رواية تزوجت جميله لكن معاقه الفصل الحادي والعشرون 21 - بقلم دنيا فادي

جبران يقرب منها ويمسك يديها. مروه وعينيها على الحديدة اللي جنبه، ولسه هتمسكها بيمسك إيدها التانية. جبران بضحك: هتعملي إيه يا قطة؟ مروه تضربه في بطنه برجليها، ويسيب إيدها اليمين. تمسك الحديدة وتخبطها على إيده. مروه بتحذير: ابعد قولتلك. أنا المديرة الجديدة اللي هشرف عليكم، يعني اللي انتوا عملتوه ده أقل حاجة أقطعلك عيشك. جبران يمسك بطنه بوجع، ويكلم حسن بتشويش: دي مطلعتش قطة يا حسن، شكلها صعبة وهترفدنا بجد.

حسن بتشويش: طيب اسكت. حسن بأسف: أنا آسف يا آنسة. ما كناش نعرف إنك المديرة. مروه: اهو عرفتوا، وعشان اللي حصل مخصوم منكم أسبوع. حسن: ليه بس كده يا آنسة؟ ما قولنا آسفين. مروه: إيه؟ هتعلي صوتك عليا كمان؟ حسن: لا مقدرش يا آنسة. *** بهاء: حلو كده. زينة: آه. بهاء: طيب يلا بينا. زينة: مش حاسة إني عايزة أروح البيت. بهاء: نروح عند وليد؟ زينة بابتسامة: ماشي. بهاء: حاضر. زينة: تعبتك معايا يا جدو. بهاء: اتعبيني إنتي ومالكيش دعوة.

زينة: عارف يا جدو، إنت أحن واحد في حياتي. مشوفتش حد في حنيتك دي. بهاء بابتسامة: لأ، بس الواد آدم أحن مني. زينة وملامح وشها تتغير: ممم. بهاء ويلاحظ ملامحها اللي اتغيرت في ثانية: مالك يا زينة؟ زينة: مفيش. بهاء: لأ، في حاجة. زينة بابتسامة: لأ بجد مفيش حاجة. ويلا بينا بقى، عايزة أشوف ماما وبابا. *** مروه وتكلم نفسها: إيه المكتب المقرف ده ياربي. يحي: تؤمري بحاجة تانية يا هانم؟ مروه: لأ شكراً. يحي: أعملك حاجة تشربيها؟

مروه: ماشي، اعملي عصير بس يكون فريش. يحي: حاضر. ويمشي. مروه: أنا مش فاهمة دلوقتي هشتغل إيه ولا هعمل إيه؟ أوف، إيه الحوسة دي؟ بيشتغلوا إزاي؟ وبعد ساعات. مروه: ثواني يا عم عبدو، دي تقيلة عليك يا راجل؟ سيبها ليحصلك حاجة وتودينا في داهية. سيبها وشيل الكراتين الأخف. عبدو بفرحة: ربنا يجزيكي خير يا بنتي. حسن: بس مينفعش كده، ده ظلم. مين هيشيل مكانه؟ مروه برفع حاجب: هتشيل إنت. حسن: بس دي مش شغلتي. وبعدين أنا خلصت شغلي ومروح.

مروه وإيدها على وسطها: مش ادخلت في اللي مالكش فيه؟ شيل بقى. حسن بضيق خلق: تمام يا آنسة. آدم ومراقب الموقف من أوله. مروه وتلف وشها وتلاقيه واقف. آدم بابتسامة: شكلك اتأقلمتي على الشغل ومسيطرة كمان. مروه: بجد؟ بسيطر كويس!! آدم ويضحك على شكلها: أهم. مروه باستغراب: طيب وبتضحك لي؟ هو مكتوب على وشي نكتة ولا حاجة؟ آدم: لأ، إنتي لو مكاني هتضحكي على نفسك. مروه بعد فهم: طيب خلاص. وتعدي دقيقة وهو ساكت، وتبص له. مروه: طيب إيه؟

هتقول حاجة! آدم ويستوعب: هاه، أه. بعد ما العمال يخلصوا ويمشوا، تراجعي على كل حاجة وبعد كده تعملي جرد للمخزون. مروه: إيييه؟ حيلك حيلك، وأنا مالي بالجرد ده؟ شغل المحاسب المالي. وتحط إيدها على وسطها: وبعدين هو إنت مش قلت مش هتشغلني محاسبة؟ آدم: هتعملي اللي قولته. والمحاسب المالي هيراجع على شغلك، ولو فيه حاجة غلط ساعتها هرفدكم. مروه: على فكرة إنت بتتلكك عشان ترفدني. آدم بابتسامة: مظبوط.

مروه بابتسامة باردة: ممم، شكلك لسه مش صافيلي من جوه. آدم: فعلًا. مروه بلامبالاة: اوكي. آدم: خلي بالك، أنا مراقبك من مكتبي. ويبص على الكاميرا. مروه بثقة: راقبني، أنا مبخافش. *** حنين: بطلي عياط. أنا عرفت بس للأسف عرفت متأخر، بعد فوات الأوان. رغم إني كنت حاسة إنه مش جاي يتجوزك عشان بيحبك، بس إنتي اللي خلتيني أوافق وأنسى أي حاجة. لما شوفت فرحتك مقدرتش أقولك حاجة. زينة: طيب وأنا هعمل إيه دلوقتي؟

أنا لسه بحبه وبتعذب بسببه. يا ماما مش عارفة أكرهه. أنا بس بعامله ببرود وتجاهل، بس من جوايا لسه في حب. حنين: مينفعش يا زينة، مينفعش. إزاي لسه بتحبيه وإنتي عارفة إنه مش بيحبك وبيحب واحدة غيرك؟ مفيش بنت تقبل على نفسها حاجة زي دي. فوقي يا حبيبتي. أنا عارفة إنك ضعيفة في الحاجات دي وقلبك دايمًا غالب عقلك. فكري بعقلك وخليكي واعية. زينة: مفيش فعلًا واحدة تقبل على نفسها حاجة زي دي، بس لو كانت سليمة مش مع...

حنين بعلو الصوت: زينة! إنتي كويسة ومفكيش حااااجة. أوعي أشوفك مستقلية بنفسك كده تاني. إنتي قيمتك كبيرة وغالية أوي، وهو اللي مقدرهاش. عالله يا زينة أشوفك ضعيفة كده تاني. إنتي مالك؟ أنا عمري ما شوفتك ضعيفة بالشكل ده. هو مش آخر واحد في الدنيا، وفيه ألف من يتمنى رضاكي. بس وأنا هخلي أبوكي يطلقك منه، أنا مش هسيبك تروحي هناك تاني. زينة: لأ. حنين: زينة؟ زينة: هفكر بعقلي وهركن قلبي على جنب.

وتكمل بثقة: هعرفه قيمتي يا ماما، ومش هاجي على نفسي تاني عشان بحبه. هو فعلًا ميستاهلنيش. أنا قيمتي غالية. حنين: ومش عايزة تطلقي ليه؟ وجودك معاه مش هيغير حاجة. زينة: لأ هيغير. أنا مش هطلق غير لما أندمه وأعرفه قيمتي كويس. حنين: توعديني إنك متضعفيش أبدًا؟ زينة وتاخد نفس طويل: أوعدك. *** الساعة 10:43PM بليل. مروه: كده كل حاجة تمام والمخزون متطابق مع الأصل. أه يا ضهري، أنا تعبت أوي. مفضلش غير إني أمشي. وتبص على الكاميرا.

مروه: يا أستاذ، أروح بقى أنا خلصت. آدم وهو شايفها، ويبتسم، ويقوم من مكانه ويروح لها. مروه: إنسان معندوش دم ولا إحساس ولا ضمير. وبعد دقايق يكون عندها. آدم: حلو. مروه: كده خلاص أروح؟ آدم: روحي، وابقي هنا بكرة من 7. مروه: ده ليه إن شاء الله؟ الكل بيجي 9 أصلًا. أنا أعمل إيه 7 ومفيش حد. آدم: معاكي مفاتيح المكان، وأنا قولت تيجي 7. مروه بزهق: استغفر الله العظيم. تمام، ماشي. هاجي 7. أمشي ولا فيه حاجة تانية؟ آدم: امشي. ***

سارة وتتصل بمروه ومتردش عليها. سارة: إيه كل ده؟ ومش بتردي عليا ليه؟ مروه: اركبي بس. سارة وتركب عربية مروه. سارة: على فكرة أنا بقالي ربع ساعة واقفة لوحدي. مروه بتريقة: يالهوي! وفضلتِ واقفة كل ده لوحدك؟ بتهزري؟ سارة: أنا مبنهزرش على فكرة. وبعدين خير، بعتيني أجي بسرعة ليه؟ مروه: معاكي فلوس؟ سارة: آه، الـ ATM. مروه: استني، هنروح المكان اللي بنسهر فيه وأحكيلك. *** سام: معرفش اتأخر كده ليه؟ هو قال هيخلص شوية حاجات وييجي.

كوثر: كل ده!! سام: مش عارفة والله يا مرات عمو، بس هتلاقيه جايلكم. كوثر: ابني وأنا عارفاه، بيحب يتعب نفسه. سام: بقولك إيه يا مرات عمو. كوثر: إيه؟ سام: هي مش دي الشركة اللي عمو خليل كاتبها لعمو وليد في الوصية؟ كوثر: ششش، هو ميعرفش. سام: لي؟ هو أنتوا مش عملتوا كل اللي كاتبه؟ هتيجوا على دي ومتنفذوهاش؟ طيب ما كنتوش جوزتوا آدم لزينة كمان.

كوثر: المحامي بتاع عمك مكنش هيخلصلنا الإجراءات غير لما آدم يتجوز زينة، وإن أبوها يورث الشركة. ده موضوع صغير وهو ميعرفش إنه لي حاجة، ومحدش هيعرفه، وهنعرف نتصرف ونخليه يتنازل عن ح... وتسمع صوت حاجة وقعت. ويقطعهم خبط الباب. سام وتفتح. زهره بثبات: العشا جهز. سام: ماشي، روحي إنتِ. كوثر بشك: استني. زهره بتوتر وإيدها بتترعش: نعم يا هانم؟