رواية تزوجتني رغما عني فأحببتك الفصل الثاني عشر 12 - بقلم فاطمة سيد

نور بتنهيدة: بصي أنا شكلي مش حلو أوي ومعنديش ثقة في نفسي زي ما إنتي شايفة. جسمي رفيع ومناخيري كبيرة، ولبست الحجاب فترة ومحبتهوش عليا، فخلّى شكلي وحش أكتر. فقولت خلاص لما أتخن وأحسن من نفسي أبقى ألبسه. حياء بصدمة: مين قالك إنك وحشة؟ إنتي جميلة أوي، ليه بتقولي كده؟

نور بحزن: متكدبيش عليا، أنا مش حلوة وعمري ما شفت إني حلوة. عشان كده بحاول ألبس شيك وأظبط نفسي وأحسن من شكلي، بحاول أبقى جميلة زي صحابي عشان محسش إني أقل منهم في الجمال.

حياء بثقة: إنتي جميلة يا نور، ولازم تقتنعي بكده كويس أوي. ربنا ما خلقش حد وحش. وكمان لو فكرتي شوية هتعرفي إن الشكل دي الحاجة الوحيدة اللي ما تعبتيش فيها. بس الحاجات التانية بتتعبّي فيها زي الأخلاق والمركز. إنتي اللي بتحددي قيمتك عند غيرك. لو فضلت أقول لنفسي أنا وحشة، أنا وحشة، مش هعرف أتقبلني، مش هعرف أحبني. هفضل دايما أقارن نفسي بغيري وأقول دي حلوة شعرها جميل وأنا شعري مش حلو أوي. دي ما شاء الله عينيها زرقا وحلوة

وأنا لأ. هتفضلي دايما لما تشوفي بنت حلوة هتقارنيها بنفسك، وده غلط. عشان كل واحدة وليها جمالها. زي مثلا هتلاقي بنت جمالها في شعرها الطويل، هتلاقي بنت تانية جمالها في شعرها القصير، وهكذا. كلنا مختلفين في مستوى جمالنا. مفروض جمالي ده بقى أشكر ربنا عليه وأقوله الحمد لله، أنا حابة نفسي يا رب زي ما أنا كده. وأشتغل على نفسي وأطورها. زي مثلا اهتم ببشرتي، اهتم بريحة ونضافة جسمي، وكل ده بيحسن الثقة في النفس.

نور بحزن: طب والكل اللي حواليكي بيقولوا إنك لأ، مش حلوة. حياء بثقة: إحنا اللي بنسمحلهم إنهم يدمروا ثقتنا بنفسنا. زي ما قولتلك، مدام أنا مش واثقة في نفسي، الكل هتلاقيه بيقولك كده. إنت جسمك عامل كده ليه؟ مبتأكليش؟ مناخيرك عاملة كده ليه؟ وهكذا. لازم لما حد يوجه لك انتقاد على شكلك تردي بثقة: أنا عاجبني نفسي كده وشكلي عاجبني. مش بتشوفي بنات متوسطة الجمال أو جمالها قليل، بس الكل مجمع إنها حلوة وجميلة؟ نور: أيوه.

حياء بثقة: بسبب ثقتها في نفسها. أول ما تثقي في نفسك، الكل هيشوفك حلوة. وكمان الجمال مش كل حاجة. الجمال بدون أخلاق أو نجاح، صدقيني ملوش لازمة. أهم حاجة يا نور تهتمي بنفسك وبشعرك. ودائما أول ما تصحي من النوم، خدّي دوش كده خفيف ودلّعي نفسك. بعدها صلي ركعتين لله وابدأي يومك كده بانتهاش. أوعي حد يقلل منك عشان إنتي عمرك ما كنتي قليلة. أهلك ربوكي وصرفوا عليكي، متخليش حد ملوش لازمة يتريق على جسمك أو شكلك. فهمتي يا قمر؟

نور بفرحة: فهمت.

حياء بحب: كده عرفنا هنعمل إيه عشان نحسن من ثقتنا في نفسنا ونتقبل نفسنا بكل حالاتها. نيجي بقى لموضوع الحجاب. أنا مش هقولك إن الحجاب فرض، لأنك أكيد عارفة النقطة دي كويس. بس هقولك إن الحجاب أكبر من إنه شكله حلو عليا ولا لأ. الحجاب ستر وعفة، وفوق كل ده جمال. لازم يكون حجابك بيمثل إنك مسلمة بجد، مش كلام وخلاص. الحجاب جزء منك بالظبط. الحجاب لما بتلبسيه، إنتي كده بترضي رب العالمين. تخيلي مثلا ملبستيش الحجاب خالص عمرك كله؟

هتتحاسبي عليه يوم بيومه. يعني مالك الملك هيحاسبك. وربك عادل، ما بيظلمش حد. كل واحد بياخد حسابه بالظبط. تخيلي ربنا كده بيسألك: "ملبستيش الحجاب ليه؟ هتردي عليه تقولي له: "عشان مكنش حلو عليا؟ طب لما يقولك: "يعني خوفتي شكلك يبقى وحش، وما خوفتيش من عقابي؟

". قبل ما تنامي كل يوم، لازم تحاسبي نفسك وتشوفي إيه الحاجات اللي لازم تغيرها قبل فوات الأوان. فيه بنات كتير كانت عايزة تحسن من لبسها وحجابها، أو كانت ناوية تتحجب، بس الوقت مسعفهاش خلاص وماتت؟ وبقت بين إيدين ربنا؟ تخيلي عمرك كله خايفة على شكلك بس، ومش خايفة من مالك الملك؟ بجد صعبة أوي. الحجاب ما اتفرضش للتخينة بس أو الرفيعة بس، لأ. الحجاب فرض على الكل. وأكيد إنتي حواليكي بنات

كتير مشجعينك على فكرة: "استني لما تتخني" أو "استني شوية لما تكبري" وهكذا. نور بصراحة: أيوه، قالولي استني شوية، إنتي مستعجلة على إيه، ما إنتي كده كده هتلبسيه.

حياء بثقة: الكلام ده غلط. زي ما قولتلك، الحجاب فرض، ملوش دخل بقى بإنك رفيعة أو تخينة. وكمان لو فضلت تسمعيلهم، أول ما هتقولي خلاص هتحجب، هيكون بالنسبالك شيء صعب وهتحسي إنه أصعب قرار هتاخديه في حياتك. بس الحقيقة إنه سهل خالص يا نور. وكفاية إنك هتيجي على رغباتك وهتتحدي كل الناس في سبيل رضا الله. تخيلي ربنا يشوف سخرية الناس عليكي والإحباط اللي بتقابليه في حياتك، ومع كل ده تجاهدي نفسك وتلبسي الحجاب، وما يهمكيش كلام حد. كل اللي هامك ربنا وبس. تخيلي أجرك عند ربنا عامل إزاي.

نور بتنهيدة: كلامك حلو يا حياء، بس مش عارفة بردو آخد الخطوة دي. حياء بحب: أنا واثقة ومتأكدة إنك هتاخديها، عشان إنتي بتحبي ربنا وبتخافي منه، ونفسك في رضاه. وأكيد نفسك ربنا يرضى عليكي. أكيد بتغيري من واحدة لابسة واسع، أو واحدة بتصلي، أو واحدة محجبة. أكيد إنتي نفسك تبقي زيهم. اسمعي كلامي وتوكلي على الله، وأنا معاكي لو احتجتيني. نور بحب: بجد مش عارفة أقولك إيه، إنتي شجعتيني على الخطوة دي أوي.

حياء بحب: مدام ربنا عايز يهدي حد، خلاص بيهديه. وبعدين يا نور، الحجاب مش هيعقدك في حياتك. بالعكس، أنا بشوف بنات بتلبس الحجاب وبتكون جميلة أوي عشان بتلفه لفة ساترة وجميلة. وكل بنت هتشوفك لابسة حجاب كامل وشكله حلو عليكي، وتقلّدك فيه، هتاخدي حسنات كتير جداً، مع إنك معملتيش حاجة، بس كنتي قدوة حسنة ليهم. مين منا مقلدش بنات متبرجة في لبسهم أو مكياجهم؟

لازم نترك التبرج ونحب الستر والعفة. دي أحلى حاجة في الدنيا. بس إحنا في زمن بيحرض البنات على التبرج. وتلاقي المتبرجة مفيش كلمة وحشة بتتوجهلها عشان ده بقى العادي. أمال المحتشمة مليون كلمة بتتوجهلها. افتكري دايماً حديث النبي صلى الله عليه وسلم: "القابض على دينه كالقابض على جمرة من النار". نور بحب: إنتي جميلة أوي يا حياء، وبجد اختيار زين ليكي كان موفق جداً.

حياء بحب: تسلمي يا روح قلبي، وأنا معاكي دايماً في أي خطوة هتعمليها. "دايماً خليكي العون لأي حد فضفض لك بكلمة أو عنده مشكلة وتقدرّي تحليها باللين والكلمة الحلوة. ودايماً خليكي قدوة للي حواليكي، بس قدوة حسنة ومحترمة، عشان أي حد يبقى عنده فتور في العبادة أو عايز ياخد خطوة لله، تبقى إنتي العون والمشجع ليها." *** أيمن: بس يا حيوان، إنت عايزني أتجوزها إزاي يعني؟ أحمد بعدم فهم: إنت واحد غبي. إنت مش قولتلي بحبها؟

عشان كده بقولك اتجوزها. أيمن باستفزاز: لأ، أنا بطرّق على قلبي. وبعدين هو أنا هتجوز واحدة شبه صباعي الكبير؟ يا عم بلا نيلة. أحمد بخبث: يعني إنت بتضحك عليها يعني؟ أيمن بمكر: أخيراً فهمت يا أهبل. أحمد بمكر: دا إنت طلعت واحد زبالة. "إنك تقول الألفاظ الوحشة أو تغلط في صاحبك، أو تغلط في صاحبتك على سبيل الهزار، فدي مش من الاحترام أبداً. لازم نحترم بعض ونقدر بعض. شكلك إيه وإنت عمال تهزق في صاحبك وصاحبك يهزق فيك؟

فين الاحترام بقى؟ فين الاحترام المتبادل بينكم؟ مش دي الصحوبية اللي حس عليها الإسلام؟ خلّوا لسانكم محترم، مبينطقش إلا بالحسن بس. احترموا غيركم، حتى لو اللي قدامكم مش كويس. تربيتك بتبان من لسانك. وعلاج كده الذكر، مفيش لسان بيذكر الله وبيشتم أبداً."

"إنك تلعب ببنات الناس دي مش روشنة ومش رجولة. حضرتك متعرفش الرجولة فين. إنك تغلط في شكلها أو تتكلم عليها مع صاحبك، اتقي الله في بنات الناس. إنت مترضهاش على أختك. وإنتي يا بنت الناس، متخليش حد يستغلك أو يستغل طيبتك في إنه يوقعك. اللي عايزك بجد هيتقدملك وهيعمل المستحيل عشان يوصلك. أمّا كلمة "عندي ظروف" يبقى مش ناوي جد وبيلاعب بيكي. إنتي غالية، مترخصيش نفسك. وتبقي فترة في حياة حد. فوقي لنفسك وخلي عندك كرامة، وحبي نفسك. لو حبيتيها مش هتفكري تأذيها، بالعكس هتحفظي عليها لحد ما ابن الحلال

يخبط على بابك ويقولك: "عايز أتجوزك"." *** "خرجت حياء هي ونور من الغرفة وذهبتا إلى سلمى وماجدة." ماجدة بانبهار: ما شاء الله يا بنتي، قمر. أمّا لابسة النقاب ليه بس مكبرك؟ حياء بحب: ماهو مكبر مقامي عند الله، منزلتي كبيرة والحمد لله. وبعدين كله يهون لأجل رضا الله. أمّا إحنا جايين هنا نعمل إيه؟ نور بحب: عندك حق يا حياء. ربنا يثبتك يا حبيبتي. سلمى بحب: ويهديكي يا بت يا نور، وأشوفك بالحجاب قريب.

نور بحماس وعزم: هيحصل يا خالتي، متقلقيش. حياء بكسوف: ماما، هو زين فين؟ سلمى بحب: هتلاقيه في غرفة الجيم، لحسن هو بيحب يدرب في البيت. حياء بضحك: أيوه صح، بيحب يبقى عنده عضلات منفخة. "ضحك الجميع على كلام حياء، ثم استأذن نور وماجدة ليغادروا المنزل." سلمى بحب: هقوم أنا بقى أنام، تصبحي على خير يا حبيبتي. حياء بحب: وإنتِ من أهله. تحبي حضرتك أصحّيكي تصلي قيام الليل؟

سلمى بحب: متخافيش، بصحى كل يوم أصلي. بس بردو تعالي شوفيّني لو نايمة، صحيني. حياء بحب: حاضر يا ماما، من عنيا. "قامت حياء للمطبخ فوجدت الخدم." حياء بحب: السلام عليكم. حضرتك اسمك إيه؟ الخادمة وفاء: أنا اسمي وفاء يا هانم، ودي بنتي ندي. حياء بحب: ما شاء الله، بنتك زي القمر زيك بالظبط. بس بلاش هانم. أنا آسفة إني معرفتكيش عليا، أنا اسمي حياء. وفاء بصدمة: إنتي بتعتذري ياهانم؟ إزاي؟ هو العين تعلّي على الحاجب بردو؟

حياء بحب: كلنا عند الله سواسية. يا هانم، وفاء، ربنا مش هيدخلنا الجنة عشان إحنا أغنياء مثلاً. لأ، هندخل بعملنا الصالح. وحضرتك أكيد أحسن بكتير من ناس معاهم فلوس بس ما بتقربهمش من الله، وعملك الصالح. وفاء بحب: الله يوفقك يا بنتي يا رب، ويجبر بخاطرك زي ما إنتي ما جبرتي بخاطري. حياء بحب: حبيبتي، تسلمي. أنا بس هعمل سندوتشات وهخرج على طول. وفاء بصدمة: خليكي ياهانم قاعدة، وأنا هعملهم بسرعة.

حياء بحب: لا، أنا اللي هعملهم. حضرتك زمانك تعبانة طول اليوم، فرتاحي إنتِ، وكمان الوقت اتأخر. وفاء بحب: أيوه، منا هروح دلوقتي. حياء بحب: توصلي بألف سلامة يا رب.

"مش عشان إنتي ربنا رزقك بفلوس أو من عيلة غنية، إن ده يديكي الحق تتكبري على الناس وتحتقريهم وتزعقي فيهم بسبب استكبار إبليس. إنه رفض يسجد لسيدنا آدم، ربنا طرده من الجنة كلها. ربنا ما بيحبش الناس المتكبرة. أوعي تشوفي نفسك على حد. إحنا كلنا عند ربنا واحد. نختلف بالعمل الصالح، مش بالغنى والفقر واللون والمركز. لأ، عشان ربنا لا ينظر إلى أجسامكم أو صوركم، إنما ينظر إلى قلوبكم." ***

سالي: بقولك، فيه حفلة لتامر حسني، النفر فيها بألف جنيه. إيه رأيك نروحها؟ مروان بجد: فين دي؟ سالي بمكر: في الساحل. إحنا لازم نفرفش كده عشان نفوق لزين ده. مروان بخبث: عندك حق. خلاص احجزي تذكرتين بسرعة. "الحفلات دي بتكون بفلوس كتير، وبقى الناس حلمهم يحضروا حفلة لمطرب معين، ومش بس كده يتصوروا معاه. ومفيش مشكلة لو البنت حضنته، عادي، ما هو مطرب مشهور؟ اتقوا الله. إنتوا رايحين تعملوا معصية وكمان فرحانين بيها؟

مش خايفين تقابلوا ربنا؟ إحنا مسلمين، فوقوا بالله عليكم. إحنا آخرتنا تراب. فوقوا يا مسلمين. إنتوا متتخيلوش حجم الذنوب اللي بتخدوها قد إيه بسبب حفلة ساعتين؟ وكمان بنجهر بالمعصية وبنوري للناس إننا حضرنا حفلة لكذا. بقينا بننبهر بالمعاصي. اتقوا الله وفوقوا. بلاش نخسر آخرتنا بسبب حفلة." *** "جهزت حياء سندوتشات وكوباية شاي بلبن، ثم خبطت على الباب مرة واثنين، ولم يأتِ رد من زين، مما أدى إلى دخول القلق في قلبها."

حياء بصدمة: زينيتبع........