رواية تزوجتني رغما عني فأحببتك الفصل الحادي عشر 11 - بقلم فاطمة سيد

«الدجال بمكر» عايز تجيب لي خصلة من شعرها وحاجة من لبسها، زي بلوزة أو أي حاجة. «صفاء بغل» بس كده؟ بكرة بالكتير كل ده هيكون عندك. «الدجال» تمام، اتفقنا. «حنين بحب» حياة، تليفونك بيرن، يا حبيبتي شوفي مين. أكون روحت لعمو يعمل لنا شاي نشربه سوا. «حياء بحب» ماشي يا حنين. (ثم أمسكت حياء تليفونها لتجد المتصل ريم) «ريم بهدوء» السلام عليكم ورحمة الله وبركاته. «حياء بحب» وعليكم السلام ورحمة الله وبركاته. إزيك يا ريم؟

«ريم بعتاب» أنا الحمد لله يا حياة، البقاء لله. يا حبيبتي أنا والله معرفش، أنا ولا أنا ولا ماما كدا. يا حياة، متعرفناش. «حياء بتعب» واتجوزت كمان يا ريم؟ حصل حاجات كتير قوي خلتني تايهة ومش عارفة أعمل إيه. «ريم بصدمة» اتخطبتي؟ يا حياة، حصل إمتى ده؟ «حياء بتعب» يااااه، ده موضوع كبير قوي. هحكيه لك بعدين إن شاء الله. المهم، إنتي أخبارك إيه؟ «ريم بخوف»

خايفة قوي يا حياة. زياد مهددني بصوري وقال لي لو مجتيش الشقة هفضحك. ومش عارفة أعمل إيه. «حياء برفض» أوعي تسمعي كلامه وتروحي عنده الشقة يا ريم، ده بيحاول يوقعك في فخ. «ريم بخوف» طب أعمل إيه؟ يا حياة، بيهددني بصوري الخاصة. (ثم أكملت ببكاء) أنا عارفة إني غلطانة والله، بس هو ممكن ربنا يفضحني؟ يا حياة، والله أنا تبت خلاص وهتغير من نفسي. «حياء بحب»

أوعي تخافي، وربنا معاكي. حاشاه الله أن يفضح عبده وهو جايله تائب ذليل وعايز يطهر نفسه من ذنوبه. أوعي تفكري في الله كدا أبداً. ربنا غفور رحيم لأبعد الحدود، وربنا بيحب الستر وبيستر عباده حتى لو بيجاهروا بالمعصية، وبيأمر بستر العورات ويبغض القبائح. مش ربنا قال: (إِنَّكَ لَا تَهْدِي مَنْ أَحْبَبْتَ وَلَٰكِنَّ اللَّهَ يَهْدِي مَن يَشَاءُ ۚ وَهُوَ أَعْلَمُ بِالْمُهْتَدِينَ) . يعني إزاي ربنا عز وجل يهديكي وبعدها يفضحك؟

ربنا مدام سترك في الدنيا دي، محدش في الكون كله يقدر يفضحك. إنتي مستورة الحمد لله. والصور اللي معاه، لو عملتي بلاغ إنك بتبتزي بصورك، هيجيبوا زياد ده وهيأخد عقابه. «ريم بدموع» يعني زياد ميقدرش يأذيني؟ «حياء بطمأنينة» استحالة يقدر. إنتي طمني قلبك وكملي في توبتك وانسي اللي عملتيه، وابدئي مع ربنا صفحة جديدة ومليها بالحسنات على قد ما تقدري. وزياد ده زي ما قلت لك، اعملي فيه بلاغ في القسم والموضوع هيتحل. «ريم بتنهيدة»

حاضر، هعمل كل اللي قولتيلي عليه. «حياء بحب» ربنا يسترِك يا ريم، دنيا وآخرة. اللهم آمين. «مني بخبث» شفتي جارتنا دي؟ عندها بنت اسمها سعاد. «صفاء بعدم فهم» آه، مالها دي؟ «مني بغيبة» البنت دي بقى بتاعت شباب. كل شوية أشوفها واقفة مع واحد. أقولك على حاجة بس أوعي تقوليها لحد. «صفاء بخبث» قولي، متخافيش. «مني بفضح» أمها دي اشتكت لي من بنتها كتير. تصدقي إنها هربت مع واحد قبل كده، وأمها ضحكت على الشارع كله؟ قال إيه؟

البنت مخطوفة، وهي ولا مخطوفة ولا حاجة. «صفاء بضحك» يا نيلها بنت! دي شكلها مشفتش بربع جنيه تربية. «مني بفضح» هي دي أشكال اتربت يا صفاء؟ "قال رسول الله صلى الله عليه وسلم: (من ستر مؤمنًا في الدنيا على خزية، ستره الله يوم القيامة) ويقول عليه السلام: (إنك إن اتبعت عورات الناس أفسدتهم أو كدت أن تفسدهم) وقال صلى الله عليه وسلم: (من قال في مؤمن ما ليس فيه، أسكنه الله ردغة الخبال حتى يخرج مما قال، وليس بخارج)

. وردغة الخبال هو عصارة أهل النار. 💔 أوعو تفضحوا بعض وتغتابوا على بعض، دي بينقص من أجركم كتير وعقوبتها عند الله شديدة. قال تعالى: (وَالْفِتْنَةُ أَشَدُّ مِنَ الْقَتْلِ) «حنين بقرف» ده إنتي بنت باردة! مش عارفة شايفة نفسها على إيه دي. «حياء بعدم فهم» مالك يا حنين؟ أهدي. «حنين بقرف» دي سالي يا حياة، بتتعمد إنها تقلل مني، مش عارفة ليه. «حياء بهدوء» تجنبيها خالص يا حبيبتي ومتشغليش بالك بيها خالص. «حنين»

بس إنتي متعرفيش، دي بتتمايص مع الشباب. «حياء بهدوء» وبعدين يا حنين، مينفعش تتكلمي عليها وحش أو تذكري عيوبها قدامي. «حنين بصدمة» إنتي بتدافعي عنها؟ بس إنتي متعرفيهاش خالص. «حياء بهدوء» يا حبيبتي، الغيبة دي حرام. حتى لو الشخص ده وحش، أوعي تغلطي فيه أو تفضحيه بإنك تذكري عيوبه. والمفروض لما حد يغتاب حد، نرد له غيبته حتى لو منعرفوش. قال رسول الله صلى الله عليه وسلم: (من رد عن عرض أخيه، رد الله عن وجهه النار يوم القيامة)

. شفتي؟ بفعل صغير قوي ربنا يرد وجهك عن النار. «حنين بإحراج» صح، عندك حق. أستغفر الله العظيم. «حياء بحب» أنا عارفة إننا لما بنتعصب بيصدر منها كلام غلط، بس دايماً افتكري إن هناك رب جلا جلاله شايفك وإنتي بتغلطي في غيرك، أو بتنمي عليه، أو بتحاولي تأذيه. استشعري دايماً إن عليكي ملكين، واحد على اليمين والتاني على الشمال. وقال الله تعالى: (مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ)

. أي حاجة بتصدر منك بتتكتب. ولو إنتي نسيتي عملتك، رب الكون مبينساش. لازم دايماً يكون عندنا خوف من الله عز وجل وحب ليه. مش إحنا لما بنحب حد بنعمل كل حاجة بيحبها عشان يرضى علينا؟ زي مثلاً الأم، مفيش واحدة مبتحبش مامتها، فبتحاول دايماً تسمع كلامها عشان تكسب رضاها. وكذاك مع مالك الملك، إحنا بنحبه وبنعبده، فبنجاهد دايماً نتجنب الحرام عشان نكسب رضاه. «حنين بحب» حاضر، آخر مرة أتكلم على حد خالص يا حياة. «حياء بحب»

شطورة. مش بحبك من فراغ. ربنا يهديكي ويهدينا. «حنين بحب» يارب يا حبيبتي. «سلمى بحب» نورتوا البيت وربنا. «حنان بحب» حبيبتي، البيت منور بأصحابه. أمال فين زين ومراته؟ بموت وأشوفها. «سلمى بحب» زمانهم جايين دلوقتي يا حبيبتي. إزيك يا نور، عاملة إيه؟ «نور بحب» الحمد لله يا خالتو. بس هو زين اتجوزها بسرعة كده ليه؟ كان بينهم قصة حب؟ «سلمى بحب» ولا قصة حب ولا حاجة. هي بس عجبتها واتجوزها على طول. «نور بغيظ»

آه، لما نشوف القمر اللي زين مقدرش يقاومها دي. «زين بتعب» يلا يا حياة عشان نروح. «حياء بفهم» شكلك تعبان قوي يا زين. «زين بتعب» آه، كان عندي شغل كتير والحمد لله خلصته. «حياء» الحمد لله. الرسول صلى الله عليه وسلم قال: (من عمل عملاً فليتقنه) . طول ما إنت شغال، إنت في عبادة، وطول ما إنت في عبادة، أجرك بيزيد عند الله. وأكيد تعبك ده مش هيروح هدر بإذن الله. يلا عشان نروح. «زين بحب» يلا.

(ركب زين وحياء في الخلف، وطول الطريق كانت حياء تكلمه على القرب من الله والرضا في البأساء والضراء، وكان زين يستمع لها بشدة.) «زين بضحك» وأنا اللي كنت بحسبك مستصنعة. «حياء بعدم فهم» أنا ليه؟ «زين بهدوء» يعني مبتهزريش مع حد وفي حالك كده. كنت بحسبك شايفه نفسك. مكنتش أعرف إنك بتعملي كده خوفاً من الله، مش تكبر ولا حاجة. يمكن عشان كده كنت بعاملك بأسلوب وحش. «حياء بهدوء»

البنت المسلمة لازم تعمل كده يا زين عشان تحمي نفسها من الفتن ومن الكلام ومن كل حاجة. البنت مينفعش تختلط بالشاب أبداً، حتى لو كانوا بيشتغلوا مع بعض، لازم يكون الكلام على القد ويكون فيه حدود في التعامل. وبعدين، البنت المسلمة غالية ومش أي حد تتكلم معاه وتهزر كمان. وبعدين الفتن بقت حوالينا بكثرة كبيرة، بقى الملتزم في الزمن ده بيقولوا عليه متشدد ومعقد أو غسلوا له دماغه، وكلام غريب كده. بس دايماً بتذكر حديث:

(بدء الإسلام غريباً وسيعود غريباً) . لازم تكون البنت مسلمة بحق وحقيقي، والشاب المسلم لازم يكون كده برضه. بس إحنا بقى بناخد الحرام وبنحرم الحلال. «زين بتنهيدة» عندك حق، إحنا في زمن غريب جداً والفتن بقت كتيرة، وللأسف الواحد مش بيقدر يقاومها. «حياء بعزم»

بالصلاة والصوم والذكر والعبادة هتقدر تقاومها. لحد ما تبقى الفتنة قدامك وإنت اللي رافض تعملها، هتبقى قدامك الذنب وإنت اللي ممانع. ده عشان إنت حكمت نفسك، مش نفسك اللي حكمتك. «زين بحب» كلامك حلو قوي يا حياة، بيدي للواحد طاقة كده فظيعة. ربنا يهدينا يارب. «حياء بحب» يارب. (وصلت حياء وزين إلى المنزل) «حياء بهدوء» السلام عليكم ورحمة الله وبركاته. «سلمى»

وعليكم السلام ورحمة الله وبركاته يا حبيبتي. تعالي سلمي على حنان أختي وبنتها نور. «حياء بطاعة» حاضر يا حبيبتي. (ثم قامت حياء بالسلام على حنان ونور.) «حنان بهزار» إيه ده؟ إنتي طلعتي منتقبة؟ بس ليه يا بنتي كده؟ «حياء بحب» عشان أرضي ربنا وأتشبه بأمهات المؤمنين. «حنان» بس إنتي لسه صغيرة. أنا أهو منتقبة وشوفي بنتي مخلياها لبسة براحتها عشان هي صغيرة. «حياء بحب»

مع احترامي لحضرتك، بس كده غلط. بنت حضرتك دي مسؤوليتك إنتي، وإنتي بتتحاسبي على لبسها ده. الرسول صلى الله عليه وسلم قال: (كلكم راع وكلكم مسؤول عن رعيته)

. يعني إنتي مسؤولة عن بنتك. طول ما بنتك بتلبس لبس ضيق، كل خطوة هي بتخطيها في ميزان سيئاتك إنتي، عشان إنتي راضية تنزل كده. يعني حضرتك مش بتاخدي ذنبك إنتي بس، لأ، بتاخدي ذنبك وذنبها. وحضرتك، محدش صغير على الموت. يعني ربنا يحفظهالك يا رب، ممكن تفارق الدنيا في لحظة. هتقولي لربنا إيه؟ هي صغيرة يا رب؟ ربنا هيحاسبها لأنها بالغة عاقلة وفاهمة وعارفة الحلال من الحرام كويس. فمحدش صغير على الموت. ربنا يثبتنا ويحسن خاتمتنا يارب.

«حنان بخوف» يارب. «نور بغيظ» بس على فكرة، ممكن واحدة مش محجبة زي تكون أحسن وأقرب من ربنا من مليون منتقبة أو لابسة حجاب. «حياء بحب» مين فهمك كده؟ قال الله تعالى: (وَالَّذِينَ آمَنُوا وَعَمِلُوا الصَّالِحَاتِ أُولَٰئِكَ أَصْحَابُ الْجَنَّةِ ۖ هُمْ فِيهَا خَالِدُونَ)

. يعني شرط في دخول الجنة الإيمان والعمل الصالح، مش الإيمان بس. عشان لو كان دخول الجنة بالإيمان بس، مكنش ربنا شرط علينا أعمال نعملها زي الصلاة والصوم وإننا نتحجب. وكذاك، فممنين تقولي واحدة مش محجبة تقرنيها بمحجبة؟ دي واحدة أطاعت الله والتانية لأ، يبقى إزاي الغير محجبة أفضل من المحجبة؟

دي حرب على البنت المسلمة، بيحاولوا يفهموكي إن مدام إنتي مؤمنة بالله، يبقى خلاص مش شرط تتحجبي أو تلبسي واسع، وهكذا. بيحاولوا يمحوا الإسلام وبيحاولوا يزرعوا فكرة إن مدام نيتك الله، يبقى خلاص. وكده غلط كبير. إن شاء الله يا حبيبتي ربنا يهديكي وتتحجبي بإذن الله. «نور بتنهيدة» بفكر والله ألبسه، بس عندي مخاوف كتير. «حياء بحب» طب تعالي عندي في غرفتي نتكلم براحتنا، إيه رأيك؟ «سلمى بحب»

آه ياريت، عشان إنتوا دوختونا وأنا وأختي عايزين نقعد لوحدنا شوية. «نور بحب» تمام، ماشي. (ثم أخذت حياء نور إلى غرفتها، مستعينة بالله في إقناعها.) «حياء بحب» قوليلي يا ستي، مخاوفك إيه؟ «نور» .......