تحميل رواية «ياملاذ الحاكم يابكر فارس» PDF

بقلم محبة روايات

جارٍ تجهيز التحميل... برجاء الانتظار

سيظهر زر التحميل خلال 10 ثانية

اختر مجموعة الفصول للتحميل (كل ملف حتى 10 فصول)

الفصول 1-10 الفصول 11-20 الفصول 21-22

عن الرواية

الكاتبة: ريم سليمان حسابها:_rwaiah99 #روايات #روايه #رواية #ياملاذ_الحاكم_يابكر_فارس

العودة لصفحة الرواية

جارٍ تجهيز ملف الـ PDF...

برجاء الانتظار قليلاً

ياملاذ الحاكم يابكر فارس

بقلم محبة روايات

الفصول 21 - 22

عدد الفصول في هذا الملف: 2

مكتبة الروايات — maktbaa.com

رواية ياملاذ الحاكم يابكر فارس الفصل الحادي والعشرون 21 - بقلم محبة روايات

رواية ياملاذ الحاكم يابكر فارس — الفصل 21 — بقلم محبة روايات

أتُحبني ؟

‎عجباً ما للسؤال جوابُ-

‏والجواب من سائلٍ مشتاقُ .

دخلت فاطمة غُرفة البنات وهي تِشوف ريف متمددة ، ونادين وهتان وحنين جالسين عندها ع السرير والواضح إنه جلستهم " مُريبة " : قوموا صلّوا وإدعوا أحسن من الحكي الفاضي ، ياويلكم تتكلمون بـ أحد

نادين بطقطقة : جالسين نمدح عيالك وأحفادك ماشاءالله ، عرض وطول و

ضحكت هتان بذهول من جات لـ نادين مخدة من إيد جدتها فاطمة ~

قامت ريف من مكانها وهي تضحك : أرض جو على كيف كيفك !

زمّت حنين شفايفها لثواني بعبط وهي تتمدد مكان ريف : أشوف إنه تأثير أخوي قوي ، ولا ؟

لفت ريف أنظارها بذهول وهي تستوعب إنها نطقت مثِل لؤي بالزبط ونفس كلمته " على كيف كيفك " ومباشرة تورّدت ملامحها وهي تصد : جابر ما يناديك ؟

تعالت ضحكاتهم غصب وإبتسمت فاطمة وهي تخرج لـ غُرفتها ، لـ عند عيالها المتجمعين حدّها هي وأبوهم ~

« الصــباح »

جِـلست بـ مكانها بعد ما إنتهوا من العُمـرة وهي تبتسِم بخفوت ، تخجِل من نفسها وكيف إنها بسبب فِهم خاطئ لـ حكي الدكتورة ولـوهلة جِزعت تماماً وإنهارت ، ما إنهارت من فراغ إنما كانت مُحطمة ولو تظاهرت بالعدم ، وتحطّمت أكثر بعد المزرعة يلي المفروض تكون ترفيه لها لكنّها بسبب بُعد حاكم مرّت ثقيلة عليها ، تحسّ تغيرت كثير ، ما تِقدر تفضفض لـ أمها ، ولا لـ فاطمة ولا لـ أبوها ولا حتّى لـ نادين ، حتى بـ رسمها تخفف لكن ما تفرّغ يلي بجوفها كله الا عنِده ، تعرف أمها وفاطمة وأبوها ونادين يتأثرون كثير معاها ، لكن هو يتأثر ويأثر مباشرة ، يِقلب كل شيء ويغيّر الحدث كله لجلها وحتى لو تأثر بـ شيء ثقّل عليها ما يوضح ~

جلس بجنبها وهو يمدّ لها كأس المويا : سميّ

أخذته منه وهي تشوفه يتأمل بهدوء لحدّ ما لِمح شخص على عُكازه بـ الساحات بعيد ~

قام وهي بجنبه ولمِحت نهيّـان مِثله وهم يمشون لـ ناحيته ، إبتسمت غصب عنها وهي تشوف جدّها يمشي بكِل هدوئه بـ الساحات الخارجية ، عُكازه قدامه والحمام حوله يِطير كلّ ما قرب منهم ، إبتسم حاكم وهو يتقدم لناحيته : حيّ هالطول ، كيف الحال ؟

إبتسم نهيان مباشرة وهو يمسك إيده : حاكم !

ضحك حاكم وهو يضغط على إيد جده : يابعد خشمه ، سمّ

إبتسم نهيّـان غصب عنه وهو ما يدري من فرحته بهاللحظة وش يقول : تجون عندنا ؟ أنا وجدتك ؟

هزّ حاكم رآسه بـ زين وهو يبتسم بخفيف : تحت أمرك ، تحتاج العكّاز الحين ؟

ضحك نهيّـان وهو يمدّه لـ ملاذ ويستند على حاكم كالعادة ،إبتسمت ملاذ بخفُوت غصب عنّها وهي تحسّ هالعمرة وقعها غير على قلبها لانها أول مره تعتِمر مع حاكم كـ زوج ، كانت دائماً مع..مع البنات وبتّال وحاكم ونهيّان بعيدين عن الكُل ، تِذكر وهي صغيرة شافت جدّها وحاكم الإثنين بـ الصفا والمروة وسط العلمين الأخضرين يشتدّون بـ السعي ويهرولون ، كانت تستغرب لأن أمها تمسكها وتشوف أغلب الرجال وحتى أبوها يبعد عنهم وينضمّ للرجال يلي يهرولون بـين العلمين ويرجعون يمشون طبيعي بعدهم ، كانت بتقلّدهم لحد ما قالت لها فاطمة " البنات ما عليهم رمَل " ، وقتها عِرفت معنى رمَل وهو "الجري البطيء ، أو الهرولة في المشي " ، إبتسمت وهي تستوعب نِصف معلوماتها من فاطمة ، وهي نفسها نِصف فاطمة ونُسختها المصغرة ~

فِتح نهيّـان باب غرفتهم هو وفاطمة وهو يدوّرها بعيونه وغصب عنه إبتسم من شافها جالسة جنب الشُباك تتأمل بـ الكعبة يلي تقابلها ، مجهّزة القهوة وتنتظر رجوعه فقط ~

تنحنح نهيّـان وهو يسلم وإبتسمت فاطمة مباشرة وهي ترد السلام : وعليكم السلام والرحمة ، تدري يا نهيّـان إن الـ

كانت تحاكيه وأنظارها ع الكعبة لحد ما لفّتها لناحيته وشافت ملاذ وحاكم ومباشرة شهقت وهي توقف ~

ضحك حاكم وملاذ بالمِثل وهم يسلّمون عليها ويجلسون يتقهوون معاهم ،فرحة نهيان وفاطمة بهاللحظة تساوي الدنيا ويلي فيها كلهم ~

نهيّـان وهو يترك فنجاله لثواني : سواقك حاكاني ، وش الموضوع

ميّل حاكم شفايفه بهدوء وهو يمرر أنظاره على الجو : كان جوّنا مغيم شوي ، بس تعدّل الحمدلله

فاطمة وهي فهمت قصد حاكم " جوّنا مغيّم شوي " ويلي يقصد فيه إن فيه أشخاص عكّروا صفوه قبل لا يجي : ووش خطّتك ؟

رفع أكتافه بهدوء : ما به خطط ، تمشي حياتنا

ملاذ وهي تناظرهم لثواني : لا تتكلمون بالألغاز طيب ؟

ضحك حاكم بخفيف وهو يشوف ملاذ وفاطمة يتبادلون الحكي عن مواضيع كثيرة ونهيان يشاركهم ، هو سرح بـ الرسالة يلي جاته على طبق من ذهب لكن من الجانب الآخر شكّ فيها " رائد الأحمد ، بـ باريس شارع الـ... العمارة يلي تعرفها ، هو قاتل قُصي آل خالد اذا ما تعرف ، أنا دليل على حكي باسل ودليل ثاني تلقاه بالأسفل "

كان الكلام من شخص مُرتبك وخايف نوعاً ما ، وحتى تهديده لـ السواق كان مُجرد " إثارة جدل " لجل يظنّ حاكم إنه شخص قوي ويهابه ، للأسف حاكم يِعرف حيل الأطفال يلي يعبثون معه ، ويعرف إن زياد أخو قصي هو يلي أرسل له هالرسالة لجل يقتل رائد ويآخذ بثأر أخوه ، أرسلها حاكم مباشرة للفريق أول وهم يتصرفون لأنه خارج الخدمة هالفترة ، ولأن عنده مخطط ثاني تماماً ~

مرّوا يومين على آل سليمان ، تتصِنف ضمن أيام السلام والهُدوء والرضى الكثير ، صار وقت العودة للديار وهنا إختلف الـ..الحال ع الأغلب بين مؤيدين الرجوع واللي يتذمّرون من إنهم ما يخرجون مثل قبل ~

سكّـرت الحزام على جسدها وهي ترجّع رآسها للخلف بشبه تزفيرة وهمس : إنبسطت هنا وإرتحت ، ما أبغى أرجع الرياض !

مد إيده بهدوء وهو يتركها فوق إيدها بدون لا يتكلم ، ما كان بالها معاها وطول فترة إنتظارهم كانت تحاكي نادين يلي رحِلتهم غير وما كانت تسمع يلي حُولها من السماعة يلي بـ إذنها ، والحين ما إنتبهت هي وين ومن بعد ما جِلست بشوي نامت بعكس حاكم يلي ظلّ يتأملها وصار فعلاً يتمنّى يكتشف ملاذه بطبيعتها ، شخصيتها اللي تخرج بـ أوقات قليلة بسبب ظروفهم ، شخصيتها الطبيعية مو شخصيتها يلي تِصقلها الظروف بكيفها ، وبنفس الوقت يبي يلقى ذاته بعدّ ما حس بقليل الضياع من كل النواحي كونه ما عاد يفكّر الا فيها ~

مدّ إيده لـ شنطتها من لِمح دفترها الصغير وهو يآخذه ، صاير ما يِمنع فضوله عن أي شيء يخصها ويخصّ رسمها ، تشوف الأشياء بـ منظور غيّر عنهم تماماً وهذا شيء عِرفه من وجوده جنبها بـ أغلب الأوقات سواءً كان حاضر بـ ذهن صافي ، أو كان ذهنه بعيد عنه ، إذا كان يحاكيها بالجوال أو حتى قريب منها بكل مرة يعرف شُوي منها ومن عوالمها ~

إبتسم بخفيف وهو يفِتح أول صفحاته ، كانت أنواع ورود كثيرة لكن وسط الدفتر أخذ قلبه ، إيده وإيدها وقتّ مد لها كأس المويا وتلامست أصابعه بـ أصابعها بطرف ، ما توقعها تنتبه أو يعلق بعقلها لكن الواضح إنها تحبّ أصغر تفصيل بينهم أكثر من الأشياء الواضحة بكثير ، إبتسم بخفيف وهو يسكّره يرجعه بـ شنطتها ويرجّع رآسه للخلف ، ينتظر الوصول ~

« بـيت أبـو جـابر ، العصر »

جالسين هتان ونادين وجابر مع وسن ، يلاعبونها ويضحكون كل شوي وسوو فيها هوايل كثيرة طبعاً ~

هتان بإستغراب : مشروعك يلي بمكة ، ما إفتتحته !

جابر : أجّلته لجل ما يصير فيه تخالط بالوسط ، بس بينفتح إن شاء الله

هتان وهي تشوف وسن تنعس : بتنام هالحلوة ، يا أبوها !

تمدد جابر وهو يآخذ جواله : عمّتها الحلوة تنومها ، عاد يلي تشوف نفسها شينه تجنّب !

نادين وهي تآخذها : قبل لا تنام ، باخذها معي

جابر وهو يتكيّ : فزاع جاء ؟

هزّت نادين رآسها بـ إيه وهي تشيل وسن بشويش : يس ، وده يشوف هالحلوة

ضحك جابر وهو يناظرها بطقطقة : قولي له لا تعوّد إيدك ع البُخل !

هتان وهي تناظره بذهول : الحين بنتك ياطويل العمر ماشاءالله أغنى من عماتها ، وتبي فزاع يزيدها !

هز راسه بـ إيه : أخذ إختي ، لزوم يزيد

نادين بطقطقة :..وتطفّره من بدري ! لا تخاف أنا أكفيّ وأوفي !

ضحك جابر وهو يأشر لها بـ إيده والنوم يحتلّه تماماً : إنتِ أحسن إخت بالدنيا !

ضحكت هتان وهي تناظره : بنخليّ وسن عندنا ، روح نام

جابر وهو كان بيرفض الا إنه ما يقدر أبداً : المغرب صحيني

هزّت هتان رآسها بـ زين وسرعان ما ضحكت من هذام يلي أرسل لها إسم ،والواضح إنه إسم "لعبة "، رجع أرسل لها " حمّليها وتعالي ، نلعب " ،

دِخلت نادين المجلس وهي شايله وسن بـ إيديها وقام فزاع مباشرة بِشبه إبتسامة : اليوم وسن بكرا الله أعلم مين !

نادين وهي تناظره بطرف عينها : لا تصير وقح ! أرجّع بنت أخوي ترى !

ضحك وهو يميّل شفايفه : بشيلها ، بس تساعديني!

هزّت رآسها بـ زين وهي تبتسِم بخفيف من مد إيده يآخذها من حضنها ، ضحك بشبه ذهول وهو يتراجع للخلف : لا تبعدين !

هزّت رآسها بـ زين وغصب عنها ضِحكت من توتره وخوفه وفرحته وكل المشاعر يلي تمثّلت بملامح وجهه ، إبتسمت بحُب وهي تتكي ع الخلف تتأمله ، كان يبتسم لـ وسن وعيِونه تتأملها وعيون نادين تتأمله ، فزاع غير عن حاكم كثير وغير عن أطباع جده وباقي آل سليمان ، كتوم وغريب أكثر الأحيان ، تتذكر السنة يلي راحت وقت إرتعب وصار يبعد عن الكل والسبب كان صحار وعياله ، تتذكر لحدّ الحين كيف كانت تقرّب له خطوة وينفر ٢٠ خطوة وكله بسبب خُوفه إنها تتضرر أو يوصلها أذى ، كانت تعاتبه كثير العتب بداخلها لكن ما قِد تجرأت وحاكته وجهاً لـ وجه ، بعد ما إستردّ قوته وجزء من نفسيته رِجع فزاع " اللطيف " لكن كانت تحسّ بجوانب غامضة باقية بـ شخصيته ، سمعت من نهيان جملة فهّمتها شخصية فزاع إجمالاً " فزاع بهالدنيا ما منه إثنين ، الطرف الليّن فينا وأصلب طرف لو يمسّ الموضوع أحد منّا وخصوصاً أخوه " ، وسمعت نهيان بـ وقت من الأوقات يقول " صندوق أسود ، ما عمره يشفّ بيوم " ، ما عُمر فزّاع يفتح أبواب نفسه ويكشف أسراراه ويوضح لـ الكُل ولهالسبب يتلقّب بهاللقب من قِبل جده ~

إعتراها الخجل من تذكّرت رائد وكيف إنها وقفت بوجه كل أهلها لجل تفهم منه شيء واحد فقط ، "ديمه لأي سبب تخلّت عنها " ، كانت بـ وقت صعب وكأن كل سنينها يلي عاشتها كذبة وسراب ولهالسبب ما كانت تتصرف بـ عقلها ، كانت تناقض نـ..

_إعتراها الخجل من تذكّرت رائد وكيف إنها وقفت بوجه كل أهلها لجل تفهم منه شيء واحد فقط ، "ديمه لأي سبب تخلّت عنها " ، كانت بـ وقت صعب وكأن كل سنينها يلي عاشتها كذبة وسراب ولهالسبب ما كانت تتصرف بـ عقلها ، كانت تناقض نفسها والعواطف وأذّت نفسها وأهلها وفزاع معاها لكن الحين ، هي ممنونة جداً لـ وجود فزاع حولها ، ولأنها حبّته من وقت الصغر وللحين ما يتغيِر الحُب مهما تباعدو وهالشيء يطمّنها كثير ~

تُوردت ملامحها بذهول من حسّت فيه يقبّل خدها : فزاع !

إبتسم بخفيف وهو يأشر على وسن النايمة بحضنه : سرحتي واجد ، نامت

أخذتها منه وهي تبتسِم لها وتهمس : واه عمري الحلوييين ! بدخّلها عند هتان وأرجع لك

جلس ع الكنبة وهو يناظرها : أنا برأيي إنك كمان ودّك تنامين !

ناظرته بسخرية وهيّ تترك وسن عند هتان وترجع له : وكيف إستنتجت إن ودي أنام ؟

فزاع وهو يعتدل بجلسته بطقطقة : قلبي يعرف

ضحكت وهي تجلس بجنبه : بما إنه قلبك يعرف ليه ما تتوكل ؟

هزّ رآسه بالنفي وهو يحاوطها : الحين شفتي وسن نامت زي المؤدبين لأنها صارت بحضني ! أنا أعرض عليك عرض بسيط لأن عروضي محدودة !

ضربت إيده بذهول وهيّ تلف لناحيته : هنا !

فزاع بطقطقة وهو يوقف : والله مدري هنا لو بغرفتك يلي يريحك ،ما عندك مشكلة

وسّعت عيونها بذهول وهي توقف : ياوقح مجلس أبوي ، بعدين إنت متى صرت قليل أدب كذا !

ضحك وهو يرفع أكتافه بعدم معرفة : لا صرتي ببيتي أعلمك متى ، تآمرين على شيء ؟

هزّت رآسها بالنفي وهي تفتح له الباب : الله معاك

شِهقت بذهول من سكّر الباب خلفها وهو يركّز عيونه بعيونها : ما عجبتيني ، طحتي على راسك بالغلط ؟

هزّت رآسها بالنفي بإرتباك : أنا قِلت يمكن بعد الحادث تصير تستحي شوي ، الواضح حصانة تامة ماشاءالله !

ضحك وهو يبعد عنها : الله يقرّبك بس

« بـاريــس »

وقِفت رسل ع الشُباك تتأمل بدون أي كلام ، حسّت فيه يصير خلفها لكنها مباشرك عقدّت حواجبها بـ ألم من حسّت بـ رفسة خفيفة بـ بطنها ، مدّ إيديه بهدوء وهو يتركها على بطنها : ما بعيش أكمل الشعور ، نِصفه تسمحين ؟

تُوترت من فهمت إنه يبي يحسّ بـ طِفله وهزت رآسها بـ إيه بدون لا تتكلم ، قبّل عُنقها بهدوء وإيديه على بطنها يحاول يحسّ بـ طِفله الجاي من بدري ~

رسل بتردد : ليه صاير هادي ؟

رائد وهو يغمّض عيونه بهدوء ورآسه على كتفها من الخلف : لأني تغيّرت والوقت يجري ، وما بيدي غير الهدوء

ميّلت شفايفها لثواني بتردد :..بتجلس بـ باريس ؟

هزّ رآسه بـ إيه وهو يجلس : لحدّ ما يجي الأمر ، وبعدها إنت وغيم وولد رائد لـ الديار

إستغربت وهي تحاول تفهمه لكن بدون فائده : أي أمر ؟ وليه نرجع إنت فين بتروح ؟

رائد ببرود : إستسلمت وأنتظر قرار القبض ، ما بروح مكان لكن بيتلّوني

إرتجف جسدها مباشرة ومن كِلمته حسّت بالضياع قبل لا يروح ، هي تخاف منه ، وتكرهه ، وتتمنى الموت بدل الجلوس بـ حُضنه لكن بقدّ هالمشاعر فيه غيرها مشاعر تناقضها وتساويها بالكمّ ، بقدّ خوفها منه تأمن بجنبه ، وبقدّ كرهها له تحبه ، وبقد تمنيّها للموت تتمنى تظلّ معه ، أبسط وصف لحالة رسل إنها تحارب نفسها ومشاعرها بشكِل يضعفها كثير ، إنخذلت من أبوها وضاعت لفترة لحدّ ما قدرت تدخل بيت رائد لجل تحسّ بـ إن لها عائلة باقية ،كانت نيتها تقرب من غيم فقط بدون لا يعرف رائد ، لكن رائد عرف والحين هي حامل بـ ولده ،

رائد وهو يمسكها لعنده : كان القرار بيدي ، وكانت كل الخيارات قدامي ، ما أطلبك تحبيني ، ولا أطلبك تهتمين بـ غيمّ مثل ولد بطنك ، أطلب إنه بنتي حقّها ما يضيع وبس

ناظرته لثواني بتردد وهي صارت شبه تفهمه : بتترك ؟

هزّ راسه بـ إيه بهدوء : تعبت أحارب ، ولا عاد عندي قوة ولا حيل ولا رغبة !

تجمّعت الدموع بمحاجرها لثواني وهي تمسك إيده :رائـد

مسك وجّها وهو يناظرها وغصب عنّه حمّرت ملامح وجهه وهو يهمس بخفيف : لا تبكين ،لا عاد تبكين مِنيّ ولجلي

ما قِدرت تمسك دموعها يلي إنهمرت مباشرة من كثر الضياع يلي تحسّ فيه ، شد عليها بهدوء وهو يقبّل كتفها : أنا آسف ، لو يفيد والله أنا آسف !

بيصير خير لي ولك ولِعيالنا ، ما بتضيعين يارسل ، ما بتضيعين !

هزّت رآسها بالنفي وهي صدفه عرفت إنه قتل نفس ، ويلي قِتله كان قصي آل خالد يلي قتل حرمته وإختها وحاول يغتصبها ذاتها ، وصدفه عِرفت إن إيلاف خانت رائد مع فيصل وإن فيصل قرّب منها بعدم رضاها بسبب إنه كان بعزّ رغبته وهي تمنّعت بسبب خوفها ~

يخاف ، يخاف يصير أناني بقراره ويكمّل حياته بالهرب بـ حُكم خبرته الطويلة بالتزوير والإختباء ، وبحكم وصوله لـ أشياء كثيرة ، وبنفس الوقت لو نفّذ تفكيره يخاف يظلم رسل ، يظلم غيم ، ويظلم ولده يلي كلهم لهم حقّ يعيشون بـ وسط أرضهم وديارهم بعِزّ ، مو بديار الغرب هاربين ~

، مرّت ساعة من البكي والعواطف والحُضن الغريب بينه وبينها ، حضن مواساة تواسي فيه عقله ونفسيته ، وهو يواسي قلبها اللي كِسره بكل برود ، قبّل عُنقها وقبل لا يبعد تغيّرت كل ملامحه من ..من هِمست له إنها تخاف ، تخاف ينحكم عليه وهيِ تصير " مركز إنتقام " لـ أعدائه ، تخاف تعيش مع طفلين لوحدها ولا هي بـ ديار مُسلمين لجل تقول يخافون الله فيها ، بتعيش بـ غُربة عن وطنها ، وعنه لو إنحكم عليه سجن أو قصاص ، همست له إنها ما تِقدر ترجع لـ الوطن مثل ما يخطط ، ما تقدر تخطي خطوة فيه لأنها بتظلّ زوجة رائد الأحمد هناك ، وبنت سلطان يلي تبرأ منها ، تبغى تبدأ حياة جديدة وترمي كل الماضي خلفها ، ترجع لـ شُغلها وحياتها الطبيعية ولو كان فيها أشخاص أكثر من الماضي ، بتحبّها بـ أشخاصها يلي يندرجون تحت مُسمى "عائله لها " ، إبتداءً من غيم ، قطعة قلبها وبنت أختها يلي تمُوت لجلها ، وبـ طِفلها يلي بداخلها يكبر يوم بعد يوم تنتظر خُروجه للحياة ، وإنتهاءً عند رائد ، الشخص يلي كان طيّب ولطيف وناجح وتنحسد عليه إيلاف ، والشخص الشرير الأناني معاها لكنها بكل الأحوال تحبه ، خُوفها وأمانها هو ، ما ينتبه لتصرفاته معاها لكنه بكل حركة يسويها يبيّن لها إنها تعمّقت بـ داخله بشكل أثّر بسلوكياته كثير ، والحين تأمل منه يعيشون لو بالهرب ، لكن المهم يعيشون سوا ~

« ديــار أُخـرى »

من وقت نُزولهم من الطيارة وإستيعابها إنهم مو راجعين الرياض إنما مكان آخر كانت مذهولة تماماً ، الى الحين مذهولة وهي تنتظر رجوعه فقط لكن بهالفترة ، ظلّت تفكر فيه بدون توقّف ، تفكّر بـ حِلم طفولتها ومرّت عليها ذكريات كثيرة ، جلست قدام المدفئه وهي تشدّ جاكيت حاكم عليها تنتظر رجُوعه ، إبتسمت بخفيف من مرّ طيف ذكرى قدامها وهي ترجع بـ ذاكرتها قبل ١٦ سنة بالزبط ~

" قبـل ١٦ سنـة ، بيـت فارس "

كانت تركض حول أمها يلي ترسم بـ إندماج تام وتغني ، مسكت طرف فستانها وهي تناظرها : ماما

إبتسمت نهى وهي تترك الفرشاة من إيدها : تعالي ياماما ، إنتهيت

ميّلت ملاذ شفايفها وهي تشُوف كوخ بـ وسط جبل ، منظر بديع وكأنها صورة قدامها مو رسمة ، دخل فارس مباشرة وما لفِته الكوخ لكن البنت يلي جنب الكوخ وهو يبتسم بخفيف : هايدي ؟

هزّت نهى رآسها بالنفي وهيّ تقبل ملاذ : اللي أحلى من هايدي ، بِكر فارس

إبتسم فارس وهو يشيلها من حُضن أمها ويقبّلها فوق العشرين مره لحد ما دمعت ملاذ من الضحك وهي تحاول تتكلم : يا بابا خلاص !

ضحكت نهى وهي تآخذ ملاذ من حُضن فارس وتمدّ لها كُراسة صغيرة : أبغاك ترسمي زيّه ، يلا

هزت ملاذ رآسها بالنفي وهي تقوس شفايفها ومباشرة تجمّعت الدموع بمحاجرها :...ما أعرف

إبتسم فارس بخفيف وهو ينحني ع الأرض عند كُرسي نهى ويسحب قلم الرصاص يلي جنبه : تعرفين ، بترسمين أحلى من أمك يلا

هزت رآسها بالنفي وكانت نهى تضحك وتشجّعها ، وفارس يساعدها شوي شوي وبكل مرة كان يضحك ويصفق لها " ياعيني على بنتي ! ياعيني " كانت هذي جُملته ، تتذكر وقت نزلوا الإثنين معاها ع الأرض يسمحون لها ترسم ، يساعدونها الإثنين لحدّ ما إنتهت من رسمة بريئة تشابه رسمة أمها بـ المحتوى لكن مُستحيل توصل لـ نفس مستوى إبداع أمها ، كانت رسمة لطيفة طفولية بـ الألوان الخشب وبمهارة إيدها المُرتجفة كل ما يخرج اللّون عن الحدّ والإيطار ، كُوخ مايل بـ وسط الجبل ، وحوله ورود بعكس أمها يلي رسِمت أغنام حوله ، ما رسمت البنت جنبه وقالت لأبوها بكل حلاوة أخذت قلب فارس وقتها " ما أبغى أصير مو حلوة " ، كان المقصد إنها بتشّوه نفسها لو ترسمها ، وهي ما ترضى بغير الجمال لنفسها بـ حُكم تعودها ع المديح يلي كان يرضيها كثير ، تغيّرت قناعاتها من وقت الصِغر وصار الحين لا يغريها مديح ، ولا ينزّلها من مقامها ذمّ " '

نرجع لـ وقتها الحالي ، سيل المشاعر والعواطف من الذكريات كان كفيل بـ إنه يرسم على ثغرها إبتسامة عميقة ، ضحكت وهي تمسح على وجّها من حست برغبتها بالبكي وإبتسمت غصب عنها من تذكرت أبوها وقت تمدد قدامها يسلّمها وجهه تلعب فيه بالألوان لأنها كانت معصبة من أمها يلي مع بتّال طول وقتها ، للحين نُهى وفارس مثل ما هم ، عيالهم بالمقام والكل بعدهم ~

قامت من مكانها وهي تشوف ورقة فوق الطاولة وإستغربتها ، أخذتها وتوقّف العالم كله بعيونها بذهول وهي تشوفه داخل مع الباب : حاكم

إبتسم بخفيف لثواني وهو يرجع إيده خلف شعره : المفروض ما تروحين لـ أوراقي ، صح يا بِكر فارس ؟

ضحكت بذهول وهي تتأمل رسمتها ، قبل ١٦ سنة بالزبط ولا زالت مثل ماهي الا إنها تعفّطت شوي ~

تجمّعت الدموع بمحاجرها مباشرة وهي تناظره بعدم تصديق : حاكم مو كذا

إبتسم لحدّ ما وضحت غمازته وهو يناظرها مذهولة تماماً : ما هو بس إنتِ تحتفظين بالصور ، حتى حنّا لنا قلب !

ضحكت بذهول وسرعان ما بكت غصب عنها وهي تشوف صُورتها وهي صغيرة كثير تحبي قدامه ، وهو واقف خلفها ، مسحت دموعها مباشرة وهي تاخذ نفس : لا تحبني كثير ، ما أعرف

_إبتسم مباشرة وهو يشوفها ترفع أكتافها بعدم معرفة ، تحسّ هالحُب كثير عليها وما تِعرف إنها هي كثيرة على " حاكم " ، يحسّ إنها وردة بين رصاصات سلاحه ، يحسّها نجمة سلام وسط نيازك سماه وبروقها ، يحسها نسمة وسط أعاصير حياته ، كل أحاسيسه من أصغرها لـ أكبرها ومن أولها لـ مُنتهاها تتلخّص بـ إسمها ، هي ما تستوعب قدّ إيش غيّرته لكن هو يعرف ويعرف نفسه وقلبه ، كان سارح بعيد لحدّ ما حس فيها تسِند رآسها على صدره تحاوطه ، إنحنى وهو يقبّل رآسها بهدوء : ما تعرفين ؟

سكتت بدون لا تتكلم وهي تحسّ كل مشاعرها تضخّمت ، حسّت بـ إيده تحاوط خصرها بالزبط وهي تهمس له : ما أعرف

ظلّ حاضنها وهي بالمثل بدون لا يتكلّم شخص فيهم ، هي تفضحها أناملها يلي ترتبك على ظهره ، وهو يفضح نفسه بتقبيله المتكرر لـ رأسها ، أبعدت عنه وهي تناظره وتحسّ نفسها رجعت مثل أول ما طلب خُطبتها ، أول قُبلة وأول حُضن لهم لكن هالمرة بشكل " غير عنيف " ، بشكل بسيط مثلها ومثل هدوئها ، إبتسم بخفيف وهو يشوفها تزّم شفايفها : رجعتي تزمين ؟

هزّت رآسها بـ إيه وهي تحسّ وجّها يحترق من كثر الخجل من قرّب يقبّلها بكل هدوء ، أبعد بخفيف وهو يحسّ فيها ملاذه فعلاً وهالبُعد يلي إبتدأ توّه عن الناس سمح لها تصير ملاذ بشخصها ، وهو يصير حاكم يلي يحب ملاذ بدون شيء آخر .

إرتبكت وهي تسند إيديها على صدره بإبتسامة عبيطة وسط خجلها : بخيل ؟

هزّ راسه بالنفي ومباشرة إبتسم وهو يعرف نواياه ويعرف وش بيسويّ حق المعرفة : الكرم طبعنا يا بنت عميّ !

« بـ الرياض ، بـيت أبـو حاكم »

جالسة أم حاكم تجهّز مع ريف أغراضها بـ حُكم قرب زواجها ، ترددت ريف وهي تترك جوالها مباشرة من قال لها لؤي إنه بيجي لحدّها ~

إبتسمت أم حاكم بخفيف : ما ودك تحاكيني كيف حبيتيه ؟

إبتسمت ريف بتوتر لثواني :أخاف

أم حاكم وهي تميّل شفايفها : ما غلطتي ، وحنّا قبلك ما غلطنا !

إبتسمت ريف لثواني ومالت بها الذكريات لـ أول تعارف بينها وبين لؤي ، أول تعارف شخصي مباشر بـ الشركة ، قبل سنة تقريباً ~

"قـبل سنة ،الشـركة يلي يشتغلون فيها لؤي وريف"

إبتسمت بتردد لأنها إبتدأت دوامها وقت أغلب الموظفين بـ إجازة والحين بتزدحم الشركة لأنه وقت عودة ~

إبتسم المدير بهدوء وهو يأشر لـ...على المقعد يلي عن يمينه وبالفعل جلست بمكانها ، عرّف بها إختصاراً " ريف متعب " ، يلي أتمّت دراستها بالخارج وإنتهت بـ عُمر الـ٢٢ سنة بـ شهادة مُشرّفة وتوظفت مباشرة بـ هالشركة ، كان فيه حوار خفيف شاركو فيه أغلب الموظفين وهي إلتزمت بالصمت تحاول تعرف الموظفين وشخصياتهم ، مين من الحزب الجدي فيهم ومين من الحزب يلي ما يهمه الشغل ولؤي كان من الحزب الثاني طبعاً وهالشيء إستنتجه من القلم يلي كان يلعب فيه بـ إيده طول الإجتماع ~

المُدير وهو يلف على لؤي : وش قولك يا لؤي ؟

ترك القلم من إيده بهدوء وهو يلف أنظاره له بعدم إهتمام : قولي إنها خطة مستهلكة ، مافيها شيء يجذب

المُدير وهو يتنحنح لثواني : ما جذبتك إنت ؟

هزّ رآسه بالنفي وهو يأشر بـ إيده : ولا تكّه ، إعتيادية

لف المدير أنظاره لـ ريف : ووش قولك ياريف ؟

إعتدلت بجلستها بخفيف وهي تتكِلم بكل ثقة وتحسّ بـ أنظار لؤي عليها : متكاملة ،لكن نغيّر شيئين فيها وتصير إنتقالة كبيرة بالنسبة لهالشركة

المدير وهو يرجّع جسده للخلف : وكيف ؟

ريف وهي تناظره بهدوء : موقع العمل ، والمشرفين

المدير بإستغراب : نبدّل الموقع ، ونبدّل المشرفين ؟

هزت رآسها بـ إيه وهي تتكلم له بشكل مُتناسق جداً يكون المشروع تحت إشراف كادر سعودي متكامل وطريقة التسويق له ما تكون مثل العادة بـ الصُحف والإعلانات التلفزيونية ، تكون عن طريق وسائل التواصل الإجتماعي محدودة بـ فيديو ما يتعدى الدقيقتين من بداية وضعهم لـ حجر الأساس لـ المشروع ، لحدّ نشرهم له بالشوارع وتعاملهم مع الناس والعُملاء " ~

كان الإعجاب طاغي ع المدير من كلامها ، وعلى أغلب الموظفين يلي مباشرة صفّقوا من إبتسم المدير وهو يقوم : نقول بسم الله ياريف ، لك الموضوع ، وهالمشروع ناخذه بهالطريقة الممُتعة يمكن يرجّع الحياة لشركتنا !

لؤي وهو يرجّع رآسه للخلف : أقدر آخذ إجازة الحين ؟

هز المدير راسه بـ النفي بطقطقة : المشروع بـ إيدك يا لؤي مع ريف ، ولد المهندس وتتركنا بمشروع كذا ؟ ما تجي منكم

ضحك لؤي بنفس الطقطقة وهو يوقف للخارج وصادف ريف جنبه : إذا رتبتي وضعك ، إرسلي لي خطتك بـ المكتب !

رفعت حواجبها لثواني بإستغراب : تقدر تجي وتاخذها ولا على راسك ريشه ؟

ناظرها لثواني بذهول وهو يشوفها تعطيه ظهرها وتمشي ، وبعد ساعتين بالتمام خرج من مكتبه يشوفها جهّزت كل شيء بشكل إستغربه ، تخطيط للمشروع كامل وتصميم 3D تقريبي لكل نواحيه~

لؤي بمصارحة :..كِنت مخططة للمشروع قبل ؟

هزت رآسها بـ إيه وهي تناظره : أنا مو من حزب المُستهترين ، اذا تبغى تثبت إسمك من أول يوم تسوي كذا

ضحك بشبه طقطقة وهو يوقف : ما قصرتي ، إسمك بيدخل بأحلامي من كثر ما سمعته

ميّلت شفايفها بعدم إعجاب وشبه سخرية : وبتسمعه أكثر إن شاءالله ، تفضل

أخذ الأوراق وهو يخرج من مكتبها ، وهي جلست بإرتياح إنها أنجزت هاليوم بـ نجاح كثير ، مرّت الأيام وقتها وتتذكر كيف كانو أغلب الموظفين والموظفات يحتكّون فيها لكن هو لا ، كان بعيد دائماً وما يعجبه الوضع وبدون أي مقدمات يحسّ إنه مسؤول عنها لأنها معاه بالمشروع ، للحين تتذكر وقت تعثّرت بـ موقع الإنشاء وهو مسكها مباشرة وكان هالموقف تحت أنظار المدير يلي إبتدأ بعده بـ يومين مُحاضرة تدقّهم بالحكي ، كان كثير يجي لـ مكتبها وهي بالمثل لكن العلاقة بينهم كانت محدودة جداً لحدّ ما صارت تِفقده لو ما داوم ، وصار يراقبها من بين كل الموظفين من بعيد لـ بعيد ، كانت تداوم بـ روح حلوة لحدّ ما تسمع إنه أخذ إجازة ويتعكّر صفوها بغرابة وبنهاية اليوم تستوعب إنه " شيء عادي " بحكم إنه الوحيد يلي تتعامل معه بخصوص المشروع وغيره ، كان أحيان يسمع إنها تظلّ بالشركة لوقت متأخر ويضطر بسبب ما يعرفه يظلّ لحد ما يتأكد إنها وصلت بيتها بسلام ، كان يراقبها بدون أي تحركات لحدّ ما لمِحها ~

كانت تعدل سلسالها وتاركه طرحتها على أكتافها ، كان نصف الباب مفتوح لكنها ما إنتبهت له ولؤي وهو مار شافها ،ما قِدر يمنع نظره عنها بذهول ووقت قِدر لفت إنتباهها كله لأنه سكّر الباب لجل ما يشوفها أحد ، لفّت طرحتها ولبست نقابها بإستعجال وهي تخرج تشوف مين يلي سكّر الباب ، ما لمحت أحد الا ظهره بـ نهاية الممر يمشي لـ مكتبه ومباشرة تولّعت من خجلها من حست إنه هو يلي سكّر الباب ، وهو يلي شافها ~

إرتبكت وقت خرجت للمواقف وشافته واقف عند سيارته وما تدري كيف حاكته : لؤي

لف لناحيتها وهو عرف إنها ريف ، أشر لها على سيارتها والإسوارة يلي فوقها : لقيتها بمكتبي

ترددت لثواني بـ إنها تتكلم لكن بتعرف هو شافها أو لا : كيف عرفت إنها لي ؟ ليه مو لـ الموظفات يلي جو معي ؟

ما جاء على باله يقول شفتها بيدك ، وقال بكُل فهاوة : لأنها مثل سلسالك

ناظرته لثواني بذهول ومباشرة ضرب جبينه بإرتباك : أنا آسف ، تآمرين على شيء ؟

هزت رآسها بالنفي وهي تتوجه لـ سيارتها بإرتباك نفس إرتباكه ~

رجعت لـ واقعها على صوت أم حاكم يلي تهزّها : يا بنت زوجك تحت!

إبتسمت لثواني بتردد وهي توقف و..ورجعت جلست مباشرة : مو لابسة عدل

أم حاكم بإبتسامة عريضة : الوجه يشفع ، لا تتأخرين ع الولد !

إبتسمت ريف بتردد لثواني وهي تعدل تيشيرتها وتنزل لحدّه ، كانت لابسة جيِنز عادي هاي ويست وتيشيرت واسع بـ اللون الأبيض ، تاركه شعرها على حُريته جنب وجّها وميكبّ يومي يتلخص بـ الرُوج والبلاشر فقط ، فتحت الباب بتردد لثواني : لؤي

إبتسم بخفيف وهو يناظرها : أنا أدري إني وقح الحين ، بس ما نسيتك

إبتسمت لثواني بذهول من شافته يمدّ لها القهوة المُفضلة عندها : تدخل ؟

هزّ راسه بالنفي وهو يبتسم بخفيف : ما أدخل بيت متعب هالساعة ، أخاف

إبتسمت وهي تميّل شفايفها : بكيفك

لؤي بإبتسامة عبيطة : بس ما يمنع تخرجي لي ، تعالي

هزت رآسها بالنفي بنفس نبرته : أخاف !

ضحك وهو يرجع إيده خلف عُنقه : تعالي ؟

هزّت رآسها بالنفي وهي تسمع صوت أبوها من خلفها : عيب ما تقلطيّنه يا ريف ، إدخل يا لؤي !

إبتسمت وهي تبعد عن الباب وتشرب من القهوة : الله يحييك ؟

إبتسم غصب عنه وهو يتنحنح ويدخل ، يعرف إنه وقح كون الوقت الحين نِصف الليل لكنه ما قدر يجلس بالكوفي مع العيال وهو يعرف إن أحبّ قهوة لقلبها من هالمكان ، جلس أقل من الخمس دقايق سلّم فيها على متعب وفزاع وأم حاكم طبعاً ما يجوز لها تسلّم عليه لأن ريف مو بنتها إنما بنت زوجها ~

وقفت معاه وهي تشوفه يدخّل إيده بـ جيوبه وشبه إبتسمت بعبط : كيف عرفت إنها لي ؟

إبتسم بخفيف من فهم إنها تقصد إسوارتها وفهاوته : لأنه يشبه سلسالك !

ميّلت ريف شفايفها وهي تتكي ع الباب من حسّت فيه يلف أنظاره للوضع : الله معاك !

فتح ذراعه وهو يضمّها وسرعان ما توردت ملامحها بخجل من حسّت بـ إيديه على ظهرها ، إبتسم بهدوء وهو يرجّع شعرها لخلف إذنها : الله معي !

إبتسمت غصب عنها وهي تودعه بعيونها لحدّ ما مشى ولفت للخلف وهي ما ودها تصرخ لأنه دايماً يبسطها بهالشكل حتى لو بـحركة وحيدة منه ~

«قرية لونجيرن بـ سويسرا »'

كانت جـالسه بالخارج وتنتظر يجي حاكم لأنهم بيجلسون بهالمكان ، نـزلو المدينة والأسواق يوم واحد فقط وهي أبدت له رغبتها الكاملة إنها تبقى بـ وسط هالقرية بس ، تعيش وسط هالهدوء فترة لأنها تعرف إن بمُجرد رجوعهم للرياض حاكم بينسحب لـ شغله ،وهي بتضيع وسط أشغالها والناس ~

ابتسمت بخفيف من حسّت فيه يترك البطانية على ظهرها وأكتافها ويجلس بجنبها ، تركت دفترها وهي تناظره :..يكفينا الإثنين

حـاكم وهو يتأمل القمر يلي قدامهم بهدوء : ضميّه عليك ، الجو بارد

هزّت رآسها بالنفي وهي تناظره : لو تصير جنبي ما يصير برد ، لا تعاند

مد إيده وهو يحاوط خصرها يقربّها من حده وإبتسمت ملاذ بخفيف من صارت البطانية تغطيّ ظهره وظهرها ، سندت رآسها على كتفه وهي تمدّ إيدها لـ إيده : حاكم

نزّل أنظاره لها وهو يناظر إيدها : أسمعك

سكتت لثواني وهي تحسّ فيه مو مرتاح هنا لكن قررت المُصارحة : ما ودّك نرجع ؟

هزّ راسه بالنفي : ما صار وقت رجوع ، ودك ترجعين ؟

ميّلت شفايفها لثواني وهي تمسك إيده : إذا إنت ودّك أنا ودي ، ما أحس ترتاح هنا

إبتسم بخفيف وهو يتأمل البُحيرة يلي بـ الأسفل : أنا ما أنتمي لهالبلد ، ما بكون مثل ما أنا

إبتسمت وهي ترفع أنظارها له : قول إنك إبن الصحراء ومو عاجبتك الأماكن هنا !

إبتسم بخفيف لثواني وهو ينزل أنظاره لها ، رفعت عيونها لعيونه وهي تشوفه : ما إشتقت للناس ؟

حاكم : بعد ما صار لنا قلب ، إشتقنا

ملاذ : ما قد حكيّتني عنك ، يعني وإنت صغير رغم إني ما أتخيلك بغير هالهيئة !

إبتسم غصب عنه وهو يشتت أنظاره بعيد : ما كنت صغير لجل تتخيليني

ملاذ بإبتسامة خفيفة : أعرف ، كنت دايماً حاكم !

إبتسم لثواني وهو يلف أنظاره لها :ليه تسميت بـ حاكم برأيك؟

رفعت أكتافها بعدم معرفه وهي تشد على إيده لأنها تبرد : ما أعرف ، يمكن جدي كان عنده نظرة للمستقبل

ضحك بخفيف وهو يزفّر : بـ يوم ولدت ، تسلّم نهيان سيف الجماعة يلي يتبدّل بين الشيخ والشيخ كل فترة ، يعطونه لـ الشخص يلي يتكلّم بصفة الجمع عن الكل وشرطين فيه ، يقدر يحكم ، وبعقله حكمه

ملاذ : لهالسبب تحبّ نهيان ؟

إبتسم لثواني بخفيف : نهيان كل شيء ، إنت تربيتي تحت ظلّ فارس وانا تحت ظلّ نهيان بدون غيره

ملاذ بتردد لثواني : حتى عميّ وعمتي ؟

هز رآسه بـ إيه بهدوء وهو يشتت أنظاره بعيد : أمي وأبوي حد الـ ٨ سنين معاهم وكانت جهنّم علي ، بعدها مع نهيان

شدّت على إيده بخفيف وهي تضم أكتافها تسمعه يكمّل حكيه : ما كان الوضع بين أمي وأبوي عِدل ويسمح لي إني أجلس بينهم ، كنت مع نهيّان أغلب الوقت لجل يهتمّون أمي وأبوي بـ فزاع بس ولا ينشغلون معي ، كنت معه بالديرة أغلب الوقت وغصب عني صرت حاكم ، بـ عمر العشر كان نهيان يوقف الرجال وراي لجل احسّ بقوتي وشخصيتي ولجل يراضيني بعد الضرب ، ما كان مستنقص منهم ولا كان يرفّع لي إنما يعرف يربيّ ، كان فـ.. ما كان الوضع بين أمي وأبوي عِدل ويسمح لي إني أجلس بينهم ، كنت مع نهيّان أغلب الوقت لجل يهتمّون أمي وأبوي بـ فزاع بس ولا ينشغلون معي ، كنت معه بالديرة أغلب الوقت وغصب عني صرت حاكم ، بـ عمر العشر كان نهيان يوقف الرجال وراي لجل احسّ بقوتي وشخصيتي ولجل يراضيني بعد الضرب ، ما كان مستنقص منهم ولا كان يرفّع لي إنما يعرف يربيّ ، كان فزاع وقتها عمره ٣ سنوات وجدي يشوف إن فزاع يكون معاهم لجل يهديهم لأنه إنولد بـ وقت رخاوة بينهم ، ومن وقت ولادته للحين هو نقطة ضعفي يلي ما توضح للكل

ملاذ بإبتسامة خفيفة : ما توضح للكل ؟

هز راسه بـ إيه : نهيان الكل يعرفه ، وأمي وأبوي بدون شكّ بيصيرون ضعفي ، وإنت ما ظنتيّ به عاقل ما يشوف ضعفي منِك ولجلك ،لكن فزاع غير

إبتسمت غصب عنها وهي تحسّ فيه يحكي من قلبه ، حكّاها عن سر زعله من أمه وإنها إتهمت نهيان بـ أشياء ما سواها ، ضحك بشبه سخرية لثواني : أمي ، حرقتني مرتين بنفس الشخص يلي تعرف إني أحط العالم كله لحاله وهو لحاله

ملاذ وهي تعتدل بجلستها : يمكن لمصلحتك ، أو حكي عابر

هزّ راسه بالنفي بسخرية :1995 ، وقت إني ولد العشر قالت لجدي إنه ما يعرف يربيّ وحكي كثير طيّحه من حيله ، زعلت ورضيت ورجعت حرقتني أكثر يوم تخرجت من العسكرية

ناظرته لثواني وهي تشوف كالعادة وجهه يميل للإحمرار يلي يحاول يخبيّه وهو يحكي بهدوء : راحت لـ نهيان بمكتبه وقتها ، قالت له الرجال طول عمره رجال واللي ما هو رجال ما ترجّله عسكرية !

سكتت مباشرة بذهول وهي تمدّ إيدها لـ إيده بتردد : حاكم أكيد ما تقصد

إبتسم بخفيف لثواني وهو يسكت ، يفضّل الصمت على إنه يتكلم بـ أشياء قديمة يفكّر إنه نساها أو يمثل إنه تناساها ، نهيان طاح مرتين وكله بسبب ثقل الحكي على قلبه من علياء وبكل طيحاته ، يكون حاكم بأشدّ الحاجة له ، علمه نهيان على كل شيء الا إنه يصبر بدونه ما يقدر يعلّمه ~

تمدد بحُضنها وهو يسند راسه على فخذها : حاكيني بغير هالكلام

إبتسمت لثواني وهي تمد إيدها لشعره : أمي فاطمة قالت لي جملة عنك ، بس حكيني كيف حبيتني لهالقد الحين ! تعرف أشياء كثير عني ما أتوقع إنك كنت تحبّني وقت الطفولة لجل تلِمّ فيها كلها !

إبتسم بخفيف وهو يغمّض عيونه : بتروح ليلتنا إعترافات ؟ صعبة أقول لك ضعفين بـ ليلة وحدة

ميّلت شفايفها لثواني وهي ترجع شعرها لخلف أذنها :..ما صرت مثلك للحين وأعرف يلي قدامي بدون لا يعترف لي ، للحين ملاذ وإنت حاكم !

ميّل شفايفه بخفيف لثواني : يمكن من باب الفضول ، من وقت ما عرفت بشعورك لناحيتي

تُوردت ملامحها مباشرة ، ورجع حاكم يصحح جملته : أو من وقت ما عرفت إني حاكم ، الا على شيء واحد

إبتسمت لثواني بتردد وهي تشوفه يرفع عيونه لها : قلبك ؟

هزّ راسه بـ إيه وهو يرجع يغمّض عيونه ، يتذكر موقف أهلك عقله بالتفكير : كان المفروض إني عند الفريق أول من العشاء ، دخلت البيت وما كنت حاكم لا لنفسي ولا لغيري ، كِنتي قدامي بالمطبخ ، عرفتك من ظهرك وقتها

تُوردت ملامحها من عرفت أي ليلة يقصد ، أي يوم ، وأي ساعة بالتحديد ، وقت وقف قدامها بالمطبخ وتركها تلزق بالدولاب خلفها من خوفها ، وقت كان من فرط غضبه ما عرف يعصّب عليها الا إنه يعدّل بلوزتها على صدرها بنوع من الحدة ، صعد للأعلى وقتها وشافها منحنية قدام باب غرفتها تترك شيء عند الباب لـ بتال وتجمّعت كل شياطينه من فرط غيرته إنها بمُجرد الإنحناء يوضح نحرها وصدرها كله ، يذكر الغيرة الشديدة يلي إنتابته وقتها "لا تلبسّين هاللبسّ قدام غيريّ ، ولا قداميّ لحد ما تصيرين تحت سقفّ بيتي !" كانت تحاول تهديه وتستفهم منه سبب غضبه وقتها الا إنها غلطت قدام أنظاره بـ شكل يترك عقله يسافر لـ بعيد وتحلّ العواطف فوق كل شيء ، غلطت إنها تزّم شفايفها سوا قدامه وما كان منه الاّ سيول من القُبل وإنتهت ليلته إنه سحب على الفريق أول والفريق سعد ، وإنتبهوا عمامه إنه خارج من غُرفة ملاذ وقت الفجر وشكله ما يبين إنه كان مؤدب ،كان بـ قمة غضبه وحتى وقت سأله أبوه قال له " ظنكم خير ، حرمي لو أنا غلطان ! " ، كان معصّب من نفسها ومنها وقته وكيف سمح لعواطفه تحكمه لكن ما قدر يخرج من البيت بدون ما يراضيها لأنها إرتعبت كثير ، يذكر إنها كانت واقفة بهدوء قدام فاطمة وبتتوجه لـ جامعتها ، ويذكر كيف حاوط خصرها يقبّل رآسها ويمشي وهو متأكد إن فاطمة بتوضح لها مقصد حاكم من قُبلة الرأس ~

إعتدل بجلسته وهو يلف أنظاره لها :وقت جلستي تضمين نفسك لنفسك ، كانت عيونك تشكي مني لي وقتها ووقت كنتي قدام فاطمة ، عرفت إني إنحكمت من ليلة الذيب وتقيّدت من نظرة !

إبتسمت بتردد لثواني وهي تحس فيه ينحني قريب عُنقها ، أخذ نفس خفيف وهو يحسّ لو طوّل بحضنها وريحة المسك يلي بعُنقها بتظلّ تلعب بعقله ، بيكشف كل أوراقه وأسراره واحد وراء الثاني ، هالمرة بدون قهوة ، هالمرة لأنه بحضنها ولوحدهم عن العالم كلهم ~

« بـيت نهيّـان »

إبتسم بخفيف وموعد رجوع حاكم وملاذ بعد يومين ، بالأمس جمعتهم مكالمة عبّرت عن أشياء كثير ، وأبسطها كان سؤال واحد لـ حاكم " متى حبيّتها ؟ "

، جاوب حاكم بـ كل أريحية " من ليلة الذيب " ، وهنا تغيّر المنطق كله بالنسبة لنهيان " الدار تنتظرك ، يابو ذيّاب " ، ما عادّ وده بـ سميّ له ، وده بـ ولد يشيل إسم حاكم ، وإسمه يذكّر حاكم طول عمره هو متى حبّ ملاذ وبأي طريقة حبها ، يعرف حاكم ومزاجيّته الصعبة ونهيّان ما بيصير موجود كل لحظة لجل يمسك أموره ، إبتسم وهو يتكيّ على مكتبه وشبه إرتاح أن حاكم لقى لنفسه ملجأ قبل لا يفقده ، ملاذ ما بتكون مثل نهيّان بالنسبة لحاكم ، لكن ع الأقل إنها إسم على مُسمى ~

خرج من مكتبه وهو يسحب عُكازه قدامه وإبتسم وهو يشوف جابر ووسن : أقول هالبيت ليه منوّر ، أبو وسن موجود !

ضحك جابر وهو يشوف نهيّـان يجلس بصعوبة بعد ما ساعده عناد يلي كان جاي من الخارج ويناظره : هاتها

إبتسم جابر بخفيف وهو يمدّ وسن لـ جدّه يلي مباشرة إرتخت ملامحه وهو يسميّ عليها ~

جات فاطمة لعند نهيّـان وهي تجلس بجنبه : البنات ؟

هز رآسه بـ إيه وهو يبتسم وأنظاره على وسن النايمة : اي والله البنات ، البنات البنات يافاطمة !

إبتسمت فاطمة غصب عنها وهي تعرف ضعف نهيّان الخفي تجاه البنات ، قضّى نصف عمره ندمان على بنته يلي ما جات ، لكن الله عوضّه كثير العوض بـ زوجات عياله وحفيداته ، كلهم مثل بناته وإن كان صارم معاهم ~

« بـيت هـذام »

خِرجت من غُرفتهم وهي تغنيّ وتدور جوالها ، ضحكت بذهول من حست فيه خلفها : يا أهلا !

إبتسم غصب عنه وهو يقبّل كتفها : يا هلا ، كيف الحال ؟

إبتسمت وهي تلفّ لناحيته : الحمدلله ، طوّلت الغيبة !

رمى نفسه ع الكنبة وهو يشوفها لابسة وجاهزة : حلوة لي ؟

هزّت رآسها بالنفي : بروح بيت جدي ، يلا

هزّ راسه بالنفي مباشرة وهو يغمّض عيونه : الحين أنا زوجك ، ولي يومين ما طبيّت البيت مداوم ، يوم أجي بتتركيني ؟

إبتسمت لثواني وهي تجلس قريب من بطنه : وإنت بتجي معي عشان تعدّل نومك ، وتنام بالليل الليل

هذام : أقول إستهدي بالرحمن ، وإلبسي بجامتك نصير عاقلين ببيتنا الحين وش رايك ؟

هتان وهي توقف : لا ، يلا الله يخليك

كشّر مباشرة وهو يسحب المخدة تحت راسه : دوريّ لك أحد يوديك

وسّعت عيونها بذهول وهي تلف لناحيته وسرعان ما كشّرت وهي ترمي المخدة يلي بجنبها عليه : دورّ لك أحد ينام معاك !

ضحك بذهول وهو يفتح عيونه وسرعان ما إبتسمت بفهاوه وهي تستوعب كلمتها :..

لا مو كذا يعني ، أقصد أنا ما راح أنام معاك

ميّل شفايفه وهو يعقّد حواجبه : دوّر لك أحد ينام معاك ، هذي والله أعلم إنك تقصدين أشوف أحد غيرك

كشّرت لثواني وهي تجلس جنبه : إنت جرّب تميل عيونك يمين ولا يسار ، أنزع قلبك من مكانه !

إبتسم لثواني وهو يناظرها : والله انا ما قدّ ثنيت لك كلمه ، تتوقعين هالمرة أثنيها ؟

ضربت رجلها بالأرض وهي توقف : هذام !

إبتسم وهو يغمّض عيونه :أنام ثم أفكّر تروحين ولا لا

زفّرت وهي تجلس بجنبه ، كتمت إبتسامتها لثواني وهي تمدّ إيدها لـ أزرار بلوزته العلوية : بس بعدين نتزاعل !

فتح نصف عيونه وهو يناظرها : حركتك ما تجيب لك سلام ، إعقلي

فتحت الأول ، والثاني ، والثالث وهي تحسّ فيه ساكن تماماً ، كشرت وهي تضرب صدره : هذام !

قام بتزفيرة : إلبسي يا مزعجه

إبتسمت بإنتصار وهي تلبس عبايتها ، وهو بدّل بذلته حق الدوام ولبس أقرب شُورت وتيشيرت قدامه ، خرج وهو يشوفها لابسة عبايتها وتنتظره ~

ميّلت شفايفها وهي توقف قدامه : هذام

إستغرب لثواني وسرعان ما إبتسم وهو يمسكّ وجها : وش صار ؟

رفعت أكتافها بعدم معرفة وسرعان ما حضنته بدون لاتتكلم : عادي لو أتركك ؟ ما بتزعل ؟

ضحك وهو يحضنها : بوديّك لعندهم وبرجع أنام ، من حقّك تخرجين

إبتسمت لثواني وهي تناظره : متأكد ؟

هزّ راسه بـ إيه : لك يومين بالبيت ، بتجلسين أكثر ؟

هتان وهي تبعد : ما بطوّل ، بس لأن جدي يبيني لازم أروح !

هذام وهو يناظرها بإبتسامة : ونهيّان ما ينرد له طلب ، ولا ؟

إبتسمت وهي تهز راسها بـ إيه : خسي ينردّ !

« بـيت نهيّــان »

دندن وهو يصعد للأعلـى : أمـي

خرجت فاطمة من غرفتها وهي تبتسم : أمك أنا ولا أمك أمك ؟

ضحك فزاع لثواني وهو يطقطق : إنت أمي ، وأمي إسمها ماما !

ضحكت فاطمة مباشرة وخرجت علياء معاها أوراق كثيرة : هاك يا فزاع

إبتسم وهو يمّيل شفايفه : كلها ؟

هزّت علياء راسها بـ إيه وهي تجلس ، لف فزاع أنظاره لـ جدته فاطمة : تدرين وش يقولون ؟ يقولون يلي بوساته باليوم ما تتعدى خمس هذا جماد من الجمادات !

إبتسمت فاطمة وهي تشوف نادين جايه : إنت إستفتح بسم الله ، وبنت سامي ما تقصّر معاك !

ضحك وهو يضمّ الأوراق لصدره : بلاي يا فاطمة خذيت وحدة ماهي مثلي ، تستحي !

ضحكت فاطمة وهي تضرب كتفه : نصّ زين البنت بحياها، ماهي من صلب متعب لجل تفصخ !

ضحك بذهول وهو يشوف ريف واقفة وشبه مصدومة : ليه هو يلي من صلب متعب قليلين حياء ؟

فزاع وهو يهزّ راسه بالنفي :..محشومة إنت

هزت فاطمة رآسها بـ إيه : حاكم وفزاع إيه ، لكن إنتِ ما بعدّ جربناك !

فزاع وهو يدخلها تحت ذراعه : بسم الله على بنتي وحاكم ، كلنا مؤدبين بس العالم يفهمنا غلط !

ميّلت نادين شفايفها بعدم رضى : مؤدبين ، صح بس الأدب يسلم عليكم من بعيد

ضحك فزاع وهو يترك ريف : تعرفين راعي الهيبة الناس يسلمون عليه من بعيد ، مايحقّ له يقربنا ولا كيف ياريف ؟

هزّت رآسها بـ إيه وهي ما تدري عن الموضوع أصلاً ولا فهمت شيء لكن ضحكاتهم تبيّن إنها جابت العيد !

فاطمة وهي تمسك ريف : شكل الخلل بصلب متعب اللي له طرف مع علياء ، هالبنت وش زينها بس ابعدوا عنها !

ضحك فزاع وهو يشوف نادين تمشي من جنبه : تعالي بيننا حكي ، تعالي

هزّت راسها بالنفي : وش المنحنى يلي ياخذه حكيك ؟

ضحك وهو يحط إيده على صدره بـ تعهّد : منحنى الأدب والأخلاق ، حيّاك !

إبتسمت وهي تمشي قبله ، وهو رتبّ الأوراق يلي بـ إيده وميلّ شفايفه من شاف عمامه وأبوه بالصالة قدامه ~

ضحكت بذهول وهي تشوفه مو عاجبه الوضع كون عمامه موجودين بالصالة يلي ما توقع فيها أحد : روح دوامك الله يوفقك ،نظراتك ما حبيّتها !

ضحك وهو يشوفها تبعدّ عنه للداخل ، وإستلموه عمامه يسألونه ويوصونه ، بـ حُكم إنه الوحيد يلي يشتغل مع عناد بالشركة ، وبـ حُكم قرب زواج ريف يلي ما باقي عليه الاّ ثلاث أيام ~

« سـويسـرا »

عدّلت بلوزتها وهي تنتظر رجوعهم للرياض على أحرّ من جمر ، اليوم صار موعد رجوعهم للديار ، ورجع حاكم لـ روتينه من أول صحوتهم بالصباح ، كان يحاكي الفريق أول محمد ، وإنتهى منه إستلم الفريق سعد ، إنتهى من الفريق سعد وإستلم هجرس وإنتهى من هجرس وإستلم سعود يلي توه تنفّس وخرج من الدورة ، كان بيكمّل لأن وراه تراكم شغل فضيع ووراه ألف مكالمة ومكالمة لازم يجريها لكنه ترك الجوال من شافها ، كانت واقفة وإيديها للخلف تتكيّ ع الطاولة وأنظارها ع الشُباك ، الواضح إن تفكيرها سرح بعيد لكن لأي مدى ما يعرف ~

قام وهو يشوفها ما حسّت إنه صار قريب منها ، ترك الكوب ع الطاولة يلي خلفها ومباشرة فزت برعب : حاكم '

وجّه أنظاره لعيونها مباشرة : وش وراك

رفعت إيدها وهي تغطيّ عيونه : أنا ملاذ ، مو بتحقيق إحنا

رفع إيده وهو ينزّل إيدها عن عيونه لـ صدره :..وش وراك

رِفعت أكتافها بعدم معرفة وهي تناظره لـ جُزء من الثانية وماكان منها الا إنها تحضنه ، كان يعرف إنها بتتكلم ولهالسبب فضّل الصمت على إنه يبادرها بالحكي ~

إبتسمت بخفيف وهي تشكّ بـ شيء لكن ما تعرف صحّته إلى الحين : تذكر جلستنا أمس ؟

هزّ راسه بـ إيه وهو يحسّ بأكتافها باردة مثل الثلج : نمتي قبل لا تنهين حكيك ، كمّليه ،

" بالأمـس "

جـلست بالخارج مثل ما تعوّدت من قريب الإسبوعين ، تجلس بـ وسط هالجبل قريب من كُوخهم وبـ إيدها دفترها ، يجي لجنّبها وتروح ليلتهم سوالف وإعترافات وأشياء لطيفة كثير ~

كانت لابسه فُسـتان باللّون الأحمر الهادي لفّ ويُربط من عند الخصر فقط ، جلس بجنبها وهو يرجّع إيديه للخلف يتكي : وش موضوعنا اليوم ؟

إبتسمت بخفيف وهي من كثر مشاعرها ما تدري وش تبدأ تحكي ، لفت أنظارها له بخفيف : ما قلت لي كيف حبيتني للحين !

إنحنى وهو يقبّل كتفها : ليه ودّك تعرفين ؟ ما يكفيك ؟

ملاذ وهو تبعّد شعرها عن وجها : الاّ ، بس صورتي وأنا صغيرة معاك ، صورتي مع بتّال بالبحر معاك ، ورسمتي يلي قبل ١٦ سنة معاك ، ممكن أسأل متى طيب ؟

رفع أكتافه وهو يمدّ إيده لـ خصرها : ودّك بالحق ولا ؟

ملاذ وهي تناظره : الحقّ بس

ضحك غصبّ عنه وهو يتذكر متى إنشغل فيها بالزبط ، وقت مسكت تيشيرته ليلة الذيب وصادف عيِونها ، أول سهم توسّط قلبه كان من عيِونها قبل لا يُغمى عليها ، تمتلي دموع وكأنها تخدّرت بـ شيء موجع ، ثاني السهام بـ ليلة وحدة كان وقت تركها بـ المقعد الخلفي وحللّ ملامحها كلها بـ نظرة يُقال إنها " خاطفة " ، رمى جاكيته عليها وقتها لأنه غار وخاف يشوفها أحدّ غيره وخرج من ليلة الذيب والمخطوف قلبه فقط ، وقتها حاول يمنع نفسه عن التفكير فيها لكنّه ما قدر وشبه وضّح لـ نهيّان عدم قدرته ، وقتها نهيّان مثل ما أعطى صور حاكم لـ ملاذ ، قرر يمدّ لحاكم ذكريات من ماضيها وماضيه سوا وهالصورة بالذات كانت بقلب نهيّان وعلى أساس يعطيها بنت حاكم من ملاذ وقت تُولد ، ووقت شاف إن الوقت ما يسعفه مدّها لـ حاكم يلي كان تايه بمشاعره وهالصورة متأكد إنها بتحسم كل شيء ، وقت كانت لابسة فُستان باللّون الوردي الخفيف وتحبي لـ ناحية الكاميرا ، وحاكم متكيّ ع المركى جنبه ويناظرها بدون أي تعبير بالملامح الاّ إبتسامة خفيفة بعد تركيز توضح ، لأنها كانت مبتسمة أو تضحك بهالصورة وكانت ضحكتها وقتها تضحّك الكل لأنها بريئه مثل عُمرها ~

بالأمس إعترف لها بـ...لها بـ اللي قدامه ودونه من وقتّ حبها ، إعترف إن أول مره نام معاها كانت غصب عنّه ولا يدري كيف نام أصلاً لكنّه كان من فرط مشاعره مو عارف يعبّر ، شرح لها كيف لعبت بقلبه وقت ضمّت اللحاف لجسدها ، كيف كانت كل ملامحها باللوّن الأحمر وعيونها توشك ع البكي ، كانت تحاكيه وإيدها على صدره وقتها : تعرف أمي فاطمة وش قالت لي ؟ قالت لي حاكم يحبّك هالقد لأنه ما حبّ أحد قبلك ، وقت شافت البطانية بـ السيارة إكتفت بـ إنها تضحك ، ووقت شافت جاكيتك عليّ ضحكت ، قالت لي جملة للحين ببالي

إبتسم لثواني وهو يشوفها تخدرت تبي تنام :ودّك تنامين ؟

هزت رآسها بالنفي وهي تحضنه : بغمّض شوي ، بعدين أكمل لك !

إبتسم وقتها وهو يحضنها لكن ما كان مؤدب أبداً ، مع رغبتها بالنُوم نسيت السالفة والجُملة وكل شيء وتوسّدت حضنه فقط ~

بـ الوقت الحاضر ، رفعت عيونها لـ عيونه وهي شبه تبتسم : تدري وش الجملة يلي قالتها لي ؟

هزّ راسه بالنفي : من أمس كان ودك تقولينها لي ولا حكيتي ، أسمعك

إبتسمت بتردد لثواني وهي ترفع إيدها لوجهه : قالت لي ، ياويلنا من رقة القاسي إذا حبّ

ضحك مباشره وهي إكتفت إنها تبتسم لكن زفّرت : إسبوعين وإنت معي ، ولي لوحدي والحين بيرجعون كلهم يشاركوني فيك ، حتى من الحين تأثرت ، ممكن تتحملني وما تحقق ؟

ميّل شفايفه لثواني وهو ينزل إيده لخصرها : الشرود كلّه ، لجل المكالمات ؟

هزّت رآسها بالنفي وهي تتجنب تركّز بعيونه : تعودّت إنك معي بس ، من الصباح وإنت مشغول فيهم

حاكم وهو يبعد بهدوء : بنرجع لحياتنا ، طولّنا عنها

مـلاذ وهي تمشي لناحيته : طوّلنا كثير

رفع عيونه وباقي على رحلتهم ٤ ساعات تماماً ، وقف وهو يقفّل جوالاته كلها وسرعان ما ضحكت وهي تبعد عنّه : حاكم لا

ميّل شفايفه لثواني : زواج ريف بكرا ، وبعده يمكن ما تشوفيني

زفّرت مباشرة وهي تعرف إنه مشغول لحدّ راسه لكن ما يوضّح ، هالساعات بتُعتبر نهاية راحتهم البعيدة عن العالم ، والواضح إنها ما بتضيع هدر ~

« بـيت نهيّــان »

دخـلت فاطمة مكتب نهيّـان وهي تتنهد : تقول رحمة ملاذ نايمة ، وحاكم مداوم

هزّ نهيان راسه بـ إيه وهو يدري لأن الظهر كله كان يحاكي حاكم ، والفجر الشخص يلي صلّى جنبه بالمسجد كان حاكم برضو : المغرب بيكونون هنا

إبتسمت فاطمة وهي تخرج وسرعان ما تغيّرت ملامحها وهي تشوف هتان واقفة بعيد والواضح إنها خايفة تماماً ~

كانت بتروح لحدّها لحد ما شافت أمها توجّهت لها وغيّرت فاطمة وجهتها لـ غُرفة ريف ~

وقفت شيماء قدام..هتان بإستغراب : هتان؟

إرتجفت وهي تحسّ بخوف مو طبيعي : أمي

مسكت شيماء إيدها بإستغراب وهي تسميّ عليها وسرعان ما شهقت من تجمّعت الدموع بعيون هتان ، حضنت أمها مباشرة وإنفجرت بكي من فرط خوفها من شيئين ، الأول يخص هذام لوحده ، والثاني يخصّها هي وهذام ~

شيماء وهي تمسك أكتافها بتهدئة : بسم الله عليك يابنتي ، وش صار ؟

رفعت هتان أكتافها بعدم معرفة وهي تحاول تمسك نبرتها ، تشكّ إنها حامل ومن إسبوع وهي تشكّ بهالشيء ،والحين خافت أكثر من شافت إرتباك هذام أول ما تركها بـ بيت أهلها ، كان يحاول ما يتكلّم ولا يوضح لكن كان شبه خايف ومصدوم ، كان مرتبك لدرجة إنه ناداها ٥ مرات قبل لا تنزل من السيارة بيقول لها شيء وما يقدر ويكتفي بـ " خلاص "، تكلّمت بعد ما هدّت من نفسها شوي : تجين معي ؟

هزّت شيماء رأسها بـ إيه بإستغراب : أقول لأبوك ، ولا جابر ؟

هزّت هتان رأسها بالنفي مباشرة : نروح أنا وإنت مع السواق ، أو عناد

جات نادين لحدّهم وهي تشوف هتان ترجف : هتان !

شيماء وهي تناظرها : خليك مع إختك بجيب عبايتي وأجي

هزّت نادين راسها بـ زين وهي تناظر هتان بإستغراب : وش صار ؟

رفعت أكتافها بعدم معرفة وهي تناظرها بإرتباك : أحس بـ شيء غريب ، من إسبوع

إبتسمت نادين لثواني وهي تناظرها بعبط : نقول مبروك ؟

ضحكت هتان وسط توترها وهي تضربها : نادين ! الموضوع يخوف للمعلومية !

نادين بإبتسامة : ما يخوّف ، ريحيّ وتأكدي وإرجعي مبسوطة عشان تبسطينا كلنا !

«بــاريـس »

توتّـرت من حست بـ إيده تحاوط أكتافها ، يتمشّون بـ الساحات من ساعات يحاكيها وهي تكتفي بالصمت ~

وقف قريب من الكُرسي وهو يميّل شفايفه : ودك نرجع ؟

هزّت رآسها بـ إيه وهي تجلس لأنها تعبت من المشي لكن غيّرت رأيها للنفي مباشرة : نجلس شوي

إبتسم بهدوء وهو يشوفها تتأمل الرايح والجاي ، تتأمل شوارع باريس وإبتسمت غصب عنهّا من مرت عينها على زاوية من زوايا البُرج ~

رجّع جسده للخلف بهدوء : لِك ذكرى هنا ؟

هزّت راسها بـ إيه وهي تضمّ المعطف عليها : كِنت مع أبوي وأمي وإيلاف هنا ، ما حكّتك ؟

هزّ راسه بالنفي ، وإبتسمت رسل بخفيف : سألنا أبوي وقتها ، وش تصيرون وقت تكبرون ، إيلاف قالت له بعيش بباريس وعاشت

رائـد : وإنتِ ؟

إبتسمت وهيّ تشتت أنظارها لجل ما تتجمّع الدموع فيها : قلت له بصير ممُرضة دايماً بجنبك ، لجل ما يتعب علينا ثاني وصرت ، لكن ما صرت جنبه

_إبتسمت وهيّ تشتت أنظارها لجل ما تتجمّع الدموع فيها : قلت له بصير ممُرضة دايماً بجنبك ، لجل ما يتعب علينا ثاني وصرت ، لكن ما صرت جنبه

ميّل شفايفه بهدوء وهو يوقف : لأن رغبته كانت ما تصيرين جنبه ولقى عواقبها !

قامت مباشرة من مكانها وهي تناظره : كيف لقى عواقبها !ما فيه شيء صح ؟

رفع أكتافه بعدم معرفة وهو يمشي قبلها ، مشيت خلفه وهيّ ما تدري المكان يلي بيروحون له فين لكن المهم إنها خلفه فقط ~

« بـ المُسـتشفى »

جـلس جنب أبوه وهو يحسّ روحه تحترق من فرط القهر ~

تكتفت ريهـام بهدوء وهي تناظره : بتفرد عضلاتك لا تفردها ع الحريم ، تفضّل زوج أمك وش مسوي

للحين ينحِرق قلبه من يتذكّر أمه وقت قالت له " سجّلت هالشقة بـ إسمه ،وسجّل بيته بـ إسمي وصفيت خواطرنا يا هذام " ، يتذكّر وقت قررت إنها ترجع لـ ثامر زوجها ولا شاورته أبداً ، وكان أكثر شيء حِرقه وقت خرج من الشُقة وثامر كان واقف قدامه~

قام بهدوء وهو يناظر أبوه يلي متمدد وللحين أثر البنج عليه : إذا صحى ، حاكيني

تركته يخرج بدون لا يتكلّم وتغيّرت ملامح هذام بهدوء وهو يشوف إسم أمه ينّور شاشته ، ردّ بدون لا يخرج منّه حرف وهو يسمع أمه أجهشت بكي تماماً تتوسله لا يوصل لـ ثامر شيء ~

إبتسم بهدوء وهو يحاول يمسك نبرته لا يصرخ فيها من غضبه وقهره : مين أنـا ؟ تعرفيني بـ أي وقت ؟ وقت تبيني أفكك من ثامر ، وأفك ثامر من شرّه ! أبوي كان أهون منك ولهالسبب بالذات ، باخذ حقه من ثامر لو أطلع قلبه بـ إيدي !

بـ طرف آخـر من نفس المُسـتشفى ، ما كانت قادرة تتكلم من فرط صدمتها وخوفها وفرحتها بنفس الوقت ، إبتسمت بإرتباك من مدّت الدكتورة لها صُور السونار وهي تناظرها : تقريباً عُمر الجنين شهر ، وكل الأمور تمام التمام الحمدلله !

ضحكت شيماء ومباشرة تجمّعت الدموع بمحاجرها لأنها للحين تشُوف هتان صغيرة وأصغر من عُمرها بعد ، ما تستوعب إن هتان كبرت عن قبل وكبرت أكثر بعد حادثة رائد ، والحين هتان تحمل بـ داخلها طفل ، وقبل لا تحمل بـ داخلها طِفل كان ولازال بـ إيدها خاتم يبينّ إنها حرم لـ هذام ، أجهشت بكي مباشرة من تذكّرت إن هتان ما عاشت يومها كما الأغلب ، ما إنزفت بـ الأبيض لكن كل هالماديّات التفكير فيها كان قليل ، المُهم إن يلي أخذها رجّال قول وفعل لكن هالأمور كانت ولازالت تحكم المجتمع بـ أكمله لكن الحين يرتجف قلب شيماء تشوف بنتها عروس ، بتشوف نادين وهذا لوحده فرحة لكن بتكون الفرحة أكثر لو شافتهم الثنتين ~

إبتسمت هتان بتردد وهي توقف :...أمي أنا مو قصدي

ضحكت شيماء وهي تمسح دموعها لأن هتان الحين تخجل كونها حامل : مو قصدك ؟

هزّت هتان رأسها بـ إيه وهي تحسّ ملامحها بـ أكملها تشتعل من الخجل : يعني مو أنا

ضحكت شيماء غصب عنها وهي تحضنها : تمام مو إنتِ ، ما يحقّ لهذام يعرف من هاللحظة ؟

هزّت راسها بالنفي : أخاف

شيماء بإستغراب وهي تركزّ عيونها بعيون هتان مباشرة : ما ودّه ؟

هزت هتان راسها بالنفي مباشرة : وده ، بس ما أدري هالفترة يناسب أقول له أو لا

إبتسمت شيماء بخفيف : هذام من تعامله مع إخته إلين لو تقولين له إنك حامل وهو هموم الدنيا فوق راسه بيفرح بالشكل الصحّ ويلي يسعدك ويسعده !

« بـيت أبـو حـاكم »

غمّضـت عيونها وهي تحسّ مو قادرة تنام من فرط مشاعرها الغريبة ، نـزلت للأسفل وهي تدور أي أحد صاحي الاّ إنها إرتجفت لثواني وهي تشوف أم حاكم ، وحاكم بـ الصالة ونُور وحيد يلي يضوي المكان كله بينهم ~

رجعت للأعلى مباشرة لأنها تعرف إن حاكم حتى لو ما حرّكت ساكن بيعرف بوجودها كيف ما تدري وبالفعل وسط الدرج سمعت صوته : تعالي يا ريـف

إبتسمت بتردد وهي تنـزل لهم : صباح الخير

لف أنظاره لها ومباشرة إبتسمت بتردد وهي تسلّم عليه من إستوعبت إنها ما قابلته من وقت ما سافر ، جلست بجنبه وهي تشوف أم حاكم تتأمله وعيونها مليانة دموع تماماً من فرط الرضى يلي إنتابها من جلسته معاها ، حكيه لها وعنها يلي كان يتلخّص مُجمله بـ " إنتِ أمي ، وتاج راسي وعلى عيني والإعتذار ما يرجّع أمس ولا يرجع دموعك وتعب نهيان ، لكن الكل يعرف حقه وحدّه والأم إذا قسى قلبها على ولدها مرة ، ما ظنتي يقسى مرتين وحنا من زمان صابنا اللين "

حاكاها عن سويسرا ، وجملة وحدة قالها لها كانت كفيلة تسعدها كثير " السفرة الجاية إن شاء الله أول لا يركب الطيارة إنتِ " ، لأن أبوه ما يحبّ السفر بعكسها تحبّ كثير لكن تحب المُدن والأماكن المليانة ~

حـاكم وهو يميّل أنظاره لـ ريف : كيـف لؤي معاك ؟

إبتسمت بتوتر وهي تخاف تتأمل عيون حاكم : يعجبك

إبتسم بخفيف وهو يشوف رسالة من ملاذ ، ورسالة تحتها من الفريق أول ~

ميّل شفايفه وهو يرجع جسده للخلف " تعال المركز ضروري " ، " الصباح بخرج مع البنات " ، مغزى الفريق أول واضح ، لكن ملاذ جابتها بـ لفّه بسيطة ، "إذا إشتقت لي تعال الحين لأني مابكون موجودة " ، هذا المعنى الصحيح لكلامها ويلي ما غاب عن حاكم ~

وقف وهو يناظر ريف : تآمرين على شيء ؟

هزّت رآسها بالنفي وهي تبتسم بخفيف : سلامتك

وقف وهو كان بيمشي الاّ إنه ...إنه رجع يقبّل رأس أمه ويخرج ~

ركـب سيارته وهو يمدّ إيده لـ الملفات يلي بجنبه وإبتسم بخفيف من سمع صُوتها تدندن والواضح إنها مو جنب الجوال ~

حـاكم : بـرجع البيت على تسع الصبح ، تبين شيء ؟

هزّت راسها بالنفي وهي تزفر : لا ، حتى تسع لا تجي

ضحك وهو يسكت لثواني ورجع يتكلم : ما تبيني ؟

مـلاذ بشبه طقطقة : لا ، ولا ، ولا !

ميّل شفايفه بخفيف : إبشري ، أشوفك العصر إن شاء الله !

سكتت بدون لا تتكلم وهو بالمثل ، تنحنح من وقف عند المركز وهو ينزل : تآمرين على شيء ؟

مـلاذ بإبتسامة خفيفة : سلامتك !

« بـيت هُـذام »

جـلست ع الكنبة وهي تتحسس بطنها بـ إيدها ، تخاف من المُستقبل ، ومن يلي بـ داخلها ، ومن المسؤولية ومن ألف شيء بـ وقت واحد ~

رفعت أنظارها لـ صوت الباب يلي إنفتح وهي تشُوفه غريب ، مو هذام يلي تعرفه ويلي بمُجرد ما تطيح عينه عليها ينسى كل شيء ويبتسم لها ، ما إبتسم هالمرة ولا تغيّر بوجهه شيء ~

قامت من مكانها وهي تناظره بتردد : هذام ؟

جـلس ع الكنبة وهو يأشر لها ع المطبخ : جيبي مويا

هزّت راسها بـ زين وهي تمشي للمطبخ ، ظلت تتأمله لثواني من بعيد ومباشرة تغيّرت ملامحها من شافته يرفع إيديه لوجهه : هذام !

نـزّل إيديه بهدوء وهو يحسّ عيونه تحرقه من كُثر الوقت يلي قضّاه ولا نام ، ومن كُثر الحرّ يلي بجوفه والقهر ~

مد إيده وهو يجلّسها بجنبه : مع مين رجعتي ؟

هـتان وهي تمدّ إيدها لشعره : أمي والسواق ، تنام ؟

هزّ راسه بالنفي : بخرج المركز بعد شوي

سكتت بدون لا تتكلم لحدّ ما رفع عيونه بهدوء : كِنتي بالمستشفى ؟

تُوترت وهالوضع ما ينفع تقول له فيه ، تنكر ولا تقول له من الحين : مدري

هـذام بسخرية من نفسه : يا إنك كنتي ، يا إني كنت أتوهم

إبتسمت بخفيف وهي تمسك إيده : ما كنت تتوهم ، كنت هناك

لف أنظاره لها ومباشرة حسّت هتان بـ شيء غريب يراود داخلها ، كأنه يطلبها تقول له شيء يفرّحه ما يرعبه ، كأنه يترجاها ما تزيد ثقله ثقلين بـ إنها تعبانة أو تعبت من شيء ، تجمّعت الدموع بمحاجرها مباشرة وهي تمدّ إيدها لوجهه : لا تناظرني كذا

إبتسم بخفيف وهو يقبّل إيدها يلي قدامه : مافيك شيء ؟

هزّت رأسها بالنفي وهي تبتسم ومباشرة إنتابها الخجل ، ناظرها لـ دقيقة لحد ما حس بـ الضحك ينتابه وهنا تأكد وعرف تمام المعرفة إنها حامل ، من أول ما ضحك نزلت دموعها وهي تحس نفسها " غلط " كيف ما تدري ، قام وهو يدخل إيديه خلف راسه بذهول :..: حامل ؟

هزّت رآسها بـ إيه وهي تحس بـ قلبها بيخرج من مكانه من ضحك ووجهه كله تغيّر لـ اللون الأحمر تماماً من فرط المشاعر يلي تراوده هاللحظة ، صرخ غصب عنه وهو يحضنها وسرعان ما ضحكت هتّان من حسّت فيه مبسوط من قلبه : بشويش طيب !

إبتسم لثواني وهو يحسّ إنه رفعها عن الأرض أصلاً : وصلت رجولك ؟

هزّت راسها بـ إيه وهي تناظره بتردد : إيش صار ؟ وقت تركتني بـ بيت جدي ؟

رفع أكتافه بعدم معرفة وهو يبعد شعرها عن وجها : ما أدري

إبتسمت بخفيف وهي تشوفه ماسك وجّها بـ إيديه الثنتين ، إبتسم وهو يحس " وده ياكلها " : ياشيخه أضربك !

ميّلت شفايفها وهي تبعد عنه : تعال ، عشان تتعلم

جلس وهي بجنبه وسرعان ما ضحك بذهول وهو يشوف الصور كلها بجوالها صارت فيديوهات تعليمية عن الأم والطفل ، أشرت على فيديو بـ إيدها وهي تناظره : لازم تسوي كذا عشان ما أتعب أوكي ؟

هذام وهو يناظرها : وإذا سويت كذا ؟

تُوردت ملامحها وهي تحسّ فيه يقبّلها لـ المره الأولى، والثانية ، والثالثة : إذا سويت كذا عيب !

إبتسم وهو يضمّها لعنده وكان شبه متأكد إنها هي يلي شافها بالمُستشفى ، كانت خارجه من غُرفة الدكتورة يلي يعرف تخصصها عدل ولهالسبب أنكر إنها هتان ، لكن من إبتسامتها وترددها ودموعها عرف إنها حامل وقبل إسبوع تقريباً ، كانت بـ حُضنه يتناقشون بموضوع مُستقبلهم والأطفال ، قال لها إنه يحبّهم ويتمنى لكن بيصير وده وقت هي ودها وتحسّ إنها جاهزة والواضح إنهم ما حسبوها صح وصار الحمل قبل جاهزيتهم الإثنين ، لكن صار خير كثير بالنسبة لهذام يلي كان يحتاج دافع يحفزه يكمل بدون لا تتأثر نفسيته ~

« بـيت هجـرس ، 7 الصباح »

نـزل حـاكم وهو يعدّل ثـوبه ومباشرة إبتسم وهو يشوف الشخص يلي يمشي لـ ناحيته من بعيد ، نظراته أقوى من قبل بكثير ، وهيئته رغم الضعف يلي إنتابها الا إن الصلابة فيها توضح من بعيد : حيّ أبو ضاوي

إبتسم سـعود مباشرة وهو يأشر على صدره : حياك أبو نهيّـان ، الليلة عرس إختك ولا أنا غلطان ؟

هزّ حـاكم رأسه بـ إيه : علومك بالسلـيم ، كيف الحال ؟

ضحك سـعود وهو يأشر على هيئته يلي تغيّرت بعد الدورة وأبرز التغييرات كان لونه الأسمر الشديد : عايشين الحمدلله !

ضحك حـاكم وهو يشوف هجـرس خارج من البيـت يهليّ : يا هلا يامـرحبا ، حياكم

إبتسم سعـود وهو يشوف هذام جاي من بعيـد : يا هلا بالشيخ

ضحك هذام وهو يأشر على صدره ويمشي لـ ناحيتهم ، متواعدين يـ...

٠٠٠٠٠٠٠٠٠

قراءه ممتعه

رواية ياملاذ الحاكم يابكر فارس الفصل الثاني والعشرون 22 - بقلم محبة روايات

رواية ياملاذ الحاكم يابكر فارس — الفصل 22 — بقلم محبة روايات

كُلٌّ يَمدُّ إلى الحبيب وُرُودهُ

‏وأنا أَمُدُّ إلى الحبيبِ وَرِيدي

متواعدين يفطرون بـ بيت هجـرس ويتجمعون لأنهم تشتتوا كثير بالفترة الأخيرة

بعـد الفطور ، والقهوة ، وكل الأحداث دارت حوارات متعددة بينهم عن الشغل ، وصار وقت التفرّغ لأحاديثهم كـ أصحاب ~

هـذام وهو يلعب بخاتمه بخفيف : سـعود ، خِبري كِنت خاطب ؟

هزّ سـعود رأسه بـ إيه : كـنت ،بس مالله كتب

حـاكم وهو يرجّع جسده للخلف: ومالك النيه الحين ؟

هزّ راسه بالنفي وهو شبه يضحك : لا الحين ولا بعدين ياخوك

هـذام بإستغراب : عطنا سبب طيب ، وش يقصرك لجل ما نشوفك عريس !

إبتسم سعـود وهو يناظره : أسباب كثيرة ياخوك ، أولها إني لا تعلقت تعلقت وانا ثقلي يا صاحبي طاح مني بيوم ولمحة وحدة وبالقوة لملمته ، وثانيها قبل سنين كان لي يمين تعظيم ما يلبسني البشت الا أمي ، والله يرحم موتى المسلمين ، وثالثها ضاوي ما ودي أتركه

هجرس بإبتسامة خفيفة : تعلّق ، وطيّح الثقل ، واليمين الله يغفر لك ، وضاوي زوجتك تصير له إخت وسند وهي لا قرر الزواج تشيل زواجه وش يدريك بـ أمور الحريم إنت ؟ وإنت زواجك يا طويل العمر إذا تبيني ألبس فستان وبجنبي سيف وأشيله كله لك رجال وحريم إبشر !

ضحك حـاكم وللحين علق بـ مُخه " طاح مني بـ يوم": طاح منك بـ يوم ولمحة ، النظر النظر

ضحك هذام وهو يناظره : النظر شرّ البدايات يا حاكم ، ولا ؟

ضحك حـاكم وهو يناظر سعود بعيونه : يا شرّ يا خير ، إنت وحظك !

ضحك سـعود وهو يعرف ثقله مع مين طار بالتحديد ، مع إماراتية شبهته بالجدار ونعتته بالقرد ، كانت الدورة خير مخرج له من نفسه وتفكيره ترجّعه لذاته وتبين له إنه كان إعجاب لحظي فقط ولا يتبعه أي شيء ثاني ، وبنص الدورة وقت طال تفكيره فيها إستوعب إنه ما كان إعجاب لحظي كان أكبر وبيكبر لو سمح لنفسه مجال يفكّر أكثر ويتخذ مسار ثاني ، عرف إن إسمها شيخة ، وعرف إنها بنت زايد الوحيدة بين العيال وقرر يترك هالأمور لـ أصحابها ، حتى لو يبي يتزوجها وفكّر ، بتصير تعقيدات كثيرة بالنهاية هي أهلها وناسها هناك ، وهو هنا شغله ، والأكثر تعقيد إنه عسكري سعودي ، وهي ما تحمل الجنسية السعودية وحتى لو يبيها ، فيها شروط كثيرة وسعود ما يحبّ عوار الرأس أبد ، شُغله وضاوي صارو ركائز أساسية بحياته ، والأمور الفرعية يقدر يستغني عنها بـ طرف عينه لأنه عاف كل مُلهيات الدنيا بعد سحره ، وعاف كل شيء بعد مُوت أمه ~

هجـرس بتردد : يا سعود خطيبتك يلي قبل طيب ؟

ضحك سعود بخفيف :..كانت إختيار إمي ولا أعرف عنها شيء ، حتى إسمها والله ما أخفيك إني ناسيه ويمكن ما قد عرفته لكن من بعد إختفيت فسخت أمي الخطوبة وراحت البنت بحال سبيلها !

ميّل حاكم شفايفه وهو يمرر أنظاره على هجرس : وإنت ؟

إبتسم هجـرس بخفيف : أنا طال عمرك توي صغير ، ولا عندي شيء بالدنيا أغلى من أمي وكلكم عارفين وضعها ولا عندها غيري !

تمتموا كلهم بدعوات لـ أم هجرس بـ الشفاء كُونها إنعمت من فترة طويلة وهجرس هو عيونها من زمان طويل ورغم وجود خادمة وممرضة بجنبها الا إن ولدها يبقى غير ~

وبـعد جلسة كانت مليـانة بالإعترافات تقريباً ، توجّه حـاكم لـ بيته وهذام بالمثل وسعود كذلك ~

« بـيـت نهيّـان ، قـريب المـغرب »

إرتجفـت ريف وهي تحسّ كل خلايا جسدها ترقص من فرط الخُوف والإرتباك الخجل من دخول فزاع وحـاكم عندها ~

تنّح فزاع لثواني وتنحنح بخفيف وهو يعدل شماغه : والله حلوة على لؤي ، انا آسف

إبتسم حاكم بخفيف وهو يناظرها : تحصني

إبتسمت له بإرتباك وهي تشوف فزاع يستعدّ لجل يطقطق وبالفعل من أول خروج حاكم مع الباب وهو يناظرها : ياويلك قال كلمة وحدة بس ، قفط يلي قدامك ووراك !

رميت علبة المناديل جنبها عليه ومباشرة ضحك وهو يعتذر : أنا آسف وأمزح معاك لا تبكين !

إبتسمت وسط توترها وهي صوتها رايح من أمس : لا تستهبل كذا !

ضحك بذهول وهو يسمع صوت عناد خلفه : أروح ملح للصوت المبحوح ياشيخ ، يا بنت لا أخطفك من زوجك خافي ربك !

ضحكت غصب عنها من قرب عناد بيحضنها الا إنه تراجع وهو يتنحنح : أخاف ما أفكك ، تحصّني ياحلوك ياشيخة !

فزاع وهو يدقه : يالحبيب أمك تناديك ، قل لها تدّور لك عروس !

ضحك عناد وهو يكشّر : أخو حاكم مثله والعياذ بالله !

ضحك فزاع وهو يخرج : تحصني عدل ، تراك حلوة واجد والله !

إبتسمت ريف بـ إحراج وهي لحدّ هاللحظة تحس إنها بـ حلم ، كيف عرف حـاكم عن علاقتها مع لؤي ، وكيف إنه ما صار شيء لحدّ هاللحظة غير إنها بتصير معه وتحت سقف بيته ويرتبط إسمها بـ إسمه ، لؤي عفوي ، ويميل للطيش ويحب الهبل بعكسها ، هي تحبّ الهدوء وتفضل أجواء العمل على اللعب وغيره ~

القَمر

« عنـد الرجـال »

إبتـسم جابر وهو يرفع السيـف قريب من لؤي : ياليتني طلبت الجنة ولا دعيت عليك وقتها

ضحك لؤي وهو يشوف جابر يقصد فزاع وحاكم يلي رافعين السيوف على أكتافهم وشبه مبتسمين : الله يستر على عظامي الحين ومستقبلاً !

ضحك جـابر وهو يبعـد يوقف بجنب أبو لؤي بـ حُكم إنه زوج بنته ولازم يكون جنبه ~

إبتسم حاكم بخفيف وهو يشوف جده مبسوط تماماً ويبتسم ، الواضح إنه وده بالسيف لكن إيديه ما تساعده ~

مشـى لعنده وهو يترك السيف بـ إيده : هـاك

ضحك نهيّـان غصب عنه : كبرت ياحاكم ، ما أقدره

حـاكم وهو يوقف خلفه : تقدر على أبوه وجده ، أنا وراك

إبتسم نهيان بخفيف وهو يرفع السيف وإيد حاكم تسند ذراعه من الخلف تقويّه ، ضحك من صارت العرضة كلها لجل إنه رفع السيف فقط لجل يعرِض بزواج حفيدته وهنا الكل يعرف إن نهيان ما عنده أحد أغلى من عياله ، الا عيالهم ~

، كان عناد مرافق لؤي وجنبه بالزبط من كثر إنه متوتر معاه ، زفر بتمثيل للضيق : بتتركني يا ورع ، الله يسامحك !

ضحك لؤي وهو يعدل شماغه : إنت تعرف إني ما أصبر عنك ، لا تقطع قسم بالله أحجز لك على حسابي بس والله ما أصبر عن وجهك ياشيخ !

ضحك عناد وهو يعدل بشت لؤي : ماعليك ناشب لك ، إيش أحلى من إنه زوجتك تحلّ لي ياشيخ !

ضحك لؤي وهو يتنحنح : أحس بالإهانة لا تتكلم كذا ياورع !

« قـسـم الحـريم »

إرتجفت ريف وهي ترتبك كثير كُون الهمسات يلي تسمعها كلها إنها" بنت متعب من زوجته الثانية" ،الموضوع مو مُحرج أبداً إنما غبي شوي كونهم ينتظرون أي مُعاملة خاطئة من آل سليمان لجل يقولون إنها غير مُرحّب فيها وسطهم ومن قِبل علياء بالأخص ، إبتسمت بإرتباك وهي تشّد على مسكتها ولحد هاللحظة بعد إنتهاء زفّتها تحس إنها بحلم وتأكدت إنها بـ علم وقت حسّت بـ إيده تتسلل لـ إيدها من الخلف ~

إبتسم غصب عنه وهو يحسّ ما يوصل لـ فرحته أحد بهاللحظة : يا هلا !

إبتسمت بإرتباك كون إيده تمسك إيدها بين عمامها وأخوانها وأبوه : لؤي !

ضحك بخفيف وهو يتركها من دخل حـاكم : هم ما ينتبهون ،بس هو ينتبه

إبتسمت بإرتباك وكانت كلمة فزاع لـ لؤي " الله الله بالأمانة يا لؤي " ، بعكس حاكم اللي إكتفى إنه يبتسم فقط وعيونه فهّمت لؤي حكي كثير ، وطمّنت قلب ريف بنفس الوقت، الكلمة الوحيدة يلي تجي على بال ريف " يا كُبر حظي " من ناحية أخوانها ، ومن ناحية أهلها ، ومن ناحية لؤي كثير ~

خـرج حاكم وهو يدورها بعيونه ، ما شافها من وقت تجهّزت ويحسّ للحين باقي ناقص يومه ما إكتمل ، نـزل ...نـزل بتّال من الأعلى وهو يشوف حاكم يدوّر بعيونه والواضح إنه يدور ملاذ ، أشر له ع الأعلى : ملاذ فوق

ميّل حاكم شفايفه بخفيف وهو يصعـد للأعلى وبالفعل شاف غُرفة مفتوح نصف بابها ، إبتسم بخفيف من لمحها تمشي لـ ناحية الباب وأنظارها على كعبها ، شهقت برعب من رفعت عيونها وهو يلي كان قدامها بالزبط وإبتسم بخفيف من منظرها ، يحسّها تشع من حلاوتها والأحمر يلي دايماً هي تزينه ، كانت لابسة فُستـان باللون الأحمر ماسك لحدّ الخصر ويوسع من بعده ، أكمامه نازله عن أكتافها لحدّ قريب كُوعها ، من عند الصدر مرسوم على حدوده وطوله لحدّ الكعب وإختصاراً ، كانت فاتنة بشكل كبير ~

مدّ إيده وهو يمسكها مع خصرها ومباشرة إبتسمت : إيش الحركات ؟ تتقرب ولا كيف ؟

حـاكم وهو ينزّل عقاله وشماغه : حقّ الدلع يلي تسوينه ، كم ساعة مرت ؟

إبتسمت بعبط لثواني : على إيش ؟ إني أشوفك ؟ مرت 7 ساعات يمكن ، وعلى إني أجلس معاك ما أعرف يمكن مرو يومين ما جلسنا مع بعض

حـاكم بسخرية : مرو يومين ، كذا تنقال عادي ؟

هزّت رأسها بالنفي وهي ترفع أكتافها : ما أعرف ، توك كنت حلو ليه تخرّب كشختك وتنزل الشماغ والعقال ؟

حـاكم بسخرية وهو يحسّ بـ إيديها على ياقة ثُوبه : لأني بخرّبك بهاللحظة !

إبتسمت بذهول وهي تناظره : لا ، الحين نتفاهم أنا زعلانة ترى !

حـاكم وهو يغيّر الموضوع : تحصنتي ؟

هزّت رأسها بالنفي وهي تشتت أنظارها : لا

سكت لثواني بعدم إعجاب لكنه ما إهتم كثير لأنه هو بنفسه حصّنها معه : تستعبطين اليوم ولا كيف ؟

رفعت أكتافها بعدم معرفه وهي تجلس : ما أعرف

لف أنظاره لها وهو يعرف إنها وراء كل هالإنبساط والعبط يلي تسويه شيء ثاني ، رجّع إيديه خلف ظهره بهدوء وهو يناظرها : الناس كلهم تحت ، تجلسين فوق ليه ؟

ميّلت شفايفها بهدوء وهي تناظر عيونه بالزبط : جيت أرتاح هنا

حـاكم : ترتاحين ؟

هزّت راسها بـ إيه وهي توقف : تعبت تحت ، وبرد برضو وهنا أحسن ، ممكن تلبس شماغك وعقالك وننزل للناس ؟

هزّ راسه بالنفي ومباشرة إبتسمت وهي تمدّ إيدها لـ عوارض وجهه : ممكن ننزل ؟ ما نأخر الناس ؟

حـاكم وهو يحسّها تلعب بـ قلبه بهالحركة : خلي الناس للناس ، وخليك إنتِ لي

_إبتسمت بخفيف وهي تحضنه بدون لا تتكلم من حسّت فيه يحاوط ظهرها ووجهه صار بـ عُنقها ، مررت إيدها على نهاية رأسه وهي تخلل أناملها بشعره : قلت لك قبل ، لك ومنك وفيك بس مو وقت وجود الناس حولنا ، نجلس لوحدنا مو أفضل؟

إبتسم بخفيف لأنها تزعّل وتراضي بنفس الوقت ، حاوطها ويُقال إنه كان بيدندن موّال ع الخفيف لحد ما يرجعون بيتهم الا إنه زفر من سمع صوت خُطوات قريبة منهم : أنتظرك تحت

دخلت نُهى وبجنبها علياء ومباشرة إبتسمو بإرتباك من شافوا حاكم ينحني ياخذ شماغه وعقاله وملاذ كانت واقفة والواضح إنها تمرّ بـ سيول من المشاعر من أناملها يلي تحاوط بعض والإبتسامة يلي تحاول تخفيها لكنها توضح غصب عنها ~

« بـيت لـؤي »

خـرجت وهي تنشف شعرها وغصبّ عنها إبتسمت من شافته جالس ع السرير وقدامه كأس مويا ~

إبتسم بخفيف وهو يوقف ورجع يجلس بـ نفس اللحظة من جات قريب منه ، يحسّ إنه مرتبك وهو يشوفها شوي وتحترق من كثر إنها تحسّ بالخجل : تعالي

جلست ع طرف السرير جنبه وشبه بعيد عنه ، إبتسم بخفيف وهو يوقف وإيده خلف راسه : أجي جنبك ؟

ضحكت بخفيف من كثر إنها ما تعرف ترد وتحس أول مرة تتصادف مع لؤي : بكيفك

قام وهو يسكّر الأنوار ويجي من ناحيتها ، جلس بجنبها وإبتسمت ريف بتوتر من حست بـ إيده تحاوط جسدها وصارت شبه منسدحة على صدره لأنه رجع للخلف يركز نفسه على ظهر السرير ~

مدت إيديها الثنتين لـ إيده يلي على خصرها وطرف بطنها : لؤي

إبتسم بخفيف وهو يحسّ لحد هاللحظة مو مصدق إنها له بدون حواجز وموانع : سمي

سكتت وبهالدقايق يلي سكتت فيها ما حس لؤي الاّ إنها نامت ، إبتسم بخفيف وهو يتأملها كيف ماسكة إيده يلي على بطنها بـ إيديها الثنتين من توترها وخوفها ~

، ما قدر يمنع نفسه لا يقبّلها وبالفعل قبّلها بخفة تشبه خفتها ونعُومتها بحضنه بهاللحظة ~

« بـيت حـاكم »

رمـى نفسه ع السرير وهو يحسّ بـ ألم غريب بظهره ، جلست بجنبه وهي تمدّ إيديها لظهره بتردد : شيبت من بدري ؟

هزّ رأسه بـ إيه : شيب الشعر من زمان ، بس هذا شيء جديد علي

إبتسمت بخفيف وهو دفن وجهه بالمخدة من حس بـ إيديها تتحرك على ظهره ، تحسّ ظهره مشدود كثير ومباشرة إستنتجت شيء واحد : نمت على كنب ؟

هزّ راسه بـ إيه : كانت نصّ ساعة ، وكسر ظهري

ملاذ : لما تبعد عن بيتك كذا يصير ، تستاهل الاّ شوي

ضحك وهو يرفع نفسه : أستاهل ؟ أبعد عن بيتي ما ألعب ، أبعد عنه لجل أضمن إنه بيظلّ بخير ونعمة

زفّرت لثواني وهي تناظره : أعرف ، وأعرف إنك قبل كنت تاخذ بالأسابيع ما ترجع البيت ، بس أخاف برضو

مد إيده لوجّها بهدوء : إتركي الخوف الحين ، إيديك باردة لهالقد ليه ؟

رفعت أكتافها بعدم معرفة وهي تحس وصل الشوق فيها لحدّ البكي بدون أي داعي : يمكن إشتاقت تضمها ، وتضمني معاها

إبتسم بإستغراب وهو يتأمل ملامحها ، فتح ذراعه وهو يضمّها وإيديها الثنتين صارو بحضنه وعلى بطنه : فيك شيء ؟

هزّت راسها بالنفي وهي تحاول تمسك دموعها : لا تطول ثاني !

رفع حواجبه وهو يبتسم بخفيف وهمس لها بإستغراب : ما هقيت تشتاقين هالقد

سكتت بدون لا تتكلم وهي تحس بـ ذراعه اليمين تحاوط كتفها وجسدها ، وإيده اليسار تمسك إيديها الثنتين بحُضنه ، إبتسم غصب عنه وهو يقبل رأسها لكنه ما قدر يبعد من ريحة عطرها العالقة فيه ، ريحة عطرها وريحة عُود جابوه من أقصاه لـ أدناه : يا بنت وش من عوالم فيك ، وش ترجعين ؟

ضحكت وهي تحس صار ودها تنام كثير : أرجع للنوم ، ممكن ؟

هزّ راسه بالنفي وهو ينحني لـ عُنقها : هالمرة مثل دايم ، يعني ؟

زفّرت وهي تبعد عنه : يعني لا ، حاكم أمانه !

ضحك بخفيف وهو يتأكد إن جوالاته مقفلة : حياك الله بحُضني !

« الصـباح »

فـتحت عيـونها بخفيف وهي تشوفه يلبس بذلته ، رفعت نفسها شوي وهي تناظره : حـاكم ؟

ما لفّ ناحيتها وهو يعرف إنها بتزعل الحين كثير لكنه مضطر وهي مجبورة تقدر : يوم الثلاثاء موعدنا ، تأخرت

سكتت بدون لا تتكلم وهي تغطي وجها ونفسها بـ البطانية ، بيغيب عنها هالمرة إسبوع بـ أكمله لأن اليوم ثُلاثاء ولو كان بيرجع بنفس اليوم ما كان خبّرها ، تجمعت الدموع بمحاجرها مباشرة من حسّت بـ..بـريحة عطره قريبة منها ، وحسّت بدموعها تحرقها أكثر من قُربه لعندها بهاللحظة وتقبيله لرأسها ~

كان يعرف إنها بتزعل ولهالسبب إستعمل طريقته بالإعتذار لجل يراضيها ورغم إنه يعرف حقّ المعرفة ما أحد يراضيها منه الاّ هو ، ولا يراضيها من غيابه الا حضوره ، إبتسم غصب عنه وهو يتذكر بالأمس إستفسرها عن " لك ومنك وفيك " ، لك إنها له وهذا توقّعه من زمان ، ومنك إنها مثل أطباعه ، وفيك إنها متأكدة وتعرف تمام المعرفة إنه لو شغل الدنيا على راسه ، هي بـ داخله وتطري بـ باله وصدّق قولها وقت قال لها إنه يخرج من عندها وأول خروجه مع الباب يرجع يفكّر فيها ~

« بــيـت هـذام ، الصـباح »

كـان مستغرب من بلغوه إن له شهر إجازة بدون مقدمات لكنه مباشرة عرف الشخص يلي خلف الموضوع مين يكون ، بالأمس قال لـ حاكم إنه هتان حامل وكان ردّ حاكم له " من زمان ما أخذت إجازة صح ؟ " ، قال له إنه ما يقدر هالفترة وكان ردّ حاكم عليه بدون حكي هالإجازة ، إبتسم غصب عنه وهو ياخذ جوالها وغصب عنه ضحك من شاف الفيديو يلي قابله ، بالأمس كانت تتصور بـ الممر وهو كان واقف بعيد وتحوّل الفيديو كله إستهبال من لفّت الكاميرا عليه ، جاء عناد وهو يحضنها وقتها وتصوروا سوا فيديو ومن زود الهيام قال عناد لها " مين اللي يقدر بيدّه يغطي الشمس" لأنها كانت لابسة أصفر هادئ يليق فيها كثير وكذا قدر يعبر عن حلاوتها ، وهذام طبعاً ما كان منه الا يبتسم لها وكل لحظة والثانية يحاول يذكّرها تنتبه على نفسها ويلي ببطنها ~

إبتسم بخفيف وهو يشوفها تو تصحى : صحّ النوم !

كانت مكشّرة وتحس نفسها تعبانة كثير : تعبت

هذام بإستغراب : نمتي ياحلوك ، وش متعبك ؟

رفعت أكتافها بعدم معرفة وهي تتمدد بجنبه ع الكنبة : أحس جسمي كله مكسّر ، خمول

هـذام وهو يبتسم بخفيف : ترجعين تنامين طيب ؟

هزّت راسها بالنفي وهي تمسك إيده : أحس راسي بينفجر من الصداع

ميّل شفايفه بخفيف وهو يسند راسها على فخذه : ودك نروح مستشفى شيء ؟

هزّت راسها بالنفي : ما يحتاج ، أنام ويروح

هـذام : تعالي الغرفة طيب ، نوم الكنب يوجع

ما كان منها ردة فعل وإبتسم هذام بخفيف وهو يشوفها نامت أصلاً ، إنتظر لـ دقايق لحدّ ما حس فيها نامت فعلاً وما بتصحى لو يحملها ووقف ياخذها بـ حُضنه لجل تنام بالغُرفة ، مسكت إيده وإبتسم بخفيف وهو يقبلّها بهمس : جنبك ، نامي

« بــيـت نهيــان »

_مرّ إسـبوع على زواج ريـف ولؤي ،وصار مُوعد الوداع لهم لأن ريف بتسافر معه طبعاً لـ ألمانيا ، حيث توكيله من قِبل أبوه يصير المُدير التنفيذي بـ فرع لـ شركة أبوه يصير شريك فيها ولؤي له نصيب كبير منها ~

، إبتسمت ريف وهي تلف أنظارها له : ما نحتكّ بالداخل طيب ؟

هزّ راسه بالنفي : بـ أول فرصة إعتبريني آسف

ضحكت وهي تنزل وهو بجنبها ، فرحتهم الإثنين تنشاف من بعيد من كُثر الرضى يلي يحسون فيه والفرح يلي يحاوطهم ، أول ليلة كانت مبسوطة إنه حتى لؤي مرتبك ويستحي ، ومن بعدها وهي تتمنى أول ليلة تنعاد لأنها ما قدرت تفكّ شوي من خجلها وقت يقبّل لو إيدها ، وهو للأسف إنه الوضع أعجبه كثير ~

بـ جهة أخرى وطرف آخر بـ بيت نهيّـان ، إبتسمت بإرتباك وهي تدق الباب : أدخل ؟

إبتسم نهيّـان وهو يناظرها : يا هلا بـ بِكر فارس ، حياك يابنتي

إبتسمت وهي تسلّم على راسه ، رفع عيونه لها لثواني بإبتسامة مُستفسرة : حاكيتي حاكم ؟

هزّت رأسها بالنفي وهي تجلس على ذراع الكنبة : ما حاكيته من وقت ما راح ، بس الحين بحاكيك إنت

ميّل نهيان شفايفه بإبتسامة : حاكيني أسمعك

إبتسمت بتردد لثواني وهي تشبّك إيديها سوا ، ما عرفت كيف تبدأ بالموضوع الاّ إنها ضحكت من فرط توترها وخجلها : قال لي حاكم قبل إنك سألت عن سميّك ، وكيف كان رد حاكم عليك ، أعرف إنه حاكم أعزّ عليك من الكل وأغلى من كل شيء ، وما بيصير أغلى منه الاّ ولده أو بنته

إبتسم نهيان مباشرة وهو يمدّ إيده لـ إيدها : حاكم نفسي ولهالسبب أغلى شخص عليّ ، وعن ولده وبنته إن ماكانت أمهم بِكر فارس ما يصيرون غوالي لو هم من صلب حاكم

إبتسمت ملاذ بتردد وهي تحسّ بتموت من كثر حياها : وإذا قلت لك إنه حفيد من صلب حاكم وأمه بِكر فارس بالطريق ، وش تقول ؟

ضحك نهيّـان بذهول وهو يوقف بعدم تصديق : إنتِ حـامل !

ضحكت من فرط إحراجها وخجلها وهي تهزّ راسها بـ إيه وسرعان ما حسّت بإحراج مو طبيعي من حضنها جدها ~

ضحك نهيّـان من فرط سعادته وهو ما يدري وين يروح يمين ولا يسار ، حتى عُكازه طاح ونسى إنه يحتاجه هالفترة وهو يمشي لـ صوب جواله : ما قلتي لحاكم ؟ حاكم ما يدري ؟

« عـنـد حـاكم »

خـرج من مكتبـه وهو يدور نفسه ، رجع حـاكم لـ عادته القديمة وشُغله الشاقّ لدرجه إنه ما قدر يركّز بـ شيء غير الأوراق والمُعاملات يلي عنده ، الدورات يلي ينظّمها والبرقيات يلي يرفعها وشُغل متراكم كثير ~

وقـف بمكانه من جاه المُلازم أول : رائـد الأحمد موجود ، عندكم

رفع حاكم حواجبه لثواني : رائد الأحـمد ؟

هزّ راسه بـ إيه : ال خالد تنازلو عن دم ولدهم بعد ما عرفو إنه كان قاتل زوجة رائد الأولى ، والحين يحاولون بكل جهدهم ما يمسّه شيء بعد ما عرفوا إنه قصي بعد حاول يتعدى على زوجته يلي على ذمته الحين

ميّل حاكم شفايفـه بهدوء : ووينه الحين ؟

المُلازم : شافوه قبل شوي قريب من بيت جدك ، هناك وأعطوه مهلة ساعتين ويسلم نفسه

حـاكم وهو يمدّ المفاتيح لـ الملازم : هجرس شوي ويجي ، وهالمفاتيح سلمها له أنا رايح أشوف

« بـاريس »

مدت إيدها لـ بطنها وهي تحسّ روحها بتخرج من مكانها من فرط الألم ، إبتسمت غصب عنها وهي تعدل جلستها : أبوي

إبتسم سلطان وهو يجلس بجنبها ، من قبل إسبوع وشوي تصادف مع رائد وجمعهم حوار طويل عن رسل ، وضّح له رائد كل شيء عن رسل وإنها ما كانت مثل ظنه ، وإنها الحين حامل بطفله وتحتاج أبوها جنبها أكثر من حاجتها له نفسه ، بعد حوار طويل بينه وبين رائد رغم حدته ، رجع سلطان يراجع نفسه وقراراته ، وبنته أولى يظّل جنبها من الدنيا كلها ، خصوصاً إنه من فترة إكتشف إصابته بـ مرض بالقلب للأسف ما يعرف يتعامل معه ، وطبيعته يخاف لكن رسل بتكون خير عون له ~

سلطان وهو يشوف وجّها تغيـر لـ اللون الأحـمر : رسل ؟

أخذت نفس وهي تشد ع المخدة يلي بجنبها والواضح إنها على وجه ولادة ، مسك إيدها مباشرة وهو يعرف إنها بتولد الحين وما يدري ليه إهتزّ قلبه مباشرة وهو يهديها : تعـالي

« بــيـت نهيّــان ، بالصالة العلوية »

مد فـزاع إيده وهو يقربها من عنده : ما طولنا ؟

هزّت راسها بالنفي : باقي قليل ، ليه تستعجل ؟

ميّل راسه لحدّ ما صار عند عُنقها بالزبط : والله مدري ، أحس ما عاد ودي بـ شيء كثر إنه تصيرين جنبي وعندي

نـادين بإبتسامة خفيفة : أنا مو جنبك الحين ؟

هزّ راسه بـ إيه وهو يميل شفايفه : جنبي ، بس لك نيتك ولي نيتي والله أعلم بالنوايا !

فاطمة وهي تمد عكاز نهيان قريب من كتف فزاع : وانا أعرف نيتك ياولد متعب قليل الحياء ، قم الرجال تحت !

ضحك فزاع وهو يقوم : والله ما قلت كلمة غلط ، ياخي زوجتي !

ضحكت فاطمة وهي تناظره : زوجتك بس ماهو بـ صالة بيتي ، لزوم نعجّل بالعرس والله إنه ما أردى من حاكم الاّ فزاع !

نادين بإستغراب : أحس حاكم عاقل ، ليه دايم تظلمينه بواحد مثل فزاع ماشاءالله !

ضحك فزاع مباشرة وضحكت فاطمة بالمثل وهي تحرك أكتافها : ياحليلك يابنتي ماعرفتي حاكم ، اللي عاشروه يعرفونه

ضحك فزاع وهو.._

مباشرة وضحكت فاطمة بالمثل وهي تحرك أكتافها : ياحليلك يابنتي ماعرفتي حاكم ، اللي عاشروه يعرفونه

ضحك فزاع وهو يسمع نهيان ينادي نادين وفاطمة : عرف إننا نغلط على حفيده ، غصب ينادي !

فاطمة وهي تبتسم بعبط : مين قال إنه حفيده بس ! نص قلبه حاكم

نادين بإبتسامة عبيطة : وإنتِ ؟

فاطمة بإبتسامة خفيفة : أنا بنصّ قلبه الثاني معاكم كلكم

فزاع : الله أعلم إنك إنت بـ نُص وحاكم بـ نُص وإحنا لنا الله !

ضحكت فاطمة وهي تشوف هتان جايه لـ ناحيتهم وواضح على وجهها خوف فضيع ، ناظرت نادين وهي تأشر للدرج : خـالك تحت

سكت فزاع مباشرة وهو يعرف "رائد " الشخص القذر يلي حطّم حياة بنت عمه بس : هـتان

مشيت لـ الغُرفة وهي ترجف وزفر فزاع مباشرة وهو يناظر جدته فاطمة ، لف أنظاره لـ نادين يلي مو فاهمه شيء أبداً : لا تتأخرين عليه ، لجل يمشي

سمع صوت هذام وهو يلف لـ ناحية الدرج : ما أحد يمّك ، إطلع

مشى هذام لـ الغُرفة يلي فيها هتان مباشرة بعد ما أشرت له فاطمة عليها ، ونادين نزلت للأسفل تقابله ~

سـكت بدون لا يتكلم وهو قد لمح هتان من بعيد ويلي كانت مع هذام وإنتبه إنها شافته ، للحين بعينه إرتجافها أول ما طاحت عيونها عليه وكيف حاولت تتخبى عند هذام يلي لحُسن حظه ما شافه~

رجّـع نظراته بهدوء بـ عدم مُبالاة وهو يشوف فزاع خرج من الباب وأنظاره شرار عليه ، وسكت بسخرية من جات نادين وتراجع فزاع عن الخروج وهو يرجع بجنبها ~

رائـد بسخرية : خايف آكلها ؟

فزاع بنفس نبرته : خايف على عيونها لاشافتك ميت

ضحك لثواني وهو يجمّع إيديه خلف ظهره : هذي بعيدة على شواربك ، والحين بيني وبين بنت إختي حكي

ضحك فزاع بشبه سخرية وكان بيتكلم الا إنه إمتنع من حسّ بـ إيد نادين تنمد لـ إيده من الخلف ، أخذت نفس بهدوء وهي تناظر رائد بإرتباك : نسمعك

زفّر رائـد وهو يناظرها وعرف إنه فزاع مستحيل يتركهم لوحدهم :جيت أودعها بس ، ما تصدق ؟

هز فزاع راسه بـ النفي : وداعك وصل ، الله معاك

ناظر بـ نادين يلي رفعت أكتافها بهدوء : الله يحميك ، ما أقول شيء ثاني

سكت بهدوء وصعدت نادين للأعلى ، تكره كونها وقفت ضد أهلها لجل رائد والحين تكره رائد نفسه~

ميّل فزاع شفايفه وهو يتكي من شاف هُذام خارج والواضح إنه نيّته شينة كثير : الله يقوي ذراعك ياعديلي !

خرج رائد لسـيارته ووقف من حسّ بـ هذام خلفه بشبه سخرية : هذام بن أسامة ، الله يحييـ

ما قدر يكمل جُملته من حسّ بـ فكه ينهد بـ لكمة وحده من هذام ، تفل الدم وهو يرفع أنظاره له و.._وضحك بشبه سخرية من مسكه هذام مع ياقته وهو يركزه ع السيارة : الله فكك مني هالمرة لأنك قريب من حدود بيت نهيان ، لكن مره ثانية ما برحمك !

ضحك رائد وهو يناظره : معصب يعني ؟ بنتك إشتكت لك إني تو لمحتها وطاحت عيونها بعيوني ولا الحمل متعبها ؟ ولا إشتكت لك إنها توجّعت شوي مني قبل ؟

تعدى حاكم من خلفهم بهدوء وهو يعدل أزرار بذلته : ساحتك ومرماك ، تفضل يا هذام

ضحك هذام بشبه سخرية وهو يرميه بعيد : يا حلو الأقدار لا عادت الكرّة ، أخذت حقك من فيصل ؟ لا

بس أخذت حقك من قصي وقتلته ، وانا حقي أشوفه فيك الحين باللحظه يلي تسمع إنه زوجتك ولدت ، وإنت تنسحب للسجن بنفس اللحظة !

رفع رائد عيونه بذهول وضحك هذام بشبه سخرية وهو يرمي جوال رائد عليه : البشارة من أبو زوجتك نفسه ، يتربى بعزّ امه ولا يلحقه عار أبوه !

لف رائد بذهول وهو ما يدري كيف وصل جواله لـ هذام وكيف شاف هالرسالة قبله ، قام على حيله وهو بيتصّل على سلطان الا إن الجوال إنسحب من إذنه وتكتّفت إيديه خلف ظهره مباشرة : تنورنا يا رائد

سكـرت هتان الستارة وهي شهدت الموقف كله لحدّ ما وصلت الدوريات وصار رائد بقبضتهم ، أجهشت بكي غصب عنها من دخلت أمها تحضنها وتهدّي منها ، وماهي الا دقايق ودخل هذام ~

إبتسم بخفيف وهو يناظرها : أجي عندك ؟

ضحكت هتان غصب عنها وهي تمسح دموعها : لا

ضحك وهو يخرج : بروح عند العيال ، وأرجع لك بعدين بس لا تبكين

هزّت راسها بالنفي وهي تترجاه بعيونها ما يخرج ~

إبتسمت شيماء وهي تمسك وجه هتان : بعدين إنزلو تحت

هزّت هتان راسها بـ زين وخرجت أمها ، مشيت لـ عند هذام وهي تحضنه : تدري إنه سهرتنا اليوم عند جدي ؟ وما تروح مكان ؟

هزّ راسه بـ إيه : ما أقدر أعتّب من هالباب دامك بهالرضا معي ، غُرفتك ؟

هزّت راسها بـ إيه وهي تسحبه معاها لـ ناحية السرير : تعال شوف

إبتسم غصب عنه وهو يجلس وهي مدّت إيدها لـ وسط كتاب من كُتبها ، خرجّت صورة صغيرة وسرعان ما إبتسمت بعبط : تعرفه ؟

هزّ راسه بـ إيه بذهول وهو يشوف صُورته مع حـاكم من دورة قديمة جمعتهم الإثنين ، كان حاكم جالس وبـ إيده خُوذته ، وهذام جنبه بـ إيده جواله ووجه هذام الواضح أكثر من حاكم ~

إبتسمت بخفيف وتوها وسط إنهيارها ، إكتفى بـ إنه يحضنها ويقبّل كتفها فوق المرتين ثالثة ويبين لها إنه ما يقدر يمسّ منها طرف دامه موجود حولها ، ما..ما هانت دموعها عليه وشافته هدّ فك رائد بالخارج ، إبتسمت لثواني من حست فيه يحاوط خصرها : حـاكم جاء ، شـفته

ضحك وهو يوقف : يـا إنك مدري كيف ، ماودّك أقربك وتتحججين بـ حاكم !

إبتسمت وهي ترفع أكتافها : يمكن ، شكله تعبان ترى روح شوفه

ضحك هـذام وهو ينـزل للمجلس بـ الأسفل~

« بـ المجـلس »

جـلس حاكم بالمجلس بعد ما سلّم على عمامه وأبوه وهو يستـغرب من عدم وجود نهيّـان وقال له عناد إنه نهيان طول اليوم ملازم ملاذ ما رضى يفكّها أبـد ، إستغرب وهو شاف سيارة لؤي بالخارج لكنه ما يلمح لؤي الحين أبداً : ولـؤي وينه ؟

عنـاد بإبتسامة عبيطة : والله خبـري إنه طاح بالمسبح ، غيره ما أعرف !

رفع حـاكم حواجبه بإستغراب وهو يوقف : وهذام وينه ؟

إبتسم نهيّـان بخفيف وهو يدخل توه : تو ما نوّرت الدار ، ما بغيت ؟

إبتسم حاكم مباشرة وهو يسلّم على راسه وكتفه : الله يسلمك ، كيف الحال ؟

إبتسم نهيّـان مباشرة وهو كان بيتصل يبشّره بـ إنه ملاذ حامل الا إنه تراجع من عرف إنه الخبر بيكون أفضل من ملاذ نفسها له ، وجهاً لوجه : حمد وشكر الحمدلله ، اليوم عندي ياحاكم

هزّ راسه بـ زين وهو يسمع أذان المغرب : طوع أمـرك ، بدخل أتحمم قبل لا تقوم الصلاة وأجيك

إبتسم نهيّـان وهو يضرب على كتفه ، وصعد حاكم للأعلى يدّورها وزفّر غصب عنه من شافها بالأسفل تمشي مع نادين لـ ناحية الباب ، رفعت عيونها له ورجعت نزلتها مباشرة وكمّلت مشيها مع نادين ~ ،

دخـل جناحهم وإنشغل إنه ما لمح لها غرض واحد فيه ، ما قدر يبدل ملابسه ولا حتى ياخذ له شاور لأنه مستغرب من هالشيء وصارت صلاة هالوقت ، إضطر إنه يتوضأ فقط وينزل مباشرة يلحق جده وعمامه للمسجد ~

« بـ غُـرفة ريـف ، قبل بـ وقت »

تُوردت ملامحها من نزع تيشيرته المبلول وهو ياخذ نفس : البزر عمك ما أدري كيف يعقل

إبتسمت بخفيف وهي تناظره : لما تلبس ناديني

هزّ راسه بالنفي وهو يمسكها مع إيدها : قلت لك بأول فرصة أنا آسف ، وطيارتنا هالوقت فاتت ياحلوه

نزلت أنظارها مباشرة وهي من كُل الجهات تخجل ، الجهة الأولى شكله العفوي يلي دايماً يعجبها وثانيها ريحة عطره ثالثها إنه بدون تيشيرت مثل ما قابلته أول مره بعد ملكتهم ، ورابعها وأقواها نظراته لناحيتها بكُل شغف : يا إنك على كيف الكيف بكل وقت ! صعبة

إبتسمت بتوتر وهي تحس بـ إيده على خصرها :..لؤي مو هنا

ميّل شفايفه لثواني وهو يقربها لعنده : انا آسف !

إبتسم حـاكم بهدوء وهو يـوقّف جده معاه بـعد ما إنتهت صلاة العشاء ، صلّوا المغرب وجلسوا بالمسجد ينتظرون العشاء والحين إنتهى وقتهم ولازم يرجعون البيـت ~

قـام حاكم وهو ياخذ جده معاه : إنتهينا ، إنتهت حكايتنا

إبتسم نهيّـان : تقول لي إرتاح الحين ؟

هزّ حـاكم راسه بـ إيه وهو ياخذ نفس : سـعود ورجع وصار وقت إرتياحي ، إنتهى فيصل وإنتهى رائد وإنتهوا صحّار وعياله وإنتهى حاكم الحين

ضحك نهيّـان وهو يمشي بدون حاكم ، وبدون عكازه : ترجّعه بِكر فارس ، ما ينتهي توّه

ضحك حاكم وهو يمسكه يكملون طريقهم لـ البيت ومباشرة إبتسم نهيان وهو يشوف جابر وبُحضنه وسن : ها يا حـاكم ؟

ميّل حاكم شفايفه بخفيف وهو ما يتعامل مع الأطفال أبداً : ما قد شلت

هز نهيّـان راسه بالنفي : شلت ، شلت قبل وسن فزاع ، وبعد فزاع شلت لكن الذاكرة عندك ما تحضر كثير لأنك شلت مُكره

ضحك حـاكم وهو يبتسم لـ وسن يلي نايمه على كتف أبوها : ما أذكر ، بصعد فوق تآمر على شيء ؟

هزّ نهيـان راسه بالنفي وهو يضرب كتف حاكم : خذ راحتك

إبتسم حاكم وهو يصعد للأعلى لكن مو لجناحه هالمرة ، لـ غُرفتها من لمحها من نصف الباب المفتوح واقفة قدام السرير والواضح إنها ترتب ملابسها ،تنحنح وهو يدقه : عندك أحد ؟

أخفت إبتسامتها مباشرة وهي تهزّ راسها بالنفي : تعال

سكر الباب خلفه وهو يشوفها لا زالت ترتب ملابسها وتتركها ع السرير ، مشى لخلفها بهدوء وهو يمسك خصرها ومباشرة تكلمت بهمس : شفتك ، لكن ما قدرت أترك نادين ولا قدرت أبتسم لك

ميّل شفايفه وهو مافهم الا بعد ثواني إنها كانت تراعي شعُور نادين : لجل رائد ؟

زفّرت ملاذ وهي تهز راسها بـ إيه : ما قدرت أستوعب شيء لأني كنت زعلانة معاها ، وبصير مو أنا لو تركتها وجيت وهي زعلانة وتحكيني عنه وعن أمها ، تعرف إني أحسه شخص طيب بس ما لقى أحد يدله على نفسه وذاته ؟

ميّل شفايفه بهدوء وهو يستنشق من ريحة عطرها بـ الجاكيت: تعرفين وش مشكلتك ؟

هزّت راسها بالنفي ، وكمّل حاكم بهمس : مشكلتك إنك ملاذ للكل ، ومشكلتك طيبة ، وتظنين الناس مثلك

سكتت وهي تكمل ترتيب ملابسها وما تعرف يذمّها او يمدحها ، ميّل شفايفه بهدوء وهو يعرف إنه..سكتت وهي تكمل ترتيب ملابسها وما تعرف يذمّها او يمدحها ، ميّل شفايفه بهدوء وهو يعرف إنه لازم يفهمها إنه ما إنشغل عبث ، إنه ماترك جواله عبث ، وإنه رسالته الوحيدة لها " ما أقدر " كانت تفهمها إنه إنهلك تماماً ولا يقدر يلقى لنفسه وقت ، تنهد وكُل تفكيره بـ وقت إنتظاره لـ صلاة العشاء كان فيها ، هي زعلانة ؟ ولا تعبانة ؟ ولا ما ودها تشوفه وما فهمت مقصده بـ " ما أقدر "~

أخذت نفس لثواني وهي تلف لـ ناحيته ومباشرة سكتت من منظره الهادي والحاد بنفس الوقت ، مدت إيدها بتردد لـ إسمه على صدره " حاكم بن متعب آل سليمان " وإبتسمت بخفوت : يجذب ، مثل صاحبه !

ميّل شفايفه وهو يشوفها رفعت إيدها لـ كتفه تتحسس رُتبته ، حـاكم بهدوء : لو تفتحين أزرارها ، أشكرك

زمّت شفايفها لثواني وهي ترفع إيدها لـ أول زرّ بـ بلوزته ، فتحت الأول ، والثاني ، والثالث وهي ما تدري ليه مع كُل زرّ تفتحته تحس نفسها تحترق من الخجل ، تركته وهي تحاول تبعد : حاكم

مسكها بهدوء وهو يقربّها لحده : ويلي يقول عندك شيء تخبيّنه عني ؟ وش تردين عليه ؟

إبتسمت بخفيف وهي تمرر أنظارها على غُرفتها : ودك نجلس هنا ؟ بهالغُرفة ؟

هزّ راسه بـ إيه وهو يتأمل الجاكيت يلي عليها ويلي مألوف عليه كثير لكن ما يذكره عدل : هالغُرفة ضيعتني قبل ، وودي كثير الودّ إنها تضيعني الحين !

كانت بتتكلم وتقول له " الناس " لجل ما يضيّع نفسه ويضيعها بهاللحظة الا إنها سكتت وهي تعرف رده وعدم إهتمامه بالناس وإن كُل إهتمامه فيها ~

بعـد قريب الساعة من القُبل والأحضان وشوي من الظواهر المُحببة لقلب حاكم لكن ما تُوصل لـ القُرب الصحيح قبّل رأسها وهو مو عارف هي نامت ولا للحين صاحيه : صاحيه ؟

فتحت عيونها وهي كانت تحاول تنام بظنّها إنه نايم لكنه وضّح لها إنه صاحي من قبّل راسها وحاكاها ، همست وهي تضمّ اللحاف لناحيتها : معاك

نـزل عيونه لناحيتها وهو يشوف دفاترها طاحت ع الأرض والملابس يلي رتبتها بالمثل ع الأرض : كنتي ترسمين ؟

هزّت راسها بـ إيه ومد حاكم إيده للأقلام يلي جنبه ، رتبها بـ إيده وهو يمدّها قدامها ويأشر لها : كملي رسمك !

إبتسمت لثواني وهي تاخذ الجاكيت من جنبها : عادي أرسم عليك ؟

رفع عيونه لـ عُنقها يلي تغيّر لونه من كُثر قبلاته له : حيّاك

لبست الجاكيت وهي تجلس بجنبه : هيا

عدل شُورته وهو يسند ظهره ع السرير ويشوفها تركت إيده ، إبتسمت لثواني : ما يجي ع الإيد

حـاكم وهو يميّل شفايفه : المكان اللي ودك ، بكيفك

ضحكت ..ضحكت غصب عنها وهي تأشر لـه يصبر ثواني ونزلت من ع السرير لـ دولابها ، خرّجت مجموعة ألوان كثيرة تحت أنظار حاكم يلي يتأملها بكل خطوة ، كيف ترفع نفسها على أطراف رجولها لجل توصل لـ أعلى الدولاب ، وكيف ترجع شعرها خلف أذنها ، كانت لابسة جاكيت لونه زيتي فقط ومسكّرته عليها ، ولأنه أكبر منها بكثير صاير يوصل لـ نصف فخذها ، رجعت شعرها لخلف أذنها وهي تترك العلبة بجنبه : لا تتحرك مكان

إبتسم بخفيف وهو يشوفها تدور بـ أغراضها وفجأة وقفت وهي ترجع أنظارها له ، تركت الألوان من إيدها بتردد : ما بتخرج مكان ؟ يعني يمكن يحتاجوك بالمركز أو جدي يبيك

حـاكم بهدوء : تعالي جنبي ، وإرسمي وغنيّ وسوي يلي تبينه ، لو الدنيا كلها تبيني بهاللحظة ما تركتك!

إبتسمت لثواني وهي تتأكد إنه الباب مقفّل ، وجلست بجنبه : يلا بينا

إبتسم بخفيف وهو يشوفها شوي وتاكل نفسها من الخجل لأنها ترسم على صدره ، تُوردت ملامحها من رفعت نفسها شوي لجل تفصيل بسيط وحسّت بـ إيده على فخذها : حاكم !

رفع إيديه عنها وهو يسندها خلف راسه : كملي طال عمرك

إبتسمت له وهي عن يساره وهو شبه متمدد الا إنه ظهره على ظهر السرير لجل تاخذ راحتها بـالرسم ~

« قـريب الفجـر ، بـيت نهيّـان »

إبتسم نهيّـان وما يدري كيف تلخبط نومهم كلهم مره وحدة ، بعد العشاء بـ ساعتين كانو كلهم دايخين وكل أحد توجه لـ غُرفته ينام ،رفض يروحون هذام وهتان بيتهم ، ونفس الحال مع حنين وجابر رفض يخرجون ، والحال ذاته مع لؤي وريف ، وحاكم وملاذ ما قدر يشوفهم أصلاً وتوقع إنهم نايمين لكن بغُرفة ملاذ مو بجناحهم لأنه فاضي ، نـزل للأسفل وهو يشوف فاطمة جالسة عند الورد يلي من مشتلها : جابوه لك ؟

هزّت راسها بـ إيه وهي تبتسم : أنتظر الفجر وتصحى بِكر فارس تشوفه ، بتحبّه

ضحك نهيّـان وهو يجلس بـ جنبها : بِكر فارس ، ياهي عظيمة يا فاطمة

هزّت فاطمة راسها بـ إيه : ياهي إنسانة داخلها وخارجها واحد ، جمال وأخلاق وأدب وتعامل وحنيّة تغطي العالم كله ،وزود على هذا كله إسم على مسمى ، ما ينلام حاكم يومه يحبّها هالكثر

ضحك نهيّـان وهو يمد إيده للورد : شابهتك ، وما ظلمت يوم قلت بكر فارس مثل فاطمة

ضحكت فاطمة لثواني وهي تناظره : والله هي أنعم يا نهيان ، يشهد الله يومها توقف جنبي وتلمس الورد أخاف إنه يجرحها ، وش شبّهتنا فيه ؟

ضحك نهيّـان : قلبكم واحد وطباعكم تختلف بالشدة، إنتِ توقفين بـ وجه ذياب بقوه وصلابة لكن هي تبكي وتوقّف أسود بوجه الذياب !

ضحكت فاطمة وهي تفهم مقصده تماماً ، من ناحية ليلة الذيب وإنه حاكم يلي كان معاها ، ومن ناحية خفيّة يقصدها نهيان ، وقت خطب فيصل ملاذ وأخذها حاكم غصب عن رغبة فيصل ، وقال له جملة تختصر حال كل شخص يحاول يقّرب من ملاذه وحياته لكنّه لفّها لجل يصير المقصود الذيب اللي أرداه حاكم قتيل " حقّ الذيب القتل ، وحقّ الحاكم الحياة " ~

إبتسم نهيّـان وهو يشوف شخص داخل البيـت : بتّـال ؟

إبتسم بتّال وهو يسلم على جدته وجده ويجلس عندهم : كيـف الحال ؟

إبتسم نهيّـان وهو يضرب كتفه : بخير ياحضرة الدكتور ، جلدت لو إنجلدت ؟

ضحك بتّـال : نقول إني للحين جلدت ، كثير الجلد بعد ولا إنجلدت

فاطمة بإبتسامة : الله يفتح عليك ، ويفرّحنا فيك وبشهادتك

إبتسم نهيّـان وهو يتأمل بتال ، الشخص الهادي بعلاقاته مع الكل رغم شطحاته ، حتى صداقاته محدودة ولا يحبّ يختلط بـ أوساط كثير ، ما يوثق بسرعة وهذا صعب فيه كثير ، ويحبّ بصعوبة لكنه يكره بـكل سهولة ، إبتسمت فاطمة وهي تناظره : باقي نص ساعة على الفجر ، إذا ودك تغفى يا أمي

إبتسم بتّال بخفيف وهو يتمدد عندها : أحس إني إشتقت لك كثير ، والله كثير

ضحكت فاطمة وهي تحط إيدها على راسه وجبينه : الله يكثّر الشوق اللي بيرجعك تنسدح عليّ ، ريّح

إبتسم بتال بخفيف وهو يحس بـ جدّه مبتسم له ، ولـ فاطمة : بشـوف الوضع داخل ، وأرجع لكم

« غُـرفة هتـان »

كان يحاول فيهم تخبّر أهلها عن حملها ، جدها وجدتها وجابر وغيرهم يلي لهم الأحقية يعرفون لكنها رفضت تمام الرفض وبيّنت له إنها ما تقدر تتحمل إحراجات هالفترة ، ما يقدر يخبي يلي بداخله وباح باللي بجُوفه وإنه خطط لـ عرس لهم ورتّب كل التجهيزات ، بتلبس فستان وبتعيش يومها وهو بياخذ حقه بالحياة لأن وده يفرح فيها ، وده يشوفها بالأبيض لأنها كل حياته ، هي أم وأبو وإخت وأخو وكل شيء له والأهم ، إنه زوجته وتحمل بداخلها طِفل منه ، قال لها عن سبب ضيقته بـ الأوقات السابقة وإنه زوج أمها إعتدى على أبوه بـ جلسة ، وراحت الأمور بينهم لحدّ وصلت لـ الطعن من قِبل ثامر لـ أبوه لكنها جات سليمة وبأخفّ الأضرار ، قال لها إنه لجلها ولجل أبوه ترك الشرطة والتحقيق يشوفون شغلهم رغم أنه كان يقدر يلعب ويتلاعب ويدخّل نفسه بـ مشاكل كثيرة لجل يطّلع عين ثامر مثل ما توعّد فيه ، أبوه قال له " العفو عند المقدرة ياولدي ولنا ربّ يحاسب ، وأنا بتحاسب على كثير أشياء إنت من ضمنهم يا هذام لا تزيد ذنبي ذنبين بـ ثامر "

« عـنـد حـاكم ومـلاذ »

طول وقت رسمها كان يتأملها ويلاحظ إنها تمثل عدم إحساسها بنظراته وكل جسدها ينكر هالشيء ، تتُورد ملامحها ومباشرة ترجع شعرها خلف إذنها لأنها تحترّ كثير ، رفعت حواجبها بإنزعاج من شعرها وهي لوهلة نسيت العالم كله من كُثر إندماجها ، مد إيده بهدوء وهو يمسك شعرها لجل تاخذ راحتها ، تركت الألوان من إيدها وهي تحس فيه يحاوط خصرها ويسحبها لجنبه ، ما يشوف رسمتها للحين لكنها تمددت بجنبه وراسها على صدره ~

مدت إيدها لـ إيده البعيدة وهي تحس فيه يضغط عليها لأنها باردة كثير ، قبّل رأسها بهمس : ما صار وقت تقولين وش تخبين عني ؟

هزّت راسها بالنفي وهي توقف : تعـال

قام خلفها وهو يشوفها تفتح الدولاب ولمح شيء صغير بـ إيدها ، مدّته لـ ناحيته وسرعان ما تغيّرت ملامحه من شاف " شُرّاب ، جورب " ، يعرفه حقّ المعرفة ، لُونه أبيض ومطرزّ عليه حرف الـ "ح " بالذهبي ، كان هدية من فاطمة له بـ يوم من الأيام لكنه ما لبسه أبداً وإحتفظ نهيان فيه ، حتى الجاكيت يلي عليها بهاللحظة يعرفه لكن ذاكرته ما تساعده أبداً ~

إبتسمت لثواني وهي تناظره وتحس إرتبكت مباشرة : قال لي نهيان إنك ما رضيت تلبسه بـ حُكم إنه صغير ، وقلت إنك بتحفظه لـ ولدك أو بنتك ، ويلي يصير ولي عهدك ، وهالجاكيت يلي علي ، لبسته مرة وحده بـ جلسة مع أصحاب جدي ، سألوك وش بيكون إسم ولدك الأول ، وقلت ما يسميه أحد غير جدي !

إبتسم وهو شبه بدأ يفهم من حسّ فيها تمسك نفسها لا تبكي : ملاذ ؟

ميّلت شفايفها لثواني وهي كل مشاعرها من وقت حملها الأول وسقوطه تضاعفت الحين ، همست وهي تناظره برجاء : لا نزعل من بعض ، ولا نبعد ولا نقربّ مخيمات الله يخليك !

ضحك بذهول وهو يضمها لحدّه وهزّ راسه بـ تأكيد على كلامها ولا زال الإستيعاب عنده ينحدر كل شوي ، خرجّت جوالها من جيب الجاكيت وهي ترفعه لـ حدّ أذنه لجل يسمع ، كانت الدكتورة مسجله لها فويس " السلام عليكم ياحبيبتي ، الحمدلله تأكدت إن الأمور كلها بالسليم ، من ناحيتك ومن ناحية الجنين وأبداً لا تشيلي هم ، إنبسطي وإرتاحي والله يتمم لك على خير ويسهل لك ياروحي " ~

ما عرف يعبّر من كثر تزاحم المشاعر بـ داخله ، لسى بالأمس تمنّى تمّر الأيام بسرعة وتحمل ملاذ بدون لا يكون فيه خطر عليها ، لأنه بدون مقدمات وبـ يوم واحد ، حسّ إنه كِبر ألف عام وإنهدّ حيله ، حسّ بـ يلي بـ إيدها يطيح منها ، وعرف إنها...تعبت كثير والنوم تمكّن منها بهاللحظة ، شالها مباشرة وهو يتركها على السرير ولازالت إيده بـ إيدها وإبتسم غصب عنه وهو عجز حتى إنه يتكلم وينطق بـ كلمة وإكتفى إنه يقبل إيدها يلي بـ إيده ، قام وهو يبعد الألوان والأغراض عنها ووقف بذهول من شاف إنعكاسه ع المرايا ، مشى لـ ناحيتها وهو مذهول تماماً ، رسمت قلبه وبـ أوردته وشرايينه ورود تغنيه عن التعبير عن مشاعره لأنها تمثّل جُزء من المشاعر يلي يحس فيها ويلي تخونه حروفه وحتى أفعاله إنه يعبر عنها ~

« الصــباح »

إبتسمت بخفه وهي تتأمل نفسها ، كانت لابسة بلوزة بـ اللون الأبيض بـ أكمام بسيطة وجينز هاي ويست ، تركت شعرها على حُريته ويتزيّن بـ وشاح باللون الأحمر يربط نصفه الأعلى ، سكرت الروج وهي تتركه ع الطاولة وسرعان ما توردت ملامحها من حسّت بـ حاكم جنبها : أهلاً

سكت لثواني بدون لا يتكلّم وأنظاره عليها تعبّر عن نيته ، تُوردت ملامحها مباشرة من حست فيه يرفع إيده لوجّها وهي ترحّب بـ ريف يلي كانت خلف حاكم : أهـلاً

إبتسمت ريف بتردد وهي تشوف حاكم يمثّل إنشغاله بالعطر : جدي يبيكم تحت ، يقول تأخرتو

ميّل شفايفه وهو يترك العطر على الطاولة : جايين

نـزلت ريف للأسفل ، وضربت ملاذ حاكم على ذراعه وهي تسبقه متجاهله صوت ضحكته ~

بـ الأسـفل ، إبتسـم نهيان وهو يتأمل كل أحفاده وعياله ، متعب وأخوانه قايمين بالشركة بشكل يطمّنه على مستقبل أحفاده كلهم ، بتّال يدرس طب ، وعناد يشتغل مع أخوانه وعلى نفسه ، فزاع ينشدّ فيه الظهر ، وجابر مهندس ناجح وكبير وإرتفع أكثر وأكثر بعد مشروع " وسن " يلي ضمّ مباني كثيرة كلها من تصميمه وعوائدها ضخمة كثير ، وحاكم الغنيّ عن التعريف عنده ، غير عن حفيداته كلهم ، نادين إنسانة قوية وبنفس الوقت ناعمة ، وهتان أحيان يشوفها باقي طفلة ، وأحيان يشكّ إنه هو الطفل ، بِكر فارس ما يحبّ يعبر عنها لأنه قضّى شبابه كله يعبّر عن فاطمة ويلي يشوف ملاذ فيها الحين ~

لف أنظاره لـ عياله وإبتدأ بـ متعب ، يحبّ متعب ويقدّره كونه يحلّ مشاكله بنفسه ، ويحبّ سامي يلي يتخبط فترة ويغلط كثير الغلط لكنه يرجع يعتدل ، يحب فارس كونه هادي وحاله حال نفسه وعياله ، ويعشق عناد رغم إنه نصّ الشيب يلي برأسه منه ~

مرر أنظاره على زوجات عياله يلي دائماً بمقام البنات عنده ، إبتدأ بـ..إبتدأ بـ علياء مثل ما إبتدأ بزوجها ، علياء رغم الجروح يلي سببتها بقلب نهيان للحين يشوفها غالية وبمقام البنت ويعزّها كثير ، وشيماء يخجل من أول ما يشوفها بسبب سوايا سامي فيها وصبرها عليه ، غالية عليه كثير وتزيد بتصرفاتها وتعاملها معه دائماً ، ونُهى ، ما تجمعه مواقف كثيرة معاها لكنه يقدّرها كثير ، ولو تخيّر يستشير وحدة من زوجات عياله عن شيء مصيري ، ما بيكون خياره الاّ هي ~

دخـلت مـلاذ لـ عند نادين بالمطبخ وهي تشوفها عايشـه بـ خيالها بعيد ، أخذت الكأس من قدامها : فزاع ؟

هزّت نادين راسها بـ إيه وهي تجهّز العصير : أحيان ودي أقتله ، وأحيان ودي أقتلني

إبتسمت ملاذ وهي تميّل شفايفها : ومن هالحال الحين ، أحلف إن ودك تقتلينك !

ضحكت نادين وهي بالفعل ودها تقتل نفسها، يحبّها ويحبّ لو يلمس إيدها لكنها دائماً تبعد ، تخجل وتتقنع بـ الصلابة مباشرة ، ولأنه يعرفها ضحك وقبّل خدها ومشى لـ عند العيال ، إبتسمت ملاذ وهي تشوف نادين رجعت تسرح من جديد ، وتوسّعت إبتسامتها أكثر لـ عناد يلي يمشي لـ ناحيتها ويهمس بخفوت " كيف أصير مويا " ، دخّلها تحت ذراعه : يلا بينا ؟

هزّت راسها بـ إيه وهي تترك الكاسه خلفها ، وتنادي نادين لجل يخرجون ~

مرّت مراسم فطور ، وجلسة جمعت الكُل بـ حُب كثير وصار وقت الإجتماع ، وقت الوداع ~

جلـست ملاذ بـ جنب حاكم وهي تناظره وعرف إنها تسأل عن الرسمة ، ميّل شفايفه بهمس : أفصخ وتشوفين ؟

هزت راسها بالنفي مباشرة وهي تشتت أنظارها لـ جدها ، تُوردت ملامحها من حسّت بـ طرف الحديث يمسّها ويمس حاكم ، وصار واضح للكل إنها حامل " الله يتمم على خير وعقبال هتان ، ولا يا هتان ؟ " ، ضحكت هتان بدون لا تتكلم ، وإكتفى هذام إنه يبتسم وتعالت الأصوات من ضحك حاكم مع هذام ~

ضحك جابر بالمثل لأنها بالأمس قالت له ، وكمّل سامي بإبتسامة : والله يتمم لهتان يا ابوي ! عقبال ريف

شرقت ريف بمويتها وكان لؤي بيضرب على ظهرها الا إنه تراجع وهو يأشر لفزاع : تفضل إختك

ضحك فزاع وهو يضرب على ظهر ريف ويعرف إنه لؤي كان بيضرب على ظهرها لكنه تراجع من شاف عيون حاكم ناحيتهم لأن ريف شرقت ~

ضحك نهيّـان غصب عنه وتحولت كل أنظاره لـ حاكم ، إبتسم فارس بخفيف : يقول يا أبوي ، يوم يضحكون الجماعة كل واحد يلفّ عيونه لـ أكثر واحد يحبّه بالجلسة ، وحنا الحين عرفنا مين يفوز بقلبك

ضحك حاكم وهو يقوم يجلس بـ جنب جده لأن فاطمة عند الورد بعيد :..ضحك حاكم وهو يقوم يجلس بـ جنب جده لأن فاطمة عند الورد بعيد : لأن جدتي ماهي موجودة ، جات من نصيبي النظرة ياعمي !

ضحك نهّـيان وهو يضرب على كتف حاكم ، وإبتسم من جاه سؤال من هتان " كان ببالي من زمان والحين بما إننا جالسين ، ليه حاكم ما يقول لك جدي مثلنا ؟ " : لأنه مو مثلكم ، لأنه مني وفيني

ضحكت فاطمة وهي تجلس : حكيّهم ، ما يفهمون بالألغاز مثلنا

إبتسم نهيّـان وهو يحتاج صُحف لجل يكتب أسبابه بـ حاكم ، إبتدأ بحكيه : لأنه حاكم العزّ ، لأنه تربّى على إيدي ، ولأنه يميني وقبل عيالي عندي ، لأن لو قال لي جدي مثلكم ، بتصير بيني وبينه مواضيع ما يقولها الحفيد لجده ، ولا الجدّ يقدر يثقّل على ظهر حفيده ويقولها له ، لأنه أول أحفادي ، ولأنه عصاتي وذراعي ومسندي ومركاي ومركزي ونوماسي ، ولأنه حاكم يلي ما يختلف عليه إثنين !

تعالت أصواتهم وإبتسمت ملاذ وهي تشوف حاكم يتنحنح لأن ما يعجبه كثير المدح ولا يحبّ ينحرج لكنه إنحرج هالمرة كثير ، لف نهيّـان أنظاره لـ ملاذ : وش تقولين عنه ؟

رفعت أكتافها بعدم معرفة وهي تناظره : مثل ما تقول ، غالي الأثمان !

ضحك نهيّـان وهو يشوف أحفاده كلهم مستقرين ،قاموا هتان وهـذام يمشون بعيد ، وريف ولؤي لـ ناحية أخرى ، فزاع ونادين بالمثـل ، وظلّ حاكم بـ جنبه وملاذ بـ جنب فاطمة ~

ميّلت هتـان شفايفها وهي تدخل بـ ذراعه : وش معنى نوماسي ؟

ضحك لثـواني : نوماس يعني الفخر والعزة والمجد!

إبتسمت بخفيف ، ورجّعت أنظارها له : وش تشوفني ؟

ميّل شفايفه وهو يناظر الجو يلي مغيّم بشكل جميل : أشوفك مطر هتّـان ، لا برق لا رعّاد !

إبتسمت وهي ترفع عيونها له ، وكمّل هذام : وأحبك وصل وبعاد ، وأحبك رضى وعناد !

جلست وهو بجنبها ، وسرحت بخيالاتها بين الحاضر والمستقبل ويلي راح ، وإكتشفت إنها بكل الأحوال ترجع لـ ناحية هذام ، بـ ماضيها كانت تحبه ، وحاضرها معاه ، ومستقبلها بيكون معاه وبيبنونه سوا ، تعرف إنها ما بتوفّق بين جامعتها وحياتها ، وبنفس الوقت تعرف إن الشخص يلي معاها إسمه هذام ، وإسم على مُسمى بيتحمّل وبيقِدم لجلها وهي بتحاول قدر الإمكان ، تتحمّل مسؤلياتها تجاه هذام ، وتجاه جامعتها ، والأهم تجاه الجنين يلي بـداخلها ~

« عـنـد رائـد ، بـ السجـن »

جـلس مكـانه وهو يخلل إيده بـ شعره ، إنحكم عليه بالسجن فترة طويلة وأكثر من الـ ٥ سنوات وكان بيجنّ لكنه صبر وقت عرف إنه صار له ولد يحمل إسمه ، سمّته رسل " فهـد " ، مثل ما ينقال لـ رائد " أبو فهد " ، عرف إنها بخير مع غيم وفهد وأبوها ، وإرتاح جُزئياً إن فيه تدخلات كثيرة بتصير لجله ،

_ولجل يخرج بـ أسرع وقت ، ضحك وهو سمع صوُتها وهي تحكي فهد " تـرجع لأبوك ، ما بنجرّدك من أصلك ونكسر إسمه فيك " ، للأسف إن كل تفكيره فيها ، سواءً قدر يوصف أو لا وحاول يشغل نفسه أو تركها على هواها ، تمكّنت قلبه وحياته وهذا يلي يعرفه ~

صـعد حاكم للأعلى بعـد يوم شاق ، وغصب عنه إبتسم وهو يشوفها تسحب الوشاح من شعرها لجل يتناثر حُولها ، إبتسمت بخفيف وهي توقف وإبتسمت أكثر من حسّت فيه يضمها لحدّه ، قبّل راسها بهمس : تعبتي ؟

هزّت راسها بـ النفي وهي تناظره :نجلس ؟

جلسّها ع السرير وهو بدّل ملابسه وجلس بجنبها ، إبتسمت وهي تشوف الرسمة باقية على صدره ما مسحها ، مسك إيدها ومباشرة تُوردت ملامحها من حست فيه يتمدد قريب من بطنها وإيده فوقه : وش شعورك ، هاليومين ؟

إبتسمت بخفيف وهي تمد إيدها لـ شعره : إلتمّ الشمل أكثر من قبل ، وكلنا تعدّلت حياتنا أكثر من قبل !

إبتسم بخفوت وفعلاً هذا يلي جالس يصير ،

جده بـ صحته وعافيته ، وقُرة عينه فاطمة بجنبه بصحتها وعافيتها ، أمه وأبوه بخير ونعمة ، وعمامه أفضل وأفضل ، أخوه فزاع رجع يضحك مثل قبل وأكثر ، وهذام يعيش حياته يلي يستحقها فعلاً مع هتان ، عناد لازال روح العائلة كلها ، ولؤي علاقته معاهم كلهم جميلة كثير ، جابر صار أبو لـ وسن يلي قبل شوي شالها حاكم وحسّ بـ ألف شعور ما قد حسّ فيها أبداً ، بتال اليوم كله يدندن وعيّش الكل جو رهيب ورجع يمشي لـ جامعته والسكن بالناحية البعيدة والأُخرى من الرياض ، البنات ما يعرف يعبر عنهم ، لكن يعرف إن كل وحده فيهم من رضاها تحسّ بنفسها فوق الغيم وهذا الشيء يلي يهمه ~

رفع نفسه وهو يقبّلها ويجلس وأنظاره عليها لحدّ ما حس فيها رجعت تخجل من جديد ، جلست وهي تعدل بلوزتها وتمدّ إيدها لـ أكتافه من عرفت إنه وده يحكيّها لكن مو عارف كيف يقول بشكل غير عفوي ويناسبه : مو مجبور تصير حاكم يلي يمثّل إسمه معي ، ممكن تصير حاكم يلي أعرفه ؟

ضحك وهو يمدّ لها صورة من جيب شُورته : ما كنتي تمشين قدامي وبس ، حتى شيل جبرتيني أشيلك !

ضحكت بذهول وهي تشوف صورتها وهي صغيرة وحاكم يلي شايلها ، ضحك وهو يفرك حواجبه : كان ينقال حقّ العيون السود السمع والطاعة ، وبعد كل هالذكريات أنا أقول حقّ بِكر فارس السمع والطاعة

إبتسمت بخفيف وهي تحسّ فيه يتمدد بـ حُضنها والواضح إنه مو عارف يعبّر عن شيء ، همس لثواني لـ بطنها وهو يمد إيده لـ الشامة يلي تزيّن خصرها ويلي شافها بـ سويسرا لأول مرة : بكرا يقولون وش بلاء أبوك يا ذياب ، جاوب وقول شامتها وعطرها وليلة ذيب !

تمت

٠٠٠٠٠٠٠٠

قراءه ممتعه

تحميل رواية «ياملاذ الحاكم يابكر فارس» PDF

اختر مجموعة الفصول للتحميل (كل ملف حتى 10 فصول)

عن الرواية

حمّل تطبيق مكتبة الروايات