رواية شخوص متداخلة الفصل الحادي والأربعون 41 - بقلم .

روايـة: شخـوص داخلـة

مُهم: "لا تنسون التصويت والتعليق ع كل فقرة + متابعة حسابي 🔴.

‏بِهمسٍ دافئ وبِأنفاسٍ تلفَحُ
‏بِالرُّهبَةِ والرَّغبَةِ والخَوف
‏كان يُتمتِمُ إعتِرافَُهُ الأوَّلُ
‏يَلتَّفُّ لِيوجِّه نِداءهُ نَحو عَينيها
‏أتقبلينَ أن تَكوني فُرصتي بِالحُبْ
‏أو أن تكوني نِهايَتِي بِالرفض
‏أتقبلينَ بأن أموتُ بِكِ حُبًّا
‏فإنِّي أقبَلُ بِالموتِ
‏إن كان بِكِ أنتِ .

___

بعد مَرور ٦ أشَـهر ✞

【 تركـيا - قـصر الـسيد عـبد الـقادر 】

فزيت علئ صوت مُوسيقئ هادئة قريبة من مُسمعي فتحت عيوني بغشاوه صارت گبالي الساعة شفتها "الثامنة صباحًا . .

وخرت الغطى من جسمَي وگمَت من السرير أباوع علئ الهاسكي مُتمدد علئ القنفة أبتسمَت بعدما راح الخِوف من الكلب صرت اللعب وياهَ وتعودت علئ وجودَة . .

طلع الاغا من الحَمام بَدون ملابس شمَرت علية المخدة لزمها بيده وضحِك اجا يمي . .

-الاغـا: قد اسويلكي اغرائات من الصبح..

- لو يصير عُمرك ٦٠ هم رح تبقئَ ذو الفقار السرسريَ والرب..

-الاغـا: يقولون السغسغي حظو كثيغ حلو علئ رغم فساد اخلاقو ما تشوفين كيف دخلتي أنتِ لحياتي..

- أوي أوي قنعتني هههههههه ..

-الاغـا: ول ابويي أبوسها لهلضحكة يصيغ ؟..

حاوطت ايديه لصدَري رفعت حاجبي وجاوبتة برفض وبأبتسامَة: "تؤؤ..

ضحِك بخفَه وراح فتح الكنتور طلع بنَطرون نيلي وهانك أبيض وسترة نيليَة وگف بُقرب المرايا لبسهَم وبقئ واگف يمشط شعَره ويَرش عطر . .

أبتَسمت وأني أباوع علئ الالوان إلي أستَخدمهم ، محيت اللون الأسود من حَياتة وغيرته بهالـ٦ أشهر ونسيته الماضي وطلعتة من حالتة وعقدتة النفسية . .

تغيَر الاغـا ورجع ذو الفقار القديم . .

أتذكِرت ردة فعل أمة عائشَة من لاحظت التغييَر الكبير بشخصيتة صارت تبچي من الفرح ما صدگت أبنها دا يرجع طبيعي مثل الأول وحالتة تحسنت . .

بيومهَا صاحتلي لغرفتهَا دخلت وقفلت الباب وگالتلي . .

عائـشة: حبيبتي ماتيلدا أني چنت واثقة بيچ ثقة عمياء الله شاهد إنُ أنتِ رح تكونين السبب بتغيير أبني للأحسن شكرًا لو اشكرچ منا لمية سنة ما رح أكتفي هواااي فرحتيني ياگلبي

ما مصدگة أشوف أبني حبيبي يضحَك ويگعد ياكل ويانه بعدما هجر مكان الأكل من وفاة زوجتة وما شفت ضحكتة بس من دخلتي أنتِ لحياتة فدوا ربي يكتبلي عُمر وأسويلچ كل شي تحبينه وكل شي رايدته أنتِ بـَس أمري وتدللين علية والله

- ياعُمري عمه فرحتچ وسعادتچ هذه تكفي والرب يسوع

عائـشة: لاتگولين عمة گوليلي ماما

نبض گلبي وتسارع بقوة همست بهدوء ممزوج بتفاجَئ :"ها!! ..

أبتسمت وباستني وگالت: " اول شي والدتج حبيبتي الله يرحمها ويغفر الها ويسكنها نعيم جناته، داده من اليوم گوليلي ماما والله العظيم رح اصيرلچ أم الي تتمنيها وأعوضچ عن القهر الي عشتي ياروحي الصغيرة المدلله القصر أنتِ ما رح تحسين بنقص أم بحياتچ وعد مني اصيرلچ كل شي تردي

بچيت بالحظتها علئ كمية الحنية الي بكلامها وبصوتها حضنتني لصدرها وبست راسها گلتلها:"صار أمي..

فزيت علئ ايدين ذو الفقار حاوطت خصري وغُمر راسه برگبتي وگال بهمس: " وين صافنة الحلوة وسارح بالها ؟..

- بيك سرحانة..

-الاغـا: قوليلها وفضيني ليش تشلعينو لقلبي صليبي..

- هههههه شنو اگول ؟

غمزلي وحضني أكثر وگال: " أحبك هيك شيء ؟..

- اگول فقَاري ليش ما ننزل جوا نتريگ ؟ جوعانة..

جر حسرة وأني ضحكت بصوت عالي ضحك وياي وباسني بخدي ورجع للمرايا يلبس ساعتة..

وگفت يمه واخذت الساعة من ايديه گعدت علئ الميز وهو گال: " لا تقعين فكري بحالي اشنو يصيغ بيه..

- لا تخاف ما ينكسر الميز بعدني ما سمنت

-الاغـا: صحيح عندي مشروع ببالي..

سحبت ايده ولبسته الساعة وجاوبتة: "شنو هو بلا؟..

رفع ايدي وباسها وصفن بعيوني تالي تمتم وگال بهمس: أسمنكي علئ طريقتي..

ضربته علئ صدرة وهو غمزلي وطگها بضحكة گمت وأحس خدودي رح تنفجر من الخجل ..

-الاغـا: يقولكي اكو وحدي هوني خدودها غاح تصيغ طماطة من شدة الاحمغاغ

- ذو الفقار أمشي ننزل منتظرينة هسة..

-الاغـا: الزمي ايدي بالأول يلا ننزل

- أي حتئ تشوفنه سجئ يمكن تخليلي سم بالأكل

-الاغـا: أنا موجود وتتأذين شلون ؟ مسألة صعبة

- هسة ننزل لو شنو؟ رح أموت من الجوع معدتي تغرد

-الاغـا: أنتِ من أتغزل فيكي تجوعين ما ؟ اشنو الموضوع صارحيني غزلي يجوع وأنا ما أعغف ؟

- لا بس اتحجج بي

-الاغـا: أحُبكي صريحة وبكل حالاتكي

- ها غصبًا عليك

-الاغـا: هههههههه امشي بوية امشي

- لحظة أبدل أنتظرني..

-الاغـا: أنا أختارلكي الفستان روحي غسلي

- بس مو أحمرر

-الاغـا: لا الأحمغ أغار عليكي بي أشوفه بس أنا أختارلكي لون بني

- تمام زوجي الذواق

-الاغـا: ذوقي حلو دام أختاريتكي تكونين زوجتي

-رااايحة..

-الاغـا: غوحَي يا بعد غوحَي..

دخلت للحمام أضحك غسلت دقايق وطلعت شفت مطلعلي فستان فعلاً بُني طويل وعريض وبي حزام ذهبي..

-يلا أطلع أريد أبدل

-الاغـا: طرده هذه ؟

- أي دا اگلك أطلع..

-الاغـا: أنشوف خجل ماتيلدا أمامي يمتئ ينتهي..

-من تبطل وكاحه وسرسرية..

-الاغـا: لعد ما غاح اشوف هاليوم

-أيييي

-الاغـا: وسم بقلبي اشبيكيييي؟

-روووح..

-الاغـا: غاااايح بوية غااايح..

باوع علئ الهاسكي وگال: " أمشي حبيبي أمشي ناس نتغزل بيها من الصبح وتطرد بينا هو هذا جزاء القلبة حنون ويرسم أبتسامة علئ زوجتو

-گلبه سرسري قصدك..

-الاغـا: أحببتكِ بعين رأت قمرًا أجاد الرب خلقه،أحببتكِ دهرًا وإكتملت فيكِ أمنياتي..

أبتسمت بضحكة ممزوجة بحُب وجاوبتة:"ربي يحفظك لزوجتك فدوا هيچ تحبها..

-الاغـا: ربي يرزقني الصبر وأتحمل ردودكي جميلتي..

-من كُل گلبي اگُلك"أمين..

-الاغـا: يا بوووووووية..

فتح الباب وطلع وبيده الهاسكي وأسمع صوت ضحكاته العالية وي أخوانه، الضحكة إلي عشقتها..

بدلت خليت شعري مفتوح رشيت عطر والضحكة مالية وچهي..

أحس بگلبي فراشات ما أعرف شلون أوصف أحساسي من أكون بقربة ومشاعري اتجاهة بـَس كُلش أرتاح بوجودة أحس هو الأمان إلي افتقدتة وعوض ربي حسيت بحُبه هالفترة إلي بدون مقابل عيونه تحچي قبله ولمسات ايديه الدافية حنيته وياي وخوفه علية..

كُل شيء بي مختلف ما تصورت بيوم رح اوگع بحبَه لكن ما اگدرر أعتررف صعبب بعد التجربة الفاشلة إلي عشتها بعيدًا عن كونه قاتلي، العلاقة السابقة سببتلي خووف كبير

حاليًا مشاعري متخربطة وعقلي يفكر بين الماضي والحاضر والتفكير دمرني بـَس أحاول أنسئ وأتقبل الواقع وأمشي بأيامي ودام الرب دخل الاغا بحياتي ممكن يكون هو الصح والعوض وهو إلي رح اگول عليه "يا بعد كُل معاناتي..

طلعت من الغرفة نزلت للطابق الاول شفت القصر هدوء وفارغ دخلت للمطبخ ما لگيت أحد موجود أستغربت . .

سألت شخص من الحرس . . جاوبني: "Bütün aile bahçede hanımefendi

(العائلة جميعها في الحديقة يا سيدتي)

هزيت راسي بـ"أي" طلعت برا القصر صار بوجهي ذو الفقار يحچي وي اباذر ..

غمزلي وترك أخو واجا يمي گلتله: "ليش هنا ناكل؟..

-الاغـا: انا قولتلهم..

-ليش؟..

-الاغـا: ماكو سبب بس عاجبني..

-أها..

-الاغـا: أي يلا أمشي..

گعدنا بالأرض فرشوا السفرة تالي أجت ساندرا وسجئ گعدن يمي ..

أسواري ضايقني نزعته وگمت خليته علئ الميز قريب من الحديقة . . رجعت واتفاجئت سجئ گاعدة بمكاني بصف الاغـا

بقيت واكفة أباوعلها وهي تبتسم بحقاره ونزلت راسها بدت تاكل خاف اگلها گومي فبلشت تاكل وما مهتمة علئ أساس..

باوعلي الاغـا وگالي: " تعالي ليش واقفة هوني ؟..

زفرت نفَس وجاوبتة: " انسدت نفسي ما أريد أكلو بالعافية..

سـجَئ:" ليش عمري إذا ما عجبچ أكلنا أكلي وي الخدم..

عاط بيها عبد القـادر بخزره: "سجئئئئئئئ..

سجَـئ: " عمووو ما حچيت شيء تراا..

-الاغـا: لو كررتي هالتصرف ساعتها أنا عاملكي مثل الخدم! محترم وجودكي فأنتِ من الواجب تحترميني..

سجَـئ: بـَس ترا ما قللت أدبي وياك أني..

-الاغـا: أنا وماتيلدا واحد إذا تقللين الادب وياها يعني وياي فأبلعي لسينكي وأحترمي نفسكي وأبتعدي عن المشاكل لا تخليني اخليكي بعقلي اجنني ولكعبة

سجَـئ: رح اگوم شبعت اكلوا انتو بالعااافية..

عبد القـادر: غوحي يابا وساعدي الخدم بالتنضيف مابيها شيء

سكتت ما تگدر ترده تالي باوعتلي خزرتني وراحت.. جريت نفس طويل وبقيت واكفة

-الاغـا: صليبي وين صافنه ؟ تعالي..

-ما أريد..

-الاغـا: لا تصيغين طفلة بوية اسمعي الكلام

-لا صُدگ ما أريد..

-الاغـا: لخاطري عاد

-خاطرك بـَس بالأكل..

-الاغـا: ها رايدة بشيء ثاني؟

-اهووو رجعت حليمة لعادتها القديمة..

عبد القـادر: اشنو قد تحكو اشنو هالالغاز فهمونا

جاوبتة بأبتسامة: " أني وزوچي سر سعادتي سلامتك عمو..

أجت ساندرا سحبتني من ايدي وگعدتني وهمست بأذني: " معليچ بسجئ تذب سمها وتروح مدي ايدچ واكلي..

-ما مهتمة إلها..

سانـدرا: واضح! ما تشوفين وجهچ لو انگلب والضوجة بينت بدچ ترحين تكتليها بـَس لزمتي روحچ..

-نعم نعم شگالولچ علية عراكة أخر وقت..

سانـدرا: ههههههه لا بـَس أني متعودة علئ ماتيلدا ما تسكت نوب علئ سجئ غير تغرديلها بلسانين

-صراحةً صايرة أتجنب المشاكل..

سانـدرا: أي بسبب الحُب عامي علئ عيونچ منسيچ المشاكل والعركات سرحانة وي أخوي ممممم..

-يجوز..

سانـدرا: ما تعترفين اله يا ظالمة مخليته يتحسر منچ الكلمة الحلوة..

-مو بيدي تعرفين بيه..

جرت نفس وجاوبتني وايدها علئ كتفي: " الصار صار وراح وكل شيء يتصلح هسة أنسي ومدي ايدچ أكلي خطية شوفي شلون ضاج علئ ضوجتچ وحتئ الأبتسامة الصبح راحت إذا ما تاكلين ما رح ياكل أعرفه وحافظتة لأخوي..

-ماشي..

سانـدرا:"ها؟..

-رح أكل وداعتچ ما ضايجة اذا مگابلة وجهة أبن القادر شلون أضوج؟ عيب علية أصلاً..

سانـدرا:"شو احسهه بسمار..

-لا حُبي متوهمة..

سانـدرا: "دكلي اكلي..

-تدلل دكتورتنا..

ضحكت ورفعت راسي تفاجئت من شفت الاغا صافن بوچهي وما يرمش تركيزة كله علية ارتبكت بسرعة وگعت السكين من ايدي..

نزلت راسي أحس من أشوف نظرات عيونه الي، كلهن حُب، أرتبك وگلبي يدگ حيييل ونفسي يبطئ، غريب هالشعَور..

غصيت باللگمه صرت اكح بسرعة قدملي كوب مي، اخذته شربت وباوعلي بأستفهام گلتله ماكو شيء لاتخاف رجع كمل أكله عين بالأكل وعين علية..

أتذكرت قبل ٦ أشهَر من نزلت من غرفتي ثاني يوم من الأعتراف ذو الفقار بحبه إلي، حچيت وي ساندرا بغرفتها بخصوص المرض وليش كذبت علية أو بالأحرئ ألفت قصة..

Back to the past

ماتيلـدا: ليش گلتي لذو الفقار بالمُستشفئ علئ شيء ما صاير ؟ ليش گلتي اله إبراهيم خطفني علمود ينتقم أو من هذا القبيل بسبب تزوجت غيره ؟!

سانـدرا: شلون عرفتي!!

-البارحة ذو الفقار گالي..

سانـدرا:"وصيته ما يگووول اوف ياربي..

-دام عرفت فأريد السبب أتركي شلون ويمته عرفت..

سانـدرا: ماتيلدا گلت هيچ علمود نسد الموضوع! ترا إذا درئ بيچ مخطوفة وماكو سبب مقنع او كذبة مُصدقة ما رح يسكت وتكبر السالفة وأنتِ تتظرين..

- أنتِ تعرفين إبراهيم هو المُجرم إلي قتل عائلتي صح ؟

هزت براسها وگالت: " صـحَ!!..

صفنت بوجهة وگلت: "يعني شكي صحيح! شلون دريتي؟ أني ما گلتلچ ما أتذكر اجيتلچ بيوم وگلتلچ طلع هو المُجرم؟؟ الأ في حال من أنهاريت ركزتي بكلامي المُخربط وعرفتي.. صح؟

سانـدرا: مبدئيًا أني بالأساس چنت شاكة بي! وأني إلي فتحت عيونچ علئ الواقع وعلئ الحُب الخطأ العمئ علئ عيونچ الحلوة يحلوة وأني إلي گلتلچ يمكن إبراهيم يعرف عن ماضيچ أو بالأحرئ اله علاقة بالجرائم والقتل إلي صاروا

وبيوم إلي صعدتلچ للغرفة چنتي تبچين وتهذين حچيتي كُل شيء بدون وعي وبدون حساب لشيء صح أتفاجئت لكن ما أنصدمت وأنطيت ردة فعل قوية بالعكس نصحتچ بخطة للأنتقام مُباشرةً لأن چنت متوقعة هالشيء إذا مو أكيد فـﮧ ٩٠%

-أها، أني چنت فاصلة ما چنت منتبهة علئ كلامي الحَـمدلله چنتي أنتِ موجودة

سانـدرا: أي أني ولا غيري تخيلي چان كبرت السالفة..

-أي..

سانـدرا: أي هذه أولاً، وثانيًا من انغمئ عليچ البارحة، طلع بالنتيجة التحاليل أنتِ شاربة مخدرات وحبوب بـَس بكمية مو كلش كبيرة بـَس مأثرة علئ مَعدتچ وطلع عندچ فقر دم حاد ونقص حديد

وهواي أمور بصحتچ موجودة التحاليل بغرفتي إذا تردينهم وتشوفيهم، وطبعًا ما خليت الاغا يشوفهم قنعته أنتِ أنجبرتي تشربين وما گلتله يگلچ بـَس ما أعرف شلون عرفتي ؟..

-هو گلي البارحة باللحظة عصبية..

سانـدرا: ليـشَ تعصب ؟ شنو صار؟

-أمور خاصة..

سانـدرا: بـَس لا تنسين أنتِ قررتي تخلين ايدچ بأيدي وتعتبريني دكتورتچ إلي تفضفضين إلها وزوجچ مو غريب هو أخوي فـﮧ احچيلي مُمكن اساعدچ ونحل المشكلة وبعد ما تكرر ويتعصب..

-ماكو شيء مُجرد گلتله أنت تحبني بسبب شكلي يشبه وجهة زوجتك وهو عصب شدعوه علية..

رفعت حاجبها وشهگت: "صُدگ تحچيين؟؟..

-أي وغلاتچ حُبي..

سانـدرا: شبيچ ماتيلدا هو هذا كلام ينگال بربچ؟ شگد لازم اشرح الچ واگلچ أخوية مريض هيچ كلام يأثرر علية لأنُ مو كلام عادي ويخص زوجتة!!

وترا هو صح بالبداية تزوجچ بسبب الشبه بينكم "چانت فكرة أبوي.. بـَس بأول شهر نسئ وبدأ يميل الچ وشگد لاحظتة يحاووول ينسئَ تمامًا ويغير من نفسة في سبيل يقنعچ بعلاقتكم الزوجية حتئ يضغط علئ نفسة ويصبر بروحهَ..

-حگلچ شيء بـَس فِدوۿ لا تهلهلين..

أبتسمت بعُمق وگالت بفرحة: "حاااامــل؟؟..

-عزه بعينچ منين حامل من زرف الحايط..

سانـدرا: اوووه لعد شنو ذو الفقار حامل ؟..

-شنو تبادلنا الأدوار حُبي..

ساندرا: أدبسزز ولچ ههههههههه لعد شنو؟؟

-أحزري فقَاري البارحة شنو گالي؟..

غمزتلي وگالت: "مممم فقاَري وكذا لحظة من صُدگ عزه بعينچ منين عرفتي أسمه الحقيقي؟

-اوووه والله قديمة، هو گالي أسمة بعظمة لسانه بدون ما الح علية، اقصد كذب ياربي اي صح لحيت علية بـَس ملحتي جابت نتيجة وعرفت أسم توم كروز القصر..

سانـدرا: أهاااا مممم بلا شنو الأعتراف غرديلي أسمع..

لفيت خصله من شعري علئ أصبعي وسرحت وعيني علئ الأرض وأبتسمت :" هآآ هو شسمهَ..

سانـدرا: عزه بعيني ماتيلدا تخجل وتستحيييي اوييي اوويي شگال ولچ أحچي رح اهلس شعرچ هسسسة..

-متوحشة صايرة نزول عليچ أني رقيقة ما أتحمل..

سانـدرا: اللهم طولكي ياروح بصوت أخوييي، غير تحچي وتغرد بنت الحلوو..

-گالي شسمه..

سانـدرا: دخيلك ياربي..

-أحبچ..

شهگت وجاوبتني:"چذاااااااابببببببههه.. ؟؟

-وأمنا العذراء إلي ما أحلف بيها كذب..

ساندرا: والله والله ؟..

-أيي وغلاتچ گال أحُبكي كثيغ..

ضلت تضحك وعيونها دمعت من الفرحة ضربتني علئ كتفي وگالت: " اوف فِدوۿ ياعمري أنتو..

-تؤؤ شبيچ گلبتيها دراما وتبچين گلتلچ أعترفلي مو توفيت..

سانـدرا: نچبي أسم الله عليچ بـَس فِدوۿ ربي يحفظكم لبعض ويديم هالمحبة..

-أني فرحانة..

أبتسمت وجاوبتني: "صُدگ شنو ردة فعلچ؟..

-حضنته وردت أبوسة بـَس أستحيت شسوي..

سانـدرا: أوووي

-مع أحتراماتي الچ بـَس وووجعه..

اجت حضنتني قوي صرخت بأذنها: "خرب يومچ عصرتيني عصرر..

سانـدرا: شخليلها وأطيب..

-شكر مثلي..

سانـدرا: يُماي الله يساعد قلب أخوي عليچ المُهم فرحتيني والله يارررب دوم هيچ سعيدين ودوووم أنتِ فرحانة وترا هالله هالله بأخوي فرحي خطية والله يحبچَ بـَس أنتِ الثولة ما تعرفين تكسبينه الچ..

-مشتهية كبسة دجاج علئ الغدة والله چانت تسويها أم لورين كُلش طيبة علئ طريقة السعودية وتضبطها..

سانـدرا: أنييي وين احچي وأنتتتِ وينن

-اصارحچ بشيء ؟..

سانـدرا: خير ياربي أي گولي ؟..

-باعي ما أعرف هالشيء طبيعي أو لا ولو كل شي بحياتي مو طبيعي بـَس المهم أني من شخص يتغزل بيه أو بالأحرئ ذو الفقار ماكو غيره يتغزل فـﮧ أي أخجل وأصير أجوع وأشتهي أكل ما أعررف ليـشَ..

سانـدرا: خاف حامل ودا تتنسين ؟..

-شبيچ حُبي عيب هالسوالف تنسأل اصلاً..

سانـدرا: يعني مو حمل ؟

-لا طبعًا..

سانـدرا: ما صاير شيء بيناتكم تقارب وهيچ أمور ؟..

-لا بـَس بوسة أم الصوت..

سانـدرا: ههههههههه ماتيلدا وتالي وي ردودچ رح اجلطيني!!..

-غير الصراحةَ هذهِ ياحُبي..

سانـدرا: أتقربي الهُ وأكسبي لصالحچ ترا هواي بنات من أقاربنه يتمنن كلمة من أخوي..

-ياكلن تبن حشاچ حبيبتي..

سانـدرا: يالله الحَـمدلله تغارين..

-شلون ما أغار علئ زوچي حبيبي..

سانـدرا: يلا انسد الموضوع وبالنسبة لأبراهيم إذا سوا بعد شيء أنبلغ علية ماكو غير القانون وحاليًا ما تعرفين أنتِ عنوانه فننتظر منه تحرك حتئ نتصرف ونرتاح منه..

-ساندرا أختي كاردينيا يمه!..

سانـدرا: أعرف وگلتيلي وما بيدي شيء شسوي؟ إذا احچي حرف واحد لأهلي تقوم القيامة بهالقصر بالمعنئ الحِرفي..

-ليش ؟

سانـدرا: تتذكرين كلام الاغا وأخواني البقية من شافوا التصوير التشريح جثة الحارس..

-آي كلام بالضبط تقصدين ؟..

سانـدرا: بخصوص شافوا حرف F..

حكيت رگبتي وارتبكت نزلت راسي وصرت ازلغ بأيدي وبقيت ساكتة..

سحبتني بسرعة وگعدتني علئ القنفة الموجودة قريبة مني وراحت ركض قفلت باب الغرفة مالتها..

جابتلي كوب مي اخذته منها وأني أجر النفس گوه..

سانـدرا: سوده علية ولچ شصارررر ليش فجأة حالتچ انگلبت ١٨٠ درجةة..

كحيت بقوة طبطبت علئ ظهري ضليت أجر نفس وأتنهد وساكتة..

سانـدرا: احچي أي شيء فدواااا ماتييلدا!!..

حچيت بصوت مُتقاطع: "ما أعرررف ساندرا بـَس مُجرد أسمع بحرفه وينجاب طاري هالقاتل الحقير معدتي تنمغص ورگبتي تحكني ايدي تأذيني وأشوف روحي لا اراديًا ازلغها وأطلع دم بسبب أظافري بدووون وعي ما أعرررف ليشششش..

سانـدرا: هالشيء يصير بكُل مرة لو قليل ؟..

-لا مو كُل مرة بعض الأحيان أو بالأحرئ مرة مايصير شيء بيه وطبيعي وأصلاً محتقرتة وإذا أسمع صوتة ما أسكت وأرده، ومرات لا، لساني ينربط وأوضاعي كُلهاا تتخربط!!..

سانـدرا: شعجب ؟ حالتچ غريبة صراحةً متأكدة بسبب الحرف؟ ما معقولة!!

-أي أي..

سانـدرا: روحي أنتِ لا يگعد ذو الفقار ويفتقدچ وعباله ما موجودة بالقصر والله كريم..

-بـَس ما كملتي الموضوع؟..

سانـدرا: يا موضوع فِدوۿ لعينچ ماتشوفين وجهچ شلون انخطف لونه وحالتچ شلون تخربطت..

-مو مُهم متعودة! أي كملي أسمعچ ساندرا..

سانـدرا: ما احچي فِدوۿ خايفة عليچ!!!

-أحچي لخاطري!! بالنسبة إلي معليچ بيه ما يصير بيه شيء اطمئني..

سانـدرا: F هو عدو والـدي ، ما چنت أعرف أسمة ولا حرفه بـَس أنتِ گلتيلي القاتل يدعى نفسه بـF وأخواني گالوا القاتل حرفـه F فأني ربطت بالحدثين واستنتجت إنُ هو المقصود ..

-عدو؟ إذا تعرفين أكثر احچي؟

سانـدرا: ما أعرف صراحةً بـَس هو هالمُجرم كان من زماان يجي يقتل اشخاص من اقاربنا لو من حراسنا وشگد والدي حاول يقبض علية حتئ الشرطة وما گدروا ..

عنده هواي شخصيات وهواي أسماء والظاهر عنده علاقات سياسية أو بالسلك العسكري وهم دا يساعدونه بالجرائم ويطمطمون علية يعني شُركائه..

-أهَاا !!..

سانـدرا: أي هذا كُل الأعرفة..

-الرب كريم يصير خير..

سانـدرا: والنعم بهِ..

..

Back to the present

كملت أكلي وگمت غسلت وگعدت بالمطبخ.. دخلت عمة عائشةَ تمشت يمي أبتسمت وباستني بخدي وراحت تدخل للگلب وحنينة حيَيييل كلامها احس بي دفو..

رفعت راسي أشوف سجَئ بعدها گاعدة بالمطبخ والخدم يغسلون الصحون، ما حچيت شيء من صُدگ دا أتجنب المشاكل وبأخر أشهر صايرة هادئة زيادة عن اللزوم

مُمكن هالهدوء يكون ما قبل العاصفة ؟ . .

دخلوا ذو الفقار وذو النون . .

عدلت گعدتي وبقيت أباوعلهم ساكتة، نفس الهيبة والوكفة نفس حدة النبرة ورفعة الحاجب نفس الحركات بحيَث ينعرفون أخوة بدون معاشرة الهم..

وكفوا قريب من سجَئ وهي ارتبكت وعافت الي بيدها وسألتهم شكو ؟ . .

ذو الفـقار: أنطينياه..

سجَئ: منو ؟..

ذو الفـقار: لا تتغابين تعرفين اشنو أقصد..

فركت ايديها بتوتر وگالت: " ما دا أفهم قصدك ترا..

ذو الفقـار: أسوار ماتيلدا إلي سرقتي رجعي لأيدها . .

أرتبكت وضلت ساكتة ما نطقت بحرف . .

أباوع علئ ايدي ما موجود الأسوار أتذكرت خليته بالحديقة، الشباك المطبخ الي يطل علئ الحديقة مفتوح، رحت بهدوء مديت راسي أباوع علئ مكان الي خليت بي الأسوار شفته فارغ صدگ ماخذته ؟..

ذو النـون: گوي (ترا) عيب عليكي هالسوالف التافهة تسوينها يابا عيب بحقكي تسغقين وتاخذين شيء ما لكي !!

ذو الفـقار: لو قولتيلي بنفسكي هالأسوار كان جبتو بعيني ما يرخص علئ بنت عمي بـَس تاخذينو بسرقة موحلوي بحقكي خلي هالموضوع بيناتنا وغجعي الأسوار لمغتي وكفينا شركي فدوا أروحلكي يابا ..

حچيت بعدما خليت نفسي بمكانها وبهالموقف الي يفشل ومخجل إلئ درجة..

-ذو الفقار أسمعني، ما محتاجتة خلي عدها ليش تكبرون الموضوع ما يسوه، مُمكن عجبها كُلش عادي خلي تاخذه إلها هو بالنهاية أسواره..

ذو النـون: بـَس موحلوي تاخذ شيء ما إلها شفتها بعيني أشلون باوعتلكي بحقد وأخذت الاسوار بأبتسامة لبسته وغاحت للمطبخ..

قبل ما يكمل كلامة نزعت الأسوار خلته بيد ذو الفقار وطلعت . .

كُلنا أستغربنا من تصرفها لا حچت ولا بررت موقفها علئ أقل گولي مو قصدي أو كان عندي سبب لهالشيء؟ كُلش غريبة سجَئ وطبعها أغرب.. ما عرفتها شنو تريد ما حزرتها..

كل واحد راح لشغلة سمعت ذو الفقار رايد يطلع للحديقة يلعب رياضة يمكن طگيتها ركضة للغرفة نزعت الفستان ولبست تراكسود رفعت شعري ونزلت ركض..

طلعت برا بالحديقة شفته واگف يدخن وحده شافني أبتسم وطفى الجكارة بيده..

-أوي عزه بعينك ايدك احترگت ترا!..

-الاغـا: أنا أشتعلت من شفت عيونچ..

-مممم اگُلك ذوذو..

-الاغـا: رجعنااا ؟

-ها شبيك ذوذي..

-الاغـا: رح تحصلين ضربة حلوة..

-ها عُمري..

أبتسم وحاوط ايديه لصدرة وگال: "أول مغه تقوليلي عُمغي ..

-اگُلك شيء..

-الاغـا: كُل شيء منكي أسمعه وأنا الممنون..

-فدواا أروحلك شوف شعندك هسة ؟..

-الاغـا: ليش هالسؤال..

-ماكو شيء بـَس جاوبني ؟..

-الاغـا: ماعندي بـَس غايد أدرب الهاسكي..

-مُمكن طلب ؟

-الاغـا: أطلبي عيوني ترخص الچ..

-أحب صوتك وكلامك بالبغدادي..

-الاغـا: لعيونچ الأحبهن احچي بكُل اللهجات وأتغزل بيهن بالمصلاوي وبالبغدادي وبالفصيح لعد بوية عجل چا غير يسطرن سطر ..

-أموت عليك..

-الاغـا: احسها طلعت من كُل گلبچ..

-أنت گلبي..

-الاغـا: هيچ هواي علئ ذو الفقـار لچ بوية شسويتي بيه..

-شسويت ؟..

-الاغـا: ولدتيني للحياة من جديد طلعتيني من القوقعة والحالة النفسية إلي عشتها خليتيني أحب كُل شيء حوالية بسببچ صرت أحُب نظرات العيونچ إذا چانت لعيونچ صرت أحُب الغزل إذا چان الچ حبيت روحي لأن تعلقت بيچ..

-وأني تغصنت روحي فرح من عرفت روحي متعلقة بيك!!..

-الاغـا: أنتِ سوارٌ حول قلبي لم أتخيل أبدًا أن أكون سجين الورود..

أبتسمَت وبقيت ساكتة تقدم يمي ولزم ايدي ومشاني ورا القصر مكان فارغ وهادئ محد موجود فقط أسمع صوت زقزقة العصافير والأوراق الأشجار الخفيفة، تقرب مني أنفاسنا أختلطت وأمتزجت بنفس واحد حسيت بدفو صوته الرجولي القريب من مسامعي..

-الاغـا: ‏أوَدُ تَقبيلكِ بِتَعمّقٍ ، بِتَمَهلٍ ، بِهُدوءٍ وبِقُوَة..

-والطلب ؟..

-الاغـا: احترگوا واشتعلوا بغاز ونفط..

-منو ؟ إذا ميتين حرام عليك وإذا عايشين ليش تحرگهم هي هاي مبادئك غشوني بيك..

-الاغـا: هضيمه يابا هضيمه..

-وسفهَ..

دفعته من صدرة وگلتله: "نفذلي طلبي وعوف رومانسيتك تسويها بكُل مكان..

-الاغـا: طلبيش ؟ شسوي إذا أنتِ بنظرات عيونچ ما تخلين عقل براسي..

-هيچ تحُب عيوني؟..

-الاغـا: روحي بيهَن أدعي الله كُل يوم فجر ما أنعمي مو لأجل شيء بـَس حتئ أشوفهن العُمر كُله وغلاتچ عندي! ..

أبتسمت وباوعتلة بنظرات بريئة: "هيچ تحبني؟!..

-الاغـا: وأكثر بوية بـَس هو الحُب بالمواقف ومو فقط بالكلام وإن شاءالله أثبت الچ بالأيام القادمة..

حُب ذو الفقار مُختلف، أنا إذا أخلي شيء أبالي حتئ لو مُستحيل أسوي، إذا حبيت شغلة أخذها من حلگ السبع، أنتِ وردتي إلي بـَس أنا كُل شيء بيچ أحبة حتئ ردودچ وكلامچ، تفاصيل وجهچ خوب عيونچ سالفة وحدها..

الله ينطيني عمر وأسعدچ بي بـَس خلي أفرغ هالفترة وأصير كُل كلي الچ وكُل وقتي الچ ونطلع حتئ من القصر..

-زين سؤال فُقاري؟..

-الاغـا: ها يا صليبي المُميز..

-ليش هالكثر شايل حُب بگلبك إلي ؟ شنو السر..

-الاغـا: أكثر من ٧ أشهر عشتها وياچ كُل يوم بهالأشهر أنا أدعي الله يديم هالنعمة بحياتي إلي أسمها أنتِ..

-حتئ أستحي اگول جوعانة..

طگها بضحكة وحضني لصدرة وگال: "بوية شگد أحبچ ربي أحفظ ماتيلدا إلية وما رايد شيء ولكعبة الشريفة..

-احتوينيّ روحَي تتعَب لو عفتني..

-الاغا: احملُكِ في قلبي ، كما يحمِلُ المرء هويّته ووطنه وأهله وكل ما هو ثابت غير قابل للتغيير أو التّخلي يومًا..

حاوطت ايديه ظهرة وحضنته بقوة مغمضة عيوني وأسمع نبضات گلبه السريعة وأنفاسة الحارة..

-فُقاري..

-الاغـا: ها صليبي المُميز ها يا بقائي..

-بقائي؟!..

-الاغـا: أنتِ بقائي، أخجل من أن أناديكِ بشيءٍ قد يَزول يومًا..

-فدوااا أروحلك..

رجعنا للحديقة وأيدينا بأيدين بعض مُتمسكة، خجلانه أحچي وهو يضحك علئ خجلي وتوتري وكل ما أباوعلة يبتسم ويشدد لزمة ايدي..

گلتله: "شصار علئ الطلب؟..

-الاغـا: گولي شنو هو ؟ وعيوني الچ..

-أريد أدربني..

-الاغـا: تدريب شنو؟..

-علئ تصويب بالرماح وأستخدام المُسدس بمهارهَ..

يتـبع 🎭 . . .

⭐⭐⭐⭐⭐⭐

لاتنسون التصويت وتعليقاتكم🤤

شوفوني تفاعلكم القوي حتئ ينزل باچر بارت 🙈🔥🔥

الكاتبة#نمارق رحيم⚜️