعد بوجهه فوك.

وبقه فهد...

هاا شصار؟

فهد: يعني هالعالم عدها سوالف اكلهم يمعودين خلي ناخذه للمغيسل ومناك كبل نطلع للنجف ندفنه مو اله نزوره، لان الدنيا حاره، احنه بتموز يامسلمين الله موزين حاره الدنيا مو مال فره، استعجلوا بالدفن ولا كأن، اصروا يزورو، شسويلهم بعد. راحوا اخذوه للمغيسل، غسلو وجفنو واخذوا يزورو الكاظم (عليه السلام) وبعدها يطلعون للنجف يزورو الامام علي (عليه السلام) وانوب يدفنوه، اريد اشوف شلون الجثه تتحمل على هالحر.

ايمان: خطيه تلكه الحجيه هسه شحالها.

فهد: ملخت روحها تملخ، رادت تجي ويانه ماقبلو، اي مره تجي، احنه راح نروح ندفنه ونجي وهاي اني اجيت ابدل حتى نطلع، علي طنكر وماراح يروح، يله من رخصتكم.

غنى تعاي.

غنى: صعدت ورا، دخلت للغرفه لكيته يدردم.

شبيك حبيبي؟

فهد: خطيه علي وسامر، عود مخططين وحاجزين ودافعين كل تكاليف العرس، تالي طلعت لهم هالسالفه صفح.

غنى: ميخالف موفد مشكله، خلي يسحبون فلوسهم ويأجلون العرس فتره.

فهد: حبيبتي ماكو عرس بعد، واذا تأجل لازم يتأجل شهرين احتراماً للحجيه، خوما احنه ندك ونرقص واخو الحجيه ميت. والله اني لومن علي وسامر بهاي الاربع تيام كلمن ياخذ مرته ويعرسون بدون حفله بدون شي احسن، لان كلما تأجل العرس كلما يطيح حظهم.

غنى: اي والله خطيه.... حتطلع انت هسه؟

فهد: اي، همه راحوا للكاظم ومن يطلعون اطلع وراهم حتى ناخذه للنجف وندفنه وبنلش بالفاتحه.

غنى: شعجب حتروح؟

فهد: شلون ما اروح، اسمهم اهل ابويه واهل الحجيه، واحنه احفادها، واحنه واجهه الها بالمناسبات، شلون منروح؟ وبعدين ابو رضا الله يرحمه جان خوش رجال ويستاهل واحد يوكف له.

غنى: هزيت راسي...

طلعت له بنطرون وتشريت اسود بدل، واخذ مفاتيحه.

فهد: بستها من شفتها. حبيبي انتي نامي وريحي جسمج، اني اتأخر، واذا بيه رجعه باجر العصر، اكلي ودواج حبابه لتنسين، خوش؟

غنى: صار حبيبي، يله روح يحفظك الرحمن...

راح فهد واني نمت وافكر بكلام بتول، يعني شكد قاريه بالقران عن الحسد وشكد سامعه عن ناس تحسد، بس بحياتي مشايفه. اليوم بتول بس كالت علينه مرتاحين، اجتنه فاجعه بنفس اللحظه، حتى ماطولت ليوم. الله يستر من هالعين، دخيلك الهي. تغطيت وغمضت عيوني ونمت...

للعشره الصبح كعدت على صوت الموبايل. شفتها نرجس، جاوبتها. اجاني صوت صياحها.

نرجس: ولج صدك اخو بيبيه علي مات؟

غنى: اي خطيه.

نرجس: عزززه العزانييي وصخممم وجهيي، تفركش العرس، خرب فكرج يا نرجس.

غنى: اهدي اهدي يمعوده، قدر وصار مو بكيفنه، وبعدين كل تأخيره وبيها خيره، يجوز تأخير العرس بي صالح الكم.

نرجس: لج لا صالح ولا فالح، اني اريييد اعرس واخلص، ماعولت هالايام تخلص حتى ارتاح، صار شهر دربي ما اشوفه من التعب، تالي يطلع لي اخو الحجيه ياسمين صفح.

غنى: كمت من الفراش. يعني يانرجس قابل هو بكيف الحجيه لو بكيفنه، هذا امر الله، والبارحه يوم الرجال شنو نحاسب الله احنه.

نرجس: لا استغفر الله، بس ولج مقهوره. احاجي امي تكلي مو سويتي حفله عقد مطنطنه، كعدي وسكتي وكولي الحمدلله.

غنى: حقج حبيبتي، مو سهله. لعد اروى شتكول؟ خطيه وسامر عازم كل جماعته من خارج محافظات وهسه تفشل وياهم.

نرجس: هو شفكرنه غير هذا الفكر.

غنى: انوب لفتي على الولد، دروحي روحي واهدي شويه ولتطلعين خبالج عليه، تره خطيه هو اكثر واحد مقهور.

نرجس: لا اطلع خبالاتي عليه، شنو هسه اخابره اعزي؟ يله باي.

غنى: بيباي...

سديته وعدلت الجربايه، دخلت للحمام اباوع لقميص فهد، جريته شميته.

حبيبي سوده عليه البارحه منام بالبيت، اكيد تعلعت نومته....

شغلت الغساله اغسل الملابس الوصخه، على الاقل اشغل روحي شويه.

بدلت ونزلت جوه، البيت هدوء، خاله بفاتحه النسوان وورده وياها، اني واروى ماخلتنه نروح لان اني حامل وكلت لي ميصلح، ماعرف ليش، واروى لان عروس، ماخلتها تروح، وبتول اصلا مو يمنه.

صباح الخير.

اروى: بهدوء صباح النور.

غنى: بعدج ضايجه؟

اروى: طبعا اضوج، مو شفتي العرس تفركش؟ والبارحه الفجر خابرني سامر كلي ابويه ميقبل نسوي عرس لو نأجله لفتره لو نتزوج على الساكت، من بيتنه يزفونه بسياره وحده للفندق وبس، احتراماً الهم.

غنى: والله اني افضل ثاني اقتراح، الحفله والهوسه كلها متفيد، العشره اهم، انتي من تكعدين وياا ببيت واحد وترتاحين وياا صدكيني ايامج كلها حتصير افراح وحفلات.

اروى: اي والله صحيح كلامج، واني هم هيج افكر، بس خلي اخابر نرجس واتفاهم وياها حتى اكل لسامر. كافي تأجيل، اني وسامر صبرنه سنين، ويجوز الي صار هو انذار حتى نستعجل.

غنى: عفيه عليج، هذا الي مفروض يصير. يله خلي نتريك لان اني جوعانه وابني كام يصيح.

اروى: ابتسمت. مو يدلل حبيبه او حبيب عمته، احلى ريوك يجي هسه.

غنى: ابتسمت.

سوينا ريوك وكعدنه نتريك.

نزلت بتول لابسه ملابسها.

اروى: وين؟

بتول: لخالتي.

اروى: وحدج تطلعين؟

بتول: ليش المفروض ياخذني احد؟ اكيد وحدي، اريد اروح اشوفها، مليت هنا.

اروى: روحي بس فكينه.

غنى: طلعت بتول واني كمت اشوف شريد اسوي غده، وعيني على موبايلي، فهد متصل عليه من طلع الفجر لسه، يمكن لان فاتحه وتلكي راسه ميكدر يحكه.

سويت نواشف للغده لان محد موجود، بس اني واروى، قابل شنريد ناكل، حتى واهس ماكو.

مر الوقت واذن الاذان، رحنه صلينه. هي راحت تحاجي نرجس، واني كعدت اقره قران.

للواحده كمت كليت كباب عروك وبتيته وطماطه زلاطه ومن هالسوالف. كعدنه نتغده وكالعاده اني طول اليوم شبعانه بس يتخلى الاكل كدامي اجوع.

اروى: شوكت ترحين لدكتورتج؟

غنى: ذاك الاسبوع جنت عدها، هو بدايه كل شهر ادخله اروحلها اطمئن على الطفل وعلى صحتي. تدرين اروى، رغم لسه مجبت الطفل، بس احس روحي صارت بي، متتخيلين الاحساس الي احسه واني اتخيل اكو طفل كاعد بداخي.

اروى: حلو هالشعور.

غنى: بهدوء يجنن اروى، يجنن. تخيلي اني صرت مهووسه بطفلي من اول ماسمعت نبضات قلبه، ومن راويت صوره السونار لفهد تخبل عليه، كون تشوفي شلون يباوع للصوره بتركيز وعيونه تلمع.

اروى: بعد كلبي، شكد ما اكو ناس يكرهوه ويحجون عليه على ابو شايف روحه وانفه وميتحاجه، بس والله لو يشوفون طيب قلبه وحنيته يتندمون على كل هالحجي.

غنى: ابتسمت. للاسف الناس تجذبها المظاهر، ومظهر فهد يوحيلهم هيج، بس هو ماكو واحد مثله بهالكون. شكد ماهو قاسي ومرات جلدي يكزبر من يسولف لي شيسوي بشغله، بس بالمقابل عنده مواقف حلوه تبقى مطبوعه متنمحي ابد.

اروى: الله يحفظه ويخلي خيمه على راسنه.

غنى: امين...

كملنه غده وكمنه عزلنه المطبخ وكعدنه نسولف للمغرب.

رجعوا الجماعه من الفاتحه.

ايمان: ااخ يمه، الحجيه تكسر الخاطر شلون مفرفحه على اخوها.

ورده: خطيه، همزين مات متشوفي عاش قرن وشويه، كافي صار سكرابه رجله ميكدر يحركها.

ايمان: وانتي عينج على عمر الرجال.

غنى: لا خاله، يمكن قصدها انو عمره جبير وجابها امراض وتعب، فالموت اريح له من هالعذاب.

ايمان: بهاي صدقتن، الله لا يوصلنه لهالمرحله، كلشي ولا يذلنه المرض والعمر.

اروى: ربي يخليج خيمه على راسنه وتشوفين احفاد احفادنه.

ايمان: بعد كلبي.

غنى: خاله لعد وينه فهد؟

ايمان: مدري شبيها سيارته، كال اشوفها واجي.

غنى: كمت وكفت يم باب الكراج منتظرته، اباوع له طب وسد الباب. صرت اني بوجهه.

الله يساعدك.

فهد: هله بيج حبيبي، شمطلعج بهالحر؟ تعاي تعاي مو زين ليروح يصير بيج تيفو.

غنى: دخلنا جوه، هو راح كعد واني طبيت جبت له كاسه ماي انطيته وكعدت.

جوعانين اسويلكم شي؟

ايمان: لايمه، اني و ورده تغدينا هناك، شوفي رجلج.

غنى: راحت خاله والبنات وبقه فهد.

اسويلك اكل حبيبي؟

فهد: لا متغدي، راح اصعد فوك، تعاي دلكيلي جسمي لان تعبان.

غنى: صار.

صعد واني عزلت الصاله ولحقته. دخلت للغرفه لكيته نازع ونايم على بطنه ومغمض.

نمـت؟

فهد: بهدوء منتظرج.

غنى: ذبيت حجابي وصايتي ودخلت للحمام. جبت الزيت واجيت كعدت، اخذت من الزيت خليته على ايدي ولزمت كتافه.

فهد: تاوهه. آاااخ شدي ايدج اكثر.

غنى: عصرت متونه. جسمك كله متخشب.

فهد: من البارحه بالليل لليوم احنه على فرد وكفه، حتى نوم مانمت غير ساعه وحده بسيارتي وتكسر جسمي.

غنى: يله هسه يفك جسمك وترتاح.

فهد: نزلي شويه، اي هنا ضغطي اكثر، اااخ.

غنى: ضغطت منطقه العمود الفقري ودلكت جسمه على كيفي، اباوع لجسمه صافي مبي شوائب ويلمع من النظافه، طبيعه جسمه مو مشعر. ضليت ادلك له ظهره ورجليه لحد ماحسيته غفه. باوعت له سوده عليه كد ما تعبان فاتح شفايفه ونايم.

كمت من يمه على كيفي، عليت السبلت ادري به يحب الغرفه مثلجه. رفعت الغطه غطيته ورحت كعدت اكلب بموبايلي. ضوجه، وين اروح.

مر اليوم وفهد نايم، لليل ياله كعد وهم كام صله واكل شويه ورجع نام ثاني يوم راح لدوامه ومناك للفاتحه، وهكذا استمر الوضع ل3 ايام وانتهت الفاتحه.

رابع يوم اجو عمام فهد.

مهدي: شوف عمي، تعرفون انتو علساس باجر عرس الولد، بس الله ماقسم وتوفه خالي ابو رضا الله يرحمه برحمته الواسعه، فلهذا كلنه احسن حل كل واحد ياخذ مرته ونسوي العرس سكيتي، لا حفله ولا معازيم ولا شي.

فهد: عمي هذا شي اني ما اتدخل، راجع لهم، اذا علي واروى يردون هيج خلص براحتهم.

علي: اي احسن، فهد مالنه خلك ناجل وشمدرينه يجوز تطلعلنه شغله ثانيه لا سامح الله، فخلي نفظها احسن.

سامر: اي واني وياك، التأجيل ما منه فائده، على حساب الونسه والحفله سوينه حفله عقد رنانه احنه سواء للزلم او للنسوان وماقصرنه، فخلي مستعجل احسن، غير انو اني وعلي ماخذين اجايز سوه ومنكدر نضيعها هيج.

عباس: عين العقل بويه، احسن الكم من الهوسه والخبصه، عرسوا والحجيه اني ترخصت منها وكالت براحتكم، وهي هم خطيه ضايجه عليكم تكول ماراح احضر عرس احفادي.

فهد: هاهي، حددوا اليوم الي تردو واني وياكم، مادام الشباب متفقين خلص لعد.

مهدي: خوش، حتى نختصر الايام، شنو رأيكم بعد يومين؟

علي: لا عمي، كون احاجي اهل مرتي وافهمهم على اليوم واشوف يناسبهم لو لا.

عباس: ليش ما كلتلهم عدنه وفاه؟

علي: كلتلهم والجماعه الله يوفقهم ماعترضو، كالو براحتكم، بس كون باجر اروح اكللهم، خوما اخابرهم واحاجيهم زحمه.

مهدي: اي هو روحلهم، واذا تريد نجي وياك احنه، زحمه تروح وحدك، على الاقل يكولون قدرونه.

علي: تسلم عمي، والله مااعرف بيش اجازيكم.

عباس: انجب ولك انجب، مابيناتنه هالسوالف احنه... يله بويه امشونه تأخرنه.

فهد: بعد وكت عمي.

عباس: لا بويه هم يا الله.

فهد: طلعوا الجماعه، سديت الباب وراهم وطبيت.

غنى: يعني خلص حيعرسون بعد كم يوم؟

فهد: اذا الله راد... يله تعاي خلي ننام.

غنى: هزيت راسي. رحنه نمنه.

ثاني يوم راح فهد وعمامه تعذرو من اهل نرجس وقربوا الموعد واتفقوا عرسهم بعد يومين مثل ما راد علي وسامر. وفعلا اليوم احنه دنجهز اروى حتطلع من البيت بالبدله البيضه هي ونرجس يزفوهم للفندق وخلصت فضت.

اروى: اكول غنى ماراح تجين انتي؟

غنى: شعندي جايه؟ هو حارث ومحسن حياخذوكم يزفوكم للفندق وفضت راحت، وخاله ايمان وام جعفر يلحكنحن لهناك.

اروى: ماادري شو ما مرتاحه.

غنى: اغلب الي يتزوجن هيج، مو شي جديد. مدامج حتدخلين حياه جديده اكيد تكونين متخوفه منها، وكلي امرج لله وماكو شي.

اروى: والنعم بالله.

غنى: ابتسمتلها محاوله اطمنها.

ثاني يول راحت اروى للصالون واجت للبيت، صفكنالها اني و ورده والبنات، ونرجس هناك بنات خالاتها واقاربها مسويات لها حفله حنه بسيطه بالبيت. للساعه بالتسعه بالليل اجت سياره محسن وسامر، دخل بوس امه وخاله ايمان من راسها وباس اروى وخذاها وطلع. كل هذا ميعادل موقف فهد وشلون اروى حاضنته ومبنده من البجي وهو حاضنها عبالك ميريدها تروح. باس راسها ووصه سامر عليها وخله ايده بايدها وطلعوا. تذكرت نرجس، الله العالم بحالها هسه.

الساعه 10 مسائاً

نرجس: كاعده واديه يتراجفن من الخوف، مدري شبيه من امي وخاله ايمان من كعدن يوصني حسيت لشتي كامت ترعص من الخوف. اباوع للباب انفتحت ودخل علي لابس قاط جوزي ومبتسم. اجه وكف كدامي، رفع البركع وحسيت بشفايفه على كصتي.

علي: الف مبروك حبيبتي.

نرجس: ال الله يبارك بيك.

علي: شبيج حبيبتي ليش ترجفين؟

نرجس: خ خايفه.

علي: لتخافين حبيبتي، باوعي لي، اني حبيبج علي، شو باوعي لي.

نرجس: باوعت له واحس عيونه تمشي على وجهي.

علي: تقربت بست خدها ولزمت ايديها. انتي واثقه بيه؟

نرجس: هزيت راسي.

علي: مديت ايدي على سحاب فستانها. خلص لعد سلميني نفسج.

نرجس: شش.

علي: دفعتها على الجربايه وتقربت بايسها و... اخذتها وياي لعالمنا، اني وياها بادي حياة جديده ويه الانسانه الي تناسبني.

سامر: كافي ياحبيبتي ليش البجي.

اروى: اريد امي.

سامر: بابتسامه والله باجر تجي وشوفيها وشبعي منها، ولو يصير اخذج هسه الها بس ميصير، احنه هسه تزوجنه وانتي هسه مرتي، غير تكونين مستعده تبدين حياتج وياي وانتي مطمنه.

اروى: بدموع اني خايفه.

سامر: لزم اديها باسهن. اذا خايفه من ذيج الشغله اطمني حبيبتي، ما اجبرج عليها، خليج لمن تهدئين وتحسين نفسج مستعده، ياله اني هالسالفه مو مهمه عندي بكدج، عادي اذا متكدرين اليوم نأجلها لمن تحسين نفسج جاهزه، زين؟

اروى: هزيت راسي.

سامر: باس راسها. يله كومي سبحي و بدلي وتعالي حتى نتعشه ونكعد نسولف شويه، متتخيلين شكد منتظر اليوم الي اكدر احاجيج واباوعلج بي بدون ما اخاف واتقيد بأحد، يله حبيبتي كومي بدلي حتى ادخل وراج.

اروى: من سمعت كلامه هدئت نوعا ما. كمت اخذت سيت النوم ودخلت للحمام. فتحت البدله بسهوله، همزين ذبيتها وفتحت تسريحتي وسبحت بماي بارد اريد ابرد جسمي. كملت ولبست السيت وفوكه الروب مالته. لفيت شعري وطلعت، لكيته كاعده بس شافني كام باسني بخدي ودخل للحمام. كعدت انتظره، سبح وطلع كعد يمي، تعشينه واحنه ساكتين، كملنه وشلت الاكل عزلته على جهه.

سامر: عوفي الاكل وتعاي خلي نصلي ركعتين حتى الله يباركلنه بهالزواج، يله ارو حبيبتي شبيج؟ ماراح اكولج والله.

اروى: اجيت لبست الجادر الجايبته وياي وكفنه صلينه وكملنه. اجه لزم ايدي.

سامر: اروى اني ما اريد اجبرج عليه، بس الشغله وراج وراج، شنو رأيج تطاوعيني اليوم وتخلينه نتمم زواجنه وصدكيني اذا ماحبيتي وحسيتي نفسي ما متقبله الموضوع ابتعد، شتكولين؟

اروى: هزيت راسي.

سامر: اخذني وياا للجربايه وبدت ليلتنا بكل هدوء. ماتوقعت سامر يكون هادئ ورومانسي لهالدرجه، بحيث اخذني وياا لغير عالم. وكانت تصرفاته ويايه حذره جدا، حسيت بخوفه واهتمامه بيه. واني هم سلمته نفسي من حسيت نفسي امينه بين اديه، وبيومها عرفت انو اني اختاريت الانسان الصح.

غنى: واكفه اعزل بالصاله وره مطلعو الجماعه، رتبتها ولميت كاسات الماي وهوسه الجهال، دخلت للمطبخ نظفته وعزلته. اجيت اصعد لغرفتي بس تذكرت خاله ايمان، خلي اشوفها. دكيت باب غرفتها ودخلت، شفتها كاعده تبجي.

ياا خاله شبيج؟

ايمان: ماكو شي حبيبتي، بس ضايك خلكي على فراك اروى.

غنى: دخلت كعدت يمها لزمت ايدها، خاله فدوه لتبجين، هسه الي يشوفج يكول اروى تزوجت بغير محافظه وابتعدت عنج، وهي هاي وياها على بعد جم بيت عنج وتكدر تجي لهنا بدقيقه.

ايمان: اعرف يمه، بس صعب علي كأم اربي واكبر واتعب تالي ضنايه يبعد عني. واروى اني ضليت اداريها مثل الورده ل25 سنه واباوع عليها شلون تنمو كدام عيني. صحيح فرحانت لها ومأمنه عليها عد بيت عمها لان خوش ناس، بس يبقى فراكها حاز بصدري.

غنى: بهدوء حبيبتي خاله، حقج ومحد يلومج تبقين ام وصعب عليج تفاركين ضناج، بس لازم تتقبلين الموضوع، هاي سنه الحياه، وكلنه على هالطريق، حتى لو نحب اهلنه ومتعلقين بيهم هم يجي يوم ونتزوج ونشوف حياتنه وهم حنكبر ويتكرر موقفنه هذا ويه اطفالها اذا كبروا وتزوجوا مو صحيح؟ فليش هيج دتبجين؟ بالعكس فرحي لان اروى صارت جبيره وبدت حياتها ويه الشخص المناسب، وبعدين اني ممعوضه مكان اروى لو انتي متعتبريني بنتج؟

ايمان: حضنتها. حبيبت كلبي ام كلب الطيب، شلون ما احبج؟ والله يغنى معزتج من معزه بناتي، الله شاهد، صحيح صارت بينه مشاكل باخر فتره، بس توضح لي كل شي والحمد لله رجعت وياج مثل قبل، انتي بنيتي العاقله الورده الي ما فد يوم شفت تقصير منج ابد.

غنى: بست راسها. حبيبتي خاله فدوه اروحلج، والله يخليج ويحفظج النه.

ايمان: بعد كلبي كلبج.

مسحت دموعها. يله يمه كومي ارتاحي انتي من الصبح على فرد وكفه.

غنى: غير عرس خواتي اليوم، لتخافين عليه مثل الورد وكولشي مابيه، يله اعوفج ترتاحين، تصبحين على خير.

ايمان: اجمعين يمه.

غنى: صعدت فوك فتحت باب الغرفه ودخلت، اباوع اضائه الغرفه خافته واكو ريحه غريبه بالغرفه. درت وجهي لكيت فهد كاعد يشرب نركيله وعالك اغاني غريبه ومسلطن.

باستغراب هاي شكو اليوم؟

فهد: اخذت نفس من النركيله. صار فتره طووويله ما سهران سهره خاصه، كلت اسوي لي سهره بالبيت.

غنى: سهره خاصه؟ شلون يعني؟

فهد: بهدوء. نفس السهره الي جنت اسهرها بالملاهي، الفرق هالسهره بدون شرب ونسوان. عوفج من الاسئله، اكو شي على الجربايه، روحي لبسي وتعاي.

غنى: رحت للجربايه جريت شي اسود. فتحت عيوني، عززه هاي شنو؟ اباوع قميص نوم اسود يشبه الفستان بس كولش ضيك وقماشه خفيف الى درجه بحيث كولشي يبين منه. حسيت بي ورايه.

فهد: حاوطت خصرها. ها حبيبي عجبك لو لا؟

غنى: مو جنه مستور هواي هذا؟

فهد: بهمس. صحيح، بس شسوي هذا افضح شي ردت اجيب واحد افضح منه بس مالكيت.

غنى: تريد افضح من هذا؟

فهد: بست ركبتها. الي اريده هسه تصيرين بين ايديه وبس. ابو قاسم يريد يعرس على واهس الاعراس.

غنى: وانت لازم بكل عرس تعرس؟

فهد: اي، يله روحي لبسي وتعاي.

غنى: بس.

فهد: لتناقشين حبيبي، يله. دفعتها بخفه تجاهه الحمام. منتظرج، لتكسرين واهسي واني مسلط. ولتكولين الدكتوره كالت ميصير، قبل اسبوع اخر مره، يله حبيبي.

غنى: هزيت راسي.

فهد: لحظه، ولبسي قميص النوم بدون داخليات.

غنى: شنو؟

فهد: تكسرين حجايتي يعني؟ يله يروحي نفذي الي اكوله، هو كل عشر تيام وهم مو مثل ما اني اريد.

غنى: تنهدت، رغم هو ميصير بس ما اريد اضوجه، خاصه اني مانعته عني هالفتره وكل عشر تيام ياله اخلي، وهو مكايل شي. دخلت للحمام ذبيت دشداشتي وذبيت مي على جسمي بدون ما اغسل شعري لان الصبح سبحت. كملت ونشفت جسمي، رطبت جسمي، نشف المرطب، لبست السيت، غمضت عيوني، اني شلون حطلع هيج؟ ما ادري. تعطرت وفتحت شعري على طوله وطلعت، لكيته كاعد ودخان النركيله يصعد من شفايفه ويتطاير بالغرفه.

فهد: عضيت شفايفي. لك هاي شطالع حبيبي. كمت تلمست شعرها. تدرين شكد احب شعرج، سواده، كثافته، لمعته، كله على بعضه يخليني افقد. باوعت لجسمها، اووف شكد الله مبدع بيج سبحانه. صدك قدرته تصفن. دنكت بست ركبتها، حسيت بجسمها يقشعر. ابتسمت مقربها عليه. شنو رأيج تركصيلي شويه؟

غنى: شنو؟ لل لالا ما اعرف.

فهد: لعد الي جانت تفر ب..... منو؟ امي؟

غنى: بخجل. والله بدون قصد، هيج جنت مندمجه محاسه.

فهد: بهدوء. خلص لعد الشغله سهله ميرادله شي. تمايلي وحركي جسمج على الاغاني وبس.

غنى: لا حب...

فهد: شكلنه؟ مو كلنه لتكسرين واهسي؟ شغلت المسجل على صوت ناصي. يله.

غنى: اباوع له كعد واخذ النركيله، كام ياخذ نفس ويباوع لي. اني ما اعرف اركص، وذاك اليوم فعلا مجنت حاسه بروحي، وهسه مستحيل اركصله. فهد، اني مو راقصه ولا بت ليل، شلون اركصلك؟

فهد: ما اعتقد، اذا المره تركص لرجلها وحلالها، تتسمى بت ليل؟ انتي حلالي واني حلالج، اي شي يصير بيني وبينج مو حرام ومباح، فهمتي؟ كمت غيرت الاغنيه لموسيقى واخذت ايدها. تعاي خلي نرقص اني وياج مادام متردده.

غنى: حتهز انت؟

فهد: ضحكت. لا يابه اهز شنو؟ انتي الراح تهزين، بس بين اديه. اخذت ايدها وحاوطت خصرها بأيد وايد نزلتها لازم جوه خصرها. غمضي عيونج وانسي نفسج، وهاي اني هم راح اغمض عيوني واحس بجسمج، بس يله تحركي على الموسيقى بكل هدوء.

غنى: خليت ايدي على كتفه وغمضت عيوني بخفوت. حسيت بي يتحرك، حركت رجليه وياا، اعتقد اني وياا دنرقص مثل رقصات المسلسلات، ماعندي خبره بالرقص، بس اعتقد اسمه سلو. ضلينه فتره نتحرك بهدوء وصوت الموسيقى، ويه اضائه الغرفه منطي جو رائع. بدون شعور رفعت ايديه حاضنته ركبته.

فهد: حضنت خصرها ودفنت راسي بركبتها. نزلت ايدي متلمس جسمها، ثبتت ايديه على خلفيتها، حسيت برده فعلها وابتسمت. تدرين اني احبج.

غنى: مغمضه عيونها. اي ادري، واني هم احبك.

حبايبي هالفقره جريئه، الي ميحب يقراها خلي يعوفها، وتحياتي ❤

فهد: شكد تحبيني؟

غنى: بخفوت. هواي اكثر من روحي.

فهد: ابتعدت لازم ايدها. فريتها كدامي ورجعت حاوطت خصرها. محرك جسمي ويه جسمها. تحبيني اكثر من روحج، بينما انتي روحي نفسها.

غنى: ابتسمت بهدوء. اني وروحي نروح فدوه الك.

فهد: باوعت لعيونها، اعشق منظرها وهي منتهيه وفاقده كدامي. همست كدام شفايفها. اسم الله عليج حبيبي.

غنى: هممم.

فهد: تقربت اكثر. رجالج يريدج غنى.

غنى: بخفوت. واني هم اريده.

فهد: ابتسمت ماخذ شفايفها، وهي كالعاده هادئه مثل ما اعرفها، تبرز انوثتها بكل حركه وهمسه تصدر منها، وهذا الي احبه بها.

غنى: حاوطت ركبته مبادلته. الشخص الوحيد الي اخرج وياه عن السيطره هو فهد، بكلامه ولمساته يخليني اطير. ابتعد عني مخلي راسه على راسي.

فهد: تنهدت مبوس شفايفها بوسات متفرقه. متخيلين شكد ارتاح واني وياج؟ شنو انتي فهميني؟ شوكت ما اتقربلج ريحتج تجنن ونظافتج تسحر، شلون تكدرين بقين هيج؟

غنى: باوعت له. مااعرف شرد. تقربت مخليه شفتي على شفته، بسته بهدوء، وهي بادلني بسرعه، ضلينه فتره كولش طويله نتباوس، يمكن اني الوحيده الي البوسات والحضنات المصاحبه للهفه تأثر بيه اكثر من العلاقه الحقيقيه. حسيت بي يسحبني ينيمني على القنفه ويصير فوكي. فتحت عيوني مباوعت له. سحب التشيرت من منطقه علباته جاره لكدام ونازعه. احب هالحركه منه خاصه من تنشد، كتافه بارزه عضلاته.

فهد: نمت فوكها داحس راسي بركبتها. استشقت عطرها والي فعلا ينطي للمقابل طابع انو الكدامه في قمه نظافته. جريت جلد ركبتها بشفايفي ممتصه وايدي نزلت ساحبه القميص عنها جردتها من كلشي ساتر معانيها. بقت كدامي بالمنظر الي دومه يسحرني. تلمست صدرها باطراف اصابعي. كيمر؟ بس كليلي كيمر؟ شهالجمال هذا؟ دخيله لربج. دنكت مبوسه، حركت لحيتي عليه. اباوع لها نزت.

غنى: آااه فهد لحيتك تبزز.

فهد: اروح فدوه للتضوجه اللحيه.

غنى: حسيت بشفايفه بدت تتحرك مداعبتني، غمضت عيوني ضاغطه على ايدي. فهد.

فهد: نزلت بشفايفي لبطنها المنتفخه اثر الحمل، بست بطنها. ها ياروح وكلب وعمر فهد. بوست بطنها بوسات خفيفه. باباتي تسمعني؟ او تسمعيني جاي نلعب اني وامك عود تابع بهدوء واشهد على مغامرات ابوك. نزلت بشفايفي لجوه صرتها. اويلي عليج ام قاسم، تلكيها تعبانه على فراك رجالها مو حبيبي.

غنى: عضيت شفتي. لااا.

فهد: نزلت بشفايفي لفخذها. يعني ام قاسم متريد ابو قاسم يزورها ها؟ متحجين؟ عضيت فخذها. تدرين احس روحي جاي اكل كيمر، الفرق الكيمر العندي اطيب، وبستها واطره و بستها وانعم ووو.

غنى: آاااه. دفعت راسه على كيفي. حبيبي دتأذيني، لتنسى اني حامل، شويه شويه.

فهد: باوعتلها. وره متجيبين اشكج بالنص اذا حبلتي بعد.

غنى: بخفوت. ليش هي الشغله بأيدي لو بأيدك؟

فهد: مشيت ابهامي على شفايفها. بأيد ابو قاسم قصدج. بس شيسوي الرجال اذا ام قاسم تجلب بي وهي حلوه وتخبل ميكدر يعوفها لحد ما يوكع الفاس براس متشوفيها خزنت وحبلت من اول ما التقت بي.

غنى: عضيت اصبعه. عيب عليك تحجي هيج.

فهد: تقربت عليها همست كدام شفايفها. ليش عضيتي اصبعي؟ غمزتلها. شتردين؟

غنى: بخجل. حتى تستحي على روحك.

فهد: امي اي والله، يعني من احنه مصاليخ و واحد فوك الثاني وايده صار لي ساعه تفتر على.... ما كلاج المستحه، بس من اجيب طاري الغالي ابو قاسم تستحين.

غنى: كافيي فهددد.

فهد: لتحجين بهالطريقه.

غنى: تلمست ركبته. حبيبي والله استحي، لتحجي هيج، متكدر متحجي يعني؟

فهد: كرصتها. مو كلت لتحجين هيج؟ ناويه على موتج انتي ها؟ عضعضت صدرها ومتونها.

غنى: هههه خلص خلص فهددد دتوجعني كاا هههه كافي لحيتك تدغدغ اكعددد هههه فهدد.

فهد: بهمس. لج شنو انتي فهميني، اكلج هسه اكلج. بست شفايفها بقوه وكل مابيه اتعمق لحد ما تقربتلها بالطريقه الي تحافظ على حياة الطفل ومتأذي، سمعت شهكتها وغمضت. ثبتت خصرها لتتحركين مو زين، خليج.

غنى: تاوهت. حبيبي على كيفك. تقرب لي بهدوء ويحاول ميكون عنيف ابد، بس مع هذا ميكدر يكون هادئ بالكامل. كمل وابتعد.

فهد: بست شفايفها. خوما اذيتج؟

غنى: بهدوء. لا، بس انطيني لحاف اغطي بي جسمي.

فهد: تعاي خلي ادخلج للحمام نسبح سوه، لتكولين لا حبيبي.

غنى: بس.

فهد: ماكو بس حبيبي، مشتاقلج وكل شي ما اكدر اسويلج غير بين فتره وفتره، خليني على الاقل اتمتع بيج بغير طريقه، راح ترفضين؟

غنى: هزيت راسي. لا.

فهد: اروح فدوه للي ميرفض لي طلب. شلتها على كيفي داخل للحمام. سبحت اني وياها، وكلما الزمها تفز ضحكتني والله. كملنه لبستها برنص ولفيت جسمي وشلتها وطلعت، نزلتها يم الكنتور ورحت طفيت النركيله وطفيت التلفزيون واجيت تمددت بصفها.

غنى: لبست دشداشه صيفيه بارده ومشيت تمددت على الجربايه. اجه فهد نام بصفي.

فهد: تعاي.

غنى: حشرت روحي بحضنه واول ماحسيت بأيده تلعب بشعري غمضت عيوني ونمت.

صباحا

ايمان: كعدت الساعه بالتسعه. خابرت منذر يجيب العرسان. ام نرجس خطيه اجت من الصبح جايبه ريوك كيمر وعسل وجاي وخبز حار. سوده عليه قصرنه وياهم بالحنه والعرس بسبب الوفاه، بس شنسوي.

منذر: صباح الخير خاله.

ايمان: صباح النور يمه.

حارث: صباح الخير خاله.

ايمان: صباح النور بعد خالتك.

منذر: هاي الذبيحه جبتها، شويه خلي نخليها يالمطبخ. راح ناخذ نصها اني وحارث نوزعها على الفقره، لان تدرين منكدر نسوي غده ونحتفل احتراما للحجيه، ومن نكمل نروح نجيبهم ونجي.

ايمان: خوش عاشت ايدكم.

طلعوا الولد واني دخلت اسوي الغده للعرسان. سوده عليه فهد ومرته لسه نايمين، حقهم تلكيهم هلكو البارحه، هو ويه الزلم وهي استلمت البيت من تنظيف وتعزيل وضيافه، انهد حيلها. ااااخ روحي يا مرت فهد، ربي يرضى عليج ويوفقج وميراويج يوم واحد موزين بحياتج.

فهد: كعدت على صوت الموبايل. جريته مجاوب. الوو هاا منذر؟ اي موجود. لا بس جنت نايم. راح تجيبيهم؟ يله خوش هسه نازل. الله وياك.

سديته وباوعت لحبيبتي يروحي شلون نايمه. سحبت ايدي عنها على كيفي وكمت.

غنى: فتحت عيوني. ها حبيبي وين؟

فهد: انزل جوه راح يجون علي ومنذر وحتى فيصل راح يجيب نسوانه ويجي. امي رادت تسوي غده بيناتنه وبيت عمي راح يسوون هم غده بيناتهم. فوصيت منذر يجيب ذبيحه يوزع نصها ويجيب نصها.

غنى: همزين كعدت حتى انزل ويه خاله. خطيه انطيني ايدك.

فهد: كومتها. ديربالج.

غنى: رحت غسلت ولبست فستان جويتي وشال مخطط جويتي وابيض. لفيت شالي وخليته شويه حمره فاتحه. وفهد بدل ونزلنه.

فهد: ليش خاله حمره؟

غنى: حبيبي حلكي مورم، فشله الي يشوفني شيكول.

فهد: تنهدت. ماشي.

غنى: نزلنه صبحنه على خاله. فهد كعد هو و ورده يتريكون واني دخلت اساعد خاله بالطبخ. ماكو شويه واجوي العرسان. طلعت خاله ايمان هلهت بصوت ناصي واستقبلتهم.

ايمان: صباحيه مباركه بعد كلبي.

علي: الله يبارك بيج حبيبتي.

نرجس: بهدوء. الله يبارك بيج خاله.

فهد: شلونه الاسد؟

علي: هههه زين.

ايمان: تعالوا دخلو ليش واكفين.

غنى: واكفه ودخلو بيت فيصل ومنذر باركو للعرسان. واني رحت باركتلهم.

مبروك نرجوسه حبيبتي.

نرجس: ولج غنى راح اموت.

غنى: خير شبيج؟

نرجس: خلي نصعد لغرفتي ما اكدر اوكفى.

غنى: اي هسه خاله حصعد نرجس حتى ترتاح. يله تعاي.

صعدنه لغرفه علي. فتحت الباب ودخلتها. خير ولج شبيج؟ هسه غير تحجي.

نرجس: بخجل. ولج غنى راح اموت. انطيني مسكن اي شي. هذا علي انجلب عليه البارحه جنه ماشايف وكلش اذاني واليوم الصبح اريد اكوم ما اكدر.

غنى: هو غير دكتور ويعرف، اول مره ميصير يتقرب اكثر من مره لان مو زين.

نرجس: ابو فليس يكلي ماحسيت، اريد ارتاح.

غنى: تنهدت. تره يكدر يرتاح بدون ميتقربلج. دتعاي تمددي خلي اجيبلج مسكن آلام واجي.

رحت لغرفتي جبت لها مسكن ورجعت انطيته الها. شوفي نرجس، اذا ما ارتاحيتي سبحي بمي دافي حتى تسترخين، خوش؟

نرجس: اي والله عمي زين غنى ام المستحه تنصح بهيج امور.

غنى: طبعا غير اخاف عليج. يله اعوفج ترتاحين. نزلت جوه احضر الغده.

ساره: عفيه غنى، هاي شنو بطنج؟ يعني والله متخش بعقلي شلون عليج شهرين وهاكبر بطني؟

آلاء: اي صح بطنج جبيره.

غنى: واذا جبيره شنو المشكله؟

ساره: خاف الطفل بي خلل اسم الله او حجمه جبير.

انغام: شجاجن كلشي ماكو غنى لتخلنها توهس، حجم بطنج طبيعي لتخافين.

غنى: كملت الغده ويه خاله وتغدينه ومر اليوم وتتراكض الايام. يوم وره يوم وره سبعه العرسان حجزو وسافرو علي ونرجس لتركيا، واروى وسامر للبنان حتى يقضون شهر عسل. واحنه بقينه وحدنه بالبيت. رجعو ومشت الايام والاشهر الي كلما تزيد كلما اعاني اكثر. حملي صعب الى درجه ما اكدر اكوم من مكاني، وصلت بيه كمت انحب وابجي ما اكدر اوكف واصلي، رجليه ميساعدني ابد، وبس مورمات. فهد معايفني ومن يشوفني ابجي يضل يغلط ويفشل على الطفل بألف يا الله. وصلت للشهر الخامس وهنا حرفيا بديت احتضر. وجهي صفر و وزني صعد حيل مابيه ومتاذيه دائما. واليوم موعدي عند الدكتوره.

فهد: يله كملتي؟

غنى: هزيت راسي. لفيت شالي واني كاعده ما اكدر اوكف. اخذت ايده وكمت. يا الله.

نزلنه جوه لكينه خالتي سحر وخاله ايمان منتظراتني. اباوع اجتني نرجس حبيبتي شايله كل البيت هي ومتخليني اشيل عوده.

نرجس: كل شي يصير وياج احجي للدكتوره وشوفي شبيج مو تضلين ساكته.

غنى: ان شاء الله.

طلعنه رايحين للدكتوره. ذبنه فهد ونزلنه، همزين حجز لي فهد من البارحه. دخلنه الها سلمنه وكعدنه.

الدكتوره: شلونج غنى؟

غنى: مو زينه دكتوره، كولش متأذيه.

الدكتوره: تعاي نسويلج سونار.

غنى: سوت لي سونار بس حسيت وضعها مو طبيعي. كومتني خاله وكعدنه.

الدكتوره: عندي خبرين الج، واحد حلو وواحد لا. ياهو الي تردين اكوله بالبدايه؟

ايمان: خير ياستار.

سحر: اهدي ام فهد خلي نفهم.

غنى: باوعت للدكتوره. كولي الخبر الحلو.

الدكتوره: الخبر الحلو... انتي حامل بتوأم ولد وبنوته.

ايمان: اللهم صلِ على محمد وال محمد. الله عليج دكتوره.

الدكتوره: اي والله وماشاءالله صحتهم ممتازه.

سحر: لعد شنو الخبر الموحلو دكتوره؟

الدكتوره: المحلو انو غنى ميصير تولد تطبيقي، لازم عمليه، لان اذا طلكت بالتوم ماراح يتحمل كلبها ويمكن يوكف من الجهد، فالعمليه لازمه الها، ولازم اول ماتدخل بالشهر التاسع نسوي العمليه.

سحر: يمه اسم الله عليها.

غنى: هنه يحجن واني صافنه وايدي على بطني، عندي بدال الطفل طفلين ببطني، لا وولد وبنيه هم. ابتسمت والدموع تلالي بعيوني. شهالكرم والعطاء هذا الهي؟ رزقتني بدال الواحد ثنين ومن اجناس مختلفه، شلون اشكرك الهي.

الدكتوره: شبيج حبيبتي غنى ليش تبجين؟

غنى: ابتسمت بتوسع فرحانه كولش فرحانه.

الدكتوره: تستاهلين الفرحه حبيبتي.

غنى: طلعنه واني الفرحه مسايعتني وايدي منزلتها عن بطني.

فهد: هاا شببجن؟

ايمان: مريتك بيها توم يمه ولد وبنيه، الحمدلله صبرت ونلت.

سحر: الف مبروك خاله فهد.

فهد: وكلبها.

ايمان: كالت الدكتوره لازم تسوي عمليه، وان شاء الله ماكو اله الخير.

غنى: اباوع لفهد ماحجه شي، بس حسيته مو طبيعي.

شبيك يا حبيبي شجاك؟

رفعت تشيرتها مطلع بطنها تلمستها باصابعي. يعني اني راح يصير عندي اثنين جهال منج؟ توم وولد وبنية؟

ابتسمت. أي.

بست بطنها بهدوء. ها باباتي حبايبي شجاكم واستعجلتوا تردون تطلعون سوا؟ مو زين على أمكم.

ضايجة.

مو ضايجة، خايفة عليج. التوم راح يأذوج.

ليش تحجي هيج حبيبي وتكسر فرحتي؟ اني طايرة بيهم. وإذا على كلبي فحأسوي عملية مو ولادة طبيعية.

أعرف ياروحي والله أعرف، بس خايف عليج. والتوم فرحان بيهم كلش. راح يصير عندي بنوتة منج وولد ابن كلب هم.

ابتسمت. حشا، هذا حبيبي ابن الضابط فهد سالم، ما أقبل تكول ابن كلب.

حضنتها بقوة.

مسحت على راسه. لتخاف يروحي، خليك متفائل. يعني اني اللي حامل بيهم ومخايفة مثلك.

ليش متدرين؟ اني أخاف عليج أكثر من نفسج.

رفعت راسه وبست خده. اني مؤمنة بالله، والي يريده الله حيصير.

تنهدت. ونعم بالله.

سمعنا الباب يندك، كمنه. فتح فهد الباب. طلعوا بيت جدة جايين. لبست صايتي ونزلنه. لكيناهم كاعدين. باركوا لفهد والي.

صدك راح تجيبين توم؟

ضحكت. أي.

بطل فهد، انت بطل.

لعد شعبالك.

ههه. كونو مثل فهد يا شباب، كله زوجي.

بس غنى كلبها شلون تخليها تحبل بتوم؟

شنو هو بكيفي؟

الف مبروك، الله يكومج بالسلامة بعد كلبي.

حبيبتي حجية، الله يسلمج.

أوي غنى، من هسه جاي أتخيل شكلهم. تخيلوا يا جماعة هيج صغار واثنين يجون ناعمين، ايديهم صغار وناعمة.

عفية كلبي، كام يوجعني. لتحجين هيج، اني ضعيفة كدام هيج وصف.

اي شو انتن صارلجن ثلاث أشهر وكلشي ماكو، وهي ماكو أشهر وحبلت وهم أشهر وطلع بيها توم.

صلِ على نبيج ام مرتضى. وبعدين البنات يا دوب صارلهن جم شهر، عليمن مستعجلات؟ قابل اكو أحد راكض وراهن.

اي بس لتنسين اروى عمرها 25 سنة، مو صغيرة. إذا متلحك تسوي طفل بعد ميصير عدها.

أباوع لاروى ضاجت. يعني عمة فهد لازم بكل تجمع تغثلها واحد. بس عجبني رد سامر عليها. شفت حتى فهد ابتسم.

عمة، اني ما مستعجل على الجهال. بعدنا ستونة يا الله. وبعدين مرتي بعدها صغيرة. يعني الي عمرها 25 عجوز؟

لا مو هذا القصد. بس هي مو صغيرة، خلي تلحك تسويلها طفل. حتى مرت علي يجوز تطلع على أمها تخلف بس اثنين وتكعد.

خالة، تره أمي اكتفت بيه وبأخويه. وبعدين انتي هم جبتي بس اثنين، يعني اكو مشكلة بيج؟

لا اسم الله. شنو خلل بيه؟ أبو مرتضى توفى وبعد ما خلفت.

خلص لعد. هاي ارزاق وربج الي يقسمها.

كافي حبيبتي، عوزج تركعيها بوكس. كافي انطي بريك لروحج.

انت اسكت. شفت سامر شسوه بيها وانت ساكت. حسابك من يطلعون تنام بالكاع اليوم.

خوش. رجعيلي الخمس أوراق الي انطيتهن الج وانام بالكاع.

ههه. حبيبي أشاقة وياك، شبيك.

عبالي.

اي حارث، شوكت تعرس؟

إن شاء الله بعد شهر ونعرس. وخلي تأجل وتشوف. رسن نكول بيباي.

شنو قصدك ولك؟

اني صارلي سنتين الي بكدي. هسه عدهم جهال. وست شهد تأجل وترجع لورة. عدها مهلة منا لشهرين. والله إذا أجلت.

كوم لك. هو منو يمشي بحجيها؟ مو انت. لو منك وره شهرين بالهواي من العقد أعرس وأخلص. هي هاي مال احترام.

أكلكم، شو لفيتو عليه؟ مو حددنه وخلصت السالفة. شبيكم؟ وبعدين شلون تنطون بيه كدامه؟

ههه. مو غريب، ابن عمنه عادي. أسرة مع بعضيتا، مو ولك؟ احجي وجه التنكة.

ههه. اي ومرض لهالخلقة الزفرة.

كومي وياي غنى، خلي نسوي العشة ونكعد نسولف. مليت هاي نسرين نفخت مرارتي.

اي.

لج غبرة، شلون تسمحيلها هيج تحاجيك؟ لو منج أوكلها تبن.

شنو ترديني أتجاوز على عمتي؟ وبعدين شريد أسويلها يعني؟ سامر كفى ووفى.

بس أخوج الفاهي ظل ساكت. آخ على كلبي والله.

حبيبتي، هو علي ميحب المشاكل. يعني لو راد عليها منها حجاية ومنه حجاية تصير مشكلة.

ميخالف يا غنى. صارلنا ثلاث أشهر متزوجين، كلما أكله حاجة يكلي ماعلينه. أكله عمتك ذيج الجمعة سمتني سم بالغدة يكلي لبسيها.

أحسن. قابل مثل فهد، كل شوية مفشلة واحد. بحيث كام الكل يضوج منه.

أوي، الله يساعدجن. اني رجلي حبيبي، فديت كلبه هادئ ومسالم واحلى منه ماكو.

يروح فدوة لعلي رجلج الفاهي هذا.

أكلي تبن لج، لتحجين على رجلي.

ههه. خليجن تكافشن حبيباتي. رجلي أحسن من رجلج ورجلج انتي الثانية.

تردين الصدك؟ والله يستاهل.

غير الروح والرية، فهيدان هذا.

ههه. أباوع للبنات دخلن.

ها غنى، شو كاعدة؟ أكيد الحمل متعبج.

اي والله.

شلون حبلتي بتوم؟

سؤالج مو سؤال وحدة متزوجة. وبالأول والأخير الأمر مو بيدها. المرة مستودع للخزن لا أكثر.

أعرف. بس هي تقره قرآن وملتزمة، عبالي سوتلها ختمة، قرت سورة معينة وحبلت بتوم.

والله زين نونة، بعدج هالطولج وحبلتي بتوم.

والله كمت أخاف منها. كل ما تحجي حجاية تصير مصيبة. كمت أقره آيات على بطني. يمكن من كد حبي لأطفالي ودافع الأمومة الي بداخلي يخليني أخاف عليهم من كلشي.

أوف يا خالتي. سودة عليه، بقت وحدها وانحرمت من هالجمعة.

والله هي جابت لنفسها كل هذا.

ترة انتي البارحة صرتي. لتدخلين بشي ميخصج.

اني جنه بهالبيت. والكاعدين بره أهل رجلي. انتي الي شنو بهالبيت؟ عندج رجل هنا؟ أهل رجلج ذولة لا. فلتضلين تدخلين بشي ميخصج، لأن ردي عليج راح يكون رد مو حلو. من رخصتجن، أروح. رجلي يصيحلي.

مرت علي قوية.

شخصيتها حلوة وتعرف شلون ترد.

أباوع لبتول طلعت من المطبخ ووجها أحمر. أعرف نرجس متسكت. وبتول كل عبالها نرجس مثلي راح تسكت وتتجنب المشاكل. متدري إذا طنكرت نرجس تخبز شكو واحد كدامها.

ها غنى، شو كاعدة؟ أكيد الحمل متعبج.

اي والله.

شلون حبلتي بتوم؟

سؤالج مو سؤال وحدة متزوجة. وبالأول والأخير الأمر مو بيدها. المرة مستودع للخزن لا أكثر.

أعرف. بس هي تقره قرآن وملتزمة، عبالي سوتلها ختمة، قرت سورة معينة وحبلت بتوم.

والله زين نونة، بعدج هالطولج وحبلتي بتوم.

والله كمت أخاف منها. كل ما تحجي حجاية تصير مصيبة. كمت أقره آيات على بطني. يمكن من كد حبي لأطفالي ودافع الأمومة الي بداخلي يخليني أخاف عليهم من كلشي.

أوف يا خالتي. سودة عليه، بقت وحدها وانحرمت من هالجمعة.

والله هي جابت لنفسها كل هذا.

ترة انتي البارحة صرتي. لتدخلين بشي ميخصج.

اني جنه بهالبيت. والكاعدين بره أهل رجلي. انتي الي شنو بهالبيت؟ عندج رجل هنا؟ أهل رجلج ذولة لا. فلتضلين تدخلين بشي ميخصج، لأن ردي عليج راح يكون رد مو حلو. من رخصتجن، أروح. رجلي يصيحلي.

مرت علي قوية.

شخصيتها حلوة وتعرف شلون ترد.

أباوع لبتول طلعت من المطبخ ووجها أحمر. أعرف نرجس متسكت. وبتول كل عبالها نرجس مثلي راح تسكت وتتجنب المشاكل. متدري إذا طنكرت نرجس تخبز شكو واحد كدامها.

السلام عليكم.

والكل: وعليكم السلام.

ها يمه، الله يساعدك.

ويساعدج حبيبتي.

كمت أريد أصعد، ورا ما خلاني. صعد هو، بدل، وصله ونزل. صبيناله الغدة وكعدنا نتغده. ستونه بدينه نتغده واندك.

هذا ياماعنده ذوق، جاي بهذا الوقت.

أكعد. اني كائم. طلعت فتحت الباب. صارت بوجهي خالة غنى. أول ماشفتني كامت تصرخ. وعلى حسها طلع الكل.

شفت خالتي وانصدمت. شعدها هنا؟

وللج غنى، رجلييي راح راااح.

باوعتلها بأستغراب. شنو مات رجلها الحقير؟

بهدوء، طلعي بكرامتج منا أحسلج. يله تفضلي، راويني عرض كتافج.

أبووووس ايدددك، أبووووس رجلك. ساعدنييي، رجلي راح. الطفل مات ورجلي راح ينحكمم. أقل شي أربع سنوات.

ويطبّه مررررض. انيييي شكو؟

أبوووس ايدج حجية، حاجييي ابنچ يساعد ابني. داخله على الله وعليكم. أعرف بي غلطان، بس لخاطر الله ساعدوا. ماعندي غيره بس هو بقالييي بهالدنيااا.

عجيبة الصلافة. بعد كل الأذية الي سويتوها ويه البنية، جاية تطلبين المساعدة منهااا؟ لو مني أطم روحي ولا أسويها.

غنى، أبوس ايدج، أبوس رجلج. حاجي رجلج خلي يطلع رجلي. والله المبلغ الي يريده أدفعَه.

ضحكت واني بعازة فلوسج. أكول، طلعي منا أحسلج. رجلج شغلته مو يمچ. وقبل لا ترحين، سمعي هالجملة وفكري بيها زين. همست. الي يأذي العالم، يجي يوم والله يأذي. إذا ناسيه، أذكرج قبل سنة شصار وشلون طعنتي ببنيه يتيمه ورحتي شهرتيها بين عمامها وخوالها وخليتيها بالشوارع. شوفي حالج هسه صرتي ذليلة تتوسلين للرايح والجاي حتى تنقذين رجلج. بس صدقيني ماراح تكدرين تنقذيه، لأن ربج العاقبة هالمرة ومحد يطلعه منها غير ربج. وهسه يله طلعي بررررره.

أباوعلها طلعت تبجي وتدعي عليه.

روحو، عسى الله لا يوفقكم. عساج يا غنى بالسل، وعسى البطنج بالموت، سرطان بكلبه واني ماشايفته. عساج تلزميه بأيدج وتطلع روحه كدام عينج وتنقهرين مثل ما قهرتي كلبي.

نزلت دموعي ولزمت بطني. يمه، اسم الله على كلبكم. عسى المرض بيه ولا بيكم.

شلل بلسانج ياحقيرة.

لتبجين، كافي. صدك تحجين؟ عبالج الله يتقبل دعائها؟ كل عقلج؟

حتى لو شلون واحد يدعي على أطفال؟ هذولة أحباب الله.

دخيلج، يعرفون الله وبعدين عود يفكرون بأحبابه. تعالوا خلي ندخل. خرب حظي الكو..... كل يوم طالعلي واحد سكط من مله اسكط.

زين فهد، انت ليش ماقبلت تساعدها؟ وشمسوية لغنى هي؟

أحم، أخذت ورث بيبيتها هي وأخواتها وطلعت غنى من البيت وعافتها بالشارع. تستاهل واحد يساعدها.

يطبها مرض لعد.

رجعوا كملوا غداهم ماعدايه انسدت نفسي. كملوا وكمت أغسل المواعين. بس أريد أتهيأ بشي. ياترى أسعد الحقير شمسوي؟ التفكير أكل راسي. كملت وصعدت فوك. أريد بس أوصل وأسأل فهد. يربي، كوة صعدت. فتحت باب الغرفة ودخلت.

ليش صعدتي وحدج؟ ما كتيلي أصعدج.

ميخالف حبيبي. كعدت. تعال احجيلي شبي أسعد.

لتجيبين طاري هالنكس على لسانج لا أكصه.

ماشي، بس كلي شبي.

واحد كوا.... م.... سكران وطالع بسرعته هو وسيارته المطعطعة بكل سرعته. شايف طفل بالشارع ما منتبهله وصاعد فوك الطفل. ثارمه ماكو. باقي للمستشفى للفجر ميت.

يايمه، سودة عليه. الله يساعد أهله.

اي والله. انقهرت عليه اليوم. هدو عمامه عليه ويبجون. لأن طفل عمره عشر سنوات. شنو شاف من الدنيا.

يمه، اني خو مشايفته وكلبي وجعني عليه. زين هذا الحقير شصار بي؟

راحت عليه. أقل شي ينسجن أربع سنوات، هاي إذا ما تحولت السالفة لثار عشائري وساعتها راح ياكل تبن أكثر.

الله لا يوفقه. حتى الطفل ماخلص من شره وأذيته.

هذا ربج مينسى أذية لاحد. يحاسب، يحاسب لو بعد مليون سنة.

ونعم بالله. تمددت وكلبي صار يم أم الطفل. شلون بيها هسه؟ أكيد تلكاها ماتت من البجي. ضايقة هاي اللوعة اني. سودة عليه، عليك ياحبيبي يمروان. تنهدت. خلصت اليوم نوم ويومين على هالحال. بين دوام فهد والبيت والحمل. ماشية أيامي. نزلت جوه. خالة وورده وبيت علي راحوا للحلة وبقت بتول ويانه. اني وفهد. أباوعلها نزلت لابسة سيت نوم أحمر.

صباح الخير.

ترة فهد حيرجع من وكت اليوم.

أعرف، سمعته البارحة كال.

زفرت ومنظرج هذا منظر وحدة تعرف اكو رجال غريب حيرجع لبيته.

هسه ماعليج مني. أريد أسألج سؤال ولتفهميني غلط.

خير.

فهد شلونه وياج بالفراش؟ نار مو؟

فتحت عيوني. شنو هالسؤال هذا؟ مو عيب تسألين واحد هيج أسأله.

شبيج تعصبتي؟ ديربالج ليطلعلج عرك. اني سألتج لأن من اجيت لليوم ماشفت ركبتج طابت. كل يوم طكعة شكل. من غير صوتكم بالغرفة بنص الليل. هاي عود انتي حامل. كالت خلي أسألج فهد زين ونار لهالدرجة.

أعتقد انتي متزوجة وعندج رجال، فماكو داعي أجوبج.

منين يحسره؟ الله ينطي الحبوب تخلي يهيج عليه، ياخذ اليريده ويخليني أسوي...... لحد ما يفوخ ياله يعوفني.

استغفر الله. بتول رجاءً. اني هذا الكلام ما أتقبله. واصلاً ميجوز تحجين بهالموضوع كدام أحد. حرام.

ليش الي تسويه انتي وفهد من تنامون كل يوم سوى والبارحة صوت آآه مالتج ترن رن؟ هذا يجوز. بس إذا أحجي اني ميجوز.

هذا رجلي حلالي. أي شي يصير بيني وبينه يبقه بيناتنه. انتي ميخصج بي. مرايحة مسوية نشره اني. واصلاً عيب عليج تتنصطين علينه. متستحين انتي.

والله يحبيبتي اني مرة متزوجة وصار أربع أشهر محرومة. من أسمع صوت صياحج وأشوف ركبتج كل كطعة شكبرها. أكيد أتذكر رجلي وأريد.

هزيت راسي. انتي شنو من بشر؟ جان استحيتي على روحج. لو انتي مستحيتي من نفسج نازلة بقميص نوم لجوه وانتي ببيت غريب؟ قابل تستحين مني.

على فكرة، تره ذاك اليوم من نزل فهد يشتغل بالحديقة انتبهت على جسمه يخبل. وصدك اكس اكس اكس لارج. طلع مثل ما تكول سارة. يهنيالج عليه وعلى الحاوي.

يمه، أحس روحي شبّيت نار. طبيت للمطبخ فتحت الماي الها. ونكعت ركبتي ووجهي. أريد بس أبرد. شكد حقيرة وقليلة أدب. تنهدت بصوت عالي محاولة اخذ نفس. صدك لعبت نفسي من كلامها. شلون تباوعله الحقيرة؟ لا وبكل صلافة تحجيها كدامي. يربي، مطلعت هاي حتى رجلي منفصع. ضليت واكفة أغسل وجهي. حتى هدومي نكعتها من قهري. أجه فهد دخل وشافني.

ذبيت مفاتيحي. راكضتلها. الله الله شبيج؟

أختنكت.

فتحت دكم دشداشتها وفركت صدرها. شبيج؟ بس كليلي شجاج هالايام؟

من كد ما غثني كلامها واني منا تعبانة من الحمل. حضنته وبجيت من كل كلبي. هالايام مدري شبيه. خلي كولش ضايق.

شبيج حبيبي؟ بس فهميني. عليمن تبجين؟ نروح للمستشفى؟ يوجعج شي؟ سامعة شي؟

تنشغ. مالي خلك فهد. تعباااااانة.

سلامتج ياروحه لفهد. من شنو تعبانة؟

ابتعدت. مباوعتلته. حباب، بعد لتلبس شي ضيق. وإذا بتول موجودة لتكعد عليك. بداعتي إذا أحبني.

باستغراب. ليش؟

بدموع. لتسأل حباب. نفذ الأريده. الله يخليك.

خلص. حتى نزلة ما أنزل إذا هي موجودة. بس لتبجين.

هزيت راسي ورجعت حضنته. اني آسفة، أعصابي تلفانة هالفترة. تحملني حبيبي.

أتحملج والله. وأخليج على راسي. بس أهدي وارتاحي. أهم شي عندي راحتج.

بست ركبته وحضنته حيل. ابتعدت. مباوعتله. جاي بملابس الشغل. الله يساعدك حبيبي.

بوست إيديها. ويساعدج يكلبي. كومي اني راح أصب الغدة وأجي حتى نتغده سوا. مو متردين أكعد ويه بتول؟ خلص.

صعدنه فوك. وفعلاً فهد ما كام يكعد وقت التكعد بتول. حتى إذا تكعد يدور سالفة ويطلع من المكان. حتى هي حسّت وكامت تضوج. تالي ملت من محصلت شي وراحت لبيت منذر يم سعاد. وكل يوم كابة العيطة هناك.

مرت أشهر حملي بأصعب ما يكون، خو بالشهر الثامن كضيته نايمة. حملي ثقيل ومتعب. تكول خالة ايمان لأن بجر وتوأم هيج يتعبون. وفعلاً همه حركين ميكعدون. كل شوية رافسيني. وحبيبي فهد يضرب على مكان معين ببطني ويردها اله وهو يطير. عبالك يشوفوه ويعرفوه من صدك.

جهزت الهم كولشي. سراير وملابس أشكال. من شورتات لأحذية لتشيرتات. مخلّيت شي. اشتري بكل واهس. وفهد من يشوف الملابس يكلي: راح أتخبل، شوكت يجون أريدهم.

كملت كولشي. حطيت الهم كنتور خاص وعزلتلهم جزء خاص بالغرفة. كل هذا بمساعدة اروى ونرجس. الي خطية أكلو راسي العالم على الحمل وهو رزق بأيد الله.

دخلت بالشهر التاسع. واليوم موعد ولادتي وعمليتي. بدلت بمساعدة البنات. الي كلهن أجن. بنات عم فهد وخواته ونرجس وبنات عمامي كلها متجمعة يمي. وكل الناس مو بعيني غير فهد. الي واكف على جهة ومبين شحاله. أشرتله أجه يمي.

شبيك.

منتظرج. مو تعوفيني.

أباوع لعيونه صايرات حمر. عبالك يريد يبجي. ابتسمت. أوصيك حبيبي. إذا صار عليه شي، جهالي بأمانتك.

بعصبية. لتحجين هيج.

ميخالف حبيبي. خاف أموت. أريدك تدير بالك على أطفالي ولتخليهم يحسون بغيابي. عوضهم عني.

اسم الله عليج.

ابتسمت. بايسة ايده. لتنسى شي. اني أحبك هواي فهد. أموت عليك. أباوعله قبل ما يرد، أجو أخذوني. وعيوني على فهد. دخلوني لغرفة العمليات. انطوني مخدر وبعدها ما حسيت على شي.

يتبع.

فهد: كاعد على أعصابي صار نص ساعة من دخلوا ولحد الآن ما طلعوا. ياربي دخيلك كون ماكو شي. حسيت بأيد تطبطب على ايدي، عرفتها أمي.

إيمان: شبيك يمه ليش وجهك أصفر وحلكك أبيض؟

فهد: خايف.

إيمان: لتخاف يمه، تفائل. شجاك راح توكع.

فهد: شلون أتفاءل وهي بنص الموت، هسه كلبها تعبان وراح تجيب اثنين وضربوها بنج وممكن البنج يأثر عليها. كل هالاحتمالات تخليني دربي ما أشوفه. باوعتلها يمه أني أخاف أخسرها.

إيمان: اسم الله يمه ليش هيج تحجي، كول يا الله. شبيك ترجف، هاي عود أنت السبع الميخاف من شي والي محد يكدر يكله على عينك حاجب، يرجف على عملية بسيطة.

فهد: بهدوء، حتى لو كانت بسيطة تره الجوه مرتي وجاي تصارع حتى تجيب قطعتين من روحي. أني عائلتي كلها جوه، مرتي وجهالي معرضين للخطر بسبب وضع غنى الصحي.

إيمان: إن شاء الله ماكو شي، صلِ على محمد.

فهد: اللهم صلِ على محمد وآل محمد.

ضليت كاعد ولازم كلبي، أحس روحي تريد تطلع. خايف وهاي أول مرة أخاف لدرجة بودي أبجي من الخوف. يا رب العرش العظيم دخيلك، مرتي وجهالي بأمانتك.

أروى: شو طولو، شوكت يطلعون؟

إيمان: شبيكم يا يمه، قابل جاي تلعب، هي عملية هاي.

نرجس: بنات خلي نقره فاتحة لقضاء حاجة وتسهيل ولادة غنى.

غسق: أي والله.

أم صالح: يا دافع البلاء، ادفع البلاء عن حفيدتي وجهالها. دخيلك ربي طمعانين بكرمك وقدرتك.

فهد: كمت أفتر بالممر وعيني على الساعة. مر وقت طويل وما طلعوا. تنهدت، أباوع لغرفة العمليات تنفتح ويطلعن الممرضات يركضن. شكو؟ أحاجيهن ميردن. موووو أحجييييي وياااااجن.

ممرضة: المريضة جاي تنزف بشكل رهيب، لازم نجبلها دم. الوضع خرج عن السيطرة.

فهد: لا إلهي لا، أني طلبتها منك هي وجهالي، لتفجعني بيهم.

نرجس: بدموع سودة عليه، ربي دخيلك كومها بالسلامة.

إيمان: أباوعله، الدموع ترست عيونه. يمه سودة عليه، شحاله على مرته وجهاله.

فهد: شوية وأجن الممرضات يركضن وجايبات الدم وياهن. دخلن لغرفة العمليات وهم بعد ما طلعن. كعدت وحيلي مهدود. ميهمني شي، أهم شي مرتي. ربي انقذ لي غنى، ما عندي غيرها، هاي توأم روحي وحبيبتي. لو صار عليها شي أني أنتهي. إلهي... أباوع صارلهن ساعات وما طلعن. غير يفضّنها بنات الكلب، احتركت أبوهن يا كح... ضليت كاعد على أعصابي لحد ما طلعت الدكتورة. ركضنالها كلنه: ها دكتورة، بشري؟

الدكتورة: ألف مبروك، شرفوا التوأم الحلو على الدنيا وأمهم وضعها استقر الحمد لله. اللي صار اليوم معجزة، كنا على وشك نخسر المريضة بسبب كثرة النزف اللي تعرضت له، بس الحمد لله قدرنا نسيطر على الوضع.

فهد: زين شوكت أكدر أشوفهم؟

الدكتورة: حالياً راح ننقل المريضة لغرفة خاصة والجهال هسه يجيبوهم، بس وين ملابسهم؟

أروى: ذني عندي. تعالي نرجس نروح وياهم.

فهد: دكتورة غنى وضعها زين؟

الدكتورة: والله زينة والحمد لله والشكر، استقر وضعها. بقة بس تكعد من البنج.

فهد: تنهدت براحة، أحس ماي بارد ونزل على كلبي من حجت. سمعت صوت أمي وبيبي غنى يهلهلن.

إيمان: كللللوووش. الحمد لله على سلامة مريتك يمه.

أروى: الحمد لله على سلامتهم حبيبي.

فهد: الله يسلمجن.

غسق: يتربون بعزك خويه، والحمد لله على سلامة نونه.

أم صالح: قرت عينك.

فهد: رحم الله والديجن.

بلسم: يايييي متشوقة أشوفهم.

شهد: حتى أني متشوقة أشوفهم. يله هسه يجيبوهم.

فهد: واكف بباب غرفة العمليات، أباوع طلعوها نايمة. حبيبتي الحمد لله ربي طلبتك للمرة الثانية وما رديتني. خجلان من كرمك وعطائك. ربي دخلوها للغرفة ودخلن الدكتورة والممرضات وياها. شوية ودخلنه وراهن. أجيت وكفت يم راسها. ياروحي نايمة ومتدرين الدنيا طشت لو رشت. عايفهني من ساعات، أبو أبويه استلك. دنكت بست راسها بعمق، ولا أول مرة ما أهتم إذا أحد موجود. ابتعدت وكعدت.

إيمان: ها يمه، ارتاحيت وورد وجهك؟

فهد: تنهدت، الحمد لله. باوعتلها وين جهالي؟

إيمان: هسه يجيبوهم. راحت نرجس وأروى وياهم، لتخاف، ثواني وهمه هنا.

فهد: أباوع الكل ملت على غنى، من بنات عمامي لخواتي لأهلها. لعد شكد هي إنسانة زينة، بحيث الأغلبية يحبوها ويعزوها. خلصت من سالفة ولادة غنى ودخلت بالسالفة الثانية، جهالي أريد أشوفهم، أحس روحي مفرفحة تريدهم. ضليت كاعد وصافن على لا شي. سمعت صوت البنات.

شهد: أجو، أجو جابوهم.

فهد: أباوع دخلو مثل العربانات الصغار، ما مبين منهن شي. كمنه كلنه، التمينة عليه. أباوع اثنين جهال صغار وناعمين لدرجة، واحد مكمطي وملبسي وردي والثاني نيلي. عرفت أم الوردي بتي وأبو النيلي ابني. ابتسمت بفرح وأحس الدنيا ما لامتني.

غسق: أوي يمه بعد كلبي، كزكزت عليهم. شهالجمال هذا.

أم صالح: اللهم صلِ على محمد. الله يحفظهم ويبعد عنهم كل شر. بعد كلبي جنهم أمهم، النعومة والهدوء.

إيمان: يتربون بعزك بعد كلبي، وينطيك طول العمر وتكبرهم وتزوجهم بأيدك.

فهد: بهدوء، ما أزوجهم. ذوله حتى طلعة ما أخليهم يطلعون. دنكت بستهم على كيفي، من كد ما جلدهم ناعم خفت لا ينجرحون. ابتعدت أباوعلهم وأحس عيني متشبع. بس أريد أعرف أني شمسوي حتى الله ينطيني مرة زينة شريفة وحبابة وجميلة وتعبدني عبادع ويرزقني منها توأم ولد وبنية. معقولة أني مسوي شي زين لهالدرجة حتى الله يرزقني كل هالرزق، لو هاي لأن غنى زينة الله جاي يكافئها.

وردة: كعدوهم حبابين.

نرجس: ولج شنكعدهم، عوفيهم همه يكعدون وحدهم.

وردة: يا جماعة، يصير أعضهم.

أروى: شتعضين ولج.

وردة: انتحبت. ولج متشوفيهم شلوون ناعمين، تحسينهم كيكة. لزمي لزمي وجهم. يييييبووو والعباس ما أتحمل بعد.

ملك: هههه حقج والله، شكلهم كلش لطيف. خاصة همه اثنين مو واحد ويتشابهون.

فهد: همه يحجون ومخبوصين، وأني عيني عليهم. عيوني ما جاي تشبع. أباوعلهم وكأن كدامي كنز. شعور بداخلي صحى، ما أكدر أوصفه. خوف على فرح على مسؤولية. ما أعرف شنو هو، بس اللي أعرفه إنه من طاحت عيني عليهم وهمه أخذوا قطعة من كلبي وختموا عليه. ورغم أول مرة أشوفهم، بس حسيت روحي حبيتهم لدرجة إنو ردت أخفيهم ولا أخلي واحد يشوفهم.

غنى: بخفوت، آه.

فهد: كمت بسرعة رايح يمها. ها حبيبي.

غنى: فهد.

فهد: يمج حبيبي، تسمعيني؟

غنى: لتكعد يم بتول، هاي متستحي.

فهد: ابتسمت.

إيمان: شجاي تكول يمه؟

فهد: هيج يمه. رجعت باوعتلها، خرب يومجن النسوان، حتى وانتن مبنجات توصن رجولتجن يبتعدون عن النسوان.

غنى: لتحاجيها فهد، خلي تولّي.

فهد: هههه صار. ضلت تهذي وتحجي شاطئ باطي. وذني يضحكن عليها.

شهد: وخرو وخرو خلي أصورها.

فهد: لا لتصوريها، كعدي.

شهد: خلينة نوثق هالشي، ما أراوي لاحد والله.

فهد: بهدوء كلت، لا لحد يصور أي شي.

إيمان: خلص بكيفك يمه.

فهد: ضلينه كاعدين يمها لحد ما انتهى مفعول البنج منها وكعدت. أول ما صحت نزلت دموعها.

غنى: بألم، آخ يمه بطني.

أم صالح: الحمد لله على سلامتج حبيبة. كومن يمه، صيحن للدكتورة خلي تنطيها مسكن.

أروى: هسه أصيحلها.

فهد: أجت الممرضة انطتها مسكن وكالت: هسه يهدأ جسمها. وفعلاً ما طولت حوالي دقايق وبدت تصحصح وتستوعب كل شي حواليها.

غنى: فتحت عيوني، أباوع الدنيا غواش. فتحتهن وسديتهن أكثر من مرة ياله وضحتلي الصورة. أحس اكو فراغ بداخلي والثقل اللي على بطني ماهو. يمه وين جهالي؟ باوعت لفهد. بدموع: وين جهالي فهد؟

فهد: هذوله وياهم حبيبتي، نايمين. لتخافين عليهم. لزمت ايدها. الحمد لله على سلامتج ياروحي.

غنى: بهدوء، الله يسلمك حبيبي. أباوع لخالة إيمان اجت بوستني هي والبنات.

إيمان: الحمد لله على سلامتج يمه.

غنى: الله يسلمج خاله. الكل تحمد لي بالسلامة وكعدوا. فهد أريد أكعد.

فهد: أي هسه. رفعت جربايتها وخليت مخدة وره ظهرها، مرتاحة.

غنى: أي. جيبو الجهال خلي أشوفهم. راح جاب واحد منهم فهد. أباوع هاي البنوتة لأن ملبسيها وردي. شلتها بأديه، بس باوعتلها نزلت دموعي. نورتيني يماما، نورتي حياتي يروحي. رفعتها، بايسها، يا عمري ريحتها تخبل. حضنتها وما بودي أعوفها. أباوعلها فتحت عيونها وتباوعلي. يا روحي تعرفين أمج انتي ها، ياقلبي؟ حسيتي على ماما تريد تشوفج مو؟

فهد: وكفت يمها. أباوع لبتي سبحان الخالقها، آية من الجمال.

غسق: شراح تسموها؟

فهد: البنية أمها تسميها وأني أسمي الولد، أحنه هيج متفقين.

إيمان: شراح تسميها يمه؟

غنى: باوعتلها، حسميها جوان.

أم صالح: شهالاسم المرعب هذا. هاي الأسماء كلها فاطمة، نور، حليمة، سليمة، ما لكيتي غير هالاسم.

فهد: حليمة؟ سليمة؟ طفلة مواليد سنة حديثة، تردينه نسميها سليمة أو حليمة. صدك تحجين حجية.

أم صالح: أي وإذا، شكو بيها.

غسق: والله سوالفج يحجي.

شهد: الاسم يخبل، عود إذا جبت أني هم أسمي جوان.

إيمان: الله يكومج بالسلامة حبيبتي.

ملك: صدك غنى شنو معنى اسم جوان؟

غنى: ابتسمت له، معناوين. الأول وردة الربيع والثاني نهر من أنهار الجنة.

إيمان: يخبل. جوان بيبي يمه، أروح سبع فدوات لهالعيون.

غنى: هههه شوفي شلون تباوع، عبالك تفتهم.

إيمان: هههه بعد كلبي هالعيون تفهم.

فهد: ابتسمت، حبيبة أبوها ذكية من هسه.

غنى: فهد جيب الولد أشوفه.

فهد: شلت البنية، كبرت بأذنها اليمنى واليسرى وانطيتها لأمي. رحت أخذت ابني من سريره، شلته.

غنى: أخذته منه. يشبه جوان بس هذا ولد يروحي، سندي وسند أختك. بسته وشميته مثل أخته. نزلت دموعي غصب عني. أحس روحي الحاضنتهم مو أيديه. وخفت بهاللحظة لا أموت مثل أمي وأعوفهم. طلبت واني بهالشدة، الله يكول بعمري ويخليني لاجلهم.

إيمان: ليش تبجين حبيبتي؟

غنى: فرحانة كلش فرحانة.

زمرد: ربي يجعل أيامك كلها فرح.

الكل: آمين.

غنى: شلت راسي منه، مباوعة لفهد. فهد حتسمي الطفل؟

فهد: ابتسمت، مروان.

غنى: فتحت عيوني، صدك؟

فهد: أي، عجبني اسم خالة وأريده على اسمه.

أم صالح: نزلت دموعها. مروان حبيبي، سودة عليه حرموني من شوفتك، الميخافون الله.

زمرد: يمه لتكدرين البنية، الله يخليج. عاشت إيدك خاله، الاسم يخبل. يتربى بعزك إن شاء الله أبو مروان الوردة.

غنى: باوعت للطفل مبتسمة. مروان حبيبي، ياترى من تكبر حتصير بلسم لجروحي وتعوضني عن فقدان خالك يروحي. بوسته وحضنته.

وردة: يمه جوان ليش تسوي هيج بحلكها؟

إيمان: هههه هاي جوعانة بعد كلبي، تريد ترضع. غنى يمه راح أشربهم مميات ومن تحسين نفسج كادرة ترضعيهم رضعيهم، تره حليبج أفيدلهم من التعليب.

غنى: جيبيهم خاله، مبيه شي. أكدر أرضعهم والبنج انتهى مفعوله، ماكو مشكلة. طلعت صدري ونزلت الشال، عليه خاف يجي واحد، خليته للاحتياط. رضعت مروان لأن بحضني، أباوعله. سودة عليه شلون جوعان.

غسق: تقربت بوستها. حبيبتي الحمد لله على سلامتج. ربي يحفظج ويحفظ هالكمرات اللي عندج. تعذرينه، صار لازم نروح وبس تطلعين من المستشفى، أحنه أول الوادم نجي.

غنى: براحتكم حبيبتي، تنورون بأي وقت. طلعوا أهلي وبيت عم فهد. أجه حارث خذاهم وخالة إيمان خابرت على علي يجي على البنات، وفعلاً أجه علي هو ومنذر طايرين.

علي: ما شاء الله، ما شاء الله. ولكم شلون متحملين، متاكلوهم.

منذر: ألف مبروك، يتربون بعزك حبيبي فهد، الله يخليهم الك.

فهد: الله يخليك أبو سالم الوردة.

علي: شوكت سميتوهم؟

فهد: جوان ومروان.

علي: تخبل أسماؤهم وحيل موالمه عليهم. شوكت الله يرزقني مثلهم.

فهد: إن شاء الله يرزقك بالأحسن منهم.

علي: إن شاء الله.

غنى: انقهرت على أروى ونرجس، وحدة كامت تباوع للثانية. خطية شهد تزوجت وحملت وهنه لسه محملن. ناس تكول عندهن تابعة مدري شنو، وناس تكول صابتهن خرعة من موتت أخو الحجية وبعد ميحبلن. أشكال الحجي طلع عليهن وهنه ساكتات. خطية رحت للدكتورة، طلع كل شي مابيهم بس لسه الله مرزقهن. والله قبل لا أدخل للعمليات سمعت بوكت الطلقة إذا تطلب الولادة طلب يتحقق، وأني دعيت الله يرزقهن الذرية ويرزق كل من محروم منها.

طلعوا الولد همه والبنات وبقت بس خالة إيمان وانغام مرت منذر. هالبنية لو شما أسوي ما أكدر أجازيها. دارتني من سويت حادث ومن حملت جانت تجي تساعدني بالبيت، ومرات خطية تطبخ وتجيني تكلي: أكلي، تغذي، لتكعدين، لتتحركين. وهسه من جبت هم ما عافتني، الله ينطيها العافية.

فهد: يمه رجعي أنتِ وانغام، أني موجود.

إيمان: لا يمه، مرتك متكدر وحدها والدكتورة كالت كون تبقى يومين لأن بعده جرحها ما التئم ويرادلها راحة وكون يومين متتحرك لمن وضعها يستقر. خوما نعوفك أنت وياها يومين.

فهد: أني لراحتكم، تردن تبقن بكيفجن. كمت، يله أني أروح أسجل الجهال وأجيب لكم عشة وأجي. عفتهم وطلعت.

انغام: شلون تحسين نفسج هسه؟

غنى: أنطيت مروان لخالة واخذت جوان أردعها. لا الحمد لله، الألم خف، أحسن نفسي أحسن شوية.

انغام: الله يساعدج. أني وحدة وشلت حالتي، أنتِ اثنين. تلكيج متتي.

غنى: على التعب اللي شفته بيهم، أجيت أموت، بس والله يا انغام من شفتهم عيني حسيتهم يستاهلون أتعب على حسابهم هالتعب. بست جوان. يمه أريد أكلهم كد ما حابتهم.

إيمان: ابتسمت. كلنه مثلج، ندك ونلطم بالحبالة ومن نشوفهم ننسى كل الألم والتعب اللي شفناه بيهم. فطرة الأمومة الله زرعها بينه بعد.

غنى: هزيت راسي، حاضنه جوان. يمه فدوه أروح لليوم اللي خلاني أمكم. خليتها ترضع لحد ما نامت هي ومروان. شالتها خالة، خلتها بسريرها. رجعت راسي على المخدة. رغم جنت تعبانة بس عندي واهس أشيلهم وأخليهم بحضني. أصلاً نسيت نفسي مسوية عملية. غمضت عيوني وأخذتني النومة. وين ياله كعدت نص الليل. شفت انغام وخالة نايمات وفهد كاعد يم راسي.

فهد: بهدوء، ها حبيبي كعدتي؟

غنى: أي.

فهد: تقربت بست أيدها. شلون صرتي هسه؟

غنى: الحمد لله زينة. باوعت لسراير جهالي، مكعدو بعد.

فهد: لا، من رضعتيهم لسه، همه جروها نومة وياج. مبين عليهم هادئين.

غنى: طالعين على أبوهم.

فهد: يعني أبوهم هادئ؟

غنى: شتكول أنت؟

فهد: بست شفايفها. أني أكول طالعين على أمهم، هادئين وينحبون.

غنى: ابتسمت. أوف فهد، جنت شايلة هم لا أموت وأعوفهم.

فهد: كون أفرك حلكج لمن أخلي يخر دم. حجايتج قبل لا تدخلين للعمليات ضلت ترن بأذني. دربي ما كمت أشوفه، كل ساعة أكول ليش كالت هيج، وخاف راح يصيرلها شي. والله هذا كلبي راد يطلع من حلكي.

غنى: لزمت ايده. حبيبي أني داخلة عمليات وما أعرف إذا راح أنجو لو الله كاتب لي أموت بهاليوم، فكلت أوصيك على جهالي قبل لا أدخل، لأن أني ما أعرف مصيري. والحمد لله الله كتب لي عمر.

فهد: الحمد لله والشكر.

غنى: أكول حبيبي.

فهد: كولي.

غنى: حباب، أني جوعانة.

فهد: ابتسمت. يخسه الجوع، هسه أجيب لج العشة.

غنى: أباوعله راح. فتح علاكة وطلع منها طاسة سفري وفتحت علبة جابها خلاها بمثل صينية.

فهد: هاج، جبت لج شوربة ومشاووي ومعلاك حتى تعوضين الدم اللي خسرتيه. ومن تكملين أكلي تمر على حساب الرضاعة، ما أريد جهالي يجوعون.

غنى: وأنت شمعرفك بكل هذا؟

فهد: ليش غير هو من وراج أني صرت خبرة بالحوامل. أعرف شنو الصحي لهم وشنو المو صحي. النومة المناسبة والملابس المريحة للطفل، حتى أوضاع ال.... المناسبة الج حفظتهن.

غنى: باوعت، عززة فهد صوتك.

فهد: نايمات، ميسمعن. يله أكلي، خلي أروح أكعد يم جهالي. ولد الكلب يخبلون.

غنى: ضحكت، والله تحير أنت. هذا مدح لو ذم؟

فهد: مادام سمعتيني كتلهم ولد الكلب، يعني مدح. دنكت بوستهم وهمه نايمين. أروح فدوة لهالنومة.

غنى: ابتسمت، ماخذة الخاشوكة. أكلت لمن شبعت. واجه هو شالهن. خطية انشلع كلبه، 9 أشهر هو الراحة مشايفها من ورايه.

بقيت يومين بالمستشفى وطلعت. بيومها فهد سوى غدة وذبح ذبيحتين على سلامتي وسلامة الجهال. ما خلى واحد معزوم. أهل أبويه اجو هم، وخوال وخالات فهد هم اجو من البصرة. أني ضليت بغرفة خالة لأن ما أكدر أصعد فوك. كل ساعة جاي أحد، وماكو الناس تصعد لي فوك، هم زحمة وخطية خالة كعدت بغرفة وردة. مر أسبوع على ولادتي مثل الورد. البيت مخبوص بجوان ومروان، وفهد خو هذا عالم ثاني. يضوج من واحد يلزمهم لو يشيلهم، ميكدر يحجي بس يبقى على أعصابه. أباوعله محللهم اثنينهم وكاعد كدامهم يسولف وياهم.

فهد: باباتي حبايبي، ها ولد الكلب تعرفوني. أباوعلهم، يباوعولي، عبالك جاي يفتهمون شكول. ولكم والحسن راح آكلكم، لتباوعولي هيج.

غنى: هههه خبلتهم حبيبي، شجاك.

فهد: مالج علاقة حبيبي، أني وجهالي. بوستهم وشميتهم. خرب يومهم ماخذين ريحة أمهم. باوعتلهم يحركون بأيديهم ورجليهم. ضحكت، تدرين أني ما مصدك صار عندي جهال، ومو واحد اثنين، لا ويخبلون.

غنى: ابتسمت، تحبهم؟

فهد: روحي صارت بيهم. أريد أضمهم عن الدنيا كلها. من شفتهم واني قسمت بالله ما أخليهم يشوفون يوم واحد مو زين بحياتهم، وأحاول قدر الإمكان أبعد عنهم كل شي يأذيهم.

غنى: أباوعله شلون يحجي وعيونه عليهم. من شفته هيج حسيت الله انطه جهالي هدية أول ما اجو، والي أبو حنون يحبهم لهالدرجة. ضلينه اليوم كله بالغرفة، فهد مكابلهم وكاعد وهمه فد لوتية، من يشوفوه يسوون حركات بوجهم، اله وهو يتخبل عليهم ويصيح: ولد الكلب لتسوون هيج، تردون تموتوني.

ثاني يوم الكل متجمع بغرفتي، وسمعنه باب البيت يتكسر. طلع علي يركض فتح الباب. أباوع دخل منذر يركض ويلهث ويبجي. كمله الكل.

فهد: شبيك؟ شبيك؟

منذر: لارد.

فهد: هسسسه غير يبطل ينوح ويحجييي.

منذر: فهد الله يخليك ساعدني، أمي ضربتها جلطة وانشلت.

الكل: شنووو.

منذر: فهد الله يخليك ساعدني أمي ضربتها جلطة وانشلت.

الكل: شنووو!

منذر: أي... فهد الله يخليك مو وقت الحجي، أريد تساعدني.

فهد: أوكف، أوكف، شنو تريدني أساعدك؟

منذر: أمي محتاجة عملية وفوراً، وضعها كلش مو زين، وأني ما عندي والله تعرف إحنا بنهاية الشهر وما جوة أيدي فلس أحمر. أعرف بعد اللي سوته متستاهل أساعدها، بس هاي تبقى أمي وما أكدر ما أساعدها.

فهد: شكد محتاج؟

علي: صدك تحجي! بعد كل اللي سوته راح تساعدها؟

منذر: لخاطري مو لخاطرها، والله أرجعهم بس خلي أستلم راتبي. فهد ما عندي غيرك والله.

فهد: (بنفاذ صبر) مو جاي أكلك شكد تريد.

منذر: مليون.

فهد: هسه ثواني. (باوعت لغنى) مفتاح الخزنة بمكانه، خو ما شايلته؟

غنى: لا، نفس مكانه.

فهد: خوش. (صعدت فوك، جبت له المليون ونزلت) تفضل.

منذر: والله ما أعرف بشنو أجاريك بعد كل اللي سويته. أمي ومن طاحت بشدة ساعدتها.

فهد: مو بحالها. اني كل اللي جاي أسويه لخاطرك أنت بس. ما كالتلي شنو سبب الجلطة؟

منذر: (تنهد) أنت تعرف من بعد سالفة الفصل أمي باعت الكاع مالتها، انطتكم المبلغ اللي طلبتوه، واللي زاد من فلوس الكاع ضمتهن. وقبل جم يوم اقترحت عليّ أبيع كل ذهبها وأضيفه على هاي الفلوس حتى نبيع بيوتنا ونشتري بيت جبير نكعد بيه أنا وياها وبيت فيصل. وفعلاً اتفقت ويه فيصل وعرضت بيتي للبيع وأخذت ذهب أمي بعته، ولكيت بيت جبير ومناسب قريب على بيت جدي. ورحت البارحة أريد آخذ الفلوس من أمي حتى أجملها فوك الذهب ونشتري البيت. حاجيتها كالت: "خليت الفلوس عد فيصل يخليهن بالبنك لأن أخاف ينباكن يضيعن". رحت خابرت فيصل حتى يسحب الفلوس ويجيبهن. جان السافل يكلي: "الفلوس أنا اخذتهن، هذا حقي من الكاع اللي باعتها والفلوس هسه وديتهن لسوريا أسوي بيهن مشروع ويا جماعتي". وهي بس سمعته من كد الصدمة وكعت بسرعة.

علي: لا يا نذل، يا خسيس!

فهد: وشصار بعدين؟

منذر: (بدموع) ما شفتوا منظرها شلون انعوج حلكها وأيديها وتختض. نريد نسيطر عليها، ما نقدر. حتى الجهال اخترعوا من شافوها. من حلاة روحي شلتها بسرعة وخذتها للمستشفى. أول ما دخلوها كالو انشلت ولازمها عملية فوراً. حاولت، ردت أحصل المبلغ، ما كدرت، وما صار قدامي غيرك. لأن السافل فيصل من كتله يكلي: "أنا شكو، تلكي هذا فلم من أفلامها".

علي: صحيح أمك آذت حتى إبليس بشرها، بس فيصل بسوايته هاي بين هو حتى أنكس من الخنزير، هالكلب هذا.

فهد: (بهدوء) كافي حجي. روح منذر، لتتأخر.

علي: امشي منذر، أنا جاي وياك، امشي، يله.

غنى: طلعوا الولد وخطية منذر دموعه عشرة عشرة. باوعت لخالة اللي بانت على ملامحها التعجب.

إيمان: دخيلك ربي، هاي شجاي يصير بالدنيا؟ شلون واحد يبوك أهله بدم بارد؟ شلوووون! لو مهما كانوا الأهل، متتسوه وياهم هاي السواية. دخيلك وسترك ربي، دخيلك. شجاي يصير بالدنيا؟

فهد: اللهم لا شماتة. بس كل اللي صار من إيدها هاي نتيجة الحلفان بكلام الله جذب.

غنى: أباوع لمروان، بجه. شلته. شنو قصدك فهد؟

فهد: من شكيت بيها هي اللي مبدلة الحبوب مال أمي، حلفتها على كلام الله، وحلفت بكل عين خلت إيدها على القرآن وقسمت ما مسوية أي شي ولا مأذية أي واحد منهم.

غنى: استغفر الله، ألف استغفر الله. كزبر جلدي. شلون تكدر تحلف بالقرآن جذب؟

فهد: تكدر، ليش متكدر؟ اللي متخاف تخلي أدوية تموت الواحد وتسلب روحه، ترديها تخاف تحلف بكلام الله؟

نرجس: شنو من ملة هاي؟ وجماله نريد الله يرضى على هالبلد. والله ما أستبعد من بعد هالسوايات الأذية الجاي تصير بهالوقت يكلبها بينه.

إيمان: سبحانك ربي، شكد ما أنت رحيم بينه، بس لو تريد تعاقبنا تنتقم منا شر انتقام. فعلاً غفور رحيم شديد العقاب.

فهد: دك عليه منذر. فتحت الخط وطلعت.

غنى: أهز بمروان وإيدي على جوان. يارب لتراويني هيج يوم بجهالي. لتخليهم يأذوني ويأذون أبوهم لو كبروا. أباع لمروان يباوعلي، بس شافني ضايجة، برطم. بعد كلبي، لا تبجي ياقلبي أنت ها. ضجت على ماما متريد تشوفها ضايجة. أروح فدوة للحنين. نرجس، فدوه شيلي جوان. كعدت أفتري بيها بالغرفة بلكي تنام، خلي أنيم مروان.

نرجس: جيبيها. أم الوكاحة، أم الصلافة، تريد واحد يشيلها ويديح بيها.

إيمان: مو خوش طبع هذا، أنوب تتعلم على الشيل ومتقبل تنذب بالكاع.

غنى: غير فهد يا خالة، إذا كعد واحد منهم ياخذه ويطلع يفتر بيه بالبيت لحد ما ينام ياله يجيبه.

نرجس: خليهم خطية، مادام يرتاحون بالفره، يله أعوفكم. أطلع أفر جوانه حتى تنام.

غنى: فدوه لفيها زين، لا تاخذ برد.

نرجس: صار.

غنى: طلعت نرجس. باوعت لمروان، رجع نام. حبيبي شلته بصفي وغطيته. خالة، لعد وين وردة؟

إيمان: عدها امتحان وجاي تقره.

غنى: هزيت راسي. أباوع، دخل فهد. ها، شكالك منذر؟

فهد: كعد يكول وضعها مو تمام والدكتور كاله تأخرت.

إيمان: يعني شنو راح تموت؟

فهد: لا، بس نسبة شفائها جداً ضئيلة، لأن ما سوولها عملية أول ما دخلت، وبنفس الوقت هي مضروبة جلطة كلش قوية بحيث ما ردتها مرد.

إيمان: لا إله إلا الله. الله يبعدنا ويجفينه شر الأمراض.

فهد: آمين.

إيمان: يله يمه، أنا أعوفكم وأقوم أرتاح. تصبحون على خير.

الكل: اجمعين.

فهد: باوعتلها. لعد وين جوان؟

غنى: كعدت. فاخذتها نرجس تفرها حتى تنام.

فهد: كمت. صدك تحجين؟ لتروح تاخذ برد، مو جانت بالدفء؟ إذا لاحها برد تستبرد، متفكرون أنتو يعني؟ أضل أعلم بيكم.

غنى: أباوعله. عافني وراح. شوية وواجه شايلها وهي كاعدة ما نايمة.

فهد: خليتها على الجرباية. ها حبيبي كاعدة؟ حبيبت أبوها متكدر تنام ها؟ كلب أبوها تريد تلعب. شنو شنو؟ شتريد الحلوة؟

غنى: كامت تبتسم. يعمري، شلون تضحك من واحد يناغيها. أباع، أجه فهد يبوس بمروان ويجر بخشمه حتى يكعده. لا فهد خطية، هستوه نام، عوفه. ما أكدرلهم ثنينهم.

فهد: الكوا... ميقبل يكعد.

غنى: عليمن طالع؟ أبد ميحب النوم.

فهد: عليه، بس أنا أحب النوم، بس وياج.

غنى: عيب عليك. أنا مو هذا قصدي.

فهد: ولا أنا قصدي اللي ابالج. (أباوعلها دنكت ابتسمت) رغم جابت وصارت أم وصارلها سنتين وياي، بس هي هي نفسها، أبد ما تغيرت. دنكت بست خدها. يله حبيبتي نامي، وأنا راح أضل ألعب جوان شوية لبين ما تنعس وتنام.

غنى: لا، أخاف جوعانة. خلي أرضعها بلكي تنام.

فهد: لو جوعانة تبجي، بس لا شبعانة وتريد تلعب. شلتها خليتها بحضني. نامي أنتِ حبيبي، أنا بعدني كاعد منتظر علي يرجع.

غنى: ليش، شتريد منه؟

فهد: هو خابرني كلي لتنام، أريدك بموضوع. كتله ميخالف، منتظرك.

غنى: ماشي. ذبيت حجابي وتمددت. مبعدة مروان شوية عني لأن أخاف وأنا أتقلب أأذي. طبعاً من يوم اللي جبت وفهد ما يقبل ينيمهم غير بنصنا. غطيته وغطيت روحي، وظليت أباوع لفهد اللي كاعد ويسولف ويه جوان، وهي بعد كلبي مركزة ويا، عبالك تريده يحجيلها. بعد ضليت أباوعلهم لحد ما نمت.

***

علي: ها، شكلك الدكتور؟

منذر: شكلي يعني؟ للأسف ما كدروا يسيطرون على الوضع لأن عمليتها تأخرت، وهالتشوف ضربتها جلطة وانصابت بشلل.

علي: مو مشكلة، بلكي تتعالج وتصير زينة. كافي منذر، لتبجي، أزمة وتعدي.

منذر: شلون متريدني أبجي؟ لك هاي أمي، لو مهما تسوي وتفعل تبقى هي الجابتني وتعبت عليه. قابل تريدني أصير مثل هذاك السافل؟ باك فلوسها وبكل حقارة صدرهن لخارج العراق وما اهتم لا للحرام ولا للعيب.

علي: لو ما متأكد هو أخونه جان كلت نغ... والله.

منذر: والله سوايته حتى النغ... ميسووها. لابد النغ... من تجيبه وتصرف له جم فلس عليه مينساها الك، بس هذا كلب... كلب وسافل ومنحط. لو ما منحط ميرفع إيده ويضرب أمه.

علي: الدنيا دوارة، وأذكرك. شتسوي يرجع عليك.

منذر: هزيت راسي.

علي: بقينة للـ 1. هو بقى وياها، وأنا رجعت للبيت. دخلت لكيت فهد منتظرني.

فهد: ها، شو تأخرت؟

علي: ما كدرت أعوف منذر منهار على أمه، خطية. خابر خواله ولا واحد منهم قبل يجي. صدمني موقفهم بصراحة، يعني لو مهما كانت المشاكل بين الإخوة، من يوكع واحد بشدة، بدال ما يوكفوله أول الناس يتبرون منه ويكولون مالنا علاقة.

فهد: جلاب، شتتوقع من جلاب؟ ولو الجلاب وفية، تنطيها عضمة تضل تعبدك، بس ذولة منبع مال حقارة. شتتوقع منهم. المهم، ما كالتلي ليش ردتني أنتظرك؟

علي: هيج جانت ابالي حسبة، وكلت لو صارت أنت موجود وأحاجيك، بس الحمد لله ما صارت.

فهد: وشنو هالحسبة؟

علي: عبالي راح تموت، وتعرف وضع منذر أنت ما عنده. كلت أنا وياك موجودين ونساعده، لأن جنت شبه متأكد راح تموت. ترس أذاني. سمعت الدكتور كال ضربتها جلطتين، وحدة وره الثانية، وانشل كل جسمها. تعجبت من كال عايشة. بالعادة اللي عمره جبير وتضربه أكثر من جلطة وينشل، ميطول. بس هي عاشت، شلون ما أدري. بقدرة الله.

فهد: هذا عقاب من الله. لو يريد يرحمها يموتها، بس ربك يريد يعاقبها بالدنيا والآخرة.

علي: اللهم لا شماتة.

فهد: حاشا لله. أنا ما أتشمت، بس جاي أوضح لك وجهة نظري. يله من رخصتك، أنا تعبان، أريد أنام. وراك دوام، وأنت عود باجر لا تروح للدوام، ابقه ويه منذر، خطية.

علي: أي، هو جنت مقرر هيج أسوي.

فهد: دخلت لغرفة أمي. شيطلع هالشهر ونصعد لغرفتنا. جزعت روحي، ما أرتاح إذا مو بغرفتي. تدنيت، وخرت الغطة ونمت بصف جوان. أباوعلها هي ومروان نايمين بنصنا. ابتسمت على منظرنا. أحس بشعور حلو من ننجتمع كلنا سوا، وخاصة بالنومة. غمضت عيوني حتى أنام، باجر وراي دوام.

***

صباحاً

غنى: كعدت الصبح على صوت بجي جوان ومروان. فتحت عيوني لكيتهم يبجون. باوعت للساعة، هستوها بالتسعة الصبح. تنهدت. ياربي، والله بعدني نعسانه. البارحة أربع مرات كعدت، ينام واحد يكعد الثاني وهكذا. رفعت جسمي على كيفي. ها يماما، ها هياتني يمكم، لا تبجون، يعمري. فتحت دشداشتي حتى أرضعهم. شلتهم ثنينهم خليتهم على صدري. أباوعلهم سكتوا. طبعاً سالفة الرضاعة كلش تعبتني، ماشاء الله عليهم حبايبي يجوعون بسرعة ويريدون صدري وهالشي من صدك يتعب، خاصة هم ثنين مو واحد. أباع لمروان يطبطب على صدري ويرضع. ابتسمت بعد كلبي، شلون سوالف. باوعت لجوان: ها ولج دبسزز، شو خانسة؟ كامت تضحك. هههه، بعد عمري هالضحكة. بوستهم. يمه، أفيييش، شكد أحبكم.

رضعتهم لمن شبعوا، وخرتهم عن صدري. أخذت كلينس مسحت حلوكهم وصدري. نيمت جوان وأخذت مروان أدك على ظهره حتى ميتقيئ. تريّعته وسويت نفس الشي لجوان.

نرجس: صباح الخير.

غنى: ابتسمت. صباح الورد.

نرجس: ها، شو الحلوين كاعدين؟

غنى: أي كعدوا جوعانين، قبل ربع ساعة رضعتهم وهاي كدامج كعدوا.

نرجس: سوو أسوف يمه سنوو أنتوا سنوو. الوح فدوه لهالعيون الحلوة. ولج غنى، جهالج رجعوني طفلة بكد سالم.

غنى: شبيج؟ شو أحسج هادئة اليوم على غير العادة.

نرجس: خابرتني أروى تبجي.

غنى: خير، شبيها؟

نرجس: كالعادة، نسرين وحجيها المثل السم.

غنى: شنو جديدة عليها؟

نرجس: تعرفيها بعد، شكد تتحسس من موضوع الحمل. ونسرين مكابلتها صبح وليل: "أنتي جبيرة وميصير عندج خلفة، واستلاحكي روحج لتطلعين عاقر". أكلها ولج غبرة، لتهمين، إحنا راجعين يم الدكتورة اللي تفهم من نسرين وعشرة بكدها، وكالتلنا ما بيجن شي، وهذا رزق. وانطتنه مقويات حتى يصير حمل. بس هاي ثولة ناصبة مناحة وكاعدة كل يوم.

غنى: أنتي تدرين بيها شكد حساسة، مع إن سامر واكف وياها ولا حجة ولا فتح حلكه. بالعكس، هو يكوللها: "أكو ناس تبقى سنين بدون أطفال وما حجو شي، ترديني أنا اللي ما صارلي سنة أحجي وأتمنن".

نرجس: صحيح حجيه، بس تردين الصراحة؟ غنى، هالايام جاي أشوف علي كلما يشوف له طفل يذب له حسرة شكبرها. حاجيته أكثر من مرة يكول: "كالت روحي على الطفل، بس صابر".

غنى: كل شي بأيد الله. ولتتوقعين اكو واحد يريد مصلحتنا بكد ربنه. ولتنسين كل تأخيره وبيها خيره، أكيد اكو صالح من تأخر حملجن. وهسه يله سوي لنا ريوك وكعدي خالة دنتريك، لأن أنا ما أكدر أكوم. يله يله.

نرجس: تره تعبت. شوكت تصير زينة؟ ما طلعت هاي.

غنى: برطمت. تتعاجزين مني؟

نرجس: أتعاجز من روحي ومنج ما أتعاجز. هسه ثواني والريوك يمج.

غنى: ابتسمت. حبيبتي. طلعت وأنا كعدت ألعب جهالي شوية، أريدهم يتعلمون على اللعب والضحك، ما أريدهم يتنحسون.

***

فهد: كاعد بمكتبي وخابرني عمي. جاوبته. الووو.

عباس: الوو، ها بويه، الله يساعدك.

فهد: هله بيك عمي، ويساعدك، خير.

عباس: ماكو شي، بس تعال للمعمل شوف العمال شتريد يسوون.

فهد: أنا متفق وياهم على اللي أريده، نفس بناء المعمل القديم، كل شي ليخربطون، وأنتوا موجودين. كل لمحسن شنو اللي يخطر على بالك، سوي بالشكل المعقول، وأنتوا هم، لأن أنا ما أكدر أطلع، عندي شغل كلش هواي.

عباس: خلص، براحتك. راح أعوف محسن يتصرف.

فهد: ماشي. سديته منه. أباوع، دخل عمر. ها.

عمر: هذا اسمه أسعد، أجو أخوان مرته للمكتبي يردون يحاجوك. شكللهم؟

فهد: خلي الشرطي يدخلون، أشوف تاليها وياهم شنو. طلع عمر وهمه دخلو.

كامل وخالد: السلام عليكم.

فهد: هله. خير.

كامل: أنت رجل غنى مو؟

فهد: قصدك غنى اللي أخذتو ورثها وطردتوها بالشارع وشوهتوا سمعتها بكل مكان، مو؟

خالد: الفات مات، وكل شي انتهى. وأحنا ولد اليوم، وهي تبقى بت أختنه، وأحنا خوالها.

فهد: رفعت حاجبي. لا بله؟ شو لك بيها؟ هاي ولد اليوم، أبو ولد. سمعوني زين، خلي نختصر النقاش اللي ماله داعي. دخلو بصلب الموضوع. بعد ساعة عندي اجتماع، أريد أكمله وأرجع لبيتي، مرتي وجهالي منتظريني. فاختصروا.

كامل: شوف ابني، أحنه...

فهد: قاطعته. سيادة الضابط فهد، أو أبو مروان، أنا مو ابنك.

كامل: أبو مروان، اسمعني. أحنا داخلين على الله وعليك، نريدك تساعده بشغلة. أبو أمير اللي راح بالرجلين بسبب حادث غير مقصود وتدمر، ودمر مرته وابنه وبناته وياه.

فهد: هذي مو مشكلتي. أنا شعليه؟ ماسامع القانون؟ لا يحمل مغفلين. محد كاله روح اشرب سم وسوق واكتل بالعالم. وبعدين أنا آخر واحد المفروض تلجئون اله، لأن تدرون بيه شكد حاقد وأكرهكم على اللي سويتوه بمرتي. وأسعد لو تطلع روحه كدامي وباستطاعتي أساعده هم ما أساعده، على سوايته النكسة ويه غنى.

خالد: بس الإنسان خطاء، إذا الله يغفر، منو أحنا ومنغفر؟

فهد: هذا الله مالك هالدنيا وصاحبها، منبع الرحمة والمغفرة، تجيبه علينه؟ لا وتقارن؟ هم لك بابا، هذا الله، أنت مستوعب المقارنة اللي جاي تسويها؟ منو أنا؟ زبالتيش وتقارني برحمة الله؟

كامل: حاشاك أبو مروان، مو هذا القصد. بس أحنا طمعانين بأخلاقك وكلامك، كلها هنا تشهد لك، من شرطة لضباط. شكد خوش آدمي وكلبك طيب، فأجينه نحاجيك باعتبارك نسيبنه وما عدنا غيرك، وهم تعشمنه بأخلاقك.

فهد: (بهدوء) أولاً، أنتو جذابين بهالمركز، كل الشرطة تكرهني لأن شاوي البصل على آذانهم، هاي نقطة. نقطة ثانية، ستوكم عرفتوا عندكم بت أخت ومزوجة وجايين تدورولي هالكلاوات؟ نسيب ونعيل ونن هالسوالف؟ سمعوني زين، حتى لو جان بامكاني أساعد رجل أختكم النذل، هم ما راح أساعده. وبالنسبة لقضيته، فتحولت للمحكمة وانحكم، بعد لو تنكلب الدنيا محد يكدر يساعده. القضية طلعت من أدينه، فلتحاولون، لأن رجل أختكم لابسته القضية، لابسته.

خالد: يعني ماكو أمل أبد؟

فهد: أي، ماكو أمل. وهسه إذا ممكن تفاركوني، لأن عندي اجتماع.

كامل: أحنا جداً نشكرك لأن انطيتنا من وقتك.

فهد: هله. (أباوعلهم طلعوا). شلون أشكال؟ بسم الله متنكال بوجهم. بس أريد أعرف هالبت المشعول اللي عندي عليمن طالعة تبرك. (أخذت سلاحي وطلعت رايح لمكتب الاجتماعات حتى أستلم القضية الجديدة).

***

غنى: كاعدين أنا ونرجس وخالة إيمان، ودخلت علينه أنغام بايدها جهالها.

إيمان: شبيج يمه؟

أنغام: هسه خالة. ولج نرجس، لحكيني بماي بسرعة.

نرجس: هله هله، الواضح اكو أخبار دسمة. أوكفي خلي أجيب لك الماي، مو تحجين.

غنى: طلعت نرجس تركض جابت ماي لأنغام اللي وجها صاير أحمر وتهفي بعز البرد.

نرجس: أحجي، يله.

أنغام: (شربت ماي وأخذت نفس) كاعدة. ولجن بتول.

الكل: خير، شبيها؟

أنغام: تزوجت.

الكل: يااا!

أنغام: أي والله.

غنى: شلون يعني تزوجت؟ وأنتي شمدريج؟

أنغام: مو تدرن بيها قبل فترة طويلة تطلقت وكربست براسي وكعدت عندي. ورا ما عافتكم يربجن، كمت أشوفها تتقرب لمنذر لو تلبس لي دشداشة جنها اتك، لو تلبس تراك يحدد ملابسها الداخلية، خبلتني. وهذا منذر الفاهي يدنك راسه ويغلس. تالي جزعت روحي من كمت أشوفها تخابر بنصاص الليالي. خفت لا تطلع جاي تحجي ويه منذر. فكمت أراقبها. وعينجن متشوفين الشفته. ولجن، مسوية لها علاقة ويه واحد متزوج عن طريق الفيس، ومدري شلون ضاحكة عليه ومخليه يتزوجها سر، ومحد يدري.

نرجس: عزة العزاها كون. وأكول ليش كالت لي بأخر فترة متكعد بالبيت؟ طلعت تروح لهذا.

إيمان: الله يطيح حظها. ما صار لها حتى سنة من تطلقت راحت عرست.

أنغام: ليش، أنتن متدرن؟ المثل هاي يفلفلن على الرجل، يكدرن يبقن بدون زواج؟ لا وجماله أحاجيها قبل شوية تكلي: "أنا ما مسوية شي حرام، عاقد عليّ سيد وما علنت زواجي منه سابقاً لأن ما جنه جاهزين".

غنى: والله عدها قابلية. شلون تتقبل نفسها أكثر من رجال يدخل حياتها؟ ماشي، أنتي تطلقتي، حقج تشوفين حياتج، بس مو هيج. (أباوع لخالة إيمان لزمت زلوفها).

إيمان: وحق ذني وكولن كالت إيمان: إذا ما طلكها الرجال، يستقتل على المرة، بس مو الرخيصة. وهاي من شافها باعت له روحه، هسه يشبع روحه بيها ويذبها مثل كريم. وهسه تشوفن.

نرجس: لا والله خالة، تسمحيلي أغلطج. تره بوكتنه هن الساقطات اللي يحيرن شيسون، حظهن كاعد. الشريفة بهالوقت ماكلة تبن باثنين أيديها.

غنى: الحمد لله. ليش ما كليت تبن؟ بالعكس، الله منعم علينه من خلانه راضيين مرضيين بحياتنا. عبالج المثل ذني يرتاحون؟ لا قابل، حلوة يعني كل يوم ويه رجل شكل؟ وين الحظ بالموضوع؟ بالعكس ذني يقهرن، لأن صارن سلع، يطيحن بأيد أي واحد يلعب بيهن وينذبن.

أنغام: أي والله، لا عاب حلكج. بس الكاتلني أنا ذوله الزلم المطايه. من الله انطاك بيت ومرة وعائلة، تروح تخون؟ ليش؟ ويا ريت لو يتزوجون لهم وحدة عليها الاعتبار، على الأقل اسمها شريفة. لا، همه وين ماكو كح... يركضون.

إيمان: لا، مو الكل.

غنى: ضلن يتناقشن بالسالفة، وأنا صفنت. عجيب، شلون النسوان يتقلبن، ينامن بحضن أكثر من رجل؟ يمه، أنا غير فهد ما أقبل ولا أريد، تلعب روحي من كل رجل غيره، وما أتقبل أتخيل نفسي ويه أي رجل غيره. بس ما أعرف هالنسوان شبيهن. تنهدت. الله يبعدنا. مر الوقت، راحت أنغام لأن طلعوا سعاد، وأجه فهد. ها حبيبي، الله يساعدك.

فهد: دنكت أخذت شفايفها. هله يروحي. ها، شو كاعدة؟

غنى: نومت الجهال وانتظرت. شو تأخرت حبيبي؟ حتى دكيت عليك مجاوبت.

فهد: نزعت قميصي. أي، جان عندي اجتماع، ما كدرت أجاوبج.

غنى: جوعان؟ أكوم أصب لك غدة.

فهد: لا حبيبي، لتتحركين، مو زين عليج. أنا تغديت بالمطعم ويه جماعتي واجيت.

غنى: شعجب؟

فهد: نمت على رجلها. تردين الصراحة؟ كمت أستحي من مرة علي، خطية صارلها فترة شايلة البيت على راسها، وكل يوم أجي بي من الدوام هي تصب لي غدة وتسوي لي جاي وتسألني شمحتاج وشتريد. فشلة. ابتلت خوما ابتلت.

غنى: مسحت على شعره. إن شاء الله بس خلي يتحسن وضعي وأنا أرجع أكوم، خطية نرجس انشلع كلبها وياي.

فهد: دخيلج، كعدي وسكتي. أنا مستعد أضل آكل من المطعم وأغسل هدومي بيدي، بس لتتحركين أنتِ وتروحين تتأذين.

غنى: دنكت عليه، بست خدّه بقوة. أحبك.

فهد: اوف، شكد مشتاقلج، بس ميصير أتقربلج اله وره الأربعين. يله نصبر ونكضيها مقبلات وأبو قاسم نرجع نصومه، قابل شعدنه؟ أكلج.

غنى: ها.

فهد: متنطيني بوسة من الحلك؟

غنى: ابتسمت، مخلية شفايفي على شفايفه. هستوني دابوسه وصرخوا الجهال.

فهد: لا يا أولاد الكلب، يا أولاد النعال! كمت. شلوون يعني؟ منبوووس اليوم؟

غنى: أباوعلهم. من صاح بيهم؟ خنسوا.

فهد: شو سكتوا؟ خاف زعلو؟

غنى: رفعت كتافي. ما أعرف، يمكن. (أباوع له كل عقله) دنك يبوس ويشبك بيهم ويتعذر.

فهد: آسف باباتي، أشاقة وياكم، ميخالف بخاطركم، منبوس قابل شنو؟ البوس رب الصمت، أبو قاسم ما أصوم حلكي.

غنى: كاعد يتناقش ويسولف وياهم، وهمه ويا. ضحكت. هههه.

فهد: عليمن تضحكين؟

غنى: منظركم تحفة، بصراحة. عود صدك تحجي كاعد تبرر لأطفال عمرهم ما صاير حتى شهر؟ شنو يفتهمون همه؟

فهد: لو عمرهم يوم هم ما أخليهم يضوجون مني، غنى. ما أريدهم يذكرون عليّ ولو موقف واحد مو حلو. أريدهم كلما يصفنون يكولون: "الله انطانا أبو والنعم منه".

غنى: ابتسمت. تحبهم.

فهد: شميتهم. أموت عليهم. ذولة كلبي.

غنى: لعد وأنا؟

فهد: أنتي روحي، نفسي، عمري، حياتي، كياني، كل شي بيه. شتريدين بعد؟

غنى: ابتسمت. أنت اللي روحي وعمري وحياتي. بست إيده. أروحلك فدوة.

فهد: شفتوا بابا؟ خو أمكم تتحارش، ومن أكوم أكسرها تكول: "أوي فهد، أكعد راحة".

غنى: هههه. دكوم دكوم اسبح وارتاح.

فهد: أي، كائم.

غنى: أباوع له. أخذ ملابسه ودخل للحمام، سبح وطلع، فرش السجادة ووكف يصلي. كمل وكعد يسبح.

فهد: صدك، ما كالتلي رجل خالتج انحكم خمس سنين.

غنى: باوعت له. عود صدك؟

فهد: لعد أجذب عليج.

غنى: ليش؟

فهد: غير لأن قتل طفل. انحكم عليه خمس سنين بتهمة القتل غير المتعمد تحت تأثير كحول.

غنى: صفنت. دمرني وخلاني داخلة إنذار لسنة. والله دمر له خمس سنين.

فهد: كمت كعدت يمها. شبيج حبيبي؟

غنى: حضنته، دافنة راسي برقَبته. تدري لو ممساعدني بذاك اليوم جان تدمرت.

فهد: غمضت عيوني. بروح أبوك لتجيب طاري ذاك اليوم، لأن حيل أتنرفز من أتذكره وأعصابي تنتلف من يجي على بالي. ابتعدت. مباوع لها. شبيج؟

غنى: أموت عليك ياروحي وسندي.

فهد: بست ركبته وعضيتها. الهيييي، اختباااارك صعببببب، صعببببب.

غنى: عززه فهد، صوتك فضحتنا.

فهد: شيخلص هالشهر. والله متت. أبو قاسم يبجي يريد مريته.

غنى: (بخجل) هو شدمرنا غيره.

فهد: منو هو؟

غنى: أبو قاسم، أبو العيشة.

فهد: يااا، فهد، أحبه؟ شنو؟ كوم كوم.

غنى: ليش، شبي يخبل. تذكرين من...

فهد: قاطعته. عززه فهد، لتروح زايد. كوم مني، كوم.

غنى: ضحكت. أم وجه الفاهي، عود تستحي وهي مخلفة.

فهد: للمرة الألف أكلك، أنت مزنجر، فلتعيب عليّ.

غنى: تعالي، بس شو جهالنا لا فاهين ولا مزنجرين.

فهد: أي، الحمد لله. ما طلعوا عليك. جنك بيذنجانة.

غنى: عود صدك؟

فهد: جريته من تشيرته بخفة وبست شفايفه. ليش يصح لي يطلعون جهالي بهالجمال؟ وأكول لا؟ كتلك حتى لو مزنجر، أموووت عليك، وبعيني أحلى رجال خلقه الله، أنت.

فهد: أويلي. الله. اوف. من أشلع هالشفة. هم واحد يكلي ليش؟ حضنتها بقوة، لأن ما أكدر أتقرب لها. ميجوز.

غنى: حضنته وأنا مبتسمة.

***

علي: كاعد وطلعوا منذر وليلى يبجون. شكو، شبيكم؟

منذر: لك علي، أمي حتى حلكها متكدر تحركه، معووج ليم أذنها، وحجيها كله مكسر. أيديها معوجات. حتى الأطباء صفنوا. ماكو تفسير لحالتها غير الجلطة. معقولة الجلطة هيج تسوي؟

ليلى: (بدموع) روح شوف يا ملة سافلة وحقيرة، سحروهاااا ووصلوهااا لهالمرحله. الجلطة متسوي هيج. شوووف أمك لو مرت أخوك، أم الزلم، شمسويات لامي.

علي: أحترمي نفسج، لا أمسح بيج المستشفى. خاف عبالج إذا دكتور ما أسويها، تره مسقط وبايعةن كلهن. فلزمي حدج وديري بالج تجيبين طاري أمي على لسانج، ومرت فهد هم. ترحين فدوة لأخلاقها، ولو هو مو صوجج، صوج أمي اللي ما وكفت بوجهنه وكالت لترحون، وصوج مرت أخويه من ما تفلت بوجهج وطردتج من بيتها. بس هنه ميفتهم.

ليلى: هذا حجي مرتتك مووو؟

منذر: كافيييي! أنتِ شنووو؟ متملين من المشاكل؟ أمسحها بوجهي، عليه.

علي: أنت شعليك؟ وأمسحها بوجهك؟ يله حبيبي، أنا أروح لأن من دوامي كبل جيتك. والله هاي وكفتي لاجل عينك. وفهد هم لو عنده مجال يجيك بس عنده دوام.

منذر: معذورين. والله ما أعرف شحجي. اللي من أمي وأبويه ذل أمي ووصلها لهالمرحله، وولد أبويه اللي هي مرت أبوهم وأذتهم، وبالأخص فهد، حرّك له معمله كله، وهم من احتجته وكف لي. ما أعرف أفرح لو أزعل على الجاي يصير.

علي: حضنته. إحنا إخوة، يا منذر، لتنسى هالشي. ولو تثالث الدنيا، محد يكدر يفرقنه. طبطبت على ظهره وابتعدت. طالع. الله لا يوفقج ياسعاد. حرام أدعي عليج، وأنتي بهالشدة، بس تستاهلين واحد يدعي عليج. دمرتينه وفركتي شملنه. شكول عليج. رجعت للبيت. طبيت البيت هدوء. جهال فهد نايمين، ماكو صوت. أباوع، طلعت نرجس. تلكتني.

نرجس: ها لولي، شلونك؟

علي: هلوو حبيبتي.

نرجس: تتغده؟

علي: أي والله جوعان. بس وين فهد؟

نرجس: رجع ونام، أعتقد لأن غرفة أمك هدوء.

علي: ها، خوش.

***

غنى: كعدنا العصر من النوم. كعدت فهد، وكام يتحارش بالجهال، يكعدهم. جزعهم لمن كعدوا، وهو كالعادة طاح لهم، تعضض لحد ما بجاهم ورجع بوسهم. وهمه الدبسززيه، شيسويلهم ويرجع يبوسهم، يسكتون شوية. واجه الكل كعد بالغرفة. وراحت نرجس جابت جاي وكعك، وكعدوا علي وفهد يسولفون على وضع سعاد.

إيمان: زين، هم ليش ميحولونها على أخصائي؟

علي: أجه أخصائي شافها، وهو أصلاً الدكتور اللي سوى لها العملية اختصاص، بس ماكو فايدة. صارت خرده.

نرجس: شنو يعني؟

علي: بعد متكدر تتحرك. ممكن حلكها يرجع بالعلاج، بس تكدر تمشي، مستحيل. اله معجزة من الله ياله.

فهد: صدك، شو بتول ما اجت لهنا؟ تتبكبك وتريد واحد يساعدها كالعادة.

إيمان: غير تزوجت.

فهد: بهالسرعة؟

إيمان: أي، حتى أنا تفاجئت.

فهد: يطبها هرش، شأسويلها؟ همزين عرست وفكت يايخه عنه.

غنى: ضلينه كاعدين للمغرب، وكلمن قام لمكان. مر اليوم. وصار على ولادتي ثلث أشهر. واليوم حنروح أنا وفهد وهمه للحلة نبقى كم يوم. طبعاً جهالي بهل الكم شهر نشنشو وصاروا يخبلون. الدنيا مكلوبة عليهم، لأن مدبدبين وبيض حمر وسوالفهم تخبل. هادئين إلى درجة. واكفة أباوع لهم. جنت ملبستهم تراكات سودة وبيها خط أبيض. طالعين يخبلون. فزيت على صوت فهد. درت وجهي عليه.

فهد: يله، وين صرتي؟

غنى: كملت، بس خلي أكمطهم حتى أسيطر عليهم. جبت الكماطات، كمطتهم. انطيت مروان لفهد، وشلت جوان. نزلنه، لكينه خالة كاعدة.

فهد: ما نويتي تجين؟ تعاي ويانه، غيري جو، شعدج بالبيت؟

غنى: أي والله خالة، تعاي ويانه.

إيمان: مابيه حيل والله. روحو انتو تونسو، شعليكم بيه.

فهد: شنو شعلينا؟ غير أنا كلت نروح سوا، تالي أنتِ بطلتي.

إيمان: ولك يمه، والله مو حمل طريق. أنا أتعب، وأختك عدها دوام، خوما أغيبها على حساب الطلعة. روحو انتو وتونسو، عبالك أنا وياكم.

فهد: خلص، براحتج.

غنى: تقدمت بوستها. يله، مع السلامة خالة.

إيمان: الله وياكم، بعد كلبي. شو أبوس الحلوين؟ يمه يمه، شلون راح أفارقهم ثلث أيام؟ شلون أنام وحسهم ما سامعته؟

غنى: ابتسمت. أخذناهم وطلعنه. صعدتهم وره وثبتتهم بمثل الكاروك المتحرك، شد عليهم فهد الحزام وصعدنه، لأن ما أكدر ألزمهم ثنينهم وره، آمن لهم.

فهد: ها، هسه تمام؟ نطلع؟

غنى: أي. طلع فهد وكل عقله شغل المسجل على "ماما جابت بيبي" على حساب الجهال. عفيه فهد، مخلصانة منها بالبيت، تطلعها الي هنا.

فهد: غير جهالي يحبوها. أنتي شكو؟ سمعوا باباتي، ماعليكم بهاي.

غنى: هزيت راسي. والله سوالفك. كضينة الطريق كله ماما جابت بيبي وفهد كل شوية يدور وجهه عليه يصيح بصوت: "هااااا؟" وهمه يسكرون من الضحك، بعد كلبي. وصلنه وره ساعتين، لأن فهد يسوق بهدوء على حسابهم. أباوع، وكف يم فندق. مو عدكم بستان؟ شعجب جبتنه للفندق؟

فهد: دخلت للكراج. حبيبي، بيت البستان كاعد بيه الفلاح الجديد وعائلته، وإذا رحنه لا أحنه ناخذ راحتنه ولا همه خطية. فكلت نبقى بفندق، وكل يوم أطلع افركم بالحلة وأخذكم للبستان هم.

غنى: خوش، عاشت إيدك.

فهد: صفيت السيارة ونزلت. فتحت بيبان الره، نزلت الجنط والعربانات، خليتها بيها الجهال وانطيتها لغنى. قفلت السيارة وأخذت الجنط ودخلنه.

غنى: أخذ فهد هوياتنه، ووكف يحجز السويت ويدفع. باوعت لبنات كاعدات ويباوعن للجهال. حجت وحدة: "ذولة توم؟".

غنى: هزيت راسي.

"بنات مو؟"

غنى: ابتسمت. لا، ولد وبنية.

"فدوه، يتشابهون، مامبين ولد وبنية."

غنى: أباوع لهن. أجن يكرصن بخدودهم ويلزمن أيديهم، وهو صافنين عليهن مستغربين.

"هاي ليش هيج يباوعون؟"

غنى: ابتسمت. مستغربين لأن ما شايفينجن سابقاً، هاي طبيعتهم.

"يا فدوة، الله يخليهم."

غنى: تسلمن حبيباتي، ويخليجن.

فهد: يله غني.

غنى: أي يله. من رخصتكم. دفعت عربانتهم ومشيت. صعدنه بالمصعد، صاعدين للطابق اللي حنكعد بيه. حبيبي، بأي طابق حجزت؟

فهد: بالطابق الثاني، هسه نوصل.

غنى: وصلنه للطابق الثاني. فتح فهد الغرفة المكتوب عليها نفس رقم المفتاح. دخلنه. أباوع، تشبه الشقة الصغيرة، حلوة، تخبل، تشبه مال العرسان، بيها مطبخ وصالة وغرفتين.

فهد: عجبتج؟

غنى: فتحت حجابي. كلش حلوة.

فهد: شفته بالانترنت وعجبني، أخذت الموقع وجبتكم، همزين عجبكم. (باوعت للجهال) شبيهم؟ شو خانسين؟

غنى: أكيد تعبانين من الطريق. هسه أردعهم وأنيمهم، بس خلي أبدي وأجي. دخلت للحمام، ذبيت مي على روحي ولبست تراك برموده، وطلعت أنشف بشعري. لكيت فهد مطلعهم ومحللهم. ها حبيبي، تسبح؟

فهد: أي، هسه بس طلعي لي ملابس.

غنى: صار. رحت طلعت له تراك، عزلته على جهة، وأجيت يم الجهال. باوعت لروحي زين، أنا شلون حأرضعهم وأنا لابسة تيشيرت؟ نزعته وأخذتهم كعدت وخلتهم بحضني. اللهم صل على النبي. من كد ما مدبدبين، من أشيلهم أيدي تضل توجعني وكمت أخاف عليهم. رضعتهم وأمسح على ظهرهم بلكي ينامون. أباوع، طلع فهد لاف منشفة على خصره وينشف شعره.

فهد: أباوعلها. أكلج.

غنى: ها حبيبي؟

فهد: أنا جوعان.

غنى: أي، مو جبنه غدة ويانه. هسه بس خلي أشبع الجهال وأكوم أحضر لك الغدة.

فهد: (بهدوء) بس أنا أريد آكل مثل جهالي. حالي من حالهم. غنى.

غنى: ها.

فهد: أنا جوعان وأريد مثل اللي يسووه جهالي. حالي من حالهم.

غنى: (أحم) حبيبي، بس...

فهد: تقربت وكفت كبالها، دنكت بايس شفايفها. يله كمليهم حتى يجي دوري. ما عندج حجة بعد. طابت عمليتج وطلع أربعينج وطلع. بست بصف شفتها. ها، شكلتي؟

غنى: (بخجل) ماشي، بس أكملهم. (رضعتهم ونيمتهم واجه هو بدون مقدمات، وطبعاً ما عافني لحد ما أخذ اللي يريده.)

غنى: حبيبي، حيكعدون. كافي.

فهد: مصيت ركبته. خلي يكعدون، طززز، هي هاي العايزة؟ بعدهم بطول. (وأحسب لهم حساب).

غنى: حضنت متونه. أنت متشبع؟

فهد: أخذت شفايفها بايسهن. ابتعدت. ساند راسي على راسها. لا، ما أشبع، ولتسألين هالسؤال بعد. بهالسالفة، أنا نفسي دنيه خوش.

غنى: آاااه، مو هيج. ضربت صدره. زين تعرف روحك.

فهد: ابتعدت عنها. نايم بصفها. خليتها بحضني. اوف، هسه ارتاحيت.

غنى: كلبت جسمي، نايمة على إيده. بهدوء. عفيه، طاقة متخلص.

فهد: ضحكت. مو بصالحج إذا خلصت طاقتي. وتعرفين ليش. ماكو حاجة ندخل بالقلم العريض.

غنى: ابتسمت. نايمة بحضنه. للعصر ياله كعدنه. صلينه وبدلنه وطلعنه نفتر بالحلة. كولش حلوة، تشبه بغداد. ثاني يوم رحنه زرنه الحمزة (عليه السلام) وزيد ابن علي (عليه السلام). تغدينا هناك وزرنه وافترينه بالسواك مالتهم. وراها افترينه بمناطق الحلة، مولاتها، شوارعها، سوقها. كولش تونسنه بهالتلث أيام. رجعنه لبغداد، الضحكة على وجوهنه. حتى الجهال غيروا جو هناك. رجعنه لبغداد ورجعت حياتنه لطبيعتها.

***

بعد مرور أسبوع

نرجس: كاعدة بغرفتي ودخلت عليّ أروى. لاهله ولا مرحبا، شعدج؟

أروى: أكلي تبن ولج، وعوفي العرك.

نرجس: كعدت. شبيج ولج؟

أروى: ولج شاكة بروحي حامل.

نرجس: حلفي.

أروى: والله العظيم. الشهرية صارلها أسبوعين غايبة عني، وماردت أكول لسامر، وأامله. حجيت لملك وخليتها تجيب لي اختبارات حمل.

نرجس: أي، وسويتي الاختبار؟

أروى: لا.

نرجس: ضربت كصتي. لج ليييش يا ثولة؟

أروى: أخاف.

نرجس: من شنو؟ يحظي؟

أروى: أخاف يطلع سلبي.

نرجس: دتعالي، خلي نروح يم غنى، لأن أخاف علي يدخل علينه فجأة، وفهد ماهو. هسه يله تعاي بسرعة.

***

غنى: كاعدة ألعب مروان وجوان، واندكت الباب. كمت فتحتها، لكيت نرجس وأروى بوجهي. ابتسمت. يا أهلاً، تفضلن. شبيجن؟

نرجس: حجيت لها كل شي.

غنى: أييي، بلكي الله تطلعين صدك حامل.

نرجس: يله دخلي، سوي التحليل.

أروى: أخاف والله.

غنى: سمي بسم الله وروحي. دفعتها. يله لتخافين، حتى لو طلع سلبي.

نرجس: ذني أربعة، ياهو أول واحد تجربيه؟

أروى: ملك كالت ذني مضبوطات، وأبد ميخطأن. راح آخذ واحد منهن.

غنى: أي، يله. أباوع لها. أخذت واحد ودخلت للحمام. لزمت كلبي. يارب بجاه زكريا (عليه السلام) مثل ما رزقته الذرية، ترزق كل محروم. ضلت أروى جوه ربع ساعة. وسمعنه صوتها تصرخ. ركضنه للحمام. لكيناها تبجي. شبيج؟

أروى: خطين، خطين. التحليل إيجابيييي. انيييي حامل، حاااااامل!

غنى: حضناها وكمنه نكمز وياها، كد ما فرحانين. يمكن بحملي ما فرحت هيج. ابتعدنه، بوستها، وباركنا لها.

نرجس: مبروك الوصخة، تكومين بالسلامة إن شاء الله.

أروى: حقيرة، يبارك بيج يوم الج إن شاء الله.

نرجس: باوعت للاختبارات. بنات، شنو رأيكم؟ أنا هم أجرب.

غنى: شتجربين؟

نرجس: أحلل. شو عجبني الوضع والدراما اللي صارت. أخذت الثاني، راح أجرب. ما أبقيها بنفسي.

أروى: تخبلتي.

غنى: أي صدوك، شلون تسوين الاختبار وأنتي ما عندج أعراض حمل؟

نرجس: والله أجرب، ما أبقيها بنفسي. أخذته ودخلت للحمام.

غنى: هههه، خبله مو صاحية والله. كل عقله دخلت سوته وطلعت.

نرجس: ولجن، شو طلع خطين.

أروى: شنو شنو؟

نرجس: أي والله، هاجن شوفن.

غنى: أخذت الاختبار منهن. أي والله، ولج.

نرجس: عود، يعني أنا حامل هسه؟

غنى: ما أعرف. هاج الثاني، روحي جربي، خلي نتأكد. أباوع لها. أخذته ودخلت مرة ثانية. سوته وطلعت. ها؟

نرجس: هم خطين. (باوعتلهم) عود صدك يعني؟

غنى: ضحكت. سبحانك، الهي سبحانك. حضنتها ونزلت دموعي. شكد سمعن حجي، تالي حبلن سوا.

نرجس: أنا حامل، حامل. ههههه، يعني مو عاقر مثل ما تكول نسرين الغبرة.

أروى: أي ولج أي. بس لحظة، أنتي حتى بهاي لحكتيني.

غنى: هههه، لا أحلى شي تزوجتجن سوا وحبلتن سوا. (أباوع لهن يضحكن من كل كلبهن). بيومها كلنه للكل، وبدون مبالغة، البيت كله فرح، لأن ثنتينهن سوا حبلن. علي الدنيا ملامته، وسامر خطية من الفرحة حضن أروى كدام الكل ويضحك. صدك بيومها الابتسامة ما فاركت وجوهنه.

ثاني يوم أجه منذر وفاجئنه من كال سعاد تريد فهد. هو تفاجئ. راح فهد ويه منذر.

***

فهد: دخلت لبيت منذر. وينها؟

منذر: بهاي الغرفة، تعال.

فهد: دخلت جوه، لكيتها متمددة. منظرها صدمني. لا إيد ولا رجل. إيدها معووجة وحلكها هم. تقربت كعدت كدامها. أردتيني؟

سعاد: (بصعوبة) منذر أطلع بره.

منذر: ماشي.

فهد: طلع منذر وبقينه أنا وياها. خير.

سعاد: لي ليش مم ما اجيت زرت زرتني؟

فهد: كلامها بصعوبة ينفهم، ركزت وياها ياله فهمتها. وليش ترديني أزورج؟ شنو تغشمين روحج لو شنو؟

سعاد: فهد، ا ا ا أنا أخخ أخاف اامم أموت. أريد تبريلي الذمة وتس وتسامحني.

فهد: ابتسمت. والله جريئة أنتِ. بعد كل اللي سويتي تردين أبريلي الذمة وأسامحج؟ كلي لي بله، على شنو ترديني أسامحج؟ على حرك المعمل؟ لو على أذيتج لأمي؟ لو... (كمت تقربت منها، دنكت عليها) همست. لو ترديني أسامحج على التعذيب اللي جنت أتعذبه بسببج؟ لو أسامحج على الليالي اللي نمتها بالبرد وأنا جوعان؟ لو أسامحج على الآثار اللي انطبعت بجسمي بسببج؟ لو أسامحج على تفرقتج اللي زرعتيها بيني وبين إخواني؟ لو ولو ولو؟ على شنو ترديني أسامحج؟ ويا موقف ترديني أبريلج الذمة بي؟ تذكرين من شفتيني مرة كاعد أسوي دفتر جنت ناوي أنطيه للمدرس مالتي، واجيتي أنتِ أخذتيه وحركتيه، وحركتي كلبي وياه؟ بعد ما جنت أشتغل لأسبوع. لا لا، خلي أذكرج بموقف ثاني. تذكرين من شفتيني آكل ورحتي كالتِ لأبويه، وبيومها أبويه عاقبني وحرمني من الأكل يوم كامل؟ بعد شنو؟ ذكريني، مواقفج هواي.

سعاد: (بدموع) سس سامحني فهد. ا ا أنا ظلمتك و وا واذيتك هواي. ب بس والله متندمة. أتمنى منك تسامحني.

فهد: إذا كدرتي ترجعين لي طفولتي، وإذا شفتي الجروح اللي بجسمي، أسامحج. يله تكدرين؟ صحتي؟ أحجييييييي!

سعاد: (لا رد) تبجي.

فهد: متكدرين، لأن هذا شي مو بإرادتج. وأنا هم ما أكدر أسامحج، لأن روحي رافضة هالشي. كلما أشوفج وأتذكر حياتي قبل، أكرهج بالزايد. وروحييي يا سعاد، ما مبرية الذمة، وعسى الله لا يرحمج وما مسامحج. أنا. ابتعدت وطلعت تحت صياحها وصياح منذر. اليوم أكدر أكول خذيت حقي 31 سنة من عمري. من شفتها ذليلة كدامي، ابتسمت. صدك الدنيا دوارة.

***

بعد مرور سنة ونصف

غنى: كاعدة بالإمام الكاظم (عليه السلام). وجوان ومروان يلعبون كدامي. حاجيتهم: "على كيفكم ماما، فدوه أروح لكم، لا توكعون". أباوع لهم. أجو ثنينهم. ها؟

جوان ومروان: بابي، بابي.

غنى: ابتسمت. ديزور ماما. أشرت: "شوفوا هناك، راح يزور ويجينا". جوان حبيبتي، ليش هيج ملابسج؟ جنت ملبستهم ثنينهم أوفرات كابوي ويا تيشيرت أحمر. وهمه ثنينهم شعرهم طويل وأسود نازل على عيونهم. من مظهرهم يخبل. جد وبدون مبالغة، جهالي آية من الجمال. بس اللي حيموتني، خديداتهم ذني. جريتهم، أدغدع بيهم وأبوس. اوف اوف، عسل عسل. دبسززيه، يضحكون. أباوع، أجه فهد من بعيد يمشي. حبيبي، فدوه أروح لطوله. رغم مرت سنين على زواجنه، بس أبد محسيت بيها، عبالك البارحة تزوجنه. كَاموا جوان ومروان يركضون له. أباوع، شالهم واجه كعد. تقبل الله حبيبي.

فهد: منا ومنج يروحي. ها، صليتي؟

غنى: أي، صليت وزرت الجهال وطلعت كعدت هنا.

مروان: بابي، عم.

جوان: بابي، فدفد، عم عم.

فهد: هههه. صار. أنعل لكم أبو العم عم. هسه نروح نتعشى، بس خلي نكعد شوية، خوش؟

مروان وجوان: خو.

فهد: يله، بوسة، بوسة.

غنى: أباوع لهم شلون يبوسون بفهد. يموتون عليه. وهو مخبل بيهم. بحياتي ما شايفه أبو يحب جهاله لهالدرجة. والله مداريهم حتى أكثر مني. أباوع عليهم. والابتسامة مالية وجهي. أروح لهم فدوه. شكد أحبهم. أباوع، عافوا فهد وأجو باسوني. حضنتهم بعد كلبي. ابتعدت، أبوس بخدودهم الجنةن طماطات من الحمار. صدقة ماماتي، شنووو أنت؟

فهد: (بابتسامة) عوفيهم، خلي يلعبون.

غنى: عفتهم، راحوا يلعبون. باوعت لفهد. شبيك؟

فهد: أنتِ ليش هالكد حلوة؟

غنى: (بخجل) عيونك الحلوة.

فهد: مو أحلى من عيونج.

غنى: أحم. صليت؟

فهد: أي، صليت وقريت قرآن. اليوم جنت ناوي أصوم، بس عندي دوام والدنيا حارة، ما كدرت.

غنى: أباوع له. سبحان الله، قبل كم سنة جنت أتوسل به يصوم، وهسه التزم بشكل مو طبيعي. صلاته بوكتها، ويصوم رجب وشعبان وياي، والقرآن ختمه فوك العشرين مرة. كل هذا كام يسوي من ذات نفسه. بس مع هذا، بقه على طبيعته، هم لسانه باذر، بس أحبه.

فهد: شبيج تباوعين لي؟ شتريدين؟

غنى: تذكر قبل سنين شلون جنت تشلع كلبي على الصلاة والصوم.

فهد: الحمد لله تغيرت، وبفضلج. (باوع لها) تدرين، أنا أشكر المستشفى، لأن خلتني ألتقي بيج لأول مرة.

غنى: الكاظم.

فهد: شنو؟

غنى: أول مرة التقينا بيها هي هنا بالكاظم.

فهد: هاي شوكت؟

غنى: ابتسمت. تذكر من مرة جنت جاي لهنا واجيت تنطي فلوس لفقيرة، وكعن منك، واجت بنية انطتهن الك بالعلامة، جنت لابس زيتوني.

فهد: صفنت، مسترجع ذاكرتي.

"عفواً أخويه... هاي الفلوس وكعن منك."

غنى: ها، تذكرت.

فهد: ابتسمت. أي، تدرين، ولا بالي. كل بالي أول مرة شفتج بيها بالمستشفى، تالي طلعت صدفتنه هنا. ويا محلاها من صدفه. تدرين، أعشق هاي الصدفه، وكل صدفه جمعتني بيج.

غنى: وأنا أعشق النفس لو طلع منك. أنا مهووسة بتفاصيلك.

فهد: لزمت إيدها. أحبج، لأن غيرتيني. تدرين، من يوم الشفتج وأنا ذنوبي على قيد الغفران. وأكبر دليل إنو ما جاي أشوف غير الراحة، وهاي علامة على إنو الله سامحني.

غنى: ابتسمنا. عيونه على جهالنه، إيده بإيده، وكلبي حاضن كلبه. جهالنه كدامنه. أجمل حياة ممكن أعيشها هي بحضن فهد، وجهالي. الله يحفظهم لي، وما يحرمني منهم. فهد، أحبك.

فهد: أعشقك.

نترك فهد وغنى ونسد الباب. طالعين من حياتهم لهنا، وأكون ختمت وياكم رواية ذنوب على قيد الغفران. فهد، طفل عانى من التعذيب والتعنيف المستمر والمكثف بطفولته، وهالشي ولد منه إنسان عنيف، صعب، خارج عن السيطرة، إنسان خطاء، هرب من واقعه المرير لاجئ لكل أنواع المعاصي والمحرمات ليرضي نفسه. عانى هواي بحياته بمرحلة الطفولة، تبعتها مرحلة الشباب والمسؤولية. ولكن! شاء الله أن يظهر في حياته إنسانة صافية ونقية حتى تغيره، تكون له صدر احتواء، ويكون لها سند. يعوضها عن كل اللي شافته. ومن يوم اللي دخلت هي لحياته، صارت ذنوبه على قيد الغفران. سبحان اللي يهدي من يشاء بغير حساب. أختم وياكم هالرواية بالعديد من القبل، تسبقها ذرات من الحزن لغيابي عنكم. أتمنى أكون بهالرواية خليت بصمة حلوة بقلبكم، وياريت لو كنت خفيفة الظل عليكم. أتمنالكم الفرح والسعادة والحب ورضا الله. واعتذر على كل شي بدر مني بقصد أو بغير قصد، واللي زعّلتِه منكم، خلي يسامحني. لو ضاج مني بتصرف خارج عن إدراكي، واللي يحبني، خلي يدعي لي. أحبكم.

أختكم براء.