رواية زواج اطفال "لين وزين" للكاتبة الصغيرة الفصل الحادي عشر 11 - بقلم الكاتبة الصغيرة

الدكتوره: مبروك المدام حامل. مالك: بصدمه بعض الشيء.. هاا. الله يبارك فيك. احم لحظه لو سمحتي. الدكتوره: اتفضل. مالك: ممكن لا تصحى متعرفيهاش انك قولتيلى. قولى لها اللى وصلك مشي على طول. الدكتوره باستغراب: حاضر يافندم. عن اذنك. مالك ابتسم ومشي. بعد شويه اروى فاقت. اروى: انا فين. الممرضة: حمدالله على سلامتك. اروى قعدت: هو مين جابنى هنا وانا فيا اى. الممرضة: إللى وصلك مشي وحضرتك دوختى عشان حامل. الف مبروك.

اروى اتصدمت بشده: ح. ححاامل. أن أنتى متأكده. الممرضة: ايوا. اروى قامت بشرود: تمام شكرا. خرجت عشان تحاسب. ~ الحساب اتدفع يا فندم. اروى: مين دفع؟ ~ إللى وصلك هنا. اروى بخنقه: يووه كل م اكلم حد يقول إللى وصلك. هو مييين ده. ~ معرفش. اروى اتضايقت وخرجت بدون رد. فضلت شارده وهى بتفكر هتعمل ايه. سليم ولارا كانوا ماشيين على شقتهم وسلموا عليهم ومشيوا. الليل جه واروى روحت نامت من التعب ومالك روح البيت لأن لين وحشته.

مالك دخل وسليم ماشى. مالك: رايحين فين. سليم: هنروح الشقه. قولى انت عامل اى بقالك اسبوع لا بشوفك ولا بسمع صوتك. ماشي ي اخويا. مالك: معلش ي سليم كنت مخنوق شوية. سليم: واى اللى جايبك وانت مخنوق. جاى تطلع خنقتك على ماما وبابا. مالك بزعيق: سلييم احترم نفسك. سليم: ماشي ي مالك أنا همشي ولما تفتكر ان ليك أخ ابقي كلمنى. أنا موجود ي يا اخويا. قالها بسخريه ومسك ايد لارا ومشي. لارا: مكنش ينفع تكلم اخوك الكبير كده.

سليم: لازم اعمل كده عشان يحس بالذنب شوية. لارا: بس اكيد زعل منك. سليم: مش مشكلة. المهم يصلح غلطه. لارا: نفسي افهم دماغك دى. سليم: ولا هتعرفي. لارا: حوش الثقه. سليم: امشي وانتى ساكته بقا وبطلى تريقه. لارا: أنت بتكلمنى كده لى. سليم: ااه قولى كده انتى ناويه تنكدي بقي. لا مش وقتك خالص. لارا: وفيها اى لو نكدت كمان. مش مستحملني. سليم قلب عينه بملل: صبرني يارب.

جميلة: يابنتى انتي من ساعة ما جيتى وانتي نايمة. بتعيطي ليه ومكلتيش حاجة. اروى: مش عايزه أكل. جميلة: واللى فى بطنك ده ذنبه ايه. أروى بعياط: مش عايزاه. أنا هنزله ومش عايزه حاجة تربطني بيه تاني. جميلة بصوت عالى: انتي اتجننتي. اياك اسمعك بتقولي كده تاني. هتق**تلي روح ربنا خلقها. انتي ايه خلاص معن*دكي*ش رحمه. اروى: أنا زهقت من كل حاجة. ليه كده يارب. ليه. أنا مش عايزه حاجة من ريحته.

جميلة: حرام عليكي يا أروى. الناس هتموت وتشوف ظفر عيل. وانتي بالبساطة دي هت*مو*تيه. مينفعش يا حبيبتي. طب بالله عليكي مش حاسة بفرح. اروى: م مش عارفه يا ماما. جميلة بحنان وهى بتحضنها: اهدى يا حبيبتي اهدى. ومتفكريش في حاجة. هو اعتبريه ما*ت. لكن الطفل ملهوش ذنب. ربنا يريح قلبك ويبعد عنكم كل شر. انتي وحفيدي حبيبي. اروى بضحك بين دموعها: بس أنا عايزه بنت. جميلة: هههه كل إللى يجيبه ربنا حلو. اروى: ونعم بالله.

~ أنا مقدرش اعمل كده. دي العملة دي بحياتي كلها. ~ ومين هيعرف أن انت بقولك مصلحة هتعدي المليون. دي هتخليك في مكان تاني. @ لو اتعرف أن انا فيها رقبتي. ~ أنت خايف ليه كده. بقولك ميلووون. وكمل بخبث: خلاص شكلك مش موافق. هشوف حد تاني. @ لا لاا. أنا بس مش عارف هنفذ إزاي. خلاص هرد عليك بكرا. بضحكه خبيثه: ايواه كده تعجبني. وممكن ازودك كمان. @ تشكر يبشا. مالك دخل ولين وزين كانوا قاعدين. مالك: السلام عليكم. رودا: السلام. مالك

راح عند لين وباس راسها: عامله اى يا حبيبتي. وحشتيني. لين لفت وشها ومردتش عليه. مالك بص لزين. زين رفع كتفه بمعنى معرفش. مالك: ماما انتي زعلانه لسه. أنا اعتذرت كتير على التلفون وانتي شوفتي الرسايل. بس متزعليش مني بقي. أنا آسف. لين: وانا هزعل منك ليه. أنا مالي ومالك. مالك: يا ماما بقى بصيلي طيب. لين: مليش نفس. زين ضحك عليها. مالك: مليكيش نفس اى. بس هو أنا طبق محشي.

لين بصت لزين ومالك بغضب: انتوا بتضحكوا على اى. قولت نكتة أنا. مالك وهو بيحضنها: المشكلة يا ست ماما إنك مبتعرفيش تتحكمي في هبلك. احم أقصد هزارك يعني. زين ضحك عليهم وخلاص. لين: ابعد عني ومتكلمنيش. أنا بقولك اهو. مالك بتمثيل: تمام. أنا كنت جاي اودعك عشان رايح عملية مهمة بكرا. والله أعلم هرجع ولا لأ. لين بخضه: متقولش كده. هترجعلي بالسلامة يا حبيبي. مالك: الله أعلم. بس قلبي مش مطمن. أصلها خطيرة. لين: عملية اى.

مالك: تجار س*لا*ح. لين بشهقه: لأ يا مالك متروحش عشان خاطري. مش لازم العملية دي. زين متابعهم وعارف ان مالك بيكدب بس بيتفرج عليهم. مالك: طب وعشان خاطري أنا متزعليش مني. لين: مش زعلانه يروحي. مالك: احلفي. لين: والله مش زعلانه. مالك رجع ضهره ع الكرسي: يااه واخيرا يا شيخة. لين بصدمه: أنت بتكدب عليا!! مالك: كدبة بيضا عشان تسامحيني. لين: ولا بيضا ولا سودة على دماغك. أنا غلطانة انى كلمتك أصلا.

مالك: كل ده عشانها يا ماما. ما خلاص راحت لحالها. لين: أيوه عشانها ي مالك وعشان تعرف انك غلطان. مالك: خلاص ي ماما متفتحيش الموضوع لو سمحتي. أنا جاي اقعد شوية وماشي. مش ناقص. لين: ماشي. اقعد البيت بيتك. وقامت دخلت اوضتها. زين: امك عندها حق وانت عارف كده وبتعاند. مالك بصله ومردش. زين: على فكرة زياد طالب ايد همس. مالك: نعم!! مرفوض طبعا. زين: ليه. شاب كويس ومحترم. مالك بعصبيه: محترم؟

ده *** كان بيعاكس مراتى يوم الخطوبة وعايز يكلمها. وجاي دلوقتي يلف على اختي. زين: قصدك طلقيتك مش مراتك. وبعدين اى اللى مضايقك لما انت مش بتحبها. ها؟ مالك: بابا لو سمحت متدخلش دي ف دي. زين: خلاص هي دلوقتي مبقتش مراتك. وهو ممكن مكنش يعرفها. وانا شايف أنه كويس وصادق في طلبه. واه حاجة أخيرة. أنا كنت بعرفك بس مش باخد رأيك ولا حاجة. دي بنتي وأنا عارف مصلحتها فين. (بقي شكلك وحييشش) 🙂😂😂 مالك: بس دي اختي!

زين: يعني اى اختك. ماهي بنتي. مالك: أنا مش هستحمل واحد ** زى ده يزعلها في يوم او يبص لوحده غيرها. وفي الآخر يطلقها ويرميها. أنا عارف الص*نف ده كويس يا بابا متوافقش. زين بسخريه: آه اللي هو ص*نفك يعني! (مش بقولك بقي شكلك وحش. اى الاحراج ده يا بني. خلي عندك دم وامشي🙂😂) مالك بعصبيه: يا بابا أنا... زين: أنا داخل انام عشان هروح الشركه بدري. تصبح على خير. وسابه ودخل. مالك كان على اخره. خد نفسه ومشي. (ما كان من ساعتها 😏)

....... ........ ......... ......... ....... سليم: ادخلي يختي. لارا: بس متزوقش. سليم: يابنتي انا لمستك. هو حرق اعصاب وخلاص. لارا: بهزر يا سليم في ايه. سليم: ماشي. لارا: أحم. أنت زعلت. سليم: لأ عادى. لارا: خلاص حقك عليا. وادي راسك ابوسها. سليم: اى ده. هو أنا بصالح واحد صاحبي ف 4 ابتدائي!! لارا بضحك: هههه مش قادرة. طيب اعمل اى. سليم بغمزه: اى حاجة انتي وزوقك. لارا بإحراج: سلييم. سليم: قلبه. لارا: خلاص بقا.

سليم: خلاص امشي مش عايز حاجة. لارا راحت عند خده ولكن هو لف وشه بسرعة لتحول اى قبله. لارا انصدمت وبعدت بسرعة بخجل: انت.. وطلعت تجري من قدامه. سليم وهو بيجري وراها: استني يا بت أنا ملحقتش. يخربيتك. لارا: أنت قليل الادب. وبتقفل الباب. سليم مسك الباب: أنت لسه مشوفتش قلة ادب. لارا: والله لو مبعدت لاصوت والم الناس عليك. سليم دخل وهى راحت جرى على السرير: هرمي نفسي من هنا. سليم: هههه يابنت المجنونة. لارا: مشتمش ماما.

سليم وهو بيقرب: خلاص حقك عليا. لارا: ابعد بقولك. أنت قليل الادب. أنا غلطانة انى بصالحك. سليم شد رجليها وقعت على السرير وهو فوقها: وأنا جه دوري اصالحك. لارا بتعثلم: لا لا ن أنا مش زعلانه. سليم ضحك عليها وهى فضلت مركزه في ملامحه. لارا: قد اى أنت جميل. سليم: عارف اني قمر. لارا بإحراج: ابعد بقي. سليم فضل يقرب من وشها. سليم: مش هصالحك. لارا: تؤتؤ مش زعلانه. سليم قرب منها جامد. غمضت عينها بسرعة لتحول خدودها للون الأحمر.

ضحك عليها وراح عند راسها: حقك عليا وادي راسك ابوسها. لارا اتنفست براحة وهو بعد عنها: هطلع اطلب أكل لغاية ما تغيري. لارا: تمام. ....... ........ ......... ......... دخل البيت في قمة غضبه وفضل يكسر في كل حاجة. وقعد على الكرسي وهو بيفتكر الدكتورة لما قالت أنها حامل. ابتسم. ...... ........ ...... ........ ......... تانى يوم جميلة: راحه فين يا اروى. اروى: راحه الشغل. جميلة: شغل اى يابنتي. اقعدي بقي وريحي نفسك.

اروى: أنا دلوقتي محتاجة الشغل عشان اوفر فلوس واجيب لبنتي كل إللى هي عايزاه. مش هخليها تحتاج لمخلوق. جميلة بضحك: هي خلاص بقت بنت. اروى حطت ايدها على بطنها: عندي احساس بكده. وأنا عايزاها بنوته قمر زيك كده يا جوجو. جميلة بضحك: ربنا يرزقك ياحبيبتي وتفضلي فرحانة كده دايما. اروى: يارب يا ماما. جميلة: هتعرفي مالك. اختفت الابتسامة من وش اروى: لأ. مش هيعرف حاجة عنها. جميلة: اللي انتي شايفاه. اروى: يلا عشان متأخرش.

جميلة: خلي بالك من نفسك. اروى: حاضر. ....... ........ ........ ....... ~ ها قررت ايه. @ اسبوع وهيجيلك الرد عشان أنا مش هنفذ لوحدى. ~ خد راحتك المهم توافق. @ ماشي يبشا. ..... ...... ....... ....... مالك دخل المكتب. مالك: جيب القهوه يا سعيد. لقي تليفونه بيرن. مالك: اى يعم أنت فين من امبارح. مالك: معلش كنت تعبان شوية يا عز. قولى أنت عامل ايه. عز: كويس. كلها أسبوعين وراجعلك.

مالك: ناس تتجوز وتفرح وناس تانية تصطبح بوش سعيد. عز: هههه اى يابني مانت لسه متجوز. مالك: هاا. عز: ها ايه مالك؟ مالك: مفيش حاجة. يلا هقفل عشان ورايا شغل كتير. عز: ربنا معاك ياصاحبي. مالك: حبيبى. سعيد: القهوه يا بيه. مالك: شكرا يا سعيد. سعيد: لا مؤاخذة في السؤال يابيه. بس الدكتورة اروى أنت تقربلها حاجة يعني. أصل أنت بعدت ايد الدكتور خالد عنها وشلتها أنت. مالك بجديه: روح شوف شغلك يا سعيد.

سعيد: حاضر يا مالك بيه. عن اذنك. مريم: عامله ايه. اروى: الحمد لله احسن. مريم: خضتينا عليكي امبارح. اروى: آه صحيح. هو مين ودانى المستشفى. مريم لسه هتتكلم خالد نده عليها. مريم: معلش يا أروى هشوفه وجايه. اروى: اتفضلي. اروى قامت وراحت اوضة الملفات تشوف الملفات اللى فيها اسامي الكشوفات بتاع امبارح عشان تكملها. اروى: مين اللى حاططها فوق كده. شايفني طويلة اوى. راحت جابت كرسي وحطه عشان تطول.

مالك: سعيد خلى مريم تجيب الكشف بتاع امبارح واول. سعيد: مش موجودة يابيه. خرجت من شوية. مالك: خلاص هجيبها أنا. الكرسي كان قصير. حطت واحد تاني فوقه وطلعت. الكرسي اتحرك بيها. صرخت جامد وهى مغمضة عينها. بعد ثواني فتحت عينها لقت مالك. كانت هتقع لما الكرسي اتحرك وهو دخل في نفس الوقت. جرى بسرعة ومسكها قبل ما تقع على الأرض. اروى بصدمه وهى بتتنفس بسرعة. كانت حاطة ايدها على بطنها. مالك بخضه: مش تحاسبي. اروى انتبهت لقته شايلها.

مالك بص على ايدها إللى على بطنها وبصلها. شالت ايدها بتوتر: احم نزلني. مالك نزلها: بعد كده أبقي خدي بالك. اروى مردتش عليه. لقته مد ايده بالملف إللى هي عايزاه. خدته منه وجت تخرج. صوته وقفها. مالك بغرور وهو حاطط ايده في جيبه: مش عايزة تقوليلى حاجة. اروى لفت ليه: اقولك اى يعني. مالك بنفس الثقه: تشكريني مثلا اني وصلتك المستشفى. اروى بصدمه: أنت اللى وصلتي!! مالك بخبث: اممم أنا.

اروى في نفسها: زمانه عرف اني حامل. اكيد لأ. مهو مجبش سيرة والممرضة قالت مشي على طول. مالك: كل ده عشان تقولي شكرا. اروى فاقت على صوته: شكرا. ولفت وشها عشان تمشي او تهرب منه. مالك: مقولتيش هنسمي ابننا ايه؟ اروى وقفت مكانها بصدمه.