تحميل رواية «ذنوب على قيد الغفران» PDF

غنى : كاعدة وخالة إيدي على خدي أفكر بكلام خالتي صار من البارحة لليوم. أحس بضوجة فضيعة، إضافة لليوم فهد الصبح التحق وقلبي ظل يمه. كل ساعة تجي حسبة بالي، من جهة أريد خالتي ترجع، ومن جهة ثانية ضايجة لأن حترجع. اكو تناقض بداخلي ما أعرف شنو أريد. جماله فهد ماهو وما أكدر أخابره لأن عنده شغل ومو فارغ أصلاً.

فزيت على صوت الأستاذ:

"بابا وين مسافرة أنتي؟ صار ساعة أشرح وأنتي مو يمي. اكو شي؟"

غنى:

"العفو أستاذ شردت شوية."

الأستاذ:

"ركزي رجاءً مو تجوني بعدين تكولون الصوج منك متوصل فكرة. تره جاي أتعب وياكم، تعبوا أنتم هم."

نرجس:

"هسه غير يكعد راحة رأفت الهجان، كام يتفلسف."

غنى:

"آسفة أستاذ إن شاء الله متتكرر."

الأستاذ:

"استريحي بنتي."

غنى:

"كعدت ورجعت مثل ما كنت."

نرجس:

"هم صفنت صفنة المطي؟ ولج شبيج؟"

غنى:

"تنهدت، مالي خلك."

نرجس:

"خلصت المحاضرة وطلعنا. تعالي ولج شبيج هالمرة وضعج ما عاجبني. صايرة تتصفنين هواي وحتى للمحاضرات متهتمين مثل قبل. أحجي ولج خاف عاشكة."

غنى:

"عاشقة شنو؟ لا حبيبتي متوهمة، لا عاشكة ولا شي. بس تعبانة هالفترة شوية."

نرجس:

"يعني صارلج هالشهرين تصفنين لأن تعبانة بس؟"

غنى:

"أي أكيد. لعد عليمن؟"

نرجس:

"إذا ما طلعتي عاشكة وسايحة وواقعة على وجهج، أطلع كل شي ما أفهم. وتعالي كليلي إنتي كلبة بت كلب."

غنى:

"دعوفي هالسوالف وتعالي كليلي وين أروى."

نرجس:

"مدري شبي فايلها. كالت راح تروح للعميد وتشوف يمكن طلعت اكو مشكلة وكعدت تحلها."

غنى:

"هزيت راسي."

***

انغام:

"خالة شبيج؟"

ايمان:

"كلبي على فهد صاير نار. طلع من الصبح والمفروض هسه واصل للموصل، بس شو ما خابرني وطمني عنه."

انغام:

"يجوز ماكو تغطية أو بعده ما وصل. لتخافين خالة."

ايمان:

"ولج يمه شلون ما أخاف؟ هذا وليدي ورايح برجلي للموت."

انغام:

"الكادر ينقذ شخص وهو ببطن حوت، ما يكدر ينصر شخص على عدوه. لتخافين خالة، فهد وكل الشباب بحفظ الرحمن الي أحسن مني ومنج."

ايمان:

"ونعم بالله."

انغام:

"كاعدة أحجي ويه خالة وجان تنزل سارة... ياا هاي صدك تحجي! أباوعلها نازلة بثوب النوم، جسمها كله مبين وحتى روب مالابسة."

سارة:

"فتحت الثلاجة. صباح الخير."

ايمان:

"باستنكار. شنو هاي ولج؟ وين كاعدين؟ بكاوليه إحنه؟ شهالبس هذا؟ انتييي ما عندج حشمة لاحد بهالبيت."

سارة:

"صبحكم الله بالخير. خير شكو خالة؟ شسويت أني؟"

ايمان:

"شنو هذا لبسج؟ مو عيب عليج؟ صدرج ورجلج طالعات، حتى إذا إحنه نسوان ميجوز نشوف مفاتنج."

سارة:

"خالة غير نسوان بيناتنا، وبعدين أني متعودة آخذ راحتي باللبس."

ايمان:

"هاي متسمى أخذان راحة، هاي تسمى هيلكة واستهار. إنتي كاعدة ببيت عيال وعندج حموين وبنات ما متزوجات كاعدات وياج. عيب احتشمي، ترة طلعتيها من ماعونها تردين تتعرين؟ روحي خلي رجلج يأجرلج بيت ونزعي هناك براحتج. هنا غصباً ما عليج تحترمين المكان الي عايشة بي."

سارة:

"خالة شجاج وياي؟ هاي عود إنتي الحبابة، لعد شخليتي لعمتي أم فيصل؟"

ايمان:

"تستاهلين هالأسلوب لأن مصختيها وطلعتي مو مال واحد ينطيج وجه. مال إهانة وضب حتى تمشين عدل. وهسه بدون نقاش ترحين تبدلين ملابسج. أني عندي طفلة وكاعدة بالبيت عدها مراجعة، ما أريدها تشوف هالسوالف وهالاثار. عيب واحد يشوفهن. لبسيلج شال صحيح هو رجلج بس الخجل حلو للبنيه خاصة بهالامور."

سارة:

"بضجر. صار تأمرين؟"

انغام:

"صدمتيني بصراحة."

ايمان:

"أحسن حتى تتأدب."

***

غنى:

"دخلت للشقة ذبيت أغراضي وفتحت موبايلي للمرة المية وماكو رسالة منه. افف ياربي ليش لسه ما خابرني؟"

"كلت خلي أتصل أني."

"خابرته طلع الجهاز مغلق أو خارج منطقة التغطية."

"يا إلهي وين صار؟ معقولة لسه ما وصل للموصل؟"

"ذبيت الموبايل وكمت سبحت وطلعت صليت وكعدت أقره قرآن."

"هستوني فتحت القرآن وسمعت صوت الموبايل. كمت أركض لزمته شفته فهد. جاوبت بلهفة."

غنى:

"الو؟ فهد وينك؟"

فهد:

"الو؟ ها نونه. وصلت من زمان بس جان عندي شغل وما صارلي مجال ألزم موبايلي غير هيج التغطية رديئة. كوه الواحد يحصل شبكة ويتصل. وهسه كملت شغلي وكلت خلي أخابر أمي أطمنها وأطمنج أنتي هم."

غنى:

"زفرت براحة. الحمد لله على سلامتك."

فهد:

"الله يسلمج. شلونج؟"

غنى:

"لا الحمد لله بس ظل بالي يمك والله حتى بدوامي ماركزت."

فهد:

"ابتسمت. لتشيلين هم، ماكو شي. تسع أيام وتلكيني مزروع كدامچ."

غنى:

"بهدوء. فهد خالتي راح ترجع بعد كم يوم."

فهد:

"كمت. شلون ماسمعت؟"

غنى:

"البارحة خالتي خابرتني وكالت زوجها صار زين وراح ترجع بعد خمس أيام."

فهد:

"وإنتي ليش جاي تكليلي؟"

غنى:

"مو إنت هسه ملتحق. وإحنه المفروض..."

"حسيت بغصة ما كدرت أحجي."

"تنهدت. والمفروض أول ما ترجع خالتي ننفصل."

فهد:

"ببرود. بالوقت الحالي ما عندي وقت أطلق. والله خليها فد جم شهر والله كريم."

غنى:

"بصدمة. جم شهر؟"

فهد:

"أي ليش عندج مانع؟ مستعجلة على شي إنتي؟"

غنى:

"ها؟ لا ممستعجلة على شي. بس ليش تأخر الموضوع؟"

فهد:

"هيج. مو حاب أطلقج بالوقت الحالي. عندج إشكال؟"

غنى:

"لا بله."

فهد:

"وجعة من الله. اسمعيني زين، إذا خالتج رجعت قبل لا أنزل لتروحين وياها لبيتها. رجعي للبيت القديم."

غنى:

"لعد هو بكيفي؟ غير وين متروح أني وياها."

فهد:

"ماكو هيج شي. مو رجلج هي وتروحين وين ما يروح. سوي مثل ما كتلج. هناك ما أأمن عليج، على الأقل يم بيتي إنتي موجودة وأكدر أطمئن عليج."

غنى:

"تنهدت. أحاول."

فهد:

"ماكو شي اسمه تحاولين. اسمها صار."

غنى:

"شكد متسلط إنت ياربي."

فهد:

"لعد ستوج تعرفيني. تعالي أكلج."

غنى:

"كول."

فهد:

"شمسوية غدة؟"

غنى:

"ابتسمت. مرقة فاصوليا."

فهد:

"احترقوا واشتعلوا بكاز. منو همه؟"

غنى:

"ههههه. منو همه؟"

فهد:

"الطباخين الي هنا مسوين مركة شجر واني شلون أحبها."

غنى:

"ابتسمت. كول الحمد لله ديطبخلكم هناك أحسن ما تبقون بدون أكل لو تاكلون خبز يابس."

فهد:

"عمي انعم الله عليهم من يطبخون لكل هالعدد الهائل هذا."

غنى:

"ربي يحفظكم وترجعون كلكم سالمين غانمين. لتخاف من شي، أنتم كدها."

فهد:

"صدقيني أني ما تهمني حياتي بگد ما يهمني الشباب الي هنا يرجعون عدلين. أغلبهم آباء وتوهن متزوجين. هذا غير وحيدين أهلهم. تعالي شوفي وقت الروحة الأمهات شلون يخابرن ولدهن ويبجن. شي يكسر القلب."

غنى:

"الله يساعد كلبهن ويرجعهم لأحضانهن سالمين."

فهد:

"آمين. يله غنى أني تعبان وأريد أروح أنام. من وصلت لسه على فرد وكفة."

غنى:

"بقلبها. سودة عليه. روح ودير بالك على نفسك، ما أوصيك."

فهد:

"الله الحافظ. يله مع السلامة."

غنى:

"الله وياك."

فهد:

"سديته منها ورحت نمت. كعدت بالليل كلش وكمت طلعت أشتم هوا. لكيت واحد من المتطوعين اسمه مهدي كاعد وينافخ."

فهد:

"خير شبيك؟"

مهدي:

"العفو سيدي تفضل. محتاج شي؟"

فهد:

"استريح. شبيك نزيت؟"

مهدي:

"والله سيدي إنت تخوف."

فهد:

"ابتسمت. مو لهدرجة أني، بس صارم وياكم بالشغل لأن أخاف عليكم. أكعد كلي شبيك كاعد وتنافخ بنص الليل."

مهدي:

"الحجي بيناتنه سيدي وإني أعتبرك أخويه الجبير. إني قبل أسبوع عرست واليوم التحقت. والله ما لحكت أتونس وأحس روحي معرس."

فهد:

"ورثت الجكارة. لعد ليش ما أخذت إجازة؟"

مهدي:

"رجولتي متسمحلي أبقى بالبيت أضحك وأتونس وأشبع من مرتي وغيري شباب تركو عوائلهم وأطفالهم وأجو التحقوا. أحس روحي حقير لو سويتها."

فهد:

"إن شاء الله فترة وتعدي وترجع لبيتك ومرتك وكل شي ينتهي."

مهدي:

"تتوقع راح نكدر نطلع داعش؟"

فهد:

"شي أكيد."

مهدي:

"وإذا استشهدنا؟"

فهد:

"الأمهات جابت زلم. لو متنا أحنه اكو زلم غيرنه. لتخاف إحنه محصنين بدعوات أمهاتنه. ميصير إلنه شي. ولو صار هاي بعد إجه يومنه."

مهدي:

"ماتوقعت هيج. جنت أشوفك شايل خشمك ومتتحاجى. طلعت خوش آدمي."

فهد:

"بحده. ليش أني جنت مو خوش آدمي؟"

مهدي:

"بارتباك. لا عفو سيدي حشاك، اعذرني خاني التعبير مو قصدي."

فهد:

"أخذت نفس من الجكارة. كوم روح خابر مرتك واحجي وياها أحسن ما كاعد ومكابلني."

مهدي:

"كمت ضربتله تحية. حاضر سيدي تصبح على خير."

فهد:

"وإنت بخير."

"أباوعله راح يركض خطية ماتهنى بعرسه. طلعتله سالفة الالتحاق صفح. ضليت كاعد فترة طويلة لأن نمت هواي. أباوع داير مدايري شوكت نبدي نهاجم. عندي حقد عليهم يخليني أحرك الأخضر واليابس. شنو ذنبهم أهل الموصل تشردو بين المحافظات والدول وسموهم نازحين؟ عفيه بلد بلدنه بخيراته يغطي الدنيا وشعبه طايح حظه من كل النواحي."

***

صباحاً... يوم الجمعة.

علي:

"أكول يمه فهد ما خابرچ وصل لا؟"

ايمان:

"بعد وقت. ستوك تذكرت. أي وصل من البارحة وخابرني."

علي:

"والله ملتهي وما عندي وقت."

ايمان:

"أي حقك، قابل أني حجيت شي."

منذر:

"البارحة خابرته جان كوه يحجي مبين عليه نايم. ما طولت ويا. بشري ما كلج شلونها الأوضاع هناك؟"

ايمان:

"يكول عادي ماكو شي."

انغام:

"الله يحفظه."

ايمان:

"اللهم آمين. صدك يمه وردة وين؟"

اروى:

"نايمة."

ايمان:

"كمت. لا إله إلا الله. شلون بيه ويه هالبنية؟ متكدر. هي ثالث ثالث متوسط وهالسنة بكالوريا وعدها بس هالشهر مراجعة ومكضيتها نوم. فتحت الباب ولج كومي طيح الله حظج عايفه الدراسة ومكضيتها نوم."

ورده:

"يمه عليج الله عوفيني نعسانة. البارحة لتلاثة كاعدة أقرأ."

ايمان:

"ومكيفه إنتي؟ دكومي يله. هسه الكاج مزروعة بالصالة تتريكين وتطلعين بالحديقة تقرين وصوتج ما أسمعه. والله يا وردة إذا أخذتي بمادة تسعين أطيح حظج. أقل درجة أريدها خمسة وتسعين وصاعد. فهمتي؟ يله كومي."

ورده:

"افف. الله يساعد كلبك يافهد وعلي وأروى. شلون تحملتو كل هذا من جنتو صغار لحد ما تخرجتو؟ ما أدري. لبست نعالي (تكرمون) وكمت. أستغفر الله. ينعل أبو الدراسة يابو الثالث. اكو واحد يدرس جمعة؟ يالكائنات الناس تكعد جمعة تتريك، تكعد تسولف تضحك. قابل مثلي أكعد على كفخات ست إيمان."

ايمان:

"صوتج ادبسزز."

ورده:

"خرب مو أذن؟ أدري فاتحة بلوتوث وياي إنتي؟ شحجي تسمعين؟ رحت غسلت وطلعت تركت وكعدت أصخم أقره."

***

غنى:

"كاعدة ألم بملابسي بملل. أعترف ما أريد أروح ويه خالتي. أريد أبقى هنا يم فهد. أحس نفسي واكعة بأكبر غلط بحياتي. جنت أريد واحد كل شي ماشايف، شخص ملتزم متدين يختلف عن كل الشباب. بس للأسف حبيت واحد شايف وعايف ومامبقي وحدة تعتب عليه. إضافة إلى إنو هو لا صلاة لا صيام لا التزام ولا شي من الي أريده. حتى أشكالنا أني ويا متناقضة بشكل فضيع. ما أنكر شخصيته مختلفة عن كل الشباب وفعلاً هو قاعدة شاذة. بس اختلافه جان بالنسبة إلي مو مرغوب أبداً."

"تنهدت. سبحان الي خلاني أحبك وأكره كل شي بيك."

"كمت وأخذتني رجلي لغرفته. فتحت الباب ولفحني عطره. غمضت عيوني ودخلت. مديت إيدي فاتحة كنتوره، لكيته خال حوالي سبع قمصان وكم بنطرون وتراك. جريت قميصه الأبيض صعدته لخشمي، أخذت نفس من مقدمته. أووف ياربي. رغم هو عطره مو ذاك العطر الخرافي بس أني أحسه هيج."

"رجعت القميص لمكانه وطلعت."

***

حارث:

"طبيت لبيت جدي سألت على الحجية، كلولي بغرفتها. دخلت لكيتها كاعدة هي وعمتي نسرين. بس شو الحجية تبجي."

حارث:

"بخوف. شبيج حجية؟"

نسرين:

"والله ياعمة. كالبتها مناحة علينه. قبل شويه طلعوا بالاخبار راح تصير اشتباكات عنيفة بين داعش وجيشنا وبيبيتك ملخت روحها على حساب فهد."

ياسمين:

"ولج إنتي متحسين ابن أخوج رايح للموت؟ ولكم خايفة عليه ومكابلة الأخبار وكاعدة. والله لو صارله شي الحكه. والله هذا حفيدي الغالي تربيتي. شلون متردوني أخاف عليه؟"

حارث:

"صلي على محمد حجية. لفاولوله لخاطر الله. يعني أخلص من أبوي الي كاعد ياكل بروحه، أجي ألكاج أتعس منه. شجاكم؟ تره مابي غير العافية وإن شاء الله أيام ويرجع وهالتشوفون. جاي نتواصل ويا كل يوم."

ياسمين:

"بس أريد أعرف شودى للموصل؟ هو مو ضابط بالمركز. شعنده هناك؟"

حارث:

"حجية الحجي بيناتنه. تره فهد ضابط استخبارات بشرية يعني هذا شغله."

ياسمين:

"شنو يعني استخبارات بشرية؟"

حارث:

"يعني هو ضابط استخبارات بجهاز مكافحة الإرهاب. وشغله إنو يلقي القبض على الإرهابيين والعصابات والخلايا النائمة. بالمجمل كل شي يخص الإرهاب شغل فهد مرتبط بي. ومو بعيدة بعد سنة أو أقل يصير فهد مقدم. هاي حسب اعتقادي الشخصي. مو متأكد."

"فزيت على صوت عمتي."

نسرين:

"صخام الصخمني. عزززة! هذا ابن سالم طلع يلعب بالموت. هذا صدك يحجي؟ وأمه الغبرة شلون تخلي الله يطيح حظها."

ياسمين:

"دكيت على رجليه. شلون بيه بسالم الثاني؟ ولك يمه سالم تعال شوف ابنك وين كاطف روحه. سودة عليه. أحجي ولك حارث شراح يصير بيه؟"

حارث:

"ميصير شي. تره فهد صارله سنين بهالشغل مو أول مرة. وتره محد يعرفه ولا شايفه أصلاً. الجهات العليا متسترين على الموضوع حفاظاً على حياته وحياة زملائه. لتخافين حجية، كلها جم يوم وينزل. وبعدين همه لسه ما هاجمو. لعد لو صار هجوم شتسوي."

ياسمين:

"رفعت إيدي. الهي وإنت جاهي احفظ ولدنه ورد كيدهم بنحرهم. هالولد الحرام هذوله نزل عليهم عذابك إلهي. راوينه قدرتك بتعذيبهم ربي."

حارث:

"أباوع للحجية شحالها على فهد. هي وأبوي وعمي مهدي كلش يحبون فهد. ولو مو بس همه خايفين حتى إحنه لأن كلنه نعرف شنو داعش وشنو أساليبه بالقتل. بس فهد سبع وميكدروله. وهذا الي مطمني."

***

بعد مرور يومين.

غنى:

"باجر تجي خالتي هي وزوجها. خابرتها واتفقت وياها إنو نبقى بذاك البيت. استغربت من طلبي بس طبعاً ما أكدر أكولها هاي أوامر سيادة الضابط فهد. وطبعاً صار يومين يخابرني فهد مرة وحدة باليوم والمكالمة عبارة عن شلونج شخبارج؟ يله لازم أروح. سودة عليه عاذرته لأن الشغل لفوك راسه، يادوب يلحك يحك راسه."

"كمت أخذت جنطي وطلعت. تلاقيت ويه ود والحجية أشواق."

ود:

"ها وين؟ شنو راح تتركين العمارة؟"

غنى:

"احم. لا بس رايحة زيارة لأهلي."

اشواق:

"حبيبتي ترحين وترجعين بالسلامة. الله ومحمد وعلي وياج."

غنى:

"بستها. فدوة لكلبج حبيبتي حجية. يله مع السلامة."

"طلعت وأخذت تكسي ورحت للبيت. لازم أنظفه وأحضر لمجيئهم. اتفقت ويه البنات يجن ينظفن وياي وفعلاً أول ما وصلت دكيت على أروى، طلعتلي هي ونرجس الي جانت جايه الها قبل بوقت."

"دخلنا للبيت ذبيت جنطتي والمسواك الي تسوگته قبل لا أجي حتى أطبخ باجر. نزعنا الي علينه وبقينا بالتراكات وبدينا ننظف البيت."

نرجس:

"واكفة أسعف الشباك. أكول نونة خالتج المسمومة سهاد ليش ما اجت تساعدج؟"

غنى:

"بقلبها. هو أني صارلي شهرين ماشايفها. متكدر عدها انزلاق."

اروى:

"عساها بعمى قزرقط. مابيها بس كولي تتعاجز. عفيه لخاطر الله شنو من خالة هاي."

غنى:

"ديربالج المروحة لتتعورين. لج إني من جنت صغيرة ما دارتني. ترديها تداريني واني جبيرة؟ صدك تحجين إنتي؟"

اروى:

"كون تشوفين خالاتي بعد كلبي ماكو منهن. والله يحبنه عبالك بناتهن مو بنات أختهن. وحتى خوالي درة مال الله. عود مثل خوالج العارات."

نرجس:

"هي هالعائلة كلها مابيها خير. طلعي منها الحجية زكية الله يرحمها ومروان وخاله سحر وغنى وأهلها الباقين. كلهم غسلي إيدج منهم."

اروى:

"ولهسبب يكولون العار ما يموت."

غنى:

"بسجن حجي. خلي نكمل حتى نكعد."

نرجس:

"إنتي شجاي تسوين؟"

غنى:

"متشوفين يعني؟ أجلف الحيطان."

نرجس:

"على كولة أمي خايبة، كعدي بكاع الله. عوفي الحيطان وروحي شوفي البيتزا استوت تره ريحتها وصلت لهنا."

غنى:

"هستوني خليتها. صبري شبيج."

اروى:

"هم زين نظفنا المطبخ أول شي حتى نكدر نطبخ."

نرجس:

"آااخ خرب انكسر أظفري. والله دنعل أبو هالعنكبوت الابن الكلب انكسر أظفري من ورا. غنى أطلبج فصل جدر دولمة."

غنى:

"ههههه. صار."

"كملنا تنظيف وكعدنا تعشينا وهنه راحن. وأني من التعب بسرعة نمت. ثاني يوم أخذت إجازة ما داومت على حسابهم. كعدت الصبح طبخت وحضرتلهم كل شي وظليت منتظرتهم. شوية واندك الجرس."

"طلعت ركض فتحت الباب. صارت خالتي بوجهي. انملت عيوني دموع. صار شهرين ما شايفتها."

سحر:

"تعاي بعد كلبي يمه. كلبي طك عليج."

غنى:

"ركضت حضنتها بقوة. يمه أحس روحي حضنت بيبي زكية. بقت خالتي تبوس بيه وتحضني. صدك حسيتها جانت مجبورة تعوفني."

سحر:

"شلونج يمه؟ شخبارج؟ طمنيني عنج."

غنى:

"الحمد لله."

"تعالي تفضلي."

"شلت راسي شفت رجال جبير وجهه بشوش واكف على جهة."

سيف:

"هي هاي غنى؟"

سحر:

"أي تعال سيف شوف شلون صايرة. إنتي آخر مرة شفتها جانت طفلة."

غنى:

"تقدم رجل خالتي وكف كدامي وعلى وجهه ابتسامة حنونة."

سيف:

"مسحت على راسها. شكد جنت أكول مستحيل تجي مرة تضاهي سحر بالجمال. بس اليوم إنتي كسرتي هاي القاعدة. سبحان الي خلقج. شكلج يريح النفس. عيني باردة عليج بنيتي."

غنى:

"ابتسمت من التمست الطيبة بصوته. تسلم عمو والحمد لله على سلامتك. نورت العراق."

سيف:

"منور بوجودكم بنيتي."

غنى:

"يله خاله تعالي نفوت."

"دخلنا جوه ومر اليوم بأحسن ما يكون. خالتي كل ساعة تبوسني وتحضني. أحسها ممصدكة رجعت. مرت الأيام واكتشفت عمو سيف درة مال الله. رجال يخاف ربه وملتزم بشكل. يعاملني عبالك أني بنته. يكعد الصبح هو يسويلنه ريوك أني وخالة. من أصفن أكول حقها خالة تحبه على هالاخلاق الي شايلها. رغم هو متمكن وغني بس أبد مو متكبر. بالعكس متواضع لأبعد درجة. وعنده عادة حلوة دائماً يكعدنة الفجر كلنه حتى نصلي. هو يوكف بالبداية وإحنه ورا نصلي سوه. للحظة تمنيت بابا موجود ونسوي هيج إحنه ويا."

سحر:

"غنى يمه بذور النباتات خليتهن بالسطح. صعدي جيبيهن."

سيف:

"الدنيا عصر هسه وكل الوادم تكعد بسطوحها بهيج جو. لتخليها تصعد للسطوح ميصير. صعدي إنتي."

سحر:

"والله إنت قديم. منو بهالزمن يكعد بالسطح؟ عبالك كل شي بقة نفسه على أيامنة. صعدي يمه، أني لوما الدرج يتعبني ما أزحمچ."

غنى:

"لا خالة شنو السالفة صار. هسه أجيبهن."

"صعدت فوك عدلت حجابي وفتحت السطح ودخلت. أدور على علاكة البذور وينها هاي؟ رحت أدور يم الخزان لكيتها."

"بس يابذور تريدهن؟"

"واكفة أدور على صوت يحاجيني. درت وجهي بسرعة."

صوت:

"سلام ياحلو."

غنى:

"لزمت كلبي. شكول عليج وكعتي كلبي."

ورده:

"ههه. آسفة. شفتج مخبوصة وتدورين كلت خلي أخوفها."

غنى:

"ضحكت. دخلي ألزمچ اله أشلع أذاناتج."

ورده:

"متكدرين لأن تحبيني."

غنى:

"ابتسمت. بله؟ شعندج هنا؟"

ورده:

"رفعت الكتاب مثل ما تشوفين. أقره لأن الحديقة كاعدين بيها جهال فيصل وما أكدر أقره. وغرفتي أضوج أقره بيها. كلت لأمي وجيت أقره هنا وشفتج."

غنى:

"تدنيت وكفت كدامها. الحايط كولش ناصي بحيث أكدر أعبر عليهم. باوعتلها. تره هي نص السنة. شبيج متخوفة؟"

ورده:

"مو أني للأسف بمدرسة أهلية ومعروفة. هم فيرادلي تعب هواي. هالتشوفين هي نص السنة بس أمي خابصتني. من انطونه عطلة لليوم هي محاربتني تريدني أقرأ. والله رادلي تعب هواي. هالتشوفين هي نص السنة بس أمي خابصتني. من انطونه عطلة لليوم هي محاربتني تريدني أقرأ. والله فاهمة المادة تكلي ماكو. تحفظيها مثل اسمچ. والله مرات أحس روحي صف سادس من وراها. شدعوة هو كله ثالث منو يكلبه؟ لو ما جبت درجات بي هو نجاح والحر ربعك."

غنى:

"ههه. صدك؟ خالة إيمان شتشتغل؟"

ورده:

"أمي خريجة علوم كيمياء بس ما توظفت. بس تخرجت تزوجت أبوي وكعدت بالبيت. يله أني أروح أقرأ. ما أريد أعطلج."

"تقربت بستها. آسفة لأن خوفتج. جنت أشاقة."

غنى:

"ابتسمت. عادي حبيبتي ما صار شي. يله روحي أقري. وأني حجيبلج كيك وجاي هستوني سويته."

ورده:

"بشرفج؟ هسه وكتها؟ مو أريد أقرأ وإنتي جبتي طاري الأكل. أويلي. مسحتي كل المعلومات المختزنة."

غنى:

"ههه. والله عندج سوالف. يله أعوفج."

"أخذت علاليك البذور ونزلت. أنطيتهن لخالتي ورحت كصيت قطعتين من الكيكة وصبيت استكان جاي. خليتهن بصينية وطلعت."

سحر:

"وين رايحة يمه؟"

غنى:

"ورده كاعدة بسطحهم تقره. كلت أوديلها كيكة."

سحر:

"براحتج حبيبتي وسلميلي عليها."

غنى:

"ماشي."

"صعدت فوك أنطيتها الصينية ونزلت أساعد خالتي. وبالي يم فهد. المفروض باجر ينزل. مرن هال عشر أيام مثل السم علي. الصبح أكعد شحلاتني بس من أتذكر هو وين هسه أحس الدنيا تضيق بعيني. حتى أكل ما أشتهي أكل. خاصة من أسوي شي هو يحبه، بسرعة يجي على بالي."

سيف:

"بويه غنى. ولو زحمة عليج صبيلي استكان جاي."

غنى:

"صار عمو."

"أخذت الاستكان وصبيتله. تفضل."

سيف:

"عاشت أيدج بويه."

غنى:

"بالعافية."

"صعدت لغرفتي أدرس وسمعت صوت صياح. كمت ركض نزلت. سمعت الصياح جاي من الاستقبال. دخلت وجان أنصدم. خوالي وخالتي جايين."

كامل:

"هلا هلا ببت اختنه الشريفة. جريتها تعالي. إجيّتي والله جابچ. عبالچ ماراح نلكفچ. أحجي ولج وينج كل هالفترة مختفية؟ ما خلينا مكان مادورنا عليچ بي. أحجي صارلچ شهرين وين باقية وعدمن؟"

سحر:

"جريتها منه وخليتها وره ظهري. أي يالكم وبالكم تدنولها فتهمتووو؟ أصلاً شعدكم جاييين؟ منو كلكم؟ إني رجعت أصلاً."

سهاد:

"خابرت حوراء وهي كلتلي وكلت أجى أشوفج. مهما يكن نبقى خوات. وصلة الرحم واجبة."

سحر:

"باستنكار. شعندج جاية إنتي؟ مو عتب عليچ وكلچ تعاي أحيي صلة الرحم."

سهاد:

"هيج تستقبلين أختج بعد أشهر غياب؟"

سحر:

"الأخت الي مثلچ الواحد يستحي يعترف بيها. ولج إنتي شنو من بشر؟ بكل صلافة بعد الي سويتي ببت أختنه جاية لبيتها؟ يعني كل شي شفتي بس هيج صلافة ماشايفه. ولج رحتي شوهتي سمعة البنية كدام خوالها وكدام أهل أبوها. وإنتي تعرفين شنو رجلچ. وهسه جاية هنا من شنو مصنوعة إنتي؟"

سهاد:

"هوب هوب. شبيج انفتكتي عليه؟ كليلي شمفهمتج هالسايبة؟ أكيد كلتلج رجلي اعتدي عليها؟ مو؟ لا حبيبتي خليني أفهمچ السالفة. رجلي راجع من شغله. أستغفر الله. العفو أبو حوراء سمحلي. إنتي مثل أخويه. ما أستحي منچ. إني؟ ولج لاكيها ربي كما خلقتني. هي وواحد ومن لازمهم. أجه الشفيه الي وياها. ملخلج رجلي تملخ حتى متنه. خلعة من الضرب."

غنى:

"ضليت مصدومة. لا أخذ ولا أنطي. كل شي توقعت بس هيج تهمة تتلفق عليه. هاي الي جنت أحاسب حسابها كامت أسناني تضارب. صرخت. ولج خافي الله عندج بنات؟ شلون تألفين عليه هيج تهمة؟ وينج باجر من الله شتكوليله؟ وإنتي شوهتي سمعتي ودمرتيني. صفيت بالشارع من وراج و وره رجلچ. أصلاً بأي عين جاية لهنا؟ لو منج على سواية رجلچ وجهي ما أراوي وجهي بعد. لو خوالي الي حرام حتى أسميهم خوال. صدكوج بسرعة وبدون أي دليل وراحو خابرو عمامي وخلوني أتلطش أشهر ما أعرف وين راسي من رجليه. حتى مفتاح بيتي ما قبلتو تسلمو إلي. خليتوني بالشوارع. ولوما ابن الحلال ساعدني وجابلي المفتاح قبل أسابيع ابقة حايرة بزماني. ولكم سوايتكم هاي حتى ولد الحرام ما سووها."

كريمة:

"صفكتها راشدي. ولج ادبسزز. صخمتي وجوهنا. الله لا يوفقج. خالج راد يموت بسببچ. ولج شنو من بنية إنتي؟ الله أخذه منچ أهلچ وحرمچ من نعمة الأم والأب وهم ما اتعضتي وربيتي الأخو وكبرتي ومات كدام عينچ وهم ما اتعضتي. أخذ بيبيتچ وصفيتي وحيدة. لا أم ولا أب ولا أخ ولا أحد. وهم ما تبتي."

غنى:

"بجيت بحركة كلب. مو لأن ضربتني، لأن عيرتني بموت أهلي ومروان. ماكو أصعب من هيج موقف. لو مكطعتني ولا حاجية هيج."

سحر:

"دفعتها. عسى بأيدچ الكسر ياحقيرة. شلون تمدين إيدج عليها؟ أمشووو. يله طلعووو بره. يله. أني ميشرفنييي وجودكم ببيت بنتي. يييله ولووووو."

خالد:

"منطلع لحد ما ناخذ هالسايبة نوديها لبيت أهل أبوها ونخلص منها. لتروح تسويلها سواية أكشر من هاي وتنزل روسنه كدام معارفنه وإحنه عدنه بنات."

نورس:

"إنتو شجاكم؟ كعدو وافتهمو السالفة. يجوز رجل سهاد جذاب. ميصير تخطون هيج خطوة."

سهاد:

"انجبي إنتي. انجبي. شنو رجلي جذاب؟ لا والله كلامه كله صحيح ومستعدة أحلف على كلام الله عنه."

خالد:

"باوعت لنورس. خليچ إنتي طيبة وضلي طلعي أعذار للعالم."

سحر:

"تفهمون عربي لو شنو إنتو؟ جاي أكول طلعو بررره بيت بنتي. يله ولوووو. وأعلى ما بخيلكم اركبو. وإذا صار لغنى شي أقسم بالله العظيم أحملكم إلهه المسؤلية. فتهمتووو؟"

كامل:

"إذا منتأكد منها والله العظيم منعوفها اله نطلع بروحها."

سحر:

"وإني جاي أكول إهي ما مسوية شي وإني متأكدة من براءتها. صدكت إنت أو ما صدكت يطبك مرض. فتهمت."

سهاد:

"خلاصاً للمشاكل اكو حل واحد يخلينه نثبت براءتها."

سحر:

"أباوع لغنى خاتلة وراي ودموعها تنزل. سودة عليه خايفة لا يسولها شي. باوعت لسهاد والي هو."

سهاد:

"ناخذ غنى للدكتورة ونسويلها فحص عذرية."

سحر:

"شنوووو؟"

كريمة:

"برأيي هذا أنسب حل. خلي ناخذها هسه ونسويلها فحص ونتاكد من طهارتها."

خالد:

"عاشت إيدچ. أحسن حل هذا وحتى نكطع الشك باليقين."

غنى:

"حجة عمو سيف بعد ما كان ساكت طول الوقت."

سيف:

"والله عيب عليكم. إنتو تسمون زلم؟ إنتو والله عار على الزلم. إنتو... جان استحيتو تحجوها كدامي وإني رجال غريب عنكم. ولكم لو بيكم خير جان احتويتوها وحافظتو عليها حتى لو كانت موزينة تتغير من تشوفكم زينين وياها. بس آخ هاي الدنيا الغبرة من تحط البشر تحت رحمة أنكس خلق الله. يله امشو طلعو بررره. يله يله وجهكم ما أشوفه بعد. لا أقاضيكم بالقانون. يردون ياخذون البنية للفحص؟ الزميل اكسر إيدكم والله. لا عبالكم رجال جبير وأسكتلكم."

كامل:

"أبو حوراء لتتدخل. إنت يله كريمة سهاد جيبنها خلي نطلع. مادام الدكتورات مفتحات هسه. حتى إذا طلعت مابيها شي نسلمها لعمامها هم يتولون أمرها. ما علينه إحنه بعد."

سحر:

"على كص ركبتي اخليها تروح وياك."

"بعدني ما مكملة كلامي وحسيت بغنى وكعت. التمينة عليها. ولج يمه غنى شبيج. الله لا يوفقكم إن شاء الله عسى حركت كلبي تطلع بجهالكم."

سيف:

"وخري وخري. غسلت وجها. بويه غنى تسمعيني؟ أحرك البنية متتحرك. سحر البنية نبضها كلش ضعيف."

سحر:

"لطمت على وجهي. صخام الصخمني. ولكم راحت البنية. الله لا ينطيكم. عسى حركت كلبي تطلع بجهالكم. سيف إتصل على الإسعاف بسرعة الله يخليك."

"كمت أفرك ركبتها بدموع. يمه غنى لتسوين سواية. أمي بعد كلبي حبيبتي غنى بس حاجيني."

***

ايمان:

"كاعدين نشرب جاي وسمعنا صوت الإسعاف. خير يا ستار. شصاير؟"

علي:

"كمت بسرعة. خاف هاي لبيت جدي. سترك إلهي. طلعنه كلنه نركض لأن صوت السيارة كلش قريب علينه عبالك ببابنه واكفين. طلعت أني وإخواني. أباوع أم حوراء تدك على راسها وتبجي ووياها جماعة واكفين على صفحة. من شافونه بسرعة راحو. خير شبيهم ذوله؟ باوعت لام حوراء. كل بالي زوجها متخربط بس صدمتنا."

ايمان:

"خير أم حوراء. شبيج عسى ماكو شر."

سحر:

"بدموع. غنى. أم فهد غنى تخربطت."

اروى:

"عزززة بعيني. شبيها؟"

سحر:

"فقدت الوعي. أكعدها متكعد. نكعتها بالماي والعطر هم ما كعدت. ونبضها ضعيف. سودة عليه لا أيد ولا رجل. ما أعرف شبيها."

ايمان:

"سودة عليه. ددهئي وصلِ على محمد. إن شاء الله مابيها شي."

علي:

"أخذوها الإسعاف وراحت خالتها ورجل خالتها وياهم. إني هم أخذت سيارتي ورحت وراهم. خطية رجال جبير هو ومرته ميصير ينعافون وحدةم."

ايمان:

"حضنت أروى الي بندت على غنى. تعاي يمه إن شاء الله مابيها."

اروى:

"بدموع. خلي أروح وياهم. حباب."

ايمان:

"وين تروحين يمه؟ متشوفين شلونه الوضع؟ تعاي. علي راح وياهم وهو يطمنه عنها. يمه منذر سد بابهم خاف يطب عليهم أحد."

منذر:

"صار خالة."

ايمان:

"أخذتها طبينه جوه. لكينه البنات بالطرمة."

سعاد:

"خير. منو مات؟ شبيها بنتج تنحب وتبجي."

ايمان:

"خطية غنى طايحة. واجوي الإسعاف خذوها."

انغام:

"ياا خطية متستاهل."

سارة:

"أي والله شلون بنية وردة متستاهل."

آلاء:

"خاف من الخدمة بالبيوت وكعت."

بتول:

"لا أعتقد تفيك حتى تلفت الانتباه."

اروى:

"صحت بيها. أكلي تبن وإنجبي لا أجي أطيح حظج. فتهمتييي؟ بنية واكعة وحال الضيم حالها. بدال ماتدعي لها تكوم وهي بخير. كاعدة تستهزئين. لعد وين واصلة بيج التفاهة."

آلاء:

"وإنتي منو خالچ؟ محامي؟ لو هو رافق؟ شنو طبقة ثنينجن تبيعن أخلاق براس العالم."

اروى:

"شنو من بشر إنتو؟ حتى الموت متهابون منه. طبيت لغرفتي خابرت نرجس واني أبجي. منظر غنى وهمه يطلعوها من البيت وهي فاقدة ميروح من بالي. سولفت لنرجس كامت تدك وتلطم. أني ونرجس كلش نحب غنى ومتعلقين بيها. والله يشهد رغم صارلي أشهر أعرفها بس حسيتها أختي. والله ضلينه على تواصل وكل شوية أخابر علي يكلي الدكاترة لسه ما طلعو ومحد يعرف شبيها. سودة عليه ياغنى دموج تعبانة."

***

سحر:

"اللهم لا أسألك رد القضاء لكني أسألك اللطف فيه. يارب دخيلك. كل شي ولا غنى. ربي اخذ من عافيتي وانطيها."

علي:

"خالة اهدي. إن شاء الله مابيها شي. تلكيها جانت تعبانة وما انطت راحة لنفسها لذلك تخربطت."

سيف:

"سمعتي الولد شيكول. أهدي. مابيها غير العافية."

سحر:

"آمين يارب كون مابيها. شيعلي."

علي:

"طلع الدكتور. كمنه كلنه."

سحر:

"ها دكتور شلونها؟"

الدكتور:

"إنتو أهلها؟"

سحر:

"أي."

الدكتور:

"وين جنتوا عنها؟ تره البنية عدها خفقان بالقلب ومن أقل موقف تتعب. وخاصة إذا شي نفسي. غير ديرون بالكم على نفسيتها. شلون تتركوها هيج؟"

سحر:

"لا دكتور لتكولها. كلبها مو زين."

الدكتور:

"أي نعم ومن زمان. حمدوا ربكم كدرنه نسيطر على وضعها. لو متأخرين أكثر جان وكف كلبها لأن نبضها جداً ضعيف وحالتها تعبانة."

سحر:

"سودة بوجهي عليج يمه غنى. كلبج تعبان يابعد كلبي. شكول عليكم يالجنتو السبب؟ ولج ختام تعاي شوفي بنيتج شصار بحالها. المن عفتيها؟ ولج لهل جلاب الي تنهش بلحمها."

سيف:

"أستغفر الله. زين دكتور شلونه وضعها هسه؟ اكو شي نكدر نسوي؟ نسفرها بره؟ أي شي. أني حاضر."

الدكتور:

"يا حجي بتكم متحتاج عملية. الي تحتاجه إنو تلتزم بدوه لمدة معينة وتبتعد كل البعد عن أي أذى نفسي. إنتو دوركم كأهل لازم ديرون بالكم عليها وتمنعون كل شي ياذيها عنها. هنا يتحسن وضعها وترجع طبيعية."

سيف:

"إن شاء الله. أهم شي يتحسن وضعها."

سحر:

"بدموع. دكتور نكدر نشوفها؟"

الدكتور:

"حالياً لا. خلوها ترتاح. ومن تصحى تكدرون تشوفها. يله عن إذنكم."

سيف:

"اشكرك دكتور. زحمناك."

الدكتور:

"لا ماسويت شي. شغلي هذا."

***

فهد:

"الو؟ يمه وينج؟ صار ساعة أدك. خو ماكو شي."

ايمان:

"ها يمه وياچ. جنت ملتهية ويه الجوارين. حالتهم حالة خطية."

فهد:

"خير يا جوارين ذوله؟"

ايمان:

"والله يا يمه كاعدين العصريه وجان نسمع صوت الإسعاف. طلعنه نركض وجان نشوفلك هال مكرودة غنى شايليها على السدية. لا حس ولا نفس."

فهد:

"كمت بخوف. شبيها؟ أحجي يمه."

ايمان:

"خالتها تكول على ساعة وكعت. لا من ايد ولا رجل. حايرين شمسوين وياها. ما كعدت. أنوب نبضاتها صارت ضعيفه. تخبلوا الجماعة. كامو خابرو على الإسعاف. بس يمه كون تشوفها تكسر باب الكلب. بنية مثل الوردة توكع هالوكعة. والله كلبي مردني عليها."

فهد:

"انخفض تنفسه. وهسه شلون صارت؟ أحجي يا يمه لتسكتينا."

ايمان:

"ما أدري والله. بعدهم بالمستشفى. وأخوج علي وياهم. خطية أهلها كبار بالعمر مينعافون وحدةم."

"تنهدت. الله يكومها بالسلامة. متستاهل هالبنية."

"صدك تعال كلي شردت مني؟"

فهد:

"ها؟ ما ردت شي. يله يمه من رخصتج. عندي واجب."

"سديته ورحت ركض لمكان المسؤول. دكيت الباب ودخلت."

فهد:

"بدون مقدمات. لازم أنزل وفوراً."

صباح:

"ليش؟"

فهد:

"صارلي شغلة مهمة وضروري أنزل وهسه هم."

صباح:

"ميصير تنزل. انتظر باجر يخلص دوامك وأنزل."

فهد:

"بعصبية. جاي أكلك عندي ظرف طارئ وما أكدر أنزل باجر. متفهم إنت؟"

صباح:

"انتقي ألفاظك سيادة الضابط. لتنسى إنت جاي تحجي ويا المسؤول."

فهد:

"ضربت على الميز. إنت مسؤول هنا بس ولتنسى إنّي منو وشنو شغلي. صحيح إنت مسؤول بس مو عليه. لو خلونه سوى ياخذوني ويطلعوك. فهمت؟ إني جيت وكتلك بكل احترام أريد أنزل. أكتبلي ورقة خلي أنزل مستعجل وما عندي وقت للنقاش. رجاءً فضني."

صباح:

"بعصبية. ضابط فهد كلت نزله متنزل. التزم بالقوانين لو أقدم بيك عقوبة."

فهد:

"تريد تسجل عليه عقوبة؟ سجل. ميهمني. إني رايح."

صباح:

"قسم بالله يا فهد إذا نزلت تتمدد الخفارة خمس تيام لكل الشباب الموجودين هنا وما أخليهم ينزلون يشوفون أهلهم. وخطيتهم بركبتك لأن إنت المسؤول عنهم."

فهد:

"غمضت عيوني وضغطت على إيدي. تنهدت بهدوء. خلص ماراح أنزل. بس سواتك هاي أردها. وهذا شاربي مو عليه وأطلع ناقص من الزلم إذا ما أحاسبك على هالدكة هاي."

"عفته وطلعت. نار تشعل بيه. شبيها هسه؟ خاف تحتاج عملية وما عدها فلوس يسولها؟ ياربي شلون سالفة هاي. مسحت على وجهي. والمشكلة ما أكدر أخابر أمي وأطمن عليها. آآخ أكيد صاير شي. مو معقولة تعبت بدون سبب. الدكتور كلي بس من تتاذى نفسياً توكع. بس لو أعرف يا ابن كح... غاثها وصاير هيج بيها. والله لو ألزمة إن..."

عمر:

"شبي فهد؟ طلع يفشر."

ايمن:

"راد ينزل وصباح الكوا... ما خلاه."

مهيمن:

"ليش هي بقت على باجر؟ لو مخلي ينزل."

عمر:

"علساس إنت متدري؟ هو مغثوث لأن إذا نجحت هالعملية هو وفهد يصيرون نفس المركز. لتنسون صحيح فهد ترقى بس بعده مابده شغله كمسؤول. من بعد هالعملية راح يستلم كلشي هو. متشوفو مغثوث؟ ميريده يصير مثله."

مهيمن:

"دخيلك تجي ترقيتنه ونشوف إني شسوي بي. على أسلوبه الطايح حظه ويه المتطوعين. عبالك يشتغلون عد أبو ولا جن همه المتفضلين علينه وأجو تطوعو."

ايمن:

"خلي يولي. وين غانم عنه؟ يشكه بالنص. كومو خلي نشوف هذا شبي طنكر. جنه وحدة أرملة مات رجلها وانقطعت الكهرباء عليها وصفت الدنيا ضلمة بيها."

الولد:

"ههه. طيح الله حظك."

مهيمن:

"شبيك فهد؟"

فهد:

"هالابن الك... ما خلاني أنزل."

عمر:

"خير خو ما صاير وياك شي."

فهد:

"صار عندي ظرف طارئ جبرني أطلب أنزل فوراً. بس هذا الم... ابن الم... ما خﻻني أنزل. تدرون ليش؟ لأن بي دو... تضل تنبش بي وما تهدئ هالد... اله من ينرفزني."

عمر:

"يا جماعة فهد مثعول هسه."

الولد:

"مبين."

ايمن:

"المفروض من شفنا عروك إيده ووجهه نطت نبتعد. لا ناكل بوكس يسويلنه فوتوكس. طبيعي."

مهيمن:

"بوتكس؟ يا مطيا."

ايمن:

"نفس الشي هو هذا."

***

غنى:

"فتحت عيوني على ريحة المعقمات المركزة المحاوطتني. أباوع خاليلي كانونة وشاديلي مغذي. تنفست بهدوء أحاول أنظم أنفاسي. أحس جسمي كله يون عليه. أباوع دخلت خالتي تبوس بيه."

سحر:

"من عمري على عمرج بعد عمري. شلون صرتي؟"

غنى:

"بخفوت. الحمد لله."

سيف:

"خوفتينه عليج بويه غنى. والله حسيت حوراء الي وكعت. كلبي لزمني عليج. يصير موقف تافه مثل هذا هيج يسوي بيج؟ إنتي قوية وسباعية الي كدرت تتحمل مسؤلية بيت وتعيش أخوها وبيبيتها بالحلال. كل شي تكدرين تتحملين. ميصير يا بنتي حجى اليسوة والميسوة يأثر عليج هيج."

غنى:

"لا أرد بس دموعي تنزل. باوعت لخالتي بهمس."

غنى:

"خالة لتأخذيني للفحص حبابة."

سحر:

"يمه صدك تحجين؟ عساني أموت ولا أسوي بيج هيج سواية؟ شنو ما واثقة من تربيتج؟ وآخذج أفحصج؟ إنتي خلفة ختام المرة الصايمة المصلية محبوبة الكل وتربية أمي تربية الإيد الحنينة الطيبة الي للأسف جابت هيج شكول؟"

"مسحت على راسها. لتخافين حبيبتي. الي بمسج بمي أمسحه بنار. إنتي بنيتي. مستحيل أفكر ولو تفكير إنو أشك بيچ. إني عفتج شهرين ببيت رجال غريب واني مأمنة بيچ. صدك تحجين إنتي؟"

غنى:

"بست إيدها. فدوة خالة طمنتيني. الله يطمنج."

سحر:

"ابتسمت. بايسه راسها. بعد كلبي ارتاحي."

"ضلينة بالمستشفى فترة وسجللها الدكتور خروج وطلعنه. الله يوفقه هالولد علي. شلون وليد درة مال الله. ما عافنه ولا لحظة. صدك شهم مثل أخوه الجبير. الله يرده بالسلامة."

"رجعنه للبيت. دخلت غنى لغرفتها. كوه صعدتها لأن متكدر. خليتها تنام وطلعت. كعدت بالصالة. خليت إيدي على راسي. الله لا يوفقكم. عساني شفتكم بالموت. أول مرة أكرهه أحد لهدرجة. جماله إخواني وأختي بس والله حرام يتسمون إخوان على هالسفالة هاي."

***

صباحاً.

ايمان:

"يمه وردة غرفت أخوج نظفتيها مثل ما كتلج؟ تره على جيه هو."

ورده:

"نظفتها. بس وين أروى حتى تصعد تتأكد كل شي عدل؟ لأن إذا فهد لكى الغرفة بيها ترابة وحدة يطيح حظه."

ايمان:

"أروى يم غنى من الصبح راحت تشوفها. هسه شوية وتجي."

ورده:

"خلي نروح أني وياج نشوفها."

ايمان:

"خلي ترتاح البنية. وأروح أجيب هدية لسلامتها وأخذج وأروح أشوفها. بس روحي كملي الشغل حتى تنزلين ونكعد نراجع الكيمياء علما يجي أخوج."

ورده:

"يبووو على حظي. لو ساكتة أحسن."

ايمان:

"امشي لج."

ساره:

"خالة شبيج مخبوصة؟"

ايمان:

"يمه فهد إبني موسوس بالنظافة وكلش يدقق بهالسالفة. إذا شاف أقل شي تلعب روحه. حتى الخاشوكة يبوعلها قبل لا ياكل. فكلنه دايرين بالنه على هالسالفة. لأن إذا شاف شي ميعجبه يكلب البيت. عزة على روس الكل. فهمتي؟"

ساره:

"أي فهمت. بس كلش حلو هالشي. يعني أحلى شي الرجال يكون نظيف ومعتني بنفسه. مو وصخ ومعتمد على مرته. مثل العندي. طبعاً."

ايمان:

"وره فترة سمعنا صوت الجرس. كمنه كلنه. أكيد إجه فهد."

علي:

"فتحت الباب مبتسم. الحمد لله على السلامة."

فهد:

"بهدوء. الله يسلمك."

فيصل:

"ها شلونك؟"

فهد:

"هله."

"طبيت. إجه منذر حضني."

منذر:

"الف الحمد لله على سلامتك."

فهد:

"ابتسم بخفوت. الله يسلمك أبو سالم."

"رحت حضنت أمي الي كامت تبجي. شبيج يمه عليمن هالبجي؟"

ايمان:

"بدموع. كلبي ضل عدك حبيبي عشر تيام أني ماشايفك. مامتعودة عليك تختفي هالكد."

فهد:

"هاي بعد شغل وصار."

"فتحت إيديه لخواتي. أجن بوستني وسلمت على نسوان أخواني."

ايمان:

"يله يمه نصب الغدة."

فهد:

"أي بس أسبح وأجي."

"صعدت سبحت وبدلت ونزلت تغديت على أعصابي. كمت بسرعة غسلت وصعدت فوك. إني راح أنام لحد يفتح عليه باب الغرفة. صعدت بسرعة طبيت لغرفتي وضليت كاعد أنتظرهم يرحون لغرفهم. وره ساعتين طلعت لكيت البيت صامت. رجعت أخذت موبايلي."

***

غنى:

"متمددة بالغرفة أحس روحي أحسن من البارحة الحمد لله. كلام خالتي طمني هواي من سمعت بيها مأيدتني وواثقة مني. بعز تفكيري وصحاني صوت أشعار. إجاني فتحت الرسالة بسرعة من شفت اسمه."

فهد:

"إذا تكدرين صعدي للسطح وفوراً."

غنى: متمدده بالغرفه أحس روحي أحسن من البارحه الحمدلله. كلام خالتي طمني هواي من سمعت بيها ما أيدتني وواثقه مني. بعز تفكيري صحاني صوت أشعار. أجاني فتحت الرساله بسرعه من شفت اسمه.

فهد: "إذا تكدرين صعدي للسطح وفوراً."

غنى: معقوله أجه؟ لا مو معقوله. قمت على كيفي لأن جسمي نحلان وما أكدر حتى أتحرك. طلعت من غرفتي متهلفه حتى أشوفه. أشتاقيتله صار عشر تيام مشايفتنه. رغم الدنيا ظهر وحاره بس ميخالف. فتحت باب السطح ودخلت. شفته واكف كبالي.

فهد: عبرت على سطحهم ورحت بسرعه. حضنتها.

غنى: حاوطت خصره ودموعي نزلت. الحمدلله على سلامتك، ظل كلبي يمك.

فهد: بست راسها. الله يسلمج. سمعت بيج تخربطتي وحق ربج دربي بعد ما شفته من كلتلي أمي أجوي الإسعاف وخذوج. ابتعد أباوع لعيونها الي يلمعن. مسحت على خدها. أحجيلي شبيج.

غنى: ملت على إيده مغمضه. لتسألني فهد الله يخليك.

فهد: تعاي هنا. هاي الشمس سلكت الخلفني. جريتها على جهه مكان بي في. كعدتها وكعدت. أحجيلي غنى ودير بالج تجذبين عليه.

غنى: خليت راسي على متنه متنهده. أجو خوالي لهنا.

فهد: هزيت راسي. كملي.

غنى: رجع أنفتح الموضوع نفسه وصارت مشادات كلاميه بينهم وبين خالتي وكبت العيطه. خوالي جانو ناوين ياخذوني يودوني لعمامي بس خالتي مقبلت. تالي سكتت باجيه. ما كدرت أكمل.

فهد: رفعت وجها. أحجي تالي شصار. تره أعصابي تلفت.

غنى: بدموع. رادو ياخذوني يسوولي فحص.

فهد: فحص شنو؟

غنى: مجاوبته. والله أستحي حتى ألفظها.

فهد: ضغطت على إيدها بعصبيه. جاي أكول فحص شنو؟

غنى: دنكت راسي. فحص عذريه.

فهد: فتحت عيوني. لا ياكواو.... يا خوات الكح.... شكد شايف جلاب بس هيج ماشايف. كليلي خوما سويتي الفحص. أحجي راح أجيبج براشدي أفر وجهج. شعلتي كلبي.

غنى: هزيت راسي نافية.

فهد: زفرت. همزين. لأن هالفحص ميصير تسوي بنيه. يدمر كل مستقبلها.

غنى: شنو قصدك؟

فهد: هيج غلسي. أنتي وكعتي من سمعتيهم مو؟

غنى: بتعب. أي.

فهد: مسحت على خدها. لتخافين. وحق ربج إذا ما أخليهم يعضون أصابعهم ندم. أطلع كلشي ما أفتهم.

غنى: كولشي لتسويلهم. جفيني شرهم وبس.

فهد: أنتي بالسليم لتخافين. عوفي الباقي عليه. كليلي هسه شلون صرتي؟ كلبج بعده يأذيج؟

غنى: لا ماكو ألم. بس شويه أتعب من أتحرك.

فهد: لتتحركين ولتعبين روحج. أصلاً لو أدري بيج هيج مالج خلك حتى ما أكلج صعديلي فوك.

غنى: مسحت دموعي. صدك أنت شجابك لهنا؟ متخاف أحد يشوفه؟

فهد: من خوفي عليج نسيت كلشي. ردتلي بس فرصه حتى أشوفج وماكو حل غير السطح.

غنى: أي.

فهد: صفنت أباوع لشعرها. باوعتلها. تعاي ولج شلون تصعدين وأنتي بهالمنظر.

غنى: باوعت لروحي. أي. منظر.

فهد: شلون تصعدين للسطح وكلشي ما حاطه على راسج؟ صدك تحجين؟ جم مره نبهتج أني وكتلج اكو داير مدايرنه عالم. ليروح واحد يشوفج بهالشعر ويطلع من دينه.

غنى: وأنت إذا هيج حريص ليش أجيت؟ متخاف واحد يشوفك؟

فهد: أني ما أخاف من شي. وبالنسبه لجيتي هاي آخر مره. لوما خوفي عليج ما أصعد على السطوح مثل الحراميه. وشعرج يا غنى إذا شفته مره ثانيه طالع كدام أحد أطيح حظج. جماله فالته المسعده وصاعدتلي.

غنى: مادري نسيت والله. وبعدين ليش تحجي على شعري هيج؟

فهد: لأن الي يشوف شعرج راح يتخيل تخيلات يستحسن ما أحجيلج عنها حتى ما أخرب روح البرائه الي بداخلج.

غنى: باوعت لعيونه. شنو تالي هذا فهد؟

فهد: ما فهمت قصدج.

غنى: شنو نهاية علاقتنه؟

فهد: بضحكه. ليش هو اكو علاقه بيناتنه وأني ما أدري؟

غنى: بأحراج. أقصد أنو شنو تاليه تأجيلك لموضوع الأنْفِصَال؟

فهد: دنكت بست خدها. ممكن منحجي بهالموضوع. ما أريد أتناقش. أريد أشوفج وأشبع منج حتى أروح.

غنى: هزيت راسي متنهده. شلونه شغلك؟

فهد: عادي.

غنى: شكد حتبقى؟

فهد: أسبوع وأرجع ألتحق.

غنى: سكتت وهو ما حجه. بعد شويه وكام.

فهد: يله أني لازم أروح ليصعد أحد ويشوفه وشيفضج يطلابه. أحاول أشوفج بس أحصل فرصه.

غنى: إن شاء الله.

فهد: قمت حضنتها وهدئتها بكم كلمه حتى متضل تفكر بالموضوع.

غنى: باس راسي ودنك يريد يبوس خدي. ومن ثواني ملت عليه.

فهد: صارت شفايفي بصف شفايفها. ابتعدت بسرعه. إحم. يله روحي نزلي.

غنى: بفهاوه. ها؟

فهد: غنى روحي نزلي.

غنى: وين أنزل؟

فهد: لبيتنه. أستغفر الله. أقصد لبيتكم.

غنى: يله مع السلامه. عفته ونزلت بسرعه. طبيت لغرفتي وسديت الباب. لزمت كلبي الي صاير طبل كد ما يدك سريع. خرب شلون فشله. خليت إيدي على شفايفي. عززه شكد عيب. هسه شيكول عليه؟

فهد: طلعت من السطح. صارت سعاد بوجهي.

سعاد: الحمدلله على سلامتك.

فهد: هله.

سعاد: شجنت تسوي بالسطح؟

فهد: أسوي الصحن مال تلفزيوني. ليش؟

سعاد: بس أنت ستوك أجيت. وينك وين الصحن؟

فهد: أدري تحقيق هو؟ خوما تحقيق.

سعاد: شبيك ما أكلت شي؟

فهد: تره ما ناسي سوايتج. لتتصرفين وكأنو أنتِ مامسويه شي. وبعدين منو سمحلج تطلعين؟

سعاد: أجيت أتحمدلك بالسلامه.

فهد: سلامه ومنج ما أريدها. عفتها ورحت لغرفتي. كعدت على الجربايه ومسحت على وجهي. شلون موقف زباله. هسه أنت اله تبوسها؟ لو تموت إذا مابستها؟ الله ستر ومابستها بحلكها. جان رفعت عليه دعوه وطلعتني متحرش. أبتسمت ورجعت جسمي على الجربايه. غمضت عيوني. والله لعلم خوالها درس بحياتهم مينسو. يردون يسوولها فحص ولد النعال وهي أظفرها أطهر من عشيرتهم كلها.

نورس: أرتاحيت هسه؟ شفت روحك وين وصلنه أنته وأخوتك.

خالد: سكتي. أني لازم كلبي من غير شي. ليروح يصير بيها شي وتموت وأحنه نبتلي.

نورس: خالد شجاك؟ ما جنت هيج. من شوكت أنت تمشي بحجي النسوان؟ ليش تخلي سهاد وكريمه يمشونك؟ تره أنت واني وكلنه ندري سهاد جذابه وغنى مؤدبه ومتسويها.

خالد: لا تسويها. المثل يكول: ماتحت السواهي دواعي. خوفج من الخانس كلشي يطلع منه. وهاي كلتلك مابقالي لا أبو ولا أم. حتى أخويه راح. خلي أروح بغير طريق بلكي ألكه واحد يلفيني.

نورس: عدنه بنات يرجال. خاف ربك. الفلوس متدوم لك بس السمعة الطيبه والحس الزين يدولك حتى من تموت.

خالد: هسه أني شمسوي؟ ناهب؟ خوما ناهب؟

نورس: لا أبد. بس أنت وأخوتك ذبيتولكم بنيه مثل الورد بالشارع. لا وأخذو حتى حصه أمها. أنوب راحت وما خلصت منكم رجعتو تردون تودوها لعمامها. لا وكامل أفندي رايح كايل كلشي لعمامها. ما خاف ليرحون يذبحوها وهي بريئه. وتالي خطيتها تصير بركبتكم طول العمر.

خالد: شو دسكتي. مالي خلج وخلك مثالياتج هاي.

نورس: أني ما أبيع براسك مثاليات. بس أنت زوجي وأنت شفتك تسوي منكر كدام عيوني. ولازم أحذرك بدال المره ألف. وهسه أنت ما اتعضت. وأني مالي علاقه بيك بعد. أني أديت واجبي أمام الله. وهسه أنت منك لربك. خلي هو يحاسبك. أني ما عليه.

ضحى: ولج مروه يله وين صرتي؟ فضيهاااا.

مروه: عدلت الحمره. أي أي ثواني. باوعت لروحي بالمرايه. أي هسه تمام. نزلت. يله أمشينه.

ضحى: شنو هذا؟ شهالمكياج؟ شنو عندك عرس؟

مروه: ليش شبي مكياجي؟

ضحى: خففي ليشوفج أبوج وأخوانج ويطيحون حظج.

مروه: ما أمسح شي. هي هاي العايزه بعد كل هالشغل. أروح أمسيح. يله تعالي خلي نروح. تأخرنه. ليطلع فهد وأحنه لسه ماشايفينه.

ضحى: لتنسين أني أمج. ثكلي شويه ومشاعرج خليها بقلبج. مو تحجين بيها كدامي. تره الخجل حلو خاصه للبنيه.

مروه: كلبت عيوني. ممكن نروح فدوه لكلبج يمه؟

حارث: لحظه لحظه. تعاي ولج. شهالالوان الي بوجهج؟ متستحين؟ أنتي شنو؟ وين رايحين؟ أحنه أمشيييي ولي. مسحييي الصخااام الي بوجهج. صدك متنعطين وجهه. حمدي ربج أبويه ماشافج جان كسر ضلوعج. يله ولييي.

مروه: هو كدرت أبويه بس على أمي ميحاسب. شهد كدرته بس عليه.

حارث: لتدردمين. يله.

مروه: طلعت كلينس مسحت شويه من المكياج. يله أمشونه. رحنه لبيت عمي نتمشى. يمه صارلي عشر تيام ماشايفته. والله أحسهم عشر سنين. يربي هاي إذا تزوجنه وعافني عشر تيام شيصير بيه؟ فزيت على دكة الباب. دكها حارث. طلع فهد لابس تشيرت رصاصي وبجامه سوده. ضليت صافنه عليه. يربي هالرجال من شنو مصنوع؟

حارث: حضنته. الحمدلله على السلامه.

فهد: أبتسمت. الله يسلمك.

ضحى: شلونك يمه فهد؟

فهد: الحمدلله خاله. أنتي شلونج؟

ضحى: بخير. الله يسلمك.

مروه: وعيونها تلمع بلهفه. شلونك فهد؟ الف الحمدلله على سلامتك. ضل بالي. أقصد بالنه عليك.

فهد: هله بيج. الله يسلمج. تفضلو دخلو. سمعت الباب الي بصفنه أنفتح. أباوع طلعت خاله غنى تذب الزبل. على أساس أني جنت متأمل هي تطلع. دخلت جوه. أباوع أم محمد كلها عدنه. طبعاً أني أكره هيج تجمعات لأن هوسه تصير وأني أضوج من الهوسه. أحب الهدوء. أجيت كعدت.

عبير: فهد شلون الوضع هناك؟ هم عدكم أكشن وكذا مثل الأفلام؟

فهد: لا أبد ماكو أكشن. بس راح تصير بالقنادر.

محسن: هههه لهدرجه واصله.

فهد: وأكثر. بس عادي ماعدنه شي نخسره. لو بالهدف لو بالنجف.

ياسمين: أسم الله. فال الله ولا فالك.

نسرين: يعمه ليش لسه ماتزوجت؟ لو عندك مره وطفل هسه على الأقل تروح ومأمن. لو متت اكو من يشيل أسمك.

ايمان: اللهم صلِ على محمد. شجاج أم مرتضى؟ لتفاولين لابني. يمه عسى يومي كبل يومك. غير أتخبل والله.

فهد: بستها. أروحلج فدوه يمه. من عمري على عمرج. باوعتلها. عمه الي الله قاسمه يصير. وبعدين منو كال لو متزوج يصير عندي جهال؟ شنو نعلم الغيب أحنه؟

نسرين: أني غير من خوفي عليك.

فهد: لتخافين. ما أموت أني. وإذا ردت أزوج أعرف منو آخذ.

شهد: أموت وأشوف مرتك الي منتظرها لسه شلون صايره.

حارث: هسه تطلع تشبه فيصل.

محسن: هههه أنجب ليسمعك.

فهد: هي هاي العايزه حتى أطلق بنفس اللحظه.

ملك: أسفه أقاطع سالفتكم. اروى فدوه متخابرين غنى تجي تاخذ هالصايه بيها عرض أريد تكصفها.

اروى: البنيه مريضه. بيا حال وينها ووين الخياط؟

مروه: ليش شبيها؟ مو رجعت لهنا؟

اروى: كلبها تعبان.

ضحى: ياا خطيه. متستاهل حرامات والله.

حياة: بعدها صغيره مو مال قلب بهالعمر.

ايمان: الله يساعد كلبها. مو زين. لسه عايشه. خطيه أخوها وبيبيتها ماتو بنفس السنه وكدام عيونها. أحنه لو نربي عصفور ويموت هم ننقهر. مو أنوب أهلنه.

حياة: يمه والله كزبر جسمي. الله يساعد كلبها. كل هذا صاير وياها. ربي دخيلك لتفجعنه بعزيز.

الكل: أمين.

فهد: أباوعلهم شلون يتناقشون بحياتها وكل واحد يبدي رأيه. سخافه بصراحه. همه شعليهم بيها؟ أصلاً ليش يحجون بيها؟ أدري ثاردين وياها؟ ما عجبني كلامهم. ما أريد واحد يشفق عليها. هي مو بحاجه شفقتهم. وأني متأكد هسه البنات يحسسنها بهالشي. وهذا أبي ما أريده.

نسرين: أكول ايمان. أنتِ شدراج بهذا كله؟

ايمان: صديقتها سولفتلها على أخوها وبيبيتها.

نسرين: زين هي عدها أهل؟

ايمان: أي أكيد. بس عايشه عد خالتها.

نسرين: أني ناوي أخطبها لمرتضى.

سعاد: صدك تحجين؟ أنتِ تخطبين خدامه لابنج؟ لا حسب ولانسب.

حارث: عيب هالحجي خاله. البنيه تنقاس بأخلاقها مو بمكانه أهلها الاجتماعيه.

مروه: بس الفروقات هاي راح تسبب خلافات بيناتهم بالمستقبل.

فهد: بحده. ليش هو أحسن منها؟ لو أنتِ أحسن منها حتى تنتقصين منها؟ على الأقل هي بكدها وتعبها عيشت بيت كامل وداست على روحها. مو مربخه ونايمه ومعتمده على مصرف نهاية الشهر.

بتول: كلنه ضلينه صافنين. هاي أول مره فهد يتدخل بنقاش ويدافع لأحد. خاصه أذا بنيه. أباوعله أكل مروه بكشورها. رغم أني أكرهه مروه وأشوف دم سنوني ولا أشوفها. بس ماتوقعت فهد يحاجيها هيج. لا وعلى مود وحده مثل غنى.

مروه: بارتباك. بس أني مو قصدي أنتقص منها. بس حجيت الحقيقه. وهذا واقع. اكو هواي فروقات بيناتهم. شلون راح يتراهمون بعدين؟

فهد: ليش منو كالج هي راح تقبل بي أصلاً؟ وما أنصحكم تخطبها لأن راح ترفض وتتفشلون.

نسرين: ليش يمه؟ شناقص أبني وترفض؟

فهد: ولا هي ناقصها شي حتى تقللين من شأنها. وتكونين واثقه من موافقتها.

ملك: الصراحه البنيه كلش حلوه. ماشاءالله جميله إلى درجه.

نسرين: عاد لتصيرون كلش. منيلها حلوه؟ عاديه كلش واقل من عاديه هم.

ياسمين: هاي عاديه ولج؟ أحجي ضميرج. البنيه تبرك برك من البياض. وإذا تاخذيها بغير فكر إذا وجها الشابع شمس صاير هيج. لعد الباقي والمضموم شلون؟

فهد: لا إله إلا الله. حجيه وين رحتي؟

ياسمين: عمتك متفتهم. كلت أدهديلي حجايه بلكي تفهم ابنها ليش يريدها. وياريت لو قابله بي.

مروه: بعصبيه. هسه اكو داعي نحجي بيها؟ تره مو وحده من أهلنه هي. وهيج نحجي بيها. وعود من تصير مرت مرتضى كعدو احجو بيها. ورجاءاً لحد يجيب طاريها بعد.

اروى: وأنتي شبيج انتفضتي؟ منو داسلج على طرف؟

ياسمين: كافي. تركو هالنقاش الماله داعي. حرف ما أسمع بعد.

صباحا.

غنى: جنت كاعده أقرأ قرآن ودخلت خالتي.

سحر: صباح الخير.

غنى: صدقت وشلت راسي مبتسمه. صباح الورد.

سحر: بستها. أروح فدوه لهالوجهه المنور من الصبح. يله تنزلين تتريكين لو أصعدلج الريوك لفوك؟

غنى: لا هسه جايه وراج. قمت نزعت الجادر وأخذت شالي ونزلت. لكيتهم كاعدين بالمطبخ يتريكون. صباح الخير عمو.

سيف: صباح النور بويه. شلون صرتي؟

غنى: الحمدلله أحسن.

سحر: هاج هذا دواج. تريكي حتى تاخذين الدوه.

غنى: هزيت راسي. تريكنه وكملنه. كمنه لمينه السفره. قمت أساعد خالتي بتحضير الغده.

سحر: روحي يمه ارتاحي. عوفج مني. أني ماعندي شي. لتضلين واكفه مو زين. روحي حبيبتي.

غنى: لا خاله ضجت من الغرفه. خليني أساعدج.

سحر: براحتج يمه.

غنى: شحتسوين غده؟

سحر: عمج مشتهي قيمه. كلت أسويله.

غنى: قيمه بهالوقت؟

سحر: هاي بعد غير عمج اشتهاهه. باوعتلها. أكول خاله غنى ليش متذبين الأسود؟

غنى: لا خاله ما أذبه.

سحر: حبيبتي مو راح يصيرلج سنه كامله لابسه هالأسود؟ وبعد شهرين تدور السنه على وفاة مروان. ووراها بتلث أشهر تدور السنه على أمي. إلى متى تضلين لابسه أسود يايمه؟ لو الأسود يرجع الي راحو جان بقينه العمر كله لابسين أسود ومنتظرين جيتهم.

غنى: بصوت مستهضم. تصدكين خاله ولا حسيت بيها. الأيام تركض ركض. تخيلي حيصير سنه كامله مروان وبيبي تاركيني.

سحر: ربج فضل علينه بنعمه النسيان. لو ما كلنه ننسى وتطيب شويه من جروحنه جان متنه من قهر الفراك. فيايمه كومي ذبي الأسود. ميصلحلج وأنتي بعدج بعز شبابج.

غنى: ترديني البس ألوان وأرجع للحياه وأبتسامتي ماليه وجهي؟ وأخويه والمرأه الي ربتني نايمين بالقبور؟ لا خاله ما أكدر.

سحر: بكيفج حبيبتي. بس هاي أني داكلج. الحزن بالقلب. الألوان متعكس الحزن الي بقلبه. ولبسط مثال خالتج سهاد لابسه أسود وهي لا حزينه ولا بطيخ.

غنى: هزيت راسي. صحيح.

مروه: ولج راح أجن. تعاي لزميني. شوفي شلون شابه نار.

شهد: الوو يمعوده شبيج؟

مروه: شفتي فهد البارحه شسوه بيه؟ على حساب غنى. ولج خلاني لا أخذ ولا أنطي. فشلني كدام الكل. والله من البارحه لليوم أني عيني ما غمت. أول مره فهد يحاجيني هيج. دائما جان لطيف بتعامله ويايه. وأني غير عن الكل. الوحيده من البنات الي دائما أسلوب فهد يختلف وياها. تالي بسبب غنى نتعارك أني وياا.

شهد: هسه قابل هو سحلج من شعرج؟ وبصراحه تستاهلين الرزاله. يصير تتشمتين وتحجين على البنيه هيج. أصلاً المفروض بعد الي سمعنا عنها نقربها منه. لأن ماعدها لاخوات ولا أحد وياها. مو نكعد نستهزئ بيها. أصلاً أني ما أدري شجاج وياها؟ شاده وياها فرد شده وهي كلشي ما مسويتلج.

مروه: الحجي الي راح أكوله ما أريد واحد يدري بي. فتهمتي.

شهد: فهمت.

مروه: ذاك اليوم من رحنه لبيت عمي على حساب الملابس وأجت غنى. شفت فهد نزل سلم على الكل. ومن أجه يطلع باوعلها وأبتسم. وهي هم دنكت راسها وضحكت. ومنها عرفت هي وفهد اكو شي بيناتهم.

شهد: أستغفر الله. ميصير تتهميهم هيج. يجوز أنتِ متوهمه. يجوز البنيه أبتسمت على غير شي مو شرط على مود فهد. وبعدين فهد من شوكت يبتسم؟ أشوف ضحكته نشوفها بس بالأعياد والمناسبات. مروه نصيحه لتضلين تدققين بتصرفات فهد لأن راح تتعبين.

مروه: ما أكدر شهد. ما أكدر. من ذاك اليوم ولهالساعه أكل بروحي.

شهد: خلص. أهدي وعوفي الشغله عليه.

فهد: كاعد بالمعمل وأشوف جدول البيع والشره. محسن يامحسن تعال.

محسن: نعم.

فهد: اقرالي المكتوب هنا.

محسن: صدك تحجي؟

فهد: كلت اقره.

محسن: تم بيع 200 كونيه.

فهد: بهالعشر تيام أنتو بايعين حوالي 200 كونيه بس. شو من رحت للمخزن العدد المأخوذ مبين فوك الـ 200 وبهواي هم.

محسن: لا يمعود. أني وعمي عباس متأكدين من كلشي. لأن كل يوم نسوي جرد لكل المبيعات.

فهد: تعال وياي للمخزن.

كمنه فتحت المخزن. شوف.

محسن: شنو هذا؟ أباوع نص المخزن فارغ. وين راحت البضاعه؟

فهد: شفت.

محسن: هاي شنو؟ وين الباقيات؟

فهد: روح صيح للعمال بسرعه.

راح صاح للعمال وأجه. منو بايع قسم من الكواني الي بالمخزن بدون ما يرجع النه؟

العمال: محد.

فهد: أحجو أحسن الكم. خلونه ماشين على الثقه أحسن. لتخلوني أكلب المعمل على راسكم. والله يله أحجو. أباوعلهم كلهم كامو يتحلفون ويتكفرون. بس واحد بين عليه الأرتباك. أجيت أحجي ويا. سمعنه صوت سيارات وهوسه يم المعمل. طلعنه. أباوع سيارات حمل تنزل مواد. أباوع هذا مو رحمان صديق فيصل.

محسن: أكلك هذا مو طلع للاردن؟ شرجعه؟

فهد: علمي علمك. أباوع فيصل نزل وياا. وبدو يفتحون باب المعمل الي بصفنه. بس الي صدمني بضاعه معملهم نفس بضاعتنه. عود شنو معنى هالتصرف؟

محسن: هذا صدك يحجي بهالسالفه. راح يضرب شغلنه. لأن إذا معمل بصف معمل راح يخسر واحد بيهم.

فهد: عيني على الكواني الي ينزلوهن. أفر بالسبحه وأبتسم. هسه فهمت السالفه. باوعت لمحسن. لتخاف. مبين كلش زين منو الي راح ينضرب معمله. تعال وكل للعمال كلمن يرجع لشغله.

محسن: وشغله الكواني؟

فهد: محلوله لتخاف.

محسن: دشوف أبويه وعمي إذا درو شراح يسوون بهذا الناقص أخوك.

فهد: ميسوون شي. ولحد يحجي. كتلك شغلتهم محلوله.

انغام: واكفه أسوي بالغده وحسيت بألم ببطني. غمضت عيوني متألمه. آآآخ.

آلاء: شبيج؟

انغام: بألم. آآآخ بطني توجعني.

آلاء: ولج خاف راح تجيبين.

انغام: أي أي عفيه روحي خابري منذر بسررررعه حبابه.

آلاء: أي أي هسه طلعت. أركض. شفت خاله ايمان. خاله انغام جاي تولد. حبابه روحي يمها علما أخابر منذر يجي ياخذها.

ايمان: ركضي بسرعه. رحت للمطبخ شفتها واكفه ولازمه بطنها وتصيح. أهدي يمه وتنفسي على كيفج. هسه يجي منذر ثواني وهو يمج. أهدي حبيبتي.

انغام: آآآآآآخ خاله راح أموت. لحكولييي.

سعاد: دخلت للمطبخ. صدك تحجن؟ واكفات؟ مشنها شويه؟ شبيجن؟ ساره ياساره ولج صخااام.

ساره: هاا.

سعاد: روحي ركض جيبي عبايه راس وحجاب بسررررعه.

منذر: طبيت أركض. هاا هاا صدك راح تجيب؟

سعاد: أي ولك تعال أخذها بسرعه. لتجيب هنا.

ايمان: بدلولها وخذوها للمستشفى. ضل بالي يمها. أروح وأجي. أخر شي خابروني العصر كالو جابت بنيه. وبنفس اليوم طلعوها. الحمدلله على السلامه حبيبتي.

انغام: بتعب. الله يسلمج خاله.

فهد: الحمدلله على سلامتج وسلامه البنيه.

انغام: الله يسلمك خويه.

اروى: كلنه التمينه على الطفله. أوي تخبل. ناعمه وصغيره كلش. فهد شوفها.

فهد: أبتسمت. الله يحفظها. تتربه بعزك أبو سالم.

منذر: الله يخليك. يوم الألك.

ايمان: اللهم أمين.

ورده: ياالله شلون ناعمه. شراح تسموها؟

ياسمين: رفلمنذر: مو علساس كلتي لبنى؟

ياسمين: لارفل أحلى.

ايمان: أبتسمت. نورتينه رفوله.

بعد مرور يومين.

غنى: طلعت من البيت أذب الزبل وأروح للكليه. ضاله أني متنقله كل ساعه لمكان. خليت العلاكه بالحاويه وفززني صوت.

فهد: ممكن الرقم؟

غنى: درت وجهي. لزمت كلبي. يمه هذا أنت. وكعت كلبي والله.

فهد: صباح الخير.

غنى: أبتسمت. صباح النور.

فهد: راح تداومين اليوم؟

غنى: أي.

فهد: يله لعد روحي جيبي جنطتج حتى نروح.

غنى: وين؟

فهد: للشقه نتونس شويه. شبيج غير أوصلكم للكليه.

غنى: لا روح. أني آخذ تكسي.

فهد: هذا الحجي من جنتي كاعده عندي مو هسه. يله روحي جيبي غراضج وتعاي.

غنى: فشله من اروى.

فهد: هي اروى كلتلي إذا شفتها كليلها. يله بسرعه روحي تره أعوفج وأروح.

غنى: هسه ثواني. رحت بسرعه غسلت إيدي وأخذت غراضي. بوست خالتي الي كعدت من الصبح وياي وطلعت. شفتهم صاعدين. فتحت الباب وصعدت. صباح الخير.

اروى: صباح النور حبيبتي. شلون صرتي؟

غنى: لا الحمدلله أحسن.

فهد: باوعتلها بالمرايه. أحسها تعبانه بعدها بس تضحك على روحها.

غنى: أباوعله. الطريق كله هادئ. كولشي ما حجه. هدوئه وعطره طغن على المكان. أنتبهت عليه لابس قميص رصاصي وبنطرون أسود.

اروى: صدك فهد وين راح تروح؟

فهد: أوصلجن وأطلع للحله. صار أسبوعين ما واصل ولا شايف البستان. وصلت. يله تفضلن.

غنى: نزلنه أني وأروى. هي دخلت وهو صاحلي.

فهد: هاج.

غنى: عندي.

فهد: خليتهن بأيدها. ميخالف. يله روحي مع السلامه.

غنى: أبتسمت. مع السلامه. دخلت. صار مرتضى بوجهي. عبرته ومشيت ولا كأنه موجود.

بده الدوام وتوالت المحاضرات وحده وره الثانيه لحد ما خلصنه وطلعنه. أجه علي خذانه. رجعت للبيت تغديت ونمت. وكعدت أقرأ لليل. خالتي وزوجها طلعو يزورون للامام. وأني بقيت كاعده أدرس. وأجتني رساله من رقم غريب.

"بِشْكَد الليله؟"

فتحت عيوني. منو هذا؟

التالت والتلاتون

غنى : خالتي وزوجها طلعو يزورون للامام واني بقيت كاعده ادرس واجتني رساله من رقم غريب ....." بشكد الليله " ... فتحت عيوني منو هذا وشنو قصده بهالرساله كتبت وايدي ترجف ... منو ؟ اجاني الجواب بسرعه

: الواضح معارفج هواي حتى ماعرفتيني بس لتخافين اعرف بيج متستقبلين بس الروس الكبار واني ماراح اقصر وياج بس انطيني الاوك واني بخدمج

غنى : الرساله خلت اطرافي ترجف من الخوف اخذت سكرين للرقم واول كلمه دزها و ودزيته لفهد بسرعه اخاف ليصير شي بعدين واني ماعندي غير فهد الوحيد الي الجئ اله بكل وقت .... ياربي دخيلك يطلع مخربط بالرقم الرجال دخيلك الهي واسمك بعد ماعندي قابليه اتحمل هالمشاكل فزيت على اهتزاز الموبايل معلن عن وصول رساله

فهد : منو هذا

غنى : كتبت مااعرف

فهد : خالتج ورجلها بعدهم طالعين

غنى : اي ... شافها وماارد .... شويه وسمعت باب السطح يندك كمت بسرعه صحت منو

فهد : بهمس اني فتحي الباب

غنى : فتحتها طب بسرعه للصاله

فهد : بهدوء جيبي الموبايل بسررررعه

غنى : انطيته اله اباوعله فتح الموبايل وكام يقره الرساله رفع راسه خزرني

فهد : بحده ليش راده عليه

غنى : بخوف ردت اعرف منو

فهد : بعصبيه اكووووو واحد يكتبوله بشكددددد الليله ويررررد ثووله انتي شلون تجاوبييي

غنى : والله خفت فجاوبته ردت اعرف منو هذا وليش دازلي هيج رساله

فهد : كوا.... وكلج بشكد الليله شيريد يعني انتي الى متى تبقين غبيه وعوبه الف مره كلت تبن وكلت خليج نبها لتتصرفين بغباء انتي هسه من رديتي عليه شعلتي الجابني شفتي الرساله اخذيلها نعلين(سكرين) ودزيها الي بدون متردين عليه

غنى : فهد ليش تصيح عليه هسه قابل شسويت اني مجرد سالته انت منو ومن جاوبني دزيت الرقم الك شسوي اكثر من هذا

فهد : وانتي شعليج هو منو شنو راح تاخذين وياا صوره لو عجبج وناويه تتعرفين عليه رادت تحجي قاطعتها صوتج ما اسمعه سكتي .... دكيت على الرقم

غنى : اباوعله دك على الرقم وضل يفتر بالصاله واني افتر ورا

فهد : ابن الكح... ميرد اباوع دز رساله

: هاا يحلو شكلك فكرت بالموضوع

فهد : رجعت دكيت عليه هم ميجاوب كتبت ليش متجاوب ابن الكح... تراجعت ومسحتها

: لتدكين مااجاوب كليلي شكد الليله واني حاضر متكدرين تطلعين ادزلج كارت بالسعر الي تردي ونتونس على الموبايل شتكولين

غنى : اباع لفهد وجهه صار احمر ونطت عروكه حينكسر الموبايل بأيده من العصبيه دزله رساله

فهد : ردت اشوفه شيكول كتبتله بعد لتدز شي على هالرقم الواضح انت غلطان بالرقم احترم نفسك وكافي تذل روحك واذا اتصلت بعد اكل لزوجي واخلي يتصرف وياك

: ليش غناوي انتي من شوكت مزوجه على حسب علمي عزباء انتي بس شلون عزباء اله تطك بالكاع

فهد : اني قريت الرساله وشياطين الدنيا كامت تتنطط كدامي صحت بيهااا هذاااا يعرفجججج منوووو هذاااا

غنى : بدموع والله فهد والله مااعرفه

فهد : حظرته للرقم وشلت السيم كارت رقمج تذبي بالزبل باجر اجيبلج رقم ومتنطي لاي احد غير خالتج ورجلها واروى ونرجس واقسم بالله اذا شفت رقم خامس على هالارقام اطلع بروحج وحق الخلقج

غنى : زين اذا كلولي وين رقمج القديم شكول

فهد : كليلهم احترك ضاع ماادري كليلهم اي شي المهم هالرقم متفتحي بعد وهذا الكو... اعرف شلون اجيبه والله لنعل والديه واحرك شيب الخلفه

غنى : خلص صار بس لتصير عصبي شوف وجهك شلون صار

فهد : غنى اني تعبت كليلي وين اخليج وين ما اوديج يطلعلي واحد حاط عينه عليج شسوي كليلي احطج بالكنتور واقفل الباب عليج حتى محد يلمحج ولا يكدر يوصلج والله لو يصير جان اخذتج ويايه وضميتج بالخزنه مالتي حتى محد يوصلج

غنى : اني اسفه دائما مشلوع كلبك بسببي والله حقك شتحجي وشتكول بس اني شسوي اذا المشاكل ملاحكتني من مكان لمكان خلص فهد انت معليك بيه بعد مو جماله عليك اني تتحمل مشاكل فوك المشاكل الي بحياتك

فهد : خليت الموبايل على الميز وتقربت منها لزمت ايدها مقربها عليه شوفي غنى سواء شأتي ام ابيتي انتي مرتي ومسوؤليتي ولو تنكلب الدنيا ما اعوفج لحظه وحده والي يفكر يمسج ولو بورده احرك الساعه الي انولد بيها خاف عبالج انتي شي هين بحياتي لا ابدا صدكيني معزتج بكلبي هواي ناس شاعليلي العشره شمع وماكدرو يوصلون الها انتي شي كلش غالي عندي لهسبب مااريد واحد يتقربلج ويمسج ابد شديت ايدي على ايدها فهمتي شنو سبب عصبيتي

غنى : كلمات فهد حسيتها اخترق اعماق كلبي ومشاعري للحظه حسيت اختل توازني غمضت عيوني من حسيت اديه محاوطتني

فهد : بخوف شبيج غنى شنو تعبتي

غنى : لزمت تشيرته حتى اكدر اتوازن فتحت عيوني لا بس لان وكفت هواي تعبت لتخاف مبيه شي

فهد : لازمج مراجعه عد دكتور القلبيه باجر اخذج لازم نسوي فحص حتى نعرف شبيج اني مامستعد اخليج هامله نفسج هيج

غنى : بهدوء لتخاف الدكتور كال عادي هالشي من اتعب يصير هيج وحالتي مثلها مثل حاله اي واحد عنده خفقان لتخاف مبيه شي والعافيه من الله

فهد : بست راسها مابيج غير العافيه ان شاء الله

غنى : اجيت اجاوبه وسمعت صوت خالتي

سحر : وينج يمه غنى

غنى : فتحت عيوني عزززه اجت خالتييي واذا افتح السطح هسه يطلع صوت الباب وتشك لان تدري بيه اذا وحدي مااتجرئ افتح السطح ... جريت فهد تعاااال بسرررعه

فهد : وين

غنى : طبيت للغرفه وسديت الباب انوب فهد كام يكح خرب حظي سديت حلكه بسرعه

سحر : فتحت الباب متنفتح شبيج غنى حبيبتي ليش قافله الباب بيج شي

غنى : اباوع لفهد وجهه صار دم يريد يكح بس اني ساده حلكه ومانعته .... بارتباك لا لا خاله ماكو شي بس دابدل وخفت على ساعه تجون فقفلت الباب لتخافين ماكو شي

سحر : هاا خوش لعد شوفي حبيبتي اني وعمج تعشينه بره وزرنه واندعينالج وهسه تعبانين وراح انام وباجر الصبح نحجي

غنى : ماشي ماشي اكول خاله اني حطلع للسطح اشم هوه

سحر : بهالليل ؟ يمه كعدي وسكتي خاف يطفر حرامي شي

غنى : لا بس اشم هوه شويه وانزل

سحر : خلص براحتج بس تاكدي من باب السطح من تنزلين يله تصبحين على خير

غنى : اجمعين اجمعين سمعت صوت رجلين تبتعد وتنزل الدرج عرفتها نزلت درت وجها باوعت لفهد صافن عليه سحبت ايدي ...

همست: آسفه.

فهد: بهدوء، ابتعدي شوية يا غنى، ترا طابكة جسمكِ على جسمي.

غنى: ابتعدت بسرعة منحرجة. أنا آسفة، والله ما انتبهت.

فهد: هو أنا دايماً أتحمل نتائج عدم انتباهكِ. قوللي وين أنطي وجهي هسه؟

غنى: شنو يعني؟

فهد: غلسي، ماكو شي. وهسه كوليلي شلون أطلع.

غنى: اصبر، خلي أشوفهم ناموا حتى أفتح لك الباب وتطلع. طلعت من الغرفة ونزلت جوه. أبَاوع غرفتهم ضوها مطفي، يعني ناموا. رجعت صعدت وفتحت باب السطح على كيفي حتى ما تصدر صوت عالي. رجعت صحت لفهد: تعال بسرعة اطلع.

فهد: طلعت من الغرفة بسرعة، دخلت للسطح عبرت على سطحنه. سمعي كل شي كلته سوي بالتفصيل، أي حركة ما تصدر منكِ بدون ما ترجعين لي، مفهوم؟

غنى: باوعت ورايه. أي، أي مفهوم. بس روح.

فهد: بست خدها. يله رايح، بس أنتي طُبّي وسدي الباب، يله يله.

غنى: بخجل. ماشي، باي. طبيت وسديت الباب وهو هم راح. تمددت لازمة خدي. يا ربي، فهد ليش ديسوي هيج؟ أعرف بي ما يقصد شي، بس أنا الخلل بيه، كل شي يسوي يأثر بيه. يربي، شلون بيه ويه هالمشاعر والإحساس اللي ظهر لي فجأة؟

ساره: جنت جوه أترس الدولكة ماي. صعدت لكيت فهد يطلع من السطح. سديت روبي بسرعة ليشوفني ويرزلني. ها فهد، شو كاعد لسه؟ شعندك؟

فهد: وأنتي شعليچ؟

ساره: فهد، أنت ليش هيج عصبي؟ شكلكِ أنا؟

فهد: عيني ست ساره، ممكن توخرين من طريقي؟ ترا مالي خلك أتناقش. روحي لفصل تناقشوا نقاشات نظرية وعملية بغرفتكم، من رخصتكِ. عفتها ورحت.

ساره: ياا، هذا شكد ما يستحي. شلون يحاجيني هيج؟ شو هذا زايعها فرد مرة. بس والله شخصيته حلوه عكس باقي إخوانه الفهايه. ولو هسه يطلع مثل فيصل كدام العالم شخصية، ويه المرة جنه دجاجة. رحت لغرفتي، بس وكفت من سمعت عمتي تحجي ويه بتول.

سعاد: هسه عليمَن تبجين؟

بتول: أحبه، خاله، أحبه وهو ما معبرني.

سعاد: هسه مو كلنه نصبر؟

بتول: خاله، شأصبر؟ صار عمري 24 ولسه ما تزوجت، راح أعنس. نسيتي أنا رسبت مرة وكعدت وره التخرج. وهسه جاي أداوم علمود الماجستير اللي حتى ما مفكرة أبطل عليه. ترا أنا جاي أكبر يا خاله، بعد محد يقبل بيه إذا عنست، منو يقبل ياخذني؟

سعاد: هاي عمرج بعده ما مكمل أربعة وعشرين وسويتي لج مناحة، لعد لو عمرج أربعين شتسووين؟ مخبله أنتي.

بتول: وأنا إلى متى أضل أنتظر؟ شنو قابل أكابلج وأكعد طول العمر؟ كافي مو طلعت روحي. صديقاتي كلهن تزوجن، بس أنا بقيت. مو وضعية هاي. سمعيني خاله، عندج منا لشهر إذا ما خليتي فهد يخطبني، والله العظيم أي واحد يتقدملي أوافق. كافي تقدمولي كومة وأنا أرفض على موده وهو ما معبرني ولا لابسني، شنو هي ذلة؟ خو ما ذلة؟

سعاد: كافي، سدي حلكج. كلنه أي، أحاول أخلي إيمان تقنعه يخطبج، بس سكتي.

ساره: هزيت إيدي. والله يا الله، هي بقت بس هاي. أنوب فهد يتزوج بتول حتى تسوي طلي. مشيت. والله يا خوف تزوجه هالـ حية وتخليه يطردنه. بس والله هنيلها لو تاخذه. عنده كومة فلوس وهو ما قاصر، وظيفة ورتبة وشكل، شيريد الواحد بعد؟

صباحاً.

غنى: وصلنه. فهد نزلن البنات وأنا أخذت غراضي ونزلت وراهن.

فهد: يا حلو.

غنى: درت وجهي عليه. ويايه؟

فهد: لا، ويه العصفورة. ابتسمت. هاج، ولا تفكرين بسالفة البارحة، ترا محلولة.

غنى: ابتسمت. شكراً.

فهد: عفواً. يله باي.

غنى: باي. دخلت للجامعة. ذبيت غراضي وكعدت أراجع لأن عدنه محاضرة، وهالمحاضرات مهمة لأن ما بقى شي لامتحانات الكورس الأول. كملت المحاضرة وطلعت أنا ونرجس. لكيت أروى. رحت كعدت أبَاوع لأروى مرتبكة. شبيچ أروى؟

أروى: راح أسولفلجن سالفة بس ما أريدها تطلع.

نرجس: خير يا ساتر، مبينة السالفة خطيرة.

أروى: بنات، البارحة حاجاني ابن عمي سامر وكلي يريد يجي يخطبني وره الامتحانات.

غنى: صدك؟ مبروك، تستاهلين حبيبتي.

نرجس: دوكفي أنتي، خلي نسمع الأفنديه. أي ست أروى، وأنتي شنو رأيج بهذا سامر؟ لو أكلج، انطيني مواصفاته وأنا أكلج توافقين لو لا؟

غنى: باوعتلها. لا بله.

نرجس: أنتي سكتي، جنج كيكة. خلي نسمع.

أروى: ضحكت على سوالفها. سامر أكبر مني بسنة يمكن أو أكثر. خريج تحليلات وصارله كم سنة من متعين. طبعاً هو ابن عمو مهدي وعنده خوات ثنين شهد وملك وأخو واحد محسن. أما شكله فهو مقبول، ملامحه حلوه وطوله متوسط، يعني ما بي شي.

نرجس: إذا على هالمواصفات، وافقي. وإذا أنتي رافضة، دزي عليّ.

أروى: هههههه، انجبي.

غنى: حبيبتي أروى، هذا كله مو مهم. المهم أنتي تشوفين نفسج مرتاحتله، تحسين نفسج مرتاحة له، ممكن تكونين له زوجة أو تتقبليه كزوج لج، وافقي لأن كل هالاشياء مهمة.

أروى: شوفن الحقيقة، أنا وسامر واحد يحب الثاني من زمان، بس كل الي بيناتنه نظرات، يعني أبد ما صار بيناتنه حديث يبوح عن مشاعرنه. كلامنه عادي مثلنه مثل أي ولد عم. أبد ما تطرقنه لموضوع الحب والزواج أبد، رغم واحدنا يحب اللاخ.

غنى: خلص لعد، إذا أنتي تحبيه، وافقي.

أروى: بس خايفة من موضوع الزواج والمسؤولية.

نرجس: إذا على حجيج هذا، محد تعرس بعد.

أروى: يعني بيت وعائلة والتزام، شو أحسها صعبة.

غنى: كلنه نفكر هيج، بس لو ناخذه بغير جانب تشوفين أنو حتكونين عائلة، بس الج زوج وبيت وأطفال داير مدايرج، هنا اكو شي يخليج تخطين هالخطوة بدون تردد.

أروى: صحيح كلامج، خاصة سامر حباب وأخلاقه حلوه وابن عمي هم، يعني مو غريب عليه.

نرجس: نكول موافقة يعني؟

أروى: دخلي يجون، والله كريم.

نرجس: يعني هسه أروى راح تنخطب، وغنى هم هسه وره التخرج يطلعون معجبيها ويخطبوها. زين وأنا شو محد خطبني؟ شنو بت البطة السودة؟

أروى: يكولون الي تكتل روحها على العرس، متعرس.

نرجس: عليج الله؟

غنى: هههه، شوفي وجها شلون صار. لا معليج بيها، هاي تحجي وحدها. كل واحد الله قاسمله قسمة، ياخذها ياخذها.

نرجس: وإذا الله ما قاسملي أزوج شلون؟

أروى: حظج بعد.

نرجس: هي هم تاليتها هيج. سنوني يوكعن وأنا كاعدة ولافة شيلتي منتظرة عريس الغفلة.

البنات: ههههههه.

إيمان: كاعدة يم أنغام أشوف شتريد. خطية جابت. المفروض تكضي فترة النفاس يم أهلها حتى ترتاح بواسطه أمها وخواتها، بس خطية أمها مسافرة لإيران زيارة، وهي جابت. وخواتها توسلن تروح لبيت أهلها ويجن يمها، بس هي ما قبلت تروح. بقت هنا.

اخذت الصينيه ها يمه شبعتي لو اصبلج بعد

انغام: لا خاله بعد عمري رحم الله والديج ما قصرتي

ايمان: حبيبتي مامسويه شي بنتي انتي شلت الصينيه وطلعت صارت بوجهي ليلى الي خبصت البيت بالهلاهل هاي شوكت اجت

ليلى: كلللللووووش وجان نزيد فرد بعد كلبي اخواني يتربون جهالكم بعزكم بوست امي حبيبتي مبروك صرتي بيبيه من جديد

سعاد: بعد كلبي شلونج شعجب اجيتي

ليلى: من البارحه الح على وسام يجيبني وجان جابني وكتله راح ابقه فتره اتونس اني والجهال

سعاد: البيت بيتج يمه

ليلى: شلونج مرت ابويه شخبارج

ايمان: هله بيج يمه الحمدلله انتي شلونج

ليلى: والله طايره من الفرح طرفنه كلما بي يزيد وانتو لسه على حطتكم مازدتو ولا نفر

ايمان: بعد وكت يجي يوم ونزيد وانغام اعتبرها بتي وجهالها احفادي وحتى جهال فيصل احفادي واحبهم عبالك صدك اني بيبيتهم

ليلى: اجيت اجاوبها وشفت فهد ينزل

فهد: شهالتهلهل هذا شنو منو عرس

ليلى: رحت بست كتفه حبيبي محد معرس هاي هلاهلي من فرحتي لاخويه منذر بخلفته

فهد: منو جابج

ليلى: وسام وراد ينزل بس جان مستعجل وبلغني اسلم عليك

فهد: كعدت الله يسلمه اشرت لجهالها يجون

نور: شلونك خالو

فهد: بستها هله حبيبتي انتي شلونج

نور: زينه

فهد: تعالو انتو خلي ابوسكم بست عمار وابراهيم شلونكم

الولد: الحمدلله

ليلى: عفيه فهد شمسوي لجهالي ميقبلون يجون من وراك

فهد: رفعت حاجبي من ورايه ! اني شعليه

ليلى: اذا انت مغندب ودومك اعصاب اكيد يخافون منك

فهد: باوعتلها صفح وسكتت

ليلى: اكول خاله ايمان ماناويه تفرحينه وتعرسين فهد

ايمان: باوعتله يوم المنى ما اكيف اني بس غير صاحب الشأن يكول يله من باجر اخطبله

ليلى: والله لو منج اني اروح اخطبله واخلي كدام الامر الواقع كافي بعد شوكت يتزوج

فهد: اي مو هي سايبه وتروح تخطبلي بدون علمي

ليلى: بس اريد افتهم انت شلون متحمل تعيش بدون زواج والى متى تضل معتمد على امك واختك متتمنى تجيك مره تعتني بيك تداريك خلي نحجيها بالعدله متريد مره تحسسك برجولتك

فهد: كلامج كله صح بس تنفيذه بالوقت المناسب مو هسه وبالنسبه لرجولتي فأعرف باكثر من طريقه احس بيها لتخافين مامدفونه بداخلي جاي اطلعها

ساره: هو يحجي واحنه كلنه صفنه هذا شكد جريئ حتى ليلى سكتها

فهد: كمت

ايمان: وين رايح يمه

فهد: اجيب البنات صار وكت طلعتهن

ايمان: بلا امر عليك جيب خبز وياك

فهد: صار اخذت سويجي وطلعت حتى اجيبهن وصلت لكيتهن واكفات على جهه دكيتلهن هورن اجن اباوع لبتول تمشي وتتماوع هاي منو كايللها هذا اسمه اغراء شهالعبان نفس هذا رجعت نظري على غنى الي تمشي بكل هدوء ويه اروى دخيل ربها شكد هادئه وثكيله اجن صعدن

اروى: هلو

بتول: هلاووو فهد

غنى: السلام عليكم

فهد: وعليكم السلام ... شلونجن

اروى: الحمدلله الوضع تمام

فهد: مابقه شي على الامتحانات شدي حيلج

اروى: هو راح ابدي اشتغل على البحث من اليوم حتى اقدمه بأقرب وقت

فهد: عفيه عليج

بتول: فهد سمعت استاذ شاكر يصير صديقك حباب حاجي حتى يساعدني بالدرجات

فهد: تدرين بيه اكرهه الواسطات انتي اقري وتنجحين مال اروح اكله نجحها ما اسويها

اروى: اذا تحتاجين مساعده سألي غنى لان هي شاطره وماشاءالله كل هالسنوات طلعت الاولى على دفعتها

فهد: غنى انتي كل سنه تطلعين الاولى

غنى: اي

فهد: والله عفيه عليج

بتول: صدك غنى انتي شلون تقرين

غنى: بهدوء منظمه وقتي اول ما ارجع اصلي وانام واكعد العصر ارتاح واكعد على التلفزيون او اطبخ اسوي اي شي مو مباشرتا اقره وبع

بتول: قاطعتها هسه كنالج كليلنه شلون تقرين مو تنطينه تقرير عن روتينج اليومي

فهد: انتي سكتي اي غنى كملي وبعدها شتسوين

غنى: بعدها اكعد اقره قران قبل لا ابلش ادرس حتى ترتاح نفسيتي وانوب اكعد ادرس بهدوء حتى افهم الفكره ومن افهمها ادونها وهيج

فهد: بهدوء اني جنت عكسج اقره الماده بس مره وحده وما اراجع بعد واروح امتحن

اروى: اي والله جانت هالشغله داقتني اني اقره وارجع لوره واحير شسوي تالي فهد يجي يقراله ساعه وياخذ درجات كامله شفتي الظلم

غنى: ابتسمت جنت متوقعه فهد ذكي لان شكله يوحي بهالشي وكف فهد يم الفرن ونزل

فهد: باوعتلها عدكم خبز لو اجيبلكم اذا ما متاكده خابري خالتج خطيه رجل خالتج رجال جبير مومال يطلع

غنى: لا تسلم احنه نخبز بالبيت شكرا ماكو داعي تزحم نفسك

فهد: خوش

بتول: اكول غنى علاقتج بفهد حلوه

غنى: شلون يعني

بتول: يعني تحجون وفهد يسمعلج بانصات على عكس العاده يعني فهد انعزالي وميحجي ويه احد

اروى: شكو بيها تره عادي وغنى مو غريبه اختي هاي وبعدين فهد ميحجي ويه ياهو الجان بس الي يرتاحله فاذا كان مبتعد فهو بسبب الشخص نفسه

غنى: اباوع لبتول ثعولت هاي شبيها لاحظت عليها هي ومروه مدري شجاهن ويه فهد ولو حجه ويايه يضلن لو يخوزرن لو يبسمرن هسه احلى شي يطلع فهد حاجز وحده منهن اباوع اجه فهد جاب الخبز وصعد رجعنه للبيت مرت الايام بسرعه وبدت امتحاناتنه وفهد رجع التحق بس هالمره الوضع حيل يخوف لان راح تصير مواجهه بين الطرفين وهذا الي مخوفنه بيومها ودعته واني ابجي من الخوف عليه وراح فهد للموصل

حدود الموصل

مهيمن: انتو ملاحظين بعد اسبوع نطلع احنه

ايمن: اي وللاسف الضابط عادل والشباب الي وياا راحو البارحه وصار هجوم بيناتهم وكومه شباب استشهدو وجابوهم اليوم

مهيمن: الله يرحمهم متت قهر عليهم هسه همه لو يخلونه ندخل دخله وحده مو احسن المن مقسمينه

عمر: ميكدرون هاي مجازفه جبيره لو دزونه كلنه افرض همه درو اكيد ميترددون يذبون علينه مفخخات تموتنه بمكانه فقسمونه احسن وهم حتى دخلتنه تصير مفاجئه عليهم مو بوقت همه متوقعي

عمر: اباوع لفهد من وصلنه لليوم هو ساكت ماحجه ولا كلمه ... تدرون شباب

الولد: هاا

عمر: مااعرف ليش عندي احساس انو راح استشهد

فهد: اخذت نفس من الجكاره ... احساسك هذا كتبه بورقه وخلي ب

عمر : والله صدك انت متستحي.

فهد : الف مرة كلنه طاري الموت لتجيبو، احنه ما اجينه حتى نموت، احنه اجينه حتى ندافع عن بلدنه.

ايمن : فهد كافي تسوي روحك قوي، تره الوجبه الي راحت ويه زملائنه الضباط تلث ارباعهم استشهدو، واحنه بعد اسبوع نطب لنص الموصل، شتحجي انت؟

فهد : اني ما مسوي روحي قوي، بالعكس ميت قهر على الجاي يصير، عبالك سهله عليه اشوف زملائي الي صار سنين اشتغل وياهم جايبيهم شهداء، لو سهله عليه اشوف الشباب الي دربتهم لشهور طويله يجيبوهم الدم صاير بطولهم، لا عبالكم اني مرتاح، لا جاي اغلي ولهسبب ساكت، غليلي اريد اطلعه من نوصل لهنا.

ايمن : اني حلفت اذا رجعنه بخير وسلامه اروح ازوج واعوف كل السوالف المكسره، مااعرف بس حسيت الموت اله رهبه فضيعه، يعني لو لا سامح الله استشهدنه شلون بينه واحنه ولا حسنه عدنه، ومعقوله شهادتنه تنقبل وندخل جنه؟ شو استبعد هالشي.

فهد : هاي الشغلات ميعلمها غير ربك، ونصيحه اذا تريد تتوب توب لنفسك ولربك مو لان خايف تموت، انت ماكاعد تعقد صفقه ويه الله، اذا صار كذا اعوف كذا، كول اني اريد اتغير، لو انكتبلي عمر جديد وان شاءالله ربي يغفرلي، وخلي اكلك شغله، مادام انت مأذي بس نفسك وما معلم احد ولا مروج لاي فعل انت تسوي، يبقه ذنبك بينك وبين ربك وهو الي راح يحاسبك عليه، ومنعرف يجوز من توب يغفرلك.

مهيمن : وانت شوكت تتوب؟

فهد : ورثت جكاره ثانيه... وكت الي احس الي جاي اسوي غلط ساعتها اتوب.

عمر : تتوقعون راح ننتصر؟

فهد : ان شاءالله.

مهيمن : فهد انت ماخايف تموت؟

فهد : ماكو واحد ميهاب الموت، بس لو تسألني شنو الشي الي يخوفني اكثر من الموت اكلك خايف على امي، لو متت وين تروح ووين تصفه بيها، الدنيا هي وخواتي، اعرف اخوتي مابيهم حظ حتى الي من نفس امي مهمل، فما اكدر اامن عليهم يم احد، هذا كل ما بالموضوع.

ايمن : تفائلو شباب شبيكم، ان شاءالله كلشي يمر على خير ونرجع احنه والشباب سالمين ونعيش بحس اهلنه.

الولد : ان شاءالله.

سحر : طبيت على غنى للصاله، لكيتها كاعده على قناه الاخبار وتبجي، يربي شبيها هالبنيه، وضعها ما عاجبني هالايام، يومها كله تخلصه بس تبجي، حتى دراستها قليله، وهي على عدها امتحانات... ولج يمه شبيج؟

غنى : تعاي شوفي ولدنه شلون ديموتون بالموصل، شوفي خاله كلهم شباب بعمر الورد وديرحون، الله يساعد كلب امهاتهم، شلون بيهن.

سحر : الله يرحمهم ويصبر اهلهم يا يمه.

غنى : امين.

سحر : تدرين ولج الي يشوفج هيج تبجين يكول ابوج لو رجلج هناك.

غنى : باوعتلها وسكتت، اااه ياخاله لو تدرين روحي كاعده بالموصل هسه شتكولين... من راح واني صارت قنوات الاخبار اماني اربعه وعشرين ساعه مكابلتهن وكاعده ومرات للفجر اضل كاعده، وهالايام دتصير اشتباكات بين جيشنه والارهاب ويموتون كومه، وهذا الي حيموتني انو اخر دفعه هي الفرقه الي مسوؤل عنها فهد، وهاي اكبر واضخم فرقه، واني كلما بيه داموت على البطيء بسببه. اعترف اني احب فهد، احبه مو بس احبه اله اموت عليه هم، ولو صار عليه شي لا سامح الله ممكن اللحكه بنفس اللحظه. تذكرت اخر لقاء بيناتنه.

فهد : من وراج صرت جني مطيرجي اربعه وعشرين ساعه بالسطوح اتسحب بلكي الكفلي طير.

غنى : ابتسمت، باجر حتروح مو؟

فهد : اي، وكلت لازم اشوفج قبل لا التحق.. غنى ديربالج على روحج، اني هالمره رو حتي مطوله، فديربالج على نفسج وعلى اروى هم، لتعوفيها ابد، وحاولي تتجنبين كل احد، وخليج بدراستج.

غنى : فهد لتحجي هيج عليك الله.

فهد : تخافين عليه؟

غنى : طبعا اخاف عليك، صدك تحجي انت.

فهد : هاا شو كمنه نبجي.

غنى : بدموع، الله يخليك لتروح، والله خايفه عليك، عوف سالفه مكافحه الارهاب وخليك بالمركز، الله يخليك.

فهد : مسحت على راسها، ما اكدر غنى، هاي مسوؤليه وعلى كتافي، ترديني اكعد واكابلج مثل النسوان، واكو شباب عمرهم ببدايه العشرين، شباب ستوهم شافو الدنيا واجو تطوعو، بله مو عيب الاصغر مني يطلع واني الضابط فهد ابن اللواء سالم، اخاف اطلع.

غنى : هذا داعش يافهد، مواجهته مابيها شجاعه، هذا موت يافهد، ذوله غدارين ومعدهم كلب، ليرحون يأذوكم، دتشوف شسوو بشبابنه، نسيت قبل كم سنه شسوو بسبايكر؟ فهد دفنوهم وهمه عايشين، صارت مجزره مال شباب، فهد ماتو ورود بدون ذنب، لتروح فهد، اني ممستعده اخسرك.

فهد : اهدي غنى، انتي ماراح تخسريني، والي راحو مو احسن مني، واذا ما عندج علم فاني صار سنين ادرب واتدرب على هالمواجهه، صار سنين اشتغل واني مجهول الهويه وكلها تدور عليه، وضليت متمسك بشغلي حتى اوصل لهاليوم، تالي تكليلي انسحب؟ لا غنى، لو ادري موتي هناك يصير ما انسحب، صدك تحجين؟ زلم رجليهم على حافه الكبر ومتطوعين، ترديني اني الي مدرب وعنده صحه وعافيه اكعد واكابلج مثل النسوان.

غنى : تنهدت، اعرف كلامه صح بس مداكدر اتقبله... صحيح كلامك بس فهد امانه، ديربالك على روحك لخاطري فدوه.

فهد : بست خدودها ثنينهن، الي كاتبه ربج يصير، المهم هسه اني اجيت اودعج لان الفجر اطلع حتى اوصل من وكت، مثل ما وصيتج ديربالج على روحج وادعيلي دائما، انتي مؤمنه واكيد الله يحبج، ادعيلنه ننتصر ونرجع محررين الموصل.

غنى : حضنته بقوه، مثل الي خايف ليفقد شي، استنشقت عطره الي صار شبه ادمان الي... همستله ان شاءالله تروح وترجع بالف سلامه واني منتظرتك.

فهد : ابتسمت، يله مع السلام غنى.

غنى : الله وياك، همست ياروحها لغنى.... تنهدت، الله يرجعك بالسلامه... مرت الايام وفهد مارجع، والموبايل مل كد ما جاوبت، خلصنه امتحانات وهو ماكو خبر عنه، خاله ايمان شحالها واروى هم تكسر الخاطر، هال مده كلها فهد مخابر غير مره وحده بس، والمكالمه مطولت غير تلث دقايق وراح، واني من يومها داذبل من الخوف والقلق عليه.

صباحا.

فهد : مثل متعرفون صار اشهر كلش طويله نتدرب على حساب هذا اليوم، زرعنه هواي اشياء بداخلنه سواء جسديه او نفسيه ضد هالجلاب، وهسه اجه الوقت حتى نكطفها... باجر راح ندخل للموصل، هالحرب هاي مو على حساب نرجع بلد، لا هالمواجهه حتى ناخذ حقنه مربع من كل واحد اذه بلدنه وانتهك بناتنه وعرضنه.

باجر راح نقاتل حتى ناخذ حق كل ام بجت بدموع دم على ابنها ولليوم دمعتها مانشفت، باجر لازم ناخذ حق كل طفل تيتم بسببهم، باجر راح ناخذ حق كل بنيه من بناتنه اغتصبوها داعش وذبوها للموت، وراح ناخذ حق كل واحد صار نازح وتدمر مستقبله وبقه لا بيت ولا عائله ولا شي، باجر كون ناخذ حقنه من هالجرذان الي دمرو دينه واخذو منه غطاء حتى يطمطمون اعمالهم.

باجر هواي اشياء راح تصير، لتخافون، احنه بحمايه دعوه كل ام من امهاتنه من بعد حمايه ربنه، باجر لو نفوز ويتسجل اسمنه بتاريخ العراق، لونستشهد وياخذونه للنجف هاي اذا لكونه، نصيحه لتخلون شعور الخوف يسيطر عليكم، قاتلو حتى ترجعون لحظن امهاتكم واطفالكم، لتخلونه نموت تحت ايد هذوله.

: سيدي كلنه فدوه للوطن.

فهد : ابتسمت، والله يرحون فدوه لكل اظفر من اظافركم، شباب احنه ايد وحده واخوه، حتى لو ميجمعنه دين واحد ولا بيت واحد، بس يجمعنه وطن واحد، احنه كلنه عراقيين وهذا البلد بيتنه، ولاخير البي الي يعوف بيته مسيبه للرايح والجاي، اريدكم ذياب تغلب متنغلب، واني واثق منكم ومتأكد انتو كدها، واني والمسوؤلين منسوه شي بدون وجودكم.

: ان شاءالله كدها سيدي.

فهد : ان شاءالله، ضابط عمر.

عمر : نعم سيدي.

فهد : تاكد من كلشي وبلغني اذا احتاجيتو شي.

عمر : صار.

فهد : عفتهم ومشيت، احس روحي تعبان، صار ايام ما نايم غير بس ساعه وحده، ماكو تغطيه ولا اكدر اخابر اهلي ولا غنى بسبب تقربنه لحدود الموصل، وماكو تغطيه هناك لان غيرنه مكان المقر وتقربنه اكثر، ااااخ شيفض هالسالفه وارتاح.

غنى : كاعدين اني واروى ببيتنا...

اروى : لا من اخر مرة وبعد ما اتصل غنى خايفة عليه كون تشوفي باخر اتصال شلون صوته تعبان.

غنى : غصب عني نزلت دموعي واني اتذكر صوته من خابرني باخر مرة.

اروى : غنى انتي تحبين فهد مو؟

غنى : هاا لالا.

اروى : لتجذبين عليه اني شايفتج اكثر من مرة شلون تسرحين بي ولو متحبي شنو تفسير دموعج هسه.

غنى : بجيت اكثر.

اروى : لتبجين حبيبتي والله اني فرحانة لان وحدة مثلج تحب اخويه صدقيني مو ضايجة منج بالعكس واكبر دليل على حبج لفهد هو دموعج هنياله عنده وحدة تحبه مثلج.

غنى : اروى اني خايفة عليه.

اروى : مو اكثر مني مثل متعرفين فهد صارله فترة كلش طويلة غايب ولسه مارجع وكلنا خالين كلبنا بشيشة من الخوف عليه.

غنى : مسحت دموعي الله يرجعه بالسلامة.

ضلت يمي اروى شوية وراحت.

ثاني يوم العصر نشروا عاجل اشتباكات عنيفة جدا بين قوات الجيش وداعش.

كمت دخيلك الهي هاي الوجبة تابعة لفهد دخيلك ربي احمي.

خالة هالفرقة تابعة لفهد جوارينه.

سحر : يايمة الله يحفظه ويرده سالم.

سيف : سباع والله سباع من اول يوم وطيحوا حظهم صدك بطون طاهرة اللي جابتهم.

غنى : من جهة فرحانة لان كدروا ينتصرون ومن البداية ومن جهة ثانية خايفة لان هاي مو اول مواجهة يارب احفظ شبابنا وفهد من عرضهم.

ياسمين : سباع والله سباع عفية بوليدي عفية برفعة راسنا.

نسرين : هسه اللي يسمعج يكول فهد وحدة جاي يقاتل هناك.

ياسمين : فهد اللي مسؤول عنهم ولوما هو مدربهم عدل ما كانوا كدروا يمه بعد قلبي قلبك دومك عدل مارحت اعوج ربي نذر علي لو انتصروا ولدنا ورجع فهد سالم لاصوم شهر كامل واتكفل بعائلة كاملة طول شهر رمضان بس ردلي حفيدي سالم بجاه حبيبك محمد.

مهدي : امين يمة امين الله يحفظ ولدنا ويخليهم.

مرتضى : يحسسوني فهد نايم بحضن داعش هي مواجهة من بعيد ويتقاتلون بالسلاح شدعوة معظمين الأمور.

سامر : اذا هيج الشغلة سهلة عندك مارحت تطوعت لو هو بس حجي.

مرتضى : هاا ولك من شوكت توكف ضدي.

سامر : من تمسلت بالحجي اوكف ضدك بيا حال احنه العراق كله لازم قلبه صار شهر وانت كاعد تمسلت وتنفخ روحك براسنا شو دسكت.

مرتضى : يا ترى شجاي يصير هناك هسه.

فهد : بصياح شباب انتبهوووووو.

عمر : ايمن لك ايمن دير بالك.

ايمن : سيدي بسرررعة محتاجين دعم فورا العدد جاي يقل والوضع خطر الوووو تسمعونيييي اااااخ.

: سيدي انتبه.

مهيمن : اييييمن.

: جريته سيدي بيك شي.

ايمن : بألم تصوب كتفي لتخافون مابيه شي انتبهو انتو.

فهد : اباوع للشباب كاموا يوكعون كدام عيني لا ولكم لااااااا.

سحبت اقسام وكمت اضرب شكو شي يصير كدامي.

قذفو المدفع بسرعة (اعتقد هيج اسمها) ويييييامن احجيييي انيييي.

مهيمن : مو بكيفنه لسه ما انطوا امر نقذفها عليهم.

فهد : بعصبية يااااا نعال.

الشباب جاي يموتون صدك تحجوووون انتو ارمو راح نخلص ولدددددد الكلب راح يموتوووون الشباب لك صباح ابن الكح... انطييي امر بالقذف.

اباو ع لواحد طاح كدامي لا يا الله بس لا هو ركضت وهمه يضربون علينه.

جريته اباوعله هذا مهدي صارت عيني على الطلقة جايه بقلبه.

صحت لا مهددددديييييي لاااااا وللللك كوووووم بعددك عريسسسس ماشبعتتتت من مرتك اكعددد ولك مهديييي.

عمر : لك فهددد سلاحك جره راح تتصوب.

فهد : حسيت روحي طلعت واني اشوفه شلون ينتفض بالكاع خليته على رجلي ولك مهدددي احنه شحجينه مو كلنه راح ننتصر ليش متووو ليش ولكم خلصنه مابقا شي ونخلص ليش متوو ليش.

كمت اصرخ ولكم حتى مالحكتو تنطقون الشهاده ياربي ليش هيج مهدي بعده عريس ليش خذت روحه بعده ماشبع من مرته ربي مرته حامل وراح يجي ابنه يتيم ليش الهي ليييييش شنو ذنبه هالطفل.

سحبت سلاحي واني احس نار شاعلة بيه كمت واني اصوب عليهم ماهمني شي لا نفسي ولا اهلي ولا الوعد الي قطعته لنفسي ولا اي شي كل الي يهمني اخذ حق الي راحو بهاللحظة واولهم مهدي.

ايمن : لللللك فهد وين رايح تخبلللللت.

مهيمن : يمعود ووووين رايح.

عمر : فهدددددد لتتقرببببببب.

صباحا

غنى : كاعدة واكل باظفاري الوضع كولش تأزم وداعش ديقضون على ولدنا ياربي احفظهم وانصرهم دخيلك.

كمت اريد ادخل للمطبخ اساعد خالتي وسمعت صوت صياااح من بيت فهد.

باوعت لخالتي وطلعت اركض اني وياها.

لكينه الحجية ياسمين كاعدة بالباب الصالة وتالعة شيتلها وتلطم وخالة ايمان تبجي وتهلهل.

اباو ع الولد يبجون بحركة والبنات هم وجعني كلبي واني اباوعلهم.

ياسمين : سودة بوجهي علييييك بيبي سودة عليه عليك يابو طول الحلووو ولك بعدك ماشفت شي من شبابك ليش رحت ليش.

ايمان : بدموع كلللوووووش وليدي راح للجنه هنيالك يايمه هنيالك جيبولي وليدي خلييي ازفه ولك يمه علي جيب اخوك خلي نزفه كبل لايدفنو اخوك ما عرس خلي نعرسه كبل لا يدفنو.

علي : اااااه ولج يمه سكتيي سكتي مامصدك اخويه راح بهالسهولة.

غنى : جريت اروى اريدها تجذب للي سمعته احجي اروى شبي فهد احجييييي لتسكتين.

اروى : بدموع ولج غنى فهد راح استشهد اليوووووم الفجررر.

غنى : صرخت لااااا لتكوليهااااا اروى لاااا حبابه.

بدموع ولج غنى فهد راح استشهد اليوووووم الفجررر

صرخت لااااا لتكوليهااااا اروى لاااا حبابه

ولج اخووويه راح ماعندي سند بعد فهد عافنه وراح

همست شلون مات كليلي شلون مات

بدموع ضربو عليهم مدفع وفهد جان بالمقدمه فاخذته وانتهى بنفس اللحظه ولج يكولون كل قطعه من جسمه بمكان جسم ما اله ياغنى ولج امي تريد ندفنه ومتدي ماكو جسم اله وين ندفنه وهو صاير طشار

تيبست بمكاني لا لا مستحيل هي هاي تاليتك يافهد تموت هيج موته .... اباوع للحجيه كاعده تنعى وخاله ايمان ساعه تبجي وساعه تهلهل اني فصلت عن العالم الخارجي معقوله فهد راح خلص يعني مات وعافني مكادره استوعب الي سمعته وكفت الدموع بعيني احساس غريب راودني حسيت الدنيا انتهت وكلبي كام ينزف قبل دموعي لمجرد تفكيري انو فهد خلص بعد عافني مثله مثل اهلي وبيبي ومروان همست حتى حب حياتي يادنيا استحسفتي تعوفي الي حتى هذا خذتي مني وين انطي وجهي المن الجئ واشكي بعد فزيت على صياح رفعت راسي شفت مروه تصرخ تحاضنت هي وام مرتضى وكامن يصرخن

عليكم الله كلولي الي سمعته جذب عود صدك فهد مات

مات ابن عمج يعمه ولج ماتت ايمان صفيتي وحيده ومالج احد معينج وسندج ماات خذاه الموت بعين صلفه .... هي كالت هيج وايمان انهارت

خليت حجابي على وجهي وبجيت سوده عليه ولك يمه المن عفتني المن ولك حبيبي بعدك لسه ماعرست ماشفت جهالك ياروحي انت ولك فهيدان ابو لسان الباذر ارجعلي يمه ما اكدر على فراكك وليدي يافرحتي منو الي ولخواتك بعدك آااااه ولج يمه لحكيلي وليدي سلبو روحه اولاد الحرام ربي ابني يمك ديربالك عليه هذا عزيزي ربي

خاله غنى شبيج

هزيت راسي والدموع مستقره بعيوني شجاوبها شكول ماعندي الصلاحيه حتى ابجي شكلهم الراح رجلي وحب حياتي الراح شخص كل يوم احلم اصير جزء من حياته شكول الدنيا اخذت مني اخر اعز شي عندي صفيت روح خاويه بدون احبابي امنيتي اصرخ مثلهم واخرمش وجهي اريد اطلع حركتي اريد ابجي على حبيبي بس ما اكدر حتى من هاي محرومه ومكتوب عليه اضل صامده وساكته

عباس : بويه حارث ماخابروك بعد

حارث : خابرني المسوؤل لاكين جسمه بس ميكدرون يجيبو من الموصل لان سكتت ودموعي نزلت بويه فهد صاير طشار وكل قطعه منه بمكان محتمل حتى مادفنو الباقي منه

مهدي : خال ايدي على راسي وكاعد كلشي توقعت بس فهد يموت بهالطريقه هاي الي ماجنت متوقعها

محسن : بويه تعال بسرعه الحجيه تخربطت

مهدي : كمنه ركض دخلنه جوه اباوع لامي مملخه روحها تملخ لزمت اديها ولج يمه هذا قضاء وقدر حرام الي جاي تسوي انتي مؤمنه بالله والمفروض تعرفين هاي الروح راجعتله واجه الوكت انو تترك الدنيا وتصعد للي خلقها كافي تسوين هيج بروحج اذا انتي قويتنه وجبيرتنه هيج تسوين لعد شلون تردينه احنه نتحمل

ياسمين : يامهدي ابن اخوك ماتهنى بحياته جاب عمره من الصغر مشلوع كلب شبع طن اهانه وضرب من ابو ومن كبر وراهق الابو مات وعاف على عاتقه عائلتين ومن كبر وصار رجال جبير خذته الدنيا بمشاغلها ومشاكلها وتالي المتالي استشهد وهو كلشي ماشاف من هالدنيا ابن اخوك انولد مظلوم ومات مظلوم ليش ولكم ليش ربي حفيدي بعده بعز شبابه شنو الشافه من هالدنيا الغبره حتى تاخذه

سعاد : اهدي حجيه هذا امر الله ميصير هيج تحجين

نسرين : بدال ما تبجن كومن خلي نبدي نجهز للفاتحه دموعجن هاي متفيده كومن اقرن قران سون شي تره تأذو من تسوون هيج

ايمان : بدموع فاتحه فهد متتسوه اذا ميجيبو لهنا اذا جسم ابني ميدخل لبغداد ماكو فاتحه فتهموووو

عباس : والدمعه مغرغره بعينه خويه ابنج ماله جسم يكلك لاكي مكطع من قوه المدفع منكدر نجيبه يا ام فهد

ايمان : لطمت على وجهي سوده عليه عليك يمه حتى الدفنه محروم منها جاا من اشتاقلك وين اروح الي صبرني اكول لابد اكو اله كبر من تضيق بيه الدنيا اروح ازوره انوب حتى هاي انحرمتي منها يا ايمان

سحر : صلِ على محمد ام فهد هذا قضاء ربج وقدره وكلشي بهالدنيا يصير لحكمه وربج لوما يحبه مياخذه شهيد المفروض منج متبجين بالعكس تفرحين لان ابنج سبع ورجال لوما رجال ميروح يدافع عن شرفه وبلده فرحي ام فهد ابنج الله كتبله الجنه

ساره : اباوع لغنى ساحت بأديه ... غنى غنى يمعوده شبيج لزمتها يمعودات البنيه وكعت

غنى : خارت قواي وماكدرت اضل واكفه وكعت احس رجليه بعد ميحملني صار فتره واكفه واسمع كلامهم واحس كل حرف يطلع منهم مثل السهم يدخل لكلبي

عبير : اخذت كلاص مي غسلت وجها غنى حبيبتي تسمعيني شبيج احجي يمعوده

غنى : متحملت بعد بسرعه بجيت اجتي اروى حضنتني وكمنه نبجي

اروى : همستلها سوده عليه ادري الي صار اذاج بس حاولي تضغطين على نفسج لينتبه احد عليج

غنى : هزيت راسي بهدوء ومسحت دموعي

سحر : اجيتها بسرعه شبيج يمه

غنى : دخت شويه كمت لازمه ايدها اني حروح للبيت ارتاح انتي خليج هنا لتعوفين خاله ايمان خطيه درت وجهي وطلعت كوه امشي الزلم تارسه الشارع ماكو محط رجل صار كدامي مرتضى

مرتضى : شبيج غنى شو احسج تعبانه صاير شي

غنى : مجاوبته دفعت الباب ودخلت صعدت لغرفتي طبيت وسديت الباب رحت طلعت الجفيه مالته خليتها على خشمي و صحت بصوت عالي فهدد ليش عفتني ليشششش هو هذاا وعدك مو كتليييي ماراح تخسرينيييي هاي اني خسرتك وهاي انت عفتني منو الي اني بعد اذا انت رحت واهلي راحو ومروان وبيبي راحو منو بقالي المن عايشه اني المن عفتوني وانتو تدرون بيه ما اكدر بدونكم يربي ليش ما مقسوملي ارتاح ليش شكو شي احبه ينوخذ وكدام عيوني اليوم الفجر رفعتلك ايدي وكتلك احفظه الي ربي تالي بنفس اللحظه اخذت روحه زين معقوله اني كولشي ادعي بي يصير العكس ليش ليش ربي مو اني احبه وروحي صايره بي حتى لو يشرب ويدور نسوان احبه حتى لو ميصلي ويصوم اريده ما اكدر بلا اموت والله اموت ضربت على كلبي شلون بيك انت شوكت توكف وتخلصني الى متى تضل متحمل كل هذا الى متى كعدت وحضنت جفيته ياروح غنى وين رحت وعفتني ياعمر غنى انت وين انطي وجهي بدونك وين .. ضليت حاضنه جفيته وكاعده وكلما اسمع صرخه جايه من بيته احس روحي تطلع للمغرب اجت خالتي سمعت صوتها خليت الجفيه جوه المخده ومسحت دموعي

سحر : فتحت الباب وعلكت الضوه شفتها كاعده اباوعلها عيونها دم ووجها احمر وضع هالبنيه ماعاجبني صار اشهر هذا حالها واليوم تخربطت مدري شبيها اجيت كعدت يمها شبيج غنى عليمن هالبجي هذا شدعوه هالكد مكطعه روحج على الولد شنو من بقيت اهلج هو

غنى : باوعتلها وحجيت بنبره عاليه يعني شرط يكون واحد من اهلي حتى انقهر عليه انتي دتشوفين الي صار شاب ومات شلون مترديني ابجي عليه خاصه هو بالذات اله افضال عليه بكد شعر راسي فهد ماعافنيييي بالوقت الي انتييي والدنيا عفتونييي بيها فهد سوالي هوايييي اشياء ماجان اي احد يفكر يسويهاااا الي ومن تالييي جايتني تسأليني ليش ابجي عليه صدوك تحجين انتيييي

سحر : اعرف افضاله هواي وحتى لو مامساعدج يبقه شاب واستشهد حاله حال الشباب بس دموعج وانهيارج هذا مو مال وحده مقهوره وبس الي يشوفج يكول هاي اخته لو مرته والاصح مرته لان بس المره تبجي على رجلها هيج من بعد امه غنى وضعج ابد ما عاجبني وياخوفي البالي يطلع صحيح

غنى : درت وجهي عنها والله لو تدرين كل كلامج التستهزئين بي حقيقه وفهد فعلا رجلي حتى لو كان زواجنه شكلي بس يبقه امام الله رجلي وفوك هذا الانسان الوحيد الي كلبه دكله وراده تالي خوش اخذته الدنيا مني

سحر : مسحت على كتفها كافي بجي الله يرحمه ويجعل مثواه الجنه ولو هو شهيد اكيد مصيره الجنه يله كومي غسلي وجهج واكليلج لكمه اني اجيت ابدل وارجع يم ام فهد المره منهاره وحال الضيم حالها وانتي باجر تعاي الصبح حتى تساعدينه لان راح يبدون بالفاتحه باجر

غنى : باوعتلها بسرعه فاتحه شنو شلون يسووله

فاتحه وهمه لسه مجايبي من الموصل

سحر : مو سمعتيهم يكولون هو وكل الشباب الي وياا مالهم اي اثر بس قطع لحم واجزاء متقطعه وين يجيبوهم وهمه حتى اجسام مالهم فكالو باجر يباشرون بالفاتحه احتراماً لروحه

غنى : بدموع زين همه غير يشوفو بعينهم ياله يباشرون بالفاتحه

سحر : المسوؤل بنفسه مخابرهم ومبلغهم وكايللهم ابنكم استشهد تعاي شوفي الدنيا مكلوبه هسه بسبب الي صار لان الواضح الولد فد شي جبير ه الي مخبوصه الدنيا عليه تعاي شوفي الشارع مينطب خواله من البصره اجو كلهم ومعارفهم كلها اجت البيت انترس ناس وكلها تبجي عليه لان بعده صغير واستشهد يله اني اعوفج وهااا ما اوصيج اكلي

غنى : هزيت راسي وتمددت عسى الي صار بيه ولابيك لابد اني لو متت محد يهتم اله انت الدنيا كلها معلكه بركبتك غمضت عيوني وكمت حتى اصلي وكفت على السجاده و ويه كل سجده ينزل شلال دموع من عيوني اخر شي تركت الصلاه لان ميجوز ابجي اله من الخشوع قطعت صلاتي وبجيت بكل حركه كلب حسيت كل المواجع التمت عليه تذكرت موت مروان وحسيت بركان اشتعل بداخلي اريد ما بقه شي متذكرته بيومها بجيت بجي بحياتي مباجيته حسيت نفسي خسرت كولشي بهالدنيا

شهد : بدموع ولج كافي ملختي روحج تملخ

مروه : عوفيني شهد عوفيني راح اموت لج الانسان الجنت منتظره يرجع حتى نرتبط اني وياا مات ولج فهد الي جنت ادعي بكل صلاه الله يجعله من نصيبي تالي اخذه الموت ليش

شهد : هذا قضاء الله شنريد نسوي يعني تعاي شوفي حارث شلون صاير يكسر الخاطر هو ومحسن يبجون بدموع دم عليه ولج عمي عباس الي جنت اكول عليه قاسي لكيته حيله منهد الصار اليوم اذانه كلنه فهد عزيز على الكل لان عمره ما اذى احد دومه كافي خيره شره

مروه : لج ابويه يموت على فهد تعرفين شنو يعني يموت عليه يكول هذا مشلوع كلب مثلي تعاي كليلي شسوي هسه اني جنت عايشه ومنتظره فهد تالي يموت

شهد : لا اعتراض على حكم الله

مروه : مسحت دموعي شفتي غنى شلون وكعت اليوم للحظه تخيلتها على حساب فهد طاحت

شهد : استغفر الله احنه بيا حال البنيه مريضه و وكعت من التعب يعني لازم كلشي تسوي سالفه

مروه : وبجيها شنو تفسري

شهد : انتي صدك تحجين اي واحد بمكانها كان راح يبجي واحد وراح شهيد وكلا التراب شترديها تضحك اكيد تبجي تردين افتحلج التلفزيون واراويج الاهالي شسوو من استملو خبر وفاه اولادهم تره الي ديصير ببيتنه صار بنفس اللحظه بالالاف البيوت العراقيه يعني العراق ينزف اليوم مو بس على فهد على كل الشهداء فلتضلين تمسلتين فتهمتي عفتها وطلعت

ساره : طبيت للغرفه شفت خاله ايمان والبنات كاعدات يبجن خاله تعالي اكلي من الصبح لسه انتي والبنات ماخليتن قطره ماي بحلكج

ايمان : بدموع شلون ترديني اشرب واكل واني ما ادري ابني مات وهو جوعان مدري عطشان مدري تعبان سوده بوجهي عليك يمه

ورده : بدموع يمه يعني فهد بعد منشوفه ماراح يرجع بعد

ايمان : ولج ورده سكتي سكتي

ساره : اباوعلهن شكلهن يكسر الخاطر خطيه فهد ميستاهل رغم شايف روحه وماصدك وميحترم احد بس مهما يكن يبقه شاب ومات بدون ذنب تنهدت وطلعت للصاله اباوع الحجيه لسه عدنه وماسكتت لحظه كل ساعه توكع وبنات عمامه هم موجودات اباوع لعمتي مانزلت ولا دمعه ولا كأن الي جان معيشها فهد حتى فيصل ماشفته بجه احسه ماخذ الوضع عادي رحت وديت الصينيه وصعدت لغرفتي ارتاح شويه احس روحي راح اجيب واني بعدلي شهر طبيت لغرفتي شفت فيصل هاي شعندك هنا

فيصل : سدي الباب اريد انام

ساره : شنو تنام والناس الي بره

فيصل : شسويلهم يعني قابل وجودي راح يرجعلهم فهودي

ساره : تره المات اخوك من لحمك ودمك ليش احسك ما مهتم

فيصل : واذا اخويه يعني شنو اكعد انعى عليه العمر كله راح لدار حقه ومات شسويله يعني

ساره : منذر وعلي ملخو رواحهم عليه وانت تكلي شسويله يعني انت شنو من بشر لك اني الي احير شسوي واليدوسلي على طرف احركه لو صاب اخوتي وخواتي الهوه اتهستر رغم همه كلشي ما مسويلي وانت اخوك المكعدك ببيته ويصرف عليك وعلى امك ونسوانك هيج تجازي حتى متضوج على موته عوف مشاكلك الشخصيه وياا انتو اخوه والدم يحن لو مهما يكن

فيصل : اهوووو شو خلي اروح يم آلاء اني صوجي اجيت يمج والله دنعل ابوج لابو روح فهد

صباحا

غنى : اليوم اول يوم لفاتحه حبيبي طلعت ويه خالتي اباوع ناصبين جوادر بالشارع وخالين قطعه على الباب تنعى على فهد والله ما اكدر اتحمل كل هذا ربي بلكي يطلع هذا حلم واصحى منه ما مصدكه اليوم فاتحه فهد طبينه جوه اباوع لامه وخالاته يمكن يلطمن والحجيه متخربطه وكاعده على الكرسي وتبجي انهاريت واني اسمع النسوان تعزي وتكل لخاله ايمان البقاء في حياتج رحت دورت على اروى لكيتها كاعده بزاويه سانده راسها على نرجس رحت يمهن بس شافتني حضنتني وبجت بصوت عالي

اروى : آااه غنى بس انتي تحسين بيه بس انتي ولج راح اموت شمعه البيت راح منو ينور البيت بعد منو يدافعلي بعد انطفت شمعتنه ياغنى انطفت

غنى : همست بدموع كافي اروى الله يخليج لتحجين هيج كلامج هذا يدمرني عفتها وكمت احس روحي اختنكت اباوع لنرجس كامت وراي

نرجس : ولج غنى ما مصدكه هالولد الجنه ورده هيج يصير بي هذا الصاك الي صار سنه اتغزل بجماله وهيبته يستشهد ما مصدكه والله

غنى : غسلت وجهي المليان دموع اتمنى ادخل بنص العزاء واصرخ مثلهن واكله تعال حبيبي وين عفتني شلون تعوفني وتروح احنه شتفقنه مو كلنه متعوفني بس ما اكدر بصفتي منو اسوي هيج اكلهم مرته منو يصدكني ... طلعنه كعدنه بالصاله لان ماكو مكان بالاستقبال سمعت خاله ايمان كامت تنعى واني انتهيت

ايمان : كبرك وينه ، جاوب يمهحتى الزم بترابة واشتمهترابه الكبرك صاير بيديفرحني وسولف يوليديسولف واحجي لو بس كلمهوينك يمة تعال يمه فهد بعد كلبي كلبك دليني عليك حبيبي دليني عليك يانظر عيني انت

ليلى : ولج خاله راااح اخويه راح فهددد بعد متشوفييي يخاله بعد مينام بحضنج ولا يطل عليج ولج خاله بعد متسمعين حسه ويصيحلج وينج يمه

نسرين : راح يا ايمان راح وليدج راح راح وهو بعده مامعرس تذكرين ايمان شلون جبتي وتعبتي عليه تذكرين شلون جان يناغي ويلعب بحضنج ابنج صار ذكرى حلوه تذكريها ومتشوفيها بعد

ايمان : كامت تخرمش بوجها صخام الصخمنييي ولجنننن كافييي كافي حرااام عليجن لتذكرنييي بهالمواقف ولك فهيددان دبسزززز هيج تسوي بيه ولك هي هاي جزات تعبي عليك تالي تعوفني

حياة : كافي شبيجن تخبلتن هو هيج ليش تخبلنها بهالحجي حرام عليجن ايمان حبيبتي بس باوعيلي كافي ولج مردتي وجهج هذا قضاء وقدر وانتي مؤمنه لتسوين هيج

ايمان : حياة وليدي راح وماشبعت منه والله ماشبعت لا منه ولا من شوفته شنو ذنبه صار رماد شنو الجريمه الرتكبها ويموت هيج موته

ضحى : المفروض تفرحين لان بطنج جابت بطل لوما بطل ميروح لساحات القتال ويستشهد ولج حالج اهون من حال الي ستوها معرسه ابنها والي ستوها مرته جايبه ابنج احسن من هواي عالم ... فهد مات وهو مرفوع الراس لتسوين هيج بروحج المثلج تمشي مرفوعه راسايمان : رفعت ايدي الله لا يوفقكم الله لايرحمكم ولكم ليش كتلو ولدنه ليش دمروتنه ولكم عساكم بحركه كلب كل ام نامت ودمعتها على خدها شنو ذنبه ابني شنو ذنبه يموت وهو حتى كبر ما اله ياناااااس ياعاااالم .... شنو ذنبه

غنى : هنه يحجن واني ابجي الوحيده الي منهاره مثلي هي خاله ايمان بس لابد هي تصرخ تبجي تملخ نفسها اله اني ما اكدر حتى اكابلها وابجي شعوري ما اكدر اوصفه لأي احد احس هيج قطعه من روحي وانشالت لو شكد ما اشرح ما اوصل ذره من الاحساس الي داحسه مر اول يوم بصعوبه على الكل واولهم اني رجعت للبيت بوجهي نمت من التعب والبجي عيوني يوجعني وبطبطن من البجي حتى خالتي لاحظت هالشي بس غلست واني ميهمني اذا احد عرف او لا

بتول : كاعده وخاله ايدي على خدي يعني هسه كلشي انتهى

سعاد : للاسف اي فهد مات هسه واني حايره وره الفاتحه شلون راح يصرفون املاكه

بتول : تتوقعين المن ينطوهن

سعاد : علمي علمج بس اعتقد لعلي لان فهد مستحيل يسلم شي النه هاي اذا ما طلع مسجل املاكه قبل بوقت باسم واحد ثقه

بتول : وهسه شراح يصير لا اني الحضيت بفهد ولا اني الحضيت باملاكه يله وين تخطيط سنين التخططين اله هاي فهد مات وكلشي ماحصلنه

سعاد : قابل اني شدراني راح يموت شنو اعلم علم الغيب شو انتي متعرفين تحجين

بتول : ما ادري خاله ما ادري كليلي شراح نسوي هسه

سعاد : دخلي تهدئ الامور واني اتصرف وادعي لربج تصير الاملاك لعلي لان هذا طرطير ونكدر نلف راسه مو مثل ذاك عقله عقل بليس ابتسمت يله الله يرحمه شنسويله البركه بعلي هسه

ثاني يوم

غنى : اليوم ثاني يوم الفاتحه حاولت اسيطر على نفسي قدر الامكان وكمت اساعد البنات بالمطبخ ما اريد اختلي بنفسي واتذكر اي شي اخذت كاسات المي انطيتهن للبنات وطلعت شفت وحده طبت تولول وتنعى بصوت عالي ركزت بشكلها احس روحي شايفتها بس ما اعرف وين ... سألت ورده منو هاي

ورده : مسحت دموعي هاي اخت مرت خالي محمد ازهار

غنى : باوعتلها طبت تلطم على وجها مدري ليش صارت عندي ردة فعل من شفتها

ساره : غنى حبابه تعاي ويايه بالمطبخ ذني كاعدات وضاربات الوضع عرض الحايط

غنى : هزيت راسي وكمت وياها للمطبخ اساعدها اباوع للنسوان اكو الي كاعدات يبجن واكو الي ماخذات زاويه وكاعدات يسولفن ويضحكن بدون خجل ولا احترام للعزاء اباوع اجتي وحده تصيح بنتي ماحصلت وكلبت الدنيا ناس جوعيه مجايه حتى تعزي جايه على حساب الاكل والسوالف ولو اني شعليه بيهن تنهدت وينك ياعمري تعال اريد اشكيلك حالي

ساره : شبيج غنى شنو هم رجعتي تخربطتي

غنى : هزيت راسي بدموع لا مبيه شي ... شلت الصينيه انطيتها الها ومر اليوم هيج لثاني يوم اني ماغمضت عيني الصبح هنا ولليل ياله ارجع ويه خالتي هلكانه ومن اخلي راسي على المخده تهيج عليه كل المواجع وماكو غير المخده اكتم بيها صياحي والالم الي بداخلي جفيه فهد خلص عطرها كد ماشميت بيها حتى صلاه اله ما اكدر اصلي مداستوعب انو مصير فهد صار مثل مصير اهلي ... صبح عليه الصبح واني عيوني مفتحه منتظره واحد يكعدني من هالحلم لكن هالحلم للاسف واقع اليوم ثالث يوم الفاتحه والي انكلبت الدنيا بيها اهله مسويله عزاء كولش جبير .... ما اصدك اليوم صار على وفاة فهد تلث تيام واكفه واسمع الملا تنعى وابجي اجتي مروه

مروه : ببرود اريد ماي

غنى : هناك يمج

مروه : اكدر اعرف على شنو تبجين

غنى : باوعتلها عفوا منج مافهمت

مروه : ليش تبجين شيصير منج فهد وتبجين عليه مو عيب عليج

غنى : يعني شرط يصير مني ياله ابجي عليه تره الي استشهد واحد من مليون شاب عراقي ودموعي هاي مو بس عليه لا على كل الشباب وحتى لو كانت دموعي بس عليه هذا شي ميخصج خليج بنفسج احسن

مروه : جريتها من ايدها شوفي ولج اني بوضع هسه ميسمحلي ارد عليج لزمي حدج ومن تحجين ويه اسيادج تدنكين راسج مو تحجين بعنتكه فتهمتيي ومن واحد يحاجيج جاوبي على كد السؤال

غنى : جريت ايدي منها رجاءاً لتجاوز... سكتت من سمعت صوت صياح وصريخ بره مروه باوعتلي وطلعت تركض طلعت وراها اباوع النسوان كلها طلعت بره بخوف شكو شكو طلعت وراهن اباوع خاله ايمان والبنات حاضنات علي ويبجن

ايمان : بدموع ولك صدك تحجي

علي : والله يمه والله خابرنه المسوؤل وكال فهد ستوه وصل لبغداد وهسه جاي بالطريق هو والشباب

ايمان : احجي واديه يرجفن شنو ستوه دخل لبغداد مو كلتو م مم مات

علي : والله ماادري يمه هذا المسوؤل صباح ابن الكلب هو الخابرنه وكال ابنكم استشهد وهسه خابرني غانم كال اجتهم اخبار فهد وصل لبغداد ستوه مااعرف التفاصيل بعد

ياسمين : ركعت بالكاع كللللووووووش الف الحمدلله والشكر دخيل اسمك ربي وحق الحق لو هالخبر صح لسوي سوايه ما سواها واحد قبلي

مهدي : ابتسمت دصلِ على محمد يمه كومتها خلي يجي الولد والله كريم عود نذري براحتج

غنى : هذا الحجي كله واني واكفه متبسمره بمكاني وصافنه مابدرت مني اي ردة فعل مااريد افرح ويطلع هالخبر جذب اباوع للوجوه استبشرت الحجيه امرتهم يشيلون الجوادر والقطعه وخاله ايمان كامت تفتر وتقره ايات قرانيه اباوعلها لازمه كلبها والابتسامه ماليه وجها

اروى : مسحت دموعي الحمدلله ربي فدوه لاسمك الهي باوعت لغنى الي صافنه رحت يمها هزيتها بهدوء لج غنى طلع فهد عايش باوعيلي ولج

غنى : وخرت ايدها ....بدموع مستحيل اصدك اذا ما اشوفه بعيني

اروى : هسه جاي بالطريق شويه ويوصل وتشوفي بعينج

غنى : ضل الكل واكف بالصاله والطرمه على امل يطلع الحجي صحيح ويدخل فهد شويه وسمعت صوت الهلاهل غمضت عيوني وبجيت عرفت الحجي صحيح وفهد عايش تقربت وكفت يم شباك المطبخ

اباو ع الدنيا انكلبت بالطرمه الزلم يهوسون بالطرمه وفرحانين بي وخاله ايمان كل شويه تريد تطلع ويلزمنها النسوان فتره طويله ياله دخل فهد خدرت اطرافي من شفته دخل بس لمحته ودموعي نزلت عشره عشره حاولت اركز عليه بس مشفت منه بس قميصه مال الجيش لان مدنك بالكاع وحاضن الحجيه وامه اخذتني رجليه طلعت بالصاله اباوع عليهم

ايمان : ااااااخ ولك كسرت ظهري بروحتك يمه

فهد : لارد

ياسمين : لزمت وجهه ولك باوعلي الله لايوفقهم هاي شصاير بحالك احجي يمه بيك شي يوجعك شي

فهد : بهدوء لا

غنى : اباوعله كام كتفه ملفوف وراسه هم اباوع راحن خواته جيتن بحضنه ويبوسن بي وهو حضنهن شكد تمنيت اروح ركض واشمر روحي بحضنه بس ما اكدر

اروى : الحمدلله على سلامتك بعد كلبي ردنه نموت وراك والله

فهد : بست راسها اسم الله عليكم هاي اني رجعت مابيه شي بعدتهن عني سلمت على الكل واجت مروه لزمت ايدي وكامت تبجي

مروه : الف الحمدلله على سلامتك والله اجيت اموت من سمعت الخبر الحمدلله بدال المره الف لو صاير بيك شي نموت وراك والله

فهد : طبطت على ايدها خلص اهدي مابيه شي كافي بجي

غنى : ضل فتره كاعد بالصاله وخاله ايمان حاضنته شويه وكام

فهد : يله من رخصتكم اني تعبان اريد ارتاح شويه

الكل : براحتك

غنى : اجه يصعد وصارت عينه عليه وكف بسرعه حسيت نفسي فصلت ومابقه كدامي غيره هو ضل واكف اباوعله تقرب خطوه لكدام بس تراجع وصعد فوك بخطوات مليانه تعب ... درت وجهي اباوع التعازي صارت مباركات والنسوان كامت تهلهل وخاله ايمان الضحكه ملت وجها شفت العالم التهت وكلها كعدت ... حسيت رجليه تاخذني للدرج نسيت العيب ونسيت الحرام ونسيت كل العالم كل الي اتذكره انو اني اريد اوصل لفهد صعدت فوك بسرعه امشي واتخبط اريد بس اوصل لغرفته شفتها وعبالك شفت باب الجنه دفعت الباب ودخلت شفته دار وجهه عليه اباوعله نازع وباقي بالنطرون بدون شعور ركضت وذبيت روحي بحضنه ودموعي تسابقت على خدي حاوطت كتفه ودفنت راسي بصدره ... تنشغ ليش عفتني ليش مو حرام عليك اجيت اموت من وراك هو هذا وعدك الي مو كتلي ما اعوفج وماراح تخسريني هاي انت خلفت بوعدك وجذت عليه

فهد : حضنتها بأيد وحده لان الثانيه متصوبه شديت عليها آااااه غنى كون تشوفين شلون الشباب تكتلو وماتو واحد واحد لحد الان صورتهم متروح من بالي صدكي واني بعز الموت خفت لا استشهد واعوف امي واعوفج

غنى : بدموع فهد لو صايرلك شي جان متت وراك والله اني ما اسوه شي بدونك

فهد : مسحت على راسها اااشششش خلص اهدي هاي اني رجعت وكلشي مابيه لتخافين مو اني الي اخلف بالوعد كتلج ما اعوفج ولا راح اعوفج واني عمري ماخلفت بوعدي كافي حبيبتي كافي بجي شوفي حالج شلونه

غنى : شلت راسي باوعتله ودموعي تنزل اني مالي وجود بعدك فهد غنى مالها وجود بلاك للحظه تمنيت اني بدالك اموت وانت تبقه عايش بس لحد يكلي فهد مات

فهد : سندت راسي على راسها عسى عمري كبل عمرج لتحجين هيج ما مسموحلج تجيبين طاري الموت كدامي

غنى : لزمت وجهه انت موجود هسه اني مداحلم مو

فهد : حركت خشمي على خشمها وبستها بخدها لا متحلمين هاي اني موجود كدامج وبالعلامه هاي اني بستج هسه

غنى : ابتسمت من بين دموعي يعني مراح تعوفني بعد

فهد : اخذت ايدها بستها تعمى عيوني لو اعوفج

غنى : حضنته اسم الله عليك عسى الاذى الي يصيبك بيه ولا بيك

فهد : قربتها عليه واستشقت عطرها وغمضت عيوني عفيه عطر تسكن روحي لو شميته بست راسها وقربتها اكثر

بتول : صعدت فوك حتى ابدل هاي هدومي تنكعت من وره كاسات الماي ولعب الجهال مريت من غرفه فهد وسمعت صوت بجي استغربت هو مو كال راح ارتاح مااريد احد يصعدلي .... فتحت الباب على كيفي وجان انصدم والله العظيم ما مصدكه الي جاي اشوفه فهد نازع ومتحاضن هو وغنى ويحجي وياها وهي تبجي اباوعله يبوس بيها وهي تشبك بي انوب دنك عليها هاي شجاي يسوون يحجون مدري يتباوسون حسيت روحي راح ودموعي سالت على خدي هي هاي تاليتها هاي الي تتوسد حضن فهد لعد واني مو صارلي سنين كدام عينه تالي يشبك ويبوس بهاي اجيت اوكع لزمت الميز بسرعه ركضت لغرفه خالتي لكيتها كاعده الحكيليييي خاله

سعاد : كمت خير ولج ليش تبجين شصار

بتول : حقج ماشفتي الي شفته اني هسه اجيت اريد ابدل وسمعت صوت بجي بغرفه فهد وفتحتالباب وطب فش فنج منو لكيت عنده

سعاد : منو مروه بت عباس مو جنت متأكده عده شي وياها

بتول : ضحكت بدموع ههه والله حتى اني جنت متوقعه هيج بس لا شفت غنى عنده لا وبحضنه وطبعا العصافير فاصلين عن العالم وماحسو عليه من فتحت الباب

سعاد : كمت ولج بس لا قصدج هاي غنى الخدامه

بتول : اي هالخدامه الي تبيع شرفيات وماخلاقيات تحضن وتبوس برجال غريب كلشي ميصيرلها بس صدك لا كالو يفوتك من السكوتي

سعاد : لالا مستحيل عود فهد يباوع لهاي

بتول : اكلها بعيني هاي شفتهم لا وفهد طب كالب وجهه على الكل وفوك يحضن ويهدئ بالانسه غنى قسم بالله ردت اجفت عليهم لوما اخاف منه

سعاد : كعدت لعد شكد كح.... هالبنيه من عبنها جابت راس هذا واني الجنت اكول عليها فقيره تالي طلعت اني الفقيره ولج غبره ماصورتيهم

بتول : اكلها اني من الصدمه اجيت اوكع على وجهي يا اصورهم يا دنيا

سعاد : زين همه هسه وين

بتول : اعتقد طلعت من غرفته لان تخاف من الحجايه ومن كد الاشتياق ماكدرت تصبر ... كعدت اني من البدايه ما ارتاحلها واكول عليها وحده موزينه بس محد بيكم صدكني وهاي انثبتلج هي شنو

سعاد : ميهمني شتسوي وشتلعب هي وفهد الي يهمني ميطلع فهد يحبها وناوي يخطبها

بتول : لتستبعدين هالشي مادام دخلها لغرفته بدون ميخاف من احد لتتوقعين يعوفها الواضح الي بيناتهم يتجاوز علاقه عابره

سعاد : مسحت على وجهي منين طلعتلي هالبنت الكلب هاي

بتول : اباوع دخل فيصل للغرفه بسرعه درت وجهي ومسحت دموعي

فيصل : خير شكو شبيجن شو سكتن

سعاد : ولك تعال فيصل اسمع الي صار ... سولفتله كلشي حجته بتول اباوعله ابتسم ليش تضحك

فيصل : كعدت لعد كعدن خلي اسمعجن الاقوى

طبيت ذبيت عباتي وحجابي.

هاا اجيتي.

اي يمه والله متت من التعب بس الحمدلله طلع الولد عايش ورجع لحضن اهله.

اي والله الضنه عزيز لو شمايكون.

لعد غنى وين.

اجتي قبل نص ساعه وصعدت لغرفتها.

هاا لعد خلي اصعد اشوفها واروح اناملي شويه.

عفته وصعدت فتحت باب غرفتها اباوعلها كاعده وصافنه اصلا ماحست عليه من فتت اباوع للوجه يضحك والابتسامه شاكه الحلك هاي البنيه ابد ماعاجبني وضعها.

ماكو الانسه مستمره بخيالها يمعودددده.

فزيت هااا خاله.

صار ساعه واكفه احجي وياج وانتي ماكو صافنه وشاركتلي الحلك.

هاا اسفه شردت شويه.

كليلي شردتي مني.

ماردت شي حبيبتي اسأل عليج يله اني اروح انام لحد يكعدني لان تعبانه.

ماشي براحتج.

طلعت خالتي واني رجعت احس مي بارد ودينزل على كلبي راحه فضيعه الحمدلله ربي من رجعته بخير وسلامه ونقذته من بين الالاف الشباب تذكرت كلامه.

يله صار لازم اروح.

وين رايحه تعاي ماكو روحه ابقي هنا.

لا ميصير اصلا اني كد ماجنت خايفه ومرعوبه عليك مشفت دربي معولت تصعد حتى اشوفك خلي انزل احسن ليشوفني احد وتصير مشكله واني مالي خلك المشاكل.

دروحي قفلي الباب وتعاي ليطب احد.

لا اني اروح ميصير ابقه هنا عود غير وقت نحجي يله باي.

لزمت ايدها بتعب لتخافين كلها ملتهيه ويه الخطار الي جايين يتغدون شايلين كروشهم حتى يتغدون يله روحي قفليها اريد احجي وياج مخنوك وعود اني اطلعج بطريقتي.

دفعتها بخفه يله روحي.

رحت قفلت الباب واجيت كعدت اباوعله نام بحضني مسحت على شعره سوده عليه راسه متعور وملفوف وكتفه مصوب تلمست وجهه هاي ليش هيج صاير بوجهك.

تنهدت من شفت واحد من الولد الي ويانه استشهد كدامي فقدت السيطره على نفسي خاصه هو بعده عريس وقبل لا تصير مواجهه بيناتنه مرته خابرته وبلغته بحملها فمن شفته واكع وغركان بدمه تذكرت موقفه شلون فرحان ويركص والشباب يباركوله تالي من استشهد وشفته هيج ماكدرت اسيطر على نفسي اخذت سلاحي تقدمت وكمت اصوب عليهم وهالشي كان خطر جماعتي صيحو رادو ولا يمهم كمت اضربهم وكلبي محروك تالي تقدمو الكل ويايه كدرنه نكتل عدد جبير منهم بنفس اللحظه اجانه انذار راح يرمون مدفع علينه انسحبنه بسرعه واثناء ما درت وجهي اجتني طلقه بكتفي بس ما اهتميت ركضنه ركض ماصاير بس نريد نبتعد جانت روحي تطلع واني اشوف الشباب يموتون كدامي ولان الروح عزيزه ماكدرنه نوكف نحس رواحنه نطير وصلنه لمنطقه بعيده ومنسمع بس صوت الانفجارات كلنه وكعنه وماحسينه على شي.

وبعدين.

ظلينه فتره طويله غايبين عن الوعي ولمن كعدت شفت كل الشباب ميتين والباقين عدلين ينعدون على الاصابع جماعتي متصوبين واني وياهم وثمن شباب عايشين بس احنه الي بقينه كمنه نجر برواحنه جر بس نريد نوصل وطبعا كل هذا بسبب المسؤولين لان رفضو يدزولنه قوات دعم وحتى مدافع رفضو نرمي لان جانو معتمدين علينه ميدرون انو داعش عدهم كادر قتالي جبير واسلحه حديثه جدا واحنه مامجهز ببن اسلحه كافيه ولا عددنه بكدهم بس مع هذا بفضل الله كدرنه ندمرهم صحيح تأذينه بس كلشي يهون حتى تتحقق غايتنه.

بدموع زين شلون وصل خبر استشهادكم وانتو عايشين.

مسحت دموعها واخذت ايدها بايسها. المسؤولين ميدرون بينه انسحبنه عبالهم اول ما وصلنه الامر انضرب المدفع وكلنه متنه فبلغو اهل كل الولد واني من ضمنهم باستشهادنه. ميدرون احنه ضلينه نركض ساعات لحد ما وصلنه لبستان واستقبلته رجال جبير هو ومرته وربج طلع ممرض وكدر يعالجنه وره تلث تيام تحسن وضعنه وطبعا كان الاتعس بينه ايمن لان نزف هواي وهو جان متصاوب من البدايه ما اطول عليج جنت حافظ رقم غانم واتصلت عليه بلغته ودزولنه سيارات تستقبلنه خارج حدود الموصل والله ينطي الرجال وصلنه الهم وراح الله يحفظه مستحيل انسى فضله علينه وهذا يا ستي الي صار وهاي اني يمج حيً ارزق.

بست راسه الف الحمدلله من رجعت سالم.

تنهدت صحيح رجعت سالم بس اكو بداخلي مكسور شباب بعمر الورد اشهر ادرب واعلم بيهم احجي واسولف وياهم ماتو كدام عيني وشلون موته هي هذا الي تطشر راسه وهذا الي انضرب بمدفع وووو الخ.

الحمدلله على كل حال الله يصبر اهلهم ومصيرهم الجنه ان شاءالله.

كمت من حضنها باوعت لوجها البياض الناصع مكلوب دم هاي هيج اني عزيز عندج ومسويه بروحج هيج.

ليش عندك شك بمعزتك عندي.

لزمت وجها طبعا لا ويله كافي لتبجين هاي اني يمج وما اعوفج شوفي روحج شحالج صرتي يعني هم وجهج فاهي وهم من تبجين تصيرين شحالج.

دفعت ايده والله مو صوجك صوج اليبجي عليك.

ابتسمت جارها عليه واشاقه وياج.

تلمست مكان الجرح يوجعك.

شويه لتخافين على المسكنات يصير مثل الورد.

حضنته وغمضت عيوني هامسه فهد ديربالك على نفسك اني مو يمك واضل اركض وراك على الادويه والكمادات التزم وسبح لتسبح لان كتفك وراسك متأذيات لتخوفني عليك حباب لان بعد موقف واحد واتخبل ويدخلوني مصح والله.

بست كتفها حيل لتخافين اعرف شلون ادير بالي على روحي.

ابتعدت من حسيت بجسمه عززه شكد عيب حضنته وهو ملابس شي. احم يله صار لازم اروح.

اوكفي خلي اشوف اكو احد لو لا انوب طلعي.

كمت فتحت الباب ماشفت احد الطابق فارغ يله تعاي بسرعه.

يله مع السلامه والحمدلله على سلامتك مره ثانيه.

ابتسمت الله يسلمج من تطلعين ديربالج اكو زلم دنكي راسج وامشي.

صار.

عفته ونزلت بسرعه صارت بوجهي مروه.

وين جنتي وشعندج صاعده فوك.

بارتباك جنت ادور على اروى.

اروى جوه بالمطبخ تساعد النسوان.

مشفتها فصعدت ادور عليها.

هاا دنزلي ويله روحي لبيتكم اشو فاتحه وماكو والحمدلله فهودي رجع سالم لحضن اهله واحبابه.

باوعتلها بهدوء ونزلت بدون ما اجاوبها هاي شبيها الحمدلله والشكر.

تنهدت مرجعه نفسي على الفراش متنهده اكو تناقض فضيع بداخلي شي بيه فرحان لان فهد رجع وشي ثاني خايف من مشاعري تجاه فهد والي لسوء حظي من طرف واحد ومتاكده مليون بالميه فهد ميفكر بيه غير كأخت وبس غمضت عيوني مستقبله الضلام صار ايام منايمه.

اني خايفه خاله.

من شنو تخافين.

اخاف من فهد.

لتخافين انتي نفذي الي كتلج عليه وماعليج بالباقي اصلا الي راح يصير يخلي يلتهي بمصيبته وبعدين كتلج انتي مالج كل علاقه والمشاكل بالاول والاخير بعيده عنه.

واذا انكشفت.

بهالركبه اذا احد عرف شتردين بعد.

باوعيلي بتول المفروض بعد السمعنا من فيصل نصير اكثر جرئه باعتبار الورقه الرابحه عدنه انتي مو تحبين فهد وتردي خليج جريئه شويه وحاولي تسعين حتى تاخذي.

هيج كولتج.

اكيد.

ماشي منتظره اشاره منكم حتى انفذ الي اتفقنه عليه.

خوش يله روحي لغرفتج.

طلعت بتول ودرت وجهي على فيصل انت هيي ليش ما كتلي من البدايه.

غير ردت الزملي دليل ياله احجي.

بس والله عاشت ايدك خوش عرفت تتصرف اول مره تعجبني.

من عاشر القوم.

ابتسمت تربيتي.

اكلج ايمان شو فهد لسه نايم الدنيا غربت وهو بعده شوفي خاف بي شي.

اي هسه اشوفه.

كعدي يمه شجاج عوفي خلي يرتاح صار اشهر هو مصموط بليسه هناك عوفو.

مو هو متصوب اخاف مرتفعه حرارته ماله خلك لان من الصبح لسه هو نايم.

فد ساعه واني اروح اشوفه عوفي هسه.

همست اكلك شو العالم لسه هنا ادري اخونه ورجع وغده وغديناهم جاي وشربناهم ميرحون لبيوتهم لطشو خوما لطشو.

اسكت ولك راح اوكع على وجهي من التعب وصارلي ساعه اتثاوب واصيح تعبت بلكي يحسون على دمهم ويكومون بس ماكو لزكو.

اني راح اروح انام بعد مابيه اجامل وابقه راح انجفي على وجهي.

هو انت دومك عايف كلشي على راسي.

باوعت للعالم عفيه نسوان ولايكعدن بكاع الله كومن روحن لبيوتجن لا بارك الله بيجن.

وره ساعه فرغ البيت وطلعو الكل بقت بس الحجيه وبنات عمامي نزعت حجابي ونمت على متن امي.

كومي يمه ارتاحي صارلج ايام على فرد وكفه.

هسه شويه واكوم.

اروى لعد وين غنى.

اووو وين انتي راحت من زمان.

هاي البنيه السمره الي جانت كاعده وياجن صديقتج هم.

اي هاي نرجس.

كلش حلوه.

اي حتى احلى من غنى.

السلام عليكم.

وعليكم السلام.

تعال بعد كلبي تعال يمي.

كعدت يم الحجيه.

شلونك حبيبي خوما بيك شي خوفتني عليك من الصبح لسه نايم.

جريت ايدها بستها لتخافين هاي لان تعبان وصارلي ايام مانايم ذبيت روحي هالذبه.

والله العظيم كلوبه وكفت من وصلنه الخبر من صباح.

صباح مطي بس سمع المدفع جزم انو احنه كلنه متنه لا دز قوات تتاكد لا سوه صخام براسه بس يريد يخلص بس اني اعلمه اذا ما اطلع بي عقوبه ما اتسمى فهد.

حرام يمه هاي ارزاق ميصير تحارب الناس برزقها.

ارزاق شنو يمه بنص الموصل نتوسل نريد يدزلنه قوات دعم ميقبل اله يصير الوضع حرج يمعود يا ابو المروه الشباب جاي تموت ماكو ولا يهتم.

بس اريد افتهم هذا يامطي خلا مسوؤل.

انت كلتها مطي.

شلون صرت هسه فهد.

الحمدلله مابيه شي.

اشو احس مزاجك مخربط.

ليش بالعاده اذا مزاجي عدل اكوم اخذلي هزه مثلا.

قصدك ياخذولك هزه.

باوعتله صفح.

تدري ستوه كلبي ارتاح من شفتك حسيت واحد من ولدي رجع الحمدلله طلعت سالم ومابيك شي.

الحمدلله لتخافين ميصير بيه شي محمض على كلوبكم ما اموت.

طن وطن وطن طنننننن.

كمت حضنته هههه اروحلك فدوه حبيبي والله لو هسه تسحب الايباد والموبايل وتخلي فيصل يضربني ما اهتم كد ما فرحانه.

ابتسمت لعد روحي جيبيهن وتعاي.

داجاملك فهودي شبيك صدكت بسرعه.

ضحكت والله هالبنيه سوالفها كارثه.

عوفو الشقه شويه فهد احجيلنه شصار هناك اني كلشي ما فتهمت بس المسؤول طلع مخربط وانتو عدلين باقي التفاصيل كلها مجهوله.

بده فهد يحجيلنه على الي صار بالموصل واحنه دموعنه صارت عشره عشره لان ضكنه هاللوعه لتلث تيام بسبب فهد الله يساعد الامهات الي جابو اجسام ولدهم للباب يمه كزبر جلدنه من الكلام وامي حبيبتي بجت عبالك الراحو ولدها.

وهذا كل الي صار.

لا اله الا الله حسبنا الله ونعم الوكيل عليكم عساكم بحركه كلب كل دمعه نزلت من ام وابو على ابنهم شنو من بشر ذوله الله لايوفقهم وين الانسانيه شلون يكدرون يسوون هيج.

حجيه الي يكتل امه وابو والي يبيع بلده هذا هم يتسمى انسان تره كلامج جريمه بحق البشريه.

تدرون المفروض هاللحظه تسجل بالتاريخ لان احنه اول الناس درينه بالي صار ويه فهد.

ليش منو كال انتو اول من احجيله.

ليش انت لحكت تحجي لغيرنه.

اعتقد الكلام كان بيني وبين بت عمي ليش تتطفلين.

ابتسمت يمه فدوه اروحله ميقبل واحد يكطع حديثنه اي فهد وين جنه.

هنا كاعدين وخلص النقاش.

ضحكت على سوالفه يله من رخصتكم اني اروح انام شويه تعبت تصبحون على خير.

اجمعين.

يله مروه عبير ملك امشنه تأخرنه.

علي كوم وصلهن.

كمت يله امشن.

مسحت على شعره تنام.

نمت بحضنها وخليت ايدها على راسي.

هاا ولك مبين بعدك نعسان.

على المشي المشيته لو انام اسبوع مااشبع.

نام نوم العوافي بعد كلبي.

كاعده اقره قران ودخلت خالتي.

هااا يمه كملتي.

صدقت اي خاله.

خابرو خوالج هسه.

خير شيردون.

يردون يجون يعتذرون منج تفاجئت بصراحه لا والفكره فكرة سهاد.

نزعت نظارتي اني ما مرتاحه لجيتهم واعتذارهم ما مقبول وصليلهم كلامي ايالهم يجون لهنا.

ادري راح تحجين هيج بس اني كلت خلي اسايرهم واعرف شنو الغايه من هالسالفه.

اني وياج نعرف غايتهم دائما مو نظيفه ومصالحهم لو جانت باقذر بقعه بالدنيا يركضون عليها فكليلهم لا يجون ولا يوصلون جفيني شر المشاكل خاله الله يخليج خليني عايشه مرتاحه لا ارى القرد ولا القرد يراني.

خلص براحتج يمه اني ابلغهم بجوابج.

عاشت ايدج. اكول خاله اني جوعانه ونمت بدون غده شسويتي غده.

ضيقت عيوني مركه بتيته وانتي مو صارلج ايام متشتهين شعجب هسه انفتحت شهيتج.

ابتسمت ببساطه لان مرتاحه كولش وفرحانه الى درجه بودي اوزع من سعادتي على الدنيا كلها.

ربي يجعل ايامج كلها سعاده يايمه يله اني كايمه احميلج الاكل علما تنزلين.

طلعت خالتي واني كمت طلعت الجفيه واخذت نفس منها افيييش رجعتها ونزلت اكلت وصعدت لكيت مكالمه من نرجس خابرتها.

شلونها جوارين بيت الصكوك.

ابتسمت والله زينه.

عندي الج اخبار حلوه.

خير اللهم اجعله خير.

بعد اسبوع او اكثر نطبق.

صدوك والله منو كلج.

جعفر كلي وكال راح يوزعون قسم على شركات الترجمه وقسم على المدارس واني وياج طبعا بالمدارس والاحلى بنفس المدرسه.

حلو بس شوكت نباشر.

احنه قبل فتره استلمنه النتائج وهسه راح يبلش الجد تخيلي ولج بعد اربع اشهر ونخلص ونكعد بالبيت.

شنو الفائده وماراح نتعين.

يمعوذه يا تعيين يابطيخ همه المهندسين محد يعينيهم ترديهم يعينونه احنه صدك بطرانه.

اي والله صحيح.

اكلج شفتي هذا اخو اروى السخيف.

ياهو منهم.

هذا الجبير واكف بالباب ساد الطريق على النسوان لا نكدر نطلع ولانكدر نطب صدك واحد ميستحي.

قصدج فيصل.

اي ولج جماله عيونه زايغه ويخلي عينه بعينج بكل صلافه ولا كأن اخو فهد الي راسه ميرفعه علينه.

تنهدت وانتي تجيبين هذا على فهد.

وشبيج تحجيها بحسره.

لا متوهمه عليمن اتحسر.

ديله اني اروح زعفران معزومه يمنه ولازم اتكشخ حتى استقبلها.

زعفران منو.

ههه غفران خطيبه جعفر يله باي.

ابتسمت باي.

سديت الموبايل كل عقلها تشبه فيصل الي ذره شخصيه معنده بفهد العاقل ولو فهد هم ابو نسوان بس عنده طريقته الخاصه مو مثل الباقين.

السلام عليكم.

الكل وعليكم السلام.

هاا خيرج.

كعدت مابيه شي جنت بواجب كضيته واجيت خير شبيكم انتو.

هنا خابرونه خوال بنت اخوج وكالو صاير بيها قلب ويخافون لاتوكع على ساعه وتطيح بركبتهم.

واحنه شعلينه عرفه ولفه.

مو صار الوقت حتى نجيب البنيه يمنه كافي بعد صار سنين طويله والبنيه كبرت خلي نجيبها تبقه بين اهلها.

بحزم احنه مو اهلها وبت ختام متدخل لبيت ابويه لو على كص ركبتي.

واني وياج اني ما اكد واتعب واشتغل بالكيعان تالي تجينه بت صالح تاخذ ورث.

هسه لننطيها ورث خلي بس نجيبها يمنه على الاقل بين اهلها وناسها.

مو شرط.

اني اكول التهي بابنك المتصوب واكعد واسكت.

هو الي صار بابني صحاني لا يكون هالشي عقاب من الله واني بعد مالي علاقه بيكم سوالف الاملاك وحقدكم على بت صالح الي امي لحد الان متدري بأحوالها ولا تدري بابن صالح الي مات بسببكم لان ماقبلتو تنطون فلوس الها.

بهايي الصوج صوج كفاح لان راح تصرف من كيفه ومارجع الي اني لو ادري ادزلها فلوس حتى تعالجه لو شكد ما يكلف العلاج و مو حباً بيها بس مهما يكن يبقه طفل.

ليش علساس غنى مو طفله هسه تره كل عمرها عشرين سنه مو اكثر يعني بعدها صغيره.

اهووووه انت لزكت بنعال كافي سد الموضوع ولتعكر كعدتنه.

يله ابدو انطوني الجرد مال الشغل هالاسبوع.

تفضلي هذا كلشي مسجل هنا.

شوكت يرجع ابني واخلص من هالهوسه هاي راح وعافني اتابع الشغل ورى اوف.

صباحا.

صباح الخير.

الكل صباح النور.

ياصباح الورد على هالوجه الجنه ورد تعال بعد امك تريك.

ابتسمت وكعدت.

اي عمي هنيالك الدلال بس الك.

هاا حطيت عينك.

امووو اوووافهد.

هاا ابن الكلب وينك ماشفتك البارحه.

رحم الله والديك.

ايب امو تغلت على بابا (عيب عمو تغلط ...).

دكعد اكعد هاك اكل هالفله و وره الريوك نتفاهم.

اوتي.

شنو.

ههه يكلك اوك.

ماشالله ابن المشعول يحجي انكليزي.

كافي فهد مسحت بيه الكاع ميصير هيج العالم كاعده.

انطيت لفه لسالم اني اكول اكل وانت ساكت وانت هي هاي اللفه كلها تاكلها تره اشيلك فلقه لو اعلكك بالمروحه مفهوم.

بخوف ثار ثار (صار).

ابووعله شلون يوكل سالم وكل شويه يسويله لفه ااه ربي يهديك ويخليك تعرس واشوف جهالك.

فهد انت تحب الجهال.

مو كلش مرات اي ومرات لا.

اذا ترغبلهم ليش متزوج.

الله كريم.

هاا يمه شو الله كريم شنو نويت.

كمت احسنتي هو هذا الي اريد اوصله كمت غسلت واجيت راح اطلع اتمشى محتاجين شيا.

جيب وياك لبن وجاي من الاسواق.

اوكف فهد خلي اكتبلك جم حاجه جيبها الي.

اخذت جكايري وموبايلي ماشي بس استعجلي.

اخذت الورقه طلعت تمشيت بالمنطقه كلما اباوع لبيوتنه اتذكر بيوت الموصل الجانت جنه وصارت رماد هسه تنهدت داخل للمحل السلام عليكم.

وعليكم السلام سيدنا الحمدلله على سلامتك.

الله يسلمك يارب. بلا امر عليك حجي هاي الورقه شمكتوب بيها انطيني.

حاضر.

تمشيت بالمحل اخذ جكاير شفت وحده دايره وجها مدري شتاخذ عرفتها من جسمها غنى.

هاي شمطلعها بهيج وقت ومنو سمحلها تطلع.

اخذت معجون طماطه ودرت وجهي شفت فهد ورايه والله فزيت فزه باوعلي بخزره.

اشرلتها بسيطه ورحت.

خلص.

اي تفضل.

عمو اخذت هذني شكد الحساب.

.

تفضل شكرا زحمتك.

ماكو زحمه بنيتي اهلا وسهلا.

اخذت العلاكه وطلعت شفت فهد يمشي كدامي صحت بصوت ناصي صباح الخير.

بحده صباح الهيلكه و السيابه شمطلعج من الصبح انتي.

شنو الالفاظ هاي فهد متشوف رحت اجيب كم حاجه.

ليش رجل خالتج مو موجود.

خطيه ماله خلك اني طلعت اجيب الغراض بداله وبعدين شكو.

انتي بنيه شعندج بالاسواق خاصه العفطيه والشباب كلها تجمع هناك وانتي طالعتلي الصبح مسويه اناره بالمحل.

اعصابك تره مسويت شي عليمن هالعصبيه لو اله نتعارك ياله ترتاح.

بيج زود وتتعاركين ينفخون عليج تطيرين وينج وين العرك روحي لاهلج روحي.

طبعا انت لازم تغثني متكدر.

وصلت للبيت درت وجهي لكيته ورايه.

اوكفي طلعت كيكه هاج.

شنو هاي.

عربون صلح اني اسف وصباح الخير شتردين بعد.

هزيت راسي مبتسمه والله عندك سوالف شكرا ما اريدها مزعلانه منك حتى تجي تصالحني يله باي.

فتحت الباب ودخلت مبتسمه تفضلي خاله.

باوعتلها الحمدلله والشكر شبيج يمه حبيبتي تتبسمين جنج خبله.

هيج تذكرت شغله من رخصتج.

كاعد ويه اهلي ودك موبايلي باوعت للرقم "فرح" هاي شعدها متصله رفضته رجعت اتصلت كمت صعدت لغرفتي وفتحت الخط الوو.

الو هاا فهد شلونك.

الحمدلله بخير تفضلي شتردين.

مشتاقتلك.

وبعدين.

فهد لازم اشوفك صار اشهر لا ليلي ليل ولا نهاري نهار من وراك.

ليش شنو امج واني ما ادري.

فهد انت اعز حتى من امي الله يخليك رجعني والله اصير خدامه جوه رجليك بس لتعوفني اني ما اكدر بلاك.

اولا اني مو اكسجين ومتكدرين بلايه وثانيا لو اريد ارجعج جان رجعتج وثالثا والاهم انتي الي عميتي على روحج ووصلتي نفسج لهالمواصيل رحتي سويتيلج سالفه لا وبكل عين صلفه تجذبين وفوك كل هذا ما هانلي اطردج بالشارع خليتج ببيتي وضليت ساكت فشعندج مخابرتني.

فهد انت ليش متفهم اني احبك.

الي يحب ميأذي ولا يلعب بذيله ويه الي يحبه كولي انتي ما لكيتي واحد عنده فلوس وخبره وخوش يعرف يريح مثل فهد فكلتي احاول اتوسله يرجعني وهالشي من سابع المستحيلات رجعه ما ارجعج لو يرجع ابليس للجنه فتهمتي.

اني مستعده اخابر اختك واعتذرلها على الموقف الي صار والله كلشي اسوي بس رجعني اني محد يقدر قيمتي غيرك.

انسي من المستحيل اخلي حرف من لسانج يوصل لاختي وايالج وبالج تتقربيلها لو تحاوين مجرد محاوله تحجين وياها اقسم بالله اخليج تعضين اصابعج ندم كلشي ولا هاي.

انت متاكد هاي اختك.

فرح فضيني تره روحي طالعه.

احبك.

واني ما احبج تدرين زواجنه على حساب شنو جان واني هسه شبعت ما اشتهيج بعد كافي حلي عني لخاطر الله يله مع السلامه.

سديته منها يعني لازم يجي شي يعكر مزاجي وعلى طاري فرح اني لازم الكالي وحده لان تعبانه نفسيتي واريد افرغ الطاقه العندي خو ما اخليها هيج يله خلي ارتاحلي جم يوم واباشر بالبحث عن اداة متعه جديده.

الو الهام سويت الي كلتي عليه.

وشكلج.

رفض يرجعني.

شوفي عوفي انتي هسه ورجعي خابري وره يومين وحاولي تتقربين منه ايالج تعوفي.

ولج والله راح اتخبل تفكيري كله يم هاي اخته وكلامج ماجاي يطلع من بالي.

اني متأكده هاي مو اخته لان كعدتهم ونظراتهم وكلامهم مو مال اخ واخته تعاي ناخذها بالعقل اكو اخو واخته يطلعون يتغدون بمكان بعيد لا ووحدهم بدون اهلهم ما اعتقد صايره.

اني شفتهم مره هم بالمول وحدهم وحتى جانو لابسين نفس اللون ماادري الهام راح انجن اخاف تطلع هاي مرته.

لتخافين ما اعتقد زواج دائمي اكيد ماخذها متعه.

بس هاي بعدها صغيره مو مال متعه.

يجوز متطلقه او ترملت وهي صغيره واجه فهدج خذاها وهي ماشاءالله تبرك برك وفهد غبي لو رفضها.

فهد يتعقد من البيض ابد ميحبهن يكول جامدات يحب السمر ولو يحب البيضات ما جان تزوجني.

ما اعرف بعد بس كتلج فهد شغلته مو خاليه بس انتي حاولي تتقربين منه ولتملين لحد ما يحن كلبه ويشتاقلج ويرجع.

هو هذا الي راح اسوي ادري بي يحتاجني يحتاجني اذا مو اليوم بتجر.

بعد مرور يومين.

اقره قران واجتني رساله فتحتها لكيتها من فهد.

مشتتهي فاصوليه.

باستغراب.

شنو.

كلامي واضح مشتهي فاصوليه واريدج تسويلي.

تدلل بس وين انطيها الك وما اكدر ادزلك لبيتكم لان ماكو مناسبه.

عندي موضوع وياج باجر خلي نروح للعماره هم نحجي وهم نتغده ونرجع.

دكيت عليه فتح الخط.

خير فهد صاير شي.

لتخافين ماكو شي بس اكو موضوع مااكدر احجي بي بالموبايل ولا اكدر التقي بيج بأي مكان غير العماره فالافضل نروح باجر ونتفاهم.

وشلون اطلع اني.

كلي لخالتج معزومه عد صديقتج واني اوكفلج براس الشارع ونروح.

واني الى متى اضل اجذب هيج.

هو بس هالمره وكلشي ينتهي ضغطي على نفسج بس هالمره.

ماشي.

موتنسين اريد فاصوليه لان محد يعرف يطبخها مثلج.

ابتسمت صار.

سديته منه ونمت كعدت الصبح كلت لخالتي.

منو هاي العازمتج عدها.

احم هاي زميله ويانه عرسها بعد كم يوم ومسويتلنه جمعه بنات يمها.

شعجب راح ترحين الاعرفه انتي تكرهين التجمعات.

مو مو البنيه اصرت عليه ومكدرت افشلها.

خوش لعد خلي البس عباتي واوصلج.

لالا اني اروح اخذ عبريه لتشيلين هم.

براحتج.

رحت بدلت لبست صايه فوك تراكي وفوكها شال اخذت جنطتي وموبايلي وطلعت.

هاا بويه وين رايحه.

معزومه عمو.

الله وياج بويه تونسي وديربالج على روحج.

ان شاءالله يله مع السلامه.

طلعت من البيت رمشت لفهد وطلعت للشارع العام شفت سيارته فتحتها وصعدت.

صباح الخير.

صباح الورد شلونج.

الحمدلله.

حركت.

شو كاشخه خير.

وين الكشخه جايه بالصايه.

هزيت راسي وسكتت وصلنه للعماره صفيت السياره ونزلنه.

صار فوك الشهر مجايه لهنا.

وهاي اجيتي صعدنه للطابق الرابع فتحت الشقه ودخلنه.

ذبيت الجنطه اباوع الشقه نظيفه تلمع فهد شو الشقه نظيفه.

ام ماجد نظفتها البارحه.

عاشت ايدها رحت للمطبخ فتحت المجمده طلعت فاصوليه سالكتها وخالتها بجياسه حتى بسرعه اطبخها.

طلعتها وبديت اطبخها.

عوفيها وتعاي خلي نحجي لاحكين على الغده بعد وكت.

عفتها واجيت كعدت بالصاله.

نزعي حجابج وصايتج الدنيا حاره وانتي موزين عليج.

ذبيت الصايه والحجاب وبقيت بالتراك وهاي نزعتهن ممكن تحجي بالموضوع الي مكدرت تجي بالموبايل.

شوفي غنى احنه من تزوجنه قبل كم شهر جان سبب زواجنه شنو.

انو تحميني من خوالي وعمامي لبين مترجع خالتي.

وشتفقنه.

بهدوء ننفصل اول ماترجع خالتي.

عفية عليج.

باوعتلها شوفي غنى بالبدايه اني تزوجتج على حساب الاسباب الي ذكرتيهن هسه ومن رجعت خالتج اجلت موضوع الانفصال لان جنت خايف عليج وما مأمن بخالتج ورجلها وخفت لا يأذوج كلت على الاقل انتي على ذمتي ولو صار شي اسمج مرتي.

بس بعدين من تحريت عنهم وشفت اسلوب رجل خالتج واخلاقه بالمنطقه وشكد هو انسان محترم شبه تطمنت عليج واعتقد انتي هسه تقريبا خلصتي السنه الرابعه ومابقه شي وتتخرجين فقررت انو ننفصل وكل واحد يشوف حال سبيله.

بهدوء وشمعنى دتحجي بالموضوع هسه بالذات.

لان ناوي اجيب الشيخ اليوم واطلكج رسمياً كدامه حتى تكونين شرعا طالعه من مسؤليتي وهذا افضل قرار للطرفين خوما نضل واحد مربوط بالثاني طول العمر.

نملت عيوني دموع بهمس اي صحيح الى متى ابقه مقيده بيك اني هم لازم اشوف حياتي ويه الانسان الي يناسبني.

بحده احترمي نفسج ولترحين زايد تره انتي بعدج على ذمتي.

اعتذر سيد فهد موبقصدي.

سيد فهد.

شبيج غنى تره انفصالنه ماراح ياثر على علاقتنه كاصدقاء.

واني اعتذر بس اني ما اصادق اشخاص غريبين عني وبذيج الفتره من صار تقارب بيناتنه وسمحتلك تدخل لحياتي فالسبب واحد وانو هو انت مجنت محرم عليه ومسموحلي اكعد واخذ وانطي وياك بس بعد دقايق كولشي بيناتنه ينتهي سواء علاقه اخوه او صداقه او اي شي ثاني.

كمت شبيج غنى ليش تحجين هيج تره اني مستحيل اعوفج حتى لو انفصلنه تبقين صديقتي واختي الصغيره.

بعصبيه اني مو اختك خواتك اروى وورده وليلى وبس اني وياااك مو اخوووان وهسه روح جيب الشيخ خلي ننهي هالمهزله وارجع للبيت.

ابووعلها كامت ترجف هسه عليمن هالرجيف خلص اهدي لتتخربطين خلي نتغده ونكعد شويه واروح اجيبه.

للحظه حسيت كرامتي صارت بالحضيض ومشاعري خانتني من البدايه ماكان لازم انجرف تجاه فهد هيج.

فهد لا غده ولا بطيخ روح جيب الشيخ وخلي ننهي كولشي الله يخليك.

بعصبيه هسه غير افتهم شبييييج.

بيه مرض معليك انت روح جيب الصخام وطلكني اريد ارجع للبيت.

لسانج حيوا.

قاطعني صوت الجرس هاي اكيد ام ماجد وصيتها على خبز مال بيت واكيد جابته.

وين رايح.

افتح الصخام.

راح يفتح الباب واني رحت ورا.

فتحت الباب وانصدمت تبسمرت بمكاني باوعت لغنى بسرعه.

بصدمه.

خاله ايمان.

*******يتبع

فتح الباب وانصدمت، تبسمرت بمكاني.

باوعت لغنى بسرعة.

غنى: بصدمة... خالة إيمان!

إيمان: دخلت جوه وسديت الباب. باوعتلها بهدوء.

طبعاً كلشي توقعت. ابني وأدري بي واحد طايح حظه، ربه دينه النسوان وشهواته فوق كل شي. بس انتي... انتي يا غنى صدمتيني. واني الجنت أشوفج قدوة. أتمنى كل البنات يصيرن مثلج وأكول ياريت كلها تصير مثل أخلاقها وأدبها. تالي طلع هذا وجهج الحقيقي، تتختلين بالشقق وترتكبين محارم.

فهد: بتحذير. يمه لا يروح بالج لبعيد، وأنتي كل شي ما تدرين. تره أنتي فاهمة غلط، بس كعدي وأني أفهم.

إيمان: قاطعته. إشششش ولا كلمة! أبو عين الصلفة، وهم إلك عين وتحجي؟ وبعدين شتريد تفهمني؟ ها؟ بنية حديثة (شابة) ويه رجال جبير بشقة وحدهم شيسوون مثلاً؟ يلعبون طاولي؟ لو شيسوون مثلاً؟

غنى: بدموع. خالة والله العظيم الموضوع مو مثل الي ابالج.

إيمان: ولج يالمتخافين! بعدج هاطولج وتلعبين على الحبلين؟ ليش ولج تجيبين العار لأهلج وهمه بكبرهم؟ ليش ولج ما فكررررتيييي؟ لا يطلع ابني ابن كلب ويتونس ويااااج وتالي يعوفج. ما خفتي لا يوسوسلكم ابليس وتسوي مكسورة وتحبلييين وتالي يشمرج بالشارع؟ ولج هذا رجال وميتعيب اله انتيييي يغبررره. منو ياخذج بعددد؟ ما ابنييي حار شلعب بيج.

فهد: بعصبية. ياديييييين محمد! لتضلين تفسرين من كيفج. العلاقة البيني وبين غنى مابيها ذرة حرام. بس أنتِ غير تنطيني مجااااال أصخخخخم وأحجي.

إيمان: شلون مابيناتكم حرام؟ جا شتفسر وجودها وياك بنفس الشقة؟ حلال لو لبسها هذا كدامك حلال؟ احجي.

فهد: تنهدت ماسح على وجهي. أي يمه حلال. لأن غنى مرتييييي.

إيمان: شنو شنو ولك؟ شنو مرتك؟ احجيييي. شلون صارت مرتك ولك لتخبلنييييي. غضب الله عليك.

فهد: يمه أني وغنى صارلنه أشهر مزوجين ووجودها ويايه هسه مابي كل حرام. لأن عاقد عليها سيد يعني شرعاً هي مرتي.

إيمان: لطمت على وجهي. صخام الصخمج ايمان! ولك غلطت وياها مو حبلت منك؟ مووو؟ احجيييي. حبلت منك وتزوجتهاااا حتى تستر الفضيحة؟ مووو؟ عزة العزاج ايمان. شكل للعالم؟ وين أودي وجهي؟ ياكبرها عد الله.

فهد: لزمت ايدها بسرعة لأن كامت تملخ وجها. أهدي يمه شبيييج؟ انطيني مجال واني أفهمج. أني وغنى مابيناتنه أي شي والله ماعندي وياها كل علاقة وحتى ما متقربلها.

إيمان: ولك لتخبلنيييي! ستوك تكول مرتك وهسه ماعندك شي وياهااااا؟ شنووو؟ ماخذينيييي على كد عقلييييي؟ أنتو شلون متزوجها وشلون ماعندك شي وياها؟

غنى: خالة بس افهمي السالفة. انطي مجال لفهد يفهمج. والله مابيناتنه شي من الي ابالج.

إيمان: أنتي بالذااات صوتج ما أسمعه! ولج حقيرة! رحتي بعتي روحج و خليتي رجال شكبره شكده ينام ويااااج على حساب الفلوس؟ يا ادبسززز! واني عبالي البينكم علاقة عابرة. تالي طلعت السالفة بيها زواج وأكبر من مجرد علاقة. مو مثل ما وصلني.

فهد: لحظة لحظة. صدك أنتِ شدراج بكل هذا؟ ومكان العمارة شمدريج بي؟

إيمان: فاعل خير. الله يخلي. كلي استلاحكي ابنج جاي يلعب بالنار وجاي ينضحك على عقله. مسوي زوج ويسحبون فلوس براسه. لو شتكولين غنى؟

غنى: شنو قصدج؟

إيمان: قصدي واضح ياشريفه. صدك لا كالو جيبلك حيه ولا تجيبلك فكريه.

فهد: شهالحجي هذااا يمه لتضلين تذبين حجي وأنتي كلشي ما فاهمه من السالفة. احجيلي منو خرطلج السالفة من ...... وجايتني حاميه؟

غنى: أسأل الكح.... مالتك شوف كدامن حاجيه وتريد تلبسك بيها.

غنى: باوعت لفهد بدموع. لا والله العظيم. لادزيت أحد ولا حجيت. الله شاهد. هاي منو كلج؟ أقسم يالله معندي شي ويه فهد.

فهد: لحظة لحظة صبر. يمه منين جايه هالحجي أنتِ وشنو تلبسني بيها؟ شهالخريط هذا.

إيمان: كتلك فاعل خير. واجه كلي. بالبداية ما صدكت. وخشيت بعينهم. تالي دلوني لهنا واجيت. جان أنصدم. طلعت البين ابني وصديقة بتي علاقة مرة ورجال! لا واني الأجيت لهنا بكل ثقة لأن أدري ابني ميسويها. تالي أنصدمت بابني الي تعبت وضيعت عمري أربي بي. تطلع من هالسوايه. وصدمتي الكبيرة بيج أنتِ يا غنى. شكد جنت أحترمج وأعزج. وحدة من بناتي. بس هسه نزلت من عيني وصرتي جوه رجلي.

غنى: والله العظيم وروح أخويه الماعندي أعز منه. معندي شي ويه فهد. واصلاً ما أعرف شنو واصلج بالضبط. بس صدقيني كل البيناتنه أني وفهد هي علاقة حبر على ورق. ونتعامل حالنه حال الأخوان. وحتى جيتي ويه فهد اليوم حتى ننفصل. والله العظيم يا خالة أني مو مثل البالج. وداعة أخويه المرحوم الي مستحيل أحلف بي جذب.

إيمان: تنفصلون؟!!!

فهد: أي. جنه ناوين ننهي كل شي لوما جيتي أنتي.

إيمان: لزمت راسي. ولكم راسي راح ينفجر. ساعة تكولون مابيناتنه شي وساعة تكولون متزوجين وساعة راح تنفصلون. شهالتناقض هذا؟ ولكم عاد جذبو لكم جذبة عدلة حتى أصدكهاااا. مو كل ساعة الكم حجاية.

فهد: بعيداً عن الموضوع والسالفة الي جابتج لهنا والي راح نتحاسب عليها بعدين. تعاي كعدي وأني أفهمج السالفة من البداية وأنتي حكمي.

إيمان: وهاي أثبرت. كعدت. غردلي يا سالم. هو الله خذا وزرع غيره. من أمه حظي الطايح حظه. لا من الرجل ولا من البزر.

فهد: أباوع لغنى واكفة على جهة وتبجي. غنى تعاي كعدي ولتخافين. محلولة السالفة وأمي هسه عصبية لأن ما فاهمه السالفة. هسه من أحجيلها تبرد.

إيمان: عوفها عساها لاسكتت. أم البلاوي. ساس الطلايب هي الكح.... أم الزلم. ولج عمري وحياتي لا فشرت ولا غلطت ولا طلعت مني العيبة. تالي تجين أنتِ تخليني أنزل لهالمستوى؟ يمن الله لا يوفقج. وعساج تلحكين أهلج يسايبة.

غنى: ما أكدر أنطق حرف واحد. أحس لساني أربط. ياربي منين طلعتلي هالسالفة؟ شكول عليكم يالي ببالي؟ الله لا يوفقكم. وصلتوني لهالمواصيل. الله لا يوفقج ياسعاد. كل الي ديصير بيه من وراج.

فهد: يمه لخاطر محمد لتحجين هيج وياها.

إيمان: دافعلها ليش متدافعلها؟ قابل بيش حقه؟ أمك البركة بالتنام وياك.

فهد: ممكن تنطيني مجال أحجي شويه حتى آكل تبن عدل؟

إيمان: لطمت على حلكي. وهاي سكتنه. يله آكل تبن.

فهد: بديت أحجيلها لامي الصار من البداية لحد ما تزوجت غنى. بالمختصر سولفتلها كل شي. أباوع لوجها ماكو أي تعبير.

إيمان: بس أسألك سؤال. أنت من شوكت صرت مصلح اجتماعي وتساعد الناس؟

فهد: يمه كل عقليج تحجين؟ بنية غريبة ماكو كل صلة بيني وبينها. شلون ترديني أبقيها عدي؟ وحتى لو لنفرض مخليها عندي، الي حق أحجي وأفتح حلكي لو أهلها رادوها. بس انجبرت أعقد عليها حتى تصير تحت مسؤوليتي حتى محد يدنالها. وأنتظرت فترة لحد ما ترجع خالتها وكل شي ينتهي.

إيمان: وأنت إذا هيج حنين ما كتلي. واني أساعدك. على الأقل يكون عندي علم. أو أني وخواتك نساعدها وأنت تضل بعيد عن السالفة.

فهد: إذا أكلج وأكل لخواتي المن ضام السالفة؟ بعد خو أسوي نشره ضوئية وأخلص. كتلج ماردت أحد يدري. زواجنه صار لسبب وهو خوفاً عليها من أهلها. ومن رجعت خالتها كل شي انتهى. ولو متأخره ساعة. جان هسه كل شي منتهي.

إيمان: وأني المفروض أصدك هالفلم الهندي هذا وأصفكلكم وأسد الموضوع.

غنى: خالة والله كل الي كاله فهد هو الصار. وماكو شي بيناتنه. ولو اكو شي بيناتنه تتوقعين نتطلك؟

إيمان: وإذا ماكو شي بيناتكم تلبسيله وتتعدليله؟ لا وتطلعين وياا للشقة؟ لج هاي السوالف أمشيها على وحدة غبرة عوبة مو بت شيوخ وشبعت طن تجاري من الدنيا.

غنى: بدموع. شمتعدلتله يا خالة؟ والله العظيم اجيت بهدوم البيت. بس ردت أعرف شتريد لأن ما قبل يحجيلي اله نجي لهنا. وهذا كدامج وسألي.

فهد: مسحت على وجهي. يمه كلامها كله صحيح. ما كدرت أحاجيها بهيج موضوع بالموبايل. وردت من أ فاتحها بالموضوع ننهي الموضوع بنفس اليوم. بس حاولي تفهمين كلامي. وقبل كل شي. بس أسألج سؤال. منو كلج على كل هذا وسالج سيناريو معدل؟

إيمان: أسألج سؤال. منو يدري بعلاقتكم؟

فهد: كلبت عيوني. يمه مابيناتنه علاقة. بس ميخالف أسايرج. محد يدري بس أني وغنى.

إيمان: عفية أنت كلتها. محد يعرف بالسالفة غيرك وغير هاي.

فهد: يمه خلاصاً للحجي. المن تردين توصلين بهذا كلامج؟

إيمان: أني أعرفك ذكي. ومن يومك تلكطها على الطايرة. موضوع علاقتكم محد يدري غيرك وغيرها. وأنت تكول أني ما حاجي لاحد. إذاً منو المطلع السالفة ورايح مسولف كدام العصفورة؟ غير الشفيه.

فهد: باستنكار. غنى مستحيل تسويها. أشگ بروحي وما أشگ بيها. صدك تحجين أنتِ؟

إيمان: ليش مستحيل تسويها؟ إجتها السالفة على طبق من ذهب. فلوس وسلطة ورتبة وشكل وسمعة. هاي من غير الشغلات الثانوية. تتوقع هي غبية حتى تضيع هيج فرصة؟ وأبسط مثال سلمتك نفسها وهي بعدها بنية وبالباكيت. منو تسوي هيج غير بس الراسمة لبعيد.

فهد: بعصبية. ودييييين الكحا...... ما مسلمتني شي! وشرف كل كح..... ماعدها شرف ما طاخها! احجيلي من الكوا... الموصلج الحجي واني أعرف شلون ان.... الجابه وأخلي يتندم على هالحجي.

إيمان: ما أكدر أكول ومو مهم منو كلي. أني محلفة ما أحجي. الله ينطي لو ما كايلي جان بقيت على عمى عيوني لحد ما يصير عندك طفل منها واني ما أدري. على الأقل دريت حتى استلاحك الوضع. مرتك.

فهد: جاي أكلللللج ماكو أي زواج فعليييي بيناتنه. ليش متصدكين يايمه؟

إيمان: بعصبية. بعد سوايتك ما أصدك بيك. منا لهنا وهذا فلمكم الهندي. نكعو وشربو ميته. فتهموووو.

فهد: ماشي. خليج على موقفج. أني رايح أجيب الشيخ وأجي. وعلى فكرة. أني ما مضطر أبرر لاحد. لأن هاي حياتي واني حر بيها.

إيمان: تصرفاتك من تقتصر عليك أنت بس ساعتها أكول أنت حر. بس من تجيب لك وحدة وتلعب وياها شاطي باطي وبالحرام؟ لا حبيبي أدخل وأطيح حظ كلمن يعترض. فتهتمت. وبالنسبة لسالفة الشيخ تتكنسل وطلاق ماكو.

فهد: شلون يعني طلاق ماكو؟ ممكن توضحيلي؟

إيمان: طلاق متطلقها أنت. مو غلطت وياها. إذاً تتحمل نتيجة غلطك وتزوجها علني هم. مادام هي هم مادام سلمتك نفسها يعني تريدك. فخلي زواجكم يصير علني ودائمي. خلاصاً للفضايح والمشاكل. أنت عندك خوات خاف الله.

فهد: أستغفر الله. يمه جاي أحجي هندي أني. أكلج ماكو كل علاقة بيناتنه ونريد ننفصل. شنو نزوج دائمي شنو بطيخ؟

إيمان: أني مامستعدة أنتظر جنابك أكثر. أنت مو تزوجت على مرامك؟ خلص بعد مالك حق تحجي. تزوجها كدام العالم وأسمك متزوج. حتى لو نايم وياها تحمل مشكلتك هاي مو مشكلتي.

غنى: مسحت دموعي. شو أنتوا تقررون بكيفكم؟ أني مستحيل أقبل. شنو زواج دائمي؟ شنو يتحمل نتيجة غلطه؟ داكلج ماكو أي علاقة بيني وبينه. ومن سابع المستحيلات تكون اكو علاقة بيناتنه. وأني ما أقبل بهذا الزواج. وهسه فهد يروح يجيب الشيخ وننفصل أني وياا وكلمن يروح لحال سبيله. وحتى من المنطقة أشيل وما أريد أشوفكم بعد. بس فكوني من هالمشاكل.

إيمان: أني ما جاي آخذ إذنك. أني جاي أكولج طلاق ماكو. أنت مو تزوجتو متعة مدري شتسمو انتو وخليتي يلعب بيج. تحملي نتيجة أخطائج. وسوالف الثكل هاي بطليها وظهري على حقيقتج أحسن.

فهد: يمه كلامج هذا من المستحيل يتنفذ. لا أني أريد غنى كزوجه ولا هي تريدني. وأني مستحيل أخطو هيج خطوة وأتزوج وحدة ما أريدها. لا وعلني هم.

إيمان: إذا ما علنت زواجك اعتبرني متبرية منك وليوم الدين. وأحسبني غضبانه عليك لحد ما أموت. ووصيتي بفاتحتي متوكف يا فهد.

غنى: لبست صايتي بسرعة هي وحجابي. أني أكول خلي ننهي هالمهزلة. فهد أنت طلكني يم السيد. ولا أريد أشوف أحد ولا أتواصل ويه أحد. لهنا ووصلت حدها مال أمك تطعن بشرفي. والي مابقالي غيره. لا هنا أفكس عينه اليدنالي. عن إذنكم. أخذت جنطتي وأجيت أطلع. بس وكفني صوتها.

إيمان: أقسم بالله ياغنى لو خطت رجلج باب الشقة اعتبري السالفة واصلة لأهلج. والله العظيم أروح هسه لخالتج وكل شي أحجيلها وأوصل الحجي لخالتج. وأني متأكدة السالفة تروح تحطها بحلك عمامج والسالفة سالفة شرف. والله اخليج تعضين أصابعج ندم لو فكرتي تلعبين بذيلج وياي. كمت وكفت كدامها. شوفي خلي أكلج شغلة. صحيح أني حبابة وكافية خيري شري. بس الي يدوسلي على طرف واليستغبيني أراوي وجه بحياتة ماشايفه. فسمعي كلامي وامشي عدل أحسلج.

فهد: لا إله إلا الله. يمه السالفة البالج لو يطلع جدي من الكبر ما أسويها. أنتِ بكلامج هذا جاي تكولين راح تدمرين حياتكم.

إيمان: محد كلكم تنامون سوه بالحرام. أني مامستعدة أتحمل عقاب من ربي من وراكم لأن دريت وسكتت. رجعت باوعت لغنى. لزمت وجها وهمست. خليج ذكية واسمعي كلامي حتى تحافظين على سمعتج. لأن زواجج من فهد فرصة. وأنتي مو غبية حتى تضيعين هيج فرصة.

غنى: بدموع. حرام عليج الي دتسوي.

إيمان: حرمت عليج عيشتج أصلاً. أنتِ بالذات مالج حق تحجين بالحرام. وأنتي وحدة زانية بايعه روحها على حساب فلس فلسين. باوعت لفهد. باجر العصر أروح لخالتها وأطلبها الك رسمي. وأنتي راح توافقين. وبعدها نمشي بإجراءات العرس. وكأن شيئاً لم يكن. ومن تلتحق تروح تاخذ إجازة حتى نسوي العرس ونطمطم السالفة.

غنى: رحت يم فهد. الله يخليك فهد حاجيها. أني ما أريدك يا اخييي. حلوو عني لخاطر الله. كولشي ما أريد منكم. بس عوفوني بحالي.

إيمان: طلعت القران من جنطتي. وحق كلام الله. يافهد إذا رفضت اعتبر نفسك متت بالنسبة إلي. وحق الحق. أخذ هدومي وأطلع من البيت وما أراويك وجهي طول العمر. أقسم بعزة جلالة الله. وأنتي يا غنى. أفضحج فضيحة وأخلي سيرتج على كل لسان. لو فكرتي ترفضين.

غنى: باوعت لفهد الي علامات الحيرة بانت على وجهه بسبب كلام أمه. وعرفته راح يخضع للأمر الواقع.

سعاد: كافي كعدي دوختينه.

بتول: آكل بأظافري خاله خايفه لا تحجي خاله إيمان لفهد وفهد يطيح حظي.

فيصل: أنتي شكتيلها قبل يومين؟

بتول: رحتلها للغرفة كتلها خاله عندي موضوع وياج. وحجيتلها الي كتلج عليه. كتلها غنى عدها علاقة ويه فهد وجاي تستغله وتسحب منه فلوس. وكتلها شايفتهم بعيني أكثر من مرة بوضع محرج. وهم سمعت فهد يتفق وياها حتى تروح وياا للشقة. وهاي مو أول مرة يرحون للشقق. وهي شبه مسلمته نفسها. واني من خوفي على سمعتكم اجيت كتلج.

سعاد: وشنو كملت؟

بتول: وحلفتها متجيب طاري لاي أحد. بالبداية هي ماصدكتني وضلت تصيح عليه وكالت مستحيل فهد يسويها وغنى خوش بنية ومتطلع منها هالسوالف. كتلها مثل ما وصاني فيصل تنتظر لحد ما أجيبيلها دليل. وانتظرت لحد ما فيصل خبرني اليوم الصبح وكلي خلي إيمان تروح لهالعنوان وللشقة الفلانية. ورحت بلغتـها بحجة سمعت فهد يدليها على العنوان. وهاي أني نفذت كل الي كالتولي عليه.

سعاد: عفيه عليج. هو هذا الأريده. وهسه هي وصلت للشقة أكيد. ولزمتهم بالجرم المشهود. وأني متأكدة بعد ماشافت غنى ويه فهد من سابع المستحيلات حتى تفكر تخطبها اله. وهذا الأريده. أريدها تنزل من عينها حتى تنزاح من طريقنه بعد. عليه غنى تخطيط وتعب سنين تالي تجي تاخذه الخدامة هاي.

بتول: زين وبعدين شراح يصير؟

فيصل: الباقي عليجن. أني العليه سويته بلغتجن وانطيتجن كل شي أعرفه. والباقي يمجن.

سعاد: صدك ولك تعال. أنت شمدريك بكل هالتفاصيل؟

فيصل: بيوم الي جنه عد بيت جدي واجت هاي غنى حتى تخيط للحجية. بيومها جنت طالع بره أخابر وشفتها طلعت هي وفهد من بيت جدي. وضلو يمشون بس وضعهم ما عجبني. لأن فهد جان متنرفز وشكله مدري شلون. المهم خليت علامة عليهم وما شلتهم من بالي. وبعدها من اجتنه مرة ثانية شفتها طلعت من الفرع الثاني وصعدت ويه فهد والابتسامة شاكة حلوكهم ثنينهم. ولسوء حظهم أنا شفتهم. ومن يومها كمت أراقب غنى بدون متنتبه عليه.

بتول: وشمعنى غنى مو فهد؟

فيصل: مو أني غبي حتى أراقب فهد. وحق ربج يلزمـني بلحظتها ويحير شيسوي بيه. اللعب ويه فهد صعب. فالتجئت لغنى أحسن. دليت مكان سكنها وكمت أشوف فهد يتردد لها. سألت البواب وكلي هو وزوجته كاعدين بالطابق الرابع الشقة... وبديت أخطط من يومها حتى أكشفها. حتى على الموبايل خابرتها وحظرتني.

سعاد: منين جبت رقمها؟

فيصل: من موبايل أروى. منين يعني؟ المهم. وهذا الي صار. ومن سولفتلي انتن قبل يومين. كملت العندي وصار الي صار.

بتول: عززه فيصل أنت تخوف.

فيصل: لتنسين أني وفهد أخوان وتابعين لنفس الأبو. سالم. أكبر ماكر بهالدنيا. الثعلب ميوصل لمكره. وهالجينات ماراحت بس لفهد لا وصلني منها شويه.

بتول: وأنت شنو تستفاد من كل هذا؟ لابد أني أستفاد. لأن غنى حجارة تعيق زواجي من فهد. اله أنت بشنو تأثر عليك غنى؟

فيصل: خلي أكلها الج من الأخير. تره فهد يحبها ويخاف عليها. ولو تعوفي فتره بعد وياها يتزوجها. وأني متأكد من هالشي. لأن أنتِ ماشايفته من يباوع لها شلون عيونه تلمع. وهالنظرات بحياتي ماشفتها بعيون فهد غير من ظهرت غنى. وأني ما أريد فهد يتهنى بحياته. أملاك وفلوس ورتبة ومكانة مرموقة بالمجتمع. لا وأنوب ياخذ اليتمناها كلبه. هذا مو عدل ومستحيل أخلي يتهنى. إضافه إنو وجود هاي بحياته يضرب مصالحي. لتنسين أنتِ لو تزوجتي فهد إحنه أول المستفادين.

بتول: شلون يعني؟ ما فهمت قصدك.

سعاد: خزرته. ههه ماعليج بي حبيبتي. أكلج توته أنتِ ماتعبتي روحي. أرتاحي بغرفتج وبعدين نتناقش بخصوص هالموضوع. يله حبيبتي روحي. السالفة وانتهت وتلكين إيمان فضت كل شي وطاحت حظ هالسايبة.

بتول: أي يله. من رخصتكم.

سعاد: براحتج. يمه... باوعتله. لك أنت غبي شلون تجفص هيج جفصة كدامها؟

فيصل: ما انتبهت. شبيج يمه؟

سعاد: تنهدت. أكلك بصراحة. أني خايفه من أخوك. لو دره ذاك اليوم ذبني بالشارع. هالمرة شيسوي؟ يمكن يشنقني.

فيصل: لتخافين. لعد أني ليش خليت بتول تحجي حتى تصير هي بوجه المدفع. وأحنه ماعلينه لامن شاف ولامن دره. وبالأول وبالتالي هي ماعدها دليل علينه.

سعاد: لتنسى تره هاي بت أختي وأحبها. وما أقبل عليها.

فيصل: يمه كلنه ندري أنتِ ما تحبين غير بس مصلحتج. وكل شي يضرب مصالحج تنهي. حتى لو كان ابن بطنج. فعن الحنية الزايدة رجاءاً. والله يخليج. يله من رخصتج. عفتها وطلعت.

فهد: وكفت السيارة.

إيمان: يله نزلي. ومثل ما اتفقت وياج سوي. روحج كل شي متدرين. ولتبينين شي لخالتج. وإن شاء الله باجر العصر أني والحجية والبنات يمكم. وأنت فهد أمشينه لبيت جدك.

غنى: هزيت راسي. نازلة وأحس الدنيا طالعة من عيني. هي هاي تاليتي أنذل هالذلة وأتزوج واحد لايريدني ولا حتى يباوع بوجهي. لا والمفروض عليه أنجب وأوافق. وإلا تدمر سمعتي وأصير على كل لسان. بعد يادنيا شنو الماسويتي بيه؟ دكيت الباب. طلعتلي خالتي. فتت جوه.

سحر: وعليكم السلام. خير شبيج وجهج مكلوب. وحتى ما تأخرتي.

غنى: بهدوء. تخربط هناك خاله وكلت أرجع.

سحر: لزمتها. سودة عليه. ليش؟ خاف ضايقج شي هناك؟ خوما كلبج يوجعج؟ أحجي ولج.

غنى: كعدت بالطرمة ودموعي تنزل. تعبت خاله تعبت والله بعد ما أتحمل.

سحر: حضنتها. شبيج حبيبتي؟ شنو المتعبج؟ اكو شي يوجعج؟ أحجي.

غنى: آآآآه. كولشي يوجعني خاله. والوجع الأكبر بروحي. أحس روحي تنزف من جوه. لزمت ركبتي. أحس واحد خانكني منا. نفس ما أكدر أتنفس. أريد أموت وأخلص. روحي دتطلع على البطيء خاله.

سحر: سمِ بسم الله. وصلِ على محمد. هاي حالة نفسية يمكن. لأن جاي تنامين المغرب. وإضافة لضغوط الدراسة عليج. أكيد تتعب نفسيتج. مسحت على راسها. خلص يا عمري تنفسي بعمق. لتغيبين عن الوعي. راعي وضعج يا أمي. يله سوي الكتلج عليه.

غنى: أخذت نفس بعمق أحاول أهدئ بس ما أكدر.

سحر: بيج حيل تكومين؟

غنى: هزيت راسي. وكمت على كيفي. طبيت جوه.

سحر: وين رايحة؟ تعاي عمج راح يجيب برتقال ويجي. خليج كاعدة. خلي أسويلج عصير بلكي تهدئ أعصابج شويه.

غنى: نزعت شالي. كولشي ما أريد. أريد أنام. لتكعديني أبد.

سحر: صليتي؟

غنى: هزيت راسي نافيه. هسه أصلي. صعدت لغرفتي. ذبيت ملابسي ودخلت للحمام حتى أتوضأ. لكيت الشهرية جايتني. تنهدت. حتى موعدها نسيته. سويت اللازم وطلعت. تغطيت ونمت. منتظرة المجهول.

إيمان: أكول حجيه. مادام كلكم كاعدين. حبيت أبلغكم أني نويت أخطب لفهد.

فهد: جنت أكلب بالموبايل ووكفت. شلت راسي. عود صدك تحجي؟ سوتها صدك.

ياسمين: ياا! صدك تحجين؟ كلللووووش! وجان تنفك عقدتك وتريد تعرس. يوم المنى. جان هذا فهيدان.

مهدي: والله عاشت إيدك على هالقرار. كافي بعد كبرت. وصار لازم تكون حياتك الخاصة.

ياسمين: ومنو ناويه تخطبيله؟

إيمان: غنى.

محسن: غصيت بالجاي. منو منو؟

إيمان: غنى. جوارينه. عاجبتني وأريدها لفهد. وفهد هم عاجبته وموافق. مو فهد؟

فهد: ضغطت على ايدي حتى يبين بياضها. هزيت راسي.

علا: بهدوء. بس خاله مو علساس عمتي نسرين جانت ناو...

ياسمين: قاطعتها. والله عاشت إيدج يا زين ما اخترتي. خوش بنية حبابة وحلوة وخلوقة. شيريد الواحد من الله بعد؟

إيمان: كتيلي خلوقة؟ أي حقج.

محسن: أكول حارث شعجب فهد قبل بهاي. وهو يدري عدها علاقة ويه مرتضى وتريده؟

حارث: مرتضى جذاب. البنية كلشي ماعدها وياه. والحجي كله تلفيق.

محسن: صدك تحجي؟

حارث: اسكت. بعدين أفهمك السالفة.

عباس: عمي فهد شو ساكت؟

فهد: بهدوء. الوالدة جاي تحجي. ومادامها قررت. خلص بعد صار الوكت حتى أتزوج وأستقر.

مهدي: أحسن قرار وليدي.

علا: لعد فهد أنت مو تعيب عليها وتكول فاهية وتوگف على الكلب؟ شلون تخطبها؟

ياسمين: خايبه متسكتين؟ غير هي جنها جماره. شتوگف على الكلب؟ بس هذا ابن عمج جان مغمض وستوه صحصح.

إيمان: عوفج من هالحجي حجيه. أني اجيت أبلغكم. وماردت أتصرف من كيفي. لأن أنتو أهله. ومهما يكن لازم تدرون.

عباس: خويه الي يناسبج سوي. أحسن خطوة خطيتيها هسه أنو تخطبين لفهد.

ياسمين: أي والله.

إيمان: حجيه ان شاء الله باجر نروح أني وياج ونسرين وام حارث وام محسن. نخطبها من خالتها. وحتى من يردولنه خبر نباشر.

حياة: ليش مستعجلة هالكد؟

إيمان: أريد أمشي بكل شي بسرعة. ما أريد أماطل بالسالفة.

حارث: والله عاشت إيدج خاله. استعجلي بكل شي. خوما مثلي صارلي سنتين أنتظر. ولسه كاعد وساكت أنتظر الأفنديه تكمل جهازها.

محسن: طبعاً يزيدك شرف وغصباً عنك تنتظر. غير راح تاخذ أحسن البنات.

حارث: بله آكل تبن ولتحمه علينه. تره صيف.

عباس: شبيك عمي فهد؟ شو أحسك مو على بعضك صاير شي.

فهد: بهدوء. لا متوهم. بس تعبان شويه. كمت. يله يمه أمشينه.

إيمان: أي يله.

ياسمين: بعد وكت. حتى جايكم ما شربتو.

إيمان: الجايات هواي إن شاء الله. مو تنسون باجر كون انتو يمي الساعة بالاربعه.

النسوان: ان شاء الله.

فهد: طلعت أني وأمي. والدنيا كامزة من عيني. بس ما أكدر أحجي. من البداية ردت أنفصل عن غنى حتى ما أسبب لها مشاكل. خاصة من خابرتني فرح. كمت أحس غنى راح تگع بمشاكل بسببي. ففضلت أنو تنفصل. لأن ما أريد شي يصيبها نهائياً. وهسه هالسالفة طلعتلي صفح. أني ويني وين الزواج وهالصخام؟ غير هيج غنى ما أشوفها غير أخت وصديقة. ما أكدر أتقبلها كزوجة أصلاً. تشمئز نفسي لمجرد تفكيري بهالشي.

إيمان: لتضل كالب وجهك وتخلي الكل يشك اكو شي. ابتسم وحاول تبين أنت فرحان بهالزواج مو مجبور.

فهد: أنتِ تعرفين كلش زين أني ما أنجبر على شي. وراح أوافق على هالزواج مو لأن مجبور. وإنما حتى ما أكسر بخاطرج ولا أعرض البنية لمشاكل بسببي. لأن أدري بيج تسويها صدك وتدمرين سمعتها. أمي وأعرفج على كد ما أنتِ طيبة. بس إذا كرهتي أحد تدمرين. وأني من حرصي وخوفي عليها قبلت. وإلا لو تثالث الدنيا ما أخضع لأي بشر كائن من يكون.

إيمان: شكد تمنيت تجي تكلي يمه خطبيها. عاجبتني. أريدها. غلطت وياها. والله ما أتردد أروح أخطبها. وأني الممنونة. بس سوايتك اليوم دمرتني. ماشفت بيك غير سالم. للحظة كلت عساني لا جبتك. وسوايتي اليوم حتى ما أخلي الغلط يزيد. أني عندي بنات وأخاف الله. وكلت أخطبها الك. لأن أدري لو أنت ما أخذتها ياخذها غيرك. وأني ما أقبل ولد العالم ياخذون شي مضروب وملموس. وأني أم وما أقبل آخذ وحدة لولدي لاعبين بيها. هذا السبب الخلاني أنوي هيج نية. أريدك تتحمل غلطك بنفسك. فتحت الباب ودخلت. لكيتهم كاعدين يشربون جاي.

أروى: وينج يمه؟ ضليت قلقة عليج. وين جنتي أنتِ وفهد؟

إيمان: كعدت يم الحجية.

سعاد: خير؟ شعندج؟

أروى: أي يمه شعندج من الصبح لسه؟

إيمان: رحت أتفق وياها وويه نسوان عمج. أريد نروح نخطب لفهد.

بتول: غصيت. احم احم. باوعت لخالتي وفيصل. شنو شنو؟

وردة: ذبيت الكتاب. لحظة لحظة. تردين تخطبين المن؟

إيمان: لفهد. شبيجن؟

علي: باوعت لفهد. وأنت قابل؟

فهد: باوعت له صفح. شتكول أنت؟

أروى: بگلبي. سودة عليه غنى. والله تدري تتخبل.

سارة: ومنو سعيدة الحظ؟

إيمان: غنى. صديقة أروى.

أروى: بصدمة. عليج الزهرة حلفييي!

وردة: هزيت جتف. ياييييي! وهله هله! هم راح يصير عدنا عرس. وهم راح تصير غنى مرت أخويه. والله فهد هنيالك راح تاخذ غنى. يممممممه فرحااااانه.

فهد: ضربتها. شوييه ثكليييي! مو طفلة أنتِ. إلى متى أضل أعلم بيج؟ أني.

منذر: شبيك فهد؟ عوفها فرحانه.

فهد: شو دوخرو عن وجهي. عفتهم وصعدت لغرفتي. فتحت الباب ودخلت. ذبيت روحي على الجرباية. هي هاي تاليتي. أتزوج بهالطريقة؟ تنهدت بصوت عالي. ياربي ما أكدر أتخيلها مرة الي. يلعن أبو الساعة السودة الفكرت بيها. أكلها أمشي للشقة؟ لو كاعد ومنجب ومخليها على ذمتي لبين ما تهدئ الأوضاع أحسن؟

منذر: هذا شبي مطنكر؟

علي: وجهه ولا جنه وجهه واحد يريد يعرس.

أروى: بالعكس يجوز خجلان منكم. يربي ما مصدكة نونه راح تصير مرت فهد. لا وتعيش ويانه بنفس البيت.

آلاء: ليش منو كال راح ينطوكم؟

إيمان: وليش مينطونه؟ المفروض يبوسون إيدهم وجهه وكفة من اجتهم هيج قسمة.

أروى: يمه ليش تحجين هيج؟

إيمان: سكتي عني أروى. تره مالي خلك أحجي.

أروى: شبيهم اليوم؟ يله ماعليه بيهم. كومييي ورده خلي نخابر نرجس نفجر هالخبر يمها.

وردة: أي يله. وعريسنه جكليته. حامض حلو بباكيته. وغناوي يافاهيه على كولت فهد. وينننج مرت اخوويه الفاهيه؟ باجر جايين نخطبج.

أروى: ههههه.

سحر: دخلت للغرفة. هاي من الظهر لسه نايمة. تدنيت يمها. أباوع اكو دموع ناشفة على خدودها. مسحت على شعرها. هي فزت.

غنى: ها خاله؟ رايدة شي؟

سحر: غربت الدنيا يمه. ميصير تضلين نايمة لسه. كومي أكليلج لكمة. غسلي. كعدي. عوفي النوم. هو يضيق خلكج.

غنى: تنهدت. نعسانه خاله. عوفيني حبابه.

سحر: كومي كومي. ماكو نوم هسه. يضيق خلكج. الدنيا مغرب. كومي نزلي وياي. شربي جاي وكعدي ويانه. وعود من تصير الدنيا ليل نامي. كومي يله.

غنى: كمت كوه من الفراش. فوك تعبي انوب الشهرية نزلت. جوه غسلت وجهي وكعدت. أني بطبيعتي من تجيني الشهرية تنقطع شهيتي وكولشي ما أكل. لأن الألم يسيطر عليه.

سحر: هاج. شربي عصير. أحسلج من الجاي. بلكي تصحصحين.

غنى: تنهدت. مؤخره الكلاص عني. نفسي تلعب ومالي خلك. روحي. فتحت موبايلي. لكيت كومة مكالمات من البنات. طفيت النت. وما جاوبت على أحد. ماعندي واهس لاي شي. شويه واجتني رسالة على الخط من فهد. فتحتها.

فهد: "بيج شي"

غنى: كتبتله. شتريد فهد؟

فهد: كومي إذا يمج أحد راح أخابرج.

غنى: كمت.

سحر: وين؟

غنى: ابدل ملابسي وأجي. صعدت فوك. طبيت للغرفة وسديت الباب. دكيت عليه. جاوبني بسرعة.

فهد: الوو.

غنى: خير. شتريد؟

فهد: شنو هالاسلوب هذا؟

غنى: نملت عيوني دموع. فهد ما أريدك. افهمني. ما أريدك. ومستحيل أقبل بيك.

فهد: علساس أني الكاتل روحي عليج؟ شعور متبادل بيناتنه. بس شسوي إذا أمي فرضت فرض علي.

غنى: مو علساس أنت رجال ومينفرض عليك شي؟ شو خضعت لأمك مثل الجهال وقبلت على شي أنت متريده؟

فهد: بحده رجال. وغصباً ماعليج وعلى عشيرتج. واحد واحد عرفي شلون تحجين. لتخليني أتعامل وياج بغير أسلوب. مو أني الي أنجبر. بس بنفس الوقت مو أني الي أصير رجال براس أمي. لتنسين هاي أمي. وما أكدر أوقف بوجها. خاصة بهيج مواقف.

غنى: شنو تسايرها الشغلة؟ لعبة عندك؟ هذا زواج. تعرف شنو يعني زواج؟ مابي كل تراجع. بدال ما تحاول تقنعها تبطل على هالسالفة. رحت وافقتها.

فهد: وعلى حساب من وافقت أني؟ مو على حسابج. خفن لا تدمر سمعتج بدون سبب. مو دست على روحي لخاطرج. أنتِ ليش ماعندج تقدير لأي شي؟ خاف عبالج كاتل روحي عليج؟ تره أنتِ آخر مرة ممكن أفكر بيها. فتهمتي؟

غنى: وأني مستحيل أقبل بيك فهد. لو تبقى آخر واحد بهالدنيا هم ما أقبل أعيش تحت رحمتك ورحمة أهلك.

فهد: عنج ما عشتي ولا قبلتي. يطبج طوب. خفتها وراحه. وعود باجر من يجون ردي خبر برفضج. وألعن أمّه وأبو اليكولج ليش. أصلاً تسوين فضل لو رفضتي.

سديته بوجها.

غنى: شمرت الموبايل. وغطيت وجهي باجيه. شكد تمنيت أصير مرة لفهد. ويصير اسمه رجلي من صدگ. بس بعد ما عرفت بمشاعره تجاهي. مستحيل أقبل بي. لو يصوغوه ذهب. كرامتي فوگ كولشي. ولا يمكن أقبل بواحد ميريدني. أصلاً. ما أعرف للحظة شلون ضعفت كدام كلام وتهديدات خالة إيمان. وخضعت لها. لالا. أني مستحيل أوافق. وخلي شتريد تسوي. خلي تسوي. ما خايفه من شي. أني صحيح أحبه لفهد وروحي بي. بس لا يمكن أفرض نفسي عليه.

بتول: هااا؟ ارتاحيتووو؟ هاي سويت الكلتولي عليه. شو ما نزلت غنى من عينها؟ وهاي رايحة تخطبهااا باجر؟

سعاد: شلون؟ بس أريد أفتهم. شلون راح تخطبها بعد مادرت بيها عدها مكسرات؟

فيصل: ماكو. بس شغلة وحدة تخليها تخطي هالخطوة.

بتول: شنو شنو؟ اليجبرها تقبل تاخذ لابنها هيج وحدة؟

فيصل: أعتقد لزمتهم بوضع غير أخلاقي. فحتى تطمطم الفضحية. خاصة هي بت شيوخ. وهالشغلة جبيرة عدهم.

سعاد: لا ما أعتقد. فهد ذكي. ومستحيل يفكر يكسرله بنية ويعوفها. لا لا السالفة أكبر من هيج.

بتول: بدموع. كله من وراكم. لو ساكتين وما حاجيلها. ما جان صار الي صار.

سعاد: والله العظيم راح أجنن. شلون صار هيج؟ الجنت مخططتله صار كلشي عكسه. يمه غير لو صارت هاي مرت فهد. أموت بمكاني.

فيصل: اكو انه بالموضوع.

سعاد: وانه جبيرة هم. إيمان متخطبها لو ما صاير شي جبير.

بتول: بدموع. أنتو ضلو حللو. واني ضاع عليه كل شي من وراكم. وفهد طار من إيدي.

فيصل: شو سكتي أنتِ. تره خبصتينه. الي يسمعج يكول جان مواعدج بزواج.

بتول: والله العظيم. وهاي أني كتلكم. أشرب من دمها. والله ولا أخليها تصير لفهد. وعفتهم وطلعت. ونار واجه تغلي بيه.

صباحاً.

فهد: صباح الخير.

الكل: صباح النور.

أروى: يمه شوكت نروح لبيت غنى؟

إيمان: بهدوء. قصدج ترحن... العصر.

أروى: ليش أني ما أجي وياجن؟

إيمان: لا. ماعدنه بنات مامزوجات يحضرن.

آلاء: ليش؟ شكو بيها؟ وين الغلط؟

إيمان: كل عائلة والها تقاليدها.

سارة: خاله عادي أروح وياكم؟

إيمان: باوعت لفهد. طبعاً. غير حماچ الراح يعرس. غير ترحين بصفتج جنه من الجناين. وانغام حبيبتي متكدر تروح لأن عدها طفلة.

سعاد: أني ما أروح.

إيمان: بكيفج. كمت. فهد كوم أريدك. دخلت لغرفتي.

فهد: نعم.

إيمان: ليش كالب وجهك؟

فهد: علساس متدرين يعني؟

إيمان: يعني مصر بالرفض؟

فهد: أي طبعاً. هاي حياتي. وأني أريد أعيشها مثل ما أني أريد. ومثل ما اختار. مو أنتو تقررونها.

إيمان: أني كتلـك تختار. يا تسوي الي ببالي وتنسى عندك أم. وأضل غضبانه عليك طول العمر. يا أما تنفذ كلامي. وتبدي حياتك ويه الأنسانه الي اختارها غريزتك. وكمل وياها باقي حياتك. وتتحمل نتائج أخطائك.

فهد: خلص يمه. يجرالج الي تردي. بس صدقيني راح تتندمين. واحسبي حسابج. مثل ما فرضتي عليه هالشي. أني هم أعرف شأفرض عليج. وبكل الأحوال غنى راح ترفض. وراح تفشلون رواحكم.

إيمان: ابتسمت. ولا بأحلامها.

أروى: كاعدة بغرفة وردة. وأكلب بالتلفزيون. منتظرتهم يرجعون حتى أعرف شصار. وما حسيت غير الباب تندفع بسرعة وتدخل مروة تصرخ.

مروة: وللللج اروووى صدك السمعته؟

أروى: ****يتبع

سمعت صوت الجرس كمت فتحت الباب شفت جوكة مال نسوان.

سيف: هله بيج خويه ام فهد تفضلو تفضلو اهلا وسهلا.

ياسمين: زاد فضلك وليدي.

سيف: يا ام حوراء وينج؟

سحر: طلعت على صوت سيف شفت مجموعة مال نسوان أعرفها، انتبهت على الحجية وام فهد تفاجئت من جيتهن بس ما بينت.

يا اهلا وسهلا نورتونه والله. سلمت عليهن كلهن.

ياسمين: بعد كلبي ربي يحفظج.

سحر: فتحت الاستقبال تفضلو تفضلو استريحو، بس من رخصتكم ثواني.

طلعت بسرعه صاعدة أصيح لغنى.

غنى: كاعدة بغرفتي وسمعت الجرس يندك غمضت عيوني عرفتهم اجوا، شوية واجت خالتي.

سحر: كومي يمه غنى اجونه خطار نزلي جيبي ماي وسوي جاي وضيافة، واني نازلة اكعد يم النسوان فشلة اعوفهن وحدةن.

غنى: هزيت راسي وكمت نزلت.

حياة: خالتها مبينة حبابة خوش استقبال استقبلتنه.

ياسمين: سبحان الله نفس طبيعة امها بالضبط، هم جانت هيج صاحبة ملكة ووجها دومه يضحك، الله يرحمج يا ام كامل.

نسرين: ذوله شلون كاعدين شهالبيت هذا؟

ساره: ليش شبي بيتهم شو يلك من النظافة والترتيب.

نسرين: من تحجي الكبار الجنانين تسد حلكها وتسكت.

ايمان: لا اله الا الله ام مرتضى، رحمه لابو مرتضى لتحجين ولا تنتقدين اي شي ما اريد الجماعة ياخذون على خاطرهم منه، وانتي يمه ساره مسحيها بوجهي.

نسرين: انتي بالذات اني ماخذة موقف منج، اجيتي تخطبين لابنج وحدة اني رايدتها قبلك بس ميخالف فهد مثل ابني وما احقد عليه لان خذى وحدة هواها ابني.

ياسمين: خليني ساكتة كلنه ندري انتي بس حجي لا جنتي تردين تخطبيها ولا شي.

نسرين: اجيت اجاوبها ودخلت خالتها.

سحر: عذروني تاخرت.

ايمان: براحتج حبيبتي ام حوراء.

ضحى: لتتقيدين عيوني اهل احنة.

سحر: والله انتوا اكثر من اهل الله يخليكم.

ياسمين: اكول حبيبة جمارتكم وينها؟

سحر: جمارتنة؟ ها قصدج غنى، هسة تجي.

غنى: دكيت الباب ودخلت بهدوء.

السلام عليكم.

الكل ما عدا ايمان: وعليكم السلام.

غنى: قدمتلهم الماي.

ياسمين: عوفي الماي شاربين، تعاي خلي ابوسج شلونج حبيبة.

غنى: الحمد لله حجية انتي شلونج.

ياسمين: ليش هو الي يشوف مرت الغالي شلون يصير لونه؟

سحر: (بكلبها) شنو مرت الغالي طخت عندي بس لا جيتهم على حساب هالشغلة.

غنى: سلمت على الكل كلهن بوسني واسلوبهن جان حلو ما عدا ام مرتضى وخالة ايمان. خليت الصينية واجيت اطلع.

حياة: وين طالعة حبيبتي كعدي خلي نشوفج نسولف وياج كلشي ماشفنا منج.

غنى: كعدت وجريت ضفيرتي من وره ظهري وعدلتها.

ضحى: اللهم صلِ على محمد، هذا شعرج طبيعي.

غنى: هزيت راسي.

ساره: ما شاء الله يخبل.

غنى: (بابتسامة صغيرة) شكرا.

ياسمين: ام حوراء شلونها غناوي؟

سحر: والله وردة وهاي الحجي مو كدامها صدك وردة.

ياسمين: شكد عمرج حبيبة؟

غنى: واحد وعشرين.

ضحى: ليش حسب علمي مو مرحلة رابعة انتي المفروض 22.

غنى: بعدني مكملت الواحد وعشرين.

حياة: شنو تدرسين؟

غنى: لغات قسم انكليزي.

نسرين: ميرادلها سؤال هي ومرتضى سوة.

غنى: تنهدت من رخصتكم عفتهم وطلعت احس جبل نايم على صدري، ماردت زواجي يصير جبر لا وبهيج طريقة. رحت للمطبخ اهدر جاي.

ياسمين: اكول ام حوراء خلي ندخل بالمفيد ونحجي بدون لف ودوران، جيتنه هاي اليوم حتى نطلب ايد غنى.

سحر: نتشرف بيكم والنعم بس المن؟

ايمان: لابني فهد.

سحر: ها بس مو الفرق هواي بيناتهم.

ايمان: عمره ثلاثين وهي واحد وعشرين، تسع سنوات مو ذاك الفرق الجبير، وبعدين اساس نجاح كل علاقة هو التفاهم مو العمر.

سحر: اي والله صحيح كلامج.

ياسمين: شوفي ام حوراء اني مو امدحلج بحفيدي لا والله كلها تدري بيه احجيها طك بطك وما اخاف، واني اكلج متلكين احسن من فهد، واخذيها مني غير غنى متناسب فهد لان هو بارود واعصاب يرادله وحدة عاقلة وفاهمة مثل غنى حتى تريحه وتدير بالها عليه، واني متأكدة فهد لو حبها يعلكلها العشرة شمع.

سحر: والنعم منه حجية، ربي يشهد اني احبه واحترمه انسان خلوق وحباب ومبين علية صايم ومصلي وملتزم شيريد الواحد بعد.

ياسمين: ها فهد وصايم ومصلي وملتزم هم.

ايمان: (دست عمتي) احم رحم الله والديج بعد كلبي هذا من طيب اصلج.

سحر: على العموم اني عن نفسي موافقة لان ما الكي احسن من بيت حجي علي، بس القرار بالاول والاخير راجع لغنى، وانتوا انطونه مهلة ونردلكم خبر.

ضحى: كل الوقت الكم حبيبتي اهم شي تردولنة اخبار حلوة.

نسرين: بس لا ناوين ترفضون؟ شوفي ام حوراء بت اختج لو تزحف على ركبتها متلكي مثل ابن اخويه ولا تحصل مثله، فخلي تتأنى باختيارها وتفكر بالموضوع زين تره ابن اخويه فرصة.

سحر: وبنت اختي ما ناقصها شي ادب وجمال وشهادة ويتمناها الف واحد، واذا على وضعنة المادي فالحمد لله عايشين من تعبنة ونام جوعانين ولانمد ايدنة لاحد وعزة نفسنة فوك كلشي، فثمني كلامج الله يخليج.

نسرين: شدعواج عيني شـكلنة.

ياسمين: اخزر، اريد ولا كأن.

غنى: دخلت خليت الجاي والكيك.

حياة: (حاولت تسد الموضوع) عاشت ايدج حبيبتي.

غنى: بالعافية.

طلعت برة وعفتهم الواضح مطولين وخالتي كيفت عليهم.

***

اروى: كاعدة بغرفة وردة واكلب بالتلفزيون منتظرتهم يرجعون حتى اعرف شصار، وما حسيت غير الباب تندفع بسرعة وتدخل مروة تصرخ.

مروة: وللللج اروى صدك السمعته.

اروى: خير يا ستار شسمعتي؟

مروة: صدددك فهد راح يخطب غنى والنسوان هسه ببيتهم يطلبوها رسمي.

اروى: ركضت سديت الباب ولج صوتج فضحتينة ليسمعنة احد.

مروة: لج اروى شلون تقبلين فهد يخطب هااي وتدررررين بيه احبببه واريده شلوووون هانلكم كلبكم تسوون هيج بيه مو على اساس اني لفهد.

اروى: مروة خلي نكون واقعيين انتي حبج لفهد من طرف واحد وكلنة ندري فهد ميعتبرج غير اخت وبت عم وعمره ما فكر بيج بغير طريقة، وانتي الي رسمتي علية احلام مالها اي صحة من البداية.

مروة: (بدموع) حرام عليج اروى اني اتنفسه لفهد واضيع لو صار لغيري، تالي ترحون تخطبولة هاي الي متناسب لا بالمستوى ولا بالشهادة ولا بأي شي.

اروى: ما اسمحلج تحجين عليها لتنسين هاي صديقتي المقربة، وبعدين بطلي تفكرين بالمستويات.

مروة: وصديقتج احسن من بت عمج حتى تدافعيلها؟ لزمت كلبي لج اروى نار واجت بيه فهد حب طفولتي من اني وصغيرة واني اشوفة غير عن كل الولد من اني طفلة متوقعتة يصير هو ابو جهالي، تالي ترحون تخطبولة غنى الي ما صارلها حتى سنة من ظهرت بحياتنة.

اروى: لزمت ايدها مروة الزواج قسمة وفهد مو قسمتج.

مروة: (دفعتها) وخرررري عني انتي من البداية متحبيني، ولو تحبيني جان سعيتيلي حتى اتزوج فهد، بس انتي من البداية مترديني لفهد وصدكي واعتقدي فهد ماراح يتهنى لان اني نافستة واريدة وكولي مروة كالت.

فتحت الباب وطلعت صار فهد بوجهي.

فهد: اجيت أصعد فوك وشفت مروة تنزل وتبجي.

ستوقفتها: شبيج مروة ليش تبجين؟

مروة: (بدموع) حرام عليك ليش سويت هيج؟

فهد: (باستغراب) شسويت؟

مروة: عفته وطلعت.

فهد: باوعت لاروى: هاي شبيها شنو حرام عليك ليش سويت هيج؟

اروى: ما عليك بيها تمسلت.

فهد: (هز ايدي) هي بقت بس هاي عليه.

اروى: صعد فهد وشوية اجن كمت: ها بشرن شكالو؟

ايمان: كعدت كالو يردون مهلة يفكرون.

ضحى: بس مبين من كلامهم راح يوافقون.

اروى: صدك خالة؟

ضحى: اي حبيبتي.

ياسمين: ها ولج شو مكيفة لو لان صديقتج؟

اروى: طبعاً اكيف وافرح اخوية وراح ياخذ اقرب صديقة الي، وعلى طاريها صارلي يومين ادك عليها مترد وفهد ميقبل اروح يكول عدهم رجال.

نسرين: عمه هذا يسمو داء الجلوبية هاي لان انخطبت انجلبت عليجن.

ياسمين: انتي وتالي وياج كافي كل ساعة مدهديتلج حجاية شكبرها.

حياة: ها عريسنة شلونك مبروك مقدماً.

فهد: ليش وافقو؟

نسرين: وانت ليش مستعجل هيج؟

فهد: استغفر الله.

يله من رخصتكم عفتهم وطلعت خابرت الشباب محد يقبل يطلع، اخذت سيارتي ورحت افتر اختنكت.

***

غنى: كاعدة اقرة مقالة تحفيزية بالموبايل، هالفتــرة كمت هواي الجأ لهيج اشياء احسها تنطيني دافع وترفع من معنوياتي الهابطة.

سحر: ها يا حلو تستقبل ضيوف؟

غنى: تذكرت فهد هاي حجايته تنهدت، اكيد تعاي خالة.

سحر: كعدت يمها شلون تحسين نفسج هسه بعده مودج مخربط؟

غنى: لا الحمد لله احسن.

سحر: اكول حبيبتي غنى انتي تعرفين انو مصير كل بنية بالاول والتالي تتزوج وتستقر وتكون عائلة الها كيانها الخاص صح كلامي لو لا؟

غنى: عرفتها راح تحجي بهالموضوع، لا خالة مو شرط البنية تزوج تكدر تبني كيانها وهي وحيدة ولا شرط تكون عائلة يالة تصير سعيدة.

سحر: هذا حجي مسلسلات وروايات ما عليج منه، المرة راحتها تصير من تتزوج، صحيح ممكن تواجه مشاكل لان تصير عليها مسؤولية بيت وعائلة، بس من تجين للجانب الايجابي تشوفين انو يصيرلج زوج بس الج انتي يحبج يحترمج يقدرج ويصيرلج اطفال يملون عليج هالدنيا هاي، كل الاشياء الذكرتها يسموها ايجابيات الزواج.

غنى: خالة دخلي بالموضوع وعوفي المقدمات.

سحر: اليوم اجوا بيت حجي علي وخطبوچ لفهد.

اباوعلها ضلت ساكتة مابدرت اي ردة فعل، انتي سمعتيني شكلت؟

غنى: اي سمعتج.

سحر: شو ما احسج تفاجئتي او حتى علقتي على الموضوع.

غنى: خالة اني ما موافقة.

سحر: اكدر اعرف ليش؟ اشو الولد مبعيبة شي اخلاق وادب وشهادة وجمال ومنصب وفلوس وفوك هذا ملتزم مثل ما انتي تردين.

غنى: (ضحكت هزة راسي).

سحر: ما اعتقد كلت شي يضحك.

غنى: العفو خالة بس هيج ضحكت، كتلج اني ما موافقة ورديلهم خبر بهالشي.

سحر: هسه غير اعرف ليش اشو عريس ولكطة وين تلكين واحد بهالمواصفات.

غنى: خالة ما اريده، اني ويا ماكو اي تناسب بيناتنة واني ممقتنعة بي خوما كوة هي.

سحر: اخذيها نصيحة مني، انتي وحيدة يايمة واني وعمج مادامين باجر عكبة ماخذنة التراب، وانتي لا من عم براسة خير ولا من خال براسة خير ويتحملج، فأنصحج توافقين علية انتي تحتاجين واحد مثل فهد يدافع عنج ويصونج.

واخذيها مني الي يكدر يعيش عوائل على كتافة ويتحمل مسؤليتهم يكدر يصون بيت ومرة.

غنى: خالة اني ما سقطت منه الله يخلي ويحفظة لاهلة، بس مجرد كتلج ما موافقة لان احسة ميناسبني.

سحر: وانتي شدراج ميناسبج قابل كاعدة ويا؟ هو بفترة الخطوبة راح تتعرفين علية وعلى طباعة، وبعدين المفروض انتي تعرفي اكثر مني لان بقالج عندة شهرين لا وماتقرب ولا وصل يمج، كل مواقفة هاي وتكولين ميناسبني؟ وها احب اكلج شغلة اني مصرة بالذات على فهد لانه رجال وحوك مو مثل زلم هالوكت محفحفين والبناطير نازلة والوجة مينعرف وجة رجال لو مرة، صدكيني فهد فرصة الج تضيعيها.

غنى: تنهدت خالة يعني هم جبر؟

سحر: لا مو جبر بس انتي دتكبرين والوحدة مو كل مرة تجيها هيج فرصة، ففكري زين بكلامي وكعدي ويه نفسج، واني راح اخذلج استخارة بالقرآن حتى يطمئن كلبج.

مسحت على راسها: خوش.

غنى: ان شاء الله.

طلعت خالتي واني تمددت افكر بكلامها، كل عقلها خالتي عبالها فهد ملاك، متدري بي لا صلاة ولا تعالي وجماله يشرب ويدور نسوان، والمشكلة مو هنا المشكلة اني شلون كدرت اتقبلة واحبه ما ادري، اتذكر نفسي سابقاً جانت تلعب نفسي من هيج زلم بس من اجيت لهنا اختلفت هالنظرية عندي، ااااه ربي رحمتك تعبت رسيني على بر.

***

شهد: كافي حبيبتي مردتي روحج.

مروة: (بدموع) شهد نار نار جواية راح اموت ولج احبه تعرفين شنو يعني احبه، ما اكدر اتخيل خلص راح يتزوج وحدة غيري لا وفضلها علية وخطبها الها.

شهد: ياعمري كل واحد ياكل نصيبة وفهد مو نصيبج، باجر عكبة الله يرزقج بواحد احسن منه.

مروة: بس اني ما اريد احسن منه اني اريده هو.

شهد: والله مردت كلبي، حضنتها كافي ولج كطعتي روحج، كليلي شسوي والله لو بأيدي اروح اسحل فهد واجيبة يمج هسه، انتي ليش تيأسين يجوز غنى متقبل او اهلها يرفضون.

مروة: هه والله ضحكتيني غنى ترفض؟ انتي خبله ولج اذا ما طلعت هي جاي تحوم حوالية وتريد تسحبة، اطلع كلشي ما افتهم والواضح فهد غرته ببياضها ونعومتها وراح يخطبها.

شهد: تره الاختيار اختيار خالة ايمان مو اختيارة، يجوز الولد كال خلص بعد لازم اتزوج و وافق امة.

مروة: لتخليني اسب حتى الجاب ايمان هسه.

شهد: ردت احجي وطبت خالة ضحى.

ضحى: فتحت الباب ودخلت اباوعلهن سكتن، صارت عيني على مروة شبيج تبجين؟

مروة: (مسحت دموعي بسرعة) لا هيج ماكو شي.

ضحى: اكو واحد يبجي بدون سبب؟ خير شهد صاير شي وجوهجن متتفسر احجن لتخوفني.

شهد: لا خالة بس جنه نحجي على الشهداء ومروة بجت.

ضحى: اووف سودة علية الله يساعد كلوب امهاتهم، هاجن سويتلكن عصير.

شهد: عاشت ايدج خالة.

ضحى: ايدج العايشة، جنتي تلحين تره فهد منا لشهر معرس وانتي وحارث بعدكم.

شهد: ان شاء الله بس خلي اطبق واباشر بكلشي.

ضحى: ان شاء الله يلة اعوفجن.

***

فهد: صبيت كاس ثاني شلت راسي شفت وحدة من الراقصات تقربت يمي.

: سلام ياحلو شنو شو جاي وحدك اليوم؟

فهد: ليش عندج مانع؟

: بالعكس اصلا انت دومك منور بدونهم او وياهم.

فهد: حسيت بأيدها على فخذي دفعت ايدها بهدوء.

ايدج وين؟

: تحب نطلع وره ما تخلص السهرة؟

فهد: (بهدوء) مالي مزاج كومي من يمي.

: والله اكلبلك المزاج على البطانة بس لو توافقني وتكوم وتعوف السهرة ونطلعنة بفندق خمس نجوم ونتونس بس ها الليلة تكلفك.

فهد: محد كالچ اني مكحف بفلوس اجيب اغاتج وكتلج كومي من يمي لتخليني اصيح للكو... مالتجن واخلي يطردج يييييييله كووومي.

: كايمة كايمة شبيك عابتلك شلون حلو.

فهد: (باوعتلها بصفح) عايزني اني هسه لو حورية كدامي هم ما ادنالها.

تنهدت اشتعلتي بكاز يا غنى، صبيت بعد كاس، السرسرية صاروا براسي شرفاء وميردون يطلعون، صدك الموت يخوف والله شكلهم تابوا، رفعت راسي وانت يا فهد شوكت تتوب؟ شوكت تشوف الجاي تسوي غلط؟ شوكت تحس روحك لازم تتغير؟ هاي انت راح تزوج ولسة ما حسيت انك تريد تتغير.

كمت دفعت الحساب وطلعت رجعت للبيت فتحت الباب ودخلت كالعادة لكيت مرت فيصل مزروعة كدامي ادري هاي متقصدتني.

ساره: الله يساعدك.

فهد: ساره انتي تتعمدين تطلعين بوجهي وين ما اروح تره ما صايرة هاي كل شوية مكنبصة بوجهي جنج سكتت استغفر الله.

ساره: شلون يعني ابطل ما افتّر بالبيت؟ وبعدين حاجي اخوج كل ساعة منزلني على شغلة.

فهد: غلسـت عليها واجيت أصعد.

ساره: اكول فهد سؤال.

فهد: (بنفاذ صبر) خير.

ساره: شنو رأيك بعرسك البس اني ومرتك نفس البدلات؟

فهد: عود هاي فطيرة لو تتعمد تحجي هيج؟ باوعتلها ما اكول غير الله يشافيج.

ساره: هذا شبي هسه اني شكتله معقولة زعل لان حجيت على مرته؟ هلة هاي بعدها ما اجت شدلها صدر من هسة.

فهد: طبيت لغرفتي شفت امي كبالي جانت عاينة والتمت.

ايمان: وين جنت الساعة بال 2 هسه؟

فهد: (ببرود) طالع.

ايمان: ادري طالع بس وين؟

فهد: (رفع حاجبي) طالع وبس حجية.

ايمان: حجية شنو ولك؟

فهد: (كعدت فتحت قميصي) شتردين يمة؟

ايمان: انت راح تتزوج، طلعاتك هاي خففها واكعد وكابل زواجك وشوف شلون راح تعيش وتكون عائلة من تكضيها طلعات.

فهد: ليش المفروض اضل كاعد بالبيت واسوي خلطات لو اكلج اروح اجيب كريمات تبييض حتى بالعرس متنصدم غنى من جسمي وتنذهل من بياضي وانوثتي الطاغية لو لالا اكعد اخذ خيط لحواجبي حتى يبينن حلوات؟

ايمان: استهزء استهزء، طبعاً شوراك انت اشو المضموم وشايفه انت وبالنسبة للكريمات فميحتاج هي شايفه ولا لاعبة وملخصة.

فهد: لا وداعتج لا شايفه ولا لاعبة بس ان شاء الله منا للزواج راح تشوف وتخترع هم وحتى... راح تشبع شتردين بعد.

ايمان: دومي اكول الشرطة هيلكتك ابو لسان الزفر، اني مو هذا قصدي بس انت دماغك رايح يسرة، اسمعني زين هذا روتينك يتغير وسوالف العزوبية تنساها فهمت، التفت لحياتك الجديدة احسن الك.

فهد: بعد اوامر ثانية تحبين اتحجب على الواهس؟

ايمان: فهييييدان لتستفزني كلامي واضح ومفهوم ويتنفذ غصباً ما عليك فـ فهمت.

فهد: الله كريم.

ايمان: احد كالك الله بخيل؟ ندري كريم واكرم منك، كلامي يتنفذ وغير قابل للنقاش، يلة اعوفك تنام.

فهد: (غمضت عيوني) يلعن يوم النسوان شكد ينكنكن والله يا الله تكلي شايفه ولا لاعبة يمكن هاي اذا شافتني بدون قميص تريد توكع على وجها مو عاد اتصلخ كدامها.

***

صباحاً

غنى: ضليت للصبح كاعدة عيني ما اخذت نوم، كمت فتحت موبايلي شفت مكالمات من البنات شكد عيب هنه صار ايام يخابرني واني ما اجاوب، عدلت شعري واتصلت مكالمة جماعية شوية وفتحن.

صباح الخير.

اروى: صباح الورد على مرت اخويه الكيكة.

نرجس: لج جلبه صار ايام ادك عليج ليش متردين لو لان انخطبتي؟

غنى: (ابتسمت) والله اسفة جنت تعبانة شوية وحتى موبايلي مفتحتة كد ما مالي خلك اسفة حبيباتي.

اروى: عادي مرت اخويه ولا يهمج، هو حب اخويه يسهر فديته اكيد ما نمتي الليل تفكرين شلون راح تتوسدين صدره بعد كم يوم.

نرجس: اي والله اني اشهد اول من فكر بصدر وعضلات فهد اني ههه.

غنى: (ابتسمت).

اروى: شبيج نونه شو احسج ضايجة؟ شنو احد ضوجج من النسوان؟

غنى: لا بالعكس كلهن حبابات بس كتلج اني تعبانة شوية.

نرجس: اكول غنى خوا ما راح تغيرين اسمج؟

غنى: اغيره ليش؟

نرجس: عبالي راح تسوين مثل البنات وتسمين نفسج المخطوبة المخطوبة.

اروى: هههه خرب يومج نرجس والله عندج سوالف.

غنى: تره بعدني افكر ومصرة مخطوبة.

اروى: شنو تفكرين ولج مو دافنينها سوه وبس لا ناوي ترفضين يبعد كلبي.

غنى: يجوز شمدريج.

نرجس: صدك لا كالو هم صحلها رجل وهم كالت اعور لج بابا حمدي ربج طحتيلج بواحد مثل فهد، واذا متردي اني موافقة بدالج خلي يجي ياخذني فلاحة ملاحة حتى مهر ما اريد واذا تردون اني ادفعله مهر واحنه حاضرين من المليون للمية احنه مشترين رجال.

غنى: ههههه صدك ضحكتني والله مالي خلك.

اروى: الله يساعد كلبج يا رجل نرجس راح تشبع طز نعل.

نرجس: عن السخافة اصلا حبيبي راح ادلله دلال حتى ريوك اسويله.

اروى: لا هواي متعبه نفسج.

غنى: ضليت احجي ويه البنات شوية وسديت الموبايل حسيت نفسيتي ارتاحت شوية، صدك الاصدقاء نعمة بالحياة اذا احسنت اختيارهم.

كمت نزلت جوه.

صباح الخير.

سيف: تعاي بوية يلة تريكي.

غنى: صبيت جاي واجيت كعدت اكلت شوية وكمت اساعد خالتي.

سحر: ها فكرتي بالموضوع؟

غنى: اي بس بعدني ما قررت.

سحر: تره اليوم الفجر اخذت لج خيره بالقرآن وطلعت زينة وكلش هم.

غنى: هزيت راسي.

سحر: غنى يمة ادري بيج فكرتي وهواي بالموضوع كليلي موافقة لو لا.

غنى: تنهدت موافقة بس عندي شروط.

سحر: والي هي؟

غنى: عرس ماكو والاسود ما اذبة، عرس على الساكت.

سحر: انتي مخبلة شهالحجي اكو بنية تشترط هيج شروط بزواجها.

غنى: لتنسين اني حزينة وما اريد لا طنة ولا رنة بزواجي وحتى اذا ميسوون عرس يفضلون علية لان بكل الاحوال الاسود ما اذبة.

سحر: لج امي صار سنة سنة كاملة على الي صار وكل الناس تذب الاسود وره دورة السنة مو انوب عروس؟

غنى: خالة اني هذا شرطي قبلو قبلو مقبلو براحتهم.

عفتها وكمت انجبرت اوافق لان فكرت بكلام خالتي صحيح اني منو دايملي خاصه لو خالة ايمان سوتها صدك وحجت بالسالفة اول شي تدمر سمعتي وثاني شي موبعيدة عمامي بذبحوني ويطعنون بتربية اهلي واني افضل اموت ولا ينمسون اهلي ولو بحجاية بسببي، واذا كان زواجي الدائمي من فهد يبقي سمعة اهلي طيبة اني مستعدة اضل طول عمري تحت رحمتهم ولا ااذي اهلي وهمه بكبرهم.

مر اليوم بكل بطئ احس عقارب الساعة تتحداني وتكلي لو تضلين اليوم كله تتهربين من التفكير هم تنحصرين بزاوية الافكار، تالي الليل.

ثاني يوم خالتي ردتلهم الخبر والفاجئني وافقوا على شروطي، ومن يومها بدت خالتي وخالة ايمان يخططن للمشية مال الزلم والي راح تصير مشية وعقد سيد.

ما حسيت بأي شعور لان لاعندي بنات عمام ولا خوال ويجن ويحضرلي بهيج مناسبة، بيومها اجتني نرجس وخالة ام جعفر الدمعة بعينها تبوس بيه عبالك العقد لبتها.

كامت خالتي تجهز للمشية هي وام جعفر نزلن وصنعن محل حلويات على ضيافة وزينة وهالسوالف مال المشية.

نرجس: سويتي جسمج؟

غنى: شهالاسئلة نرجس.

نرجس: اي الولد يريد يشوف حرير ابيض مو غابات الامازون، فاذا ما مسوية جسمج كليلي حتى اساعدج.

غنى: (رفعت ايدي) تره اني مو مشعرة وتدرين بيه بمناسبة او بدون اني معتنية بنظافتي الشخصية ومو لفهد لنفسي.

نرجس: باجر عكبة حتى عينج تسويلها عناية خاف السيد فهد يلمحله رمشاية مكانها مو صح؟

غنى: انتي شعندج وياية؟

نرجس: (لزمت ايدها) غنى ليش احسج مو فرحانة؟ حتى اروى حست بس ما حجيت شي.

غنى: تنهدت شريد احجي يعني اكول نرجس تعاي اراويج الفستان الجابته خالتي اني لسة ماشفته كلت اشوفة وياج.

نرجس: اي يلة.

لج ليش اسود؟

غنى: اني ردته هيج.

نرجس: بس ليش غنى عفتي الالوان كلها خليتيها تجيب لج اسود.

غنى: لتنسين اني حزينة.

نرجس: (باوعتلها وهزيت راسي) بسيطة اله اخليج تذبين الاسود وكولي نرجس كالت.

غنى: مر اليوم بسرعة وتوالت الايام واني ما شفت فهد ولا حتى سمعت صوته، وهاي اطول فترة بعد صارت بيني وبينة، واجه اليوم الجنت اتمنى لو يصير واني وفهد موافقين عليه، اجوا هواي ناس ماشاء الله ترسو البيت وحتى ماكو مكان كعدة، اباوع لخالتي حبيبتي تركض ركض مقصرت ابد لا هي ولا عمو الي استقبل الزلم والمشية الجبيرة الي جابوها عبالك ابويه، مشت مراسم العقد لحد ما نطق الشيخ وسألني على موافقتي.

: اذا موافقة على فهد ابن سالم كولي نعم وانت وكيلي.

غنى: (غمضت عيوني وجاوبته) نعم وانت وكيلي.

سمعت الهلاهل وكالو فهد راح يدخل واني حسيت الدنيا تدور بيه.

****

يتبع

قبل ثلاث ساعات.

اروى: علي، علي يا معود وينك؟

علي: نزلت ركض، ها شكو؟

اروى: فهد صاير بارود، خابرني كال خلي يلحقني لبيت جدي لأن المشية تجي مناك.

علي: أي غير مشية أخويه وعقدة، خو ما نطلع مبهذلين؟ لللللك نعاااااال، منذر وين صرت؟ فهد راح يصمط أبوهنه اليوم.

منذر: ابن الزفره، شبيك؟ جيت. انغام جيبي سالم خلي أخذه وياي.

إيمان: طلعت من غرفتي، هاييييي بعدكمممممم! الزلم راحت وانتووووو لسه هنااااا.

ورده: أدري مسابقة صياح هي، شبيكم؟ أهدي يمه، الولد هسه رايحين وانتي روحي كملي تبديل النسوان راح يجن من الصالون لهنا حتى نبدي العقد وره المشية.

علي: تعاي تعاي، هاي شمسوية بوجهج انتي؟

ورده: جنت داتمكيج عقد أخويه، شنو عيب حرام جريمة؟

علي: لسانج أدبسز، وينج ووين المكياج؟ بعدج بطول إصبعي، امشييي روحي مسحييي.

ورده: أكول يمه، حاجي حبابة، هو أني شخاله بس حمرة ومسكارة.

منذر: ما عليج حبيبتي، بكيفه هو. شتريدين تحطين حطي، وفنه يحاجيج، شنو هم عقد أخوج وهم بس نسوان؟ وتعالي أكلج، انغام عدها أسوار ويه بدلتج يطلع يخبل، صعدي اخذي منها، يله بسرعة.

ورده: دزيتله بوسة بالهوى، أروحلك فدوة أنت وفهد، بس أنت أحبك. صعدت أركض، ولج اااااانغام!

إيمان: شوووووو بعدكم واكفييييين.

منذر: جريت علي، صار صار والله رايحين.

اروى: ههههه، شجاج وياهم يمه؟

إيمان: شلعوا كلبي، لطخوا هنا. وين مرت أبوج وجناينها؟ شو لسه ولا وحدة اجت، وليلى من الصبح طالعة، بايته عد الصالون.

اروى: يايمة غير عدنه عقد ومسوين حفلة، وبعدين شهالجمال هذا؟ شهالفستان الحلو؟ شهالزنود هاي؟ عايزها شيرة وتصير زنود الست.

إيمان: ضحكت، والله سوالفكم مكسرة. امشينه نتأكد من حاجات ست الحسن مرت أخوج.

اروى: أي يله، اجيت. أروح أوكفنه أني وأمي مصدومين، نزلت مرت أبويه لابسة بدلة مو مال عمرها أبد، وصابغة شعرها ومسويه تسريحة، والمكياج، الذهب. ضلينه صافنين. أوك هي حرة بلبسها، بس مو هيج الواحد هم لازم يحترم عمره.

سعاد: هاا، شلوني؟

اروى: باوعت لأمي وهزيت راسي، كوه لازمة روحي ما أضحك.

***

فهد: كاعد وذولة صرعوني براسي بهوساتهم. جماعتي خو بدعوا، ولد الكلب جايين شمتانين. كافيييي، صرعتوا راسي. شبال عين اليوم؟

عمر: يدك على الطبله، وراح يدخل للقفص. راح منو الراح يدخل للقفص يا شباب؟

الولد: أبو الفود.

عمر: منو الجان يكول ما أعرس، وهسه راح يتوب ويعرس يا شباب؟

الولد: فهيداااان هههه.

إيمان: يا ناقص، قبل فترة سويتلي سالفة من ردت أعرس وتالي خطبت كبلي.

فهد: كبرنه بعد.

مهيمن: له له، معقولة هاي الحجاية تطلع منك أبو الفود؟ بس لا سلاحك كام ميشتغل، وكلت أستصلحك نفسي وأعرس قبل لا سلاحي يروح وبعد ميسحب أقسام.

فهد: مو سلاحي مثل سلاح أبوك، ضل يمعلك بي لمن جاب خلفه طايح حظها مثلك، وطاحت براس المكرودة أمك.

مهيمن: رحم الله والديك.

أيمن: والله لو ساكت أحسلك. شتسوالك هسه؟ هاي تشكك بسلاح أبوك.

مهيمن: الحجي بيناتنه، الحجي صدك، سلاحه عاوي، والحجية حايرة بزمانها.

أيمن: هههه.

عمر: أكول، شلون راح تدبرها بيوم العرس وكتفك مصوب؟

فهد: لتخاف، ماكو شي يصعب عليه. وبعدين كتفي المتصوب أبو قاسم مابي شي، الله يحفظه ويطول بعمره وأمكانياته.

الولد: هههه.

أيمن: اجاكم غانم.

فهد: أباوع، أجه غانم. كمت.

غانم: ألف مبروك ابني، وأخيراً عشت وشفتك بهاليوم.

فهد: ابتسمت، لو أبويه عايش هسه ما أشوفه بعيونه هالنظرة الي بعيونك.

غانم: والله المشية اليوم لابني مو ضابط. عساها زواجة الدهر، وإن شاء الله ابنك بحضنك بعد سنة.

عمر: قصدك بعد شهر.

غانم: هههه، أحسنت، هاي فاتتني.

فيصل: أباوع، الدنيا مكلوبة والشارع مسدود. جماعته كالبين الدنيا، وكل الجايين مسؤولين بالدولة، شي ضباط وشي عمداء. هاي من غير خواله الشيوخ. ينعل يومك جايب فيلق كامل، وياريت لو مرتك تستاهل. اللي يشوفه يكول راح ياخذ بت وزير وخابص الدنيا. ولو هو من يومه يحب الفخفخة.

علاء: أبو حارث، وين فهد؟ شوكت نباشر بالمشية؟

عباس: أبو حسن، عوف فهد ويه جماعته، خلي متونس. وأحنه غدينا العالم الجاية وضيفناهم، خلي نطلع بعد ربع ساعة، أفضل شي.

علاء: على شورك خويه أبو حارث.

علي: لك منذر، عود بمشيتي هم لازم أجيب كل هالعالم؟

منذر: أي أكيد، نسيت أحنه ولد منو؟

علي: أني ما أحبذ هالسوالف، أسوي خطبة عائلية وآخذ مرتي وأسافر أفضل من الصرف وهالسوالف.

منذر: حتى إيمان تشكك بالنص. هي متعول تعرسكم وتفرح بيكم، وانت تريد تختصر عليها فرحة شكبرها.

سامر: يوم الألي، كولوا آمين.

علي: ليش أنت ياغبرة تقبل بيك؟

سامر: أختك.

منذر: شكلت؟

سامر: ها، هيج ماكو شي. أروح أشوف أبويه يصيحلي. مشيت، شفت مرتضى أجه. خرب، كملت السبحة. أجه تقرب يمنه.

مرتضى: ألف مبروك ابن الخال، تتهنى بغنى.

فهد: بتحذير: صوتك ولتكول اسمها.

مرتضى: باوعتله، عندي حقد تجاهه بهاللحظة، لو أطلعه أموته بمكانه. أجيت أجاووبه.

سامر: أحم، مرتضى تعال أريدك.

مرتضى: درت وجهي ورحت وياه.

محسن: اهدئ فهد، شبيك؟ وجهك مطعون.

فهد: اسكت عني محسن، تره روحي واصلة لخشمي. وره ربع ساعة كمنه حتى نروح نخطبها رسمي. وصلنه لكينه خمس زلم، عرفت رجل خالتها جايب جماعته وإخوته. مدري ليش انقهرت على غنى، يعني أهلها عايشين وما واحد كلف روحه وكفلها بهيج يوم.

***

غنى: درت وجهي، يله ننزل. شبيجن؟

نرجس: تخبلين، عزة العزاج.

اروى: اسم الله، العزة يعزيك، طايحة الحظ.

غنى: باوعت لروحي، لبست فستان أسود تصميمه بسيط، بنفشة خفيفة كولش. ما ردت ألبس شي مبالغ بي، هو مجرد عقد. برمت شعري وهو طويل وثخين، صار أقصر وأحلى.

نرجس: بس لو الله يهديج وتخلين مكياج.

غنى: كلت مكياج ما أريد، أني مقتنعة بوجهي هيج. وبعدين أني وره الزواج راح أبقى كدامه بدون مكياج، فماكو داعي أخلي مكياج. وضيفي إنو أني حزينة ووافقت على حفلة العقد حتى ما أضوج أهل اروى.

اروى: هي هاي العايزة؟ متقبلين نسوي حفلة حتى أكسرچ؟ خوش والله، عرس أخويه ومنسوي حفلة ونركص بي.

غنى: بهدوء، هو هيج. أني مستحيل أكون أنانية. الحفلة الكم وما أريد أضوجكم، بس غيرها ما أريد. تردون تحتفلون؟ احتفلوا بفهد، وأتمنى متضوجون مني، وفهد هم ميحجي شي.

اروى: بالعكس، ما حجه شي. من كلتله الحجية، كال براحتها، شتريد تسوي، خلي تسوي.

غنى: تنهدت. يله، خلي ننزل. نزلت وأشوف الدنيا مكلوبة عدنه. أعتقد بدت الخطبة من صدك. أباوع النسوان يركصن ويغنن، مبين عليهم فرحانين بي.

حياة: اللهم صلِ على محمد. ولج ليش لابسة مخلع؟ لتنضربين عين يمه.

ياسمين: العين الحارة الحمزة يطفيها، والعين الباردة كل الهلا بيها. أي أي أي.

اروى: اليوم أركص ركص وأشلع الكاشية. أني أخت الولد مو أخت البنية.

نرجس: وأحنه خوات العروس. واليوم نلعب جولة. خاف عبالكم بس الكم الكولات؟ لا حبايبي.

اروى: هههه، شكد سخيفة.

غنى: كعدت على جهة، والنسوان شي يهوسن وشي يركصن، وأني ساكتة وأجامل الي يباركونلي. خو خالات فهد استقبلني ذاك الاستقبال، بحيث صفنني. عكس بيت جده جانوا حديين وياي نوعاً ما.

عبير: مبروك غنى.

غنى: الله يبارك بيج حبيبتي.

آلاء: بوستها، مبروك عيوني، مرت الغالي.

غنى: بتفاجئ، الله يبارك بيج.

سعاد: شو وخرن، خلي أشوفها. ياا، هاي شنو؟ ليش لابسة أسود وما حاطة مكياج؟ أدري عقد لو فاتحة هو.

ضحى: أحسن، حتى الولد يشوفها على الطبيعة من البداية. ما شاء الله، هي تخبل بدون شي.

غنى: شاورت سارة، أكولج منو هاي؟

سارة: ضحكت، هاي عمتي أم فيصل. شبيج؟

غنى: فتحت عيوني، ياا، والله ولا عرفتها. هاي شمسوية بروحها.

إيمان: شويه وخرن حبايب، ونصن صوتجن شويه. همست لغنى: أفردي وجهج، تره مبين عليج كاعدة بعزة. لتخليني أضوج، واليوم يوم فرحة.

غنى: جبرت روحي ابتسم. صار خاله. باوعتلي بنظرة مكدرت أوصفها، حسيت نظرتها مليانة عتاب. بدت الحفلة وهوسات النسوان. للحظة تمنيت أمي موجودة ويايه وبيبي زكية واكفة يمي وتقرالي قرآن. بس مو كل شي نتمنى نحصله. تنهدت، أباوع أجو هواي ناس، ماشاء الله، ترسو البيت وحتى ماكو مكان كعدة. أباوع لخالتي حبيبتي تركض ركض، مقصرت أبد، لا هي ولا عمو الي استقبل الزلم والمشية الجبيرة الي جابوها، عبالك أبويه. فدوة لكلبه، مشت مراسم العقد لحد ما صاحولي حتى نعقد. لبست جادر أبيض، كعدت على كرسي، وخلن قرآن بحضني، وأشرتلي خالتي على هالاية (إنا فتحنا لك فتحاً مبيناً). ورجليه بمعجنة بيها ياسم وهيل وورد ومي. واكفات على راسي نسوان عم فهد، أم حارث وأم محسن، يقرن قرآن لأن ما عندي أحد يقرالي. بدت مراسم العقد، وأخذ الشيخ موافقة فهد، وأنوب سألني على موافقتي.

الشيخ: غنى صالح... أنتي موافقة على فهد سالم علي، على مهر مقداره (...) ومؤخر مقداره (...) ... قولي نعم، وأنا وكيلك.

غنى: باوعت لخالتي بسرعة، صدمني المبلغ الي ذكره الشيخ.

سحر: همستلها: لتنطقين، خلي يعيد كلامه أكثر من مرة ياله تجاوبي.

غنى: هزيت راسي. عاد الشيخ كلامه أكثر من مرة، ومجاوبته. تالي أشرتلي خالتي، غمضت عيوني وجاوبته (عادة معروفة عد أغلب أهل بغداد). نعم، وأنت وكيلك. سمعت الهلاهل وكالوا فهد راح يدخل، وأني حسيت الدنيا تدور بيه. لزمت أيد خالتي بسرعة.

سحر: بخوف، شبيج يمه؟

غنى: نملت عيوني، عيوني دموع، اختنكت خاله.

سحر: من رخصتجن عيوني، بس شويه. كومي حبيبتي، كومي يمه. نرجس، كاسة مي من المطبخ بسرعة، كومتها، رجعتها بمكانها. أهدي، وكولي يا الله. هاي بالخطبة هيج، أهدي.

نرجس: شربتها مي، شبيج غنى؟

غنى: ماكو شي، هيج لتخافون. تنفست بعمق. أباوع للنسوان كمن يتراكضن يلبسن يحجابتهن، حتى خالتي وياهن. انفتح الباب ودخل فهد، والدنيا انكلبت بالهلال.

أميرة: كلللوووووش، مباركلك يا راعيها، مباركلك يا راعيها، أي أييي أي.

غصون: وعلى عناد عماته، لعبن لعب خالاته، أي أي.

غنى: ابتسمت، مبينات خالاته يموتن عليه، وهو هم ما صدهن. بالعكس، أحسه فرحان بهوساتهن، مبين يحبهن. أباوعله لابس قاط كحلي ومزين ومخفف لحيته. مع إنو هو ضابط واللحية ممنوعة عدهم، بس هو يخليها خفيفة، ميزينها، ومدري شلون ما يعاقبوه. ما أدري، أجه وكف يمي.

فهد: بعد الهوسة الي سووها خالاتي، شفت غنى وانصدمت. لابسة أسود وشعرها مدري شمسوية بي، بس طالع يخبل. كفت يمها.

نسرين: وحبها ولك، حبها، ولتخاف من أمها. يا نسيت، هي أمها ميتة.

اروى: أباوع لغنى، الدمعة صارت بطرف عينها. خطية ما حجت شي، والحجية والكل ما قبل على سواية عمتي.

سحر: ما يحبها. أني أمها، ما أقبل.

غنى: باوعت لخالتي، أووف ماما، ياريتج موجودة ويسوون هالهوسة وأنتي يمي.

ياسمين: وحبها ولك، حبها، ولتخاف من أهلها، حبها. بيبي حبها.

فهد: باوعتلها، وجها مابي ذرة مكياج. دنكت بستها بخدها وابتعدت. انتبهت ظهر احمرار طفيف على وجها. أخذت الحلقات من أمي، لبستها حلقتها. أباوع لأيدها عبارة عن قماشة بيضة وشرايينها مبينات كد ما بيضة.

غنى: أخذت الحلقة خليتها بأيده، واجه لبسني طقم ذهب ثكيل، لأن ذهب العرس ما قبلت الحجية نشتري. كالت: أنتو طلعوا جيبوا على ذوقكم، وأني مثل الإله العلية، أكول أي وبس. مرت مراسم العقد على خير، وبدت الناس تروح، وبقوا بس أهل فهد، حتى خالاته راحن.

سحر: كومي يمه، رجلج كاعد بالاستقبال يريد يحجي وياج.

غنى: شيحجي؟

سحر: غير يتعرف عليج، يحجي وياج، ما ياكلج. كومي دخلي.

غنى: ماشي، بس خلي أبدل.

سحر: كومي، شتبدلين؟ هو شافج، شافج.

غنى: كمت وكفت يم الباب، سمعت صوت ورايه، درت وجهي، شفت اروى ونرجس.

نرجس: غنى، مو تسوون وكاحة، خليج كد الثقة.

اروى: أني ضامنة أخويه، بس أنتِ غنى، لزمي نفسج. من تغتصبي تره أحنه عالم، أهم شي عدنه ستر ولدنه.

غنى: عيب عليجن، أستحن شويه.

نرجس: هههه، ست حت نصره.

غنى: هزيت راسي، والله فايخات. فتحت الباب، لكيت فهد كاعد ومرتاح، لا ويدخن، عبالك البيت بيت أبوه. رحت كعدت بعيد عنه.

فهد: مبروك.

غنى: بهدوء، الله يبارك بيك.

فهد: اكو جم موضوع لازم نتفاهم بيهم قبل الزواج، مادام صرنه كدام الأمر الواقع وزواجنه صار شي حقيقي وما منه مهرب بعد.

غنى: تفضل، أحجي.

فهد: ببرود، تعاي كعدي قريب مني حتى نحجي مثل الأوادم، مو واحد بالشرق وواحد بالغرب.

غنى: كمت كعدت قريب عليه، أسمعك.

فهد: قبل لا نتناقش بالأمور الخاصة بحياتنه، سؤال وأريدج تجاوبيني عليه. أنتِ كلتلي راح ترفضين وقرارج ما منه رجعة، شنو الي غير رأيج وخلاج توافقين؟

غنى: بهدوء، خلي أكون بكامل صراحتي وياك. أني ما عندي أحد يافهد، وما أخجل أحجيها. أني وحيدة وبدون أهل. وخالتي ورجلها إلى متى يضلون متحملين مسؤوليتي. وحسب كلام خالتي، أنت أنسب خيار الي. وغير هيج، لو أرفضك راح أخسر سمعتي الي جانت حتدمرها أمك وتسبب حجي لأهلي الميتين. وهاي حقيقة وبس.

فهد: خوش، مادام الأوراق صارت واضحة، خلي ندخل بالمفيد. شوفي غنى، علاقتي وياج سابقاً جانت علاقة صداقة ومتتجاوز الأخوة، ومحور كلامنه جان عادي ومابي أي شي. وأبد ما تطرقت لأمور شخصية، وهواي أشياء بذيج الفترة أنتِ متعرفيها عني. أما هسه، كدام الناس وحتى بيناتنه، أنتِ مرتي شرعاً، وبعد جم يوم راح تصيرين قانوناً هم. فأسلوبي وكلامي وياج راح يتغير ميه وثمانين درجة. سابقاً يمكن جنت متساهل وياج بتصرفاتي وكلامي وبكلشي، أما هسه فلا. أني عندي قواعد وقوانين، وأنتي مجبورة تنفذيها بحذافيرها. وهذا كلامي لو أي وحدة بمكاني جان راح تسمعه. فلا تعتقدين كلامي هذا بس لأن انتي صرتي مرتي.

غنى: هزيت راسي.

فهد: أول شي، أني شخص أحب تكون حياتي الخاصة معزولة على جهة، محد يدخل ولا يتطفل عليها. وأول شي أريده منج هو تكونين سكوتية، شيصير كدامج متحجين. علاقتي وياج أبد ما أحب أحد يعرف عنها شي، لا أني شلون أعاملج، ولا شيصير بيناتنه بالغرفة، ولا أي شي. وكتلج أني شخص يعشق الخصوصية.

غنى: أي.

فهد: ثاني شي، يمكن تعرفي، أني أكره المرة الوصخة. سواء جانت نظافة الغرفة أو نظافتها هي. أجي ألكى الغرفة ما مرتبة، أو قشاية واكعة بالكاع، أو أنتِ وصخة، أحسبي البيت ينكلب. عزة عليج، فاريدج دائماً نظيفة.

غنى: أعتقد الدتحجين وياها مجانت عايشة بحاوية زبالة، ولا فد يوم طبيت عليچ بهدوم لابستها من سنة، ولا فد يوم دخلت للشقة وشفتها وصخة. هذا كلامك لوحدة متعرفها. وبالنسبة لنظافتي أني، فاني نظيفة لنفسي مو الك. أنتَ لأن ديني يحتم علي أبقى دائماً نظيفه، هاي إذا جنت تدري دينك شيكول.

فهد: أدري بيچ وشايف نظافتچ، بس الحذر واجب. وكتلج الجاي تحجين وياا مو فهد الجنتي عنده من أشهر وبيناتكم صداقة... أنتي هسه تحجين ويه زوجج الضابط فهد سالم، باعتبارچ نهيتي كل ذرة صداقة بيناتنه بمواقفج السخيفة وبعدم احترامج الي. بس مو مشكلة، شي وانتهى، وأحنه ولد اليوم... نرجع لموضوعنه، وين جنه؟ أي، ثالث شي، أني أكره الاختلاط. سواء ويه الولد أو البنات، حتى أقاربي ما أريدج تختلطين بيهم. أريدج رزنة بتصرفاتج دائماً. وهذا شي جداً مهم عندي. بالإضافة إلى إنو غير اروى ونرجس، ما مسموح الج تصادقين. ومرتضى ابن عمتي، لو شفتي كدامج تعبري وتمشين بدون حتى متسلمين عليه. لهنا مفهوم؟

غنى: لا، مو تمام. هذا اسمه سجن، شنو ما مسموحلي أختلط بأحد؟ وبالنسبة لصداقاتي، فمو أنت الي تقرر. أني الي أقرر أمشي ويا منو وأصادق منو. ومرتضى، أني أصلاً ما أحجي ويا.

فهد: غنى، كلامي يتنفذ ب ح ذ ا ف ي ره (بحذافيره) وغير قابل للنقاش. صدقيني، أنتِ ما شايفة وجهي الثاني. تره ذيج الفترة ماشفتي مني غير حمل وديع. أما هسه الحمل راح وسوينا له باي باي، وطلع الفهد يا حبابة. فكتلج، مادامج صرتي مرتي، تعيشين وياي مثل ما أني أريد. وأقسم لج بالله يا غنى، لو فكرتي مجرد تفكير تتجاوزين حدودج ويايه، راح أنقلب طنطل عليج وما أهتم لو جنت مرة لو رجال.

غنى: شكلي جنت مخدوعة بيك، وذاك فهد جان وجهه جذاب منك. مسحت دمعتي بسرعة. لتخاف، ما أتجاوز عليك. مو حباً بيك، بس الله موصيني ما أعصيك. وبالنسبة لكلامك، فراح أنفذه على قدر المعقول. بس إنو تسجني وتمحي وجودي، هذا شي بأحلامك الوردية.

فهد: وردية، صفره، خضرة. كلامي يتنفذ حتى نعيش مثلنه مثل أي زوجين طبيعيين. ما أريد جهالي باجر عكبه يكرهون حياتهم بسبب مشاكل أهلهم.

غنى: ليش واثق إنو حياتنه راح تصير طبيعية مثلنه مثل أي زوجين طبيعيين؟

فهد: خصم الحجي غنى، أنتِ ترديني لو لا؟ كلمة وحدة تختصر كل شي وتكلب موازين علاقتنه الزوجية.

غنى: للحظة ردت أكله لا، أني أريدك وأحبك. بس انعقد لساني ومانطقت غير... لا.

فهد: بهدوء، براحتج. أني ما أجبرج على شي. خلص، حسبي حسابج جم يوم ونطلع نجهز للعرس. مادام كل شي مخصوم، ماكو داعي نماطل. يله، أخذيلي طريق، أريد أطلع.

غنى: طلعت. لكيت الكل طالع، وخالتي يمكن بغرفتها، وعمو... تفضل. طلعت ورا. دفعني حيل.

فهد: بحده، رجل خالتج بالبيت. وين طالعة؟ وجسمج كله مبين. انتبهي.

غنى: باوعتله، تره ما انتبهت.

فهد: أنوب انتبهي، ولتطلعين وراي. أني طالع، وأنتي بوجهج لغرفتج.

غنى: مسحت على وجهي، اللهم صبرني.

***

ضحى: حبيبتي، ليش ما جيتي؟ حرامات فاتج العقد يخبل.

مروة: تونستي؟

ضحى: كلش تونسنه.

مروة: ذبيت الريمون، شلون طالعة غنى؟

ضحى: الله يحفظها، تخبل. خو فهد ضل صافن عليها، خاصة هي بيضة ولابسة فستان أسود، طالعة تضوي. الله يحفظهم، حيل لايقين لبعض. طول الحفلة والحجية تقرا المعوذات عليهم.

مروة: يعني فهد فرحان؟

ضحى: أي أكيد، غير عقده. وبعدين ابن عمج كبر، ولازم يستقر. بعد الي بكده، هسه عدهم جهال مو ستوهم يخطبون.

مروة: تره كل عمره ثلاثين، ليش تبالغون.

ضحى: ليش تلاثين؟ صغير يعني. تره الزواج بعمر جبير مو حلو. على العموم، الله يسهله ويوفقه ويه هالبنية.

مروة: عساها بالمرض، وإن شاء الله ينفصلون وأفتك منها هالبت الفكر هاي. اجتني رسالة من شهد: "لج ليش ما اجيتي للعقد؟" طفيت الموبايل ولبستها، ما الي خلك روحي، وهاي بطرانه.

***

فهد: متمدد بغرفتي، واندكت الباب. منو؟

اروى: أني وورده.

فهد: كعدت، تعالن.

اروى: عادي نجي يمك شويه.

فهد: خير، شعدجن؟

ورده: طلعت الايباد، تريد تشوف حفلة العقد صورتها بالكامرة ونزلتها على الايباد.

فهد: لا، اكو نسوان بالحفلة، شلون أشوفه؟

ورده: لا، ما صورنه النسوان، بس غنى والطقوس الي سوتها خالتها الها قبل العقد. كعدت بصفه، طلعت صورتها، شوفها. عفيه فهد، هنيالك، مرتك هيج شعرها.

اروى: هههه، راح تحسديها. عوفي الصور، شوف فهد الفيديو مال نهاية العقد.

فهد: أباوع غنى كاعدة على كرسي، وخالين رجليها بطشت، بس مدري شخالين بي، وحاطين قرآن بحضنها. باستغراب، هاي ليش مسوين هيج؟

اروى: هاي خالين رجليها بماي وياسم وهيل وورد. تكدر تكول عادة، والقرآن يخلونها هالاية حتى تصير فاتحة خير على رجلها وأهلها.

فهد: هاا. كلبت بالصور، طالعة حلوة، واختيارها للفستان ممتاز، حلو ومو مبالغ بي.

ورده: عادي أسألك سؤال.

فهد: خير.

ورده: أنت تحب غنى؟

فهد: وأنتي شلج بهالأسئلة؟ مو عيب.

ورده: يعمي، هسه شكلنه سألك، تحبها لو لا؟ ندسته، شنو تستحي فهودي؟

فهد: ضحكت، تره تصرفاتج أبد مو مال عمج. ثكلي، طايحة الحظ، و صيري مثل اروى، حضنتها، حبابة وهادئة، مو مثلج.

اروى: شوفي، فهد يحبني، ميحب ذيج البنية.

ورده: وخرتهم عن بعض وحضنت فهد، امشييي لج، والله لو تموتين أبقى أني الصغيرة، وكلها تحبني أكثر منج.

فهد: هههه، ها أم الغيرة.

ورده: أم الدلال والجمال، أني.

اروى: حمت حمت، طفوها.

فهد: كافي، يله امشن ولن، أريد أنام. تعبان. طلعن خواتي، وأني نمت من التعب، بعد ورايه حصبه وجدري.

***

بعد مرور يومين... صباحاً.

غنى: اليوم نروح أني وخالتي وفهد وخالة إيمان واروى نشتري الذهب ونجهز للعرس، لأن بعد فترة زواجنه، وفهد حيروح عكب باجر يلتحق وياخذ إجازة ويرجع. وبدينه من اليوم نطلع. صعدت، صباح الخير.

الكل: صباح النور.

فهد: حركت، وين تحبون ترحون؟

اروى: للمنصور، بي ملابس تجنن.

إيمان: كعدي كعدي، وين ما يضربون بالعالي؟ تردين وياريت لو الموديلات حلوة، كلها أزرك وأخضر. فهد، أخذنه لمكانات يبيعون بيها شغلات خاصة بالعرايس.

فهد: كوه لزمت لساني، فشلة من خالة غنى. يمه، شمدريني أني؟ قابل معرس قبل؟ انطيني مكان وأني آخذجن.

سحر: خاله، أخذنه للسوك، وإذا ما عجبنه شي، عدنه اليوم بطوله. ما خسرانين هيج.

فهد: هو هيج خاله. حركت سيارتي، رحنه للصايغ أول شي. يله نزلن. قفلت السيارة ونزلت وراهم.

إيمان: فهد، أخذ مرتك، وأشترو الي يعجبكم. وأحنه راح نروح لهذا المحل نشتري جم شغلة للحنة.

فهد: هزيت راسي. يله تعاي.

غنى: مشيت ويا. دخلنه للصايغ.

فهد: السلام عليكم.

الصايغ: وعليكم السلام.

فهد: هسه شكله، أني أريد ذهب عرس لو شنو؟ أحم، أريد تخم كامل مال عرس.

الصايغ: موجود، وأكو موديلات كلش حلوة، خلي أراويكم ياها.

غنى: نزلهن الولد. أباوع، هنه حلوات بس كبار كولش.

فهد: اختاري الي يعجبج.

غنى: همست: هذني غاليات.

فهد: بهدوء، ما عليچ بالسعر، اختاري الي يعجبج وبس.

غنى: ما عجبني ولا واحد. لفت نظري واحد عازله على جهة، بس يجنن على شكل ورده وبيها ورقات ناعمة كولش.

فهد: حلو، مو؟

غنى: أي.

فهد: بلا أمر عليك، نزل هذا.

الصايغ: أي، بس هذا البارحة وصل.

فهد: شكد سعره؟

الصايغ: (...)

غنى: شهكت، وفهد بسرعة خزرني.

فهد: طلعت محفظتي، نزله.

غنى: شنو ينزله؟ أنت شفت السعر؟

فهد: أي شفته، ومو غالي. ومرة ثانية لتشهكين هيج. أحد جنج، سديت حلكي. ما أريد أغرد. تعاي، خلي نشوف الباقي، هذا راح ناخذه، عزله على جهة.

غنى: فترينه بالمحل، أخذت سوارين، وهو أخذلي ست بتوت (مثل المعاضد)، وأخذت محبسين، وياهن كلادة طويلة. راد يشتري بعد، بس مخليته، كافي. بس التخم الذهب صار بذاك الحساب، وهو بكل سهولة يشتري ولا يهتم للسعر.

فهد: تردين شي بعد؟

غنى: بهدوء، لا، شكراً.

الصايغ: إذا تحبين تبدلين الحلقة، أجن موديلات فد شي، وأكو وحدة من بين الحلقات بيها ماسة نيلية تطلع تخبل على أيدج. تردين أراويج ياها؟

غنى: أباوع لفهد، خزرني.

فهد: يله، كمل. أنطيته الحساب وجريتها من أيدها.

الصايغ: بالعافية.

فهد: مارديت عليه.

غنى: طلعنه، وكام يغرد.

فهد: يخبل، ابن السكط، والله. دنعل أبوكم لابو الخلاكم صياغ.

إيمان: ها؟ يمه، كملتو كلشي؟

فهد: أي، يله صعدن، خلي نروح للسوك.

غنى: طلعنه، وهو الطريق كله ينافخ. هسه الي يشوفه يكول هذا يموت عليها، وهيج ضاج. وصلنه للسوك، ضلينه نفتر. لزمت بدلة سودة.

سحر: لزمت أيدها، عليچ بروح أمج، وبروح كل ضحكة طلعت من مروان، أنسي الأسود وذبي.

اروى: أي حبيبتي، بسج. صار سنة أنتِ الأسود ملازمج، كافي بعد. أنسي الماضي وابدي حياة جديدة. اعتبري زواجج من فهد هو بداية حياة جديدة الج.

غنى: بتعب، ما أكدر. والله ما أكدر.

سحر: حلفتج بأمج وأخوج، وأنتي بكيفج بعد. كسري برواحهم وخلي يزعلون عليچ.

غنى: لا خاله، لتحجين هيج، حبابة.

إيمان: ببرود، تره الأم مهما كانت تزعل من تشوف بتها بهيج يوم لابسة أسود، لأن ميصلحلها، وليلة الزواج لازم تبدأ بلون أبيض.

غنى: لا لا، كول شي ولا تزعل أمي. خلص، أذب الأسود، والله.

سحر: ابتسمت، الله يطيج. ينرجس... عفيه عليج بنيتي. يله تعاي.

غنى: انجبرت أقبل. خاله، أي ألوان صارخة ما ألبس.

سحر: ميخالف، المهم أسود متلبسين.

اروى: شوفي نونه، هاي البدلة تجنن. وهم بيها أسود وكريمي، مدري رصاصي.

غنى: باوعتلها، حلوة، تخبل.

اروى: خلي نأخذها من ضمن بدلات الحنة.

غنى: هزيت راسي. أخذت بدلتين بعد، وبدلة العرس على غير يوم نشتريها. رجعنه للبيت، وضلينه كل يومين نطلع نشتري جزء من غراض العرس. فهد قبل ليروح، عقدت أني ويا محكمة، ووصى على الغرفة، وراح. وطبعاً ماشفته من التحق، وطول هالمده أي كلام ما صار بيناتنه، غير تردين شي، عاجبج هذا، اشتري هذا، وبس. هو ماخذ موقف، وأني ساكتة، لا بيه أحجي ولا بيه أناقش. فزيت على صوت نرجس.

نرجس: شنو رأيج بهذا؟

غنى: باوعت، جنه بمحل خاص بالعرايس يبيع قمصان نوم، تراكات وهالاشياء. صدوك تحجين!

نرجس: ليش، حلو، يخبل.

غنى: متستحين؟ جماله لازمتة بأيدج؟ رجعي، عيب.

نرجس: تره بعد جم يوم راح تلبسين أنكس من هذا لرجلج، هاي إذا خلاچ تلبسين ملابس كدامه.

غنى: بخجل، تأدبي.

نرجس: أوي يمه، استحت. باجر عقبه أنتِ تعلمينه. يله كليلي، ناخذه؟

غنى: لا طبعاً.

اروى: اجيت، أخذته. جيب حبي، جيب، خلي أخويه يتمتع عينه. فديته، مالج علاقة بهاي النفسية، جنها مطلقة.

غنى: شو، أنتُن بكيفجن تتصرفن.

اروى: دتعاي تعاي. تفضلي حبيبتي، نريد كل هذني.

نرجس: ركزي على الأحمر أبو الشراشيب، مو تنسي. بي اغراءات هواي.

غنى: والله أنتِ زايعة المستحة فرد مرة.

إيمان: يله، كملتن؟ خلي نطلع، علي أجه.

نرجس: دفعنه لغراض غنى وطلعنه. شفت علي، أخو اروى. الصراحة، هو حلو، مو بجمال فهد، بس هم صكوك. وأني على الصكوك أخرب وأدوخ.

علي: ها، كملتن؟

إيمان: أي يمه، بس بالبداية، خلي نوصل نرجس. أمها خابرتني كالت لتتأخري.

علي: باوعتلها، نرجس الحشاشة، معروفة. الجماهير.

اروى: نرجس، خليج يمنا، وبالليل نرجعج، حبابة.

نرجس: لا عيني، لا. ما أكدر. هسه جعفر يلعب بية جولة. تأخرت هواي.

علي: طبعاً، طريقتها بالحجي تفقد ضحك. جنها عجوز. وصلت لبيتهم، نزلت ودكت الباب. طلع أخوها. نزلت سلمت عليه. أني أعرفه، تعرفت عليه من فترة. شلونك جعفوري؟

جعفر: هله حبيبي علاوي، شلونك؟ وين هالغيبة؟ صارلي هواي ما شايفك.

علي: والله هالتشوف، ملتهين بعرس فهد، هاي من غير العيادة وهوسها.

جعفر: الله يساعد كلبك. بس على فهد، مدري شلون تجرعه، والله. تقربت، شلونج غنى؟

غنى: الحمد لله، استاذ. أنت شلونك؟

جعفر: تنهدت بحسرة، الحمد لله.

علي: يله، أني أروح. سلملنا على الأهل.

جعفر: يوصل الله وياكم.

اروى: غنى، صدك، شلون بدوامج هاي؟ أنتِ الصبح جاي تداومين، والعصر نطلع؟ هاي من غير التطبيق؟ شلون بيچ؟

غنى: أحاول أوفق بين الدوام والطلعة. وبالنسبة للعرس، راح آخذ إجازة لخمس تيام. فهد قدمها إلي، وبقة بس التطبيق، وإن شاء الله وره العرس أباشر بي.

علي: دير بالج، تره المعدل كلش مهم بآخر سنة، لأن أغلب الشركات والمدارس الأهلية تعين على المعدل.

غنى: لا، الحمد لله، المعدل ضامنته.

علي: عود، إذا تعرفين انكليزي، أشغلج سكرتيرة عندي، بس ها، بدون راتب.

اروى: تره غنى عدها دبلوم فرنسي، هاي من غير الاختصاص، لأن هي داخلة لغات.

علي: هاج، تفضلي.

غنى: شنو هذا؟

علي: مفتاح العيادة، من اليوم باشري.

غنى: ابتسمت. علي ويه الغربة كولش حدي، بس ويه المقربين يصير كولش سبورتي. أما منذر، فمن كمية اللطافة الشايلها، تحسه فطير، وكل حقد ماكو بقلبه.

علي: يله، عيوني، خلصت كروتك لهلكم، يله.

غنى: نزلت، شكراً علي، زحمتك.

علي: تدللين، مرت الغالي أنتِ.

غنى: راحن خالة وأروى، بعد ما نزلن الغراض وياي. أجيت شلتهن، ودكيت الباب. طلع لي عمو، بس شو كالب وجهه.

سيف: جيبي عمي، جيبي، شلون تشيليهن وحدج.

غنى: شبيك عمو؟ صاير شي؟

سيف: طبي بويه، طبي.

غنى: دخلت جوه، لكيت خالتي سهاد وخوالي كاعدين.

كامل: هله، وين جنتي؟

غنى: ما رديت عليه. خاله، أني تعبانة، حروح أبدل وأنام، ورايه دوام.

سهاد: وين رايحة؟ خالج مو يحاجيج، شهالقله الأدب هاي.

غنى: اكو صوت وشوشة بأذني، خاله، هاي يمكن لأن تعبانة. يله تصبحين على خير. حصلي وأنام، لتكعديني. صعدت فوك. أني وعمو، خلينا الغراض. تسلم عمو.

سيف: شسويتي قابل، بويه؟ زين سويتي بيهم. علاج الجاهل، التجاهل. يله، أني أعوفج ترتاحين.

غنى: بدلت ملابسي، وتمددت، وأني أسمع صوت صياحهم. عرفت اكو غاية من جيتهم، بس ما اهتميت. إذا أضل أفكر بيهم أدمر نفسيتي، فوك ما هي متدمرة. سمعت صوت موبايلي. شفت مكالمة من فهد. شعجب خابرني؟ صار له خمس تيام ملتحق، ومخابرني ولا مرة، واصلاً علاقتي بي صايرة جداً رسمية، وهالشي حيل مأذيني، بس يبقى أحسن ما نتعارك. جاوبت، الوو.

فهد: الوو، كاعدة؟

غنى: أي، هستوني جيت من السوك.

فهد: أدري، كلتلي أمي. خو ما محتاجة شي؟ الفلوس كفتج، لو أدزلج بعد؟

غنى: لا، شكراً، كفت وزايد هم. بعد بقة عندي مبلغ كولش جبير، ما صرفت منه شي.

فهد: لتتقيدين، اشتري الي تردي. فلوس واكو. وشتحتاجين بلغيني، لتكولين لاي أحد، وأني أدزلج بأيد علي. خوش؟

غنى: خوش.

فهد: حجزت القاعات وكملت كل شي. اكو شي بعد؟ ذكريني، خاف ناسي شي.

غنى: لا، ماكو شي، كولشي تمام.

فهد: ماشي، يله مع السلامة.

غنى: الله وياك. سديته، أحسه قالب ثلج من كمية البرود. اااااااه، الوحدة تكون فرحانة بهيج أيام، وحتى نوم متنام من الحماس. اله أني أحس كل مابيه دادمر حياتي، مو هاي الحياة الأريدها. توقعت نفسي سابقاً بهيج فترة، أكون أسعد إنسانة ويه الشخص الي اختاره كلبي، بس للأسف، راح أتزوج واحد اختاره كلبي، بس شنو الفائدة؟ ومشاعري محتفظة بيها لنفسي، حفاظاً على آخر حبة من كرامتي.

***

أيمن: ها، فهد، شو كالب وجهك؟ خوما صاير شي؟

فهد: لا، ماكو شي. بس شايل هم لشغلنه وهم لحياتي.

أيمن: كعدت، ليش؟ أحجي.

فهد: أخذت نفس من الجكارة. يعني أني هنا بنص الموت، وهناك منتظرتني حياة جديدة. وأني مجهولة نهايتي. أعيش، أموت، ما أدري. قدرنه مجهول.

أيمن: كول يا الله. تره مابقا شي وتتحرر الموصل بفضل الكادر العسكري والحشد، من بعد فضل الله.

فهد: وهذا الي مخوفني. لا بنهاية المطاف وتصعد أرواحنه.

أيمن: لا وداعتك، ما دام العلوية كلبها مطمئن علينه، كول ماكو شي.

فهد: منو هاي العلوية؟

أيمن: ضحكت، أمي.

فهد: شلون علوية وجابت واحد مصدك مثلك؟

أيمن: هههه، أشكرك.

فهد: العفو، تدلل.

أيمن: ضربت متنه، توكل على الله، يله. أني كائم أصلي وأنام.

فهد: الله يهديك. راح أيمن، وأني كاعد أفكر بحياتي الجديدة. لحد الآن ما مصدك. خلص، بعد اليوم الأحسب له يوم يوم ويه الإنسانه الي منتظرها من زمان، أجه. بس للأسف، ويه الإنسانه العمري ما تخيلتها تصير جزء من حياتي. يله، على كولتها: وعسى أن تكرهوا شيئاً وهو خيراً لكم. تنهدت. كمت نمت. مرت الأيام بلمح البصر. أخذت إجازة ونزلت لبغداد. وصلت للبيت، فتحت الباب ودخلت. صباح الخير. أباوع، الكل كامت.

الكل: صباح الخير عريس. الحمد لله على سلامتك.

فهد: الله يسلمكم. منذر، الغرفة شديتها مثل ما وصيتك، مو؟

منذر: أي، كل شي تم مثل ما أنت ردت. بس روح نام بغرفة علي.

فهد: باستغراب، ليش عود؟

إيمان: دشنها بليلة العرس، مو هسه. عود بعد ثلاث تيام أشبع بيها.

سعاد: والله عدج سوالف، دبطلي يمعودة. شهالمعتقدات. روح فهد نام بغرفتك. أمك فايخة.

فهد: اروى، كومي فرشيلي فراش نظيف بغرفة علي، وأني أروح أسبح وأجي. من رخصتكم.

ورده: فديت القصف، والله.

سارة: بتحطي نفسك في مواقف بايييخة.

انغام: صوتج لتسمعج يمعودة، مالنه خلك. منذر، فدوه، هاك سالم، أروح أسويله أكل.

منذر: شلت بوست خدوده. شوكت تعرس أنت؟

سالم: خله أيده على حلكه: ئييييب، أني صغير (عيب، أني صغير).

منذر: ههههه، أروح فدوه لهالسان.

***

سحر: ما فكرتي؟

غنى: ميجون خاله، فدوه لكلبج، كافي تحجين بالسالفة.

سحر: يا أمي، مو لخاطرهم، لخاطرج. اسمهم من طرفج، حتى لو مابيهم خير.

غنى: خاله، أنتِ وعمو تكفون وتوفون، حبابة. كافي، لا أريدهم يجون ولا يوصلون. كمت، غسلت وجهي، وصعدت لغرفتي. حضرتهم جايين ذاك اليوم على حساب يصالحوني ويحضرون العرس. عبالهم أني زوج. من درو بمكان فهد، كأموا يتوددون إلي. عبالهم أفيدهم. أني شكد ما أني هادئة وما أحجي، بس مو غبية أبد، وأعرف الكدامي شنو، وأني متأكدة أجوا يتعذرون مو لخاطري، وأنما على حساب مكانة الي راح آخذه. أفف، بعد ثلاث تيام العرس، وأني كملت كولشي تقريباً. بقى بس الصالون، وباجر أروح، ولو ماكو داعي، بس فني أحجي. تجني خالتي وأروى ونرجس، يذبحني. دزتلي رسالة اروى: "رجلج ستوه وصل، خابري سألي عليه." الحمد لله على سلامته، همزين وصل بخير. خليت الموبايل على الشحن، ونزلت. مر اليوم بشكل طبيعي. ثاني يوم رحنه للصالون، وفهد ماشفته. ملتهي بالحنة مالته، حيسويها قبل حنتي بيوم، لأن أني هي حنة هي زفة. سوتلي الصالون تنظيف، وحفتلي، ورتبت حواجبي. انصدمت بالنتيجة، طلع وجهي، على كولتهم، كلبتني كلب.

اروى: تصبغين شعرج؟

غنى: لا، ما أصبعة، لونه عاجبني، بس خلي تكصلي أطرافه.

انغام: متكصين منه ولا شي. مالنه خلك لسان فهد. حذرنا قبل لا نجي، كال: إذا كذلتها كصيتها، أكلب الدنيا على راسها. كعدي وسكتي.

إيمان: أي، يحب الشعر الطويل، خاصة إذا مثل شعر غنى.

غنى: تنهدت. خاله إيمان، واكفتلي على الحجاية هالايام. ياربي دخيلك، صبرني. طلعنه من الصالون، ومر اليوم، واجه يوم زواجي، والي ما أعرف شراح يصير ورا. وهل ياترى راح أعيش بي حياة سعيدة لو لا. باوعت لروحي بالمراية، ولأول مرة من بعد مرور سنة، أخلي ألوان على جسمي. والله لو بأيدي أبقى العمر كله لابسة عليكم أسود، لحد ما أجي وأنام بصفكم. بس انجبرت أذبّه.

سحر: بدموع، أروحلج فدوة، ولج ختام، تعاي شوفي بنيتج، أم نص لسان، شلون كبرت وصارت عروس.

غنى: هفيت على وجهي، حتى ما أبجي. خاله حبابة، لتجيين طاري أمي، فدوه أروحلج.

سحر: أباوعلها، طالعة لعابة. المكياج والبدلة مطلعاتها تحفة. الله يحفظج ويوفقج بحياتج الجديدة، يايمه. روحي، دعوة كلب أم لبنتها، عسى أيامچ كلها فرح وسعادة، ومتشوفين ولا يوم مو حلو بيها.

غنى: حضنتها، حبيبتي خاله.

حياة: يله حبيبتي، أجه حارث ياخذنه للقاعة. هاي شنو؟ ليش تبجن؟ لا لا، غنى، فدوه لتبجين، ليخرب مكياجج، يمعوده.

غنى: مسحت دموعي. أي، بس انطيني الكبوس، خلي ألبسه ونطلع. لبسته، وطلعنه. وصلنه للقاعة، دخلت، وبدت الهلاهل. كعدت، وبدت الحفلة.

مروة: أباوعلها، البدلة شنو والمكياج شنو؟ طالعة تلمع. عساچ بحركة كلبي يا غنى، وعساچ لا تهنيتي ولا شفتي الراحة.

عبير: الله، غنى، بدلتج تجنن.

غنى: باوعت لروحي، صدوك.

عبير: والله تخبل.

غنى: حبيبتي، هذا من ذوقج. ابتدت الحفلة، وأني نسيت نفسي شويه. ويه أجواء الحفلة والبنات زميلاتي، ما قصرن، للحظة حسيت نفسي صديقتهن، كد ما شفتهن فرحانات. كمت بدلت، لبست البدلات، ومشيت الحنة، لحد ما كالو اجت الزفة. وشويه ودخل فهد. أباوعله، طالع يجنن. ما كدرت أشيل عيوني عليه. جان لابس قاط أسود، وحتى القميص أسود، بس طالع يجنن. أجه وكف يمي، باس راسي بكل رسمية، وابتعد. لبسوني الكبوس، وطلعت ويه البنات وره القاعة. أخذوني للبيت، شويه واجت الزفة، واجه فهد، أخذني ورحنه للفندق. وصلت ويه النسوان، صعدت ويه خالتي للغرفة، وكعدت تحجي خالتي، واشتغلت الإحراجات. لمن سمعنه الهوسات، عرفنه راح يزفوه.

منذر: فهودي، يا جكليته وحامض حلو بباكيته.

عمر: فهودي، رش الدربونة، جت البنية الخاتونة.

علي: وبت الشيخ لابن الشيخ جبناها، وبعد ما حافظ التكملة، هههه.

مهيمن: اوكفو لحظة، حافظ كوله: هااا، عريسنه هااا. وكتله وطلع دمه، وكتله وطلع دمه، حبيب.

فهد: بعصبية، الله يطيح حظك يا سافل.

الولد: هههه.

أيمن: هاي الكولة تحجي حال فهد. رحت فدوه للغالي، كعد بحضني بعد ما جان خالي.

فهد: والله صوجي أني عزمتكم. كوا.... يله توكلو. ولو.

عمر: منتظرين النتيجة.

فهد: جريت سلاحي، ترحون لو شلون؟

أيمن: رايحين والعباس رايحين. يله شباب، الأخ شكله مستعجل. جاسميه منتظرته.

فهد: راحوا الولد، وأني فتحت الغرفة، ودخلت. شفتها كاعدة على الجرباية ومدنكة. أباوعلها تفرك باديها وترجف. تقربت، وكفت كبالها. مديت أيدي، شلت البرقع.

************

يتبع

فهد: راحوا الولد واني فتحت الغرفة ودخلت. شفتها كاعدة على الجرباية ومدنكة. أباوعلها تفرك باديها وترجف. تقربت وكفت كبالها. مديت إيدي شلت البرقع. أباوعلها مدنكة راسها. رفعت وجها، أباوعلها ومصدوم. هاي أول مرة أشوفها لابسة ألوان، لا ومتمكيجة هم. من رحت أخذها ما انتبهت الها، جنت مستعجل. وستوني ياله ركزت بوجها. همست: "باوعيلي".

غنى: باوعتله واحس وجهي مشتعل من هالوضع.

فهد: أباوع لعيونها المحاوطتهن سواد الكحلة. شكد شايف عيون، بس هيج عيون ما شايف. مررت إبهامي على خدها... "مبروك".

غنى: بارتباك: "الله يبارك بيك".

فهد: "ما ناويه تبدلين؟"

غنى: "اي اي، هسه كايمة".

فهد: "مو تتاخرين، أريد أدخل وراج".

غنى: همست: "صار". كمت طلعت للصالة. فتحت جنطتي أخذت سيت النوم الأبيض. غمضت عيوني، شلون أحلبسه هسه؟ شكول عليج خالة؟ حتى تراك مثل الأوادم ما خليتيني آخذ. سحبته ودخلت للحمام. فتحت الطرحة وعلكتها. مديت إيدي من وره على البدلة أريد أفتحها. السحاب مجلب ميقبل ينزل. افف، هسه أني عايزتك؟ ضليت أماطل ويا وماكو. والبدلة ضيكة مو مال أنزعها بدون ما أفتح السحاب. هسه شلون؟ أريد أبَدل، سمعت الباب يندك.

فهد: "وين صرتي يمعودة؟ أدري نمتي؟ خوما نمتي؟"

غنى: فتحت الباب وطلعت.

فهد: "هاي بعدج لسه ما بدلتي؟ صدك تحجين! شصارلج ساعة تسوين؟"

غنى: باوعتله، باقي بس بالنطرون. دنكت راسي بخجل: "السحاب".

فهد: "شبي؟"

غنى: "ميقبل ينفتح".

فهد: "وليش ميقبل ينفتح؟"

غنى: بكلبها: بدينه بالاستهزاء. مشيت وكفت كدام ميز التواليت. أفتح بالتسريحة وأشيل الماشات. داحاول أفتحه بس ما أسيطر. إذا تريد تدخل أنت قبل، واني وراك أدبر روحي.

فهد: وكفت وراها. مديت إيدي على البدلة.

غنى: بخوف: "شتسوي؟"

فهد: "أفتحلج السحاب. لزمي البدلة من كدام لتوكع". لزمت السحابة. نزلتها على كيفي وعيوني تباوع لظهرها البده يظهر كلما ينزل أكثر. أباوع اكو ثلاث شامات متسلسلات وحده وره الثانية بظهرها. تلمستهن بإصابعي.

غنى: غمضت عيوني: "فهد.. فهد، إيدك".

فهد: حاوطت خصرها وتقربت عليها. همست بأذنها: "لتخافين، ما أسويلج شي. مو أني الأجبر مرة عليه مادام مترديني. مستحيل أفكر أتقربلج. ثقي بكلامي". بست ركبتها بهدوء. "يله روحي بدلي".

غنى: ابتعدت عنه ورحت ركض للحمام. طبيت وقفلت الباب. أحس كلبي راح يطلع من حلكي كد ما يدك. للحظة حسّيته راح يوكف. أهدي، أهدي. أخذت نفس بعمق وإيدي على كلبي. يربي شبيه أني؟ باوعت لروحي بالمراية وتلمست ركبتي. كزبر جلدي أول ما تذكرت ملمس شفايفه على جسمي. ذبيت البدلة ومسحت المكياج. فتحت الدوش ودخلت جوا حتى أهدئ. ارتحت شويه لأن جانت الملابس مضايقني والمكياج أحسه ثكيل على وجهي. تنهدت ماسحة على وجهي. سديت الدوش طلعت نشفت جسمي ولفيت شعري. لبست السيت الأبيض وفوكه الروب. أتعجب على النسوان شلون يكدرن يلبسن هيج كدام رجالهن. فتحت الباب وطلعت. لكيته كاعد يدخن.

فهد: "لو أعرف أُهلهل جان هلهلت! شنو السالفة؟ أدري نمتي؟"

غنى: "آسفة... تفضل أدخل".

فهد: كمت أخذت ملابسي ودخلت للحمام.

غنى: فتحت شعري وكعدت أنشفه حتى ما أمرض. ما عايزتني. نشفته وعفته مفتوح. كمت طلعت سجادتي وجادري فرشتهن وبديت أصلي. كملت وكعدت أقرأ قرآن وهو طلع. "صدقت متصلي؟"

فهد: ينشف بشعره: "لا عود صلي أنتِ بالنيابة عني".

غنى: باستنكار: "ميجوز هاي! منو كلك اكو نيابة؟ لازم أنت تصلي مادام تكدر".

فهد: باوعتلها: "مالي خلك".

غنى: بهدوء: "ترة أنت مكلف من 15 سنة. أحسبهن على كد خمس فروض واضربهن بعدد التكليف. شوف شكد يطلعلك".

فهد: رفعت حاجبي على حجيج هذا: "منا ليوم القيامة ياله أكدر أقضي".

غنى: كمت نزعت الجادر بهدوء: "بكيفك بعد، أني العلية بلغتك".

فهد: "يله تعاي خلي نتعشى".

غنى: "شكراً، ما أشتهي. تعشى أنت".

فهد: خزرتها: "من أكول شي تنفذي بدون كاف، لام. تعاي تعشي يله. أدري بيج من الصبح لسه بدون أكل. لتروحين تتخربطين. يله لحكيني".

غنى: هزيت راسي رحت ورا. مالي خلك المشاكل. لكيته كاعد على الميز. باوعلي بمعنى يله جيبي الأكل. رحت فتحت الأكل. أباوع جايب مشاوي ومقبلات وبيتزا وببسي. شدعوة هالكد؟ هو بس أني وياه؟ وخرتهن من العلاليك ورحت جبت كلاصات. لأن أدري بي ميشرب من القوطية. ما أعرف ليش، بس شايفته أكثر من مرة هيج يسوي.

فهد: "رجعيهن، رجعيهن. هذني مستعملات ومنعرف الشارب بيهن قبل، نظيف لو لا. أمشي اكو كلاصات سفري بالجيب الصغير مال جنطتي. روحي جيبيهن وتعاي".

غنى: باوعتله: "عود صدوك تحجي؟"

فهد: "ليش من شوكت أني أشاقه وياج؟"

غنى: شدعوة هالكد يدقق؟ شهالمرض هذا؟ رحت فتحت جنطته طلعت كلاصات. هذا كل عقله جايب كلاصات ويا؟ أخذتهن وطلعت خليتهن على الميز. "تفضل".

فهد: "كعدي يله. قربت الأكل يمها. هاج أكلي، وجهج أصفر".

غنى: أكلت شوية رغم مستحية منه، بس جوعانة كولش. من الصبح لسه ما أكلت شي.

فهد: باوعتلها: "تدرين بهذا السيت طالعة جنج سيت مواعين بيض".

غنى: شركت بالاكل: "احم احم".

فهد: "شجاج؟" أباوع لوجهها انكلب لونه. ضربتها على ظهرها: "هاج شربي ماي".

غنى: دفعت إيده: "وخر، كسرت ظهري! شربت مي. يمه أحس روحي طلعت. آخ ظهري! يمه مو إيد حديدة! باوعتله الله عليك، هو هذا هم تشبيهه؟ عفت كولشي، تشبهني بسيت مواعين؟"

فهد: "قابل أجذب عليج؟ صدك هيج طالع شكلج".

غنى: باوعتله بهدوء: "هنيالي، أي والله".

فهد: شربت ماي: "شت تردين؟"

غنى: "شُريد؟"

فهد: ببرود: "لتباوعيلي هيج. أدري بروحي حلو، بس هيج نظرات تشطح بتفكيري للمريخ".

غنى: "ما فهمت".

فهد: "كمت، بعد أحسن. أني راح أروح أنام. لملمي هالهوسة وتعاي نامي. بس لتسوين هوسة، ترة نومي خفيف وأكعد بسرعة". رحت غسلت وتمددت.

غنى: كمت لميت الهوسة وضميت الزاد من الأكل ورحت غسلت ودخلت للغرفة. شفته متمدد على الجرباية ومخلي إيده على وجهه. أجيت أخذ مخدة بس وين أنام؟

فهد: بهدوء: "شبّيج؟"

غنى: "ها؟ أريد غطا حتى أنام".

فهد: كمت: "تعاي نامي على الجرباية، أني أنام على القنفة".

غنى: "لالا، أني متعودة أنام بأي مكان. خليك على الجرباية".

فهد: "أني أكول ماكو داعي تنامين بالكاع وأنتي ينشلع كلبج، وأني هم. تعاي نامي على الجرباية. أنتي تدرين بيه ما أتقربلج ولا راح أفكر. فخلي تكون علاقتنا مبنية على عدم قيود، لتتقيدين وتقيديني وياج رجاءً. وعلى فكرة، بالبيت الجرباية تاخذ عشر نفرات. ولو نريد ننام عليها أني وياج، واحد يصير بالقدس والثاني بمكة. فتعاي نامي رحمة لأهلج وبلا هالسوالف".

غنى: باوعتله وأجيت تمددت بعيد عنه.

فهد: درت وجهي للجهة الثانية ونمت.

غنى: تغطيت وحاولت أنام بس ما كدرت. ضليت أتقلب بس ماكو، ما كدرت أنام. وطبعاً فهد جان قبل حتى تشيرته مينزعه كدامي. وهسه الله يسلمه نازع ونايمة. أباوع لظهره، عزة، هذا شكبره؟ أخذ نص الجرباية. تنهدت ميته من النعاس بس ما أكدر أنام. ضليت فترة على هالمنوال لحد ما غفيت.

***

نسرين: كعدت أصلي الفجر وسمعت صوت بغرفة مرتضى. فتحت الباب وجان أشوفه كاعد على جربايته ويبجي.

يااا ولك شبيك

مرتضى : درت وجهي عنها هيج ماكو شي.

نسرين : بس لاتبجي على هاي البلكه الفاهيه.

مرتضى : يمه رحمه لاهلج فكي ياخه عني.

نسرين : لزمت متنه مرتضى لتضل تسوي هيج الدموع ماراح ترجعها الك والمفروض تكون حذر منها لان صارت بنت خالك وميجوز تفكر بيها.

مرتضى : ما اكدر يمه اني من اول سنه اول ما شفتها تفتر بالكليه والخوف مبين بعيونها عرفتها شكد بريئه وحبيتها من ذيج اللحظه واربع سنوات اني مكابلها وكاعد اتمنى الحجايه منها امنيه وصلت بيه وين ما اروح احجي واكول هاي حبيبتي حتى محد يتقربلها تالي من خطبتها رفضتني وراحت وافقت على فهد بس فهميني ليش بشنو اختلف عن فهد اني لو لان فهد عده فلوس.

نسرين : المفروض تحمد ربك الله بعد عنك هيج وحده ملعبه اني فكر بيها هي لو بيها خير تعوفك بعد علاقه اربع سنوات وتروح لفهد الي متعرف عنه شي ووافقت عليه على حساب الفلوس.

مرتضى : اااخ والله لو تدرين حجيي كله جذب والبنيه لا عدها علاقه ويايه ولا حتى مجال انطتني. باوعتلها يمه اني ماطلت هواي لو من البدايه مخليها كدام الامر الواقع ورايح خاطبها احسن ما ضليت منتظر وتالي راحت تزوجت.

نسرين : هاي بعد البنيه مو قسمتك شتريد تسوي يعني.

مرتضى : تدرين من افكر هي هسه نايمه بحضنه او باسها وشمها وصارت مرته احس روحي تريد تطلع تخيلي البنيه الوحيده الحبيتها من كل كلبي تزوجت اكثر واحد اكرهه بهالدنيا.

نسرين : بس لو اعرف ليش هالكد حاقد على ابن خالك مع انو هو ما علي بيك ولد كافي خيره شره على العموم حبيبي لتشيل هم لموضوع حتى ميحتاج تفكر بي وحده وجانت بحياتك وتزوجت وخلصت منها والمفروض تفرح لان فهد اخذ فضالتك راح تزوجها بعد ما انت شبعت طلعات وطبات ومكالمات وياها يله كوم يمه صلي ونام باجر ورانه كعده من الصبح حتى نروح لبيت خالك.

مرتضى : هزيت راسي.

صباحا

آلاء : عود شنو معناها جايين العالم من الصبح.

انغام : غير صبحه ولازم تجي العالم لهنا تستقبل العرسان وتوجبهم.

آلاء : الله يرحم ايامي من خذاني فيصل لا سوولي هيج خبصه ولا شي هي حنه بسيطه والحك ربعك.

انغام : كلمن يمد رجليه على كد غطا هو عده فلوس وسوه عرس مطنطن الله يزيده احنه رجولتنه على كد الحال والحمدلله مو مهم الزواج والفلوس اهم شي الاستقرار.

آلاء : وحده سوولها عرس مطنطن والثانيه حياتها مستقره وحلوه واني لا حصلت العرس والفلوس ولا حصلت الاستقرار الك الله يالماعندك حظ.

ايمان : هاا يمه كملتن كلشي تره الناس تريد تتغده من وكت.

انغام : خليج يم العالم خاله احنه بالمطبخ.

ايمان : بعد كلبي ميهينلي اعوفجن يله ايدي بأيدجن حتى نخلص.

ساره : صباح الخير.

ايمان : عزه العزاج ولج سويره هاي شلابسه.

ساره : باوعت لروحي شلابسه.

ايمان : ولج امي زلم كومه شهالثوب هذا مو حتى خنكتي الطفل وانتي حامل وسمنانه غير تلبسين شي راهي روحي ليشوفوج حموينج ويكلبون البيت هسه تره ولدنه طالعين طابين.

ساره : يا يخاله هسه عاد عافو الدنيا يباوعولي الي يله من رخصتج اروح اتريك.

آلاء : صدك الستحو ماتو مدري شلون قابل عليها فيصل والله يا الله كدرته بس عليه.

ايمان : منذر يمه اخوك وينه مو عيب من العالم.

منذر : خابرته كال جاي تحضرون هسه شويه ويجون. هاج هاي الصينيه املنها جاي هسه ادز سامر ياخذها.

ايمان : خوش صبيت الجاي يمه اروى تعاي انطيها لابن عمج.

اروى : جيبي اخذتها وطلعت سامر.

سامر : تقربت والله حياة شكلها داعيتلي بهالصبح. عيون سامر.

اروى : ابتسمت تفضل الجاي.

سامر : شهالجمال هذا عمي خفي على كلبي تره اسيح هنا وبركبتج والله.

اروى : ابتسمت فضحتنه صوتك.

سامر : جيبي جيبي خلي اروح احسلي لا اسويلي سوايه تخلي فهد افندي يحكمني اعدام يله طبي جوه ولتضلين تفترين.

اروى : صار اباوعله راح. يمه اروح فدوه لهالوجهه يربي شكد احبه مو رجال دره طبيت جوه.

فهد : غنى غنى.

غنى : هممم.

فهد : يله كومي غسلي وبدلي خلي نطلع.

غنى : فركت عيوني كعدت صباح الخير.

فهد : بهدوء صباح النور غطي روحج وكومي.

غنى : اباوع للروب مفتوح وحماله قميص النوم زالكه لميت روحي بسرعه احم عادي ادخل قبلك للحمام.

فهد : طلعت هدومي احد لازم باب الحمام كومي.

غنى : كمت اخذت بنطرون وبدي لبستهن وطلعت لان اريد ابدل بالبيت مو هنا.

فهد : شنو هاللبس.

غنى : شبي.

فهد : راح تطلعين هيج.

غنى : لا اكيد حلبس عبايه راس حتى من اوصل ابدل بالبيت.

فهد : هزيت راسي داخل للحمام.

غنى : لفيت شالي ولبست عباتي رحت فتحت جنطتي طلعت نظاراتي احس روحي ثوله بدونهن لبستهن وانتظرته يطلع شويه وطلع لاف خاولي على جسمه دنكت راسي.

فهد : راح انزع اذا تخافين كومي طلعي.

غنى : عزه بعينه ولا يستحي كمت طلعت شويه واجه اباوعله لابس قميص ابيض وبنطرون اسود اخذ سلاحه خلا بخصره واخذ محفظته ولبس ساعته كل هذا واني عيوني ورا.

فهد : رحت جبت الجنط واجيت تعاي بس لحظه اكو شغله فاتتني اذا سألوج فهد تقربلج شتكليلهم.

غنى : لا.

فهد : لا ربحنه اذا كلتي لا اذا سألوج تكليلهم كلشي تمام وتسكتين يسألوج على النيشان تكليلهم عد فهد خوش.

غنى : بخجل خوش.

فهد : مديت ايدي يله خلي نطلع.

غنى : باوعت لايده.

فهد : تنهدت ادري الاشاره ضعيفه عندج شبيج الشبكه واكعه جريت ايدها سديت السويت وطلعت سلمت المفاتيح وطلعنه. سدي عباتج التشيرت طالع.

غنى : السياره مو مضلله.

فهد : حتى اذا سديها يله.

غنى : اخذت دنبوس من جنطتي وسديتها لو لابسه صايه احسلي.

فهد : وصلت للمنطقه شفت امه حمد كلها واكفه بالشارع شافو السياره واشتغلت الهوسه غنى وجهج غطي بالعبايه.

غنى : باوعتله ليش فهد.

فهد : جماعتي والشرطه والدنيا كلها جايه ما اريد واحد يشوفج غطي وجهج بالعبايه واني جاي اخذج.

صفيت السيارة ونزلت، فتحت بابها بسرعة، نزلي.

علي: أجو أجو.

فهد: احتركتوا هسه، اله تحجين.

غنى: كل عقله خالني ورا، ولازم إيدي من وره حتى محد يشوفني. هاي شنو؟ أني توقعت فهد سبورتي بس صدمني. شهالتسلط هذا؟

عباس: بوستك، ألف ألف مبروك وليدي. ربي يجعلها زواج العمر.

فهد: تسلم عمي، الله يخليك. سلمت على الكل، وهاي ورايه جريتها بسرعة. فتحت باب المطبخ ودخلتها. اجت أمي.

إيمان: صباحية مباركة.

فهد: شكراً.

ياسمين: كللللللووووش، صباحية مباركة بعد قلبي. منك المال ومنها العيال. تعاي مرت الغالي، خلي أبوسج.

غنى: ابتسمت، بوستها. شكد أحبها.

ياسمين: شو حبيبة؟ شو وجهج أصفر؟ ولك فهيدان، خذت عافية البنية من أول يوم.

فهد: شسالفة حجية؟ أدري مدفع خوما مدفع؟

إيمان: خزرتني. منا بنات وزعاطيط لتغرُد. غنى بوجهج لغرفتكم. شوية وأصيح لج. هسه إذا كعدتي بعد ما تقومين للعصر. روحي ارتاحي وبدلي، واني أجيك.

غنى: هزيت راسي وأشرت لأروى. اجت، صعدت وياي.

أروى: ألف مبروك يروحي. نورتي بيتنا والله. الفرحة ما سايعتني.

غنى: حبيبتي والله. أكثر شي مفرحني راح أبقى وياج. عوزنا بس نرجس. صدك على طاري نرجس، شو مشفتها؟

أروى: جعفر ما قبل يكللها. زلم هناك، خليها وره العرس. روحي لها.

غنى: حقه. اني وفهد هسه كوه طبينه.

أروى: فتحت الغرفة، يله طبي. شوفي غرفتج وكليلي رأيج بذوق أخويه. بما إنو انتي ما قبلتي تجين تشوفيها، وحتى هدومج نرجس وخالتج رتبنهن.

غنى: فتت للغرفة، وتفاجئت. الغرفة تجنن بمعنى الكلمة. جبيرة كلش، على كولة فهد ينامون بيها عشرة. أباوع لونها كريمي وأبيض.

أروى: عجبتج؟

غنى: كلش حلوة.

أروى: توقعت راح تعجبج. طبعاً فهد رادها سودة بس أمي تعاركت ويا وبطل. يله أعوفج ترتاحين، وأنزل أساعد أمي بالغدة. وريوكج انتي وفهد هسه يصعد حتى تتريكون.

غنى: هزيت راسي. ذبيت عباتي وحجابي، ومشيت أفتر بالغرفة. بيها صحيات، والغرفة جبيرة، فقاسميها جزء بي مثل المكتب. أعتقد لفهد. بي أوراق وكتب. وبصفه مرتبين قنفات للكعدة. حلو تصميم الغرفة. ذيج المرة من دخلتلها ما انتبهت، جان همي بس أشوف فهد. ضليت كاعدة فتره. أروى صعدتلي الريوك لأن فهد بقى يم الزلم وما كدر يصعد. مر الوقت وصعدت خالة إيمان.

إيمان: همزين لكيتج كاعدة. تعاي أريد أحجي وياج.

غنى: كعدت. تفضلي خالة.

إيمان: شصار البارحة؟

غنى: بخجل. كولشي تمام.

إيمان: جا وين بياضج؟ الحجية تريده.

غنى: مو عندي. عد فهد.

إيمان: بشك؟ يعني بذيج الفترة فهد ما تقربلج؟ وللبارحة انتي بنية؟

غنى: باوعتلها. خالة وداعة عافيتي، وعساني ما أتهنى بولا يوم بحياتي إذا أجذب. والله كولشي ماكو بيناتنه. وكل حرف كاله فهد مابي ذرة جذب. ليش متصدقيني؟

إيمان: على كد ما جنت أعزج قبل، يصعب عليّ أسامحج على سوايتج. سواء جان كلامكم صح أو لا، رحتوا تزوجتوا ولا كأن اكو ناس وراكم. كمت. على العموم، هذا الكلام ماله داعي. السالفة انتهت، وانتي صرتي جنه بهالبيت. بس لتتوقعين مني أكدر أتعامل وياج مثل قبل. وبالنسبة للبياض، كلي لفهد يراوي للحجية. يله روحي بدلي، ولتبجين تره يبين عليج. عفتها وطلعت.

غنى: مسحت دموعي. كمت، طلعت الثوب مال الصبحة لبسته، وفليت شعري وضفرته من فوك لجوه. صار حلو. خليت بس حمرة، وكولشي ما خليت. لسه حازه بصدري، وضميري يانبني لأن ذبيت الأسود. لبست شالي. باوعت لروحي. خوش مببين مني شي. مالي خلك فهد. صارت عيني على ميز التواليت. أباوع مليان أشياء، وأغلبها معقمات وهالاشياء. أعتقد فهد عنده وسواس قهري. انفتحت الباب.

فهد: كملتي؟

غنى: أي.

فهد: تقربت وكفت كبالها. مرتضى جوه سلام ماكو؟ حجي ماكو؟ تلبسي لبسة النعال، مفهوم.

غنى: صار.

فهد: عفيه بالحبابة. هيج أريدج دائماً. سمعي كلامي. لزمت إيدها. يله تعاي.

غنى: عدلت نظارتي ومشيت ويا.

طلعنه من الغرفه اباوع لروحي صايره بصفه جني عصفور مبلل الله يحفظه مسوي تغطيه عليه.

نزلنه جوه وكامن يهلهلن خالته وبوسنه.

اميره: بعد كلبي جعلها صباحيه خير عليك.

سليمه (خالته): مبروك حبيبي تعذرني ما كدرت اجي البارحه.

فهد: بهدوء لا خاله ما صار شي.

غنى: طبعا يحجي ويه الكل الوجه مكلوب الحواجب معكوده اسلوبه يختلف تماما عن الي اعرفه للحظه حسيته عنده انفصام راح واني كعدت.

ياسمين: شاورتها شلونج خوما بيج شي الم جرح شي منا منا حتى اعلمج شتسوين.

غنى: يمه طبيت بهدومي بخجل لا حجيه الحمدلله كولشي مابيه.

ياسمين: الحمدلله.

سعاد: ليش لابسه نظارات.

غنى: نظري ضعيف.

نسرين: شو من اجيناكم ما لبستيها.

غنى: مو دائما البسها وهسه عيوني يوجعني فاذا ما البسها يزيد عليه الالم وما اكدر افتحهن بعد.

نسرين: ايمان جنتج سكراب صدك تحجين غير تفحصيها فحص زين قبل الخطبه.

مروه: بكلبها كل هالعيوب وخطبها لو مابيها عيوب شيسوي.

ايمان: القاضي راضي وعاجبه اني شكو.

سعاد: شلونه فهد وياج فهد صدك لو طلع ارنب.

ياسمين: لزمي شعرها وتعرفين.

مروه: غنى تعرفين تطبخين تنظفين.

غنى: كولشي اعرف.

مروه: هاا زين نصيحه صيري نظيفه تره فهد يكره الوصخات.

غنى: ضغطت على ايدي اشكرج على هالنصيحه بس اني اعرف زوجي شيحب وشيكرهه ماكو حاجه تكليلي.

مروه: انتي حي الله بت البارحه احنه اهله قبل لا تصيرين انتي مرته.

غنى: اعرف انتو خواته ومن الطبيعي تعرفو اكثر مني.

بتول: اخته ههه والله شكلج نايمه ورجليج بالشمس.

اروى: شبيجن بنات شله داعي هالنقاش حبيبتي غنى خالتج اجت وما لكتج كالت بعدين تجي تشوفج.

مروه: خطيه غنى هي بس هالخاله عندج تدرين صديقاتي كلهن سألني على اهل العروس بس شكول.

نسرين: والله ياعمه حتى اني سألوني وضليت صافنه بوجهم.

ضحى: خزرت مروه هاي شبيها اليوم.

غنى: مجاوبتهن ما اريد تصير مشكله وبسببي ومن اول يوم.

ورده: حضنتها تره غنى من تزوجت فهد صار هو اهلها وزوجها وحبيبها واحنه صرنه خواتها وكل البيت اهلها مو نونه.

غنى: بوست خدودها اروح فدوه للحنينه.

مروه: كعدي لوكيه.

ورده: مرت اخويه واحبها انتي شكو.

غنى: ابتسمت اباوع طبت ليلى اخت فهد مدري ليش اخاف منها اجتي سلمت عليه من بعيد.

ليلى: هاا شلونج.

غنى: كمتلها من باب الاصول الحمدلله.

ليلى: كعدي كعدي خلي نشوفج شو باوعيلي ليش ما خاله مكياج وشدعوه هيج خانكه روحج بالملابس هو هذا لبس عروس.

فهد: واذا عروس لازم تتهيلك وتصلخ كدام العالم.

ليلى: هاا هاا مو غير على مودها.

فهد: ما عليج بيها شتريد تلبس خلي تلبس وبعدين اني ما اقبل على مرتي تصير فرجه للعالم وبالنسبه للبسها فالستر حلو ومرغوب اروى هاج كومي جيبي كاسات ماي.

ياسمين: هاا فهيدان شو اجيت حامي على مرتك.

نسرين: غير ام العيشه يكدر يزعلها قابل غير يموت.

فهد: عمه انتبهي لكلامج رجاءا.

اخذت الصينيه وهمست ل ليلى فكي ياخه عن مرتي لا اطيح حظج وافشلج كدام العالم خليج بنفسج احسلج.

ليلى: هزيت راسي.

عمه العماها هاي شمسويتله وهيج يدافعلها لا ومن اول يوم هم معقوله كلام بتول صحيح وهاي ام شبر ونص سحاره.

غنى: ضليت كاعده واجاوب على اسأله الكل واكو اسئله والله عيب تنسأل وزحمه شيفض اليوم والله تعبت صارت بال12ونص حاجيت اروى.

اريد اصلي.

اروى: تعاي بغرفه امي صلي.

غنى: كمت وياها دخلت للغرفه انطتني سجاده واني ملابسي مستوره حتى جواريب لابسه وكفت اصلي كملت وكعدت اسبح دخلت مروه لبست الجادر وكعدت.

مروه: اسألج سؤال وجاوبيني عليه بصراحه.

غنى: تفضلي.

مروه: ليش فهد بالذات.

غنى: مفهمت.

مروه: ليش وافقتي على فهد وانتي عندج علاقه بغيره.

غنى: متوهمه اني معندي اي علاقه سابقه ويه اي شخص قبل فهد.

ابن عمج اول رجال بحياتي وتعاي اني اريد اسألج اكدر اعرف شنو سبب تغير اسلوبج ويايه بعد ما جنتي حبابه ويايه.

مروه: ببساطه لان اخذتي شي المفروض يكون الي و اني اقصد فهد وما استحي اكولها جنت احبه والمفروض نتزوج وانتي اجيتي خربتي علينه كلشي.

غنى: يعني فهد جان واعدج بزواج.

مروه: لا بس جنه مقدرين لبعض.

غنى: هذا شي اني ما اعرفه والمفروض منج متبنين امال على احد ايا كان وما من حقج تجين تحاسبيني على علاقتي بزوجي بناء على شي وهمي انتي بانيته ببالج.

مروه: صدك لا كالو الفلوس تغير النفوس جان صوتج مينسمع وهسه تحجين لا وبزود هم.

غنى: الفلوس معليها واني اسلوبي وشخصيتي نفسها سواء سابقا او هسه بس تكدرين تكولين الحجي الميعجبني انطي رايي بي بدون ما اتعده حدودي وكلامج ما عجبني وانتقدته لا اكثر ولو وحده غيري جان ردت عليج غير رد بس اني مو وقحه ومستحيل اسويها كمت لميت السجاده عن اذنج اعوفج تصلين.

طلعت ويه طلعتي دخلو الولد ياخذون الاكل زين اني اريد اعبر واستحي اكلهم وخرو شفت منذر.

همست منذر.

منذر: درت وجهي لكيت مرت فهد ورايه هاا خويه امري.

غنى: بلا امر عليك سويلي مجال اعبر.

منذر: شباب من رخصتكم شويه سوولي مجال تعاي خويه بسرعه ولتطلعين تره فهد ميقبل.

غنى: هزيت راسي رحت بسرعه كعدت يم الحجيه كملو غده الزلم وبده غده النسوان اكلت شويه وكمت مر الوقت بسرعه صارت الدنيا مغرب بسرعه بدت العالم تروح واكثر شي حرجني شغله الواجب مقبلت اخذ شي خاصه اذا فلوس بس هنه ميقبلن خو وحده مردت ايدي مرد ومقبلت ارجع الفلوس.

ياسمين: يمه ورده روحي صيحي لحارث خلي نروح تعبت اريد ارتاح.

حياة: اي والله حجيه هلكنه جماعه فهد الله يسلمهم بس همه الهم ميت الف راس شدينه هلكنه والله.

غنى: اباوع طبو كل الولد ماشاءالله ولدهم هواي صاحلي فهد اسلم على عمامه.

السلام عليكم

عباس: وعليكم السلام، شلونج بويه؟ شسمج، والله اني أنسى.

فهد: غنى.

عباس: عاشت الأسامي بويه.

مهدي: هله بيج بنيتي، شلونج؟

غنى: الحمد لله عمو، انت شلونك؟

مهدي: بخير الحمد لله، لتجبجبين، اخذي على الوضع، اعتبري روحج كاعدة بين أهلج، احنه كلنه بيت واحد، واحد طاب على الثاني، مابيناتنه خجل أبد، اعتبري روحج وحدة من البنات واخذي علينه بسرعة، تره منحب اليعتزل احنه.

غنى: ابتسمت بهدوء، إن شاء الله عمو.

عباس: يله احنه نترخص، حارث يله بويه، صيح لخواتك خلي نروح.

مهدي: أمشي، خلي نروح بالسيارة، مابيه حيل أمشي.

فهد: طلعوا الكل وجماعتي هم راحوا، بقة البيت فارغ، باوعت لغنى، يله نصعد.

فيصل: شو مرتك ما كعدت ويانه؟ كلشي ماشفنه منها.

فهد: أخذت ايدها، من رخصتكم تعبانين، عود بعدين ننزل، وعود تعرفون عليها، يله.

غنى: صعدنه فوك، فتح فهد الغرفة ودخلنه، ليش قافلها؟

فهد: ما أحب أحد يدخل لهنا غيرنه، ودير بالچ مو ياهو الجان تخلي يطب.

غنى: أدري بيها فلوس.

فهد: مو قصة فلوس، طز بيهن، بس عندي أوراق مهمة أخاف تضيع. فتحت قميصي.

غنى: تعبان.

فهد: كلش.

غنى: روح اسبح، خلي أحضر لك ملابس حتى تبدل وتنام، من الصبح لسه انت على فرد وكفة.

فهد: باستغراب، عود شكراً!!

غنى: بهدوء، واجبي هذا. راح للحمام، فتحت الخزانة مال ملابسه، طلعت له تراك، قربت التشيرت مني، أخذت نفس منه وغمضت عيوني، أووف. نزلته، خليت له ملابسه على الجرباية ورحت، طلعت تراك أسود إلي، بدلت واجيت، صليت، كملت ورحت تمددت، أول ما خليت راسي على المخدة غفيت.

فهد: طلعت من الحمام، أخذت ملابسي، أباوع هاي نامت، مبين عليها تعبانة، رحت بدلت واجيت نمت بصفها، خرب يوم العرس، سلك أبويه. رفعت الغطا غطيتها وغطيت روحي ونمت.

صباحاً

ليلى: أكول شو مرت فهد لسه مانزلت؟

أروى: صبيت جاي، تره بعدهه عروس، وهذا ثاني يوم الها.

آلاء: بس لا راح تبقى منا للسبعة بدون شغل.

إيمان: خير، شبيجن؟ صوتجن عالي، مو اكو ناس نايمة؟ لو اله فهد ينزل يرزلجن؟

آلاء: خالة صدك جنتج للسبعة ياله تبدي تشتغل؟

إيمان: للسبعة شنو؟ أقل شي عشر تيام ياله أخليها تكيس شي، خوما جايبيها تكرب أحنه؟ روحي يمه أروى، كعديهم خلي ينزلون، الساعة صارت بالدعش.

أروى: خاف تعبانين، عوفيهم خطية.

إيمان: لا، راح يأذن بعد ساعة ونص، خلي ينزلون.

أروى: صعدت فوك، لكيت بتول واكفة بالباب، هاي شتسوي؟

بتول: هاا، ردت أكعدهم.

أروى: وانتي شعليج؟ بت عم بت خال تره عيب هالتطفل، وخري. دكيت الباب.

غنى: غافية وسمعت صوت الباب يندك، لكيت فهد نايم كبالي، وخرت الغطا وكمت، صحت منو؟

أروى: اني.

غنى: فتحت الباب بنعاس، صباح الخير.

أروى: صباح الورد، أمي تكول كعدوا حتى تريك وتعرفون عليها.

بتول: أباوعلها لابسة تراك أسود برموده، أريد ألمح شي عليها من الي ببالي، ماكو، لا طكة لا أي شي.

غنى: هسه ثواني وأكعده.

أروى: ماشي. لعد خلي أروح أجيب لكم الريوك، لأن أدري بيج تستحين تاكلين ويانه. يله بتول.

غنى: سديت الباب، رحت للغرفة، أباوع فهد نايم على بطنه. ندسته، فهد أكعد.

فهد: بنعاس، شكو؟ منو معرس؟ ليش تكعديني؟

غنى: خالة تكول أكعد تريك.

فهد: ما أريد، سم عوفيني.

غنى: ميجوز تحجي على نعمة الله هيج. رحت فتحت البردات، يله أكعد.

فهد: كلبت جسمي، أباوعلها، عناد هو.

غنى: مو عناد، كافي نوم، حيأذن، حباب فهد كوم.

فهد: كمت، ينعل أبو شكلج. حضري لي ملابس علما أتصخم.

غنى: طلعت له ملابس، أجه بدل وكعد يدخن. اندكت الباب، راح فتحها، جاب صينية الريوك واجه، كعدنه نتريك.

فهد: أباوع لها، كل شويه توخر شعرها، كمت شلته كله.

غنى: كمل أكلك، عوفه.

فهد: غثني كلش، انطيني قراصتج، شديته على كيفي حتى ما أأذي، وكعدت، كملنه ريوك، نزلته وصعدت. أكلج، اني مال أكعد وأكابلج اليوم كله ما أكدر، فشوفي لج شي نسوي، لأن ما أكدر أنزل هسه يكلك عاف مرته ونزل.

غنى: ما أعرف، شوف انت شنو يجي على مزاجك.

فهد: تعرفين تركصين؟

غنى: عفوا.

فهد: ركص، ركص، هز وهيج شي متعرفين؟

غنى: بس لا تريدني أركصلك.

فهد: إذا تكدرين ياريت، لأن مزاجي كلش مخربط.

غنى: عود يعني تحجي صدك لو تشاقه؟

فهد: لا والله صدك أحجي، شو دوري جسمج، دورت جسمها، زين، عندج خلفية لابأس بيها للهز، ضربتها على خلفيتها.

غنى: نزيت، شنو هاي؟ مو عيب عليك، شلون تمد إيدك عليه هيج؟

فهد: رفعت أيديه، شبيج؟ ردت أسمع صوتها.

غنى: هزيت راسي، انت شنو؟ مو على أساس كالتلي متتقربلي؟ شو تحجي الحجاية وتنساه؟

فهد: اني كالت ما أتقربلج ضمن النوم، بس يعني ما أنام وياج، أما باقي الحبشكلات فمرات يعجبني ألزق شي، أضرب شي، واني ما أخلي بنفسي شي زائد، أريدج تركصيلي لأن مزاجي يتحسن بالركص.

غنى: تحسن لا تحسن، اني شعليه؟ وشنو أركصلك؟ أحد كلك فيفي عبدو اني؟

فهد: انتي مو تستحرمين، شمعرفچ بفيفي عبدو؟ على العموم مو هذا موضوعنه، عندج منا لشهر إذا ما تعلمتي الركص أطلقچ.

غنى: تطلقني لأن ما أعرف أركص؟ والله انت فايخ.

فهد: بتحذير، لسانج، ديربالچ تفلتين بالحجي.

غنى: باوعتله صفح ومشيت، ما أحس غير أيدي تنلوي، آااااااه فهد، أيدي.

فهد: هاي عليمن باوعتلي صفح؟

غنى: عليك، آااااه.

فهد: شديت على أيدها، عليمن، ماسمعت؟

غنى: مو عليك، آااااه فهد، آاااه.

فهد: وجع، صوتج.

إيمان: دكيت الباب، صوتكم فضحتونه يمعودددين.

غنى: باوعت لفهد بسرعة.

فهد: هديتها، احترك الجاب بليس، شفتي صوتج يا عايقة شسوه؟ بس لا عبالهم جنه. هله، كملت السبحة. صحت، غلسيييي يمه، اعتبري نفسج ماسمعتي شي.

إيمان: ابتسمت هازه راسي، غير سايب هالولد.

غنى: خليت إيدي على حلكي، عززه، شكد عيب، بس لا عبالها غير شي. باوعت لفهد الي بدأ يغرد واجته من الله بس يريد يحجي.

فهد: آاااه فهد، آااااه، خبصتنه جنها وحدة. حتى الگح.... من... متصيح مثلج، شبيج مكرو....

غنى : احتقن وجها والله عيب عليك ابو لسان الزفر

____________

بعد مرور اسبوع

.

.

.

.

.

.

.

************

يتبع

بعد مرور أسبوع.

غنى: مر أسبوع كامل على زواجي من فهد. مر بسرعة وما حسيت عليه. روتين بروتين. فهد أول ثلاث أيام ملازمني وكاعد وساكت، وباقي الأيام قام يطلع للمعامل والعماره لأن هسه ماخذ إجازة وما عنده دوام. المفروض اليوم يسوون سبعة، بس أنا كنسلتها. ما أريد سبعة، سويت حنة وعرس شگبره. ماكو داعي أكلف فهد، وأني شفت العرس شگد كلف. هاي من غير إني ما عندي أحد يحضر بالسبعة ومالي خلك الحجي، وهم ما ضغطوا عليّ، عافوني براحتي. واليوم بدال السبعة بيت جدتي عازمينه يمهم على عشاء.

فزيت على صوت الباب. كمت.

غنى: منو؟

ساره: أني.

غنى: فتحت الباب شفت ساره.

ساره: سلام.

غنى: ابتسمت بهدوء. وعليكم. تفضلي.

ساره: دخلت ضايجة. اجيت يمج.

غنى: أهلاً وسهلاً. تفضلي. تعالي خلي نكعد هنا.

ساره: كعدت. أفييش الغرفة باردة ثلج. أكول ليش متنزلين؟ أثاريج مسنحة على البرودة.

غنى: لا مو هيج. بس فهد طالع واستحي أنزل وحدي.

ساره: يمعودة بيت رجلج هذا. أخذي راحتج بي. خوما بتول الوصخة وسعاد المراهقة ياخذن راحتهن ويفترن بكيفهن، وأنتي حابسة روحج.

غنى: عيب. ميصير تحجين هيج.

ساره: العيب بالجيب يمعودة. وعلى طاري الجيب، غرفتج ببيش أخذتيها؟

غنى: والله علمي علمج.

ساره: بس والله حلوة. گمت فتريت بالغرفة. هاي العطور كلهن الج؟

غنى: ابتسمت. لا لفهد.

ساره: لعد شبي حظي. فيصل حتى العطر أني أجيبه إله. وأنتي رجلج ينكرط كرط من گاعه. لو هي حظوظ.

غنى: خليت إيدي على حلكي. گوه لازمة روحي حتى ما أضحكت. طبعاً هي تحجي ويه روحها وما منتبهة.

ساره: الله. هذا المكياج كله الج. والله عبالك صالون على ميز التواليت.

غنى: گمت. إذا تحبين أخذي الي يعجبج.

ساره: صدگ والله؟ يعني عادي آخذ منج؟

غنى: طبعاً عادي. الي يعجبج أخذي الج وحلالج.

ساره: ياا. أنتي شگد حبابة. شوفي راح آخذ هاي الحمرة وعلبة الظلال هاي هم.

غنى: أوكي. تردين شي بعد؟

ساره: لا شكراً. بس ذني. وهسه تعاي وياي خلي ننزل. شعدج حابسة روحج هنا. كلهن كاعدات جوه.

غنى: هسه صدگ. عليمّن حابسة روحي؟ أني صار أسبوع كاعدة هنا. خلي أنزل ما دام الولد بالدوام. هسه بس خلي أبّدل.

رحت طلعت دشداشة سودة وزرگه وأخذت شال أسود. جيت أروح للحمام أبّدل.

ساره: وين رايحة؟

غنى: أبّدل.

ساره: يمعودة عليمّن هالمستحة. بدلي هنا.

غنى: لا. شلون ميجوز أبّدل گدامج. من رخصتج ثواني. دخلت بدلت ملابسي وطلعت. أنزل بالدشداشة. شلت شعري گبّابه ولبست شالي.

ساره: والله عمي هنيالك فهد من ينام وياج على هالجسم.

غنى: صفنت. هاي شتحجي بله؟ مو عيب بنية وتحجي هيج. بخجل. أگلج خلي ننزل أحسن. أنتي شكلج ما عندج كنترول.

ساره: أي يله.

غنى: نزلنه جوه. لكيناهن بالمطبخ. شي كاعدات يطبخن وشي كاعدات يحجن. السلام عليكم.

الكل: وعليكم السلام.

سعاد: وأخيراً شفنه وجهج. صارلج أسبوع نايمة بغرفتج. گولي أنزل أشوف شعدهن ما عندهن. أتعرف على أهل رجلي. شنو تستنكفين تنزلين؟

غنى: ضليت لا أخذ ولا أطي. أكلتي أكل. حتى ما أعرف شجاوبها.

إيمان: أم فيصل. ما عليج بجنتي. شتريد تسوي خلي تسوي. عروس ومن حقها. خليها براحتها. أريدها سالمة.

ليلى: أكول خاله. شو مرت فهد ضاربتها على الصامت. خاف متسمع.

آلاء: لا ولج. هاي تطبق مثل "طنش تعش تنتعش".

إيمان: لا غلطانة. هي هادئة. وهذا واحد من الأسباب الخلتني أخطبها لفهد. لأن هادئة وعاقلة ومؤدبة.

غنى: باوعت لخاله إيمان. فاجئني كلامها. والله ضليت صافنة. يربي شهالعائلة. متعرف منو وياك منو عليك بهالبيت. حاولت أفتح موضوع. خاله وين أروى؟

إيمان: بالكلية. راحت تشتغل على التقرير. مدري رسالة الماجستير. والله ما أعرف.

غنى: تذكرت. عقب باجر تخلص إجازتي ولازم أداوم. زملائي بدوا يحضرون للتخرج وغيرها. وأني بعدني. شيخلص هالسنة وأرتاح. لعد وورده وينها؟

أنغام: هسه فد ساعة وتجي من الدوام.

غنى: ليش المدارس بعد خمس تيام يداومون. شعجب من هسه مداومة؟

أنغام: مو هي مدرسة أهلية. وغير هي بكلوريا. فتبدي تداوم من وكت حتى يصيرلها وقت تراجع. هو ما بقى شي ويخلصون وترتاح خطية. شلع گلبها الثالث.

ليلى: شنو السالفة؟ هو ثالث؟ أصلاً صوچ فهد. مدري شبي راح خلاها بمدارس أهلية. شبي الحكومي؟ أشو حتى هو طلع من حكومي. بس ما أدري عليمّن هالتفيك. أكول مرت فهد مو ترحين تكليلّه وتسويلج مشكلة.

غنى: أسمي غنى. وعلى فكرة هو ميتفيك. بس يريد ورده تدرس دراسة زينة بكادر زين. لهالسبب خلاها بمدرسة أهلية. مو يتفيك مثل ما أنتي تكولين.

آلاء: أكول غنى. بما أنو انتهى العرس على خير. خلي نقسم الشغل بيناتنه. خوما أضل بس أني أشتغل وأطبخ. وأكو غيري تلاثة.

غنى: ما عندي مانع. قسمي الشغل مثل ما أنتي تحبين. وأني وياج.

آلاء: لعد شوفي. كل يوم على وحدة الطبخ. والتلاثة الباقيات عليهن غسل المواعين. يعني مثلاً أني راح أطبخ اليوم. وأنغام غسلت مواعين الريوك. وأنتي مواعين عليج الغدة. وساره عليها العشة وهكذا. إضافة الحديقة كلها عليج. والبيت عليّ وعلى أنغام. والكراج على ساره.

غنى: ماشي.

ساره: شنو ماشي؟ أني حامل وما أكدر أشتغل. يعني فوگ تعب الحمل تطلعلي بالتنظيف؟ لا عيني ما أشيل عودة من الكاع. بيه حيل أني.

آلاء: شنو خدم عندج؟ خوما خدم أحنه. غصباً ما عليج تشتغلين وتأكلين تبن هم. أم الزلم.

غنى: عزة. راح يتكافشن. خلص أني آخذ شغلج. بس لتتعاركن.

آلاء: وإذا أنتي هيج حنينة. خلي كل المواعين عليج. والطبخ يتسلسل علينه.

غنى: ها؟!

أنغام: بله مو عيب عليجن. على مواعين تتعاركن. لا وجماله ذبّين كل الشغل على البنية. جان استحيتن على رواحجن شويه.

إيمان: صحت. كاااافيييي. شبيجن انفتكتن. الكل يشتغل بهالبيت. ما عندي وحدة تنام. الكل سواسية بالبيت. سواء جناين لو لا. أروى وبتول هم يشتغلن. حالهن من حالجن. وما شاء الله احنه خطارنه هواي. فغصباً على الكل يحط إيده ويشتغل. وأي نقاش ما أريد. كافي تره مو مراهقات. وواحد يرزلجن. أشو آلاء راح تطبين بالثلاثين. مو زعطوطة أنتي. عيب. ثگلن شويه. وأنتي... غنى.

غنى: نعم خاله.

إيمان: الكلام موجه الج وياهن. ما أريد مشاكل.

غنى: هزيت راسي. رحت أساعدهن. وهاي ليلى مدري شبيها تخوف.

ليلى: أكلج خفي إيدج. جلفي أسرع. شگد فاهية.

غنى: أي. گملت المواعين الوصخة. مدري شلون يشتغلن. وأكو جبل مواعين يمهن. غسلت إيديه وطلعت كعدت بالصالة.

سعاد: ها؟ شو كعدتي؟

غنى: لعد وين أروح؟ أشرت لابن منذر يجي يمي. بوسته. أنت سالم مو؟

سالم: أي.

غنى: گصت خدوده. تدري گولش گولش حلو.

سالم: ثگرا. أنتي هم حلوه.

غنى: ههه. فدوه. شلون يحجي. ضليت أسولف وياه. وبعدها گمت أساعد البنات. سمعت صوت البنات أجن للمطبخ.

أروى: سلام يا قوم. هله مرت أخويه نازلة اليوم.

غنى: ابتسمت. بوستها. شلونج؟ شو تأخرتي؟

أروى: ولج هلكت من التعب. لو أدري هيج السالفة ما أفكر أدرس ماجستير. تعبت. خلي أرتاح وأسولفلج.

غنى: يله هانت. ما بقى شي وتقدمين الرسالة وتخلصين.

أروى: أي والله. شيخلصني.

ورده: ها نونه شلونج؟

غنى: هلو حبيبتي. شلونج؟

ورده: الحمد لله. بشرن شمسويات غده؟

ليلى: مرقة بانيه. أنتي متحبيها مو؟

ورده: لااا. ما أحبها.

ليلى: أدري بيج متحبيها. سويت الج معكرونة.

ورده: أول تالي تسويها منج. من الشيطان.

أروى: گصتها. تأدبي. يله تعاي خلي نبّدل. الولد أجو ويريدون يتغدون.

غنى: أخذت السفره وطلعت. لكيت الولد كاعدين وفهد وياهم. السلام عليكم.

الولد: وعليكم السلام.

غنى: رحت جبت المواعين ويه البنات. وكعدنه كلنه نتغده سوه. ما شاء الله همه عائلة جبيرة. ميكفيهم الميز. فـ يكعدون بالكاع.

فيصل: ها مرت فهد نازلة. شلونج؟ ماشفتج.

غنى: الحمد لله أخويه.

فهد: انطيتها خاشوگة. هاج أكلي. لتضلين صافنة.

غنى: شكراً.

علي: شلونه الزواج؟ فهد حلو لو لا؟

فهد: يعتمد على اختيارك. إذا تختار اختيار مخربط يصير مو حلو. بس لو تختار عدل يصير توب.

فيصل: وأنت زواجك حلو لو لا؟

فهد: تعذرني. أحب أحتفظ بالجواب لنفسي.

دنيت الماعون يمها. جاي أكول أكلي. باعيلهن راح يطكن من الأكل. وأنتي تنقشين.

غنى: داأكل والله.

سعاد: أكلك شنو؟ مرتك خرسه؟ شو لاتحجي لا تكول. دومها ساكتة.

فهد: أحسن. أخاف على صوتها. ليروح من الحجي.

ساره: أوي فدوه. شلون يحجي عليها. تدري فهد حقك تخاف عليها. والله أني من شفت ترافة جسمها ونعومته. گلت حقك هيج تحبها وتخاف عليها.

غنى: عززه. فضحتني فضيحة. هاي شبيها مخبلة. أباوع لفهد. غص بالاكل. صبيتله مي بسرعة.

فهد: دفعته بصعوبة. مو كلاصي هذا.

غنى: گمت للمطبخ. جبتله گاسة مي وجيت ركض. انطيته. أباوع لوجهه كله انكلب. خطية والله غص غصة. أباوعله شرب مي وعيونه تخزر بساره.

فهد: تنهد. شلون ويه بت هالكلب ساره ولسانها فالت.

ساره: شبيك فهد؟

فهد: بيه جني. گمت أباوع لغنى. گامت وياي. گعدي كملي غداج.

غنى: شبعت.

فهد: أكبر جذابة. أدري بيها تستحي تاكل واني ما موجود. رحت غسلت. وهي وراي. نشفت إيدي ورفعت ردن الدشداشة لتتبلل. غسلي وصعدي وراي. لتبقين جوه.

غنى: أي.

غسلت وطلعت. صاحت بيه أم فيصل.

سعاد: وين؟ امشي روحي سوي جاي.

غنى: مسوية قبل بوقت. بس صبّوا.

بتول: نزلت. والمواعين منو يغسلهن؟

أروى: ما عليج. أنتي مو ستوج گعدتي وتتأمرين. روحي نونه. أني أغسلهن.

غنى: لا. ما عندي شي. أني أغسلهن. گعدت انتظرتهم يكملون. خطية أنغام وأروى گمن وياي. وآلاء بس شافتنه دخلنه للمطبخ صعدت فوك. هي وساره. الكل راح لغرفته. واحنه كملنه المواعين. غسلت وصبيت لفهد جاي وطلعت. دامشي وأحس راسي انسحل. رفعت الجاي بسرعة ليروح يتبده عليه. درت وجهي بسرعة. شفت بتول. هاي ليش هيج؟

بتول: سوري. أظفري علگ بشالج وانجر بإيدي بدون ما أنتبه.

غنى: باوعتلها بنظرات عدم تصديق. يربي شنو هالقابلية هاي. عفتها ورحت. أهدي غنى أهدي. لتخلين عقلج ويه عقلها. وصلت للغرفة. لكيت فهد نايم على الجرباية.

فهد: بهدوء. ليش تأخرتي؟ مو گلتلج صعدي وراي.

غنى: جنت أغسل مواعين. وكلت أصبلك جاي وأصعد.

فهد: أخذته. روحي حضريلي ملابس. خلي أسبح وأطلع أنام.

غنى: ماشي. رحت طلعتله ملابس من الكنتور. سمعت صوته يصيح.

فهد: غنننننى.

غنى: ها.

فهد: تعاي بسرعة.

غنى: ها. گمت ورا.

فهد: ليش معلگة ملابسج وخاوليّاتج بتعلاگتي؟ مو حاطلج تعلاگه هناك.

غنى: منتبهت. وبعدين وإذا علگت ملابسي هنا.

فهد: خاوليّي؟ ميصير. يصير ويه خاوليّي. جسمي يختلف عن جسمج. خوما ننشف بنفس الخاولي.

غنى: شبيك؟ انهديت. داأگلگ منتبهت. قابل متعمّدة؟ شلت ملابسي. شجاك كلبت الدنيا؟ تگدر تحجي بهدوء.

فهد: كلشي ولا هالسالفة. لتصيرين مدعثرة. كلشي خلي بمكانه المحدد. تره تلعب روحي من الهوسة وعدم الترتيب. ذيج الزاوية خالچ بيها دولاب وتعلاگه. خلي بيها أغراضج. ولتخربطين نظام الحمام بعد.

غنى: ماشي. حاضر. بس اهدأ. أخذتهن. خليتهن بالسلة الي هناك. وعلكت الخاولي.

فهد: تعاي.

غنى: نعم.

فهد: شلت ملابسها الداخلية. نسيتي ذني.

غنى: احتقن وجهها. ها؟ جي جيبهن. اجيت آخذهن.

فهد: لحظة لحظة. باوعتلها. گطفت عليها الحمالة. تعاي كليلي هذا شلون يطب بيج؟ مو أشوفه صغير.

غنى: جيب فهد. عيب عليك.

فهد: اوگفي. هاي مرة شفت بمحل أطفال هيج أحجام. معقولة يعني هذا مالتج.

غنى: جريته بخجل. مو عيب تلعب بشي مو إلك. لو متگدر إيدك مو إلك.

فهد: شگاعد ألعب؟ سؤال وسألتج. لأن تفاجئت. يعني جسمچ غريب. حمالة صدرچ جبيرة وحجمها لا بأس. بس ذاك كلش صغير. يعني مو مال بنات يلبسن.

غنى: خزرته. وأحس روحي راح أوگع من صلافته. گافي يله. لتلزگ. خليتهن بالسلة وفوكهن الدشداشة وطلعت. والله ميستحي. لا ويسأل وعادي عنده.

فهد: هاي شبيها؟ هسه أني شگلتلها. والله يا الله.

غنى: رحت طلعتله ملابس. وكعدت أقلب بموبايلي. شوية وطلع. لاف الخاولي على جسمه.

فهد: وين الملابس؟

غنى: أشرتله على الجرباية.

فهد: أخذت الملابس. رحت بدلت واجيت تمددت.

غنى: رفعت الغطه. غطيته. هستوك طالع من الحمام. لتتمرض.

فهد: درت جسمي عليها. لعبي بشعري.

غنى: تنهدت. مخلية إيدي بشعره.

فهد: مغمض عيونه. خو محد ضوجتج منهن اليوم.

غنى: لا أبداً. كلهن حبابات.

فهد: جذبتي.

غنى: شگلت؟

فهد: هيج. أگلج تره بالليل نروح لبيت جدي. وولد عمامي هناك. ما أريدج تحتكين بأحد. وحتى البنات لثگلي وياهن.

غنى: صار.

فهد: ومرتضى مالج علاقة بي.

غنى: صار.

فهد: رفعت راسي. شنو صار! تستهزئين انتي.

غنى: لا والله. خلص كلام مفهوم. ما أختلط بأحد.

فهد: هزيت راسي. عفيه هيج أريدج.

غنى: ضليت ألعب بشعره لحد ما غفى. سحبت إيدي خليتها جوه خدي. أباوعله. يربي شگد حلو نومته. گعدته. كلامه. گولي بي يجنن. بس لو يبطل سوالفه. ضليت گاعدة أباعله. مدري شحبيت بيك. وأنت مزنجر وناسيك بالفرن. وفوگ هذا لسانك باذر ومنحرف. تغطيت زين. وغمضت عيوني. وما حسيت بشي بعد.

فهد: گعدت العصر. خرب. هاي شگد نمت. باوعت. هاي نامت هم. أباوعلها مبينة تعبانه. ما هانلي أكعدها. بس لازم نروح هسه. خوما نطب بالليل. فشلة. تلمست خدودها. صايرات ثلج. من هوه السبلت. وخرت شعرها عن وجهي. غنى. گعدي يله.

غنى: حسيت بملمس دافي يمر على خدودي. سنحت بالزايد.

فهد: أباوعلها. تبتسم وهي نايمة. ابتسمت على ابتسامتها. من أشبهها بالجهال. تكول لا. همست. غنى. غنى. گعدي يمعوده. صارت الدنيا عصر.

غنى: فتحت عيوني. شفت فهد مزروع بوجهي. فزيت. شجنت تسوي؟

فهد: أغتصبج.

غنى: گول والله.

فهد: هههههه. خرب يومج. صدگ ضحكتيني. يعني بشرفج اكو واحد يغتصب وحدة وهي بالملابس؟ أدري اغتصاب ضوئي خوما ضوئي.

غنى: گعدت بهدوء. تره أنت تدوخ. ساعة گالب وجهك ومتتحاجي. وساعة تضحك وتسولف. وساعة ثانية تكره الواحد بتصرفاتك. أنت شنو فهد؟ تره تعبت وأني أحلل بيك. ولحد الآن ما وصلت لنتيجة. وين فهد الصدگي؟

فهد: خليت شعرها وره أذنها. هو فهد واحد. كل ما بالموضوع. أني خال وقت لكلشي. إذا اكو شي يستوجب الضحك. أضحك. ماكو شي يستوجب الضحك. أحافظ على ملامح وجهي بدون ما أصير مهرج. وأخلي العالم تضحك عليه. وبالتالي محد يحترمني. وللمعلومة. لازم الواحد يصير رزن بتصرفاته. سواء مرة أو رجال. حتى بوقت الشقة والضحك هم لازم تحضر الرزانه. گصت خدها. فهمتيني هسه.

غنى: هزيت راسي.

فهد: يله كومي بدلي. علما أنزل أستعجلهم حتى نطلع.

غنى: أي كايمة. راح هو. وأني گمت طلعت ثوب مال طلعة. لونه وردي ويا شال كريمي وبي ورد وردي. خليته على جهة. رحت غسلت وجهي حتى أصحصح. بدلت وگفت أرتب وجهي. أباوع. دخل فهد.

فهد: طلعت ملابسي. حسبي حسابج. مكياج ماكو.

غنى: باوعتله. ليش؟

فهد: لبست التشيرت. ما أقبل واحد يباوع لمرتي.

غنى: ماشي. ما أخلي.

فهد: گفيت وراها. عود ليش كلشي أكوله توافقين عليه بدون ما تناقشين.

غنى: ذبيت العطر ودرت وجهي عليه. لأن ببساطة الله أمرني بعدم عصيانك. بس ها. بالامور المعقولة. يعني أنت متريد أخلي مكياج لسبب معقول. وأني ما عندي مانع. لأن المن أريد أخلي مكياج. عود شوية حتى يروح من شحوب وجهي. بس خلص مدام متقبل. مو باللزوم ماكو شي يستوجب أناقشك بي ونتعارك.

فهد: باوعتلها. هاي كل الي يتزوجن هيج يسون ويه زواجهن.

غنى: رفعت كتفي بمعنى ما أعرف.

فهد: كلامها صفني. يعني حتى لو أريد أحجي ما أكدر. مديت إيدي أخذت عطوري.

غنى: أباوعله. گام يخلي من عطوره. أو يسبح عفواً. وأني أگول ليش طول اليوم العطر ميروح منه.

فهد: تدرين أني ليوم العرس. أول مرة أشوفج لابسة ألوان. من شفتج لحد قبل عشر تيام. أنتي لابسة أسود. وهسه لابسة وردي. لحد الآن ما متعود عليج بهالالوان.

غنى: لفيت شالي. تريد الصدوگ. أني مردت ألبس ألوان. بس خالتي جبرتني وحلفتني أنزعه. وهسه هم لبست ألوان. لأن ما أريد أهلك يحجون على أبو. ليش عروس ولابسة أسود. من الحجي. أني بالعقد وكلت التوبة.

فهد: ليش منو حاچاج؟ گليلي. أنعل والديه. خوش. هي هاي العايزة. أنوب يتدخلون. فلان لابس وعلان نازع.

غنى: حسيت على زلة لساني. لا لا محد حجه. بس أني داأگلگ خاف واحد يحجي. يعني.

فهد: سديت الجرارة. عود اليحجي گليلي. حتى أوكله تبن. يله تعاي.

غنى: نزلنه جوه. لكيناهم متحضرين.

سعاد: أكول تعاي تعاي.

غنى: تقدمت منها.

سعاد: لزمت إيدها. ولج هالأسوار أني شايفته بأيد الحجية ياسمين. شجابه لايدج؟

غنى: هي لبسته الي بزواجنه.

سعاد: باوعت لإيمان. عود شنو معناها هالتصرف؟ أسوارها العزيز تشيله تنطيه لجنتها؟ لعد وجنايني أني شتقصد بتصرفها هذا؟

فهد: جريت إيد غنى منها. على كيفج. أذيتيها. مو هيج مرتي متتحمل تره.

سعاد: أني وين أحجي وأنت وين رحت؟

فهد: شنو ترديني أروح أتعارك ويه الحجية. لأن ما انطت الأسوار الج؟ والله حلوة هاي. أني شعليه. روحي أنت گوليلا ليش انطيتي الأسوار لمرت فهد. يله امشونه. عيب نطب ووگت العشة.

منذر: يله يمه يله. يمعودات وينجن؟

غنى: طلعنه مشي أني وفهد. لأن البيت قريب.

فهد: لو جاين بالسيارة أحسن. ما نمشي والعالم كلها تباوعلنه.

غنى: ليش؟

فهد: ما أدري. ما مرتاح لملابسج. أنوب من نطلع لبسي الي يعجبج. وفوگه الصايه حتى أرتاح. اللون هذا بارز ملامحج وجسمج. أكول تعاي تعاي.

غنى: باستغراب. وين؟

فهد: خلي نرجع. لبسي صايه فوگ هدومج. شنو تمشين بالشارع هيج.

غنى: يااا فهد. صدگ تحجي؟ مو أهلك سبقونه.

فهد: ميخالف. عوفيهم. فتحت الباب. يله روحي. لبسي صايه عريضة وتعاي. وعود ذبيها هناك.

غنى: شنو هاي فهد؟ رجعتنه على هيج سالفة.

فهد: لتناقشين. يله.

غنى: تنهدت. صاعدة فوگ. فتحت باب الغرفة. أخذت الصايه. لبستها فوگ الثوب ونزلت. زين هيج؟

فهد: أي. هسه شكلج ينطلع بي. يله امشينه. قفلت الباب وطلعنه. وصلنه لبيت جدي. دگيت. فتحت الباب ودخلت.

غنى وفهد: السلام عليكم.

الكل: وعليكم السلام.

فهد: بست راس الحجية. شلونج حجية؟

ياسمين: هله بعد گلبي. شو عيني الباردة عليكم. الرحمن يحرسكم. تخبلون.

غنى: سلمنه على الكل وكعدنه.

بتول: مو جنتي لابسة وردي. شبدلت ملابسج؟

غنى: باوعت لفهد وسكتت.

مروه: أباوعله. طب هو وياها. إيده بإيدها. ماتركها لحظة. أجه سلم على الكل. وهي وراه. راح گعد وكعدها بصفه. كل هذا واني عيوني تتنقل بينهم.

حارث: هاي گدام الكاعدين. يعني يصير فهد يخطب ورايه ويعرس قبلي. وأني صار سنتين منتظر. ميصير هيج عمي.

مهدي: بويه غير أنتو تماطلون بالسالفة. وكل يوم مأجلين.

حارث: هو أني لو بتك ياعمي.

ياسمين: والله أنت فاهي عمي. حددوا موعد وعرسوا. گافي بعد سنتين. گافي وزيادة. ولج شهد إذا منا لشهر شهرين ما كملتي جهازج. والله أروح أخطبله غيرج. وأنتي تتحملين المسؤلية.

شهد: ههه. نعم الله عليج حجية.

فهد: همست لغنى. شنو رأيج نكل للحجية تدورلي على مرة على الواهس.

غنى: رفعت حاجبي. وأني شعليه؟ خلي تدورلك.

فهد: أكول حجية. دوريلي على مرة.

جنسرين: هاي! بعدك ما صارلك عشر تيام تريد تعرس؟ شنو متريدها؟

فهد: أي عمه. ما أريدها. بيضة وتتوصخ بسرعة. بدلوها.

مرتضى: إذا متريدها رجعها. اكو غيرك يتمناها. أمنية.

غنى: كلنه باوعنه على مصدر الصوت. أباوع مرتضى. هذا. درت وجهي على فهد. أباوعله ضم إيده بقوة. حسيتها حتنكسر. لزمتها بسرعة. أريده يفتحها. ماكو.

فهد: راص على أسنانه. انعل والديه الي يفكر مجرد تفكير يتقربلها. كائن من يكون.

مرتضى: گعدت. ليش؟ منو كال يريد يبدلها؟ أني لو أنت؟

فهد: للأسف. الأغبياء والي عقول مشيولة ومحطوطة برجلييهم. ميكدرون يميزون بين الجد والشقة. يا ابن عمتي.

مرتضى: ها. نسيت. أنو أنت أهل تشاقه. أي. شلونج نونه؟ شخبارج؟ ما جاي أشوفج بالكلية.

غنى: مسحت على إيد فهد. ما أريده يصير عصبي. لام أدري بي إذا عصب خلصت. بعد ومرتضى ينكتل. همستله. اهدأ فهد. لتتعصب. جاوبته. أي. أخذت إجازة أني وفهد على مود زواجنه.

مروه: فهد صدگ شوكت تلتحق؟

فهد: بهدوء. بعد جم يوم.

مروه: سمعنه بيك راح تترقى. صدگ هالحجي؟

فهد: أي ترقيت. بس لسه ما باشرت.

علا: فهد راح تخلي غنى توظف إذا تخرجت؟

فهد: طبعاً لا. هي مو بحاجة لوظيفة.

مرتضى: بس هيج أنت ماراح تخليلها مساحة وحرية حتى تعيش مثل ما هي تريد.

فهد: وأني ما أحب مرتي تداوم بنص الزلم. وهاي الساعات الي تكضيها بالدوام. خليها تكضيهن وياي وكدام عيني أحسن.

مروه: بس أنت هسه دتلتحق. شلون راح تشوفها؟

فهد: خوما راح أبقى طول العمر بالموصل. لابد بعد فترة نرجع لشغلنه مثل قبل. وبعدين موضوع تعيين مرتي هذا شي نتناقش بي أني وياها من يجي وكته. مو هسه.

ياسمين: الله يساعد كلبج يا مسكينة يا غنى.

غنى: ابتسمت. والله جبتيها بالصميم. صدگ الله يساعد گلبي على هالغثيث.

سامر: حجية خلي نتعشى بالحديقة على الهوة. خنكة جوه.

ياسمين: أي يله امشونه. بس اخذوا المدات. فرشوهن على الثيلة حتى نكعد.

غنى: راح فهد ويه الولد ومرتضى بقة كاعد. أباوع لفهد رجع.

فهد: مرتضى كوم ويانه.

مرتضى: بضجر. ليش؟

فهد: كوم ساعدنه. شعدك كاعد يم النسوان. رجال صخام أنت. كوم يله.

غنى: طبعاً أدري بي تخبل. لأن مرتضى كاعد هنا. گام يطب ويطلع يصيح بي. لمن خلا يگوم يمه. منك يا فهد. گمت وياهن حتى أساعدهن. تحبّن أساعدجن بشي؟

مروه: وين جنتي؟ ستوج تذكرتي. بعد وكت.

ضحى: خزرتها. روحي يمه گعدي. كلشي ما عدنه احنه. خليج أنتِ. نخاف عليج لتتعبين. وفهد يتعارك ويانه.

حياة: هههه. على گولة تتوصخ بسرعة. والله سوالفك يا فهد.

مروه: أي يحشش عليها.

أروى: بالعكس. قصدك متفاجئ من كمية الجمال والترافة والجمال الي شايلته. وحقه. إذا عده هيج بنات عم جنهن حمار مستنسخ.

شهد: رحم الله والديج. هيج هبطتي معنوياتنه.

ساره: تره كلام أروى صحيح. وأني أشهد. شفتها اليوم. صدگ مرت فهد فددد ترافة. حتى گلتلها. هنياله ينام وياج.

إيمان: يمعودة لسانج لسانج. جهال هنااا.

غنى: دنكت راسي. عززه. هاي فضحتني فضحية. بقت بس تطلع بنشرة الأخبار تحجيها.

علا: هههه. لتدنگين حبيبتي. كلنه من نتجمع نحجي بهالمواضيع. هسه من تكعدين ويانه تصير هالسوالف عندج كلش عادية.

ياسمين: شهالبنات البر.... هاي ولجن جنه معرسات وعدنه جهال. لو شافو شعرنه مبلل نموت من الخجل.

غنى: ليش حجية؟ غير تسبحن. شكو بيها؟

ياسمين: هو أنتي فهمتي قصدي حبيبه.

غنى: أي. غير تسبحن وعدجن جهال. ليش عدكم السبح عيب واحد يدري بي.

حياة: لا يمه. احنه عدنه بس نوع واحد من أنواع السبح. عيب واحد يدري بي. ولتسأليني شنوه. لأن جهال كاعده. وما أكدر أحجي. خلي فهد من ترجعون. هو يعلمج شنو.

بتول: خاله ليش تكليلها يمه؟ تره أمها ميته. واكيد تتحسس من الموضوع.

مروه: أي والله. حتى أني أگول هيج. لتضلن تكولن يمه. تره تحز بصدرها. لأن أمها ميتة.

غنى: باوعت لخاله إيمان. الي تخزر بيهن. لتخزرين بيهن خاله. صحيح أني أمي ميتة. بس هالشي مو عار عليه. ولا عيب. حتى تحز بصدري. وأضوج من يگوللي يمه. تره شي عادي ومبيها إشكال. وللمعلومة. أني ربتني بيبيتي. وأخذت مكان أمي وأزيد. يعني عشت هالشعور. مو محرومة منه.

بتول: أي صحيح. حتى أني أمي متوفية. بس مو مثل موتت أمج. أمج خطية ماتت وهي تجيب. وأبوچ بحادث. مو؟

مروه: خطية. كسرت خاطري. ماعدها أحد. وحتى حالها حال الجناين. يروحن ويعيدن ويباتن عد أهلهن. بس هي متگدر تسوي كل هذا. لأن للأسف. مگطوعة من شجرة. ومعدها أحد. صدگ صعبة. الله يساعد گلبه.

غنى: نملت عيوني دموع. تذكرت التفاصيل الي حجتها بيبي عن وفاة أهلي. بصوت مهضوم. خاله تكرمين. وين الحمام؟

إيمان: بنظرات حنان. يم الدرج.

غنى: عفتهن وطلعت. دخلت للحمام. ونزلت دموعي. شگد شايفة حقارة. بس هيج ما شايفة. يعني أني شمسويتلهن. وهيج يحجن؟ يعني ما شايفة واحد يتشمت بالموت؟ قابل هو بأيدهم ماتو. هذا أمر من الله وصار. مسحت دموعي. وباوعت للمراية. يبووو. أنوب وجهي شلون بي. عيون صارن دم. گمت أغسلهن. حتى مابين باچية. غسلتهن بمي بارد. أريد بس هاي الخطوط الحمر الي بعيني تروح. هسه إذا شافوني شيكولون. مسحت وجهي وعدلت شالي وطلعت. ما لكيت أحد. رحت للمطبخ. لكيت أروى.

أروى: أباوع لوجهها. وعيونها مبينة باچية. ما سألتها. أدري من وره هالحقيرات. وأمي ما قصرت. رزلتهم رزالة تسوه حياتهن. وأني ما أگدر أحجي. أمي متقبل يعلى صوتنا. والحجي. خيه. موجودة. وينج طولتي؟

غنى: بالحمام. وين الباقين؟

أروى: طلعو بره. بقيت بس أني أنتظرج.

غنى: يله لعد امشينه. نزعت الصايه ولفيتها وطلعت. لكيتهم فارشين هواي فراش وكاعدين. أشرلي فهد أكعد يمه. رحت گعدت يمه.

فهد: باوعتلها. باستغراب. ليش باچية؟

غنى: ها. لا ما باچية. بس عيوني يحركني.

فهد: شو باوعيلي. أي صدگتچ.

غنى: غلست. محجيت. ضلوا فترة كاعدين. وگامن البنات. فرشن سفرة. وجابن العشة. وكعدنه نتعشه. أباوع لفهد. شگد مرتب بالاكل. لا يوصخ. ولا مثل ذولة الي ينتفخ حلكهم من گبر اللقمة. همه ياكلون واني صافنة على فهد.

فهد: سويتيلها لفة بهدوء. هاج.

غنى: شكراً.

مروه: أباوعله. يسويلها لفات. إن شاء الله سم وزقنبوت بگلـبج.

حارث: متاكلين. شبيج صافنة؟ صفنة المطي.

مروه: جاي آكل. وبعدين بطلها. هاي مال صفنة المطي.

ساره: فهد حباب. انطيني خبزة من يمك.

ليلى: راح تطگين يمعودة. هاي ثاني گصة.

ساره: شعليج. تره أني حامل. ولازمني تغذية. جيب فهد. مرتك عصفورة. متاكل. انطيني الماعون الي بصفها.

فهد: شلت الأكل. دنيته يمها. هاج. بس جفينه شرج. همست. وأنتي شبيج تمعجلين باللفة؟ أكلي حبابة. لتضلين صافنة.

غنى: داأكل. فهد. وأصلاً أني شبعانة. معليك بيه. أكل أنت.

فهد: راح أطيح حظج والله. دباوعي لساره. بدت بالخبزة الثالثة. وأنتي بعدج ما كملتي لفة وحدة.

مروه: أول مرة أشوف فهد هيج مهتم بأحد. أباوعله شلون كل شوية يهمسلها. أكيد يتغزل بيها. يمكن يگولها أحبچ. گمت. ما أگدر أتحمل هيج منظر.

غنى: كملوا عشة. وگمت ويه البنات. شلت الأكل.

ياسمين: عوفن المواعين. البنات يغسلنها. وتعالن عيني. المتزوجات گعدن.

غنى: گعدت. ما قبلت الحجية أقوم.

سعاد: حجية. عندي عتاب وياج. ياهو الأحسن؟ جـنة إيمان لو جنايني؟

ياسمين: ماكو واحد أحسن من واحد. الكل عندي سواسية.

سعاد: لعد إذا هيج حجيج. ليش أسوارچ الذهب شلتي. انطيتي لمرت فهد. مو لوحدة من نسوان ولدي؟

ياسمين: وأنتي شنو تحاسبيني؟ المن أنطي والمن ما أنطي؟

سعاد: مو أحاسبج. بس السالفة بيها قصد. وأني أريد أعرف شنو قصدج بهالتصرف. وبعدين ليش الأسوار لمرت فهد بالذات؟ شنو فرقها عن جنايني؟

ياسمين: مو قصة فرق. بس ما صارلي مجال أطلع أجيب هدية إلها. وانطيتها أسواري الغالي من باب المعزة لا أكثر. ليش تسويلج سالفة؟

سعاد: ليش رجلها عايز وتنطيها سواره؟ أشو گادر يجيب إلها بدال الأسوار مية.

ياسمين: أباوع لمرت فهد. جاي تفتح الأسوار. والله إذا شلتي من إيدج. لساني ميدور على لسانج. والله.

غنى: حجية. أني الأسوار ممحتاجته. فهد الله يحفظه ممقصر ويايه. گد شعرايه. وعلى گولة أم فيصل. يگدر يجيبلي بدال الواحد مية. والحمد لله متمكن هو. فإذا موضوع الأسوار زاعجها. خلي أرجعه. وأرجع وأگلج. أني ممحتاجة لا ذهب ولا فلوس. گوليش كافي عليه فهد. صاير خيمة فوگ راسي. الله يخليه.

ياسمين: على حجيج هذا. والله متنزعينه. وحلفي براسي.

غنى: باوعت لام فيصل. تخزر بيه. وخاله إيمان تباوعلي بنظرات بيها شي من الرضا. شوية واجه فهد. گال يله. گمت. لبست صايتي. وسلمت على الحجية والبنات. وطلعت وياه. وصلنه للبيت. كلمن راح لغرفته. وأني صعدت. بگى بس فهد يقفل بيبان البيت. دخلت للغرفة. نزعت ملابسي. ولبست دشداشة صيفية سودة. وطلعت لفيت شعري. شفت فهد طب. ها. تنام؟

فهد: لا. بس جيبلي تراك. خلي أبدل.

غنى: أي هسه. رحت طلعتله تراك. خذا لبس بس البجامة. واجه.

فهد: باوعت للساعة. 12. بعد وكت. مو مال أنام هسه. أگلج. راح أكعد أتمرن. وأنتي عديلي زين.

غنى: گعدت. أي. أباوعله. گام يسوي شناو. وأني أحسبله. متتعب أنت؟

فهد: نزلت بجسمي. صار سنين بالجيش. ساگوا علينه بالعودة وفنه الميدرب. أتذكر بالاردن. الي ميسوي التمارين مثل ما مطلوب. يتعاقب. ويخلو يسوي التمرين أضعاف. والله أيام أكلنه بيها تبن.

غنى: ابتسمت. حشاك. يله. وصلت للمية. گافي. مو زين عليك.

فهد: گمت. تشكين بقدراتي؟

غنى: ياقدرات؟ شايب أنت.

فهد: مسحت وجهي. وداعة أبو القاسم. الماعندي أعز منه. إذا أريد أثبتلج أني شايب لو لا. أخليج تباتين بالمستشفى.

غنى: باستغراب. بعيد عن الموضوع. منو هذا أبو قاسم؟

فهد: واحد عزيز عليه.

غنى: شنو جدك؟

فهد: ههه. لا.

غنى: زين عايش لو ميت؟

فهد: لا عايش. الله يطول بعمره.

غنى: باستغراب. ليش؟ شگد عمره؟

فهد: تلاثين سنة. بس خطية متعوب.

غنى: ياا. خطية. الله يساعده ويطول بعمره. أباوعله. شو هذا گام يضحك بصوت عالي.

فهد: أمين. أمين. ههه.

غنى: ما أعتقد گلت شي يضحك.

فهد: والله أنت فطيرة. وقليل الي مثلج.

غنى: لا. مو فطيرة. أني وقوية هم.

فهد: شلون بله قوية؟

غنى: تحب أثبتلك؟

فهد: شلون؟

غنى: تلعب مصارعة مال إيدين.

فهد: كل عقلك. تردين تلعبيها وياي؟

غنى: بثقة. أي.

فهد: گعدت على الجرباية. يله تعاي.

غنى: ركضت گعدت گدامه.

فهد: أباوع لشعره. انفل. مديت إيدي. يله. أباوعلها. خلت إيدها بإيدي. أقرب وصف ممكن أوصفه. أنو إيدها بإيدي صايرة مثل الفرق بين إيد واحد عمره أربعين وطفلة عمرها ست سنين. لا وكل عقلها تريد تغلبني.

غنى: ضغطت على إيدي. حتى ما أگع.

فهد: انسحبي بكرامتج أحسلج.

غنى: ما عيب. ما أنسحب.

فهد: أنتي جبتيها لروحج. گـلبت إيدها على الجهة الثانية. أباوعلها. انگـلبت هي وجسمها وره الجرباية. سمعت صوت طگة. گمت بسرعة. رحت يمها. أباوعلها. گامت تصرخ. شبيج؟

غنى: آاااه. يمه. إيدي. إيدي.

فهد: بخوف. شبيها؟ وشنو هذا الطگ؟

غنى: بدموع. يمكن انكسرت إيدي. شجاك كسرتني. آااه. إيدي.

فهد: بارتباك. كومي. كومي. رحت ركض. جبت صايتها وشالها. كومي. حبابه. حاوطت خصرها وكومتها. لبستهة ملابسها. ونزلتها جوه. طلعت أمي على صوت. نزلتنه.

إيمان: نزل فهد هو ومرته. أباوع لغنى لازمة إيدها وتصيح. شكو؟ شبيكم؟

فهد: إيدها انكسرت. مدري شبيها. عود من أرجع نحجي. أخذتها بسرعة للمستشفى. والطريق كله هي تبجي. گتلج متگدرين لي. ليش تعاندين؟ بس أخ منج.

غنى: بدموع. شسوي إذا أنت إيدك شگبرها كسرت إيدها.

فهد: حقج. هو صوچي. خليت عقلي بعقلج. ولعبت وياج. وصلت للمستشفى. نزلتها. وأخذها بسرعة يفحصون إيدها.

الدكتور: إيدها مفصوخه. وين وكعت؟

فهد: باوعتلها. شريد أكله؟ جنه نلعب. وإيدها انفصخت.

الدكتور: لتخاف. مابيها شي. أهون من الكسر. هسه نجبسها. وعلى الأدوية والكريمات تصير زينة.

فهد: أباوعلها. تكسر الخاطر. شلون تبجي مثل الجهال. راحوا جـبسوا إيدها. وانطوها أدوية وطلعنه. الطريق كله أني ساكت. أأنب نفسي. هسه شبيه أني طفل؟ شلون قبلت أسوي هيج.

غنى: خف الألم. لأن ضربوني أبرة. نزلنه جوه. شفنه خاله إيمان كاعدة.

إيمان: ها. شبيها إيدها؟

فهد: انفصخت.

إيمان: شلون انفصخت؟

فهد: جنه نلعب. وگـلبت إيدها وتأذت.

إيمان: شجاك يايمه؟ تجيب روحك الها. همزين ما انكسرت إيدها. ولو هو صوچي. خليتك تدخل ملاكمة. هو أنت من غير خير مخير. أنوب گمت تتعارك. گملت السبحة. دروحو نامو. وباچر أني أخابر خالك يدزلنه حليب دواب. على حساب تصير زينة.

فهد: صعدنه فوك. گعدتها على الجرباية. نزعتها الصايه والحجاب. مسحت على شعرها. إيدچ لسه توجعج؟

غنى: غمضت. مابيها شي. لتخاف. تعال نام.

فهد: تمددت وراها. لزمت شعرها. وگمت ألعب بي. شفتي هاي تاليه ولدنتج.

غنى: بألم. توبة عمي. أنت مينلعب وياك.

فهد: ابتسمت. ضليت ألعب بشعرها لحد ما نامت. بست راسها ونمت.

***

صباحاً.

غنى: گعدت الصبح. گمت دخلت للحمام. غلفت إيدي بعلاقة حتى أسبح. اليوم أستحقيت صلاة. ولازم أسبح. سبحت وگفـت البس ملابسي. وما أحس غير الباب ينفتح عليه. وجان أشوف فهد گدامي. صحت. يااا. دوووور وجهك.