رواية تزوجتني رغما عني فأحببتك الفصل الثالث والعشرون 23 - بقلم فاطمة سيد

«زين قائل لنفسه» جزاكي الله كل خير ياحياء. ذهبت حياء إلى بيت عمتها فادية. «حياء بحب» السلام عليكم ورحمة الله وبركاته. «ريم بفرحه» وعليكم السلام ورحمة الله وبركاته. أنا قولت إنك مش هتيجي. «حياء بحب» إزاي يعني أختي تكون محتاجاني ومجلهاش؟ «ريم بحب» حبيبتي ياحياء، اتفضلي ادخلي. «حياء بحب» أما أين عمتو فادية؟ «ريم بحب» راحت مشوار كدا وجاية. كويس عشان أعرف أحكيلك كويس. «حياء بحب» تمام ياستي، قوليلي بقى فيه إيه. «ريم بحزن»

بصي ياحياء، أنا آه مش ملتزمة الالتزام الكافي، بس والله بحاول على قد ما أقدر. المهم أنا اتخطبت لشخص وقولتله هنعمل ضوابط الخطوبة، فاتفقنا واتخطبنا. بس بعدها اتغير وبقى بيخالف الضوابط دي. وأنا قولتله: لاء مش هينفع. قام مكلم ماما، فضلت تهزق فيا وتزعقلي وتقولي: إنتي غبية كدا ليه؟ وحسستني إني غلط. «حياء بتنهيدة»

للأسف الأهل بقت بتشجع أولادها على الغلط، مبقاش فيه دين الأيام دي للأسف. أنا عايزة أقولك إنك صح وعلى حق كمان. لا طاعة لمخلوق في معصية الخالق. مش عشان أرضي أهلي أعصي ربنا. ربنا أكبر من إنك تفكري تعصيه عشان حد. لو مامتك قالتلك روحي اسرقِ، هتسرقي؟ «ريم برفض» لأ طبعاً مش هوافق. «حياء بتشجيع» يبقى متسمعيش لكلام حد، لا أب ولا أم ولا أخ. هيقفوا معاكي أمام الله سبحانه وتعالى. إنتي هتتحاسبي لوحدك على أفعالك.

الكل هيقول: نفسي نفسي. مامتك ذات نفسها مش هتعرفك وهتقف أمام الله تقوله: وهي صغيرة عشان تسمع كلامي؟ زي الشيطان بالظبط بيوسوسلك تعملي المعصية، بس مش بيجبرك عليها. إنتي لازم يكون رضا ربنا رقم واحد في حياتك. لو كل واحدة عملت كدا هتبعد عن المعاصي والذنوب. أشوف الأول الفعل دا هيرضي ربنا ولا لأ. أوعي تمشي جوازة على معصية. لاء، إنتي صح. وكمان

دكتور محمد الغليظ قال: ضوابط الخطوبة كفيلة تطفش أي عريس مش ملتزم. فكيد عشان إنتي بترضي ربنا، ربنا عز وجل أعطالك علامات تبين هو ملتزم فعلاً ولا لأ، فماتغفليش عنها. هل دي أفعال شخص ملتزم ولا لأ؟ «ريم بفهم» قصدك يعني ربنا بيوضح صورته قدامي؟ «حياء بحب» أيوه، ولازم تاخدي بالك من العلامات دي. زي مثلاً، إنتي ممكن تسأليه: بيصلي؟

يقولك: آه بصلي طبعاً. بس بعد الخطوبة تبقي قاعدة معاه والمغرب والعشا أذن وهو مركعهاش، يبقى دا يوضحلك إنه كداب ومبيصليش. مفيش واحدة بترضي ربنا وربنا يضلها أبداً. لازم تعرفي إن اختيار الزوج صعب جداً، دي حياتك كلها معاه. فاختاري كويس شريك حياتك ومتستعجليش. صلي صلاة استخارة وشوفي ربنا هيدلك على إيه. «ريم بحب»

مش عارفة أقولك إيه بجد، شكراً ليكي. كلامك كله هعمله. بس فيه مشكلة تانية وهي إني بأخر الصلاة عن معادها وتعبت من نفسي أوي. «حياء بحب» أنا هقولك على 7 نافعة بإذن الله، كنت سمعتهم من أستاذ خالد أبو شادي، قال: 1. قومي إلى الصلاة فور سماع النداء مهما تكن الظروف، ويعينك على هذا علمك أن الله لا يبارك في أي عمل يُلهي عن الصلاة. 2. استعيني بأختك أو أمك أو صديقة لك في تذكيرك وإعانتك على صلاتك.

3. اجعلي على كل تأخير صلاة صدقة أو قراءة صفحة من المصحف كنوع من إتباع السيئة بالحسنة. 4. اجعلي لنفسك مكافأة كل يوم تحافظين فيه على صلواتك الخمس في وقتها، والمكافأة تكون ترويحاً عن النفس أو هدية ابتهاجاً بهذا (الإنجاز) 5. لا تنامي أي يوم قبل قضاء الفوائت من الصلوات، فلعلها آخر نوماتك!

الكيف لا الكم: اقرئي معاني أذكار الصلاة من رسالة بسيطة أو عبر الإنترنت، فالتلذذ بالصلاة يعينك على الاستمرار فيها، وبذا تتحول من مهمة ثقيلة إلى واجب لذيذ. قولي لا للصوارف عن الصلاة: ما الذي يشغلك؟ هل هو أهم عندك من الصلاة؟! وقد قال تعالى: (فَخَلَفَ مِنْ بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيًّا) . أي أضاعوا الصلاة باتباع الشهوات.

ثم تابعت كلامها قائلة: لو إنتي عندك مقابلة عمل هتتأخري على المدير؟ أكيد لاء، يبقى تتأخري على مالك الملك إزاي؟ وبعدين إنتي مش بتقومي للصلاة بمزاجك، دا ربنا هو اللي بيوفقك في الصلاة. تخيلي تارك الصلاة كدا، ماذا رأى الله منه حتى يكره لقائه؟

إنتي عايزة تبقي زي تارك الصلاة، وأعوذ بالله، يا رب ما نبقاش كدا في يوم من الأيام. وبعدين إنتي اللي محتاجة لربنا، هو مش محتاجك في حاجة. إنتي محتاجة حد يسمعك ويتقبلك في كل أحوالك وتشكيله همك. عيب كبير أوي لما نؤخر النعمة دي. الصلاة دي كنز ونعمة من عند ربنا. ومهما قابلنا من ضغوط، بركعتين بس كل حاجة بتتحل والواحد نفسيته بترتاح. وتأخير الصلاة لقدر الله تكون باب للشيطان يدخلك منه وتتركي الصلاة خالص. الصلاة من أهم أولوياتك.

«ريم بدموع» حتى لو مكنتش بصلي. «حياء بحب» حتى لو مكنتيش بتصلي وصليتي، إن شاء الله يغفرلك. بس متيأسيش. بس ربنا قال كدا في القرآن الكريم. عايزة إيه أكتر من كدا عشان تطمني. ثم تابعت كلامها قائلة: إنتي لو اتعلقتي بربنا مش هتهتمي بحد. حقيقي، كلنا إلى الله راجعون. وإنتي رايحة تصلي، خليكي متحمسة إنك هتقابلي الله وهيكون شايفك وبتكلميه وهو بيسمعك. الله، بجد قد إيه تارك الصلاة غافل عن الجمال دا. «ريم بحماس»

خلاص، مش هترك الصلاة تاني ولا هأخرها. «حياء بتشجيع» أيوه كدا، بارك الله فيكي. ثم قالت: أنا همشي بقى عشان زين قالي ساعة واحدة، يدوبك ألحق أوصل. «ريم بغيظ» عادي يعني لو اتأخرتي شوية. «حياء برفض» لأ، عيب. هو قالي ساعة، يبقى لازم أحترمه. وكمان عشان يعرف إني بسمع الكلام ولما أطلب منه أخرج يخرجني. مع السلامة ياروحي. حضنتها حياء، ثم ألقت عليها تحية السلام وغادرت ذاهبة إلى المنزل.

"خرجت حنين من الشركة بعد أن انتهت من العمل مبكراً، وهذا بغير العادة. ووجدت فتاة متبرجة واقفة لوحدها تنظر للبحر. فبحثت عن رسائل البهجة وأعطتها واحدة. «البنت بلطف» شكراً، بس دي رسائل عبارة عن إيه؟ «حنين بحب» لما تفتحيها هتعرفي. أسيبك أنا بقى. قامت البنت بفتح الرسالة واتصدمت مما فيها.

"ربنا عز وجل فرض علينا اللبس الواسع عشان يداري الجمال كله وعشان زينة المرأة متبانش. ممكن تكوني محجبة بس ملفته بسبب الميكب أو البلوزة الضيقة أو الدريس اللي واصف الجسم؟ عشان كدا ربنا قال (وَلَا يُبْدِينَ زِينَتَهُنَّ)

. أنا عارفة إننا في زمن الفتن والبنات بعضها عايزة تظهر حلاوتها وجمالها للآخرين. فإنتي كبنت بتقلديها طبيعي، بس دا لا يرضي الله عز وجل. المرأة المسلمة غير المسيحية واليهودية، فهي معززة مكرمة. اتفرض عليها تخفي جمالها مع إن دا مخالف لطبيعة المرأة اللي بتحب تهتم بزينتها. فإني تيجي على طبيعتك من أجل ترضي الله، فدا له أجر عظيم عند الله. تحبي تموتي وإنتي على لبس دا؟ تحبي تموتي وإنتي مش محجبة؟ أو حجابك مش كامل؟ تحبي دا؟

هتتحاسبي على كل دا يا غالية. فوقي، والله إنك ميتة. إنتي عارفة إيه هو تبرج الجاهلية؟ تبرج الجاهلية اللي تحدث عليه القرآن هو إن المرأة كانت بتبين بس رقبتها، وقيل إنها كانت تبين خصلة من شعرها، وقيل إن عضمة رجليها باينة. دا التبرج؟ مابالك بدلوقتي؟ أي مكان في جسمك بان هتتحاسبي عليه. ربنا اختارك العفة والستر، وإنتي اخترتي التبرج؟

لو حجابك مش كامل كمليه عشان يؤدي غرضه. ولو لبسك مش ساتر اجعليه ساتر. رضا ربنا فوق كل شيء يا غالية. أتمنى تكوني استفدتي من رسائل بهجة، لعلها تكون إشارة من الله ليكي. بلاش تغفلي عنها." «البنت لنفسها» ربنا يهديني يارب. مش هغفل عن إشارة ربنا إن شاء الله. «حياء بحب» اتأخرتِ يا زين. «زين بحب» لأ، جيتي في ميعادك بالظبط. شاطرة بتسمعي الكلام. «حياء بتكبر مزيف» طول عمري شاطرة. ما شاء الله. «زين بضحك» يا واد يا متمكن أنت.

«حياء بحب» شكراً شكراً. «زين بضحك» اسمها شكراً يا متعلمة يا بتاعت المدارس. «حياء بغيظ طفولي» لأ، اسمعا شكراً. «زين بخوف زائف» طيب يا ستي، هو أنا قولت حاجة؟ «حياء بحب» آه صحيح، أنا عرفت معلومة جديدة لازم أقولك عليها. «زين بحب» قولي يا ستي. «حياء بحب» لما بتخلص صلاة وتيجي تسلم، الكتف اليمين بيكون عليه ملك الحسنات والكتف الشمال ملك السيئات. فالمفروض التسليم بعد الصلاة ده بيكون تحية للملكين. فلما بتيجي

تحيي الملك الأيمن بتقول: السلام عليكم ورحمة الله وبركاته، يعني بتلقي التحية وبتسأله البركة في الحسنات. أما الملك الأيسر لما تيجي تحييه بتقول: السلام عليكم ورحمة الله بس، عشان لو قولت وبركاته تبقى بتسأله الزيادة والبركة في السيئات. وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ. «زين بحب» تعيشي وتعلميني يا حياء. «حياء بحب»

أنا بتعلم من الفيديوهات هالة سمير ومحمد الغليظ وحازم شومات. تابعهم يا زين. الناس دي بتشجع الواحد على العبادة بشكل. «زين بحب» حاضر يا حبيبتي. ثم بعد دقائق قال: العشاء أذن أهو، تعالي نصلي بيكي جماعة. «حياء بحماس» هروح أتوضى وأجي بسرعة. «زين بحب» تمام.

"لما تكوني متوضية ولسه على وضوئك، دا ميمنعش إنك تتوضي تاني. كل ما الماية تنزل من جسمك دا جبال سيئات بيروح. حافظي على الوضوء في الخمس صلوات. دا بيشجعك أكتر على الصلاة. كأن مثلاً واخده شور، لما بتخرجي منه بتحسي براحة وانتعاش كدا. دا اللي هتحسيه كل ما تتوضي في الخمس فروض." «حياء بحب» أنا خلصت.

قام زين بالصلاة هو وحياء. كانت حياء معطرة مصليتها هي وزين، وقد ارتدت أفضل الثياب، فهم يقابلون الله عز وجل. بعد أن انتهى من الصلاة قاموا بالتسبيح والأذكار وقول آية الكرسي كالمعتاد. «زين بحب» أنا هروح أشرب، تشربي معايا؟ «حياء بحب» ماشي. قام زين بالشراب أمام حياء، التي تعجبت من شربه. «حياء بإبتسامة»

زنزون زنازينو، اشرب زي ما النبي علمنا عليه أفضل الصلاة والسلام. أول حاجة تقعد، وبعدها نسمي، وبعدها نشرب على تلت مرات، وبعدها نحمد ربنا. دي سنة النبي صلى الله عليه وسلم، ودي أفضل طريقة نشرب بيها. أما تشرب على مرة واحدة دا غلط، ولقدر الله ممكن يسبب حاجة وحشة. «زين بحب» حاضر، بس إيه زنزون زنازينو؟ «حياء ببراءة» دا اسم دلالك الجديد. «زين بضحك» ماشي، وأنا هسميكي حيائي. «حياء بضحك» والله حلوة. «طاهر» إزيك عامل إيه؟

«أحمد بتعب» الحمد لله، أنت تعرفني؟ «طاهر بإحراج» الصراحة لاء، بس مفيش حد في الغرفة غيرنا وأنا زهقان، فقولت نبقى أصحاب ونونس بعض. «أحمد بتعب» ياريت والله. أنت إيه اللي جابك هنا؟ «طاهر بحزن» أنا أهلي ناس أغنيا جداً، بس زي أي شاب بيتصرمح ويعيش حياته بالطول والعرض. بقيت بشرب كل أنواع المخدرات لحد ما بقيت مش متحكم في نفسي. أشتم وأضرب وأكسر أي حاجة قدامي. أهلي جابوني هنا بالغصب عشان يعالجوني. «أحمد بتعب»

حكايتك مشابهة لحكايتي. «طاهر بحب» ممكن أبقى أستعين منك بـ القرآن أقرأ فيه؟ «أحمد بتعب» آه طبعاً. «طاهر بحب» شكراً، أنا هنام بقى. تصبح على خير. «أحمد بتعب» وأنت من أهله. فضل أحمد متردد يقرأ في القرآن ولا لاء. «الشيطان» إنت شكلك مرهق، بكرة ابقى اقرأ براحتك، القرآن مش هيطير يعني. «أحمد بتعب» هقرأ حتى لو صفحة واحدة. «الشيطان» لأ، إنت عايز تنام، صدقني نام. وبكرة اقرأ. «أحمد بإستسلام» صح، أنا فعلاً عايز أنام.

"دي اللعبة اللي الشيطان بيضحك عليك فيها، بيحاول يبعدك عن أي طاعة إنت بتعملها بأنه يحسسك إنك عايز تنام أو يفتح أمامك حاجات كتير عشان تعملها. احذر من لعبة الشيطان. تذكر قول الله تعالى:

(قَالَ أَنْظِرْنِي إِلَىٰ يَوْمِ يُبْعَثُونَ قَالَ إِنَّكَ مِنَ الْمُنْظَرِينَ قَالَ فَبِمَا أَغْوَيْتَنِي لَأَقْعُدَنَّ لَهُمْ صِرَاطَكَ الْمُسْتَقِيمَ ثُمَّ لَآتِيَنَّهُمْ مِنْ بَيْنِ أَيْدِيهِمْ وَمِنْ خَلْفِهِمْ وَعَنْ أَيْمَانِهِمْ وَعَنْ شَمَائِلِهِمْ ۖ وَلَا تَجِدُ أَكْثَرَهُمْ شَاكِرِينَ قَالَ اخْرُجْ مِنْهَا مَذْءُومًا مَدْحُورًا ۖ لَمَنْ تَبِعَكَ مِنْهُمْ لَأَمْلَأَنَّ جَهَنَّمَ مِنْكُمْ أَجْمَعِينَ)

«ريم بثقة» أنا مش هكمل في الخطوبة دي يا جاسر. «جاسر بصدمة» ......