رواية شخوص متداخلة الفصل الأربعون 40 - بقلم .

روايـة شخـوص داخـلة

لِا تنسون التصويت والتعليق ع كُل فقرة🔴.

" لا تناديني بما يناديني بهِ العالم، قُل ليّ أسمًا غربياً أتميز به مَنْ أجلك".

صليبي✞ .

_____

فتحت عيوني بغشِاوه مُفرطة ضربت الأضاءة بنظري حركت ايدي ببطئ حِسيت بألم تام وقوي من جانب الأيسر من رأسي

دقَايق وأستوعبت نفسي بالمُستشفئ . .

القت عيني علئ الكُرسي إلي بصفي گاعد بي الاغا ومغمض عيونهَ ولازم ايدي قِوي كأنُ رح أضيع إذا تركها وغافي

حاولت أنطق حرف بـَس ما گدرت بهذهِ الثواني القليلة تالي نطقت بصعوبة تامة ورِصيت بثقل علئ أسناني "ذو الـفقار..

فَز بسرعة وعيونة الأثنين صارت علية گام مُباشرةً ايده صارت علئ جبيني والخوف والقلق واضَح بملامحة الحادة . .

الاغـا: عيونه وگلبه وروحه وحياته وكُل كيانه لذو فقارچ گوليلي صليبي شلون صرتي يابعد المايطيب من دونچ يابغيابچ أنا عليل

أبتسمَت وجاوبتة بنبرة هادئة وبكلمات مُتقاطعة گوه تطلع مني: " صرت تحچي مثلي ههه..

الاغـا: أنتِ بس صيري زينة عيوني الچ

- ما بيه شيء والله ليش جبتني للمستشفئ ما تسوه

الاغـا: دسكتي بويه فقر دم حاد ونقص حديد وتگلي مابيه شيء يا ويله لحالي

- ههههه عادي

الاغـا: عادي عندچ بـَس بالنسبة إلي لا بويه

- حلوة البويه منك

الاغـا: ماتيلدا !! والله رجفه ما فارگتني ولا لحظة وحدة وگعتي بين ايديه مثل الحمامة شلتچ علئ صدري وي كُل خطوة أحِس رح أفقدچ بيها أموت الف موتة صليبي المُميز تعبان يا وسفهَ ولچ لزمي وشوفي حال گلبي من شاف عيونچ وسمع صوتچ رجع نبض من جديد چان ميت بلياچ

أبتسمَت ورجف گلبي من كلامة الي حچاه دفعة وحدة دليل علئ خوفه وحرصه علية حسيت بشعِور لطيف وغريب أول مرة أحس بي لامس گلبي . .

رديت بهدوء: " فُـقاري..

-الاغـا: هلا يالشالچ گليبي بحشاشه

- شنو أعنيلك أني ؟

-الاغـا: مو وقت هذا السؤال صليبي

- ليش تگُولي صليبي وتدلعني بهذا الأسم الغِريب ..

-الاغـا: أنتِ صليبي مو تعتبرينه شيء ثمين ومُقدس ومُحاوط رقبتچ دائمًا ؟ فأنتِ نفس الأعتبار بگلبي وشيء ما من المُمكن إنُ ينكسر أو يصيب بأي خُدش حتئ لو صغير ، فأنا رح أحافظ عليچ بنص عيني رح اخليچ أنتِ صليبي المُميز النَادر الكُلش مُختلف

- مممم هههه صاير رومانسي

-الاغـا: لعيونچ أصير سرسري اذا تردين

- چذاب علئ أساس أنت فقير

-الاغـا: والله فقير بس أنتِ ما كاشفة إلي أبداخلي

- إلي أبداخلك مشاعر سرسرية

-الاغـا: وداعة عيونچ الأحبهن فقير

- صدگت

-الاغـا: إذا تردين تتأكدين بطريقتچ الخاصة اتأكدي ما عندي مانع أو مُشكلة

- شنو قصدك ؟

ضحِك وحك لحيتة وگعد يمي . .

- ويگلي فقير خوووفك من الفقير

قاطع كلامي خلا اصبعة علئ شفِايفي بهدوء وگال: شششششش لِا تحچين أخاف عليچ لا تتعبين ..

- من يمتة هذا الخوف والأهتمام

-الاغـا: من زمان بس أنتِ ما تنتبهين

- قصدك أني ثولة لو غبية ؟

-الاغـا: بالحُب أي

- يا حُب ؟

-الاغـا: الوطن بويه الووووطن

- أوي ههههههههه

-الاغـا: أنتِ وطن وأنا شديد الولاء

- مممم زين اگُلك شيء

-الاغـا: أمري مُميزتي

- اللهجة المصلاوية احلئ باللسانك

-الاغـا: أنا لخاطغ عيونكي حكيت بغدادي لأن مغه قُولتيلي إذا تعغف تحكي مثل لهجتي ليش ماتحكي يعني حتئ تفهمين علية

- أني بكُل اللهجات أفهم عليك

أبتسِم وي كلامي تقرب مني حيل حِسيت بحرارة أنفاسة وأرتعش جسمي . .

تلمس ايديه بحنية ايده الباردة ، باس ايَدي وبقئ صافن بعِيوني . .

-الاغـا: بين الجفنِ والرمش أنتِ..

- جوعانة..

ضربني علئ راسي بخفهَ وأبتسمَ علئ ردي..

-الاغـا: أنا شلون وي الفاهية مالتي ؟

- هنيالك عليها

-الاغـا: ما ناويه تعقلين وتغدين غد بي خيغ ؟

- لِا ، رجعني للقصر ما أحب المُستشفيات أتعقد منها

-الاغـا: تدللين يابه

- شكرًا ما تقصر

-الاغـا: أبقي هُوني غاح اتكلم وي الدكتور دقايق واغجع

- تمام..

طلع وأني رفعت راسي وجسمي حركت المخدة أحاول اگوم ما گدرت كلش دايخة !!

تالي اجه شالني وخلاني بالكرسي المُتحرك طلعنا من المُستشفئ والحِرس ورانا لابسين اسود من فوگ ليجوا ما ينلامون من يگولون عنهُ اغا

صعدني بسيارتهَ السودة الكبيرة ربع ساعة وقت الطريق تالي وصلنا نزلني شايلني علئ صدرهَ أستحيت بـَس حسيت مو مال اجادله وأعترض بسبب تعبي ..

تلگتنه لورين وساندرا بالباب دخلنه وخلاني علئ القنفة وگابلني وگعد يمي ما تركني دقيقة وايده لازمة ايدي

اجن بوسنَي وتحمدلي علئ السلامة گال الهن الاغا علئ التحاليل الي طلعت . . وأني بقيت ساكتة أسمعهم وما اگدر أرد أحس حمل ثگيل علئ صدري يمنعني من الحچي..

لـورين: أصعدچ لغرفتچ حتئ ترتاحين حبيبتي ؟

-الاغـا: أنا غاح أصعدها لكن ساندرا دحقي يابه حضغي الشوربة وأشوي لحم وكبد وخضروات وترتيباتكي ما يحتاج أوصيكي ما ؟

سانـدرا: تمام بعيوني رح أشويلها كبد مُفيد للفقر الدم وبروكلي وعصير زبيب جسمها يحتاج

- ما أحب الكبده!

غمز وجاوبني: "أنا أوكلككي علئ طغيقتي الخاصة لا تقلقين تاكلين يعني تاكلين..

- بكيفك هو!

-الاغـا: مو مسألة كيف ومزاج وتحكم لكن مُضطر لأجل حالتكي اليُرثئ لها ماتيلدا..

سكتت ما جاوبتة شالني وصعدني للغرفة ما أعرف شلون گدر يصعدني لـ٣ طوابق أباوعلة بدهشَه

فتح الباب الغرفة برجلة ودخلنه نيمني علئ السرير واني أسألة: " صُدگ شلون شلتني ؟..

-الاغـا: ول أبويي بيناتنا الحكي أنتِ ضعيفة ما سمينة خصركي الناعم لزمتو وشلتكي وأنا المَمنون..

- الحِزن والمِرض والتعب ضعفني چنت سمينهَ وزني چان بـ٧٠ ترا..

-الاغـا: وهسة شقد ؟

- برأيك شگد أنت ؟

-الاغـا: أعتقادي بحدود الـ ٥٠

- تقريبًا أي ولو ما موزنه صارلي هِواااي

-الاغـا: هم نعمة

رن مُوبايلة أخذه وفتح الكنتور طلع ملفات وهو يخابر نزع قميصة وغيره لبسَ تراكسود ويجاوب بخصوص عقود ومدري شنو صاير ويا بالشغل مالتة

مر وقت اندگ الباب گال أتفضل ، دخلت ساندرا وبيدهَا صينية كبيرة خلتها علئ الطاولة باستني وأبتسمتَ وما أعرف شنو حچت وي الاغا وطلعت . .

خلا الغطا علئ رجلية وعدل گعدتي وجاب الصينية خلاها علئ السرير شفتها بيها أشكال مُنوعة بكُل شيء حسيت هذا طبخ ساندرا وترتيبها . .

- صُدگ هذا كله رايدني اكلة ؟

-الاغـا: أي أكيد

- عدا الشقة ؟

-الاغـا: أي عمغي يلا حكيتي كثيغ كافي اهدئي وسدي هالرشاش

- هالأكل مال ٥ أشخاص ذو الفقار شبيك

-الاغـا: أنتِ مريضة لازم تعوضين الدم يلا أكلي بدون نقاش..

- ما أكل إذا هيچ

-الاغـا: سهلة اوكلكي علئ طغيقتي

- ها خير طريقة شنو ؟

-الاغـا: وي كُل لقمة بوسة هههههههههه فتحي يلا

- شفتح

-الاغـا: الووطن بويه الووطن

- وخر عيني وخر أني أكل عندي ايدين

-الاغـا: عفية ما تمشين إلا بالعين الحَمغه..

- ليـشَ أكو غير الالوان ؟

-الاغـا: لِا بـَس أحمغ وقلبي يذوب بي وينصهغ..

- بيها الخيَر

-الاغـا: وسفه تاكلين وما تعزميني ؟

- عينك علئ أكلي هضيمه ، هم جايبه إلي وهم تريد أعزمك وتاكل وياي شهالصلافة..

-الاغـا: بالكذب قولي أتفضل..

- أتفضل أكل وياي لأنُ طبعًا أني ما أحس بطعم الأكل بدون زوجي بسمَتي في هذهِ الحياة المُتعبة..

-الاغـا: الله الله الله حبيت التعبيَغ ، تحسين الأكل بدوني فاهي ما ؟

- أي هاي الحقيقة

-الاغـا: زين اشنو رأيكي أحسسكي بغير طعم ؟

- رجعت حليمة لعادتها القديمة..

طگها بضحكة قوية وضحكت وياهَ عدل شعَره وجر نفس غمزلي ورجعت ضحكت..

من صدگ صرت أنسئ نفسَي بين ايديهَ ودفَو كلامة مُهما كان بسيَط يأثر بية..

- رجعت سرسريتك فَقاري عيني تووب توووب لخاطر التحُبهم..

-الاغـا: الخاطغكي يعني ؟

- أووي هذا أعتبره أعتراف غير مُباشر رئيسنا ؟

رفع ايدي وبَاس باطنها وگال بضحكِة:" أنتِ بـَس أبقي يمي وما غايد شيء بويه ..

- چنك علئ بقاء بـَس بقائي يكلف وبي شروط ترا..

-الاغـا: واشنو هو ؟ غغدي صليبي

- دام تدري بوزني نازل وصايرة ضعيفة فأريد أكل فشنو كُل أكلي أنت تسوي ها ؟ أكيد حبيت الفكرة أعرررف..

رفع حاجبة وحك لحيتهَ وگال: " أشنو هالشرط الغريب منو قاللكي أنا شيف لو أعغف أطبخ ؟..

- أي ماتيلدا شروطها مُميزة مثلها ، المُهم إذا تريدني أبقئ والله لازم تنفذ إلي اگُوله

-الاغـا: بـَس هذا مو عدل ماتيلدا !

- هااا رئيس واغا وسيد وما يعرف يطبخ ياهضيمهَ مع الأسف

-الاغـا: أسويلكي أكل عادي أدللي علية

- فدوا لزوجي حبيبي إلي ما يرفضلي طلب خلي اخلي عين زرگه من الحسسد

-الاغـا: أطبخلكي بـَس لو تحترق لو أنا أحترق

- طلعت ما ادبرها حرامات غشوني بيك

-الاغـا: أعغف أشياء ثانية مليح بيها كثيغ

- شنو هم ؟

غمزلي وراد يحچي عرفت شنو نيته مباشرةً ولا اراديًا طلعت مني هذهِ الحركة بدون ما أحسب حساب لقُربنا خليت ايدي علئ حلگه وأني أضِحك واگله أسكت..

سكِت وسحبني بهدوء من خصِري وطوقني بيديَه الأثنين وهو مُبتسم ، بقئ يباوع بعيوني بتركيز ، نزلت راسي بخجَل ما أعرف ليـشَ أخجل بهيچ مووقف رغِم صلابة نفسي أشوف روحي تايهة وضايعة بين ايديهَ..

حاولت ابعدهَ وهو مُقيدني بقوة لصدرة صرت احچي بكلمات مُتقاطعة توترت كُلش وجَسمي يرجف بـَس من أكون بقربهَ أتوتر بهذا الشكل وتتخربط أوضاعي ليـشَ!!.. ما لگيت جواب لهالسؤال ؟..

همَس بأذني قائلاً:"عَن الَمرةُ الأولى ألتِي شعرتُ بِها بالرغبةُ في عناقكِ كِي أخّتبئ بداخلكِ بداخل أعماقكِ أخَتبئ مَن نفسَي مَن حُزني بعَيدًا عَن كُل الأفكار والهَلوسه ألتي في دأخَلي بعَيدًا عَن ألعَالم..

- سلامة روحِك لو مرها الحِزن..

-الاغـا: أنتِ غوحي..

- هآا !!!

-الاغـا: أنتِ مُدهشة كعجائب الدنيا السبع كفكرة ِخلق الكون و البشرية أنتِ شيءٌ يصيبُ الدهشةَ بالدهشة أنتِ صليبي المُميز..

- غزلك كثران شنو السَر ؟

-الاغـا: السَر جاذبية عيونكِي إلي ما تخلي الرئيس يكون ثابت بمكانو وما يتغزل ما أسيطر علئ نبضات قلبي إلي تتضاخم من تتقربين مني

أنا السيد والباشا والاغا والرئيس ، المَريض المجنون اليمُر في حالة نفسية مؤذية قد أحِس نفسي تعالجت بشوفه عيونكي مُحتالة أنتِ ما أنسانة عادية ، من أصفن وأقول اشنو إلي مُميز بماتيلدا لحتئ تعلقِت بيها لهذا الحَد الكبيغ ما قد لقيت جواب وداعتكي أحس غوحي تايهه بغربه ناس وأنتِ وحدكي كُنتي مَلاذي وقَريبتي وفؤادي..

أخَذتُ عُيونكِ مِن فُؤادي مَوثِقًا وعليَّ عهدُ هَواكِ لسْتُ بغادرِ كنْ كيف شِئتَ تجِد مُحبّكَ مثلما تهوى على الحالَينِ، غيرُ مُغايِرِ..

فليسَ يزولُ حُبك مِن فُؤادِي وليسَ العَيش دُونكِ لِي يطِيبُ صَلابة قلبي أنتِ..

- صلابة گلبك ؟ ليش أني قاسية ؟

-الاغـا: أي قد تقسين علئ قلبي التعبَان

- مو بقصدي ، ما اقسئ علئ الغريب نوب أنت ؟

أبتسَم وجاوبني بنبرَة ذايبة: " منو أنا بالنسبة لكِ ؟..

- القريب..

-الاغـا: كِنت تضوجين مني علئ ما أعتقد ما صح ؟

- أي صح بـَس بمرور الأيام تغيرت نظرتي الك أنت وحدك بكلامك بتعاملك بأسلوبك بحنيتك المُفرطة غيرت تفكيري عنك والفكرة الموحلوة أتجاهك أنعكست وصارت احلئ..

-الاغـا: أنتِ فُكرتي المُدهشة

- وأنت فكِرتي الحِلوة

ضحكت نزلت راسي بخجَل تلمس خدي بأيده وهَمس: " باوعيلي..

رفعت راسي باوعتله نظراتهَ كُلها هيام وعَشق أتفاجئت من نفسي من حسيت بگلبي يدگ بسرعة مو طبيعيَة..

بلحظتها دگات گلبي فضحتني..

أَغْفَى عيناهُ وتلمَس شعري الحِريري وكأنَ بهذهِ حركتة يحيا . . يستنشِقهُ بقوة غير مُغَايره، ليكمل حِياتهُ التي عنوانها أنا . .

عصرت كتفهَ وهمِست بتعب وأني أحاول أبتعد عنهَ . .

- ذو الفـقار!!..

-الاغـا: ها ياصليببببي المُميز..

- أوي وخر كافي فدوا شبيك اليوم ترا مريضَة أني لو نسيت ؟ ..

-الاغـا: فرهدتي كُل حيل بيه..

- هآ شبيك صاير شيء ؟

بعدني عنهُ وجر نفِس وزفرهَ گال بأبتسامة مُمزوجة بتعبَ:" لا ما صايغ شيء أطمئني..

- هسة أكل لو أنام ؟ أفضل الخيار الثاني شتگول أنت ؟

-الاغـا: تؤؤ تاكلين طبعًا..

- ماشي ماشي..

رجعت لمكاني عدلت گعدتي صار يسويلي لفات صغار وينطيني اخذهن من ايده وأكل مجبورَه وهم خوفًا علئ صحتي ما أريدها تتدهور..

بالنص ساعة أكل كلما اگول شبعت يخلي بحگلي أكثر حسيت معدتي أنسدت بعد ما تستقبل أكل لمدة سنة كاملة ..

گمت بالگوه وهو ساندَني دخلنه للحمام سوه غسلت ايدي وهو غسل وجهَي ورفع شعري ورجعني للسرير حسيت يعاملني مثل الطفلة لو بنته الصغيرة يمشيني منا ويجيبني منا وحذر بحركاتهَ ..

-الاغـا: مرتاحة بملابسكي لو أغيرهم لكي؟

- ما دا تشوفني تعبانهَ شلون أنزع..

-الاغـا: أنا اساعدكي ولا يهمكي

- خلي تفيدك هاي..

-الاغـا: أغض البصر لعيونكي

- لِا لاشكرًا

-الاغـا: ممممم ول براحتكي

- ذو الفقار بلا تعب طفي الضوه أريد أنام ما أدري هسة ليل صبح

-الاغـا: أي صح نامي أغتاحي حبيبتي..

أبتسمت علئ أخر كلمة نطقها إلي حسيت بأحساس حلو بـَس سكتت ما حچيت شيء..

رئستًا غمَضت عيوني وغفَيت ما أدري شگد نمت بـَس كُل إلي أعرفة نمت هواي..

وتحلمت بكابوس تعبني فوگ تعَبي ، گعدت مخنوگه وأكحِ بقوة ضاق صدَري !!

أشتغلت الأضوية إلي يمي أباوعلة نايم بصفي ولازمني من ايدي ومثبتها علئ صدرة ..

ماخذ راحتة بالنومهَ مابيه احچي ولا بيه أسكت حسيت بحيرهَ ضليت مصفنهَ مُتفاجئة!!

فز علئ صوت كحتي باوعلي بتفاجئ وگال بقلق!!..

-الاغـا: ها صليبي شكوو ؟؟

- ولاشيء مُجرد كابوس

-الاغـا: خير إن شاءالله

التفت صبلي كوب مي وقدمة إلية أخذته وشربته طبطب علئ ظهري بهدوء وگال: " لِا تخافين أنا موجود..

- أي..

ما حچه شيء بعدها أثنينه ساكتين والغرفة هدوءَ ، ضليت أباوعلة بتك حاجب وضايجَة علئ وضعنا بلعتها وسكِتت إذا احچي تكبر السالفة..

-الاغـا: شكو اشنو صاغ ليش تباوعيلي بهالنظرات ؟

- ليش نايم يمي!! وبكُل جرأة وَ وقاحة تسألني شنو صار ؟

-الاغـا: وقاحة لأن نمت وي مغتي ؟

- أتذكر زواجنا شكليًا لا أكثرر

جر نفس وزفرهَ بعصبية كأنُ ضاج من كلامي..

-الاغـا: أنتِ مغتي ماتيلدا ما حرام إذا نمت جنبكي!!..

- بـَس تعرف هالزواج شنو ولأجل شنو وحتئ لو تريدني اتقبلك واتقبل وجودك مو المفروض تمهدلي الموضوع ؟ مو مُباشرةً تقربت ترا موحلوة منك ذو الفقار

تنهَد وگام راح بأتجاه الباب قبل ما يطلع گال بتعِب: " الأدوية جنبكي إذا حسيتي بدوخه أو من هذا القبيل وألم بـَس صيحي بأسمي وتصبحين علئ خير غجعي نامي صليبي..

- وأنت بخَير..

طلع ورگع الباب وراهَ . .

رجعت تمددت يمكن أسلوبي جان قاسي وياهَ شوي بـَس لازم أردهَ حتئ لو هو زوجي، أني ما مُتقبلة علاقتنة الزوجية مُمكن يعاملني تمهيديًا كحبيبة أي ويجوز أتعود لأنُ دا أحس روحي دا تتعلق بي! ودا أشوف حبهُ إلي صادق من عيونهَ رغم ما أعترفلي بـَس كلامه يدل علئ حُبه، لكن أني مغلسة وساكتة أريد أشوفة وين يوصل وشنو نهاية علاقتنا ؟

يحارب من أجلي ؟ لو بس كلام بدون أفعال ؟

يستاهلني ؟ لو هم رح يفرط بيه ويخذلني ؟

فاجعتي بإبراهيم وصدمتي القوية صح اتخطيتها وگدرت امحي مشاعري إتجاهه وأنسئ حُبي الكبير الي قدمتة الهُ لكن هي إلي خلتني أوصل لهلنقطة بحيَث ما أتقبل أحد يلمسني رغم ما صار شيء بيناتنه ومرات حتئ أكرهة الاغا وأكرهة الي حولي مشاعر مو ثابتة ..

مر يوم كامل والاغا ما شفتهَ گدرت أگوم وأتحرك بـَس مو مثل قبل جسمي كله تعبان ، الشيء الوحيد الفرحني وهو خروج دانيال من السجَن!!

وجيته علئ القصر من شفته حسيت نبت ورد بگلبي هلهلت والفرحة ما وسعتني لورين تحضِن بي وأثنينه نبچي بحضنهَ..

وإلي فرحني أكثر كلام دانيال من گال إنُ الاغا هو إلي طلعة رغم إبراهيم گال إني أطلعة بـَس طلع كذاب مَدري مخطط مسبقًا وهالشيء مُتقصده وتعمد منه !؟

راسي رح ينفجر من لعبة F بـَس مع هذا غلست وأهتميت بوجودَ دانيال وبـَس..

أنسجن مُرتضئ بمكانة وما أعرف شنو الحكم محد گال فقط أكتفوا بهذا الكلام إلية ، اباذر وذو النون ما حچو شيء گعدو يمنه كم ساعة وراحوا ما عرفت أي معلومة مُفيدة..

ليلتها سهرنا سويه بالصالة 'أني ودانيال ولورين.. سولفنه فضفضنه شكينه عتبنه جانت ليلة ممُزوجة بالقهر والحِزن والالم . .

مَر يومين وثلاثة وأربعة والاغا ما موجود سألت ساندرا گالت علئ أساس عنده شغل وما يجي للقصر مشغول

وگال إلها ديري بالچ علئ ماتيلدا لا تهمل صحتها وخلي تاكل وجباتها وما تسهر عيونها تتأذئ..

أنعصر گلبي وحسيت بتأنيب الضمير من سمعت هالكلام حسيت روحَي خطأنه رغم ما سويت شيء خطأ ..

ما أعرف ليـشَ حاسته ضايج مني وما يريد يشوفني بسبب أخر موقف صار بينه . .

تالي باليوم الرابع چنت بالغرفة وحدي أصلي واقرا جزء من الأنجيل أندگ الباب تركته وگمت فتحتة . .

صار بوجهي الاغا بعدني ما حاچية كلمة وكُل حمل جسمة وگع علية أنصدمت وبسرعة مشيَت وهو حاضني دخلته خليته علئ القنفة وقفلت الباب ..

سألتة بتوتِر وقلق: " ذو الفقار شصاير ؟..

جاوبني وهو مُغمض عيونه وبنبرَة رجولية مليانة تعَب " تعبان أنا ياصليبو لقلبي تعبان كثيغ..

- أساسًا صارلك ايام ما جاي وما أعرف شنو طبيعة شغلك علئ العموم سلامتك ! إذا اگدر أساعدك بشيء گول إلية ما أقصر ..

وإذا تعبان كُلش وما تگدر تحچي تمدد علئ السرير نام وما عندي مُشكلة أنام علئ قنفة عادي . .

-الاغـا: غايَد أنامُ بحضنَكِ..

حچاها بدفِو نبرته أرتعش جَسمي وما عرفت شنو أجاوبة أنجبرت أسكِت!!..

ثواني وگام من القنفة وگف وصار يمشي بأتجاهي خطوة للأمام وخطوتين ليورا من كُثر ما دايخ . .

تالي وصل إلي سحب ايدي بعدني ممجاوبتة وحضني لصدره أسمَع صوت أنفاسه العالية هِمس بأذني . .

-الاغـا: أعرفُ أنكِ فتاةٌ حَادة تشبهُ الجَنازة تشبهُ الُوطن وتشبهُ نفسَها أيضًا إنكِ روحٌ لاَ يستطيعُ الكُل فهَمها وكُل مَا لا يستطيعُ فهمهُ مُقدس..

كلماته چانت مثل أذابه الثلج إلي أبداخلي جاوبتة برجفهَ مُتوترة من قربة:"ذو الفقار فدوا خليني أروح!!..

-الاغـا: أبقي يمي لا تتركيني..

- ما اتركِك بس عوفني وگول إلي شنو صاير احچيلي أسمعك؟

-الاغـا: تعبان بويه تعبان..

- من شنو؟

-الاغـا: خلي غاسي بحضنكِ ولعبي بشعِغي واحكيلكِ..

- هآا!

-الاغـا: بـَس هالطلب البسيط و وعد ما اقوللكِ شيء ولا غاح يتكرر بـَس لأنُ كثيغ محتاجو بأستطاعكِ ترميم قلبي بهالساعَة..

هزيت راسي بالحيَرة المُفرطة جريت نفس وهو سحب ايدي ما أنتظرني أجاوبة . .

گعدني علئ السرير وفتح أول دگمتين من قميصة رفع رداناته واجه يمي تمدد خلا راسهَ بحضني ونص جسمهَ علئ السرير ورجليه علئ الأرَض..

اخذ ايدي خلاها علئ جبينه وهِمس: " دلكي غاسي وبس! ما غايد شيء ثاني منكِ ..

- ماشي بـَس بشرط تحچيلي؟..

-الاغـا: أي بويه إن شاءالله..

سكِتت وصرت ادلك جبينه الحُنطي بهداوهَ لاحظتة إنُ يصرف كلمة بويه هواي يمكن لأنُ گلتله حلوة منَك أو يمكن هو طبيعة كلامه هيچ

مر وقت وهو مغِمض عيونه وساكت ما نطق حِرف حبيت أبادر وأني اسألة ..

- ليش تعبان ؟

-الاغـا: بسبب الشغِل

- ليش تكذب ما مقتنعة بسبب شغلك، أخوانك هم يشتغلون بـَس مو مثل تعبَك

-الاغـا: أخواني ما مثل شغلي

- ليـشَ شنو شغلكم أنتو الثلاثة ؟

-الاغـا: ما تعغفين شغل زوجكي يا وسفَه..

- زوجي ؟ ترا صارلك ٣ أيام مختفي وغايب من القصر شدعوه ما كلفت نفسك بأتصال تسأل علئ زوجتك إذا هيچ مُهتم بعلاقتنة الزوجية ومُعتبرني ملكِك..

-الاغـا: گوي كُل ساعة أتصل علئ أختي ساندرا أطمئن عليكِي بـَس أنتِ وأنهي المُكالمة

- وليش ما تتصل علية ؟

-الاغـا: من المُفترض أنتِ تتصلين

- ليش ؟؟

خلا أصبعة علئ شفايفي وجاوبني: "شششش سدي الموضوع ماتيلدا خليني ولو ساعة بحضنكِي مُغتاح والله غاسي غاح ينفجر..

بعد كلامة حسَيت بروحي هذا مو مكاني كُلش تعصبت رادوني أحساس مُقرف كأنُ أني مؤقتة يرتاح وياها بـَس لأجل هالشيء!!..

دفعتة من حضَني وگمت احچي ومُوجهة أصبعي لعيونة والعصبيَة عاميتني..

- أني مو سلعة لو حاجة شوكت ميعجبك ترتاح وتحچي وياها وتروح أعرف بيك حابني لأجل شكلي لا أكثر لأنُ يشبه وجهة زوجتك رويدا المرحومة

لا تمثل علية بأهتمامك المُزيف أصلاً أني ما أعرف ليش مسايرتك رغم ما مجبورة أبقئ بهالعلاقة الفاشلة مُجرد تسليك وتنفيذ لإبراهيم

توقفَت مُباشرةً بعد الكلمة الجفصت بيها خليت ايدي علئ حلگي علئ هالمصيبة الكبيرة الي رح تصير بسبب هالكلمة إلي طلعت مني بدون وعي لحظة عصبية تحطم كُلشي بنيته..

فتح عيونه علئ وسعهم بتفاجئ گام من السرير ولزم ايدي قوي ولواها لظهري حچه بهدوء وبصوت ناصي عاكس علئ حجَم الأنفجار إلي مُتولد بداخلة ..

-الاغـا: إبرااهيم ؟؟؟!

- أترك أيدي ذو الفقار..

-الاغـا: هذا حبيبكي السابق ما صح ؟

- أتررك ايدي ما داستمعني؟ دا توجعني ترا..

-الاغـا: جاووبيني يا علة قلبي صح لو أنا غلطان ؟

- أييييي أييييي صحيح

-الاغـا: تزوجتيني علمودو ؟

- علئ أساس ما تعرف ؟

-الاغـا: اعغف إنُ أنتِ نسيتي وكارهتو ليش ذكرتي أسمو هسة جاوبيني ماتيلدا ؟

- منو إلي گالك هالحچي! منين سامعة ؟

-الاغـا: ساندرا

أنصدمت ورئستًا جاوبتها: "يمته وشنو الي گالتله الك ؟

-الاغـا: من وقعتي بالمُستشفئ مُغمئ عليكي سألتها بعدما طلعت الدكتورة من الغرفة قالتلي ماتيلدا مريضة . . قُولتلها اشنو مرضها ساندرا ؟ رحنا علئ صفحة وجاوبتني ..

Back to the past | العودة الئ الماضي

سانـدرا: ذو الفقار الدكتورة بعد التحليل طلع عند ماتيلدا فقر دم وكذلك شيء اقوئ أنصدمت من عرفتة!

-الاغـا: خير يا رب اشنو هو احكي بسغعة ؟

سانـدرا: ماتيلدا تتعاطئ مُخدرات!

-الاغـا: شنووو! شهالحكي مخدراتيش!

سانـدرا: لكن مو مُدمنة ..

-الاغـا: وليش احسكي تعرفين من قبل الواضح من عيونكي أنتِ ما مُتفاجئة ؟؟؟

سانـدرا: شلون عرفتني أكذب، لا لا ما أعغف بيها

-الاغـا: وليش غيرتي لهجتكي ؟ كاافي ساندرا مو بـَس أنتِ تعغفين الكاذب من عيونو لأنُ دارسة علم نفس

سانـدرا: القصة طوويلة ذو الفقار..

-الاغـا: احكي وهسسسسة

سانـدرا: مو وقتها ما دا تشوف أحنا بالمُستشفئ وماتيلدا كم ساعة وتگعد

-الاغـا: ششششش ما أعيد كلامي قد اقوللككي احكي..

سانـدرا: تمام تمام ، أسمعني من رحت لشغلك ماتيلدا طلعت من القصر وأنخطفت

-الاغـا: أي وما قالتلي اشنو صار لأنُ التهينا بالجغيمة الحاغس

سانـدرا: أي فألي خطفها هو إبراهيم

-الاغـا: إبراهيم هو نفسو حبيبها إلي كان واعدها بالزواج ما ؟

سانـدرا: أي صحيح

-الاغـا: وليش خطفها هالكلب ؟؟ عجييييب

سانـدرا: لأنُ تزوجت غيره فراد ينتقَم وخطفها وشربها مُخدرات وحبوب يوم كامل هي يمه تالي گدرت تشرد

-الاغـا: اشنو هالسالفة الغريبة إلي ما قد تطخ بمخي ساندرا ليـشَ حاسسكي قد تكذبي علئ أخوكي ؟

سانـدرا: اشنو مصلحتي أكذب هذه الحقيقة

-الاغـا: تمام يصيغ خير

سانـدرا: لا تقوللها أنتِ اتعاطيتي مخدرات أو تذكرها بالماضي قلبها يوجعها وهي مريضة فدوا بالك عليها

-الاغـا: اشنو تقولين ميحتاج توصين مصيبتي وأجمل بلائي هي الله كريم

سانـدرا: ذو الفقار ليـشَ أحس هالبرود ورا عاصفة ؟

-الاغـا: هو هكذا

سانـدرا: لا ذو الفقار دخيلك فدوا ما صدگنه تتحسن حالتك شوي بفضلها لا ترجع لحالتك القديمة وتسوء بالأكثر!

-الاغـا: شششششش كافي سدي الموضوع

سانـدرا: وماتيلدا ؟

-الاغـا: عيوني هي ، الكلب غاج أخلي ابـاذر دام هو ضابط غاح يعغف موقعو أكيد، والإ اندمو علئ حليب ميمتو هالتافه

سانـدرا: بـَس ياريت تتحكم بحالتك ؟

-الاغـا: عيوني من تشوفها أصير بخيَر

سانـدرا: الحمدلله ، بالك عليها خطية محد إلها بهالدنيا وأنت أمام الله زوجها شرعًا وقانونيًا لا تكسر بيها لو تعرف قصة حياتها وإلي عاشته جان عوضتها علئ كل هم وحزن مرت بي

-الاغـا: شلون أكسر بهالترفه مالتي ؟ اطمئني هي روحي من الدنيا هي السبب لبقائي وتمسكي

سانـدرا: الله يسعدكم سويه دائمًا تبقون مع بعض

-الاغـا: ماتيلدا صعبة كثيغ بـَس ما يصعب علئ ذو الفقار شيء أكسب قلبها بالفترة القادمة إن شاءالله

سانـدرا: إذا أنت تحبها من صُدگ أثبت إلها ساعتها هي رح تحبك بدون متطلبات وهي الممنونه

-الاغـا: أي الله كريم إلي كاتبه الله يصيغ

سانـدرا: والنعم بهِ

-الاغـا: روحي أنتِ للقصغ ساعة وأغجع أنا وياها ولا تقوليلها شيء ولا تقولين أنتِ كنتي وياي ما غايدها تشك بشيء ..

سانـدرا: تمام حبيبي

-الاغـا: بالكي علئ نفسكي يا غوح أخوكي ودكتورتو

سانـدرا: هههههه فدوا اروحلك يلا مع السلامة

-الاغـا: الله معاكي حبيبتي..

Back to the present | العودة إلئ الحاضر

ضليت فاتحة حلگي ببُهت تام ، مصدومة من الكلام إلي دا تسمعه أذني !!

مصدومة من ساندرا ليش هيچ گالت للاغا شنو غايتها ؟؟!

معقولة مصلحتي بكلامها ؟

هالكذبة تعني هي مُخططة لهلحوار وي ذو الفقار حتئ ما يشك بيه ولا يستفسر بخصوص المخدرات !

ضربت راسي وغمضت عيوني وأني أتذكر الأيام السابقة!! رئستًاا اتذكررت أني ما مُبلغة ساندرا بأن إبراهيم هو نفسة F !! شلووون عرررفت ؟

رجعت ذاكرتي بيوم الصارت جريمة الحَارس.. من أنهاريت وهي تحاول تسكت بيه!!

..

تكون صدمة الچ من تكتشفين إن الشخص إلي نبض گلبچ الهُ ومو بسهولة طبعًا! بعد سنين وفترة طويلة، هالشخص هو بذات نفسة المُجرم المجهول

إلي قتل كُل عائلتچ ومحئ كُل شيء حلو ما بقئ بس الالم والذكريات السيئة، لعب عليچ وگدر ينجح بمخُططاتة ويحقق مُبتغاهُ!!

بأسم الحُب والأنتقام بدأت حكايتي وهاي أني بنص متاهة من الغموض والحروب من كُل الأتجاهات!!

أني أنسانة عشت وحَدي لأجل أختي وثم نفسَي حبيت حالي حال أي بنية تنعجب بشخص الي يهتم الها ويبين إلها بهواي مواقف هو يريدها ويحبها! ما چنت أعرف هالشخص هو F ولا خطرر علئ بالي چان الحُب عامي علئ عيوني چنت أشوف كُل سلبياتة إيجابية وصحيحة!

احچي بأنهيار ونبضات گلبي تدگ بكُل قووة صرت أضرب روحي راشدي بحرگه گلب وأني أصرخ: "مااا چنتتت أعرررف إلي حبيتته هوو السبب من حرماني من أمي وأبوي وأصدقائي ومن عراقي وأمنا العذراء ما چنت أدري قبلت أكووون حبيبة لقاتلي!!..

..

ضربت راسي بغبااء ثاني جفصة اجفصها بسبب إبراهيم مره گدام ساندرا وهسة جفصت أسمه گدام الاغا صبرك يا الله

شلون هسة أقنع الاغا، عصرت ايده إلي لازم بيها ايدي وباوعتلة بقلة حيلة

أساسًا أني ليش عصبت منه أوف مني أوووووف . .

ترك ايدي وگال بنبرة حادَة وعينه تخزر بعيني بعصبَية كارثية كأنُ دا يغلئ نار . .

-الاغـا: مُمكن تبربر لهل مهزلة هذهِ ست ماتيلدا ؟؟

- تبرير شنو ؟ ليش هو شنو صار ؟

-الاغـا: يا برروده دمكي والله موووتي علئ ايديكيييييي فهميني ليش متقلبة المزاج والرأي أنتِ مغه اكوون قررريب ومغه اكووون غررريب

- لا تصيح عليه! تريد تحچي احچي بهدوء العصبية مو حل قبل شوي عصبتني وجفصتها لا تكرر تصرفي ..

-الاغـا: أنا إذا أريدكي فما لأجل وجهكي ولا لجسمكي ولا جمالكي ولا لشخصيتكي القوية أنا إذا أريد أرتبط بكي للعُمر كله فالسبب واحد وهو حُب روحكي وبسس ما لسبب ثاني ولا لسبب غريزي ونية سيئة

رويدا مغتي المرحومة ما انساها وأتذكرها بثواب ودعاء وأيات قرأنية ومواقفها الحلوي لكن هي صارت بالمَاضي أنتِ حاضري ومُستقبلي قد تفهمين علية ؟ أنا قد أتنساها مرضي وحالتي النفسية اليُرثئ لها بسببكي أنتِ الي طلعتيني من أزمتي

فأطمئني وشيلي هالفكرررة من غاسكي وطلاق ما اطلق أنتِ إلي شئتي أم أبيتي ولا يكون تفكرين تبتعدين عني لأجل إبراهيم وسواد عيونو ما اتغككي قلبي قفل عليكي لو أنا أخذكي لو ما تصيغين لغيغي

- منو جاب سيرة الطلاق هسسة لا تربط شيء بشيء وأنت بحالة عصبية كافي فدوا أسكت لا تضغط علئ نفسك وأتعبها فوگ تعبها !!

دفع ميز المرايا بيده وكسر الغراض كلهم إلي علية أتفاجئت من أخذ كزازة من بقايا المرايا وجرح رگبته وايديه

صرررخت وركضت بسررعة أخذت الكزازة من ايده وشمرتها علئ الارض دفعته علئ الحايط ردة فعلي جانت قوية بسبب كرهي لهلمواقف التكون بيها دم..

- مخبببببببل انتتتتت شهالتصررررف ليييش جرررحت جسسسمك وايدييييك لخاطرر اليسووع ارحمووو بحاالي لا تززيدها أنت علييه هممم !!!!!!!!

-الاغـا: شششششش أخغ وحده تحكي أنتِ، طلعتي الحضن سم علية أطلعي بغا لا جنوني إلي ما شايفتو يطلع عليكي وساعتها أخسغكي للأبد وأنا ما غايد نوصل لهذهِ النقطة ولهل مغحلة . .

- ماشي سوي إلي تريده بـَس ما أعوفك وأنت بهالحالة وما أطلع، ذو الفقار لخاطريَ اهدئ

-الاغـا: ماتيلدا لا تعاندين رحمة للعزاز !!

- ما اطلع گلت ، مو عناد لكن ما اترك ذو الفقار وهو تعبَان، إذا أني غلطانة أو ضوجتك فأسفة وحقِك علية مُمكن زودتها صح لكن نتيجة الضغوطات إلي دا أمر بيها تخليني أعصب علئ أصغر الأشياء

سكِت وزفر نفس بقئ واگف دقايق مرت وهو گبالي ما تحرك . .

تالي تمشيت تقربت منهَ أبتسمَت وگلتله: " ما تلوگلك العصبيَة والجنان الرب عليك خليك هادئ..

تحِولت ملامحة من عصبية وجمَود الئ هدوء وأبتسامة جاوبني بهَمس: " تدللين علية بويه..

خليت ايديهَ الباردة علئ رگبته حاوطته بنعومة وگلتله بهَمس..

-" فُقَـاري..

-الاغـا: نعم يا فؤاد القلب والعقل

- ضايج من ماتيلدا ؟

-الاغـا: شلون أضوج من غوحي ؟

- تعال اگعد علئ السرير

غمَزلي وگال: " اشنو ناويه تسوين ؟

- اووو ما تبطل سرسرية..

هز براسه وحاجبة الأيسر وگال: " تؤؤؤ..

جريته من ايده وگعدته بهدوء بقئ يباوعلي وأني أفتر بالغرفة أروح يمين وشمَال أدور علئ المعقم..

گال بضحِكة: " ما كنت اعغف للرقص انواع غريبة

- ما دا اركص يا ذكي دا ادور علئ المعقمات

-الاغـا: بالميز إلي بي مسدس

تذكرت سالفة المسدس الي اخذته وخليته بالكنتَور بلعت ريگي وجاوبتة: "هآا..

-الاغـا: أي شبيكي شهالفهاوهَ المُفاجئة علئ العموم جيبي المسدس بطريقكي أغيدو..

- شتسوي بي

-الاغـا: ارميكي

- ينطيك گلبك ؟

-الاغـا: لا ما تنطيني

- أنسئ المسدس بعدين انطيكياه خلي أعقم جروحك..

-الاغـا: محُتالة أنتِ جرحَي ودوائي أنتِ فكِرتي المُدهشة والعجيبة..

رجعت گعدت يمه وبيدي علبة الاسعافات الاولية بعدما طلعتهم من الميز، أبتسمتَ بوجهة وگلتله: " صاير رومانسي كُلش من زمان هيچ لو من تزوجت ماتيلدا رجعتك مُراهق وفرهدت كل حيل بيك أعترف ها ..

تعمدت احچي هيچ حتئ الهيَ وينسئ تمامًا عصبيتة عرفت شلون أتعامل وياَ لازم بالأول اهدئة وأسمعَة كلام حلو وأنسي العصبية والمُشكلة ومن يرتاح وينسئ أفاتحة بالموضوع إذا اتطلب الأمر ..

گعدت بصفهَ نزع القمَيص بقئ بصدره العاري حاولت اتغاضئ واغض البصَر وما أهتم ولا أركز بـَس طبيعة جَسمة تجذب النظر..

باوعت نازل دم علئ صدرَة طلعت مُعقم وبديت أمسح وأعقم تقربت منه ميل راسه علية صارت عيونهَ بعيوني ارتبكت واخذت نَفس خليت ايدي علئ رگبته وأستمريَت أعقم بهدوء بـَس أصوات أنفاسنه العاليةَ تنسمع . .

- ذو الفقَار

-الاغـا: ها

- شنو ها گول ها صليبي

ضحك وجاَوبني: " صا يا صليبي المُميز

أبتسمت وَ رديت :" أوصفني؟..

جَر نفِس ولزم ايدي تلمَس أصابعي وصارَ يحچي ويعد أصبع أصبع وأني أبتسَم..

-الاغـا: أنتِ ؟ أممم .. القوية، الصبورة ،المَزاجية العذبة الأطباع، العصبية ، الغيورة ، المُحبة، سيدة النجم والقَمرا ..

- وكُل هالاشياء بيه ليش تُحبّني ؟

- الشكوى لله مُغرم بكي..

‏- ههههههه فقَاري شَجاعي

-الاغـا: علميًا خلايا الجسد كلها تموت وتُستبدل بخلايا جديدة كل سبع سنوات للانسان،بالحقيقة أنا خلايا جسمي كلها تُستبدل بمجرد ما اشوف ضحكة قلبي المُميز

لا أراديًا شمرت روحي بحضنهَ وبچيت وأني اگُله: "يا روووحِها لماتيلدا ذو الفقار فدواا شسويت بيه شسووويت..

ضمَني أكثر لحضنهَ وكأنُ يريد يدخلني لگلبة وضل حاضنَي بقوة لوقت، مسَح دموعي بحنيه كف ايدهَ..

-الاغـا: ششششش ليش هالدموع ولج ؟

شهَگت وجاوبتة: " ما متعودة علئ شخص حنين كُلش بحياتي والله..

-الاغـا: يزيدني فخَر أكون أنا أول واحد ؟

- لا تعوفني خوش

-الاغـا: هههههه ما اعوفج وحق الله ايدي بأيدج

- دائمًا ؟

-الاغـا: للأبد المؤبد ياروح ذو الفقار‏ ، أنا مُصابٌ بكي في القلب تمامًا ولن أُشفى

- فُقَاري وياك أكُون خَفيفة مثل الغيمّة أو مثل الفراشَة كلمة وحدة منك تخليني أطيَر لبعيد وگلبي يريد يطلع من مكانهَ وكُل جسمي يرجفَ من أسمع نبرهَ صوتك الي يحبهَا گلبي وملامحَك الي تخليني أصفَن عليها بدقة وتركيز وانسئ الحوالية

"كنتُ أخشى أن تلمع عينيّ أثناء حديثي عنكَ أو يبتسمُ وجهي عندما يثني أحدهم عليكَ أو أن ترتجف يديّ ويرتعش جسدي عندما يمرُ صوتكَ على مسمعيَ، كنت أخاًف من براءةِ مشاعري وعفوية ملامحي، كنتُ أخاف أن يلمحك أحدهم في تفاصيليْ، دون أن أعلم"..

أبتَسم وگال: " علئ گوله أهلنا أنتِ عشگانه ولچ

- هههههه يمكن أي

-الاغـا: صليبي المُميز

- عيونَها

‏بِهمسٍ دافئ وبِأنفاسٍ تلفَحُ ‏بِالرُّهبَةِ والرَّغبَةِ
كان يُتمتِمُ إعتِرافَُهُ الأوَّلُ لهَا . . ‏يَلتَّفُّ لِيوجِّه نِداءهُ نَحو عَينيها . .

-الاغـا: أتقبلينَ أن تَكوني فُرصتي بِالحُب ‏أو أن تكوني نِهايَتِي بِالرفض . . ‏أتقبلينَ بأن أموتُ بِكِ حُبًّا ‏فإنِّي أقبَلُ بِالموتِ ‏إن كان بِكِ أنتِ . .

- قَد قبلتُ بك يا من توَطن جَوف أنيسي

-الاغـا: أحبَكي كثيغ

يتـبع 🎭 . . .

⭐⭐⭐⭐⭐⭐⭐

لِا تنسون التصويـت🔴.

ول ابويي مِشتاقيين🤤 الدراسة مبعدتني عنكم☹️

تفاعلكم وتاگاتكم وتعليقاتكم الحلوة🙈

الكاتبـة #نمـارق