رواية تزوجتني رغما عني فأحببتك الفصل التاسع عشر 19 - بقلم فاطمة سيد

«حياء بخوف» زين الحق في بنت بتحاول تنتحر. «زين بعدم انتباه» مش شايفها يا حياء، هي فين؟ «حياء برعب» أنا هروح أنقذها. «زين برفض» لا طبعًا، تروحي فين؟ لم تسمع له حياء، فهي خافت كثيرًا على الفتاة، فالفتاة تحاول أن ترمي نفسها في البحر، ولحسن حظها رأتها حياء، فقامت حياء بمسكها. «حياء برعب» أنتي بتعملي إيه، أنتي هتنهي حياتك؟ «البنت (أروى) » سيبيني في حالي، ملكيش دعوة انتي.

«حياء برعب» إزاي يعني مليش دعوة، أنا عمري ما هسيبك تنتحري، أنتي إزاي تخاطري بحياتك كده؟ «أروى بدموع» تعبت من حياتي ومش عاوزاها، وعايزة أموت، عايزة أرتاح من اللي أنا فيه، أنا محدش بيحبني، لا أم ولا أب ولا حتى أصدقاء، حتى محدش هيزعل عليا لو مت. «حياء بحنية بالغة» طب اهدي يا جميلة، إنك تنهي حياتك ده مش حل أبدًا، ربنا عز وجل قال: (ولا تيأسوا من روح الله إنه لا ييأس من روح الله إلا القوم الكافرون)

. أوعي تيأسي أبدًا مهما كانت ظروفك، أنتي قدها. «أروى بدموع» أنا مش قد أي حاجة، أنا عايزة أموت، بالله عليكي سيبيني أموت. «حياء بدموع» لا مش هسيبك، ولازم تسمعيني، بس الأول توعديني لما أسيبك متنطيش في البحر. «أروى بدموع» ماشي. قامت حياء بترك يديها، وكل هذا يحصل تحت أعين زين الذي يشاهد ماذا تفعل حياء لتقنع الفتاة بعدم الانتحار.

«حياء بحب وحنية» أنا عارفة إننا كلنا عندنا مشاكل، وكلنا تعبانين في حياتنا، وكلنا عندنا ابتلاءات، بس ده معناه إني أنهي حياتي؟ أنهي حياتي بإيدي ليه؟ أنتي كده كأنك بتقولي لربنا: أنا مش راضية بأحوالي ولا عايزة أعيش، فهخلص على نفسي، يا رب؟ أنتي عارفة إيه النقطة اللي الشيطان بيلعب بيها؟

هو الاكتئاب، بيحاول يسود الدنيا كلها في وشك، ويحسسك إن الدنيا كلها ضلمة وخنقة ومفيهاش حاجة حلوة عشان تتعاش، عشان يخليكي تفكري في الانتحار ويكبر الفكرة دي في دماغك عشان تنفذيها. أنتي عارفة المنتحر روحه بتبقى متعلقة بين السما والأرض؟ طب أنتي عارفة إنك هتدخلي نار فترة كبيرة؟ أنتي عارفة المدة دي قد إيه؟ إزاي استسهلتي الانتحار بالسهولة دي؟

«أروى بدموع» كان صعب عليا القرار، بس أنا معنديش حد في حياتي بيحبني، لا أهل ولا صحاب، أهلي، بابا وماما منفصلين من وأنا صغيرة، وصحابي محدش فيهم بيهتم بيا، طب أنا لازمتي إيه؟ «حياء بحب وهدوء» يعني عشان محدش بيحبني أموت نفسي؟ وعشان مين؟

لو محدش بيحبني خالص، فربنا بيحبك وبيفرح بيكي لما تتوبي وتصلي، وإنتي بتقولي يارب استجبلي، أنتي لو التزمتي الصلاة والقرآن وخليتي حياتك متعلقة بالله، مش هتدوري على الناس أصلًا، مش هتهتمي مين بيحبك ومين لأ، ومش هتكتئبي ولا هتفكري في الانتحار. للأسف، أنتي حياتك ضلمة مخليه الشيطان هو اللي يحركك، بس أنتي لغيتي عقلك تمامًا. نفسك دي مش ملكك، دي ملك ربنا عز وجل، أنتي مطالبة بإنك تحميها ومتأذيهاش، أنتي عايزة ربنا يغضب عليكي، أنتي عايزة كده؟

«أروى بدموع» لأ. «حياء بهدوء» أمال ليه كنتي هتنهي حياتك؟ كل حياتك ممكن تبقى أفضل من كده بدعوة أو بسجدة، الله ليه موثقتيش في قدر ربنا ولطفه بيكي؟ هو ربنا هيريد للعبد الحزن؟

كان مفروض تفكري إن الدنيا فانية، وإننا جايين هنا زيارة وهنمشي، وبعدين كمان شوفي حيات غيرك، أنتي الحمد لله عندك أب وأم، في غيرك يتيم ملوش حد غير ربنا. وإنتي أكيد فاهمة أهلك غلط، مفيش أهل مبيحبوش أولادهم. أنتي ربنا ابتلاكي بأب وأم منفصلين، بس فيكي تقعدي عن ده شوية ودا شوية، احمدي ربنا دايما وأبدًا، وخلي عندك ثقة وإيمان بالله أكتر من كده. أول ما تبقي مخنوقة اشتكي لربنا، أنتي لو قولتي يارب، ربنا هيسمعك، قال تعالى:

(وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ) . أنتي إزاي نسيتي ربنا كده؟ «أروى بدموع» عندك حق، أنا إيه اللي كنت هعمله في نفسي ده.

«حياء بحنية» متفكريش في أي حاجة، غير بس افتكري إننا في دنيا الاختبار، ومش كل حاجة بتمشي على مزاجنا، بس والله يا حبيبتي، ربنا رحيم ورحمن. أنا أمي وأبي متوفين، وكل ما أتذكرهم قلبي بيوجعني، بس محتسبة اللي أنا فيه، وربك المستعان. والله يا بنتي، كل حاجة بتمر فيها من حزن وتعب في ميزان حسناتك يا حبيبتي. عايزة كدا تفوقي وتبقي أقوى من الشيطان، ويبقى غايتك في الدنيا هو رضا ربنا بس، وصدقيني لو رضيتي ربنا، ربنا هيرضيكي، وهتبكي من لطف ربنا وكرمه عليكي. ربنا معاكي في كل وقت وكل ثانية، فضفضي لربنا هترتاحي يا جميلة. واعتبريني أختك، ممكن؟

«أروى بفرحة» بجد؟ «حياء بحب» أيوه بجد، أنتي من هنا ورايح أختي الجديدة. قامت حياء باحتضانها، قائلة: إن شاء الله مش آخر مرة هشوفك، وأنا معاكي دايما يا أروى، في أي وقت. «أروى بفرحة وبدموع» مش عارفة أقولك إيه، شكراً، أنتي ربنا بعتك ليا من السما. «حياء بحب» وبعدين معاكي بقى يا ست البنات، أنتي أختي، ومفيش شكر بين الأخوات.

لما تلاقي حد مكتئب، سواء تعرفيها أو لأ، وإنتي عارفة إنها هتاخد خطوة زي الانتحار، متأخديش كلامها بسخرية، لأنها ممكن تنفذ كلامها فعلًا. خليكي جنبها وحسسيها بالأمان وفرحيها، وحاولي معاها مرة واتنين، الإنسان ساعات بيضعف لشيطانه، وبيبقى محتاج حد جنبه. خليكي الحد ده، وكلميها عن ربنا ولطفه. اعتبريها أختك، ونفذيها. «حياء بحب» أسيبك أنا بقى يا عسل انتي، ده رقمي أهو يا قمر. «أروى بحب» تسلمي يا حياء، جزاكي الله كل خير.

«حياء بحب» وجزيتي مثله، اللهم آمين. "لو يعلمُ أحدُكُم ما لهُ في قولِه لأخيهِ: "جَزاك اللَّهُ خَيرًا"، لأكثَرَ مِنها بعضُكُم لبعضٍ." عمر بن الخطاب. بعد أن سلمت حياء على أروى، اعتبرتها حياء مثل أختها الصغيرة، فذهبت إلى زين الذي كان مبهورًا بها، فهي استطاعت بكلمات خفيفة أن ترقق قلب الفتاة إلى أن تراجعت عن هذه الخطوة. «زين بفرحة» أنا مش مصدق إنك جامدة كده، ما شاء الله.

«حياء بضحك» مش أوي يعني، بس فرحانة أوي إني خليتها تتراجع، متتخيليش سعادتي دلوقتي عاملة إزاي. «زين بحب» لا برافو، عجبتيني. «حياء بحب» شكرًا، أنا آسفة إني مسمعتش كلامك وجريت على البنت، بس مكنش فيه وقت. «زين بحب» الحمد لله إنك مسمعتيش كلامي.

«حياء بحزن» لو كانت ماتت، مكنتش سمحت نفسي أبدًا، ولا كان ربنا سمحني، مدام أنا قادرة أساعدها ومعملتش كده، هتحاسب عليها. كلنا مفروض نساعد بعض، إحنا عباد الله، مفروض كلنا نحب لبعض الخير، بس دلوقتي الكل بيقول نفسي نفسي، ربنا المستعان. «زين بحزن» عندك حق، أنا ذات نفسي قولتلك ملكيش دعوة بيها. ثم تابع حديثه بحماس: بس وعد، لو لقيت حد محتاج مساعدة، هساعده على طول. «حياء بحب» شطور يا زين. «زين بضحك» شطور؟ متجوز طفلة ياربي.

ثم أخذها زين إلى البيت. «الضابط» جايب البرشامة دي منين؟ «أيمن برعب» من واحد صاحبي يا باشا. «الضابط بشدة» واسم صاحبك إيه يا خويا، انت وهو؟ «أيمن بخوف» اسمه... يا باشا. «أحمد برعب» إحنا هنمشي امتى يا باشا؟ «الضابط بشدة» تمشي فين يا حبيبي، انت وهو، لازم نعرف انتوا مدمنين حاجة ولا لأ، وبعدين مش مكسوفين من نفسكم، لما تبقوا شباب زي الورد وتعملوا كده؟ مش خايفين من ربنا؟

ثم قال: خدوهُم يا حسام، وديهم على الدكتور عشان نعرف هما سلام ولا لأ. «حسام» حاضر يا فندم، تحت أمرك. "تحت أمرك" كلمة حرام بالفعل، الله خلق الإنسان وكرمه، فلا يجوز أن يشير إلى نفسه بكلمة "تحت"، فهو تقليل وتحقير من قدره، فالطاعة للوالي مهمة بالفعل في سبيل الله فقط، ولم يرد أن الرسول عليه الصلاة والسلام كان أحد يقول له هذه الكلمة وهو أشرف الخلق. "وصل حياء وزين المنزل" «زين بضحك» شكلهم كلهم ناموا.

«حياء بحب» فعلًا، شكلهم كده. يلا عشان نصلي قيام الليل. «زين بحماس» يلا، أنا مستعد. قاموا الاثنين أولًا بالوضوء، ثم قاموا بالصلاة. «حياء بحب» تقبل الله منك يا رب. «زين بحب» ومنك يا رب. "مش ناوي ترجع تصلي قيام الليل من تاني وترجع لوردك من القرآن؟! طال غيابك يا رفيق. 💔" "صباح يوم جديد ملئ بذكر الله" "قامت حياء من نومها ذاهبة إلى المطبخ" «ندي بحب» حياء، مش هتقوليلي معلومة جديدة؟

«حياء بحب» أقولك يا روحي، تعرفي أسماء زوجات النبي صلى الله عليه وسلم؟ «ندي بحب» أعرف سيدتنا عائشة وخديجة. «حياء بحب» شطورة يا ندي، بارك الله فيكي، بس في زوجات تانية. بصي، إحنا هنحفظهم مع بعض بطريقة سهلة خالص، اتفقنا؟ «ندي بحب» اتفقنا. «حياء بحب» عشان متنسيش أسماء زوجات النبي صلى الله عليه وسلم، افتكري جملة "خس مع جزر صحة". خ... خديجة بنت خويلد. س... سودة بنت زمعة. م... ميمونة بنت الحارث. ع... عائشة بنت أبي بكر. ج...

جويرية بنت الحارث. ز... زينب بنت جحش، وزينب بنت خزيمة. ر... رملة بنت أبي سفيان. ص... صفية بنت حي. ح... حفصة بنت عمر. ه... هند بنت أبي أمية (أم سلمة) «ندي بضحك» جملة مضحكة أوي، بس كده فعلًا مش هننساهم تاني. «حياء بضحك» المهم متنسيش، هسألك فيهم يا ندي، أوعي تنسي. «ندي بحماس» هروح دلوقتي أذاكرهم. «حياء بحب» بارك الله فيكي.

ثم قامت حياء ووفاء بوضع الطعام، بعد دقائق انتهى الجميع من طعامه، ثم قامت حياء بإلقاء تحية الإسلام وذهبت مع زين في الشركة. «حنين بزعل» كده يا حياء تغيبي من الشركة إنتي وأستاذ زين؟ «حياء» متزعليش يا حبيبتي، بس زين متأثر بوفاة مروان وسالي، وحب ياخد حتى إجازة بسيطة. ادعيله ربنا يطمن قلبه. «حنين بحب» يارب يا حياء، ربنا يرحمه ويغفر له. المهم إني عايزة أفرحك. «حياء بحب» قولي خبر إيه؟

«حنين بحب» وزعت كل الرسائل اللي إنتي ادتيهالي كلها، والحمد لله ساعات بقابل البنات اللي ادتهم الرسائل وبيقولوا الرسائل دي فادتنا. «حياء بفرحة» اللهم بارك، أكيد سمعت خبر يفرح القلب. طب يلا نكتب رسائل دلوقتي ونوزعهم سوا. «حنين بحب» تمام، أشطة، ماشي. "كان زين منتبه لشغله، ودخل عليه صديقه وصديق مروان المقرب يدعى هشام" «هشام بخبث» ممكن أدخل؟ «زين بهدوء» ياآه يا هشام، بقالي كتير مشوفتكش، عامل إيه يا حبيبي، أخبارك؟

«هشام بخبث» الحمد لله، أول ما عرفت إن مروان مات، جيت على طول عشان أقولك البقاء لله. «زين بحزن» البقاء لله وحده، ربنا يرحمه. «هشام بخبث» شكلك زعلان عليه أوي، مع إنه والله ميستاهلش زعلك ده. «زين بعصبية» أنت بتقول إيه يا هشام؟ يعني ميستاهلش أزعل عليه؟

«هشام بخبث» طب اهدي بس، اللي إنت زعلان عليه ده، كان بيخطط يبوظ سمعتك وتخسر صفقات عشان شركتك تقفل، عشان كان بيحقد عليك وعلى نجاحك، وكان عايز يثبت للكل إنك واحد فاشل. ولو مش مصدقني، أنا معايا ريكوردات تثبت ده. «زين بعصبية» اطلع بره يا هشام، ومش عايز أشوف خلقتك دي تاني، وأنا مش مصدقك خالص. وحتى لو كلامك صح، متعرفش إن النبي صلى الله عليه وسلم قال: (من ستر مسلمًا في دنيا ستره الله في الآخرة) . ليه تفضحه يا أخي بالشكل ده؟

أنت بتخوض في عرض واحد في يد ربنا، مش خايف تبقى زيه في قبرك وناس بتتكلم في عرضك؟ يا هشام، استفدت إيه بقى لما قولتلي؟ هو إننا نتكلم على بعض بقى سهل كده؟ امشي يا هشام، ربنا يهديك. «هشام بإحراج» تمام، أنا بس قصدي...

«زين بمقاطعة» قصدك بقى ولا مش قصدك، روح استغفر ربنا وتوب من اللي أنت عملته. لازم تعرف كويس أوي إنك تجيب في سيرة حد، سواء بيت أو لأ، وتذكر عيوب فيه، سواء بالحقيقة أو بالكذب، فده من كبيرة من الكبائر. وكمان اتعلم تستر الناس، عشان هيجي عليك يوم وتتذل للناس عشان تستر عليك. «هشام بضيق» حاضر، هاخد بالي بعد كده، أنا ماشي. «زين بخنقة» مع السلامة. "مني بدموع" حياء، أنا مني، أخت صفاء، فاكراني؟

«حياء بصدمة» أيوه، أبلة مني، فاكراكي. أنتي عرفتي مكاني من أبلة صفاء؟ «مني بدموع» أيوه يا بنتي، قالتلي مكان شغلك. صفاء بتموت يا حياء، ومحتاجاكي يا بنتي. «حياء بخوف» مالها أبلة صفاء؟ وبعدين محتاجاني ليه؟ «مني بتوتر» لما تيجي المستشفى هتعرفي. «حياء» كملي يا حنين الرسائل، إنتي دوبك هروح أشوفها وأجي. «حنين بصدمة» أنتي هتروحي لصفاء؟ دي طردتك من بيتك، إنتي مش فاكرة هي عملت فيكي إيه؟

«حياء بهدوء» مش وقته الكلام ده، أنا مسامحاها. يلا يا أبلة مني نروح المستشفى. «مني بحب وبفرحة» يلا يا بنتي. "فادية بحب" مبارك يا حبيبتي. «ريم بفرحة» الله يبارك فيكي يا ماما، بس كان نفسي حياء تيجي. «فادية بحزن» وأنا أوي يا بنتي، بس عمالة أرن عليها متردش. «ريم بحزن» يارب تكون كويسة. "حاول جاسر لمس يد ريم، ولكن ريم لم تسمح له بذلك، وقالت بإنزعاج" انت بتعمل إيه؟ «جاسر بكذب» آسف، مخدتش بالي. «ريم بتصديق» ولا يهمك.

"بعد أن انتهى اليوم وكانت ريم فرحانة للغاية، فقامت بنشر استوريهات تعبر عن فرحتها، فقامت أصدقاؤها بنشر صور خطبتها مهنئين لها." "لما تتخطبي مش لازم تعرفي الدنيا بكده، قال النبي صلى الله عليه وسلم: (أسروا الخطبة وأعلنوا النكاح) "بعد أن ذهبت حياء مع مني المستشفى، دخلت حياء إلى صفاء، فحكت صفاء كل شيء لحياء" «حياء بدموع»....... يتبع 💝 مبروك للفائزين 🫶❤: بسملة محمود أم هاني جوري الجوري أبو بكر أسماء أسماء Um Mohamad

Farah Elsayed Muhamad Kaled Ahmd Hala Elmzin الإجابة: ليا بنت يعقوب عليه السلام، واخت يوسف، وزوجة أيوب، ووالدة ذي الكفل (عليهم السلام) السؤال: من هو الصحابي الذي حج سرًا؟