رواية زواج بالغصب الفصل الحادي عشر 11 - بقلم الكاتبة الصغيرة نور

سهيلة ل ميرنا صاحبتها: أنا لازم أقهره على البت دي، بقا يسيبني أنا ويروح ل دي! أنا بقا هعرفه مين سهيلة. ميرنا: اهدي يا سوسو بس، وكله هيتحل. سهيلة: أنا عرفت أنا هعمل إيه. ميرنا: احكيلي. سهيلة: بصي… ميرنا بشر: عاش يا سوسو! سهيلة: إن ما وريتك يا بتاعة انتي، مبقاش سهيلة. ف الليل الكل اتجمع وكانوا مشغلين أغاني وبيرقصوا. وكل مجموعة قاعدة لوحدها. عمر ومحمد وباسم وصحابهم كمان، ونور وايمان وسارة كانوا قاعدين مع بعض.

سهيلة: إيه دا، انتوا قاعدين من غيري؟ عمر بهمس: وهو حد بيطيقك أصلاً. إيمان ضحكت. عمر بضحك: اسكتي هتفضحينا. سهيلة: طب أنا شايفه يعني إن القاعدة معظمها كلية طب، دول اللي مقعدهم معانا. وشاورت على نور وايمان وسارة بقرف. محمد: هو انتي هتقعدينا على مزاجك؟ إحنا عاوزين نقعد مع بعض، مش عاجبك متقعديش. عمر: والله أنا شايف إن القعدة كانت حلوة، بس مش عارف مين اللي بوظها. إيمان ضحكت. باسم: بقولكم إيه، تيجوا نلعب لعبة صراحة.

سهيلة: أيوه يلا. عمر بهمس لإيمان: كدا اللعبة باظت. إيمان بضحك: اسكت بقا، أنت قاعد تضحكني وهما بيبصوا لي أنا. سهيلة: انتوا قاعدين بتتودودوا في إيه؟ عمر: بندعيلك. سهيلة بتأفف: طب يلا لف الازازة وشوف هتسأل مين. عمر لف الازازة: محمد. الله أكبر، جبتها صح. محمد بخضة: منك لله يبني خضيتني. عمر: شايفك اليومين دول كدا فرحان أوي، ممكن نعرف السبب؟ محمد بحب وهو ينظر لنور: السبب هو إني لقيت روحي اللي كنت بدعي دايماً ربنا يجيبهالي.

عمر: يسيدي يسيدي. طب لف الازازة. محمد لف الازازة: باسم. باسم: نعم. محمد: مش ناوي بقا تفرحنا بيك قريب؟ باسم وهو ينظر لسارة بحب: شكلها كدا هيبقا في حاجة قريبة. عمر: الله عليك يا بسوم. باسم لف الازازة، جيت على سارة. باسم: سارة، عمرك حبيتي؟ سارة: أيوة حبيت كتير، أنا مقدرش أعيش من غير حب. باسم بحزن: طب لفي الازازة وأنا رايح أتمشى شوية. سارة لنور: هو ماله دا؟ نور: انتي غبية يا بت، وبعدين إحنا عمرنا مشوفناكي حبيتي أي حد.

سارة ببلاهة: أنا مكنش قصدي الحب دا. نور: صبرني ياربي. إيمان: ما تلفي يا ختي. سارة: لأ، لفي انتي. أنا رايحة أكلم بابا. ومشيت ورا باسم. باسم قعد على البحر وطلع سيجارة، وهو يبدو عليه علامات الحزن. سارة قعدت جنبه. سارة: إيه دا، سجاير؟ لأ بلاش عشان خاطري، بلاش سجاير. باسم: جايه ليه؟ سارة: عشان مش عارفه انت زعلان ليه؟ مش إحنا صحاب كلنا؟ سبتنا وجيت هنا ليه؟ باسم: عشان حبيت واحدة، وكان عندي أمل، بس هي… وسكت. سارة: واحدة مين؟

باسم بحزن: سارة، أنا حبيتك بجد من أول ما شوفتك، وبحاول أبعد نفسي بس مش بقدر. سارة، أنتِ بجد بتحبي حد تاني؟ سارة بضحك: أنت فكرت إني بحب حد تاني؟ باسم باستغراب: أمال معنى كلامك إيه؟ سارة بضحك: فعلاً أنا مقدرش أعيش من غير حب، وأي إنسان كدا. أنا بحب ماما وبابا وإخواتي ونور وإيمان. باسم بضحك: يعني مفيش حاجة كدا ولا كدا؟ سارة بضحك: لأ مفيش والله. أنا عمري ما حبيت أصلاً. باسم حضنها. سارة: بعد إذنك، مينفعش كدا. وبعدين…

باسم: أنا بحبك أوي يا سارة. سارة: أنا منكرش إني كنت معجبة بيك، بس مش عارفه. باسم بنرفزة: مش عارفه إيه؟ والله لأتجوزك بمزاجك أو غصب عنك، إنتي ليا. سارة بضحك: يلا ونبقى كملنا دستة جواز بالغصب. باسم بضحك: تصدقي عندك حق. يلا بقا، هتتجوزيني امتى؟ سارة: تقدر تيجي لبابا بعد أما نمشي من هنا، وأنا هفكر. باسم بفرحة: فكري يا قلبي زي ما انتي عاوزة. سارة بحرج: طب إيه، مش هنرجع عند الشلة؟

إيمان: أنا اللي هلف، يارب تيجي صح. ولفت، جيت ع عمر. إيمان: هييييييي. يلا هسألك سؤال. عمر بحب: اسألي اللي انتي عاوزاها. إيمان: …