رواية زهور بنت سلسبيل الفصل السابع والثلاثون 37 - بقلم منى عبدالعزيز

زاهر يقف بالقرب من الباب يستمع لحديثها ليبتعد سريعا. ويصعد إلى غرفته يقف أمام المرآة ويدخل في نوبة ضحك وهو يتحدث. زاهر: متخيل إيه اللي حصل امبارح لما عرف الحقيقة هههههههه ههههههه ههههههه لتسيل دمعة من شدة الضحك يزيحها بيده مع تزايد سعاله. كنت أتمنى أشوفه بنفسي. لينظر للمرآة وتختفي ضحكته. زاهر: ما كنتش أتمنى يكون الوضع كده بس لو فاكر إن منعك للمصاريف هيأثر عليا تبقى غلطان. أنا ما بتفرقش معايا. لتعلوا ضحكاته مرة أخرى.

نفسي أشوفه لما يعرف إني بدرس بمنحة ههههه مش بدفع والمصاريف الخمس سنين اللي فاتوا ههههههه في حسابي الشخصي ههههههه. يلا بقى هستحمل ساعتين كمان وأشوفه بنفسي. ليصمت مع سماعه لصوت هاتفه. زاهر: حبيبتي يا ناناه وحشتينييييي كتتتتير أوي. كام ساعة وهكون عندك إن شاء الله وأشبع من حضنك أنتِ وماما. متعرفيش وحشاني قد إيه. الجدة: صوتك مبسوط وباين فيه الفرحة. زاهر: فعلاً عايز أقولك السبب بس خايف تزعلي مني.

الجدة: لا أنت بالذات أي حاجة بتعملها بتفرحني أنا. زاهر: جدو عرف الحقيقة هههههههه ههههههه. من شوية كحكح كحكح سوري يا ناناه مش قادر. وعمل العقوبة في الحال. تخيلي إيه هي. الجدة: عرفت من صوتك بس بلاش تفرح قوي. أنت لسه ما وصلتش لذكاء جدو. لو فاكر إن عقابه سهل تبقى أنت متعرفش حاجة. زاهر: متقلقيش يا نانا. الجدة: يوه نسيت. أيوه قالت أكلمك. نفسها تشوفك. زاهر: انتفض من مكانه. إيه يا ناناه؟ ماما مالها؟ بقالها فترة مش عجباني.

الجدة: لما تيجي هتعرف. زاهر: بلاش تلعبي بأعصابي يا زوزو. قولي ماما مالها. الجدة: أبداً ما لهاش. هتجيب لكم أخ صغير. زاهر: نعم. الجدة: سلام بقى. سامعة صوت بره. هقفل قبل ما حد يسمعنا ويشك. أغلقت الهاتف سريعًا ووضعته بجوارها قبل أن يراها أو يسمعها أحد. زاهر: استني يا تيته فهميني. لينظر في الهاتف بحيرة يتساءل. لسه مكلم ماما من يومين. حصل امتى وإزاي وهي وزايد باشا في مشاكل على طول.

يا خبر. بفلوس. كمان ساعتين تلاتة وهعرف كل حاجة. يدوب الحق أوصل المطار. لتصدح ضحكته. يلا يا عبده باشا. مكتوب لك تاخد الصدمات مرة واحدة. *** زهور تجلس أمام غرفة العناية بعد أن تحدثت مع الطبيب وحدثت مشادة بينهم انتهت لصالحها. تنظر إلى الغرفة وأخيرًا أطلقت لعينيها العنان يقذفان دمعاتها المتحجرة. تغمض عينيها تتذكر كلام الطبيب. الطبيب: جدتك للأسف بعد الأشعة والتحليل

طلعت عندها انسداد في شريانين وكمان تغير صمامين غير حاجات لسه عقلك ما يستوعبهاش. زهور: يا ريت حضرتك تفهمني كل حاجة عشان أطمن. وكمان عايزة أعرف كل حاجة عن العملية. وفي خطر على ستي؟ وهتعيش ولا لأ. الدكتور: هشرحلك كل حاجة بس تفائلي يا شيخة. بلاش تشاؤم. ليشرح لها الطبيب كل المقصود. الدكتور: بصي يا آنسة

عملية القلب المفتوح دي عملية من العمليات الكتير اللي بنعملها لعلاج مشاكل القلب زي كده. عدي على صوابعك. أيوه عدي. مش بتعرفي تعدي. زهور: تنظر له بحدة. لو سمحت يا دكتور. أنا عايزة أفهم. مش وقت هزار. لو حضرتك مشكور بتخفف عني أنا شاكرة ليك. بس أنا قلقانة وعايزة أطمن. الطبيب: بتفحميني بردودك على فكرة. ولا بلاش. يلا نكمل. الدكتور: المشاكل زي العيوب الخلقية. استئصال أورام القلب. تغيير الصمام الأورطي أو أي صمام تالف في القلب.

إغلاق الثقوب التي قد تتكون بين الأذينين أو البطينين. أنا عارف إنها أسماء ومصطلحات كتير وصعب تعرفيها في سنك ده. بس حبيت أعرفك. زهور: تومي برأسها. متشكرة لحضرتك. طيب هي ستي عندها إيه من اللي قلت عليهم. الدكتور: بصي. إحنا هنعمل فحوصات وأشعة وهنحدد العملية وبعدين هنعرف بقى كل التفاصيل. وكمان جراحات القلب المفتوح لإصلاح العديد من الأمراض التي تصيب القلب.

وهي كتير. مش هندخل في تفاصيل أكتر. أنا فهمتك إيه المقصود من عملية القلب المفتوح. عندك أسئلة تانية تحبي تسأليها. زهور: سؤال. لا سؤالين بس. الأولاني. العملية هتتعمل على طول؟ وإيه المطلوب مني أعمله. هتقعد قد إيه في العملية؟ وهتخف بعدها؟ وهتعيش ولا لأ. وكمان بعد العملية هتفضل هنا كام يوم. والعلاج. الدكتور: حيلك حيلك. إيه الأسئلة دي كلها؟ أنتِ قلتي سؤالين. مش لستة. بصي يا اسمك إيه؟ ما قلتيليش. زهور: زهور يا دكتور.

الدكتور: أنا شرحتلك يعني إيه عملية قلب مفتوح وهنعمل إيه. هقولك أهم التعليمات والأشعة والتحاليل اللي بنطلبها والعلاجات. وبعدين هرد عليكي سؤال سؤال. بس بعد كده مفيش أسئلة تاني. ليشرح لها الطبيب. الدكتور: أهم تعليمات فترة ما قبل عملية القلب المفتوح.

بعد الكشف على المريض وعمل الفحوصات المطلوبة وتحديد نوع الجراحة للمريض بنعرف المريض أو حد من أهله أو مرافقيه له طريقة إجراء الجراحة والتحضير للعملية والأدوية المطلوب تناولها والمضاعفات المحتملة ونسب نجاح العملية والتي تختلف من مريض لآخر. وبنعرفه بإقرار إجراء العملية. وطبعًا إحنا محتاجين حد كبير يمضي لنا على الإقرار. وكمان يا ستي بنقوم بإعطاء المريض كافة التعليمات لفترة ما بعد إجراء الجراحة. وهقولك دلوقتي على حاجات هنعملها زي مثلا.

ضبط مستوى السكر بالدم إذا كان المريض يعاني من مرض السكر. والحمد لله جدتك مش مريضة سكر بناءً على التحاليل اللي عملناها. ضبط مستوى هرمون الغدة الدرقية إذا كان المريض يعاني من زيادة أو قلة نشاطها. وبرضه جدتك سليمة الحمد لله. وبعدين بنحجز المريض في اليوم السابق للجراحة وبيتابع حالته أكتر من دكتور زي الدكتور الجراح والتخدير وبيراجعوا كافة الفحوصات وتحضير مشتقات الدم.

يتم التأكد من وجود كافة المستلزمات الطبية اللازمة للجراحة مثل جميع مقاسات الصمامات مثلاً في مرضى استبدال الصمامات. زهور: طيب حضرتك قلت في فحوصات وأشعة هتعملوها ولا هتدخلوها العملية عشان هي تعبانة. وإيه تبديل الصمامات.

الدكتور: بابتسامة صغيرة. أسئلتك كترت بس هجاوبك عشان تطمني. بصي يا آنسة زهور. إحنا لازم أول المريض ما بيجينا بنعمل أشعة وتحاليل مبدئية لحد ما نعرف بيعاني من إيه الأول. وبعد ما بنحدد نوع العملية بنجهزه ونعمله فحوصات وأشعة وكمان بنديله علاجات معينة تساعدنا قبل العملية في تنظيم حالته النفسية. وبنعمل للمريض الفحوصات والأشعة اللي هقولك أسماءها. أشعة على الصدر. أشعة الرنين المغناطيسي.

الأشعة المقطعية العادية أو متعددة المقاطع. أشعة الساليوم التي تحدد حيوية عضلة القلب. أشعة مقطعية على الشريان الأورطي أو الرئوي. الموجات فوق الصوتية على شرايين الرقبة والمخ. الخضوع للفحص الطبي عبر زيارة الطبيب المختص. القسطرة التشخيصية اليمنى أو اليسرى أو قسطرة الشرايين التاجية. الايكو (العادي أو بالمجهود) أو الموجات فوق الصوتية على عضلة القلب. عمل رسم للقلب (العادي أو بالمجهود)

لمعرفة اضطرابات دقات القلب وقصور الشرايين التاجية. إجراء تحاليل الدم (صورة الدم، وظائف الكبد والكلى، سرعة الترسيب، السيولة، إنزيمات القلب، تحليل فيروسات الدم) بالطبع يحدد الطبيب المختص أي من هذه الفحوصات يحتاجها المريض على حسب العديد من المتغيرات مثل سن المريض وجنسه، و شكوى المريض، ونتائج الفحوصات السابقة.

أظن كده خلاص فهمتي كل حاجة. ممكن بقى تجاوبي على الأسئلة اللي هسألهالك وتتصلي بماما وبابا أو حد كبير يجي يتابع معايا ويمضي على الإقرارات. زهور: اتفضل اسأل. بس ما فيش. أنا عايشة أنا وستي لوحدنا. الدكتور بتأثر: نخلي الموضوع ده بعدين على ما الأشعة تنتهي نشوف هنعمل إيه. قوليلي جدتك الفترة اللي فاتت كانت بتشتكي من إيه. وبتأخد أدوية ولا لأ. ولو بتاخد تعرفي أسمائها. وآخر مرة جالها إغماء كان من امتى.

زهور: ولا حاجة من اللي قلتها حصلت. لا بتاخد دواء ولا أغمى عليها ولا شفتها تعبت. دي مرة واحدة لقيتها ماسكة صدرها وتشاور لي ومش قادرة تتكلم ولا تتنفس. الدكتور: فهمت قصدك. على العموم اتفضلي ارتاحي بره شوية وأنا هتابع الحالة بنفسي وهقولك على التفاصيل وامتى معاد العملية. وقفت زهور وخطت عدة خطوات تجاه الباب ليوقفها الطبيب. الدكتور بابتسامة لعوب: يعني سألتي على كل حاجة. ومسألتش على تكلفة العملية.

زهور: التفتت له. قلت لحضرتك كل اللي هتقول عليه هدفع. ومش زهور بنت سلسبيل اللي ترجع في كلمتها ولا تاكل حق حد. وعرقك هتاخده على داير المليم من جنيه لمية. الدكتور بذهول يتحدث: عرقي ومن جنيه لمية. اخرجي يا زهور بدل ما أدخلك العمليات وأقص لسانك اللي أطول منك ده. خرجت زهور والتفت الطبيب لزميله الطبيب الذي حضر مع زهور. الطبيب الأول: بتضحك. أنت جبت لي البلوة دي منين. شفت ردها ولا ثقتها بنفسها وهي بتقول.

مس زهور بنت سلسبيل اللي تاكل عرق حد. بقي بعد السنين دي كلها من الدراسة والسفر وتقريبا خامس أشطر جراح قلب في مصر. المفعوصة دي تقولي عرقك ومن جنيه لمية. الطبيب الثاني: ههههههه مش قادر. البنت أفحمتك. بص يا دكتور محمد. حضرتك أستاذي وكل يوم بتعلم من حضرتك. فعلاً أنت جسدت إنسانية الطبيب

في تعاملك مع زهور وصبرك على أسئلتها وشرحك ليها بالتفصيل الممل. فده يدل على قد إيه حضرتك عظيم ومثل يحتذى به. وأنا بشكرك على المجهود وتقبلك لظروفها. ومن كلام حضرتك اتأكدت إنك مش هتكلفها أي مصاريف للعلاج. الطبيب: ابتسم له وأومأ بالموافقة. ينظر في أثر زهور. على قد ما بتبان قوية بس من جواها ضعيفة وهشة. عيونها كلها دموع بس مسكتها. رفضت تنزلها قدامنا وتبان ضعيفة. رك ما تقعد مع نفسها هتنهار.

الطبيب: من أول ما جت العيادة تاخدني أكشف على جدتها وهي بتذهلني بتصرفاتها اللي أكبر من سنها. لهب واقفا: هستأذن أنا بقى. وإن شاء الله همر أطمن على زهور وجدتها بكرة بعد إذن حضرتك. ليخرج الطبيب وخلفه دكتور محمد يبحث بعينه على زهور ليجدها تجلس أمام غرفة العناية مغمضة العينين ودموعها تسيل على وجنتيها. ليشفق عليها ويذهب تارك لها مساحة لتخرج ما بداخلها.

أحلام داخل العناية موصل بها مجموعة من الأجهزة الطبية وقناع الأكسجين. تعود بذاكرتها لعدة أيام أثناء عودتها إلى المنزل وذهاب زهور قبلها لفتح باب المنزل ودخولها وجدت من خرج لها يمسك بيدها ويجذبها بعد أن كمم فمها وأصطحبها إلى خلف المنزل وأسند ظهرها و.