رواية شخوص متداخلة الفصل التاسع والثلاثون 39 - بقلم .

روايـة: شخـوص داخلـة

لِا تنسون التصويت والتعليق ع كُل فقرة🔴.

ثُمَّ تُمزق تِلكَ الصَفحة الَّتِي
كانَ يَعز عَليكَ طَيُّها .

_______

أسمَع كلامهم وأني مُتخذه وضع الصامت بشكل كارثي وعيوني ودهم يقلعون من مكانهم علئ الكوارث الي دا تسمعها أذني !!

عبد القـادر: من اليوم غاح أخبغ أغجالي ويبحوشون علئ F يابا عقابو غاح يكون قوي كثيغ مني

ذو النـون: اخ لو الزمو ادمي والله العظيم ادفنو وهو عايش!

ابـاذر: اطلعو من تحت الأرض إن شاءالله موتو علئ ايدنا شتگول الاغا ؟

-الاغـا: ول أبويي اللزمو ويصيغ خيغ

ذو النـون: هاليومين يصيغ جوا ايدنا أكيد

عبد القـادر: ول يااابة كثيغ صدمني !!

-الاغـا: علئ اشنو مصدوم يابا ؟ المفغوض متوقع هالشيء منهُ من زماان كثيغ

انا قولتلك كوي (ترا) إنُ هو الي قتل الحاغس بـَس أنت الي عاندت و غفضت كلامي ما تقبلتو مع إنُ هو صح وهسة بيدك دليل

ابـاذر: صحيح كلامك خيي لكن حقو أبوي ينصدم ما أنا كذلك مصدوم وابو العون هم! ما تخيلنا غاح يغجع أنا بذاتي فكغتو أبتعد نهائيًا

صفگ ايد بأيد مُستهزء وما رد . .

ذو النـون: وهسه شلون نلقاه وين نعغف هو وينو ؟ بأي أرض موجودي

ابـاذر: سهلة وبسيطة خليها علية هاليومين القاه

عبد القـادر: كفو منك يبني

ابـاذر: عند عيناك يُبا

سألتة: "ليش عندك هالثقة الكاملة بنفسك إنُ رح تلگاه زين شلون ؟ أنت شنو شغلك اباذر ؟..

ابـاذر: أنا ضابط ماتيلدا

- صُدگ!!!!

ابـاذر: اي ليش أنصدمتي ؟

- ما يلوگلك والله ما عبالي تطلع ضابط

رفع حاجبة ما عاجبة كلامة حك لحيتة وگال وهو باين علئ ملامحة النرفزة . .

ابـاذر: اشنو تقصدين اشنو يلوووق الي مثلا حارس زبالة

- هيچ شيء

ابـاذر: اغا وخغ مغتك مني لا أغتكب بيها جغيمة وحق الله

- ليش ما تتقبل صراحتي سألت وجاوبتك قابل اكذب عليك ؟

التفتت علئ الاغا وگلتله بنظرات تمثل البرائة: " تقبلها يا زوجي حِبيبي ؟ . .

أبتسَم مُستهزء مثلي وجاوبني: " طبعًا لِا ، اكرهو للكذب . .

- شووف وهاي هياته جاوبك الاغا

ابـاذر: اللهم طولكي يا غوووووح

-الاغـا: تؤؤؤ وسفهَ

- تؤؤؤ هضيمهَ

هزينه ايدنا مُستهزئين علئ حالنا وَ وضعنا صح يحچَون ببرود بـَس أعرف وراها تگب ويصير أنفجار دا يخططون علئ هواهم كالهدوء ما قبل العاصفة . .

سكتت أباوع بوجوهم متوترة عيني صارت علئ ايدي دا ترجف . .

فكرة إنُ اگعد بوسط ناس يعرفون قاتلي ويتحدثون بكُل جرأة عن المُجرم احسها غريبة وما يتقبلها عقلي أو لأنُ ما توقعت رح يجي هاليوم

ضليَت مُتجمدة بمكاني بـَس أستمع لحديثهم تمشيت بهدوء أخذت اللابتوب وهم مُستمرين يتكلمون بخصوص F . .

تلمست الشاشة لساتها مفتوحة، أباوعلها بتفاجئ فعلاً هذا حرفة هو يعني دا يقصدونه هو بذات نفسه مو غيره!

إبراهيم F . .

تركت اللابتوب ورجعت لمكاني مكتفة ايديه لصدري، بالي سرح بعيد وما أندمجت وياهِم، رجعت ذاكرتي لقبل فترة بَيوم إلي خطفني بي إبراهيم!

من اتكلم جزء بسيط عن الماضي مالتة أو بالأحرئ جزء بسيط عن سبب دخولة لحياتي!!

..

- سؤال واحد جاوبني علية بأمنا العذراء "لـيش" سويت هيچ بيـه؟! شنو غايتك وين رايد توصل ؟!

-إبراهيم: لمكانة عبَد القادر

- أبن القادر؟! بشنو اذاك؟

-إبراهيم: عداوه قديمَة

- وأنت دمرتني علمود تنتقم منهُ ؟

-إبراهيم: صح بالضبط

..

أحس بتشوَش بعقلي ما صرت أميز بالأحداث حولي شدايصير بحِياتي شنو أنتقام شنو عداوة! ليش أني الي صايرة ضحية هالتدميَر ! شنو ذنبي ؟

ليش ما دا الگه جواب مُقنع ؟

عبد القـادر: أحنا نخطفو ونعذبو أحسن لا تدخلون الشرطة وماكو شاهد ولا عدنا دليل هالحرف ما يكفي بـَس أحنا نعغف هو القاتل غيغنا ما يصدق بسهولة

من سمعت كلامة ضحكت وهزيت ايدي يريدون يخطفون إبراهيم من كل عقلهم ؟ . .

بس ليش ما يذكرون أسمة ليش بس حرفة ؟ يا ترئ ما يريدون يگولوا بوجودي لو ما يعرفون أسمهُ اساسًا ؟

سألتة: "ليش ما تدخلون الشرطة ؟

عبد القـادر: إذا يدخل F، الاغا ويا غاح يدخل

أكيد هالنذل غاح يشهد علية وتصيغ مصيبة كبيغة وتنفتح السالفة إلي بالقوة سديناها من سنة ٢٠٠٦

- يا سالفة تقصد ؟!

ذو النـون: قتل أخوي جمَال الدين

خزره عبد القادر وگاله بحده: "أسسـكتت لك!!!..

هز ايده وجَاوب: "ما حكيت شيء يستوجب السكوت عنهُ لو الإ تعتبغون ماتيلدا غغيبه وما تغدونها تعغف ؟ . .

عبد القـادر: وبعدين وياك أنت غايد تجلطنا بجفصاتك

ذو الـنون: سكتنااااااااا

عبد القـادر: لِا تعلي صوتك علية ذو النون!

ذو النـون: أسفين

أباوع علئ الاغا ما حچه شيء بس مبين علية أنغث ورث جكارة من جديد وبقئ واگف بمكانة ساكت يدخن

ابـاذر: دحقو أعتقد هو ما كان هيك ما صح ؟ منين اجتلو هالجرأة الكبيغه ؟

-الاغـا: الي مثلو كُل شيء قادغ يعمل لِا تتفاجئ يابا

ابـاذر: بـَس توصل بي يقتل الحاغس ؟

ذو النـون: ليش نسيت حبيبة القلب اشلون انقتلت ؟ وعلئ يد منو ؟

تغيرت ملامح الاغا من الهدوء إلئ العصبية وكأنُ كان صابر علية وهسة رحَ ينفجر بي !!

صار يهز براسه تقدم اله وضربهُ كله قوية من يمي راسي أذاني وصار صوت بأذني ..

-الاغـا: سكتت بما فيهُ الكفاية ابو العون لو تبلعو لسانك وتسكت لو أطلع مسدسي وأرميك ولكعبة عقلي فاقدو وتعغفني مجنون من زمان أنااااا وليس علئ المجنون حغج

أحتغم نفسك يا أخييي كاافي شهالمهزلة هذهِ مليت منك ومن الكُل شقد أعيد بكلامي يعني ؟ كاااافي احكي بأي لغة وبأي لهجة حتئ تفتهمون

إلي يفتحو لهلموضوع أحسب الله ماخلقو ، إلي بهالقصغ احتغمو انفسكم ول كافي تذكغوني لخاطغ الله كااااااااافي حسووو

ذو الـنون: نعتذر يابه ما حكيت شي ومشكوغ علئ الضغبه بغاسي ما قصغت

-الاغـا: انچب ابنل* *

عبد القـادر: واقف يمك أنا وتسبني ونعم التربية الزفغه

-الاغـا: غايح أصعد فوق لغرفتي ناركم تاكل حطبكم أساسًا أنا ما أتدخل بيكم أشجابني وتدخلت يابا يلعن الساعة إلي قررت بيها أغجع أتعامل وياكم طبيعي وأنسئ الماضي ويلعنكم

أسمع كلامهم ومتفاجئة أحاول أربط وما گدرت حچيهم كله اللغاز وما يكملونه

شالقصة شنو حسدتهم توني گلت ما شاء الله شگد حلوة أخوتهم

خزرتني ساندرا وأشرتلي بعيونها بمعنئ الحگي روحيله ولا تعوفينه وحدَه . .

هزيت راسي بالقبول ورحت أركض ورا لزمت كتفة قبل ما يصعد الدرج گال وعينه مو علية: " اشغايده ماتيلدا ؟

أبتسمت أحاول اللطفَ الجو وأهدئة أعرفة عصبي . .

- شلون عرفتني أني إلي لزمتك ؟

التفت علية ولزم ايدي خلاها علئ قلبة وجاوبني: "هذا حس . .

- زين هم نعمَـة

-الاغـا: ول غاح اجلطيني بغدودكي وخغي مني غايد اصعد

- تريدني أوخر منك ؟

-الاغـا: أي

- متأكد ؟

صفن بوجهي وما عرف شنو يجاوب . .

-الاغـا: عجيب أمغكي ، محتالة أنتِ

- تعال وياي لا تصعد عندي شيء مُهم اگوله الك

-الاغـا: لا تكذبي وتخدعيني

- وأمنا العذراء ما أكذب

-الاغـا: تمام أصعدي للغرفة

- صُدگ تحچي أصعد 3 طوابق علمود كلامي لا لا خلي نحچي بالمطبخ لو بالحديقة

-الاغـا: ليش وإذا ؟ وين المُشكلة

- ما بية حيل أصعد

مُباشرةً خلا ايده علئ كصتي تلمسها بقلق وگال: "اشبيكي ماتيلدا اشنو يوجعكي احكيلي يابا !!؟؟ . .

- ما بية شيء بـَس تعبانة

-الاغـا: سلامة روحككي الحلوي من التعب

- أي صارلي يومين ما نايمة زين وهم انجلطنا من الي صار

-الاغـا: صحيح حقككي يابا امشي للمطبخ احكيلي الي عندكي تالي تصعدين للغرفة بدون نقاش تمام ؟ تغتاحين وما تنزلي أبدًا وغاح احكي مع الخدم يوصلونكي الأكل اعغفكي ما ماكلة شيء وجهككي مُصفر

- تمام عيني

أبتسم وتلمس عيوني بيدَه وباسها تالي طبع قبلة سريعة علئ خدي وأبتعد وهو يگول :"سالمات عَيونكي الأحبهم . .

تجمدت بمكاني بعد بوسته الجريئة نبضات گلبي تسارعت وما عرفت شحچي لساني حسيتهَ أنربط

غمَزلي بضحكة من شاف احوالي شلون اتخربطت وأتوترت . .

أشرلي بأصبعة علئ إتجاه المطبخ . .

التفتت اريد أمشي عيني صارت عليهم يباوعون علينا ضربت كصتي وجهي صار احمررر نسيت هم موجودين يااربييييييي

عبرت بسرعة بكُل ثقة ويا جبل ما يهزك ريح وأسمع ضحكة عبد القادر الله ياخذني شلون موقف انخليت بي أكيد هسة يلزمها علية ما يصدگ اخ يا گلبي الغبي

دخلت للمطبخ غسلت وجهي وايدي علئ گلبي هسة أهدئ روحي لو اهدئ الاغا ياارربي..

دخل الاغا ايده بجيب بنطرونة ويضحِك . .

ركضت بأتجاهة حچيَت بأنفعال وأصبعي بوجهة: " أنت شلووون شلوووون تتجرأ وتبوووسني لا وگدااام اهلللك گدامهم شهالسخافة هذهِ جااوبني شنوو معنئ تصرفك السخيييف مثلك يا أدبسرزز

-الاغـا: قولتلك سغسغيتي تطلع عليكي أنتِ بـَس

- صار وجهي أحمرر بسبب ادبسززيتك وأنت ولا يمك

-الاغـا: لسه ما شايفة شيء، دام صغتي مغت الاغا أتحملي يابا

- أوووي ديلا هو منو الاغا

شمر الجكارة من حلگه وسحگها بحذائة، سد باب المطبخ وتقدم بأتجاهي . .

باوعتلة رافعة حاجبي: " خير رئيسنا علئ شنو ناوي بلا ؟ . .

-الاغـا: النية أنتِ

- شقصدك ؟

-الاغـا: أنتِ ليش ما تحسين بيه

- شگالولك ما عندي أحساس الحَـمدلله عندي أحاسيس ومشاعرر

-الاغـا: باردة حيل

- أدفيك ؟

-الاغـا: ول أبويي ويلوموني بيككي من أقول ما تحس ديلا هو هذا حظي يبقئ أعوج ويَ الأغيدها

- دبوس ايدك وأرجع بوسها صارت ماتيلدا من نصيبك احلئ حظ بالدنيا عندك دا تحچي وياي تصبح وتمسي علية وعلئ عيوني غيرك يتحسر مني كلمة

-الاغـا: عادي ابوسككي بمكان ايدي

- لا تستخف براسي رجاءً هالسوالف ما أحبها

-الاغـا: تالي تعشقيها بسببي

- ليش يمة هالكثر واثق من نفسك ؟

-الاغـا: الشيء إلي أخلي ابالي واحكي يصيغ وهذا وعد مني وعن قريب

- وهو شنو الي ابالك ؟

-الاغـا: غايده تعغفين تفكيغي السغسغي ؟

- لا عيني لا مشكوره تسكت أحسن بـَس اطمنك ما رح يصير اي شي من الي ابالك لا تخلق امل لنفسك كم يوم وطالعة من حياتك ماتيلدا

-الاغـا: انچبي بابا

- ششايف روحك وتسكتني بلا صارحني ؟

-الاغـا: ما يحتاج اذكرككي منو أنا

- ليش منو أنت ؟

-الاغـا: يكفي أسمككي بظهر جنسيتي

- أووي مُصدگ نفسك أني زوجتك

-الاغـا: تغدين فعل ؟

- فعل شنو ؟

-الاغـا: تصيرين مغتي! اشبيكي فهيتي

- قصدك الي ابالي!؟

-الاغـا: ههههههههه أي بوية

- تخسئ تلمسني

-الاغـا: والبوسة السغيعة الاخذتها قبل شوي ؟

- رح تتعاقب عليها مثل القديمة ، وإذا كررتها والله ما يصير خير

-الاغـا: اشنو ناويه هالمرة هم تكسرين العطور

- لا اكسر غرفتك

-الاغـا: تؤ وين الأنوثة

- أصيح وأرد كلامك وأكسر وأسوي إلي براسي وأبقئ أنثئ غصبًا عليك وعلئ الكُل

-الاغـا: هنيالي

- أووكِ

-الاغـا: كافي ماتيلدا لا تغوحين زايد خلينا حبايب

- أووكِ

-الاغـا: اشبيكي تحكين من ورا خشمكي ؟

- ما بيه شيء سلامتك زوجي

-الاغا: احكيلي الموضوع الي ردتيني بي

- احچي ليش لا بـَس بالأول أفتح الباب

-الاغـا: خايفة مني ؟

- ما أخاف من زوجي سر سعَادتي

ضحك وراح اتمشئ فتح الباب ورجع وگف يمي كتف ايديه لصدرة وهز براسة بمعنئ" احچي أسمعچ..

- تدري الجريمة إلي صارت أكو شخص شهد عليها ؟

تغيرت ملامحة من هادئ لقلق رفع حاجبة وسألني: " أنتِ ؟

- تؤ طبعًا لِا شلون أني ؟ نسيت چنت يمك موجودة بالغرفة

-الاغـا: صح كُنتي بحضني ، تدغين اشنو تمنيت باللحظتها ؟

- شنو ؟

-الاغـا: تمنيت تصيغ كُل يوم جغيمة وتبقين بحضني وغاسكي علئ صدغي افييييش يابا ما تتصوغين اشقد كنتو سعيد بوقتها

صفنت بوجهة هذا من كُل عقلة يحچي ؟

- چنك علئ حضن يا زوجي چان گايلي قبل إنُ ناقصك حنان أعوضك أني ولا يهمك

-الاغـا: لا تلعبين بمشاعري هآ ؟

- مو أنوثة مني اللعب علئ مشاعر زوجي حِبيبي

-الاغـا: يا ربي ثبت عقلي الباقي جزء صغيغ منهُ

- هسة أكمل كلامي لو أسكت ؟

-الاغـا: أسكتي وأنا أصفن علئ عيونكي صفنة الميتين وأتغزل بيهم أشنو رأيكي ؟

- والله ما أدري شگول بـَس شلون تزوجنا أني وأنت ؟

-الاغـا: القدغ جمعنا غيغ الرب يحبكي واتزوجتي الاغا غيغكي تتمنئ نظرة وحدي مني

- كلامي لا تبوگه

-الاغـا: ههههههههه تؤؤ حرام علية وحلال عليكي

- هسة نحچي جد لو شنو ؟

-الاغـا: احكي صليبي أسمعكي

- شوف من طلعتوا وأخذتو دانيال للشرطة قبلها بدقايق ساندرا گالتلي عمة عائشة شافت المُجرم ومن صدمتها وگعت علئ الأرض وأنغمئ عليها وبعد تفاصيل ما نعرفها لأنَ ما حچت أكثر من هيچ

-الاغـا: ليش ما قولتيلي من ساعة ليش هسسة

- أنطيتوني مجال احچي ؟ واحد يضغط والثاني يكبس وأنت معصب شلون احچي مثلاً

-الاغـا: أمي وينها هسة ؟

- نايمة علئ ما أعتقد

-الاغـا: بغرفتها ؟

- أي صعدتها ساندرا قبل ما تدخلون القصر

-الاغـا: سهلة

- شنو رح تسوي ؟

-الاغـا: تعالي وراي

- ما اجي ورا أحِد أمشي نروح سوية

-الاغـا: أم غاس اليابس

- تروحلي سبع فدوات

-الاغـا: امشي لا تطلع سغسغيتي وأنتِ رقيقة ما تتحملين

- منو الغبي الضحك عليك وگالك ماتيلدا رقيقة؟

صار يباوع علية من فوگ ليجوا وتالي ركز علئ شفايفي ضحك وگال بهدوء . .

-الاغـا: هنيالي عليها

- نزل عيونك سرسري

-الاغـا: انچبي وأمشي

ما تحملت مديت ايدي علئ الخواشيگ الي يمي وشمرتهم علية بَنرفزة . .

ابتعد ليورا وخَزرني دفعهم برجلة وتقدم يمي لزم ايدي بحركة سريعة ولواها ليورا ظهري وهَمس بأذني . .

-الاغـا: ول أبوي لِا تتمادين أكثر حتئ ما تشوفين شيء موحلو مني وما يعجبكي ماتيلدا !!

قد احكي بهداوه معاكي وأحاول قدغ المُستطاع ما أبين لكي مرضي وأتعامل معاكي مليح لا تخلين أطلع جنوني عليكي وهذا الخايف يصيغ . .

- أول شيء أترك ايدي!

-الاغـا: لا تصيحي ماتيلدا اشنو قد احكي أنا ؟!

- اترررررركها لأيييييييييدي

دفعتهَ بقوة وأبتعدت عنهُ!! طلعت من المطبخ بدون ما أباوعلة وهو يصيح بأسمي . .

أريد أصعد الدرج ركض ولزم ايدي وهو يصيح: " قد احكي معااكيييييي جاوبيني ولا تلبسيني !..

دفعت ايده من ايدي وجاوبتة بحدَه: "شنو تريد احچي ؟؟

-الاغـا: بالحكي لِا تنتغين أفضللكي

- هسة شنو المطلوب مني ؟

-الاغـا: ما صاغ شيء يخليكي تزعلين لا تصيغين أنفعالية زيادة عن اللزوم

- خلصت كلامك ؟

-الاغـا: عجيييييب!!

- رايحة أصعد لغرفة عمة عائشة

-الاغـا: لا حول ولا قوة إلا بالله !!

ما رديته، صعدت أول بايتين وهو صاح لأخوانة وأبو يجونَ ، واجت وياهم سانَـدرا تركض . .

سبقتهم ودخلت للغرفة ثواني ودخلو وعيني صارت علئ سَجئ دخلت وياهم وكفت بصف الاغا باوعتلي وضحكت بحَقارة هزيت ايدي الحَـمدلله علئ نعَمة العقل . .

كُلنا تجمعنا حول سريرها تلَمس خدها الاغا تالي صاح: " ول أمي حغاغتها مُغتفعة وين كنتو أنتو أتصلوو علئ الدكتور بسغعة!! . .

سانـدرا: قبل ساعة چنت يمها ما بيها شيء بـَس نايمة!! والله

-الاغـا: حكت شيء ؟

سانـدرا: لِا حاولت احچي وياها وماكو أي جواب منَها وبقت نايمة وعندي شك بشيء وأتمنئ شكي مو بمحلهُ

عبد القـادر: وشنو هو احكي ؟!

سانـدرا: مُمكن أمي بسبب صدمتهَا فقدت النطق

صفگو ايد بأيد بحرگه گلب واباذر دفع الكرسي الي گباله برجلة والوجوه كُلها انگلبت . .

عبد القـادر: اشنو قد تحكي لِا أكيد ما صح

ذو النـون: أي هي بسبب تعبهَا ما قد تقدغ تحكي شيء خلينا نتركها تغتاح

-الاغـا: ول من كُل عقلك قد تحكي أتصل بالدكتور !!

عبد القـادر: أي صحيح كلامو أتصلو بالدكتور خلي يفحصها وأنشوف أشنو بيها عائَشتي..

ذو النـون: تمام غاح أتصل

مر وقت والدكتور فحصها وفعلاً گال لسانها صار ثگيل ما تگدر تحچي بصورة طبيعية بـَس أقل من شهَر وتتحِسن وحسب راحتها

طلع دكتور العائلة من القصر وكُلنا تواجدنا بالصالة تركتهم يحَچون ورحت إلئ لورين

گاعدة بعيد عنا كُلش بأخر القنفات رجليها لصدرها وشعَرها الكيرلي مغطي نص جسَمها شفتهَا لسه تعبانَة وعَيونها حُمر تغمض وتفتح عيونها بسرعة بحركة ما تريد تنَام . .

گعدت يمها عدلت گعَدتها وتحمحمت . .

لـورين: ها ماتيلدا رايدة شيء ؟

- بلا رسمية

سكِتت سحبت ايدها وجريتها لحضنَي صار راسها علئ صَدري دقايق قليلة وحَسيت بيها دا تبچي وتشهگ بصوت ناصي . .

بعدتهَا عني وگلتلهَا بهدوء: "لِا تخافين رح ينتهي كُل شيء وأني متأكدة..

لـورين: بـَس ماتيلدا إذا ما طلع دانيال شلون؟ والله إذا ما طلعوا أسجن روحِي ويا!!

- لِا حبيبتي يطلع إن شاءالله مسحي دموعچ وتفائلي بالخيَر . .

لـورين: روحِي مُتعلقة بي مُدمرة أني حاليًا أريد دانيال يرجع ماتيلدا فِدوه سوي شيء احچي وي الاغا أو وي أي أحِد!!

- حچيت وي الاغا وگال يومين ويطلعَ

مسحت دموعهَا بفرحة: "صُدگ ؟ يعني يومين بالضبط ويطلع متأكدددة ؟

- أي أنطاني كلمة وَ وعدني

لـورين: الرب يحفظة ويحرسَه

- قبل شوي تعاركنا أني وياهَ

لـورين: ليش ؟

- يصيحَ ما عاجبة العجب وشايل خشمهَ عبالك بـَس هو الاغا بهالكون ولِازم أخذ بكلامة ما يدري ماتيلدا ما تنجبَر علئ شيء ما راغبتةَ ولِا أحد يتأمر عليهَا

لـورين: بـَس أني أشوف العكس! حچَه وياي من نزل الدكتور ، وأسلوبة كُلش حلو وحنين بشكل وتعاملة احلئَ كأنُ دا يحچي ويَ طفلة ويطمنها علئ لعابتها رح ترجعَ عن قريب

- دانيال صارت لعبة بيها الخَير

ضحِكت بخفهَ وگالت: " أهم شيء الفكرة والمَعنئ..

- أتفهمچ أتفهمچ ، لورين أسئلچ سؤال وجاوبيني حتئ نفتحَ موضوع طويل

لـورين: تمام اسئلي..

- أنتِ عندچ مشاعر حُب الهُ ؟ يعني تحبين دانيال ؟

ضحِكت وطلعتلي ايدها وگالتَ . .

لـورين: أني ودانيال مَخطوبين

شهگت من الصدمة وفتحت عيوني بوسعهم تجمدَت بمكاني أباوع علئ ايدها، أصبعها مُتزين بحلقة الخطوبة!

- من يمته وشلوون انخطبتوا وليش محد گالي !!؟؟؟ صُدگ تحچين لورين؟؟

لـورين: اهدئي أي صُدگ احچي ومن يمته؟ صارلنا شهَرين وليش ما تدرين ؟ ما گدرنا نگلچ لأنُ إبراهيم حبسنا تحت الأرض بهالشهَرين كُلها من ثاني يوم خطوبة أنخطفنا

شهگت وخليت ايدي علئ حلگي: "شداتحچيين ولچ شوي شوي صدمااات مووو هيييييچ..

لـورين: أنتِ سألتيني

- شلوون خطبچ ؟؟

لـورين: أعترفلي بمشاعره وبحُبه إلية وأني ما أكذب عليچ واگلچ ما أحبة لا أصلاً دانيال حُبي من الطفولة بـَس ما چنت اخليكم تنتبهون وتشكون بحُبي فَـﮧ أيي وافقت بكُل حُب وصارت خطوبتنا بالكنيسة

- ولچ صدمتيني بكلامچ والررب فهميني احچيلي بالتفصيل أريد أعرف كُل شيء أحِس عقلي رح أفقدة شنوو مَخطوفين صارلهم شهرر شلوون!!

عدلت گعدتها وبدت تسَولفلي بهدوء . .

لـورين: إبراهيم اجا للعراق ودعمني وهو الي كان سبب شلل نطقي وتعالجت بعد فترة وهالاشياء تعرفيها صح ؟

- أي أعرف دانيال خابرني وگالي بس بوقتها ما نعرف إبراهيم هو F، بـَس ليـشَ دعمچ ؟ گالي إبراهيم من خطفني قبل ٣ أيام إنُ أنتِ عرفتي وكشفتي لذلك حِاول يقتلچ حتئ ما تحچين لأحد وتفضحينه

لـورين: أي صحيح، رحت للمركز الشرطة والضابط شرط علية إنُ أشوف صورة المُجرم بطلب مُقزز واراني صورة إبراهيم وبيومها أنصدمت كُلشششش وضليت الطم لأنُ أدري بيچ بوقتها بديتي تحَبي وعرض عليچ الزواج فچانت مصيبة كُلش كبيرررة وبيومها هالضابط أنقتل F قتلة ذبح ودعمَني بليلة ظلمة وبعد مُعانات يلا تشافيت وصرت زينَة

- أهااااا هيچ لعد! الله ينتقم منه وياخذه ويخلصنا من شرهَ كملي وأني أسبه بگلبي..

لـورين: أي مرت فترة كُلش طويلة وصارتلي مشاكل كبيرة أشتغلت بمطعم وبهواي مجالات غيره وتعرضلي شاب غريب الاطوار صار يلحگني وأني ما أعرفة وشنو يريد مني

وهواي تفاصيل ما أريد احچيها ليش أقهرچ فوگ قهرچ الهسة، بـَس ماتيلدا مرت علية ليالي كُلش صعبة بالمعنئ الحِرفي طعم النوم ما اضوگه كوابيس المُجرم كُل يوم تتطاردني

بـَس مع هذا دانيال ما تركني وتعرفيَنهُ وتعرفين مواقفة ويانا ما يحتاج أمدح بي گدامچ بـَس هو فعلاً سند علئ گوله اهلنا تچايتي صار إلي الأخ والصديق والحَبيب

صارت مُشكلة كبيرة وهددنا إبراهيم بعد كم يوم رح يقتلنا وأنطانا موعد والوقت وأمي گالت نروح لتركيا نشَرد وما نبقئ بالعَراق

بوقتها أني ودانيال نعرف إبراهيم هو F بـَس ما واثقييَن مية بالمية !!

اجينا لتركيا أني وأمي ودانيال وأمهَ وعَشنا فترة بسيطة ودورنا علئ شَغل تالي يوم عن يوم گام يلمح إلية عن مَشاعرة وبيوم عيد ميلَادي أعترفلي وخطبَني من أمي وأني وافقت بنَفس اليوم صارت خطوبتنا بالكِنيسة وكُلش فرحانين متصورين شگد چَنت سعيدة!! احلئ يوم بحَياتي

ردت اخابرَچ بـَس دانيال گال نروح لشقتهَا أحسن ونفرحَها بالخبَر ، وفعلاً ثاني يوم رحَنا لمنطقتچ وايدينا مُتشابگه ببعَض وچَان الشوگ يكتل ونبضات گلوبنا تتَسارع بقوة لهفانين علئ اللقاء إلي حنشوفَچ بي بعد سنين طوويلة

قبل ما ندگ الجَرس شفنَا مرة كبيرة بالعُمر شافتنا وگالت منو أنتو وكانت لهجتها مو عراقية أعتقد سورية أو فلسطينية هيچ شيء . .

جاوبها دانيال أحَنا أصدقاء ماتيلدا گالت النا بالشغل هي، ما موجودة بالشقَة ردنا نروح گالت لا لا ترحون تعالو تفظلوا بشقَتي دقايق وتوصل وأني جارتها أم صلاحَ أقرب الناس إلها بهالمنطقَة

- الله ياخذها چَنت أحبها وأمن بيها حتئ أختي أخليها تنام يمهَا من أطلع ويَ إبراهيم دائمًا تگلي روحي وأختچ يمي بأمان تالي طلعت تشتغل وي قَاتلي

لـورين: أي!! أمنا بيهَا ودخلنا گعدنا علئ الكراسي وأنشوفها مُتوترة وتفتر تروح وتجَي وبيدها موبايلها صراحةً دانيال قلق وأشر علية إنُ نطلع ما أرتاح إلها أبدًا

تالي أعترضت وگالت ما تطلعون قبل ما تشربون العصير وبلسانها الحلو كسبتنا وخلتنا نطمئن ونأمن بيهَا شربنا العصير وگعدت تسولف ويانا

شَوي وحسينا بدوار وگبل فقدنا الوعَي وَ وگعنا علئ الأرض مُتمددين ، گعدنا ورا ساعات ودوخه قوية وألم فضيع براسنا، ايدينا ورجلينا مُربطين وإبراهيم گبالنا لازم المُسدس ويبتسَم بحقاره

"گلبي نعَصر خليت ايدي علئ راسي: "سوووودة علية الله ياخذك يا إبراهيم ويخلصنا منك ومن جرائمك الله يشوفني بيك يوم كُلششش قوي وأنتقم منك وناخذ بثارنا يا سافل يا كلب!! ولچ گلبي اذاني شلوون بيه أخخ كملييي كمليي!!

لـورين: سلامة گلبچ شنسوي بعد هذا حظنا، ٦٠ يوم ضگنا بي المُر والعذاب ما شفنا الشمَس بـَس دقيقة بكُل يوم، الأكل نص خُبزة ونص كوب مَي بين كُل يومين وانواع العذاب النفسي شوفنا الحمدلله دانيال جان يمي ولا ميته أني من أول يوووم!

- عدت علئ خَير الرب ويانا أعتصَمي بي وإبراهيم نهايتة قربتَ وأني أوعدچ بهذا الشيء ربي يساعد گلبچ علئ إلي أتحملهَ

تنهَدت وزفرت نفس بقهِر . .

لـورين: إن شاءالله حِبيبتي..

- شلون طلعتوا وشردتوا من إبراهيم ؟!

لـورين: سمعناهُ مخُطط يزوجچ لشخص وعنده مُخطط تدمير الچ وبيومهَا قتل الحراس كُلها ما نعرف ليش وشنو سوو! وضل يكسر الغراض احنا خفنا كُلنا هاهية اليوم يومنا ورح يقتلنا مثلهم بـَس تركنا بقينا يومين وحدنا وما اجا علينا

- هاليومين اسوء يومين مرت علية چَنت مُنهارة كُلش الغبية بسبب حُبي لإبراهيم!! دخل للسَجن وچانت روحي تموت الف موته بكُل ليلة! شگد كرهت هالأيام ما تنعاد ولا غلطتي رح تتكرر

تعلمت دروس مو بـَس درَس من هالعلاقة السامة الخادعة الكاذبة ، ما أصدگ أي شخَص بسهولة ولا أثق بأي شخص يدخل لحياتي بأسم الحُب

لـورين: الرب ياخذ حقنا منهُ

- أمين ، كملي لورين

لـورين: أيي تالي مَرت أيام كُلش طويلة بحدود الشهر وأحنا وحدنا وجان اكو برميل ازرگ بي مي نروي عطشنا وأكل خبز يابس يعني ما تصورين شگد تعبنَا وبالأخص أني يصير عندي اغماء ودانيال يحاول يقويني بكلامةَ كُلش أنتهيت تخيلي ما تدخل اكلة سليمة لمعدتچ شهرين عايشة بـَس علئ المي والخبز ونحاول نستقوي بيهم!!

ودانيال يحَاول بكل طريقة نطلع وفعلاً سويناها وشردنا بعدما حفر الحايط وطلع حفَرة كبيرة شفنا الشمس والفرحة ما وسعتنا، ضلينا نركض نركض لحدما بعدنا عن المنطقة كُلش، وصادفنا شارع عام تالي دانيال أخذ مُوبايل ولد الرب يحفظة لأهلة عبر من يمنا بدراجتة قنعة دانيال إنُ الموضوع ضروري فأنطاهُ جهازة مُباشرةً أتصل عليچَ وهو فحطان راد يكمل كلامة بـَس أنقطع الأتصال

- سودة علييية!! جعلك إبراهيم بنار ما تطلع منها، وشصار بيكم وراها ؟

لـورين: رحنا للقصر دانيال طلع صديق قَديم لأبـاذر! ولأنُ هو ضابط ومعارفه كثيرَة بـَس علاقتهم مو قوية، حچينا كُل شيء اله ولذو النون بـَس گالو ما نحچي للاغا لأنُ مريض وما نتوقع رده فعلة شنو رح تكون

فگعدنا بكرڤان ورا القصَر ليلة وحدَة، الليلة الثانية صارت الجريمَة گعدنا مفزوعين وصار إلي صار ورب يسوع ما إلنا ذنب وما قتل دانيال الحارس وأمنا العذراء !!

حاولت اللطف الجَو من شفت دموعها نزلن علئ خدها من جديد . .

- وأني اگول شلون أثنينهم نايمين بالگرڤان وحدهَم ! طلعتوا مخطوبين وأني مثل الأطرش بالزفة وعبالي بكائچ لأن صديقچ معبالي حبيبچ وطلعتي عاشقة ولهانه مممم

ضحِكت وما ردت ، تقربت ومسحت دموعها وبستها بخدهاَ . .

- لا تخافين يطلع إن شاءالله

- الرب يسمعَ منچ

- صُدگ هسة خالاتي وينهم ؟؟

لـورين: بالقرية

أستغربت وجاوبتها: "يا قرية ؟

لـورين: قرية عبد القادر

- شيسوون ؟

لـورين: من اجينا للقصر وسولفنا لأخوان الاغا، دانيال گال وأمهاتنا شلون نتركهم وصارلنا شهرين ما نعرف شلونهم؟ تالي طلعت أمي مقدمة بلاغ علئ اختفائنا والمن تتوقعين؟ لاباذر! تخيليي! لانُ المركز الي يشتغل بي بمنطقتنا الي عشنا بيها

فالشيء فرحنا نوعًا ما واخذنا بسيَارتة للبيت الإيجار مالنا وما تصورين شنو حال أمي! صايرة صفرة والشفة بيضة وأم دانيال هم بيومها بچينه بچي بـَس الله يعلم بي! ما صدگن احنا رجعنا صارن يحيرن وين يبوسونا وبچي لساعات طويلة!

صلينا صلاوات القداس وقرينا الأنجيل وطلعنا للقرية أمنا أمي وأم دانيال هُناك ورجَعنا أني ودانيال بسيارة أبـاذر بليَل للقصر سكنا الگرڤان وطبعًا أبوهم عبد القـادر يدري

- أنتو گايلين الهَم إلي خطفني هو F ؟

لـورين: طبعًا لِا! دانيال ما قبل خاف عليَچ لا تتأذين

- لعد شنو! مو گلتي حچيتوا كل شي لأخوان الاغا ؟

لـورين: صحيح حچينه كل شي وإنُ أنتِ أنخطفتي بـَس علئ أساس إبراهيم حبيبچ هو الخاطفچ لأنُ تزوجتي غيره وهالسوالَف لزگناها، يعني ما گُلنا المُجرم أو سولفنا الهم علئ حياتَچ وماضيچ

- أها زين عفية.. بس والله راسي رح ينفجر من كلامچ إلي سمعتَه ما مصدگهَ دانيال يحبَچ وأنتِ تحبينهَ شلون! منين اجيبها ما ترهم

لـورين: ههههه ليـشَ ؟ ، وصُدگ المُفروض تباركين إلنا مو صِح ؟

- أي الف مَبروك اصدقائي تتهَنون يا رب

لـورين: ليـشَ أحسچَ ضَجتي

- يمتة أني فرحانة

لـورين: لِا أقصد بسبب خبر خطوبتنا

- بالعِكس ليـشَ أضوج أنتو أخواني وأتمنالكم إلي أتمناهُ إلية ويارب تتوفقَون بحياتكم سوية ونخلص من كُل المصايب والمَشاكل

بـَس گلتلچ الخَبر مُفاجئ وما چَنت مفكرة إنُ ترتبطون من سابع المُستحيلات أصلاً لأنُ ما چَنت اللاحظچ تميلين لدانيال أو تمتلكين مشاعر الهُ فمن گلتيلي أنصدمِت ولسه ما مستوعبَة أعذريني

لـورين: مممم ماشي گلبي

- حَليانة يا كلبة هيچ الحُب والخطوبة تحلي هضيمهَ

لـورين: هههههههه هسة هذا ذم مدح

- الأثنيَن بعدروحي وياچ وحدة عدها عوق بالمَشاعر ما تعرف تتغزل مثل الناس الطبيعية تكسر وتجبر

لـورين: أعرفچ أعرفچ ، زين اگلچ صُدگ كاردينيا وينها ما شفتها ؟!

جريت حَسره مِليانه اهات وقهِر . .

- عند إبراهيم النذل

لطمت علئ صَدرها وگالت: "چذذذب!!..

- وغلاتچ..

ضلت ساكتة ما تعرف تجَاوب بـَس القهر ينقري بالعيون وينَشاف الحزن المرَ علينا . .

لـورين: شلونها ؟

- بالضيم خيهَ خليني ساكتة

لـورين: أوووي يا وجع گلبي هالترفه كاردينيا ما تتحمل شلوون حالها هسة يم هالنذل إبراهيم!! اوووف ربي هونها كُلشششش تعبنا !!

- كُل ضيق إله فرج وأني عندي إيمان بالرب قوي إن شاءالله ترجعلي أختي سالمة لحضَني !!

لـورين: إن شاءالله يا ررربيي!

ضلينا ساكتات دقايق طويلة أجر نفِس گوه وهي اطكطك أصابيعها بتَوتر . .

أجت الخدَامة بأتجاهي وگالت مُوجهة الكلام إلي . .

- Madam Matilda, Bay Ağa bahçenin arkasında sizi bekliyor

" سيدتي ماتيلدا ، السيد أغا في انتظاركِ خلف الحديقة "

أستغربت بـَس هزيت براسي بمعنئ اوكِ" وهي راحت . .

- شرايد حظييي

لـورين: روحيله شوفي شنو يريد منچ

- ضايجة منه ما أروح

لـورين: ليش

- يگلي أم راس اليابس عاد ما تحملت وشمرت الخواشيگ علئ وجهة اجا ولوا ايدي اذاني الحقير

لـورين: هههههههههههه توم وجيري هَآ ؟

- انچبي بلا زحمَة

لـورين: رووحي بربچ شوفي شعندهَ شيريد بوسة حضن

- طالعة عينچ ها ظاهر دانيال طلعها الچ بهالشهرين ها يا ادبسززيه

لـورين: عيب هالسوالف بنتي درروحي للاغا مالتچ

- رااايحة رااايحة يا فاسقة

بقت تضحِك عفتهَا وطلعت من الصالة فتحت باب الرئيسي وطلعت من القصر اتمشيت بهدوء ورا الحديقة أباوعله واگف يم الزرعَ والورد يد بجيب بنطرونه وايد الثانية لازم بيها وردة ويفر بيها . .

شافني وأبتسَم . . مشيت بأتجاهة

الاغـا: اغشعتو ويحد حلو يتمشى جنبي
في بوجو كُل الحُلى دخيلك يا ربي
يتمشى رشيق الطول يا مُحلى حُسنو
قلبي تشقلب يوم قغبتو منو
دحقت أنا بقامتو مثل البدر طلتو
مشكور يا ميمتو جبتيلي حُبي

جَاوبته من ورا خَشمي: "الله الله اعدد..

وگفت يمَه أبتَسم وقدملي وردة حِمرة . .

الاغـا: أسف إذا ضوجتكي صليبي المُميز

حِسيت نبضات گلبي تسارعت أخذت نفِس بالگوه وبقَيت ساكتة!!

الاغـا: ول ابويي عُمغي أنتِ ..

قطف وردة مسحها علئ خدي بهدوء وخَلاها علئ شعري وهِو مُبتسم . .

الاغـا: مَن مِنكُمَا الوَردُ أنَا الآنَ مُحتَار ‏وردُ الغُصونِ على شَعركِ ينهَارُ

- أني بشرَ وإلي علئ شعري وردة وهي نبات

الاغـا: اشكغكي علئ هالمعلومات الخطيغة

- ولو تدلل رئيسييي..

الاغـا: اذني اشبيكي اقولككي أنتِ ما طبيعية قد أتغزل فيكي غدودكي تجلطني ولكعبة

- أوي يعني مُنتظر أرد عليك بكلام حلو

-الاغـا: مشكوغ سلامتكي لا تقوليلي شيء بـَس خليني أصفن صفنة الميتين علئ عيونكي

- الرب يسلمك أسولف وياك وأعتبره غزل ؟

-الاغـا: أنتِ خَليتي السوالف نابعَـة بِغوحي قَصايد

ضلِيت ساكتة من صُدگ حسيت بخجَل يحچي بهمس وبنبرهَ تجلطني گلبي نبضاته تتسارع وتتضاخِم وايدي ترجف وجسمي يكزبر وحوالي تتخربطِ!

تأتأت بالكلام وشعِري صرت الفه علئ أصبعي بتوتِر وخجل وأرتباك فضيَع

- أنت ليـشَ أسلوبك حلو وياي وين تريد توصل؟

-الاغـا: لقلبكي

ضليت صافنة بوجهة.. وهو ضحك: " خدودكي صاغو حمغ كثيغ ول ابويي يا ويلي ويا ويل حالك يا الاغا..

ومدري ليش أتمايزكِ وردة قرنفل اتيه غُوحي بـريحتكِ و أحتار مِن يا صفحة أشمكِ !

- كافي اغا والله دا تخجلني وتوترني هسة أروح

-الاغـا: يلوق الخجل بـَس لكي ، أحلئ من يخجل والله! خدودكي الحُمغ تنباس ما يكفيها غزل بووية

- لحيت شبيك كافي

كفخني علئ راسي وگال: " امشي بوية امشي مو وجهة غزل أنتِ..

- علئ أساس خدودي تنباس ما يكفيها غزل

لزم ايدي وجرني لصدرة قبل ما احچي كلمة خلا ايدهِ علئ شفايفي وباسني بخدي . .

دفعتة ومسحت خدي . .

- اييييع لا تعيدها

-الاغـا: أنا ليش صحتلكي أنا الغلطان أمشي أغجعي غايح أتمرن مع الهاسكي أشرفلي

- صار وقتك ويَ الكلب أحسن من وقتك ويَ ماتيلدا يا وسفه روح عمي روح كفيني شرك مشكوره علئ غزلك ما قصرت زوجي العزيز

-الاغـا: تأتين دائمًا كشيءٍ يود الإنقاذ

جَاوبتة وعيني بعينهُ:" مُهما كان البقاءُ دافئًا دائمًا تُغريني المُغادرة..

-الاغـا: عرفت أنهُ الحُب حين كانت كُل الأسباب تدفعني للرحيل لكنني أصريتُ على إكمال طريق نهايتهُ مجهولة

أبتسمَت و َرديت: "الطريق إلى قلبي طويل، طويل جدًا كُل من صادفتهم في حياتي لم يصلوا إلية بعد..

-الاغـا: ‏أحبّيني وما مَلكت يميني ‏وهِيمي في هَواي وقدّسيني ‏وكُونِي لِي كَعُقد الجيد قربًا ‏وربّك لَنْ تَخيبي صَدّقيني! ‏وكُوني وَردة وأكون ماءً ‏لأسقيك المشاعر من حَنيني ‏

تعالي وأحمل الأشواق وردًا ‏وأحمل عنّك فـاجِعة السِّنين ‏وأبني حَولكم حصنًا حصينًا ‏بأحضان تقيك ولا تقيني ‏فهبي نحوَ قلب لا يجارى ‏ولا تَطغي إلى أن تَعرفيني . .

من كلامه وغزلة العلني عرفتهَ يحبني ودا يلمحلي! المشكلة كلامه حلو وحنين وأسلوبة حلو بـَس الطريق لگلبي فعلاً طويل ما أريدة يتأمل بيه تالي ينكسر گلبه من أبتعد عنه!

تالي اتذكر إبراهيم وتهديدة والشرط مالهُ إذا ما أتقرب من الاغا شلون أعرف الرام والخزنة ؟

أحِس صار صراع بين گلبي وبين عقلي بين عاطفتي وبين أنتقامي..

أبتسمت بوجهة بحُب ما أحب أكسر بالخواطر ونوب خاطر الاغا ؟ ..

لزم ايدي وهو مُبتسم وگالي امشي ندخل للقصر ماتيلداتي . .

تالي اجَا شخص لابس أسود بأسود وبيدهَ مُسدس شكله يخوف أرتعبت أشر علية الاغا بعيونهُ إنُ روحَي اوكفي علئ صفحة هزيت راسي وأبتعدت بمسافة عنهم وأني أسمع لحديثهم . .

-الاغـا: اهلاً بيك زياد

زيـاد: مُرحبًا رئيسنا شلونك ؟

-الاغـا: عِال العال جبت الغراض ما صح ؟

زيـاد: أي حاليًا بسيارتك

-الاغـا: مليح فد ساعة واغوح

زيـاد: بغاحتك يلا مع السلامة وسلملي علئ الوالد

-الاغـا: الله يسلمك يوصل

راح وأني وكفت يمهُ گلتله بفضول :" منو هذا زياد ؟

-الاغـا: بوسيني واقولككي

- عوف ادبسززيتك وجاوبني صُدگ احچي

-الاغـا: صديقي

- اها الله يهنيكم

-الاغـا: أي جابلي أشيائي طلبتهم من أسبوع

- شنو هنه ؟

-الاغـا: مسدسات وأحزمة ولخ

- أهااا حلو أستفاد منهم يصير ؟

-الاغـا: انچَبي

- نوب يگلك رئيسنا وأنتو أصدقاء عجيب أمركم

-الاغـا: أي ما أحب أحد يناديني بأسميَ

- صُددددگ علئ طاري اسمممك الله علييييك گول إلية شنو أسسسمَك والله ما اگول لأحِد شلعت گلبي احچي حابه أعررف

-الاغـا: هههههههههههه ليـشَ مُهتمة

- غير زوجتك أريد أعرف

-الاغـا: الحمدلله من أعتغفتي بلسينكي أنتِ زوجة الاغا

- هسة غير يغرد يلا عفية شنو أسمَك ؟

-الاغـا: ذو الفقـــــار

شهگت ومُباشرةً تخوصرت وگلتله بأنفعال:" برررربك أسمك ذو الفقــار وما عااااجببببك كُل هالفخاااامة وجمااال الأسسسسم ما عااجبببك الله يررزززق جوووز الماعندده سنوووون

-الاغـا: أنا يعجبني الاغا بـَس

- دام هيچ إلا كُل يوم أسمعك صبح وليل بأسمك ذو الفقار وذو الفقار وما اگول بعد الاغا هم أسهل وهم أضوجك أضرب عصفورين بحجر واحد

-الاغـا: أنا شلون ويَ أم غاس اليابس والعنيدة

- تروحلي سبعَ فدوات ذوذو

-الاغـا: ذوذو شنو طاح حظج

- الله شگد حلو حرف الجيم منك مليت من الكاف والغين

-الاغـا: ترحين سبع فَدوات لكلامي

- أسمع أسمع يگول الشاعر بلسانك ثگيلة الراء من عدها عشقت الـوغدي والعصفوغ

-الاغـا: ومن عدها عشقتي صاحبها

- اگولك گول روحي

-الاغـا: غوحي يا بعد غوحي

- حلوة الغين منك علئ فكرة يعني ، يا ذوذو

-الاغـا: اللهم اسئلك الصبر

- فقوري يا فقوري وچهك چنه قوري

-الاغـا: انچبي ماتيلدا

- فقوري وچهك چنه قوري ومواعين الفرفوري

-الاغـا: لا تخليني أدوس ببطنكي هسسسة!

- سكتنا داده اصلاً كُل الجمال بيك لا تزعل أشاقة زوجي حِبيب غوحي وعمغي

-الاغـا: من كُثغ حُبكي إلي صغتي تحكين مثل لهجتي هم نعـمَة

- يا وسفهَ غير أنت زوجي شلون ما اقلدك

الاغـا: هضيمَه

- يلا ذو الفقار رايحة أدخل جوا الله شگد حلو أسمك أحس صار تغييَر صارلي شهِر لازگ بأسمي الاغـا

-الاغـا: من حُبكي صغتي تشوفين أسمي حلو أم غاس اليابس

- ترا أسمك حلو بـَس أنت تتعاير

-الاغـا: ويلوموني بيكي امشي يابا امشي

- ذوذو

-الاغـا: امشششششششييي

- يا ويل حااالي ول ابوووويي

دخلني بالدفعات للقصر وأني أضحك گعدنا سوية علئ القنفة بنص الصالة وهو يخزرني وأني أهمسله وأقلد علئ أسمة ويبقئ مخنزر وعاقد حاجبة وطابگ ايديه

وگبالي عبد القادر شافني وضحِك أحس ضحكتة مو خالية ابد ويقصد بيها شيء

عبد القـادر: ايمتئ تصيغ عائَشتي مليحه وأبوس خدها . .

دگ بسامير أعرفها يقصدني رفعت حاجبي وما رديته شكِبره وسوالفة مال مُراهقين . .

رفع ايدي الاغا وباسهَا وهِمس بأذني: " أطلب منكي طلب بدون تعب ياعمغي..

- أي شنو تريد ؟ اركصلك

ضحِك بصوت عالي علئ رغم أني حچيتها عادي ومو بقصد أضحكة . .

عبد القـادر: ضحكونا معاكم يابَا

جاوبتةَ بأبتسامة: " شيء خاص بينا أني وزوجي سُر سعادتي ..

عبد القـادر: ممم أي الله يهنيكم ويديمكم لكن أحنا شنو أنريد أهم شيء سعادتكم بعدغوحي

- عمو الشَريف النَادر تسلملي

ضحك وعصر ايدي باوعتلة مُبتسمة رفعت حاجبي بمعنئ" ها شكو . .

-الاغـا: غايد مُسدسي لأنُ غاح أطلع أصعدي للغرفة جيبي موجود بالمُجر

- ها يا مسدس

-الاغـا: اشبيكي مسدسي الأسود الي مخلي بالمَيز

- أهاا بيها الخير

-الاغـا: اشنو تقصدين ؟

- ها ولا شيء أقصد ماكو شيء سلامتك

-الاغـا: أي يلا أنتظغكي

- ماشي

-الاغـا: وإذا تعبانة ومابيكي حيل لا تغحين أقول لأختي ساندرا تجيبو

- لااا للااااا أني أجيبه سهلة

-الاغـا: تمام صليبَي

- عيونهَا

-الاغـا: أبوسهم رَمش رمَش

أبتسمت وگمت . . صاحتلي لورين وهي تگول مُوبايلچ يرن ماتيلدا گلبي حِس هذا F ركضِت بسررعة قبلما أحد ياخذة غيري . .

رحت أخذتة وگلتلها منو ؟

لـورين: يمكن إبراهيم لان رقم مجهول

- لچ شششش نصي صوتچ انفضحنا

لـورين: صوتي ناصي شبيچ منو يسمعني

- ما تدرين عندي سجاوي الوردة اذانها تتنصت كجهاز عن البعد وكلش قوي تسمع حِتئ الهمس

لـورين: صُدگ لهدرجة

- أي عيني أي الله يساعد گلبي

لـورين: أمين يلا ردي وگوليلي بعدين من تخلصين المكالمة شنو يريد

- إن شاءالله يارب تعدي علئ خير

لـورين: أمين لا تتوترين ..

- ماشي..

وگفت علئ صفحِة بعيدة عن الكُل رن مرة الثانية ضغطت رد وجاوبتة . .

- الو ؟

إبراهيـم: أحا بوية شگد مُشتاگ لهلصوت شلونچ مشتاقين كبد عُمري

- الله ياخذك وياخذ عُمرك

إبراهيـم: شَـرستي عليم الله مُشتاق لوجهچ ورايد اشوفچ

- تخسى تشوف أظفر مني ليش متصل علية شنوو تريد تسويلي مصيبة جديدة احچي ؟!!!

إبراهيـم: أريد أعرف شنو التطورات بعلاقتكم

- علاقة منو بلا زحمة ؟

إبراهيـم: علاقتچ أنتِ والاغـا

- ماكو شيء جديد

إبراهيـم: وصلتني أخبار هالأيام صايرين مُقربين

- أي شفتهَ رجال وتقربت منهُ

إبراهيـم: دانيال باچر يطلع

- صُدگ ؟ شلون رح يطلع

إبراهيـم: مُرتضئ رح ينحبس بمكانة

- ومُرتضئ شنو ذنبه ؟

إبراهيـم: ما يخصچ بابا

- تاكل تبن وتجاوبني لِا تشوف روحك تخوفني ترا صارت مثل شربهَ المي كلامك وتهديدك أضحك عليهم

إبراهيـم: بـَس تنفذيهم وأنتِ الممنونه ههههههههه

- رح أسدهَ بوجهك

إبراهيـم: سدي ويوصلچ ڤيديو لأختچ هالمرة أسويها وأكصص ايديَها جزء جزء

- يا خسيس يا كلبببببب والله إذا مديت ايدك عليها كااافي الله ياخذك كااافي اسوي الي تريده بـَس لا تأذي أختي كاردينيا ما إلها ذنب ولا دخل لخاطر الله كااافي

إبراهيـم: العصبية ما تلوگ لأمرأة شرسَة مثلچ صدگيني تتعبيَن يلا هانت ما ظل شيء تحملتي هواي وصبرتي علئ كوارثي بقئ بـَس القليل هههههههههههههههه

- الله ياخذك يا نذل"!!!

إبراهيـم: الرام أريدة بالوقت الي حددته الچ "سنتين وأربع أشهر" دا تفتهمين علية ؟ تقربي من الاغا وأخذي المعلوومات خلص الشهِر الأول ودا يبدي العد التنازلي

- ليـشَ رايد اسلم الك الرام بالتاريخ بالضبط ؟

إبراهيـم: بهالتاريخ والدي يخرج من السجَن

- مسجون ! وعندك أب ؟ علئ أساس كل عائلتك متوفية!

إبراهيـم: هههههههههههه بابا هاي شخصية إبراهيم المُستعارة كُل شي حاچي الچ كذب أدق التفاصيل وأكبرها شرسَتي

- وحضره جناب أبوك ليـشَ مسجون ؟

إبراهيـم: ما يخصچ

- الرب يلعنك أنت وأبوك

إبراهيـم: زين زين يلا هسَة خليني أشوف حبيبتي كاردينتي جوعانة عطشانة صارلها أسبوع بلا أكل شتگولين أوكلها بيدي وبحنيتي ؟

- يا عاارررر لييييش هيچ دا تأذيني بأختي الرب عليك أتركهااا وكل شيء أسوي وأمنا العذراء بـَس لا تأذيهاااا

إبرااهيييييم الوووو جاوووبنييي

قطع الأتصال وأنجنيت ياربي أختي الوحَيدة أحميها إلية لا تفجعَني بيهَا نغزات بگلبي قوية ورجفة ما فارگتني ربي لا تذوق غيري هالشعِور الصعب لا أني للسماء ولا أني للأرض

بهالأثناء بطني أذتني بشكل مو طبيعي صرت اكح بقوَة وأشوف دم ينزل تخبلت!!

حِسيت بدوار فضيع وگع الموبايل من رجفة أيدي لزمت راسيَ وأني أشوف الدرج أثنين!!لحظات قليلة وَ وگعت من طولي علئ الأرض مُغمئ علية..

يتـبع🎭✞ . . .

⭐⭐⭐⭐⭐

لِا تنسون التصويت حبايب قلبي وتفاعلكم😚

توقعاتكم شنو رح يصير 😎🔥 ؟

الكاتبـة #نـمارق⚜️

أحبكم كثيغ يَاروحي أنتو🤤💜