رواية شخوص متداخلة الفصل السابع والثلاثون 37 - بقلم .

روايـة: شخـوص داخلـة

لِا تنسون التصويت والتعليق ع كُل فقرة🔴.

چنّة مِثل ماي وهوى ..
حالة صداقة وحُب سوىٰ
وهسة انهَ واحد مِنهدم
فارگ حبيبة وصاحبة ..
_____

‏في كُل مرة كُنت أتخلى عن شيء أحبه كُنت أفقد جزء من قلبي، الآن يبدو قلبي صغيرًا جدًا لا يكفي للتمسك بشيء ..

كُنت في ليلة غامضة يا صديقي، كان شيئآ ما بداخلي يدفعني للنسيان وأخر يقودني لهاوية ذكرياتي القديمة

كان كُل شيء مظلم لدرجة عظيمة ، أتذكر حين كنت تقول لي بأنك تحب لمعان عيني ؟ لقد انطفئ يا صديق روحي الوحِيدة وشمسي

حدث الكثير لعيني في ليلةً ما كُل شيء ساهم بأن يدفن اللمعان الذي في عيني ، كُل شيء تحرك نحو أسقاطي أرضآ ،

حاولت جاهدة أن لا اسقط حينها ! ولكن أعتذر كثيرًا فقد كانت ليلة متعبة جدآ ، لِا أقوى عليها فسقطت ولم أجد ما اتمسك بهِ ،

أترى لو أقسمتُ إني مُتعبة جداً، وقلبي منذُ ولدتُ حريقُ أتُصدقني ؟

أم تظني أنني من يشتكي الأغلال وهو طليقُ ؟

"كـانَ الأمُر يَشبهُ نَزُِع شاشٍ مُتَصُل بِجرُحٍ طَري".

..

شخطت السيارة بسرعة والمكان فرغ بعدما الكُل راح مع الشرطة، بقيت واكفة بمكاني مُتصنعة القوة، تايهة، مصدومة، منهارة، مُنهدمة بشكل كارثي حالتي يُرثئ لها !!

اجر النفس گوه، الدنيا ضاقت بيه، نغزات قوية بگلبي، والرجفه ما فارگتني لحظة وحدة!

حِسيت علئ ايد ساندرا علئ كتفي التفتت عليهَا وهي تباوعلي بتفاجئ من حالتي ..

سانـدرا: شنو صار ؟ أخواني وينهم الاغا وينه ؟وشبيچ شبيها حالتچ ولچ وجهچ احمر لونچ مخطوف ؟؟!

ما جاوبتها ما عندي طاقة أوضح ولا احچي شيء بقيت مُلتزمة السكوت ..

وما بين الماضي والحاضر والمُستقبل عقلي انقسم، قسم يفكر بإبراهيم وقسم يفكر بدانيال وقسم يفكر بالاغا وتهت وأحتاريت بزماني!

حسيت رح انفجر علئ ساعة! بداخلي صرخة تشل بـَس لسه اگول اصبري ماتيلدا وأتحملي وأكيد هو رح يطلع لأن مظلوم!!

"الاغـا" وياي وبظهري أكيد رَح يطلعه!

رفعت راسي صارت بوجهي لورين واكفة علئ صفحة قريب من باب القصر وعيونها رايحات من البچي حاضنة نفسها وتشهگ وكأنُ حمل الجبال علئ صدرها

مشيت بأتجاها بخطوات مُبعثرة مُتغاضيه عن ساندرا واسئلتها الي كررتها بصوت عالي ومنتظرة جواب واحد مني ..

صرت قريبة منهِا تلمست ايدها بهدوء وگلتلها بصوت مبحوَح:" شلونچ ؟

مسحِت دمعتها من خدها بطرف ايدها وجاوبتني بنبرة مكسورة: " تعبانــهَ كُلش..

زفرت نَفس مُتنهده و رديت: "سلامة روحچ يا روحي من التعَب إن شاءالله يصير خير ويطلع دانيال، امشي ندخل جوا أحسن لأن ما رح نغير شيء إذا بچينا لو ضلينا واكفين هُنا بهالمكان ..

لـورين: صحيح، تمام امشي..

لزمت ايدي تتكئ علية سندتها وما تدري أني رح اوگع والودوخه لازمتني، بـَس دا أجبر روحي ما أضعف وأصبر

دخلنا للقصر وساندرا راحت تسئل الحراس وتخابر الي تعرفهم تسئلهم علئ الأخبار

گعدنا بالصالة عائشة نايمَة، وسجئ واكفة يم راسها بروب النوم وصافنة من شافتني اني ولورين رفعت حاجبها وخزرتني..

سجَئ: اهوو هم رجعن المغثة..

من حلاة روحي ما گدرت أسكت ورديتها طلعت حرگه گلبي بيها عطت بيهااا حيل لدرجة صوتي راح..

- لچ تمشيييين توولين لغررفتچ لا وداعة كُل عزيز اخلي السچين بگلبچ هسة دمشيييييي رووحي من خلقتيييي!!!

سجَئ: وجهة البومة من شفناچ ما شفنه الخير ونوب هي الممنونه وما تقبل احچي عليها وتعيط ادبسزز اله اگول لعمي عبد القادر عليچ شايفه نفسچ شوفه وتجاوزين وترفعين صوتچ عليه أني

- ليش منو أنتِ ؟ ومنو هذا عمچ الخابصتني بي بيچ خيرر سويها وگوليله اذا أنتِ مره

سجَئ: اسواچ واسوا عشيرتچ أني هه هاي اذا طلع عندچ عائلة وعَشيرة ولقب جايه من الشوارع ما نعرف اصلچ من فصلچ وصرتي مرة الاغا علئ الحاضر اخذتي الچ ادبسزز

- مو اگول ما اخلي عقلي وياچ طفلة ما عليچ عتب بـَس تجاوزتي هواااي من هسة ادوس ببطنج أحد يلومني ويگلي ليش ؟

سجَئ: دروحي خابصتني خَبص وأني وأني وأنتِ بوخه اقوئ شيء عندچ تهددين وتطولين لسانچ علية وتصرخين وأنتِ إذا انفخ عليچ تموعين هههههههه

لزمتني لورين من معصم ايدي وهمست الي: "أتركيها ماتيلدا لا تحچين وياها مبين عليها حية تريد تستفزچ بأسلوبها حتئ تنفجرين وتسويلچ مصيبة بسببها ..

تركت ايدها مني بعصبية وجاوبتها بحدهَ:" أتركيني اللعب وياها شوي الظاهر من صدگ ما تعرف ماتيلدا شنو ومنو أتركيني أعلمها درس بسيط حتئ ما تفكر تستفزني وأني بوضع لا يُحسد علية ..

لـورين: بـَس ماتيلدا ! الزمي اعصابچ لا تتهورين

- دعووفيني ولچ دمي محترگ ونار بصدري ما دا ترضا تنطفي ..

رحت بسرعة اخذت السجين من السلة الفواكة وتوجهت الها . .

انصدمت ما عبالها ما رح اسكت ، ارتعبت ورجعت خطوات ليورا بخَوف من شافتني عصبية وجدية وحسويها صدگ ..

گالت بنبرة خِوف وبكلمات مُتقاطعة وعينها علئ السجين ..

سجَئ: شكوو خير يا رب ؟ لا يكون الاغا متزوج مجرمة وما ادري

- وهسة دريتي ورح تتأكدين خاف إذا عندچ شك بهالشيء

سجَئ: أحترمي نفسچ ماتيلدا ولي منااا

- بـَس عاجبني اشوف السجين علئ رگبتچ

سجَئ: ماتيلداا برووح العزاز وليييي منااا ترا روووحي عزيزة وخررري

صفكت ايد بأيد وركضت الها بحركة سريعة صرت يمها ولزمت ايدها لويتها لظهرها

- ها ليش احس رح تبچين ؟ شنو معقولة أخوف بعدني ما مسويتلچ شيء ليش جسمچ يرجف

صرخت هي صرخة هي عيطة رجت القصر . .

سجَئ: أووووي وخرري عنييي ادبسزز

- أعتذري

سجَئ: دنچبي

- اخر مرة اگلچ أعتذري

سجَئ: اكلي تبن فاهمة بابا أني مدام سجئ ما توصلين لرجلي

- أنتِ والهاسكي سوا

سجَئ: لچ كلبة ادبسززز شيطااانة

- من مُميزات الحمير تشوف الشياطين

سجَئ: يا حيواااانة

- أنتِ

سجَئ: عوووفي ايدي

- مو قبل ما تعتذرين

سجَئ: اوووكي اسسفة يا ادبسزز بـَس وخري السجين مني

- گولي أسفة يا حلوة

سجَئ: دنچبي

قربت السجين من رگبتها وضحكت بشر وكأنُ من صدگ حكتلها ، بسرعة عاطت بخوف

سجَئ: أسسسفة ياحلووة بـَس وخرري فدووووه يمممممااااااا

- گولي أحبچ ماتيلدا وبشرط بصوت عالي

سجَئ: أحبچ ماتيلداااااا

- اموت عليچ وعلئ صوتچ وبصوت أعلئ

سجَئ: امووووت عليييييچ وعلئ صوتتچ العندليزي شعندي غيرچ اووي يماااااا بـَس وخرررري عنيي فدووووه

دفعتها وشمرت السجين علئ الأرض صارت تكح قوي تالي ركضت بسرعة للطابق الثاني صعدت بدون ما تگول شي ..

لـورين: ليـشَ ماتيلدا أذيتيها مهما سوت ومهما كان ما يصير نرد الاساءة بالاساءة

- چذابة ما سويت الها شي بـَس لزمت رگبتها بـَس هي تريد حجه حتئ تبچي وتصيح

صديقي بالسجَن والاغا ويا وما أعرررف شنوو مصيرهُ ومصيري أتركيني اطلع قهرري وضيمي بيهاا ..

باوعتَلي بأستغراب وگالتلي: "منو الاغا ؟

هزيت ايدي ضاحكة علئ حالي: " الاغا ما تعرفينه ؟

لـورين: لا وين لحگت احچي وياچ أني

- زوجي سُر سعادتَي

اتفاجئَت وضلت ساكتة..

- علئ أساس ما تدرين تزوجت أجبار عني ؟ بسبب إبراهيم

لـورين: لا أعرف بـَس ما چنت أعرف أسمة اغا، غريب..

- هذا لقب بمعنئ الرئيس أو هيچ شيء، مو أسمهُ الحقيقي

لـورين: لعد شنو

- ما أعرف صراحةً ما گايلي هو ، ولا أحد بهالقصر گايلي علئ أسمة الكُل يصيحوله الاغا حتئ أخوانه وأخته

- ها

تنهدت بقهَر وسكِتت ..

گلتلها: "گعدي علئ القنفة هُنا علما يجون ونعرف شنو حيصير بدانيال ونفهَم..

لـورين: بـَس أريد احچي وياچ ماتيلدا

- بخصوص شنو ؟

لـورين: إبراهيم وإلي صار بأخر فترَة وجيتنا لتركيا

- لا تحچين فِدوۿ لعينچ خليني أسترجع قوتي وطاقتي الي تلاشت ما بيه حيل أسمع قهر وتتأذئ روحي الوحيدة

لـورين: تمام علئ راحتچ

گعدنا أثنينة علئ قنفة وحدة، خلت ايديها علئ راسهَا وبقت ساكتة ، وأني ايدي علئ گلبي ينبضَ بقوة أحاول اهدئ روحي وأخذ شهيق وزفير

من صدمتي بهالليلة ضليت ساعة كاملة صافنة علئ الأرض بدون ما أنطق بحرف ولا تحركت، بين دوامة تفكِيري تهت !!

تالي أجتي ساندرا وكفت يم راسي وهمست الية: " گومي احچي وياچ كلمتين علئ صفحة..

- شكو ياستار ناقصني ضيم بعد ؟

سانـدرا: سلامتچ بـَس كم سؤال اريد تجاوبين عليهم

- تمام ࢪوحَي وأني اجي وراج هم عندي اسئلة

سانـدرا: أوكِ رح أنتظرچ بالمطبخ محد موجود بي لا تتأخرين

- ماشي

راحت وأني اخذت برتقالة قشرتها وضليت اكل أباوع علئ لورين تباوعلي مستغربة من حالتي

قدمتلها قطعة ..
- شبيج تباوعين لحلگي هاج اكلي بخيري

لـورين: تخبلتي صح ؟

- نوعًا ما أي

لـورين: بيها الخير

- عقبالج ضلعه

لـورين: شكرًا ما تقصرين

گمت وأني أشر إلها علئ سلة الفواكة وأكل بالبرتقالة ..
- إذا جوعانة أكلي تفاح كُلش طيب بهيچ ليلة اله طعم خاص تفاح وي جريمة وهبطة وشرطة فدشييي يخبل

لـورين: ياربي دخيلك صديقتي اتخبلت!!

- شبيچ حُبي هاي من علامات العقلانية بـَس أنتِ نفسية

لـورين: واضح

- أي والله شنسوي بعد هذا حال الفقير

لـورين: گامت تخبط مي ودهن

- رايحة أنام تصبحين علئ خير حياتي

لـورين: صُدگ تحچين ماتيلدا ؟

ضربت راسي وضحكت: " اووو نسيت أخت زوجي حبيبي تنتظرني بالمطبخ مع موعد غرامي وصنتي ما اتأخر يلا رايحة الها ..

لـورين: صار الي چنت خايفة منه! چنت خايفة ماتيلدا تفقد عقلها رسمي وفقدتة ما أعرف شنو اگول وأمنا العذراء

- بالچ علئ نفسچ يلا گونايدن

لـورين: عزززه بعينيييييييي

تركتها تلطم وتشهگ وتخبلت بسبب خبالي توجهت للمطبخ أكل برتقال واتمشى بهدوء وادندن ما اعرف شصار بية

يمكن وصلت اقسئ مرحلة بالجنوَن النفسي . .

دخلت المطبخ جرت ايدي ساندرا وگعدتني علئ الكرسي . .

- أوووي عامليني برقة

سانـدرا: عوفي الي بيدچ وگعدي احچي وياچ

- خليني أكل ليش تقتلين المتعة عيب عليچ ترا

سانـدرا: شبيچ تخبلتي ؟

- منو گلچ أني صاحية ؟ باعي اجيبها الچ من الأخير ترا أنتو قشمر ضحكت عليكم وتزوجت الاغا الغامض مالكم وأني طرشه وحولة وعمية وما بيه نفعة سيارة خربانة سكراب وداعتچ

سانـدرا: انصلي علئ مُحمد ونگول بداية أكتئاب ؟

- بابا شنو اكتئاب ينوكل ينشرب عديت هالمرحلة أني

ضلت مركزة بوجهي وكأنُ تقرا عيوني وتحفظ تعابير وجَهي وتفسرهم بدقة وهي ساكتة . .

- أسمعيني قبل ما تبدين مُحاظرتچ الطويلة أنتِ رح تساعديني اطلع صديقي صح ؟

سانـدرا: أكيد إذا هو مُظلوم

- طبعًا وبدون شك!!

سانـدرا: لعد منو الي يسويها برأيج

- هه شيء أكيد F

سانـدرا: ليش يقتل الحارس وهو ما مأذي

- علئ أساس أني إلي مأذيته وهو قتل كل عائلتي بدون سبب !!

تنهدت جرت نفس وضلت ساكتة صافنة بوجهي ما تعرف شنو ترد . .

- مُنتظرة تگعد عمة عائشة حتئ أستفسر منها وأعرف منها شنو شافت وبس أرتاح من الصبح يبدي اللعب ابدًا ما رح اعديها علئ خير

سانـدرا: إن شاءالله وأيدي بأيدچ أي شيء تحتاجينه الكبيرة قبل الصغيرة أني وياچ وأساعدچ

- اشكرچ ما تقصرين حبيبتييييي

سانـدرا: طرشتيني شبيچ ههههه

- هاي من حُبي الچ عيني

ما حسيت غير نزلت دموعي علئ خدي . .

حِضنتني بسرعة ضليت اصرخ بصوت عالي وكأنُ بـَس ردت سبب حتئ ابچي واطلع الي بداخلي !!

بقيت اصرررخ ابچي واشهگ وهي تصبرني وساكتة تدري بيه مِنهارة من الي صار . .

سانـدرا: ولچ كاافي هديتي حيلي والله فحطتي گلبي يرووحي أني يمچ

أبتعدت عنها واني اجر نفس . .

- تعبانَة كُلش تعبانة ساندرا ومحد حاس بيه دائمًا أني الطرف الي اكون بي الخسران مشتاقة الاختي الاصدقائي الكلشي!!

مشتاقة لروحي اتخذت البچي حل الي ما أعرف شنو اسوي لأول مرة احس روحي ضعيفة من صُدگ ومحتاجة شخص واعي ينصحني انصحيني فدوه رح اموت وراسي رح ينفجررر!!

سانـدرا: ابچي ؟؟ يلا نزلي دموعچ وخلي عيونچ تحركچ بـَس سؤال اتغير شي من بچيتي جاوبيني ؟؟

رجع الي تنتضري ؟؟ رجعتي ميت بدموعچ ؟؟ رجعتي دانيال من السجن ؟؟ تصالحتي وي نفسچ ؟؟

زين أحد ضرب علئ ظهرج وكلچ إني وياج وامسح دموعچ ؟؟؟ ماكو مو ؟؟؟

زين جربي اضحكي بصوت عالي وشوفي كلبچ حينبض حيل ؟؟؟

مو الكل رح تگلچ ضحكينا وياچ ؟؟؟ مو راح يكولولچ فدوا لهلضحكة الترد الروح ؟؟؟

زين مو عادي تضحكين گدام الكل ؟؟

لا تتوقعين أحد يوگف وياچ بحزنچ كلها تشمتت من يشوفونچ مكسورة الجناح مكسورة الگلب

أنتِ اقوى من هذا الشي لهذا خلي عندچ أمل وإيمان بربچ كبير

- إن شاءالله أحاول أحااول ..

سانـدرا: صعدي ارتاحي الصبح نحچي وضعچ ابد ما يسمح نحچي بأي موضوع!

- ان شاءالله بالچ علئ صديقتي لورين ترا ابيض من گلبها ماكو

سانـدرا: بعيني الأثنين بدون ما توصين حريص

- شكرًا لان سمعتيني

سانـدرا: ما بيناتنا شكر يروحي أنتِ عزيزة گلبي..

أبتسمت الها بيأس وطلعت من المطبخ توجهت بسرعة للدرج صعدت للطابق الثالث فتحت باب غرفتي دخلت ..

وبسرعة شمرت روحي علئ السرير حتئ أرتاح كُلش تعبانة وجسمي يون ظهري يأذيني

ذكرياتي السيئة كُلها تجمعت كُل الحوادث المؤلمة الي صارت والي أتعرضت الها . .

افرك براسي أجت ببالي أختي قبضت ايديه بقوة خليت المخدة بطرف حلگي وصرخت

طلعت كل شي مكتوم بداخلي ارتاحيت وبنفس الوقت محد يسمعني

أتذكرت إبراهيم لعبت نفسي وردت أتقيئ كل ذكرياتنا خطرت ببالي اريد اطلعة من تفكيررري اريد امحي كُل شي صار بينا

دخلت للحمام غسلت وجهي بمي بارد ونشفته اباوع بالمرايا عيوني حُمر وجهي اصفر ومدري شصاير بحالي شعري مُخربط وكُل شيء مو نظامي ولا طبيعي

طلعت تمددت سمعت رنة موبايلي گمت باللامبالاة . .

شفت المتصل مجهول هزيت ايدي وضحكت ضغطت رد . .

- اهلاً وسهلاً بالدمر حِياتي

اجاني صوته وهو يضحِك ضحكته إلي تكسر طبل أذني . .

- أحُب إلي يعرفني وإلي حافظني وإلي مُهتم بيه وبتدميَري لحياتة . .

سمعت كلامة وأني أفتر بالغرفة طلعت من الميز مُسدس ضليت اللعب بي بأصبعي وافره وأني أضحك ،

- تدري نهايتك صارت كُلش قريبة ؟

جاوبني: " لعد شگد محظوظ إذا أموت وبشرط علئ ايدچ ، ودين مُحمد

- ليش أتصلت ؟؟

- تردين صديقچ يطلع من السجن صح ؟

- دانيال أنسجن ظلم وأعرف كُلش زين هالتهمة أنت دبرتها و99% أنت إلي قتلت الحارس ماكو غيرك يقتل ناس ابرياء بدون ذنب

- صراحةً تعكر مزاجي وحبيت اتفنن بقتل واحد ويكون من ناس القصر العزيز عبد القادر وصار اگبالي هالحارس الفقير عاد ذبحته شسوي قابل ابقئ ضايج تقبلينها بداعتي ؟

- عررفت!! تماديت بحقارتك وجرمك ، المطلوب مني شنو من هالكلام هذا ؟

- صديقچ من الصعب جدًا يطلع بـَس اگدر اطلعة أنا بكلمة وحدة مني يوصل يمچ وبسلامة هم

- أي ؟

- بَـس بشرط طبعًا

- وهو ؟

- تتقربيَن من الاغـا وتخلينه يتعلق بيچ ويحبَچ إلئ ابعد الحدود وما يرفضلچ طلب تصيرين الهُ الأم والزوجة والصديقة والحبيبة، وكاتمة أسرارة، تخلينه يثق بيچ ثقة عمياء ويأمنچ علئ كُل شيء يخصة

- لأجل شنو ؟ وين الأستفادة والنفع بهالشيء!!

- أريد أوصل للرام إذا تتقربين منهُ رح تسهل عليچ ورح ينطيچ المفتاح الخزنة ويوصلي كُل شيء بأقرب وقت

- وإذا ما سويت علئ الي دا تطلبة؟

- سهلة صديقچ رح ينعدم وأختچ موجودة عندي علئ أي ساعة تنذبح حالها حال الي ذبحتهم

- الرب ياخذك!! أختي اياك وإن تسويها وتأذيهااا لا تفكررر اصلاً مُجرد تفكيرر إنُ تكسررني بيها !!

سديته بوجهة ما أستحملت أكمل وأسمع كلامة القذر وصوتة إلي يسببلي غثيان . .

شمرت الموبايل علئ السرير بتذمر أنتبهت علئ شخص واگف ورا الباب !!

لزمت گلبي بتَوتر بـَس لا سمع كلامي! ركضت بسررعة مُتجهة نحو الباب . .

فتحتة وأنصدمت من صارت بوچهي سجَئ! . .

يتبـع ✞ 🎭 . . .

⭐⭐⭐⭐⭐⭐⭐

لا تنسَـون التصويـت حبايب 🔥♥️

توقعاتكم ؟ شنو رح يصير يا ترئ ؟

+ ( كُل عام وأنتو بألف خير نياتي يارب سنة ٢٠٢٢ خير علئ الجميع وتحقيق الأماني🤤)

الكاتبـة #نمـارق