رواية تزوجتني رغما عني فأحببتك الفصل العشرون 20 - بقلم فاطمة سيد

«حياء بدموع» ليه كدا أنا عملت فيكي إيه عشان تحاولي تأذيني؟ أنا كنت بعتبرك والدتي. «صفاء بدموع» أنا آسفة يا حياء، سامحيني بالله عليكي. ربنا بيجيب لك حقك مني. «حياء بدموع» ما كنتش اتخيل إنك بتكرهيني كدا. عمومًا أنا مسامحاكي يا بلة صفاء، عشان أنا مش متعودة أنام وأنا شايلة من حد أو مش مسامحة حد. كدا مش هعرف أنام وأرتاح. ربنا يشفيكي بس ملكيش دعوة بيا تاني وسيبيني في حالي. «صفاء بدموع» حاضر يا بنتي. «حياء برفض»

متقوليش بنتي، أنا عمري ما كنت بنتك. مع السلامة. قالت حياء كلمتها الأخيرة ثم ذهبت إلى البحر، غير مصدقة ما يحدث. فهي تعلم أن صفاء تكرهها، ولكن ليس لهذه الدرجة. ثم تذكرت حياء أنها لم تصل العشاء. قالت بزعل: إزاي أنسى الصلاة؟ إزاي؟ ثم تابعت كلامها: الحمد لله أنا متوضية. مش هستنى لما أوصل البيت، هصلي هنا في الشارع وربنا يسمحني على نسياني دا إن شاء الله. ثم وجدت ورق كرتون نظيفة، فصلت عليه حياء. بعد أن انتهت حياء من صلاتها،

قائلة: كدا بقى قلبي ارتاح. ثم استمعت حياء بنتين بيتكلموا عليها. «البنت الأولى بقرف» مش عارفة والله، متصلي في بيتها ولا عايزة تعرف العالم كله إنها بتصلي. «البنت الثانية بضحك» أسلوب بلدي أوي، الصراحة. هي متعرفش إن كدا رياء. اتصدمت حياء من كلامهم، ولكن لم يطاوع قلب حياء أنها تذهب بدون أن تنصحهم. «حياء بهدوء» السلام عليكم ورحمة الله وبركاته. «البنت الأولى» وعليكم السلام ورحمة الله وبركاته، أفندم. «حياء بهدوء»

أنا سمعتكم وإنتوا بتتكلموا عليا عشان صليت في الشارع. «البنت الثانية بإحراج» لا، أنا بنهزر عادي يعني. «حياء بحب» أنا مش قصدي أحرجكم، أنا بس عايزة أفهمكم حاجة. أنا كنت في الأول بتكسف إني أصلي قدام حد، ممكن كمان كنت أعياط من الإحراج. بس كان بابا يقولي: لو أنا قولتلك بحبك مش هتفرحي؟ قولتله: لأ، هفرح. قالي: طب لو قولتلك بحبك قدام صحابك كلهم في الفصل هتفرحي؟ قولتله: هفرح أوي يا بابا.

قالي: والله المثل الأعلى، إنتي كدا بتجهري بالطاعة قدام الكل، متتكسفيش لما تقرئي قرآن قدام الناس، ومتتكسفيش لو صليتي كمان. ممكن حد يشوفك يقلدك أو ناسي يصلي فلما يشوفك بتصلي يتذكر ويقوم هو كمان يصلي. إحنا بقينا في زمن بنجهر بالمعصية، المعصية بتبقى قدامك وشايفاها و بتبقى عادي عشان بقيتي متعودة. أمال لو شفتي طاعة قدامك هتستغربي وهتعتبريها رياء؟

مش كل حاجة رياء، مدام أنا نيتي خير وعايزة أرضي ربنا في أي مكان مش حاطة الناس في دماغي يبقى دا مش رياء. أمال لو أنا واحدة مش بصلي أصلاً وقدام الناس وصليت يبقى دا رياء؟ فهمتوا قصدي يا قمرات؟ «البنت الأولى بإحراج» أيوه فهمنا، أنا آسفة طبعًا لو كلامنا ضايقك وظنينا فيكي ظن سوء. «حياء بحب وبهدوء» ولا يهمك، ودا يعلمنا إننا منحكمش على حد ونظن فيه حاجة وحشة. دمتم في رعاية الله، مع السلامة. ثم ذهبت حياء للشركة مرة أخرى.

«زين بهدوء» هي حياء فين يا حنين؟ «حنين بتوتر» هي راحت مع أبلة مني المستشفى. «زين بخوف» مستشفى إيه؟ هي حياء مالها؟ «حنين مقاطعة» متخافش يا أستاذ زين، حياء كويسة. هي راحت مع أبلة مني المستشفى عند أبلة صفاء عشان هي تعبانة. «زين باستفسار» صفاء دي تكون مرات أبوها، صح؟ «حنين بتوتر» أيوه يا فندم. «زين بعصبية ولكن غير واضحة» تمام يا حنين، شكرًا. ثم اتصل على حياء. «زين بهدوء» إنتي فين؟ «حياء بتوتر» أنا جايه عندك الشركة أهو.

«زين بهدوء» تمام، مستنيكي، متتأخريش. «حياء بحب» حاضر. هدأت حياء كثيرًا لأن يبدو على صوت زين الهدوء. بعد الخطوبة ريم وجاسر، بدأت ريم تلاحظ أفعال جاسر الغريبة. «ريم بسؤال» إنت صليت يا جاسر؟ «جاسر بكذب» أيوه طبعًا صليت، حتى لسه مصلي المغرب. «ريم بصدمة» إنت بتقول صليت المغرب؟ «جاسر بكذب» أيوه، صليت المغرب. «ريم بخنقة» بس المغرب أصلًا لسه مأذنش. «جاسر بتوتر» وبان في كلامه: آه، آه صح، قصدي العصر. صليت العصر. «ريم لم تعلق»

قائلة: تمام. «جاسر بمكر» طب بحبك. «ريم بكسوف» وبعدين يا جاسر، أنا مش قولتلك الكلام دا حرام وميرضيش ربنا؟ «جاسر بخنقة» مين قال كدا؟ وبعدين أنا مقولتش حاجة غلط، أنا بحبك يا ريم. «ريم بكسوف» بعد إذنك، الكلام دا مش عايزة أسمعه تاني، ممكن؟ «جاسر بخنقة» تمام يا ريم، بس بطلي تشدي شوية، ممكن؟ «ريم بصدمة» بس أنا مش متشددة. «جاسر بخنقة» على فكرة الالتزام مش بالمنظر ده. التزمي أه، بس مش تخنقيها عليا. «ريم بضيق»

دا أنا يا جاسر، ولو عايزيني تمام، لو مش عايزيني يبقى كل شيء نصيب. «جاسر بخنقة» طب أنا ماشي. ثم ذهب جاسر. فضلت ريم تبكي على حالها، فجاسر يتعمد لمس يديها وأن يقول لها كلمات غزل، وريم رفضت ذلك مرارًا وتكرارًا، ولكن بدون فائدة. وصلت حياء الشركة. «حياء بدفاع» أنا والله يا... «زين بمقاطعة وبحزم» بعدين يا حبيبتي نبقى نتكلم. بعدين. ثم نظر إلى حنين ليعطي لها بعض الأوراق قائلاً: اعملي لي من الورق دول نسخة واحدة. «حنين»

حاضر يا فندم، مع السلامة يا حياء. «حياء بحب» مع السلامة. ثم ذهب حياء وزين إلى المنزل. «حياء بتوتر» طب زين، عايزة أتكلم معاك. «زين بصرامة» وأنا قولتلك بعدين يا حياء، اتفضلي ادخلي. «حياء بزعل» حاضر يا زين. ثم دخلت حياء وزين المنزل، فتفاجئت حياء بنور. «نور بضحك» مفاجأة يا فوزي، مفاجأة. «حياء بسعادة» دي أحلى مفاجأة في الدنيا بجد. «نور بفرحة» إيه رأيك بحجابي القمر؟ «حياء بسعادة»

قمر أوي أوي يا نور، إنتي جميلة أوي في الحجاب. «زين بفرحة» مبروك يا نور على الحجاب، ربنا يثبتك يا حبيبتي. «حياء بصوت خفيض لم يسمعه غير زين قائلة بغيرة» حبيبتي؟؟ «زين كتم ضحكته» قائلًا: لو كان عجبك. «حياء بصرامة» ماشي، لينا قعدة نتكلم فيها. «نور بعدم فهم» إنتو بتقولوا إيه؟ أنا مش فاهماكم. «زين بضحك» متخديش في بالك، أنا هسيبكم بقى تقعدوا مع بعض براحتكم. «نور بفرحة» تمام، ماشي. جلست حياء مع نور وذهب زين إلى غرفته.

«حياء بسعادة» قوليلي، حاسة بإيه لما لبستي الحجاب؟ «نور بفرحة» حسيت ببهجة غير طبيعية، حسيت إني هرقص من فرحتي أول ما لبست الحجاب وخرجت من البيت. متدخليش فرحتي كانت عاملة إزاي. كنت بتحجج لماما عشان ألبس الحجاب وأنزل أتمشى بيه. كنت قبل ما ألبسه كنت بتعاكس كتير وأنا بتخنق من كدا. وبعد ما لبست الحجاب مبقاش حد يعاكسني، الحمد لله. «حياء بحب»

هي كدا الجوهرة الغالية تلاقيها محطوطة في إزاز وحواليها سكيورتي في كل مكان ومحطوط كاميرات في كل مكان. فالبنت المسلمة كدا بتبقى عفيفة وغالية بحجابها ولبسها الواسع، محدش يقدر يقرب منها غير الجوهر اللي زيها. بس أنا لاحظت حاجة في حجابك. خدي بالك منها عشان حجابك يكون صحيح. «نور بحب» قولي. «حياء بحب» حجابك ما شاء الله كامل، بس في شوية شعر باينين من الحجاب. لازم تعرفي إن إظهار بعض الشعر كإظهار الشعر كله يا نور، خدي بالك.

«نور بحب» ما أنا بجاهد وإن شاء الله أغطي شعري كله. «حياء بحب» تخيلي إنتي مغطية منطقة الصدر ومنطقة الأكتاف ومغطية ضهرك وعاملة مجهود كبير في حجابك وبتضيعيه كله بسبب شوية شعر ظهرتيهم؟ لو سقط ركن واحد من الحجاب كدا الحجاب معملش دوره صح يا روحي. بس أنا مبسوطة وفرحانة بيكي أوي، إنتي قدرتي تتغلبي على نفسك بجد. برافو، بارك الله فيكي. «نور بفرحة» الله يبارك فيكي. ثم دخلت نور قصتها داخل حجابها قائلة: حلو كدا؟ «حياء بسعادة»

اللهم بارك. بعد وقت غادرت نور المنزل. ثم دخلت حياء غرفتها. «زين بعصبية» إنتي إزاي تخرجي من غير ما تقوليلي؟ «حياء بغيظ طفولي» إنت اللي إزاي تقول لنور يا حبيبتي؟ «زين بعصبية» متغيريش الموضوع يا حياء، أنا صابر وماسك نفسي لحد ما نتكلم لوحدنا. خرجتي من غير ما تقوليلي ليه؟ «حياء بغيظ طفولي» مكنتش أقصد، بس كان لازم أروح عند أبلة صفاء عشان تعبانة. «زين بعصبية» قصدك ولا مش قصدك؟

تاني مرة تاخدي بالك إن فيه زوج لازم تستأذنيه الأول، فهمتي؟ «حياء بدموع خفيفة» فهمت، وأنا آسفة إني مأستأذنتكيش، بس مكنش قصدي. أنا نازلة. «زين بضيق» رايحة فين؟ «حياء» هطمن على ماما سلمى، وهاجي. «زين ببرود» اتفضلي. ثم خرجت حياء من الغرفة. «زين قائلًا لنفسه» شكلك زودتها يا أستاذ زين. أول مرة متسألينيش. خلاص، كنت عديها وبلاش تزعقلها.

ثم تابع كلامه: لأ، هي تستاهل. أنا خفت عليها. افرض كان دا فخ وصفاء هتعمل فيها حاجة، كان إيه الحل؟ خرجت حياء من الغرفة وهي حزينة من زين، فهو بعد الزواج لم يتعصب عليها أو يزعقلها. مسحت حياء دموعها، فهي لا تحب أحد يتعصب عليها أو يزعقلها، فحياء حساسة جدًا. «حياء بابتسامة خفيفة» ماما، أنا جيت أطمن عليكي قبل ما أنام. «سلمى بحب» قلب ماما، تعالي نامي في حضني. «حياء بحب» يا ريت، محتاجة حضنك أوي. «سلمى بشك» مالك يا بنتي؟

شكلك مدمعة ليه كدا؟ «حياء بحب» مفيش حاجة يا ست الكل، أنا كويسة. «سلمى بشك» أوعى يكون زين مزعلك؟ قوليلي وأنا هجبلك حقك منه. «حياء برفض» لا، زين كويس معايا والصراحة معاملته حلوة معايا يا ماما. «سلمى بحب» الحمد لله، ربنا يهديكم لبعض يا رب. «حياء بحب» يارب. «صفاء بدموع» ياريتني ما آذيتك يا حياء. «مني بحزن» ربنا يسعدها ويهنيها يا رب. معلش، كلنا بنغلط. «صفاء بدموع»

بس أنا غلطت معاها كتير أوي. عمري في حياتي ما حنيت عليها، كنت دايما بقفلها على الغلطة. ربنا يسامحني يا رب. «مني بحزن» يارب. بعد أن اطمأنت حياء على والدتها سلمى، ذهبت إلى غرفتها. «زين بهدوء» حياء. «حياء بزعل» نعم. «زين بهدوء» أنا آسف إني زعقتلك، بس أنا خفت عليكي. أنا عارف إنك في الشركة عشان كدا مطمن، وبعدها اتجننت إنك مش موجودة. «حياء بكسوف» خلاص، مسامحاك، ولا يهمك. وأنا آسفة بردو إني خوفتك عليا. «زين بحب» قبل اعتذارك.

فصالح زين حياء بسهولة، فزين لم يخانق حياء أمام الناس، بل احترمها أمام الجميع، ولم يلاحظ أحد انزعاجه تجاهها، وعاتبها في غرفتها الخاصة. وحياء لم تعلم أحد بالذي حدث، ولم تدخل أحد في مشكلتها، وبسبب ذلك تصالحا بسهولة. «زين بصراحة» حياء، أنا بحبك. «حياء بصدمة» .......