رواية تزوجتني رغما عني فأحببتك الفصل السادس والعشرون 26 - بقلم فاطمة سيد

حياء بصدمة: مالك يا ندي في ايه؟ ندي بعياط: اتعورت يا حياء وأنا بلعب. حياء بخوف: متخافيش يا حبيبتي، تعويرة صغيرة. قامت حياء بتطهير الجرح جيداً. كان الجرح ليس عميقاً على الإطلاق، ولكن حياء تعتبرها أختها الصغيرة، فكانت خائفة عليها للغاية. حياء بحب: بعد كده تخلي بالك وأنتِ بتلعبي. ندي بحب: حاضر. حياء بحب: صليتي يا ندي النهاردة؟ ندي بحب: لا، لسه مصلتش. حياء بزعل: ليه بقى؟ إحنا مش اتفقنا نصلي في معادنا؟

ندي بزعل: ماهي ماما مبتصليش، أصلي أنا ليه؟ حياء بتوتر: وبعدين معاكي يا ندي؟ يعني عشان ماما مبتصليش يبقى أنتِ متصليش؟ أنا هكلم ماما عشان تصلي معاكي. ندي بحب: بجد يا حياء؟ حياء بحب: آه بجد. يلا روحي اتوضي، وزي ما علمتك، بلاش إسراف في الميه عشان كده غلط. ندي بحب: حاضر. حياء بحب: شطورة يا روحي، صلي وتعالي اقعدي معايا. ندي بفرحة: ماشي.

ندي تحب حياء بشدة، فهي تحبها وتعلمها دينها، وتحاول حياء معها كأنها أختها وابنتها الصغيرة في تعليمها وتدليلها. لما تبقي أم ومبتصليش، مهما قولتي لأولادك يصلوا مش هيصلوا، لأنهم هيقلدوكي. أنتِ بتطلبي من بنتك تصلي إزاي وأنتِ أصلاً مبتصليش؟ بتفضلي تقوليلها إن الصلاة مهمة وأنتِ مبتصليش؟

كده مش هتبني بيت مسلم صح. قبل ما تطلبي حاجة لازم أنتِ تعمليها. حاوطي أطفالك وخليهم جنبك، خليكي دايماً معاهم، العبي معاهم وصلي معاهم وعلميهم. الأم مدرسة، الأم هي المجتمع، الأم هي اللي بتطلع أجيال ملتزمة. حياء: اتفضلي. جهاد بحب: يزيد فضلك يا حبيبتي. حياء بحب: اللهم آمين. شهد بحب: شكراً يا حبيبتي. حياء بحب: الشكر لله يا قمر. نور بحب: تسلم إيدك. حياء بحب: حبيبتي وتسلميلي يا رب.

لما حد يقدم لك مشروب أو أكل، مفروض تقولي كلمة حلوة كده زي "تسلم إيدك" أو "تعبتي نفسك ليه؟ " يعني قدري الحاجة اللي اتعملت لك حتى لو صغيرة. حياء: ماما، تعرفيش زين فين؟ سلمى بحب: راح هو وماجد المسجد يقعدوا فيه شوية. حياء بفرحة: ما شاء الله، اللهم بارك. جهاد بحب: البركة فيكي أنتِ يا حياء. حياء بحب: أنا معملتش حاجة، كله بفضل الله. ربنا يهديه ويهدينا يا رب.

سلمى بحب: شهد، اقفلي الأغاني دي معلش يا حبيبتي عشان حياء مبتسمعش أغاني. حياء بحب: آه، بعد إذنك يا شهد لو مش هيضايقك. شهد بضحك: هو في حد مبيسمعش أغاني؟ حياء بضحك: أيوه يا ستي أنا. ممكن تقفلي بقى. قفلت شهد الأغاني احتراماً لها. حياء بحب: شكراً يا حبيبتي. شهد بعدم فهم: العفو، بس الأغاني مش حرام. حياء بحب: ومين قالك إنها حرام؟ الأغاني مش حرام، بس لازم يتوفق فيها شروط. شهد باستماع: إيه هي الشروط؟

حياء بحب: أول حاجة، ميكنش فيها موسيقى. (عن أبي مالك الأشعري -رضي الله عنه -أنّه سمع رسول الله -صلّى الله عليه وسلّم -يقول: "لَيَكونَنَّ مِن أُمَّتي أقْوامٌ، يَسْتَحِلُّونَ الحِرَ والحَرِيرَ، والخَمْرَ والمَعازِفَ") شهد بإنصات: والشرط التاني؟

حياء بحب: الشرط التاني وهو الكلام. الكلام لو عبّر عن حزن أو حب أو كلام بذيء أو كلام ملوش معنى يبقى حرام. ولو الكلام ده على الحجاب أو في حب الله ورسوله أو يقربك من ربنا يبقى حلال. يعني موسيقى حرام ومفهوش جدال، أما الكلام مش حرام زي ما قولتلك، لو دل على حب الله ورسوله أو الحجاب أو كده، وهو بيتسمى بالأنشيد الإسلامية. شهد بلقلقة: مش مقتنعة إنها حرام برضو. إيه مشكلة لو سمعت حزين أو رومانسي يعني؟

حياء بحب: طب مادام هي مش حرام، تعرفي تدخلي المسجد وتشغلي أغاني؟ أو تروحي الكعبة وتشغلي أغاني؟ أو لما الأذان بيأذن متقفليش الأغاني؟ شهد بصدمة: لا لا، استغفر الله العظيم وأتوب إليه. أنا أشغل أغاني في الأماكن دي استحالة. حياء: ليه؟ ماهي حلال. شهد باقتناع: أقنعتيني الصراحة. حياء بحب: فكري معايا كده، هل الأغاني دي هتتحط في ميزان حسناتي ولا سيئاتي؟ وهل الأغاني دي بتوصف مشاكلي وبتحلها ولا بتوصفها بس؟

بتقربك من ربنا ولا بتبعدك؟ هل الأغاني دي بتخليكي مشتاقة تسمعي للقرآن ولا بتبعدك عنه أصلاً؟ هل وأنتِ بتسمعي أغاني هتموتي على حسن خاتمة ولا سوء خاتمة؟ هل كل حرف من الأغنية بحسنة ولا سيئة؟ هل لو خليت اللي جنبي يسمع الأغنية هاخد حسنات ولا سيئات؟ قال تعالى: (وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا ۚ أُولَٰئِكَ لَهُمْ عَذَابٌ مُّهِينٌ)

. تخيلي ربنا توعد إزاي للي بيسمع الأغاني بـ إيه؟

بعذاب مهين. أنتِ اخترتي برغبتك كلام البشر اللي بيحبطك وبيخليكي كئيبة. عمر الإنسان بعيد عن ربنا ويختار طريق تاني ويكون مرتاح فيه. الأغاني بتسلب روحك، الشيطان بيبقى فرحان جداً وأنتِ بتشغلي أغنية لأنه عارف إن يوم القيامة هتتعذبي. ممكن بسبب الأغاني دي تدخلي النار. الأغاني مش حاجة سهلة كده نستخف بيها، بقت حياة المسلمين أغاني، ولا كأن الله عز وجل حرمها. حرمها أولاً عشان بيحبك وعايزك تسمعي كلامه وتهتدي بيه ويبعدك عن الاكتئاب والضلال.

قال تعالى: (اللَّهُ نَزَّلَ أَحْسَنَ الْحَدِيثِ كِتَابًا مُّتَشَابِهًا مَّثَانِيَ تَقْشَعِرُّ مِنْهُ جُلُودُ الَّذِينَ يَخْشَوْنَ رَبَّهُمْ ۖ ثُمَّ تَلِينُ جُلُودُهُمْ وَقُلُوبُهُمْ إِلَىٰ ذِكْرِ اللَّهِ ۚ ذَٰلِكَ هُدَى اللَّهِ يَهْدِي بِهِ مَن يَشَاءُ ۚ وَمَن يُضْلِلِ اللَّهُ فَمَا لَهُ مِنْ هَادٍ) . أنتِ بجد إزاي سايبة القرآن وجماله وبتسمعي كلام يضرك ويغضب ربنا منك؟ شهد بتوتر: بس مش عارفة، بحب الأغاني أوي الصراحة.

حياء بحب: بس أكيد بتحبي ربنا أكتر ويهمك رضا ربنا عليكي أكتر. تخيلي ربنا شايفك وأنتِ بتعصيه، شكلك قدام ربنا عامل إزاي؟ يعني لما يقولك "لماذا عصيتني يا عبدي؟ " هتقولي إيه؟ "معلش يا رب، حسن بحب الأغاني؟ " ربنا ورضاه أهم حاجة في حياتنا. أنتِ عارفة لما تبعدي عن الأغاني وتسمعي قرآن، صدقيني هتكريهي الأغاني كره العمى. شهد بصدمة: بجد؟ معتقدش. حياء بثقة: ومتعتقديش ليه؟

أنا عندي بنت خالتو ريم كانت بتعشق الأغاني، تصحى وتقوم على الأغاني، بس فجأة كرهت حياتها وكل حاجة واتغيرت ورجعت لربنا. صدقيني، الإنسان مهما يلف ويدور ملوش غير ربنا. فادية بزعل: يا بنتي بطلي عياط بقى. ريم بدموع: الله يسامحك يا ماما، قلت لك مش عايزة أروح الفرح. فادية بزعل: كل ده عشان رحتي الفرح؟ ريم بدموع: قلت لك مش عايزة أغضب ربنا وأنتِ ولا هنا. الله يسامحني يا رب. فادية بزعل: خلاص مش هجبرك تاني، بس كفاية دموع بقى.

مستغربيش من دموع ريم. البنت اللي بتخاف ربنا بجد، لما بتعمل ذنب معين بتلاقي قلبها وضميرها شغال، وبتلاقيها مش مبسوطة وهي بتعمل الذنب، بالعكس بتبقى زعلانة وهتموت من الزعل. اعرف واحدة صاحبتي، مامتها وأختها ضحكوا عليها وقالولها "البسي طرحة طويلة وبلاش خمار". البنت من كتر الزن وافقت، بس أول ما راحت مبطلتش عياط وتقول لربنا "سامحني"، مع إنها مخرجتش بيه. بس قلبها وضميرها وبخوها في ساعتها وأقسمت البنت إنها مش هتلبس الطرحة الطويلة لأنها مش ساترها زي الخمار. طول ما ضميرك صاحي يبقى أنتِ في السليم. أول ما ضميرك يأنبك على فعل معين، انتهي عنه.

ريم مسحت دموعها قائلة: بعد كده متجبرنيش على حاجة مخالفة للدين. لو عايزة تضربيني اضربيني، بس سبيني في حالي. فادية بضيق: استغفر الله العظيم يا رب. أنا هقوم أصلي. ماجد بحب: أنا فرحان بيك يا ابني، ربنا يهديك كمان وكمان. زين بحب: حبيبي يا بابا، تسلم. كله بفضل الله. ثم تابع كلامه: الشيخ جهه أهو. ماجد بحب: آه، ماهو بيجي عشان لو حد حب يسأله على حاجة. زين بحب: لما نشوف الناس هتسأل على إيه.

الشب 1: لو سمحت يا شيخ، عايز أسأل سؤال. الشيخ بحب: السلام عليكم ورحمة الله وبركاته أولاً يا شباب عشان مألقتش عليكم التحية والسلام واجب. الشباب: وعليكم السلام ورحمة الله وبركاته. الشيخ بحب: اسأل يا حبيبي. الشب: هو لما واحد يحضن بنت في العربية ويعمل معاها حاجة غلط وبعدها يتوب، إزاي يتساوى مع واحد معملش كده؟

الشيخ بحزم: التائب من الذنب كما لا ذنب له. وبالنسبة للمقارنات التي تؤدي للتسخط على أحكام وأقدار الله، أعظم مائة مرة من ألف حضن وقبلة. الشب بغيظ: إزاي نتساوى؟ أنا عمري ما أعمل كده أبداً لأنه حرام. إزاي نبقى زي بعض؟ طب ما أنا أعمل الذنب بقى وبعدها أتوب وخلاص. الشيخ بحزم: أعوذ بالله من الكبر والاستكبار بالعبادة. الشب بضحك: كل الحكاية إني استحالة أجي ناحية الذنب ده لأني أتقي الله وبخاف منه. فإزاي الشاب ده يتساوى بيا؟

أنا يعني أنا أفضل منه؟ ده كان قصدي. الشيخ: بنفسيتك دي؟ وبقلبك ده؟ استحالة تتساوى، عشان هو هيكون أفضل منك. قال المناوي: "رب معصية أورثت ذلاً واستكباراً خيراً من طاعة أورثت عزاً واستكباراً". الشب بخوف: يعني أنا كده متكبر يا شيخ؟ الشيخ: للأسف، أيوه. الشب بخوف: طب أعمل إيه عشان مبقاش متكبر؟ أنت خوفتني يا شيخ.

الشيخ بحزم: لازم تفهم إن ابتعادك عن ذنب معين وعدم التقرب منها دي مش شطارة منك، ده توفيق من الله عز وجل. لازم تحمده وتشكر عليه. ونتمنى لغيرنا كل خير. ولما حد يعمل ذنب، متبصش له بصة إنه "أنا أفضل منه عشان هو تاب". فـ هو وأنت واحد. وحاجة أخيرة، محدش بيعلق على حد بذنبه غير لما ربنا بيبتليه بنفس الذنب. بلاش تعيب على أخيك. احذر، كلنا بيد الله، كيف يشاء فبلاش التكبر ده يا ابني. الشب بإحراج: حاضر.

الشيخ بحب: يلا نقوم نصلي ركعتين توبة لله. صفاء بحب: أحمد، عامل إيه يا ابني؟ أحمد بحب: بأفضل حال. مني بحب: بتاخد العلاج يا أحمد؟ أحمد بحب: كله والله. وبقى الكل هنا بيحبني. حتى بفكر بعد ما أخف أشتغل هنا وأساعد الناس اللي بتعاني من الإدمان. صفاء بفرحة: يا ريت يا ابني، والله ولك الثواب. أحمد بحب: يارب. ثم تابع بحزن: هي حياء، مفيش أخبار عنها؟ صفاء بحزن: لأ يا ابني.

أحمد بحزن: كان نفسي تبقى ليا أوي يا خالتي، بس أنا عارف إني مستحقهاش. لو كنت اتجوزتها كنت بهدلتها. الحمد لله. مني بحب: ربنا يعوض عليك يا حبيبي، اللهم آمين. أحمد بحزن: معتقدش هلاقي زيها. بس أنا موكل أمري على الله، خير إن شاء الله. صفاء بحب: خد بالك على نفسك يا أحمد. أحمد بحب: حاضر والله. وأخبار صحتك إيه؟ صفاء: الحمد لله، السرطان خف كتير. إن شاء الله هرجع بصحتي تاني. أحمد بحب: إن شاء الله. مع السلامة.

ودع أحمد والدته وخالته صفاء، فقام بالصلاة على النبي. طاهر بحب: أنت بتقول إيه يا أحمد؟ أحمد بحب: بصلي على النبي صلى الله عليه وسلم. طاهر بحب: برافو عليك، ليها فوائد كتير جداً. تحب تسمعها؟ أحمد بحماس: أحب أوي. طاهر بحب: 1 -سبب لشفاعته صلى الله عليه وسلم. 2 -سبب لغفران الذنوب وستر العيوب. 3 -تقوم مقام الصدقة. 4 -سبب لقضاء الحوائج. 5 -سبب لزكاة المصلي وطهارة له. 6 -سبب للنجاة من أهوال يوم القيامة. 7

-من أعظم الثمرات وأجل الفوائد المكتسبات بالصلاة عليه صلى الله عليه وسلم انطباع صورته الكريمة في النفس. أحمد بحب: أنت حمستني زيادة والله. طاهر بحب: وفيه كتير من صيغ الصلاة على النبي،

ولكن أفضل صيغة هي: "اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ". وفي صيغ تانية، بس دي أفضل صيغة. أحمد بتحدي: خلاص، احنا نعمل تحدي، اللي هيصلي على النبي أكتر من التاني. اتفقنا.

طاهر باستعداد: اتفقنا. بعد أن خلص الشيخ من الصلاة قائلاً: حد عنده أسئلة يا شباب قبل ما أخرج؟ زين بتوتر: أنا يا شيخ. الشيخ بحب: اتفضل يا ابني. زين بتوتر: أنا تائب من فترة صغيرة، بس الحمد لله بقيت بصلي وكده، وزوجتي مساعداني على كده. ولكن بخاف أتنكس. إيه هي العوامل اللي تخليني دايماً ثابت ومأقعش في العبادة؟ الشيخ بحب: مبارك الأول على رجوعك لطريق ربنا. هقولك على ما يعينك على الثبات: -الدعاء والتوجه إلى الله.

-الإخلاص في العودة، وصدق التوبة، فإن توبة الكذابين هي أن يقول الإنسان: تبت إلى الله مع أن القلب متعلق بالمعاصي. -الانتقال من بيئة المعصية، وقد جاء في الحديث: (ولكنك بأرض سوء فانتقل إلى أرض كذا وكذا) -التخلص من رفاق السوء، ومصاحبة الأخيار، لقوله صلى الله عليه وسلم: (فإن بها أقواماً يعبدون الله فاعبد الله تعالى معهم) -التخلص من أدوات المعصية مهما كانت قيمتها. -طلب العلم الشرعي، والحرص على مجالسة الصالحين.

-إيجاد البرامج البديلة. -الإكثار من الاستغفار. -تجنب الوحدة؛ فإن الشيطان مع الواحد. -التوغل في الدين برفق، فإنه لن يشاد الدين أحد إلا غلبه. -عدم الالتفات إلى كلام المثبطين حتى ولو كانوا من الأقربين. -معرفة مصايد الشيطان وكيد الأشرار. -عدم التأخر في العودة والتوبة. ثم تابع كلامه: لو عملت بالـ 13 خطوة دول، صدقني هتثبت بإذن الله تعالى. شوف إيه اللي مش عندك من الـ 13 دول وابدأ اعمله. زين بحب: حاضر يا شيخ.

الشيخ: ويحضر لك الخير يا ابني، اللهم آمين. أنا كل يوم خميس باجي هنا، أي حد محتاج حاجة يقولي. الشباب: حاضر يا شيخ. الجميع استأذن من الشيخ وغادروا المسجد. زين بحب: قد إيه المسجد يريح القلب بالهدوء اللي فيه، سبحان الله. يا بابا، بجد كأنك غسلت همومك ومشيت. ماجد بحب: عندك حق يا ابني. يلا نروح. زين بحب: يلا. قائل في نفسه: البت حياء، حيوية وحشتني. فادية وهي بتصلي كانت ناسيه إن اللبن على النار، قائلة بصوت عالٍ

كي تسمع ريم: الله أكبر. ريم بعدم فهم: هي بتعلي صوتها ليه؟ فادية بصوت عالٍ: سمع الله لمن حمده. لاحظت ريم إن اللبن على النار فأطفأته. فادية بعصبية: أنتِ غبية مش شايفة إني عمالة أعلي في صوتي؟ ريم بهدوء: صلاتك كده باطلة، عيديها تاني. مينفعش لما تصلي تفضل تعلي في صوتك وتبص يمين وشمال. وتفضل تبرق. أنتِ في الصلاة أمام الله عز وجل، يعني بتصلي تمام؟

النبي صلى الله عليه وسلم لما كان بيدخل الصلاة مكنش بينتبه لحد خالص، بيركز في صلاته. آخرك تضرب بإيدك، المرأة تصفق. فادية: طيب، هعيدها تاني. استأذن الضيوف، وبعد حمد الله، قدرت حياء في إقناع شهد بترك الأغاني، فجاءت ندي الصغيرة بجوارها. حياء بفرحة: الحمد لله، شهد اقتنعت إن الأغاني حرام. ندي بفرحة: شطور يا حياء. بعد قليل وصل زين وماجد إلى المنزل. زين بحب: حياء، أنا جيت.

حياء بغيظ طفولي: منحرمش من دخلتك عليا أبداً، بس متكلمنيش. زين: ليه بس؟ أنا عملت حاجة؟ حياء بحب: عشان روحت المسجد من غير ما تاخدني معاك. زين بحب: صلاتك في البيت أفضل وأعظم أجر من صلاتك في المسجد. حياء بحب: ليه بقى؟ كانت حياء تعلم الإجابة جيداً، ولكن تريد تسمعها منه. زين بحب: إن الشرع يا حياء لم يحرم صلاة المرأة في المسجد، ولكن الأفضل لها التستر لأنها غالية ومصونة. والأمر الثاني إن النبي صلى الله عليه وسلم قال:

(صلاتهن في بيوتهن خير لهن) . إذاً صاحب الشرع الشريف هو صلى الله عليه وسلم قال هذا: (صلاتهن في بيوتهن خيرًا لهن) لأنها كلما استترت في منزلها كلما كان ذلك أفضل لها. حياء بحب: ..........