«حياء بحب» بارك الله فيك يازوجي العزيز. «زين بحب» ويبارك لي فيكي يارب. «حياء بحب» عايزاني بقى تحكي لي عملت إيه في المسجد. «زين بتهيده» بس أنا جعان. «حياء بحب» بس كده، ثانية واحدة هحضر لك العشاء. ذهبت حياء لإحضار العشاء لزين في الغرفة. «حياء بحب» اتفضل العشاء جاهز. «زين بحب» تسلمي يا حياء. *** «فاديه بتنهيده» ريم، عايزيكي في موضوع. «ريم بحب» خير يا ماما. «فاديه بحب» جالك عريس وجايين بكرة بإذن الله.
«ريم بضيق» تاني يا ماما. «فاديه بحب» شوفيه، لو عجبك تمام، لو لأ مش هجبرك يا بنتي. «ريم بحب» حاضر يا ماما. «فاديه بفرحه» إن شاء الله هنفرح بيكي. بعد أن تناول زين العشاء قال: الحمد لله حمداً كثيراً مباركاً فيه يا رب العالمين. «حياء بشوق» قولي بقى عملت إيه في المسجد. «زين بحب» حاضر يا ستي. حكى لها زين كل شيء حدث في المسجد.
«حياء بحب» برافو، إجابة الشيخ في محلها فعلاً، عيب لما نتكبر على الناس عشان مبنعملش ذنب معين، مفروض نقول الحمد لله. «زين بحب» عندك حق، ربنا يهديه يارب. «حياء بحب» أقولك على حاجة تقربك من ربنا وبسببها ربنا يحبك؟ «زين بحماس» طبعاً، قولي إيه هي. «حياء بحب» أولاً عشان ربنا يحبنا لازم نبعد عن المحرمات والمعاصي ونعمل أعمال تقربنا من الله، وأكتر عمل يقربنا من الله وربنا عز وجل يحبنا هو إننا نصلي النوافل. قال رسول
الله صلى الله عليه وسلم: "وما تقرب إلي عبدي بشيء أحب إلي مما افترضت عليه، وما يزال عبدي يتقرب إلي بالنوافل حتى أحبه، فإذا أحببته كنت سمعه الذي يسمع به، وبصره الذي يبصر به، ويده التي يبطش بها، ورجله التي يمشي بها، وإن سألني لأعطينه، ولئن استعاذني لأعيذنه" رواه البخاري.
ثم تابعت بحماس شديد: تخيل لما ربنا يحبك هيكون سمعك اللي تسمع به، يعني مش هتسمع أي حاجة تغضبه، هتسمع اللي يرضيه. هيكون بصرك، يعني مش هتنظر لحاجة حرام، بنت مثلاً متبرجة معدية من جنبك هتتقي الله ومش هتبص لها، مش هتتفرج على أشياء محرمة. ويده التي يبطش بها، يعني مش هتنفق في حاجة حرام. ورجله الذي يمشي بها، يعني مش هتمشي في طريق حرام، طريقك هيبقى مستقيم. «زين بحب» يارب نكون من اللي ربنا بيحبهم.
«حياء بحب شديد» يااااه، نفسي ربنا يحبني أوي. إن شاء الله تصلي السنن معايا، دي هدية من ربنا متتعوضش. في أسهل من كده يا زين بذمتك؟
فعل صغير ولكن عند ربنا كبير. كلنا طمعانين في حب ربنا لينا. ربنا لو حب العبد يبقى على الدنيا دي السلام. إحنا لما بنحب حد بنحاول نعرف عنه كل حاجة عشان نعملها عشان يحبنا، والله المثل الأعلى. كذلك ناخد بالنا من التشريعات اللي رسولنا الكريم وضعها لنا، نتجنب الحرام ونعمل الحرام. بس للأسف إحنا عميين، عينينا عن حلاوة الحلال ومش شايفين غير الحرام بس.
«زين بفهم» عندك حق، للأسف بقينا مسلمين بالاسم بس، بس أفعالنا مدلش على كده أبداً. يبقى ربنا فرض الصلاة وتلاقي معظمنا مبيصليش. يبقى ربنا فرض اللبس الواسع على البنات المسلمين وتلاقي المعظم متبرج. ربنا حرم الاختلاط وتلاقي معظم البنات والولاد مصاحبين بعض أو مرتبطين، ميعرفوش إن ربنا حرم الحاجات دي عشان ميكونش فيه مفاسد ومعاصي ونكون عايشين عيشة حلوة وهادية. بعدنا عن طريقنا الصحيح. نفسي شباب المسلمين يفهموا ده، إنهم والله مش هيشوفوا فلاح في حياتهم مادام بيغضبوا ربنا عز وجل.
«حياء بحب» فرحانة بكلامك أوي يا زين. عندك حق، إحنا بعاد أوي عن ربنا. أنا كمان نفسي بنات المسلمين تكون واعية وفاهمة إن الدنيا دي هتسيبها. اللبس المتبرج مش هيشفع لها، والمكياج مش هيشفع لها، محدش هيشفع لها. نفسي نفهم إننا جايين لمهمة وهنمشي منها. لو فكرنا بس في آخرتنا لو ثانية مش هنعمل كل المعاصي دي. الحياة جميلة ونعيشها بس برضا الله. كل حاجة لما نعملها برضا الله والله هتلاقي بركة وسعادة في حياتك ملهاش حدود. كفاية بس إن ربنا موفقك إنك ترضيه، دي كفاية. اللهم الثبات حتى الممات.
«زين بخوف» يارب يارب ثبتنا، اللهم آمين، وقربنا منك كمان وكمان يارب. «حياء بحب» إن شاء الله يا زينو، يعني هتصلي معايا السنن؟ «زين بحماس» طبعاً، هي دي محتاجة كلام بردو. «حياء بحب» طب يلا، معاد قيام الليل جه يا زين. «زين بحماس» تيجي النهاردة نتحدى بعض في العبادة؟ «حياء بحب» مش فاهمة أوي قصدك إيه. «زين بحب» يعني نشوف مين اللي هيقيم الليل بعدد أجزاء أكتر من التاني. «حياء بحماس» ماشي، بس خلي بالك، أنا اللي هكسب.
«زين بغيظ» بلاش الثقة دي يا حياء، أنا اللي هكسب. «حياء بثقة» لما نشوف يا زنازينو مين اللي هيكسب. «زين ببرود» أوك، هنشوف يا حياء.
مفيش أحلى من إنك تتسابقي مع شريك حياتك مين هيرضي ربنا أكتر. مفيش أحلى من شريك حياة ياخد بإيدك للجنة. مفيش أحلى من شريك حياة يكون عارف كويس الله ورسوله. لما تقولي له عايزة البس النقاب ميعترضش، بالعكس يوافق ويشجعك عليه أكتر. لو ربنا اداكي زوج مش ملتزم، حاولي تشجعيه على الصلاة والعبادات. في رجال كتير بتتجوز بنات مش ملتزمة وبعد الجواز بتتغير مليون درجة، فإنتي خليكي المعين لزوجك عشان تبني أسرة ملتزمة. ***
«ريم بتكلم رودينا صديقتها على التليفون» «ريم بفرحه» ماشاء الله يا رودينا، ربنا يتمم فرحتك على خير يارب. «رودينا بطمع» الحمد لله، غني أوي يا ريم، وهيجيب لي شبكة كبيرة وعنده عمارة ماشاء الله وبيسافر السعودية. «ريم بحب» ما شاء الله، اللهم بارك، ربنا يبارك لك يارب. بس أهم من ده كله أخلاقه واحترامه. «رودينا بإنفعال» يا بنتي بقولك غني وبيسافر السعودية وكده، وإنتي تقولي لي أخلاقه؟ هو عموماً محترم يعني وكويس.
«ريم بخوف» أوعي تكوني واخداه عشان هو غني بس وكده، وعيشتك معاه هتبقى مرتاحة. «رودينا بذكاء» يا بنتي أنا بدور على واحد قادر يعيشني ويفسحني وكده، وبعدين هو محترم، متخافيش عليا، أنا عارفة كويس أنا بعمل إيه. «ريم بخوف» عندك حق، كل واحدة عارفة مصلحتها فين. «رودينا» المهم، إنتي مش هنفرح بيكي بقى؟ «ريم بقلق» هو المفروض في عريس بكرة هييجي يعني وكده، بس خايفة يطلع شبهه جاسر. «رودينا بضيق» وماله جاسر؟
كان راجل بجد تتمناه أي بنت، إنتي اللي غبية، مش هتلاقي الملتزم اللي إنتي عايزاه ده. «ريم بثقة» لأ، هلاقي، كل واحدة وليها نصيبها اللي يشبهها، وأنا بدعي ربنا دايماً بزوج صالح. «رودينا» طيب يا اختي، أنا هقفل بقى، إنتي عارفة التجهيزات الخطوبة. «ريم بحب» لو عايزة مساعدة أنا موجودة. «رودينا بحب» حبيبتي، تسلمي، لو احتاجتك هقولك. «ريم بحب» مع السلامة.
لما تختاري اختاري صح، متبصيش على ماله ولا جماله. هيفيد إيه ماله لو ألفاظه مش كويسة وبهينك قدام أهلك؟ هيفيد إيه جماله لو هو بصباص وبتاع بنات؟ سيبك من المظاهر، المظاهر خداعة جداً. متفرحيش بالعماره بتاعته، إنتي هتعيشي معاه هو. في راجل تبقي عايشة معاه في شقة صغيرة بس تحسيها جنة من احترامه وأخلاقه والتزامه، وممكن تبقي عايشة في عمارة بس تحسيها جحيم ومش مرتاحة فيها، فمتخليش المظاهر تخدعك.
اثبتي لحد ما تلاقي الزوج الصالح، حتى لو رفضتي مليون عريس. دي حياتك إنتي، وكل واحدة وعارفة مصلحتها فين. الزواج ده رزق ونعمة من الله، فربنا هو اللي بيبعتلك رزقك يا غالية. قولي يارب، وكلتك أمري. *** «حياء بتعب» أنا تعبت. «زين بفرحه» يعني انسحبتي؟ «حياء بغيظ» لأ، أنا هرتاح وهكمل، مش هخسر يا زين. «زين بتحدي» لما نشوف. بعد ساعة كانت حياء انتهت من قيام الليل. «حياء بتعب» أنا الحمد لله أقمت الليل بـ 10 أجزاء.
«زين بثقة» وأنا كمان أقمت الليل بس بـ 11 جزء، يعني أنا اللي كسبت. «حياء بغيظ طفولي» لأ، أنا اللي كسبت. «زين بغيظ» لأ، أنا يا عسل، تعوضي بكرة بقى. «حياء بزعل» بكرة أنا اللي هكسبك. «زين بثقة» لما نشوف. بس أنا عايز هدية بقى. «حياء بحب» ماشي، ليك عندي هدية. «زين بحب» شكراً يا حياء. «حياء بحب» العفو، هديتك هتبقى بيت في الجنة. «زين بعدم فهم» إزاي؟ «حياء بحماس» بحاجة صغيرة أوي أوي. «زين بحب» إيه هي؟ قولي لي.
«حياء بحب» إنك تقرأ سورة الإخلاص 10 مرات كل يوم. قال رسول الله عليه أفضل الصلاة والسلام: "من قرأ سورة الإخلاص (قل هو الله أحد) عشر مرات بنى الله له بيتاً في الجنة". إيه رأيك في هديتك بقى؟ «زين بحب» دي أحلى هدية. وأنا بردو هديكي هدية بس لو كسّبتيني بكرة. «حياء بحماس» اتفقنا. *** «الدكتور بفرحه» ما شاء الله يا أحمد، بدأت تتعافى كلياً. «احمد بفرحه» بجد يا دكتور؟ «الدكتور بفرحه» أيوه بجد، أسبوع بالكتير وتخرج من هنا.
«احمد بفرحه ودموع» الحمد لله، اتعفيت. طب وصاحبي أيمن، إخباره إيه؟ «الدكتور» متخافش عليه، هيطلع معاك في نفس الأسبوع. أنا همشي أنا بقى. «احمد بفرحه» مع السلامة. «طاهر بفرحه» أيوه يا عم، هتخرج وتعيش ومزاجك عال. «احمد بحب» عقبالك يا حبيبي يارب. «طاهر بحزن» أوعى تنساني يا أحمد، ابقى تعالى زرني، أنا مليش حد غيرك هنا. «احمد بحب» متخافش، هجيلك كل يوم، عمري ما أنساك يا صاحبي. «طاهر» وده عشمي فيك بردو يا صاحبي.
«احمد بخوف» مالك؟ إنت خايف من حاجة؟ «طاهر بخوف» مش عارف، بقالي فترة بفكر في الموت. «احمد بحب» طب وإنت خايف ليه من الموت؟ تحب أطمنك. «طاهر بحب» يا ريت. «احمد بحب» بص يا سيدي، لما تموت وبعد سكرات الموت الشديدة، يأتي لك الملائكة لونهم أبيض ناصع البياض، يأخذونك إلى السماء السابعة حتى تدفن. «طاهر» ها، وبعدين؟ «احمد بحب» بعد ما تدفن روحك هترجع إلى جسدك، بعدها تأتي ضمة القبر، تأتي جميلة ويكاد يحس بها المؤمن. وبعد كده
يأتي الملائكة ليسألونك: من ربك؟ ومن نبيك؟ وما دينك؟ يجيب عليها المؤمن الذي يذكر الله بسهولة، وفيه اللي بيتعثر بس بيجيب في النهاية. «طاهر بطمأنينه» وبعدين؟ «احمد» وبعد كده بتسمع أحلى صوت في حياتك وهو صوت الله يقول: نعم، إن إجابته صحيحة. ثم يذهب السائلون ليتوسع قبرك ويكون جنة. ويأتي رجل جميل لم تره مثله في حياتك، هتقوله مين أنت؟ هيقولك: أنا عملك الصالح، فيأخذ بيدك ويدخلك باب من أبواب الجنة. «طاهر بدموع» وبعدين؟
«احمد بحب» من شدة روعة المنظر تقول: ربي أقم الساعة، ربي أقم الساعة. هيقول لك الله سبحانه وتعالى: حتى يأتي موعدها يا عبدي الصالح. مجرد بس أتخيل تشعر بالراحة. رزقنا الله الجنة. «طاهر بدموع» وأنا ممكن أدخل الجنة؟ «احمد بتشجيع» أيوه طبعاً، هي مش الجنة اتخلقت لينا؟
يبقى لازم نجاهد لحد ما نوصلها. مدام لسه بتتنفس يبقى لسه فيه أمل تدخل الجنة. الدين يسر وسهل وجميل، يدوبك بس تفعل الواجبات اللي عليك وتبعد عن الحرام. بس هو ده الدين، دين اليسر. بس إحنا اللي بنعسر كل حاجة علينا. نحمد ربنا كل يوم إننا فوقنا يا طاهر، الحمد لله. «طاهر بطمأنينه» والله أنا بقيت مبفوتش فرض وباخد العلاج وملتزم وعلى طول بذكر الله. أتمنى من الله يسامحني.
«احمد بحب» صلح حالك ده يدل على إن ربنا قبل توبتك يا طاهر. أول لما تبعد عن الذنب فعلاً ومتقربلهوش وتصلي وتفعل العبادات يبقى ربنا قبل توبتك وهداك كمان. الحمد لله. «طاهر بإحراج» بس أنا مستحي من ربنا أوي على اللي عملته.
«احمد بتشجيع» سيبك من اللي فات ومن اللي عملته ومتستحيش من ربنا، ملناش غيره يا طاهر. مدام تبت يبقى إن شاء الله سيئاتك تتبدل لحسنات بإذن الله. بس الماضي حصل وخلاص، خليك في الحاضر. ولازم تعرف إن كل بني آدم خطاء، كلنا بنعمل أخطاء بس ربنا سترها علينا وهدانا. إنت كنت تصدق إنك تبطل إدمان وتتوب؟ «طاهر» لأ خالص، ولا عمري فكرت أتوب حتى.
«احمد» ولا أنا حتى، بس شفت يا أخي كرم ربنا على عبده. بيحبك أهو وبيرجعك ليه وإنت استجبت. متخليش شيطان يضحك عليك ويحسسك إنك مهما عملت مش هتدخل الجنة. لأ، هتدخلها بإذن الله يا صاحبي. «طاهر بدموع» ياررب يارب، نفسي أدخل الجنة يارب. «احمد بحب» إن شاء الله هندخلها يا طاهر، أنا متفائل بإذن الله. *** صباح يوم جديد. أفاقت حياء من نومها هي وزين وقاما بالصلاة ركعتين قبل الذهاب من البيت، فهذه من السنن المهجورة. فذهبت
إلى الشركة بفرحة قائلة: من القمر اللي هتلبس النقاب النهارده؟ «حنين بفرحه» .........
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!