تحميل رواية «زوجة زوجي» PDF

عايزني اتجوز واحد لمجرد أني اكون آلة للأطفال والناس كلها عارفة إنه متجوز وبيعشق مراته؟!

ــ وفيها إيه، الشرع محلل أربعة.

ــ بس أنا مقبلش على نفسي كده.

ــ هيكون الأفضل لينا وليكي يا وتين.

وتين: انت بتقول إيه؟ عايز تبيعني عشان مصلحتك وتقولي الأفضل لينا وليكم.

ــ أنا آسف، بس ده لازم يحصل، وإلا هنفضل طول عمرنا كده.

وتين: أنا راضية يا مازن، بس متتخلاش عني، أنا اختك.

مازن: مش هقدر أتخلى عنك يا وتين، أنتِ اختي وكل ما أملك في الحياة، بس انتِ تستاهلي تعيشي عيشة كويسة.

وتين: متقررش انت عني يا مازن، أنا عايزة أفضل طول عمري أعيش معاك ومش هشتكي أبدًا، بس بالله عليك خليني جنبك.

مازن: أنا آسف، بس أنا خلاص اتفقت مع الناس.

وتين: بنت في عمر الـ 21 من أسرة بسيطة تعيش في الأرياف هي وأخوها بعد وفاة والديها، ومازن أخوها يريد تزويجها حتى يطمئن عليها وعلى حياتها.

على الناحية الأخرى في بيت جميل يدل على الفخامة والثراء.

ــ أهو يا أمي، هنفذ اللي انتِ عايزاه وهتجوز.

ــ أنا مش عايزة غير أشوفك سعيد ومبسوط في حياتك، وعايزة أشوف أولادك قبل ما أموت.

ــ بعد الشر عليكي يا ماما، بس انتِ عارفة إني بحب حور ومقدرش أعيش من غيرها.

ــ وأنا مقلتلكش سيبها، انتَ بس هتتجوز وهي هتكون معاك برضوا.

يوسف: ماشي يا ماما، ماااشي.

ليلى: ماشي يا حبيبي، أنا اتفقت مع أهل البنت وهنروح النهاردة.

يوسف: ربنا يقدم اللي فيه الخير.

في أحد الغرف.

"بنت في الـ 25 من عمرها تتحدث في الهاتف وهي تبكي."

حور: والله يا ماما، هيتجوز عليا خلاص، طنط أقنعته.

ــ اهدي يا حبيبتي.

حور: أهدى إيه يا ماما، وجوزي هيتجوز عليا.

ــ يا حور، الشرع حلل أربعة يا بنتي.

حور: بس أنا مقدرش أشوف يوسف مع حد تاني غيري، مقدرش، أنا أموت.

ــ بعد الشر عليكي يا حبيبتي، شوية وقت وهتتعودي.

حور: أتعود؟ سلام يا ماما.

"أغلقت الهاتف مع والدتها وهي تبكي بشدة."

وتتذكر ذلك اليوم المنحوس التي فعلت به الحادثة وتندب حظها على ما حدث.

يوسف: هتفضلي تبكي كتير؟

حور: عايزني أعمل إيه يا يوسف، وانتَ هتتجوز عليا؟

يوسف: متعمليش حاجة يا حور.

حور: يوسف، أرجوك متتجوزش، أنا مقدرش، هموت، مقدرش أشوفك مع واحدة غيري.

يوسف: ولا أنا أقدر أتخيل نفسي مع غيرك يا حور، أنا بحبك أووي.

حور: وأنا بعشقك والله، طالما بتحبني، عايز تتجوز عليا لي؟

يوسف: أنا مش عايز أتزوج عليكي، بس أنا بنفذ رغبة أمي.

حور ببكاء شديد: ماشي يا يوسف، ربنا يتمم على خير.

"ضمها لصدره بشدة وهي تعلقت بأحضانة وبكائها يزداد."

يوسف: خلاص يا حوري، اهدي يا روحي، بس كفاية.

حور: مش قادرة يا يوسف، مش قادرة.

يوسف: أنا مش هبعد عنك، هفضل معاكِ وليكِ على طول، أنا مقدرش أتخيل حياتي من غيرك.

حور: لأ، أنتَ أكيد هتحبها هي أكتر صح، ومش هتحبني أنا عشان أنا مش هجيبلك عيال، بس هي هتكون أم عيالك.

يوسف: عمري ما فكرت في حاجة زي دي، أنا بحبك، أنا مش هتفرق معايا الأطفال، أهم حاجة وجودك جنبي.

حور: أوعدني متسبنيش.

يوسف: أوعدك يا كل حياتي، أني مش هقدر أستغنى عنك ولا أسيبك أبدًا.

وتين: يا مازن، ارجوك.

مازن: وتين، خلاص خلص الكلام، مش عايز أسمع كلام تاني.

وتين: ليييه؟ ليييه بتعمل فيا كده؟

مازن: هنفضل نحكي كتير يا وتين، قومي جهزي نفسك عشان الناس هييجوا كمان شوية.

وتين: أنا بكرهك يا مازن، بكرهك جدًا.

مازن: قومي يا وتين، يلا.

ــ هو انتوا مفيش عندكم إحساس خالص؟ عايزيني أروح معاكم؟ إنتوا متعرفوش جرح قلبي، سيبوني في حالي بليز.

ليلى: إيه يا حور؟ مش عايزة تشوفي جوزك مبسوط؟ مش عايزاه يكون مرتاح في حياته ويتجوز ويكون أب؟ متكونيش أنانية يا حور.

حور: أنانية؟ أنا أنانية يا طنط؟

ليلى: أيوا طالما مش بتفكري غير في نفسك، تكوني أنانية طبعًا.

حور: خلاص يا طنط، اللي تشوفيه أنا هعمله.

ليلى: أيوا كده يا بنتي، ربنا يكرمك. روحي جهزي نفسك وقولي ليوسف يجهز نفسه هو كمان.

حور: حاضر يا طنط.

وتركتها حور وهي تحبس دموعها من الهطول.

***

مازن: خلصتي يا وتين؟ الناس على وصول.

وتين: مش هلبس يا مازن، وقولتلك إني مش موافقة ومش هوافق.

مازن بزعيق: خلصي يا وتين عشان أنا جبت آخري منك. يلا قومي البسي وبطلي العند اللي فيكي.

وتين: لا يا مازن، مش هبطل عند وشوف مين بقى اللي هيلبس.

اقترب منها مازن وأمسك يدها بقوة.

مازن: يلا يا وتين زي الشاطرة، خمس دقايق والاقيكي لابسة، مفهوم؟

وتين: لا، أنا مش بخاف على فكرة.

مازن: وتيييييين.

وتين: حاضر، بس عشان تكون عارف، أنا مش خايفة، أنا بحترمك بس.

مازن: ماشي يا وتين، يلا من وشي.

***

حور بدموع محبوسة: يلا يا يوسف، طنط بتقولك جهز نفسك.

يوسف: طب ليه الدموع دي يا قلبي؟

حور بتهرب: مفيش، بس باين في حاجة دخلت في عيني.

يوسف: والله هتكدبي عليا على أساس إني معرفكيش، صح؟

حور: عايز إيه يا يوسف؟

يوسف: عايز أعرف حبيبة قلبي يوسف مالها بتعيط ليه.

حور: حبيبة قلبي يوسف بتعيط عشان خلاص معادش حبيبة قلبه، بعد النهاردة هيسيبها ويتجوز عليها.

يوسف: ومين قال إن يوسف يقدر يعيش من غير حوريتة؟

حور: خلاص يا يوسف، بالله عليك روح البس عشان طنط هتقول إني بعطلك.

يوسف: كل حاجة تولع يا حبيبتي، بس أهم حاجة إنتِ.

حور بعتاب: وأنا بحبك أوي، بس أنا هونت عليك وهتتجوز عليا.

يوسف: خلاص يا حوريتي، إنتِ عارفة أنا هتجوز ليه، متقعديش تأنبي فيا كل شوية.

حور: صح، أنا آسفة.

وتركتْه وذهبت إلى الحمام.

يوسف: هووف يا ربي، أعمل إيه.

***

مازن: أيوا كده، زي القمر.

وتين: وأنا بكره برضو يا مازن.

مازن: شكرًا يا قلبي، وأنا بحبك أوي.

وتين: مازن، ارجوك ابعد عني، إنتَ مَعدتش أخويا من بعد ما هتتجوز، مش عايزة أشوفك أبدًا.

مازن: ماشي يا وتين، لما تتجوزي أبقى يحلها ألف حلال.

وتين: نينينينيني، ابعد عني عشان أنا مش طايقة نفسي.

وبعد قليل من الوقت، أتى يوسف ووالدته وزوجته.

مازن: شرفتونا يا جماعة، اتفضلوا.

ليلى: شكرًا يا بني، إنتَ طبعًا عارف إحنا جايين ليه.

مازن: طبعًا، ويشرفنا إننا نناسب ناس زيكم.

ليلى: تسلم يا بني، ربنا يخليك. مش هتنادي العروسة ولا إيه؟

مازن: لا إزاي، هقوم أناديها حالًا.

***

مازن: يلا عشان الناس برة.

وتين: مش هترجع في كلامك برضه؟ مصر على كده.

مازن: أيوا يا وتين، ويلا عشان تخرجي دلوقتي ومش عايز أسمع منك ولا كلمة قدام الناس.

وتين: ماشي يا مازن، ماشي يا أخويا، يا ابن أمي وأبويا.

***

ليلى: ماشاء الله تبارك الله، قمري يا حبيبتي، ربنا يحفظك.

وتين: شكرًا يا طنط.

ليلى: طب مش هنسيب العرسان مع بعض شوية؟

حور بإندفاع: لاااا.

ليلى بتبريقة: إيه في أي يا حور؟

حور بدموع: مفيش يا طنط، أنا آسفة.

مازن: إيه ده طنط، أنا كنت أحسب الآنسة أخت الأستاذ يوسف.

يوسف بغيظ: لا دي المدام.

وتين: وكمان معندكش دم وجايب مراتك معاك؟ أنا أعرف إيه البجاحة دي.

مازن بزعيق: وتييييين اسكتييي.

وتين: سكتنا يا خويا، لما نشوف آخرتها، حاضر.

***

وتين: بس من الآخر كده، إنتَ ترفض إنك تتجوزني عشان أنا مش عايزة أتجوز، ماشي.

يوسف برفعة حاجب: والله المشكلة عند حضرتك، يبقى تخرجي إنتِ تقولي مش عايزة تتجوزيني.

وتين: لا، أنا مش هقول، مفهوم؟ إنتَ اللي هتقول.

يوسف: لا يا اسم إيه؟ المشكلة عندك مش عندي.

وتين: إيه اسم إيه دي؟ أنا اسمي وتين.

يوسف: مش هتفرق كتير.

وتين: هوف، إنتَ يا عم مش بتحب مراتك، عايز تتجوز عليها ليه؟

يوسف: أسبابي الخاصة، مش مجبر أقولك.

وتين: ماشي، براحتك، عنك ما قولت، مش هتفرق معايا كتير.

ليلى: ها يا ولاد، مبدئيًا مرتاحين لبعض؟

يوسف: جدًا يا ماما، مرتاحين أوي.

نظرت له حور نظرة مليئة بالحزن والكسرة والعتاب.

مازن: أنا سكتلك كتير يا وتين، لكن عيب اللي انتِ بتعمليه ده.

وتين: مش عيب يا مازن، ارجوك ارجع عن قرارك، وأنا هوافق على أي عريس يتقدملي إلا ده. ده متجوز، انتَ ترضى لأختك إنها تتجوز واحد متجوز؟

مازن: أيوا يا وتين، أنا موافق وراضي، وانتِ بطلي العند اللي فيكي.

وتين: والنبي يا مازن ما تعمل كده، أنا أختك ومليش غيرك في الدنيا.

مازن: ملهوش لازمة الكلام ده يا وتين، الموضوع انتهى.

وتين بزعيق: لا منتهاش يا مازن، وأنا قولت إني مش هتجوزه يعني مش هتجوزه.

مازن: مش عايز أتعصب عليكي، اتقي شري يا وتين.

وتين: هت*قتل*ني؟ اقتل*ني أهون عندي من إني أت*جوز.

مازن: وتين يلا على أوضتك، مش عايز أشوف وشك. يلا.

وتين: ماشي يا مازن.

يوسف: حور افتحي الباب يا حبيبتي يلا.

حور: عاوز أي يا يوسف؟ ارجوك ابعد عني.

يوسف: افتحي يا حور بالله عليكي لتفتحي.

حور: مش عايزة يا يوسف، سيبني لوحدي شوية.

يوسف: لا يا حور، هفضل واقف لحد ما تفتحي.

حور: خلاص يا يوسف، خليك بقى الليل كله.

يوسف: يا حبيبتي عشان خاطري افتحي.

حور: لا برضوا.

يوسف: يا حوري أنا آسف، طب افتحي.

حور ببكاء: يا يوسف ارجوك ابعد عني، أنا تعبت خلاص، ابعد عني عشان أنا جبت آخري.

يوسف: اهدي يا حياتي، أنا آسف والله، أنا آسف، اهدي انتِ بس.

حور: لا يا يوسف مش ههدى، وبالله عليك سيبني لوحدي شوية.

ليلى: في إيه يا يوسف؟ مراتك صوتها عالي كده ليه؟ أي اللي حصل؟

يوسف: مفيش يا ماما.

ليلى: لا فية يا يوسف، مالها حور؟

حور: للأسف يا طنط، أنا فعلًا أنانية، أيوا أنا أنانية عشان بحب يوسف، بحب جوزي. صح أنانية، غلطتي الوحيدة إن عندي مشكلة في الخلف*ة، حاجة غصب عني، بتعاقبوني على حاجة مليش ذنب فيها، لي حرام.

حور: ابعد عني يا يوسف، ابعد عني عشان أنا تعبت وجبت آخري، ابعد عني ارجوك.

يوسف: لا مش هبعد يا حور، مقدرش أشوفك في الحالة دي وأبعد، يا حور افهمي انتِ روحي، أنا مقدرش أبعد عنك، افهمي كده.

حور: مش هفهم يا يوسف، عايزني أفهم أي أكتر من إنك هتتجوز عليا؟

يوسف: خلاص اهدي، صدقيني اهدي، ارجوك، وأنا مش هتجوز، بس اهدي.

ليلى: أي اللي انتَ بتقوله ده يوسف؟

يوسف: خلاص يا ماما ارجوكِ اسكتي، أنا حياتي كلها خربت، أنا أهم حاجة في حياتي هي حور.

يوسف بدموع: بالله عليكي لتهدي يا حور، لو بتحبيني اهدي يا حياتي.

حور: متسبنيش أبدًا يا يوسف، أنا بحبك أوي ومقدرش أعيش من غيرك أبدًا.

يوسف: والله العظيم وأنا بعشقك يا حور، انتِ حياتي كلها، صدقيني أنا مقدرش أستغنىٰ عنك يا روح الروح.

حور: خلاص يبقى متتجوزش عليا يا يوسف، والله مش هستحمل إن واحدة تانية تقرب منك، والله ما هستحمل ولا أقدر أتخيل إنك تلمس واحدة غيري.

يوسف: اطمني يا حوريتي، أنا مش هتجوز، أنا ليكي انتِ وبس، يوسف لِحور وحور ليوسف.

حور: وحور بتعشق يوسف.

يوسف: ويوسف بيعشق حور.

سما بزهول: أنا مش مصدقة إن مازن يعمل كده بجد!

وتين ببكاء: ولا أنا مش متخيلة أبدًا إن مازن كده، كان دايمًا سندي وضهري في الحياة، كان ليا الأب والأخ وكل حاجة. كنت لما بخاف بجري على حضنه، حتى لما كان بيزعل مني كنت برضوا بترمي في حضنه، كان ليا كل حاجة، مش متخيلة ولا عارفة هو موافق ليه، مش فاهمة حاجة بجد.

سما بحزن على ابنة خالتها: خلاص يا وتين اهدي يا حبيبتي، وأنا هكلم ماما تكلم مازن.

وتين: ملوش داعي الكلام، لأن مازن مبقاش فارق معاه حد دلوقتي.

سما: ربنا يصلح الحال يا حبيبتي، وماما أكيد هتقنعه.

وتين: يارب يا سما، عشان أنا مش عايزة أت*جوز الشخص ده أبدًا، دول مش ناس، ده جايب مراته التانية معاه، هو في جرح مشاعر وكده.

سما: اهدي يا حبيبتي، وكل حاجة هتكون بخير، ربنا دايمًا عنده الخير لينا، ولو ده المكتوب صدقيني هيكون لمصلحتك.

وتين: ونعم بالله.

في صباح يوم جديد استيقظت حور وهي بداخل أحضان يوسف. نظرت إليه وامتلأت عينيها بالدموع.

"حور: أنا زعلانة منك أوي عشان عايز تتجوز عليا يا يوسف."

"يوسف: مهيصيش يا قلب يوسف، وبعدين أنا قولتلك إني مش هتجوز، صح ولا لا."

"حور: صح، بس طنط ليلى مش هترضى وهتخليك تتجوز برضه."

"يوسف: خلاص يا حوريتي، الكلام خلص، وأنا لو أي حصل مش هتجوز."

"حور: ياريت يا يوسف، لو بتحبني بجد هتحارب عشاني ومش هتتجوز."

"يوسف: وأنا بعشقك أكتر ما تتخيلي يا حوريتي، وقولتلك مليون مرة إني مقدرش المس واحدة غيرك أصلًا، صح ولا غلط."

"حور: صح، بس أنت وافقت إنك تتجوز، صح ولا غلط."

"يوسف: صح، بس أنا وافقت عشان ماما مش أكتر."

"حور: بس برضه وافقت يا يوسف، بس أنا زعلانة منك جامد."

"يوسف: ويوسف ميقدرش على زعل حوريتي أبدًا."

"حور: لا، بس أنت زعلتها، يبقى تصالحها زي ما زعلتها."

"يوسف: وأنا عيوني لحوريتي، اللي تأمر بيه طبعًا."

"حور: وأنا مش عايزة حاجة في الدنيا غير إنك تفضل جنبي ومتسبنيش أبدًا."

"يوسف: ودي حاجة أكيدة، يوسف ميقدرش يبعد عن حوريتة."

"حور: بعشقها."

"يوسف: أي هي؟"

"حور: بعشقك يا حوريتي وهي طالعة من بوقك."

"يوسف: وأنا بعشقك أنتِ."

***

"سعاد: يا مازن يا ابني، أختك صغيرة، والـف مين يتمناها، اشمعنى عايز تجوزها لواحد متجوز؟"

"مازن: والله يا خالتو، يوسف معندوش عيوب ومهندس قد الدنيا ويقدر يفتح بيتين، مفيهاش حاجة."

"سعاد: بس أنت كده بتظلم وتين يا يوسف، حرام عليك يا ابني، مينفعش كده."

"مازن: أنا عايز أعرف يا خالتو، بظلمها فين بقى؟"

"سعاد: بتظلمها في إنك هتجوزها لواحد متجوز."

"مازن: هتكون مبسوطة مع يوسف، وأنا متأكد من كده."

"سعاد: وأي اللي مخليك متأكد يا يوسف؟ ما يمكن يطلع مش كويس."

"مازن: خالتو، متحاوليش تقنعيني لو سمحت، خلاص أنا أخدت قرار."

"سما: مازن، أنت اتغيرت كده ليه؟ حرام عليك اللي عايز تعمله في أختك، وأنت عارف إنها ملهاش غيرك."

"مازن: أنا مش عارف، الكل مطلعني أنا اللي غلطان ليه؟ أنا معملتش حاجة غلط عشان الحوار ده كله."

"سما: خليك كده يا مازن، أنت اللي هتندم."

"مازن: لو سمحت يا سما، متدخليش، هي أختي ومحدش هيعرف مصلحتها قدي."

"سما: ماشي يا مازن، شكرًا جدًا يا ابن خالتي."

***

"مازن: بقى رايحة تشكي لخالتك يا وتين؟ أنتِ فاكرة إن في حد هيقدر يرجعني عن قراري؟ تبقي غلطانة يا وتين."

"وتين: وأنا مشكيتش لحد يا مازن، وأنت عارف كده."

"مازن: ماشي يا وتين، أنتِ جبتي آخري معاكِ، على فكرة."

"وتين: وأنا بكرهك يا مازن، عمري ما اتخيلت منك كده أبدًا، وعمري ما اتخيلت إني أكره حد قد ما بقيت بكرهك."

"صفعها مازن صفعة قوية على وجهها."

"مازن بزعيق: اخرسي، اخرسي يا وتين، مش عايز أسمع صوتك تاني."

"وتين اتصدمت وامتلأت عينيها بالدموع ولم تتحدث، اكتفت بالنظر إليه نظرات تحمل الخيبة والوجع والعتاب، وتركتة وذهبت لغرفتها."

***

"يوسف: ماما يا ماما."

"ليلى: نعم يا يوسف، في أي."

"يوسف: عاملة إيه يا ست الكل."

"ليلى: الحمدلله يا يوسف، جيب من الآخر، عايز إيه."

"يوسف: دايمًا فهماني كده."

"ليلى: أيوا، ويلا اخلص، قول عايز إيه."

"يوسف ببساطة: كنت هقولك يا ستي إني مش هتجوز على حور."

"ليلى: أي اللي بتقوله يا يوسف ده؟ هو لعب عيال، مرة توافق ومرة ترفض."

"يوسف: أيوا يا ماما، أنا قولت اللي عندي، مش هتجوز أبدًا غير وتين."

"ليلى: طب أقسم بالله يا يوسف، لا أنت ابني، لا أعرفك يا يوسف، إن ما اتجوزت وتين، وده آخر كلام عندي."

"يوسف: أي اللي بتقوليه ده يا ماما؟ أنتِ فكرتي في اللي قولتي ده."

"ليلى: أيوا يا يوسف، وزي ما قولتلك كده، ده آخر كلام عندي."

"يوسف: ماشي يا ماما، وده آخر كلام عندي أنا كمان، أنا عمري ما هتجوز على حور أبدًا."

"ليلى: والله ومبقتش تفرق معاك أمك يا يوسف."

"يوسف: متقوليش كده يا ماما، بس اللي حضرتك بتقوليه ده استغلال."

"ليلى: استغلال؟"

"بقى أنا بستغلك عشان عايزة مصلحتك يا يوسف."

"يوسف: فين مصلحتي يا ماما في إنك تخربي بيتي."

"ليلى: خلاص يا يوسف، طالما أنت شايف كده."

"يوسف: يعني مش هترجعي عن قرارك؟"

"ليلى: لا يا يوسف."

"يوسف: وأنا كمان مش هرجع عن قراري يا ماما."

***

"حور: مالك يا يوسف متعصب ليه؟"

"يوسف: مفيش يا حور."

"حور: لا في، يا يوسف، باين جدًا إن في حاجة."

"يوسف: ابعدي عني يا حور لو سمحت."

"حور: لا مش هبعد يا يوسف، وهتقولي في إيه."

"يوسف: عايزة تعرفي إيه يا حور؟ أمي مُصِرة إنها تجوزني، هتتبرى مني لو متجوزتش، هو ده اللي عايزة تعرفيه."

"حور بصدمة: لا، أكيد طنط متقدرش تعمل كده."

"يوسف: لا هتعمل يا حور، أمي وأنا عارفها."

"حور: وأنت هتعمل إيه يا يوسف."

"يوسف: مش عارف يا حور، أنا تعبان ومش عارف أعمل إيه."

"اقتربت منه حور واحتضنته."

"حور: كل حاجة وليها حل يا حبيبي، اهدى أنت."

"يوسف: أنا تعبت بجد يا حور، أنا مقدرش أعيش من غير أمي يا حور، هي كل حاجة ليا، وفي نفس الوقت مقدرش أعيش من غيرك، أنتم حياتي أصلًا، أنا مليش غيركم في الحياة يا حور."

"حور: خلاص يا حبيبي، اهدى أنت، وربنا هيحلها من عنده، صدقني."

"يوسف: ونعم بالله، بس أنا بجد مش عارف أعمل إيه."

"حور: الحل هيجي لوحده يا يوسف، من عند ربنا."

يوسف الحقنييي

يوسف بخضة: في أي مالك؟

حور بعياط: كنت بتكلم أنا وطنط وفجأة وقعت ومش بترد عليا.

يوسف بخوف: مامااا مالك في أي.

حور: بسررعة يا يوسف تعالىٰ نروح المستشفىٰ.

يوسف: مااشي.

" حمل يوسف والدتة بين ذراعية وذهب بها سريعًا إلى سيارتة و بجانبة حور وانطلق سريعًا متجهًا إلىٰ المستشفىٰ."

" وتييييييين أي اللي بتعملية ده.

وتين: ابعد عني يا مازن مش انتَ قرفت مني ومن عيشتي معاك انا هريحك من وجودي في الدنيا دي كلها.

مازن: اهدي يا وتين أي الهبل ده؟!

وتين: متحاولش تقنعني أنا هريحك من وجودي ومش هتجوز برضوا.

مازن: ماشي يا وتين بس هاتي البتاعة اللي في ايدك دي.

وتين: لا انتَ هتضحك عليا عشان انتَ بقيت بتكرهني اصلًا صح فعشان كده عايز تجوزني انا بقيت حِمل تقيل اووي عليك صح.

مازن: متقوليش كده يا وتين انتِ عمرك ما تكوني حِمل ابدًا عليا بس انا عايز اطمن عليكي واشوفك متجوزة ومرتاحة مع حد بيحبك و يقدرك.

وتين: وانتَ شايف كده إنك تجوزني لواحد متجوز وانا كده هعيش مرتاحة؟!

مازن: ايوا يا وتين صدقيني محدش هيفكر في مصلحتك غيري انتِ مش بس أختي انتِ بنتي اللي ربيتها على ايدي يا وتين.

وتين: لا عشان انتَ بتسبتني وبتضحك عليا يا مازن.

مازن: مقدرش اضحك عليكي يا عيون مازن وصدقيني هتكوني مبسوطة وبعدين يا ستي لو زعلك انا اللي هقف في وشة.

وتين: خلاص يا مازن انتَ مقتنع بكده انا موافقة ومش هتكلم تاني بس محدش هيتأذي في الموضوع ده غيري في الجوازة دي كلها محدش هيتظلم غيري الكل هيكون مبسوط بس انا الوحيدة اللي هتتظلم وعمري ما هسامح حد فيكم يا مازن."

الدكتور: متقلقش يا استاذ والدة حضرتك بخير بس الضغط عندها عالي جدًا ياريت ترتاح ومتزعلش لأن في سن حضرتها غلط عليها جدًا.

يوسف: تمام شكرًا جدًا يا دكتور.

الدكتور: العفو ده واجبي.

" وذهب الدكتور واقترب يوسف من حور وامسك ذراعها بقوة "

يوسف: انتِ اللي كنتِ مع ماما قولتيلها أي يا حور؟

حور: مقولتش حاجة يا يوسف بس انا كنت بقولها ان هي متزعلش منك وهي قالتلي انك لازم تتجوز روحت انا قولتلها....

يوسف: قولتيي أي يا حور ردييييي؟.

حور: قولتلها ان هي بتتعامل بأنانية وقولتلها كمان ان هي لو كانت مكاني مكنتش هتوافق ان جوزهاا يتجوز عليها.

يوسف بعصبية: وانتِ ازااي تقوليلها كده يا حور ازاااااي مكنتش متوقع منك الكلام ده دي ست كبيرة قد والدتك ازاي تقوليها كده.

حور: أنا اسفة واللهِ مكنتش أعرف ان هي هتتعب والكلام خرج معايا لوحده لأنها عصبتني جامد أنا اسفة.....

يوسف: خلاص يا حور تقدري تمشي دلوقت.

حور: يوسف........

يوسف: حور لو سمحتِ امشي دلوقت عشان مفقدش اعصابي عليكي.

حور: خلاص انا ماشية ما هي كل حاجة بتطلع حور الغلطانة مع انك مسمعتش الكلام اللي والدتك قالتهولي بس ازاي حور هي اللي غلطانة برضوا ما هي حور بقت الشماعة اللي بتعلقوا عليها اخطائكم.

يوسف: واللهِ!

حور: انا ماشية عشان قرفت بجد.

" مليش فية قولتلك مشوار مهم ولازم اخرج.....

مازن: نعرف نبطل عناد شوية ونقول رايحين فين يا كده يا مفيش خروج.

وتين: مش هقولك يا مازن رايحة فين وهخرج برضوا عشان تكون عارف هخرج يعني هخرج.

مازن: وانا قولت مفيش خروج غير لما اعرف رايحة فين.

وتين: وانتَ مالك انا اخرج واروح في المكان اللي يعجبني.

مازن: بقيتي عنيدة اووي وانا قرفت منك.

وتين: مشحوار انا حرة اعمل اللي يريحني.

مازن: على جوا يلا يا وتين

وتين: لا يا مازن مش علىٰ جوا وهخرج برضوا.

مازن: لما نشوف هتخرجي ازاي يا وتين.

وتين ببساطة: هخرج من الباب يعني هخرج منين.

مازن: لا وكمان بقيتي مستفزة.

وتين: مش حاجة جديدة شكرًا.

مازن: وباردة.

وتين: خلااص ما قولنا شكرًا يلا سلام.

مازن: خدي هنا يا بت رايحة فين؟

وتين: انتَ يا بني مش بتفهم ما قولتلك رايحة مشوار.

مازن: غوري يا وتين بس لو فكرتي تلعبي عليا هقت*لك.

وتين: عادي مش بخاف يلا بااي.

مازن: بااي ؛ ربنا يستر"

" حمدلله على السلامة يا ماما

ليلىٰ: انا زعلانة منك ابعد عني.

يوسف: وانا مقدرش علىٰ زعلك يا ست الكل

ليلىٰ: والله جاي تثبتني ما انتَ خلاص ظهرت علىٰ حقيقتك وقولت اني مش فارقة معاك.

يوسف: الله يا ماما عايزة تقوليني كلام انا مقولتهوش.

ليلىٰ: مقولتهوش بس كان باين.

يوسف: خلاص متزعليش يا لولا حقك علىٰ قلبي.

ليلىٰ: يعني خلاص موافق تتجوز وتين.

يوسف بتنهيدة: ******"

" وتين: انا جيت اهو في اي"

وتين: اديني جيت اهو، في أي؟

حور: أنا آسف إني طلبت أقابلك، بس كان لازم أقابلك ضروري.

وتين: عادي، ولا يهمك. اتفضلي قولي اللي جبتيني عشانُه.

حور: متتجوزيش يوسف.

وتين: ده شيء مش جديد، لأني رافضة الجواز من يوسف، بس الظروف أقوى مني.

حور: حياتنا إحنا التلاتة هتخرب.

وتين: عارفة. أي الجديد؟

حور: يوسف بيحبني وأنا بحبه، وإنتِ هتكوني الدخيلة اللي بينا.

وتين: عارفة، بس مش بإيدي حاجة أعملها.

حور: لأ، بإيدك ترفضي الجوازة دي. ليه تظلمي نفسك؟

وتين: هو إنتِ فاكرة إني رفضت؟ أنا رفضت كتير، بس رأيي ملهوش أهمية.

حور: هتتعبي.

وتين: قولتلك عارفة، بس مش بإيدي حاجة أعملها. ارفضي إنتِ.

حور: رفضت، بس والدتُه مُصِرَّة...

وتين: اثبتي على رأيك، وهو لو بيحبك مش هيتجوزني...

حور: هو بيحبني وأنا كمان بحبه، بس إحنا الاتنين مش بإيدنا حاجة نعملها...

وتين: لا، بإيدكم كتير. وإنتِ أكتر واحدة تقدر تعمل. اطلبي الطلاق، وهو لو بيحبك هيرفض عشان تفضلي معاه.

حور: مش عايزة أشوفُه ضعيف عشان بحبه.

وتين: فين الضعف في كده؟ عايزة أفهم؟

حور: أنا هكون بخيرُه بيني وبين والدتُه.

وتين: مش عارفة أقولك إيه...

حور: متقوليش حاجة، هتقولي إيه؟

وتين: مفيش حاجة تتقال، بس حقك عليا لأني رافضة، بس هنعمل إيه؟ الظروف أقوى مننا...

حور: عن إذنك...

وتين: اتفضلي.

***

سما: فين وتين؟

مازن: وتين خرجت يا سما، اتفضلي.

سما: لا خلاص، عن إذنك. همشي وأبقى أرجع في وقت تكون وتين موجودة.

مازن: ادخلي يا سما، إنتِ هتعيشي عليَّ الدور.

سما: دور إيه اللي هعيشه عليك؟

مازن: إنتِ بقيتي بتعامليني كدَّه لي؟

سما: وإنتَ بقيت كدَّه لي؟

مازن: مترديش عليَّ بسؤال يا سما.

سما: لما تلاقي إجابة لسؤالي، أبقى أنا كمان أدور على إجابة لسؤالك.

مازن: ماشي يا سما، إنتِ حرة...

سما: عن إذنك يا مازن، ويا ريت ترجع زي زمان وترجع عن اللي في دماغك.

***

يوسف: طالما ده اللي هيريحك يا ماما، فأنا موافق.

ليلى: لوووولوووولوووي......

يوسف (بخنقة): اهدي يا ماما عشان إنتِ تعبانة.

ليلى: مش قادرة أعبرلك عن مدى فرحتي بموافقتك يا يوسف.....

يوسف: يارب دايمًّا مبسوطة وسعيدة يا ماما.....

ليلى: يا حبيبي، هفضل سعيدة لما أشوف أولادك بيلعبوا حواليا...

يوسف: بإذن الله يا ماما، مفيش حاجة بعيدة عن ربنا....

ليلى: ونعم بالله يا حبيبي. يلا بقى عشان نرجع بسرعة عشان أنا مبسوطة...

يوسف: حاضر يا ماما. هروح أشوف الدكتور.....

ليلى: ماشي، مليش دعوى، أنا عايزة أرجع البيت..

يوسف: حاضر يا ماما.

***

مازن: شرفتي يا وتين. مش ناوية تقولي كنتِ فين برضوا.....

وتين: مكنتش، ومش هكون برضوا.....

مازن: ماشي يا وتين.. جهزي نفسك عشان كتب كتابك بعد كام يوم.....

وتين (بصدمة): مستعجلين على إيه....

مازن: مش مستعجلين، بس هنفضل صابرين على إيه.....

وتين: خلاص يا مازن، اللي تشوفه. مبقتش فارقة.....

مازن: أحسن برضوا.....

***

حور: حمدلله على سلامتك يا طنط.

ليلى: الله يسلمك يا حور.......

يوسف: ادخلي يا ماما ارتاحي...

ليلى: أرتاح إيه بس، ده إحنا عندنا فرح بعد كام يوم لازم نجهز كل حاجة....

حور (بتسأل): فرح مين يا طنط؟

ليلى: سلامتك يا حور. هو إنتِ نسيتي فرح يوسف يا حبيبتي..

حور: يوسف؟!

ليلى: أيوا، يوسف..

***

يوسف: إنتِ بتعملي إيه؟

حور: إنتَ شايف إيه؟

يوسف: شايف إنك بتلمي شنطة هدومك. ليه بقى؟

حور: وحضرتك مش عارف ليه؟

يوسف: أيوا، فين السبب بقى؟

حور: واللهِ؟!..

يوسف: ما تخلصي يا حور....

حور: بلم هدومي يا يوسف عشان ماشية رايحة بيت أبويا.....

يوسف: أيوا، ليه بقى؟!.....

حور: واللهِ هتعمل نفسك مش عارف!....

يوسف: أيوا يا ستي، خديني على قد عقلي وقولي لي بقى.....

حور: عشان هتطلقني يا يوسف....

يوسف (بصدمة): إيه اللي إنتِ بتقوليه ده يا حور؟ إنتِ اتجننتي؟

حور: لا، متجننتش يا يوسف. هو ده اللي لازم يحصل من الأول......

يوسف: ...............

حور: عشان هتطلقني يا يوسف.

يوسف بصدمة: أي اللي انتِ بتقوليه ده يا حور انتِ اتجننتي.

حور: لا متجننتش يا يوسف هو ده اللي لازم يحصل من الأول.

يوسف: حبيبتي أنتِ شكلك تعبانة دلوقت روحي ارتاحي وبعدين ابقى نشوف الموضوع ده.

حور: لأ يا يوسف مش تعبانة و مُصِرة على رأيي كمان هتطلقني يعني هتطلقني.

يوسف: وانا قولت مفيش طلاق يا حور.

حور: مش هطلقني يا يوسف.

يوسف: أيوا يا حور قولتلك مفيش طلاق.

حور: خلاص يا يوسف وانا هرفع عليك قضية خلع.

يوسف بصدمة: انتِ واعية للي بتقوليه ده يا حور؟

حور: أيوا يا يوسف واعية جدًا كمان.

يوسف: انتِ عارفة أنتِ بتقولي اي؟

حور: ايوا يا يوسف انا اول مرة في حياتي اصلًا افكر صح وده لازم يحصل.

يوسف: أنا بحبك يا حور متعمليش معايا كده متخربيش حياتنا.

حور: انتَ اللي خربتها يا يوسف لما قررت تتجوز عليا انتَ اللي دمرت كل الحب اللي بينا.

يوسف: انتِ عارفة و متأكدة يا حور أني هعمل كده عشان ماما و بس اوعدك اني مش هلمسها وبعد كده هطلقهاا.

حور: وهي ذنبهاا أي تتجوز واحدة تخرب حياتها يا يوسف خليك عاقل شوية.

يوسف: مقدرش اسيب ماما تتعب يا حور انتِ عارفة امي غالية عليا قد اي؟

حور: عارفة يا يوسف وعارفة كمان ان راحة طنط هتكون في طلاقي منك.

يوسف: انتِ بتقولي كده لي؟

حور: عشان دي الحقيقة يا يوسف طنط من ساعة ما اتجوزنا وهي مش طيقاني اصلًا.

يوسف: في البداية بس لكن بعد كده اعتبرتك بنتهاا.

حور: لا يا يوسف مش هنكدب علىٰ بعض هي كانت ومازالت.

يوسف: عايزة تسيبيني يا حور ههون عليكي طب مفكرتيش انا هعيش ازاي لو انتِ سبتيني.

حور: لو عليا يا يوسف اعيش معاك العمر كلة لكن والله غصب عني حاول تحط نفسك مكاني وتشوف وجعي وكسرتي.

يوسف: لا عاش ولا كان اللي يوجعك ويكسرك يا حوريتي.

حور: طلقنييي يا يوسف ارجوك وسيبني اعيش حياتي.

يوسف: عايزة تعيشي حياتك من غيري يا حور هتقدري تعيشي من غيري.

حور: انا بعشقك يا يوسف بس غصب عني صدقني والله.

يوسف: وانا مش هتنازل عنك ابدًا مهما يكون.

وتين: بس يا ستي وبصراحة كده صعبت عليا جامد.

سما: الله يكون في عونكم انتوا الاتنين.

وتين: لو شوفتي يا سما دي بتحبوا جامد لدرجة انها مش راضية تقولة يطلقها عشان ميبقاش ضعيف.

سما: شكلها هبلة اووي انتِ وشطارتك بقىٰ بعد الجواز طيريها وعيشي حياتك بقىٰ.

وتين: إخص عليكي أي اللي بتقولية ده يا سما عايزاني اكون خرابة بيوت؟

سما: مش قصدي بس انا عايزاكي تعيشي حياتك.

وتين: عايزاني اعيش حياتي علىٰ حساب الناس.

سما: خلااص خلاص كنت بهزر يا وتين خلاص.

وتين: ماشي يا سما ويارست مسمعش الكلام ده تاني.

سما: حاضر أي اوامر تانية.

وتين: لا إلا صحيح مش ناويين تتجوزوا ولا رجعتوا في كلامكم.

سما: لا مش هنتجوز ده اتجنن اصلًا مش عارفة مالة مبقاش مازن بقي حد غريب لما يرجع زي زمان ابقىٰ نتجوز.

وتين: انتوا حرين كل واحد حر في حياتة اللي يريحكم اعملوه.

سما: ماشي يا وتين مااشي يا جزمة.

وتين: يلا ياختي من غير مطرود قومي روحي عشان خالتو هتبهدلك.

سما: دي جيبالي عريس ومُصِرة تجوزني.

مازن: نعم يا روح امك.

سما: وانتَ مالك انتَ وبعدين واقف تسمعنا احنا بنقول أي لي مش كده عيب.

مازن: سما متجننيش والعريس ده مرفوض.

سما: وانتَ مالك كنت ولي أمري وانا معرفش.

مازن: سمااااا الكلام انتهىٰ خلاص العريس ده يترفض.

سما: مش هيترفض يا مازن وانا موافقة علية.

ليلىٰ: اخوك ومراتة وابنة جايين النهاردة يا يوسف لما عرف أنك هتتجوز.

يوسف: اها تمام.

ليلىٰ: مرات اخوك حامل.

يوسف: الف مبروك يا ماما.

ليلىٰ: عقبال ما اشوف عيالك انتَ كمان.

يوسف: بأذن الله لما ربنا يريد.

ليلىٰ: ما انا هجوزك اهو عشان تجبلنا عيال كتير.

يوسف: تمام يا ماما ان شاء الله.

"بارك الله لكما وبارك عليكما وجمع بينكما في خير"

جملة نطق بها المأذون بعد أن أتم زواج يوسف و وتين وبعدها انطلقت الزغاريط.

ليلىٰ بفرحة: الف الف مليون مبروك يا يوسف الف مبروك يا مرات ابني.

يوسف: الله يبارك فيكي يا ماما.

وتين: الله يبارك فيكي يا طنط.

ليلىٰ: لا طنط أي ما انتِ خلاص بقيتي بنتي.

وتين: تسلمي يا طنط.

أحمد: مبروك يا باشا ربنا يرزقكم بالذرية الصالحة.

يوسف: الله يبارك فيك يا ابو حميد.

أحمد: مبروك يا عروسة انا أخو يوسف.

وتين: اتشرفت بحضرتك.

أحمد: لا حضرتك أي انا اسمي احمد والله وبعدين انتِ مرات اخويا يعني زي اختي.

الاء: مبروك يا جو مبروك يا قمر.

وتين: وتين اسمي وتين.

الاء: فل عليكي يا وتين.

سما: هتوحشيني اووي يا وتين.

وتين: الله البيت مش بعيد عنك تعالي نطي كل شوية مشحوار.

سما: عاااا امي مش هترضىٰ.

وتين: لا متخافيش خالتو هتسيبك تيجي عندي يا سمسم.

سما: ربنا يسعدك يارب يا بنت خالتي واختي.

---

انتِ ازاي توافقي علىٰ حاجة زي كده.

حور: كنتِ عايزاني اعمل أي يا مرام اخسر يوسف.

مرام: يا شيخة ملعون ابو يوسف هو مفكرش فيكي لما راح يتجوز.

حور: لا يوسف بيحبني وانا بحبة ومقدرش اعيش من غيرة.

مرام: ملعون ابو الحب يا حور اللي يخليكي ضعيفة كده انتِ عمرك ما كنتِ كده.

حور: واللهِ بحبة يا مرام مش هقدر اعيش من غيرة.

مرام: مفيش حاجة اسمها متقدريش تعيشي من غيرة يا حور ما انا كنت بعشق مالك الله يرحمة مكنتش اقدر اعيش من غيرة بس جة الموت خده مني ماشي انا عايشة على ذكرياتة بس مموتش.

حور: هعيش جسد من غير روح.

مرام: انتِ تستاهلي حد غير يوسف يحافظ عليكي.

حور: وانا مش عايزة غيرة ومش بحب غيرة و مش هحب غيرة.

مرام: خلاص يا حور ربنا يكتبلك الأحسن يارب.

حور: بأذن الله يا مرام.

مرام: اسيبك انا يلا باي عشان مودة في البيت لوحدها.

حور: ماشي يا مرام سلميلي عليها وعلىٰ طنط برضوا.

---

اتفضلي يا حبيبتي بيتك و مطرحك.

وتين: تسلمي يا طنط.

ليلىٰ: يلا يا يوسف خد عروستك واطلعوا شقتكم.

يوسف: عن اذنكم يلا يا وتين.

وتين: تمام.

---

يوسف: بصي يا وتين عشان تكون الأمور واضحة قدامك دي شقتك وانتِ حرة تقدري تعملي فيها اللي يريحك وبراحتك جدًا لأن انا بحب حور مراتي ومقدرش اقرب من واحدة غيرها فياريت تعذريني وانا كلها كام شهر و نطلق.

وتين: ريحتني واللهِ لأني كنت هقول نفس الكلام.

يوسف: طب الحمدلله وياريت قدام الناس منبينش اللي بينا.

وتين: من غير ما تقول حاضر.

يوسف: خلاص هسيبك انا والشقة اللي قبالك دي شقتي انا و حور لو احتجتي حاجة تعالي.

وتين: حاضر أي اوامر تانية.

يوسف: لا وانا هجيلك بكرا بأذن الله.

وتين: ماشي يا يوسف.

---

يوسف: حبيبة قلبي قاعد لوحدها بتعيط لي.

حور: يوسف!

يوسف: ايوا يوسف يا قلبة.

حور: انتَ بتعمل أي هنا؟! و كمان فين وتين؟! انتَ متجوزتهاش؟

يوسف: للأسف اتجوزنا يا قلبي بس احنا الأتنين مش بنحب بعض واتفقنا اننا هنتطلق.

حور: حرام يا يوسف انتَ كده بتظلمهاا معاك وانا مش هوافق علىٰ كده.

يوسف: يااريت الكل عندة طيبة قلب زيك يا حوريتي بس يا ستي متقلقيش عليها واللهِ هي مش بتحبني اصلًا.

حور: بس دي مراتك وليها حقوق وواجبات عليك.

يوسف: وهي مش عايزاهم يا حوريتي هنقضي اليوم كلة كلام ده انتِ وحشتيني اوووي.

حور: خلاص يا يوسف اعمل اللي يريحك بس انا بريئة منك مليش دعوىٰ باللي بينكم.

يوسف: والله بحبك يا أجمل حورية في حياتي.

حور: وانا بعشقك يا يوسف بس.

يوسف: مفيش بس يا حورية انتهىٰ النقاش لأن يوسف مستحيل يبص لحد غير حوريتة.

---

الـهانم اللي فاتحة نت ليلة دخلتهاا.

وتين: سيبك مني يا سما هي مش ناقصة.

سما: حد يفتح نت يوم فرحة يا وتين اتجننتي؟! وجوزك فين؟؟؟؟؟

وتين: جوزي عند مراتة التانية يعني هيكون فين.

سما: هتجننيني يا وتين.

وتين: سما حلي عن دماغي احنا كده كده فترة و هنطلق خلاص بقىٰ.

سما: يا متخلفة ازاي تسمحيلة يروح لمراتة التانية انتِ مجنونة يابت.

وتين: لا عاقلة جدًا يا سما وده الأفضل لينا.

سما: براحتك ياختي طالما شايفة كده.

---

الاء: أحمد هو انتَ ممكن تتجوز عليا؟

أحمد: انتِ اتجننتي علىٰ الليل ولا أي اي هو اتجوز عليكي ده.

الاء: عادي يا أحمد زي ما يوسف اتجوز علىٰ حور.

أحمد: واحنا مالنا بيوسف وحور كل واحد حر في حياتة يا لولا.

في اليوم التالي

حور: يوسف يا يوسف قوم بقىٰ كفاية نوم...

يوسف: سيبيني شوية يا حوريتي الله في أي.....

حور: يوسف قوم بقىٰ يلا عشان تروح عند مراتك التانية..

يوسف: مراتي التانية مين انتِ هتلبسيني مصيبة ولا أي...

حور: هووف يا يوسف قوم بقىٰ واخلص..

يوسف: اديني قومت يا ست حورية عايزة أي بقى....

حور: مش عايزة حاجة بس قوم عشان تروح لمراتك التانية....

يوسف: أروح اعمل عندها أي ها؟..

حور: يوه يا يوسف انهاردة المفروض تكون الصباحية بتاعتكم واكيد اهلها هيجوا و طنط أكيد هتطلع فمش هينفع تفضل انتَ هنا وهي هناك عيب اووي...

يوسف: ماشي يا حورية لما نشوف اخرتها أي...

حور: يلا يا جو قوم بقىٰ وبطل غلاسة....

يوسف: حاضر واللهِ هقوم اهو عشان اريحك انتِ بس...

حور: حبيب قلبي يا ناااس....

يوسف: بعشقك يا نااس....

الاء: مش هينفع يا طنط تطلعي عندهم فين انتظري شوية دول يا حبة عيني أكيد نايمين....

ليلىٰ: عايزة اطلع يا بنتي اطمن عليهم.....

أحمد: في أي يا ماما هتطلعي تطمني علىٰ أي دلوقت دول لسة كانت دخلتهم امبارح انتظري حتىٰ اخر النهار وبعد كده ابقىٰ اطلعي....

ليلىٰ: انا خايفة من حور لتكون عملت حاجة....

الاء: هتعمل أي يعني يا طنط ما الكل عارف حور....

ليلىٰ: لا اسكتي انتِ متعرفيش حاجة...

أحمد: مش هنضحك علىٰ بعض يا ماما الكل عارف حور غلبانة ومش هتعمل حاجة....

الاء: ايوا يا طنط حور لولا إنها بنت ناس وكويسة ومش هتلاقي في طيبتها مكنتش وافقت أن يوسف يتجوز ابدًا

ليلىٰ: هي موافقتش أنه يتجوز طيبة منها لا هي عشان أرض بور مش أكتر ومفيش منها منفعة لولا كده كان عمرها ما توافق ابدًا....

أحمد: ماما لو سمحت مفيش داعي لكلام حضرتك ده عشان كلامك ده غلط جدًا والمفروض متقوليهوش من الأساس....

ليلىٰ: نفسي اعرف كلكم واقفين معاها لي؟؟

الاء: عشان يا طنط كل الكلام اللي بتقولية غلط وبصراحة كده يوسف لو لف الدنيا كلها علىٰ طراطيف صوابعة مش هيلاقي زي حور ابدًا.....

ليلىٰ: براحتكم طالما شايفين أن حور ملاك خلاص هعملكم أي.....

الاء: واللهِ يا طنط دي الحقيقة حور أنسانة كويسة......

ليلىٰ: خلاص بقىٰ مش هنخلص من المدح في الاستاذة حور خلاص يا الاء هنعمل أي حور كويسة فهي كويسة لنفسها وحشة برضوا لنفسها....

الاء: صح يا طنط...

أحمد: خلاص بقىٰ مش هنقضي اليوم كلة عن حور فكوا يا جماعة....

يوسف: شوية صغننين وهكون عندك..

حور: لا روح يا يوسف مش عايزة أشوف وشك تاني بس هاا....

يوسف: ممكن أعرف مقموصة لي دلوقت مش انتِ اللي عمالة بتصحي فيا عشان اقوم اروح عند وتين.....

حور: أنا المبدأ نفسة مش عاجبني والله يا يوسف أنتَ المفروض مكنتش تتجوز من الأول اصلًا..... أنا حاسة ان احنا كده ظالمينها هي ليها حقوق وواجبات انتَ ملزم تقدمهالها...

يوسف: خلاص بقىٰ يا حوريتي دماغك القمر دي خليها ترتاح شوية...

حور: مش هترتاح ابدًا يا يوسف..

يوسف: لي يا حورية؟؟!

حور: عشان أنا حاسة إنك ظالم وتين بسببي....

يوسف: انتِ ملكيش دعوة يا حورية انتِ مش ظالمة حد صدقيني.....

حور: خلاص يا يوسف روح يلا....

يوسف: سلام يا روح قلب يوسف..

في بيت بسيط أول مرة نذهب إلية

بيت مكون من طابقين يطغي علية البساطة والجمال

سما: واللهِ يا ماما خلاص مفيش حاجة عادي مش انتِ علطول بتزني عليا انا موافقة اقابل العريس عادي..

سعاد: ماشي يا سما لما نشوف يلا نضفي وخلصي عشان تجهزي نفسك عشان هنروح عند بنت خالتك النهاردة..

سما: ماشي يا ماما انا قرفت من أم التنضيف أي القرف ده....

سعاد: نضفي يا سما ومتعصبنيش يلا اخلصي عشان نخلص....

سما: حاضر يا ماما حااااضر..

سعاد: بت انتِ هتعلي صوتك عليا ولا أي..

سما: لا يا ماما مش بزعق والله...

سعاد: طب خلصي يلا وانا هروح احضر الأكل علشان ابوكِ قرب ييجي....

سما: فل عليكي يا سعاد يا قمر انتِ..

وتين: أفندم في حاجة..

يوسف: اظن أني جاي شقتي واللهِ...

وتين: ايوا عايز أي بقى...

يوسف: اتعدلي وانتِ بتتكلمي..

وتين: ما أنا معدولة اهو شايفني معووجة ولا أي...

يوسف: بصي أنا مش طايق نفسي ولا طايقك فغوري من وشي أحسن...

وتين: والله حضرتك ملكش حق تتأمر عليا يا استاذ يوسف...

يوسف: أظن أني جوزك وليا حق اتأمر عليكي براحتي....

وتين: جوزي علىٰ الورق متنساش ده..

يوسف: دي حاجة أنا فاكرها كويس اوي ومستحيل انساها بس انتِ قدام الناس كلها مراتي...

وتين: يوسف ادخل بالله عشان انا عندي صداع....

يوسف: أكيد اهلك جايين بعد شوية ياريت تباني قدامهم إنك عادي....

وتين: ماشي يا يوسف أي اوامر تانية..

يوسف: لا مفيش اوامر تانية...

وتين: أحسن برضوا......

ليلىٰ: صباحية مباركة يا عرايس...

وتين: الله يبارك فيكي يا طنط...

ليلىٰ: أي الاخبار يا حبيبتي يوسف كويس معاكِ...

وتين: كويس جدًا يا طنط كويس فوق ما تتصوري..

ليلىٰ: أنا عارفة ابني ربنا يخليكم لبعض و يرزقكم بالذرية الصالحة.....

ـ يوسف بالله ابعد عني عشان أنا قرفانة بجد....

يوسف: في أي يا وتين أي الحركات اللي انتِ بتعمليها دي؟؟؟

وتين: بعمل أي؟؟!

يوسف: انتِ شايفة طريقتك ازاي؟؟!

وتين: ايوا شايفة يا يوسف عايز أي روح لمراتك تلاقيها مستنياك..

يوسف: ما هو أنا بالفعل هعمل كده دي مش حاجة جديدة بس انتِ بتتكلمي وبتتعاملي بالطريقة دي لي؟؟؟

وتين: يوسف أنا بجد قرفت من العيشة دي خلاص زهقت هنتطلق امتىٰ؟؟؟

يوسف: انتِ عاقلة بجد عايزة تتطلقي بعد شهر بس من جوازك الناس هتقول عليكي أي مفكرتيش فيها؟؟؟

وتين: ملعون ابو الناس يا يوسف انا مش بعمل حساب للناس ولا يفرقوا معايا اصلًا اهم حاجة اني مش بعمل حاجة غلط ميهمنيش الناس هتشوف أي ولا هتقول أي......

يوسف: ما هو برضوا مش هينفع يا وتين خليكي عاقلة شوية سنة بس استحمليها بحلوها وبمرها وهتعدي وهنتطلق بس انا ميرضينيش حد يجيب سيرتك بحاجة وحشة...

وتين: ماشي يا يوسف مااشي عايز حاجة تانية...

يوسف: افهمي يا غبية انا عايز مصلحتك..

وتين: ياريت متغلطتش و ملكش دعوىٰ بمصلحتي انا عرفاها كويس...

يوسف: لا بصي اتكلمييي معايا عدل إلا وعزة وجلالة الله لهتشوفي وش مش هيعجبك..

وتين: بتهددني!

اعلىٰ ما في خيلك اركبة انا مش بخاف..

يوسف: انا هاخد بعضي وامشي عشان لو وقفت دقيقة هطلع روحي في ايدك..

وتين: يكون احسن ولعلمك محدش يقدر يقبض الارواح إلا ربنا..

يوسف: كمية برود..

حور: جو مالك متعصب لي؟؟

يوسف: مفيش يا حوريتي...

حور: لا باين عليك متعصب جامد علفكرا....

يوسف: هو انا من ناحية اني متعصب فأنا متعصب جامد اووي...

حور: لي يا جو أي اللي حصل اتخانقت مع حد في الشغل؟

يوسف: لا مش في الشغل خالص..

حور: خلاص يا حبيبي طالما مش حابب تحكي بس قوم غير هدومك وانا هحط الأكل على السفرة..

يوسف: مش قادر انا جايب اخري من الشغل وتعبان اوي....

حور: سلامتك يا روحي روح بس غير هدومك الأول..

يوسف: متعمليش حسابي في الأكل علشان انا مش هقدر هوصل السرير ومش هتلاقيني تاني..

حور: لا طبعًا اما مأكلتش ومنتظراك عشان ناكل مع بعض يلا بقىٰ بطل رخامة يا جو..

يوسف: حاضر يا عيون جو ثواني واكون عندك..

حور: انتَ وبس حبيبي...

سعاد: ما تخلصي يا سما العريس بقالة سنة منتظر ردك مش هينفع كده اتأخرنا علىٰ الناس اوي...

سما: مش عارفة اعمل أي يا ماما...

سعاد: مش عارفة تعملي اي في اي يا بنتي...

سما: مش عارفة اوافق ولا لأ؟؟

سعاد: الراجل أبن ناس ومش هتلاقي احسن منه شريك حياتك وبرضوا الرأي يرجعلك انتِ اللي هتعيشي معاه مش انا..

سما: خلاص يا ماما معلش هستخير مرة كمان وبأذن الله هرد عليكِ..

سعاد: ربنا يريح قلبك يا بنتي عايزة اطمن عليكِ...

سما: اللهم آمين يا ماما بأذن الله هتطمني عليا...

حور: بس يا ستي ومحصلش حاجة تانية..

يوسف بتنهيدة: ما هو برضوا يا جو من حقها اكيد زهقت من القعدة وغير كده المفروض انها عروسة..

يوسف: وانا هعمل أي مش بأيدي حاجة وقلبي عمرة ما هيدق و لا يوجهني لحد غير حوريتي وبس..

حور: بس يا يوسف حرام انتَ بتظلمها اووي..

يوسف: هاتي قلبي اللي انتِ وخداه اللي هو بيدق عشان قلبك بيدق قلبي مش بأيدي يا حوريتي قلبي معاكِ انتِ وهيفضل طول عمرة معاكِ....

حور: انتَ بجد بتخطف قلبي بكلامك وافعالك انا بحبك اووي واللهِ..

يوسف: روح الروح والقلب بعشقك مش بس بحبك....

مازن: عايزة اعرف الملفات راحت فين؟.

تسنيم: واللهِ يا مستر مازن الملفات كلها انا حطاها بأيدي هنا..

مازن: تسنيييييم الملفات مختفتش مع نفسها كده تطلعي تنزلي تطلعي الملفات...

تسنيم: والله يا مستر...

مازن: كفااية حلفاان يا تسنيم واخلصي شوفي الملفات فين يلاااااااااا...

تسنيم: ما انا معرفش انا حطتهم هناا..

مازن: انتِ حطتيهم هنا وجة عفريت اخدهم صح متخلصيييييي يا بنت الناااس..

تسنيم بفزع ودموع: لو سمحت يا مستر مازن متزعقش...

مازن: اخفيييي من وشي دلوقت عشان انا جبت اخرري منك يلااا...

تسنيم: ما انا معرفش انا حطتهم هناا..

مازن: اخلصي عشان مقولش امشيي من الشركة كلهاا...

تسنيم: ح.. حااضر...