رواية تزوجت جميله لكن معاقه الفصل الثاني والعشرون 22 - بقلم دنيا فادي

وتسمع صوت حاجة وقعت. ويقاطعهم خبط الباب. سام وتفتح. زهره بثبات: العشا جهز. سام: ماشي روحي انتي. كوثر بشك: استني. زهره بتوتر وايديها تترعش: نعم يا هانم. كوثر: انتي هنا من امتى. زهره: انا لسه جايه حالا يا هانم. كوثر: طيب روحي. ساره: يبت اللعيبة لا احكيلي من الأول. مروه وتشرب الكاس: روحت وطلبت منه يشغلني عنده. ساره: مش قلقان ان ممكن تكوني جايه تأذيه في شغله.

مروه: أكيد شاك بس انا غيرت تفكيره بتصرفاتي. اكيد بيقول عليا هبلة وان يا حرام جايه اشتغل عشان محتاجة فلوس اخرج بيها بابا من السجن. ساره: ما انتي فعلا محتاجة فلوس تخرجيه بيها. مروه: يا متخلفة فتحي مخك معايا. ما كنت اشتغلت في أي حتة تانية. انا اه هاخد الفلوس بس بخطتي. ساره: نفسي افهم دماغك. مروه: عمرك ما هتفهمي عارفة ليه؟ وتكمل بضحك: عشان انتي غبية يا ساره. ساره: باايخة. حازم ويبص لساره: بقولك إيه يا حلوة. مروه: افندم؟

في حاجة. حازم بإبتسامة ويوجه كلامه لساره: متيجي نرقص. ساره: لا. حازم: لي بس يا قمر. مروه بترفيع حاجب: انت عايز إيه. ما قالت لا. حازم ويبص لساره بتشوق: بصراحة انتي عجبتني أوي وعايزك. متيجي؟ مروه بإنفعال: هو إيه اللي عاجبك يا زبا*لة يا حق*ير. وتقلع الهيلز وتضربو على دماغه بيها. حازم بوجع وعدم استيعاب: اااه يبت المجنونة. ساره بذهول وتتنح له. مروه بزعيق: ياله امشي مستنيااه يقوم. زينه بصدمة: إيه.

زهره: أنا مقدرتش أخبي عليكي حاجة زي دي يا زينه. زينه بزعل: حاجة زي دي مينفعش تتخبي أصلا. هو إيه ددده ولي بتعمل كددده. إيه الطمع ددده. أنا مشوفتش كدده بجدد. زهره: بالله عليكي متعرفيش حد. كوثر هانم شكلها شكت فيا. إن سمعت الكلام ده. زينه: لا لا متقلقيش. زهره: طيب أنا لازم أخرج من أوضتك دلوقتي عشان محدش يشك فيا. و العشا جهز. أساعدك تخرجي. زينه: لا مش جعانة. زهره: لا يا زينه كده هيشك إن قولتي حاجة. زينه: خلاص خلاص هخرج.

بهاء: اتأخرت لي يا ادم. ادم: كنت بتأكد إن مفيش حد في الشركة. بهاء: طيب يا ابني. ادم: اومال فين ماما وسام. بهاء: زهره راحت تندهلهم. ويكمل بإستغراب: بس غريبة يعني مسألتش على زينه خير. في حاجة. ادم: لا مفيش. هو بس الشغل منسيني شوية حاجات. بهاء: و زينه شوية حاجات يا ابني. في إيه مالكو. في حاجة غلط. انتو زعلانين من بعض. وتقاطعهم.

زينه بإبتسامة: إيه الكلام اللي انت بتقوله ده يا جدو. ادم ميقدرش يزعلني ولو بكلمة. مش كده يا ادم؟ ادم ويبادلها الابتسامة: أيوا. كوثر: إيه يا ادم يا حبيبي كل ده. ،، أنا عارفه إنك بتحب الشغل يا حبيبي بس مش كده. ادم: مش هتأخر تاني. سام بضحك: ياريت عشان أمك كانت شوية وهتنزل تدور عليك. زينه: ادم أنا كنت عايزة أطلب منك طلب. ادم: إيه. زينه بإبتسامة: هو أنا مش مراتك حبيبتك!!

أنا عايزة أك تكتبلي الشركة بإسمي. أظن دي أقل حاجة ممكن ادم الدنزاوي يعملها لمراته اللي بيحبها. صح ولا إيه. سام بإنفعال: نعم؟؟؟؟ هو إيه اللي يكتبلك الشركة بإسمك. بهاء بتحذير: سامية. سام بضيق خلق: هوف. انت مش سامع يا جدو. بهاء: مراته وهي حرة. كوثر وتبصلها بصدمة وذهول. زينه بإبتسامة: إيه متغلاش عليا صح. ادم بعدم استيعاب ويبتسم بتوتر: ممم يعني ها احم. أكيد متغلاش عليكي. زينه بإبتسامة: يعني هتكتبها بإسمي يا حبيبي.

ادم ويهز رأسه بمعنى اه. بهاء بإبتسامة: مش قوللتلك يا زينه إن ادم أحن مني بكتير. سام بإستيعاب وعدم تصديق وتكلم نفسها: إيه اللي بيحصل ده. ادم ويبص لسام بعدم فهم. وبعد نص ساعة ويخلص العشا. ادم بزعيق: انتي إيه اللي عملتيه ددده. انتي غبية ازاااي تطلبي مني حاجة زي دي. انتي بتحرجيني يعني قدام جدو.

زينه بتمثيل الزعل: إيه ده يا ادم. يعني عايز الناس تقول إيه عليك. مش عامل فرح لمراتك. وكمان مستكتر عليها إنك تكتبلها الشركة بإسمها. اللي هي بالنسبة ل ادم الدنزاوي ولا حاجة!! ادم: محدش يعرف إننا متجوزين. زينه بإبتسامة خبث: مفكرتش. ادم بعدم فهم: قصدك إيه. زينه: احم. طلع موبايلك وافتح الداتا. ادم بيعمل كده فعلا. ادم بصدمة: إيه ددده.